ᑐᙵᕕᒃᑯᑦ ᑐᓴᖅᑎᑦᓯᔪᑦ ᐃᓱᒪᒃᑯᑦ ᖃᓄᐃᙱᑲᓐᓂᕈᑎᒃᓴᓄᑦ ᑮᓇᐅᔭᓕᑕᐅᒍᑎᓂᒃ

 (ᑏᓰᒻᐱᕆ 1, 2020, ᐃᖃᓗᐃᑦ, ᓄᓇᕗᑦ) ᓄᓇᕗᑦ ᑐᙵᕕᒃ ᑎᒥᖓ (ᑐᙵᕕᒃ) ᑐᓴᖅᑎᑦᓯᔪᖅ ᓄᑖᓂᒃ ᐃᑲᔫᑎᒃᓴᓂᒃ ᓱᐃᓛᕿᒍᑎᒃᓴᓄᑦ ᐊᖏᓪᓕᒋᐊᕈᑎᒥᒃ ᐃᓱᒪᒃᑯᑦ ᖃᓄᐃᙱᑦᓯᐊᕈᑎᒃᓴᓂᒃ ᐱᔨᑦᓯᕈᑎᓂᒃ ᐃᑲᔫᑎᓂᓪᓗ ᐃᓕᖅᑯᓯᒃᑯᑦ ᐊᑦᑕᓇᙱᑦᑐᒥᒃ ᐋᖅᑭᒋᐊᕈᑕᐅᔪᒥᒃ ᐃᓱᒪᒃᑯᑦ ᖃᓄᐃᙱᑦᓯᐊᑲᓐᓂᕈᑎᒃᓴᓄᑦ ᐱᔨᑦᓯᕈᑎᓂᒃ ᓄᕙᔾᔪᐊᕐᓇᖅ−19 ᖃᓄᐃᒍᑕᐅᓂᖓᓄᑦ.
ᓄᓇᓕᓐᓃᑦᑐᑦ ᖃᓄᐃᙱᑦᓯᐊᑲᓐᓂᕈᑎᒃᓴᓕᕆᕙᑦᑐᑦ ᐅᕝᕙᓘᓐᓃᑦ ᑮᓇᐅᔭᓕᐅᕋᓱᐊᖅᑎᐅᖏᑦᑐᑦ ᑲᑐᔾᔨᖃᑎᒌᑦ ᑐᑦᓯᕋᕈᓐᓇᖅᑐᑦ ᑮᓇᐅᔭᓂᒃ ᐱᓕᕆᒍᑎᒃᓴᓂᒃ ᒪᒥᓴᕐᓂᕐᒧᑦ ᖃᓄᐃᙱᑦᓯᐊᓂᕐᒧᓪᓗ ᐱᓇᓱᐊᒐᑦᓴᓂᒃ. ᐱᓇᓱᐊᖃᑕᐅᒍᒪᔪᑦ ᐊᐱᕆᔭᐅᓂᐊᖅᑐᑦ ᑐᓂᓯᖁᔭᐅᓗᑎᒃ 1-2 ᒪᑉᐱᒑᓐᓂᒃ ᓇᐃᓈᖅᓯᒪᔪᓂᒃ ᑐᒃᓯᕋᐅᑎᓂᒃ ᐱᓕᕆᐊᕆᒍᒪᓂᐊᖅᑕᒥᓂᒃ ᐊᒻᒪᓗ ᑮᓇᐅᔭᖅᑑᑎᒃᓴᓕᐊᖏᑕ ᐊᕕᑦᑐᖅᓯᒪᓂᖏᓐᓂᒃ ᐊᒻᒪᓗ ᒥᑦᓴᐅᓴᒍᑎᓂᒃ ᑎᑭᙱᓐᓂᖓᓂ ᑏᓰᒻᐱᕆ 11, 2020. ᑲᑎᓪᓗᒋᑦ ᐅᓄᕐᓂᖏᑦ ᑮᓇᐅᔭᓕᑕᐅᒍᑕᐅᓯᒪᔪᑦ ᐊᑐᐃᓐᓇᐃᑦ $550,000.
ᐃᓕᓴᖅᓯᓯᒪᓂᒃᑯᑦ ᕼᐊᒻᓚᐃᑦ ᓄᓇᕗᑦ ᓄᓇᓕᖏᓐᓂ ᖃᐅᔨᒪᑦᓯᐊᕐᒪᑕ ᓄᓇᓖᑦ ᐱᖁᑎᖏᓐᓂᒃ, ᐱᔭᕆᐊᓕᖏᓐᓂᒃ, ᐊᒻᒪᓗ ᐊᐳᖅᓯᒪᕕᐅᖃᑦᑕᖅᑐᓂᒃ ᒫᓐᓇ ᐊᑦᓱᕈᕐᓇᑐᒃᑰᑎᓪᓗᑕ, ᑐᙵᕕᒃᑯᑦ …

ᐊᓂᑦᑕᐃᓕᑎᑕᓄᑦ ᓱᓇᖃᕈᑎᒃᓴᑦ ᐊᑦᑐᖅᑕᐅᓯᒪᔪᓄᑦ ᓄᕙᒡᔪᐊᕐᓇᖅ−19-ᒧᑦ

(ᓄᕕᐱᕆ 23, 2020, ᐃᖃᓗᐃᑦ ) ᓄᓇᕗᑦ ᑐᙵᕕᒃ ᑎᒥᖓ (ᑐᙵᕕᒃᑯᑦ) ᑐᓴᕐᑎᑦᑎᒍᑎᖓ ᐊᓂᑦᑕᐃᓕᑎᑕᓄᑦ ᑭᓱᖃᕈᑏᑦ ᐃᑲᔪᕈᑕᐅᓂᐊᕐᑐᑦ ᑭᓱᐃᒍᑎᓯᒪᖁᓇᒋᑦ ᓄᓇᕗᖕᒥ ᐃᓄᐃᑦ ᐊᑦᑐᖅᑕᐅᓯᒪᔪᑦ ᓄᕙᒡᔪᐊᕐᓇᖅ−19-ᒧᑦ. ᐊᓂᑦᑕᐃᓕᖁᔭᐅᓯᒪᔪᓄᑦ ᑭᓱᐃᒍᑎᑦᑕᐃᓕᒪᒍᑏᑦ ᐱᔭᐅᕙᓐᓂᐊᕐᐳᑦ ᓄᓇᕗᖕᒥ ᐃᓄᖕᓄᑦ ᓇᓗᓇᐃᖅᑕᐅᓯᒪᓕᕐᑐᓄᑦ ᓄᕙᒡᔪᐊᓇᖅ−19−ᒥᑦ ᐋᓐᓂᐊᑖᖅᓯᒪᔪᓄᑦ ᐅᕝᕙᓗ ᐊᓂᑦᑕᐃᓕᑎᑕᐅᓯᒪᖁᔭᓄᑦ ᐅᓪᓗᓂᒃ 14-ᓂᒃ ᖃᓂᒋᔭᖃᖅᑐᒥᓂᕐᓄᑦ ᓄᕙᒡᔪᐊᓇᕐᑐᒥᒃ ᐋᓐᓂᐊᓕᖕᒥᒃ.
ᑐᙵᕕᒃᑯᑦ ᑎᓕᐅᕆᕗᑦ ᐃᓄᖕᓂᒃ ᒪᓕᑦᑎᐊᖁᔨᓪᓗᑎᒃ ᒪᓕᒃᑕᐅᔭᕆᐊᖃᖅᑎᑕᖏᓐᓂᒃ ᓘᑦᑖᑉ/ᐃᓱᐊᕐᓴᐃᔨᐅᑉ.
ᐊᓂᑦᑕᐃᓕᑎᑕᓄᑦ ᑭᓱᖃᕈᑏᑦ ᐊᑑᑎᖃᕈᒫᕐᓂᐊᕐᐳᑦ ᐃᑲᔪᕈᑕᐅᓗᑎᒃ ᓄᓇᕗᖕᒥᐅᓄᑦ ᐃᓄᖕᓄᑦ ᐊᖏᕐᕋᕐᓯᒪᐃᓐᓇᓂᐊᕐᒪᑕ. ᑭᓱᖃᕈᑏᑦ ᐃᓄᖕᓄᑦ ᓂᑭᒃᓴᖁᑕᐅᔪᓐᓇᓂᐊᕐᒪᑕ, ᓴᓗᕐᒪᕐᓴᐃᒍᑎᓂᓪᓗ, ᒪᑐᐊᕐᓂᕐᓗ, ᓄᓇᑕᕌᕐᓄᑦ ᐊᑑᑎᖃᖅᑎᑕᐅᓲᓂᒃ ᐊᒻᒪ ᐃᓕᓐᓂᐊᕈᑎᒃᓴᓂᒃ ᓱᕈᓯᓐᓄᑦ. ᑭᓱᖃᕈᑎᑦ ᐊᔾᔨᒌᖃᑦᑕᔮᙱᑦᑐᑦ ᐃᒡᓗᒥᐅᖃᑎᒌᓄᑦ ᐊᒻᒪ ᑐᑭᓯᓯᒪᒍᑏᑦ ᐱᔭᐅᓯᒪᔪᑦ ᑐᙵᕕᒃᑯᓐᓂᑦ ᒪᓕᓪᓗᒋᑦ.
ᓄᓇᓖᑦ ᓄᓇᖅᑲᑎᒋᔭᓂᒃ ᐊᐃᑦᑐᐃᔪᖃᖅᓯᒪᔪᑦ, ᑐᒃᓯᕋᕈᑎᓕᐅᕆᐊᑐᙱᑦᑐᑦ, ᐱᖃᑕᐅᓪᓗᓂ ᐊᕐᕕᐊᑦ ᒫᓐᓇᐅᔪᒥ. ᑐᙵᕕᒃᑯ ᐱᓕᕆᖃᑎᖃᖅᐳᑦ …

ᑐᙵᕕᒃᑯᑦ ᓂᕈᐊᖅᑎᑦᓯᓂᖏᑦ − ᑐᓴᖅᑎᑦᑎᔾᔪᑎ ᓂᕈᐊᕐᓇᐅᓛᖅᑐᒧᑦ

(ᓅᕙᐃᒻᕙ 16, 2020 – ᐃᖃᓗᐃᑦ, ᓄᓇᕗᑦ)      ᓄᓇᕗᑦ ᑐᙵᕕᒃ ᑎᒥᖓᓄᑦ (ᑐᙵᕕᒃ) ᓂᕈᐊᖅᑐᓕᕆᔨᒻᒪᕆᒃ, ᑳᑎᓖᓐ ᓯᖑᑦᓴᓐ, ᑐᓴᖅᑎᓯᖅᑲᐅᔪᖅ ᑐᙵᕕᒃᑯᑦ ᓇᓗᓇᐃᖅᑕᖏᓐᓂᒃ ᓂᕈᐊᕋᑦᓴᙳᖅᑎᑕᐅᔪᓂᒃ ᓂᕈᐊᕐᓂᐅᓂᐊᖅᑐᒧᑦ ᐊᖓᔪᖅᑳᒥᒃ ᑏᓰᒻᐱᕆ 14, 2020.
ᐅᑯᐊ ᓂᕈᐊᕋᑦᓴᙳᓚᐅᖅᑐᑦ ᒪᓕᓪᓗᒋᑦ ᑐᙵᕕᒃᑯᑦ ᓂᕈᐊᕐᓂᕐᒧᑦ ᒪᓕᒐᑦᓴᖏᑦ ᐊᐅᓚᑦᓯᔾᔪᑎᓪᓗ ᓂᕈᐊᕐᓂᕐᒧᑦ ᐊᖓᔪᖅᑳᑦᓴᒥᒃ ᒪᑐᕕᑦᓴᖓᓄᑦ:
ᐊᓗᑭ ᑰᑦᑎᖅ
ᐋᓄᓗ ᓇᑲᓱ
ᑖᒃᑯᐊ ᑎᑎᕋᖅᓯᒪᔪᑦ ᒫᓐᓇ ᐱᐊᓂᒍᑎᖏᓐᓃᓐᓂᕋᖅᑕᐅᓕᖅᑐᑦ.
ᓂᕈᐊᖅᑏᑦ 16-ᓂᒃ ᐅᑭᐅᖃᕆᐊᓖᑦ ᐅᖓᑖᓂᓘᓐᓃᑦ ᑏᓰᒻᕙ 14, 2020 ᐊᒻᒪᓗ ᐊᑎᖃᖃᑕᐅᓗᑎᒃ ᓄᓇᕗᑦ ᐊᖏᕈᑎᖏᓐᓂ.
ᓂᕈᐊᖅᑏᑦ ᑕᓪᓕᒪᐅᓕᖅᑲᖓᔪᑎᒍᑦ ᓂᕈᐊᕈᓐᓇᖅᑐᑦ ᑐᙵᕕᒃᑯᑦ ᓂᕈᐊᕐᓂᖏᓐᓂ: ᑐᖔᓂ ᓂᕈᐊᖅᐸᒌᕐᓂᖅ ᑏᓰᒻᐱᕆ 7, 2020, ᓂᕈᐊᕐᓇᐅᑉ ᐅᓪᓗᖓ ᑏᓰᒻᐱᕆ 14, ᓂᕈᐊᖅᑎᑕᐅᒋᐊᖅᑐᕐᓗᓂ, ᓂᕈᐊᕈᔾᔭᐅᓗᓂ ᐅᕝᕙᓘᓐᓃᑦ ᑎᑎᖅᑲᓂᐊᕐᕕᒃᑰᑎᑦᓯᓗᓂ ᓂᕈᐊᕈᑎᒥᓂᒃ.
https://elections.tunngavik.com/
ᓄᑖᖅ 2020-ᒧᑦ − ᓄᕙᔾᔪᐊᓇᕐᒧᑦ ᐸᕐᓇᓯᒪᓂᖅ
ᓱᓕᒃᑲᓐᓂᖅ ᐸᕐᓇᑕᐅᓯᒪᓲᖑᒻᒪᑦ …

ᑐᙵᕕᒃᑯᑦ ᓂᕈᐊᖅᑎᑦᓯᓂᖏᑦ − ᓇᓗᓇᐃᖅᑕᐅᓯᒪᙱᑦᑐᑦ ᓂᕈᐊᕋᑦᓴᙳᖅᑎᑕᐅᔪᑦ

(ᓅᕙᐃᒻᕙ 13, 2020 – ᐃᖃᓗᐃᑦ, ᓄᓇᕗᑦ) ᓄᓇᕗᑦ ᑐᙵᕕᒃ ᑎᒥᖓᓄᑦ (ᑐᙵᕕᒃ) ᓂᕈᐊᖅᑐᓕᕆᔨᒻᒪᕆᒃ, ᑳᑎᓖᓐ ᓯᖑᑦᓴᓐ, ᑐᓴᖅᑎᓯᖅᑲᐅᔪᖅ ᑐᙵᕕᒃᑯᑦ ᓂᕈᐊᕋᑦᓴᓕᐅᕐᓂᕐᒧᑦ ᐊᖓᔪᖅᑳᑦᓴᒥᒃ ᒪᑐᓂᕆᖅᑲᐅᔭᖓᓂᒃ ᖃᐅᔨᓴᐅᑦ ᑕᓪᓕᒪᓄᐊᖅᑎᓪᓗᒍ (5) ᐅᓐᓄᓴᐅᖅᑲᐅᔪᖅ ᓄᓇᓖᑦ
ᖃᐅᔨᓴᐅᑎᖏᑎᒍᑦ.
ᐅᑯᐊ ᓂᕈᐊᕋᑦᓴᓕᐊᖑᔪᑦ ᑐᓂᓯᓯᒪᔪᑦ ᓂᕈᐊᕋᑦᓴᙳᖅᑎᑕᐅᒍᑎᒥᓂᒃ ᒪᓕᓪᓗᒋᑦ ᑐᙵᕕᒃᑯᑦ ᓂᕈᐊᕐᓂᕐᒧᑦ ᒪᓕᒐᑦᓴᖏᑦ ᐊᐅᓚᑦᓯᔾᔪᑎᓪᓗ ᓂᕈᐊᕐᓂᕐᒧᑦ ᐊᖓᔪᖅᑳᑦᓴᒥᒃ ᒪᑐᕕᑦᓴᖓᓄᑦ:
ᐊᓗᑭ ᑰᑦᑎᖅ
ᐋᓄᓗ ᓇᑲᓱᒃ
ᓂᕈᐊᕋᑦᓴᑦ ᐱᕕᒃᓴᖃᖅᑎᑕᐅᔪᑦ ᓇᒡᒐᔾᔭᐅᒧᓄᑦ, ᓅᕙᐃᒻᕙ 16, 2020 ᖃᐅᔨᓴᐅᑦ ᑕᓪᓕᒪᓄᖅᐸᑦ (5) ᐅᓐᓄᓴᒃᑯᑦ ᓄᓇᓖᑦ ᖃᐅᔨᓴᐅᑖᒍᑦ ᓴᒃᑯᐃᒍᒪᒍᑎᒃ ᓂᕈᐊᕋᑦᓴᐅᓂᕐᒥᓂᒃ.
ᓂᕈᐊᖅᑏᑦ 16-ᓂᒃ ᐅᑭᐅᖃᕆᐊᓖᑦ ᐅᖓᑖᓂᓘᓐᓃᑦ ᑏᓰᒻᕙ 14, 2020 ᐊᒻᒪᓗ ᐊᑎᖃᖃᑕᐅᓗᑎᒃ ᓄᓇᕗᑦ ᐊᖏᕈᑎᖏᓐᓂ.
ᓂᕈᐊᖅᑏᑦ ᑕᓪᓕᒪᐅᓕᖅᑲᖓᔪᑎᒍᑦ ᓂᕈᐊᕈᓐᓇᖅᑐᑦ ᑐᙵᕕᒃᑯᑦ ᓂᕈᐊᕐᓂᖏᓐᓂ: ᑐᖔᓂ ᓂᕈᐊᖅᐸᒌᕐᓂᖅ ᑏᓰᒻᐱᕆ 7, 2020, ᓂᕈᐊᕐᓇᐅᑉ ᐅᓪᓗᖓ …

ᓄᓇᕗᑦ ᒐᕙᒪᖓ ᑐᒃᓯᕌᖓ ᑲᔪᓯᑎᑦᓯᒍᒪᓪᓗᓂ ᒥᓂᔭᓃᑦᑐᓂᒃ ᑖᒃᓯᔭᐅᑎᓂᒃ ᐃᓄᓐᓄᑦ ᐱᖁᔭᒃᓴᒧᑦ 55

(ᓅᕙᐃᒻᕙ 10, 2020, ᐃᖃᓗᐃᑦ, ᑲᖏᕐᖠᓂᖅ ᐊᒻᒪᓗ ᐃᖃᓗᑦᑑᑦᑎᐊᖅ, ᓄᓇᕗᑦ) ᐃᓄᐃᑦ ᐊᖏᙱᑦᑐᑦ ᐊᑭᓕᖅᓱᐃᑎᑕᐅᓂᕐᒥᒃ ᐊᑭᓕᖅᓱᕆᐊᓕᓐᓂᒃ ᐅᔭᕋᓐᓂᐊᖅᑎᓄᑦ ᑳᒻᐸᓂᓄᑦ ᑖᒃᓰᔭᐅᑎᓂᒃ ᐊᒻᒪᓗ ᖃᐅᔨᒃᑲᐃᔪᑦ ᐱᖁᔭᒃᓴᖅ 55 − ᐱᖁᔭᖅ ᐋᖅᑭᒋᐊᕈᑎᓄᑦ ᓇᖕᒥᓂᖁᑕᐅᔪᓂᒃ ᖃᐅᔨᓴᕐᓂᕐᒧᑦ ᐊᒻᒪᓗ ᑖᒃᓯᓕᕆᓂᕐᒧᑦ ᐱᖁᔭᖅ (PATA) ᓴᒃᑯᑕᐅᖁᓪᓗᒍ ᐋᖅᑭᒋᐊᖅᑕᐅᓗᓂᓘᓐᓃᑦ, ᐅᖃᓚᐅᖅᑐᑦ ᐊᖓᔪᖅᑳᑦ ᓄᓇᕗᑦ ᑐᙵᕕᒃ ᑎᒥᖓᓄᑦ (ᑐᙵᕕᒃ), ᕿᑭᖅᑕᓂ ᐃᓄᐃᑦ ᑲᑐᔾᔨᖃᑎᒌᑦ (ᕿᑭᖅᑕᓂ), ᑭᕙᓪᓕᖅ ᐃᓄᐃᑦ ᑲᑐᔾᔨᖃᑎᒌᑦ (KivIA) ᐊᒻᒪᓗ ᕿᑎᕐᒥᐅᑦ ᐃᓄᐃᑦ ᑲᑐᔾᔨᖃᑎᒌᑦ (KitIA).
ᐱᖁᔭᒃᓴᖅ 55 ᐃᓄᓐᓂᒃ ᐱᓕᕆᐊᒃᓴᓖᒍᑕᐅᔪᖅ ᐊᑭᓕᖅᓱᐃᓂᕐᒥᒃ ᐅᔭᕋᓐᓂᐊᖅᑏᑦ ᓇᖕᒥᓂᖁᑎᖏᓐᓂᒃ ᑖᒃᓯᓄᑦ ᓄᓇᐅᑉ ᐃᑭᐊᖓᓂ ᐃᓄᐃᑦ ᓄᓇᖁᑎᖏᓐᓂ (IOL) ᑕᐃᒪᙵᓂᑐᖃᖅ ᐄᑉᕈ 1, 1999-ᒥᒃ. ᐊᓯᓕᒫᖏᓐᓂ ᑲᓇᑕᒥ, ᓴᓇᔪᑦ ᓄᓇᓂ (ᓲᕐᓗ …

ᓄᑖᑦ ᐸᕐᓇᑕᐅᔪᑦ ᓴᐳᔾᔨᓯᒪᒍᑎᒃᓴᑦ, ᐸᕐᓇᓯᒪᒍᑎᒃᓴᑦ ᑭᒡᒍᑎᒃᓴᓪᓗ ᓄᕙᔾᔪᐊᕐᓇᒧᑦ

(ᓅᕙᐃᒻᕙ 9, 2020, ᐃᖃᓗᐃᑦ) ᓄᓇᕗᑦ ᑐᙵᕕᒃ ᑎᒥᖓᑕ ᑲᑎᒪᔨᖏᑦ ᑐᓴᖅᑎᑦᓯᒍᑎᖓ ᓄᑖᑦ ᐸᕐᓇᑕᐅᔪᑦ ᓴᐳᔾᔨᓯᒪᒍᑎᒃᓴᑦ ᐸᕐᓇᓯᒪᒍᑎᒃᓴᑦ ᑭᒡᒍᑎᒃᓴᓪᓗ ᓄᕙᔾᔪᐊᕐᓇᖅ ᖃᓂᒪᓐᓇᒧᑦ ᐊᑐᖅᑕᐅᓗᑎᒃ ᓄᓇᖃᖅᑳᖅᓯᒪᔪᑦ ᓄᓇᓕᖏᓐᓄᑦ ᐃᑲᔫᑎᒃᓴᑦ ᑮᓇᐅᔭᑦ.
“ᑭᒡᒐᑐᕐᓗᒋᑦ ᐃᓄᐃᑦ, ᖁᔭᓐᓇᒦᕈᒪᕙᕋ ᒥᓂᔅᑕ ᒫᒃ ᒥᓚ ᐃᓕᓴᖅᓯᓯᒪᓂᖓᓂᒃ ᐊᔾᔨᐅᖏᑦᑐᒥᒃ ᐱᔭᕆᐊᓕᖏᓐᓂᒃ ᐃᓄᐃᑦ ᓴᐳᔾᔨᓯᒪᒍᑎᒃᓴᒥᒃ, ᐸᕐᓇᓯᒪᓂᕐᒧᓪᓗ ᑭᒡᒍᑎᒃᓴᓄᓪᓗ ᓄᕙᔾᔪᐊᕐᓇᖅ ᐋᓐᓂᐊᒧᑦ,” ᐅᖃᖅᑐᖅ ᐊᖓᔪᖅᑳᒧᑦ ᑭᖑᕝᕕᐅᑎᓯᒪᔪᖅ ᔭᐃᒥᓯ ᐃᑦᑐᓗᒃ. “ᑲᓇᑕᓕᒫᒥ ᐊᒡᒐᒥᓂᒃ ᐅᐊᓴᖃᑦᑕᕈᓐᓇᑎᓪᓗᒋᑦ, ᐅᖓᓯᒌᖃᑦᑕᕐᓗᑎᒃ, ᐊᒻᒪᓗ ᒥᓕᒐᕐᓂᒃ ᑮᓇᕐᒧᑦ ᐊᑐᖃᑦᑕᓂᕐᒧᑦ ᐊᒻᒪᓗ ᐊᑐᐃᓐᓇᖃᑦᓯᐊᖅᑐᑎᒃ ᓈᖕᒪᑦᑐᒥᒃ ᐃᖢᐊᖅᓴᐃᔾᔪᑎᒥᒃ. ᐱᓕᕆᐊᕗᓪᓕ ᐃᒪᐃᒋᐊᖃᕐᒪᑦ ᐊᒻᒪᓗ ᐊᔾᔨᒌᙱᑕᒻᒪᕆᒻᒪᒍ ᓄᓇᕗᒻᒥ.”
ᑐᙵᕕᒃᑯᑦ ᐊᒻᒪᓗ ᐊᕕᑦᑐᖅᓯᒪᓂᕐᓂ ᐃᓄᐃᑦ ᑲᑐᔾᔨᖃᑎᒌᑦ (RIA) ᐱᓕᕆᖃᑎᒌᑦᑐᑦ ᑎᑭᐅᑎᒍᓐᓇᖁᓪᓗᒋᑦ ᐊᑐᕆᐊᓕᖏᓐᓄᑦ ᓄᓇᕗᒻᒥ ᐃᓄᐃᑦ ᓂᕆᐅᙱᓈᕈᔾᔭᐅᓯᒪᑎᓪᓗᑕ. ᐊᕕᑦᑐᖅᓯᒪᓂᕐᓂ ᐃᓄᐃᑦ …

ᑐᙵᕕᒃᑯᑦ ᓂᕈᐊᖅᑎᑦᓯᓂᖓᓄᑦ ᓂᕈᐊᕋᑦᓴᓕᐅᕐᓇᖅ ᓇᓗᓇᐃᒃᑲᓂᖅᑕᐅᕗᖅ ᓅᕙᐃᒻᕙ 2-13, 2020

(ᓅᕙᐃᒻᕙ 5, 2020 – ᐃᖃᓗᐃᑦ, ᓄᓇᕗᑦ) ᓄᓇᕗᑦ ᑐᙵᕕᒃ ᑎᒥᖓ (ᑐᙵᕕᒃ) ᓂᕈᐊᖅᑎᑦᓯᓂᐊᕐᒪᑕ ᐊᖓᔪᖅᑳᑦᓴᒥᒃ ᑏᓰᒻᐱᕆ 14, 2020.
ᓂᕈᐊᖅᑐᓕᕆᔨᒻᒪᕆᒃ (CRO) ᑳᑎᓖᓐ ᓯᒍᑦᓴᓐ ᑐᓴᖅᑎᓯᖅᑲᐅᔪᖅ ᐅᓪᓗᒥ ᓂᕈᐊᕋᑦᓴᓕᐅᕐᓇᖅ ᓂᕈᐊᕐᓂᐅᓂᐊᖅᑐᒧᑦ ᐊᖓᔪᖅᑳᑦᓴᒥᒃ ᓇᓗᓇᐃᖅᑕᐅᓯᒪᓂᖓ ᓅᕙᐃᒻᕙ 2-ᒥᒃ 13-ᒧᑦ, 2020, ᑎᑎᕋᖅᑕᐅᓯᒪᔪᓂ ᓂᕈᐊᕋᑦᓴᓄᑦ ᐊᑐᐊᒐᕐᓂ ᐊᒻᒪᓗ ᓂᕈᐊᕋᑦᓴᓕᐅᕈᑎᓂ ᑕᑕᑎᕆᐊᓕᓐᓂ. ᐅᐃᒍᔭᐅᓂᖓ ᐱᔪᓐᓇᑲᓐᓂᕈᑕᐅᓂᐊᖅᑐᖅ ᐃᓚᖏᓐᓄᑦ ᓂᕈᐊᕋᑦᓴᓄᑦ ᐱᒋᐊᖃᕐᓂᕐᒥᓂᒃ ᐱᕋᔭᓚᐅᖅᓯᒪᒻᒪᖔᖅ ᑎᑎᕋᖅᑕᐅᓯᒪᔪᒃᑯᑦ ᖃᐅᔨᓴᖅᑎᑦᓯᓂᕐᒧᑦ ᐸᓖᓯᒃᑯᓐᓂᒃ RCMP, ᐊᐅᓚᓂᖃᖅᑎᓪᓗᒋᑦ ᐃᓅᓴᓪᓕᒋᐊᖅᑕᐅᓯᒪᔪᒃᑯᑦ ᐋᖅᑭᑦᓯᒪᔭᐅᔪᓂᒃ ᐱᔾᔪᑕᐅᓪᓗᓂ ᓄᕙᔾᔪᐊᕐᓇᖅ−19, ᐊᒻᒪᓗ ᐋᖅᑭᒋᐊᕆᐊᓕᓐᓂᒃ ᓈᖕᒪᖏᓪᓕᐅᕈᑎᑕᖃᕐᓂᖅᐸᑦ ᓂᕈᐊᕐᓂᕐᒧᑦ ᑐᓴᖅᑎᑦᓯᒍᑕᐅᓯᒪᔪᓂ ᓱᓇᒃᑯᑖᓂᓘᓐᓃᑦ.
ᓂᕈᐊᕋᑦᓴᑦ ᑐᓂᓯᓯᒪᔭᕆᐊᓖᑦ ᓂᕈᐊᕋᑦᓴᙳᖅᑎᑕᐅᒍᑎᒥᓂᒃ ᓂᕈᐊᖅᑐᓕᕆᔨᒻᒪᕆᒻᒧᑦ ᑭᖑᓂᐊᓂᐅᙱᑦᑐᖅ ᓅᕙᐃᒻᕙ 13, 2020, ᑕᓪᓕᒪᓄᐊᖅᐸᑦ (5) ᐅᓐᓄᓴᒃᑯᑦ ᓄᓇᓖᑦ ᖃᐅᔨᓴᐅᑖᒍᑦ ᐊᒻᒪᓗ ᑲᒪᒋᔭᑦᓴᓖᑦ ᖃᐅᔨᒪᒋᐊᕈᑎᒃᓴᓂᒃ …

ᓄᓇᕗᑦ ᒐᕙᒪᖓ ᓴᙲᓕᑎᑦᓯᕗᑦ ᐃᓄᓐᓂᒃ

ᐃᕐᖐᓐᓈᖅ ᓴᖅᑭᖅᑕᐅᒋᐊᓕᒃ
(ᓅᕙᐃᒻᕙ 5, 2020 – ᐃᖃᓗᐃᑦ, ᓄᓇᕗᑦ) ᐅᓪᓗᒥ, ᓄᓇᕗᑦ ᒐᕙᒪᖓ (GN) ᓂᕈᐊᖅᑲᐅᔪᖅ ᐃᓚᒍᑦᓯᐅᑎᓂᕐᒧᑦ ᐊᑯᓂᐊᓗᒃ ᑕᐃᒪᙵᓂᑐᖄᓗᒃ ᐃᓕᖅᑯᓯᕆᙱᑕᒥᓂᒃ ᐃᓕᖅᑯᓯᖅᑖᖅᑎᑕᐅᒐᓱᐊᖅᓯᒪᓂᒃᑯᑦ ᓱᕋᑦᑕᐅᓯᒪᓂᖏᓐᓂᒃ ᐃᓄᐃᑦ ᐅᖃᐅᓯᖓ ᐃᓕᖅᑯᓯᖓᓗ ᑲᔪᓯᑎᑦᓯᓪᓗᑎᒃ ᐱᖁᔭᖅ ᐋᖅᑭᒋᐊᕈᑕᐅᔪᖅ ᐃᓕᓐᓂᐊᕐᓂᓕᕆᔨᒃᑯᑦ ᐱᖁᔭᖓᓂᒃ ᐊᒻᒪᓗ ᐃᓄᐃᑦ ᐅᖃᐅᓯᖓᑕ ᓴᐳᑎᔭᐅᓯᒪᓂᖓᓄᑦ ᐱᖁᔭᒥᒃ.
ᓄᓇᕗᑦ ᐱᙳᖅᑎᑕᐅᓚᐅᕐᒪᑦ ᓴᐳᔾᔨᓯᒪᖁᓪᓗᒍ ᐱᕚᓪᓕᕈᑎᒃᓴᓂᓪᓗ ᐃᓄᐃᑦ ᐅᖃᐅᓯᖓᓄᑦ ᐃᓕᖅᑯᓯᖓᓄᓪᓗ ᐊᑯᓐᓂᖓᓂ ᐊᓯᔾᔨᕐᓂᐅᔫᑉ ᐊᒻᒪᓗ ᐊᑦᓱᕉᓐᓂᖓᓇᖅᑐᑰᕐᓂᕐᒧᑦ ᐱᕙᓪᓕᐊᓂᐅᔪᒧᑦ,” ᐅᖃᖅᑐᖅ ᓄᓇᕗᑦ ᑐᙵᕕᒃ ᑎᒥᖓᓄᑦ (ᑐᙵᕕᒃ) ᑭᖑᕝᕕᐅᑎᓯᒪᔪᖅ ᐊᖓᔪᖅᑳᒧᑦ ᔭᐃᒥᓯ ᐃᑦᑐᓗᒃ. “ᐃᓄᐃᑦ ᐃᖅᑲᐅᒪᓂᐊᖅᑐᑦ ᑖᑦᓱᒥᖓ ᐅᓪᓗᕐᒥᒃ ᒐᕙᒪᒃᑯᓐᓄᑦ ᐊᖅᓵᖅᑕᐅᓚᕐᓂᑎᓐᓂᒃ ᓯᓐᓇᑦᑐᐊᕆᖃᑦᑕᖅᓯᒪᔭᑦᑎᓐᓂᒃ ᒪᕐᕉᒃ ᐅᖃᐅᓰᒃ ᐊᑐᕐᓗᒋᒃ ᐃᓕᓐᓂᐊᑎᑦᓯᓂᕐᒥᒃ ᓄᓇᒋᔭᑦᑎᓐᓂ. ᑕᒻᒪᑎᑦᓯᒍᑕᐅᔪᖅ ᐱᖁᔭᖅ.”
ᐄᑉᕈ 2019-ᒥ, ᑐᙵᕕᒃᑯᑦ ᓴᖅᑮᓚᐅᖅᑐᑦ ᐅᓂᒃᑳᒥᒃ ᖃᐅᔨᔾᔪᑕᐅᓚᐅᖅᑐᒥᒃ …

ᓴᐳᔾᔭᐅᓕᒃ ᐃᓄᐃᑦ ᐱᔪᓐᓇᐅᑎᖏᑦ: ᓄᖅᑲᖅᑎᑕᐅᓕ ᐱᖁᔭᒃᓴᖅ 25

(ᓅᕙᐃᒻᕙ 4, 2020 – ᐃᖃᓗᐃᑦ, ᓄᓇᕗᑦ) ᓄᓇᕗᑦ ᑐᙵᕕᒃ ᑎᒥᖓ (ᑐᙵᕕᒃ) ᐅᓪᓗᒥ ᐅᖃᐅᔾᔨᖅᑲᐅᔪᑦ ᒪᓕᒐᓕᐅᖅᑎᓂᒃ ᓄᖅᑲᑎᑦᓯᖁᓪᓗᒋᑦ ᐱᖁᔭᒃᓴᖅ 25-ᒥ, ᐱᖁᔭᖅ ᐋᖅᑭᒋᐊᖅᓯᓂᕐᒧᑦ ᐃᓕᓐᓂᐊᕐᓂᓕᕆᓂᕐᒧᑦ ᐱᖁᔭᒥᒃ ᐊᒻᒪᓗ ᐃᓄᐃᑦ ᐅᖃᐅᓯᖓᑕ ᓴᐳᑎᔭᐅᓯᒪᓂᖓᓄᑦ ᐱᖁᔭᒥᒃ.
 “ᓄᓇᕗᑦ ᐱᙳᖅᑎᑕᐅᒻᒪᑦ ᐃᓄᓐᓄᑦ 1999-ᒥ, ᐃᓄᐃᑦ ᖁᑦᓯᑐᒻᒪᕆᒻᒥᒃ ᓂᕆᐅᖕᓂᖃᓚᐅᖅᑐᒍᑦ ᐃᓕᓐᓂᐊᕐᕖᑦ ᐊᐅᓚᓂᖏᑦ ᑐᙵᕕᖃᓪᓗᐊᑕᕐᓂᐊᕐᓂᖏᓐᓂᒃ ᐃᓄᒃᑐᑦ, ᐊᒻᒪᓗ ᒐᕙᒪᒃᑯᑦ ᐃᖅᑲᓇᐃᔭᖅᑎᖃᓪᓗᐊᑕᓕᕐᓗᑎᒃ ᐃᓄᒋᐊᒃᑎᒋᓂᖓᒍᑦ ᓄᓇᕗᑦ, ᐱᓕᕆᔨᐅᓕᕐᓗᑎᒃ ᐃᓄᐃᑦ ᐅᖃᕈᓐᓇᓯᐊᖅᑐᑦ ᓇᖕᒥᓂᖅ ᐅᖃᐅᓯᑦᑎᓐᓂᒃ,” ᐅᖃᓚᐅᖅᑐᖅ ᐊᖓᔪᖅᑳᖅ ᑰᑦᑎᖅ. “ᑖᓐᓇ ᑐᕌᒐᓕᐊᖑᓚᐅᖅᑐᖅ ᓇᓗᓇᐃᖅᑕᐅᑲᓐᓂᓚᐅᖅᑐᖅ ᐃᓄᓐᓄᑦ ᐊᒻᒪᓗ ᓄᓇᓕᓐᓂ ᐃᓕᓐᓂᐊᖅᑐᓕᕆᔨᒃᑯᑦ ᑲᑎᒪᔨᖏᓐᓄᑦ ᑐᓴᕋᓱᐊᕈᑕᐅᑎᓪᓗᒋᑦ 2007, 2016 ᐊᒻᒪᓗ 2019.”
ᐱᖁᔭᒃᓴᖅ 25 ᑎᑎᕋᕆᐊᙵᐅᑎᓕᐊᖑᒍᑎᖃᓚᐅᖅᑐᖅ ᑭᖑᕝᕕᐅᑎᖁᓪᓗᒍ ᐱᓕᕆᕝᕕᒻᒥ ᐱᓕᕆᐊᒃᓴᓄᑦ ᑎᓕᓯᔾᔪᑕᐅᓯᒪᔪᓂᒃ ᐃᓄᐃᑦ ᐅᖃᐅᓯᖓᑕ ᓴᐳᑎᔭᐅᓯᒪᓂᖓᓄᑦ …

ᑐᙵᕕᒃᑯᑦ ᕿᒃᓵᓇᕐᑐᑰᖅᐳᑦ ᐃᓅᔪᓐᓃᓚᐅᕐᑎᓪᓗᒍ ᑕᐃᕙᑦ ᐊᒡᓘᒃᑲᖅ ᐊᖏᔪᕐᑎᖅ  

(ᐊᒃᑐᕙ26, 2020 – ᐃᖃᓗᐃᑦ, ᓄᓇᕗᑦ) ᓄᓇᕗᑦ ᑐᙵᕕᒃᑯᑦ ᓇᓪᓕᒍᓱᒃᐳᑦ ᕿᒪᑦᑕᖏᓐᓂᒃ ᑕᐃᕙᑦ ᐊᓪᓘᒃᑲᖅ ᐊᖏᔪᑦᑎᐅᑉ.
 
ᑐᖏᓕᕆᔭᐅᓪᓗᓂ ᐊᐃᕙᔩᑦ ᐃᓱᒪᑕᖓᓐᓄᑦ ᑕᐃᔭᐅᓕᓛᑐᐃᓐᓇᕐᑐᒥᒃ ᓄᓇᕗᑦ ᐊᖏᕈᑎᖏᓐᓂᒃ, ᒥᔅᑕ. ᐊᒡᓘᒃᑲᖅ ᐊᖏᔪᕐᑎᖅ ᓴᐳᔾᔨᔨᐅᖃᑦᑕᓚᐅᕐᐳᖅ ᐃᓄᐃᑦ ᐱᔪᓐᓇᐅᑎᖏᓐᓂᒃ 1970-ᖏᓐᓂᑦ. ᐊᒃᓱᒻᒪᕆᐊᓗᒃ ᐃᑲᔪᓐᓂᖃᖅᓯᒪᔪᖅ ᐃᓚᖓ 5 (ᐆᒪᔪᓕᕆᓂᖅ) ᓄᓇᕗᑦ ᐊᖏᕈᑎᖏᓐᓂ, ᐊᒻᒪ ᐱᓕᕆᓐᓇᓚᐅᕐᑐᖅ ᓂᕈᐊᖅᑕᐅᓯᒪᓪᓗᓂ ᐆᒪᔪᓕᕆᓂᕐᒥᒃ, ᐃᖃᓗᓕᕆᓂᕐᒥᒃ ᐊᒻᒪ ᐊᖑᓇᓱᒃᑐᓕᕆᓂᕐᒥᒃ ᐱᔾᔪᑎᓕᖕᓂᒃ.
 
“ᑕᐃᕙᑦ ᖃᐅᔨᒪᑦᑎᐊᓚᐅᕐᑐᖅ ᐃᓄᐃᑦ ᐱᔪᒪᔭᖏᓐᓂᒃ ᐊᐃᕙᔨᐅᓪᓗᓂ ᓄᓇᕗᑦ ᐊᖏᕈᑎᖏᓐᓂᒃ, ᓄᓇᒥᒃ ᐊᒻᒪ ᓂᕐᔪᑎᓂᒃ ᖃᐅᔨᒪᓂᖓ ᐊᑑᑎᖃᖅᓯᒪᒻᒪᕆᒃᑐᖅ ᐊᐃᕙᑎᓪᓗᒋᑦ ᐊᒻᒪ ᐱᓕᕆᐊᕆᓪᓗᓂᐅᒃ. ᓯᕗᓪᓕᐅᔾᔨᕙᓚᐅᕐᑐᖅ ᒪᓕᒃᑐᓂ ᐃᓅᖃᑎᒌᒃᑎᐊᓂᒃᑯᑦ ᐃᖅᑲᓇᐃᔭᖃᑎᒌᓐᓂᕐᒥᒃ ᐊᒻᒪ ᐅᔾᔨᑐᐃᓐᓇᓚᐅᕐᑐᖅ ᑭᒃᑯᓕᒫᑦ ᐃᓚᐃᓐᓇᓱᖅᑕᐅᖏᒃᑲᓗᐊᕐᒪᖔᑖ ᐊᒻᒪ ᓇᓕᒧᒌᑎᑦᑐᓂᒋᑦ, ᐊᒃᓱᒻᒪᕆᐊᓗᒃ ᑕᕝᕘᓇ ᖁᔭᒋᓚᐅᕐᑕᕗᑦ” ᐃᖅᑲᐅᒪᔭᒥᓂᒃ ᐅᖃᖅᑐᖅ …

ᓄᓇᕗᑦ ᑐᖖᒐᕕᒃᑯᑦ ᑎᒥᖓᑦ ᓂᕈᐊᖅᖠᓂᖃᕐᓂᐊᕐᓂᕐᒥ ᓂᕈᐊᒐᔅᓴᖖᒍᖅᑎᑦᓯᕕᒃᓴᖅ ᓄᕕᐱᕆ 2-6, 2020

(ᐅᒃᑐᐱᕆ 23, 2020 – ᐃᖃᓗᐃᑦ, ᓄᓇᕗᑦ) ᓄᓇᕗᑦ ᑐᖖᒐᕕᒃᑯᑦ ᑎᒥᖓᑦ (NTI) ᓂᕈᐊᖅᖠᓂᖃᕐᓂᐊᖅᑐᑦ ᐊᖏᔪᖅᑳᑉ ᐃᓂᖓᓄᑦ ᑎᓯᐱᕆ 14, 2020-ᒥ.
ᓂᕈᐊᒐᔅᓴᖖᒍᖅᑎᑦᑎᓂᕐᒧᑦ ᑕᑕᑎᕆᐊᓖᑦ ᓂᕈᐊᖅᖠᓂᐊᕐᓗᓂ ᐊᖏᔪᖅᑳᑉ ᐃᓂᖓᓄᑦ ᐊᑐᐃᓐᓇᐅᕗᑦ ᐃᓱᒪᑕᐅᓪᓗᓂ ᓂᕈᐊᖅᖠᓂᓕᕆᔨᒥᑦ (CRO), ᑳᔅᓖᓐ ᓯᒍᕐᑦᓴᓐ, ᓄᓇᓕᐅᔪᒥ ᐱᓕᕆᐊᖃᖅᑎᐅᔪᓂᑦ (CLO), ᐊᔮᔮᒃᑯᑦ ᑐᓴᐅᒪᖃᑦᑕᐅᑎᓕᕆᔨᖏᓂᑦ (ᐊᓪᓚᕝᕕᖓ CRO-ᖑᔪᒧᑦ), ᐅᕝᕙᓘᓐᓃᑦ ᓄᓇᕗᑦ ᑐᖖᒐᕕᒃᑯᑦ ᑎᒥᖓᑕ ᖃᕆᑕᐅᔭᑎᒍᑦ ᐱᑐᒃᓯᒪᕝᕕᖓᓐᓂᑦ ᐱᒋᐊᕐᓗᓂ
ᓄᕕᐱᕆ 2, 2020-ᒥ 12-ᒧᐊᖅᐸᑦ ᑲᓇᓐᓇᐅᑉ ᓯᕐᑭᙳᔭᖓ.
ᓂᕈᐊᒐᔅᓴᖖᒍᒻᑎᑕᐅᔪᓐᓇᖅᑐᑦ ᓂᕈᐊᒐᒃᓴᐃ ᐅᑭᐅᖃᕆᐊᓖᑦ 16-ᓂᒃ ᐅᖓᑖᓄᓪᓗ ᑎᓯᐱᕆ 14, 2020-ᒥ ᐊᒻᒪᓗ ᐃᓚᒋᔭᐅᖃᑕᐅᔭᕆᐊᖃᕿᓱᑎᒃ ᓄᓇᕗᑦ ᐊᖏᕈᑎᖓᓄᑦ.
ᓂᕈᐊᒐᔅᓴᖖᒍᖅᑎᑕᐅᔪᑦ ᑐᓂᓯᒪᔭᕆᐊᖃᖅᑐᑦ ᓂᕈᐊᒐᔅᓴᖖᒍᖅᑎᑕᐅᓂᕐᒥᓄᑦ ᑎᑎᖅᑲᖁᑎᓂᒃ ᐊᓪᓚᕝᕕᖓᓄᑦ ᐃᓱᒪᑕᐅᓪᓗᓂ ᓂᕈᐊᖅᖠᓂᓕᕆᔨᐅᑉ (CRO) ᓯᕗᕌᓂ ᓄᕕᐱᕆ 6, 2020, 5-ᒧᐊᖅᐸᑦ ᐅᓐᓄᒃᓴᒃᑯᑦ ᒪᓕᒃᓗᒍ …

ᑐᙵᕕᒃᑯᑦ ᓴᖅᑮᔪᑦ ᐅᖅᑯᔾᔭᐃᑦ ᐃᓐᓇᕐᓄᑦ − ᐃᓐᓇᕐᓄᑦ ᐃᑲᔫᑏᑦ

(ᐆᑦᑑᑉᐱᕆ 22, 2020, ᐃᖃᓗᑦᑑᑦᑎᐊᖅ) ᓄᓇᕗᑦ ᑐᙵᕕᒃ ᑎᒥᖓ (ᑐᙵᕕᒃ) ᐅᓪᓗᒥ ᓴᖅᑮᖅᑲᐅᔪᑦ ᐅᖅᑯᔾᔭᐃᑦ ᐃᓐᓇᕐᓄᑦ − ᐃᓐᓇᕐᓄᑦ ᐃᑲᔫᑏᑦ ᐊᒻᒪᓗ ᐃᓐᓇᕐᓂᒃ ᐃᓄᓐᓂᒃ ᑐᒃᓯᕋᐅᓯᐅᖁᔨᕗᑦ. ᐱᔪᓐᓇᖅᑎᑕᐅᔪᑦ ᓄᓇᕗᒻᒥ ᐃᓄᐃᑦ ᐃᓐᓇᐃᑦ ᐃᓅᓕᖅᓯᒪᔪᑦ ᑏᓰᒻᕙ 31, 1955 ᓯᕗᓂᖓᓂᓘᓐᓃᑦ ᑐᓂᔭᐅᓂᐊᖅᑐᑦ ᒥᑭᓂᖅᐹᒥᒃ ᑕᖅᑭᑕᒫᖅᓯᐅᑎᖃᕐᓗᑎᒃ ᐃᑲᔫᑎᒥᒃ $120.
“ᑖᑦᓱᒧᖓ ᐱᓕᕆᐊᒧᑦ, ᐃᓕᓴᕆᐅᒪᔭᕗᑦ ᐱᖕᒪᕆᐅᓂᖏᓐᓂᒃ ᐃᓐᓇᐃᑦ ᐃᑲᔫᑎᒋᖃᑦᑕᖅᑕᖏᑦ ᓄᓇᓕᖁᑎᑦᑎᓐᓂ ᐅᓄᖅᑐᓂᒃ ᐱᓇᓱᐊᒐᐅᕙᑦᑐᓂᒃ, ᐃᓚᒋᔭᐅᓪᓗᑎᒃ ᐃᓄᐃᑦ ᐅᖃᐅᓯᖓ ᐃᓕᖅᑯᓯᖓᓗ. ᓱᓕᒃᑲᓐᓂᖅ, ᐃᓕᓴᕆᔭᕗᑦ ᐊᑭᑦᑐᐸᓪᓕᐊᓂᐊᓗᒃ ᐃᓅᓇᓱᐊᕈᑎᓄᑦ,” ᐅᖃᖅᑐᖅ ᑐᙵᕕᒃᑯᑦ ᐊᖓᔪᖅᑳᖓ ᐊᓗᑭ ᑰᑦᑎᖅ.
ᐅᖅᑯᔾᔭᐃᑦ ᐃᓐᓇᕐᓄᑦ−ᐃᓐᓇᕐᓄᑦ ᐃᑲᔫᑎᑦᓴᑦ ᐅᐃᒍᔭᐅᒍᑎᖏᑦ ᓄᓇᕗᒻᒥ ᐃᓐᓇᐃᑦ ᐃᑲᔫᓯᐊᕆᖃᑦᑕᖅᑕᖏᓐᓄᑦ. ᐅᖅᑯᔾᔭᐃᑦ ᐃᓐᓇᕐᓄᑦ−ᐃᓐᓇᕐᓄᑦ ᐃᑲᔫᑎᒃᓴᑦ ᐃᓚᒋᔭᐅᕈᑕᐅᔪᖅ ᐃᑲᔫᑎᓂᒃ ᓄᑖᓄᑦ ᐃᓐᓇᕐᓄᑦ. ᐱᓕᕆᐊᒃᑯᑦ ᑕᖅᑭᑕᒫᖅᓯᐅᒻᒥᒃ ᑮᓇᐅᔭᖅᑖᖅᑎᑕᐅᖃᑦᑕᓂᐊᖅᑐᑦ …

ᑐᙵᕕᒃᑯᑦ ᐊᕐᕌᒍᑕᒫᖅᓯᐅᒻᒥᒃ ᑲᑎᒪᓂᖓ ᐃᓱᓕᑦᑐᖅ ᐃᖃᓗᑦᑑᑦᑎᐊᒥ

(ᐆᑦᑑᑉᐱᕆ 22, 2020 – ᐃᖃᓗᑦᑑᑦᑎᐊᖅ, ᓄᓇᕗᑦ)  ᓄᓇᕗᑦ ᑐᙵᕕᒃ ᑎᒥᖓᑕ (ᑐᙵᕕᒃ) ᐊᖓᔪᖅᑳᖓ ᐊᓗᑭ ᑰᑦᑎᖅ ᑐᓴᖅᑎᓯᖅᑲᐅᔪᖅ ᐅᓪᓗᒥ ᑐᙵᕕᒃᑯᑦ ᐃᓱᓕᑦᓯᐊᓚᐅᖅᑐᑦ 2020 ᐊᕐᕌᒍᑕᒫᖅᓯᐅᒻᒥᒃ ᑲᑎᒪᓂᖓᑦ (AGM) ᐃᖃᓗᑦᑑᑦᑎᐊᒥ, ᓄᓇᕗᑦ.
 
ᐅᔾᔨᕐᓇᓗᐊᕐᓂᖏᑦ ᐊᕐᕌᒍᑕᒫᖅᓯᐅᒻᒥᒃ ᑲᑎᒪᓂᕐᒥ ᐱᖁᔨᕗᖔᕈᑏᑦ ᐃᓚᒋᔭᐅᓪᓗᑎᒃ:

Dolphin Union ᑐᑦᑐᖏᓐᓄᑦ ᐊᑐᖅᑕᐅᑲᐃᓐᓇᓂᐊᖅᑐᖅ ᑎᓕᓯᔾᔪᑎ − ᑲᑎᒪᔭᖅᑐᖅᓯᒪᔪᑦ ᖃᐅᔨᒃᑲᐃᔪᑦ ᓄᓇᕗᑦ ᒐᕙᒪᒃᑯᖏᓐᓂᒃ (GN) ᒪᓕᖁᓪᓗᒋᑦ ᓴᖅᑭᖅᑕᐅᓯᒪᔪᒥᒃ, ᑕᒪᐃᓐᓄᑦ ᐊᖏᕈᑕᐅᑲᐃᓐᓇᖅᓯᒪᔪᒥᒃ ᐊᑐᖅᑕᐅᑲᐃᓐᓇᕐᓂᐊᖅᑐᑦ ᑖᒃᑯᐊ ᐃᓚᐅᔪᑦ ᑎᓕᐅᕆᕗᑦ ᓄᓇᕗᑦ ᒐᕙᒪᖏᓐᓂᒃ ᒪᓕᖁᓪᓗᒋᑦ ᐋᖅᑭᒃᑕᐅᓯᒪᔪᓂᒃ, ᐊᖏᕈᑕᐅᓯᒪᔪᑦ ᐊᑐᖅᑕᐅᕙᒃᑐᑦ ᐱᓕᕆᖃᑎᖃᕐᓗᓂ ᐃᓄᖕᓂᑦ ᓄᓇᓕᖕᓂ ᐊᒻᒪ ᐊᖑᓇᓱᒃᑎᓄᑦ ᐊᒻᒪ ᑕᒪᒃᑯᐊ ᐊᕕᒃᑐᖅᓯᒪᔪᓂ ᐃᓄᐃᑦ ᑲᑐᔾᔨᖃᑎᒌᖏᑦ, ᐱᒐᓱᐊᖁᓪᓗᒋᑦ ᓄᓇᓖᑦ ᐃᑲᔪᖅᓲᑎᖏᓐᓂᒃ ᓇᓪᓕᐊᓐᓄᑐᐃᓐᓇ ᐊᑐᖅᑕᐅᑲᐃᓐᓇᕐᓂᐊᖅᑐᓄᑦ;

ᕿᒥᕐᕈᓂᖅ ᑐᐊᕕᕐᓇᖅᑐᓕᕆᓂᕐᒧᑦ ᐋᓐᓂᐊᕐᕕᓕᐊᖅᑐᓄᑦ ᐱᔨᑦᓯᕋᐅᑏᑦ –ᐃᓚᐅᔪᑦ …

ᑐᙵᕕᒃᑯᑦ ᓴᖅᑭᖅᑕᖓ ᓄᓇᕗᒻᒥ ᐱᖁᑎᕐᔪᐊᓕᕆᓂᕐᒧᑦ ᐊᐳᖅᑕᕐᕕᐅᕙᑦᑐᓂᒃ ᐅᓂᒃᑳᓂᒃ

(ᐆᑦᑑᑉᐱᕆ 21, 2020 – ᐃᖃᓗᑦᑑᑦᑎᐊᕐᒃ, ᓄᓇᕗᑦ)  ᓄᓇᕗᑦ ᑐᙵᕕᒃ ᑎᒥᖓᑕ (ᑐᙵᕕᒃ) ᓴᖅᑮᓚᐅᖅᑐᑦ ᓄᓇᕗᒻᒥ ᐱᖁᑎᕐᔪᐊᓕᕆᓂᕐᒧᑦ ᐊᐳᖅᑕᕐᕕᐅᕙᑦᑐᓂᒃ ᐅᓂᒃᑳᑦ ᐅᓪᓗᒥ, ᓯᕗᓪᓕᐹᑦᓯᐊᒥ ᐊᑕᖐᔪᖅ ᖃᐅᔨᓴᕐᓂᖅ ᐱᖁᑎᕐᔪᐊᓂᒃ ᓄᓇᕗᒻᒥ ᑕᑯᓐᓇᕐᓗᒋᑦ ᐊᓯᓕᒫᖏᑦ ᑲᓇᑕᒥ. ᐃᓘᓐᓇᖏᓐᓂᒃ ᐱᖁᑎᕐᔪᐊᓕᕆᓂᕐᒧᑦ ᐱᓕᕆᕝᕕᓐᓂ ᕿᒥᕐᕈᔭᐅᓚᐅᖅᑐᓂ, ᓄᓇᕗᑦ ᓵᙵᑦᓯᔪᖅ ᐅᔾᔨᓇᖅᑐᒥᒃ ᐊᐳᖅᑕᕕᓐᓂᒃ ᑕᑯᓐᓇᖅᑕᐅᓗᑎᒃ ᑲᓇᑕᓕᒫᒥ ᐊᑐᖅᑕᐅᖃᑦᑕᓲᓂᒃ.
ᐅᓂᒃᑳᖅ ᑐᑭᓯᓇᓱᐊᕈᑎ ᑎᑭᐅᑎᓯᒪᔪᓂᒃ ᐱᖁᑎᕐᔪᐊᓂᒃ ᓯᕗᓪᓕᐅᔾᔭᐅᔭᕆᐊᓕᓐᓂᒃ ᐃᓚᒋᔭᐅᓪᓗᑎᒃ ᐃᓪᓗᓕᕆᓂᖅ, ᖃᕆᓴᐅᔭᓕᕆᓂᖅ ᕗᕌᑦᕙᓐ, ᐋᓐᓂᐊᖅᑐᓕᕆᓂᖅ, ᐆᒻᒪᖅᑯᑎᓕᕆᓂᖅ, ᐊᒻᒪᓗ ᑐᓚᑦᑕᕐᕖᑦ ᐃᑦᓴᕖᓪᓗ. ᖃᐅᔨᓴᕈᑎᓂ ᑕᑯᑦᓴᐅᔪᖅ ᓄᓇᕗᒻᒥ ᐱᖁᑎᕐᔪᐊᖏᑦ ᓈᖕᒪᙱᒐᔪᓐᓂᖏᓐᓂᒃ, ᓱᒃᑰᓪᓗᑎᒃ ᓴᓇᒋᐊᕆᐊᓖᑦ, ᐅᕝᕙᓘᓐᓃᑦ ᐱᑕᖃᙱᓯᐊᒻᒪᕆᑦᑐᑎᒃ ᑕᑯᒋᐊᕐᓗᒍ ᑲᓇᑕᒥ ᑐᙵᕕᒋᖃᑦᑕᖅᑕᖓ.
“ᓄᓇᕗᒻᒥ ᐃᓄᐃᑦ ᕿᓄᙱᑦᑐᑦ ᐊᔾᔨᐅᙱᑦᑐᒥᒃ ᐱᔭᐅᓂᖅᓴᐅᒍᒪᓂᕐᒥᒃ. ᐊᐱᖅᓲᑎᕗᓪᓕ ᑕᐃᒫᑦᓴᐃᓐᓇᖅ ᐱᔭᐅᒍᒪᓪᓗᑕ ᐱᖁᑎᕐᔪᐊᖃᖅᑎᑕᐅᕙᓐᓂᖏᑎᑐᑦ ᐱᔨᑦᓯᕈᑎᓄᓪᓗ …

ᓄᓇᕗᑦ ᑐᙵᕕᒃ ᑎᒥᖓᑦᑐ ᐊᐃᑦᑑᑎᖓ

(ᐊᒃᑑᕝᕙ 20, 2020 –ᐃᖃᓗᑦᑑᑦᑎᐊᖅ ᓄᓇᕗᑦ) ᐊᕐᕌᒍᑕᒫᑦ ᑖᓐᓇ ᐊᖓᔪᖅᑳᖓᑦ ᓄᓇᕗᑦ ᑐᙵᕕᒃ ᑎᒥᖓᑦᑕ ᐊᐃᑦᑑᑎᖃᖃᑦᑕᕐᒪᑦ ᐱᖓᓱᓄᑦ ᐃᓄᖕᓄᑦ ᐃᑲᔪᖅᓯᒪᒻᒪᕆᒃᑐᓂᒃ ᓴᖅᑭᔮᖅᑎᑦᓯᓪᓗᑎᒃ ᑮᓇᐅᔭᓕᐅᕈᓐᓇᕐᓂᕐᒥᒃ, ᐃᓅᓯᓕᕆᓂᕐᒥᑦ ᐊᒻᒪ ᐃᓕᖅᑯᓰᖏᑦ ᖃᓄᐃᙱᑦᓯᐊᕆᐊᖃᕐᓂᖏᓐᓄᑦ ᐃᓄᐃᑦ.  ᐊᑐᓂ ᑐᓂᔭᐅᔪᑦ ᑐᓂᔭᐅᓂᐊᖅᑐᑦ ᐊᐃᑦᑑᑎᒥᒃ ᐅᓄᕐᓂᖃᖅᑐᓂᒃ $500.
 
ᑕᒡᕙᓂ 2020 ᐊᕐᕌᒍᑕᒫᖅᓯᐅᒻᒥᒃ ᑲᑎᒪᑎᓪᓗᒋᑦ ᐃᖃᓗᒃᑑᑦᑎᐊᒥ, ᐊᖓᔪᖅᑳᖅ ᑰᑦᑎᖅ ᐃᓕᑕᖅᓯᔪᖅ ᒪᑯᓂᖓ ᐃᓄᖕᓂᑦ ᐃᑲᔫᑎᓯᒪᔪᓂᒃ:
 
ᓗᐃ ᕗᕉᔅ, ᓴᓪᓕᕐᓂ
ᓗᐃ ᕗᕉᔅ ᐱᓕᕆᒻᒪᕆᖃᑦᑕᖅᑐᖅ ᓯᕗᒃᑲᑕᖅᑎᐅᓪᓗᓂ ᓄᓇᓕᒥᓂ ᓴᓪᓕᖅ, ᓄᓇᕗᒥ.  ᐸᕐᓇᐃᓯᒪᔪᑦ, ᐱᓕᕆᐊᖃᖅᓯᔪᖅ ᐊᒻᒪ ᐱᕙᓪᓕᐊᑎᑦᓯᓪᓗᓂ ᑕᑭᔪᒥᒃ ᐊᖅᑯᑕᐅᓂᐊᖅᑐᒥᒃ ᓴᓪᓕᕐᓂᒃ, ᐊᕿᐊᕈᖕᓴᕐᒧᑦ, ᓇᖕᒥᓂᖅ ᑲᒻᐸᓂᓂ ᐊᑐᖅᑐᒍ ᓴᓕᖅ ᐱᕙᓪᓕᐊᑎᑦᓯᓂᕐᒧᑦ ᓕᒥᑎᑦ.  ᑖᓐᓇ ᐊᖅᑯᑦ ᓴᓪᓕᕐᒥᐅᓄᑦ ᐊᑐᖅᑕᐅᔪᓐᓇᖅᑐᑦ ᐊᖑᓇᓱᒡᕕᑦᓯᐊᕙᖕᒧᑦ ᑕᒪᒃᑮᖕᓂ ᑕᕆᐅᕐᒥ ᐊᒻᒪ ᐃᖃᓗᖕᓂᑦ.  …

ᓄᓇᕗᑦ ᑐᙵᕕᒃᑯᑦ ᐊᕐᕋᒍᓕᒫᕐᓯᐅᑎᒥᓂᒃ ᑲᑎᒪᓂᖓᑦ

ᖃᐅᔨᒃᑲᐃᒍᑦ ᑭᓇᒃᑯᑐᐃᓐᓇᕐᓄᑦ
ᐅᓇ ᖃᐅᔨᒃᑲᐃᒍᑦ ᑭᓇᒃᑯᑐᐃᓐᓇᕐᓄᑦ 2020-ᒥ ᐊᕐᕋᒍᓕᒫᕐᓯᐅᑎᒥᓂᒃ ᑲᑎᒪᓂᖃᓐᓂᐊᑎᓪᓗᒋᑦ ᑲᑎᒪᔨᖏᑦ ᑐᙵᕕᒃᑯᑦ ᑎᒥᖓᑕ, ᑲᑎᒪᒋᐊᓯᓛᕐᑐᑦ ᐊᒃᑐᕙ 20-ᒥᒃ 22-ᒧᑦ, 2020 ᐃᖃᓗᒃᑑᑦᑎᐊᕐᒥ, ᓄᓇᕗᖕᒥ ᑲᑎᒪᓪᓚᑖᕐᓗᑎᒃ ᐊᒻᒪ ᑕᕐᕆᔭᐅᑎᒃᑯᑦ VIA ZOOM ᐊᒻᒪ ᖃᕆᔭᐅᔭᕋᓛᒃᑯᑦ ᑕᑯᒃᓴᐅᓛᕐᑐᑦ ᐱᙳᐊᕐᕕᖓᓂᑦ ᐃᖃᓗᒃᑑᑦᑎᐊᕐᒥᐅᑦ.
ᓄᕙᒡᔪᐊᕐᓇᖅ−19 ᐱᓪᓗᒍ ᒪᓕᑦᑕᐅᔭᕆᐊᖃᖅᑎᑕᑦ ᒪᓕᒃᑕᐅᓗᑎᒃ, ᐱᖃᓯᐅᑎᓪᓗᒍ ᖃᓂᒌᓗᐊᖅᑕᐃᓕᒪᒍᑏᑦ, ᐊᒡᒐᖕᒥᒃ ᐅᐊᓴᖃᑦᑕᕋᔪᓐᓂᖅ/ᐃᕐᒥᖃᑦᑕᕋᔪᓐᓂᖅ ᐊᒻᒪ ᐃᓄᐃᑦ ᐅᓄᕐᓂᖏᑦ ᐊᒥᓲᓗᐊᕐᑕᐃᓕᒪᑎᑕᐅᓗᑎᒃ ᑲᑎᒪᕕᐅᔪᒥ.
 
ᑐᙵᕕᒃᑯᑦ ᐅᐸᒃᓯᒪᓗᑎᒃ − ᐊᕐᕌᒍᓕᒫᕐᓯᐅᑎᒥᓂᒃ ᑲᑎᒪᓂᖓᑦ
ᑲᑎᒪᕕᒋᓛᕐᑕᖏᑕ ᐅᓪᓗᖓ:   ᐊᒃᑐᕙ 20, ᐊᒃᑐᕙ 21,  ᐊᒃᑐᕙ 22, 2020
ᑲᑎᒪᓯᒋᐊᕐᓗᑎᒃ:     8:30 ᐅᓪᓛᒃᑯᑦ ᕿᑎᕐᒥᐅᑦ ᓯᕿᙳᔭᖓ ᒪᓕᓪᓗᒍ
 
_____________________________________________________________________________
 
 
ᐱᖃᑕᐅᔪᓐᓇᕐᐳᑎᒃ ᖃᕆᑕᐅᔭᒃᑯᑦ ᐅᕘᓇ:
https://us02web.zoom.us/j/82899829448?pwd=Y0dtQmsrQmhCMzVrVU1WbnEzWlZnZz09
 
ᓇᓗᓇᐃᕈᑖ: NTIweb2020
 
ᑕᑯᓐᓇᕆᓪᓗᑎᒃ ᖃᕆᓴᐅᔭᕋᓛᒃᑯᑦ:
https://www.facebook.com/Tunngavik/live/
 
ᐅᖄᓚᐅᑎᒃᑯᑦ:
ᐅᖄᓚᓗᑎᑦ:  +1 647 558 0588
ᖃᕆᑕᐅᔭᒃᑯᑦ ᓇᓗᓇᐃᕈᑖ: 828 9982 …

ᓄᓇᕗᑦ ᑐᙵᕕᒃᑯᑦ ᑲᑎᒪᔨᖏᑕ ᑲᑎᒪᓂᖓᑦ

Download (PDF, 161KB)

 
ᖃᐅᔨᒃᑲᐃᒍᑦ ᑭᓇᒃᑯᑐᐃᓐᓇᕐᓄᑦ
ᐅᓇ ᖃᐅᔨᒃᑲᐃᒍᑦ ᑭᓇᒃᑯᑐᐃᓐᓇᕐᓄᑦ 2020-ᒥ ᑲᑎᒪᔨᖏᑦ ᑲᑎᒪᓂᖃᓐᓂᐊᑎᓪᓗᒋᑦ ᑐᙵᕕᒃᑯᑦ ᑎᒥᖓᑕ, ᑲᑎᒪᒋᐊᓯᓛᕐᑐᑦ ᐊᒃᑐᕙ 19, 2020 ᐃᖃᓗᒃᑑᑦᑎᐊᕐᒥ, ᓄᓇᕗᖕᒥ ᑲᑎᒪᓪᓚᑖᕐᓗᑎᒃ ᐊᒻᒪ ᑕᕐᕆᔭᐅᑎᒃᑯᑦ VIA ZOOM ᐊᒻᒪ ᖃᕆᔭᐅᔭᕋᓛᒃᑯᑦ ᑕᑯᒃᓴᐅᓛᕐᑐᑦ ᕿᑎᕐᒥᐅᑦ ᐃᓄᐃᑦ ᑲᑐᔾᔨᖃᑎᒌᖏ ᑲᑎᒪᕕᖓᓂ ᐃᖃᓗᒃᑑᑦᑎᐊᕐᒥᐅᑦ.
ᓄᕙᒡᔪᐊᕐᓇᖅ−19 ᐱᓪᓗᒍ ᒪᓕᑦᑕᐅᔭᕆᐊᖃᖅᑎᑕᑦ ᒪᓕᒃᑕᐅᓗᑎᒃ, ᐱᖃᓯᐅᑎᓪᓗᒍ ᖃᓂᒌᓗᐊᖅᑕᐃᓕᒪᒍᑏᑦ, ᐊᒡᒐᖕᒥᒃ ᐅᐊᓴᖃᑦᑕᕋᔪᓐᓂᖅ/ᐃᕐᒥᖃᑦᑕᕋᔪᓐᓂᖅ ᐊᒻᒪ ᐃᓄᐃᑦ ᐅᓄᕐᓂᖏᑦ ᐊᒥᓲᓗᐊᕐᑕᐃᓕᒪᑎᑕᐅᓗᑎᒃ ᑲᑎᒪᕕᐅᔪᒥ.
 
ᑐᙵᕕᒃᑯᑦ ᐅᐸᒃᓯᒪᓗᑎᒃ − ᑲᑎᒪᔨᖏᑕ ᑲᑎᒪᓂᖓᑦ
ᑲᑎᒪᕕᒋᓛᕐᑕᖏᑕ ᐅᓪᓗᖓ: ᐊᒃᑐᕙ 19, 2020
ᑲᑎᒪᓯᒋᐊᕐᓗᑎᒃ:   8:30 ᐅᓪᓛᒃᑯᑦ ᕿᑎᕐᒥᐅᑦ ᓯᕿᙳᔭᖓ ᒪᓕᓪᓗᒍ
 
_____________________________________________________________________________
 
 
ᐱᖃᑕᐅᔪᓐᓇᕐᐳᑎᒃ ᖃᕆᑕᐅᔭᒃᑯᑦ ᐅᕘᓇ:
https://us02web.zoom.us/j/82899829448?pwd=Y0dtQmsrQmhCMzVrVU1WbnEzWlZnZz09
 
ᓇᓗᓇᐃᕈᑖ: NTIweb2020
 
ᑕᑯᓐᓇᕆᓪᓗᑎᒃ ᖃᕆᓴᐅᔭᕋᓛᒃᑯᑦ:
https://www.facebook.com/Tunngavik/live/
 
 
ᐅᖄᓚᐅᑎᒃᑯᑦ:
https://www.facebook.com/Tunngavik/live/
ᐅᖄᓚᓗᑎᑦ:  +1 647 558 0588
ᖃᕆᑕᐅᔭᒃᑯᑦ ᓇᓗᓇᐃᕈᑖ: …

ᑐᙵᕕᒃᑯᓐᓂ ᓂᕈᐊᕈᓐᓇᖅᑐᑦ ᐊᑎᓕᐅᖅᓯᒪᓂᕐᒧᑦ ᐃᓱᓕᕝᕕᑦᓴᖓ: ᐆᑦᑑᑉᐱᕆ 23!

(ᐆᑦᑑᑉᐱᕆ 8, 2020 – ᐃᖃᓗᐃᑦ, ᓄᓇᕗᑦ)  ᓄᓇᕗᑦ ᑐᙵᕕᒃ ᑎᒥᖓ (ᑐᙵᕕᒃ) ᓂᕈᐊᖅᑎᑦᓯᓂᐊᕐᒪᑕ ᐊᖓᔪᖅᑳᑦᓴᒥᒃ ᑏᓰᒻᐱᕆ 14,2020.
ᐃᓄᐃᑦ ᐊᑎᖃᖃᑕᐅᔪᑦ ᓄᓇᕗᑦ ᐊᖏᕈᑎᖏᓐᓂ ᐱᕕᒃᓴᓖᑦ ᐆᑦᑑᑉᐱᕆ 23, 2020-ᒧᓄᑦ ᓂᕈᐊᕈᓐᓇᖅᑐᑦ ᐊᑎᖏᓐᓂ ᐊᑎᓕᐅᖅᑕᐅᖃᑕᐅᓯᒪᖁᓪᓗᒋᑦ. ᖃᐅᔨᒋᐊᕈᓐᓇᖅᑐᑎᑦ ᐅᑯᑎᒎᓇ:

ᓂᕈᐊᕈᓐᓇᖅᑐᑦ ᐊᑎᖏᓐᓄᑦ ᑎᑎᕋᖅᓯᒪᔪᑦ ᓴᖅᑭᔮᖅᑎᑕᐅᔪᑦ ᐊᑐᓂᑦ ᓄᓇᓕᓐᓂ. ᖃᐅᔨᒋᐊᕐᕕᒋᓗᒍ ᓄᓇᑦᓯᓐᓂ ᑐᖅᑲᑕᕐᕕᓯ ᐊᒻᒪᓗ ᖃᐅᔨᒃᑲᕐᓗᒍ ᐊᓯᔾᔨᕆᐊᓕᓐᓂᒃ.
. ᖃᓄᖅ ᐊᑎᓕᐅᖅᑕᐅᖃᑕᐅᒍᓐᓇᕐᒪᖔᖅᐱᑦ ᑎᑎᕋᖅᓯᒪᔪᓄᑦ.

ᑐᙵᕕᒃᑯᑦ ᐃᑭᐊᖅᑭᕕᖓᓂ ᓂᕈᐊᕈᓐᓇᖅᑐᑦ ᐊᑎᖏᑦ:
https://elections.tunngavik.com/
ᓄᑖᖅ 2020-ᒧᑦ − ᓄᕙᔾᔪᐊᕐᓇᕐᒧᑦ ᐸᕐᓇᓯᒪᓂᖅ
ᐸᕐᓇᓯᒪᖃᑦᑕᓂᕐᒨᖓᓲᓂ ᓯᓚ ᐱᔾᔪᑕᐅᓪᓗᓂ ᓂᕈᐊᕐᓇᒧᑦ ᑏᓰᒻᕙᒥ, ᑐᙵᕕᒃᑯᑦ ᓂᕆᐅᓇᙱᑦᑐᒧᑦ ᐸᕐᓇᓯᒪᓂᐊᕐᒥᔪᑦ ᓄᕙᔾᔪᐊᕐᓇᖅ-19−ᒧᑦ. ᑐᙵᕕᒃᑯᑦ ᒪᓕᓐᓂᐊᖅᑐᑦ ᒪᓕᒐᑦᓴᓕᐊᕆᓯᒪᔭᖏᓐᓂᒃ ᓄᓇᕗᒻᒥ ᓘᑖᕐᔪᐊᖅ ᐊᑦᑕᓇᐃᖅᓯᒪᑦᓯᐊᖁᓪᓗᒋᑦ ᓂᕈᐊᕋᑦᓴᓕᐊᖑᓯᒪᔪᓕᒫᑦ, ᐃᖅᑲᓇᐃᔭᖅᑏᑦ ᓂᕈᐊᖅᑏᓪᓗ.
ᖃᐅᔨᒋᐊᕐᕕᒃᓵᒃ:
 ᑳᑎᓖᓐ ᓯᒍᕐᓴᓐ
ᓂᕈᐊᖅᑐᓕᕆᔨᒻᒪᕆᒃ (CRO)
ᑲᖏᕐᖠᓂᖅ, ᓄᓇᕗᑦ X0C 0G0
ᓄᓇᓕᓐᓂ …

ᑐᙵᕕᒃᑯᑦ ᓂᕈᐊᖅᑎᑦᑎᑎᓪᓗᒋᑦ: ᐅᓪᓗᒥᒧᑦ ᐊᖑᒻᒪᑎᓕᕐᑎᑕᐅᓂᖏᑦ ᓂᕈᐊᕈᓐᓇᕐᑐᑦ ᐊᑎᖏᓐᓄᑦ ᑎᑎᕋᖅᑕᐅᓯᒪᔪᑦ

(ᐊᒃᑐᕙ 2, 2020 – ᐃᖃᓗᐃᑦ, ᓄᓇᕗᑦ) ᓄᓇᕗᑦ ᑐᙵᕕᒃ ᑎᒥᖓ (ᑐᙵᕕᒃᑯᑦ) ᓂᕈᐊᖅᑎᑦᑎᔪᒫᕐᒪᑕ ᐊᖓᔪᖅᑳᒥᒃ ᑎᓯᑉᐱᕆ 14, 2020.
ᑐᙵᕕᒃᑯᑦ ᐅᔾᔨᑐᑦᑎᐊᕈᒪᒻᒪᑕ ᑕᒪᐃᑕ ᓂᕈᐊᕈᓐᓇᖅᑐᑦ ᓂᕈᐊᕆᐊᕐᑐᕈᓐᓇᖁᓪᓗᒋᑦ ᓂᕈᐊᓐᓇᐅᓕᖅᑲᑦ. ᓂᕈᐊᕈᓐᓇᕐᑐᑦ ᐱᖃᓯᐅᔾᔨᕗᑦ ᐃᓄᖕᓂᒃ ᐊᑎᓕᐅᖅᑕᐅᓯᒪᔪᓂᒃ ᓄᓇᕗᑦ ᐊᖏᕈᑎᖓᒍᑦ, ᐅᑭᐅᓖᑦ 16−ᓂᒃ ᐅᖓᑖᓄᓪᓗ ᑕᐃᒪᓐᓇ ᐅᑭᐅᖃᓕᕐᓂᐊᕐᑐᑦ ᑎᓯᑉᐱᕆ 14, 2020-ᒥ.  ᐃᒫᒃ ᖃᐅᔨᒋᐊᕈᓐᓇᕐᐳᑎᑦ ᓂᕈᐊᕈᓐᓇᕐᑐᑦ ᐊᑏᑦ ᑎᑎᕋᖅᑕᐅᓯᒪᔪᓃᒃᑲᓗᐊᕐᒪᖔᖅᐱᑦ:

ᑐᙵᕕᒃᑯᑦ ᖃᕆᑕᐅᔭᒃᑯᑦ ᐃᑭᐊᕐᕆᕕᖓᓅᕐᓗᑎᒃ ᐊᑏᑦ ᑎᑎᕋᖅᑕᐅᓯᒪᓂᖓ ᑕᐃᒫᒃᑎᐊᖅ ᐅᖃᐅᓯᕐᑕᖏᑦ ᑎᑎᕋᖅᑕᐅᓯᒪᒐᓗᐊᕐᒪᖔᑖ. ᑕᒻᒪᕐᓯᒪᒃᐸᑕ, ᖃᐅᔨᒃᑲᕈᓐᓇᕐᑕᓯ ᓄᓇᓕᖕᓂ ᑐᖅᑲᑕᕐᕕᓂ ᐱᓕᕆᔩᑦ ᐅᕝᕙᓗ ᐱᕐᓇᑎ ᑑᑕᓐᓄᐊᖅ.
ᑕᓪᓕᒪᑦ ᐊᔾᔨᒌᑦ ᓂᕈᐊᕋᓐᓇᖅᑐᑦ ᐊᑎᖃᕐᕕᖏᑦ ᑎᑎᕋᖅᓯᒪᔪᑦ ᓴᖅᑭᔮᕐᑎᑕᐅᓛᕐᑐᑦ ᐊᑐᓂᑦ ᓄᓇᓕᖕᓂ. ᖃᐅᔨᒋᐊᕐᕕᒋᒍᒃ ᓄᓇᓕᖕᒥ ᑐᖅᑲᑕᕐᕕᐅᑉ ᐃᖅᑲᓇᐃᔭᕐᑎᖓ ᐊᒻᒪ ᖃᐅᔨᒃᑲᓪᓗᒍ ᐊᓯᔾᔨᕆᐊᕈᑎᓂᒃ ᐱᑕᖃᖅᐸᑦ.

, ᖃᓄᖅ …

ᑕᐃᕕᑦ ᑯᓄᒃ ᐃᖅᑲᓇᐃᔭᕐᑎᐅᖃᑕᐅᓕᕆᕗ ᑐᙵᕕᒃᑯᓐᓂ ᐊᐅᓚᑦᓯᔨᐅᓂᐊᕐᓗᓂ

(ᓯᑎᑉᕆ 29, 2020, ᐃᖃᓗᐃᑦ) ᓄᓇᕗᑦ ᑐᙵᕕᒃᑯᑦ ᑎᒥᖓᑦ (ᑐᙵᕕᒃᑯᑦ) ᖁᕕᐊᓱᒃᐳᑦ ᑐᓴᖅᑎᑦᑎᒋᐊᒃᓴᖅ ᒥᔅᑕ. ᑕᐃᕙᑦ ᑯᓄᒃ ᐃᖅᑲᓇᐃᔭᕐᑎᐅᖃᑕᐅᓕᕐᒪ ᐊᐅᓚᑦᓯᔨᐅᓗᓂ ᐃᖅᑲᓇᐃᔭᕆᐊᓯᓂᐊᖅᑐᓂᒃ ᓯᑎᑉᐱᕆ 28, 2020.
ᑕᐃᕙᑦ ᐃᖅᑲᓇᐃᔮᖃᖃᑦᑕᓯᒪᓕᓂᐅᔪᑦ ᐃᓄᐃᑦ ᑲᑐᔾᔨᖃᑎᒌᖏᓐᓂ ᐊᒻᒪ ᐱᕙᓪᓕᐊᔪᓕᕆᓂᕐᒧᑦ ᑎᒥᐅᔪᓂ. 2004-ᒥᑦ 2015-ᒧᑦ, ᑐᑭᒧᐊᒃᑎᑦᑎᔨᐅᓚᐅᕐᓯᒪᔪᖅ ᐊᑐᓕᖅᑎᑕᐅᕙᓪᓕᐊᔪᓄᑦ ᐱᓕᕆᖓᓂ ᑐᙵᕕᒃᑯᓐᓂ, ᐊᒻᒪ ᑐᑭᒧᐊᒃᑎᑦᑎᔨᐅᓪᓗᓂ, ᖃᐅᔨᒪᔨᑕᕆᔭᐅᔪᔪᖅ $1 ᐱᓕᐊᓂᒃ ᐱᓇᓱᐊᕐᑎᓪᓗᒋᑦ ᐃᖅᑲᖅᑐᐃᕕᒃᑯᑦ ᑖᓐᓇᓗ ᐋᖅᑭᖃᑎᒌᒍᑕᐅᓚᐅᕐᓯᒪᓪᓗᓂ 2015-ᒥ. ᑕᐃᕙᑦ ᒫᓐᓇᕋᑖᒃᑯᑦ ᓄᓇᕗᑦ ᒐᕙᒪᒃᑯᖏᓐᓂᒃ ᑐᑭᒧᐊᒃᑎᑦᑎᔨᐅᔪᔪᖅ ᐱᓕᕆᕕᖓᓂ ᐅᔭᕋᖕᓂᐊᕐᓂᒃᑯᑦ ᐅᖅᓱᐊᓗᓕᕆᓂᒃᑯᓪᓗ ᐱᕕᒃᓴᖅᑖᕐᕕᐅᔪᓐᓇᖅᑐᓄᑦ ᐃᖏᕐᕋᔫᓕᕆᔨᒃᑯᓪᓗ.
ᑕᐃᕙᑦ ᐃᓅᓕᕐᓯᒪᔪᖅ ᐃᖃᓗᖕᓂ ᐊᒻᒪ ᐱᕈᖅᓴᓯᒪᔪᖅ ᐃᒡᓗᓕᖕᒥ ᐃᖃᓗᖕᓂᓗ. ᒫᓐᓇᐅᔪᒥ ᐃᓕᓐᓂᐊᐸᓪᓕᐊᔪᖅ ᓯᓚᑦᑐᓴᕐᕕᖓᒍᑦ ᕕᒃᑐᐊᕆᐊᑉ. ᑕᐃᕙᑦ ᖁᕕᐊᒋᔭᓕᒃ ᐊᖑᓇᓱᒋᐊᒃᓴᖅ, ᐃᖃᓗᒐᓱᒋᐊᒃᓴᖅ, ᐅᒥᐊᖅᑐᕆᐊᒃᓴᖅ, ᐊᒻᒪᓗ ᖃᒧᑕᐅᔭᕆᐊᒃᓴᖅ.
ᑕᐃᕙᑦ ᑭᖑᕝᕕᐅᑎᔪᖅ ᔩᓂ …

ᑕᒻᒪᖅᓯᒪᔪᒥᒃ ᐋᖅᑭᒋᐊᕈᑎᒧᑦ ᖃᐅᔨᒃᑲᐃᔾᔪᑦ ᑐᓴᕋᑦᓴᓕᐊᖑᓚᐅᖅᑐᒥᒃ ᑐᙵᕕᒃᑯᑦ ᐊᖓᔪᖅᑳᒥᒃ ᓂᕈᐊᖅᑎᑦᓯᓂᕆᓂᐊᖅᑕᖓᓂᒃ 2020

(ᓯᑉᑎᒻᐱᕆ 28, 2020 – ᐃᖃᓗᐃᑦ, ᓄᓇᕗᑦ) ᓄᓇᕗᑦ ᑐᙵᕕᒃ ᑎᒥᖓ (ᑐᙵᕕᒃ) ᓂᕈᐊᖅᑎᑦᓯᓂᐊᕐᒪᑕ ᐊᖓᔪᖅᑳᒥᒃ ᑏᓰᒻᐱᕆ 14, 2020. ᓂᕈᐊᕋᑦᓴᓕᐅᕐᕕᑦᓴᐅᓂᐊᖅᑐᖅ ᓇᓗᓇᐃᖅᑕᐅᒍᑎᒥᒃ ᓂᕈᐊᕋᑦᓴᙳᖅᑎᑕᐅᔪᒥᒃ ᓅᕙᐃᒻᕙ 2-ᒥᒃ 6-ᒧᑦ, 2020. ᐃᓱᒪᒋᓂᐊᖅᐸᑦ:

ᓂᕈᐊᕋᑦᓴᙳᖅᑎᑕᐅᒍᓐᓇᓂᐊᖅᑐᑦ ᓂᕈᐊᕐᓇᒧᑦ ᐃᓚᒋᔭᐅᓂᐊᖅᑐᒧᑦ ᑐᙵᕕᒃᑯᑦ ᓯᕗᓕᖅᑎᖏᓐᓄᑦ ᐃᓅᒋᐊᓕᒃ ᐊᑎᖃᖃᑕᐅᓗᓂ ᓄᓇᕗᑦ ᐊᖏᕈᑎᖏᓐᓂ, 16-ᓂᒃ ᐅᑭᐅᖅᑖᖅᓯᒪᒋᐊᓕᒃ ᐅᖓᑖᓂᓘᓐᓃᑦ ᑏᓰᒻᕙ 14, ᐊᒻᒪᓗ ᓂᕈᐊᕈᓐᓇᕐᓗᓂ. ᐊᑕᖏᖅᑐᑦ ᓂᕈᐊᕐᓂᕐᒧᑦ ᒪᓕᒐᑦᓴᑦ ᐊᐅᓚᑦᓯᔾᔪᑏᓪᓗ ᐃᓚᓕᐅᔾᔭᐅᓯᒪᓂᐊᖅᑐᑦ ᓂᕈᐊᕋᑦᓴᓕᐅᕈᑎᓂ.
ᓂᕈᐊᕋᑦᓴᓕᐅᕈᑏᑦ ᑕᑕᑎᕋᑦᓴᑦ ᐊᐃᔭᐅᖃᑦᑕᕈᓐᓇᖅᑐᑦ ᑳᑎᓖᓐ ᓯᖑᑦᓴᒥᒃ, ᓂᕈᐊᖅᑐᓕᕆᔨᒻᒪᕆᒃ (CRO), ᓄᓇᓕᓐᓂ ᑐᑦᑕᕐᕕᖕᓂᒃ (CLO) ᐅᕝᕙᓘᓐᓃᑦ ᑐᙵᕕᒃᑯᑦ ᐃᑭᐊᖅᑭᕕᖓᓂᒃ, ᓂᕈᐊᕋᑦᓴᓕᐅᕐᓇᖅ ᒪᑐᐃᖓᓕᖅᐸᑦ ᓅᕙᐃᒻᕙ 2, 2020 ᖃᐅᔨᓴᐅᑦ 9-ᒨᖅᐸᑦ ᐅᓪᓛᒃᑯᑦ ᑲᓇᓐᓇᕐᒥ.
ᑐᓂᔭᐅᒋᐊᓖᑦ ᐃᓂᖅᓯᒪᑦᓯᐊᕐᓗᑎᒃ ᓂᕈᐊᕋᑦᓴᓕᐅᕈᑎᑦ ᓂᕈᐊᖅᑐᓕᕆᔨᒻᒪᕆᒻᒧᑦ. ᓂᕈᐊᕋᑦᓴᑦ ᖃᐅᔨᒪᒋᐊᕆᐊᓖᑦ ᓂᕈᐊᕋᑦᓴᓕᐅᕈᑏᑦ …

ᓄᓇᕗᑦ ᑐᙵᕕᒃ ᑎᒥᖓ ᖁᓚᙱᓗᐊᕐᑐᐊᓘᓗᐊᕐᑕᐃᓕᒪᕗᑦ ᒐᕙᒪᒃᑯᑦ ᐱᓕᕆᐊᒃᓴᒥᓐᓂᒃ ᑯᐃᑉ ᑭᒡᒐᑐᖅᑎᖓ ᑐᓴᖅᑎᑦᑎᓚᐅᕐᑎᓪᓗᒍ

(ᓯᑎᐱᕆ 24, 2020, ᐃᖃᓗᐃᑦ) ᓄᓇᕗᑦ ᑐᙵᕕᒃ ᑎᒥᖓ ᖁᓚᙱᓗᐊᕐᑐᐊᓘᓗᐊᕐᑕᐃᓕᒪᕗᑦ ᒐᕙᒪᒃᑯᑦ ᐱᓕᕆᐊᒃᓴᒥᓐᓂᒃ ᑲᓇᑕᐅᑉ ᑲᑎᒪᕕᕐᔪᐊᖓᓂ ᑯᐃᑉ ᑭᒡᒐᑐᖅᑎᖓ ᔫᓕ ᐸᐃᐊᑦ, ᑐᓴᖅᑎᑦᑎᓚᐅᕐᑎᓪᓗᒍ ᐃᑉᐸᒃᓴᖅ.
ᑐᙵᕕᒃᑯᑦ ᐱᓕᕆᖃᑕᐅᓯᒪᒻᒪᑦ ᐱᓪᓗᒍ ᓯᕗᓂᑦᑎᓐᓂ ᐊᑦᑕᓇᕐᓂᕆᑐᐃᓐᓇᕆᐊᖃᖅᑕᖓᓂᒃ ᐊᒻᒪ ᐊᑦᑐᐃᔪᓐᓇᕐᓂᖓᓂᒃ ᓄᕙᒡᔪᐊᕐᓇᖅ−19, ᐊᒻᒪ ᐱᕚᓪᓕᕐᑕᐅᔭᕆᐊᖃᓪᓚᕆᓐᓂᖓᓂᒃ ᐋᓐᓂᐊᖃᓐᓇᖏᑦᑐᓕᕆᓂᒃ, ᐃᓅᓯᒋᑦᓯᐊᓐᓂᖏᑦ ᐊᒻᒪ ᐃᖕᒥᒃᑯᑦ ᐊᐅᓚᑦᑎᔪᓐᓇᕐᓂᖏᑦ ᐃᓄᖏᑦ ᓄᓇᕗᖕᒥ. ᓄᕙᒡᔪᐊᕐᓇᖅ−19 ᓇᓗᓇᕈᓐᓃᑎᑦᑎᓯᒪᒻᒪ ᒪᕐᕉᓐᓂᒃ ᐱᔭᐅᔭᕆᐊᖃᓪᓚᕆᒃᑐᓂᒃ ᓄᓇᕗᖕᒥ ᐊᒥᒐᕐᓯᒍᑕᐅᓗᐊᕐᑐᑦ ᐃᓅᖃᑎᒌᓄᑦ ᑮᓇᐅᔾᔭᒃᓴᕕᒃᓴᑦ ᐊᒻᒪ ᐃᖅᑲᓇᐃᔭᕐᑎᖃᕆᐊᖃᓐᓂᖅ.
ᑐᙵᕕᒃᑯᑦ ᕿᓚᓈᖅᐳᑦ ᐃᖅᑲᓇᐃᔭᖃᑎᖃᓐᓂᐊᓂᕐᒥᓂᒃ ᑲᓇᑕᐅ ᒐᕙᒪᒃᑯᖏᓐᓂᒃ ᐱᓕᕆᒋᐊᕈᑎᖃᓐᓂᐊᕐᓗᑎᒃ ᒐᕙᒪᒃᑯᑦ ᐱᓕᕆᐊᒃᓴᒥᓐᓂᒃ ᑲᓇᑕᐅᑉ ᑲᑎᒪᕕᕐᔪᐊᖓᓂ ᐅᖃᐅᓯᐅᖃᐅᔪᓂᒃ ᓇᓗᓇᐃᕆᖃᐅᒻᒪᑕ ᑲᑐᔾᔨᓗᑎᒃ ᐱᓕᕆᐊᕆᔪᒪᔭᕐᒥᓐᓂᒃ, ᓱᓕᔪᒃᑯᑦ ᐱᓕᕆᖃᑎᒌᓐᓂᒃᑯᑦ ᐊᓯᔾᔩᕙᓪᓕᐊᒍᑕᐅᔪᓐᓇᕐᑐᓂᒃ. ᑐᙵᕕᒃᑯᑦ ᑲᒪᒋᔭᖃᐃᓐᓇᓂᐊᕐᐳᑦ ᐃᖕᒥᒃᑯᑦ ᐊᐅᓚᑦᑎᔪᓐᓇᓂᕐᒥ ᐊᖅᑯᑎᖃᓪᓗᑎᒃ ᓄᓇᕗᖕᒥ ᓴᖅᑭᑕᐅᓯᒪᔪᓂᒃ ᐃᖅᑲᓇᐃᔭᕐᑎᖃᓐᓂᕐᒥᒃ ᐋᖅᑭᒃᓯᓗᑎᒃ ᑲᑐᔾᔨᓂᒃᑯᑦ …

ᓄᓇᕗᑦ ᑐᙵᕕᒃ ᑎᒥᖓ ᐃᑲᔪᕐᓯᕗᑦ ᐊᑕᐅᓯᐅᖃᑎᖃᕐᖢᑎᒃ ᓴᐸᐃᒐᓐᓈᒐᑎ ᓄᓇᖃᖅᑳᖅᓯᒪᔪᓂᒃ

(ᓯᑎᐱᕆ 22, 2020, ᐃᖃᓗᐃᑦ) ᓄᓇᕗᑦ ᑐᙵᕕᒃ ᑎᒥᖓ ᐃᑲᔪᕐᓯᕗᑦ ᐊᑕᐅᓯᐅᖃᑎᖃᕐᖢᑎᒃ ᓴᐸᐃᒐᓐᓈᒐᑎ ᓄᓇᖃᖅᑳᖅᓯᒪᔪᓂᒃ ᐃᖃᓗᒐᓱᑦᑎᓂᒃ, ᐊᒻᒪᓗ ᑕᒪᐃᓐᓂᒃ ᓄᓇᖃᖅᑳᖅᓯᒪᔪᓂᒃ ᐃᑲᔪᖃᑕᐅᔪᓂᒃ ᓄᓇᖃᖅᑳᖅᓯᒪᓂᕐᒥᒍᑦ ᐱᔪᓐᓇᐅᑎᒥᓂᒃ ᐃᑲᓗᒐᓱᒍᓐᓇᓂᕐᒧᑦ ᐃᓅᓇᓱᐊᕈᑎᒋᓂᐊᕐᓗᒍ ᐊᒻᒪ ᓈᖕᒪᓴᙱᑎᐊᕐᐳᑦ ᒪᓕᒐᓐᓂᒃ ᒪᓕᒐᑎᒃ ᓂᖓᕈᑎᖃᖅᑐᓂᒃ ᐊᒻᒪ ᓂᙵᐅᒪᕕᖃᖅᑐᓂᒃ ᒥᒃ’ᒫᓄᑦ ᐃᖃᓗᒐᓱᐊᕐᑎᓄᑦ. ᒥᒃ’ᒫᑦ ᐱᔪᓐᓇᕐᓂᖃᕐᒪᑕ ᑮᓇᐅᔭᓕᐅᕈᑎᖃᕋᓱᐊᕐᓂᕐᒥᒃ ᐃᖃᓗᒐᓱᓐᓂᒃᑯᑦ ᐃᓅᓇᓱᐊᕈᑎᒃᓴᒥᓐᓂᒃ ᑕᑎᖃᖅᑐᑎᓪᓗ 1999-ᒥ ᖁᑦᑎᓂᕐᐹᒃᑯᑦ ᑲᓇᑕᐅᑉ ᐃᖅᑲᖅᑐᐃᕕᒐᒍᑦ ᑐᑭᑖᕈᑕᐅᓚᐅᕐᓯᒪᔪᒥᒃ ᐃᖃᓗᒐᓱᒍᓐᓇᓂᕐᒧᑦ ᐊᒻᒪ ᓂᐅᕐᕈᑎᖃᓐᓇᓂᕐᒧᑦ, ᑕᐃᒪᓐᓇ ᓇᓗᓇᐃᖅᑕᐅᓯᒪᒻᒪᑕ ᒥᒃ’ᒫᒃᑯᑦ ᐊᖏᖃᑎᖃᕐᓯᒪᓂᖏᑦᑎᑦ ᐊᒻᒪ ᓴᐳᑎᔭᐅᓯᒪᓂᖃᖅᑐᑎᒃ ᐃᓚᖓᓂ 35−ᒥ ᑲᓇᑕᐅᑉ ᑐᙵᕕᒋᓪᓗᒍ ᒪᓕᒐᖓᑦᑎᒍᑦ.
ᓄᓇᕗᑦ ᑐᙵᕕᒃ ᐃᒪᓐᓇᐃᖁᔨᕗᑦ ᐱᕐᓇᑎ ᔪᐊᑕᓐᒥᒃ, ᒐᕙᒪᑐᖃᒃᑯᑦ ᒥᓂᔅᑕᖓᑦ ᐃᒪᕐᒥᐅᑕᓕᕆᔨᒃᑯᓐᓄᑦ, ᐊᒻᒪᓗ ᐸᓖᓯᒃᑯᓐᓂᒃ/ᐳᕿᑦᑕᓕᓂᒃ ᒪᓕᒐᐃᑦ ᒪᓕᑦᑕᐅᑎᑕᐅᓗᑎᒃ ᐱᓪᓗᒍ ᒪᓕᒐᓐᓂᒃ ᒪᓕᒐᑎᒃ ᐅᓚᕕᓴᐃᓂᖏᓐᓄᑦ ᒥᒃ’ᒫᓂᒃ …

ᑐᓴᒐᒃᓴᖅ ᓴᖅᑭᑎᑕᐅᔪᖅ ᓄᓇᕗᑦ ᐊᖑᓇᓱᒃᑎᓄᑦ ᐃᑲᔫᑏᑦ ᐱᓕᕆᐊᖑᓂᖏᑦ

ᑐᓴᒐᒃᓴᖅ ᓴᖅᑭᑎᑕᐅᔪᖅ ᓄᓇᕗᑦ ᐊᖑᓇᓱᒃᑎᓄᑦ ᐃᑲᔫᑏᑦ ᐱᓕᕆᐊᖑᓂᖏᑦ
ᓄᓇᕗᒥ ᐊᖑᓇᓱᒃᑎᓄᑦ ᐃᑲᔫᑏᑑᑦ ᐱᓕᕆᐊᑦ ᑲᔪᓯᑎᑕᐅᓂᐊᖅᑐᑦ ᐅᑯᓄᖓ ᓄᓇᕗᒥ ᐊᕕᒃᑐᖅᓯᒪᔪᖏᓐᓂ ᐃᓄᐃᑦ ᑲᑐᔾᔨᖃᑎᒌᖏᓐᓄᑦ ᐱᒋᐊᕐᓗᓂ ᓯᑎᐱᕆ 1st, 2020.
ᐱᔾᔪᑎᐊ ᑐᑭᐊᑕ ᓄᓇᕗᒥ ᐊᖑᓇᓱᒃᑎᓄᑦ ᐃᑲᔫᑏᑦ ᐱᓕᕆᐊᑦ ᐱᒪᑐᒃᑕᐅᑦᑎᐊᕐᓗᑎᒃ ᐊᒻᒪᓗ ᓯᕗᒻᒧᒃᑎᑕᐅᑦᑎᐊᕐᓗᑎᒃ ᓄᓇᕗᒥ ᐃᓄᐃᑦ ᐊᖑᓇᓱᐊᖃᑦᑕᕐᓂᖏᑦ ᐱᖅᑯᓯᑐᖃᖏᑦᑎᒍᑦ, ᐃᓕᖁᓯᑐᖃᖏᑦ ᐊᒻᒪᓗ ᐱᖅᑯᓯᑐᖃᖏᑦᑎᒍᑦ ᐃᒨᓂᕐᒥᑦ. ᐱᓕᕆᐊᑦ ᐅᑯᐊ ᐃᓚᖃᖅᑐᑦ ᓄᓇᓕᖏᓐᓂ ᐊᖑᓇᓱᒍᔾᔨᖃᑦᑕᕐᓂᕐᒥᑦ ᐱᓕᕆᐊᑎᒍᑦ ᐊᒻᒪᓗ ᐊᖑᓇᓱᖕᓂᕐᒧᑦ ᐱᖁᑎᑦ ᐱᓕᕆᐊᖑᓪᓗᑎᒃ, ᐅᑯᐊ ᐃᒪᓐᓇᐃᑦᑐᑦ ᒥᑭᓂᖅᓴᐃᑦ ᐊᖑᓇᓱᖕᓂᕐᒧᑦ ᐃᖁᑎᑦ ᐱᓕᕆᐊᖑᔪᑦ, ᐊᑦᑕᓇᖅᑕᐃᓕᓂᕐᒧᑦ ᐱᖁᑎᑦ ᐱᓕᕆᐊᖑᔪᑦ ᐊᒻᒪᓗ ᐱᕐᓗᐊᕿᔪᖃᓕᕐᓂᖅᐸᑦ ᐊᖑᓇᓱᖕᓂᕐᒧᑦ ᐱᖁᑎᑦ.
ᓄᓇᕗᑦ ᑐᓐᖓᕕᒃ ᑎᒥᖓᑦ ᐱᓕᕆᐊᖏᑦ ᐃᒪᓐᓇ ᐱᖃᖅᑐᑦ ᐱᑕᖃᕐᖢᑎᒃ 2020 ᑮᓇᐅᔭᓂᒃ ᐊᖏᓂᖃᖅᑐᑦ ᐃᒪᓐᓇ $1,228,162.25.
ᑮᓇᐅᔭᐃᑦ ᐊᑐᐃᓐᓇᐅᔪᑦ …

ᐃᓄᒃᑐᑦ ᑎᑎᕋᕐᓗᓂ ᓵᓚᒃᓴᕋᓱᐊᕐᓂᖅ ᓴᖅᑭᖅᑕᐅᔪᖅ

(English) Did you submit your short story for the Inuktut writing prize?

ᐃᓄᐃᑦ ᐃᓕᓐᓂᐊᕈᑎᐅᔪᓐᓇᕐᑐᓂᒃ ᐅᖃᓪᓚᑦᑎᖃᓐᓂᐊᕐᐳᑦ ᐃᓄᐃᑦ ᑎᓚᕖᓴᒃᑯᑦ ᐃᓄᒃᑐᑦ ᐅᖃᐅᓯᖅ ᐊᑑᑎᖃᖅᑎᑕᐅᓂᕐᓴᐅᖁᓪᓗᒍ

(ᔪᓚᐃ 9, 2020 – ᐃᖃᓗᐃᑦ, ᓄᓇᕗᑦ) – ᓄᓇᕗᑦ ᑐᙵᕕᒃ ᑎᒥᖓ (ᑐᙵᕕᒃᑯᑦ) ᐊᒻᒪᓗ ᐃᓄᐃᑦ ᑎᓕᕕᓴᓕᕆᔩᑦ ᓴᖅᑮᓂᐊᕐᐳᑦ ᐃᓄᒃᑎᑐᑦ ᑎᓚᕖᓴᒃᑯᑦ ᑐᓴᕐᑕᐅᒃᑲᑦᑕᐅᒍᑕᐅᓛᕐᑐᖅ ᓄᓇᕘᑉ ᐅᓪᓗᖓ ᖁᕕᐊᓱᒍᑕᐅᑎᓪᓗᒍ.
“ᑕᒪᑦᑎᒍᑦ ᐊᑑᑎᖃᖅᑎᑕᐅᓂᕐᓴᐅᖁᒐᑦᑎᒍ ᐃᓄᒃᑐᑦ ᐅᖃᐅᓯᖅ ᑕᒪᐃᓐᓂ ᐃᓅᓯᑦᑎᓐᓂ ᓄᓇᕗᖕᒥ ᐃᓄᖏᑦᑎᒍᑦ,” ᐅᖃᖅᑐᖅ ᐊᓗᑭ ᑰᑦᑎᖅ, ᐊᖓᔪᖅᑳᖓᑦ ᑐᙵᕕᒃᕐᑯᒃᑦ. “ᖁᔭᒋᓗᐊᖅᐸᒃᑲᑦ ᐃᓄᐃᑦ ᑎᓚᕖᓴᒃᑯᑦ ᑕᑯᓐᓇᖑᐊᕈᓐᓇᕐᓯᒪᒻᒪᑕ ᐃᓄᐃᑦ ᐃᓕᖅᑯᓯᖏᑦ ᐊᒻᒪ ᐅᖃᐅᓯᖏᑦ ᐊᖏᕋᑎᓐᓂ ᑕᑯᓐᓇᕈᓐᓇᕐᓂᐊᕋᑦᑎᒍᑦ ᐊᒻᒪ ᐃᓄᐃᑦ ᐱᔪᓐᓇᖁᓪᓗᒋᑦ ᑐᑭᓯᒃᑲᓐᓂᕈᑎᒃᓴᓂᒃ ᐃᓄᒋᐊᓐᓂᓴᐃᓪᓗ ᓄᓇᕗᖕᒥ ᐃᓄᒃᑐᑦ ᐅᖃᓪᓚᓲᖑᒻᒪᑕ.”
ᑐᙵᕕᒃᑯᑦ ᑮᓇᐅᔭᖃᖅᑎᑦᑎᓂᐊᕐᐳᑦ $2.4 ᒥᓕᐊᖑᓗᐊᖅᑐᓂᒃ, ᐅᑭᐅᓂ ᐱᖓᓱᓂ ᓈᓇᓱᐊᕐᓂᐊᕐᑐᓂ, ᐊᑑᑎᖃᖅᑎᑕᐅᒃᑲᓐᓂᖁᓪᓗᒍ ᐃᓄᒃᑐᑦ ᐅᖃᐅᓯᖅ, ᐃᓄᐃᑦ ᐃᓕᖅᑯᓯᖏᑦ ᐊᒻᒪ ᑭᒃᑰᓂᑦᑎᓐᓄᑦ ᐊᒻᒪᓗ ᑐᑭᓯᐅᒪᒍᑎᓂᒃ ᐃᓄᒃᑑᖅᑐᓂᒃ ᐱᔪᓐᓇᖁᓪᓗᒋᑦ, ᐃᓄᒋᐊᓐᓂᕐᓴᐅᖕᒪᑕ …

ᓂᕈᐊᖅᑐᓕᕆᔨᒻᒪᕆᒃ ᑐᓴᖅᑎᑦᓯᔪᖅ ᑐᙵᕕᒃᑯᑦ ᓂᕈᐊᖅᑎᑦᓯᓂᐊᕐᓂᖓᓂᒃ ᐊᖓᔪᖅᑳᒧᑦ

(ᔪᓚᐃ 6, 2020 – ᐃᖃᓗᐃᑦ, ᓄᓇᕗᑦ) ᓄᓇᕗᑦ ᑐᙵᕕᒃ ᑎᒥᖓᓂ (ᑐᙵᕕᒃ) ᑭᖑᕝᕕᐅᑎᓯᒪᔪᖅ ᐊᖓᔪᖅᑳᒧᑦ ᔭᐃᒥᓯ ᐃᑦᑐᓗᒃ ᐅᓪᓗᒥ ᑐᓴᖅᑎᑦᓯᔪᖅ ᑳᑎᓖᓐ ᓯᖑᑦᓴᓐ, ᐃᖅᑲᓇᐃᔭᖅᑎ ᐊᔮᔮ ᑐᓴᐅᒪᔾᔪᑎᓕᕆᔨᒃᑯᓐᓂ, ᓂᕈᐊᖅᑐᓕᕆᔨᒻᒪᕆᐅᓂᐊᕐᓂᖓᓂᒃ (CRO) ᑐᙵᕕᒃᑯᑦ ᓂᕈᐊᖅᑎᑦᓯᓂᖓᓄᑦ ᐊᖓᔪᖅᑳᒧᑦ ᓂᕈᐊᕐᓂᐅᓂᐊᖅᑐᒧᑦ ᑏᓰᒻᕙ 14, 2020.
ᓂᕈᐊᕋᑦᓴᓕᐅᕐᓇᐅᓂᐊᖅᑐᖅ ᓅᕙᐃᒻᕙ 9-ᒥᓂᒃ ᓅᕙᐃᒻᕙ 13-ᒧᓄᑦ, 2020. ᓂᕈᐊᕋᓴᓕᐊᖑᒍᓐᓇᖅᑐᑦ ᓂᕈᐊᖅᑏᓪᓗ ᑲᓇᑕᒥᐅᑕᐅᔭᕆᐊᓖᑦ, ᐅᑭᐅᖅᑖᖅᓯᒪᓪᓗᑎᒃ 16-ᓂᒃ, ᐊᒻᒪᓗ ᐃᓅᓗᑎᒃ ᐊᑎᖃᖃᑕᐅᓗᑎᒃ ᓄᓇᕗᑦ ᐊᖏᕈᑎᖏᓐᓂ. ᓂᕈᐊᕋᑦᓴᓕᐅᕈᑎᑖᕐᕕᒃᓴᖅ ᑕᑕᑎᕆᐊᓕᓐᓂᒃ ᓂᕈᐊᖅᑐᓕᕆᔨᒻᒪᕆᒻᒥᒃ, ᓄᓇᓕᓐᓂ ᑐᖅᑲᑕᕐᕕᓐᓂᒃ, ᐅᕝᕙᓘᓐᓃᑦ ᑐᙵᕕᒃᑯᑦ ᐃᑭᐊᖅᑭᕕᖓᓂᒃ ᓂᕈᐊᕋᑦᓴᓕᐅᕐᓇᖅ ᒪᑐᐃᖅᐸᑦ.
ᓂᕈᐊᕋᑦᓴᓄᑦ ᐱᓕᕆᐊᖑᔭᕆᐊᓖᑦ ᓂᕈᐊᕋᑦᓴᓕᐅᕈᑏᑦ ᐸᐃᑉᐹᑦ (ᐃᓚᒋᔭᐅᓗᑎᒃ ᐸᓖᓯᒃᑯᓐᓂᒃ ᐱᕋᔭᓯᒪᒻᒪᖔᑕ ᖃᐅᔨᓴᖅᑕᐅᒍᑏᑦ) ᑐᓂᔭᐅᓯᒪᒐᓗᐊᕐᒪᖔᑕ ᒪᑐᕕᑦᓴᖓ ᑎᑭᙱᓐᓂᖓᓂ. ᓂᕈᐊᕋᑦᓴᓕᐅᕈᑏᑦ ᐸᐃᑉᐹᑦ ᑐᓂᔭᐅᓯᒪᙱᑉᐸᑕ ᐃᓱᓕᕝᕕᑦᓴᖓᑕ ᑐᖔᓂ, …

ᓇᓪᓕᐅᓂᖅᓯᐅᕐᓂᖅ ᓄᓇᕗᑦ ᐅᓪᓗᖓᓂᒃ ᐊᐅᓚᓂᖃᕐᓗᓂ ᓄᑖᒥᒃ

(ᔪᓚᐃ 3, 2020 – ᐃᖃᓗᐃᑦ, ᓄᓇᕗᑦ) – ᓄᓇᕗᑦ ᐅᓪᓗᖓ ᓇᓪᓕᐅᓂᖅᓯᐅᕈᑕᐅᓂᐊᕐᒥᔪᖅ ᐊᕐᕌᒍᑦᑎᓐᓂ 2020. ᐱᔾᔪᑕᐅᓪᓗᓂ ᓄᕙᔾᔪᐊᕐᓇᖅ-19, ᐊᕐᕌᒍᑦᑎᓐᓂ ᓇᓪᓕᐅᓂᖅᓯᐅᕈᑕᐅᓲᑦ ᓴᖑᑎᑕᐅᓯᒪᓂᐊᕐᒪᑕ ᓯᓚᒥ ᓇᓪᓕᐅᓂᖅᓯᐅᖃᑦᑕᓲᖑᒐᓗᐊᑦ ᑭᓯᐊᓂ ᒫᓐᓇ ᐃᑭᐊᖅᑭᔾᔪᑎᒃᑯᑦ, ᑕᓚᕖᓴᒃᑯᑦ, ᓈᓚᐅᑎᒃᑯᑦ ᐊᒻᒪᓗ ᐃᓅᖃᑎᒌᓄᑦ ᖃᕆᓴᐅᔭᒃᑯᑦ ᑲᓲᒪᔾᔪᑎᑎᒍᑦ ᓇᓪᓕᐅᓂᖅᓯᐅᖔᕐᓂᐊᖅᑐᑦ.
ᐸᕐᓇᑦᑏᑦ ᒪᓕᑦᑐᑦ ᐋᓐᓂᐊᖃᕐᓇᖏᑦᑐᓕᕆᔨᒻᒪᕆᐅᑉ ᑎᓕᓯᔾᔪᑎᖏᓐᓂᒃ ᑲᑎᖃᑦᑕᖁᔨᙱᓐᓂᖓᓂᒃ ᐊᒥᓲᓗᑎᒃ. “ᓄᓇᕗᑦ ᐅᓪᓗᖓ ᐊᖏᓂᖅᐹᖅ ᓇᓪᓕᐅᓂᖅᓯᐅᕐᓂᐅᕙᑦᑐᓂ ᓄᓇᑦᑎᓐᓂ,” ᐅᖃᖅᑐᖅ ᑐᙵᕕᒃᑯᑦ ᐊᖓᔪᖅᑳᖓ ᐊᓗᑭ ᑰᑦᑎᖅ. “ᐃᓅᓪᓗᑕ ᖁᕕᐊᒋᔭᖃᓲᖑᒐᑦᑕ ᓯᓚᒥ ᓄᓇᓕᓐᓂ ᓱᐃᓛᕿᑎᑕᐅᓂᕐᓂᒃ, ᐃᓚᐅᒍᓐᓇᑐᐃᓐᓇᐅᓪᓗᑎᒃ ᓄᓇᖅᑲᑎᒌᑦ ᓇᓪᓕᐅᓂᖅᓯᐅᓂᕐᓄᑦ ᐃᓚᒋᔭᐅᓪᓗᑎᒃ ᓂᔾᔭᐅᓯᔭᕐᓂᖅ, ᓂᖀᑦ, ᐱᙳᐊᕈᓰᑦ ᐊᒻᒪᓗ ᐱᙳᐊᕐᓃᑦ. ᑭᓯᐊᓂ, ᖃᓂᒻᒪᖁᓇᒋᑦ ᐊᒻᒪᓗ ᐊᑦᑕᓇᐃᖅᓯᒪᖁᓪᓗᒋᑦ ᑭᒃᑯᓕᒫᑦ ᑕᒪᓐᓇ ᐱᖕᒪᕆᐅᓂᖅᓴᐅᒻᒪᑦ.”
ᓄᓇᕗᑦ ᐸᕐᓇᑎᖏᑦ ᑲᑎᒪᔨᕋᓛᑦ ᐱᓕᕆᓯᒪᒻᒪᕆᑦᑐᑦ ᓴᖅᑮᓇᓱᐊᖅᑐᑎᑦ …

ᐃᓕᓴᕆᔭᐅᔪᒃᑯᑦ ᐅᓐᓂᕐᓘᑎ ᑐᓂᔭᐅᔪᖅ ᓄᓇᕐᔪᐊᒥ ᑲᑎᒪᔨᕐᔪᐊᑦ ᐊᓪᓚᕝᕕᖓᓄᑦ ᖁᑦᓯᓂᖅᐹᒧᑦ ᑲᒥᓯᓇᒧᑦ ᐃᓅᖄᑎᒌᑦ ᐱᔪᓐᓇᐅᑎᖏᓐᓄᑦ

(ᔫᓂ 18, 2020 – ᐃᖃᓗᐃᑦ, ᓄᓇᕗᑦ) ᒪᐃ 28, 2020 ᓄᓇᕗᑦ ᑐᙵᕕᒃᑯᑦ ᑎᒥᖓᑦ (ᑐᙵᕕᒃᑯᑦ) ᓈᖕᒪᓴᙱᓐᓂᕋᖅᑐᓂᒃ ᑎᑎᕋᔪᒻᒪᑕ ᒥᔅᑕ. ᐴᓈᓐ ᑎ ᕙᕆᐊᓈᔅᒧᑦ (Mr. Fernand de Barennes), ᑎᒃᑯᐊᖅᑕᐅᓯᒪᔪᖅ ᓄᓇᕐᔪᐊᕐᒥ ᓄᓇᓖᑦ ᑲᑐᔾᔨᖃᑎᒌᖏᓐᓄᑦ ᐅᕕᓂᖃᑎᒌᙱᑦᑐᑦ ᐃᓄᐃᓴᓛᖑᔪᑦ ᐃᓱᒫᓗᒋᔭᐅᓂᖏᓐᓄᑦ ᐱᓕᕆᔪᖅ ᑎᑎᕋᕐᕕᖓᓂ ᑲᒥᓴᓇᐅᑉ ᑭᒃᑯᑐᐃᓐᓇᐃᑦ ᐱᔪᓐᓇᐅᑎᖏᓐᓂᒃ ᐱᓕᕆᔪᓄᑦ ᔩᓃᕙᒥ, ᓱᕕᑦᓱᓚᓐᒥ.
ᑐᙵᕕᒃᑯᑦ ᓈᖕᒪᓴᙱᔾᔪᑎᒥᓂᒃ ᑎᑎᖅᑲᖓ ᓇᓗᓇᐃᕆᔪᒻᒪ ᑖᒃᑯᐊ ᑲᓇᑕ ᑲᒪᒋᔭᕆᐊᓕᖕᒥᓂᒃ ᑲᒪᓯᒪᙱᓐᓂᖏᓐᓄ ᐊᒻᒪ ᑲᒪᒋᐊᓚᐅᕐᓯᒪᙱᓐᓂᖏᓐᓄᑦ ᑲᒪᒋᔭᐅᖁᓯᒪᔭᓂᒃ ᓄᓇᕐᔪᐊᕐᓕᒫᕐᒥ ᑲᒪᒋᔭᐅᖁᔭᐅᓯᒪᔪᓂᒃ ᐱᓪᓗᒋᑦ ᐃᓄᐃᑦ ᐃᒻᒥᒍᑦ ᐃᓕᖅᑯᓯᖃᕐᒪᑕ ᐊᒻᒪ ᐅᖃᓪᓚᐅᓯᖃᖅᑐᑎᒃ ᐃᓄᒋᐊᙱᓂᕐᐹᖑᓪᓗᑎᓪᓗ ᐊᑐᕐᓗᒍ ᓄᓇᕐᔪᐊᓕᒫᕐᒥ ᑎᓕᓯᒍᑕᐅᕙᒃᑐᓄᑦ ᑲᓇᑕᐅᓪᓗ ᐊᑎᓕᐅᖅᑎᐅᖃᑎᐅᓯᒪᓪᓗᓂ ᑎᓕᔾᔪᑎᓂᒃ.
ᐱᓗᐊᖅᑐᒥᒃ, ᑲᓇᑕ ᑲᒪᔪᓐᓇᖏᒻᒪᑕ, ᐊᒻᒪ ᑲᒪᓇᓱᐊᓚᐅᕐᓯᒪᓇᑎᒃ, ᐊᑑᑎᖃᓪᓚᕆᒃᑐᓂᒃ …

ᖃᓪᓗᓈᓂ ᓄᓇᖃᖅᑐᑦ ᐃᓄᐃᑦ ᓄᕙᔾᔪᐊᓇᖅᑎᓪᓗᒍ ᐃᑲᔪᖅᑕᐅᔾᔪᑎᖏᑦ ᓂᕆᔭᒃᓴᖃᑦᓯᐊᓂᕐᒧᑦ ᓇᔪᒐᑦᓴᓄᓪᓗ

(ᔪᓂ 1, 2020 – ᐃᖃᓗᐃᑦ, ᓄᓇᕗᑦ) ᐃᓄᐃᑦ ᓯᕗᓕᖅᑎᖏᑦ ᑐᓂᓯᔪᑦ $2.5−ᒥᓕᔭᓂᒃ ᓄᓇᖃᖅᑳᖅᓯᒪᔪᑦ ᓄᓇᓕᖏᓐᓄᑦ ᐃᑲᔫᑎᓂᒃ ᑮᓇᐅᔭᓂᒃ ᓄᓇᕗᒻᒥᐅᓄᑦ ᐃᓄᓐᓄᑦ ᓄᓇᖃᖅᑐᓄᑦ ᓯᓚᑖᓂ ᓄᓇᕗᑦ ᓄᓇᖓᑕ ᓇᓗᓇᐃᖅᑕᐅᓯᒪᓂᖓᓂ ᑐᕌᖓᔪᓂᒃ ᓂᕆᔭᒃᓴᖃᑦᓯᐊᓂᕐᒧᑦ ᐊᒻᒪᓗ ᓇᔪᒐᑦᓴᓂᒃ ᑭᒡᒍᑎᒥᒃ ᓄᕙᔾᔪᐊᓇᕐᓂᖓᓄᑦ ᓄᓇᕐᔪᐊᒥ.
“ᓄᕙᔾᔪᐊᕐᓇᖅ ᐊᐃᑦᑐᕐᓗᐃᑐᐃᓐᓇᕆᐊᖃᕐᓂᖅᓴᖅ ᑕᐃᒃᑯᓄᖓ ᓴᙱᓕᓯᒪᔪᓄᑦ ᑎᒥᖏᑕ ᓴᐴᓗᑕᖏᓐᓂᒃ ᖃᓂᒻᒪᑦᑕᐃᓕᓂᕐᒧᑦ. ᐃᑲᔪᕈᒪᕙᕗᑦ ᑕᐃᒃᑯᐊ ᐊᐃᑦᑐᕐᓗᑦᑕᐅᑐᐃᓐᓇᕆᐊᖃᕐᓂᖅᓴᑦ ᓄᓇᕗᒻᒥ ᐃᓄᐃᑦ, ᓄᓇᖃᖅᑐᑦ ᓯᓚᑖᓂ ᓄᓇᕗᑦ, ᐃᑲᔫᑎᒋᔪᓐᓇᑕᑦᑎᒍᑦ ᐊᑐᕆᐊᖃᓗᐊᙳᐊᖅᑕᖏᓐᓂᒃ,” ᐅᖃᖅᑐᖅ ᐊᓗᑭ ᑰᑦᑎᖅ, ᓄᓇᕗᑦ ᑐᙵᕕᒃ ᑎᒥᖓᑕ (ᑐᙵᕕᒃ) ᐊᖓᔪᖅᑳᖓ.
ᐃᓄᓕᖅᑕᓂᒃ ᓂᕆᔭᑦᓴᓂᒃ ᐆᒪᔪᕋᓱᖃᑦᑕᓂᐊᖅᑐᑦ ᓄᓇᕗᒻᒥ, ᑐᓂᓯᒍᑎᒃᓴᒥᒃ ᐱᖕᒪᕆᐅᔪᒥᒃ ᒪᑭᒪᔾᔪᑎᒃᓴᑎᒍᑦ ᐊᐅᓚᑕᐅᓗᓂ ᓄᓇᑦᑎᓐᓂ. ᑐᓂᐅᖅᑲᖅᑕᐅᓗᑎᒃ ᐆᒪᔪᖅᑕᐅᔪᑦ ᐋᑐᕚᒥ, ᔭᓗᓇᐃᕝ, ᐅᐃᓂᐱᒡ, ᐃᐊᑦᒥᓐᑕᓐ ᐊᒻᒪᓗ ᒪᓐᑐᕆᐊ ᐸᕐᓇᑕᐅᓯᒪᔪᖅ ᑲᑐᔾᔨᖃᑎᒌᑎᒍᑦ …

ᐅᐊᓴᖃᑦᑕᒃᑭᑦ/ᐃᕐᒥᖃᑦᑕᒃᑭᑦ ᐊᒡᒐᑎᑦ ᐊᒻᒪ ᐊᖏᕐᕋᐃᑦ ᐱᐅᕐᓱᐊᑎᓪᓗᑎᒃ ᐃᒥᕐᒥᒃ

ᓴᖅᑭᑕᐅᔪᖅ ᓄᓇᕗᑦ ᑐᙵᕕᒃᑯᓐᓂᑦ

www.tunngavik.com
ᑐᐃᑐ: @NTunngavik
ᖃᕆᓴᐅᔭᕋᓛᒃᑯᑦ (Facebook) Tunngavik
ᑐᑭᓯᒋᐊᒃᑲᓐᓂᕈᒪᒍᕕᑦ, ᐅᖃᕐᕕᒋᓗᒍ:
ᒪᓚᐃᔭ ᒥᑭᔾᔪᒃ
ᑐᑭᒧᐊᒃᑎᑦᑎᔨᐅᑲᐃᓐᓇᖅᑐᖅ ᑐᓴᖃᑦᑕᐅᑎᓕᕆᔨᓄᑦ
ᓄᓇᕗᑦ ᑐᙵᕕᒃ ᑎᒥᖓᑦ
ᐅᖃᓘᑖ: (867) 975-4907 ᐊᑭᖃᓐᖏᑦᑐᖅ ᐅᖄᓚᕕᒃᓴᖅ: 1-888-646-0006

www.tunngavik.com

ᒪᑭᒋᐊᖅᑕ ᐃᓄᖕᓄᑦ ᐃᓕᓐᓂᐊᖅᑎᑦᑎᔾᔪᑎᓕᕆᔨᑦ ᑯᐊᐱᕇᓴᓐ ᑐᒃᓯᕋᕈᑎᒃᓴᑦᓄᑦ ᓴᖅᑭᑦᑎᓂᖅ

ᐊᑏ ᑐᓂᒃᑭᑦ ᓇᓗᓇᐃᔭᖅᓯᒪᔪᑦ ᑐᒃᕋᐅᑎᑦ ᐅᑯᓄᖓ ᑐᕌᖅᑎᓪᓗᒋᑦ;
ᑐᕌᕈᑎᐊ: Makigiaqta Inuit Training Corporation
P.O. Box 638 Building 626
Iqaluit, NU X0A 0H0

ᐅᖄᓚᐅᑎᐊ: (867)-979-7923
ᓱᑲᔪᒃᑯᑦ: (867)-979-7925
Download (PDF, 70KB)

ᓄᑖᓐᖑᖅᑎᑦᓯᒋᐊᖃᕐᓂᖅ ᖃᓄᐃᓕᐅᕈᑎᒃᓴᓂᒃ ᓯᕗᓪᓕᖅᐹᒥ ᓇᓗᓇᐃᖅᓯᔪᖃᖅᑎᓪᓗᒍ ᓄᕙᒡᔪᐊᕐᓇᖅᑐᖃᖅᑐᒥᒃ COVID-19

(ᒪᐃ 1, 2020, ᐃᖃᓗᐃᑦ ᓄᓇᕗᑦ) ᓯᕗᓪᓕᖅᐹᒥ ᓇᓗᓇᐃᖅᓯᔪᖃᖅᑎᓪᓗᒍ ᓄᕙᒡᔪᐊᕐᓇᖅᑐᖃᖅᑐᒥᒃ COVID-19 ᓄᓇᕗᒻᒥ, ᓄᓇᕗᑦ ᑐᙵᕕᒃ ᑎᒥᖓᑦ ᐱᒋᐊᑲᐅᑎᒋᖁᔨᕗᑦ ᖃᐅᔨᓴᖅᑕᐅᔾᔪᑎᒃᓴᓂᒃ, ᓄᖅᑲᖅᑎᓪᓗᒋᑦ ᓄᓇᓕᐅᖃᑎᒌᓄᑦ ᐃᖏᕐᕋᔭᕋᓐᓂᖅ ᐊᒻᒪ ᐃᒪᖃᑦᓯᐊᖅᑎᓪᓗᒋᑦ ᐊᒻᒪ ᑭᓈᓗᓕᕆᔭᐅᓂᕐᒧᑦ ᐱᔨᑦᓯᖅᑕᐅᑦᓯᐊᕐᓗᑎᒃ.
“ᖃᐅᔨᒪᔪᐃᓐᓇᐅᓚᐅᖅᑐᒍᑦ ᑕᒪᓐᓇ ᓄᕙᒡᔪᐊᕐᓇᖅ COVID-19 ᑎᑭᔾᔫᒥᓛᕐᓂᖓᓂᒃ ᓄᓇᕗᑦᒧ. ᓱᓕ ᐱᕕᒃᓴᖅᑕᖃᖅᑐᖅ ᓯᐊᒻᒪᒃᑎᑦᓯᑦᑕᐃᓕᔾᔪᑎᒃᓴᓂᒃ ᐊᒻᒪ ᐊᐅᓚᑦᓯᐊᕐᓗᒋᑦ ᐊᒃᑐᐃᒍᑕᐅᔪᑦ. ᑐᐊᕕᕐᓇᖅᑐᖅᑕᖃᓕᕐᒪᑦ, ᑐᖔᒍᓪᓘᓐᓃᑦ ᑕᒪᑐᒪ ᓄᕙᒡᔪᐊᕐᓇᐅᑉ, ᐊᒻᒪ ᐅᖓᑕᓃᒻᒪᑦ ᑮᓇᐅᔭᖃᕈᑕᐅᒋᐊᓖᑦ ᐊᒻᒪ ᐃᖅᑲᓇᐃᔭᖅᑎᖃᕈᑕᐅᒋᐊᓖᑦ ᐊᕕᒃᑐᖅᓯᒪᓂᑦᑎᓐᓂ ᐅᖃᐅᓯᐅᒋᐊᓖᑦ. ᐱᑕᖃᕆᐊᖃᕐᓂᐊᖅᑐᒍᑦ ᐋᖅᑭᒃᓱᖅᓯᒪᒻᒪᕆᒃᑐᓂᒃ, ᐃᑲᔪᖅᑎᒌᒡᓗᓂ ᐱᓕᕆᐊᖃᕐᓂᖅ,” ᐅᖃᖅᑐᖅ ᐊᓗᑭ ᑰᑦᑎᖅ, ᐊᖓᔪᖅᑳᖓᑦ, ᓄᓇᕗᑦ ᑐᙵᕕᒃ ᑎᒥᖓᑦ (NTI).
ᓯᐊᒻᒪᒃᑎᒻᒪᕆᒡᓗᒋᑦ ᖃᐅᔨᓴᕈᑕᐅᒋᐊᓖᑦ ᐊᒻᒪ ᑐᑦᑕᕐᕕᐅᓂᐊᑦᑐᒥᒃ ᖃᐅᔨᓴᕐᓂᕐᒧᑦ ᐋᖅᑭᒃᓯᔪᖃᕆᐊᓕᒃ ᒫᓐᓇᑲᐅᑎᒋ ᐊᕕᒃᑐᖅᓯᒪᓂᐅᔪᒥ, ᑐᐊᕕᕐᓇᕐᓗᒍ …

ᕿᓂᖅᑐᑦ ᐃᓄᖕᓂᒃ ᐋᓐᓂᐊᖅᓯᐅᖅᑎᓂᒃ

Download (PDF, 227KB)

ᑐᙵᕕᒃᑯᑦ ᓇᓪᓕᒍᓱᓐᓂᕐᒥᓂᒃ ᓂᓪᓕᐅᔾᔨᕗᑦ ᐄᓯᒃᑲᐃᔭ ᐅᓲᑖᐱᒃ ᐃᓚᖏᓐᓂᒃ

(ᐃᐱᕆ 24, 2020 ᐃᖃᓗᐃᑦ) ᓄᓇᕗᑦ ᑐᙵᕕᒃᑯᑦ ᑲᑎᒪᔨᖏᑦ ᐅᓪᓗᒥ ᓂᓕᐅᑎᖃᕈᒻᒪᒻᒪᑕ ᓇᓪᓕᒍᓱᓐᓂᕐᒥᓂᒃ ᐃᓚᖏᓐᓂᒃ ᐊᒻᒪ ᐃᓚᓐᓇᕆᔭᖏᓐᓂᒃ ᐸᖕᓂᕐᑑᕐᒥᐅᑦ, ᐄᓯᒃᑲᐃᔭ ᐅᓲᑖᐱᒃ ᐃᓅᔪᓐᓃᓚᐅᕐᒃᑐᖅ ᑕᓪᓕᒥᕐᒥ ᐃᐱᕆ 17, 2020.
“ᐄᓯᒃᑲᐃᔭ ᐅᓲᑖᐱᒃ ᐱᓕᕆᖃᑕᐅᓪᓚᕆᒃᑐᓂ ᓯᕗᓕᖅᑎᐅᓚᐅᕐᑐᖅ ᐃᖅᑲᐅᒪᔭᐅᓂᐊᕐᑐᖅ ᑐᙵᓇᕐᓂᖓᓄᑦ ᐊᒻᒪ ᐱᔾᔪᔨᑦᑎᐊᕈᒪᓂᖓᓄᑦ. ᐃᒃᐱᒋᔭᖃᑦᑎᐊᓚᐅᕐᑐᖅ ᐆᒪᑎᒥᒍᑦ ᐃᓅᖃᑎᒥᓂᒃ. ᓇᓪᓕᒋᕙᒃᑲ ᐄᓯᒃᑲᐃᔭᑉ ᐃᓚᖏᑦ ᕿᒃᓵᓇᕐᑐᑰᒃᑎᓪᓗᒋᑦ. ᐊᒃᓱᐊᓗᒃ ᐆᒻᒪᑎᒃᑯᑦ ᐃᒃᐱᓇᕐᑐᖅ ᓇᓪᓕᒋᔭᒥᒃ ᐃᓚᐃᕐᑐᓂ. ᑕᐸᓇᕆᓚᐅᙱᑕᕋ ᐄᓯᒃᑲᐃᔭ ᐊᒻᒪᓗ ᓄᓇᖅᑲᑎᒥᓂᒃ ᐃᓱᒪᒋᔭᖃᓐᓂᖓᓄᑦ.” ᐅᖃᖅᑐᖅ ᑐᙵᕕᒃᑯᑦ ᐊᖓᔪᖅᑳᖓ, ᐊᓗᑭ ᑰᑦᑎᖅ.
ᐄᓯᒃᑲᐃᔭ ᓄᓇᕗᑦ ᒪᓕᒐᓕᐅᕐᕕᖓᓂ ᒪᓕᒐᓕᐅᖅᑎᐅᖃᑕᐅᓚᐅᕐᓯᒪᒻᒥᔪᖅ ᑭᒡᒐᑐᐃᓪᓗᓂ ᐸᖕᓂᕐᑑᕐᒥᐅᓂᒃ ᐊᒻᒪ ᒪᐃᔭᒋᔭᐅᓚᐅᕐᑐᖅ ᐸᖕᓂᕐᑑᕐᒥᐅᓄᑦ. ᐅᑭᐅᖃᓚᐅᖅᑐᖅ 63-ᓂᒃ.
-30-
ᑐᑭᓯᒋᐊᒃᑲᓂᕐᕕᒋᔪᓐᓇᕐᐸᑦ:
ᒪᓚᐃᔭ ᒥᑭᔾᔪᒃ
ᑐᑭᒧᐊᒃᑎᑦᑎᔨᒧᑦ ᐃᑲᔪᖅᑎ ᑐᓴᐅᒪᔾᔪᑎᓕᕆᔨᒃᑯᓐᓂ
ᐅᖄᓚᐅᑖ: (867) 975-4907

www.tunngavik.com
ᖃᔮᖅ ᐃᐊᓪᖦᒍᑦ
ᑐᓴᐅᒪᔭᐅᔭᕆᐊᖃᖅᑐᓂᒃ ᖃᐅᔨᒪᔨ
ᑎᑎᕋᕐᕕᖓ …

ᓄᓇᕗᑦ ᒐᕙᒪᒃᑯᖏᑦ ᓄᓇᕗᑦ ᑐᙵᕕᒃᑯᓪᓗ ᐊᑐᐃᓐᓇᐅᑎᑦᓯᓂᐊᖅᑐᑦ $2 ᒥᓕᐊᓐᓂᒃ ᓄᓇᓕᓐᓂ ᓂᕆᔭᑦᓴᖃᖅᑎᑦᓯᓂᕐᒧᑦ ᐃᑲᔫᑎᓄᑦ ᓄᕙᔾᔪᐊᕐᓇᖅᑐᖃᖅᑎᓪᓗᒍ COVID 19

ᓄᓇᕗᑦ ᒐᕙᒪᒃᑯᖏᑦ ᓄᓇᕗᑦ ᑐᙵᕕᒃᑯᓪᓗ ᐊᑐᐃᓐᓇᐅᑎᑦᓯᓂᐊᖅᑐᑦ $2
ᒥᓕᐊᓐᓂᒃ ᓄᓇᓕᓐᓂ ᓂᕆᔭᑦᓴᖃᖅᑎᑦᓯᓂᕐᒧᑦ ᐃᑲᔫᑎᓄᑦ ᓄᕙᔾᔪᐊᕐᓇᖅᑐᖃᖅᑎᓪᓗᒍ COVID 19
ᐃᖃᓗᐃᑦ, ᓄᓇᕗᑦ ᐃᐳᕈ 3, 2020) − ᓄᓇᕗᒻᒥ ᓯᕗᓕᖅᑎ ᔫ ᓴᕕᑲᑖᖅ ᐊᒻᒪᓗ ᓄᓇᕗᑦ ᑐᙵᕕᒃᑯᑦ ᐊᖏᔪᖅᑳᖓᑦ ᐊᓗᑭ ᑰᑦᑎᖅ ᐅᓪᓗᒥ ᓇᓗᓇᐃᖅᓯᖅᑲᐅᔫᒃ $2 ᒥᓕᐊᓐ ᐅᖓᑖᓃᑦᑐᓂᒃ ᓄᓇᓕᓐᓂ ᓂᕆᔭᑦᓴᖃᖅᑎᑦᓯᓂᕐᒧᑦ ᐃᑲᔫᑎᓄᑦ ᓱᕈᓯᕐᓄᑦ ᐃᓄᑐᖃᕐᓄᓪᓗ ᐱᔾᔪᑕᐅᓪᓗᓂ ᓄᕙᔾᔪᐊᕐᓇᖅ COVID 19 ᓯᐊᕐᒪᐸᓪᓕᐊᓂᖓ
ᑖᒃᑯᐊ ᑮᓇᐅᔭᐃᑦ ᑐᓂᐅᖅᑲᖅᑕᐅᓂᐊᖅᑐᑦ ᕼᐊᒻᓚᓄᑦ, ᐊᐅᓚᑦᓯᖁᓪᓗᒋᑦ ᓄᓇᓕᓐᓂ ᐃᑲᔫᑎᑦᓴᓂᒃ ᓈᒻᒪᓈᕆᔭᖏᓐᓄᑦ. ᑮᓇᐅᔭᐃᑦ ᑐᓂᔭᐅᖃᑦᑕᓂᐊᖅᑐᑦ ᓄᓇᓖᑦ ᐊᖏᓂᖏᑦ ᒪᓕᑦᑕᐅᓗᑎᒃ: ᓄᓇᓖᑦ ᐃᓄᓖᑦ 1000 ᑐᖔᓂ $40,000, ᓄᓇᓖᑦ ᐃᓄᓖᑦ 1000 ᐅᖓᑖᓄᑦ $90,000, ᐊᒻᒪᓗ ᐃᖃᓗᐃᑦ $200,000. ᑖᒃᑯᐊ ᑮᓇᐅᔭᐃᑦ ᓂᕿᑦᓯᐊᕙᓐᓂᒃ …

ᓄᓇᕗᑦ ᑐᙵᕕᒃᑯᑦ ᑮᓇᐅᔭᓂᒃ ᐊᑐᐃᓐᓇᕈᐃᑦᑕᐅᑎᒋᔪᑦ ᐃᒥᕐᑕᕐᑕᐅᓯᒪᐃᓐᓇᕆᐊᖃᓐᓂᖏᓐᓄᑦ ᐃᓄᐃᑦ

(ᒪᑦᓯ 26, 2020 ᐃᖃᓗᐃᑦ , ᓄᓇᕗᑦ) ᓄᓇᕗᑦ ᑐᙵᕕᒃᑯᑦ ᑮᓇᐅᔭᓂᒃ ᐊᑐᐃᓐᓇᕈᐃᑦᑕᐅᑎᒋᕗᑦ $1.25 ᒥᓕᐊᓂᒃ ᓄᓇᖃᖅᑳᖅᓯᒪᔪᑦ ᓄᓇᖏᓐᓂ ᐃᑲᔪᕐᓯᒍᑎᑦ ᑮᓇᐅᔭᖃᕈᑎᑎᒍᑦ ᓄᓇᕗᖕᒥ ᓄᓇᓕᖕᓄᑦ ᐃᓄᐃᑦ ᐃᒪᖃᑦᑎᐊᖁᓪᓗᒋᑦ ᐊᒡᒐᒻᒥᓂᒃ ᐃᕐᒥᑭᑕᕆᐊᖃᓐᓂᖏᓐᓄᑦ.
“ᐃᒥᖅ ᐃᓅᑉ ᐱᔪᓐᓇᐅᑎᒋᒻᒪᒍ.” ᐅᖃᖅᑐᖅ ᐊᓗᑭ ᑰᑦᑎᖅ. “ᑐᐊᕕᕆᒐᑦᑎᒍ ᐃᓄᐃᑦ ᐃᕐᒥᕐᑎᐊᕈᓐᓇᓂᐊᕋᓗᐊᕐᒪᖔᑖ ᐊᒡᒐᒻᒥᓂᒃ ᐃᕐᒥᑭᑕᒋᐊᖃᖅᑐᑎᓪᓗ ᐋᓐᓂᐊᑖᖅᑕᐃᓕᒪᓂᕐᒧᑦ ᓄᕙᒡᔪᐊᕐᓇᖅ−19-ᒥᒃ.”
ᑐᙵᕕᒃᑯᑦ ᐱᓕᕆᖃᑎᖃᕐᐳᑦ ᓄᓇᕗᖕᒥ ᓄᓇᓖᑦ ᑲᑐᔾᔨᖃᑎᒌᖏᓐᓂᒃ. ᓄᓇᓕᖕᓂ ᕼᐋᒪᓚᒃᑯᑦ ᐊᑑᑎᖃᖅᑎᑦᑎᓂᐊᕐᐳᑦ ᑮᓇᐅᔭᖃᕈᑎᓂᒃ ᑕᒪᐃᑕ ᐃᔨᓗᖃᖅᑐᑦ ᐃᒥᕐᑕᖅᑕᐅᖃᑦᑕᖁᓪᓗᒋᑦ ᖃᐅᑕᒫᑦ ᐊᒻᒪᓗ ᖁᑦᑕᑦ ᒥᓪᓗᐊᕐᑕᐅᖃᑦᑕᖁᓪᓗᒋᑦ ᑕᖅᑭᖓᓂ ᐃᐱᕆᑉ, ᐃᒥᕐᑕᐅᑎᓄᑦ ᐊᒻᒪ ᒥᓪᓗᐊᕈᑎᓄᑦ ᐊᖁᑎᑖᒃᑲᓐᓂᕆᐊᖃᕋᔭᕐᓂᕐᐸᑕ, ᐃᑲᕐᕋᖏᓪᓗ ᐃᒥᕐᑕᕐᑕᐅᔪᓐᓇᕐᕕᐅᓲᑦ ᐊᑯᓂᐅᓂᕐᓴᐅᒍᓐᓇᖁᓪᓗᒋᑦ, ᐊᑭᓖᒍᑎᖏᓪᓗ ᐃᖅᑲᓇᐃᔭᕐᓇᐅᑉ ᐃᖃᕐᕋᖏᓐᓂᒃ ᐅᖓᑖᓄᑦ ᐃᖅᑲᓇᐃᔭᕐᑐᓄᑦ ᐊᑭᓖᔪᓐᓇᖁᓪᓗᒋ ᐊᖁᑎᒥᓂᒃ ᐅᕝᕙᓗ ᓄᓇᒃᑰᕈᑏᑦ …

ᓄᓇᕗᑦ ᑐᙵᕕᒃᑯᑦ ᓄᓇᕐᔪᐊᕐᒥ ᐳᕙᓪᓗᓇᕐᑐᒧᑦ ᐅᓪᓗᕆᑎᑕᐅᑎᓪᓗᒍ ᐃᒡᓗᖃᖅᑎᑦᑎᖁᔨᕗᑦ ᐃᓚᐃᓐᓈᖏᓪᓗᑎᒃ ᐊᑑᑎᑎᓪᓗᒍ ᓄᕙᒡᔪᐊᕐᓇᖅ−19 ᓄᓇᕐᔪᐊᒥᓕᒫᕐᒥ ᓯᐊᒻᒪᑎᓪᓗᒍ

(ᒪᑦᓯ 24, 2020 – ᐃᖃᓗᐃᑦ, ᓄᓇᕗᑦ) ᐅᓪᓗᒥ, ᓄᓇᕐᔪᐊᓕᒫᕐᒥ ᐳᕙᔾᓗᓇᕐᑐᒧᑦ ᐅᓪᓗᕆᑎᑕᐅᑎᓪᓗᒍ, ᓄᓇᕗᑦ ᑐᙵᕕᒃᑯᑦ ᑲᓇᑕᐅᑉ ᒐᕙᒪᒃᑯᖏᓐᓂᒃ ᐃᒪᓐᓇᐃᖁᔭᕗᑦ ᐊᒥᓱᓂᒃ ᑮᓇᐅᔭᖃᕈᑎᒃᓴᓂᒃ ᐱᓂᐊᕐᓂᖃᕈᑎᖃᖁᔨᕗᑦ ᐃᒡᓗᖃᖅᑎᑦᑎᒍᑕᐅᔪᓐᓇᕐᑐᓂᒃ ᐃᓚᐃᓐᓈᖏᓪᓗᑎᒃ ᓄᓇᕗᖕᒥ ᑲᒪᒋᐊᒍᑕᐅᖁᓪᓗᒍ ᐳᕙᑎᒍᑦ ᐋᓐᓂᐊᖃᓕᕈᑕᐅᓗᐊᕐᐸᒻᒪᑦ ᐃᒡᓗᑭᒃᓴᓗᐊᕐᓂᕐᒧᑦ ᓄᓇᕗᖕᒥ.
ᐊᒃᓱᕉᑕᐅᔪᑦ ᐱᑕᖃᕈᓐᓂᖅᑎᑕᐅᖁᓪᓗᒍ ᐳᕙᓪᓗᓇᖅ ᐱᕚᓪᓕᕈᑕᐅᓂᖃᕋᔭᕐᒪᑦ ᐃᓅᓯᕆᑦᑎᐊᕐᓂᖏᓐᓄᑦ ᓄᓇᕗᖕᒥᐅᑦ. ᑖᒃᑯᐊ ᐱᕚᓪᓕᕈᑕᐅᔪᓐᓇᕐᑐᑦ ᐃᑲᔪᓐᓂᖃᕈᓐᓇᓪᓚᕆᒻᓗᒪᑕ ᐃᓚᑦᑎᓐᓄᑦ ᐊᒻᒪ ᓄᓇᓕᖕᓄᑦ ᐳᕙᓪᓗᓇᕐᑐᖅᑕᖃᖁᓇᒍ ᐊᒻᒪ ᐊᓯᖏᓐᓂᒃ ᐋᓐᓂᐊᖃᕈᑕᐅᕙᒃᑐᓄᑦ, ᓲᕐᓗᖃᐃ ᓄᕙᒡᔪᐊᕐᓇᖅ−19. ᐃᒪᐃᒃᑑᓂᖓᓄᑦ ᐊᒻᒪ ᐋᓐᓂᐊᖃᓕᕈᑕᐅᕙᖕᒪᑦ ᐃᓄᒋᐊᓗᕐᑎᓪᓗᒋᑦ ᐃᒡᓗᒥᐅᖃᑎᒌᑦ, ᐃᒡᓗᑦ ᕿᖓᖃᖅᑎᓐᓇᒋᑦ ᐊᒻᒪ ᑎᒥᒧᑦ ᐱᐅᔪᓂᒃ ᓂᕿᒃᓴᖃᑦᑎᐊᙱᓗᐊᕐᐸᓐᓂᖏᓐᓄᑦ, ᐊᐃᑦᑐᐃᒍᑕᐅᓕᕈᓐᓇᕐᒪᑦ ᐳᕙᓪᓗᓇᕐᑐᒥᒃ ᐊᒻᒪ ᐊᒥᓲᒍᑎᒋᓗᐊᕐᓯᒪᒻᒪᒋᑦ ᐳᕙᓪᓗᐸᒃᑐᑦ ᐃᓄᐃᑦ ᓄᓇᓕᖕᓂ. ᑖᓐᓇᓴᐃᓐᓇᐅᕗᖅ ᐃᒪᐃᒃᑐᒦᓐᓂᑎᓐᓄᑦ ᐊᑦᑕᓐᓇᕈᑎᒋᒻᒪᒍ ᐅᓄᕐᓂᕐᓴᐅᔪᓐᓇᕐᒪᑕ ᓄᕙᒡᔪᐊᕐᓇᖅ−19-ᒥ ᐋᓐᓂᐊᑖᖅᑐᑦ ᐊᒻᒪᓗ ᐊᓯᖏᓐᓂᒃ …

ᓄᓇᖅᑲᑎᒥᓄᑦ ᐊᖑᓇᓱᒍᔾᔨᓂᕐᒧᑦ ᑮᓇᐅᔭᖃᕈᑎᑦ ᑕᒪᐃᓐᓄᑦ ᓄᓇᓕᖕᓂ ᐊᖑᓇᓱᑏᑦ ᑲᑐᔾᔨᖃᑎᒌᖏᓐᓄᑦ ᓄᓇᕗᖕᒥ ᓄᕙᒡᔪᐊᕐᓇᖅ−19 ᐱᓪᓗᒍ

ᐃᓄᐃᑦ ᑎᒥᑯᑎᖏᑦ ᐱᑕᖃᖅᑎᑦᑎᓂᐊᕐᑐᑦ $10,000−ᓂᒃ ᐊᖑᓇᓱᒃᑏᑦ ᑲᑐᓱᔾᔨᖃᑎᒌᖏᓐᓄᑦ ᓄᓇᕗᖕᒥ ᐃᑲᔪᕈᑕᐅᓂᐊᕐᓗᑎᒃ ᓄᓇᖅᑲᑎᒥᓄᑦ ᐊᖑᓇᓱᒍᔾᔨᓂᐊᕐᑎᓪᓗᒋᑦ ᐊᒻᒪ ᐃᑲᔪᕐᓯᔪᓐᓇᖁᓪᓗᒍ ᐊᑦᑐᐃᓗᐊᕐᑕᐃᓕᒪᑎᑕᐅᓂᖓᓄᑦ ᓄᕙᒡᔪᐊᕐᓇᖅ-19 ᐃᓄᖕᓂᑦ ᑮᓇᐅᔭᑎᒍᑦ ᐊᒻᒪ ᓂᕿᒃᓴᖃᑦᑎᐊᖏᓐᓂᕐᒧᑦ ᐊᒃᓱᕈᓐᓇᑐᒃᑰᑎᓪᓗᑕ.
“ᑕᒪᑦᑕ ᐱᒻᒪᕆᐅᔪᒥᒃ ᓯᐊᒻᒪᕐᑕᐃᓕᒪᖃᑕᐅᔭᕆᐊᖃᕋᑦᑕ ᓄᕙᒡᔪᐊᕐᓇᖅ−19-ᒥᒃ,” ᐅᖃᖅᑐᖅ ᓄᓇᕗᑦ ᑐᙵᕕᒃᑯᑦ (ᑐᙵᕕᒃᑯᑦ) ᐊᖓᔪᖅᑳᖓ ᐊᓗᑭ ᑰᑦᑎᖅ. “ᓂᕿᑦᑎᐊᕙᓂᒃ ᓂᕆᖃᑦᑕᕐᓂᖅ, ᓂᕿᒃᓴᖃᑦᑎᐊᕐᓂᖅ ᐊᒻᒪ ᐊᑐᐃᓐᓇᖃᕆᐊᖃᓐᓂᖅ ᑎᒥᒧᑦ ᓂᕿᑦᑎᐊᕙᓂᒃ ᓂᕿᓪᓚᑦᑖᓂᒃ ᐆᒪᔪᒥᓂᕐᓂᒃ, ᐃᓚᒌᓄᑦ ᐊᒻᒪ ᓄᓇᓕᖕᓄᑦ ᐃᑲᔪᓐᓂᖃᕈᓐᓇᕐᒪᑦ ᑎᒥᑦᑕ ᐋᓐᓂᐊᑖᕐᑕᐃᓕᒪᒍᑎᖏᓐᓄᑦ ᓂᕿᑦᑎᐊᕙᓂᒃ ᓂᕿᖃᕈᑦᑕ.”
“ᐃᓄᐃᑦ ᓄᓇᖅᑲᑎᒌᑦᑎᐊᒐᔪᖕᒪᑕ, ᐱᒪᑐᓲᖑᓪᓗᑕ ᓴᓂᓪᓕᑎᓐᓂᒃ ᐊᒻᒪ ᐃᓐᓇᕆᔭᑦᑎᓐᓂᒃ ᐱᒪᑐᑦᑎᐊᕆᐊᖃᓕᕋᐃᒐᑦᑕ,” ᐅᖅᑲᖅᑐᖅ ᕿᑭᖅᑕᓂ ᐃᓄᐃᑦ ᑲᑐᔾᔨᖃᑎᒌᖏᑕ ᐊᖓᔪᖅᑳᖓ ᐱᔭᐃ ᐊᕿᐊᕈᖅ. “ᑕᐃᒪᓐᓇ ᓄᓇᖅᑲᑎᒥᓄᑦ ᐊᖑᓇᓱᒍᔾᔨᓂᒃᑯᑦ ᐃᑲᔪᓐᓂᖃᓐᓂᐊᕐᒪᑦ ᐃᓄᖕᓂᒃ ᓂᕿᒃᓴᖃᑦᑎᐊᐸᙱᑦᑐᓂᒃ ᑕᒪᓐᓇᐅᓕᕐᑎᓪᓗᒍ ᓄᕙᒡᔪᐊᕐᓇᖅ−19, ᑭᓯᐊᓂᑦᑕᐅᖅ ᐊᖑᓇᓱᒃᑎᐅᔪᓂᒃ …

ᕿᓂᕐᐲᑦ ᑐᑭᓯᒃᑲᓐᓂᕈᑎᑦᓴᓐᓂᒃ ᓄᕙᒡᔪᐊᕐᓇᖅ-19-ᒥ ᐃᓄᒃᑎᑑᖓᔪᓂᒃ? ᓄᓇᕗᑦ ᑐᙵᕕᒃᑯᑦ ᐆᒥᖓ ᐃᓄᒃᑎᑑᖓᓕᕐᑎᑦᑎᓚᐅᕐᑐᑦ ᐅᑯᓇᖔᖅᑐᓂᒃ ᐱᓕᕆᕕᒃ ᐋᓐᓂᐊᓇᕐᑐᓂᒃ ᓯᐊᒻᒪᐃᑦᑕᐃᓕᒪᓂᕐᒧᑦ ᐊᒻᒪ ᐋᓐᓂᐊᑖᖅᑕᐃᓕᒪᓂᒃᒧᑦ

ᖃᓂᒪᓐᓇᖅ ᓄᕙᒡᔪᐊᕐᓇᖅ-19 (ᓄᕙᒡᔪᐊᕐᓇ-19)
ᓱᓇᐅᕚ ᖃᓂᒻᒪᓇᖅᑐᖅ ᓄᕙᒡᔪᐊᕐᓇᖅ-19?
ᓄᕙᒡᔪᐊᕐᓇᖅ-19 ᖃᓂᒪᒍᑕᐅᓲᖅ ᐳᕙᒃᑯᑦ ᖃᓂᒻᒪᒍᑕᐅᓲᖅ ᐊᒻᒪᓗ ᐊᐃᑦᑑᑕᐅᓴᕋᐃᑦᑐᓂ ᐃᓄᖕᓄᑦ. ᓄᕙᒡᔪᐊᕐᓇᖅ 2019 ᓇᓗᓇᐃᖅᑕᐅᔪᔪᖅ ᖃᐅᔨᓴᖅᑕᐅᑎᓪᓗᒋᑦ ᓯᐊᕐᒪᐸᓪᓕᐊᓂᖓᓂᒃ ᒎᕼᐋᓐ, ᓴᐃᓇᒥ.
ᖃᓂᒻᒪᓇᖅᑐᖅ ᓄᕙᒡᔪᐊᕐᓇᖅ−19-ᒥᒃ ᐋᓐᓂᐊᕐᑖᕈᓐᓇᖁᖔ?
ᓄᕙᒡᔪᐊᕐᓇᖅ ᖃᓂᒪᒍᑕᐅᓲᖅ 2019 ᐊᐃᑦᑑᑕᐅᕙᓪᓕᐊᔪ ᐃᓄᖕᒥᑦ ᐃᓄᖕᒧᑦ ᓄᓇᕐᔪᐊᕐᒥ ᓄᓇᓖᑦ ᐃᓚᖏᑦ. ᖃᓂᒪᓇᕐᑖᕈᓐᓇᕐᓂᖓ ᑖᑦᓱᒪᖓᑦ ᓄᕙᒡᔪᐊᓇᕐᒥᒃ−19-ᒥᑦ ᖃᓂᒻᒪᓇᕐᑐᖅᑖᕈᓐᓇᕐᐳᖅ ᖃᓂᒋᔭᖃᓐᓂᕈᓂ ᖃᓂᒻᒪᓇᕐᑐᖃᖅᑐᒥᒃ ᓄᕙᒡᔪᐊᓇᖅᑐᒥᒃ−19-ᒥᒃ, ᐆᒃᑐᑎᒋᓗᒍ ᐃᓱᐊᖅᓴᐃᔩᑦ, ᐅᕝᕙᓗ ᐃᒡᓗᒥᐅᖃᑎᒥᓂᒃ. ᐃᓄᐃᑦ ᖃᓂᒪᓐᓇᕐᑐᑖᑐᐃᓐᓇᕆᐊᓖᑦ ᓄᓇᖃᖅᑐᑦ ᐅᕝᕙᓗ ᒫᓐᓇᕋᑖᒃᑯᑦ ᐅᐸᒃᓯᒪᔪᒥᓃᑦ ᓯᐊᒻᒪᐸᓪᓕᐊᖏᓐᓇᑐᖅᑕᓕᖕᒥ ᐋᓐᓂᐊᑖᕐᓇᕐᑐᒥᒃ ᓄᕙᒡᔪᐊᓇᖅᑐᒥᒃ−19.
ᖃᓄᖅ ᓄᕙᒡᔪᐊᕐᓇᖅ-19 ᓯᐊᒻᒪᐸᓪᓕᐊᕙ?
ᖃᓂᒻᒪᓇᖅᑐᖅ ᓴᖅᑮᔪᖅ ᓄᕙᒡᔪᐊᕐᓇᖅ-19−ᒥᒃ ᐃᓱᒪᒋᔭᐅᔪᖅ ᐆᒪᔪᒥᙶᕆᐊᖓᓂᒃ, ᒪᓐᓇᓕ ᐃᓄᒃᑰᖅᑐᓂ ᐊᐃᑦᑑᑕᐅᕙᓪᓕᐊᔪᖅ ᐃᓄᖕᒧᑦ. ᖃᓂᒻᒪᓇᖅᑐᖅ ᐃᓱᒪᒋᔭᐅᕗᖅ ᐊᐃᑦᑑᑕᐅᖃᑦᑕᕆᐊᖓᓂᒃ ᖃᓂᒃᓴᕐᑐᒥᐅᒍᓂ ᐃᓅᖃᑎᒥᓂᒃ (6 ᐲᑦ ᐆᒃᑐᑎᑦ) …

ᓄᓇᕗᑦ ᑐᙵᕕᒃ ᑎᒥᖓ ᐃᑲᔪᕐᓯᕗᑦ ᐊᑕᐅᓯᐅᖃᑎᖃᕐᖢᑎᒃ ᒍᐃᐊᑦ’ᓱᒍᐃᐊ’ᐃᓐ

(ᕕᕝᕗᐊᕆ 21, 2020, ᐃᖃᓗᐃᑦ) ᓄᓇᕗᑦ ᑐᙵᕕᒃ ᑎᒥᖓ ᐃᑲᔪᕐᓯᕗᑦ ᐊᑕᐅᓯᐅᖃᑎᖃᕐᖢᑎᒃ ᒍᐃᐊᑦ’ᓱᒍᐃᐊ’ᐃᓐ ᓄᓇᒥᓐᓂᒃ ᓴᐳᑎᓯᒪᔨᐅᔪᓂᒃ, ᐊᒻᒪ ᑕᒪᐃᓐᓂ ᓄᓇᖃᖅᑳᖅᓯᒪᔪᓂᒃ ᐃᑲᔪᕐᓯᖃᑕᐅᔪᓂᒃ ᓄᓇᖃᖅᑳᖅᓯᒪᓂᕐᒥᒍᑦ ᐱᔪᓐᓇᐅᑎᒥᓂᒃ ᐊᐅᓚᑦᓯᔪᓐᓇᓂᕐᒧᑦ ᓄᓇᒥᓂ ᐊᒻᒪ ᓴᐳᔾᔨᑎᓪᓗᒋᑦ ᓄᓇᒋᔭᑐᖃᕐᒥᓂᒃ. ᒍᐃᐊᑦ’ᓱᒍᐃᐊ’ᐃᓐ ᐱᖅᑯᓯᑐᖃᕐᒥᒍᑦ ᓯᕗᓕᕐᑎᖏᑦ, ᐱᔪᓐᓇᕐᓂᕋᐃᓯᒪᙱᒻᒪᑕ, ᓯᕗᓂᐊᒍᑦ, ᐊᒻᒪ ᐊᖏᖅᓯᒪᒍᑎᖃᕋᑎᒃ ᓴᓇᔭᐅᓂᒃᓴᖓᓂᒃ ᑲᓇᑕᐅᑉ ᓄᓇᓕᒫᖓᓅᖓᔪᒥᒃ ᓱᒡᓗᓕᐊᓗᖕᒥᒃ ᓯᔾᔭᒧᑦ ᑲᓱᕈᑕᐅᒐᔭᕐᑐᒥᒃ ᓄᓇᑐᖃᕐᒥᓂ. ᒍᐃᐊᑦ’ᓱᒍᐃᐊ’ᐃᓐ ᓯᕗᓕᕐᒥᓃᖔᖅᑐᓂᒃ ᐊᐅᓚᑦᓯᔾᔪᓯᖃᖅᑐᑐᖃᐅᖕᒪᑕ ᖃᓪᓗᓈᓄᑦ ᑎᑭᑕᐅᓚᐅᖅᑳᑎᓐᓇᒋᑦ ᐊᑐᓕᕐᓯᒪᔭᒥᓂᒃ, ᐊᐅᓚᑦᓯᒍᓯᖅ ᐅᓪᓗᒥᒧᑦ ᓱᓕ ᐊᑑᑎᖃᖅᑎᑕᐅᔪᖅ ᐊᒻᒪ ᐃᖅᑲᓲᑕᐅᔭᕆᐊᓕᒃ ᒪᓕᒃᑕᐅᓗᓂ.
ᓄᓇᖃᖅᑳᖅᓯᒪᔪᑦ ᓇᖕᒥᓂᖃᓐᓂᕐᒧᑦ ᓄᓇᓂᒃ ᐱᔪᓐᓇᐅᑎᖃᕐᒪᑕ ᑲᓇᑕᒥ ᑭᓪᓕᖃᕋᑎᓪᓗ ᐱᑕᖃᓐᓂᕋᕐᑕᐅᓗᑎᒃ ᐱᙱᑦᑑᒐᓗᐊᑦ ᐅᓪᓗᒥᐅᔪᖅ ᒐᕙᒪᑐᖃᒃᑯᑦ ᒪᓕᒐᖏᑦᑎᒍᑦ ᐊᒻᒪ ᐊᑐᐊᒐᖏᑦᑎᒍᑦ, ᐱᖃᓯᐅᑎᓪᓗᒋᑦ ᓄᓇᖃᖅᑳᖅᓯᒪᔪᑦ ᓇᖕᒥᓂᖃᓐᓂᖏᑦ ᓄᓇᓂᒃ ᐊᒻᒪ …

ᐃᓄᐃᑦ ᑎᓕᐅᕆᔪᑦ ᓴᐳᔾᔭᐅᓯᒪᒍᒪᓂᕐᒥᑦ ᐊᒻᒪ ᒫᓐᓇ ᐸᕐᓇᒍᑎᖃᖁᔨᓪᓗᑎᒃ – ᐊᑭᓖᕐᔪᐊᕆᐊᖃᓚᐅᓐᖏᓐᓂᕐᒥᓂ

ᓴᖅᑭᑎᑕᐅᑲᐅᑎᒋᒋᐊᓕᒃ
(ᕕᕝᕗᐊᕆ 18, 2020) ᐃᓄᐃᑦ ᓂᓪᓕᖅᐸᓪᓕᐊᖅᑳᓚᐅᖅᐳᑦ ᑐᓴᖅᑎᑦᓯᓪᓗᑎᒃ ᐅᔾᔨᖅᑐᖁᔨᓪᓗᑎᒃ ᐱᔾᔪᑎᒋᓪᓗᒍ ᓯᓚᐅᑉ ᐊᓯᔾᔨᖅᐸᓪᓕᐊᓂᖓ ᐊᕐᕌᒍᒐᓴᐅᓕᖅᑐᓂᒃ, ᐱᒋᐊᓚᐅᖅᑎᓐᓇᒍ ᑕᒪᓐ ᐅᔾᔨᖅᑐᖁᔨᓂᖏᑦ ᖃᐅᔨᓴᖅᑎᒻᒪᕇᑦ ᓄᓇᕐᔪᐊᓂ. ᑕᐃᑦᓱᒪᓂ ᐊᒻᒪ ᒫᓐᓇᐅᓕᖅᑐᖅ ᐃᓄᐃᑦ ᑕᑯᕙᓪᓕᐊᖕᒪᑕ ᓯᕗᓪᓕᐅᓪᓗᑎᒃ ᐊᓯᔾᔨᖅᐸᓪᓕᐊᓂᖓᓂᒃ ᐅᑭᐅᖅᑕᖅᑑᑉ ᐊᒻᒪ ᓄᓇᓕᖁᑎᑦᑎᓐᓂ. ᐅᓄᖅᓯᕙᓪᓕᐊᑎᓪᓗᒋᑦ ᐅᒥᐊᕐᔪᐊᑦ ᐅᑭᐅᖅᑕᖅᑐᒨᖅᐸᓪᓕᐊᔪᑦ − ᓄᓇᕐᔪᐊᑉ ᓯᓚᖓ ᐊᓯᔾᔨᖅᐸᓪᓕᐊᑎᓪᓗᒍ, ᓯᑯᐃᑦ ᐊᐅᒃᐸᓪᓕᐊᔪᑦ, ᐃᒪᖃᕐᕖᑦ ᒪᐃᖅᑐᑦ. ᐃᓄᐃᑦ ᐃᓚᒋᐊᖃᕐᓂᖏᑦ ᑕᕆᐅᕐᒥᒃ ᐊᐅᓚᑦᓯᓂᒃᑯᑦ ᐱᓕᕆᖃᑎᒋᓗᒋᑦ ᓴᓇᕝᕕᒡᔪᐊᑦ ᐊᒻᒪ ᒐᕙᒪᒃᑯᑦ ᓴᐳᔾᔭᐅᓯᒪᔾᔪᑎᒃᓴᖏᓐᓂᒃ ᓄᓇᖁᑎᑦᑕ ᐊᐅᓚᓂᖓ ᐅᓪᓗᒥ ᐊᒻᒪ ᓯᕗᓂᒃᓴᒧᑦ ᐱᑕᖃᕆᐊᖃᒻᒪᕆᖕᓂᐊᖅᑐᑦ ᐃᓚᐅᒋᐊᖃᕐᓂᖏᑦ.
“ᐃᓅᓪᓗᑕ, ᐸᖅᑭᔨᐅᒐᑦᑕ ᑕᒪᑐᒥᖓ ᐊᕕᒃᑐᖅᓯᒪᓂᐅᔪᒥᒃ ᐊᒻᒪ ᑐᓂᓯᕙᒃᑐᒥᒃ ᐱᒍᒪᔭᑦᑎᓐᓂᒃ, ᒫᓐᓇ ᐊᒻᒪ ᓯᕗᓂᒃᓴᒧᑦ. ᓱᓕ ᑕᑎᕆᒐᑦᑎᒍ ᑕᕆᐅᑉ ᐊᕙᑎᖓ; ᓯᒡᔭᒥᐅᖑᒐᑦᑕ, ᑕᕆᐅᕐᒥ ᐊᒻᒪ ᐊᑐᕆᐊᖃᖅᑐᑎᒍᑦ …

ᐱᕙᓪᓕᐊᔪᓂᑦ ᖃᐅᔨᒃᑲᐃᒍᑎ ᓄᓇᕗᑦ ᒐᕙᒪᒃᑯᖏᑦ ᓄᓇᕗᑦ ᑐᙵᕕᒃᑯᓪᓗ ᐊᑎᓕᐅᖅᐳᑦ ᓄᑖᙳᕆᐊᖅᑕᒥᑦ ᒪᓕᒋᐊᓕᖓᓂᒃ ᐊᖏᕈᑎᒥᒃ

ᑭᓱ: ᓄᓇᕗᒻᒥᑦ ᓯᕗᓕᖅᑎ ᔫ ᓴᕕᑲᑖᖅ ᓄᓇᕗᑦ ᑐᙵᕕᒃᑯᓪᓗ ᐊᖓᔪᖅᑳᖓᑦ ᐊᓗᑭ ᑰᑦᑎᖅ ᐊᑎᓕᐅᕐᓂᐊᖕᒪᑕ ᑲᑐᔾᔨᖃᑎᒌᖕᓂᒃ ᒪᓕᒋᐊᓕᖏᓐᓂᒃ ᐊᖏᕈᑎᒥᒃ, ᓄᑖᙳᕆᐊᖅᓯᒪᔪᖅ ᐊᖏᕈᑎ ᐊᑐᓕᖅᑎᑦᑎᓂᖕᒧᑦ ᓄᓇᕗᑦ ᐊᖏᕈᒻᒥᑦ ᐱᓕᕆᖃᑎᒌᒃᓗᑎᒡᓗ ᐊᑑᑎᖃᖕᓂᐊᕐᑐᒧᑦ ᓄᓇᕗᑦ ᐃᓄᖏᓐᓄᑦ.
ᖃᖓ: 11:30 ᐅᓪᓛᒃᑯᑦ, ᐊᐃᑉᐱᕐᒥᑦ, ᔮᓄᐊᕆ 21, 2020
ᐱᕙᓪᓕᐊᔪᓕᕆᔨᒃᑯᑦ ᖃᐃᖁᔭᐅᔪᑦ 11:15 ᐅᓪᓛᒃᑯᑦ ᐋᖅᑭᒃᓱᐃᔭᖅᑐᕐᓗᑎᒃ
ᐱᕙᓪᓕᐊᔪᓕᕆᔨ ᐊᐱᕐᓱᕐᓂᐊᕐᓗᑎᒃ
ᓇᒥ: ᑯᔪᓯ ᐃᒡᓗᕈᓯᕐᒥᑦ, ᕗᕈᐱᓱ ᑐᔪᕐᒥᕕᐊᓂ, ᐃᖃᓗᐃᑦ
###
ᐱᕙᓪᓕᐊᔪᓂᒃ ᖃᐅᔨᒋᐊᕐᕕᒃᓴᖅ:
ᑲᐃᑦ ᒪᒃᓚᐅᑦ ᐱᕙᓪᓕᐊᔪᓄᑦ ᑎᑎᕋᖅᑎ

ᖃᔮᖅ ᐃᐅᔅᐅᐊᑦ
ᑐᓴᒐᒃᓴᓕᕆᔨᓄᑦ ᐅᖃᐅᔾᔪᐃᔨᒻᒪᕆᒃ, ᐊᖓᔪᖅᑳᑉ ᑎᑎᕋᕐᕕᖓᓂ
ᓄᓇᕗᑦ ᑐᙵᕕᒃ ᑎᒥᖓᑦ
(867) 975-4955

Download (PDF, 97KB)

ᑐᓐᖓᕕᒃᑯᑦ ᐊᖓᔪᖅᑳᖓ ᖁᕕᐊᒃᑯᔾᔨᔪᖅ ᑭᕙᓪᓕᖅ ᐃᓄᐃᑦ ᑲᑐᔾᔨᖃᑎᒌᓄᑦ ᓂᕈᐊᖅᑕᒥᒃ ᑯᓄ ᑕᑦᑐᐃᓂ

(ᑏᓰᒻᕙ 17, 2019) ᓄᓇᕗᑦ ᑐᓐᖓᕕᒃ ᑎᒥᖓᓄᑦ (ᑐᓐᖓᕕᒃ) ᐊᖓᔪᖅᑳᖅ ᐊᓗᑭ ᑰᑦᑎᖅ ᖁᕕᐊᒃᑯᔾᔨᓚᐅᖅᑐᖅ ᑯᓄ ᑕᑦᑐᐃᓂ ᓂᕈᐊᖅᑕᐅᓚᐅᕐᓂᖓᓄᑦ ᑭᕙᓪᓕᖅ ᐃᓄᐃᑦ ᑲᑐᔾᔨᖃᑎᒌᑦ ᐊᖓᔪᖅᑳᖓᓄᑦ. ᑕᑦᑐᐃᓂ ᓂᕈᐊᖅᑕᐅᓚᐅᖅᑐᖅ ᑏᓰᒻᐱᕆ 12, 2019, ᓂᕈᐊᕐᓇᖅ ᒪᕐᕉᓐᓂᒃ ᐅᓪᓘᓐᓂᒃ ᑭᖑᕙᕆᐊᕐᓯᒪᓚᐅᖅᑎᓪᓗᒍ ᓯᓚᑦᓯᐊᖑᓐᖏᓐᓂᖓᓄᑦ.
ᓯᑖᓐᓕ ᐋᑦᔪᒃ, ᑕᐃᕕᑦ ᓂᖏᐅᖓᓐ ᐊᒻᒪᓗ ᑯᓄ ᑕᑦᑐᐃᓂ ᓂᕈᐊᒐᑦᓴᐅᓚᐅᖅᑐᑦ ᐱᖓᓱᑦ KIA ᐊᖓᔪᖅᑳᒧᑦ ᓂᕈᐊᕐᓇᒥ.
“ᖁᕕᐊᒃᑯᑎᕙᕗᑦ ᓂᕈᐊᖅᑕᐅᕋᑖᓚᐅᖅᑐᖅ ᑭᕙᓪᓕᖅ ᐃᓄᐃᑦ ᑲᑐᔾᔨᖃᑎᒌᑦ ᐊᖓᔪᖅᑳᖓᓄᑦ. ᓂᕆᐅᖕᓂᖃᑦᓯᐊᕐᐳᖓ ᐃᖅᑲᓇᐃᔭᖃᑎᖃᕐᓂᐊᓂᓐᓂᒃ ᑕᑦᑐᐃᓂᒥᒃ ᐱᓇᓱᐊᒐᖓᓄᑦ ᐱᔪᒪᔭᖏᑦ ᓄᓇᕗᒻᒥ ᐃᓄᐃᑦ ᐊᔾᔨᒌᑦᑐᒥᒃ ᑭᒡᒐᑐᖅᑕᐅᑦᓯᐊᖁᓪᓗᒋᑦ,” ᐅᖃᖅᑐᖅ ᑰᑦᑎᖅ.
ᑕᑦᑐᐃᓂ, ᐃᓅᓚᐅᖅᑐᖅ ᑰᔾᔪᐊᕌᓗᒻᒥ, ᒫᓂᑑᕙ, ᐊᖓᔪᖅᑳᕆᔭᐅᓂᐊᖅᑐᖅ KIA−ᑯᓐᓄᑦ ᓯᑕᒪᓄᑦ ᐊᕐᕋᒍᓄᑦ 2023-ᒧᓄᑦ.
ᐊᖓᔪᖅᑳᖅ ᑰᑦᑎᖅ ᖁᔭᓕᓚᐅᖅᑐᖅ ᑕᐃᕕᑦ ᓂᖏᐅᖓᓐ ᓯᑕᒪᐅᔪᖅᑐᓂᒃ ᐊᕐᕌᒍᓂᒃ ᑲᑎᒪᔨᐅᓚᐅᕐᒪᑦ …

ᐃᓄᐃᑦ ᐱᓯᒪᑦᓰᓇᕐᓂᐊᖅᑐᑦ ᐃᓄᒃᑐᑦ ᒪᕉᓂ ᒥᓂᔅᑕᐅᑏᑦ ᑲᑎᒪᔨᖏᑦ ᐃᔨᕋᖅᑐᕐᓱᑎᒃ ᐋᖅᑭᑦᓯᓯᒪᒐᓗᐊᖅᑎᓪᓗᒋᑦ ᐊᑐᐊᕋᑦᓴᓂᒃ ᐊᑐᕈᓐᓇᐃᓪᓕᑎᑦᓯᓯᒪᓂᖓ ᐊᑐᖅᑕᐅᓂᖓᓂᒃ

ᐃᕐᖐᓐᓇᖅ ᓴᖅᑭᖅᑕᐅᒋᐊᓖᑦ
ᐃᓄᐃᑦ ᐱᓯᒪᑦᓰᓇᕐᓂᐊᖅᑐᑦ ᐃᓄᒃᑐᑦ ᒪᕉᓂ ᒥᓂᔅᑕᐅᑏᑦ ᑲᑎᒪᔨᖏᑦ ᐃᔨᕋᖅᑐᕐᓱᑎᒃ ᐋᖅᑭᑦᓯᓯᒪᒐᓗᐊᖅᑎᓪᓗᒋᑦ ᐊᑐᐊᕋᑦᓴᓂᒃ ᐊᑐᕈᓐᓇᐃᓪᓕᑎᑦᓯᓯᒪᓂᖓ ᐊᑐᖅᑕᐅᓂᖓᓂᒃ
(ᑏᓰᒻᕙ 5, 2019) ᑐᓐᖓᕕᒃ ᐅᓪᓗᒥ ᑐᓴᒐᑦᓴᓐᖑᖅᑎᑦᓯᖅᑲᐅᔪᖅ ᑲᑕᓐᓇᖅᑐᒥᒃ 1990 ᑲᓇᑕᐅᑉ ᒐᕙᒪᒃᑯᖏᑕ ᒥᓂᔅᑕᐅᑏᑦ ᑲᑎᒪᔨᖏᓐᓄᑦ ᑎᑎᖅᑲᖁᑎᒋᔭᐅᔪᒥᒃ (ᐃᔨᕋᖅᑑᑎ ᐊᕙᑎᓂᒃ ᐊᕐᕌᒍᓂᒃ; ᑎᒍᓯᓂᕐᒧᑦ ᐊᔪᓐᖏᔾᔪᑎᒃᑯᑦ ᑐᓴᕋᓱᐊᖅᑕᐅᔪᒥᒃ ᐱᖁᔭᒃᑯᑦ) ᖃᐅᔨᔾᔪᑕᐅᔪᖅ ᑲᓇᑕᐅᑉ ᐊᖓᔪᖅᑳᕐᔪᐊᖓ ᒪᕉᓂ ᐊᒻᒪᓗ ᒥᓂᔅᑕᐅᑏᑦ ᑲᑎᒪᔨᖁᑎᖏᑦ ᖃᐅᔨᒻᒫᑦ ᐊᒻᒪᓗ ᐱᔮᖅᑯᒻᒥ ᐊᑐᕈᓐᓇᐃᓪᓕᑎᑦᓯᓯᒪᓚᐅᖅᑐᑦ ᐃᓄᒃᑎᑑᖅᑐᓂᒃ ᒐᕙᒪᒃᑯᑦ ᐱᔨᑦᓯᕋᐅᑎᖏᓐᓂ ᐊᕕᑦᑐᕐᓯᒪᓂᕐᒥ −− ᑕᑉᐲᓯᒪᓪᓗᑎᒃ ᐃᓕᓐᓂᐊᕐᓂᓕᕆᓂᕐᒥᒃ ᐊᒻᒪᓗ ᐃᖅᑲᖅᑐᐃᕕᓐᓂᒃ ᑖᒃᑯᐊ ᒪᕐᕉᒃ ᐱᔨᑦᓯᕋᖅᑏᑦ ᒐᕙᒪᒃᑯᑦ ᓴᖅᑭᔮᖅᑎᑦᓱᓂᒋᑦ ᐃᓱᒪᓕᐅᕈᑎᒋᓚᐅᖅᑕᖏᒃ ᐃᓄᒃᑐᑦ ᐅᖃᐅᓯᕐᒥᒃ ᑐᓂᔭᐅᓯᒪᔾᔮᓐᖏᒋᐊᖏᑦ ᓴᐳᔾᔭᐅᓯᒪᓂᕐᒥᓘᓐᓃᑦ.
ᑭᒡᓕᓂᐊᖅᑕᐅᓯᒪᔪᓂᒃ ᑕᕐᕋᓕᐅᖅᑕᐅᓯᒪᔪᓂ ᐅᓂᒃᑳᑦ ᐃᓄᒃᑐᑦ ᐊᑐᖅᑕᐅᓂᖓ ᓄᓇᕗᒻᒥ ᐃᓄᓐᓄᑦ ᑲᑕᑉᐸᓪᓕᐊᔪᖅ; ᑭᓯᐊᓂ, …

ᑐᓐᖓᕕᒃᑯᑦ ᓇᓗᓇᐃᕐᓯᒍᑎᖏᑦ NIRB−ᑯᑦ ᓄᖅᑲᕐᓂᕆᓚᐅᖅᑕᖓᓄᑦ

(ᑏᓰᒻᕙ 4, 2019, ᐃᖃᓗᐃᑦ) ᓄᓇᕗᑦ ᑐᓐᖓᕕᒃ ᑎᒥᖓ (ᑐᓐᖓᕕᒃ) ᐱᓂᐊᕐᓂᕋᐅᑎᖓ ᓴᐳᔾᔨᓂᖅ ᐃᓄᐃᑦ ᐱᔪᓐᓇᐅᑎᖏᓐᓂᒃ ᓄᓇᕗᑦ ᐊᖏᕈᑎᖏᑎᒍᑦ. ᐃᓄᐃᑦ ᓇᓗᓇᐃᕐᓯᒪᑦᓯᐊᖅᑐᓂᒃ ᐱᔪᓐᓇᐅᑎᓖᑦ ᖃᐅᔨᑲᖅᑕᐅᒋᐊᖃᕐᓂᕐᒧᑦ ᓄᓇᒦᓐᖔᖅᑐᓂᒃ ᐱᕙᓪᓕᐊᑎᑦᓯᓂᕐᒥᒃ ᓄᓇᕗᒻᒥ. ᐃᓛᒃ, ᑖᓐᓇ ᐱᔾᔪᑕᐅᔪᖅ ᓄᓇᕗᑦ ᐊᖏᕈᑎᖏᑦ ᓴᖅᑭᖅᑕᐅᔾᔪᑎᒋᓯᒪᔭᖓ.
ᐱᔭᕆᐊᑐᓚᐅᖅᑐᖅ ᐃᓱᒪᓕᐅᕈᑎᒋᓇᓱᐊᕆᐊᖓ ᑐᓐᖓᕕᒃᑯᓐᓄᑦ ᓴᖅᑮᓂᕐᒥᒃ ᐱᖁᔨᕗᖔᕈᒻᒥᒃ ᓄᖅᑲᖁᓪᓗᒋᑦ ᓄᓇᕗᒻᒥ ᐊᕙᑎᓕᕆᔨᒃᑯᑦ ᑲᑎᒪᔩᑦ (NIRB) ᓈᓚᖕᓂᖓ ᑲᒪᒋᔭᐅᓂᖓᑕ II ᐹᕕᓐᓛᓐ ᓴᕕᒃᓴᓂᒃ ᐅᔭᕋᓐᓂᐊᑎᒃᑯᑦ ᑯᐊᐳᕇᓴᓐ ᓄᓘᔮᓐᓂ ᐱᓕᕆᐊᖑᒍᒪᔪᒧᑦ ᑕᖅᑭᓂᒃ 9−ᓂᒃ ᑎᑭᓪᓗᒍ ᐊᕐᕌᒍ ᐊᑕᐅᓯᖅ, ᐅᑉᕙᓘᓐᓃᑦ NIRB−ᑯᑦ ᓈᖕᒪᒐᓱᕆᔭᖓᓂᒃ. ᑐᑭᓯᓇᕐᓯᑎᒋᐊᕐᓗᒍ, ᑐᓐᖓᕕᒃᑯᑦ ᐊᒻᒪᓗ ᕿᑭᖅᑕᓂ ᐃᓄᐃᑦ ᑲᑐᔾᔨᖃᑎᒌᑦ (ᕿᑭᖅᑕᓂ) ᐃᓕᓴᕐᓯᓚᐅᖅᑐᑦ NIRB−ᑯᑦ ᐋᖅᑭᑦᓯᒌᖅᑐᒥᓂᐅᒋᐊᖏᑦ ᐃᒫᒃ, ᐱᕕᒃᓴᕆᔭᐅᔪᖅ ᐱᔾᔪᑕᐅᓪᓗᓂ ᑖᑦᓱᒧᖓ ᓈᓚᖕᓂᕐᒧᑦ, ᑲᑎᒻᒪᓗᑎᒃ ᓈᓚᓐᓃᑦ …

ᐊᓗᑭ ᑰᑦᑎᖅ, ᐊᖓᔪᖅᑳᖅ, ᑐᓐᖓᕕᒃ ᒪᑐᐃᕈᑏᑦ ᑲᑎᒪᔨᕋᓛᖑᑲᐃᓐᓇᖅᑐᓄᑦ ᒪᓕᒐᑦᓴᒧᑦ ᐱᖁᔭᒃᓴᖅ 25 – ᑐᒃᓯᕋᐅᑦ ᐃᓕᓐᓂᐊᕐᓂᓕᕆᓂᕐᒧᑦ ᐱᖁᔭᖅ ᐋᖅᑭᒋᐊᕈᑎᒃᓴᓄᑦ

ᐊᓗᑭ ᑰᑦᑎᖅ, ᐊᖓᔪᖅᑳᖅ, ᑐᓐᖓᕕᒃ
ᒪᑐᐃᕈᑏᑦ ᑲᑎᒪᔨᕋᓛᖑᑲᐃᓐᓇᖅᑐᓄᑦ ᒪᓕᒐᑦᓴᒧᑦ
ᐱᖁᔭᒃᓴᖅ 25 – ᑐᒃᓯᕋᐅᑦ ᐃᓕᓐᓂᐊᕐᓂᓕᕆᓂᕐᒧᑦ ᐱᖁᔭᖅ ᐋᖅᑭᒋᐊᕈᑎᒃᓴᓄᑦ
ᓇᒡᒐᔾᔭᐅ, ᓅᕙᐃᒻᕙ 25, 2019 ᖃᐅᔨᓴᐅᑦ 10:30 ᐅᓪᓗᒃᑯᑦ
ᑐᑭᓯᑎᑦᓯᕐᖓᐅᑏᑦ
ᖁᔭᓐᓇᒦᒃ, ᐃᒃᓯᕙᐅᑕᖅ ᐊᒻᒪᓗ ᐃᓚᒋᔭᐅᔪᑦ, ᐱᕕᒃᓴᖃᖅᑎᑕᐅᒐᒪ ᐅᓂᒃᑳᓂᕐᒥᒃ ᑲᑎᒪᔨᕋᓛᖑᑲᐃᓐᓇᖅᑐᓄᑦ ᐅᓪᓗᒥ ᐱᖁᔭᒃᓴᖅ 25-ᒧᑦ.
ᐊᓗᑭ ᑰᑦᑎᐅᔪᖓ. ᓄᓇᕗᑦ ᑐᓐᖓᕕᒃ ᑎᒥᖓᓂ ᐊᖓᔪᖅᑳᖑᔪᖓ.
ᐅᓂᒃᑳᕐᓂᕆᓂᐊᖅᑕᕋ ᑲᑐᔾᔨᓂᒃᑯᑦ ᑭᒡᒐᑐᐃᓪᓗᖓ ᑐᓐᖓᕕᒃᑯᑦ, ᕿᑭᖅᑕᓂ ᐃᓄᐃᑦ ᑲᑐᔾᔨᖃᑎᒌᑦ, ᑭᕙᓪᓕᖅ ᐃᓄᐃᑦ ᑲᑐᔾᔨᖃᑎᒌᑦ ᐊᒻᒪᓗ ᕿᑎᕐᒥᐅᑦ ᐃᓄᐃᑦ ᑲᑐᔾᔨᖃᑎᒌᑦ (ᑖᒃᑯᐊ ᐃᓄᐃᑦ ᑲᑐᔾᔨᖃᑎᒌᖏᑦ) ᐊᒻᒪᓗ ᑐᓴᐅᒪᑎᑕᐅᓂᒃᑯᑦ ᐅᖃᐅᓯᐅᖃᑦᑕᕐᓯᒪᔪᓂᒃ ᓄᓇᕗᒻᒥᐅᓄᑦ.
ᐅᓪᓗᒥ ᐅᖃᓕᒪᕕᒋᔭᑦᓯ ᑭᒡᒐᑐᐃᓪᓗᖓ ᓄᓇᕗᒻᒥ ᐃᓄᓐᓂᒃ.
ᒐᕙᒪᒃᑯᑦ ᓴᒃᑯᐃᖁᒐᑦᑎᒍ ᐱᖁᔭᒃᓴᖅ 25-ᒥᒃ.
ᐱᔪᓐᓇᐅᑎᖃᕋᓗᐊᖅᑎᓪᓗᑕ, ᐃᓚᒋᔭᐅᓪᓗᓂ ᐃᓛᒃᑯᑦ 32 ᓄᓇᕗᒻᒥ ᐊᖏᕈᑎᓂ, ᐊᒻᒪᓗ ᐱᓕᕆᐊᒃᓴᑎᓐᓂᒃ ᐱᓇᓱᐊᖏᓐᓇᕋᓗᐊᖅᑎᓪᓗᑕ, ᑐᓐᖓᕕᒃᑯᑦ ᐃᓚᒋᔭᐅᓚᐅᕐᓯᒪᓐᖏᒻᒪᑕ ᐱᕙᓪᓕᐊᑎᑕᐅᓂᖏᓐᓂ …

ᐊᖓᔪᖅᑳᖅ ᑰᑦᑎᖅ ᖁᕕᐊᒃᑯᔾᔨᕗᖅ ᑲᓇᑕᐅᑉ ᒐᕙᒪᖓᓂ ᓄᑖᓂᒃ ᐅᑎᖅᑐᓂᓪᓗ ᒥᓂᔅᑕᐅᑏᑦ ᑲᑎᒪᔨᖏᓐᓂᒃ

ᐃᕐᖐᓐᓈᖅ ᓴᖅᑭᖅᑕᐅᒋᐊᓕᒃ
ᐊᖓᔪᖅᑳᖅ ᑰᑦᑎᖅ ᖁᕕᐊᒃᑯᔾᔨᕗᖅ ᑲᓇᑕᐅᑉ ᒐᕙᒪᖓᓂ ᓄᑖᓂᒃ ᐅᑎᖅᑐᓂᓪᓗ ᒥᓂᔅᑕᐅᑏᑦ ᑲᑎᒪᔨᖏᓐᓂᒃ
(ᓅᕙᐃᒻᕙ 21, 2019- ᐃᖃᓗᑦᑑᑦᑎᐊᖅ) ᓄᓇᕗᑦ ᑐᓐᖓᕕᒃ ᑎᒥᖓᑕ (ᑐᓐᖓᕕᒃ) ᐊᖓᔪᖅᑳᖓ ᐊᓗᑭ ᑰᑦᑎᖅ ᖁᕕᐊᒃᑯᔾᔨᕗᖅ ᑲᓇᑕᐅᑉ ᒐᕙᒪᖓᓂ ᓄᑖᓂᒃ ᐅᑎᖅᑐᓂᓪᓗ ᒥᓂᔅᑕᐅᑏᑦ ᑲᑎᓯᒪᔨᖏᓐᓂᒃ ᐊᖏᖅᑎᑕᐅᓚᐅᖅᑐᓂᒃ ᐃᑉᐸᑦᓴᖅ ᐋᑐᕚᒥ.
ᑐᓐᖓᕕᒃᑯᑦ ᑐᓂᓯᒪᕗᑦ ᐃᖅᑲᓇᐃᔭᖃᑎᖃᕐᓂᐊᓂᕐᒥᒃ ᓄᑖᓂᒃ ᒥᓂᔅᑕᐅᑏᑦ ᑲᑎᒪᔨᖏᓐᓂᒃ ᓱᖅᑯᐃᖅᑕᐅᓯᒪᖁᓪᓗᒋᑦ ᐱᔪᓐᓇᐅᑎᖏᑦ ᐊᒻᒪᓗ ᐊᖏᕈᑕᐅᓯᒪᔪᑦ ᐃᑉᐱᔭᐅᑦᓯᐊᖁᓪᓗᒋᑦ. ᐊᑕᖏᕐᓗᑎᒃ ᐊᒻᒪᓗ ᓈᖕᒪᑐᒃᑯᑦ ᐊᑐᓕᖅᑎᑕᐅᖁᓪᓗᒋᑦ ᓄᓇᕗᑦ ᐊᖏᕈᑎᖏᑦ ᑐᓐᖓᕕᒋᔭᐅᒻᒪᑕ ᐱᓕᕆᐊᖏᓐᓄᑦ ᑐᓐᖓᕕᒃᑯᑦ ᐱᓗᐊᖅᑐᒥ.
“ᖃᐅᔨᒪᔪᖓ ᓈᖕᒪᓂᕐᐹᒃᑯᑦ ᐋᖅᑭᑦᓯᒪᒋᐊᖅᑎᑦᓯᒍᓐᓇᕋᑦᑕ ᐃᓅᓯᖏᓐᓂᒃ ᐃᓄᐃᑦ ᓄᓇᕗᒻᒥ ᐃᖅᑲᓇᐃᔭᖃᑎᖃᕐᓗᑕ ᓄᑖᓂᒃ ᒥᓂᔅᑕᐅᑏᑦ ᑲᑎᒪᔨᖏᓐᓂᒃ ᑲᓇᑕᐅᑉ ᒐᕙᒪᒃᑯᖏᓐᓂ,” ᐅᖃᖅᑐᖅ ᑐᓐᖓᕕᒃᑯᑦ ᐊᖓᔪᖅᑳᖓ ᐊᓗᑭ ᑰᑦᑎᖅ.
ᑐᓐᖓᕕᒃᑯᑦ ᑐᑭᒧᐊᒍᑎᒃᓴᓕᐊᕆᓯᒪᔭᖏᓐᓄᑦ ᓯᕗᓪᓕᐅᔾᔭᐅᔭᕆᐊᓕᓐᓃᖃᑕᐅᔪᑦ ᐱᕚᓪᓕᓇᖅᑐᒻᒪᕆᒻᒥᒃ …