ᓄᓇᕗᑦ ᑐᙵᕕᒃᑯᑦ ᕿᓂᕐᒪᑕ ᐱᔪᓐᓇᖅᑐᓂᒃ ᐃᖅᑲᓇᐃᔭᖅᑎᒻᒪᕆᓐᓂᒃ ᑲᔪᓯᑎᑦᓯᓂᐊᕐᓗᑎᒃ ᖃᖓᑕᔪᒃᑯᑦ ᐊᔾᔨᓕᐅᕆᖃᑦᑕᕐᓂᖅ ᐊᒻᒪᓗ ᖃᕆᑕᐅᔭᒃᑯᑦ ᐳᖅᑐᓂᕐᒨᖓᔪᓂᒃ ᑲᑎᖅᓱᐃᓂᖅ ᓄᓇᓕᓐᓂ 25−ᓂ ᓄᓇᕗᒻᒥ.

ᑐᒃᓯᕋᐅᑎᓕᐅᖁᔨᔾᔪᑎ ᓇᓗᓇᐃᔭᖅᓯᒪᔪᓕᒫᖏᑦ ᐊᑐᐃᓐᓇᐅᒪᔪᑦ ᐱᔭᐅᓗᑎᑦ ᐊᓪᓕᕐᒥ.

ᐱᔪᒪᓂᖃᖅᑐᖅ ᑎᒥᐅᔪᖅ ᐃᓄᓪᓘᓐᓃᑦ (ᑐᑦᓯᕋᖅᑐᖅ) ᑐᓂᓯᒍᓐᓇᖅᑐᖅ ᐸᐃᑉᐹᖑᓗᑎᒃ ᐊᒻᒪᓗ/ᐅᕝᕙᓗ ᖃᕆᑕᐅᔭᒃᑰᕐᓗᓂ ᑐᑦᓯᕋᐅᑎᖓ. ᐸᐃᑉᐹᖑᒍᑎᒃ ᓂᐱᑎᓯᒪᔪᒥ ᐴᑦᓴᒦᒋᐊᓖᑦ, ᓇᓗᓇᐃᖅᓯᒪᑦᓯᐊᕐᓗᓂ ᐴᖓᓂ ᐊᑎᖓ ᑐᑦᓯᕋᐅᑎᓂᒃ ᑐᑦᓯᕋᐅᑎᐅᑉ. ᑐᑦᓯᕋᐅᑏᑦ ᓄᓇᕗᑦ ᑐᙵᕕᒃᑯᓐᓄᑦ ᐱᔭᐅᒋᐊᓖᑦ ᐅᖓᑖᓂᐅᖏᑦᑐᖅ 5:00 ᐅᓐᓄᓴᒃᑯᑦ ᐅᕙᓂ 5:00 ᐅᓐᓄᓴᒃᑯᑦ ᑲᓇᓐᓇᐅᑉ ᓯᕿᕐᖑᔭᖓ ᒪᓕᓪᓗᒍ  ᔫᓂ 21, 2024, ᐅᕗᖓ ᑐᕌᕈᑎᒧᑦ ᖃᕆᑕᐅᔭᒃᑯᓪᓘᓐᓃᑦ:

ᓄᓇᕗᑦ ᑐᙵᕕᒃ
ᐅᕗᖓ: ᑎᒻ ᕗᕋᐅᓐ
ᐊᓪᓕᐹᖅᒥ ᓇᑎᖓᓂ, ᐃᒡᓗᕗᑦᒥ 100-922 ᓯᕗᒧᒋᐊᖅ ᐊᖅᑯᑎᒥ
ᐃᖃᓗᐃᑦ, ᓄᓇᕗᑦ, X0A 3H0

Download (PDF, Unknown)

Download (PDF, Unknown)

ᑖᓐᓇ ᑐᒃᓯᕋᐅᓯᐅᖁᔨᔾᔪᑎ ᐆᑦᑐᕋᐅᑎᒃᑯᑦ ᖃᐅᔨᓴᕐᓂᕐᒧᑦ ᑲᑐᔾᔭᐅᔪᒥᒃ ᐱᓕᕆᐊᑦᓴᓕᐊᖑᓯᒪᔪᒥᒃ ᐃᓄᐃᑦ ᓄᑕᖅᑲᑦ ᓯᕗᓪᓕᐅᔾᔭᐅᖁᓪᓗᒋᑦ ᐱᓇᓱᐊᒐᖅ (ICFI) ᓄᓇᕗᒻᒥ. ᐆᑦᑐᕋᐅᑎᒃᑯᑦ ᖃᐅᔨᓴᕐᓂᖅ ᓇᓗᓇᐃᕈᑕᐅᓗᓂ ᐱᓕᕆᔪᒥᒃ(ᓂᒃ) ᓄᓇᕗᑦ ᑐᙵᕕᒃ ᑎᒥᖓᓂ (ᑐᙵᕕᒃ), ᐊᕕᑦᑐᖅᓯᒪᓂᕐᓂ ᐃᓄᐃᑦ ᑲᑐᔾᔨᖃᑎᒌᑦ (RIA) ᐃᓚᒋᔭᐅᓗᑎᒃ ᓄᓇᓕᓐᓂ ᑐᖅᑲᑕᕐᕖᑦ (CLO). ᓱᓕ, ᐆᑦᑐᕋᐅᑎᒃᑯᑦ ᖃᐅᔨᓴᕐᓂᖅ ᓇᓗᓇᐃᕈᑕᐅᓂᐊᖅᑐᖅ ᐱᓕᕆᔪᒥᒃ(ᓂᒃ) ICFI ᐱᔨᑦᓯᖅᑎᓂᒃ ᑎᒥᙳᖅᑎᑕᐅᓯᒪᔪᓂᒃ ᒐᕙᒪᓅᖓᙱᑦᑐᓂᒃ ᐱᓕᕆᖃᑎᒌᓐᓂᕐᒧᑦ ᐋᖅᑭᖅᓯᒪᔪᒥᒃ, ᐅᔾᔨᓇᖅᑐᑦ ᐱᓇᓱᐊᖃᑕᐅᔪᑦ ᒫᓐᓇ ICFI ᐱᓕᕆᐊᓂᒃ ᓄᓇᕗᒻᒥ. ᐃᓚᖃᖅᑐᓂ, ᐆᑦᑐᕋᐅᑎᒃᑯᑦ ᖃᐅᔨᓴᕐᓂᖅ ᓴᖅᑮᓂᐊᕐᒥᔪᖅ ᐊᑭᖏᓐᓂᒃ ᖃᐅᔨᓇᓱᐊᕐᓂᕐᒥᒃ ᑐᑦᓯᕋᐅᑕᐅᔪᒥᒃ ᐱᓕᕆᖃᑎᒌᒍᑕᐅᔪᒃᑯᑦ ᐋᖅᑭᑦᑕᐅᓯᒪᔪᒧᑦ ᓄᓇᕗᒻᒧᑦ.

ᑐᒃᓯᕋᐅᑎᓕᐅᖁᔨᔾᔪᑎ ᓇᓗᓇᐃᔭᖅᓯᒪᔪᓕᒫᖏᑦ ᐊᑐᐃᓐᓇᐅᒪᔪᑦ ᐱᔭᐅᓗᑎᑦ ᐊᓪᓕᕐᒥ.

ᐱᓇᓱᐊᕈᒪᔪᖅ ᑎᒥᐅᔪᖅ ᑭᓇᑐᐃᓐᓇᓘᓐᓃᑦ (ᑐᑦᓯᕋᐅᓯᐅᖅᑐᖅ) ᑐᓂᓯᔪᓐᓇᖅᑐᖅ ᐸᐃᑉᐹᒃᑯᑦ ᐊᒻᒪᓗ/ᐅᕝᕙᓘᓐᓃᑦ ᖃᕆᓴᐅᔭᒃᑯᑦ ᓇᓕᖅᑲᖏᓐᓂᒃ ᑐᑦᓯᕋᐅᑎᖓᑕ. ᐸᐃᑉᐹᑰᖅᑐᑦ ᓇᕿᑕᐅᓯᒪᒋᐊᓖᑦ ᐴᑦᓴᔭᖏᑦ ᐅᕝᕙᓘᓐᓃᑦ ᐊᓯᐊᓂᒃ ᓇᕿᑕᐅᓯᒪᔪᒥᒃ ᐴᖅᓯᒪᔪᒥᒃ, ᑐᑭᓯᓇᑦᓯᐊᕐᓗᓂ ᐴᑦᓴᔭ/ᐴᕆᔭᐅᔪᖅ ᐊᑎᖓᓂᒃ ᑖᑦᓱᒪ RFP. ᑐᑦᓯᕋᐅᑏᑦ ᐱᔭᐅᓯᒪᒋᐊᓖᑦ ᑐᙵᕕᒃᑯᓐᓄᑦ ᑭᖑᓂᐊᓂᐅᖏᑦᑐᖅ ᖃᐅᔨᓴᐅᑦ 5-ᒥ ᐅᓐᓄᓴᒃᑯᑦ ᑲᓇᓐᓇᕐᒥ ᔫᓂ 15, 2024 ᐅᕗᙵᐅᑎᓗᒍ ᐅᕝᕙᓘᓐᓃᑦ ᐃᕐᖐᓐᓈᕈᑎᒃᑯᑦ ᐊᐅᓪᓚᖅᑎᑕᐅᓗᓂ:

ᓄᓇᕗᑦ ᑐᙵᕕᒃ ᑎᒥᖓ
ᐅᕗᖓ: ᑭᐅᕋᓐ ᕙᑖᑦ
ᐱᖓᔪᐊᑦ ᓇᑎᖓ, ᐃᒡᓗᕗᑦ ᐃᓪᓗᖁᑖ, ᑎᑎᖅᑲᖃᐅᑖ 638
ᐃᖃᓗᐃᑦ, ᓄᓇᕗᑦ X0A 0H0

Download (PDF, Unknown)

ᓄᓇᕗᑦ ᑐᙵᕕᒃ ᑎᒥᖓ (ᑐᙵᕕᒃ) ᑐᑦᓯᕋᐅᓯᐅᖁᔨᒻᒪᑕ ᐊᔪᙱᔾᔪᑎᓕᓐᓄᑦ ᓂᐅᕕᕐᕕᖕᓄᑦ ᓂᐅᕕᕈᑎᑦᓴᓂᒃ ᐊᐅᓚᓂᖏᓐᓄᓪᓗ ᖃᒧᑕᐅᔭᐃᑦ ᐊᒻᒪᓗ ᑕᒪᕐᒥᒃ ᓯᑕᒪᓖᑦ (ATV) ᑕᒪᐃᓐᓄᑦ 25-ᓄᑦ ᓄᓇᕗᑦ ᓄᓇᓕᖏᓐᓄᑦ ᐸᕐᓇᓂᕐᒧᑦ ᓄᓇᕗᑦ ᐅᓪᓗᖓᓂᒃ ᓇᓪᓕᐅᓂᖅᓯᐅᓂᕐᒧᑦ ᔪᓚᐃ 9.

ᑐᒃᓯᕋᐅᑎᓕᐅᖁᔨᔾᔪᑎ ᓇᓗᓇᐃᔭᖅᓯᒪᔪᓕᒫᖏᑦ ᐊᑐᐃᓐᓇᐅᒪᔪᑦ ᐱᔭᐅᓗᑎᑦ ᐊᓪᓕᕐᒥ.

ᐱᓇᓱᐊᕈᒪᔪᖅ ᑎᒥᐅᔪᖅ ᑭᓇᑐᐃᓐᓇᓘᓐᓃᑦ (ᑐᑦᓯᕋᐅᓯᐅᖅᑐᖅ) ᑐᓂᓯᔪᓐᓇᖅᑐᖅ ᐸᐃᑉᐹᒃᑯᑦ ᐊᒻᒪᓗ/ᐅᕝᕙᓘᓐᓃᑦ ᖃᕆᓴᐅᔭᒃᑯᑦ ᓇᓕᖅᑲᖏᓐᓂᒃ ᑐᑦᓯᕋᐅᑎᖓᑕ. ᐸᐃᑉᐹᑰᖅᑐᑦ ᓇᕿᑕᐅᓯᒪᒋᐊᓖᑦ ᐴᑦᓴᔭᖏᑦ ᐅᕝᕙᓘᓐᓃᑦ ᐊᓯᐊᓂᒃ ᓇᕿᑕᐅᓯᒪᔪᒥᒃ ᐴᖅᓯᒪᔪᒥᒃ, ᑐᑭᓯᓇᑦᓯᐊᕐᓗᓂ ᐴᑦᓴᔭ/ᐴᕆᔭᐅᔪᖅ ᐊᑎᖓᓂᒃ ᑖᑦᓱᒪ RFP. ᑐᑦᓯᕋᐅᑏᑦ ᐱᔭᐅᓯᒪᒋᐊᓖᑦ ᑐᙵᕕᒃᑯᓐᓄᑦ ᑭᖑᓂᐊᓂᐅᖏᑦᑐᖅ ᖃᐅᔨᓴᐅᑦ 5-ᒥ ᐅᓐᓄᓴᒃᑯᑦ ᑲᓇᓐᓇᕐᒥ ᒪᐃ 10, 2024 ᐅᕗᙵᐅᑎᓗᒍ ᐅᕝᕙᓘᓐᓃᑦ ᐃᕐᖐᓐᓈᕈᑎᒃᑯᑦ ᐊᐅᓪᓚᖅᑎᑕᐅᓗᓂ:

ᓄᓇᕗᑦ ᑐᙵᕕᒃ ᑎᒥᖓ
ᐅᕗᖓ: ᐃᕙᓗᐊᕐᔪᒃ ᒥᐅᕆᑦ
ᐱᖓᔪᐊᑦ ᓇᑎᖓ, ᐃᒡᓗᕗᑦ ᐃᓪᓗᖁᑖ
100-922 ᓯᕗᒧᒋᐊᖅ ᐊᖅᑯᑖ
ᐃᖃᓗᐃᑦ, ᓄᓇᕗᑦ X0A 3H0

Download (PDF, Unknown)

ᓄᓇᕗᑦ ᑐᙵᕕᒃ ᑎᒥᖓ (ᑐᙵᕕᒃ) ᑐᑦᓯᕋᐅᓯᐅᖁᔨᒻᒪᑕ ᐊᔪᙱᔾᔪᑎᓕᓐᓂᒃ ᐱᓕᕆᓯᒪᔪᓂᓪᓗ ᑲᒻᐸᓂᓂᒃ ᓴᓇᒻᒪᖓᓄᑦ, ᐋᖅᑭᑦᓱᐃᓂᕐᒧᑦ, ᐊᒻᒪᓗ ᓴᓇᐅᔭᓂᖓᓄᑦ ᓄᑖᖅ ᐃᑭᐊᖅᑭᕕᒃ ᑐᙵᕕᒃᑯᓐᓄᑦ. ᓂᕈᐊᖅᑕᐅᔪᖅ ᑲᒻᐸᓂ ᐱᓕᕆᑎᑕᐅᓂᐊᖅᑐᖅ ᓴᖅᑮᓂᕐᒥᒃ ᐅᓪᓗᒥᓯᐅᑎᓂᒃ, ᐱᔭᕆᐊᑭᑦᑐᒥᒃ, ᐊᒻᒪᓗ ᐃᓕᖅᑯᓯᕐᒨᖓᔪᓂᒃ ᐃᑭᐊᖅᑭᕕᖕᒥᒃ ᐱᕚᓪᓕᕈᑎᑦᓴᖓᓂᒃ ᑐᙵᕕᒃᑯᑦ ᖃᕆᓴᐅᔭᒃᑯᑦ ᓴᖅᑭᐅᒪᓂᖓᓂᒃ ᐊᒻᒪᓗ ᑐᓴᐅᒪᔾᔪᑎᒋᔭᐅᔪᓐᓇᖅᑐᒥᒃ, ᐊᒻᒪᓗ ᓄᑦᑎᕆᓂᕐᒥᒃ ᐃᓗᓕᖏᓐᓂᒃ ᒫᓐᓇ ᐊᑐᖅᑕᐅᔪᒥᒃ ᐃᑭᐊᖅᑭᕕᖓᓂᒃ ᓄᑖᒧᑦ ᐃᓂᒋᓂᐊᖅᑕᖓᓄᑦ.

ᑐᒃᓯᕋᐅᑎᓕᐅᖁᔨᔾᔪᑎ ᓇᓗᓇᐃᔭᖅᓯᒪᔪᓕᒫᖏᑦ ᐊᑐᐃᓐᓇᐅᒪᔪᑦ ᐱᔭᐅᓗᑎᑦ ᐊᓪᓕᕐᒥ.

ᐱᓇᓱᐊᕈᒪᔪᖅ ᑎᒥᐅᔪᖅ ᑭᓇᑐᐃᓐᓇᓘᓐᓃᑦ (ᐱᓇᓱᐊᖅᑐᖅ) ᑐᓂᓯᔪᓐᓇᖅᑐᑦ ᐸᐃᑉᐹᑎᒍᑦ ᐊᒻᒪᓗ/ᐅᕝᕙᓘᓐᓃᑦ ᖃᕆᓴᐅᔭᒃᑯᑦ ᑐᑦᓯᕋᐅᑎᒥᓂᒃ. ᐸᐃᑉᐹᒃᑰᖓᔪᑦ ᓇᕿᔾᔪᑎᖃᕆᐊᓖᑦ ᐴᑦᓴᔭᖏᑦ ᐅᕝᕙᓘᓐᓃᑦ ᐊᓯᐊᒍᑦ ᓇᕿᑕᐅᓯᒪᔪᒥᒃ ᐴᖓᓂ, ᓇᓗᓇᐃᖅᓯᒪᑦᓯᐊᕐᓗᓂ ᐴᑦᓴᔭ/ᐴᖓ ᐊᑎᖓᓂᒃ ᑕᕝᕗᙵᖓᒋᐊᖓ RFP-ᒧᑦ. ᑐᑦᓯᕋᐅᑏᑦ ᐱᔭᐅᓯᒪᒋᐊᓖᑦ ᑐᙵᕕᒃᑯᓐᓄᑦ ᑭᖑᓂᐊᓂᐅᙱᑦᑐᖅ ᖃᐅᔨᓴᐅᑦ 5-ᒥ ᐅᓐᓄᓴᒃᑯᑦ ᑲᓇᓐᓇᕐᒥ ᒪᐃ 17, 2024 ᐅᕗᙵᖅᑕᐅᓯᒪᓗᓂ ᐅᕝᕙᓘᓐᓃᑦ ᐃᕐᖐᓐᓈᕈᑎᒃᑰᖅᑕᐅᓯᒪᓗᓂ:

ᓄᓇᕗᑦ ᑐᙵᕕᒃ ᑎᒥᖓ

ᐅᕗᖓ: ᑭᐊᕙᓐ ᑲᑉᓗᑦᓯᐊᒃ

ᐱᖓᔪᐊᑦ ᓇᑎᖓ, ᐃᓪᓗᕗᑦ ᐃᓪᓗᖁᑖᓂ

100-922 ᓯᕗᒧᒋᐊᖅ ᐊᑐᕆᐊᖓ

ᐃᖃᓗᐃᑦ, ᓄᓇᕗᑦ X0A 3H0

Download (PDF, Unknown)

ᓄᓇᕗᑦ ᑐᙵᕕᒃ ᑎᒥᖓ, ᑭᒡᒐᖅᑐᐃᔪᑦ ᑲᑐᔾᔨᖃᑎᒌᑦ ᓄᓇᕗᑦ ᐃᓄᖏᖕᓄᑦ ᒪᓕᑦᑐᒍ 1993-ᒥ ᓄᓇᕗᑦ ᐊᖏᕈᑎᖓ ᐊᑎᓕᐅᖅᑕᐅᓚᐅᖅᓯᒪᔪᖅ, ᓴᖅᑭᑎᑦᑎᓲᖑᕗᑦ ᑐᒃᓯᕋᐅᑎᒥᒃ ᑳᑐᓐᕌᒃᑦ−ᑕᐅᖃᑦᑕᕐᓂᐊᖅᑐᓄᑦ ᓄᑖᕈᕆᐊᖅᑕᐅᖁᓪᓗᒋᑦ ᓄᓇᕗᑦ ᑐᙵᕕᒃ ᑎᒥᖓᑦᑕ ᑎᑎᖅᑐᖅᓯᒪᓂᖏᑦ ᐊᔪᙱᑦᑐᑦ ᑳᑐᓐᕌᒃᑦ−ᑕᐅᖃᑦᑕᕐᓂᐊᖅᑐᑦ ᐱᓕᕆᔨᒻᒪᕆᐅᓂᕐᒧᑦ ᐊᒻᒪᓗ ᐊᔾᔨᐸᓗᖏᑦᑕ ᐱᔨᑦᑎᕋᖃᑦᑕᕋᔭᖅᑐᑦ ᐱᓕᕆᐊᖃᖃᑦᑕᕐᓂᐊᕐᒪᑕ ᐱᔨᑦᑎᕐᓗᑎᑦ ᓄᓇᕗᑦ ᑐᙵᕕᒃ ᑎᒥᖓᓄᑦ ᒪᓕᑦᑐᒍ ᑳᓐᑐᕌᒃᑦ−ᑕᐅᖃᑦᑕᕐᓂᐊᖅᑐᑦ ᐊᖏᕈᑎᖓ ᒪᓕᓪᓗᒍ ᓄᓇᕗᑦ ᑐᙵᕕᒃ ᑎᒥᖓ ᑳᑐᓐᕌᒃᑦ−ᑕᐅᖃᑦᑕᖅᑐᑦ ᐊᑐᐊᒐᖓ. ᐊᔾᔨᖓ ᑕᒪᐃᓐᓂ ᑐᒃᓯᕋᐅᑎ ᑳᑐᓐᕌᒃᑦ−ᑕᐅᖃᑦᑕᕐᓂᐊᖅᑐᓄᑦ ᐊᒻᒪᓗᑦᑕᐅᖅ ᓄᓇᕗᑦ ᑐᙵᕕᒃ ᑎᒥᖓ ᑳᑐᓐᕌᒃᑦ−ᓂᕐᒧᑦ ᐊᑐᐊᒐᖓ ᑕᑯᓂᐊᖅᑕᐅᔪᓐᓇᖅᑐᖅ ᓄᓇᕗᑦ ᑐᙵᕕᒃ ᑎᒥᖓᑕ ᐃᑭᐊᖅᑭᕕᖓᓂ ᐅᕙᓂ www.tunngavik.com ᐅᕝᕙᓘᓐᓃᑦ ᖃᐅᔨᒃᑲᖅᑕᐅᓗᑎᑦ ᖃᐅᔨᒋᐊᕐᕕᒃᓴᖅ ᐊᓪᓕᕐᒥ ᑎᑎᕋᖅᓯᒪᔪᑦ ᑐᑭᓯᒋᐊᕈᑎᖏᑦ.

ᓄᓇᕗᑦ ᑐᙵᕕᒃ ᑎᒥᖓ ᓇᓗᓇᐃᖅᓯᓯᒪᕗᑦ ᐱᖓᓲᔪᖅᑐᑦ ᐊᑕᐅᓯᕐᓗ (7) ᑳᓐᑐᕌᒃᑦ−ᑕᐅᖃᑦᑕᕋᔭᖅᑐᓂᑦ ᐱᔾᔪᑎᒋᓪᓗᒋᑦ ᑖᓐᓇ ᑐᒃᓯᕋᐅᑎᓂ ᑳᑐᓐᕌᒃᑦᑕᐅᖃᑦᑕᕐᓂᐊᖅᑐᑦ ᐱᔨᑦᑎᕋᖅᑎᖏᑦ:

ᐱᓕᕆᐊᖃᕐᕕᐅᓂᖓ 1 (ᑎᑎᖅᑐᖅᓯᒪᓂᖓ 1)	ᑕᒪᐃᓐᓄᑦ ᐊᖓᔪᖅᑳᖃᕐᕕᓕᕆᓂᖅ, ᑮᓇᐅᔭᓕᕆᓂᕐᒧᑦ ᐊᒻᒪᓗ ᐃᖅᑲᓇᐃᔭᖅᑐᓕᕆᓂᕐᒧᑦ ᐃᖏᕐᕋᑎᑦᑎᓂᖅ ᐊᒻᒪᓗ ᐊᐅᓚᑦᑎᓂᖅ (ᐱᖃᓯᐅᑎᓪᓗᒋᑦ ᐱᓕᒻᒪᒃᓴᐃᓂᖅ)
ᐱᓕᕆᐊᖃᕐᕕᐅᓂᖓ 2 (ᑎᑎᖅᑐᖅᓯᒪᓂᖓ 2)	ᓄᓇᕗᑦ ᐊᖏᕈᑎᖓ ᐊᑐᓕᖅᑎᑕᐅᓂᖓ ᑕᒪᐃᓐᓅᖓᓗᒍ (ᑭᓯᐊᓂᓕ ᐅᑯᐊᖑᙱᑦᑐᖅ ᐱᓕᕆᐊᖃᕐᕕᐅᓂᖏᑦ 3, 4, 5 ᐊᒻᒪᓗ 6)
ᐱᓕᕆᐊᖃᕐᕕᐅᓂᖓ 3 (ᑎᑎᖅᑐᖅᓯᒪᓂᖓ 3)	ᐆᒪᔪᓕᕆᓂᖅ ᐊᒻᒪᓗ ᐊᕙᑎᓕᕆᓂᖅ ᐱᖃᓯᐅᑎᓗᒋᑦ ᐱᓕᕆᐊᑉ ᖃᐅᔨᓵᖑᓂᖓ
ᐱᓕᕆᐊᖃᕐᕕᐅᓂᖓ 4 (ᑎᑎᖅᑐᖅᓯᒪᓂᖓ 4)	ᓄᓇᓕᕆᓂᕐᒧᑦ ᐊᒻᒪᓗ ᓄᓇᒦᙶᖅᑐᓕᕆᓂᕐᒧᑦ ᐊᐅᓚᑦᑎᓂᖅ ᐱᖃᓯᐅᑎᓪᓗᒋᑦ ᑖᒃᑯᑑᙱᑦᑑᒐᓗᐊᖅ ᐊᐅᓚᑕᐅᓂᖏᑦ ᐃᓄᐃᑦ ᓄᓇᖁᑎᖏᑦ ᐊᒻᒪᓗ ᐅᔭᕋᓐᓂᐊᕋᒃᓴᑦ
ᐱᓕᕆᐊᖃᕐᕕᐅᓂᖓ 5 (ᑎᑎᖅᑐᖅᓯᒪᓂᖓ 5)	ᐃᓄᐃᑦ ᐃᖅᑲᓇᐃᔭᖅᑎᑕᐅᓂᖏᑦ ᐊᒻᒪᓗ ᐱᓕᒻᒪᒃᓴᖅᑎᑕᐅᓂᖏᑦ
ᐱᓕᕆᐊᖃᕐᕕᐅᓂᖓ 6 (ᑎᑎᖅᑐᖅᓯᒪᓂᖓ 6)	ᐃᓅᓯᓕᕆᓂᖅ ᐊᒻᒪᓗ ᐃᓕᖅᑯᓯᓕᕆᓂᖅ ᐱᖃᓯᐅᑎᓗᒍ ᐃᓄᒃᑐᑦ ᐱᕙᓪᓕᐊᒍᑎᒋᔭᐅᓂᖓ ᐊᒻᒪᓗ ᐊᑐᕐᔫᒥᓕᖅᑎᑕᐅᓂᖓ; ᐋᓐᓂᐊᖅᑕᐃᓕᒪᓂᕐᒧᑦ ᐊᐅᓚᑦᑎᓂᖅ ᐊᒻᒪᓗ ᖃᐅᔨᓴᕐᓂᓕᕆᓂᖅ
ᐱᓕᕆᐊᖃᕐᕕᐅᓂᖓ 7 (ᑎᑎᖅᑐᖅᓯᒪᓂᖓ 7)	ᐃᓄᐃᑦ ᓂᕈᐊᖅᑕᐅᖃᑦᑕᕐᓂᖏᑦᑕ ᐱᕙᓪᓕᐊᑎᑕᐅᓂᖏᑦ ᐊᒻᒪᓗ ᐊᐅᓚᑦᑎᓂᖅ ᐱᖃᓯᐅᑎᓪᓗᒍ ᓇᒻᒥᓂᖅ−ᒐᕙᒪᖃᕐᓂᖅ, ᐃᓄᐃᑦ ᒐᕙᒪᑐᖃᒃᑯᑦ ᐱᓕᕆᖃᑎᒌᓐᓂᖏᑦ, ᐱᖁᑎᕐᔪᐊᓕᕆᓂᖅ ᐊᒻᒪᓗ ᐃᒡᓗᓕᕆᓂᖅ

ᓇᒻᒥᓂᖁᑎᒋᔭᐅᔪᖅ ᐃᓄᓘᓐᓃᑦ ᑐᓂᓯᔪᓐᓇᖅᑐᑦ ᐊᓕᓚᔪᕐᓂᑦ ᑐᒃᓯᕋᐅᑎᒥᓂᒃ ᐊᒻᒪᓗ/ᐅᕝᕙᓘᓐᓂᑦ ᖃᕋᓴᐅᔭᖅᑎᒍᑦ ᑎᑎᕋᖅᓯᒪᔪᖁᑎᖏᖕᓂᒃ ᑐᒃᓯᕋᐅᑎᒥᓂᒃ. ᑐᒃᓯᕋᐅᑏᑦ ᐱᔭᐅᔭᕆᐊᓖᑦ ᓄᓇᕗᑦ ᑐᙵᕕᒃ ᑎᒥᖓᓄᑦ ᐅᖓᑕᐅᔨᙱᓪᓗᒍ 5:00 ᐅᓐᓄᓴᒃᑯᑦ ᑲᓇᑕᒥ ᑲᓇᓐᓇᖓᑕ ᓯᕿᙳᔭᖓ ᒪᓕᓪᓗᒍ ᒫᑦᓯ 08, 2024-ᒥ ᐅᕗᖓ ᑐᕌᕈᑎᖓᓄᑦ ᐅᕝᕙᓘᓐᓂᑦ ᖃᕋᓴᐅᔭᒃᑯᑦ ᑐᕌᕈᑎᖓᓄᑦ:

ᓄᓇᕗᑦ ᑐᙵᕕᒃ ᑎᒥᖓ

ᐆᒧᖓ: ᒪᕇ ᕕᓕᐅ, ᐊᐅᓚᑦᑎᔨ ᒪᓕᒐᓕᕆᔨᐅᔪᓄᑦ

3rd ᓇᑎᖓ, ᐃᒡᓗᕗᑦ, ᑎᑎᖅᑲᒃᑯᕕᖓ 638

ᐃᖃᓗᐃᑦ, ᓄᓇᕗᑦ X0A 0H0

(“ᖃᐅᔨᒋᐊᖅᑐᓄᑦ ᑐᑭᓯᒋᐊᕐᕕᒃᓴᖅ”). ᓇᓕᐊᑐᐃᓐᓇᑦ ᑭᐅᔾᔪᑏᑦ, ᐊᒻᒪᓗ ᓇᓕᐊᑐᐃᓐᓇᐃᑦ ᐊᓯᔾᔨᕐᓂᐅᔪᑦ ᑖᔅᓱᒧᖓ ᑐᒃᓯᕋᐅᑎᓕᐅᖁᔨᔾᔪᑎᒧᑦ ᐱᓕᕆᔨᒻᒪᕇᑦ ᐱᔨᑦᑎᕋᕈᑎᖏᖕᓄᑦ ᓴᖅᑭᖅᑎᑕᐅᒐᔭᖅᑐᑦ ᓄᓇᕗᑦ ᑐᙵᕕᒃ ᑎᒥᖓᑕ ᐃᑭᐊᖅᑭᕕᖓᓄᑦ.

ᑳᑐᓐᕌᒃᑦ−ᑎᐅᔪᑦ ᑳᓐᑐᕌᒃᑦ−ᑕᐅᑐᐃᓐᓇᕋᒃᓴᑦ ᐊᖏᕈᑎᖓ ᓄᓇᕗᑦ ᑐᙵᕕᒃ ᑎᒥᖓᓄᑦ ᒫᑦᓯ 31, 2024-ᒧᑦ, ᐊᓯᔾᔩᓗᐊᕌᓗᙱᑦᑕᑐᐊᕈᑎᑦ ᑐᒃᓯᕋᐅᑎᒥᓂᓄᑦ, ᓇᓗᓇᐃᖅᓯᔪᓐᓇᖅᑐᑦ, ᖃᕋᓴᐅᔭᖅᑎᒍᑦ, ᐱᓇᓱᐊᕐᓂᐊᕐᓂᖏᖕᓂᒃ ᓄᑖᕈᖅᑎᑕᐅᓂᐊᕐᓗᑎᑦ 2024-2025 ᑮᓇᐅᔭᓕᕆᓐᓇᑉ ᐊᕐᕌᒍᐊᓄᑦ ᑐᓂᓯᙱᓪᓗᑎᑦ ᑕᒪᐃᓐᓂ ᐱᓇᓱᐊᕈᑎᒥᒃ.

Download (PDF, Unknown)

ᓄᓇᕗᑦ ᑐᙵᕕᒃ ᑎᒥᖓ ᑐᒃᓯᕋᐅᑎᓕᐅᖁᔨᔪᑦ ᐱᔪᓐᓇᖅᑐᓄᑦ ᑳᓐᑐᕌᒃᑦ−ᑖᕋᔭᖅᑐᑦ ᐱᓇᓱᐊᖅᑐᓄᑦ ᐱᓕᕆᖃᑎᒋᔭᐅᓂᐊᕐᒪᑕ, ᐊᒻᒪᓗ ᐃᑲᔪᖅᑐᐃᓗᑎᑦ ᓄᓇᓕᐅᔪᓂᑦ ᖃᐅᔨᒪᓇᑦᑎᐊᖁᓪᓗᒍ ᑲᔪᓯᓂᖃᑦᑎᐊᖅᑐᒃᑯᑦ ᐊᑐᓕᖅᑎᑕᐅᒐᔭᕐᓂᖓᓂᒃ ᐊᒻᒪᓗ ᐱᔭᕇᖅᑕᐅᓗᑎᑦ ᕿᒫᕖᑦ ᐊᒻᒪᓗ ᐊᖏᕐᕋᕆᔭᐅᑲᐃᓐᓇᕐᓂᐊᖅᑐᓄᑦ ᐃᒡᓗᒃᓴᐃᑦ ᓄᓇᕗᒻᒥ.

ᑐᒃᓯᕋᐅᑎᓕᐅᖁᔨᔾᔪᑎ ᓇᓗᓇᐃᔭᖅᓯᒪᔪᓕᒫᖏᑦ ᐊᑐᐃᓐᓇᐅᒪᔪᑦ ᐱᔭᐅᓗᑎᑦ ᐊᓪᓕᕐᒥ.

ᐱᓇᓱᐊᕈᒪᔪᖅ ᓇᒻᒥᓂᖁᑎᒋᔭᖅ ᐅᕝᕙᓘᓐᓃᑦ ᐃᓄᒃ (ᐱᓇᓱᐊᖅᑐᖅ) ᑐᓂᓯᔪᓐᓇᖅᑐᑦ ᐊᔾᔨᖏᓐᓂᒃ ᐸᐃᑉᐹᖅᑎᒍᑦ ᐊᒻᒪ/ᐅᕝᕙᓘᓐᓃᑦ ᖃᕋᓴᐅᔭᒃᑯᑦ ᑐᒃᓯᕋᐅᑎᒥᓂᒃ. ᐸᐃᑉᐹᖅᑎᒎᖅᑐᐃᑦ ᐴᖅᑕᐅᓯᒪᔭᕆᐊᓖᑦ ᑎᑎᖅᑲᒧᑦ ᐴᕐᒧᑦ ᓂᐱᑦᑕᔫᖅᓯᒪᓗᑎᑦ ᐅᕝᕙᓘᓐᓃᑦ ᐊᒻᒪᕆᐊᖃᖅᑎᑕᐅᔾᔪᑎᒨᖅᑕᐅᓗᑎᑦ ᐊᓯᐊᓄᑦ, ᓱᖅᑯᐃᓇᖅᑐᑯᓗᒻᒥᒃ ᓇᓗᓇᐃᒃᑯᖅᓯᒪᓗᓂ ᐴᖓ/ᐴᖅᓯᕕᐅᓯᒪᓂᖏᑦ ᐊᑎᖓᑕ ᑖᔅᓱᒪᑉ ᑐᒃᓯᕋᐅᑎᓕᐅᖁᔨᔾᔪᑎᑉ. ᑐᒃᓯᕋᐅᑏᑦ ᐱᔭᐅᔭᕆᐊᓖᑦ ᑖᒃᑯᓄᖓ ᓄᓇᕗᑦ ᑐᙵᕕᒃ ᑎᒥᖓᓄᑦ ᐊᓂᒍᓚᐅᙱᓐᓂᖓᓂᒃ 5:00 ᐅᓐᓄᓴᒃᑯᑦ ᐃᖃᓗᐃᑦ ᓯᕿᙳᔭᖓ ᒪᓕᑦᑐᒍ ᐅᕙᓂ ᕖᕝᕗᐊᕆ 16, 2024 ᓇᔪᖅᐸᑦᑕᖓᓄᑦ ᑐᙵᕕᒃᑯᑦ ᐅᕝᕙᓘᓐᓂᑦ ᖃᕋᓴᐅᔭᒃᑯᑦ ᑐᕌᕈᑎᖓᓄᑦ:

 

ᓄᓇᕗᑦ ᑐᙵᕕᒃ ᑎᒥᖓ

ᐆᒧᖓ: ᑎᒻ ᕗᕋᐅᓐ

1^st ᓇᑎᖓ, ᐃᒡᓗᕗᑦ 100-922 ᓯᕗᒧᒋᐊᖅ ᐊᖅᑯᑎ

ᐃᖃᓗᐃᑦ, ᓄᓇᕗᑦ NU, X0A 3H0

Download (PDF, Unknown)

ᓄᓇᕗᑦ ᑐᙵᕕᒃ ᑎᒥᖓ ᑐᒃᓯᕋᐅᑎᓕᐅᖁᔨᔪᑦ ᐱᓕᕆᔪᓐᓇᕋᔭᖅᑐᓂᑦ  ᖃᐅᔨᓴᖁᓪᓗᒋᑦ ᓄᓇᕗᓕᒫᕐᒥ ᓄᓇᓕᓐᓂ ᒪᑭᒪᑎᑦᑎᓂᖃᕈᓐᓇᕐᒪᖔᑖ ᐊᒻᒪᓗ ᑭᙴᒪᒋᔭᐅᔪᓂᑦ ᐃᓐᓇᒻᒪᕇᑦ ᓇᒻᒥᓂᖅ ᐃᓅᕝᕕᒋᓂᐊᖅᑕᖏᖕᓂᒃ ᓇᓖᕌᕋᒃᓴᓕᐅᖁᔭᐅᓗᑎᑦ, ᐱᐅᓯᑎᑕᐅᒐᓱᐊᕐᓗᓂ ᐃᓐᓇᒻᒪᕇᑦ ᐋᓐᓂᐊᖅᑕᐃᓕᓂᖏᑦ, ᐃᒻᒥᒃᑰᕐᓂᖅᓴᐅᓗᑎᑦ, ᐊᒻᒪᓗ ᐊᑯᓂᐅᓂᖅᓴᖅ ᐆᒪᑯᑖᓐᓂᖅᓴᐅᖁᓪᓗᒋᑦ ᓄᓇᓕᒻᒥ ᐱᓕᕆᖃᑕᐅᓗᑎᓪᓗ ᓄᓇᓖᑦ.

ᐊᑕᖏᖅᑐᒥᒃ ᐱᔪᒪᒍᕕᑦ ᑐᑦᓯᕋᐅᓯᐅᕐᓂᕐᒧᑦ ᐊᑐᐃᓐᓇᐃᑦ ᖃᕆᓴᐅᔭᒨᖅᑲᕋᑦᓴᐃᑦ ᑖᒃᑯᐊ

ᐱᓇᓱᐊᕈᒪᔪᖅ ᓇᒻᒥᓂᖁᑎᒋᔭᖅ ᐅᕝᕙᓘᓐᓃᑦ ᐃᓄᒃ (ᐱᓇᓱᐊᖅᑐᖅ) ᑐᓂᓯᔪᓐᓇᖅᑐᑦ ᐊᔾᔨᖏᓐᓂᒃ ᐸᐃᑉᐹᖅᑎᒍᑦ ᐊᒻᒪᓗ/ ᐅᕝᕙᓘᓐᓃᑦ ᖃᕋᓴᐅᔭᒃᑯᑦ ᑐᒃᓯᕋᐅᑎᒥᓂᒃ. ᐸᐃᑉᐹᖅᑎᒎᖅᑐᐃᑦ ᐴᖅᑕᐅᓯᒪᔭᕆᐊᓖᑦ ᑎᑎᖅᑲᒧᑦ ᐴᕐᒧᑦ ᓂᐱᑦᑕᔫᖅᓯᒪᓗᑎᑦ ᐅᕝᕙᓘᓐᓃᑦ ᐊᒻᒪᕆᐊᖃᖅᑎᑕᐅᔾᔪᑎᒨᖅᑕᐅᓗᑎᑦ ᐊᓯᐊᓄᑦ, ᓱᖅᑯᐃᓇᖅᑐᑯᓗᒻᒥᒃ ᓇᓗᓇᐃᒃᑯᖅᓯᒪᓗᓂ ᐴᖓ/ᐴᖅᓯᕕᐅᓯᒪᓂᖏᑦ ᐊᑎᖓᑕ ᑖᔅᓱᒪᑉ ᑐᒃᓯᕋᐅᑎᓕᐅᖁᔨᔾᔪᑎᑉ. ᑐᒃᓯᕋᐅᑏᑦ ᐱᔭᐅᔪᑦ ᑖᒃᑯᓄᖓ ᓄᓇᕗᑦ ᑐᙵᕕᒃ ᑎᒥᖓ ᐊᓂᒍᓚᐅᙱᓐᓂᖓᓂᒃ 5:00 ᐅᓐᓄᓴᒃᑯᑦ ᑲᓇᑕᑉ ᑲᓇᓐᓇᖓᑕ ᓯᕿᙳᔭᖓ ᒪᓕᑦᑐᒍ ᐅᕙᓂ ᕖᕝᕗᐊᕆ 16, 2024 ᓇᔪᖅᐸᑦᑕᖓ ᐅᕝᕙᓘᓐᓂᑦ ᖃᕋᓴᐅᔭᒃᑯᑦ ᑐᕌᕈᑎᖓᓄᑦ:

ᓄᓇᕗᑦ ᑐᙵᕕᒃ ᑎᒥᖓ

ᐆᒧᖓ: ᑎᒻ ᕗᕋᐅᓐ

1^st ᓇᑎᖓ, ᐃᒡᓗᕗᑦ 100-922 ᓯᕗᒧᒋᐊᖅ ᐊᖅᑯᑎ

ᐃᖃᓗᐃᑦ, ᓄᓇᕗᑦ NU, X0A 3H0

Download (PDF, Unknown)

 

ᑐᓂᓯᖁᔨᔾᔪᑎ ᐱᓕᕆᐊᖃᕈᒪᔪᓄᑦ ᐊᖏᕐᕋᕆᔭᐅᒐᔭᖅᑐᓂᑦ ᐃᒡᓗᓂᑦ ᐊᑯᓂᐅᔪᒧᑦ ᐊᑐᖅᑐᐊᖅᑎᑦᑎᒐᔭᖅᑐᓄᑦ ᐃᖃᓗᓐᓂ ᐊᒻᒪᓗ ᑲᖏᖅᖠᓂᕐᒥ

ᔭᓐᓄᐊᓕ 19, 2024

ᓄᓇᕗᑦ ᑐᙵᕕᒃ ᑎᒥᖓ (ᑐᙵᕕᒃ) ᕿᓂᖅᑐᑦ ᐱᓇᓱᐊᖅᑐᑦᓴᓂᒃ ᑐᓴᐅᒪᔾᔪᑕᐅᓂᐊᖅᑐᓂᒃ ᐊᖏᕐᕋᖃᖅᑎᑦᓯᓂᕐᒧᑦ ᐊᑐᖅᑐᐊᕋᑦᓴᓂᒃ ᐃᖃᓗᓐᓂ ᑲᖏᕐᖠᓂᕐᒥᓗ.

ᐊᕕᑦᑐᖅᓯᒪᓂᖓ A: ᐊᑐᖅᑐᐊᓂᕐᒧᑦ ᐊᑕᔪᑦ

• ᐊᖏᕐᕋᕆᔭᐅᓇᔭᖅᑐᓂᒃ ᐊᑐᖅᑐᐊᕋᑦᓴᓂᒃ ᑕᓪᓕᒪᒐᓚᓐᓂ ᐊᕐᕌᒍᓂᒃ, ᐱᒋᐊᕐᓗᓂ ᖃᓂᒋᔮᓂᓘᓐᓃᑦ ᒫᑦᓯ 1, 2024, ᓇᓖᕌᕈᑎᑦᓴᖃᕐᓗᓂ ᒪᕐᕈᐃᓱᒃᑲᓂᕐᓗᑎᒃ ᑕᓪᓕᒪᓂᒃ ᐊᕐᕌᒍᓂᒃ ᓄᑖᙳᕆᐊᖅᑎᑦᓯᓂᕐᒧᑦ.

• ᐃᓪᓗᖃᖅᑎᑦᓯᓗᓂ ᐊᑐᖅᑐᐊᑎᑦᓯᓗᓂᓗ ᑎᑭᐅᑎᓯᒪᔪᓂᒃ ᐱᖓᓱᓂᒃ (3) ᐊᖏᕐᕋᕐᓂᖅ ᑲᖏᕐᖠᓂᕐᒥ ᒥᑭᓂᖅᐹᖃᕐᓗᓂ ᐱᖓᓱᓂᒃ (3) ᖃᕆᐊᓕᓐᓂᒃ ᐊᑕᐅᓯᕐᒥ ᐊᖏᕐᕋᒥ. ᐊᑐᓂᑦ ᑐᑦᓯᕌᖑᔪᑦ ᐊᖏᕐᕋᕆᔭᐅᓇᔭᖅᑐᑦ ᐳᓛᕐᕕᖃᕆᐊᓖᑦ ᐃᓚᒋᔭᐅᓗᑎᒃ ᓱᓇᒃᑯᑖᖃᐅᑦ ᐊᖏᓂᓕᒻᒥᒃ 110 ᑭᑉᐹᕆᑦᑐᓂᒃ ᒦᑕᓂᒃ (+/- 20 ᑭᑉᐹᕆᑦᑐᑦ ᒦᑕᑦ).

• ᐱᓇᓱᐊᖅᑐᑦ ᒥᑦᓯᑎᓐᓃᑉᐸᑕ ᐱᖓᓱᓂᒃ ᐊᖏᕐᕋᕐᓂᒃ ᐊᑐᓂᑦ ᓄᓇᓕᓐᓂ ᒪᑐᐃᖓᔪᖅ ᑐᓂᓯᔪᒪᒍᑎᒃ ᐱᓇᓱᐊᕈᑎᒥᓂᒃ ᐊᒻᒪᓗ ᓇᓗᓇᐃᖅᓯᓯᒪᒋᐊᓖᑦ ᖃᑦᓯᐅᓂᖏᓐᓂᒃ ᐊᖏᕐᕋᐃᑦ ᒪᓂᒪᑎᑕᖏᑦ ᐊᑐᖅᑐᐊᕋᑦᓴᑦ. ᓲᕐᓗ, ᐱᓇᓱᐊᖅᑐᑦ ᐱᖓᓱᓂᒃ ᐊᖏᕐᕋᑦᓴᖃᕆᐊᑐᙱᑦᑐᖅ ᐊᑐᓂᑦ ᓄᓇᓕᓐᓂ ᐱᓇᓱᐊᕈᓐᓇᖁᓪᓗᒍ.

• ᑐᑦᓯᕌᕆᔭᐅᔪᑦ ᐊᖏᕐᕋᑦᓴᐃᑦ ᓈᖕᒪᒋᐊᓖᑦ ᐅᕝᕙᓘᓐᓃᑦ ᓈᖕᒪᒋᔭᐅᒋᐊᓖᑦ ᐅᑯᓂᖓ ᒪᓕᑦᓯᒪᓗᑎᒃ:
1. ᐊᑐᓂᑦ ᑐᑦᓯᕌᕆᔭᐅᔪᑦ ᐊᖏᕐᕋᐃᑦ ᓴᓇᔭᒥᓂᐅᒋᐊᓖᑦ ᐊᕙᑎᓂᒃ ᐊᕐᕌᒎᓚᐅᖅᑐᒃ ᐊᒻᒪᓗ ᐊᖏᓂᖅᓴᐅᒋᐊᖃᙱᑦᑐᖅ ᒪᕐᕉᒃ (2) ᖁᓕᕇᒃ ᖁᑦᓯᓐᓂᖓ.
2. ᐊᑐᓂᑦ ᑐᑦᓯᕌᕆᔭᐅᔪᑦ ᐊᖏᕐᕋᐃᑦ ᐃᓛᒃᑯᑦ ᐊᖏᕐᕋᖃᕐᕕᐅᒍᓐᓇᕆᐊᓖᑦ ᓴᓇᔭᐅᓯᒪᒐᓗᐊᕐᓗᑎᒃ ᒪᕐᕉᒃ ᐊᑕᐅᑦᑑᓐᓂ, ᓯᑕᒪᑦ ᐊᑕᐅᑦᑐᓂ, ᐃᓪᓗ ᐃᖕᒥᑰᖅᑐᖅ ᐅᕝᕙᓘᓐᓃᑦ ᑐᑭᓕᕇᑦ ᑲᑎᙵᐅᑦᑐᑦ.
3. ᐊᖏᕐᕋᕆᔭᐅᔪᒦᖃᑕᐅᒋᐊᓖᑦ: ᐳᓛᕐᕈᒃ, ᓂᕆᕕᒃ, ᑰᖃᕐᕕᒃ, ᓈᖕᒪᓪᓗᑎᒃ ᐆᒻᒪᖅᑯᑎᓄᑦ ᑲᓲᒪᓂᖏᑦ, ᐊᑕᐅᓯᖅ ᐊᑕᖏᖅᑐᖅ ᐊᓇᕐᕕᒃ ᑕᕝᕙᓃᖃᑕᐅᓗᓂ ᐅᕕᓂᓐᓂᐊᕐᕕᒃ ᓴᐅᕙᕐᕕᓪᓗ, ᐊᑕᖏᙱᑦᑐᖅ ᐊᓇᕐᕕᒃ ᓴᐅᕙᕐᕕᖃᕐᓗᓂ, ᐊᓐᓄᕌᓄᑦ ᐅᐊᓴᕐᕕᒃᑯᕕᖃᕐᓗᓂ ᐆᒻᒪᖅᑯᑎᖏᓐᓄᑦ ᑲᓱᕐᕕᑦ ᐋᖅᑭᑦᓯᒪᕙᒌᕐᓗᑎᒃ ᐊᒻᒪᓗ ᓈᖕᒪᒋᐊᓕᒃ ᓱᓇᒃᑯᑖᖃᐅᑎᖓ.
4. ᓄᓇᓯᐅᑎᒧᑦ ᓄᖅᑲᖓᕕᖃᕐᓗᓂ (1) ᐊᑕᐅᓯᐅᙱᑦᑐᒥᓪᓘᓐᓃᑦ

• ᐱᓇᓱᐊᖅᑐᑦ ᐊᖏᕐᕋᕆᔭᐅᔪᒥᒃ(ᓂᒃ) ᐃᒪᐃᒋᐊᓖᑦ, ᑕᕝᕙᓂ ᑐᖔᓂᓘᓐᓃᑦ ᐊᑐᖅᑐᐊᕆᐊᕐᕕᖓᑕ ᐅᓪᓗᖓᓂ, ᐊᑐᕆᐊᓖᑦ:
1. ᓴᓇᔨᓄᑦ ᓇᓗᓇᐃᒃᑯᑕᑦ ᐱᑕᕆᐊᓖᑦ ᐃᑯᐊᓪᓚᑦᑐᒧᑦ, ᖃᓄᐃᙱᑦᓯᐊᓂᕐᒧᑦ ᐊᑦᑕᓇᐃᖅᓯᒪᓂᕐᒧᓪᓗ.
2. ᐅᐊᔭᖏᓐᓄᑦ ᓇᓗᓇᐃᒃᑯᑕᖅ ᐊᑐᕆᐊᓕᒃ ᓄᓇᕗᒻᒥ.
3. ᓴᓇᔭᐅᓯᒪᓂᖓᓄᑦ ᓇᓗᓇᐃᒃᑯᑕᖅ ᐊᑐᕆᐊᓕᒃ ᓄᓇᕗᒻᒥ.
4. ᐊᓯᓕᒫᑦ ᐊᑐᕆᐊᓖᑦ ᓇᓗᓇᐃᒃᑯᑕᑦ ᐊᑐᖅᑕᐅᒋᐊᓖᓪᓗ ᐊᒻᒪᓗ ᑕᒪᕐᒥᒃ ᓄᓇᓖᑦ ᒪᓕᒐᖏᑦ ᒪᓕᒐᕋᓛᖏᓪᓗ.
ᒪᑉᐱᒐᖅ 2 of 2

ᐊᕕᑦᑐᖅᓯᒪᓂᖅ B: ᑭᒡᒍᑏᑦ

ᐱᓇᓱᐊᕈᒪᔪᑦ ᑐᓂᓯᔪᓐᓇᖅᑐᑦ ᑭᒡᒍᑎᒥᓂᒃ ᐅᕗᖓ EOI ᑎᑎᕋᕐᓗᑎᒃ ᐅᕗᖓ: ᐃᕐᖐᓐᓈᕈᑦ (ᐊᑐᖅᑕᐅᔪᒪᓂᖅᓴᖅ)

ᐅᕝᕙᓘᓐᓃᑦ ᑎᑎᖅᑲᓂᐊᕐᕕᒃᑰᖅᑎᓪᓗᒍ ᐅᕗᖓ:
ᐊᐅᓚᑦᓯᔨ, ᐊᑐᖅᑐᐊᓂᕐᒧᑦ ᐃᖅᑲᓇᐃᔭᖅᑎᓄᓪᓗ ᐃᓪᓗᐃᑦ ᓄᓇᕗᑦ ᑐᙵᕕᒃ ᑎᒥᖓ
100-922 ᓯᕗᒧᒋᐊᖅ ᐊᖅᑯᑖ, ᐃᖃᓗᐃᑦ, ᓄᓇᕗᑦ X0A 3H0

ᐊᕕᑦᑐᖅᓯᒪᓂᖓ C: ᑐᓂᓯᕕᑦᓴᐅᓂᐊᖅᑐᖅ ᐃᓱᓕᕝᕕᑦᓴᖓ

ᑖᓐᓇᑑᑐᐃᓐᓇᕆᐊᖃᕐᒪᑦ ᐱᔪᒐᖅᓴᐅᑎ ᑐᓂᓯᓂᕐᒧᑦ ᐱᔪᒐᖅᓴᐅᑎᒧᑦ ᐊᖏᕐᕋᕆᔭᐅᔪᒥᒃ ᐊᑐᖅᑐᐊᕋᑦᓴᐅᓇᔭᖅᑐᓄᑦ ᐱᓕᕆᐊᒧᑦ, ᓇᖕᒥᓂᖁᑎᓖᑦ ᑎᒥᖁᑎᖏᓪᓘᓐᓃᑦ ᑐᓂᓯᓯᒪᔭᕆᐊᖃᕐᓂᐊᖅᑐᑦ ᕕᕝᕗᐊᓕ 16, 2024. ᑭᒡᒍᑏᑦ ᐱᔭᐅᔪᑦ ᑭᖑᓂᐊᓂ ᑖᑦᓱᒪ ᐅᓪᓘᑉ ᐃᓱᒪᒃᓴᖅᓯᐅᕈᑕᐅᔾᔮᖏᑦᑐᑦ>

ᐊᕕᑦᑐᖅᓯᒪᓂᖓ D: ᑐᓴᖅᑎᑦᓯᒍᑕᐅᔪᑦ ᐱᓇᓱᐊᕈᒪᔪᓄᑦ ᑭᒡᒐᑐᖅᑕᖏᓐᓄᓘᓐᓃᑦ ᐱᓇᓱᐊᕈᒪᔪᑦ ᑐᓴᖅᑎᑦᓯᒍᑕᐅᔪᑦ ᐱᓇᓱᐊᕈᒪᔪᓄᑦ ᓇᖕᒥᓂᖁᑎᖃᖅᑐᓄᑦ ᑭᒡᒐᖅᑐᖅᑕᖏᓐᓄᓘᓐᓃᑦ ᐃᓚᒋᔭᐅᔭᕆᐊᓖᑦ:
• ᐱᓇᓱᐊᖅᑕᐅᔪᖅ ᓄᓇᐅᑉ ᓈᓴᐅᑖ, ᓄᓇᓕᓐᓂ ᑐᕌᕈᑖ, ᐊᒻᒪᓗ ᐃᓂᖓ ᐃᓪᓘᑉ (ᐃᑦ),
• ᐊᖏᓂᖓ ᐱᓇᓱᐊᒐᐅᔪᖅ ᐊᖏᕐᕋᖃᕐᕕᒃ ᐃᓪᓗ(ᐃᑦ) ᑭᑉᐹᕆᑦᑐᒃᑯᑦ ᒦᑕᒃᑯᑦ ᐅᕝᕙᓘᓐᓃᑦ ᑭᑉᐹᕆᑦᑐᒃᑯᑦ ᐃᑎᒐᒃᑯᑦ
• ᓇᓕᖅᑲᖓ ᐱᓇᓱᐊᒐᐅᔪᖅ ᓇᑎᖓᓄᑦ ᐸᕐᓇᐅᑦ(ᑏᑦ) ᐊᒻᒪᓗ ᓇᓗᓇᐃᖅᓯᒪᔾᔪᑎᑦ ᐋᖅᑭᑦᓯᒪᐅᑎᑦᓴᓄᑦ ᐱᖕᒪᕆᐅᔪᓄᑦ ᑎᑎᕋᖅᑕᐅᓯᒪᔪᓄᑦ ᐊᕕᑦᑐᖅᓯᒪᓂᕐᒥ A.
• ᐱᓇᓱᐊᒐᐅᔪᖅ ᐊᑕᖏᕐᓗᓂ ᑕᖅᑭᑕᒫᖅᓯᐅᑎᖓ ᐊᑐᖅᑐᐊᕈᑎ (ᐃᓚᒋᔭᐅᓗᓂ ᐅᓄᕐᓂᖓ ᐊᑐᖅᑐᐊᕈᑎ ᐊᑕᐅᓯᖅ ᑭᑉᐹᕆᑦᑐᖅ ᐃᑎᒐᒃ).
• ᓇᓗᓇᐃᖅᑐᖅᓯᒪᔪᑦ ᑖᒃᑯᐊ ᖁᓛᓂ ᑎᑎᕋᖅᓯᒪᓂᖏᑦ ᑕᖅᑭᑕᒫᖅᓯᐅᑏᑦ ᐊᑕᖏᕐᓗᓂ ᐊᑐᖅᑐᐊᕈᑎᒦᖃᑕᐅᒻᒪᖔᖅ ᐃᓚᓕᐅᔾᔭᐅᓯᒪᙱᒻᒪᖔᑕᓘᓐᓃᑦ ᐆᒻᒪᖅᑯᑏᑦ ᐊᒻᒪᓗ ᐊᓯᖏᑦ ᐃᓄᖃᕐᓂᖓᓄᑦ ᐊᑭᖏᑦ.
• ᓇᖕᒥᓂᖁᓖᑦ ᑐᓂᓯᔭᕆᐊᓖᑦ ᓇᓗᓇᐃᒃᑯᑕᕐᒥᒃ ᓇᖕᒥᓂᖁᑎᖃᕐᓂᕐᒧᑦ
• ᑭᒡᒐᖅᑐᐃᔪᑦ ᑐᓂᓯᔪᑦ ᑭᒡᒍᑎᒥᒃ ᑕᕝᕗᖓ EOI−ᒧᑦ ᑐᓂᓯᒋᐊᓖᑦ ᑐᙵᕕᒃᑯᓐᓄᑦ ᑎᑎᖅᑲᒥᒃ ᐱᔪᓐᓇᐅᑎᑦᓯᒍᑎᒥᓂᒃ ᑲᔪᓯᒍᑎᒃᓴᖓᓄᑦ.

ᐊᕕᑦᑐᖅᓯᒪᓂᖓ E: ᑐᓴᖅᑎᑦᓯᒍᑎᒃᑲᓐᓃᑦ

ᐊᕕᑦᑐᖅᓯᒪᓂᖓ F: ᑎᑎᕋᖅᓯᒪᔪᑦ ᓄᑖᓂᒃ ᐊᖏᕐᕋᕆᔭᐅᔪᓐᓇᕋᔭᖅᑐᓂᒃ

ᑖᓐᓇ EOI ᑐᓂᔭᐅᓯᒪᔪᖅ ᐱᔪᒐᖅᓴᐅᑕᐅᓪᓗᓂ ᐱᓇᓱᐊᕈᒪᔪᓄᑦ ᓴᖅᑭᔮᖅᑎᑦᓯᓗᑎᒃ ᐱᔪᒐᕆᔭᖃᕐᓂᕐᒥᓂᒃ ᑐᓂᓯᓂᕐᒥᒃ ᐊᑐᕆᐊᓕᖕᓂᒃ ᓇᓗᓇᐃᖅᑐᖅᓯᒪᔪᓂᒃ ᑖᒃᑯᓇᓂ. ᑖᒃᑯᓇᓃᖃᑕᐅᒍᓐᓇᖅᑐᑦ ᑎᑎᕋᖅᓯᒪᔪᑦ ᓄᑖᑦ ᐊᖏᕐᕋᑦᓴᐅᔪᓐᓇᕋᔭᖅᑐᑦ ᐊᒻᒪᓗ ᐊᑐᖅᑕᐅᓗᑎᒃ ᓯᕗᓂᕐᒥ ᑎᒍᓯᔾᔪᑎᑦᓴᐅᔪᓐᓇᕋᔭᖅᑐᓂᒃ.

ᐊᕕᑦᑐᖅᓯᒪᓂᖓ G: ᑎᒍᓯᔾᔪᑎᒃᓴᐅᔪᓐᓇᖏᑦᑐᖅ

ᖃᐅᔨᒪᒋᑦ ᑖᓐᓇ ᐊᑭᑦᑐᕋᐅᑎᓂᐅᖏᒻᒪᑦ, ᑐᒃᓯᕋᐅᑕᐅᓇᓂᓗ ᐱᓇᓱᐊᕈᒪᔪᓄᑦ, ᑭᓯᐊᓂᓕ ᑐᑭᓯᓇᓱᐊᕈᑎᑐᐃᓐᓇᖅ ᐱᔪᒐᕆᔭᓕᓐᓄᑦ ᑐᓂᓯᓂᕐᒧᑦ ᐊᑐᖅᑐᐊᑎᑦᓯᓂᕐᒧᓪᓗ ᐊᖏᕐᕋᕆᔭᐅᔪᓂᒃ. ᑐᙵᕕᒃᑯᑦ ᑭᐅᒋᐊᑐᙱᑦᑐᑦ ᒪᓂᒪᑎᑦᓯᔪᓂᒃ, ᐅᕝᕙᓘᓐᓃᑦ ᐊᑐᖅᑐᐊᕋᑦᓴᓂᒃ ᐊᖏᕐᕋᕆᔭᐅᔪᓂᒃ, ᐊᒻᒪᓗ ᓴᖅᑮᒋᐊᑐᙱᑦᑐᑦ ᓯᕗᓂᕐᒥ ᐱᔪᒐᖅᓴᐅᑎᓂᒃ ᐊᑦᑐᐊᔪᓂᒃ ᑖᑦᓱᒧᖓ ᑐᑦᓯᕋᐅᒻᒧᑦ. ᑖᒃᑯᓄᖓ ᑐᓴᖅᑎᑦᓯᒍᑎᓄᑦ EOI−ᑯᑎᒍᑦ ᐃᓚᓕᐅᔾᔭᐅᓯᒪᒍᓐᓇᖅᑐᑦ ᒪᓂᒪᑎᑕᐅᔪᓂᒃ ᑎᑎᕋᖅᓯᒪᔪᓂᒃ ᓄᑖᓂᒃ ᐊᖏᕐᕋᑦᓴᐅᔪᓐᓇᕋᔭᖅᑐᓂᒃ ᐅᕝᕙᓗᓐᓃᑦ ᐊᑐᕐᓗᒋᑦ ᐊᓯᖏᑦ ᑐᓴᖅᑎᑦᓯᒍᑏᑦ ᓴᖅᑭᑐᐃᓐᓇᕆᐊᓕᓐᓂᒃ ᖃᐅᔨᒃᑲᐃᔾᔪᑕᐅᓗᑎᒃ ᑐᖔᓂ ᑐᓂᔭᐅᓚᐅᖅᑎᓐᓇᒍ ᐱᔪᒐᖅᓴᐅᑎᒧᑦ ᒪᓂᒪᑎᑦᓯᒍᑎ ᐊᑐᖅᑐᐊᕈᑎᒧᑦ ᖃᐅᔨᒃᑲᖅᑕᑑᓗᑎᒃ ᑕᐃᒃᑯᑐᐊᑦ ᐱᓇᓱᐊᖅᑐᑦ ᑲᔪᓯᑎᑦᓯᔪᓐᓇᕋᔭᖅᑑᔮᖅᑐᑦ ᓇᓗᓇᐃᖅᓯᒪᔪᖅ ᐊᐅᓚᓂᖓᓄᑦ, ᓇᓪᓕᐅᒃᑯᒫᒧᑦ ᐊᒻᒪᓗ ᑭᒃᑯᑐᐃᓐᓇᕐᓄᑦ ᐊᑦᑕᓇᐃᖅᓯᒪᓂᕐᒧᑦ ᐊᑐᖅᑕᐅᒋᐊᓕᓐᓂᒃ.

Download (PDF, Unknown)

ᓄᓇᕗᑦ ᑐᙵᕕᒃ ᑎᒥᖓ ᑐᒃᓯᕋᐅᑎᓕᐅᖁᔨᔪᑦ ᐱᓕᕆᔪᓐᓇᕋᔭᖅᑐᓂᑦ ᐱᓇᓱᐊᕋᔭᖅᑐᓂᑦ ᑳᓐᑐᕌᒃᑦ−ᑖᕐᓗᑎᑦ ᖃᐅᔨᓴᖅᑐᖃᕋᔭᖅᑐᖅ ᐊᒻᒪᓗ ᐱᓕᕆᐊᕐᒧᑦ ᐸᕐᓇᐅᑎᓕᐅᕐᓗᑎᑦ ᐋᖅᑭᒃᑕᐅᓐᓂᕈᓂ ᐊᑕᐅᓯᖅ ᐅᕝᕙᓘᓐᓃᑦ ᐊᒥᓱᒃᑲᓐᓃᑦ ᐃᓄᒃᑐᑦ ᐃᓕᓐᓂᐊᕐᕕᒃ(ᕖᑦ), ᐃᓚᒋᔭᐅᔪᖅ ᖃᐅᔨᓴᖅᑕᐅᖏᓐᓇᕐᓂᖓ ᐊᒻᒪᓗ ᐱᓕᕆᐊᖃᑦᑎᐊᕈᓐᓇᕐᒪᖔᖅ ᖃᐅᔨᓵᖑᐃᓐᓇᕐᓂᖓ ᐃᓄᐃᑦ ᓇᒻᒥᓂᖅᓱᓕᕐᓗᑎᑦ ᑲᒪᒋᔭᖃᕐᓗᑎᑦ ᐃᓕᓐᓂᐊᕐᓂᓕᕆᓂᕐᒥᒃ.

ᐊᑕᖏᖅᑐᒥᒃ ᐱᔪᒪᒍᕕᑦ ᑐᑦᓯᕋᐅᓯᐅᕐᓂᕐᒧᑦ ᐊᑐᐃᓐᓇᐃᑦ ᖃᕆᓴᐅᔭᒨᖅᑲᕋᑦᓴᐃᑦ ᑖᒃᑯᐊ

ᑲᒻᐸᓂᒋᔭᐅᔪᖅ ᐅᕝᕙᓘᓐᓃᑦ ᐃᓄᒃ (ᐱᓇᓱᐊᖅᑐᖅ) ᑐᓂᓯᔪᓐᓇᖅᑐᖅ ᑎᑎᕋᖅᓯᒪᔪᓂᑦ ᐊᔾᔨᖏᖕᓂᑦ ᐊᒻᒪᓗ/ᐅᕝᕙᓘᓐᓃᑦ ᖃᕋᓴᐅᔭᒃᑯᑦ ᐊᔾᔨᖏᖕᓂᑦ ᑐᒃᓯᕋᐅᑎᒥᓂᒃ. ᑎᑎᕋᖅᑕᐅᓯᒪᔪᑦ ᐊᔾᔨᖏᑦ ᑎᑎᖅᑲᓄᑦ ᐴᕐᒨᖅᓯᒪᔭᕆᐊᓖᑦ ᓂᐱᑎᖅᓯᒪᓗᒋᑦ/ᐴᖅᓯᒪᓗᒋᑦ ᑎᑎᕋᖅᑕᐅᓯᒪᓗᓂ ᐊᑎᖓ ᑖᔅᓱᒪᑉ ᑐᒃᓯᕋᐅᑎᓕᐅᖁᔨᔾᔪᑎᑉ. ᑐᒃᓯᕋᐅᑏᑦ ᓄᓇᕗᑦ ᑐᙵᕕᒃ ᑎᒥᖓᓄᑦ ᐱᔭᐅᔭᕆᐊᓖᑦ ᐅᓇ ᐅᓪᓗᖅ ᐊᓂᒍᓚᐅᙱᓐᓂᖓᓂ 5:00 ᐅᓐᓄᓴᒃᑯᑦ ET ᒫᑦᓯ 29, 2024 ᐅᑯᓄᖓ ᑐᕌᕈᑎᖓᓄᑦ ᐅᕝᕙᓘᓐᓃᑦ ᖃᕋᓴᐅᔭᒃᑯᑦ ᐃᕐᖐᓐᓇᖅ ᑐᕌᕈᑎᖓᓄᑦ:
ᓄᓇᕗᑦ ᑐᙵᕕᒃ ᑎᒥᖓ
ᐆᒧᖓ: ᑏᓇ ᐱᐅᓕᐊ ᑎᑰᑐ
ᐱᖓᔪᐊᑕ ᖄᖅᑎᖓ, 100-922 ᓯᕗᒧᒋᐊᖅ ᐊᖅᑯᑎᖓ
ᐃᖃᓗᐃᑦ, ᓄᓇᕗᑦ X0A 3H0

Download (PDF, Unknown)

ᐱᔪᒐᖅᓴᐅᑦ ᐱᓇᓱᐊᒐᖃᕈᒪᔪᓄᑦ ᒪᓂᒪᑎᑦᓯᓂᕐᒧᑦ ᖃᐅᔨᒪᔨᑕᐅᓂᕐᒧᑦ

ᐊᐅᒡᒍᓯ 22, 2023

ᓄᓇᕗᑦ ᑐᙵᕕᒃ ᑎᒥᖓ (ᑐᙵᕕᒃ), ᑭᒡᒐᖅᑐᐃᔪᑦ ᑲᑐᔾᔨᖃᑎᒌᑦ ᓄᓇᕗᒻᒥ ᐃᓄᓐᓄᑦ ᑖᒃᑯᑎᒎᓇ 1993 ᓄᓇᕗᑦ ᐊᖏᕈᑎᑦ, ᑐᓂᔭᐅᔪᑦ ᐱᔪᒐᖅᓴᐅᑏᑦ ᐱᓇᓱᐊᕈᒪᔪᓄᑦ (RFSO) ᐊᙳᑎᑎᑦᓯᒋᐊᕐᓂᐊᖅᑐᒥᒃ ᑐᙵᕕᒃᑯᑦ ᑎᑎᕋᖅᓯᒪᔪᖁᑎᖏᓐᓂᒃ ᐊᔪᙱᔾᔪᑎᓕᓐᓂᒃ ᑳᓐᑐᓛᑦᑕᐅᖃᑦᑕᖅᑐᓂᒃ ᖃᐅᔨᒪᔨᑕᕆᔭᐅᔪᓐᓇᓂᐊᖅᑐᓂᒃ ᐊᒻᒪᓗ ᐊᔾᔨᐸᓗᖏᓐᓂᒃ ᐱᔨᑦᓯᕈᑎᓂᒃ ᑐᙵᕕᒃᑯᓐᓄᑦ ᐱᔨᑦᓯᖅᑎᐅᓂᐊᖅᑐᓄᑦ ᐊᖏᖃᑎᒌᒍᑎᒃᑯᑦ ᒪᓕᓪᓗᒋᑦ ᑐᙵᕕᒃᑯᑦ ᓂᐅᕕᕐᓂᕐᒧᑦ ᐊᑐᐊᒐᖏᑦ. ᐊᑕᖏᖅᑐᒥᒃ ᓇᓕᖅᑲᖅᑖᕈᒪᔪᑦ RFSO−ᓂᒃ ᐊᒻᒪᓗ ᑐᙵᕕᒃᑯᑦ ᓂᐅᕕᕐᓂᕐᒧᑦ ᐊᑐᐊᒐᖏᓐᓂᒃ ᑕᑯᔭᑦᓴᐅᔪᑦ ᑐᙵᕕᒃᑯᑦ ᐃᑭᐊᖅᑭᕕᖓᓂ www.tunngavik.com ᖃᐅᔨᒋᐊᕐᕕᒋᓗᒍᓘᓐᓃᑦ ᑖᓐᓇ ᖃᐅᔨᒋᐊᕐᕕᑦᓴᖅ ᑐᑭᓯᒋᐊᒃᑲᓐᓂᕈᒪᒍᕕᑦ.

ᑐᙵᕕᒃᑯᑦ ᓇᓗᓇᐃᖅᓯᓯᒪᔪᑦ 7−ᓂᒃ ᓂᐅᕕᐊᖑᔭᕆᐊᓕᓐᓂᒃ ᑕᕝᕘᓇ RFSO−ᑯᑦ:

Area 1 (List 1)	ᐊᑐᕆᐊᖃᓲᑦ ᑎᒥᐅᔪᒥ, ᑮᓇᐅᔭᓕᕆᔾᔪᑏᑦ ᐃᖅᑲᓇᐃᔭᖅᑐᓕᕆᔾᔪᑎᑦ ᐊᒻᒪᓗ ᐊᐅᓚᑦᓯᔾᔪᑎᑦ
Area 2 (List 2)	ᓄᓇᕗᑦ ᐊᖏᕈᑎᑦ ᐊᑐᓕᖅᑎᑕᐅᕙᓪᓕᐊᓂᖏᑦ (ᐱᙱᑕᑑᓪᓗᑎᒃ 3, 4, 5, 6)
Area 3 (List 3)	ᓂᕐᔪᑎᓕᕆᓂᖅ ᐊᕙᑎᓕᕆᓂᕐᓗ ᐃᓚᒋᔭᐅᓪᓗᓂ ᐱᓕᕆᐊᖅ ᖃᐅᔨᓴᖅᑕᐅᓂᖓ
Area 4 (List 4)	ᓄᓇᓕᕆᓂᖅ ᓄᓇᒦᙶᖅᑐᓪᓗ ᐃᓚᒋᔭᐅᓪᓗᑎᒃ ᑖᒃᑯᑑᖏᑦᑑᒐᓗᐊᑦ ᐊᐅᓚᑦᓯᓂᖅ ᐃᓄᐃᑦ ᓄᓇᖁᑎᖏᓐᓂᒃ ᐅᔭᕋᓐᓂᐊᕋᑦᓴᓕᕆᓂᕐᓗ
Area 5 (List 5)	ᐃᓄᐃᑦ ᐃᖅᑲᓇᐃᔮᖏᑦ ᐱᓕᖕᒪᒃᓴᐅᑎᖏᓪᓗ
Area 6 (List 6)	ᐃᓅᓯᓕᕆᓂᖅ ᐃᓕᖅᑯᓯᓕᕆᓂᕐᓗ ᐃᓚᒋᔭᐅᓪᓗᑎᒃ ᐃᓄᒃᑐᑦ ᐱᕙᓪᓕᐊᑎᑦᓯᓂᖅ ᐱᕚᓪᓕᕈᑎᑦᓴᓂᓪᓕᓗ; ᐋᓐᓂᐊᖅᑐᓕᕆᓂᖅ ᖃᐅᔨᓴᖅᑐᓕᕆᓂᖅ
Area 7 (List 7)	ᐃᓄᐃᑦ ᒐᕙᒪᓕᕆᓂᕐᒧᑦ ᐱᕙᓪᓕᐊᑎᑦᓯᓂᖓ ᐊᐅᓚᑦᓯᔾᔪᑏᓪᓗ ᐃᓚᒋᔭᐅᓗᑎᒃ ᓇᖕᒥᓂᖅ−ᒐᕙᒪᖃᕐᓂᖅ, ᐃᓄᐃᑦ−ᑭᖕ ᐱᓇᓱᐊᖃᑎᒌᒍᑎᖏᑦ, ᐱᖁᑎᕐᔪᐊᓕᕆᓂᖅ ᐃᓪᓗᓕᕆᓂᕐᓗ

 

ᐱᓇᓱᐊᕈᒪᔪᖅ ᑎᒥᐅᔪᖅ ᑭᓇᑐᐃᓐᓇᓘᓐᓃᑦ ᑐᓂᓯᔪᓐᓇᖅᑐᖅ ᐸᐃᑉᐹᓂᒃ ᖃᕆᓴᐅᔭᒃᑯᓘᓐᓃᑦ ᑐᑦᓯᕋᐅᑎᒥᓂᒃ. ᑐᑦᓯᕋᐅᑏᑦ ᑐᓂᔭᐅᓯᒪᒋᐊᓖᑦ ᑐᙵᕕᒃᑯᓐᓄᑦ ᖃᐅᔨᓴᐅᑦ 5−ᒥ ᐅᓐᓄᓴᒃᑯᑦ ᑲᓇᓐᓇᕐᒥ ᓯᑉᑎᒻᐱᕆ 11, 2023 ᐅᕗᖓ ᑐᓂᔭᖅᑐᕐᓗᒍ ᐃᕐᖐᓐᓈᕈᑎᒃᑯᓘᓐᓃᑦ ᐊᐅᓪᓚᑎᓪᓗᒍ:

ᓄᓇᕗᑦ ᑐᙵᕕᒃ ᑎᒥᖓ

ᐅᕗᖓ: ᒪᕇ ᕘᓕᐅ, ᒪᓕᒐᓕᕆᔨ

ᐱᖓᔪᐊᑦ ᓇᑎᖓ, ᐃᒡᓗᕗᑦ ᐃᓪᓗᖁᑖ, ᑎᑎᖅᑲᖃᐅᑖ 638

ᐃᖃᓗᐃᑦ, ᓄᓇᕗᑦ X0A 0H0

(ᑖᓐᓇ “ᑐᑭᓯᒋᐊᕐᕕᑦᓴᖅ”). ᑭᐅᔾᔪᑎᓕᒫᑦ, ᐊᒻᒪᓗ ᐊᓯᔾᔨᖅᑕᐅᔪᑦ RFSO−ᒧᑦ ᓴᖅᑭᖅᑕᐅᓯᒪᓂᐊᖅᑐᑦ ᑐᙵᕕᒃᑯᑦ ᐃᑭᐊᖅᑭᕕᖓᓂ.

ᑳᓐᑐᓛᒃᑕᐅᓯᒪᔪᑦ ᐱᓇᓱᐊᒐᖃᕐᓂᕐᒧᑦ ᐊᖏᖃᑎᒌᒍᑎᑯᒃ ᑐᙵᕕᒃᑯᓐᓄᑦ ᒫᑦᓯ 31, 2024-ᒧᑦ ᐱᓇᓱᐊᕆᐊᑐᙱᑦᑐᑦ.

 

 ᑐᒃᓯᕋᐅᓯᐅᖁᔨᔾᔪᑎᑦ

ᓄᓇᕗᑦ ᑐᙵᕕᒃ ᑎᒥᖓ & ᑲᓇᑕ ᒐᕙᒪᖓ

ᑐᓂᔭᐅᔪᖅ: ᒪᐃ 8, 2023

 

1.0 ᑐᑭᓯᑎᑦᓯᕐᖓᐅᑎ

1.1 ᐱᔾᔪᑖ ᑐᒃᓯᕋᐅᑦ

ᑳᓐᑐᓛᒃᑕᐅᓯᒪᔪᑦ ᐱᔨᑦᓯᓂᕐᒧᑦ ᐊᐅᓚᑦᓯᒍᑎᓕᐅᖅᓯᒪᒋᐊᓖᑦ ᕿᒥᕐᕈᓂᕐᒥᒃ ᑲᔪᓯᑎᑕᐅᓯᒪᔪᓂᒃ 2016-2023 ᐃᓄᐃᑦ ᐊᑦᑐᖅᑕᐅᓂᖏᓐᓄᑦ ᐃᑲᔫᓯᐊᖅᑖᓂᕐᒧᓪᓗ ᐊᖏᕈᑎᓄᑦ ᑲᓇᑕᒥ ᓂᕐᔪᑎᖃᐅᓯᕝᕕᖕᒧᑦ ᐊᒻᒪᓗ ᐅᑎᖅᑕᖅᑐᓄᑦ ᑎᖕᒥᐊᖃᐅᓯᒡᕕᓐᓄᑦ ᓄᓇᕗᑦ ᓄᓇᖓᑕ ᓇᓗᓇᐃᖅᑕᐅᓯᒪᓂᖓᓂ (IIBA), IIBA−ᒥ ᐱᓇᓱᐊᒐᖃᖅᑐᑦ ᑲᔪᓯᑎᑦᓯᕙᓪᓕᐊᒐᓗᐊᕐᒪᖔᑕ ᓇᓗᓇᐃᖅᓯᒍᑎᒥᒃ ᑐᕌᒐᑦᓴᓕᐊᖑᓯᒪᔪᓂ ᓄᓇᕗᑦ ᐊᖏᕈᑎᖏᓐᓂ (NA) ᐊᒻᒪᓗ IIBA.

ᐊᕙᑎᓕᕆᔨᒃᑯᑦ ᐊᒻᒪᓗ ᓯᓚᐅᑉ ᐊᓯᔾᔨᐸᓪᓕᐊᓂᖓᓄᑦ ᑲᓇᑕᒥ (ECCC), ᓄᓇᕗᑦ ᑐᙵᕕᒃ ᑎᒥᖓ (ᑐᙵᕕᒃ), ᐊᒻᒪᓗ ᐱᖓᓱᑦ ᐊᕕᑦᑐᖅᓯᒪᔪᑦ ᐃᓄᐃᑦ ᑲᑐᔾᔨᖃᑎᒌᑦ ᓄᓇᕗᒻᒥ (RIA), ᐊᖏᕈᑎᓂ ᖃᐅᔨᒪᔭᐅᔪᑦ ᐱᓇᓱᐊᖃᑎᒌᑦᑐᑦ, ᐊᐅᓚᑦᓯᒋᐊᓖᑦ ᕿᒥᕐᕈᓂᕐᒥᒃ IIBA−ᓂᒃ ᑕᓪᓕᒪᑦ (5) ᐊᕐᕌᒍ ᐊᖏᕈᑦ ᐊᑎᓕᐅᖅᑕᐅᓚᐅᖅᑎᓪᓗᒍ.

ᑳᓐᑐᓚᒃᑕᐅᔪᖅ ᐃᒪᐃᓕᐅᕐᓂᐊᖅᑐᖅ, ᓇᓗᓇᐃᖅᓯᒪᔪᒃᑯᑦ IIBA ᐃᓛᒃᑯᑦ 15 – ᐊᑐᓕᖅᑎᑦᑎᕙᓪᓕᐊᓂᖅ, ᕿᒥᕐᕈᓂᖅ ᐊᒻᒪᓗ ᐋᔩᕋᕈᑎᖃᒃᑲᓂᕐᓂᖅ.

• ᐊᐅᓚᑦᓯᓗᓂ ᕿᒥᕐᕈᔭᐅᓂᖓᓂᒃ ᐊᑐᓕᖅᑎᑕᐅᕙᓪᓕᐊᓂᖏᓐᓂᒃ IIBA ᓇᓗᓇᐃᕈᑎᒃᓴᒥᒃ ᑐᕌᒐᑦᓴᑦ ᐊᕕᑦᑐᖅᓯᒪᓂᖓᓂ 8.4.4 NA-ᒥ ᐊᒻᒪᓗ IIBA−ᒥ ᑲᔪᓯᑎᑕᐅᕙᓪᓕᐊᒐᓗᐊᕐᒪᖔᑕ;
• ᑎᑎᕋᕐᓗᑎᒃ IIBA ᐊᑐᓕᖅᑎᑕᐅᕙᓪᓕᐊᓂᖓᓄᑦ ᐅᓂᒃᑳᒥᒃ ᕿᒥᕐᕈᔭᐅᓂᖓᓅᖓᖃᑕᐅᓗᓂ.

ᓇᓗᓇᐃᔭᖅᓯᒪᔪᑦ ᐊᑐᕆᐊᓖᑦ ᓇᓗᓇᐃᔭᖅᓯᒪᓂᖏᑦ ᑖᒃᑯᐊ ᐊᕕᑦᑐᖅᓯᒪᓂᖏᓐᓃᑦᑐᑦ 2.0 ᐊᒻᒪᓗ 3.0.

1.2. ᑲᒪᒋᔭᐅᓯᒪᓂᖓ:

IIBA-ᒦᖃᑕᐅᔪᑦ ᒪᓕᒐᑦᓴᑦ ᐅᑯᓄᖓ, ᑭᓯᐊᓂ ᑖᒃᑯᑑᖏᑦᑐᑦ, ᐊᐅᓚᑦᓯᖃᑎᒌᑦᑐᑦ ᐃᓄᐃᑦ ᐊᒻᒪᓗ ᑲᓇᑕᒥ ᓂᕐᔪᑎᓕᕆᔨᕐᔪᐊᒃᑯᑦ (CWS), ᐃᓄᐃᑦ ᓄᓇᒥᒃ ᐊᑐᕐᓂᕐᒧᑦ, ᐃᓄᐃᑦ ᐃᓕᖅᑯᓯᕐᒧᑦ ᐊᑐᕋᑦᓴᖏᑦ ᐊᑦᑐᐊᓂᓖᑦ ᓴᐳᔾᔭᐅᓯᒪᔪᓂᒃ, ᑳᓐᑐᓛᑦᓯᒍᑕᐅᔪᓐᓇᖅᑐᑦ ᐊᒻᒪᓗ ᐳᓚᕋᖅᑐᓕᕆᔾᔪᑕᐅᔪᓐᓇᖅᑐᑦ, ᐃᖅᑲᓇᐃᔮᖅ, ᐃᓕᓐᓂᐊᕐᓂᖅ ᐊᒻᒪᓗ ᖃᐅᔨᓴᕐᓂᖅ. ᓯᕗᓪᓕᖅᐹᖅ IIBA ᐊᑎᓕᐅᖅᑕᐅᓚᐅᖅᑐᖅ 2007-ᒥ ᑐᙵᕕᒃᑯᓐᓄᑦ ᐊᒻᒪᓗ ᓄᓇᕗᒻᒥ ᐊᕕᑦᑐᖅᓯᒪᔪᑦ ᐃᓄᐃᑦ ᑲᑐᔾᔨᖃᑎᒌᖏᓐᓄᑦ ᑭᒡᒐᑐᖅᑕᐅᓪᓗᑎᒃ ᐃᓄᐃᑦ: ᐊᒻᒪᓗ ᒐᕙᒪᑐᖃᒃᑯᓐᓂ ᐊᕙᑎᓕᕆᔨᒃᑯᑦ ᐊᒻᒪᓗ ᓯᓚᐅᑉ ᐊᓯᔾᔨᐸᓪᓕᐊᓂᖓᓄᑦ ᑲᓇᑕᒥ ᑭᒡᒐᑐᖅᑕᐅᓪᓗᑎᒃ ᑲᓇᑕᒥ ᐆᒪᔪᓕᕆᔨᕐᔪᐊᒃᑯᑦ, ᑲᒪᒋᔭᐅᓂᐊᖅᑐᒥᒃ 7−ᓂᒃ ᐊᕐᕌᒍᓂᒃ. ᐱᓇᓱᐊᖃᑎᒌᑦᑐᑦ ᐋᔩᕋᕈᑎᒋᒃᑲᓐᓂᓚᐅᖅᑕᖏᑦ IIBA ᐊᒻᒪᓗ ᐊᑎᓕᐅᖅᑐᒋᑦ ᑭᖑᓂᐊᒍᑦ 7-ᓄᑦ ᐊᕐᕌᒍᓄᑦ ᑲᒪᒋᔭᐅᕕᑦᓴᓕᓐᓂᒃ 2016-2023.

1.3 ᑕᐃᒎᓰᑦ:

ACMC	ᐊᐅᓚᑦᓯᖃᑎᒌᑦᑐᑦ ᑲᑎᒪᔨᕋᓛᖏᑦ
CWS	ᑲᓇᑕᒥ ᓂᕐᔪᑎᓕᕆᔨᕐᔪᐊᒃᑯᑦ
ECCC	ᐊᕙᑎᓕᕆᔨᒃᑯᑦ ᐊᒻᒪᓗ ᓯᓚᐅᑉ ᐊᓯᔾᔨᐸᓪᓕᐊᓂᖓᓄᑦ ᑲᓇᑕᒥ
IIBA	2016−ᒥᒃ 2023-ᒧᑦ ᐃᓄᐃᑦ ᐊᑦᑐᖅᑕᐅᓂᖏᓐᓄᑦ ᐃᑲᔫᓯᐊᖅᑖᓂᕐᒧᓪᓗ ᐊᖏᕈᑏᑦ ᑲᓇᑕᒥ ᐆᒪᔪᖃᐅᓯᕝᕕᖕᓄᑦ ᐊᒻᒪᓗ ᐅᑎᖅᑕᖅᑐᓄᑦ ᑎᖕᒥᐊᖃᐅᓯᒡᕕᖕᓄᑦ ᓄᓇᕗᑦ ᓄᓇᖓᑕ ᓇᓗᓇᐃᖅᑕᐅᓯᒪᓂᖓ ᖃᐅᔨᒪᔮᖑᒻᒥᔪᖅ ᓴᐳᔾᔭᐅᓯᒪᔪᑦ ᓄᓇᑦ ᐃᓄᐃᑦ ᐊᑦᑐᖅᑕᐅᓂᖏᓐᓄᑦ ᐃᑲᔫᓯᐊᖅᑖᓂᕐᒧᓪᓗ ᐊᖏᕈᑎᑦ
IOL	ᐃᓄᐃᑦ ᓄᓇᖁᑎᖏᑦ, ᓇᓗᓇᐃᖅᑕᐅᓯᒪᓂᓂ s. 1.1.1 ᓄᓇᕗᑦ ᐊᖏᕈᑎᖏᓐᓂ
MBS	ᐅᑎᖅᑕᖅᑐᓄᑦ ᑎᖕᒥᐊᖃᐅᓯᕝᕖᑦ
NA	ᐊᖏᕈᑏᑦ ᐃᓄᓐᓄᑦ ᓄᓇᕗᒻᒥ ᓄᓇᑖᖅᑐᓄᑦ ᐊᒻᒪ ᑯᐃᓐ ᑭᒡᒐᖅᑐᖅᑎᖏᓐᓄᑦ ᑲᓇᑕᒥ, ᖃᐅᔨᒪᔭᐅᒍᑎᖃᕐᒥᔪᑦ ᓄᓇᕗᑦ ᐊᖏᕈᑎᖏᑦ ᐅᕝᕙᓘᓐᓃᑦ ᓄᓇᕗᒻᒥ ᓄᓇᑖᕐᓂᕐᒧᑦ ᐊᖏᕈᑏᑦ (NLCA)
NSA	ᓄᓇᕗᑦ ᓄᓇᖓᑕ ᓇᓗᓇᐃᖅᑕᐅᓯᒪᓂᖓ
NTI	ᓄᓇᕗᑦ ᑐᙵᕕᒃ ᑎᒥᖓ
NWA	ᑲᓇᑕᒥ ᓂᕐᔪᑎᖃᐅᓯᕝᕖᑦ
NU	ᓄᓇᕗᑦ
PA	ᓴᐳᔾᔭᐅᓯᒪᓂᖓ ᓄᓇ
ᐱᓇᓱᐊᖃᑎᒌᑦ IIBA−ᓕᕆᓂᕐᒥᒃ	ᑲᓇᑕᒥ ᓂᕐᔪᑎᓕᕆᔨᕐᔪᐊᒃᑯᑦ, ᓄᓇᕗᑦ ᑐᙵᕕᒃ ᑎᒥᖓ, ᕿᑎᕐᒥᐅᑦ ᐃᓄᐃᑦ ᑲᑐᔾᔨᖃᑎᒌᑦ, ᑭᕙᓪᓕᖅ ᐃᓄᐃᑦ ᑲᑐᔾᔨᖃᑎᒌᑦ ᐊᒻᒪᓗ ᕿᑭᖅᑕᓂ ᐃᓄᐃᑦ ᑲᑐᔾᔨᖃᑎᒌᑦ
RIA	ᐊᕕᑦᑐᖅᓯᒪᔪᑦ ᐃᓄᐃᑦ ᑲᑐᔾᔨᖃᑎᒌᖏᑦ (ᓲᕐᓗ; ᑭᕙᓪᓕᖅ ᐃᓄᐃᑦ ᑲᑐᔾᔨᖃᑎᒌᑦ, ᕿᑎᕐᒥᐅᑦ ᐃᓄᐃᑦ ᑲᑐᔾᔨᖃᑎᒌᑦ, ᕿᑭᖅᑕᓂ ᐃᓄᐃᑦ ᑲᑐᔾᔨᖃᑎᒌᑦ)
SOW	ᓇᓗᓇᐃᖅᓯᒍᑏᑦ ᐱᓕᕆᐊᒥᒃ

 

1.4   ᖃᐅᔨᒋᐊᕐᕕᐅᓯᒪᔪᑦ:

• 2016−ᒥᒃ 2023-ᒧᑦ ᐃᓄᐃᑦ ᐊᑦᑐᖅᑕᐅᓂᖏᓐᓄᑦ ᐃᑲᔫᓯᐊᖅᑖᓂᕐᒧᓪᓗ ᐊᖏᕈᑏᑦ ᑲᓇᑕᒥ ᓂᕐᔪᑎᖃᐅᓯᕝᕕᖕᓄᑦ ᐊᒻᒪᓗ ᑐᓛᓄᑦ ᑎᖕᒥᐊᖃᐅᓯᒡᕕᓐᓄᑦ ᓄᓇᕗᑦ ᓄᓇᖓᑕ ᓇᓗᓇᐃᖅᑕᐅᓯᒪᓂᖓᓂ, ᖃᐅᔨᒪᔮᖑᒻᒥᔪᖅ ᓴᐳᔾᔭᐅᓯᒪᔪᓄᑦ ᓄᓇᓄᑦ ᐃᓄᐃᑦ ᐊᑦᑐᖅᑕᐅᓂᖏᓐᓄᑦ ᐃᑲᔫᓯᐊᖅᑖᓂᕐᒧᓪᓗ ᐊᖏᕈᑎᑦ
• ᐊᕐᕌᒍᑕᒫᑦ ᕿᒥᕐᕈᔭᐅᖃᑦᑕᕐᓂᖏᑦ ᐊᑯᓐᓂᖓᓂ 2016-2020 ᒪᓕᑦᑐᒋᑦ ᐊᕕᑦᑐᖅᓯᒪᓂᖓ 15.4 IIBA-ᓂ.

 

2.0 ᑐᕌᒐᖅ ᐱᓕᕆᐊᒧᑦ ᐊᒻᒪᓗ ᐸᕐᓇᑕᐅᓯᒪᔪᑦ

2.1 ᐊᕕᑦᑐᖅᓯᒪᓂᖓᓂ 15.6 IIBA−ᓂ ᑎᓕᓯᔾᔪᑕᐅᓯᒪᔪᖅ ᐱᓇᓱᐊᖃᑎᒌᑦ ᐊᐅᓚᑦᓯᖃᑦᑕᖁᓪᓗᒋᑦ ᕿᒥᕐᕈᖃᑎᒌᓐᓂᕐᒥᒃ IIBA−ᓂᒃ ᑕᓪᓕᒪᓂᒃ ᐊᕐᕌᒍᓂᒃ ᐊᑎᓕᐅᖅᑕᐅᓚᐅᖅᑎᓪᓗᒍ. IIBA ᐊᑐᓕᖁᔨᔾᔪᑎᓕᐅᖃᑦᑕᖏᑦᑐᑦ ᑐᕌᖓᔪᓄᑦ ᓇᓗᓇᐃᔭᖅᑕᐅᓯᒪᔪᓄᑦ ᐃᓗᓕᖏᓐᓄᑦ ᖃᐅᔨᓴᕐᓂᕐᒧᑦ.

ᕿᒥᕐᕈᔭᐅᖃᑕᐅᖃᑦᑕᓂᐊᖅᑐᑦ ᖃᐅᔨᓴᖅᑕᐅᓂᖏᑦ ᑎᑭᐅᑎᓯᒪᓂᖏᑦ CWS ᐊᒻᒪᓗ ᐃᓄᐃᑦ ᓇᓗᓇᐃᖅᓯᓂᕐᒧᑦ ᑎᑭᐅᑎᓯᒪᓂᖏᑦ ᐱᓇᓱᐊᕋᑦᓴᓄᑦ 8.4.4 ᐊᒻᒪᓗ NA ᑲᔪᓯᑎᑕᐅᓯᒪᓂᖏᑦ, ᐊᑐᓕᖅᑎᑦᓯᓂᕐᒧᑦ ᐊᑐᖅᑕᒥᓂᒃ IIBA−ᑯᑦ ᐱᓕᕆᐊᒃᓴᒥᓂᒃ, ᐊᐱᖅᓱᓂᕐᒧᑦ ᐱᓇᓱᐊᖃᑕᐅᓪᓗᐊᑕᖅᑐᓂᒃ ᐊᔾᔨᒌᙱᑦᑐᓄᑦ ᐊᐅᓚᓂᐅᔪᓄᑦ ᐊᑦᑐᐊᔪᓄᑦ IIBA−ᓄᑦ, ᐊᒻᒪᓗ ᐊᑐᓕᖁᔨᔾᔪᑎᑦ ᐊᑐᖅᑕᐅᒍᓐᓇᖅᑐᑦ ᐱᓇᓱᐊᖃᑎᒌᑦᑐᓕᒫᓄᑦ ᐋᔩᕋᕈᑎᖃᒃᑲᓂᕐᓂᕐᒥᒃ IIBA−ᓂᒃ.

ᑐᕌᒐᑦᓴᐅᖁᔭᐅᔪᖅ ᑎᑎᕋᖅᓯᒪᔪᖅ ᐅᓂᒃᑳᓂ ᐃᓚᒋᔭᐅᓪᓗᑎᒃ, ᑭᓯᐊᓂ ᑖᒃᑯᑑᖏᑦᑐᑦ:

1. ᓇᐃᓈᖅᓯᒪᔪᖅ ᐊᕐᕌᒍᑕᒫᑦ ᕿᒥᕐᕈᓂᕐᒧᑦ ᐸᕐᓇᑕᐅᓯᒪᔪᓂ ᐅᓪᓗᒥᒧᑦ ᑲᑐᔾᔭᐅᓪᓗᑎᒃ CWS ᐊᒻᒪᓗ NTI;
2. ᕿᒥᕐᕈᔭᐅᓂᖏᑦ CWS ᐊᑐᓕᖅᑎᑦᑎᕙᓪᓕᐊᓂᕐᒧᑦ ᑮᓇᐅᔭᓂᒃ, ᐱᓗᐊᖅᑐᒥ ᓴᖅᑭᖅᑕᐅᓂᖓᓅᖓᔪᓂᒃ ᐊᐅᓚᓂᐅᔪᓄᓪᓗ ᐊᐅᓚᑦᓯᔨᐅᖃᑎᒌᑦᑐᑦ ᑲᑎᒪᔨᕋᓚᖏᓐᓄᑦ (ACMC);
3. ᕿᒥᕐᕈᓂᖅ ᐃᓄᐃᑦ ᐊᑐᓕᖅᑎᑦᑎᕙᓪᓕᐊᓂᕐᒧᑦ ᑮᓇᐅᔭᓕᑕᐅᓯᒪᒍᑎᓂᒃ, ᐱᓗᐊᖅᑐᒥ ᐊᑦᑐᐊᓂᓕᓐᓄᑦ ᐃᓄᐃᑦ ᐳᓚᕋᖅᑐᓕᕆᔾᔪᑎᒃᓴᓄᑦ ᑮᓇᐅᔭᓂᒃ, ᐃᓕᖅᑯᓯᕐᒨᖓᔪᑦ ᓈᓴᖅᑕᐅᓯᒪᔪᑦ, ᐊᒻᒪᓗ ᐱᕙᓪᓕᐊᑎᑦᓯᓂᖅ ᑐᑭᓕᐅᕆᔾᔪᑎᒃᓴᓂᒃ.
4. ᐃᖅᑲᓇᐃᔮᖃᕐᓂᖅ ᐱᓇᓱᐊᒐᑦᓴᓂᒃ ᐊᑐᓂᑦ ᐊᕕᑦᑐᖅᓯᒪᓂᖏᓐᓂ IIBA, ᖃᐅᔨᓴᕐᓂᖅ ᐊᑲᐅᙱᓪᓕᐅᕈᑎᓂᒃ ᐅᕝᕙᓘᓐᓃᑦ ᐊᐳᖅᓯᒪᕕᖕᓂᒃ ᑲᒪᒋᔭᐅᒻᒪᐃᑦᑐᓂᒃ ᑖᒃᑯᓇᓂ a) b) ᐅᕝᕙᓘᓐᓃᑦ c).
5. ᑐᓴᕈᑏᑦ ᐊᕐᕌᒍᖏᓐᓅᖓᔪᓕᒫᓂᒃ, ᐊᕐᕌᒍ ᑕᓪᓕᒪᖓᓂ ᕿᒥᕐᕈᓂᖅ ᑭᖑᕙᕆᐊᖅᑕᐅᓯᒪᑉᐸᑦ ᐊᒻᒪᓗ ᒫᓐᓇ IIBA ᐊᑐᖅᑕᐅᔪᖅ ᐃᓱᓕᓯᒪᑉᐸᑦ.

2.2 ᐸᕐᓇᑕᐅᓯᒪᔪᑦ

ᑐᑦᓯᕋᐅᒻᒥ ᐸᕐᓇᑕᐅᓯᒪᔪᑦ ᐱᓕᕆᐊᒧᑦ ᐃᒪᐃᓕᖓᔪᑦ:

ᓇᓗᓇᐃᖅᑕᐅᓯᒪᓂᖓ			ᐱᐊᓂᒃᑕᐅᓯᒪᒋᐊᓕᒃ
1	ᑳᓐᑐᓚᒃ ᑐᓂᔭᐅᓗᓂ	ᔫᓂ 30, 2023
2	ᐅᖄᓚᐅᑎᒃᑯᑦ ᑲᑎᒪᓂᖏᑦ IIBA ᐊᕐᕌᒍᑦ ᑕᓪᓕᒪᑦ ᕿᒥᕐᕈᓂᕐᒧᑦ ᑲᑎᒪᔨᕋᓛᑦ ᐊᒻᒪᓗ ᑳᓐᑐᓛᒃᑕᐅᓯᒪᔪᖅ ᐋᔩᕋᕈᑎᖃᕐᓗᑎᒃ ᐱᓕᕆᐊᒥᒃ, ᓂᕆᐅᒋᔭᐅᔪᓂᒃ, ᐊᐅᓚᑕᐅᒍᓐᓇᖅᑐᓂᒃ, ᐊᓯᖏᓪᓗ	ᔪᓚᐃ 7, 2023
3	ᑲᑎᙵᓗᑎᒃ ᑲᑎᒪᖃᑕᐅᓂᖏᑦ IIBA ᐊᕐᕌᒍᑦ ᑕᓪᓕᒪᑦ ᕿᒥᕐᕈᓂᕐᒧᑦ ᑲᑎᒪᔨᕋᓛᑦ ᐋᔩᕋᕈᑎᖃᕐᓗᑎᒃ ᐸᕐᓇᓂᕐᒥᒃ, ᐱᕙᓪᓕᐊᓯᒪᓂᖓᓂᒃ ᐅᓪᓗᒥᒧᑦ, ᑲᑎᙵᓂᕐᒧᑦ ᐸᕐᓇᓐᓂᖅ	ᔪᓚᐃ 21, 2023
4	ᐊᕐᕌᒍ ᑕᓪᓕᒪᑦ ᕿᒥᕐᕈᓂᕐᒧᑦ ᑲᑎᙵᖃᑎᖃᕐᓂᖅ ᑳᓐᑐᓛᒃᑕᐅᓯᒪᔪᒥᒃ ᐊᒻᒪᓗ ᐱᓇᓱᐊᖃᑕᐅᔪᓕᒫᓂᒃ IIBA−ᒧᑦ	ᑭᖑᓂᐊᓂᐅᖏᑦᑐᖅ ᐊᐅᒡᒍᓯ 31, 2023
	ᖃᐅᔨᒋᐊᕈᑎᖃᕐᓂᕐᒧᑦ ᑲᑎᒪᓂᖅ ᐅᖄᓚᐅᑎᒃᑯᑦ IIBA ᐊᕐᕌᒍ ᑕᓪᓕᒪᑦ ᕿᒥᕐᕈᓂᕐᒧᑦ ᑲᑎᒪᔨᕋᓛᑦ ᐋᔩᕋᕈᑎᖃᕐᓗᑎᒃ ᐱᕙᓪᓕᐊᓂᖓᓂᒃ	ᓯᑉᑎᒻᐱᕆ 4, 2023
5	ᐅᓂᒃᑳᓕᐅᕐᓂᕐᒧᑦ ᑎᑎᕋᕆᐊᙵᐅᑦ ᐊᒻᒪᓗ ᑐᓂᔭᐅᓗᓂ IIBA ᐊᕐᕌᒍᑦ ᑕᓪᓕᒪᑦ ᕿᒥᕐᕈᓂᕐᒧᑦ ᑲᑎᒪᔨᕋᓛᑦ, ᐃᓚᒋᔭᐅᓗᑎᒃ • ᓇᐃᓈᖅᓯᒪᔪᖅ ᐊᕐᕌᒍᑕᒫᑦ ᕿᒥᕐᕈᓂᕐᒧᑦ • ᕿᒥᕐᕈᓂᖅ CWS ᐊᑐᓕᖅᑎᑦᑎᕙᓪᓕᐊᓂᕐᒧᑦ ᑮᓇᐅᔭᓕᑕᐅᒍᑎᓂᒃ • ᕿᒥᕐᕈᓂᖅ ᐃᓄᐃᑦ ᐊᑐᓕᖅᑎᑦᑎᕙᓪᓕᐊᓂᕐᒧᑦ ᑮᓇᐅᔭᓕᑕᐅᒍᑎᓂᒃ • ᖃᐅᔨᓴᕐᓂᖅ ᐊᑲᐅᙱᓪᓕᐅᕈᑎᒃᑲᓂᕐᓂᒃ ᐊᐳᖅᓯᒪᕕᖕᓂᓪᓗ ·         ᓇᓗᓇᐃᔭᖅᓯᒪᔪᑦ ᓇᓗᓇᐃᖅᓯᒪᓂᖏᓐᓂᒃ ᐅᓂᒃᑳᑦ	ᐆᑦᑑᑉᐱᕆ 9, 2023
6	ᑲᑎᖕᒪᓗᑎᒃ IIBA ᐊᕐᕌᒍᑦ ᑕᓪᓕᒪᑦ ᕿᒥᕐᕈᓂᕐᒧᑦ ᑲᑎᒪᔨᕋᓛᓂᒃ (ᐊᒻᒪᓗ ᐊᓯᖏᑦ ᐱᔭᕆᐊᖃᖅᐸᑕ) ᐅᓂᒃᑳᖃᕐᓂᐊᖅᑐᑦ ᐱᓕᕆᐊᕆᓯᒪᔭᒥᓂᒃ	ᐆᑦᑑᑉᐱᕆ 9, 2023
7	ᑲᑎᙵᓗᑎᒃ ᐱᓇᓱᐊᖃᑎᒌᑦ IIBA ᑭᖑᓪᓕᐹᖅᓯᐅᑎᓂᒃ ᐅᓂᒃᑳᕐᓗᑎᒃ	ᐆᑦᑑᑉᐱᕆ 31, 2023
8	ᑭᖑᓪᓕᐹᖅᓯᐅᑏᑦ ᐅᓂᒃᑳᑦ ᑐᓂᔭᐅᔪᑦ	ᓅᕙᐃᒻᕙ 17, 2023

 

3.0    ᑎᓕᓯᔾᔪᑎᑦ

1. a) ᓇᐃᓇᖅᓯᒪᔪᖅ ᐊᕐᕌᒍᑕᒫᑦ ᕿᒥᕐᕈᖃᑦᑕᓂᕐᒧᑦ

ᐱᖕᒪᕆᐅᔪᖅ ᑲᑎᖅᓱᖅᑕᐅᓯᒪᔪᓂ ᐊᕐᕌᒍ ᑕᓪᓕᒪᖓᓂ ᕿᒥᕐᕈᓂᕐᒧᑦ ᐊᕐᕌᒍᑕᒫᑦ ᕿᒥᕐᕈᔭᐅᒋᐊᖃᖃᑦᑕᓂᐊᖅᑐᖅ ᒪᓕᓪᓗᒍ ᐊᕕᑦᑐᖅᓯᒪᓂᖓ 15.4 IIBA−ᓂ. ᓇᐃᓪᓕᒋᐊᖅᓯᒫᕐᔪᑦᑐᖅ ᐊᕕᑦᑐᖅᓯᒪᓂᖓᓂᒃ 15.4, ᐊᕐᕌᒍᑕᒫᑦ ᕿᒥᕐᕈᖃᑦᑕᕐᓂᕐᒥᒃ ᓂᕆᐅᒍᑕᐅᔪᖅ:

 

1. ᕿᒥᕐᕈᔭᐅᓗᑎᒃ IIBA ᐊᑐᓕᖅᑎᑦᑎᕙᓪᓕᐊᓂᕐᒧᑦ ᑮᓇᐅᔭᓕᑕᐅᒍᑏᑦ ᐸᕐᓇᑕᐅᓯᒪᓂᖏᑦ 15-1 ᐊᒻᒪᓗ ᐊᑐᓕᖅᑎᑦᑎᕙᓪᓕᐊᓂᕐᒧᑦ ᐸᕐᓇᐅᑎᑦ ᐊᕐᕌᓂᓂᒃ, ᐊᒻᒪᓗ ᖃᐅᔨᓴᕐᓂᖅ ᐱᓇᓱᐊᖃᑎᒌᑦᑐᑦ ᐊᐅᓚᑕᖏᓐᓂᒃ ᑖᒃᑯᓇᙵᑦ IIBA ᑐᙵᕕᓕᐊᖑᓯᒪᔪᓂᒃ ᐊᒻᒪᓗ ᐱᓇᓱᐊᕋᑦᓴᓂᒃ, ᐱᓇᓱᐊᖃᑎᒌᑦᑐᑦ ᐱᓇᓱᐊᒐᕆᔭᒥᒍᑦ ᐱᓇᓱᐊᕋᑦᓴᖏᑦ, ᐊᒻᒪᓗ ᐊᑐᐃᓐᓇᐃᑦ ᑮᓇᐅᔭᓕᑕᐅᒍᑎᒃᓴᑦ;
2. ᐋᖅᑭᒋᐊᕆᓂᖅ, ᐱᔭᕆᐊᖃᕐᓂᖓᒍᑦ, ᐅᐃᒍ 15-1 ᓇᓗᓇᐃᕈᑎᒃᓴᒥᒃ IIBA ᑐᙵᕕᖏᑦ, ᑐᕌᒐᑦᓴᖏᑦ ᐊᒻᒪᓗ ᐱᓇᓱᐊᕋᑦᓴᑦ ᑲᔪᓯᑎᑕᐅᖁᓪᓗᒋᑦ ᐊᒻᒪᓗ ᑲᔪᓯᑎᑕᐅᓂᐊᖅᑐᑦ ᑮᓇᐅᔭᖅᑐᓗᐊᙱᓂᖅᐹᒃᑯᑦ; ᐊᒻᒪᓗ
3. ᐃᓱᒪᒋᓗᒋᑦ ᐊᓯᖏᑦ ᑲᒪᒋᔭᐅᔪᑦ ᐃᑲᔫᑎᖃᕐᓂᐊᕐᓂᖏᓐᓂᒃ ᐃᑲᔫᑎᖃᑦᓯᐊᖅᑐᒥᒃ ᑲᔪᓯᑎᑦᓯᓂᕐᒥᒃ IIBA-ᓂᒃ.

 

b) CWS ᐊᑐᓕᖅᑎᑦᑎᕙᓪᓕᐊᓂᕐᒧᑦ ᑮᓇᐅᔭᓕᑕᐅᓯᒪᒍᑎᑦ

ᐊᕕᑦᑐᖅᓯᒪᓂᕐᓂ 12.3, 15.2.1, ᐊᒻᒪᓗ 15.2.2, ᐊᒻᒪᓗ ᐅᐃᒍ 15-1 IIBA−ᓂ ᐅᖃᖅᓯᒪᔪᖅ $2,850,000 CWS IIBA ᐊᑐᓕᖅᑎᑦᓯᕙᓪᓕᐊᓂᕐᒧᑦ ᑮᓇᐅᔭᑦ ᑎᒍᒥᐊᖅᑕᐅᓂᐊᖅᑐᑦ ᐊᐅᓚᑕᐅᓗᑎᓪᓗ ᐊᑭᓕᖅᓲᑕᐅᓗᑎᒃ ᐊᑭᓕᖅᓱᕆᐊᓕᖏᓐᓂᒃ ACMC, ᐃᓕᓐᓂᐊᖅᑎᓄᑦ ᐱᓇᓱᐊᒐᐅᔪᑦ, ᐃᓄᐃᑦ ᖃᐅᔨᓴᖅᑎᓄᑦ ᐃᑲᔪᖅᑎᑦ, ᐊᒻᒪᓗ ᐊᑭᓕᖅᓱᖅᑕᐅᒍᑏᑦ ᓇᓐᓄᑦᑕᐅᔪᓄᑦ.

ᐊᕐᕌᒍ ᑕᓪᓕᒪᖓᓂ ᕿᒥᕐᕈᓂᖅ ᓂᕆᐅᒋᔭᐅᓂᐊᖅᑎᓪᓗᒍ ᐋᖅᑭᑦᓲᑕᐅᓗᓂ ᑕᒪᐃᓐᓅᖓᔪᓂᒃ CWS ᐊᑐᓕᖅᑎᑦᑎᓂᕐᒧᑦ IIBA-ᓂᒃ, ᕿᒥᕐᕈᓂᕐᒥᒃ ᓂᕆᐅᒋᔭᐅᓂᐊᖅᑐᑦ ᐅᔾᔨᕈᓱᒋᐊᒃᑲᓐᓂᕈᑕᐅᓗᓂ ᐅᑯᓂᖓ:

1. ᓴᖅᑮᓂᖅ, ᐱᓕᕆᐊᒃᓴᑦ ᓇᓗᓇᐃᔭᖅᑕᐅᓯᒪᔪᑦ, ᐱᓕᖕᒪᓴᕐᓂᖅ, ᐊᒻᒪᓗ ᐊᐅᓚᓂᖏᑦ ᐊᐅᓚᑦᓯᔨᐅᖃᑎᒌᑦᑐᑦ ᑲᑎᒪᔨᕋᓛᑦ;
2. ᐃᓄᐃᑦ ᐱᓕᕆᔪᓄᑦ ᖃᐅᔨᓴᕐᓂᕐᒧᑦ ᐃᑲᔪᖅᑏᑦ/ᐃᓕᓐᓂᐊᖅᑏᑦ ᐃᓕᓐᓂᐊᖅᑕᐅᒋᐊᒃᑲᓐᓂᕈᑎᖏᑦ; ᐊᒻᒪᓗ

• ᐊᐅᓚᓂᕆᔭᐅᒋᐊᓕᒻᒥ ᐊᑦᓱᕈᕐᓇᑐᒃᑰᕈᑕᐅᔪᑦ CWS−ᑯᓐᓂᒃ ᐊᑐᓕᖅᑎᑦᓯᓂᕐᒧᑦ IIBA−ᓂᒃ.

3.3 ᐃᓄᐃᑦ ᐊᑐᓕᖅᑎᑦᑎᓂᕐᒧᑦ ᑮᓇᐅᔭᓕᑕᐅᓯᒪᒍᑎᖏᑦ  

ᐊᕕᑦᑐᖅᓯᒪᓂ 15.2 ᐊᒻᒪᓗ ᐅᐃᒍ 15-1 IIBA ᐅᖃᖅᓯᒪᔪᖅ $6,350,000 CWS IIBA ᐊᑐᓕᖅᑎᑦᑎᕙᓪᓕᐊᓂᕐᒧᑦ ᑮᓇᐅᔭᑦ ᑎᒍᒥᐊᖅᑕᐅᓂᐊᖅᑐᑦ ᐊᐅᓚᑕᐅᓗᑎᓪᓗ ᐊᑭᓕᖅᓲᑕᐅᓗᑎᒃ ᐊᑭᓕᕆᐊᓕᖕᓄᑦ ᐃᓕᖅᑯᓯᓕᕆᓂᕐᒧᑦ ᐱᖁᑕᐅᔪᓂᒃ, ᑐᑭᓕᐅᕈᑎᒃᓴᓂᒃ, ᐊᒻᒪᓗ ᐃᓄᐃᑦ ᐳᓚᕋᖅᑐᓕᕆᕙᑦᑐᑦ ᑮᓇᐅᔭᖏᑦ, ᐊᒻᒪᓗ ᐃᓄᐃᑦ ᐊᓪᓚᕝᕕᖓᓄᑦ ᐃᑲᔫᑎᑦ.

ᐊᕐᕌᒍ ᑕᓪᓕᒪᖓᓂ ᕿᒥᕐᕈᓂᖅ ᓂᕆᐅᒋᔭᐅᓂᐊᕐᒪᑦ ᐋᖅᑭᑦᓲᑕᐅᓗᓂ ᑕᒪᐃᓐᓅᖓᔪᓂᒃ ᐊᑐᓕᖅᑎᑕᐅᕙᓪᓕᐊᔪᓄᑦ IIBA−ᓄᑦ, ᕿᒥᕐᕈᓂᒃᑯᑦ ᓂᕆᐅᒋᔭᐅᓂᐊᖅᑐᖅ ᐅᔾᔨᕆᔭᐅᒋᐊᒃᑲᓐᓂᕈᑕᐅᓗᓂ:

1. ᐊᑦᓱᕈᕐᓇᑐᒃᑰᕈᑕᐅᔪᑦ ᑐᙵᕕᒃᑯᓐᓄᑦ RIA−ᓄᓪᓗ ᐊᐅᓚᑕᐅᔪᓂᒃ ᐊᑐᓕᖅᑎᑕᐅᕙᓪᓕᐊᓂᖏᓐᓂᓪᓗ IIBA.

3.4 ᖃᐅᔨᓴᕈᑎᒃᑲᓐᓃᑦ

ᐊᕐᕌᒍ ᑕᓪᓕᒪᖓᓂ ᕿᒥᕐᕈᓂᕐᒥ ᖃᐅᔨᓴᖅᑕᐅᒋᐊᖃᕐᓂᐊᕐᒥᔪᑦ IIBA ᓈᓴᐅᑎᖅᓱᖅᓯᒪᓂᖏᑎᒍᑦ ᓇᓗᓇᐃᕈᑎᒃᓴᓂᒃ ᑕᒪᕐᓂᒃ ᐊᖏᕈᑎᓅᖓᔪᑦ ᑲᒪᒋᔭᐅᓯᒪᓕᕆᐊᖏᑦ, ᐊᒻᒪᓗ ᖃᐅᔨᓴᕐᓂᕐᒥᒃ ᐅᓂᒃᑳᓕᐅᕐᓂᒥᓪᓗ ᐊᑲᐃᓪᓕᐅᕈᑎᓕᒪᓄᑦ ᑲᒪᒋᔭᐅᓯᒪᙱᑐᐃᓐᓇᕆᐊᓕᖕᓄᑦ ᐱᓕᕆᐊᖑᔭᕆᐊᓕᖕᓂ ᓇᓗᓇᐃᖅᑕᐅᓯᒪᔪᓂ ᐊᕕᑦᑐᖅᓯᒪᓂᖏᓐᓂ 3a) – c) ᖁᓛᓃᑦᑐᑦ.

 

4.0    ᐊᐅᓚᑕᐅᒍᓐᓇᖅᑐᑦ:

ᐅᑯᐊ ᐊᐅᓚᑕᐅᒍᓐᓇᖅᑐᑦ ᑐᓂᔭᐅᓯᒪᒋᐊᓖᑦ ᐱᓕᕆᕝᕕᖕᒥ ᑭᒡᒐᖅᑐᐃᔪᓄᑦ:

1. ᐊᕐᕋᒍ ᑕᓪᓕᒪᖓᓂ ᕿᒥᕐᕈᓂᕐᒧᑦ ᐅᓂᒃᑳᓕᐅᕈᑕᐅᓯᒪᔪᖅ
2. ᐊᕐᕌᒍ ᑕᓪᓕᒪᖓᓂ ᕿᒥᕐᕈᓂᖅ ᑭᖑᓪᓕᐹᖅᓯᐅᒻᒥ ᐅᓂᒃᑳᒥᒃ

ᑖᒃᑯᐊ ᑐᑦᓯᕋᐅᑏᑦ ᐋᖅᑭᑦᓯᒪᓂᐅᖁᔭᐅᔪᒧᑦ ᐱᓕᕆᐊᒃᓴᒧᑦ ᐃᒪᐃᓕᖓᔪᑦ:

 

5.0    ᐃᓕᓴᕆᔭᐅᓯᒪᔪᑦ ᐅᖃᐅᓰᑦ

ᐅᖃᐅᓯ ᐱᓕᕆᐊᓕᒫᓄᑦ ᐱᓕᕆᔾᔪᑕᐅᓂᐊᖅᑐᖅ ᑎᑎᕋᖅᓯᒪᔪᓂ ᖃᓪᓗᓈᑎᑐᑦ. ECCC ᑐᓵᔨᖃᖅᑎᑦᓯᖃᑦᑕᓂᐊᖅᑐᑦ ᐃᓄᒃᑎᑐᑦ, ᐃᓄᐃᓐᓇᖅᑐᑦ, ᐊᒻᒪᓗ ᐅᐃᕖᑎᑐᑦ ᑐᓵᔨᖃᕈᒪᔪᖃᖅᐸᑦ.

 

6.0    ᐱᓕᕆᐊᖅ ᓇᓃᓐᓂᖓ:

ᐃᖅᑲᓇᐃᔮᖅ ᐊᐅᓚᑕᐅᒍᓐᓇᖅᑐᖅ ᓄᓇᓕᐸᐅᔭᒥ ᓄᓇᖓᓂ ᑳᓐᑐᓛᒃᑕᐅᔫᑉ.

 

7.0   ᐊᐅᓪᓚᖃᑦᑕᕐᓂᖅ:

ᐊᐅᓪᓚᖃᑦᑕᕆᐊᑐᙱᑦᑐᖅ ᑖᑦᓱᒥᖓ ᐱᓕᕆᐊᖃᕐᓗᓂ.

ᖃᐅᔨᒋᐊᕐᕕᒃᓴᖅ :

ᐄᕕ ᐃᔨᑦᓯᐊᖅ

ᓄᓇᕗᑦ ᑐᙵᕕᒃ ᑎᒥᖓ

ᑎᑎᖅᑲᖃᐅᑖ 638

ᐃᖃᓗᐃᑦ, ᓄᓇᕗᑦ X0A 0H0

(867) 975-4964

Download (PDF, Unknown)

ᑐᒃᓯᕋᐅᓯᐅᖁᔨᔾᔪᑎ

ᓄᓇᕗᑦ ᑐᙵᕕᒃ ᑎᒥᖓ

ᑐᓂᔭᐅᕕᑦᓴᖓᑕ ᐅᓪᓗᖓ: ᐄᑉᕈ 7th, 2023

1.0 ᑐᑭᓯᑎᑦᓯᕐᖓᐅᑏᑦ

1.1 ᐱᔾᔪᑖ ᑐᑦᓯᕋᐅᑎᐅᑉ

ᐱᔾᔪᑎᓕᒃ ᑖᓐᓇ ᑐᒃᓯᕋᐅᓯᐅᖁᔨᔾᔪᑎ (RFP) ᐃᑲᔪᖅᑕᐅᖁᓪᓗᒋᑦ ᑐᓴᐅᒪᔾᔪᑎᓕᕆᔾᔪᑎᓂᒃ ᑲᓲᒪᔾᔪᑎᓂᒃ ᖃᓄᐃᑉᐱᑖ? ᑲᓇᑕᒥ ᐃᓄᐃᑦ ᐃᓗᓯᖏᓐᓂᒃ ᖃᐅᔨᓴᕈᑎ ᓄᓇᕗᒻᒥ, ᑐᙶᓂ ᐊᒻᒪᓗ ᑲᑎᖅᓱᐃᕕᖕᒨᖅᑲᖅᑕᐅᓂᖏᓐᓂ ᓄᐊᑕᐅᓯᒪᔪᑦ ᐊᐅᓚᑕᐅᓂᐊᖅᑐᑦ ᐊᑯᓐᓂᖏᓐᓂ ᓯᑉᑎᒻᐱᕆ 2023−ᒥᒃ ᔫᓂ 2024-ᒧᑦ.

1.2 ᑲᒪᒋᔭᐅᓯᒪᓂᖓ

ᓄᓇᕗᑦ ᑐᙵᕕᒃ ᑎᒥᖓ (ᑐᙵᕕᒃ) ᑭᒡᒐᖅᑐᐃᔩᑦ ᑲᑐᔾᔨᖃᑎᒌᑦ ᓄᓇᕗᒻᒥ ᐃᓄᓐᓄᑦ ᑕᕝᕘᓇ 1993 ᓄᓇᕗᒻᒥ ᐊᖏᕈᑦ, ᐊᑕᖏᖅᑐᑦ ᓄᓇᑖᕐᓂᕐᒧᑦ ᐊᖏᕈᑏᑦ. ᑐᙵᕕᒃᑯᑦ ᐱᓂᐊᕐᓂᕋᐅᑎᖓ ᓯᕗᒧᐊᒃᑎᑦᓯᓂᕐᒥᒃ ᐃᓄᐃᑦ ᒪᑭᒪᔾᔪᑎᒃᓴᖏᓐᓂᒃ, ᐃᓅᓯᖏᓐᓄᑦ ᐃᓕᖅᑯᓯᖏᓐᓄᓪᓗ ᖃᓄᐃᙱᑦᓯᐊᑲᓐᓂᕈᑎᒃᓴᓂᒃ ᐊᑕᖏᕐᓗᑎᒃ ᐊᑐᓕᖅᑎᑕᐅᓂᖏᑎᒍᑦ ᑖᒃᑯᐊ ᓄᓇᕗᑦ ᐊᖏᕈᑎᖏᑦ. ᑐᑭᓯᒋᐊᒃᑲᓂᕐᕕᒃᓴᖅ ᑐᙵᕕᒃᑯᑦ ᒥᑦᓵᓄᑦ (ᐃᓚᒋᔭᐅᓪᓗᑎᒃ ᑐᙵᕕᒃᑯᑦ ᓂᐅᕕᖃᑦᑕᓂᕐᒧᑦ ᐊᑐᐊᒐᖓ) ᐊᒻᒪᓗ ᓄᓇᕗᑦ ᐊᖏᕈᑎᖏᑦ, ᑕᑯᒋᐊᕐᓗᑎᑦ www.tunngavik.com.

2.0 ᐱᓇᓱᐊᕋᑦᓴᓕᐊᖑᓯᒪᔪᑦ ᐊᒻᒪᓗ ᑲᒪᒋᔭᐅᕕᒃᓴᖏᑦ

2.1 ᐱᓇᓱᐊᕋᑦᓴᓕᐊᖑᓯᒪᔪᑦ

ᖃᓄᐃᑉᐱᑖ? ᑲᓇᑕᒥ ᐃᓄᐃᑦ ᐃᓗᓯᖏᓐᓂᒃ ᖃᐅᔨᓴᕈᑎ ᑲᔪᓯᑎᑕᐅᕙᓪᓕᐊᔪᖅ ᑲᓇᑕᒥ ᐃᓄᐃᑦ ᑲᑐᔾᔨᖃᑎᒌᖏᓐᓄᑦ ᑲᓇᑕᓕᒫᒥ ᐊᒻᒪᓗ ᐊᕕᑦᑐᖅᓯᒪᓂᖅᑎᒍᑦ, ᐃᓚᒋᔭᐅᓪᓗᑎᒃ ᐃᓗᓕᓪᓗᐊᑕᖏᑦ ᐊᒻᒪᓗ ᐊᕕᑦᑐᖅᓯᒪᓂᕐᒨᖓᔪᑦ ᐱᕙᓪᓕᐊᑎᑕᐅᓂᖏᑦ ᖃᐅᔨᓴᕈᑏᑦ, ᐱᓇᓱᐊᕋᑦᓴᓕᐊᖑᓯᒪᔪᑦ ᖃᐅᔨᓴᕆᐊᒃᑲᓐᓂᕈᑎᒃᓴᓂᒃ ᑕᓪᓕᒪᑦ ᐊᕐᕌᒍᑦ ᓈᒐᐃᑉᐸᑕ ᐊᑯᓂᐅᔪᒧᑦ−ᐋᖅᑭᑦᓯᒪᔪᒥᒃ ᓇᐅᑦᓯᖅᑐᕐᓂᕐᒧᑦ.
ᖃᐅᔨᓴᕈᑎ ᐊᐅᓚᑕᐅᓂᐊᖅᑐᖅ ᑕᒪᐃᓐᓂ 25-ᓂ ᓄᓇᓕᖏᓐᓂ ᓄᓇᕗᑦ, ᓇᓗᓇᐃᖅᑕᐅᖃᑦᑕᑐᐃᓐᓇᕐᓗᑎᒃ ᐃᓄᐃᑦ ᐊᑎᖃᖃᑕᐅᔪᑦ ᓄᓇᕗᑦ ᐊᖏᕈᑎᖏᓐᓂ.
ᐊᐱᖅᓱᖅᑕᐅᒍᑏᑦ ᓄᐊᑦᓯᒍᑕᐅᓂᐊᖅᑐᑦ ᑲᑎᑕᐅᔪᒃᓴᒫᓂᒃ ᓄᐊᑦᓯᕕᖕᒧᑦ ᖃᐅᔨᓴᕈᑎᑦ ᓯᑉᑎᒻᐱᕆ 2023-ᒥᒃ ᔫᓂ 2024-ᒧᑦ, ᐊᐱᖅᓱᕆᐊᖅᑐᖃᑦᑕᓂᐊᖅᑐᓂᒃ ᓄᓇᓕᖕᓅᖃᑦᑕᕐᓗᑎᒃ ᖃᖓᑕᔫᒃᑯᑦ.

ᑐᓂᔭᐅᔪᖅ ᑐᑦᓯᕋᐅᓯᐅᖅᓯᒪᔪᖅ ᑐᓂᓯᒋᐊᓕᒃ ᐅᑯᓂᖓ
• ᓱᑲᑦᑐᒥᒃ−ᑲᓲᒪᔾᔪᑎᓕᒃ ᐃᑭᐊᖅᑭᔾᔪᑎᒥᒃ ᖃᓱᖅᓯᒪᔪᒥᒃ ᖃᓄᐃᑉᐱᑖ ᑲᓲᒪᔾᔪᑎᑦᑎᓐᓄᑦ ᐃᖃᓗᓐᓂ;
• ᓴᓂᕐᕙᖅᑕᐅᓯᒪᔪᒥᒃ IP ᑐᕌᕈᑎᓕᒃ ᐃᑭᐊᖅᑭᕕᑦᑎᓐᓄᑦ qnihs.ca;
• ᖃᖓᑦᑕᖅᑎᑕᐅᓯᒪᔪᒃᑰᕈᑎᒥᒃ ᐊᓪᓕᕋᐅᔭᓕᒃ (ᐊᑐᖅᑕᐅᒋᐊᖃᖅᐸᑦ ᐃᑭᐊᖅᑭᕕᖕᒧᑦ ᑲᓲᒪᔾᔪᑎᒧᑦ) ᐊᒻᒪᓗ ᐆᒃᑳᓕᕆᔾᔪᑎᑎᒍᑦ fiber optic ᑲᓲᒪᓗᓂ ᐃᓪᓗᑎᓐᓂᒃ ᖃᖓᑦᑕᖅᑎᑕᐅᓯᒪᔪᓄᑦ ᐊᓪᓕᕋᐅᔭᕐᓄᑦ;
• ᓇᓗᓇᐃᖅᓯᓯᒪᓗᓂ ᐃᓂᒃᓴᒥᒃ (ᑮᑦᓯᒪᒍᓐᓇᖅᑐᒥᒃ) ᖃᒥᑦᑐᒥᓂᐅᑉᐸᑦ ᓇᐅᑦᓯᖅᑑᑎᒥᒃ ᑲᓲᒪᔾᔪᑎᒥᒃ ᐃᖃᓗᓐᓂ; ᐊᒻᒪᓗ
• ᐋᖅᑭᑦᓱᒍᓐᓇᕐᓗᓂ, ᐃᕕᖅᑎᑦᓯᒍᓐᓇᕐᓗᓂ, ᐊᒻᒪᓗ ᐃᑲᔪᖅᑕᐅᒍᓐᓇᕐᓗᓂ ᐊᑐᕆᐊᓕᖕᓐᓄᑦ ᐱᖁᑎᓄᑦ

2.2 ᐱᓕᕆᐊᖅ ᐸᕐᓇᑕᐅᓯᒪᓂᖓ/ᑲᒪᒋᔭᐅᕕᑦᓴᒫᖓᓗ

ᑲᒪᒋᔭᐅᕕᑦᓴᒫᓕᐅᖅᑕᐅᓯᒪᒋᐊᓕᒃ ᑲᓱᖅᓯᒪᒍᓐᓇᕐᓗᓂ ᑭᖑᓂᐊᓂᐅᖏᑦᑐᖅ ᐊᐅᒡᒍᓯ 2023, ᐃᒪᒋᔭᐅᓪᓗᑎᒃ ᐃᑭᐊᖅᑭᔾᔪᑎᒧᑦ ᑲᓲᒪᔾᔪᑎ, ᓴᓂᕐᕙᖅᑕᐅᓯᒪᔪᖅ IP ᑐᕌᕈᑦ, ᖃᖓᑦᑕᖅᑎᑕᐅᓯᒪᔪᒃᑰᕈᑎ ᐊᓪᓕᕋᐅᔭᖅ ᑲᓲᒪᔾᔪᑎ ᐊᒻᒪᓗ ᐆᒃᑳᑎᒍᑦ fiber optic ᑲᓲᒪᓗᓂ ᐃᓪᓗᖁᑎᑦᑎᓐᓄᑦ. ᐊᒻᒪᓗ ᓇᓪᓕᐅᒃᑯᒪᔾᔨᖅᑕᐅᓯᒪᕕᖕᒥᒃ ᖃᒥᑦᑐᒥᓂᐅᑉᐸᑦ ᑲᓲᒪᔾᔪᑎ.

3.0 ᐊᑐᖅᑕᐅᒋᐊᓖᑦ ᑐᒃᓯᕋᐅᓯᐅᖅᓯᒪᔪᓄᑦ

3.1 ᑐᓂᔭᐅᓂᖓ ᖃᐅᔨᒋᐊᕐᕕᒃᓴᓪᓗ

ᐱᓇᓱᐊᕈᒪᔪᖅ ᑎᒥᖁᑕᐅᔪᖅ ᑭᓇᑐᐃᓐᓇᓘᓐᓃᑦ (ᑐᒃᓯᕋᐅᓯᐅᖅᑐᖅ) ᑐᓂᓯᔪᓐᓇᖅᑐᖅ ᐸᐃᑉᐹᒥᒃ ᐊᒻᒪᓗ/ᐅᕝᕙᓘᓐᓃᑦ ᖃᕆᓴᐅᔭᒃᑯᑦ ᑐᑦᓯᕋᐅᑎᒥᓂᒃ. ᐸᐃᑉᐹᑦ ᓇᕿᑕᐅᓯᒪᒋᐊᓖᑦ ᐴᑦᓴᔭᖏᑦ ᐅᕝᕙᓘᓐᓃᑦ ᐊᓯᐊᒍᑦ ᓇᕿᑕᐅᓯᒪᓗᓂ ᓇᕿᑦᑕᐅᒻᒧᑦ, ᓇᓗᓇᐃᖅᓯᒪᑦᓯᐊᕐᓗᓂ ᖃᐅᔨᒪᔭᐅᔾᔪᑎᒃᓴᒥᒃ ᐴᑦᓴᔭᖓᒍᑦ/ᐴᖅᑕᐅᓯᒪᔪᑦ ᐊᑎᖓᓂᒃ ᑕᕝᕙᓂ RFP−ᒥ. ᑐᒃᓯᕋᐅᑏᑦ ᐱᔭᐅᓯᒪᒋᐊᖃᕐᓂᐊᖅᑐᑦ ᑐᙵᕕᒃᑯᓐᓄᑦ ᑭᖑᓂᐊᓂᐅᙱᑦᑐᖅ ᖃᐅᔨᓴᐅᑦ 5-ᒥ ᐅᓐᓄᓴᒃᑯᑦ ᑲᓇᓐᓇᕐᒥ ᒪᐃ 5, 2023 ᐅᕗᙵᐅᑎᓗᒍ ᐅᕝᕙᓘᓐᓃᑦ ᐃᕐᖐᓐᓈᕈᑎᒃᑯᑦ ᐊᐅᓪᓚᑎᓪᓗᒍ:

ᓄᓇᕗᑦ ᑐᙵᕕᒃ ᑎᒥᖓ
ᐅᕗᖓ: ᓯᐅᕈ ᕋᐃ
ᐱᖓᔪᐊᓐᓂ ᓇᑎᖓᓂ, ᐃᒡᓗᕗᑦ ᐃᓪᓗᖁᑖ, ᑎᑎᖅᑲᖃᐅᑖ 638
ᐃᖃᓗᐃᑦ, ᓄᓇᕗᑦ X0A 0H0

ᐃᕐᖐᓐᓈᕈᑎᒃᑰᖅᑕᐅᔪᓄᑦ, ᑐᒃᓯᕋᐅᑏᑦ ᐊᐅᓪᓚᖅᑎᑕᐅᖃᑦᑕᖁᔭᐅᔪᑦ ᑐᖔᓂᐅᓗᐊᙱᑦᑐᖅ ᒪᑐᕕᑦᓴᖓᑕ ᐅᓪᓗᖓ ᐅᖓᓯᑦᑐᑲᓪᓚᐅᑎᓪᓗᒍ. ᑐᙵᕕᒃᑯᑦ ᐊᖏᖅᓯᒪᙱᑕᖓ ᐊᑭᓖᑎᑕᐅᓇᓱᐊᕈᑎ ᐊᑭᓖᓯᒪᔪᓄᑦ, ᐊᔪᐃᓐᓇᕈᑏᑦ ᐅᕝᕙᓘᓐᓃᑦ ᐊᓯᖏᑎᒍᑦ ᖃᓄᐃᓕᒐᓱᐊᖅᑐᓄᑦ ᐃᕐᖐᓐᓈᕈᑎᒃᑰᖅᑕᐅᓇᓱᐊᖅᓯᒪᔪᖅ ᐊᐅᓪᓚᖅᑐᒥᓂᐅᙱᑉᐸᑦ, ᐊᑕᖏᕐᓗᓂ ᑎᑭᑦᑐᒥᓂᐅᑎᓐᓇᒍ, ᐱᔭᐅᔫᒥᑕᐃᓐᓇᓂᖅᐸᑦ ᑭᖑᓂᐊᒍᑦ ᒪᑐᕕᑦᓴᖓ ᖄᖏᖅᓯᒪᓕᖅᑎᓪᓗᒍ ᖃᐅᔨᓴᐅᑖ ᐅᓪᓗᖓᓗ, ᐅᕝᕙᓘᓐᓃᑦ ᑭᓱᑐᐃᓐᓇᐅᒐᓗᐊᖅᐸᑦ ᐱᔾᔪᑕᐅᔪᖅ.

ᑐᙵᕕᒃᑯᑦ ᐃᓱᒪᒃᓴᖅᓯᐅᕈᑎᖃᔾᔮᖏᑦᑐᑦ ᑐᒃᓯᕋᐅᑎᓂᒃ ᑐᓂᔭᐅᔪᓂᒃ ᒪᑐᕕᑦᓴᖓᑕ ᐅᓪᓗᖓ ᖄᖏᖅᓯᒪᓕᖅᑎᓪᓗᒍ ᐅᕝᕙᓘᓐᓃᑦ ᑐᓂᔭᐅᔭᖅᑐᖅᓯᒪᔪᓂᒃ ᐊᓯᐊᓄᑦ ᑐᕌᕈᒻᒧᑦ ᑖᒃᑯᓇᓂ ᓇᓗᓇᐃᔭᖅᑕᐅᓯᒪᔪᒧᑦ.

(ᑖᓐᓇ “ᑐᑭᓯᒋᐊᕐᕕᒃᓴᖅ”). ᑭᒡᒍᑕᐅᔪᓕᒫᑦ ᐊᒻᒪᓗ/ᐅᕝᕙᓗᓐᓃᑦ ᐊᓯᔾᔨᖅᑕᐅᔪᑦ RFP ᓴᖅᑭᖅᑕᐅᓂᐊᖅᑐᑦ ᑐᙵᕕᒃᑯᑦ ᐃᑭᐊᖅᑭᕕᖓᓂ ᐅᕝᕙᓘᓐᓃᑦ ᐊᑐᐃᓐᓇᕈᖅᑕᐅᓗᑎᒃ ᑕᒪᐃᓐᓄᑦ ᐱᓇᓱᐊᖃᑕᐅᖁᔭᐅᓯᒪᔪᓄᑦ.

3.2 ᒪᓕᒐᑦᓴᑦ ᐊᐅᓚᑦᓯᔾᔪᑏᓪᓗ
(a) ᑐᙵᕕᒃᑯᑦ ᐱᔪᓐᓇᐅᑎᓖᑦ ᓄᖅᑲᑎᑦᓯᓂᕐᒥᒃ ᑖᑦᓱᒥᖓ RFP−ᒥᒃ ᖃᖓᑐᐃᓐᓇᖅ ᐊᒻᒪᓗ ᑐᓂᓯᖔᓕᕐᓗᑎᒃ ᑭᓱᑐᐃᓐᓇᕐᒥᒃ ᐱᔾᔪᑎᖃᕐᓗᑎᒃ ᖃᓄᑐᐃᓐᓇᓕᒫᖅ, ᐊᑭᓖᑎᑕᐅᖏᓯᐊᕐᓗᑎᒃ, ᐊᒻᒪᓗ ᑐᑦᓯᕋᐅᓯᐅᖅᑐᖅ ᐊᑭᓕᑎᑦᓯᔪᓐᓇᖏᑦᑐᖅ ᑐᒥᕕᒃᑯᓐᓂᒃ ᓄᖅᑲᑎᑦᓯᒐᓗᐊᖅᐸᑕ ᐅᕝᕙᓘᓐᓃᑦ ᑐᓂᓯᒃᑲᓂᕐᓗᑎᒃ RFP-ᒥᒃ.

(b) ᑐᓂᔭᐅᓯᒪᔪᑦ ᑐᑦᓯᕋᐅᓯᐊᖑᔪᑦ ᐋᖅᑭᒋᐊᖅᑕᐅᒍᓐᓴᖅᑐᑦ ᑐᖔᓂ ᐃᓱᓕᕝᕕᒃᓴᖓᑕ ᐅᕝᕙᓘᓐᓃᑦ ᓴᒃᑯᑕᐅᓗᑎᒃ ᑎᑎᕋᕐᕕᐅᓗᑎᒃ ᖃᐅᔨᒃᑲᐃᔾᔪᑎᓂᒃ ᑐᙵᕕᒃᑯᑦ ᖃᖓᑐᐃᓐᓇᖅ ᐊᖏᖅᑕᐅᖏᓐᓂᖓᓂ. ᑐᑦᓯᕋᐅᓯᐅᖅᑐᓕᒫᑦ ᖃᐅᔨᒃᑲᖅᑕᐅᓂᐊᖅᑐᑦ ᑐᓂᔭᐅᓐᓂᕐᒪᖔᑕ ᐋᒡᒐᓘᓐᓃᑦ ᕿᓚᒥᐅᓂᖅᐹᒃᑯᑦ ᐱᔪᓐᓇᖅᓯᑐᐊᕈᑎᒃ.

(c) ᑐᙵᕕᒃᑯᑦ ᐊᖏᙱᑦᓱᓇᖅᑐᑦ ᑐᑦᓯᕋᐅᑎᒥᒃ ᑭᐅᔭᐅᙱᑉᐸᑕ ᑕᒪᐃᓐᓂᒃ ᑐᓴᖅᑎᑦᓯᒍᑕᐅᒋᐊᓕᓐᓂᒃ ᑐᑦᓯᕌᖏᓐᓂᒃ RFP−ᒧᑦ ᑖᑦᓱᒧᖓ, ᐅᕝᕙᓘᓐᓃᑦ ᓴᒃᑯᐃᓗᑎᒃ ᐱᔭᕇᖅᓯᒪᙱᓐᓂᕋᖅᑕᐅᓗᑎᒃ ᑐᙵᕕᒃᑯᓐᓄᑦ, ᐃᓱᒪᖅᓲᑎᖃᕈᓐᓇᓂᕐᒥᓄᑦ, ᑭᓱᒨᖓᙱᓐᓂᖓ. ᑐᒥᕕᒃᑯᑦ ᖃᐅᔨᒃᑲᐃᒍᓐᓇᖅᑐᑦ ᑐᑦᓯᕋᐅᓯᐅᖅᑐᒥᒃ ᖃᖓᑐᐃᓐᓇᖅ ᑐᓂᔭᐅᓚᐅᖅᑎᓪᓗᒋᑦ ᑐᑦᓯᕋᐅᑎᑦ ᑐᑭᓯᓇᑦᓯᐊᙱᓐᓂᖏᓐᓄᑦ ᑖᒃᑯᓇᓃᑦᑐᑦ ᑐᑦᓯᕋᐅᓯᐊᒥᓂᕐᓂ.

(d) ᑐᙵᕕᒃᑯᑦ ᐊᑭᓕᖅᓱᐃᔾᔮᖏᑦᑐᑦ ᐸᕐᓇᓂᕐᒧᑦ ᑭᒡᒍᑕᐅᔪᓂᒃ ᑖᑦᓱᒧᖓ RFP−ᒧᑦ. ᐊᑭᓕᕆᐊᓕᓕᒫᑦ ᐊᑭᓕᕋᑦᓴᓕᐊᖑᔪᑦ ᑐᑦᓯᕋᐅᓯᐅᖅᑐᓄᑦ ᑕᕝᕙᙶᕐᓂᐊᖅᑐᑦ ᑐᑦᓯᕋᐅᓯᐅᖅᑐᒥᒃ.

(e) ᑖᓐᓇ RFP ᒪᓂᒪᑎᑦᓯᓂᐅᙱᑦᑐᖅ ᐅᕝᕙᓘᓐᓃᑦ ᐊᑭᑦᑐᕋᐅᑎᒍᑕᐅᙱᑦᑐᖅ. ᑐᙵᕕᒃᑯᑦ ᐊᖏᕆᐊᑐᙱᑦᑐᑦ ᑐᑦᓯᕋᐅᑎᓂᒃ ᐅᕝᕙᓘᓐᓃᑦ ᑐᑦᓯᕋᐅᓯᐊᖑᔪᓂᒃ ᐊᑭᑭᓐᓂᖅᐹᑐᐃᓐᓇᖓᓂᒃ ᐊᑭᖓᓄᑦ ᐅᕝᕙᓘᓐᓃᑦ ᐊᑭᖓᓂᒃ.

(f) ᑳᓐᑐᓛᒃ ᑐᓂᔭᐅᑉᐸᑦ ᓴᖅᑭᖅᑐᒥᒃ ᑕᕝᕙᙵᑦ RFP−ᒥᒃ, ᑐᓂᔭᐅᓂᐊᖅᑐᖅ ᑐᒃᓯᕋᐅᓯᐅᖅᑐᒧᑦ ᑭᐅᑦᑕᓂᖅᐹᒧᑦ ᐊᒻᒪᓗ ᑐᑦᓯᕋᐅᑎᖓᒍᑦ ᓇᓗᓇᐃᖅᓯᓯᒪᑉᐸᑦ ᐱᔪᒐᕐᓇᓂᖅᐸᐅᓗᓂ ᐊᑭᖓ ᓇᓗᓇᐃᖅᑕᖓᒍᑦ ᑐᒥᕕᒃᑯᑦ ᓇᖕᒥᓂᖅ ᐃᓱᒪᖅᓲᑎᒋᓗᒍ. ᑐᑦᓯᕋᖅᑐᖅ “ᑭᐅᒃᑕᕐᓂᖓ” ᑎᑭᐅᑎᓯᒪᓂᖅᐸᐅᓗᓂ ᐊᑐᖅᑕᐅᒋᐊᓕᖕᓂᒃ ᓇᓗᓇᐃᖅᑕᐅᓯᒪᔪᓂᒃ ᑖᒃᑯᓇᓂ RFP−ᓂ ᐊᒻᒪᓗ ᑎᒍᒥᐊᖅᐸᑦ ᐊᐅᓚᑦᓯᒍᓐᓇᓂᕐᒥᒃ ᐃᓘᓐᓈᓂᒃ ᐱᓕᕆᐊᖑᒋᐊᓕᖕᓂᒃ ᓇᓗᓇᐃᔭᖅᓯᒪᔪᓂᒃ ᑖᒃᑯᓇᓂ RFP−ᓂ.

(g) ᐋᔩᕋᕈᑕᐅᓂᖏᑦ ᑲᔪᓯᑎᑕᐅᓂᖏᓪᓗ ᑎᑎᕋᖅᓯᒪᔪᑦ ᐊᖏᕈᑏᑦ ᑐᙵᕕᖃᕆᐊᓖᑦ ᑎᑎᕋᖅᑕᐅᓂᖓᓂᒃ ᑳᓐᑐᓛᒃ. ᑐᑦᓯᕋᐅᓯᐅᖅᑐᑦ ᑎᒍᓯᓇᓱᐊᕆᐊᑐᙱᑦᑐᖅ ᒪᓕᒐᖅᑎᒎᖓᔪᓂᒃ ᐅᕝᕙᓘᓐᓃᑦ ᓇᓕᒧᖏᓐᓂᒃ ᐱᔪᓐᓇᐅᑏᑦ ᐅᕝᕙᓘᓐᓃᑦ ᐱᔪᓐᓇᐅᑎᖃᕈᑕᐅᔪᑦ ᖃᓄᑐᐃᓐᓇᖅ ᑖᒃᑯᑎᒎᓇ RFP−ᑯᑦ ᑳᓐᑐᓚᒃ ᐊᑎᓕᐅᖅᑕᐅᖏᓐᓂᖓᓂ.

(h) ᑳᓐᑐᓛᒃ ᐃᓗᓕᖃᕐᓂᐊᖅᑐᖅ ᓇᓕᖅᑯᑦᓯᔪᓂᒃ ᒪᓕᒐᑦᓴᓂᒃ RFP−ᓂᒃ ᑖᒃᑯᓇᖓᑦ, ᐊᖏᖅᑕᐅᓂᖓᓂᒃ ᑐᑦᓯᕋᐅᑦ, ᐊᒻᒪᓗ ᐊᓯᖏᓐᓂᒃ ᒪᓕᒐᑦᓴᓂᒃ ᑕᒪᐃᓐᓄᑦ ᐊᖏᕈᑕᐅᓯᒪᔪᓂᒃ, ᓴᖅᑭᖅᓯᒪᒐᓗᐊᖅᐸᑕ ᐊᖏᖅᑕᐅᓯᒪᔪᒥᒃ ᑐᑦᓯᕋᐅᒻᒥᒃ ᐅᕝᕙᓘᓐᓃᑦ ᓴᖅᑭᖅᓯᒪᑉᐸᑦ ᐋᔩᕋᕈᑕᐅᓯᒪᔪᓂᒃ. ᑐᙵᕕᒃᑯᑦ ᐱᔪᓐᓇᐅᑎᓖᑦ ᐋᔩᕋᕈᑎᖃᕐᓂᕐᒥᒃ ᐋᖅᑭᒋᐊᕈᑎᓂᒃ ᑐᑦᓯᕋᐅᓯᐅᖅᓯᒪᔪᒧᑦ ᑐᓂᓯᓯᒪᔪᒧᑦ ᑐᑦᓯᕋᐅᑎᒥᓂᒃ.

(i) ᓈᖕᒪᓈᖅᓯᒪᙱᑦᑐᖅᑕᖃᕐᓂᖅᐸᑦ ᑖᑦᓱᒧᖓ RFP−ᒧᑦ ᐊᒻᒪᓗ ᑳᓐᑐᓛᓕᐊᖑᓯᒪᔪᒧᑦ, ᑳᓐᑐᓚᒃ ᓴᙱᓂᖅᓴᐅᓂᐊᖅᑐᖅ.

(j) ᖃᐅᔨᓴᖅᑏᑦ ᑲᑎᒪᔨᕋᓛᑦ ᕿᒥᕐᕈᓂᐊᖅᑕᖏᑦ ᑐᑦᓯᕋᐅᑏᑦ ᐊᑐᓂᑦ. ᑐᙵᕕᒃᑯᑦ ᐱᔪᓐᓇᐅᑎᓖᑦ ᐃᓘᓐᓈᒍᑦ ᓇᓗᓇᐃᖅᓯᓂᕐᒥᒃ ᐱᔪᓐᓇᕐᓂᕆᔭᐅᒋᐊᓕᖕᓂᒃ ᑐᑦᓯᕋᐅᑎᓕᒫᓂ ᐊᑦᑐᐊᔪᓂᒃ ᖃᐅᔨᓴᕈᑎᓕᐊᖑᓯᒪᔪᒧᑦ. ᑐᙵᕕᒃᑯᑦ ᐱᓇᓱᐊᕋᑦᓴᕆᙱᑕᖓ ᐋᔩᕋᖃᑎᖃᕐᓂᖅ ᑐᑦᓯᕋᐅᓯᐅᖅᓯᒪᔪᓂᒃ ᐃᓱᒪᓕᐅᕈᑎᒥᓄᑦ ᐊᔪᙱᓐᓂᖃᕆᐊᖃᕐᓂᕐᒨᖓᔪᓂᒃ ᑐᑦᓯᕋᐅᑏᑦ ᒪᓕᒋᐊᓕᖏᓐᓂᒃ.

(k) ᑐᙵᕕᒃᑯᑦ ᐊᑐᖁᔨᔪᑦ ᐃᓄᐃᑦ ᐱᖁᑎᖏᓐᓂᒃ, ᐱᔨᑦᓯᕈᑎᖏᓐᓂᒃ, ᐃᖅᑲᓇᐃᔭᖅᑎᓂᒃ, ᐊᒻᒪᓗ ᐱᓕᖕᒪᒃᓴᐅᑎᓂᒃ ᐃᓄᓐᓄᑦ ᐃᖅᑲᓇᐃᔭᖅᑎᓄᑦ ᖃᐅᔨᓴᖅᑕᐅᓂᓕᒫᖏᓐᓂ ᑐᑦᓯᕋᖅᓯᒪᔪᖅ (ᑕᑯᒋᐊᕐᓗᒍ ᖃᐅᔨᓴᕐᓂᕐᒧᑦ ᒪᓕᒋᐊᓖᑦ ᓇᓗᓇᐃᒃᑲᓂᖅᓯᒪᓂᖏᑦ). ᑎᑎᕋᖅᓯᒪᔪᑦ ᐊᖏᖅᑕᐅᔪᑦ ᐃᓄᐃᑦ ᑎᒥᖁᑎᖏᑦ ᑕᑯᒋᐊᕋᑦᓴᑦ ᑐᙵᕕᒃᑯᑦ ᐃᑭᐊᖅᑭᕕᖓᓂ ᐅᕝᕙᓘᓐᓃᑦ ᐱᔭᐅᔪᓐᓇᕐᒥᔪᑦ ᑐᙵᕕᒃᑯᑦ ᐃᓄᐃᑦ ᓇᖕᒥᓂᖁᑎᖏᓐᓂᒃ ᑎᑎᕋᖅᑕᐅᓯᒪᔪᓄᑦ ᐊᓪᓚᕝᕕᖓᓂᒃ.

(l) ᑐᒃᓯᕋᐅᑏᑦ ᐲᔭᖅᑕᐅᕙᓪᓕᐊᓯᒪᒍᓐᓇᖅᑐᑦ. ᑐᑦᓯᕋᐅᓯᐅᖅᓯᒪᔪᑦ ᑐᑦᓯᕋᐅᑎᖏᑦ ᐃᓚᐅᑎᑕᐅᔪᑦ ᓱᓕ ᐲᔭᖅᑕᐅᕙᓪᓕᐊᑎᓪᓗᒋᑦ ᑐᑦᓯᕋᕐᕕᐅᒍᓐᓇᖅᑐᑦ ᓇᓗᓇᐃᖅᓯᒪᔪᓂᒃ ᐅᓂᒃᑳᓕᐅᖁᔭᐅᓗᑎᒃ ᐃᓚᒋᔭᐅᓗᑎᒃ ᐋᖅᑭᑦᑕᖏᓐᓂᒃ ᒪᓂᒪᑎᒍᓐᓇᖅᑕᖏᓐᓂᒃ ᑭᖑᓪᓕᖅᐹᒥᒃ. ᑕᒪᒃᑯᐊ ᐅᓂᒃᑳᕆᒋᐊᒃᑲᓐᓂᖁᔭᐅᔪᑦ ᐊᑭᓕᕆᐊᓕᖏᑦ ᑐᑦᓯᕋᐅᓯᐅᖅᓯᒪᔫᑉ.

(m) ᑐᑦᓯᕋᐅᑦ ᐊᒻᒪᓗ ᐃᓚᓕᐅᔾᔭᐅᓯᒪᔪᑦ ᑎᑎᖅᑲᑦ ᑐᓂᓯᒪᔭᖏᑦ ᑐᑦᓯᕋᐅᓯᐅᖅᑑᑉ ᓇᖕᒥᓂᖁᑎᑖᕆᓂᐊᖅᑕᖏᑦ ᑐᙵᕕᒃᑯᑦ ᐊᒻᒪᓗ ᐅᑎᖅᑎᑕᐅᔾᔮᖏᑦᑐᑦ.

4.0 ᑐᓂᔭᐅᔪᓃᖃᑕᐅᒋᐊᓖᑦ

ᑐᑦᓯᕋᐅᑎᓃᒋᐊᓕᒃ ᐃᓚᒋᔭᐅᓪᓗᑎᒃ ᑐᓴᖅᑎᑦᓯᒍᑎᓕᒫᖑᒋᐊᓖᑦ ᑖᒃᑯᐊ ᖃᐅᔨᓴᖅᑕᐅᒍᓐᓇᖁᓪᓗᒍ.

4.1 ᑐᑦᓯᕋᐅᓯᐅᖅᑑᑉ ᖃᐅᔨᒪᓂᖓ ᐱᓕᕆᓯᒪᓂᖓᓗ

(a) ᓇᓗᓇᔭᖅᓯᒪᓗᒋᑦ ᑯᐊᐳᕇᓴᒃᑯᓐᓂ ᐱᓕᕆᓯᒪᓂᖅ ᓂᐅᕕᖃᑦᑕᓂᕐᒨᖓᔪᓂᒃ (ᑕᑭᓂᖅᐹᖑᒍᓐᓇᖅᑐᖅ ᑎᑎᕋᖅᓯᒪᓂᖓ: 2 ᒪᑉᐱᒑᒃ)

ᑐᑦᓯᕋᐅᓯᐅᖅᑐᖅ ᓇᓗᓇᐃᔭᐃᒋᐊᓕᒃ ᑐᑦᓯᕋᐅᓯᐅᖅᑑᑉ ᐋᖅᑭᑦᓯᒪᑦᓯᒍᓐᓇᕐᓂᖓᓂᒃ ᐊᑦᑐᐊᔪᓂᒃ ᐱᓕᕆᐊᒧᑦ/ ᐱᔨᑦᓯᕈᑎᓄᑦ, ᐃᓚᒋᔭᐅᓗᑎᒃ ᑖᒃᑯᑑᙱᑦᑑᒐᓗᐊᑦ:

• ᓇᐃᓈᖅᓯᒪᔪᖅ ᐃᓘᓐᓈᓂᒃ ᑕᑯᒋᐊᕈᑎ ᑐᑦᓯᕋᐅᓯᐅᖅᑑᑉ ᐋᖅᑭᑦᓯᒪᑦᓯᒍᓐᓇᕐᓂᖓᓂᒃ ᓇᓗᓇᐃᔭᐃᓯᒪᔪᑦ ᖃᑦᓯᓂᒃ ᐊᕐᕌᒍᓂᒃ ᓇᖕᒥᓂᖁᑎᖃᖅᓯᒪᓂᖓᓂᒃ; ᖃᓄᐃᑦᑑᓂᖏᓐᓂᒃ ᐃᑲᔪᕈᑎᒃᓴᑦ; ᐊᒻᒪᓗ ᖃᓄᐃᑦᑐᓂᒃ ᐃᑲᔪᖃᑦᑕᓲᖑᒻᒪᖔᖅ ᑐᑦᓯᕋᐅᓯᐅᖅᓯᒪᔪᖅ ᐱᔨᑦᓯᕈᑎᒥᒍᑦ; ᐊᒻᒪᓗ
• ᖃᑦᓯᐅᓂᖏᑦ ᑐᑦᓯᕋᐅᓯᐅᖅᑑᑉ ᐱᓕᕆᐊᕇᓐᓇᖅᓯᒪᔭᖏᑦ ᐊᒻᒪᓗ ᐃᓛᓐᓃᓇᒃᑯᑦ ᐊᒻᒪᓗ/ᐅᕝᕙᓘᓐᓃᑦ ᑳᓐᑐᓛᒃᑕᐅᓯᒪᓂᕐᒧᑦ ᐃᑲᔪᖅᑏᑦ ᐊᑐᐃᓐᓇᐅᔪᑦ ᐱᔨᑦᓯᖅᑎᐅᒍᓐᓇᖅᑐᑦ ᐱᓕᕆᐊᒧᑦ;

(b) ᓇᓗᓇᐃᓗᒋᑦ ᑭᓇᑐᐃᓐᓇᖅ ᐅᕝᕙᓘᓐᓃᑦ ᐱᓕᕆᖃᑎᒌᑦ ᖃᐅᔨᒪᓂᖏᑦ ᐱᓕᕆᓯᒪᓂᖏᓪᓗ (ᐊᖏᓂᖅᐹᖑᒍᓐᓇᖅᑐᖅ 2 ᒪᑉᐱᒑᒃ ᐱᓕᕆᖃᑎᒌᑦᑐᓄᑦ)

ᑐᑦᓯᕋᐅᒻᒦᒋᐊᓖᑦ ᓇᓗᓇᐃᔭᖅᓯᒪᔪᑦ ᑐᙵᕕᒋᔭᐅᔪᑦ ᑐᑦᓯᕋᐅᓯᐅᖅᓯᒪᔪᓄᑦ ᐱᓕᕆᖃᑎᒌᑦᑐᓄᑦ, ᐃᓚᒋᔭᐅᓗᑎᒃ ᑭᓱᓕᕆᔨᐅᓂᖏᑦ ᐱᓕᕆᐊᒃᓴᖏᓪᓗ, ᖃᐅᔨᒪᓂᖏᑦ, ᐱᓕᕆᓯᒪᓂᖏᑦ ᐊᒻᒪᓗ ᐊᔪᙱᔾᔪᑎᖏᑦ, ᐊᒻᒪᓗ ᐱᓇᓱᐊᕈᓐᓇᕐᓂᖏᑦ ᐱᓕᕆᐊᖑᔭᕆᐊᓕᖕᓂᒃ. ᖃᐅᔨᑎᑦᓯᒍᑏᑦ ᑐᓂᔭᐅᔪᑦ ᐊᑐᓂᑦ ᑖᒃᑯᓂᖓ ᐃᓚᓕᐅᔾᔭᐅᓯᒪᒋᐊᓖᑦ ᐊᑎᖓ, ᐃᓕᓐᓂᐊᖅᓯᒪᓂᖓ, ᓇᓗᓇᐃᒃᑯᑕᖅᑖᖅᓯᒪᓂᖓ (ᐱᑕᖃᖅᐸᑦ) ᐊᒻᒪᓗ ᐱᓕᕆᖃᑦᑕᖅᓯᒪᓂᖓ ᐃᖅᑲᓇᐃᔭᖅᑐᓂ ᓄᓇᕗᒻᒥ/ᐅᑭᐅᖅᑕᖅᑐᒥ/ᐃᓄᓐᓂᒃ ᐊᒻᒪᓗ/ᐅᕝᕙᓘᓐᓃᑦ ᓄᓇᖃᖅᑳᖅᓯᒪᔪᓂᒃ ᑲᑐᔾᔨᖃᑎᒌᓂᓪᓗ.

(c) ᓇᓗᓇᐃᕐᓗᒋᑦ ᐱᓕᕆᐊᖑᖃᑦᑕᖅᓯᒪᔪᑦ ᖃᐅᔨᒋᐊᕐᕕᐅᖃᑦᑕᖅᓯᒪᔪᓪᓗ

ᑐᒃᓯᕋᐅᑦ ᓇᓗᓇᐃᖅᓯᓯᒪᒋᐊᓕᒃ ᐊᑕᐅᓯᕐᒥᒃ ᐊᑕᐅᓯᐅᙱᑦᑐᒥᓪᓘᓐᓃᑦ ᐱᓕᕆᐊᖑᓯᒪᔪᒥᒃ ᑎᓕᓯᔾᔪᑕᐅᓯᒪᔪᒥᓪᓘᓐᓃᑦ (ᐊᖏᓂᖅᐹᕆᔪᓐᓇᖅᑕᖓ: ᐱᖓᓱᑦ) ᑐᑦᓯᕋᐅᑎᓕᐅᖅᑑᑉ ᑲᒪᒋᓯᒪᔭᖓᓂᒃ ᐊᔾᔨᐸᓗᐊᓂᒃ ᐱᓕᕆᐊᖑᒋᐊᓕᐅᑉ ᐊᐱᖅᑯᑕᐅᔪᒥ ᐅᕝᕙᓘᓐᓃᑦ ᐃᑲᔪᖅᓯᒪᔭᖓᓂᒃ ᑕᑯᓐᓇᕐᓗᒋᑦ ᑐᙵᕕᒃᑯᑦ ᓴᖅᑭᖅᓯᒪᔭᖏᑦ ᑐᑦᓯᕋᖅᑑᑉ ᐱᓕᕆᐊᕆᓯᒪᔭᖏᓐᓂᒃ ᐊᒻᒪᓗ ᐊᔪᙱᔾᔪᑎᖏᓐᓂᒃ ᐱᓕᕆᐊᖑᔭᕆᐊᓕᖕᓅᖓᔪᓂᒃ.

ᓇᓗᓇᐃᖅᓯᒪᔭᐅᖃᑕᐅᒋᐊᓖᑦ ᐅᓪᓗᖓ ᐊᑯᓂᐅᑎᒋᔪᒥᓪᓗ ᐱᓕᕆᐊᖑᓯᒪᓂᖓ, ᖃᑦᓯᑦ ᑲᒻᐸᓃᑦ ᐊᑐᖅᑕᐅᓂᕐᒪᖔᑕ ᑲᒪᖃᑕᐅᓪᓗᑎᒃ ᐱᓕᕆᐊᒥᒃ ᐊᒻᒪᓗ ᑭᓱᓕᕆᔨᐅᓂᖏᑦ, ᓇᓗᓇᐃᖅᑐᖅᓯᒪᓗᓂ ᐱᓕᕆᐊᖅ ᐊᑭᖃᖅᓯᒪᓂᖓ ᐃᑲᔪᖅᑕᐅᔪᒧᑦ, ᐊᒻᒪᓗ ᑭᓱᒥᒃ ᑐᑦᓯᕋᖅᑐᖅ ᑲᒪᒋᔭᖃᕐᓂᕐᒪᖔᖅ ᐱᓕᕆᖃᑕᐅᓂᕐᒥᓂ ᑖᑦᓱᒥᖓ ᐱᓕᕆᐊᒥᒃ.

ᐱᓕᕆᐊᒃᓴᑦ ᓴᖅᑭᔮᖅᑎᑦᓯᔪᑦ ᐱᓕᕆᓯᒪᓂᕐᒥᒃ ᓄᓇᕗᒻᒥ/ᐅᑭᐅᖅᑕᖅᑐᒥ/ᐱᓕᕆᖃᑎᖃᕐᓂᕐᒥᒃ ᐃᓄᓐᓂᒃ ᐊᒻᒪᓗ/ ᐅᕝᕙᓘᓐᓃᑦ ᓄᓇᖃᖅᑲᖅᓯᒪᔪᓂᒃ ᑲᑐᔾᔨᖃᑎᒌᓂᓪᓗ ᐱᔪᒐᕆᔭᐅᓂᖅᓴᐅᔪᑦ.

ᒥᑭᓂᖅᐹᕆᔪᓐᓇᖅᑕᖓ ᐊᑕᐅᓯᕐᒥᒃ ᓇᖕᒥᓂᖅᓱᖅᑐᒥᒃ ᑕᑯᒋᐊᕋᑦᓴᒥᒃ (ᐃᓛᒃ, ᐊᓯᐊᓂᒃ ᑕᑦᓱᒪ ᑐᑦᓯᕋᖅᑑᑉ ᐅᕝᕙᓘᓐᓃᑦ ᑭᓇᑐᐃᓐᓇᕐᒥᒃ ᑐᑦᓯᕋᖅᑑᑉ ᐱᓕᕆᖃᑎᖏᓐᓂᒃ) ᑐᓂᔭᐅᒋᐊᓕᒃ. ᑐᙵᕕᒃᑯᑦ ᖃᐅᔨᒋᐊᕈᓐᓇᕐᒥᔪᑦ ᓇᖕᒥᓂᖅ ᑎᑎᕋᖅᓯᒪᔪᖁᑎᒥᓂᒃ ᐃᖅᑲᓇᐃᔭᖅᑎᒥᓂᓪᓗ ᐱᓕᕆᓯᒪᓂᖏᓐᓂᒃ ᑐᑦᓯᕋᖅᑑᑉ ᑐᙵᕕᒃᑯᓐᓄᑦ ᐅᕝᕙᓘᓐᓃᑦ ᐊᕕᑦᑐᖅᓯᒪᔪᑦ ᐃᓄᐃᑦ ᑲᑐᔾᔨᖃᑎᒌᖏᓐᓄᑦ ᑖᒃᑯᓇᙵᑦ ᓈᓴᐅᑎᖅᓱᐃᓂᕐᒧᑦ ᐃᓚᓕᐅᑎᓗᒍ.

4.2 ᐱᓕᕆᐊᖑᓂᐊᖅᑐᖅ ᐊᒻᒪᓗ ᐱᓕᕆᐊᒃᓴᒧᑦ ᐸᕐᓇᐅᑦ

ᑐᑦᓯᕋᐅᑎᓃᖃᑕᐅᒋᐊᓖᑦ

• ᑐᑭᓯᑎᑦᓯᒋᐊᕈᑏᑦ ᑐᑭᓯᓯᒪᔭᕐᓂᒃ ᐱᓕᕆᐊᖑᓂᐊᖅᑐᒥᒃ, ᐃᓚᒋᔭᐅᓗᑎᒃ ᐊᑲᐅᙱᓪᓕᐅᕈᑕᐅᔪᓐᓇᖅᑐᑦ ᐊᑦᓱᕈᕐᓇᕈᓐᓇᑐᓪᓗ ᐋᖅᑭᓱᖅᑕᐅᒋᐊᓖᑦ
• ᓇᓗᓇᐃᖅᑐᖅᓯᒪᔪᑦ ᓇᓗᓇᐃᔭᖅᓯᒪᓗᑎᒃ ᐱᓕᕆᐊᖑᓂᖓᓂ ᐊᑐᖅᑕᐅᖃᑦᑕᓲᓪᓗ
• ᓇᓗᓇᐃᖅᑐᖅᓯᒪᔪᖅ ᐱᓕᕆᐊᒃᓴᒧᑦ ᐸᕐᓇᐅᑦ, ᐃᓚᒋᔭᐅᓗᑎᒃ ᑲᒪᒋᔭᐅᕙᓪᓕᐊᒋᐊᓖᑦ ᑎᓕᓯᔾᔪᑕᐅᓯᒪᔪᓪᓗ ᐱᐊᓂᒃᑕᐅᒋᐊᓖᑦ ᐊᒻᒪᓗ ᓇᓗᓇᐃᖅᑐᖅᓯᒪᓗᑎᒃ ᐱᐊᓂᒃᑕᐅᕙᓪᓕᐊᕕᒃᓴᖏᑦ
• ᑐᑭᓯᓇᑦᓯᐊᕐᓗᓂ ᑲᒪᒋᔭᐅᕙᓪᓕᐊᑎᓪᓗᒋᑦ ᐊᑐᖅᑕᐅᒋᐊᖅᑐᑦ ᐊᐅᓚᑕᐅᓂᖏᓪᓗ
• ᐱᓕᕆᐊᒧᑦ ᐊᐅᓚᑕᐅᔾᔪᑏᑦ ᐃᒪᒋᔭᐅᓗᑎᒃ ᐱᐅᓂᖏᓐᓂᒃ ᓇᓗᓇᐃᖅᓯᒪᒍᑏᑦ ᐊᑐᖅᑕᐅᓂᖏᓪᓗ ᐊᒻᒪᓗ ᑲᒪᒋᔭᕆᐊᓖᑦ ᐸᕐᓇᐅᑎᓂ ᑐᑦᓯᐅᑎᒥ ᑲᒪᒋᔭᐅᕕᑦᓴᒫᖏᓐᓄᑦ ᑲᔪᓯᓯᒪᑦᓯᐊᖁᓪᓗᒋᑦ

4.3 ᐱᓕᕆᐊᒧᑦ ᑮᓇᐅᔭᖅᑑᑎᒃᓴᑦ (ᒥᑦᓴᐅᓴᒍᑕᐅᓯᒪᔪᑦ ᐊᑭᖏᑦ ᐊᑭᓕᖅᓱᕆᐊᓖᓪᓗ)

ᑐᑦᓯᕋᐅᒻᒦᒋᐊᓖᑦ ᒥᑦᓴᐅᓴᒍᑏᑦ ᐱᓕᕆᐊᒧᑦ ᑮᓇᐅᔭᖅᑑᑎᒃᓴᓄᑦ ᓈᖕᒪᒋᐊᖅᓯᒪᓗᒋᑦ ᓇᓗᓇᐃᖅᑐᖅᓯᒪᔪᑦ ᐃᓚᐅᓗᑎᒃ, ᒥᑭᓂᖅᐹᖑᒍᓐᓇᖅᑐᑦ

• ᐃᑲᕐᕋᖅᓯᐅᑎᑦ ᐊᒻᒪᓗ/ᐅᕝᕙᓘᓐᓃᑦ ᖃᐅᑕᒫᖅᓯᐅᑏᑦ ᐊᑭᖏᑦ ᐊᑐᓂᑦ ᐱᓕᕆᖃᑕᐅᔪᑦ ᐅᕝᕙᓘᓐᓃᑦ ᐱᓇᓱᐊᖃᑎᒌᑦ (ᐃᓚᒋᔭᐅᓗᑎᒃ ᑳᓐᑐᓚᒃᑯᑦ ᐃᑲᔪᖅᑏᑦ), ᐊᒻᒪᓗ ᓇᓗᓇᐃᖅᓯᒪᓗᒋᑦ ᐊᐅᓪᓚᖅᓯᒪᒋᐊᖃᕐᓃᑦ, ᐱᑕᖃᕐᓂᖅᐸᑦ ᐊᔾᔨᒋᙱᑉᐸᐅᓪᓘᓐᓃᑦ
• ᐊᑭᖏᑦ ᐋᖅᑭᑦᓯᒪᔪᑦ ᐱᔨᑦᓯᕈᑎᓄᑦ ᓇᓗᓇᐃᖅᓯᒪᓗᑎᒃ (ᐱᔭᕆᐊᖃᕐᓂᖓᒍᑦ)
• ᐊᓯᖏᑦ ᐊᑭᓕᖅᓱᕆᐊᓖᑦ, ᐊᑭᓕᕋᑦᓴᑦ ᐅᕝᕙᓘᓐᓃᑦ ᐊᑭᑭᓪᓕᒋᐊᕈᑏᑦ
• ᖃᑦᓯᓂᒃ ᐃᑲᕐᕋᓂᒃ/ᐅᓪᓗᓂᒃ ᐊᑐᓂᑦ ᐱᓕᕆᖃᑕᐅᔪᓄᑦ ᑎᓕᓯᔾᔪᑕᐅᓯᒪᔪᓂ (ᐊᑐᕐᓗᒋ, ᑎᓕᓯᔾᔪᑕᐅᓯᒪᔪᑦ ᐅᖓᑖᓅᕐᓂᐊᑎᓪᓗᒋᑦ ᐱᖓᓱᑦ ᐅᓪᓗᑦ ᐱᓕᕆᐊᕆᓗᒍ ᐅᕝᕙᓘᓐᓃᑦ ᐊᑭᖃᕐᓂᐊᖅᐸᑦ $3,000 ᐅᖓᑖᓄᑦ, ᓇᓕᐊᑐᐃᓐᓇᖅ ᐊᑦᓯᓂᖅᓴᖅ ᐊᑐᕐᓗᒍ, ᐃᖕᒥᒃᑰᖓᒋᐊᓖᑦ ᓇᓗᓇᐃᖅᓯᒪᓂᖏᑦ ᒥᑦᓴᐅᓴᑦᑕᐅᓯᒪᓂᖏᓪᓗ ᐃᑲᕐᕋᑦ/ᐅᓪᓗᐃᑦ).
• ᐊᑭᓕᖅᓲᑎᑦ ᐋᖅᑭᑦᑕᐅᓯᒪᓂᖏᑦ (ᓲᕐᓗ, ᐊᑭᓕᕆᐊᓕᒃ ᐱᐊᓂᒃᑕᐅᓂᖓᓂ ᐱᓕᕆᐊᖅ ᐅᕝᕙᓘᓐᓃᑦ ᐊᑭᓕᖅᓱᑏᑦ ᐃᓕᔭᐅᓂᖏᓐᓄᑦ ᐊᑐᕐᓗᒋᑦ ᐋᖅᑭᑦᓯᒪᔭᐅᓂᖏᑦ ᐱᐊᓂᒃᑕᐅᕕᒃᓴᖏᑦ ᐅᕝᕙᓘᓐᓃᑦ ᑲᒪᒋᔭᐅᔪᑦ ᐱᕙᓪᓕᐊᔭᐅᓂᖏᓐᓂᒃ ᑲᒪᒋᔭᐅᕙᓪᓕᐊᒋᐊᓕᓐᓄᑦ (ᑭᖑᓕᕇᒥᒃ ᐊᑐᖅᑕᐅᖔᖅᐸᑦ ᓈᖕᒪᒋᔭᐅᓂᖅᓴᖅ ᐱᔭᕆᐊᖃᕐᓂᖓᒍᑦ)).

ᐅᓄᕐᓂᖏᑦ ᑎᑎᕋᖅᑕᐅᓯᒪᒋᐊᓖᑦ ᑮᓇᐅᔭᓪᓚᑦᑖᑎᒍᑦ ᓯᖃᓖᑦ ᐊᑐᖃᓯᐅᑎᓗᒋᑦ, ᐱᖁᑎᓅᖓᔪᑦ ᐱᔨᑦᓯᕈᑎᓄᓪᓗ ᑖᒃᓰᒃ (GST), ᐊᒻᒪᓗ ᓇᓗᓇᐃᖅᑕᐅᓯᒪᓗᑎᒃ ᑲᓇᑕᒥ ᑮᓇᐅᔭᑎᒍᑦ. ᑐᑦᓯᕋᐅᒦᖃᑕᐅᒋᐊᓖᑦ ᓇᓗᓇᐃᖅᑐᖅᓯᒪᔪᑦ ᐱᔪᒐᕆᔭᐅᓂᖅᓴᐅᔪᑦ ᐊᑭᓕᕋᑦᓴᓕᐊᖑᔪᑦ ᐋᖅᑭᑦᑕᐅᓯᒪᓂᖏᑎᒍᑦ, ᐱᑕᖃᖅᐸᑦ, ᐊᒻᒪᓗ ᐃᓚᓕᐅᔾᔭᐅᓯᒪᒍᓐᓇᖅᑐᑦ ᓇᓗᓇᐃᖅᑐᖅᓯᒪᔪᓂᒃ ᐊᑐᖅᑕᐅᓲᒥᒃ ᐊᑭᓕᕋᑦᓴᓕᐅᕐᓂᕐᒧᑦ. ᑐᑦᓯᕋᐅᒻᒦᒋᐊᖃᕐᒥᔪᑦ ᓇᓗᓇᐃᖅᑐᖅᓯᒪᔪᑦ ᑐᑦᓯᕋᖅᑐᖅ ᐊᑭᓖᑎᑦᓯᓂᐊᕐᒪᖔᖅ ᑎᑎᖅᑭᕆᔾᔪᑎᓂᒃ/ᐊᐅᓚᑦᓯᔾᔪᑎᓂ (ᐄᖑᑉᐸᑦ, ᐳᓴᖓ (ᑎᑎᖅᑭᕆᔾᔪᑎ/ᐊᐅᓚᑦᓯᔾᔪᑎ ᐊᑭᖓᓄᑦ, ᐋᖅᑭᒋᐊᖅᓯᒪᑎᓪᓗᒍ, ᐅᖓᑖᓅᕆᐊᖃᙱᑦᑐᖅ 10% ᐱᓕᕆᐊᖅ ᑮᓇᐅᔭᖅᑑᑎᒃᓴᖏᓐᓂ (ᐃᓚᒋᔭᐅᑎᓐᓇᒋᑦ GST ᐊᒻᒪᓗ ᐊᑭᓕᖅᓲᑏᑦ/ᐊᑭᓕᖅᓱᕿᐊᓖᑦ)).

ᐊᑭᓕᖅᓱᕆᐊᓕᓕᒫᑦ/ᐊᑭᓕᖅᓲᑏᑦ ᑐᙵᕕᖃᕐᓂᐊᖅᑐᑦ ᒥᑦᓴᐅᓴᒍᑎᓂᒃ ᐊᒻᒪᓗ ᐊᖏᖅᑕᐅᓯᒪᒋᐊᓕᒃ ᐱᓕᕆᐊᒧᑦ ᐊᐅᓚᑦᓯᔨᒧᑦ ᑐᑦᓯᕋᖅᑐᖅ ᓂᕈᐊᖅᑕᐅᓂᖅᐸᑦ ᐃᓚᐅᖁᔭᐅᓗᓂ ᑲᓐᑐᓛᖓᓄᑦ ᑐᙵᕕᒃᑯᑦ.

ᐃᓄᐃᑦ ᓇᖕᒥᓂᖁᑎᓖᑦ ᑎᑎᕋᖅᑕᐅᓯᒪᔪᑦ ᑐᙵᕕᒃᑯᑦ ᐃᓄᐃᑦ ᓇᖕᒥᓂᖁᑎᓖᑦ ᑎᑎᕋᖅᑕᐅᓯᒪᕕᖓᓄᑦ ᑐᓂᔭᐅᓂᐊᖅᑐᑦ ᐋᖅᑭᒋᐊᕈᑎᓂᒃ (ᐃᓄᓐᓄᑦ ᓇᖕᒥᓂᖁᑎᓕᓐᓄᑦ ᐋᖅᑭᒋᐊᕈᑏᑦ) 20% ᐊᑭᖏᓐᓄᑦ ᐊᒻᒪᓗ ᐊᑭᓕᖅᓱᕆᐊᓕᓐᓄᑦ ᑐᑦᓯᕋᐅᓯᐊᖑᔪᒨᖓᔪᓄᑦ. ᑐᓂᔭᐅᖁᓪᓗᑎᑦ ᐃᓄᐃᑦ ᓇᖕᒥᓂᖁᑎᖏᓐᓄᑦ ᐋᖅᑭᒋᐊᕈᑎᓂᒃ, ᑐᑦᓯᕋᐅᑎᓃᖃᑕᐅᒋᐊᓖᑦ ᖃᐅᔨᑎᑦᓯᒍᑏᑦ ᑐᑦᓯᕋᖅᑑᑉ ᓇᖕᒥᓂᖁᑎᖓᑕ ᐋᖅᑭᑦᓯᒪᓂᖓᓂᒃ. ᑐᑦᓯᕋᐅᑎᓃᒋᐊᖃᕐᒥᔪᑦ ᓇᓗᓇᐃᖅᑐᖅᓯᒪᔪᑦ ᑳᓐᑐᓛᒃᑕᐅᔪᒧᑦ ᐃᑲᔪᖅᑎᓕᒫᓅᖓᔪᑦ, ᐃᓚᒋᔭᐅᓗᑎᒃ ᐊᑭᖏᑦ ᐊᑭᓕᖅᓱᕆᐊᓖᓪᓗ ᐃᑲᔫᑎᓄᑦ ᑳᓐᑐᓛᒃᑕᐅᓯᒪᔪᒧᑦ ᐃᑲᔪᖅᑎᖏᓐᓂᒃ. ᐃᓄᓐᓄᑦ ᓇᖕᒥᓂᖁᑎᓕᓐᓄᑦ ᐋᖅᑭᒋᐊᕈᑏᑦ ᐊᑐᖅᑕᐅᑎᑕᐅᔾᔮᖏᑦᑐᑦ ᓇᓕᑐᐃᓐᓇᖓᓄᑦ ᑐᑦᓯᕋᐅᑎᐅᑉ ᐱᓕᕆᐊᖅ ᑳᓐᑐᓛᒃᑯᑦ ᐃᑲᔪᖅᑕᐅᓂᐊᖅᐸᑦ ᐃᓅᖏᑦᑐᒧᑦ−ᓇᖕᒥᓂᖁᑎᓕᒻᒧᑦ. ᐃᓄᐃᑦ ᓇᖕᒥᓂᖁᑎᖏᓐᓄᑦ ᐋᖅᑭᒋᐊᕈᑏᑦ ᐊᑐᖅᑕᐅᒍᓐᓇᖅᑐᑦ ᑐᑦᓯᕋᐅᓯᐊᖑᓯᒪᔪᓄᑦ ᐃᓅᖏᑦᑐᒧᑦ−ᓇᖕᒥᓂᖁᑎᓕᖕᒧᑦ ᓇᓕᑐᐃᓐᓇᖓᓅᖓᔪᒥᒃ ᑐᑦᓯᕋᐅᑦ ᐱᓕᕆᐊᖑᓂᐊᖅᐸᑦ ᑳᓐᑐᓛᒃᑕᐅᓯᒪᔪᖅ ᐃᑲᔪᖅᑎᖃᕐᓂᐊᖅᐸᑦ ᐃᓄᐃᑦ ᓇᖕᒥᓂᖁᑎᖓᓂᒃ.

4.4 ᐊᑐᕐᓂᖅ ᐃᓄᖕᒥᒃ ᐃᖅᑲᓇᐃᔭᖅᑎᖃᕐᓂᕐᒥᒃ

ᑐᙵᕕᒃᑯᑦ ᖁᕝᕙᕆᐊᖅᑎᑦᓯᖃᑦᑕᖅᑐᑦ ᐃᓄᓐᓂᒃ ᐃᖅᑲᓇᐃᔭᖅᑎᖃᕐᓂᕐᒥᒃ ᐊᒻᒪᓗ ᐊᑐᕐᓂᕐᒥᒃ ᐃᓄᓐᓂᒃ ᐃᖅᑲᓇᐃᔭᖅᑎᓂᒃ. ᑐᓂᔭᐅᒍᑎᒃᓴᐅᓪᓗᓂ ᐋᖅᑭᒋᐊᕈᑎ ᐊᑐᕐᓂᕐᒥᒃ ᐃᓄᓐᓂᒃ ᐃᖅᑲᓇᐃᔭᖅᑎᑦᓯᓂᕐᒥᒃ, ᑳᓐᑐᓛᒧᑦ ᑐᑦᓯᕋᐅᑎᓃᖃᑕᐅᒋᐊᓖᑦ ᓇᓗᓇᐃᖅᑐᖅᓯᒪᔪᑦ ᑐᑦᓯᕋᐅᑎᓃᓪᓗᓂ ᐊᑐᕐᓂᕐᒥᒃ ᐃᓄᓐᓂᒃ ᐃᖅᑲᓇᐃᔭᖅᑎᓂᒃ ᑐᑦᓯᕋᐅᓯᐅᖅᑐᒥᒃ ᐊᒻᒪᓗ ᑳᓐᑐᓛᒃᑯᑦ ᐃᑲᔪᖅᑎᓕᒫᓂᒃ. ᑳᓐᑐᓛᒧᑦ ᑐᑦᓯᕋᐅᑏᑦ ᓴᖅᑭᔮᖅᑎᑦᓯᔪᑦ ᐊᑐᕐᓂᕐᒥᒃ ᐃᓄᓐᓂᒃ ᐃᖅᑲᓇᐃᔭᖅᑎᑦᓯᓂᕐᒥᒃ (ᑐᕋᐃᓐᓇᖅᑐᒥ ᐅᕝᕙᓘᓐᓃᑦ ᑳᓐᑐᓛᒃᑕᐅᓯᒪᔪᒧᑦ−ᐃᑲᔪᖅᑎᑎᒍᑦ) ᑐᓂᔭᐅᓂᐊᖅᑐᑦ ᑎᑭᐅᑎᓯᒪᔪᓂᒃ 20% ᐃᓘᓐᓈᒍᑦ ᐊᑐᐃᓐᓇᐅᑎᑕᐅᔪᓄᑦ ᓈᓴᐅᑎᖅᓱᐃᔾᔪᑎᓄᑦ. ᐅᓂᒃᑳᓕᐅᕈᑕᐅᖃᑕᐅᒋᐊᓕᒃ ᑐᓂᔭᐅᔪᒧᑦ ᑐᑦᓯᕋᐅᓯᐅᖅᓯᒪᔪᒧᑦ ᐊᑐᓪᓚᑦᑖᖅᓯᒪᓂᕐᒥᒃ ᐃᓄᓐᓂᒃ ᐃᖅᑲᓇᐃᔭᖅᑎᓂᒃ ᑳᓐᑐᓛᒃ ᑐᓂᔭᐅᓚᐅᖅᑎᓪᓗᒍ ᐊᒻᒪᓗ ᑲᔪᓯᑎᑦᓯᖏᓐᓂᖅ ᑐᑦᓯᕋᐅᑕᐅᔪᒥᒃ ᐃᓄᓐᓂᒃ ᐃᖅᑲᓇᐃᔭᖅᑎᖃᕐᓂᕐᒧᑦ ᑐᕌᒐᕐᒥᒃ ᐊᑭᓖᑎᑕᐅᒍᑕᐅᓂᐊᖅᑐᖅ.

4.5 ᐃᖕᒥᒨᖓᓗᐊᖅᑐᓄᑦ ᐊᒃᑑᒻᒪᑎᖃᕐᓂᖅ

ᑐᒃᓯᕋᐅᑏᑦ ᓴᖅᑮᓯᒪᔭᕆᐊᓖᑦ ᐊᑦᑑᒻᒪᑎᖃᓪᓚᑦᑖᓂᕐᒥᒃ ᐅᕝᕙᓘᓐᓃᑦ ᐊᒃᑑᒻᒪᑎᖃᑐᐃᓐᓇᕆᐊᖃᕐᓂᕐᒥᒃ ᐃᖕᒥᒨᖓᔪᒧᑦ. ᑐᙵᕕᒃᑯᑦ ᐊᑐᐊᒐᖏᓐᓂ ᐊᔪᖅᑎᑕᐅᔪᑦ ᐃᓚᒋᔭᐅᔪᑦ ᑐᙵᕕᒃᑯᑦ ᑲᑎᒪᔨᖏᓐᓄᑦ, ᐊᐅᓚᑦᓯᔨᖏᓐᓄᑦ, ᐃᖅᑲᓇᐃᔭᖅᑎᖏᓐᓄᓘᓐᓃᑦ ᐃᓚᐅᑎᑕᐅᓂᕐᒥᒃ ᐱᓕᕆᐊᒃᓴᒧᑦ ᑳᓐᑐᓛᒧᑦ ᑐᙵᕕᒃᑯᓐᓂᒃ ᑭᓱᑐᐃᓐᓇᕐᒥᒃ ᖃᑭᒍᑎᒋᓇᔭᖅᑕᖓᓂᒃ, ᐊᒻᒪᓗ ᐊᑐᐊᒐᕐᓂ ᓇᓗᓇᐃᖅᓯᒪᔪᖅ “ᐃᓚᖏᑦ” ᐊᕙᖕᒧᓕᖓᓪᓗᓂ. ᖃᐅᔨᒋᐊᕐᕕᒋᒋᐊᓖᑦ ᑐᑭᓯᒋᐊᕐᕕᒃᓴᖅ ᓇᓗᓇᐃᖅᓯᒪᔪᖅ ᑐᑭᓯᒃᑲᓐᓂᕐᕕᒋᓂᐊᕋᕕᐅᒃ.

5.0 ᑐᑦᓯᕋᐅᑎᓂᒃ ᖃᐅᔨᓴᕈᑎ

ᑐᑦᓯᕋᐅᑏᑦ ᐱᐊᓂᒃᓯᒪᓂᕋᖅᑕᐅᔪᑦ ᖃᐅᔨᓴᖅᑕᐅᓂᐊᖅᑐᑦ ᒪᓕᓪᓗᒋᑦ ᐅᑯᐊ ᒪᓕᒐᑦᓴᓕᐊᖑᓯᒪᔪᑦ:

ᒪᓕᒃᑕᐅᔭᕆᐊᓕᒃ	ᓈᓴᐅᑎᖅᓱᐃᔾᔪᑎᑦ
ᑯᐊᐳᕇᓴᓐ ᐱᕆᓕᓯᒪᓂᖓ: 10 ᑭᓇᑐᐃᓐᓇᖅ ᐊᒻᒪᓗ ᐱᓕᕆᖃᑎᒌᑦ ᖃᐅᔨᒪᓂᖏᑦ/ᐱᓕᕆᓯᒪᓂᖏᑦ: 20 ᐱᓕᕆᐊᖑᓯᒪᔪᑦ ᐊᒻᒪᓗ ᖃᐅᔨᒋᐊᕐᕕᑦ: 10	ᑲᑎᓐᓂᖓ: 40
ᐱᓕᕆᐊᖅ ᑲᒪᒋᔭᐅᓂᖓ ᐊᒻᒪᓗ ᐱᓕᕆᐊᒃᓴᒧᑦ ᐸᕐᓇᐅᑎ	10
ᐱᓕᕆᐊᒧᑦ ᑮᓇᐅᔭᖅᑑᑎᒃᓴᖅ (ᒥᑦᓴᐅᓴᑦᑕᐅᓯᒪᔪᖅ ᐊᑭᖓ ᐊᑭᓕᖅᓱᕆᐊᓖᓪᓗ, ᐃᓚᒋᔭᐅᓗᑎᒃ ᐃᓄᐃᑦ ᓇᖕᒥᓂᖁᑎᖏᓐᓄᑦ ᐋᖅᑭᒋᐊᕈᑏᑦ, ᐊᑐᕆᐊᖃᖅᐸᑕ)	30
ᐊᑐᕐᓂᖅ ᐃᓄᓐᓂᒃ ᐃᖅᑲᓇᐃᔭᖅᑎᓂᒃ	20
ᑲᑎᓪᓗᒋᑦ ᓈᓴᐅᑎᖅᓱᐃᔾᔪᑎᑦ	100

Download (PDF, Unknown)