ᑐᓴᕋᑦᓴᓕᕆᔩᑦ

ᐃᓄᐃᑦ ᑎᓕᐅᕆᔪᑦ ᓴᐳᔾᔭᐅᓯᒪᒍᒪᓂᕐᒥᑦ ᐊᒻᒪ ᒫᓐᓇ ᐸᕐᓇᒍᑎᖃᖁᔨᓪᓗᑎᒃ – ᐊᑭᓖᕐᔪᐊᕆᐊᖃᓚᐅᓐᖏᓐᓂᕐᒥᓂ

ᓴᖅᑭᑎᑕᐅᑲᐅᑎᒋᒋᐊᓕᒃ

(ᕕᕝᕗᐊᕆ 18, 2020) ᐃᓄᐃᑦ ᓂᓪᓕᖅᐸᓪᓕᐊᖅᑳᓚᐅᖅᐳᑦ ᑐᓴᖅᑎᑦᓯᓪᓗᑎᒃ ᐅᔾᔨᖅᑐᖁᔨᓪᓗᑎᒃ ᐱᔾᔪᑎᒋᓪᓗᒍ ᓯᓚᐅᑉ ᐊᓯᔾᔨᖅᐸᓪᓕᐊᓂᖓ ᐊᕐᕌᒍᒐᓴᐅᓕᖅᑐᓂᒃ, ᐱᒋᐊᓚᐅᖅᑎᓐᓇᒍ ᑕᒪᓐ ᐅᔾᔨᖅᑐᖁᔨᓂᖏᑦ ᖃᐅᔨᓴᖅᑎᒻᒪᕇᑦ ᓄᓇᕐᔪᐊᓂ. ᑕᐃᑦᓱᒪᓂ ᐊᒻᒪ ᒫᓐᓇᐅᓕᖅᑐᖅ ᐃᓄᐃᑦ ᑕᑯᕙᓪᓕᐊᖕᒪᑕ ᓯᕗᓪᓕᐅᓪᓗᑎᒃ ᐊᓯᔾᔨᖅᐸᓪᓕᐊᓂᖓᓂᒃ ᐅᑭᐅᖅᑕᖅᑑᑉ ᐊᒻᒪ ᓄᓇᓕᖁᑎᑦᑎᓐᓂ. ᐅᓄᖅᓯᕙᓪᓕᐊᑎᓪᓗᒋᑦ ᐅᒥᐊᕐᔪᐊᑦ ᐅᑭᐅᖅᑕᖅᑐᒨᖅᐸᓪᓕᐊᔪᑦ − ᓄᓇᕐᔪᐊᑉ ᓯᓚᖓ ᐊᓯᔾᔨᖅᐸᓪᓕᐊᑎᓪᓗᒍ, ᓯᑯᐃᑦ ᐊᐅᒃᐸᓪᓕᐊᔪᑦ, ᐃᒪᖃᕐᕖᑦ ᒪᐃᖅᑐᑦ. ᐃᓄᐃᑦ ᐃᓚᒋᐊᖃᕐᓂᖏᑦ ᑕᕆᐅᕐᒥᒃ ᐊᐅᓚᑦᓯᓂᒃᑯᑦ ᐱᓕᕆᖃᑎᒋᓗᒋᑦ ᓴᓇᕝᕕᒡᔪᐊᑦ ᐊᒻᒪ ᒐᕙᒪᒃᑯᑦ ᓴᐳᔾᔭᐅᓯᒪᔾᔪᑎᒃᓴᖏᓐᓂᒃ ᓄᓇᖁᑎᑦᑕ ᐊᐅᓚᓂᖓ ᐅᓪᓗᒥ ᐊᒻᒪ ᓯᕗᓂᒃᓴᒧᑦ ᐱᑕᖃᕆᐊᖃᒻᒪᕆᖕᓂᐊᖅᑐᑦ ᐃᓚᐅᒋᐊᖃᕐᓂᖏᑦ.

“ᐃᓅᓪᓗᑕ, ᐸᖅᑭᔨᐅᒐᑦᑕ ᑕᒪᑐᒥᖓ ᐊᕕᒃᑐᖅᓯᒪᓂᐅᔪᒥᒃ ᐊᒻᒪ ᑐᓂᓯᕙᒃᑐᒥᒃ ᐱᒍᒪᔭᑦᑎᓐᓂᒃ, ᒫᓐᓇ ᐊᒻᒪ ᓯᕗᓂᒃᓴᒧᑦ. ᓱᓕ ᑕᑎᕆᒐᑦᑎᒍ ᑕᕆᐅᑉ ᐊᕙᑎᖓ; ᓯᒡᔭᒥᐅᖑᒐᑦᑕ, ᑕᕆᐅᕐᒥ ᐊᒻᒪ ᐊᑐᕆᐊᖃᖅᑐᑎᒍᑦ ᑕᕆᐅᑉ ᓯᑯᖏᑦ.”
– ᐊᓗᑭ ᑰᑦᑎᖅ, ᐊᖓᔪᖅᑳᖓᑦ, ᓄᓇᕗᑦ ᑐᓐᖓᕕᒃ ᑎᒥᖓᖅ

ᐃᓄᐃᑦ ᓄᓇᓕᖏᑦ ᐊᑐᖃᑦᑕᕆᐊᖃᕐᒪᑕ ᓂᐅᕕᕐᕕᖕᓂᑦ ᖃᓪᓗᓈᑦ ᓄᓇᖏᓐᓂᑦᑐᓂᒃ ᓱᓇᒃᑯᑖᒃᓴᒥᓄᑦ, ᑭᓯᐊᓂ ᓱᓕᒋᕗᖅ ᑕᒪᒃᑯᐊ ᐃᓄᑦ ᓄᓇᓕᖏᑦ ᓱᓕ ᐊᑐᖅᑐᑦ ᐱᑕᖃᑦᓯᐊᕐᓂᖓᓂᒃ ᐱᑕᖃᖅᑎᑕᐅᔪᓂᒃ ᓄᓇᒧᑦ ᐊᒻᒪ ᐃᒪᕐᓄᑦ. ᑕᒡᕙᓂ, ᐱᑕᖃᕆᐊᖃᖅᑐᖅ ᐊᑦᑕᕐᓇᖏᑦᑐᒥᒃ ᐊᒻᒪ ᑮᓇᐅᔭᓕᐅᕈᑎᖃᕈᓐᓇᕐᓗᓂ ᐋᖅᑭᑦᑎᐊᖅᓯᒪᔪᓂᒃ ᐅᒥᐊᕐᔪᐊᒃᑰᖃᑦᑕᖅᑎᑦᓯᓂᕐᒥᑦ ᐊᒻᒪ ᐃᖏᕐᕋᔾᔭᕋᑦᑐᓄᑦ ᐊᖅᑯᑎᒃᓴᓂᒃ ᓅᑦᑕᕈᑕᐅᓂᐊᖅᑐᓂᒃ ᐃᓄᖕᓄᑦ ᐊᒻᒪ ᐱᖁᑎᓄᑦ ᑕᒪᒃᑯᓄᖓ ᐊᒻᒪ ᓯᓚᑖᓄᑦ ᐊᖏᕐᕋᖃᕐᕕᑦᑕ ᐱᑕᖃᕆᐊᖃᒻᒪᕆᒃᑐᖅ. ᐋᖅᑭᒃᓱᐃᒋᐊᖃᖅᑐᒍᑦ ᐱᑦᓯᐊᕋᓱᐊᕐᓗᒍ.

ᐃᓱᒫᓘᑕᐅᓗᐊᖅᑐᖅ ᐱᔾᔪᑎᖃᖅᑐᖅ ᐊᑐᖅᑕᐅᓂᖏᑦ ᐅᖁᒪᐃᑦᑯᑦ ᐅᖅᓱᐊᓗᐃᑦ ᐅᒥᐊᕐᔪᐊᓄᑦ ᐊᒡᔭᖅᓯᕙᒃᑐᓄᑦ ᓴᓗᒪᐃᓪᓕᖅᑎᔪᓐᓇᖅᑐᑦ ᐃᓄᖁᑎᑦᑎᓐᓂᒃ ᐊᒻᒪ ᓄᓇᓕᑦᑎᓐᓂᒃ ᐅᖅᓱᐊᓗᖕᒥᑦ ᑯᕕᔪᖃᕐᓂᖅᐸᑦ, ᒪᓐᓇᐅᔪᖅ ᐊᑑᑎᖃᖅᑐᓂᒃ ᐱᓕᕆᔾᔪᑎᒃᓴᖃᓐᖏᒻᒪᑦ ᐅᖅᓱᐊᓗᖕᓂᑦ ᑯᕕᔪᖃᕐᓂᖅᐸᑦ ᐅᑭᐅᖅᑕᖅᑐᒥ ᐊᒻᒪ ᐊᒃᑐᐃᒐᔭᕐᓂᖓ ᐳᔪᕐᓗᖕᒥᑦ ᐊᓂᐊᑎᑦᓯᓂᒃᑯᑦ. ᑕᐃᒪᐃᒻᒪᑦ, ᐅᖓᑖᓄᑦ 15 ᐊᕐᕌᒍᑦ, ᐃᓄᐃᑦ ᓄᓇᕐᔪᐊᓂ ᑲᑎᒪᔨᖏᑦ ᐃᓚᐅᓯᒪᔪᑦ ᐅᖃᐅᓯᐅᓂᖓᓄᑦ ᐅᑦᑕᕐᓇᕆᐊᖃᓐᖏᓐᓂᖓ ᐅᑭᐅᖅᑕᖅᑐᒥ ᐅᒥᐊᕐᔪᐊᒃᑰᖅᑎᑦᓯᓂᖅ ᑖᒃᑯᓇᓂ ᐅᑭᐅᖅᑕᖅᑐᒨᖓᔪᓂᒃ ᑲᑎᒪᔨᓄᑦ ᐊᒻᒪ ᒫᓐᓇᒫᖑᓚᐅᖅᑐᖅ ᑖᒃᑯᑎᒎᓇᖅ ᓄᓇᕐᔪᐊᓂ ᑕᕆᐅᕐᒥᑦ ᐃᒪᓕᕆᓂᕐᒧᑦ ᑲᑐᔾᔨᖃᑎᒌᑦ (IMO).

ᑕᒪᐃᓐᖓᓂᒃ 2006, ᐅᒥᐊᕐᔪᐊᒃᑯᑦ ᐃᖏᕐᕋᔭᕋᑦᑐᑦ ᓄᓇᕗᑦ ᐃᒪᖏᓐᓂ ᐅᓄᖅᓯᕚᓪᓕᖅᓯᒪᓕᖅᑐᑦ 63%. ᓇᓗᓇᕈᓐᓃᖅᑐᖅ ᑕᒪᓐᓇ ᐊᒃᓱᕉᓴᑎᑦᓯᓕᖅᑐᖅ ᑕᕆᐅᑉ ᐊᕙᑎᐊᓂᒃ ᐊᒻᒪ ᐃᓄᐃᑦ ᐃᓅᓯᖏᓐᓂᒃ. ᓇᐅᑦᓯᖅᑐᕐᓂᖅᓴᐅᒍᒪᓪᓗᒍ ᐅᓄᖅᓯᕙᓪᓕᐊᓂᖓ ᐊᖏᕐᕋᔭᕋᑦᑐᑦ, ᓄᓇᕗᑦ ᑐᓐᖓᕕᒃ ᑎᒥᖓᑦ ᐊᕐᕌᒍᐊᓂ 2017 ᐋᖅᑭᒃᓯᓚᐅᖅᑐᑦ ᐃᓄᐃᑦ ᑕᕆᐅᕐᒥᑦ ᓇᐅᑦᑎᖅᑑᑎᒃᓴᖏᑦ ᐱᓕᕆᐊᑦ ᑲᑎᖅᓱᐃᒍᑎᒋᓂᐊᕐᓗᒋᑦ ᑕᕆᐅᕐᒥ ᐃᖏᕐᕋᔭᕋᑦᑐᓄᑦ ᑐᑭᓯᒋᐊᕈᑎᒃᓴᓂᒃ ᐊᒻᒪ ᐊᓯᖏᑦ ᐃᓄᐃᑦ ᑲᑐᔾᔨᖃᑎᒌᑦ, ᐊᒻᒪ ᐱᑕᖃᖅᑎᑦᓯᓗᑎᒃ ᓄᓇᕗᑦ ᑐᓐᖓᕕᒃ ᑎᒥᖓᓐᓄᑦ ᐊᒻᒪ ᐊᑐᕐᓂᐊᕐᓗᑎᒃ ᐃᓄᐃᑦ ᖃᐅᔨᒪᔭᑐᖃᖏᓐᓂᒃ ᑐᑭᓯᒋᐊᕈᑎᒃᓴᐅᒋᐊᖃᖅᑐᓂᒃ ᐸᕐᓇᐅᑎᖃᑦᓯᐊᕐᓂᐊᕐᓗᓂ. ᓱᓕ ᑕᐃᒪᓐᖓᓂᒃ 2009 ᐃᓄᐃᑦ ᐃᓘᓐᓇᖏᓐᓂᒃ ᓯᑕᒪᓂᒃ ᓄᓇᕐᔪᐊᓂ ᐃᑲᔪᖅᓯᒪᔪᑦ ᐱᕙᓪᓕᐊᑎᑕᐅᓂᖓᓄᑦ ᐊᑐᓕᖁᔭᐅᔪᖅ ᑖᒃᑯᓇᓂ ᐅᑭᐅᖅᑕᖅᑐᒥ ᑲᑎᒪᔨᐅᔪᑦ ᑕᕆᐅᕐᒥ ᐃᖏᕐᕋᔭᕋᓐᓂᖅ
ᕿᒥᕐᕈᔭᐅᖁᓪᓗᒍ, ᐱᓗᐊᖅᑐᒥᒃ ᖁᒡᕙᕆᐊᖅᓯᒪᔪᖅ ᐅᖅᓱᐊᓗᖕᓂᑦ ᑯᕕᑎᑦᓯᑦᑕᐃᓕᔾᔪᑏᑦ ᐊᒻᒪ ᐱᑕᖃᕆᐊᖃᕐᓂᖓ ᓴᖅᑭᑎᑦᓯᓗᓂ ᐊᕙᑎᓕᕆᓂᕐᒧᑦ ᒪᓕᒐᒃᓴᓂᒃ ᐱᓪᓗᒋᑦ ᐳᔪᕐᓗᖕᓂᑦ ᓯᓚᑐᐃᓐᓇᕐᒧᑦ ᐊᓂᐊᕆᓂᖅ, ᓱᕈᕐᓇᖅᑐᓖᑦ
sulphur dioxide ᐊᒻᒪ nitrous oxide.

ᑕᒡᕙᓂ 2018 ICC ᑲᑎᒪᕐᔪᐊᖅᑎᓪᓗᒋᑦ ᑕᐃᑲᓂ ᐅᖅᑯᕐᕕᒃ ᐊᑐᓕᖁᔨᓚᐅᖅᑐᑦ ᑖᒃᑯᐊ ᐃᓄᐃᑦ ᓄᓇᕐᔪᐊᓂ ᑲᑎᒪᔨᖏᑦ, “ᖁᒡᕙᕆᐊᕆᖁᓪᓗᑦ ᐊᑐᓕᖅᑎᑕᐅᓂᒃᓴᖏᓐᓂᒃ ᑖᒃᑯᐊ ᑖᒃᑯᑎᒎᓇᖅ ᓄᓇᕐᔪᐊᓂ ᑕᕆᐅᕐᒥᑦ ᐃᒪᓕᕆᓂᕐᒧᑦ ᑲᑐᔾᔨᖃᑎᒌᑦ IMO ᐅᑭᐅᖅᑕᖅᑐᒥ ᒪᓕᒐᖅ ᐊᓯᖏᑦ ᓄᓇᕐᔪᐊᓂ ᐊᒻᒪ ᒐᕙᒪᖃᕐᕕᐅᔪᓂ ᒪᓕᒋᐊᓖᑦ, ᖁᒡᕙᕆᐊᕐᓗᒋᑦ ᑐᐊᕕᕐᓇᖅᑐᖃᖅᑎᓪᓗᒍ ᑭᐅᔾᔪᑎᒃᓴᑦ ᐊᒻᒪ ᓄᖑᑎᖅᐸᓪᓕᐊᔾᔪᑎᒃᒪᑦ ᐅᖁᒪᐃᑦᑐᓄᑦ ᐅᖅᓱᐊᓗᖕᓄᑦ (HFO) ᒥᑭᓂᖅᐹᖑᑎᒍᓐᓇᖁᓪᓗᒋᑦ ᐊᒃᑐᐃᓂᖏᑦ ᑕᕆᐅᕐᒥ ᐳᐃᔨᓂᒃ ᐊᒻᒪ ᐃᖃᓗᖕᓂᑦ ᐊᒻᒪ ᐸᒡᕕᓴᐃᖁᓇᒋᑦ ᐊᕐᕌᒎᑉ ᐃᓗᐊᓂ ᐊᖑᓇᓱᖕᓇᐅᕙᒃᑐᓂᒃ ᐊᒻᒪ ᐊᑦᑕᕐᓇᑎᖃᖁᓇᒍ ᐊᒻᒪ ᐊᕙᑎᕗᑦ ᓴᐳᔾᔭᐅᓯᒪᖁᓪᓗᒍ.”

ᑲᓇᑕᒥ ᐃᖏᕐᕋᔪᓕᕆᔩᑦ ᒫᓐᓇᒫᖅ ᑐᓴᖅᑎᑦᓯᓚᐅᕐᒪᑕ ᐃᑲᔪᖅᓱᐃᓂᐊᖅᑐᑎᒃ ᐅᖁᒪᐃᑦᑐᓂᒃ ᐅᖅᓱᐊᓗᖕᓂᑦ ᐊᑐᕐᓂᕐᒥᑦ ᓄᖑᑎᕆᒐᓱᐊᕐᓂᕐᒥᑦ ᐅᑭᐅᖅᑕᖅᑐᒧᑦ ᑕᐅᑐᒐᐅᔪᖅ ᐊᒻᒪ ᓯᕗᓪᓕᖅᐹᖑᔾᔪᑕᐅᓪᓗᓂ ᐊᒻᒪ ᑲᔪᖏᕈᒥᓇᖅᑐᓂ. ᑖᒃᑯᐊ ᒐᕙᒪᑐᖃᒃᑯᑦ ᐊᒻ ᐅᒥᐊᕐᔪᐊᓕᕆᔩᑦ ᓇᓗᓇᐃᖅᑐᑦ ᐃᑲᔪᖅᓱᐃᓂᐊᕐᓂᕐᒥᓂᒃ ᐱᑕᖃᕆᐊᖃᖅᑐᒥᒃ ᐅᑭᐅᖅᑕᖅᑐᒥ ᐱᖁᑎᕐᔪᐊᖑᒋᐊᓕᖕᓂᑦ, ᐃᓚᐅᓗᑎᒃ ᐅᒥᐊᕐᔪᐊᒃᑰᖅᑎᑦᓯᓂᖅ, ᓇᓗᓇᐃᖅᑐᑦ ᓄᓇᕐᔪᐊᓂ ᓯᕗᓪᓕᖅᐹᖑᓂᐊᕐᓂᕐᒥᓂᒃ ᐅᒥᐊᕐᔪᐊᒃᑰᖅᑎᑦᓯᖃᑦᑕᕐᓂᖅ ᓄᓇᓕᖕᓄᑦ ᐊᒻᒪ ᑕᑯᒃᓴᐅᑎᑦᓯᓗᑎᒃ ᑕᒪᒃᑯᐊ ᐅᒥᐊᕐᔪᐊᑦ ᐃᓯᖅᐸᓪᓕᐊᔪᑦ ᐅᑭᐅᖅᑕᖅᑐᒧᑦ ᒪᓕᒋᐊᖃᕐᓂᖏᓐᓂᒃ ᓴᓐᖏᓂᖅᐹᓂᒃ ᐊᕙᑎᓕᕆᓂᕐᒧᑦ ᐱᖁᔭᕐᓂᒃ, ᓴᓚᖃᖅᑐᐃᓐᓇᐅᓂᐊᖅᑐᒍ. ᐃᐃᑲᔫᑎᖁᓪᓗᒍᔪᐊᒃᑰᖅᑎᑦᓯᓂᖅ, ᓇᓗᓇᐃᖅᑐᑦ ᓄᓇᕐᔪᐊᓂ ᓯᕗᓪᓕᖅᐹᖑᓂᐊᕐᓂᕐᒥᓂᒃ ᐅᒥᐊᕐᔪᐊᒃᑰᖅᑎᑦᓯᖃᑦᑕᕐᓂᖅ ᓄᓇᓕᖕᓄᑦ ᐊᒻᒪ ᑕᑯᒃᓴᐅᑎᑦᓯᓗᑎᒃ ᑕᒪᒃᑯᐊ ᐅᒥᐊᕐᔪᐊᑦ ᐃᓯᖅᐸᓪᓕᐊᔪᑦ ᐅᑭᐅᖅᑕᖅᑐᒧᑦ ᒪᓕᒋᐊᖃᕐᓂᖏᓐᓂᒃ ᓴᓐᖏᓂᖅᐹᓂᒃ ᐊᕙᑎᓕᕆᓂᕐᒧᑦ ᐱᖁᔭᕐᓂᒃ, ᓴᓚᖃᖅᑐᐃᓐᓇᐅᓂᐊᖅᑐᒍ. ᐃᑲᔫᑎᖁᓪᓗᒍ ᐸᕐᓇᖕᓂᑦᑎᓐᓄᑦ ᐊᑦᑕᕐᓇᖅᑐᖃᓐᖏᑦᑐᒥᒃ, ᑲᒪᑦᓯᐊᖅᑐᒥᒃ ᐅᒥᐅᕐᔪᐊᒃᑰᑦᑎᑦᓯᖃᑦᑕᕐᓂᖅ ᐅᑭᐅᖅᑕᖅᑑᑉ ᐃᒪᖏᓐᓂᒃ, ᑖᒃᑯᐊ ᑲᓇᑕᐅᑉ ᒐᕙᒪᖏᑦ (ᐊᒻᒪ ᐊᓯᖏᑦ ᒐᕙᒪᐃᑦ) ᐃᓱᒪᒃᓴᖅᓯᐅᕈᑎᖃᕈᓐᓇᖅᑐᑦ ᐅᑎᖅᑎᑦᓯᔾᔪᑕᐅᔪᓐᓇᕐᓗᑎᒃ, ᑖᒃᓰᔭᕐᓂᒃᑯᑦ, ᐊᑭᑭᓪᓕᒋᐊᖅᓯᒪᔾᔪᑎᖃᕈᓐᓇᕐᓂᒃᑯᑦ ᐅᕝᕙᓘᓐᓃᑦ ᐊᓯᖏᑎᒍᑦ ᐅᒥᐊᕐᔪᐊᑦ ᐋᖅᑭᒋᐊᖅᑕᐅᒋᐊᖃᖅᑐᑦ ᒪᓕᖁᓪᓗᒋᑦ ᒪᓕᒋᐊᓕᖕᓂᑦ ᓴᐳᔾᔭᐅᓯᒪᔾᔪᑎᓂᒃ ᐅᑭᐅᖅᑕᖅᑑᑉ ᑕᕆᐅᖓᑕ ᐊᕙᑎᐊᓂᒃ, ᑕᒪᒃᑯᐊ ᐅᖓᓯᒃᑐᑦ ᐅᑭᐅᖅᑕᖅᑐᒥ ᓄᓇᓕᐅᔪᑦ ᐊᑭᓕᖅᑐᐃᒋᐊᖃᕐᓂᐊᖏᒻᒪᑕ ᐊᖏᓐᓂᒃ.

ᒪᓂᑎᑐᐃᓐᓇᕈᑦᑎᒍ ᐊᕙᑎᕗᑦ ᓴᐳᔾᔭᐅᓯᒪᔾᔪᑎᖃᓐᖏᓪᓗᑎᒃ ᐊᓯᐊᒎᕐᕕᒋᔪᓐᓇᖏᑕᕗᑦ, ᑐᓂᓯᑐᐃᓐᓇᕐᓗᑕᓘᓐᓃᑦ ᐊᑭᖏᓐᓂᒃ ᐊᕙᑎᑦᑕ ᓴᐳᔾᔭᐅᓯᒪᔾᔪᑎᒃᓴᖏᓐᓂᒃ ᓄᓇᓕᐅᔪᓄᑦ. ᐊᑐᓕᖅᑎᑦᓯᓂᖅ ᑖᒃᑯᓂᖓ ᐅᖁᒪᐃᑦᑐᓂᒃ ᐅᖅᓱᐊᓗᖕᓂᑦ ᐊᑐᕆᐊᖃᕈᓐᓃᖅᑎᑦᓯᓂᖅ ᓈᒻᒪᖕᒪᑦ ᐊᒻᒪ ᐸᑦᑕᒃᑐᖅᐸᕗᑦ ᑲᓇᑕ ᐃᓚᓕᐅᑎᓂᖓᓂᒃ ᐊᓯᖏᓐᓄᑦ ᐅᑭᐅᖅᑕᖅᑐᒥ ᓄᓇᕐᔪᐊᓄᑦ ᐊᒻᒪ ᑐᓴᖅᑎᑦᓯᓂᖏᑦ ᐃᑲᔪᖅᓱᐃᓂᕐᒥᓂᒃ ᑕᒪᑐᒥᖓ ᓄᖅᑲᖅᑎᑦᓯᒍᒪᔪᓂᒃ ᐅᓪᓗᒥ. ᓄᖅᑲᖅᑎᑕᐅᓗᑎᒃ ᐊᑐᖅᑕᐅᓂᖏᑦ ᐅᖅᓱᐊᓗᐃᑦ ᐅᖁᒪᐃᑦᑐᑦ, ᐊᒻᒪ ᑕᐃᒪᐃᒻᒪᑦ ᐅᓄᕈᓐᓃᖅᐹᓪᓕᕋᔭᖅᑐᖅ ᐳᔪᕐᓗᒃ, ᐱᓗᐊᖅᑐᒥᒃ ᓯᓚᑐᐃᓐᓇᕐᒨᖅᐸᓪᓕᐊᔪᑦ ᒫᓐᓇᑲᐅᑎᒋᒧᑦ ᐊᒻᒪ ᓯᕗᓂᒃᒧᑦ ᐱᐅᔪᒥᒃ ᐊᒃᑐᐃᓂᖃᖅᓯᒪᓂᐊᖅᑐᖅ ᐊᕙᑎᑦᑎᓐᓄᑦ.

“ᑕᒪᒃᑯᐊ ᐃᒪᐃᑦ ᐃᖏᕐᕋᕕᒋᒋᐊᖏᑦ ᐱᔭᕆᐊᑐᔪᑦ, ᐃᒪᐃᓐᓇ ᓴᐳᔾᔭᐅᓯᒪᒋᐊᖃᖅᑐᑦ ᐅᑭᐅᖅᑕᖅᑐᒥ ᐃᒪᖁᑎᕗᑦ ᐊᒻᒪ ᓂᕐᔪᑎᕗᑦ ᐊᒻᒪ ᑕᒪᒃᑯᐊ ᐊᒻᒪ ᐃᒪᓐᓇᖔᖅ ᐅᖃᐅᔾᔭᐅᓯᒪᒐᑦᑕ ᑕᒪᓐᓇ ᓴᐳᔾᔨᓯᒪᓂᖅ ᓴᖅᑭᑎᑦᓯᓂᐊᕐᓂᖓᓂᒃ ᐅᑭᑦᑐᕆᐊᕐᓗᑎᒃ ᒫᓐᓇ ᐊᑭᑐᐊᓂᒃᑐᑦ ᐱᖁᑏᑦ ᐊᑐᕆᐊᖃᖅᑕᕗᑦ. ᐱᓕᕆᖃᑎᒌᒡᓗᑕ, ᓇᓂᓯᓂᐊᖅᑐᒍᑦ ᓯᕗᒻᒧᐊᒍᑎᒃᓴᓂᒃ ᐃᑲᔪᖅᓱᐃᔪᓂᒃ ᐅᒥᐊᕐᔪᐊᒃᑰᖅᑎᑦᓯᖃᑦᑕᕐᓂᕐᒥᑦ, ᓴᐳᑎᓯᒪᓗᒍ ᐊᕙᑎᕗᑦ ᐊᒻᒪ ᐃᒃᐱᒍᓱᑦᓯᐊᖅᑐᓂᒃ ᓄᓇᓕᖕᓂ ᐱᕙᓪᓕᐊᑎᑦᓯᓗᑕ.”
– ᒪᐃᓴ ᖁᐱᕐᕈᐊᓗᒃ, ᐃᓄᐃᑦ ᓄᓇᕐᔪᐊᓂ ᑲᑎᒪᔨᖏᑦ ᑲᓇᑕᒥ, ᑐᒡᓕᐊ ᖓᔪᖅᑳᑉ ᓄᓇᕐᔪᐊᓂ

ᓄᓇᕗᑦ ᑐᓐᖓᕕᒃ ᑎᒥᖓᑦ ᐊᒻᒪ ᓄᓇᕐᔪᐊᓂ ᐃᓄᐃᑦ ᑲᑎᒪᔨᕐᔪᐊᖏᑦᑕ ᐋᖅᑭᒃᓯᒪᔾᔪᑎᖓᑦ ᓇᓗᓇᐃᖅᓯᒪᑦᓯᐊᖅᑐᖅ: ᓄᓇᕐᔪᐊᖑᓪᓗᑕ, ᖃᓄᐃᓕᐅᕈᑎᖃᕆᐊᖃᖅᑐᒍᑦ ᐊᑦᑕᕐᓇᖅᑐᖃᖁᓇᒍ ᐅᑭᐅᖅᑕᖅᑐᒥ ᐅᒥᐊᕐᔪᐊᒃᑰᖃᑦᑕᕐᓂᖅ ᐃᒃᐱᒍᓱᑦᓯᐊᖅᑐᓂᒃ ᐃᓄᖕᓂᑦ ᑕᑎᒋᔭᖃᖅᑐᓂᒃ ᓄᓇᓂᒃ ᐊᒻᒪ ᓯᑯᒥᒃ. ᐃᓄᐃᑦ ᕿᓂᖅᑐᑦ ᐃᖅᑲᓇᐃᔭᕐᕕᒃᓴᓂᒃ ᑕᒪᒃᑯᓇᓂ
ᓴᓇᕝᕕᒡᔪᐊᓂ ᐊᒻᒪ ᒐᕙᒪᒃᑯᓐᓂ ᐊᓯᔾᔩᒍᑕᐅᔪᑦ ᐊᒃᑐᐃᖁᓪᓗᒋᑦ ᑕᒪᒃᑯᐊ ᓴᐳᔾᔭᐅᓯᒪᓕᕐᓗᑎᒃ ᐅᑭᐅᖅᑕᖅᑕᒥ ᑕᕆᐅᑉ ᐊᕙᑎᐊ ᐊᒻᒪ ᐃᑲᔪᖅᓱᕐᓗᒋᑦ ᐃᓄᖏᑦ.

ᑐᑭᓯᒋᐊᕈᑎᖃᒃᑲᓐᓂᕈᒪᒍᕕᑦ, ᐅᓇ ᐅᖃᕐᕕᒋᓗᒍ:

ᖃᔮᖅ ᐃᐅᔅᕘᑦ ᑲᕈᓪ ᓴᐃᒪᓐ
ᐊᖓᔪᖅᑳᖅ ᑐᓴᖃᑦᑕᐅᑎᓕᕆᓂᕐᒧᑦ
ᐅᖃᐅᔾᔨᒋᐊᖅᑏᑦ
ᐊᓪᓚᒡᕕᐊ ᐊᖓᔪᖅᑳᑉ
ᓄᓇᕗᑦ ᑐᓐᖓᕕᒃ ᑎᒥᖓᑦ ᐃᓄᐃᑦ ᓄᓇᕐᔪᐊᓂ ᑲᑎᒪᔨᕐᔪᐊᖏᑦ
ᐅᖃᓘᑖ: (867) 975-4955 ᐅᖃᓘᑖ: (613) 563-2642

Download (PDF, 117KB)