ᑐᓴᒐᒃᓴᖅ ᓴᖅᑭᑎᑕᐅᔪᖅ ᓄᓇᕗᑦ ᐊᖑᓇᓱᒃᑎᓄᑦ ᐃᑲᔫᑏᑦ ᐱᓕᕆᐊᖑᓂᖏᑦ
ᓄᓇᕗᒥ ᐊᖑᓇᓱᒃᑎᓄᑦ ᐃᑲᔫᑏᑑᑦ ᐱᓕᕆᐊᑦ ᑲᔪᓯᑎᑕᐅᓂᐊᖅᑐᑦ ᐅᑯᓄᖓ ᓄᓇᕗᒥ ᐊᕕᒃᑐᖅᓯᒪᔪᖏᓐᓂ ᐃᓄᐃᑦ ᑲᑐᔾᔨᖃᑎᒌᖏᓐᓄᑦ ᐱᒋᐊᕐᓗᓂ ᓯᑎᐱᕆ 1st, 2020.
ᐱᔾᔪᑎᐊ ᑐᑭᐊᑕ ᓄᓇᕗᒥ ᐊᖑᓇᓱᒃᑎᓄᑦ ᐃᑲᔫᑏᑦ ᐱᓕᕆᐊᑦ ᐱᒪᑐᒃᑕᐅᑦᑎᐊᕐᓗᑎᒃ ᐊᒻᒪᓗ ᓯᕗᒻᒧᒃᑎᑕᐅᑦᑎᐊᕐᓗᑎᒃ ᓄᓇᕗᒥ ᐃᓄᐃᑦ ᐊᖑᓇᓱᐊᖃᑦᑕᕐᓂᖏᑦ ᐱᖅᑯᓯᑐᖃᖏᑦᑎᒍᑦ, ᐃᓕᖁᓯᑐᖃᖏᑦ ᐊᒻᒪᓗ ᐱᖅᑯᓯᑐᖃᖏᑦᑎᒍᑦ ᐃᒨᓂᕐᒥᑦ. ᐱᓕᕆᐊᑦ ᐅᑯᐊ ᐃᓚᖃᖅᑐᑦ ᓄᓇᓕᖏᓐᓂ ᐊᖑᓇᓱᒍᔾᔨᖃᑦᑕᕐᓂᕐᒥᑦ ᐱᓕᕆᐊᑎᒍᑦ ᐊᒻᒪᓗ ᐊᖑᓇᓱᖕᓂᕐᒧᑦ ᐱᖁᑎᑦ ᐱᓕᕆᐊᖑᓪᓗᑎᒃ, ᐅᑯᐊ ᐃᒪᓐᓇᐃᑦᑐᑦ ᒥᑭᓂᖅᓴᐃᑦ ᐊᖑᓇᓱᖕᓂᕐᒧᑦ ᐃᖁᑎᑦ ᐱᓕᕆᐊᖑᔪᑦ, ᐊᑦᑕᓇᖅᑕᐃᓕᓂᕐᒧᑦ ᐱᖁᑎᑦ ᐱᓕᕆᐊᖑᔪᑦ ᐊᒻᒪᓗ ᐱᕐᓗᐊᕿᔪᖃᓕᕐᓂᖅᐸᑦ ᐊᖑᓇᓱᖕᓂᕐᒧᑦ ᐱᖁᑎᑦ.
ᓄᓇᕗᑦ ᑐᓐᖓᕕᒃ ᑎᒥᖓᑦ ᐱᓕᕆᐊᖏᑦ ᐃᒪᓐᓇ ᐱᖃᖅᑐᑦ ᐱᑕᖃᕐᖢᑎᒃ 2020 ᑮᓇᐅᔭᓂᒃ ᐊᖏᓂᖃᖅᑐᑦ ᐃᒪᓐᓇ $1,228,162.25.
ᑮᓇᐅᔭᐃᑦ ᐊᑐᐃᓐᓇᐅᔪᑦ ᒪᑯᓄᖓ:
- ᒥᑭᓂᖅᓴᑦ ᐱᖁᑎᑦ: ᑎᑭᐅᑎᓗᒋᑦ 50% ᐱᖁᑎᑦ ᐊᑭᖏᑦ (ᐃᓚᒋᓪᓗᒋᑦ ᐅᓯᔾᔪᑎᑦ ᐊᑭᖏᑦ) ᐃᓱᐊᓄᑦ ᐅᑯᐊ $500 ᐊᑐᓂᑦ ᑐᒃᓯᕋᐅᑎᐅᔪᑦ ᐃᒪᓐᓇ $1,000 ᐊᑐᓂᑦ ᐃᓚᒌᑦ ᐅᑭᐅᒧᑦ ᒥᑭᓂᖅᓴᓄᑦ ᐱᖁᑎᑦ ᐊᖑᓇᓱᖕᓂᕐᒧᑦ ᐱᖁᑎᑦ/ᓴᓇᕐᕕᑎᑦ.
- ᐊᑦᑕᓇᔾᔭᐃᒃᑯᑎᑦ ᐱᖁᑎᑦ: ᑎᑭᐅᑎᓗᒍ 50% ᐱᖁᑎᑦ ᐊᑭᖏᑦ (ᐃᓚᒋᓗᒋᑦ ᐅᓯᔾᔪᑎᑦ ᐊᑭᖏᑦ) ᐃᓱᐊᓄᑦ ᐊᖏᓂᖏᑦ $500 ᐊᑐᓂᑦ ᑐᒃᓯᕋᐅᑎᑦ ᐊᒻᒪᓗ $1,000 ᐊᑐᒥᑦ ᐃᓇᒋᑦ ᖃᑕᖑᑎᒌᑦ ᐅᑭᐅᒧᑦ ᒪᑯᓄᖓ ᐊᑦᑕᓇᔾᔭᐃᒃᑯᑎᓄᑦ ᐱᖁᑎᓄ ᐊᑐᖅᑕᐅᔪᑦ ᐊᖑᓇᓱᖕᓂᕐᒧᑦ.
- ᐱᓪᓗᐊᕿᔪᖃᕐᓂᕐᒧᑦ ᐊᑐᖅᑕᐅᔪᒃᓴᑦ: ᑎᑭᐅᑎᓗᒍ 75% ᐃᓇᖏᖅᓯᔾᔪᑎᒃᓴᓄᑦ ᐊᑭᑦ, ᒪᑯᓄᖓ ᓇᓪᓕᐊᑐᐃᓐᓇᒧᑦ ᐊᖏᔫᑎᓄᑦ ᐱᖁᑎᓄᑦ ᐊᖑᓇᓱᖕᓂᕐᒧᑦ ᐱᖁᑎᑦ ᐊᓯᐊᐅᔨᔭᐅᓐᓂᖅᐸᑕ ᐱᓂᕐᓗᒃᑐᓄᑦ ᐅᕝᕙᓗ ᐃᕐᓗᐊᕿᑎᓪᓗᒋᑦ.
- ᓄᓇᓗᖕᓂ ᐊᖑᓇᓱᒍᔾᔨᓂᑦ: ᐊᑭᖏᑦ ᐅᖅᓱᒃᓴᓄᑦ ᐊᒻᒪᓗ ᓂᕿᓄᑦ ᐊᑐᓂᑦ ᐊᖑᓇᓱᒃᑎᑦ ᐃᓚᐅᔪᑦ ᓄᓇᓕᖕᓂ ᐊᖑᓇᓱᒍᓪᔨᒥᕐᓯᑦ.
ᕿᒃᑯᑦ ᐱᔪᓐᓇᖅᑎᑕᐅᕙᑦ
- ᐃᓄᒃ ᐅᑭᐅᓕᑦ 16−ᓂᒃ ᐅᕝᕙᓗ ᐊᖓᔪᒃᖠᑦ ᐊᒻᒪᓗ ᐊᑐᑎᓕᐅᖃᑕᐅᓯᒪᓗᑎᒃ ᓄᓇᕗᒥ ᐊᖏᕈᑎᓄᑦ;
- ᐊᖑᓇᓱᒃᑎ ᐊᓯᕙᖅᑎ ᐃᓚᐅᔪᑦ ᐃᓕᖅᑯᓯᑐᖃᒃᑯᑦ ᐊᖑᓇᓱᖃᑦᑕᕐᓂᕐᒥᑦ ᐱᓕᕆᓪᓗᑎᒃ; ᐊᒻᒪᓗ
- ᐊᖏᕐᕋᑦᓯ ᐃᒡᓗᒃᓯᓐᓂ ᐅᖓᐅᔾᔨᓯᒪᓐᖏᑉᐸᑕ ᐊᕐᕌᖑᑕᒫᑦ ᑮᓇᐅᔭᓂᒃ ᐃᓱᓕᕝᕕᓖᑦ ᐃᒪᓐᓇ ($1,000) ᐱᔪᓐᓇᕐᕕᐅᔪᒥᑦ ᐅᑭᐅᑉ ᐃᓗᐊᓂ ᑮᓇᐅᔭᓂᒃ.
ᐊᑏ ᐅᖃᕐᕕᒋᑎᐅᑦ ᐃᓄᐃᑦ ᑲᑐᔾᔨᖃᑎᒌᑦ ᑕᑕᑎᕈᑎᓂᒃ ᐊᒻᒪᓗ ᑐᑭᓯᒃᑲᓐᓂᕈᑎᒃᓴᓂᑦ ᑕᒪᑦᓱᒧᖓ ᐱᓕᕆᐊᒧᑦ.
ᕿᑎᕐᒥᐅᑦ ᐃᓄᐃᑦ ᑲᑐᔾᔨᖃᑎᒌᑦ: ᑎᐅᕆᒃ ᐃᓚᐃᔭᔅ, ᓇᖕᒥᓂᖃᖅᑐᓄᑦ ᐱᕙᓪᓕᐊᔪᓕᕆᔨ
ᐅᖃᓘᑖᑕ ᓈᓴᐅᑎᐊ (867) 983-2458
ᑭᕙᓪᓕᖅ ᐃᓄᐃᑦ ᑲᑐᔾᔨᖃᑎᒌᑦ: ᓈᓇᓯ ᐅᓈᓕᒃ
ᐅᖃᓘᑎᐊ: 867-645-5760
ᐅᖃᓘᑎᐊ: 867-645-5764
ᐊᑭᖃᖏᑦᑐᖅ: 1-800-220-6581
ᕿᑭᖅᑕᓂ ᐃᓄᐃᑦ ᑲᑐᔾᔨᖃᑎᒌᑦ: ᓂᐅᕐ ᑭᖑᑦᑕᖅ ᐊᒻᒪᓗ ᐋᑐᕐ ᕋᓐᑐᕐ
ᐅᖃᓘᑎᐊ: 867-975-8381
ᐊᑭᖃᖏᑦᑐᖅ: 1-800-667-2742
