ᐅᑉᓗᖅᓯᐅᕆᔭᐅᓂᖓ ᓱᓕᔪᒥᒃ ᑭᒡᓕᓯᐊᓂᕐᒧᑦ ᐊᒻᒪ ᓴᐃᒻᒪᑎᒌᖕᓂᕐᒧᓪᓗ

ᐅᑉᓗᖅᓯᐅᕆᔭᐅᓂᖓ ᓱᓕᔪᒥᒃ ᑭᒡᓕᓯᐊᓂᕐᒧᑦ ᐊᒻᒪ ᓴᐃᒻᒪᑎᒌᖕᓂᕐᒧᓪᓗ
ᓴᑉᑕᒻᐸ 30 ᐅᑉᓗᕆᔭᖓ ᑕᐃᔭᐅᔪᖅ ᓱᓕᔪᒥᒃ ᑭᒡᓕᓯᐊᓂᕐᒧᑦ ᐊᒻᒪ ᓴᐃᒻᒪᑎᒌᖕᓂᕐᒧᓪᓗ.
ᐃᖃᓗᖕᓂ, ᓄᓇᕗᑦ ᑐᙵᕕᒃ ᑎᒥᖁᑎᖓ ᐊᒻᒪᓗ ᕿᑭᖅᑕᓂ ᐃᓄᐃᑦ ᑲᑐᔾᔨᖃᑎᒌᖏᓪᓗ ᐋᕿᒃᓱᐃᓚᐅᕐᒪᑕ ᐱᓱᖃᑎᒌᖕᓂᐊᖅᑐᓂᒃ ᐃᑦᖃᐅᒪᓂᒃᑯ ᑕᐃᒃᑲᖓ ᐱᓱᒋᐊᕐᓗᑎᒃ ᓄᓇᕗᑦ ᓇᓗᓇᐃᒃᑯᑕᖓᓂ ᓴᓂᐊᓃᑦᑐ ᐃᒡᓗᕗᑦ ᑎᑎᕋᕐᕕᖓᑕ ᑎᒃᑭᓗᒍ ᐃᓐᓇᑐᖃᕐᑯᕕᐊᑦ ᐃᒡᓗᖁᑎᖓᑕ ᓵᖓᓃ, ᐃᑦᖃᐅᒪᓂᖃᕐᓗᑎ ᐊᒻᒪ ᐃᓱᒪᒋᔭᐅᓂᖓᓄᓪᓗ ᐃᓄᖕᓂ ᐃᓕᓐᓂᐊᕐᕕᖕᓄ ᐃᓕᔭᐅᓂᑰᓚᐅᖅᑐᓂᒃ ᑲᓇᑕᓕᒫᒥ.
ᐅᐱᒋᕙᕗᑦ ᑖᑉᑯᐊ ᐃᓕᓐᓂᐊᕆᐊᓚᐅᖅᓯᒪᔪᑦ ᐃᓚᒋᔭᐅᔪᓪᓗ.
ᐊᑐᒐᒃᓴᐅᔪᑦ ᐅᑯᐊᖑᔪᑦ:
1:00 – 1:30 – ᑐᓂᓯᓗᑎᒃ ᐊᐅᑉᐸᑦᑐᓂᒃ ᐊᑎᒐᒃᓴᐅᔪᓂᒃ
1:30 – ᓂᐸᐃᓗᑎᒃ ᐃᑦᖃᐅᒪᓂᖅ
1:35 – 2:15 – ᐃᓄᐃᑦ ᐱᓱᒋᐊᕐᓗᑎᒃ ᐃᒡᓗᕗ ᑎᑎᕋᕐᕕᖓᓂ ᑕᐃᒃᑯᖓ ᐃᓐᓇᑐᖃᑯᒃᕕᐊᑕ ᓵᖓᓄᑦ
2:30-3:30 – ᑐᓂᐅᖃᐃᓂᕐᒥ ᐃᓄᒃᑕᓂ …

(English) NTI Isolation Kit Update for Individuals Impacted by COVID-19

ᑐᙵᕕᒃᑯᑦ ᐊᓂᑦᑕᐃᓕᒋᐊᓕᓐᓄᑦ ᐃᑲᔫᑎᖓᓂᒃ ᐊᙳᑎᑎᑦᓯᒋᐊᕈᑎᖓ ᑭᒃᑯᑐᐃᓐᓇᕐᓄᑦ ᐊᒃᑐᖅᑕᐅᓯᒪᔪᓄᑦ ᓄᕙᔾᔪᐊᕐᓇᖅ−19−ᒧᑦ
(ᓯᑉᑎᒻᐱᕆ 20, 2021 – ᐃᖃᓗᐃᑦ, ᓄᓇᕗᑦ) ᓄᓇᕗᑦ ᑐᙵᕕᒃ ᑎᒥᖓ (ᑐᙵᕕᒃ) ᐊᙳᑎᑎᒋᐊᖅᓯᒪᔭᖏᑦ ᐊᑐᖅᑕᐅᒋᐊᓖᑦ ᓄᓇᕗᒻᒥ ᐃᓄᓐᓄᑦ, ᐊᒃᑐᖅᑕᐅᓯᒪᓪᓚᑖᖅᑐᓄᑦ ᓄᕙᔾᔪᐊᕐᓇᖅ-19, ᑐᒃᓯᕋᐅᑎᓂᒃ ᐊᓂᑦᑕᐃᓕᒋᐊᓕᓐᓄᑦ ᐃᑲᔫᑎᓂᒃ ᐃᑲᔪᖅᑕᐅᒍᑎᒃᓴᑦ ᓱᓇᒃᑯᑖᓄᑦ ᐃᑲᔫᑎᓄᓪᓗ. ᐊᓂᑦᑕᐃᓕᒋᐊᖃᖅᑎᑕᐅᔪᓄᑦ ᐃᑲᔫᑏᑦ ᑐᓂᔭᐅᓂᐊᖅᑐᑦ ᐃᓄᓐᓄᑦ ᓇᓗᓇᐃᖅᑕᐅᓯᒪᔪᓄᑦ ᓄᕙᔾᔪᐊᓇᖅᑖᖅᓯᒪᒋᐊᖏᑦ−19−ᒥᒃ, ᐊᓂᑦᑕᐃᓕᒋᐊᖃᖅᑎᑕᐅᔪᓄᑦ 14-ᓄᑦ ᐅᓪᓗᓄᑦ ᖃᐅᔨᒋᐊᖅᑕᐅᒋᐊᓖᑦ ᖃᐅᔨᓴᖅᑕᐅᓂᖏᓐᓂ, ᐅᕝᕙᓘᓐᓃᑦ ᓄᓇᕗᑦ ᓄᓇᓕᖏᓐᓂ ᓇᓗᓇᐃᖅᑕᐅᓯᒪᔪᖅᑕᓕᓐᓂ ᓄᕙᔾᔪᐊᓇᖅᑖᖅᓯᒪᔪᖃᕆᐊᖓ−19−ᒥᒃ.
ᐊᓂᑦᑕᐃᓕᒋᐊᓕᓐᓄᑦ ᐃᑲᔫᑏᑦ ᐃᑲᔫᑎᒃᓴᒫᑦ ᓄᓇᕗᒻᒥ ᐃᓄᐃᑦ ᐊᖏᕐᕋᖅᓯᒪᑐᐃᓐᓇᖁᓪᓗᒋᑦ. ᐃᓗᓕᓖᑦ ᐃᑲᔫᑏᑦ ᓇᓗᓇᐃᖅᓯᓯᒪᓂᖏᑎᒍᑦ ᑐᓴᐅᒪᑎᑦᓯᒍᑎᓂᒃ ᑐᙵᕕᒃᑯᓐᓄᑦ, ᑐᒃᓯᕋᕈᒪᓐᓂᕈᕕᑦ, ᐊᑏ ᓇᓗᓇᐃᔭᕐᓗᒋᑦ ᑭᓱᓂᒃ ᐱᔭᕆᐊᖃᕐᒪᖔᖅᐱᑦ ᓂᕆᔭᒃᓴᓂᒃ, ᖃᑦᓯᐅᓂᖏᓐᓂᒃ ᐃᓐᓇᐃᑦ ᓄᑕᖅᑲᓪᓗ ᐃᓪᓗᒥᐅᖃᑕᐅᔪᑦ ᐊᒻᒪᓗ ᐱᐊᕋᖅᑕᖃᖅᐸᑦ ᑭᓱᑖᕆᐊᖃᕐᒪᖔᖅ.
ᓄᓇᓖᑦ ᓇᓗᓇᐃᖅᓯᕕᐅᓯᒪᔪᑦ ᓄᕙᔾᔪᐊᓇᖅᑐᖅᑕᖃᕆᐊᖏᑦ, ᓲᕐᓗ …

ᓄᓇᕗᑦ ᒐᕙᒪᒃᖓ ᑐᒃᓯᕋᑕᐅᓚᐅᖅᑐᒥ ᑲᔪᓯᑎᑕᐅᕗᖅ ᒥᓂᔭᒃᓴᓂᑐᓂᒃ ᑐᒃᓯᕋᖅ ᑐᕌᖓᔪᓄᑦ ᐃᓄᖕᓄᑦ ᐱᖁᔭᒃᓴᒧᑦ 55 ᑖᑉᑯᓄᖓ ᐃᓄᖕᓄᒃ ᐃᑲᔪᑎᖃᖏᑐᓄᒃ ᐅᑉᕙᓘᓐᓃ ᑮᓇᐅᔭᖅᑕᕈᑎᖃᖏᓄᑐ ᐊᓯᐊᒍᖅᑐᒥᒃ ᓄᓇᕗᑦᒥ

ᓄᓇᕗᑦ ᒐᕙᒪᒃᖓ ᑐᒃᓯᕋᑕᐅᓚᐅᖅᑐᒥ ᑲᔪᓯᑎᑕᐅᕗᖅ ᒥᓂᔭᒃᓴᓂᑐᓂᒃ ᑐᒃᓯᕋᖅ ᑐᕌᖓᔪᓄᑦ ᐃᓄᖕᓄᑦ ᐱᖁᔭᒃᓴᒧᑦ 55 ᑖᑉᑯᓄᖓ ᐃᓄᖕᓄᒃ ᐃᑲᔪᑎᖃᖏᑐᓄᒃ ᐅᑉᕙᓘᓐᓃ ᑮᓇᐅᔭᖅᑕᕈᑎᖃᖏᓄᑐ ᐊᓯᐊᒍᖅᑐᒥᒃ ᓄᓇᕗᑦᒥ
(ᓴᑉᑕᒻᐸ 17, 2021, ᐃᖃᓗᐃᑦ, ᑲᖏᖅᖠᓂᖅ ᐊᒻᒪ ᐃᖃᓗᒃᑐᑦᓯᐊᖅ, ᓄᓇᕗᑦ ) ᑖᒻᓇᐅᔪᖅ ᑲᔪᓯᓂᖓ ᐱᓪᓗᒍ ᐱᖁᔭᖅ 55 – ᐱᖁᔭᖅ ᐋᖅᑭᒋᐊᖅᕈᑎᖓᓄᑦ ᓇᖕᒥᓂᖁᑕᐅᔪᓂᒃ ᖃᐅᔨᓴᕐᓂᕐᒧᑦ ᐊᒻᒪᓗ ᑖᒃᓯᓕᕆᓂᕐᒧᑦ ᐱᖁᔭᖅ (PATA), ᓄᓇᕗᑦ ᒐᕙᒪᒃᑯᑦ (GN) ᐊᒻᒪᓗ ᑭᒡᒐᖅᑐᐃᔨᖏ ᒪᓕᒐᕐᔪᐊᓕᕆᔨᒃᑯᑎ ᑕᒪᐃᓐᓂᒃ (MLAs) ᓂᕈᐊᓚᐅᕐᒪᑕ ᓅᑎᒍᒪᓪᓗᑎᒃ ᑮᓇᐅᔭᓂᒃ ᐊᑭᓕᖅᓱᖅᑕᐅᓂᒃᑯᓂ ᐅᔭᕋᕐᓂᐊᖅᑎᑦ ᑲᒻᐸᓂᒋᔭᐅᔪᑦ ᑖᒃᓯᔭᖅᑕᐅᓂᒃᑯᓂ ᐅᑭᐅᖅ ᐊᑐᕐᑕᐅᓂᒃᑯᓄᑦ ᐱᖁᑎᕐᔪᐊᓄ ᑖᒃᓯᒋᔭᐅᕙᒃᑐᓄ, ᐊᕌᒍᑕᒫᖅᓯᐅᑕᐅᔪᑦ ᑕᐃᒃᑲᖓᑦ ᐅᔭᕋᒃᑕᕆᐊᒃᑯᑦᓂ ᑐᓂᔭᐅᓗᑎᒃ ᐃᓄᖕᓄ ᓄᓇᖁᑎᖏᓐᓄᑦ ᐊᑭᓕᖅᑐᖅᑕᐅᓂᒃᑯᓚᐅᖅᑐᑦ ᐱᖁᑎᒥᓐᓄᑦ ᑖᒃᓯᔭᐃᓐᓂᑯᓚᐅᖅᑐᑦ …

ᐊᕐᒃᑯᑎᒃᓴᓯᐅᑎᓄᑦ ᐊᐅᓚᑕᑦ ᐱᑎᑕᐅᒥᓂᐊᖅᑐᑦ 12.4−ᒥᓕᔭᓂᒃ ᐃᓕᖓᓗᑎᒃ ᐅᑭᐅᓄᑦ ᐱᖓᓱᓄᑦ

(ᓯᑎᐱᕆ 14, 2021 − ᐃᖃᓗᐃᑦ, ᓄᓇᕗᑦ) ᒪᑭᒋᐊᖅᑕ ᐃᓄᖕᓄᑦ ᐃᓕᓴᐃᔾᔪᑎᓕᕆᔨᒃᑯᑦ ᑯᐊᐱᕇᓴᓐ ᐱᐊᓂᒃᓯᔪᑦ ᓇᖕᒥᓂᖅ ᑲᑎᒪᔨᖏᑦ ᑲᑎᒪᓂᕐᒥᑦ ᐊᒻᒪᓗ ᐊᕐᕌᒍᑕᒫᖅᓯᐅᑎᖏᓐᓂᒃ ᐱᓇᓱᐊᕈᓯᐅᕐᒃᑲᐅᔪᒥᑦ ᑭᙵᐃᑦ, ᓄᓇᕗᑦ ᐊᒻᒪᓗ ᐊᖏᖅᓯᓪᓗᑎᒃ 12.4−ᒥᓕᔭᓂᒃ ᐃᑲᔪᕐᒃᑐᕈᑕᐅᓂᐊᖅᑐᓄᑦ ᐃᓚᒌᒃᓂᒃᑯᑦ ᑲᑐᔾᔨᓗᑎᒃ ᓄᓇᕗᑦ ᒐᕙᒪᒃᑯᖏᓐᓂᒃ ᐊᒻᒪᓗ ᓄᓇᕗᑦ ᐅᑭᐅᖅᑕᖅᑐᒥᑦ ᓯᓚᑦᑐᖅᓴᕐᕕᐊᓂ ᑐᕌᖅᑐᓂᒃ ᐅᑯᐊ ᐅᓄᖅᓯᒋᐊᖅᑕᐅᓗᑎᒃ ᐃᓄᐃᑦ ᐃᖅᑲᓇᐃᔭᖅᑎᑕᐅᓂᖏᑦ ᓄᓇᕗᑦ ᐃᓕᓐᓂᐊᕐᕕᖏᓐᓂ.
ᑕᒪᓐᓇ ᑐᓂᔾᔪᑕᐅᔪᖅ ᐃᑲᔫᑕᐅᓂᐊᖅᑐᖅ ᑐᓂᓯᓗᓂ ᐱᔭᕆᐊᖃᖅᑐᓂᒃ ᐱᓕᕆᐊᕆᔭᐅᓂᐊᕐᓗᑎᒃ ᑐᕌᕐᓗᑎᒃ ᐱᐊᓂᒃᓯᓂᕐᒥᑦ ᐅᓄᖅᓯᒋᐊᖅᓯᓂᒃᑯᑦ ᐊᑐᖅᑕᐅᔪᓐᓇᓗᑎᒃ ᐃᓄᖕᓄᑦ ᑕᒪᒃᑯᓇᓂ ᖁᑦᑎᖕᓂᖅᓴᓄᑦ−ᐃᓕᓐᓂᐊᕐᓂᕐᒥᑦ ᐱᓕᕆᐊᖑᔪᑎᒍᑦ ᐃᓗᐊᓂ ᓄᓇᕗᑦ, (ᒪᑭᒋᐊᖅᑕ ᓯᕗᓪᓕᐅᑎᑕᖏᑦ ᐅᑯᐊ ᐃᓚᖓᓂ 4). ᐅᑯᐊ 12.4 −ᒥᓕᔭᓐ ᐅᑯᓇᖓᑦ ᒪᑭᒋᐊᖅᑕ ᐱᐊᓂᒃᑕᐅᔪᑦ ᑕᒪᐃᑕ ᐊᑐᖅᑕᐅᓂᐊᕐᓗᑎᒃ ᑮᓇᐅᔭᐃᑦ ᐱᔭᐅᔭᕆᐊᖃᖅᖢᑎᒃᓗ …

ᑐᙵᕕᒃᑯᑦ ᑲᑎᒪᔨᖏᑦ ᑲᑎᒪᔭᕇᖅᑐᑦ ᑭᙵᕐᓂ

ᓯᑎᑉᐱᕆ 3, 2021 – ᑭᙵᐃᑦ, ᓄᓇᕗᑦ) ᓄᓇᕗᑦ ᑐᙵᕕᒃ ᑎᒥᖓᑕ ᑲᑎᒪᔨᖏᑦ ᑲᒪᔭᕇᓚᐅᕐᑐᑦ ᐃᒃᐸᒃᓴᖅ ᑭᙵᕐᓂ.
ᐱᒻᒪᕆᐅᓂᖏᑦ ᑲᑎᒪᔾᔪᑎᐅᓚᐅᕐᑐᑦ ᐃᓚᒋᔭᐅᓪᓗᑎᒃ ᐱᖁᔨᕗᖔᕈᑏᑦ ᓈᖕᒪᒃᓴᕈᑕᐅᓚᐅᕐᑐᑦ $13 ᒥᓕᐊᓂᒃ ᐊᑐᖅᑐᐊᖅᑕᐅᓪᓗᑎᒃ ᑮᓇᐅᔭᖃᕈᑎᒃᓴᓂᑦ, ᐅᑯᐊᖑᓚᐅᕐᐴᒃ ᒪᕐᕉᒃ:
ᓄᑭᒃ ᑯᕆᐳᕇᓴᒃᑯᑦ, ᐃᑲᔪᖅᑕᐅᓪᓗᑎᒃ ᑭᕙᓪᓕᕐᒥ ᐃᓄᐃᑦ ᑲᑐᔾᔨᖃᑎᒌᖏᓐᓄᑦ ᐊᒻᒪ ᓴᒃᑯ ᐱᕙᓪᓕᐊᑎᑦᑎᔨᒃᑯᓐᓄᑦ, ᐊᖏᖅᑕᐅᓚᐅᕐᐳᑦ $5 ᒥᓕᐊᓂᒃ ᐊᑐᖅᑐᐊᓂᐊᕐᓗᑎᒃ, ᐅᑭᐅᑦ ᑎᓴᒪᑦ ᓈᓇᓱᐊᕐᑎᓪᓗᒋᑦ ᕿᑐᙱᐅᕐᑎᑕᐅᓇᑎᒃ, ᐃᑲᔪᕈᑕᐅᓂᐊᕐᑐᑦ ᓴᓇᔭᐅᓂᒃᓴᖓᓄᑦ ᑭᕙᓪᓕᕐᒥ ᐆᒃᑳᓕᕆᔾᔪᑎᑦ ᐊᒻᒪ ᖃᕆᑕᐅᔭᓄᑦ ᐃᑭᐊᕐᕆᔾᔪᑎᑦ; ᐊᒻᒪᓗ
ᕿᑭᖅᑖᓗᖕᒥ ᐃᖃᓗᓕᕆᔨᒃᑯᑦ, ᐃᑲᔪᖅᑕᐅᓪᓗᑎᒃ ᕿᑭᖅᑕᓂ ᐃᓄᐃᑦ ᑲᑐᔾᔨᖃᑎᒌᖏᓐᓄᑦ, ᐊᖏᖅᑕᐅᓚᐅᕐᑐᑦ $8 ᒥᓕᐊᓂᒃ ᐊᑐᖅᑐᐊᓂᐊᕐᓗᑎᒃ, ᐅᑭᐅᓄᑦ 7-ᓅᖓᓂᐊᕐᓗᓂ, ᐃᑲᔪᕈᑕᐅᔪᑦ ᓂᐅᕕᕐᓂᐊᑎᓪᓗᒋᑦ ᐃᖃᓗᒐᓱᐊᕈᑎᒃᓴᒥᒃ ᐅᒥᐊᕐᔪᐊᒥᒃ ᖁᐊᒃᑯᕕᖃᖅᑐᒥᒃ, ᑕᐃᔭᐅᔪᖅ ᓴᐳᑎ ll, ᑭᖑᕝᕕᐅᑎᓂᐊᕐᑐᖅ ᒫᓐᓇᐅᔪᒥ ᐅᒥᐊᕐᔪᐊᖁᑎᖓᓐᓂᒃ, …

ᑐᙵᕕᒃᑯᑦ ᖃᕆᓴᐅᔭᒃᑰᕐᓂᖏᑦ − ᑲᑎᒪᔩᑦ ᑲᑎᒪᓂᖓ – ᑭᙵᐃᑦ, ᓄᓇᕗᑦ

ᑐᙵᕕᒃᑯᑦ ᖃᕆᓴᐅᔭᒃᑰᕐᓂᖏᑦ − ᑲᑎᒪᔩᑦ ᑲᑎᒪᓂᖓ – ᑭᙵᐃᑦ, ᓄᓇᕗᑦ
ᑲᑎᒪᕕᐅᓂᐊᖅᑐᑦ ᐅᓪᓗᖏᑦ: ᐊᐅᒡᒍᓯ 31, 2021−ᒥᒃ ᓯᑉᑎᒻᒥᕆ 2, 2021
ᖃᐅᔨᓴᐅᑦ/ᓯᕿᙳᔭᖅ: 8:30−ᒥ ᐅᓪᓛᒃᑯᑦ ᑲᓇᓐᓇᕐᒥ

https://us02web.zoom.us/j/83151745912…

ᔫᓯ ᐊᒪᐅᔭᖅ ᑯᓱᒐᖅ ᐃᖅᑲᐅᒪᔭᐅᔾᔪᑎᖓᓄᑦ ᐃᓕᓐᓂᐊᑲᓐᓂᖅᑐᓄᑦ ᐃᑲᔫᓯᐊᖅᑐᒥᒃ ᑐᓴᖅᑎᑦᓯᔾᔪᑦ

(ᐊᐅᒡᒍᓯ 13, 2021 – ᐃᖃᓗᐃᑦ, ᓄᓇᕗᑦ) ᓄᓇᕗᑦ ᑐᙵᕕᒃ ᑎᒥᖓᓄᑦ (ᑐᓐᖓᕕᒃ) ᐊᖓᔪᖅᑳᖅ ᐊᓗᑭ ᑰᑦᑎᖅ ᖁᕕᐊᒃᑯᔨᔪᖅ ᐋᓐᔨᓚ ᒧᒃᔪᖕᓂᕐᒥᒃ ᐊᕐᕕᐊᒥᐅᑕᖅ ᐊᒻᒪᓗ ᔨᐊᓇ ᕿᓚᕝᕙᖅ−ᖃᖅᑲᓯᖅ ᐸᓐᓂᖅᑑᒥᐅᑕᖅ ᑐᓂᔭᐅᓚᐅᕐᓂᖏᓐᓄᑦ ᔫᓯ ᐊᒪᐅᔭᖅ ᑯᓱᒐᖅ (JAK) ᐃᖅᑲᐅᒪᔭᐅᔾᔪᑎᖓᓄᑦ ᐃᓕᓐᓂᐊᑲᓐᓂᖅᑐᓄᑦ ᐃᑲᔫᑎᒥᒃ 2021.
JAK ᐃᓕᓐᓂᐊᑲᓐᓂᖅᑐᓄᑦ ᐃᑲᔫᑎ ᑐᓂᔭᐅᖃᑦᑕᖅᑐᖅ $5,000.00 ᐊᕐᕌᒍᑕᒫᑦ ᒪᕐᕉᓐᓄᑦ (2) ᐃᓕᓐᓂᐊᖅᑏᓐᓄᑦ ᑎᒍᓯᓯᒪᔫᓐᓄᑦ ᔫᓯ ᐊᒪᐅᔭᐅᓚᐅᖅᑑᑉ ᖁᕕᐊᒋᓚᐅᖅᑕᖓᓂᒃ ᑐᓂᓯᒪᓂᕆᓚᐅᖅᑕᖓᓂᓪᓗ ᐃᓕᓐᓂᐊᓂᕐᒧᑦ, ᐅᖃᐅᓯᕐᒧᑦ, ᐊᒻᒪᓗ ᓯᕗᒧᐊᒃᑎᑦᑎᓂᕐᒧᑦ ᐃᓄᐃᑦ ᐱᔪᓐᓇᐅᑎᖏᓐᓂᒃ.
ᐊᓐᔨᓚ ᐊᒻᒪᓗ ᔨᐊᓇ ᑕᒪᒃᑮᒃ ᐃᓕᓐᓂᐊᖅᑑᒃ ᓄᓇᕗᒻᒥ ᐃᓕᓴᐃᔨᒃᓴᓄᑦ ᐃᓕᓐᓂᐊᓂᕐᒥᒃ ᓄᓇᕗᑦ ᐅᑭᐅᖅᑕᖅᑐᒥ ᓯᓚᑦᑐᓴᕐᕕᒻᒥ ᑲᑐᔾᔨᖃᑎᖃᖅᑐᓂ ᒥᒨᕆᐅ ᐃᓕᓐᓂᐊᕕᔾᔪᐊᖓᓂᒃ ᓅᕕᓐᓛᓐ ᓄᓇᒋᔭᒥᒍᑦ.
“ᐊᕐᕌᒍᑦᑎᓐᓂ ᑐᓂᔭᐅᔫᒃ ᐋᔾᔪᒥᓇᕐᓂᖏᓐᓄᑦ ᐱᕕᐊᕆᔭᐅᔫᒃ ᓄᓇᖏᓐᓂ, ᑲᔪᓯᑦᓯᐊᕋᓱᐊᖅᑐᑎᒃ ᐱᓇᓱᐊᒻᒪᕆᓐᓂᕐᒥᒍᑦ …

ᐃᓄᐃᑦ ᖁᕕᐊᓲᑎᓖᑦ ᒪᑐᐃᖅᑕᐅᓂᖓᓂᒃ ᓕᐊᓄᑦ ᐳᑐᓕᒃ ᐱᖅᑯᓯᓕᕆᕝᕕᒃ

(ᔪᓚᐃ 22, 2021 – ᐃᖃᓗᐃᑦ, ᓄᓇᕗᑦ) ᓄᓇᕗᑦ ᑐᒥᕕᒃ ᑎᒥᖓᓄᑦ (ᑐᙵᕕᒃ) ᐊᖓᔪᖅᑳᖓ ᐊᓗᑭ ᑰᑦᑎᖅ ᐃᓚᒋᔭᐅᔪᖅ ᐃᓄᓐᓄᑦ ᓇᓪᓕᐅᓂᖅᓯᐅᕈᑕᐅᑎᓪᓗᒍ ᒪᑐᐃᖅᑕᐅᓂᖓ ᓕᐊᓄᑦ ᐳᑐᓕᒃ ᐱᖅᑯᓯᓕᕆᕝᕕᒃ.
“ᓕᐊᓄᑦ ᐳᑐᓕᒃ ᐱᖅᑯᓯᓕᕆᕝᕕᒃ ᐱᐅᔪᒻᒪᕆᐊᓗᒃ ᓂᕆᐅᖕᓂᖃᑦᓯᐊᓇᖅᑐᓂ ᐃᓂᖓ, ᐃᓂᒃᓴᑦᓯᐊᕙᐅᔪᖅ ᓴᓇᖃᑦᑕᓂᕐᒥᒃ ᓄᓇᓖᑦ ᐱᕙᓪᓕᐊᑎᑦᓯᒍᑎᒃᓴᖏᓐᓂᒃ ᐃᓕᖅᑯᓯᒃᑯᑦ ᖃᐅᔨᒪᓂᐅᔪᓂᒃ ᐃᓕᓐᓂᐊᑎᑦᓯᖃᑦᑕᓂᕐᒥᒃ, ᓴᕐᖓᑎᑦᓯᕙᓪᓕᐊᓯᓐᓈᑦ ᐊᒻᒪᓗ ᖁᕕᐊᓲᑎᖃᕐᓂᕐᒧᑦ ᐃᓄᐃᑦ ᐃᓕᖅᑯᓯᖓᓂᒃ ᐅᖃᐅᓯᖓᓂᓪᓗ. ᖁᓚᕐᓇᙱᓚᖅ ᐊᑐᖅᑕᐅᓵᓕᓂᐊᕐᓂᖓ ᑐᑦᑕᕐᕕᒋᔭᐅᓗᓂ ᐃᓕᖅᑯᓯᓕᕆᕝᕕᐅᓗᓂ ᐃᒡᓗᓕᒑᕐᔪᒻᒧᑦ,” ᐅᖃᖅᑐᖅ ᐊᓗᑭ ᑰᑦᑎᖅ, ᐊᖓᔪᖅᑳᖓ ᑐᙵᕕᒃᑯᑦ.
ᓕᐊᓄᑦ ᐳᑐᓕᒃ ᐱᖅᑯᓯᓕᕆᕝᕕᒃ ᐃᓕᖅᑯᓯᕐᒨᖓᔪᓂᒃ ᑭᓱᑐᐃᓐᓇᕐᓄᑦ−ᐊᑐᖅᑕᐅᒍᓐᓇᓂᐊᖅᑐᖅ ᐃᓪᓗ. ᐅᓄᖅᑐᓂᒃ ᐊᕙᓗᖃᙱᑦᑐᓂᒃ ᐃᓪᓗᕈᓯᖃᐅᖅᑐᖅ, ᐃᓂᒃᓴᓂᒃ ᑕᒪᒃᑯᓄᖓ ᓲᕐᓗ ᒥᖅᓱᕐᕕᒃ, ᐱᖅᑯᓯᒃᑯᑦ ᕿᓯᓕᕆᕕᒃ/ᐊᒥᓕᕆᕕᒃ, ᐃᓄᓕᖅᑕᓂᒃ ᓂᕿᓕᕆᕝᕕᒃ, ᐊᒻᒪᓗ ᓴᓇᕐᕈᑎᓕᐅᕐᕕᒃ. ᑐᑦᑕᕐᕕᐅᓂᐊᖅᑐᖅ ᒪᓂᒪᑎᑦᓯᒻᒥᔪᖅ ᐃᓂᒋᔭᐅᔪᒃᓴᒫᒥᒃ ᑲᑎᒪᔪᓄᑦ …

ᖁᕕᐊᒃᑯᑎᕙᕗᑦ ᓄᓇᕗᑦ ᐅᓪᓗᖓᓂ ᓵᓚᒃᓴᕋᓱᐊᕈᑕᐅᔪᓂ ᓵᓚᒃᓴᓚᐅᖅᑐᑦ!

(ᔪᓚᐃ 19, 2021 – ᐃᖃᓗᐃᑦ, ᓄᓇᕗᑦ) ᓄᓇᕗᑦ ᑐᙵᕕᒃ ᑎᒥᖓᓂ (ᑐᙵᕕᒃ) ᐊᖓᔪᖅᑳᖅ ᐊᓗᑭ ᑰᑦᑎᖅ ᖁᕕᐊᒃᑯᔾᔨᔪᖅ ᐊᕐᕌᒍᑦᑎᓐᓂ ᓵᓚᒃᓴᓚᐅᖅᑐᓂᒃ ᑐᙵᕕᒃᑯᑦ ᐊᖏᕐᕋᒥ ᓂᖅᑎᐊᒥᓂᕐᒥᒃ ᓵᓚᒃᓴᕋᓱᐊᕈᑕᐅᔪᒧᑦ ᐊᒻᒪᓗ ᓇᓪᓕᐅᓂᕐᓯᐅᕈᑕᐅᔪᒧᑦ ᐋᖅᑭᑦᓱᐃᓯᒪᓂᕐᒧᑦ ᓵᓚᒃᓴᕋᓱᐊᕈᑕᐅᔪᒧᑦ!
“ᐊᕐᕌᒍᑦᑎᓐᓂ ᓄᓇᕗᑦ ᐅᓪᓗᖓ ᖃᕆᓴᐅᔭᒃᑯᑦ ᓇᓪᓕᐅᓂᖅᓯᐅᕈᑕᐅᒃᑲᓐᓂᓚᐅᕋᓗᐊᖅᑎᓪᓗᒍ, ᖃᐅᔨᓇᓚᐅᖅᑐᖅ ᓄᓇᕗᒻᒥ ᐃᓄᐃᑦ ᑕᑯᑦᓴᐅᑎᑦᓯᓚᐅᖅᑐᑦ ᐅᐱᒍᓱᓐᓂᕐᒥᓂᒃ ᓇᑭᙶᖅᓯᒪᓂᕐᒥᓂᒃ ᐊᒻᒪᓗ ᐊᑐᖅᓱᑎᒃ ᐱᖁᑎᒥᓂᒃ ᓵᓚᒃᓴᕋᓱᐊᕈᑕᐅᓂᕐᒧᑦ ᑖᒃᑯᓇᓂ ᓵᓚᒃᓴᕋᓱᐊᕈᑕᐅᔪᓂ. ᑕᒪᓐᓇ ᓱᓕᔪᒥᒃ ᓴᓇᑐᓂᓪᓚᕆᐅᔪᖅ!”, ᐅᖃᖅᑐᖅ ᑐᙵᕕᒃᑯᑦ ᐊᖓᔪᖅᑳᖓ, ᐊᓗᑭ ᑰᑦᑎᖅ.
ᐊᖏᕐᕋᒥ ᓂᖅᑎᐊᒥᓂᕐᓂᒃ ᓵᓚᒃᓴᕋᓱᐊᕈᑕᐅᔪᒧᑦ
ᑭᕙᓪᓕᕐᒥ: 
ᐃᓐᓇᖅ 1st: ᐊᑉᐳᓕᓇ ᒪᑭᒡᒐᒃ
2nd: ᓈᓐᓯ ᒍᐊᑕᓐ
3rd: ᓯᓯᐅᓪ ᒋᐱᓐᔅ
ᒪᒃᑯᑦᑐᖅ 1st: ᖃᑦᑕᓕᒃ ᓯᒥᒃ
2nd: ᓚᖁᐃᓴ ᒪᑭᒡᒐᒃ
3rd: ᔭᐃᓐ ᓇᑯᓛᒃ
ᓱᕈᓯᖅ 1st: ᒫᑕ ᐸᓐᓂᐅᖅ
2nd: ᐲᓯ ᓇᑯᓛᒃ
ᕿᑭᖅᑖᓗᒻᒥ:
ᐃᓐᓇᖅ …

ᓄᓇᕗᑦ ᑐᙵᕕᒃ ᐃᑲᔫᑎᒃᓴᓕᕆᔨᒃᑯᑦ ᐃᓕᓐᓂᐊᑲᓐᓂᖅᑐᓄᑦ ᐃᑲᔫᑎᒃᓴᑦ − ᑐᑦᓯᕋᐅᓯᐅᖁᔨᔾᔪᑎ

(ᔪᓚᐃ 16, 2021 – ᑲᖏᕐᖠᓂᖅ, ᓄᓇᕗᑦ) ᓄᓇᕗᑦ ᑐᙵᕕᒃ ᐃᑲᔫᑎᒃᓴᓕᕆᔨᒃᑯᑦ (NTF) ᐃᓕᓐᓂᐊᑲᓐᓂᖅᑐᓄᑦ ᐃᑲᔫᑎᒃᓴᓂᒃ ᑐᒃᓯᕋᐅᓯᐅᕐᕕᑦᓴᐅᓂᐊᓕᕐᒥᔪᑦ ᔪᓚᐃ 19-ᒥᓂᒃ ᐊᐅᒡᒍᓯ 31−ᒧᑦ, 2021 ᐃᓕᓐᓂᐊᑲᓐᓂᖅᑐᓄᑦ ᐃᑲᔫᑎᒃᓴᒥᒃ ᐊᒻᒪᓗ ᐊᔪᕈᓐᓃᓴᕐᓂᕐᒧᑦ ᐃᖅᑲᓇᐃᔮᒧᓪᓗ ᖁᕝᕙᕆᐊᕈᑎᒃᓴᒧᑦ ᐃᓕᓐᓂᐊᑲᓐᓂᖅᑐᓄᑦ ᐃᑲᔫᑎᒃᓴᓂᒃ.
 
ᐃᑲᔫᑎᒃᓴᓕᕆᔨᒃᑯᓐᓂᒃ NTF ᐃᓕᓐᓂᐊᑲᓐᓂᖅᑐᓄᑦ ᐃᑲᔫᑏᑦ ᐊᑐᖅᑕᐅᒍᓐᓇᖅᑐᑦ ᐃᓕᓐᓂᐊᕈᑎᒧᑦ ᐊᑭᖓ, ᐊᒃᑐᐊᔪᓄᑦ ᐊᑭᖏᓐᓄᑦ, ᐅᖃᓕᒫᒐᕐᓄᑦ, ᐃᓕᓐᓂᐊᕈᑎᓅᖓᔪᓄᑦ ᐊᒻᒪᓗ ᐃᓕᓐᓂᐊᕈᑎᒃᓴᒨᖓᔪᓄᑦ, ᐃᖏᕐᕋᔾᔪᑎᓄᑦ ᑐᔪᕐᒥᔾᔪᑎᓄᓪᓗ, ᐃᓅᓇᓱᐊᕐᓂᕐᒧᑦ ᐊᑭᓕᖅᓲᑏᑦ, ᐃᓚᒋᔭᐅᓗᑎᒃ ᓄᑕᖅᑲᑦ ᐸᖅᑭᔭᐅᔾᔪᑎᖏᓐᓄᑦ ᐊᑭᓕᖅᓲᑎᓄᑦ ᐊᒻᒪᓗ ᓂᕆᔭᒃᓴᓄᑦ, ᐊᒻᒪᓗ ᐃᓕᓐᓂᐊᖅᑏᑦ ᐊᑭᓕᑦᓴᖏᓐᓄᑦ.
 
$1500 ᐊᔪᕈᓐᓃᐸᓪᓕᐊᓂᕐᒧᑦ ᐃᖅᑲᓇᐃᔮᒧᓪᓗ ᖁᕝᕙᕆᐊᕋᓱᐊᕐᓂᕐᒧᑦ: ᑐᓂᔭᐅᔪᑦ ᐊᑎᓕᐅᖅᓯᒪᔭᕆᐊᓖᑦ ᐃᓕᓴᕆᔭᐅᓯᒪᔪᒥᒃ ᐃᓕᓐᓂᐊᖅᑐᖅ ᐊᑦᑐᐊᔪᒥᒃ ᓴᓇᔭᕆᐅᖅᓴᓂᕐᒧᑦ/ᐃᖅᑲᓇᐃᔮᒧᑦ ᐊᔪᕈᓐᓃᖅᓴᐅᑎᒥᒃ ᓯᑕᒪᓂᒃ ᐱᓇᓱᐊᕈᓯᕐᓂᒃ ᓯᕕᑐᑎᒋᔪᒥᒃ ᐊᑯᓂᐅᓂᖅᓴᓘᓐᓃᑦ. ᐃᓚᒋᔭᐅᓪᓗᑎᒃ ᖃᐅᔨᓴᖅᑕᐅᒍᑎ ᓴᓇᔭᕆᐅᖅᓴᓂᕐᒧᑦ ᐃᓯᖅᐸᓪᓕᐊᓂᕐᒥᒃ, G.R.E.A.T. …

ᑐᙵᕕᒃᑯᑦ ᐅᐱᒍᓱᒃᐳ ᒥᐊᕆ ᓴᐃᒪᓐ, ᑲᓇᑕᐅᑉ ᐃᓐᓄᒃᑕᐅᓯᒪᓂᖓᓄᑦ ᑭᒡᒐᕐᑐᐃᔪᖅ

(ᔪᓚᐃ 6, 2021 – ᐃᖃᓗᐃᑦ, ᓄᓇᕗᑦ) ᓄᓇᕗᑦ ᑐᙵᕕᒃᑯᑦ ᐊᖓᔪᖅᑳᖓᑦ ᐊᓗᑭ ᑰᑦᑎᖅ ᐅᓪᓗᒥ ᐅᐱᒍᓲᑎᖃᖅᑲᐅᕗᖅ ᒥᐊᕆ ᓴᐃᒪᓐᒥᒃ ᑎᒃᑯᐊᕐᑕᐅᓂᖓᓄᑦ ᑲᓇᑕᒥ ᓯᕗᓪᓕᐸᐅᓪᓗᓂ ᓄᓇᖅᑳᖅᓯᒪᔪᒥᒃ ᑲᓇᑕᑉ ᐃᓐᓄᒃᑕᐅᓯᒪᓂᖓᓄᑦ ᑭᒡᒐᑐᐃᔨᙳᒻᒪᑦ.
“ᑖᓐᓇ ᐱᒻᒪᕆᐊᓘᔪᖅ ᐅᓪᓗᒥ ᑕᒪᑦᑎᓐᓄᑦ − ᐃᓄᖕᓄᑦ, ᓄᓇᖃᖅᑳᖅᓯᒪᔪᖏᓐᓄᑦ ᑲᓇᑕᐅᑉ. ᓇᓗᖅᑯᑎᖏᑎᐊᕐᐳᖓ ᑖᓐᓇᑑᓇᓂᓗ ᑖᑦᓱᒪ ᑎᒃᑯᐊᑕᐅᓂᖓ ᐃᑲᔪᕐᓂᖃᓐᓂᐊᕐᒪᑦ ᓯᕗᓂᕐᒥ ᐱᕚᓪᓕᕈᑕᐅᓂᐊᕐᓂᖓᓂᒃ ᓴᐃᒻᒪᖃᑎᒌᓐᓂᕐᒧᑦ ᐊᒻᒪ ᑐᓴᐅᒪᖃᑦᑕᐅᑎᓂᕐᒧᑦ ᑲᓇᑕᒥ, ᐊᒃᓱᒻᒪᕆᐊᓗᒃ ᐊᓕᐊᓇᐃᒍᓱᒃᐳᖓ ᓴᖅᑮᒻᒪᑦ ᐱᕕᖃᕐᕕᒃᓴᓂᒃ ᐃᒃᐱᓇᕐᓂᖃᖅᑐᓂᒃ ᒪᒃᑯᒃᑐᓄᑦ ᐃᓄᖕᓄᑦ. ᐅᐱᒋᕙᒋᑦ, ᒥᐊᕇ!” ᐅᖃᖅᑐᖅ ᑐᙵᕕᒃᑯᑦ ᐊᖓᔪᖅᑳᖓᑦ ᐊᓗᑭ ᑰᑦᑎᖅ.
ᒥᐊᕆ ᓴᐃᒪᓐ ᐊᑯᓂᐊᓗᒃ ᐃᖅᑲᓇᐃᔮᖃᕐᓯᒪᒻᒪᑦ ᐊᒻᒪᓗ ᓂᐱᒋᔭᐅᓯᒪᓂᕐᒥᒍᑦ ᐊᑦᑐᐃᓯᒪᒻᒪᑦ ᑕᐃᒪᓐᓂᒃ ᐃᓄᐃᑦ ᐃᓅᓯᖏᓐᓂᒃ. ᓂᕈᐊᖅᑕᐅᓯᒪᕕᖃᖃᑦᑕᕐᓯᒪᔪᖅ: ᑐᒡᓕᐊᓄᑦ ᐊᖓᔪᖅᑳᑉ ᐊᒻᒪ ᐊᖓᔪᖅᑳᕆᔭᐅᓯᒪᓪᓗᓂ ᓄᓇᕕᖕᒥ ᐃᓄᐃᑦ …

ᖃᕆᓴᐅᔭᒃᑯᑦ ᑕᑯᒃᓴᐅᓗᑎᒃ ᓄᓇᕗᑦ ᖁᕕᐊᓲᕕᖓᑕ ᐅᓪᓗᖓ!

(ᔪᓚᐃ 2, 2021 – ᐃᖃᓗᐃᑦ, ᓄᓇᕗᑦ) ᓄᓇᕗᑦ ᑐᙵᕕᒃ ᑎᒥᖓ ᑐᙵᓱᒃᑎᑦᑎᓛᕐᑐᑦ ᓄᓇᕗᑦ ᐅᓪᓗᖓᓂ ᖁᕕᐊᓱᒍᑕᐅᑎᓪᓗᒍ ᖃᕆᓴᐅᔭᒃᑯᑲᓐᓂᓂᐊᕐᒥᔪᑦ ᑕᒪᑐᒪᓂ ᐊᕐᕌᒍᑦᑎᓐᓂ − ᑭᓯᐊᓂ ᖁᕕᐊᓇᓛᕐᒥᔪᖅ!
ᓄᓇᕗᑦ ᐅᓪᓗᖓᓂᒃ ᐋᖅᑭᒃᓱᐃᕙᒃᑐᑦ ᑲᑎᒪᔨᕋᓛᖏᑦ ᐊᒃᓱᒻᒪᕆᐊᓗᒃ ᐱᓕᕆᓯᒪᒻᒪᑕ ᐃᓄᓕᒫᑦ ᐱᖃᑕᐅᓗᑎᒃ ᐃᓄᐃᑦ ᓄᓇᕗᑦ ᓯᓚᑖᓂ ᓄᓇᖃᖅᑐᑦ ᐱᖃᑕᐅᔪᓐᓇᖁᓪᓗᒋᑦ ᑕᒪᑐᒪᓂ ᐊᕐᕋᒍᑦᑎᓐᓂ ᖁᕕᐊᓱᒍᑎᖃᖅᑎᓪᓗᑕ.
ᑐᙵᕕᒃᑯᑦ ᒪᕐᕉᓐᓂᒃ ᐊᑭᑦᑐᕋᐅᑎᑎᑦᑎᔾᔪᑎᖃᓛᕐᑐᑦ ᐊᒻᒪ ᑕᑯᒃᓴᐅᑲᐅᑎᒋᓗᑎᒃ ᑎᓕᕖᓴᒃᑯᑦ:

ᓂᕿᓕᐅᕐᓂᑭᓴᐅᑎᔪᑦ − ᖃᕆᑕᐅᔭᒃᑯᑦ ᓱᕈᓰᑦ ᓂᕿᓕᐅᕐᓂᑭᓴᐅᑎᑎᑕᐅᓗᑎᒃ, ᐃᓐᓇᓵᑦ ᐊᒻᒪ ᐃᓐᓇᐃ. ᓂᕿᓕᐅᕐᓂᑭᓴᐅᑎᖃᑕ ᓂᕿᓕᐅᕈᓯᕐᒥᓂᒃ ᓇᑦᓯᐅᔾᔨᓗᑎᒃ, ᐊᔾᔨᖑᐊᒥᒃ ᓂᕐᑎᐅᕐᓯᒪᔪᒥᒃ ᐊᒻᒪ ᓇᑦᓯᐅᑎᓗᓂᔾᔪᒃ. ᐃᓱᓕᒃᕕᒃᓴᖃᖅᑐᖅ ᔪᓚᐃ 4, 2021 ᑐᓂᓯᒌᖅᓯᒪᕕᒃᓴᒪᖓ. ᐊᑭᑦᑎᔪᑦ ᑐᓴᕐᑕᐅᑲᑦᑕᐅᓛᕐᑐᑦ ᔪᓚᐃ 9, 2021-ᒥ, ᑕᑯᒃᓴᐅᑲᐅᑎᒋᓗᑎᒃ ᑎᓕᕖᓴᒃᑯᑦ.
ᐃᒡᓗᒥᑦ, ᐅᒥᕐᐊᒥᑦ ᐊᒻᒪ ᐃᒡᓗᕋᓛᒥᑦ ᑕᑯᒥᓇᕐᓕᕐᑎᓯᒪᓂᕐᒧᑦ ᐊᑭᑦᑐᕋᐅᑎᓂᖅ …

ᑐᙵᕕᒃᑯᑦ ᖁᕕᐊᓲᑎᓖᑦ ᑲᔪᓯᑎᑕᐅᓂᖓᓂᒃ ᐊᑐᖅᑕᐅᒋᐅᖅᑐᒥᒃ ᒐᕙᒪᑐᖃᒃᑯᑦ ᒪᓕᒐᑦᓴᖓᓂᒃ ᓄᓇᖃᖅᑳᖅᓯᒪᔪᑦ ᐱᔪᓐᓇᐅᑎᖏᓐᓄᑦ

(ᔫᓂ 30, 2021 – ᐃᖃᓗᐃᑦ, ᓄᓇᕗᑦ) ᔫᓂ 21, 2021-ᒥ, ᐱᖁᔭᒃᓴᖅ C-15, ᓄᓇᕐᔪᐊᕐᒥ ᑲᑎᒪᔨᕐᔪᐊᑦ ᓇᓗᓇᐃᕈᑎᖏᓐᓂ ᐱᔪᓐᓇᐅᑎᖏᓐᓄᑦ ᓄᓇᖃᖅᑳᖅᓯᒪᔪᑦ (UNDRIP) ᐱᖁᔭᖅ, ᑲᔪᓯᑎᑕᐅᓚᐅᖅᑐᖅ ᐱᖁᔭᒃᓴᖅ. ᐱᔾᔪᑖ ᐱᖁᔭᖅ ᑎᑭᐅᑎᓯᒪᖁᓪᓗᒍ ᑲᓇᑕᐅᑉ ᒪᓕᒐᖏᓐᓄᑦ ᓇᓕᖅᑯᑦᓯᓯᒪᓗᑎᒃ UNDRIP ᐊᒻᒪᓗ ᓯᕗᒧᐊᒍᑎᒃᓴᐅᓗᓂ ᑲᓇᑕ ᒐᕙᒪᖓᓄᑦ ᐊᒻᒪᓗ ᓄᓇᖃᖅᑳᖅᓯᒪᔪᓄᑦ ᐃᖅᑲᓇᐃᔭᖃᑎᒌᓐᓂᕐᒥᒃ ᐃᓘᓐᓈᒍᑦ ᐊᑐᓕᖅᑎᑕᐅᖁᓪᓗᒍ UNDRIP ᑲᓇᑕᒥ. ᑕᒪᓐᓇ ᐊᑐᓕᖅᑎᑕᐅᓂᖓ ᓇᓗᓇᐃᖅᓯᒪᒋᐊᓕᒃ ᓇᓕᖅᑯᑦᓯᓯᒪᒐᓗᐊᕐᒪᖔᖅ ᐊᑐᖅᑕᐅᓂᖏᑎᒍᑦ UNDRIP ᑐᙵᕕᓕᐊᖑᓯᒪᔪᑦ, ᑕᒪᓐᓇᐅᒐᓗᐊᖅᑎᓪᓗᒍ ᓄᓇᖃᖅᑳᖅᓯᒪᔪᑦ ᑲᓇᑕᓕᒫᒥ − ᐃᓚᒋᔭᐅᓪᓗᑎᒃ ᐃᓄᐃᑦ − ᐅᑕᖅᑭᑐᐃᓐᓇᖃᑦᑕᓂᐊᙱᒻᒪᑕ.
ᐱᖁᔭᖅ ᐱᔭᕆᐊᖃᖅᑎᑦᓯᔪᖅ ᑲᓇᑕ ᒐᕙᒪᒃᑯᖏᓐᓂᒃ ᐊᑐᕆᐊᓕᓕᒫᖏᓐᓂᒃ ᐊᐅᓚᑦᓯᔾᔪᑎᖃᕐᓗᑎᒃ ᓇᓗᓇᐃᕈᑕᐅᔪᒥᒃ ᑲᓇᑕ ᒪᓕᒐᖏᑦ ᓇᓕᖅᑯᑦᓯᓯᒪᑦᓯᐊᖁᓪᓗᒋᑦ UNDRIP, ᑐᙵᕕᒋᔭᐅᔪᒥᒃ “ᐃᓄᖅᑕᐅᑲᓐᓂᕈᓐᓇᖏᑦᑐᖅ ᐊᑐᕆᐊᓖᑦ ᐊᓐᓇᓯᒪᒍᑎᒃᓴᒧᑦ, ᐅᐱᒍᓱᓐᓂᕐᒧᑦ, ᐊᒻᒪᓗ ᖃᓄᐃᙱᑦᓯᐊᕈᑎᒃᓴᖏᓐᓄᑦ …

ᓰᐲᓰ ᐅᑭᐅᖅᑕᖅᑐᒥ ᑕᑯᑦᓴᐅᑎᓐᓂᐊᖅᑕᖏᑦ “ᑲᑉᐱᐊᑕᐃᑦᑐᑦ/FEARLESS” ᑕᕐᕆᔭᖅ ᑲᓇᑕᐅᑉ ᐅᓪᓗᖓᓂ

(ᔫᓂ 30, 2021 – ᐃᖃᓗᐃᑦ, ᓄᓇᕗᑦ) ᑕᕝᕙᓂ ᑲᓇᑕᐅᑉ ᐅᓪᓗᖓᓂ, ᔪᓚᐃ 1, ᑲᓇᑕᒥᐅᑦ ᐱᖓᓱᓂ ᐅᑭᐅᖅᑕᖅᑑᑉ ᐊᕕᑦᑐᖅᓯᒪᓂᖏᓐᓂ ᐊᔾᔨᐅᖏᑦᑐᒥᒃ ᐱᕕᒃᓴᖃᖅᑎᑕᐅᓂᐊᖅᑐᑦ ᑕᑯᓐᓇᕐᓗᑎᒃ ‘ᑕᑯᓐᓇᕈᒥᓇᖅᑐᒥᒃ’   ᐃᓅᓯᕆᔭᐅᓚᐅᖅᑐᒥᒃ ᑕᑯᓐᓇᕐᓗᑎᒃ, “ᑲᑉᐱᐊᑕᐃᑦᑐᑦ/Fearless,” ᑐᑭᓯᑎᑦᓯᒍᑏᑦ ᐱᙳᖅᑎᑕᐅᓚᐅᕐᓂᖓᓂᒃ ᓄᓇᕗᑦ ᓂᐱᖏᑎᒍᑦ ᐃᓄᐃᑦ ᐋᔩᕋᖅᑏᑦ, 30−ᓂᒃ ᐊᕐᕌᒍᓂᒃ, ᐊᑐᖅᑕᐅᓚᐅᖅᓯᒪᙱᑦᑐᒥᒃ ᐊᑐᓚᐅᖅᑐᑦ ᐊᒻᒪᓗ ᐊᓯᔾᔩᓪᓗᑎᒃ ᓄᓇᙳᐊᖓᓂᒃ ᑲᓇᑕ.
‘ᑲᑉᐱᐊᑕᐃᑦᑐᑦ/Fearless’ ᑕᑯᓐᓇᕋᑦᓴᓕᐊᕆᓚᐅᖅᑕᖏᑦ 2018-ᒥ ᐃᓄᐃᑦ ᑐᓴᐅᒪᔾᔪᑎᓕᕆᔨᒃᑯᑦ ᓕᒥᑎᑦ (ICSL), ᑎᒥᖁᑎᖓ ᐃᓄᐃᑦ ᑕᑯᓐᓇᕋᑦᓴᓕᕆᔨᒃᑯᑦ ᑯᐊᐳᕇᓴᓐ (IBC) ᐊᒻᒪᓗ ᑎᓕᓯᔾᔪᑕᐅᓯᒪᓪᓗᓂ ᓄᓇᕗᑦ ᑐᙵᕕᒃ ᑎᒥᖓᓄᑦ (ᑐᙵᕕᒃ) ᓈᖕᒪᓈᖅᑕᐅᖁᓪᓗᒍ 25-ᖃᓕᕐᓂᖓᓂᒃ ᓇᓪᓕᐅᓂᖅᓯᐅᕈᑕᐅᑎᓪᓗᒍ ᐊᑎᓕᐅᖅᑕᐅᓚᐅᕐᓂᖏᓐᓄᑦ ᓄᓇᕗᑦ ᐊᖏᕈᑎᖏᑦ.
1960-ᖏᓐᓂ, ᒪᒃᑯᑐᕐᔪᐊᑦ ᐃᓄᐃᑦ ᓯᕗᓂᕐᒥᓂᒃ ᑕᑯᓚᐅᖅᑐᑦ ᐊᑐᖅᑕᐅᒍᓐᓃᐸᓪᓕᐊᓂᐊᓕᕐᓂᖏᓐᓂᒃ ᐃᓕᖅᑯᓯᕐᒥᓂᒃ ᐊᒻᒪᓗ ᑕᑯᓐᓇᖅᑐᑎᒃ ᐊᖓᔪᖅᑳᒥᓐᓂᒃ ᐊᒻᒪᓗ ᐊᑖᑕᑦᓯᐊᒃᑯᒥᓂᒃ/ᐊᓈᓇᑦᓯᐊᒃᑯᒥᓂᒃ …

ᑐᙵᕕᒃᑯᑦ ᐃᑉᐱᓇᖅᑐᒥᒃ ᒪᑭᒪᖃᑎᖃᕆᐊᕐᓂᖃᖅᐳᑦ ᑯᐃᓰᓯᔅ ᐊᓪᓚᓂᒃ

ᐅᔾᔨᕆᔭᐅᒋᐊᓕᒃ: ᑖᒃᑯᐊ ᐅᖃᐅᓯᐅᔪᑦ ᑖᒃᑯᓇᓂ ᐃᑉᐱᓐᓂᕈᑕᐅᑐᐃᓐᓇᕆᐊᓕᒃ ᐃᓗᓕᖃᕐᒪᑕ ᐅᖃᐅᓯᐅᓯᒪᔪᓂᒃ ᑐᖁᕋᖅᑕᐅᖃᑦᑕᐅᓯᒪᓂᖏᓐᓂᒃ ᓄᓇᖃᖅᑳᖅᓯᒪᔪᑦ ᐊᒻᒪᓗ ᑲᔪᓯᐊᓂᖓ ᐃᖅᑲᓇᕐᓂᖓ ᐃᓕᓐᓂᐊᕆᐊᖅᑎᑕᐅᖃᑦᑕᓚᐅᖅᓯᒪᔪᑦ.
(ᔫᓂ 28, 2021 – ᐃᖃᓗᐃᑦ, ᓄᓇᕗᑦ) ᓄᓇᕗᑦ ᑐᙵᕕᒃ ᑎᒥᖓ (ᑐᙵᕕᒃ) ᐃᑉᐱᓇᖅᑐᒥᒃ ᒪᑭᒪᖃᑎᖃᕆᐊᕐᓂᖃᖅᐳᑦ ᑯᐃᓰᓯᔅ ᐊᓪᓚᓂᒃ ᐊᒻᒪᓗ ᑲᑐᔾᔨᖃᑎᒌᕐᔪᐊᓂᒃ ᐃᓐᓃᓯᒪᔪᓂᒃ ᓄᓇᖃᖅᑳᖅᓯᒪᔪᓂᒃ ᓇᓂᔭᐅᓚᐅᖅᑎᓪᓗᒋᑦ ᑎᒥᖏᑦ 751 ᓄᑕᖅᑲᑦ ᐃᓕᓐᓂᐊᕆᐊᕐᕕᐅᖃᑦᑕᓚᐅᖅᑑᑉ ᓄᓇᖓᓂ ᓵᔅᑳᑦᓯᕗᐊᒥ.
 
“ᓇᓪᓕᒋᕙᕗᑦ ᑯᐃᓰᓯᔅ ᐊᓪᓚᐃᑦ, ᐆᒻᒪᑎᒃᑯᑦ ᓇᒡᓕᒋᕙᕗᑦ ᐊᓐᓇᓯᒪᔪᓄᑦ ᐃᓚᖏᓐᓄᓪᓗ ᓄᓇᖓᓂ, ᐊᒻᒪᓗ ᐅᕙᒍᑦ ᑕᒪᑦᑕ ᐊᓐᓇᓯᒪᔪᒍᑦ ᐃᓕᓐᓂᐊᕆᐊᕕᒻᒨᖅᑕᐅᓚᐅᖅᓯᒪᔪᒍᑦ ᐊᒻᒪᓗ ᓄᓇᖃᖅᑳᖅᓯᒪᔪᑦ ᓄᓇᓖᑦ ᓇᓂᑐᐃᓐᓇᖅ ᐊᒃᑐᖅᑕᐅᓯᒪᔪᒻᒪᕆᐅᔪᑦ ᐃᑎᔪᒥᒃ ᑖᒃᑯᓄᖓ ᐱᕙᓪᓕᐊᔪᑎᒍᑦ ᑐᓴᖅᑎᑦᓯᒍᑕᐅᕙᑦᑐᓄᑦ” ᐅᖃᓚᐅᖅᑐᖅ ᐊᓗᑭ ᑰᑦᑎᖅ, ᑐᙵᕕᒃᑯᑦ ᐊᖓᔪᖅᑳᖓ.
 
“ᓇᓂᔭᐅᒃᑲᓐᓂᓚᐅᖅᑐᑦ ᓇᓗᓇᐃᒃᑯᓯᖅᑕᐅᓯᒪᙱᑦᑐᑦ ᐃᓗᕕᖅᓯᒪᔪᑦ ᐃᓗᕕᖃᕐᕕᓐᓂ ᐊᒥᓱᕐᔪᐊᕌᓗᐃᑦ ᓱᕈᓯᑯᓗᐃᑦ ᐱᕋᔭᓯᒪᓂᖃᙱᑦᑐᑦ ᐃᓕᓐᓂᐊᕆᐊᖅᑎᑕᐅᕕᐅᕙᓚᐅᖅᑐᒥ …

ᐃᓕᖅᑯᓯᕐᒧᑦ ᒪᒥᓴᕐᓂᒧᓪᓗ ᐃᑲᔫᑎᒃᓴᑦ ᑮᓇᐅᔭᓕᑕᐅᔪᑦ  

(ᔫᓂ 25, 2021, ᑲᖏᕐᖠᓂᖅ, ᓄᓇᕗᑦ) ᓄᓇᕗᑦ ᑐᙵᕕᒃ ᐃᑲᔫᑎᒃᓴᓕᕆᔨᒃᑯᑦ (NTF) ᑐᑦᓯᕋᐅᓯᐅᕐᕕᑦᓴᐅᓕᕐᒥᔪᑦ ᐃᓕᖅᑯᓯᕐᒧᑦ ᒪᒥᓴᕐᓂᒧᓪᓗ ᐃᑲᔫᑎᒃᓴᓄᑦ.
ᐃᓄᐃᑦ ᑐᑦᓯᕋᐅᓯᐅᕈᓐᓇᖅᑐᑦ ᐱᓕᕆᔾᔪᑎᒃᓴᓂᒃ ᑮᓇᐅᔭᓂᒃ ᐅᑯᓄᖓ 1) ᐱᓕᕆᔾᔪᑎᒃᓴᑦ ᐋᓐᓂᖅᑕᐅᓯᒪᔪᓂᒃ ᐊᒻᒪᓗ ᑭᖑᕚᖏᓐᓂᒃ ᐊᒃᑐᖅᑕᐅᓯᒪᔪᓂᒃ ᐃᓕᓐᓂᐊᕆᐊᖅᑎᑕᐅᖃᑦᑕᖅᓯᒪᓂᕐᒧᑦ 2) ᐱᖅᑯᓯᒃᑯᑦ ᓄᓇᓕᐊᕈᔾᔨᓯᒪᖃᑦᑕᕐᓂᕐᒧᑦ ᐱᓕᕆᔾᔪᑎᒃᓴᓂᒃ ᐅᕝᕙᓘᓐᓃᑦ 3) ᐃᓕᓴᐃᓂᖅ ᐃᓄᐃᑦ ᐊᑐᖅᓯᒪᔭᖏᓐᓂᒃ, ᐃᓕᖅᑯᓯᖓᓂᒃ, ᐅᖃᐅᓯᖏᓐᓂᓪᓗ ᐊᒻᒪᓗ ᐱᖅᑯᓯᖏᓐᓂᒃ.
ᑭᓇᑐᐃᓐᓇᖅ ᑲᑐᔾᔨᖃᑎᒌᓪᓘᓐᓃᑦ ᐃᓄᐃᑦ ᐊᑎᖃᖃᑕᐅᔪᑦ ᓄᓇᕗᑦ ᐊᖏᕈᑎᖏᓐᓂ, ᑮᓇᐅᔭᓕᐅᕋᓱᐊᖅᑎᐅᖏᑦᑐᑦ ᑲᑐᔾᔨᖃᑎᒌᑦ, ᐃᓕᓐᓂᐊᕐᕕᐅᕙᑦᑐᑦ, ᖃᓪᓗᓈᓂ ᐊᒻᒪᓗ ᑲᑎᕝᕕᐅᕙᑦᑐᓂ ᐱᖃᓐᓇᕇᓄᑦ ᐊᒻᒪᓗ ᐃᓕᓐᓂᐊᕆᐅᕐᓴᕐᕖᑦ ᐱᕈᖅᓴᔪᓄᑦ ᑐᒃᓯᕋᕈᓐᓇᖅᑐᑦ ᑎᑭᐅᑎᓯᒪᔪᓂᒃ ᐊᖏᓂᖅᐹᖃᕈᓐᓇᖅᑐᓂᒃ $25,000 ᑐᕌᖓᔪᓂᒃ ᑖᒃᑯᓄᖓ ᖁᓛᓂ ᑎᑎᕋᖅᓯᒪᔪᓄᑦ ᐱᓕᕆᐊᒃᓴᓄᑦ. ᓄᓇᕗᒻᒥ ᓄᓇᖃᕆᐊᑐᙱᑦᑐᖅ; ᑭᓯᐊᓂ ᐊᖏᖅᑕᐅᔪᑦ ᐱᓕᕆᐊᒃᓴᒧᑦ ᑐᕌᖓᓂᖃᕆᐊᓖᑦ ᒥᑦᓯᑎᓐᓅᖏᑦᑐᖅ 75% ᐃᓄᓐᓂᒃ …

ᐃᓕᖅᑯᓯᕐᒧᑦ ᒪᒥᓴᕐᓂᒧᓪᓗ ᐃᑲᔫᑎᒃᓴᑦ ᑮᓇᐅᔭᓕᑕᐅᔪᑦ

(ᔫᓂ 21 2021, ᐃᖃᓗᐃᑦ, ᓄᓇᕗᑦ) ᓄᓇᕗᑦ ᑐᙵᕕᒃ ᐃᑲᔫᑎᒃᓴᓕᕆᔨᒃᑯᑦ (NTF) ᖁᕕᐊᓱᒃᑐᑦ ᑐᓴᖅᑎᑦᓯᒋᐊᑦᓴᖅ $92,000-ᖑᓗᐊᖅᑐᑦ ᑐᓂᔭᐅᓯᒪᓂᖏᓐᓂᒃ ᓯᑕᒪᓄᑦ (4) ᐃᓕᖅᑯᓯᕐᒧᑦ ᒪᒥᓴᕐᓂᒧᓪᓗ ᐃᑲᔫᑎᒃᓴᓄᑦ.
 
ᑖᒃᑯᐊ ᓯᑕᒪᑦ ᐃᑲᔫᑎᒃᓴᑦ ᐱᓕᕆᐊᖑᓂᐊᖅᑐᑦ 2021 ᐊᐅᔭᖓᓂ:

ᓛᓴᓘᓯ ᐃᓱᓪᓗᑕᖅ, ᐸᓐᓂᖅᑑᖅ, ᓄᓇᓕᐊᖅᑎᑦᓯᖃᑦᑕᓂᕐᒧᑦ
ᑯᕆᔅᑕ ᔭᑖᔅᑭ, ᑲᖏᕐᖠᓂᖅ ᐊᒻᒪᓗ ᐃᒡᓗᓕᒑᕐᔪᖅ; ᓴᐸᙱᕆᓂᖅ ᒥᖅᓱᓂᕐᓗ
ᐃᓕᓴᐱ ᓂᖏᐅᖓᓐ, ᓴᓪᓖᑦ; ᓄᓇᓕᐊᖅᑎᑦᓯᖃᑦᑕᓂᕐᒧᑦ
ᕿᑎᕐᒥᐅᓂ ᐃᓚᓐᓇᕇᑦᑐᑦ ᓴᓴᐃᔭᑎ, ᐃᖃᓗᑦᑑᑦᑎᐊᖅ; ᒪᒃᑯᑦᑐᑦ ᓄᓇᓕᐊᖅᑎᑕᐅᖃᑦᑕᕐᓂᖓ

 
“ᓄᓇᖃᖅᑳᖅᓯᒪᔪᑦ ᐅᓪᓗᖓᓂ, ᐊᑏ ᓇᓪᓕᐅᓂᖅᓯᐅᕈᑎᒋᓂᖅᑲᕗᑦ ᐆᒻᒪᕆᑦᓯᐊᕐᓂᖓ ᐃᓄᐃᑦ ᐃᓕᖅᑯᓯᖓᑕ. ᑖᒃᑯᐊ ᓯᑕᒪᑦ ᐃᑲᔫᑎᓂᐊᖅᑐᑦ ᐳᐃᒍᕐᒃᑕᐅᕐᑯᓇᒍ ᐊᒻᒪᓗ ᐊᑐᓕᖅᑎᑕᐅᒃᑲᓐᓂᕈᑎᒋᓂᖓᓄᑦ ᐃᓄᐃᑦ ᐃᓕᖅᑯᓯᖏᓐᓂ ᐊᒻᒪᓗ  ᒪᒥᓴᕐᓂᕐᒧᑦ ᑲᑉᐱᐊᓱᐊᑎᑕᐅᖃᑦᑕᖅᓯᒪᔪᑦ ᐊᒻᒪᓗ ᑭᖑᕚᖏᑦ ᐃᓕᓐᓂᐊᕆᐊᖅᑎᑕᐅᖃᑦᑕᖅᑐᒥᓂᕐᓄᑦ,” ᐅᖃᓚᐅᖅᑐᖅ ᐊᓗᑭ ᑰᑦᑎᖅ, ᐊᖓᔪᖅᑳᖅ ᓄᓇᕗᑦ ᑐᙵᕕᒃ ᑎᒥᖓᓂ.
 
ᑐᒃᓯᕋᐅᓯᐅᖁᔨᓐᓇᕈᒫᓕᕐᒥᔪᖅ ᐃᓕᖅᑯᓯᕐᒧᑦ ᒪᒥᓴᕐᓂᒧᓪᓗ ᐃᑲᔫᑎᒃᓴᓂᒃ …

ᐋᓐᓂᔭᐃᒃᑯᑎᓂᒃ ᑐᒃᓯᕋᐅᑦ ᑕᑕᑎᕆᐊᓕᒃ

ᓄᓇᕗᑦ ᑐᙵᕕᒃ ᑎᒥᖓ
ᐋᓐᓂᔭᐃᒃᑯᑎᓂᒃ ᑐᒃᓯᕋᐅᑦ ᑕᑕᑎᕆᐊᓕᒃ
ᒫᓐᓇ ᐊᑐᐃᓐᓇᐅᖃᑕᐅᔪᑦ: ᒪᑐᐊᕐᒃ
Download (PDF, 61KB)

ᑐᙵᕕᒃᑯᑦ ᐊᖏᕈᑎᖃᖅᐳᑦ ᑲᓇᑕᓕᒫᕐᒥ ᐃᓄᐃᑦ ᐸᕐᓇᒍᑎᖏᓐᓂᒃ ᑲᒪᒋᐊᕈᑕᐅᓪᓗᓂ ᕿᙳᖅᑕᐅᓯᒪᔪᑦ ᐊᒻᒪ ᐃᓄᐊᖅᑕᐅᓯᒪᔪᓄᑦ ᓄᓇᖃᖅᑳᓯᒪᔪᓂᒃ ᐊᕐᓇᓂᒃ ᐊᒻᒪ ᓱᕈᓯᓛᓂᒃ ᖃᐅᔨᓇᓱᐊᖁᔨᓪᓗᑎᒃ ᑲᓇᑕᓕᒫᕐᒥ

ᑐᙵᕕᒃᑯᑦ ᐊᖏᕈᑎᖃᖅᐳᑦ ᑲᓇᑕᓕᒫᕐᒥ ᐃᓄᐃᑦ ᐸᕐᓇᒍᑎᖏᓐᓂᒃ ᑲᒪᒋᐊᕈᑕᐅᓪᓗᓂ ᕿᙳᖅᑕᐅᓯᒪᔪᑦ ᐊᒻᒪ ᐃᓄᐊᖅᑕᐅᓯᒪᔪᓄᑦ ᓄᓇᖃᖅᑳᓯᒪᔪᓂᒃ ᐊᕐᓇᓂᒃ ᐊᒻᒪ ᓱᕈᓯᓛᓂᒃ ᖃᐅᔨᓇᓱᐊᖁᔨᓪᓗᑎᒃ ᑲᓇᑕᓕᒫᕐᒥ
(ᔫᓂ 4, 2021 – ᐃᖃᓗᐃᑦ, ᓄᓇᕗᑦ) ᓄᓇᕗᑦ ᑐᙵᕕᒃ ᑎᒥᖓ (ᑐᙵᕕᒃᑯᑦ) ᐊᖏᕈᑎᖃᖅᐳᑦ ᑲᓇᑕᓕᒫᕐᒥ ᐃᓄᐃᑦ ᐸᕐᓇᒍᑎᖓᓐᓂᒃ ᓴᖅᑭᑕᐅᓚᐅᕐᑐᒥᒃ ᐃᓄᐃᑦ ᑕᐱᕇᑦ ᑲᓇᒥ ᐊᒻᒪ ᐸᐅᒃᑑᑎᒃᑯᑦ ᐃᓄᐃᑦ ᐊᕐᓇᐃᑦ ᑲᓇᑕᒥ.
ᑲᓇᑕᐅᑉ ᒐᕙᒪᒃᑯᖏᑦ, ᓄᓇᕗᑦ ᒐᕙᒪᒃᑯᖏᑦ ᐊᒻᒪ ᐃᓄᐃᑦ ᑎᒥᖁᑎᖏᑦ ᐃᖅᑲᓇᐃᔭᖃᑎᒌᒋᐊᖃᖅᐅᑦ ᐸᓚᕐᓯᕚᓪᓕᖁᓪᓗᒍ ᓂᖃᕐᓂᐅᔪᖅ ᓄᓇᓕᒋᔭᑦᑎᓐᓂ. ᑲᓇᑕᓕᒫᕐᒥ ᐃᓄᐃᑦ ᐸᕐᓇᒍᑎᖓ ᐊᑐᓕᖁᔨᓯᒪᕗᖅ ᐱᕕᒃᓴᖃᕐᑎᑕᐅᓗᓂ ᐱᕚᓪᓕᕈᑎᒃᓴᐅᔪᓂᒃ ᐱᒻᒪᕆᐅᔪᓄᑦ ᐱᔨᑦᑎᕈᑎᓄᑦ ᐊᒻᒪ ᑲᒪᒋᔭᐅᒋᐊᕐᓗᑎᒃ ᐊᑭᑐᔪᓂᑦ ᐊᖃᕐᕆᔾᔪᑎᑖᕆᐊᖃᓐᓂᖅ.
ᑲᓇᑕᓕᒫᕐᒥ ᐃᓄᐃᑦ ᐸᕐᓇᒍᑎᖓᑦ ᐃᒪᓐᓇᐃᒍᑕᐅᖃᑦᑕᕐᓯᒪᔪᓂᒃ ᐃᖅᑯᓪᓕᐅᑎᖃᕐᓯᒪᓪᓗᓂ ᓯᕗᓂᑦᑎᓐᓂ ᐊᑑᑎᒍᑕᐅᖃᑦᑕᕐᓯᒪᔪᓂᒃ ᐃᓅᖃᑎᒌᓄᑦ−ᐃᓕᖅᑯᓯᓕᕆᓂᒃᑯᑦ ᑮᓇᐅᔾᔭᓵᒃᓴᑦ ᐊᒻᒪ ᐱᓕᕆᕕᓂ ᐱᔾᔪᑕᐅᓕᕐᓯᒪᓂᖓ …

ᓄᕙᒡᔪᐊᕐᓇᖅ−19−ᒧᑦ ᐋᓐᓂᐊᑖᖅᑕᐃᓕᒪᔾᔪᑎᒥᒃ ᑲᐱᔭᐅᔪᑦ ᑕᕐᕆᔭᒐᒃᓴᓕᐊᑦ ᓇᐃᑦᑑᑎᑦ

ᓄᕙᒡᔪᐊᕐᓇᖅ−19−ᒧᑦ ᐋᓐᓂᐊᑖᖅᑕᐃᓕᒪᔾᔪᑎᒥᒃ ᑲᐱᔭᐅᔪᑦ ᑕᕐᕆᔭᒐᒃᓴᓕᐊᑦ ᓇᐃᑦᑑᑎᑦ – ᓈᑦᓯ ᒪᐃᒃ, ᐋᓐᓂᐊᓯᐅᕐᑎ

ᑐᑭᓯᒋᐊᒃᑲᓐᓂᕈᒪᒍᕕᑦ ᑲᒪᒋᔭᐅᒋᐊᙵᑐᓂᒃ ᓄᓇᕗᑦ ᑐᙵᕕᒃᑯᑦ ᓄᕙᒡᔪᐊᓇᕐᑐᖅᑕᖃᕈᓐᓂᖁᔨᒻᒪᑕ ᓄᕙᒡᔪᐊᕐᓇᖅ−19-ᒥᒃ, ᐊᑏ ᑕᑯᒋᐊᒃᑭᑦ ᐃᕿᐊᕐᕆᕕᒃᑎᓐᓂ  COVID19.tunngavik.com

ᓄᕙᒡᔪᐊᕐᓇᖅ−19−ᒧᑦ ᐋᓐᓂᐊᑖᖅᑕᐃᓕᒪᔾᔪᑎᒥᒃ ᑲᐱᔭᐅᔪᑦ ᑕᕐᕆᔭᒐᒃᓴᓕᐊᑦ ᓇᐃᑦᑑᑎᑦ – ᒥᑐᓴᓕ ᑯᓄᒃ
ᑐᑭᓯᒋᐊᒃᑲᓐᓂᕈᒪᒍᕕᑦ ᑲᒪᒋᔭᐅᒋᐊᙵᑐᓂᒃ ᓄᓇᕗᑦ ᑐᙵᕕᒃᑯᑦ ᓄᕙᒡᔪᐊᓇᕐᑐᖅᑕᖃᕈᓐᓂᖁᔨᒻᒪᑕ ᓄᕙᒡᔪᐊᕐᓇᖅ−19-ᒥᒃ, ᐊᑏ ᑕᑯᒋᐊᒃᑭᑦ ᐃᕿᐊᕐᕆᕕᒃᑎᓐᓂ 

ᐃᖃᓗᖕᓂ ᓄᕙᒡᔪᐊᓇᖅ−19 ᐋᓐᓂᐊᑖᖅᑕᐃᓕᒪᒍᑎᓂᒃ ᑲᐱᔭᐅᔭᕐᑐᕐᕕᒃ ᐃᓯᑐᐃᓐᓇᕆᐊᖅ

(ᔫᓂ 2, 2021 – ᐃᖃᓗᐃᑦ, ᓄᓇᕗᑦ) ᐃᖃᓗᖕᒥᐅᑦ ᐅᑭᐅᓖᑦ 12−ᓂᒃ ᐊᒻᒪ ᐊᖏᔪᑦᑏᑦ ᑲᐱᔭᐅᔪᓐᓇᓛᓕᕐᑐᑦ ᐋᓐᓂᐊᑖᖅᑕᐃᒪᒍᑎᒥᒃ ᓄᕙᒡᔪᐊᕐᓇᖅ−1`9 ᐃᓯᕐᕕᒋᑐᐃᓐᓇᕐᓗᒍ ᑲᐱᔭᐅᔭᕐᑐᕕᒃ.
ᑭᓇ: ᐃᖃᓗᒻᒥᐅᑦ ᐅᑭᐅᓖᑦ 12-ᓂᒃ ᐊᖏᔪᑦᑏᓪᓗ
ᐅᓪᓗᖓ: ᔫᓂ 16 – 19, 2021
ᓇᒧᙵᖃᑦ: 1:00-ᒥᑦ 10:00-ᒧᑦ
ᓇᓂ: ᑰᓕᖕᕕᖕᒥ
ᐱᖓᓱᓂᒃ ᐃᓯᕐᑐᓄᑦ ᐱᔾᔪᓯᐊᖅᑖᑕᑦᓴᓕᒃ ᓄᓇᓕᐸᐅᔭᒃᑯᓐᓂᑦ: ᖃᓂᒌᓗᐊᕐᑕᐃᓕᒪᓂᖅ ᓯᓚᒥ ᐱᔾᔪᓯᐊᖅ ᐊᑭᖃᓪᓗᐊᕐᑐᖅ $500; ᐊᖏᕐᕋᒃᓯᒪᓗᓂ ᓂᕿᓕᐅᕐᓂᖅ ᐱᔾᔪᓯᐊᖅ ᐊᑭᖃᓪᓗᐊᕐᑐᖅ $500; ᐊᒻᒪ ᐊᖏᕐᕋᒥ ᓴᓗᖕᒪᕐᓴᐃᓂᔪᓄᑦ ᐱᔾᔪᓯᐊᖅ ᐊᑭᖃᓪᓗᐊᕐᑐᖅ $500. ᑭᓇᑐᐃᓐᓇᖅ ᐃᓯᑐᐃᓐᓇᕐᓗᓂ ᑲᐱᔭᐅᔭᕐᑐᖅᑐᖅ ᐱᖃᑕᐅᑎᑕᐅᔪᓐᓇᕐᐳᖅ
ᐃᓄᐃᑦ ᓂᐅᕕᐅᑎᒃᓴᒥᒃ $25 ᐱᑎᑕᐅᓗᑎᒃ ᓄᓇᕗᑦ ᑐᙵᕕᒃᑯᓐᓂᑦ ᑲᐱᔭᐅᔭᕇᕋᐃᒃᐸᑕ.
ᐃᖃᓗᖕᓂ ᓄᕙᒡᔪᐊᓇᖅ−19 ᐋᓐᓂᐊᑖᖅᑕᐃᓕᒪᒍᑎᓂᒃ ᑲᐱᔭᐅᔭᕐᑐᕐᕕᒃ ᐃᓯᑐᐃᓐᓇᕆᐊᖅ ᑲᒪᒋᔭᐅᔪᖅ ᓄᓇᕗᑦ ᑐᙵᕕᒃᑯᓐᓂᑦ, ᕿᑭᖅᑕᓃ ᐃᓄᐃᑦ ᑲᑐᔾᔨᖃᑎᒌᖏᓐᓂᒃ, ᓄᓇᕗ ᒐᕙᒪᒃᑯᖏᑦ ᐱᓕᕆᕕᖓᑦ …

ᐃᓄᒃᑑᖅᑕ! ᐃᓄᒃᑐᑦ ᐅᓂᒃᑳᓂᒃ ᑎᑎᕋᑦᑎᐊᕐᓂᑭᓴᐅᑎᔪᑦ ᐱᔾᔪᓯᐊᖅᑖᖅᑐᑦ ᖁᕕᐊᓱᒍᑕᐅᓂᖏᑦ

(ᒪᐃ 27, 2021 – ᐃᖃᓗᐃᑦ, ᓄᓇᕗᑦ)  ᓄᓇᕗᑦ ᑐᙵᕕᒃ ᑎᒥᖓ (ᑐᙵᕕᒃᑯᑦ) ᖁᕕᐊᒃᐳᑦ
ᑐᓴᖅᑎᑦᑎᒋᐊᒥᒃ ᑖᒃᑯᐊ ᐃᓄᒃᑑᖅᑕ! ᐃᓄᒃᑐᑦ ᐅᓂᒃᑳᓂᒃ ᑎᑎᕋᑦᑎᐊᕐᓂᑭᓴᐅᑎᔪᑦ ᐱᔾᔪᓯᐊᖅᑖᖅᓴᑦ ᑐᓂᔭᐅᓂᐊᕐᓂᖏᓐᓂᒃ ᑕᑯᒃᓴᐅᓗᑎᒃ ᑕᕝᕙᑲᐅᑎᒋ ᑎᓛᕖᓴᒃᑯᑦ ᖁᕕᐊᓱᒍᑕᐅᑎᓪᓗᒋᑦ ᑎᓴᕐᒥᕐᒥ ᔫᓂ 3, 2021-ᖑᓕᖅᑲᑦ
 
“ᓇᓗᖅᑯᑎᙱᓂᕐᓴᐅᓕᕐᐳᖓ ᐊᒥᓲᓯᒪᓂᖏᓐᓄᑦ ᐃᓄᒃᑑᖅᑕ! ᐃᓄᒃᑐᑦ ᐅᓂᒃᑳᓂᒃ ᑎᑎᕋᑦᑎᐊᕐᓂᑭᓴᐅᑎᔪᖃᕐᓯᒪᒻᒪᑦ ᐱᔾᔪᓯᐊᖅᑕᕋᓱᐊᕐᑐᓂᒃ. 60-ᖑᓗᐊᓚᐅᕐᒪᑕ ᓇᑦᓯᐅᔾᔨᔪᑦ, ᓇᓗᒋᔪᓐᓃᕐᐸᕋ ᐱᑕᖃᕆᐊᖃᓪᓚᕆᓐᓂᖓᓂᒃ ᐃᓄᒃᑐᑦ ᐅᖃᓖᒪᖔᓂᒃ. ᑕᒪᐃᓐᓄᑦ ᓇᑦᓯᐅᔾᔨᓚᐅᕐᑐᓄᑦ, ᖁᔭᓐᓇᒦᕈᒪᕙᒃᓯ ᐊᒻᒪ ᑎᓕᐅᒃᑲᓂᕐᐸᒃᓯ ᐅᓂᒃᑳᓂᒃ ᑎᑎᕋᐃᓐᓇᖁᓪᓗᓯ,” ᐅᖅᑲᖅᑐᖅ ᐊᓗᑭ ᑰᑦᑎᖅ, ᐊᖓᔪᖅᑳᖓᑦ ᓄᓇᕗᑦ ᑐᙵᕕᒃ ᑎᒥᖓᑕ.
 
ᐃᓄᒃᑑᖅᑕ! ᖁᕕᐊᓱᒍᑕᐅᓂᖓ ᑕᑯᒃᓴᐅᓛᕐᑐᖅ ᔫᓂ 3, 2021-ᒥ 7:00-ᒥᑦ 8:00-ᒧᑦ ᐅᓐᓄᒃᑯᑦ ᑲᓇᓐᓇᐅᑉ ᓯᕿᖑᔭᖓ ᐊᑐᕐᓗᒍ, ᑐᙵᓱᒃᑎᑦᑎᔨᖃᓪᓗᑎᒃ ᐅᕙᒍᑦ ᑎᓖᕖᓴᒃᑯᓐᓂᒃ. ᑕᑯᓐᓇᕈᓐᓇᓛᕐᑕᓯ ᓵ ᑕᐃᕆᐊᑦ (Shaw Direct) …

ᑐᙵᕕᒃᑯᑦ ᐊᔪᐃᓐᓇᖅᑐᑦ ᐊᓯᖅᑯᕝᕕᖃᙱᑦᑐᒥᒃ ᐊᑭᓕᖅᓱᖅᑕᐅᖁᓪᓗᒋᑦ ᐋᓐᓂᐊᒧᑦ ᓄᖅᑲᖓᔪᑦ ᓄᓇᕗᒻᒥ

(ᒪᐃ 13, 2021 – ᐃᖃᓗᐃᑦ, ᓄᓇᕗᑦ) ᓄᓇᕗᑦ ᑐᙵᕕᒃ ᑎᒥᖓ (ᑐᙵᕕᒃ) ᐊᔪᐃᓐᓈᓖᑦ ᓄᓇᕗᑦ ᒐᕙᒪᒃᑯᑦ (GN) ᐋᖅᑮᖁᓪᓗᒋᑦ ᐊᓯᖅᑯᕝᕕᖃᙱᑦᑐᒥᒃ ᐊᑭᓕᖅᓱᖅᑕᐅᒍᓐᓇᖁᓪᓗᒋᑦ ᐋᓐᓂᐊᓂᕐᒧᑦ ᓄᖅᑲᖓᔪᑦ ᐋᓐᓂᐊᒧᑦ ᒪᓂᒪᑎᑕᐅᖁᓪᓗᒍ ᐃᖅᑲᓇᐃᔭᖅᑎᓕᒫᑦᓯᐊᓄᑦ ᓄᓇᕗᒻᒥ.

ᑐᙵᕕᒃᑯᑦ ᐃᓱᒫᓘᑎᓖᑦ ᐅᓄᖅᓯᕙᓪᓕᐊᑐᐃᓐᓇᕐᓂᖏᓐᓂᒃ ᓄᕙᔾᔪᐊᕐᓇᓖᑦ−19-ᒥᒃ ᓄᓇᕗᒻᒥ ᐊᒻᒪᓗ ᐊᒃᑐᐊᓂᖃᑐᐃᓐᓇᕆᐊᖃᕐᓂᖏᓐᓂᒃ ᐃᖅᑲᓇᐃᔭᕆᐊᓕᓪᓚᑦᑖᓄᑦ ᐱᓕᕆᐊᒥᓂᒃ. ᓄᓇᕗᑦ ᐊᓯᖅᑯᕝᕕᖃᙱᑦᑐᒥᒃ ᐊᑭᓕᖅᓱᖅᑕᐅᔾᔪᑎᖃᙱᑦᑐᖅ ᐋᓐᓂᐊᓂᕐᒧᑦ ᐃᖅᑲᓇᐃᔭᖅᑎᓄᑦ, ᐊᑭᓕᖅᓱᖅᑕᐅᔾᔪᑏᑦ ᐋᓐᓂᐊᓂᕐᒧᑦ ᑭᒡᓕᖃᕐᒪᑕ ᐅᕝᕙᓘᓐᓃᑦ ᐱᖃᙱᓯᐊᒻᒪᕆᑦᑐᑦ ᐅᓄᖅᑐᓂ ᓇᖕᒥᓂᖁᑕᐅᔪᓂ−ᐱᓕᕆᕝᕕᓐᓂ ᐃᖅᑲᓇᐃᔭᕆᐊᖃᓪᓚᑖᖅᑐᓄᑦ ᐱᓕᕆᐊᒥᓂᒃ, ᐊᒻᒪᓗ ᑕᒪᓐᓇ ᐱᓗᖅᑯᑕᐅᑐᐃᓐᓇᕆᐊᓕᒃ ᓯᐊᒻᒪᐸᓪᓕᐊᓂᖓᓄᑦ ᐊᐃᑦᑐᕐᓘᑎᓂᕐᒧᑦ ᐋᓐᓂᐊᒥ. ᐃᖅᑲᓇᐃᔭᕆᐊᖃᓪᓚᑖᖅᑐᑦ ᐱᓕᕆᐊᒥᓂᒃ, ᓇᓂᐅᒐᓗᐊᖅᐸᑦ ᐱᓕᕆᕝᕕᖓ, ᑐᓂᔭᐅᖃᑦᑕᕆᐊᓖᑦ ᓈᖕᒪᑦᑐᓂᒃ ᐃᑲᔫᑎᓂᒃ ᓲᕐᓗ ᐋᓐᓂᐊᓂᕐᒧᑦ ᓄᖅᑲᖓᔾᔪᑎᓂᒃ ᐊᖏᕐᕋᖅᓯᒪᖁᓪᓗᒋᑦ ᐋᓐᓂᐊᓂᕐᒥᓂ ᐅᕝᕙᓘᓐᓃᑦ ᐃᓄᑐᐊᒃᑯᕕᒻᒦᑎᒋᐊᖃᕐᓂᕐᒧᑦ ᓇᒧᙶᔭᙱᓂᕐᒥᒃ.

ᐊᖓᔪᖅᑳᖅ ᑰᑦᑎᖅ ᐅᖃᓚᐅᖅᑐᖅ “ᐊᕐᕌᒍᒥ ᓄᓇᕐᔪᐊᒥ …

ᐃᓄᑐᐊᒃᑯᕕᒻᒦᒋᐊᓕᓐᓄᑦ ᐃᑲᔫᑏᑦ ᑭᒃᑯᑐᐃᓐᓇᕐᓄᑦ ᐊᒃᑐᖅᑕᐅᓯᒪᔪᓄᑦ ᓄᕙᔾᔪᐊᕐᓇᖅ−19-ᒧᑦ

(ᒪᐃ 3, 2021 – ᐃᖃᓗᐃᑦ, ᓄᓇᕗᑦ) ᓄᓇᕗᑦ ᑐᙵᕕᒃ ᑎᒥᖓ (ᑐᙵᕕᒃ) ᐃᓚᒋᐊᖅᓯᒪᓕᖅᑕᖓ ᐃᓄᑐᐊᒃᑯᕕᒻᒦᒋᐊᓕᓐᓄᑦ ᐃᑲᔫᑎᒃᓴᑦ ᓄᓇᕗᒻᒥ ᐃᓄᐃᑦ ᐊᖏᕐᕋᖅᓯᒪᒍᓐᓇᖁᓪᓗᖏᑦ.
ᐃᓄᐃᑦ 14-ᓂᒃ ᐅᓪᓗᓂᒃ ᐃᓄᑐᐊᒃᑯᕕᒻᒦᑦᑐᑦ ᒫᓐᓇ ᐃᓄᑐᐊᒃᑯᕕᒻᒦᑦᑐᓄᑦ ᐃᑲᔫᑎᓂᒃ ᐸᔪᑦᑕᐅᒍᓐᓇᓕᖅᑐᑦ ᐃᓚᒋᔭᖏᑦ ᐊᖏᕐᕋᒥᓃᑦᑐᑦ ᓄᓇᓕᓐᓂ. ᐃᓚᒋᔭᐅᓪᓗᑎᒃ ᐋᓐᓂᐊᕐᕕᓕᐊᖅᓯᒪᔪᑦ ᐊᒻᒪᓗ ᒪᓕᑦᑎᖏᑦ ᐃᓄᑐᐊᒃᑯᕕᒻᒦᒋᐊᖃᖅᑎᓪᓗᒋᑦ ᐃᓚᒋᔭᐅᓪᓗᑎᒃ ᐃᖃᓗᓐᓅᖅᓯᒪᔪᑦ ᐊᒻᒪᓗ ᐋᓐᓂᐊᕐᕕᓕᐊᖅᑐᓄᑦ ᐃᓄᑐᐊᒃᑯᕕᓐᓂ ᖃᓪᓗᓈᓂ. ᑖᓐᓇ ᐃᓚᒋᐊᕈᑕᐅᔪᖅ ᒫᓐᓇ ᐱᓕᕆᐊᒧᑦ, ᐃᓄᑐᐊᒃᑯᕕᒻᒦᑦᑐᓄᑦ ᐃᑲᔫᑏᑦ ᑐᓂᔭᐅᖃᑦᑕᖅᑐᑦ ᓄᓇᕗᒻᒥ ᐃᓄᐃᑦ ᓇᓗᓇᐃᖅᑕᐅᓯᒪᔪᑦ ᓄᕙᔾᔪᐊᕐᓇᖃᕆᐊᖏᑦ−19-ᒥᒃ ᐅᕝᕙᓘᓐᓃᑦ ᐃᓄᑐᐊᒃᑯᕕᒻᒦᒋᐊᖃᖅᑎᑕᐅᔪᑦ 14-ᓂᒃ ᐅᓪᓗᓂᒃ ᖃᐅᔨᓴᖅᑕᐅᓂᖏᓐᓂ ᓇᓗᓇᐃᖅᑕᐅᓯᒪᑎᓪᓗᒋᑦ ᑲᓲᒪᑦᓯᔪᒥᓂᐅᓇᓱᐊᒋᔭᐅᓗᑎᒃ ᓄᕙᔾᔪᐊᓇᖅᑐᓕᒻᒥᒃ.
“ᓄᓇᕗᒻᒥ ᐃᓄᐃᑦ ᒪᓕᑦᓯᐊᖁᔭᒻᒪᕆᒃᑲ ᑎᓕᓯᔾᔪᑎᖏᓐᓂᒃ ᐃᖢᐊᖅᓴᐃᔨᕐᔪᐊᑉ,” ᐅᖃᖅᑐᖅ ᐊᓗᑭ ᑰᑦᑎᖅ, ᐊᖓᔪᖅᑳᖓ ᑐᙵᕕᒃᑯᑦ. “ᐊᖏᕐᕋᖅᓯᒪᓗᑎᑦ, ᒪᑐᐊᖅᓯᒪᓗᑎᑦ, ᐊᒡᒐᑎᑦ ᐅᐊᓴᖃᑦᑕᕐᓗᒋᑦ ᐊᒻᒪᓗ …

ᐃᓅᒍᓐᓃᕐᓂᖓ ᑖᒪᔅ ᕘᔾᔪ ᕿᑦᓵᕈᑕᐅᕗᖅ ᑐᙵᕕᒃᑯᓐᓄᑦ

(ᐄᑉᕈ 30, 2021 – ᐃᖃᓗᐃᑦ, ᓄᓇᕗᑦ) ᐊᓗᑭ ᑰᑦᑎᖅ, ᓄᓇᕗᑦ ᑐᙵᕕᒃ ᑎᒥᖓᑕ (ᑐᙵᕕᒃ) ᐊᖓᔪᖅᑳᖓ ᐅᓪᓗᒥ ᓇᒡᓕᒍᓱᓐᓂᕐᒥᓂᒃ ᓂᓪᓕᐅᔾᔨᖅᑲᐅᕗᖅ ᐃᓚᖏᓐᓂᒃ ᑖᒪᔅ ᕋ. ᕘᔾᔪᓚᐅᖅᑑᑉ ᐃᓅᒍᓐᓃᓚᐅᖅᑐᖅ ᐱᖓᑦᓯᕐᒥ.
ᑖᒪᔅ ᕘᔾᔪ ᐱᖕᒪᕆᐅᓚᐅᖅᐳᖅ ᒐᕙᒪᑐᖃᒃᑯᓐᓂᒃ ᐊᓯᔾᔩᑎᑦᓯᓂᖓ ᐊᑐᐊᒐᖏᓐᓂᒃ ᐊᒻᒪᓗ ᐃᓕᓴᕆᔭᐅᓂᖏᓐᓂᒃ ᓄᓇᖃᖅᑳᖅᓯᒪᔪᓄᑦ ᐱᔪᓐᓇᐅᑏᑦ ᐊᒻᒪᓗ ᑕᐃᔭᐅᔾᔪᑎ ᐱᓕᕆᐊᖑᒋᐊᖃᕐᓂᖓᓂᒃ. ᐱᓕᕆᐊᕆᑦᓯᐊᑕᒻᒪᕆᓚᐅᖅᑕᖏᑦ ᐱᓇᓱᐊᒐᑦᓴᓂᒃ ᒪᓕᒐᕐᓂᐅᖅᑎᐅᓂᕐᒥᓄᑦ ᐊᓪᓚᐃᑦ ᓂᔅ’ᒐ ᐊᓪᓚᐃᑦ ᑲᑎᒪᔨᖏᑦ ᖃᐅᔨᒪᔮᖑᑦᓯᐊᖅᑐᒥᒃ ᑭᒃᑯᑐᐃᓐᓇᕐᓄᑦ ᑕᐃᔭᐅᔪᖅ ᑲᐅᑕ ᐃᖅᑲᖅᑐᐃᕕᒻᒦᒍᑕᐅᓂᖓ, ᑎᑭᐅᑎᓚᐅᖅᑐᖅ ᑲᓇᑕᒥ ᖁᑦᓯᓂᖅᐹᓄᑦ ᐃᖅᑲᖅᑐᐃᔨᕐᔪᐊᓄᑦ. ᑖᓐᓇ ᐃᖅᑲᖅᑐᐃᕕᒻᒦᒍᑕᐅᔪᖅ ᑎᑭᐅᑎᒍᑕᐅᓚᐅᖅᑐᖅ ᒐᕙᒪᑐᖃᒃᑯᓐᓄᑦ ᐋᔩᕋᕈᑎᖃᖅᐸᓪᓕᐊᓂᕐᒥᒃ ᓄᓇᑖᕐᓂᕐᒧᑦ ᐊᖏᖃᑎᒌᒍᑎᓂᒃ ᓄᓇᖃᖅᑳᖅᓯᒪᔪᓄᑦ, ᐃᓚᒋᔭᐅᓪᓗᑎᒃ ᐃᓄᐃᑦ.
“ᓄᓇᕗᑦ ᐊᖏᕈᑎᖏᑦ ᑲᔪᓯᑎᑕᐅᓚᐅᖅᑐᖅ ᐊᕐᕌᒍᓂ ᐱᔭᕆᐊᑐᔪᒃᑯᑦ ᐋᔩᕋᕈᑕᐅᖃᑦᑕᕐᓂᖏᑎᒍᑦ ᒐᕙᒪᑐᖃᒃᑯᑦ ᐊᖏᕈᓐᓇᖅᓯᕋᑕᓚᐅᖅᑐᑦ ᐃᓕᓴᖅᓯᓂᕐᒥᒃ ᐱᖅᑯᓯᑦᑎᓐᓂᒃ ᐊᒻᒪᓗ …

ᑐᙵᕕᒃᑯᑦ ᖃᐅᔨᕐᕙᓪᓚᒍᑎᖏᑦ 2021 ᒐᕙᒪᑐᖃᒃᑯᑦ ᑮᓇᐅᔭᖅᑑᑎᒃᓴᖏᓐᓂᒃ

(ᐄᑉᕈ 20, 2021 – ᐃᖃᓗᐃᑦ, ᓄᓇᕗᑦ) ᐊᑯᓐᓂᖓᓂ ᓄᓇᓕᐸᐅᔭᓕᒫᖅ ᒪᑐᔭᐅᓯᒪᓂᖓᑕ ᐊᒻᒪᓗ ᐅᓄᖅᓯᕙᓪᓕᐊᑐᐃᓐᓇᑎᓪᓗᒋᑦ ᓄᕙᔾᔪᐊᕐᓇᓖᑦ−19-ᒥᒃ ᓈᓴᖅᑕᐅᓯᒪᔪᑦ, ᓄᓇᕗᑦ ᑐᙵᕕᒃ ᑎᒥᖓ (ᑐᙵᕕᒃ) ᐅᔾᔨᓱᖅᑐᑎᒃ ᓂᕆᐅᖕᓂᕆᔭᒥᓂᒃ 2021 ᒐᕙᒪᑐᖃᒃᑯᑦ ᑮᓇᐅᔭᖅᑑᑎᒃᓴᖏᓐᓂᒃ.
“ᑕᐃᒪᙵᑦ ᓴᖅᑭᖅᑕᐅᓚᐅᕐᒪᑕᓂᒃ ᐃᓄᐃᑦ−ᑯᐃᓐ ᐱᓇᓱᐊᖃᑎᒌᑦᑐᑦ ᑲᑎᒪᔨᕋᓛᑦ 2017-ᒥ, ᐃᓄᐃᑦ ᓯᕗᓪᓕᐅᔾᔭᐅᔭᕆᐊᓕᖁᑎᖏᑦ ᐃᓕᓴᕆᔭᐅᕙᓪᓕᐊᖏᓐᓇᖅᓯᒪᔪᑦ ᒐᕙᒪᑐᖃᒃᑯᑦ ᑮᓇᐅᔭᖅᑑᑎᒃᓴᖏᑎᒍᑦ. ᓂᕆᐅᒋᔭᖃᑦᓯᐊᖅᑐᖓ ᐊᖏᕈᑕᐅᓯᒪᔪᓂᒃ ᑮᓇᐅᔭᖅᑑᑎᒃᓴᓂᒃ ᓄᓇᖃᖅᑳᖅᓯᒪᔪᑦ ᓄᓇᓖᑦ ᐱᖁᑎᕐᔪᐊᓄᑦ ᑮᓇᐅᔭᓕᑕᐅᒍᑎᖏᓐᓂᒃ, ᐃᓕᓐᓂᐊᓵᓕᔪᑦ ᒥᑭᓂᖏᓐᓂ ᐊᒻᒪᓗ ᐋᖅᑭᑦᓱᐃᒍᑎᒃᓴᓂᒃ ᐊᕐᓇᐅᓂᖏᑦ/ᐊᖑᑕᐅᓂᖏᑦ ᐱᔾᔪᑕᐅᓪᓗᑎᒃ ᓂᖓᖃᑦᑕᓂᕐᒧᑦ. ᓄᓇᕐᔪᐊᒥ ᖃᓂᒪᓐᓇᖅ ᓇᓗᓇᐃᖅᓯᓯᒪᔪᖅ ᓴᙲᓐᓂᐅᔪᓂᒃ ᐊᑐᓂᑦ ᑖᒃᑯᐊ ᐊᐅᓚᔾᔪᑎᖏᓐᓂᒃ” ᐅᖃᖅᑐᖅ ᐊᓗᑭ ᑰᑦᑎᖅ, ᑐᙵᕕᒃᑯᑦ ᐊᖓᔪᖅᑳᖓ.
“ᓇᓗᓇᐃᖅᓯᒪᑦᓯᐊᑎᓪᓗᒍ ᖃᓄᐃᑦᑑᓂᖓ ᐃᓪᓗᓕᕆᓂᕐᒨᖓᔪᖅ ᓴᐳᔾᔨᓯᒪᒍᑎᒃᓴᒥᒃ ᐊᐃᑦᑐᕐᓘᑎᑦᑕᐃᓕᒪᓂᕐᒧᑦ ᐊᐃᑦᑐᕐᓘᑕᐅᕙᑦᑐᓂᒃ ᐋᓐᓂᐊᓂᒃ, ᓲᕐᓗ ᓄᕙᔾᔪᐊᕐᓇᖅ−19 ᐊᒻᒪᓗ ᐳᕙᓪᓗᓐᓂᖅ, ᖁᐊᖅᓵᖅᑐᖓ ᐊᒻᒪᓗ …

ᔫᓯ ᐊᒪᐅᔭᖅ ᑯᓱᒐᑦ ᐃᓕᓐᓂᐊᖅᑐᓄᑦ ᐃᑲᔫᑎᒃᓴᓄᑦ ᐱᓇᓱᐊᕐᓂᕐᒥᑦ ᒪᑐᐃᖅᑐᑦ

(ᐄᐳᕈ 12, 2021 – ᐃᖃᓗᐃᑦ, ᓄᓇᕗᑦ) ᓄᓇᕗᑦ ᑐᙵᕕᒃ ᑎᒥᖓᑕ ᐊᖓᔪᖅᑳᖓ ᐊᓗᑭ ᑰᑦᑎᖅ ᐅᓪᓗᒥ ᑐᓴᖅᑎᑎᖃᐅᕗᖅ ᔫᓯ ᐊᒪᐅᔭᖅ ᑯᓱᒐᖅ ᐃᖅᑲᐅᒪᔭᐅᓂᖓᓄᑦ ᐃᓕᓐᓂᐊᑐᖅᑐᒧᑦ ᐃᑲᔫᑎᑦ ᑐᒃᓯᕋᕈᑏᑦ ᒪᑐᐃᕐᒪᑦ.
ᐱᓇᓱᐊᕐᕕᔅᓴᐅᔪᖅ ᐄᐳᕈ  12, 2021−ᒥᑦ ᔪᓚᐃ 9−ᒧᑦ, 2021. ᐱᓇᓱᐊᖅᑐᑦ ᑎᑎᕋᕆᐊᓖᑦ 500−ᓂᑦ ᐅᖃᐅᓯᓕᒻᒥᒃ ᐱᔾᔪᑎᓕᒻᒥᒃ ᓇᓗᓇᐃᔭᕐᓯᒪᑦᑎᐊᕐᓗᒍ ᖃᓄᖅ ᐱᓇᓱᐊᖅᑐᖅ ᐊᑐᕋᔭᕐᒪᖔᖅ ᐃᓕᓐᓂᐊᕈᑎᒥᓂᒃ ᐊᑐᖅᑎᑦᑎᒋᐊᒃᑲᓂᕐᓗᓂ ᐃᓄᐃᑦ ᐱᔪᓐᓇᐅᑎᖏᓐᓂᒃ, ᑭᒃᑰᔾᔪᓯᖏᓐᓂᒃ, ᐅᖃᐅᓯᖓᓐᓂᒃ ᐃᓕᖅᑯᓯᖓᓐᓂᓪᓗ.
ᔫᓯ ᐊᒪᐅᔭᖅ ᑯᓱᒐᖅ ᑐᓂᓯᒪᓪᓚᕆᓚᐅᕐᓯᒪᒻᒪᒍ ᐃᓅᓯᓂ ᓄᓇᕗᒻᒧᑦ ᐊᒻᒪᓗ ᐱᕙᓪᓕᐊᑎᑦᑎᓂᕐᒧᑦ ᐃᓄᐃᑦ ᐱᔪᓐᓇᐅᑎᖏᓐᓂᒃ. ᐱᔪᒪᓂᖓ ᑐᓂᓯᒪᓂᖓᓗ ᐃᓕᓐᓂᐊᕐᓂᓕᕆᓂᕐᒧᑦ ᐊᒻᒪᓗ ᐊᑐᖅᑎᑦᑎᒋᐊᒃᑲᓂᕐᓂᕐᒧᑦ ᓴᙱᒃᑎᒋᐊᖅᑎᑦᑎᓂᕐᒧᓪᓗ ᐃᓄᐃᑦ ᐅᖃᐅᓯᖓᓐᓂᒃ ᐃᓄᓐᓄᑦ ᐊᒥᓱᓄᑦ ᓯᕗᒧᐊᒍᑕᐅᒋᐊᒃᑲᓂᕐᓯᒪᔪᖅ.
ᑐᙵᕕᒃᑯᑦ ᖃᐅᔨᒪᔨᒋᔭᐅᕗᑦ ᔫᓯᐅᑉ ᐱᔪᒐᕐᓴᐃᖃᑦᑕᕐᓯᒪᓂᖓ ᐃᓄᓐᓄᑦ ᑲᔪᓯᑎᑕᐅᕙᓪᓕᐊᖏᓐᓇᖁᓪᓗᒍ ᐃᑲᔫᓯᐊᖅᑖᑎᑦᑎᕙᑦᑐᑎᒃ …

ᑐᙵᕕᒃᑯᑦ ᖁᕕᐊᓱᒃᐳᑦ ᐊᐃᒃᐹᓂᒃ ᓄᓇᕗᑦ ᒐᕙᒪᒃᑯᖏᑕ ᐃᖅᑲᓇᐃᔭᕐᑎᓂᒃ ᖃᐅᔨᓴᕈᑎᖏᓐᓂ

(ᒪᑦᓯ 31, 2021 – ᐃᖃᓗᐃᑦ, ᓄᓇᕗᑦ)  ᓄᓇᕗᑦ ᑐᙵᕕᒃᑯᑦ (ᑐᙵᕕᒃ) ᐊᖓᔪᖅᑳᖓᑦ ᐊᓗᑭ ᑰᑦᑎᖅ ᖁᕕᐊᓱᒃᐳᖅ ᐊᐃᒃᐹᒍᑦ ᓄᓇᕗᑦ ᒐᕙᒪᒃᑯᖏᑦ ᐃᖅᑲᓇᐃᔭᕐᑎᓂᒃ ᖃᐅᔨᓴᕈᑎᖃᓐᓂᖏᓐᓄᒃ ᑕᒪᐃᓐᓂ ᓄᓇᕗᑦ ᒐᕙᒪᒃᑯᖏᓐᓂ ᐊᒻᒪ ᑲᓇᑕᐅᑉ ᒐᕙᒪᒃᑯᖏᑦ ᓄᓇᕗᖕᒥ.
ᓄᓇᕗᑦ ᒐᕙᒪᒃᑯᖏᑦ ᐃᖅᑲᓇᐃᔭᕐᑎᓂᒃ ᖃᐅᔨᓴᕈᑎᖃᕈᒪᓯᒪᓂᖏᑦ ᐅᑯᓇᖔᖅᑐᑦ ᐋᖅᑭᖃᑎᒌᒍᑕᐅᓯᒪᔪᓂᒃ 2015-ᒥ ᐃᖅᑲᖅᑐᐃᕕᒃᑰᑎᑦᑎᒍᑕᐅᓯᒪᔪᓂᒃ ᒐᕙᒪᑐᖃᒃᑯᓐᓂᒃ ᑲᒪᒋᔭᕆᐊᓕᖕᒥᓂᒃ ᑲᒪᓯᒪᙱᓐᓂᖏᓐᓄᑦ ᓄᓇᕗᑦ ᐊᖏᕈᑎᖏᓐᓂᒃ. ᖃᐅᔨᓴᕈᑕᐅᓯᒪᔪᑦ ᓄᓇᕗᑦ ᒐᕙᒪᒃᑯᖏᑕ ᐃᖅᑲᓇᐃᔭᕐᑎᓂᒃ ᖃᐅᔨᓴᕈᑎᖃᓐᓂᖏᑦ ᐊᑑᑎᖃᑦᑎᑕᐅᓂᐊᕐᑐᑦ ᒐᕙᒪᒃᑯᓐᓂᑦ ᐊᒻᒪ ᐃᓄᐃᑦ ᑎᒥᖁᑎᖏᓐᓂᒃ ᐅᓄᕐᓯᒋᐊᕐᑎᑕᐅᖁᓪᓗᒋᑦ ᐃᓄᐃᑦ ᐃᖅᑲᓇᐃᔭᕐᑐᑦ ᒐᕙᒪᒃᑯᓐᓂ ᓈᓚᐅᖅᑯᑦᑎᓂᕐᓴᐅᒋᐊᕐᑐᓂᒃ ᓄᓇᕗᖕᒥ ᐃᓄᐃᑦ ᐃᓄᒋᐊᓐᓂᕐᓴᐅᓂᖏᑦ ᒪᓕᓪᓗᒋᑦ, ᑕᐃᒪᓐᓇ ᐱᖁᔭᐅᓯᒪᖕᒪᑕ ᐃᓛᒃᑯᑦ 23-ᒥ ᓄᓇᕗᑦ ᐊᖏᕈᑎᖏᓐᓂ.
“ᓄᓇᕗᑦ ᒐᕙᒪᒃᑯᖏᑦ ᐃᖅᑲᓇᐃᔭᕐᑎᓂᒃ ᖃᐅᔨᓴᕈᑎᖃᓐᓂᖏᑦ ᐃᒃᐱᒋᔭᖃᓗᐊᕐᐳᑦ ᐱᔪᒥᒋᓗᐊᕐᑕᑎᓐᓂᒃ ᐃᖅᑲᓇᐃᔭᕐᕕᐅᓪᓗᑕ − ᐃᓕᓐᓂᐊᕐᓂᓕᕆᓂᖅ, …

ᐃᓕᖅᑯᓯᒃᑯᑦ ᐊᒻᒪᓗ ᒪᒥᓴᖅᑐᓕᕆᓂᕐᒧᑦ ᐱᓕᕆᐊᒃᓴᖅ − ᑐᒃᓯᕋᐅᓯᐅᖁᔨᔾᔪᑎ

(ᒫᑦᓯ 30, 2021 – ᐃᖃᓗᐃᑦ, ᓄᓇᕗᑦ) ᓄᓇᕗᑦ ᑐᙵᕕᒃ ᑎᒥᖓ (ᑐᙵᕕᒃ) ᖁᕕᐊᓱᑦᑐᖅ ᑐᓴᖅᑎᑦᓯᒋᐊᒃᓴᖅ ᑐᒃᓯᕋᐅᓯᐅᖁᔨᔾᔪᑎᒥᒃ ᓄᓇᕗᑦ ᑐᙵᕕᒃ ᐃᑲᔫᑎᒃᓴᓕᕆᔨᒃᑯᓐᓄᑦ (NTF) ᐃᓕᖅᑯᓯᒃᑯᑦ ᐊᒻᒪᓗ ᒪᒥᓴᖅᑐᓕᕆᓂᕐᒧᑦ ᐱᓕᕆᐊᒃᓴᒧᑦ. ᐃᓄᐃᑦ ᑐᒃᓯᕋᐅᓯᐅᕈᓐᓇᖅᑐᑦ ᐱᓕᕆᐊᒧᑦ ᑮᓇᐅᔭᓕᑕᐅᒍᑎᓂᒃ ᐅᑯᓄᖓ 1) ᐱᓕᕆᐊᒃᓴᒃᑯᑦ ᑲᒪᔾᔪᑎᒃᓴᑦ ᐋᓐᓂᖅᑕᐅᓯᒪᓂᕐᓄᑦ ᐊᒻᒪᓗ ᑭᖑᕚᖑᔪᑦ ᐊᒃᑐᖅᑕᐅᓯᒪᓂᖏᓐᓄᑦ ᐃᓕᓐᓂᐊᕆᐊᖃᑦᑕᓚᐅᖅᑐᑦ 2) ᐱᖅᑯᓯᒃᑯᑦ ᓄᓇᓕᐊᖅᑎᑦᓯᖃᑦᑕᓂᕐᒧᑦ ᐱᓕᕆᐊᒃᓴᑦ 3) ᐃᓕᓴᐃᓂᖅ ᐃᓄᐃᑦ ᐊᑐᖅᓯᒪᔭᖏᓐᓂᒃ, ᐃᓕᖅᑯᓯᖓᓂᒃ, ᐅᖃᐅᓯᖏᓐᓂᒃ ᐱᖅᑯᓯᖏᓐᓂᓪᓗ.
 
ᑭᒃᑯᑐᐃᓐᓇᐃᑦ ᐊᒻᒪᓗ ᑲᑐᔾᔨᖃᑎᒌᑦ ᐃᓄᐃᑦ ᐊᑎᖃᑕᐅᔪᑦ ᓄᓇᕗᑦ ᐊᖏᕈᑎᖏᓐᓂ, ᑮᓇᐅᔭᓕᐅᕋᓱᐊᖅᑎᐅᖏᑦᑐᑦ ᑲᑐᔾᔨᖃᑎᒌᑦ, ᐃᓕᓐᓂᐊᕐᕖᑦ, ᖃᓪᓗᓈᓂ ᐊᒻᒪᓗ ᐅᐸᕝᕖᑦ ᐊᒻᒪᓗ ᓄᑕᖅᑲᑦ ᒥᑭᓂᖏᓐᓂ ᐃᓕᓐᓂᐊᓵᓕᕖᑦ ᑐᒃᓯᕋᐅᓯᐅᕈᓐᓇᖅᑎᑕᐅᔪᑦ ᑎᑭᐅᑎᓯᒪᔪᓂᒃ ᐊᖏᓂᖅᐹᕆᔪᓐᓇᖅᑕᖓᓄᑦ $25,000 ᑐᕌᖓᔪᓂᒃ ᖁᓛᓂ ᑎᑎᕋᖅᓯᒪᔪᓄᑦ ᐱᓕᕆᐊᒃᓴᓄᑦ. ᓄᓇᕗᒻᒥᐅᑕᐅᓂᖅ …

ᓄᓇᕗᑦ ᑐᙵᕕᒃ ᑎᒥᖓ ᑐᓂᐅᖅᑲᐃᓂᕆᓂᐊᖅᑕᖓ ᐃᓄᒃᑑᖅᑐᓂᒃ ᐊᑐᕋᑦᓴᓂᒃ ᓄᓇᕗᒻᒥ

(ᒫᑦᓯ 26, 2021 – ᐃᖃᓗᐃᑦ, ᓄᓇᕗᑦ) ᓄᓇᕗᑦ ᑐᙵᕕᒃ ᑎᒥᖓ (ᑐᙵᕕᒃ) ᐊᒻᒪᓗ ᐃᓐᕼᐋᐱᑦ ᒦᑎᐊ
ᐊᖏᕈᑎᖃᖅᓯᒪᔫᒃ ᓇᓗᓇᐃᖅᓯᒍᑎᒥᓂᒃ ᐃᓄᐃᑦ ᐃᓚᒌᑦ ᐊᑐᐃᓐᓇᖃᕐᓂᐊᓕᕐᓂᖏᓐᓂᒃ ᐃᓄᒃᑑᖅᑐᓂᒃ ᐅᖃᓕᒫᒐᕐᓂᒃ ᐊᒻᒪᓗ ᐃᓕᓐᓂᐊᕈᑎᓄᑦ ᐊᑐᕋᑦᓴᓂᒃ ᐃᑲᔫᑎᒃᓴᓂᒃ ᐃᓄᒃᑐᑦ ᐅᖃᐅᓯᕐᒥᒃ ᐃᓕᓐᓂᐊᕈᑎᒃᓴᓂᒃ ᐊᖏᕐᕋᒥ. ᐃᑲᔪᖅᑕᐅᓪᓗᑎᒃ ᓄᓇᖃᖅᑳᖅᓯᒪᔪᓄᑦ ᓄᓇᓕᓐᓄᑦ ᐃᑲᔫᑎᒃᓴᓂᒃ ᑮᓇᐅᔭᓂᒃ ᑲᓇᑕ ᒐᕙᒪᒃᑯᖏᓐᓂᒃ, ᑐᙵᕕᒃᑯᑦ, ᐱᓇᓱᐊᖃᑎᖃᖅᑐᑎᒃ ᐃᓐᕼᐋᐱᑦ ᒦᑎᐊᒃᑯᓐᓂᒃ, ᖁᕕᐊᓱᑦᑐᑦ ᑐᓂᐅᖅᑲᐃᓂᐊᕐᓂᕐᒥᒃ ᐊᖏᕐᕋᒥ ᐃᓄᒃᑐᑦ ᑎᑎᖅᑭᕆᔾᔪᑎᒃᓴᓂᒃ ᐃᓄᐃᑦ ᓄᑕᖅᑲᖏᓐᓄᑦ ᓄᓇᕗᒻᒥ.
 
ᐃᓄᒃᑐᑦ ᑎᑎᖅᑭᕆᔾᔪᑎᓃᖃᑕᐅᓂᐊᖅᑐᑦ ᐅᖃᓕᒫᒐᑦ ᐊᔾᔨᙳᐊᓖᑦ, ᕿᒥᕐᕈᐊᒐᑦ, ᐅᖃᓕᒫᒐᐸᐅᔭᑦ, ᐱᖅᑯᓯᕐᒥᒃ ᐅᓂᒃᑳᑦ, ᕿᓪᓕᖅᑐᑦ ᑕᕐᕆᔮᑦᓴᑦ, ᕿᓪᓕᖅᑐᑦ ᑐᓴᕋᑦᓈᒐᑦ, ᐊᒻᒪᓗ ᑎᑎᖅᑭᕆᓂᕐᒧᑦ ᐱᓕᕆᐊᒃᓴᑦ. ᓄᓇᕗᑦ ᐃᓕᓴᐃᔨᖏᑦ ᐃᓕᓐᓂᐊᖅᑏᑦ ᐃᓕᓐᓂᐊᕆᐊᓕᓵᖅᑐᑦ ᐊᒻᒪᓗ ᐃᓕᓐᓂᐊᕐᓂᓖᑦ 1 ᑐᓂᔭᐅᓂᐊᖅᑐᑦ ᐊᒻᒪᓗ ᑐᓂᐅᖅᑲᖅᑕᐅᓗᑎᒃ …

ᑐᙵᕕᒃᑯᑦ ᓇᓗᓇᐃᕆᔪᑦ ᐊᓪᓗᕆᐊᕈᑕᐅᓂᐊᖅᑐᒥᒃ ᐳᕙᓪᓗᓐᓇᖅ TB ᓄᖑᑎᑕᐅᓂᖓᓄᑦ

(ᒫᑦᓯ 24, 2021 – ᐃᖃᓗᐃᑦ, ᓄᓇᕗᑦ) ᐅᓪᓗᒥ ᓄᓇᕐᔪᐊᒥ ᐳᕙᓪᓗᓐᓇᖅ TB ᐅᓪᓗᖓ, ᓄᓇᕗᑦ ᑐᙵᕕᒃ ᑎᒥᖓ (ᑐᙵᕕᒃ) ᖁᕕᐊᓱᑦᑐᖅ ᓇᓗᓇᐃᕆᒋᐊᑦᓴᖅ ᐊᓪᓗᕆᐊᕈᑕᐅᓂᐊᖅᑐᓂᒃ ᐳᕙᓪᓗᓐᓇᖅ TB ᓄᖑᑎᑕᐅᓂᖓᓄᑦ ᓄᓇᕗᒻᒥ.
 
ᐊᕐᕌᓂ, ᓄᓇᕗᒻᒥ ᐳᕙᓪᓗᓐᓇᖅ ᓄᖑᑎᑕᐅᓂᖓᓄᑦ ᐊᐅᓚᔾᔭᐃᒍᑎᒃᓴᑦ ᐸᕐᓇᐅᑏᑦ, 2020-2023 ᑕᒪᐃᓐᓄᑦ ᐊᖏᕈᑕᐅᓚᐅᖅᑐᑦ ᑐᙵᕕᒃᑯᑦ ᑲᑎᒪᔨᖏᓐᓄᑦ. ᓇᓗᓇᐃᖅᓯᒪᔪᒃᑯᑦ ᑲᔪᓯᑎᑕᐅᒐᓱᐊᕐᓂᖓ ᐊᐅᓚᔾᔭᐃᒍᑎᒃᓴᑦ ᐸᕐᓇᐅᑎᖏᑦ ᓄᓇᕗᑦ ᒐᕙᒪᒃᑯᑦ (GN) ᓄᖅᑲᖓᑎᑕᐅᓚᐅᕐᒪᑕ ᐱᕙᓪᓕᐊᑎᑕᐅᓂᖏᑦ ᓄᕙᔾᔪᐊᕐᓇᖅ−19 ᓄᓇᕐᔪᐊᒥ ᖃᓂᒪᓐᓇᖅ, ᐊᒻᒪᓗ ᐊᐅᓚᓂᐅᓚᖓᓚᐅᖅᑐᑦ ᐸᕐᓇᑕᐅᓯᒪᔪᑦ 2020-ᒧᑦ ᑭᖑᕙᕆᐊᖅᑕᐅᓚᐅᖅᑐᑦ ᒪᓕᑦᑕᐅᖁᓪᓗᒋᑦ ᐃᖢᐊᖅᓴᐃᔨᓄᑦ ᒪᓕᒐᑦᓴᓕᐊᖑᓯᒪᔪᑦ.
 
ᐳᕙᓪᓗᓐᓂᖅ TB ᓄᖑᑎᑕᐅᖁᓪᓗᒍ ᐊᐅᓚᔾᔭᐃᒍᑎᒃᓴᑦ ᐸᕐᓇᐅᑏᑦ ᑐᑭᒧᐊᒍᑎᒋᓂᐊᖅᑕᕗᑦ ᓯᕗᒧᐊᒃᐸᓪᓕᐊᒍᑎᒋᓗᑎᒍ ᐊᖅᑯᑎᒧᑦ ᐃᖢᕐᕆᑲᓐᓂᕈᑎᒃᓴᖏᓐᓄᑦ ᓄᓇᓖᑦ. ᐊᖏᖅᓯᒪᓂᒃᑯᑦ ᐱᓇᓱᐊᕐᓂᕆᔭᕗᑦ ᐊᒃᑐᐃᓂᖃᕐᓂᐊᖅᑐᑦ ᓄᓇᓕᑦᑎᓐᓂᒃ ᐃᑯᓪᓚᕈᑕᐅᔪᓐᓇᖅᑐᑎᒍᑦ ᐊᖑᒪᑦᓯᔾᔪᑕᐅᔪᓐᓇᖅᑐᓂᒃ ᐋᓐᓂᐊᓂᕐᓂᒃ ᓲᕐᓗ ᐳᕙᓪᓗᓐᓂᖅ …

ᓄᓇᕗᑦ ᑐᙵᕕᒃ ᑎᒥᖓ − ᐊᑎᖃᖃᑕᐅᔪᓄᑦ ᐊᑎᒃᑯᕕᒃ

(ᒫᑦᓯ 23, 2021 – ᑲᖏᕐᖠᓂᖅ, ᓄᓇᕗᑦ) ᓄᓇᕗᑦ ᑐᙵᕕᒃ ᑎᒥᖓ (ᑐᙵᕕᒃ) ᐃᖅᑲᐃᑎᑦᓯᒍᒪᕗᖅ ᓄᓇᕗᒻᒥ ᐃᓄᓐᓂᒃ ᐱᖕᒪᕆᐅᓂᖓᓂᒃ ᓄᑖᙳᑎᑦᓯᒋᐊᖃᑦᑕᕆᐊᖃᕐᓂᖏᓐᓂᒃ ᓇᓗᓇᐃᒃᑯᑕᕐᒥᓂᒃ ᐊᑎᖃᖃᑕᐅᔪᑦ ᑎᑎᕋᖅᑕᐅᓯᒪᕕᖓᓂ.
ᑲᓇᑕᒥᐅᑕᐅᒍᕕᑦ, ᐃᓅᓗᑎᒃ ᒪᓕᓪᓗᒋᑦ ᐃᓄᐃᑦ ᐱᖅᑯᓯᖏᑦ ᐊᑐᖃᑦᑕᖅᑕᖏᓪᓗ ᐊᒻᒪᓗ ᐃᓕᓐᓂᒃ ᐃᓅᒋᐊᑦᓴᖅ ᓇᓗᓇᐃᖅᓯᒪᒍᕕᑦ, ᐱᔪᓐᓇᑐᐃᓐᓇᕆᐊᖃᖅᐳᑎᑦ. ᐊᑎᖃᖃᑕᐅᕌᓂᒃᑯᕕᑦ, ᓄᑖᙳᖅᑎᒋᐊᕆᐊᓕᑎᑦ ᓇᓗᓇᐃᒃᑯᑕᑎᑦ ᑐᓴᖅᑕᐅᑎᓪᓗᒋᑦ ᐊᑎᖃᖃᑕᐅᔪᓕᕆᔨᒃᑯᑦ ᐱᓕᕆᕝᕕᐊᓄᑦ ᑐᙵᕕᒃᑯᓐᓂ ᐅᑯᓂᖓ:

ᑐᕌᕈᑏᑦ ᐊᓯᔾᔨᓂᖅᐸᑦ;
ᓄᑦᑎᕐᓂᕈᕕᑦ ᐊᓯᐊᓄᑦ ᐊᕕᑦᑐᖅᓯᒪᓂᐅᔫᑉ ᓄᓇᕗᒻᒥ;
ᐊᑎᕈᓰᑦ (ᐊᑎᓕᖅᑮᑦ) ᐊᓯᔾᔨᓂᖅᐸᑦ;
ᕿᑐᕐᖓᑖᕐᓂᕈᕕᑦ ᐅᕝᕙᓘᓐᓃᑦ ᐊᑎᓕᐅᖅᑕᐅᒃᑲᓚᐅᖅᓯᒪᙱᒃᑯᕕᒋᑦ ᕿᑐᕐᖓᑎᑦ ᑲᑎᖅᓱᐃᕕᒻᒨᖅᑕᐅᑲᕐᓗᒋᑦ;
ᐊᑏᑦ ᑕᒻᒪᖅᓯᒪᑉᐸᑦ;
ᒫᓐᓇ ᐊᑎᒃᑯᕕᑎᑦ ᓇᓗᓇᐃᒃᑯᑕᑦ ᐊᔾᔨᒋᙱᑕᖓᓂᒃ ᑎᑎᕋᖅᓯᒪᑉᐸᑕ;

ᑐᒃᓯᕋᐅᑏᑦ ᑕᑕᑎᕋᑦᓴᑦ ᐊᑎᓕᐅᖅᑕᐅᖃᑕᐅᓂᕐᒧᑦ, ᐊᓯᔾᔨᕆᐊᓕᓐᓄᑦ, ᐋᖅᑭᒋᐊᕆᐊᓕᓐᓄᑦ ᑕᒻᒪᖅᓯᒪᔪᓄᑦ ᐅᕝᕙᓘᓐᓃᑦ ᓇᓗᓇᐃᒃᑯᑕᑦ ᐃᓅᒍᓐᓃᖅᑐᓄᑦ, ᐊᒻᒪᓗ ᑕᑕᑎᕋᑦᓴᑦ ᑎᒍᐊᖅᑕᓄᑦ ᐃᓄᓐᓄᑦ ᓄᑕᖅᑲᓄᑦ ᑕᕝᕙᓃᑦᑐᐃᓐᓇᐃᑦ ᑐᙵᕕᒃᑯᑦ ᐃᑭᐊᖅᑭᕕᖓᓂ:  www.tunngavik.com
ᑐᑭᓯᒋᐊᒃᑲᓂᕐᕕᒃᓴᖅ, ᖃᐅᔨᒋᐊᕐᕕᒋᓗᒍ:
ᑐᓈᓛᖅ …

ᐃᓄᒃᑐᑦ ᑎᑎᕋᕐᓗᓂ ᓵᓚᒃᓴᕋᓱᐊᕐᓂᕐᒥᒃ

(ᒫᑦᓯ 22, 2021, ᐃᖃᓗᐃᑦ, ᓄᓇᕗᑦ) ᑐᓂᓯᖃᑦᑕᕈᓐᓇᓚᐅᖅᑐᑦ ᓴᖅᑭᖅᑕᐅᓯᒪᒌᙱᑦᑐᓂᒃ ᐅᖃᓕᒫᒐᕐᓂᒃ ᑖᒃᑯᓇᖓᑦ ᐅᓄᖅᑐᓂᑦ 67−ᖑᔪᑦ ᖃᐃᑦᓯᓚᐅᖅᑐᑦ ᐊᒻᒪᓗ ᐊᔾᔨᒌᖏᑦᑐᓂᒃ ᑎᑎᕋᕐᓯᒪᔪᐃᑦ, ᑕᐃᒻᒪᓇ ᑐᒃᓯᕋᐅᑕᐅᔪᔪᐃᑦ ᒪᓕᑦᑕᐅᖁᔭᐅᔪᐃᑦ ᐊᔾᔨᒌᖏᑦᑐᑕᐅᔪᓂᒃ ᐅᓐᓂᑳᓕᐅᕐᓂᕐᓱᑎᒃ ᐃᓚᖏᑦ ᓇᐃᑑᔪᓂᒃ ᐅᓂᒃᑳᖏᑦ, ᐅᖃᓕᒫᒐᓕᐅᕐᑐᑎᒃ ᑎᑎᕋᕐᓯᒪᔪᑦ ᐊᒻᒪᓗ ᐃᓚᖏᑦ ᓇᒻᒥᓂᖅ ᐃᓅᓯᖏᑦᑕ ᒥᒃᓵᓄᑦ ᐅᓂᒃᑳᓕᐅᕐᓯᒪᔪᐃᑦ, ᑖᒃᑯᓇᖓᑦ ᑎᑎᕋᕐᕈᓐᓇᓚᐅᕐᑐᑦ. ᑕᐃᒪᓐᓇ ᐅᓄᕐᑐᓂᖏᑦᑕ ᖃᐃᑦᓯᓯᒪᔪᐃᑦ ᖁᕕᐊᓇᕐᐳᖅ, ᐊᒻᒪ ᓄᕕᐱᕆ ᐊᒻᒪᓗ ᑎᓯᐱᕆ ᑕᕐᒃᑭᖏᓐᓂᒃ ᒪᑐᓯᒪᔭᐅᓚᐅᕐᑐᐃᑦ ᓄᕙᒡᔪᐊᕐᓇᖅ−19 ᐱᔾᔪᑕᐅᓪᓗᓂ, ᑕᒪᒃᑯᐊ ᓂᕆᐅᓐᓇᓚᐅᖏᒻᒪᑕ, ᑖᑯᐊ ᖃᐅᔨᓴᕐᑏᑦ ᓂᕈᐊᕐᓗᑎᒃ ᓱᓕ ᑲᔪᓯᖕᒪᑦ ᐊᒻᒪᓗ ᑭᒃᑯᑦ ᓵᓚᒃᓴᕐᑐᑦᓴᐅᔫᑦ ᓂᕈᐊᕐᑕᐅᓛᕐᑑᒐᓗᐊᑦ ᓇᓗᓇᐃᕐᑕᐅᒍᓐᓇᕐᓯᒍᓂ ᖃᐅᔨᒃᑲᐃᓛᖅᑐᑦ ᐊᔪᓐᓇᕈᓐᓃᕐᐸᑦ ᐱᔭᕇᕐᔪᒥᒍᑎᒃ.
 
ᐊᐅᓚᑕᖓ ᓄᓇᕗᑦ ᑐᙵᕕᒃ ᐃᑲᔫᑎᒃᓴᓕᕆᔨᒃᑯᑦ, ᐃᑲᔫᑎᒃᓴᓕᕆᔩᑦ ᑲᑐᔾᔨᖃᑎᒌᑦ ᐊᐅᓚᑕᖏᑦ ᑐᙵᕕᒃ−ᑯᓐᓄᑦ ᖁᔭᓐᓇᒦᕐᑐᐃᑦ ᓄᓇᕗᒻᒥᐅᑦᑕᐃᑦ ᐃᓄᐃᑦ …

ᐃᓄᐃᑦ $11 ᒥᓕᐊᓂᒃ ᑮᓇᐅᔭᖃᖅᑎᑦᑎᕗᑦ ᐊᖏᕐᕋᒥᓂ ᓂᖓᕐᑕᐅᕙᒃᑐᓄᑦ ᕿᒫᕕᒃᓴᒧᑦ

(ᒪᑦᓯ 18, 2021 – ᖃᒪᓂ’ᑦᑐᐊᖅ, ᓄᓇᕗᑦ) ᓄᓇᕗᑦ ᑐᙵᕕᒃᑯᑦ ᐊᒻᒪ ᐱᖓᓱᐃᑦ ᐃᓄᐃᑦ ᑲᑐᔾᔨᖃᑎᒌᖏᑦ ᓴᓂᕐᕙᐃᓚᐅᕐᑐᑦ $11 ᒥᓕᐊᓂᒃ ᐊᑑᑎᖃᓐᓂᐊᕐᑐᓂᒃ ᑎᓴᒪᐃᓄᑦ ᓄᑖᓄᑦ ᕿᒫᕕᓄᑦ.
ᓄᕙᒡᔪᐊᕐᓇᖅ−19 ᓯᐊᒻᒪᕐᓯᒪᑎᓪᓗᒍ ᓇᓗᓇᕈᓐᓃᕈᑕᐅᓚᐅᕐᒪᑦ ᐱᑕᖃᕆᐊᓕᖕᓂᒃ ᕿᒫᕕᓂᒃ ᓴᓇᔭᐅᔪᖃᓪᓗᓂ ᓄᓇᕗᖕᒥ ᐃᓄᖕᓄᑦ, ᐱᓗᐊᕐᑐᒥᒃ ᐊᕐᓇᓄᑦ ᐊᒻᒪ ᓱᕈᓯᓛᕐᓄᑦ, ᐊᑑᑎᖃᑦᑕᕐᓯᒪᔪᓄᑦ ᐱᓕᐅᒥᓯᒪᒻᒪᑦ ᓂᖓᕐᓂᖅ ᐊᓂᑦᑕᐃᓕᓇᖃᑦᑕᕐᓯᒪᑎᓪᓗᒍᑦ, ᐊᒻᒪᓗ ᐃᓄᐃᑦ ᐃᓄᒋᐊᓗᐊᖃᑦᑕᕐᓂᖏᓐᓄᑦ ᐃᒡᓗᒥᐅᖃᑎᒌᑦ.
ᓄᓇᕗᖕᒥ ᐃᓄᐃᑦ ᑎᒥᖁᑎᖏᖕ ᓴᓂᕐᕙᒻᒪᑕ ᓄᑖᖅ ᓄᓇᖃᖅᑳᖅᓯᒪᔪᑦ ᓄᓇᓕᖏᓐᓄᑦ ᐃᑲᔪᕈᑕᐅᕙᒃᑐᑦ ᑮᓇᐅᔭᖃᕈᑏᑦ, ᓄᓇᖃᖅᑳᖅᓯᒪᔪᓂᒃ ᐱᔨᑦᑎᑦᑏᑦ ᑲᓇᑕᒥ, ᐊᑭᑐᔪᓄᑦ ᐱᖁᑎᒻᒪᕆᓄᑦ ᓴᓇᔭᐅᒍᑎᐅᓂᐊᕐᑐᒥᒃ, ᓂᐅᕕᕐᓗᑎᒃ ᐅᕝᕙᓗ ᐃᒡᓗᒧᑦ ᓴᓇᔭᐅᒋᐊᒃᑲᓐᓂᕈᑎᒃᓴᓂᒃ ᑎᓴᒪᐃᓄᑦ ᓄᑖᓄᑦ ᕿᒫᕕᓄᑦ ᐊᒃᓱᕈᓐᓇᓗᐊᕐᑐᒦᖁᓇᒋᑦ ᐊᒻᒪ ᐊᑦᑕᓇᕐᑐᒦᖁᓇᒋᑦ ᐊᖏᕐᕋᒥ ᓂᖃᓐᓂᐅᕙᒃᑐᓄᑦ ᐅᑯᓇᓂ ᓄᓇᓕᖕᓂ ᖃᒪᓂᑦᑐᐊᖅ, ᐅᕐᓱᖅᑐᖅ, ᐸᖕᓂᕐᑑᖅ ᐊᒻᒪ …

ᓄᓇᕗᑦ ᑐᙵᕕᒃ ᐅᕐᒃᑯᔾᔭᐃᑦ – ᐃᓐᓇᕐᓄᑦ ᐃᑲᔫᑎᒃᓴᓂᒃ

(ᒫᑦᓯ 17, 2021, ᖃᒪᓂ’ᑐᐊᕐᒃ, ᓄᓇᕗᑦ) ᓄᓇᕗᑦ ᑐᙵᕕᒃ ᑎᒥᖓᑦ ᐊᔭᐅᕆᕗᐃᑦ ᐃᓐᓇᕐᓂᒃ ᐊᔪᖏᑦᑎᑕᐅᔾᔪᑎᓖᖕᓄᑦ ᐱᖁᔭᖏᑦ ᒪᓪᓕᓗᒋᑦ ᐊᒻᒪᓗ ᖃᐅᔨᒪᖁᔭᐅᔪᐃᑦ ᐃᓐᓇᐃᑦ ᓱᓕ ᑐᓂᓯᓚᐅᖏᒃᑯᑎᒃ ᑐᒃᓯᕌᖕᒥᒃ ᑎᑎᕐᒃᑲᕐᓂᒃ ᑐᒃᓯᕋᓪᓗᑎᒃ ᑖᒃᓱᒧᖓ ᐃᑲᔪᕈᑎᒥᒃ ᐃᕐᒃᑲᐃᑎᑕᐅᕗᐃᑦ ᑐᓂᓯᖁᔭᐅᓗᑎᒃ.
ᖃᐅᔨᒃᑲᐃᒍᑦ ᑭᓇᒃᑯᑐᐃᓐᓇᕐᓄᑦᓄᑦ ᐅᕐᒃᑯᔾᔭᐃᑦ ᐃᓐᓇᕐᓄᑦ – ᐃᓐᓇᕐᓄᑦ ᐃᑲᔫᑏᑦ. ᓄᓇᕗᑦ ᑐᙵᕕᒃ ᓴᕐᒃᑭᑎᓚᐅᓯᒪᔪᑦ ᐆᑑᑉᐱᕆ 2020 ᓄᓇᕗᑦ ᑐᙵᕕᒃ ᐊᕐᕌᒍᑕᒫᕐᒃᓯᐅᑎᒥᓐᓂᒃ ᑲᑎᒪᑎᑦᓗᒋ ᐃᖃᓗᑦᑑᑦᑎᐊᖅ, ᓄᓇᕗᒻᒥᑦ. ᑕᒻᒪᑐᒥᖓ ᐱᓕᕆᐊᒥᒃ, ᐱᔪᓐᓇᖁᖅᑎᑕᐅᔪᑦ, ᓄᓇᕗᑦ ᐃᓄᐃᑦ ᐃᓅᓕᖅᓯᒪᔪᑦ ᔮᓐᓄᐊᕆ 1, 1949 ᐊᒻᒪᓗ ᑎᓯᑉᐱᕆ 31, 1955 ᑐᒃᓯᕋᕈᓐᓇᕐᐳᐃᑦ ᑕᕐᒃᑭᑕᒫᕐᓯᐅᒥᒃ ᑐᓂᔭᐅᒍᓐᓇᕋᒥᒃ ᐃᑲᔪᕈᑎᒥᒃ ᑕᕿᑕᒫᑦ ᐊᑭᖃᕐᓗᓂ $120.
ᑕᒪᓐᓇ ᐅᕐᒃᑯᔾᔭᐃᑦ ᐃᓐᓇᕐᓄᑦ−ᐃᓐᓇᐃᑦ ᐃᑲᔫᑎᑦᓴᑦ ᐅᐃᒍᔭᐅᒍᑎᖏᑦ ᓄᓇᕗᒻᒥ ᐃᓐᓇᐃᑦ ᐃᑲᔫᓯᐊᕆᖃᑦᑕᖅᑕᖏᓐᓄᑦ  ᓄᓇᕗᒻᒥᑦ …

ᓄᓇᕗᑦ ᑐᙵᕕᒃᑯᑦ ᑲᑎᒪᔨᖏᑕ ᑲᑎᒪᓂᖓᑦ – ᖃᐅᔨᒃᑲᐃᒍᑦ ᑭᓇᒃᑯᑐᐃᓐᓇᕐᓄᑦ

ᐅᓇ ᖃᐅᔨᒃᑲᐃᒍᑦ ᑭᓇᒃᑯᑐᐃᓐᓇᕐᓄᑦ 2021-ᒥ ᑲᑎᒪᔨᖏᑦ ᑲᑎᒪᓂᖃᓐᓂᐊᑎᓪᓗᒋᑦ ᑐᙵᕕᒃᑯᑦ ᑎᒥᖓᑕ, ᑲᑎᒪᒋᐊᓯᓛᕐᑐᑦ ᒫᑦᓯ 16−ᒥᒃ ᒫᑦᓯ 18−ᒧᑦ  ᖃᒪᓂ’ᑐᐊᕐᒥ, ᓄᓇᕗᖕᒥ ᑲᑎᒪᓪᓚᑖᕐᓗᑎᒃ ᐊᒻᒪ ᑕᕐᕆᔭᐅᑎᒃᑯᑦ VIA ZOOM ᐊᒻᒪ ᖃᕆᔭᐅᔭᕋᓛᒃᑯᑦ ᑕᑯᒃᓴᐅᓛᕐᑐᑦ ᖃᒪᓂ’ᑐᖅ ᐱᙳᐊᕐᕕᖓᓂ,
ᓄᕙᒡᔪᐊᕐᓇᖅ−19 ᐱᓪᓗᒍ ᒪᓕᑦᑕᐅᔭᕆᐊᖃᖅᑎᑕᑦ ᒪᓕᒃᑕᐅᓗᑎᒃ, ᐱᖃᓯᐅᑎᓪᓗᒍ ᖃᓂᒌᓗᐊᖅᑕᐃᓕᒪᒍᑏᑦ, ᐊᒡᒐᖕᒥᒃ ᐅᐊᓴᖃᑦᑕᕋᔪᓐᓂᖅ/ᐃᕐᒥᖃᑦᑕᕋᔪᓐᓂᖅ ᐊᒻᒪ ᐃᓄᐃᑦ ᐅᓄᕐᓂᖏᑦ ᐊᒥᓲᓗᐊᕐᑕᐃᓕᒪᑎᑕᐅᓗᑎᒃ ᑲᑎᒪᕕᐅᔪᒥ.
ᑐᙵᕕᒃᑯᑦ ᐅᐸᒃᓯᒪᓗᑎᒃ − ᑲᑎᒪᔨᖏᑕ ᑲᑎᒪᓂᖓᑦ
ᒫᑦᓯ 16, 2021 – ᒫᑦᓯ 18, 2021:  ᓄᓇᕗᑦ ᑐᙵᕕᒃᑯᑦ ᑲᑎᒪᔨᖏᑕ ᑲᑎᒪᓂᖓᑦ
ᑲᑎᒪᓯᒋᐊᕐᓗᑎᒃ: 8:30 AM  – 12PM ᐊᒻᒪᓗ 1:00 – 5:00 PM ᑭᕙᓪᓕᕐᒃ ᓯᕿᙳᔭᖓ ᒪᓕᓪᓗᒍ
_____________________________________________________________________________
 
ᐱᖃᑕᐅᔪᓐᓇᕐᐳᑎᒃ ᖃᕆᑕᐅᔭᒃᑯᑦ ᐅᕘᓇ:
https://us02web.zoom.us/j/81835193483?pwd=WjZKZERpZDVyQUY1MFZySFc4cjRhZz09
 
ᓇᓗᓇᐃᕆᔾᔪᑖ: NTIzw2021
 
ᑕᑯᓐᓇᕆᓪᓗᑎᒃ ᖃᕆᓴᐅᔭᕋᓛᒃᑯᑦ:
https://www.facebook.com/Tunngavik/live/
ᐅᖄᓚᐅᑎᒃᑯᑦ:
ᐅᖄᓚᓗᑎᑦ:+1 438 …

ᐱᓕᕆᖃᑎᒌᖕᓂᖅ ᐃᑲᔪᖅᑐᐃᓂᖕᒧᑦ ᐃᓄᒃᑐᑦ ᐃᓕᓐᓂᐊᕐᓂᖅ ᓄᓇᕗᒻᒥᑦ

ᐃᖃᓗᐃᑦ – ᒫᔾᔨ 9, 2021
ᐃᓄᐃᑦ ᐊᑲᐅᓛᕐᒦᑦᑐᑦ ᐅᑎᑦᑎᑦᑎᓂᖕᒥᑦ, ᐊᑐᒃᑲᓐᓂᓕᕐᓂᖕᒥᑦ, ᓴᙱᒃᑎᒋᐊᖅᑎᑦᑎᓂᖕᒥᑦ ᐱᓯᒪᒃᓰᓐᓇᕐᓂᖕᒥᓪᓗ ᐅᖃᐅᓯᖕᒥᓂᒃ.
ᑲᓇᑕᐅᑉ ᒐᕙᒪᒃᑯᖏᑦ, ᓄᓇᕗᑦ ᒐᕙᒪᒃᑯᖏᑦ, ᓄᓇᕗᑦ ᑐᙵᕕᒃᑯᓪᓗ ᑐᙵᓱᒃᑎᑦᑎᕗᑦ ᐊᑎᓕᐅᕐᑕᐅᓂᖓᓂ ᑐᑭᓯᐊᒪᓂᖕᒧᑦ ᑎᑎᖅᑲᒥᑦ ᐃᑲᔪᖅᑐᐃᓂᐊᕐᓗᑎᒃ ᓴᙱᒃᑎᒋᐊᒃᑲᓐᓂᕐᓗᒍᓗ ᐃᓄᒃᑐᑦ ᐅᖃᐅᓯᖅ ᐃᓕᓐᓂᐊᕐᑎᑦᑎᓂᕐᓗ ᓄᓇᕗᒻᒥᑦ ᐅᓪᓗᒥ. ᑲᓇᑕᐅᑉ ᒐᕙᒪᒃᑯᖏᑦ ᐅᖃᒃᑲᓐᓂᓚᐅᕐᑐᑦ ᐊᖏᕐᓯᒪᓂᖏᓐᓂᑦ ᑐᖅᑯᐃᓂᐊᕐᓗᑎᒃ $42 ᒥᓕᐊᓐᓂᒃ ᐊᕐᕌᒍᓄᑦ ᑕᓪᓕᒪᓄᑦ ᐃᑲᔪᖅᑐᕐᓗᓂᔾᔪᒃ ᐅᓇ ᐊᖏᕈᑎ. ᐊᒻᒪᒃᑲᓐᓂᕐᑕᐅᖅ ᐆᒧᖓ ᐃᑲᔫᑎᕐᔪᐊᒧᑦ ᐅᓇ ᑮᓇᐅᔭᓕᐅᕐᓂᐊᕐᑐᖅ, ᑮᓇᐅᔭᒃᑲᓐᓃᑦ ᒫᓂᐸᓗᒃ $12.3 ᒥᓕᐊᓐ ᐆᒧᖓ ᐱᒋᐊᖅᑕᐅᔪᒧᑦ ᓄᓇᕗᑦ ᐊᑐᓕᕆᐊᓕᖕᓄᑦ ᑲᑎᒪᔨᖏᓐᓂᒑᕐᑐᑦ ᑎᑎᕋᖅᓯᒪᔪᒥᑦ 23 ᑮᓇᐅᔭᖁᑎᖏᓐᓂᑦ, ᐃᑲᔪᖅᑐᐃᓂᐊᕐᑐᖅ ᑕᒪᐃᓐᓂᒃ ᒐᕙᒪᒃᑯᑦ ᐱᓇᔪᖕᓂᖏᓐᓂᑦ ᑭᒡᒐᖅᑐᖅᑎᑖᕋᓱᒃᑎᓪᓗᒋᑦ ᐃᓄᖕᓂᑦ ᐃᖅᑲᓇᐃᔭᖅᑎᓂ ᓄᓇᕗᒻᒥᑦ.
ᓄᓇᕗᑦ ᒐᕙᒪᒃᑯᖏᑦ ᐅᐃᒍᓐᓂᐊᕐᑕᖏᑦ ᐃᓄᒃᑐᑦ ᐃᓕᓴᐃᔨᓄᑦ ᐱᓕᒻᒪᒃᓴᐅᑎᑦ ᓄᓇᕗᒻᒥ …

ᑐᙵᕕᒃᑯᑦ ᑐᓴᖅᑎᑦᓯᔪᑦ ᓇᓗᓇᐃᖅᑕᐅᓯᒪᙱᑦᑐᓂᒃ ᐊᖓᔪᖅᑳᒧᑦ ᓂᕈᐊᕈᑎᓂᒃ

(ᕕᕝᕗᐊᓕ 9, 2021 – ᐃᖃᓗᐃᑦ, ᓄᓇᕗᑦ) ᓄᓇᕗᑦ ᑐᙵᕕᒃ ᑎᒥᖓᓄᑦ (ᑐᙵᕕᒃ) ᓂᕈᐊᖅᑐᓕᕆᔨᒻᒪᕆᒃ ᑳᑎᓖᓐ ᓯᒍᑦᓴᓐ ᐅᓪᓗᒥ ᑐᓴᖅᑎᑦᓯᔪᖅ ᐊᓗᑭ ᑰᑦᑎᖅ ᓂᕈᐊᖅᑕᐅᑲᓐᓂᕆᐊᖓ ᑐᙵᕕᒃᑯᑦ ᐊᖓᔪᖅᑳᖓᓄᑦ 69% ᓂᕈᐊᕈᑎᓄᑦ.
 
ᑰᑦᑎᖅ ᐊᖓᔪᖅᑳᕆᔭᐅᓂᐊᖅᑐᖅ ᓯᑕᒪᓄᑦ−ᐊᕐᕌᒍᓄᑦ, ᑏᓰᒻᐱᕆ 2024-ᒧᓄᑦ.
 
ᑰᑦᑎᖅ ᑐᙵᕕᒃᑯᓐᓄᑦ ᑲᑎᒪᔨᐅᓂᐊᖅᑐᖅ, ᓯᕗᓕᖅᑏᑦ ᑲᑎᒪᔨᕋᓛᖏᓐᓄᑦ, ᐃᓄᐃᑦ ᐃᓅᓯᖏᓐᓄᑦ ᐃᓕᖅᑯᓯᖓᓄᑦ ᐱᕙᓪᓕᐊᑎᑦᓯᓂᕐᒧᑦ ᖃᐅᔨᒪᔨᑕᑦ ᑲᑎᒪᔨᕋᓛᖏᓐᓄᑦ ᐊᒻᒪᓗ ᐃᒃᓯᕙᐅᑕᐅᓗᓂ ᑐᙵᕕᒃᑯᑦ ᑎᒥᖁᑎᖏᓐᓄᑦ ᑲᑐᔾᔨᖃᑎᒌᓄᑦ ᒪᑭᒋᐊᖅᑕ ᐃᓄᐃᑦ ᐱᓕᒻᒪᓴᕐᓂᕐᒧᑦ ᑯᐊᐳᕇᓴᓐ, ᓄᓇᕗᒻᒥ ᐃᓄᐃᑦ ᑮᓇᐅᔭᓂᒃ ᐃᓵᑦᓯᒍᑕᐅᔪᓂᒃ ᐸᐸᑦᑎᔩᑦ ᐊᒻᒪᓗ ᓄᓇᕗᑦ ᑐᙵᕕᒃ ᐃᑲᔫᑎᒃᓴᓕᕆᔨᒃᑯᑦ. ᑐᙵᕕᒃᑯᑦ ᐊᖓᔪᖅᑳᖓ ᑭᒡᒐᖅᑐᐃᓂᐊᕐᒥᔪᖅ ᓄᓇᕗᒻᒥ ᐃᓄᓐᓂᒃ ᑲᑎᒪᔨᖏᓐᓄᑦ ᐃᓄᐃᑦ ᑕᐱᕇᑦ ᑲᓇᑕᒥ, ᐃᓄᐃᑦ ᑯᐃᓐ ᐱᓇᓱᐊᖃᑎᒌᑦ ᑲᑎᒪᔨᕋᓛᑦ ᐊᒻᒪᓗ ᐃᒃᓯᕙᐅᑕᐅᖃᑕᐅᓪᓗᓂ ᓄᓇᑖᖅᓯᒪᔪᓂᒃ …

ᓄᓇᕗᑦ ᑐᙵᕕᒃ ᐃᑲᔫᑎᒃᓴᓕᕆᔨᒃᑯᑦ ᐃᓕᓐᓂᐊᑲᓐᓂᖅᑐᓄᑦ ᐃᑲᔫᑎᒃᓴᑦ ᐊᑐᐃᓐᓇᐃᑦ

(ᕕᕝᕗᐊᓕ 2 – ᑲᖏᖅᖠᓂᖅ, ᓄᓇᕗᑦ) ᓄᓇᕗᑦ ᑐᙵᕕᒃ ᑎᒥᖓ (ᑐᙵᕕᒃ) ᖁᕕᐊᓱᑦᑐᖅ ᑐᓴᖅᑎᑦᓯᒋᐊᑦᓴᖅ ᑐᒡᓕᐊᓂ ᓴᖅᑮᓂᕐᒥᒃ ᓄᓇᕗᑦ ᑐᙵᕕᒃ ᐃᑲᔫᑎᒃᓴᓕᕆᔨᒃᑯᑦ (NTF) ᐃᓕᓐᓂᐊᑲᓐᓂᖅᑐᓄᑦ ᐃᑲᔫᑎᒃᓴᓄᑦ ᑐᑦᓯᕋᐅᑎᓂᒃ. ᑐᑦᓯᕋᐅᓯᐅᕈᑎᒃᓴᑦ ᑕᑕᑎᕆᐊᓖᑦ ᐊᔪᕈᓐᓃᓴᕐᓂᕐᒧᑦ ᐃᖅᑲᓇᐃᔮᒧᓪᓗ ᐱᕙᓪᓕᐊᔾᔪᑎᒃᓴᓄᑦ ᐊᒻᒪᓗ ᐃᓕᓐᓂᐊᑲᓐᓂᖅᑐᓄᑦ ᐃᑲᔫᑎᒃᓴᓂᒃ ᑐᑦᓯᕋᐅᓯᐅᕐᕕᑦᓴᐅᓂᐊᖅᑐᖅ ᕕᕝᕗᐊᓕ 1, 2021-ᒥᓂᒃ ᕕᕝᕗᐊᓕ 12, 2021-ᒧᓄᑦ ᖃᐅᔨᓴᐅᑦ 5-ᒧᓄᑦ ᐅᓐᓄᓴᒃᑯᑦ ᑭᕙᓪᓕᐅᑉ ᖃᐅᔨᓴᐅᑖᒍᑦ.
“ᐃᑲᔫᑎᒃᓴᓕᕆᔨᒃᑯᑦ ᑐᓂᓯᓚᐅᖅᑐᑦ 191-ᓄᑦ ᐃᓕᓐᓂᐊᑲᓐᓂᖅᑐᓄᑦ ᐃᑲᔫᑎᓂᒃ ᐊᒻᒪᓗ 57−ᓂᒃ ᐱᓕᖕᒪᒃᓴᕐᓂᕐᒧᑦ ᐃᖅᑲᓇᐃᔮᒧᓪᓗ ᐱᕙᓪᓕᐊᔾᔪᑎᒃᓴᓄᑦ ᐃᓕᓐᓂᐊᑲᓐᓂᖅᑐᓄᑦ ᐃᑲᔫᑎᓂᒃ 2020-ᒥ. ᐃᑲᔪᕈᓐᓇᓕᖅᑐᒍᑦ ᐊᒥᓲᓂᖅᓴᓂᒃ ᐃᓕᓐᓂᐊᖅᑎᓂᒃ ᐊᒻᒪᓗ ᑖᓐᓇ ᑐᒡᓕᐊᓂ ᓴᖅᑭᖅᑕᐅᔪᖅ ᐃᑲᔫᑎᖃᕐᓂᐊᖅᑐᖅ ᐃᓕᓐᓂᐊᖅᑎᓂᒃ ᑮᓇᐅᔭᑎᒍᑦ ᐃᑲᔫᑎᓂᒃ ᑲᔪᓯᒍᓐᓇᖁᓪᓗᒋᑦ” ᐅᖃᖅᑐᖅ ᔭᐃᒥᓯ ᐃᑦᑐᓗᒃ, ᐊᖓᔪᖅᑳᒧᑦ ᑭᖑᕝᕕᐅᑎᓯᒪᔪᖅ ᑐᙵᕕᒃᑯᓐᓂ.
ᑖᓐᓇ …

ᓄᓇᕗᑦ ᑐᙵᕕᒃᑯᑦ ᐊᖓᔪᖅᑳᑉ ᐃᓂᖓᓄᑦ ᓂᕈᐊᖅᑎᑦᑎᓂᖅ ᖃᓄᐃᓕᖓᓕᕐᒪᖔᑦ

(ᔭᓐᓄᐊᕆ 29, 2021 – ᐃᖃᓗᐃᑦ, ᓄᓇᕗᑦ) ᓄᓇᕗᑦ ᑐᙵᕕᒃᑯᑦ (ᑐᙵᕕᒃᑯᑦ) ᓂᕈᐊᖅᑎᑦᑎᑎᓪᓗᒋᑦ ᐊᖓᔪᖅᑳᑉ ᐃᓂᖓᓄᑦ ᐳᐃᒍᖅᓯᒪᙱᓚᑦ ᐊᑦᑕᓇᕐᑐᒦᒋᐊᖃᙱᓂᕐᓂᒃ.
ᑕᒪᐃᓐᓂᐸᓗᒃ ᓄᓇᕗᖕᒥ ᓄᓇᓕᖕᓂ:

ᓯᕗᓂᐊᒍᑦ ᓂᕈᐊᕐᓇᖅ ᐊᕗᓐᓂᕕᒃ ᕕᕗᐊᕆ 1, 2021-ᒥᐅᓛᕐᑐᖅ, ᐱᒋᐊᕐᓗᓂ 10-ᒥᑦ 7-ᒧᑦ ᓄᓇᓖᑦ ᓯᕿᙳᔭᖓ ᒪᓕᓪᓗᒋᑦ;
ᓂᕈᐊᓐᓇᐅᑉ ᐅᓪᓗᖓ ᐊᕗᓐᓂᕕᒃ ᕕᕗᐊᕆ 8, 2021, ᓂᕈᐊᕆᐊᖅᑐᕐᕖᒃ ᒪᑐᐃᖓᓛᕐᑐᑦ 10:00−ᒥᑦ ᐅᓪᓛᒃᑯᑦ 7:00-ᒧᑦ ᐅᓐᓄᒃᑯᑦ; ᐊᒻᒪᓗ
ᓄᑦᑕᖅᑐᒃᑯᑦ ᓂᕈᐊᖅᕖᑦ, ᐊᕗᓐᓂᕕᒃ ᓂᕈᐊᖅᑏᑦ ᖃᓂᓪᓕᔭᐅᓗᐊᖅᑕᐃᓕᒪᔪᓐᓇᕐᐳᑦ, ᐊᑦᑐᕐᑕᐅᔪᒪᙱᒍᓐᓇᕐᑐᑎᒃ, ᐅᐸᒃᑕᐅᓗᑎᒃ ᓂᕈᐊᖅᑎᑦᑎᔪᑦ, ᐋᖅᑭᑦᓯᔪᓐᓇᖅᑐᑎᑦ  ᓄᑦᑕᖅᑐᒃᑯᑦ ᓂᕈᐊᕐᓗᑎᑦ ᓄᓇᑦᓯᓐᓂ ᓄᓇᓕᓐᓂ ᐱᓕᕆᔨᐅᔪᖅ ᐅᖄᓚᕕᒋᓗᒍ.

ᐊᕐᕕᐊᓂ, ᑕᒪᐃᑕ ᓂᕈᐊᕈᓐᓇᕐᑐᑦ ᐅᖄᓚᖁᔭᐅᕗᑦ ᓄᓇᓕᖕᒥ ᑐᖅᑲᑕᕐᕕᐅᑉ ᐱᓕᕆᔨᖓᓂᒃ ᖃᓂᒋᔭᐅᔪᒪᙱᒃᑐᓄᑦ, ᐊᑦᑐᖅᑕᐅᔪᒪᙱᓪᓗᑎᒃ ᓂᕈᐊᓕᕈᑎᒃ. ᓂᕈᐊᕈᑎᓂᒃ ᑲᒪᔨᐅᔪᑦ ᐸᔪᒃᑲᔭᕐᑐᖅ ᓂᕈᐊᕈᑎᒥᒃ ᐊᒻᒪ ᓂᕈᐊᕈᑎᓄᑦ ᐴᖅᓯᕕᖕᒥᒃ ᓂᕈᐊᖅᑎᐅᑉ …

2015-2017 ᐊᕐᕌᒍᑕᒫᖅᓯᐅᑦ ᐅᓂᒃᑳᖅ ᓴᖅᑭᖅᑕᐅᔪᖅ ᖃᓄᐃᓐᓂᖏᓐᓂᒃ ᐃᓄᐃᑦ ᐃᓕᖅᑯᓯᖓ ᐃᓄᖏᓪᓗ

(ᔭᓐᓄᐊᓕ 28, 2021 – ᐃᖃᓗᐃᑦ, ᓄᓇᕗᑦ) ᐅᖄᓚᐅᓯᕆᔨᒃᑯᑦ ᕕᐅᓪ ᐅᖃᖃᑎᒌᓪᓗᒃ ᐅᓪᓗᖓᓂ, ᓄᓇᕗᑦ ᑐᙵᕕᒃ ᑎᒥᖓᓄᑦ (ᑐᙵᕕᒃ) ᐊᖓᔪᖅᑳᖅ ᑭᖑᕝᕖᓯᒪᔪᖅ ᔭᐃᒥᓯ ᐃᑦᑐᓗᒃ ᐅᓪᓗᒥ ᑐᓴᖅᑎᓯᖅᑲᐅᔪᖅ ᓴᖅᑭᖅᑕᐅᓂᖓᓂᒃ 2015-2017 ᐊᕐᕌᒍᑕᒫᖅᓯᐅᑦ ᐅᓂᒃᑳᖅ ᖃᓄᐃᓐᓂᖏᓐᓂᒃ ᐃᓄᐃᑦ ᐃᓕᖅᑯᓯᖓ ᐃᓄᖏᓪᓗ (SICS), ᑕᐃᔭᐅᔪᖅ ᓱᖏᐅᔾᔭᕐᓂᖅ ᐃᓅᓯᕐᒥ, ᑐᕌᖓᔪᒥᒃ ᐊᖅᑯᑎᒃᓴᒧᑦ ᐃᑯᓪᓚᕈᑎᒃᓴᖓᓂᒃ ᐃᓅᓯᕐᒥᒃ ᑭᐱᓯᖃᑦᑕᕐᓂᕐᒧᑦ ᓄᓇᕗᒻᒥ.
 “ᐃᓚᖏᑦ ᒪᒃᑯᑦᑐᖁᑎᑦᑕ ᐱᕈᕈᑎᖃᖃᑦᑕᕐᒪᑕ ᐅᑉᐱᕈᓱᑦᑐᑎᒃ ᐃᓅᓯᕐᒥᒃ ᑭᐱᓯᓂᖅ ᐃᓕᖅᑯᓯᑦᑎᓐᓂ ᐱᖅᑯᓯᕆᔭᐅᒋᐊᖓ. ᑕᐃᒪᐃᖏᑦᑐᖅ. ᐃᓕᖅᑯᓯᑦᑎᓐᓂᒃ ᐊᑐᕈᓐᓃᖅᑎᑕᐅᓯᒪᓂᑦᑎᓃᙶᖅᑐᖅ ᐊᒻᒪᓗ ᑕᐃᒪᖓᓕᒫᖅ ᐃᓅᓯᑦᑎᓐᓂ ᒪᑭᒪᔾᔪᑎᓂᓪᓗ ᐊᔾᔨᐅᑎᑕᐅᙱᓂᕐᒦᖔᖅᑐᖅ ᐊᑦᓱᕉᓐᓂᖓᒍᑕᐅᕙᑦᑐᖅ ᐅᓄᓗᐊᖅᑐᓄᑦ ᓄᓇᕗᒻᒥ ᐃᓄᓐᓄᑦ. ᓱᖏᐅᑎᓯᒪᓂᖅ ᐃᓅᓯᕐᒥ ᓇᓗᓇᐃᕈᑕᐅᔪᖅ ᐊᖅᑯᑎᒥᒃ ᓯᕗᒧᐊᒍᑎᒃᓴᒥᒃ ᐃᓄᓐᓃᙶᖅᑐᒥᒃ, ᓱᖅᑯᐃᖅᑕᐅᓯᒪᔪᒥᒃ ᐊᑐᐊᒐᓕᐅᕈᑕᐅᓯᒪᔪᖅ’< ᐅᖃᖅᑐᖅ ᐃᑦᑐᓗᒃ.
 ᐅᓂᒃᑳᓂ SICS ᒐᕙᒪᓂᒃ ᑐᕌᒐᖃᖁᔨᔪᑦ …

ᑲᐴᒻᒧᑦ ᒪᑑᓇ ᑲᐱᔭᐅᒋᑦ ᐊᐃᑦᑐᓗᑦᑕᐅᔭᐃᒃᑯᒥᒃ ᓄᕙᔾᔪᐊᕐᓇᖅ−19

(ᔭᓐᓄᐊᓕ 19, 2021, ᐃᖃᓗᐃᑦ, ᓄᓇᕗᑦ) ᓄᓇᕗᑦ ᑐᙵᕕᒃ ᑎᒥᖓ (ᑐᙵᕕᒃ) ᓄᓇᕗᒻᒥᐅᓂᒃ ᐃᓄᓐᓂᒃ ᑲᐱᔭᐅᖁᔨᕗᑦ ᒪᑑᓇ ᑲᐴᒻᒧᑦ.
“ᖃᐅᔨᓴᖅᑏᑦ ᑲᐴᑎᓕᐅᓚᐅᖅᑐᑦ ᒪᑑᓇᒥᒃ ᖃᐅᔨᒪᓂᓕᕐᔪᐊᒻᒪᕇᑦ ᑲᐴᑎᓂᒃ ᐊᒻᒪᓗ ᑲᓇᑕᒥ ᐋᓐᓂᐊᖃᕐᓇᖏᑦᑐᓕᕆᔨᕐᔪᐊᒃᑰᖅᓯᒪᔪᑦ ᑖᓇ ᐊᖏᖅᑕᐅᖁᓪᓗᒍ. ᑐᑭᓯᒋᐊᕐᕕᒋᒋᐊᓕᕗᑦ ᑐᓴᐅᒪᔾᔪᑎᒃᓴᑎᓐᓂᒃ ᑖᒃᑯᐊ ᖃᐅᔨᒪᔪᕐᔪᐊᑦ”, ᐅᖃᓚᐅᖅᑐᖅ ᔭᐃᒥᓯ ᐃᑦᑐᓗᒃ, ᑭᖑᕝᕕᐅᑎᓯᒪᔪᖅ ᐊᖓᔪᖅᑳᖓᓄᑦ ᑐᙵᕕᒃᑯᑦ.
ᑲᐴᑦ ᒪᑑᓇ 94% ᓴᐳᔾᔨᓯᒪᒍᓐᓇᖅᑐᖅ ᖃᓂᒻᒪᑐᒻᒪᕆᐅᒍᑕᐅᒍᓐᓇᕐᓂᖓᓄᑦ ᓄᕙᔾᔪᐊᕐᓇᖅ−19. ᐃᓐᓇᐃᑦ, ᖃᓄᐃᒍᑎᓖᑦ ᖃᓂᒻᒪᓯᕐᓂᒃ, ᐊᒻᒪᓗ ᑐᐊᕕᕐᓇᖅᑐᓕᕆᔩᑦ ᓯᕗᓪᓕᐅᔾᔭᐅᓂᐊᖅᑐᑦ ᑲᑦᓱᖅᑕᐅᓗᑎᒃ. ᑲᐴᑦ ᐊᑦᑕᓇᙱᑦᑐᖅ ᖃᓄᐃᒍᑎᓕᓐᓂᒃ ᑎᒥᒥᒍᑦ ᖃᓂᒻᒪᓯᕐᓂᒃ ᓲᕐᓗ ᐆᒻᒪᑎᕐᓗᓲᓂᒃ, ᐊᐅᒃᑯᑦ ᓱᑲᖃᓗᐊᖅᑐᓂᒃ, ᐋᓐᓂᐊᓖᑦ ᑳᓐᓱᒥᒃ, ᐳᕙᓪᓗᑦᑐᑦ, ᐊᒻᒪᓗ ᐊᓯᖏᓐᓂᒃ ᐳᕝᕕᕆᒍᑕᐅᓲᓂᒃ.
“ᐊᕐᕌᓂᓂᒃ, ᐃᖅᑲᓇᐃᔭᖅᑐᒻᒪᕆᐅᔪᐃᓐᓇᐅᓯᒪᕗᒍᑦ ᓴᐳᑎᓯᒪᒍᒪᓪᓗᒋᑦ ᐃᓚᕗᑦ, ᑐᐊᕕᕐᓇᖅᑐᓕᕆᔨᕗᑦ ᐊᒻᒪᓗ ᓄᓇᖅᑲᑎᕗᑦ. ᑲᐱᔭᐅᓂᖅ ᓴᐳᔾᔨᓯᒪᒋᐊᒃᑲᓐᓂᕈᑕᐅᓂᐊᖅᑐᖅ ᖃᓄᐃᖁᓇᒋᑦ ᐊᑦᑕᓇᖅᑐᒦᖁᓇᒋᑦ …

ᑐᙵᕕᒃᑯᑦ ᖁᕕᐊᒃᑯᔾᔨᔪᑦ ᐄᕙ ᐋᕆᐊᒃ ᓄᓇᕗᒻᒥ ᑲᒥᓯᓇᑖᖑᓂᖓ

(ᔭᓐᓄᐊᓕ 19, 2021 – ᐃᖃᓗᐃᑦ, ᓄᓇᕗᑦ) ᓄᓇᕗᑦ ᑐᙵᕕᒃ ᑎᒥᖓᓄᑦ (ᑐᙵᕕᒃ) ᑭᖑᕝᕕᐅᑎᓯᒪᔪᖅ ᐊᖓᔪᖅᑳᒧᑦ ᔭᐃᒥᓯ ᐃᑦᑐᓗᒃ ᐅᓪᓗᒥ ᖁᕕᐊᒃᑯᔨᖅᑲᐅᔪᖅ ᐄᕙ ᐋᕆᐊᒃᒥᒃ ᑎᒃᑯᐊᖅᑕᐅᓂᖓᓄᑦ ᓄᓇᕗᒻᒥ ᑲᒥᓯᓇᒧᑦ.
ᐋᕆᐊᒃ ᐃᖅᑲᓇᐃᔮᕆᖃᑦᑕᖅᓯᒪᔭᖏᑦ ᐱᔨᑦᓯᓂᕐᒧᑦ ᓄᓇᕗᒻᒥᐅᓂᒃ ᐊᔾᔨᒌᙱᑦᑐᓂ ᐱᓇᓱᐊᒐᑦᓴᓂ. ᓯᕗᓪᓕᖅᐸᐅᓚᐅᖅᑐᖅ ᐅᖃᐅᓯᓕᕆᓂᕐᒧᑦ ᑲᒥᓯᓇᐅᓪᓗᓂ ᓄᓇᕗᒻᒥ, ᓂᕈᐊᖅᑕᐅᓯᒪᓪᓗᓂ ᒪᓕᒐᓕᐅᖅᑎᐅᓚᐅᖅᑐᖅ ᐃᖃᓗᐃᑦ ᑲᓇᓐᓈᓄᑦ, ᐊᒻᒪᓗ ᓂᕈᐊᖅᑕᐅᓚᐅᕐᒥᔪᖅ ᓯᕗᓪᓕᐸᐅᓪᓗᓂ ᐊᕐᓇᐅᓪᓗᓂ ᓄᓇᕗᒻᒥ ᓯᕗᓕᖅᑎᒧᑦ.
“ᖁᔭᒋᕙᕗᑦ ᐋᕆᐊᒃ ᑲᔪᓯᓂᕆᖃᑦᑕᖅᓯᒪᔭᖏᑦ ᐱᓇᓱᐊᖃᑦᑕᖅᓯᒪᔭᖏᓪᓗ, ᐱᕚᓪᓖᓯᒪᓂᖓ ᐃᓄᒃᑐᑦ ᐊᒻᒪᓗ ᐃᓄᐃᑦ ᐃᓕᖅᑯᓯᖓᓂᒃ ᓯᕗᓪᓕᖅᐸᐅᖏᓐᓇᖅᓯᒪᔪᖅ,” ᐅᖃᓚᐅᖅᑐᖅ ᐊᖓᔪᖅᑳᖅ ᐃᑦᑐᓗᒃ.
ᑐᙵᕕᒃᑯᑦ ᖁᔭᒋᔭᖓ ᐊᐅᓚᑦᓯᑦᓯᐊᓚᐅᖅᑐᖅ ᑲᒥᓯᓇᐅᓪᓗᓂ ᓂᐊᓕ ᑯᓱᒐᒃ ᑐᓂᓯᒪᑦᓯᐊᓚᐅᕐᓂᖓᓄᑦ ᐊᒻᒪᓗ ᐱᔨᑦᓯᑦᓯᐊᓚᐅᕐᓂᖓᓄᑦ ᓄᓇᕗᒻᒥᐅᓂᒃ.
-30-
ᑐᑭᓯᒋᐊᒃᑲᓂᕐᕕᒃᓴᖅ:
ᒪᓚᐃᔭ ᒥᑭᔾᔪᒃ
ᑐᑭᒧᐊᒃᑎᑦᑎᔨ ᑐᓴᐅᒪᔾᔪᑎᓕᕆᔨᒃᑯᓐᓂ
ᓄᓇᕗᑦ ᑐᙵᕕᒃ ᑎᒥᖓ
ᐅᖄᓚᐅᑖ: (867) 975-4900/ᐊᑭᖃᙱᑦᑐᖅ: 1-888-646-0006

www.tunngavik.com
 
…

ᓄᓇᕗᑦ ᑐᙵᕕᒃᑯᑦ ᐅᐸᒃᓯᒪᓗᑎᒃ

ᖃᐅᔨᒃᑲᐃᒍᑦ ᑭᓇᒃᑯᑐᐃᓐᓇᕐᓄᑦ
ᐅᓇ ᖃᐅᔨᒃᑲᐃᒍᑦ ᑭᓇᒃᑯᑐᐃᓐᓇᕐᓄᑦ ᓄᓇᕗᖕᒥ ᑕᕐᕆᔭᐅᑎᒃᑯᑦ VIA ZOOM ᐊᒻᒪ ᖃᕆᔭᐅᔭᕋᓛᒃᑯᑦ ᑕᑯᒃᓴᐅᓛᕐᑐᑦ
 
ᑐᙵᕕᒃᑯᑦ ᐅᐸᒃᓯᒪᓗᑎᒃ
ᔮᓄᐊᕆ 18, 2021:  ᑲᑎᒪᔨᖏᑕ ᑲᑎᒪᓂᖓᑦ ᐊᒻᒪ ᓯᕗᓕᖅᑏ ᑲᑎᒪᔨᕋᓛᑦ
ᖃᐅᔨᓴᐅᑦ:  10:30 ᐅᓪᓛᒃᑯᑦ  – 12 ᐅᓪᓗᒃᑯᑦ ᐊᒻᒪ  3:00 – 5:00 ᐅᓪᓗᒃᑯᑦ ᑲᓇᓐᓇᕐᒥ
____________________________________________
ᔮᓄᐊᕆ 19, 2021:  ᓄᓇᕗᑦ ᑐᙵᕕᒃ ᐃᑲᔫᓯᐊᒃᓴᓕᕆᔨᒃᑯᑦ
ᖃᐅᔨᓴᐅᑦ:  3:00 – 5:00 ᐅᓪᓗᒃᑯᑦ ᑲᓇᓐᓇᕐᒥ
______________________________________________________
ᔮᓄᐊᕆ 20, 2021:  ᒪᑭᒋᐊᖅᑕ ᐃᓄᐃᑦ ᐱᓕᒻᒪᓴᕐᓂᕐᒧᑦ ᑯᐊᐳᕇᓴᓐ
ᖃᐅᔨᓴᐅᑦ:  10:30 ᐅᓪᓛᒃᑯᑦ to 12:30 ᐅᓪᓗᒃᑯᑦ ᑲᓇᓐᓇᕐᒥ
 
_____________________________________________________________________________
 
ᐱᖃᑕᐅᔪᓐᓇᕐᐳᑎᒃ ᖃᕆᑕᐅᔭᒃᑯᑦ ᐅᕘᓇ:
https://us02web.zoom.us/j/86122648689?pwd=VmszVXczbkNjTjVJWXZaRjc0dUdDUT09
 
ᓇᓗᓇᐃᕈᑖ: NTIvw2021
 
ᑕᑯᓐᓇᕆᓪᓗᑎᒃ ᖃᕆᓴᐅᔭᕋᓛᒃᑯᑦ:
https://www.facebook.com/Tunngavik/live/
 
 
ᐅᖄᓚᐅᑎᒃᑯᑦ:
https://www.facebook.com/Tunngavik/live/
ᐅᖄᓚᓗᑎᑦ:  +1 647 374 4685
ᖃᕆᑕᐅᔭᒃᑯᑦ ᓇᓗᓇᐃᕈᑖ: 861 2264 8689
ᓇᓗᓇᐃᕆᔾᔪᑖ: 507524072
 
ᑕᑯᓐᓇᕈᓐᓇᕐᐳᑎᑦ ᖃᕆᑕᐅᔭᒃᑯᑦ …

ᑐᙵᕕᒃᑯᑦ ᓂᕈᐊᖅᑎᑦᓯᓂᖏᑦ − ᐋᖅᑭᒋᐊᖅᓯᒪᔪᑦ ᑐᓴᖅᑎᑦᑎᔾᔪᑎᑦ ᓂᕈᐊᕐᓇᐅᓛᖅᑐᒥᒃ

(ᔭᓐᓄᐊᓕ 5, 2021 – ᐃᖃᓗᐃᑦ, ᓄᓇᕗᑦ) ᓄᓇᕗᑦ ᑐᙵᕕᒃ ᑎᒥᖓᓄᑦ (ᑐᙵᕕᒃ)
ᓂᕈᐊᖅᑐᓕᕆᔨᒻᒪᕆᒃ, ᑳᑎᓖᓐ ᓯᒍᑦᓴᓐ, ᓇᓗᓇᐃᕆᓚᐅᖅᑐᖅ ᑐᙵᕕᒃᑯᑦ ᓇᓗᓇᐃᖅᑕᖏᓐᓂᒃ
ᓂᕈᐊᕋᑦᓴᙳᖅᑎᑕᐅᔪᓂᒃ ᓂᕈᐊᕐᓂᐅᓂᐊᖅᑐᒧᑦ ᐊᖓᔪᖅᑳᒥᒃ ᕕᕝᕗᐊᓕ 8, 2021, ᐱᔪᒐᖅᓴᐅᑎᓂᖓ ᐱᒋᐊᒃᑲᓂᕐᓂᐊᖅᑐᓂ ᔭᓐᓄᐊᓕ 4, 2021.
ᐅᑯᐊ ᓂᕈᐊᕋᑦᓴᙳᓚᐅᖅᑐᑦ ᒪᓕᓪᓗᒋᑦ ᑐᙵᕕᒃᑯᑦ ᓂᕈᐊᕐᓂᕐᒧᑦ ᒪᓕᒐᑦᓴᖏᑦ ᐊᐅᓚᑦᓯᔾᔪᑎᓪᓗ
ᓂᕈᐊᕐᓂᕐᒧᑦ ᐊᖓᔪᖅᑳᑦᓴᒥᒃ ᒪᑐᕕᑦᓴᖓᓄᑦ:
ᐊᓗᑭ ᑰᑦᑎᖅ
ᐋᓄᓗ ᓇᑲᓱᒃ
ᓂᕈᐊᖅᑏᑦ 16-ᓂᒃ ᐅᑭᐅᖃᕆᐊᓖᑦ ᐅᖓᑖᓂᓘᓐᓃᑦ ᑏᓰᒻᕙ 14, 2020 ᐊᒻᒪᓗ
ᐊᑎᖃᖃᑕᐅᓗᑎᒃ ᓄᓇᕗᑦ ᐊᖏᕈᑎᖏᓐᓂ.
ᓂᕈᐊᖅᑏᑦ ᑕᓪᓕᒪᐅᓕᖅᑲᖓᔪᑎᒍᑦ ᓂᕈᐊᕈᓐᓇᖅᑐᑦ ᑐᙵᕕᒃᑯᑦ ᓂᕈᐊᕐᓂᖏᓐᓂ: ᑐᖔᓂ
ᓂᕈᐊᖅᐸᒌᕐᓂᖅ ᕕᕝᕗᐊᓕ 1, 2021, ᓂᕈᐊᕐᓇᐅᑉ ᐅᓪᓗᖓ ᕕᕝᕗᐊᓕ 8, ᓂᕈᐊᖅᑎᑕᐅᒋᐊᖅᑐᕐᓗᓂ, ᓂᕈᐊᕈᔾᔭᐅᓗᓂ ᐅᕝᕙᓘᓐᓃᑦ ᑎᑎᖅᑲᓂᐊᕐᕕᒃᑰᑎᑦᓯᓗᓂ ᓂᕈᐊᕈᑎᒥᓂᒃ.
ᑎᑎᖅᑲᓂᐊᕐᕕᒃᑰᖅᑎᑕᐅᔪᑦ ᑎᑎᕋᕐᕕᒋᓯᒪᔪᑦ ᓂᕈᐊᕐᓂᕐᒧᑦ ᐅᓪᓗᓕᐊᖑᒋᐊᙵᓚᐅᖅᑐᒥᒃ ᑏᓰᒻᐱᕆ 14, 2020 ᓱᓕ ᐊᑐᕈᓐᓇᖅᑐᑦ ᐊᒻᒪᓗ …

ᓄᓇᕗᑦ ᑐᙵᕕᒃ ᑎᒥᖓ ᑐᓴᖅᑎᑦᓯᕗᖅ ᑲᒪᒋᔭᐅᓂᖓ III ᓄᓇᖃᖅᑳᖅᓯᒪᔪᑦ ᓄᓇᓕᖏᓐᓄᑦ ᐃᑲᔫᑎᒃᓴᑦ ᑮᓇᐅᔭᑦ

(ᑏᓰᒻᐱᕆ 8, 2020, ᐃᖃᓗᐃᑦ, ᓄᓇᕗᑦ) ᓄᓇᕗᑦ ᑐᙵᕕᒃ ᑎᒥᖓ (ᑐᙵᕕᒃ) ᑐᓴᖅᑎᑦᓯᔪᖅ $8-ᒥᓕᔭᓐ ᐃᑲᔫᑎᒃᓴᑲᓐᓃᑦ ᑲᒪᒋᐊᕈᑎᒃᓴᑦ ᓂᕿᖃᑦᓯᐊᕈᑎᒃᓴᒧᑦ ᐊᒻᒪᓗ ᓄᓇᓕᐊᖃᑦᑕᓂᕐᒧᑦ ᖃᓂᒌᓗᐊᑦᑕᐃᓕᓂᕐᒧᑦ ᓄᕙᔾᔪᐊᕐᓇᖅ−19 ᓄᓇᕐᔪᐊᒥ ᖃᓂᒪᓐᓇᕐᓂᖓᓂ ᐊᑐᕋᑦᓴᑦ.
ᑮᓇᐅᔭᓕᑕᐅᒍᑏᑦ ᐊᒡᒍᖅᑕᐅᓂᐊᖅᑐᑦ ᐊᑐᖅᑕᐅᓗᑎᒃ ᐊᖏᕈᑕᐅᓯᒪᔪᑦ ᐊᒡᒍᐃᔾᔪᑎᒃᓴᒧᑦ ᓇᓗᓇᐃᖅᓯᒪᔪᑦ ᐅᓄᕐᓂᖏᓐᓂᒃ ᑖᒃᑯᐊ ᐃᒪᐃᓕᖓᔪᑦ:
ᓄᓇᕗᑦ ᑐᙵᕕᒃ ᑎᒥᖓ         $593,765.00
ᕿᑭᖅᑕᓂ ᐃᓄᐃᑦ ᑲᑐᔾᔨᖃᑎᒌᑦ   $2,008,101.00 (ᐃᓚᒋᔭᐅᔪᑦ $663,665 ᐊᒃᑐᖅᑕᐅᓯᒪᔪᓄᑦ ᓄᓇᓕᓐᓄᑦ)
ᑭᕙᓪᓕᖅ ᐃᓄᐃᑦ ᑲᑐᔾᔨᖃᑎᒌᑦ    $4,763,460.00 (ᐃᓚᒋᔭᐅᔪᑦ $4,242,580 ᐊᒃᑐᖅᑕᐅᓯᒪᔪᓄᑦ ᓄᓇᓕᓐᓄᑦ)
ᕿᑎᕐᒥᐅᑦ ᐃᓄᐃᑦ ᑲᑐᔾᔨᖃᑎᒌᑦ   $634,684.00
ᑐᙵᕕᒃᑯᑦ ᑮᓇᐅᔭᓖᒍᑎᖏᑦ ᑎᒍᒥᐊᖅᑕᐅᓂᐊᖅᑐᑦ ᑐᐊᕕᕐᓇᖅᑐᓕᕆᐅᑎᒃᓴᐅᓗᑎᒃ ᓄᕙᔾᔪᐊᕐᓇᖅ−19 ᓯᐊᒻᒪᑲᓐᓂᖅᑐᒥᓂᐅᑉᐸᑦ ᓄᓇᕗᒻᒥ ᐊᒻᒪᓗ ᑐᓂᔭᐅᓯᒪᔪᑦ ᑐᙵᕕᒃᑯᓐᓂᒃ ᒪᓕᑦᑐᒋᑦ ᐊᖏᖅᑕᐅᓯᒪᔪᑦ ᐊᕕᑦᑐᐃᔾᔪᑎᒃᓴᑦ ᐊᒻᒪᓗ ᑐᓴᕆᐊᕐᕕᒋᔭᐅᓪᓗᑎᒃ ᐊᕕᑦᑐᖅᓯᒪᓂᕐᓂ ᐃᓄᐃᑦ ᑲᑐᔾᔨᖃᑎᒌᖏᑦ.
ᑭᕙᓪᓕᖅ ᐃᓄᐃᑦ ᑲᑐᔾᔨᖃᑎᒌᑦ ᐊᒻᒪᓗ ᕿᑭᖅᑕᓂ …

ᑐᓴᕋᑦᓴᖅ

ᑐᒃᓯᕋᐅᓯᐅᖁᔨᔾᔪᑎ:
ᑐᙵᕕᒃᑯᑦ ᓄᓇᓕᓐᓂᒃ ᐃᑲᔫᑎᒃᓴᓂᒃ ᑮᓇᐅᔭᖃᖅᑎᑦᓯᒍᑎᖏᑦ −
ᖃᓪᓗᓈᓂ ᓄᓇᖃᖅᑐᓄᑦ ᐃᓄᓐᓄᑦ ᐊᖏᕐᕋᕕᒃᓴᒥᒃ ᐱᔨᑦᓯᕈᑏᑦ
ᐱᒋᐊᕐᕕᒃᓴᖓ: ᑏᓰᒻᐱᕆ 7, 2020
ᐃᓱᓕᕝᕕᑦᓴᖓ: ᔭᓐᓄᐊᓕ 4, 2021
ᑭᒃᑯᓐᓅᖓᓂᖓ: ᑲᓇᑕᓕᒫᒧᑦ
(ᑏᓯᓕᐱᕆ 7, 2020 – ᐃᖃᓗᐃᑦ, ᓄᓇᕗᑦ ) ᓄᓇᕗᑦ ᑐᙵᕕᒃ ᑎᒥᖓ (ᑐᙵᕕᒃ), ᓄᓇᕗᒻᒥ ᓄᓇᑖᕐᓂᕐᒧᑦ ᑲᑐᔾᔨᖃᑎᒌᑦ ᑭᒡᒐᖅᑐᐃᔪᑦ ᐃᓄᓐᓂᒃ, ᑐᓂᓯᓚᐅᖅᑐᑦ ᑮᓇᐅᔭᖅᑑᑎᒃᓴᓂᒃ $1−ᒥᓕᔭᓂᒃ ($1,000,000) ᓄᓇᓕᓐᓄᑦ ᐃᑲᔫᑎᒃᓴᓕᕆᔨᖏᑎᒍᑦ − ᖃᓪᓗᓈᓂ ᓄᓇᖃᖅᑐᓄᑦ ᐃᓄᓐᓄᑦ ᐊᖏᕐᕋᕕᒃᓴᒥᒃ ᐱᔨᑦᓯᕈᑎᓄᑦ ᐱᓕᕆᐊᒥᒃ ᐃᑲᔫᑎᒃᓴᒥᒃ ᑎᑎᕋᖅᑕᐅᓯᒪᔪᓄᑦ ᑮᓇᐅᔭᓕᐅᕋᓱᐊᖅᑎᐅᖏᑦᑐᓄᑦ ᖃᓪᓗᓈᓂᒥᐅᑕᕐᓄᑦ ᑲᑐᔾᔨᖃᑎᒌᓄᑦ ᓯᓚᑖᓂ ᓄᓇᕗᑦ ᓄᓇᖓᑕ ᓇᓗᓇᐃᖅᑕᐅᓯᒪᓂᖓᓂ ᕿᓂᖅᑐᓄᑦ ᐃᓂᒃᓴᐅᓇᔭᖅᑐᓂᒃ, ᐅᕝᕙᓘᓐᓃᑦ ᐱᐅᓯᒋᐊᕈᑎᒃᓴᓂᒃ ᐊᑐᖅᑕᐅᕙᑦᑐᓄᑦ ᐊᖏᕐᕋᕕᒃᓴᒥᒃ/ᐃᓪᓗᓕᕆᓂᕐᒧᑦ ᐱᔨᑦᓯᕈᑎᓄᑦ ᖃᓪᓗᓈᓂᒥᐅᑕᕐᓄᑦ ᐃᓄᓐᓄᑦ ᐃᑲᔫᑎᒃᓴᓂᒃ ᓄᕙᔾᔪᐊᕐᓇᖅ−19 ᑲᒪᒍᑎᒃᓴᒧᑦ ᐊᑐᕋᑦᓴᓂᒃ.
ᓄᓇᓕᓐᓃᑦᑐᑦ, ᑮᓇᐅᔭᓕᐅᕋᓱᐊᖅᑎᐅᖏᑦᑐᑦ ᑲᑐᔾᔨᖃᑎᒌᑦ, ᓄᓇᓕᓐᓂ ᑯᐊᐳᕇᓴᑦ …

ᑐᓴᕋᑦᓴᖅ

ᑐᒃᓯᕋᐅᓯᐅᖁᔨᔾᔪᑎ:
ᑐᙵᕕᒃᑯᑦ ᓄᓇᓕᓐᓂᒃ ᐃᑲᔫᑎᒃᓴᓂᒃ ᑮᓇᐅᔭᖃᖅᑎᑦᓯᒍᑎᖏᑦ −
ᓄᓇᕗᒻᒥ ᐊᖏᕐᕋᕕᒃᓴᒥᒃ ᐱᔨᑦᓯᕈᑏᑦ
ᐱᒋᐊᕐᕕᒃᓴᖓ: ᑏᓰᒻᐱᕆ 7, 2020
ᐃᓱᓕᕝᕕᑦᓴᖓ: ᔭᓐᓄᐊᓕ 4, 2021
ᑭᒃᑯᓐᓅᖓᓂᖓ: ᓄᓇᕗᓕᒫᒧᑦ
(ᑏᓰᒻᐱᕆ 7, 2020-ᐃᖃᓗᐃᑦ, ᓄᓇᕗᑦ) ᓄᓇᕗᑦ ᑐᙵᕕᒃ ᑎᒥᖓ (ᑐᙵᕕᒃ), ᓄᓇᕗᒻᒥ ᓄᓇᑖᕐᓂᕐᒧᑦ ᑲᑐᔾᔨᖃᑎᒌᑦ ᑭᒡᒐᖅᑐᐃᔪᑦ ᐃᓄᓐᓂᒃ, ᑐᓂᓯᓚᐅᖅᑐᑦ ᑮᓇᐅᔭᖅᑑᑎᒃᓴᓂᒃ $1−ᒥᓕᔭᓂᒃ ($1,000,000) ᓄᓇᓕᓐᓄᑦ ᐃᑲᔫᑎᒃᓴᓕᕆᔨᖏᑎᒍᑦ − ᓄᓇᕗᒻᒥ ᐊᖏᕐᕋᕕᒃᓴᒥᒃ ᐱᔨᑦᓯᕈᑎᓄᑦ ᐱᓕᕆᐊᒥᒃ ᐃᑲᔫᑎᒃᓴᒥᒃ ᑎᑎᕋᖅᑕᐅᓯᒪᔪᓄᑦ ᑮᓇᐅᔭᓕᐅᕋᓱᐊᖅᑎᐅᖏᑦᑐᓄᑦ ᑲᑐᔾᔨᖃᑎᒌᓄᑦ ᐊᒻᒪᓗ ᓄᓇᓖᑦ ᒐᕙᒪᖏᓐᓄᑦ ᓄᓇᕗᑦ ᓄᓇᖓᑕ ᓇᓗᓇᐃᖅᑕᐅᓯᒪᓂᖓᓂ ᕿᓂᖅᑐᓄᑦ ᐃᓂᒃᓴᐅᓇᔭᖅᑐᓂᒃ, ᐅᕝᕙᓘᓐᓃᑦ ᐱᐅᓯᒋᐊᕈᑎᒃᓴᓂᒃ ᐊᑐᖅᑕᐅᕙᑦᑐᓄᑦ ᐊᖏᕐᕋᕕᒃᓴᒥᒃ/ᐃᓪᓗᓕᕆᓂᕐᒧᑦ ᐱᔨᑦᓯᕈᑎᓄᑦ ᑲᔪᓯᑎᑕᐅᒍᑎᒃᓴᖓᓂᒃ ᓄᕙᔾᔪᐊᕐᓇᖅ−19 ᑲᒪᒍᑎᒃᓴᒧᑦ ᐊᑐᕋᑦᓴᓂᒃ.
ᓄᓇᓕᓐᓃᑦᑐᑦ, ᑮᓇᐅᔭᓕᐅᕋᓱᐊᖅᑎᐅᖏᑦᑐᑦ ᑲᑐᔾᔨᖃᑎᒌᑦ, ᓄᓇᓕᓐᓂ ᑯᐊᐳᕇᓴᑦ ᐅᕝᕙᓘᓐᓃᑦ ᑭᒃᑯᑐᐃᓐᓇᐃᑦ ᐱᓕᕆᐊᒥᓄᑦ ᐃᑲᔪᖅᑕᐅᔾᔪᑎᒃᓴᓯᐅᖅᑐᑦ ᑐᒃᓯᕋᕈᓐᓇᖅᑐᑦ ᑮᓇᐅᔭᓕᑕᐅᒍᑎᒃᓴᓂᒃ ᐱᖠᕆᐊᓄᑦ ᐅᑯᑎᒎᓇ:

ᓴᖅᑭᔮᑦᓯᐊᕐᓗᓂ …

ᓄᓇᕗᑦ ᑐᙵᕕᒃᑯᑦ ᑭᖑᕙᕆᐊᖅᑎᑦᑎᕗᑦ 2020-ᒥ ᓂᕈᐊᖅᑎᑦᑎᓂᕐᒥᒃ ᐊᖓᔪᖅᑳᑉ ᐃᓂᖓᓄᑦ

(ᑎᓯᑉᐱᕆ 4, 2020 – ᐃᖃᓗᐃᑦ, ᓄᓇᕗᑦ) ᓄᓇᕗᑦ ᑐᙵᕕᒃᑯᑦ (ᑐᙵᕕᒃᑯᑦ) ᐊᖓᔪᖅᑳᖓᓐᓂᒃ ᐃᓇᖐᓯᒪᑲᐃᓐᓇᕐᑐᖅ ᔭᐃᒥᓯ ᐃᑦᑐᓗᒃ ᐅᓪᓗᒥ ᑐᓴᕐᑎᑦᑎᕗᖅ ᑖᒃᑯᐊ 2020-ᒥ ᐊᖓᔪᖅᑳᑉ ᐃᓂᖓᓄᑦ ᓂᕈᐊᖅᑎᑦᑎᓂᖅ ᑭᖑᕙᕆᐊᖅᑕᐅᖕᒪᑦ ᕕᕗᐊᕆ 8. 2021-ᒧᑦ, ᐱᔪᒥᒋᔭᐅᓇᓱᐊᕐᕕᒃ ᓄᖅᑲᖅᑎᑕᐅᓪᓗᓂ ᐊᒻᒪ ᐱᒋᐊᒃᑲᓐᓂᓛᕐᓗᓂ ᔭᓐᓄᐊᕆ 4, 2021-ᒥ.
ᑖᓐᓇ ᑐᑭᑖᕈᑕᐅᓚᐅᕐᑐᖅ ᑐᐊᕕᕐᓇᕐᑐᒥᒃ ᐊᔾᔨᐅᖏᑦᑐᒃᑯ ᐃᓚᒋᔭᐅᔪᑦ ᐊᒻᒪ ᑲᑎᒪᔩᑦ ᑲᑎᒪᑎᓪᓗᒋᑦ ᑕᒪᑐᒪᓂ ᐱᓇᓱᐊᕈᓯᕐᒥ, ᒪᓕᒃᑐᒋᑦ ᒪᓕᒃᑕᐅᖁᔭᐅᖏᓐᓇᕐᓯᒪᔪᑦ ᑭᓇᒃᑯᑐᐃᓐᓇᐃᑦ ᐋᓐᓂᐊᑖᖁᓇᒋᑦ ᑐᐊᕕᕐᓇᕆᔭᐅᔪᓂᒃ ᐊᒻᒪᓗ ᒫᓐᓇᐅᔪᒥ ᓄᕙᒡᔪᐊᕐᓇᖅ−19 ᐱᑕᖃᓕᕐᓯᒪᓂᖓᓄᑦ ᐃᓚᖏᓐᓂᒃ ᓄᓇᓕᖕᓂ ᓄᓇᕗᖕᒥ.
ᓂᕈᐊᖅᑐᓕᕆᔨᒻᒪᕆᒃ ᓴᖅᑮᓂᐊᕐᐳᖅ ᓇᓗᓇᐃᔭᕐᓯᒪᒃᑲᓂᓄᕐᑐᓂᒃ ᐱᔾᔪᑎᓕᖕᓂᒃ ᓯᕗᓂᐊᒍᑦ ᓂᕈᐊᕐᓇᐅᑉ ᓂᕈᐊᕆᐊᖅᑐᕐᕕᐅᔪᓐᓇᕋᔭᕐᑐᒥᒃ ᐅᓪᓗᖓᓂᒃ ᐊᒻᒪ ᐊᓯᖏᓐᓂᒃ ᑕᒪᑦᓱᒧᖓ ᐱᔾᔪᑎᓕᖕᓂᒃ ᑐᑭᓯᐅᒪᒍᑕᐅᔪᓐᓇᕐᑐᓂᒃ ᐱᓇᓱᐊᕈᓯᓂ ᖃᐃᔪᓂ.
ᑐᑭᓯᒋᐊᒃᑲᓐᓂᕈᓐᓇᕐᑉᐳᑎᑦ, ᑕᑯᒋᐊᒃᑭᑦ ᐃᓚᓕᐅᓯᒪᔪᑦ ᖃᓄᐃᓕᐅᕈᑕᐅᓯᒪᔪᑦ: ᐊᐱᖅᑯᑎᑦ …

ᑐᙵᕕᒃᑯᑦ ᓴᖅᑭᑦᓯᔪᑦ ᓄᕙᔾᔪᐊᕐᓇᖅ−19 ᐃᑭᐊᖅᑭᕕᖕᒥᒃ

(ᑏᓰᒻᐱᕆ 2, 2020 – ᐃᖃᓗᐃᑦ, ᓄᓇᕗᑦ) ᓄᓇᕗᑦ ᑐᙵᕕᒃ ᑎᒥᖓ (ᑐᙵᕕᒃ) ᓴᖅᑮᔪᖅ ᖃᕆᓴᐅᔭᒃᑯᑦ ᐊᑐᕋᑦᓴᒥᒃ ᓄᕙᔾᔪᐊᕐᓇᖅ−19 ᐃᑲᔫᑎᒃᓴᒥᒃ, COVID19.tunngavik.com. ᑐᑦᑕᕐᕕᐅᔪᖅ ᐊᑐᕋᑦᓴᓄᑦ ᐃᓄᒃᑎᑐᑦ, ᐃᓄᐃᓐᓇᖅᑐᓐ ᐊᒻᒪᓗ ᖃᓪᓗᓈᑎᑐᑦ ᐃᓄᐃᑦ ᐊᙳᑎᓯᒪᔪᓂᒃ ᑐᓴᐅᒪᖁᓪᓗᒋᑦ ᓄᕙᔾᔪᐊᕐᓇᖅ-19 ᓄᓇᕐᔪᐊᒥ ᖃᓂᒪᓐᓇᒥᒃ.
ᑐᓴᕆᐊᕈᑕᐅᖃᑕᐅᔪᓐᓇᓂᐊᖅᑐᑦ ᐃᑭᐊᖅᑭᕕᒻᒥ ᖃᓄᖅ ᖃᓄᐃᙱᑦᓯᐊᖏᓐᓇᕈᑎᒃᓴᓐᓂᒃ ᐊᒻᒪᓗ ᓴᐳᑎᓯᒪᓗᒋᑦ ᐃᓚᑎᑦ, ᖃᐅᔨᒋᐊᕐᕕᒃᓴᖅ ᐃᑲᔪᖅᑕᐅᕕᑦᓴᓂᒃ ᐃᓅᓯᓕᕆᔭᐅᔾᔪᑎᒃᓴᓂᓪᓗ, ᐊᑦᑕᓇᐃᖅᓯᒪᒍᑎᒃᓴᑦ ᖃᓄᖅ ᐃᓕᓐᓂᒃ ᓴᐳᑎᓯᒪᒃᑲᓐᓂᕈᓐᓇᕐᒪᖔᖅᐱᑦ ᓄᕙᔾᔪᐊᕐᓇᖅ-19−ᒧᑦ, ᑐᓴᕋᑦᓴᑦ ᓄᑖᓂᒃ ᖃᓄᐃᙱᑦᓯᐊᕈᑎᒃᓴᓄᑦ ᐱᓕᕆᐊᒃᓴᓂᒃ ᐱᓇᓱᐊᒐᐅᔪᓂᓪᓗ, ᐊᒻᒪᓗ ᓄᓇᓕᓐᓂ ᐃᑲᔪᖅᑕᐅᕕᑦᓴᑦ ᐊᙳᑎᑎᑦᓯᒋᐊᕈᑎᑦᓴᓪᓗ ᐱᕙᓪᓕᐊᔪᓂᒃ,
ᑐᙵᕕᒃᑯᑦ ᐋᖅᑮᓯᒪᒻᒥᔪᑦ ᓄᕙᔾᔪᐊᕐᓇᖅ-19 ᐃᕐᖐᓐᓈᕈᑎᓄᑦ ᑐᕌᕈᑎᓂᒃ ᑭᓇᑐᐃᓐᓇᕐᒧᑦ ᑐᓴᕆᐊᒃᑲᓐᓂᕈᒪᔪᓄᑦ ᐊᐱᖅᑯᑎᒃᓴᓕᓐᓄᓘᓐᓃᑦ ᐊᑐᕋᑦᓴᓂᒃ ᑎᑎᕋᖅᑕᐅᓯᒪᔪᓂᒃ ᐃᑭᐊᖅᑭᕕᒻᒥ, COVID-19@tunngavik.com. 
ᓄᓇᕗᑦ ᐅᔾᔨᖅᓱᕆᐊᒃᑲᓐᓂᕆᐊᖃᐃᓐᓇᑎᓪᓗᒍ ᐊᑦᑕᓇᐃᖅᓯᒪᓂᕐᒧᑦ ᑭᒡᓕᖃᖅᑎᑕᐅᓂᐅᔪᓂᒃ ᓄᓇᕗᒻᒥ, …