ᑐᓴᕋᑦᓴᓕᕆᔩᑦ

ᑕᒻᒪᖅᓯᒪᔪᒥᒃ ᐋᖅᑭᒋᐊᕈᑎᒧᑦ ᖃᐅᔨᒃᑲᐃᔾᔪᑦ ᑐᓴᕋᑦᓴᓕᐊᖑᓚᐅᖅᑐᒥᒃ ᑐᙵᕕᒃᑯᑦ ᐊᖓᔪᖅᑳᒥᒃ ᓂᕈᐊᖅᑎᑦᓯᓂᕆᓂᐊᖅᑕᖓᓂᒃ 2020

(ᓯᑉᑎᒻᐱᕆ 28, 2020 – ᐃᖃᓗᐃᑦ, ᓄᓇᕗᑦᓄᓇᕗᑦ ᑐᙵᕕᒃ ᑎᒥᖓ (ᑐᙵᕕᒃ) ᓂᕈᐊᖅᑎᑦᓯᓂᐊᕐᒪᑕ ᐊᖓᔪᖅᑳᒥᒃ ᑏᓰᒻᐱᕆ 14, 2020. ᓂᕈᐊᕋᑦᓴᓕᐅᕐᕕᑦᓴᐅᓂᐊᖅᑐᖅ ᓇᓗᓇᐃᖅᑕᐅᒍᑎᒥᒃ ᓂᕈᐊᕋᑦᓴᙳᖅᑎᑕᐅᔪᒥᒃ ᓅᕙᐃᒻᕙ 2-ᒥᒃ 6-ᒧᑦ, 2020. ᐃᓱᒪᒋᓂᐊᖅᐸᑦ:

  • ᓂᕈᐊᕋᑦᓴᙳᖅᑎᑕᐅᒍᓐᓇᓂᐊᖅᑐᑦ ᓂᕈᐊᕐᓇᒧᑦ ᐃᓚᒋᔭᐅᓂᐊᖅᑐᒧᑦ ᑐᙵᕕᒃᑯᑦ ᓯᕗᓕᖅᑎᖏᓐᓄᑦ ᐃᓅᒋᐊᓕᒃ ᐊᑎᖃᖃᑕᐅᓗᓂ ᓄᓇᕗᑦ ᐊᖏᕈᑎᖏᓐᓂ, 16-ᓂᒃ ᐅᑭᐅᖅᑖᖅᓯᒪᒋᐊᓕᒃ ᐅᖓᑖᓂᓘᓐᓃᑦ ᑏᓰᒻᕙ 14, ᐊᒻᒪᓗ ᓂᕈᐊᕈᓐᓇᕐᓗᓂ. ᐊᑕᖏᖅᑐᑦ ᓂᕈᐊᕐᓂᕐᒧᑦ ᒪᓕᒐᑦᓴᑦ ᐊᐅᓚᑦᓯᔾᔪᑏᓪᓗ ᐃᓚᓕᐅᔾᔭᐅᓯᒪᓂᐊᖅᑐᑦ ᓂᕈᐊᕋᑦᓴᓕᐅᕈᑎᓂ.
  • ᓂᕈᐊᕋᑦᓴᓕᐅᕈᑏᑦ ᑕᑕᑎᕋᑦᓴᑦ ᐊᐃᔭᐅᖃᑦᑕᕈᓐᓇᖅᑐᑦ ᑳᑎᓖᓐ ᓯᖑᑦᓴᒥᒃ, ᓂᕈᐊᖅᑐᓕᕆᔨᒻᒪᕆᒃ (CRO), ᓄᓇᓕᓐᓂ ᑐᑦᑕᕐᕕᖕᓂᒃ (CLO) ᐅᕝᕙᓘᓐᓃᑦ ᑐᙵᕕᒃᑯᑦ ᐃᑭᐊᖅᑭᕕᖓᓂᒃ, ᓂᕈᐊᕋᑦᓴᓕᐅᕐᓇᖅ ᒪᑐᐃᖓᓕᖅᐸᑦ ᓅᕙᐃᒻᕙ 2, 2020 ᖃᐅᔨᓴᐅᑦ 9-ᒨᖅᐸᑦ ᐅᓪᓛᒃᑯᑦ ᑲᓇᓐᓇᕐᒥ.
  • ᑐᓂᔭᐅᒋᐊᓖᑦ ᐃᓂᖅᓯᒪᑦᓯᐊᕐᓗᑎᒃ ᓂᕈᐊᕋᑦᓴᓕᐅᕈᑎᑦ ᓂᕈᐊᖅᑐᓕᕆᔨᒻᒪᕆᒻᒧᑦ. ᓂᕈᐊᕋᑦᓴᑦ ᖃᐅᔨᒪᒋᐊᕆᐊᓖᑦ ᓂᕈᐊᕋᑦᓴᓕᐅᕈᑏᑦ ᓂᕈᐊᖅᑐᓕᕆᔨᒻᒪᕆᐅᑉ ᐱᓯᒪᓕᕋᓗᐊᕐᒪᖔᒋᑦ ᐊᐅᓪᓚᖅᑎᓯᒪᔭᓂ.
  • ᓂᕈᐊᕋᑦᓴᓕᐅᕈᑏᑦ ᐱᔭᐅᓯᒪᓐᓂᖏᑉᐸᑕ ᓅᕙᐃᒻᕙ 6-ᒥ ᖃᐅᔨᓴᐅᑦ 5-ᒥ ᐅᓐᓄᓴᒃᑯᑦ ᓄᓇᓖᑦ ᖃᐅᔨᓴᐅᑖᒍᑦ, ᓂᕈᐊᕋᑦᓴᙳᖅᑎᑕᐅᒐᓱᐊᖅᑐᖅ ᓂᕈᐊᕋᑦᓴᐅᖃᑕᐅᒍᓐᓇᔾᔮᖏᑦᑐᖅ ᓂᕈᐊᕐᓂᐅᓂᐊᖅᑐᒧᑦ.
  • ᓂᕈᐊᕋᑦᓴᐅᓂᐊᕈᕕᑦ ᐱᔪᒐᖅᓴᐅᑎᒋᐊᕈᓐᓇᖅᓯᑦᓴᐅᑎᒋᓂᐊᖅᑐᑎᑦ ᓂᕈᐊᖅᑕᐅᒍᒪᓂᕐᓄᑦ ᓇᖕᒥᓂᕐᓂᒃ ᐊᑐᕐᓗᑎᑦ. ᑭᓯᐊᓂᓕ, ᑮᓇᐅᔭᓂᒃ ᐱᕈᖅᓴᐃᔭᕆᐊᖃᔾᔮᖏᑦᑐᑎᑦ ᓇᓗᓇᐃᖅᑕᐅᓪᓚᕆᙱᓂᕐᓂ ᐃᓕᓴᕆᔭᐅᓯᒪᔪᒃᑯᑦ ᓂᕈᐊᖅᑐᓕᕆᔨᒻᒪᕆᒻᒧᑦ ᓂᕈᐊᕋᑦᓴᕈᕐᓂᕐᓂᒃ.
  • ᓂᕈᐊᕋᑦᓴᓕᐊᖑᓯᒪᔪᑦ ᓴᒃᑯᐃᒍᓐᓇᖅᑐᑦ ᓂᕈᐊᕋᑦᓴᙳᖅᑎᑕᐅᒍᑎᒋᓯᒪᔭᒥᓂᒃ ᖃᖓᑐᐃᓐᓇᖅ ᖃᐅᔨᓴᐅᑦ 5-ᒨᖏᓐᓂᖓᓂ ᓄᓇᓖᑦ ᖃᐅᔨᓴᐅᑖᒍᑦ ᓅᕙᐃᒻᕙ 9, 2020.

ᖃᐅᔨᒪᒋᑦ: ᔪᓚᐃ 6, 2020-ᒥ ᑐᙵᕕᒃᑯᑦ ᑐᓴᕋᑦᓴᙳᖅᑎᓚᐅᖅᑕᖏᓐᓂ, ᑕᒻᒪᖅᓯᒪᔪᖃᓚᐅᕐᒪᑦ ᓂᕈᐊᕋᑦᓴᓕᐅᕐᓇᖅ ᒪᑐᐃᖓᓂᕆᓂᐊᖅᑕᖓᓂᒃ: ᓅᕙᐃᒻᕙ 9-13, 2020. ᐋᖅᑭᒋᐊᕈᑕᐅᔪᖅ ᑕᒻᒪᖅᓯᒪᔪᒧᑦ: ᓂᕈᐊᕋᑦᓴᓕᐅᕐᓇᐅᓂᐊᖅᑐᖅ ᓇᓗᓇᐃᕈᑕᐅᔪᒥᒃ ᓂᕈᐊᕋᑦᓴᙳᖅᑎᑕᐅᔪᒧᑦ ᓅᕙᐃᒻᕙ 2-6, 2020. 

-30-

 ᓄᑖᖅ 2020-ᒧᑦ − ᓄᕙᔾᔪᐊᓇᕐᒧᑦ ᐸᕐᓇᓯᒪᓂᖅ

 ᓱᓕᒃᑲᓐᓂᖅ ᐸᕐᓇᑕᐅᓯᒪᓲᖑᒻᒪᑦ ᓯᓚ ᐱᔾᔪᑕᐅᓪᓗᓂ ᓂᕈᐊᕐᓇᒥ ᑏᓰᒻᕙᒥ, ᑐᙵᕕᒃᑯᑦ ᓂᕆᐅᓇᙱᑦᑐᒧᑦ ᐸᕐᓇᓯᒪᓂᐊᕐᒥᔪᑦ ᓄᕙᔾᔪᐊᕐᓇᖅ−19−ᒧ. ᑐᙵᕕᒃᑯᑦ ᒪᓕᖕᓂᐊᖅᑐᑦ ᒪᓕᒐᓕᐊᕆᓯᒪᔭᖏᓐᓂᒃ ᓄᓇᕗᒻᒥ ᓘᑦᑖᕐᔪᐊᖅ ᐊᑦᑕᓇᐃᖅᓯᒪᖁᓪᓗᒋᑦ ᓂᕈᐊᕋᑦᓴᓕᒫᑦ, ᐃᖅᑲᓇᐃᔭᖅᑏᑦ ᐊᒻᒪᓗ ᓂᕈᐊᖅᑏᑦ.

ᑐᑭᓯᒋᐊᒃᑲᓐᓂᕈᒪᒍᕕᑦ, ᖃᐅᔨᒃᑲᕈᓐᓇᕐᑕᐃᑦ:

ᑳᑎᓖᑦ ᓯᖑᑦᓴᓐ

ᓂᕈᐊᖅᑐᓕᕆᔨᒻᒪᕆᒃ (CRO)

ᑲᖏᕐᖠᓂᖅ, ᓄᓇᕗᑦ X0B 0L0

ᓄᓇᓕᓐᓂ ᐅᖄᓚᐅᑖ 867-645-6716

ᐊᑭᖃᙱᑦᑐᖅ: 1-844-979-6554

ᓈᑎᐊ ᑯᒃᑯᓐ

ᓂᕈᐊᖅᑐᓕᕆᔨᒻᒪᕆᐅᑉ ᐊᓪᓚᕝᕕᖓ−ᐊᔮᔮ ᑐᓴᐅᒪᔾᔪᑎᓕᕆᔨᒃᑯᑦ

ᐃᓪᓗ 157, ᐃᖃᓗᐃᑦ, ᓄᓇᕗᑦ X0A 0H0

ᐅᖄᓚᐅᑖ: 867-979-1484

ᓱᒃᑲᔪᒃᑰᕈᑖ: 867-979-1487

 

Download (PDF, 155KB)