ᓄᓇᕗᑦ ᑐᙵᕕᒃ ᑎᒥᖓ ᖁᕕᐊᓲᑎᖃᖅᑐᑦ ᐊᕐᕕᐊᑦ ᓂᕈᐊᖅᑕᐅᓂᖓᓂᒃ ᐃᓄᐃᑦ ᓄᓇᖓᓂ ᓯᓚᑦᑐᖅᓴᕐᕕᕐᔪᐊᑉ ᐃᓕᓐᓂᐊᕐᕕᖃᕐᕕᒋᓂᐊᓕᕐᒪᒍ

ᓴᒃᑯᑕᐅᑲᐅᑎᒋᔭᕆᐊᓕᒃ
(ᕖᕝᕗᐊᕆ 11, 2026 – ᐋᑐᕚ, ᐋᓐᑎᐅᕆᔪ) ᓄᓇᕗᑦ ᑐᙵᕕᒃ ᑎᒥᖓ ᖁᕕᐊᓲᑎᓖᑦ ᐊᕐᕕᐊᑦ ᓄᓇᓕᖓ ᓂᕈᐊᖅᑕᐅᓂᖓᓂᒃ ᓯᓚᑦᑐᖅᓴᕐᕕᖃᕐᕕᐅᓂᐊᓕᕐᓂᖓᓂᒃ ᐃᓄᐃᑦ ᓄᓇᖓᓂ ᓯᓚᑦᑐᖅᓴᕐᕕᕐᔪᐊᖓᓂ, ᓇᓗᓇᐃᒃᑯᓯᖅᓯᓪᓗᑎᑦ ᐱᕚᓪᓕᖅᑐᒻᒪᕆᐅᓂᖏᓐᓂᒃ ᐃᓄᖕᓄᑦ−ᓯᕗᒃᑲᖅᑖᖑᔪᒥᒃ ᐃᓕᓐᓂᐊᕐᓂᓕᕆᔪᖃᕐᓂᐊᕐᓂᖓᓂᒃ.
“ᑕᒪᓐᓇ ᐅᐱᓐᓇᖅᑐᒻᒪᕆᐅᕗᖅ ᐊᒻᒪᓗ ᐊᑑᑎᖃᑦᓯᐊᖅᖢᓂ ᐅᓪᓗᖅ ᐃᓄᖕᓄᑦ, ᐃᓄᐃᑦ ᓄᓇᖓᓄᑦ, ᓄᓇᕗᒻᒧᑦ, ᐊᒻᒪᓗ ᐊᒃᓱᒻᒪᕆᒃ ᑲᓇᑕᒧᑦ,” ᐅᖃᖅᖢᓂ ᓄᓇᕗᑦ ᑐᙵᕕᒃ ᑎᒥᖓᑕ ᐊᖓᔪᖅᑳᖓ ᐹᓪ ᐃᕐᖓᐅᑦ. “ᐃᓱᒪᓕᐅᕈᑕᐅᓂᖓ ᓯᓚᑦᑐᖅᓴᕐᕕᓪᓗᐊᑕᖃᕐᕕᐅᓂᐊᕐᓂᖓ ᐃᓄᐃᑦ ᓄᓇᖓᑕ ᓯᓚᑦᑐᖅᓴᕐᕕᕐᔪᐊᖓᓄᑦ ᐊᕐᕕᐊᓃᓐᓂᐊᕐᓗᓂ ᐊᔾᔨᖃᖅᑐᖅ ᓴᙱᓂᖓᓂᒃ ᓄᓇᓕᑉ, ᐃᓄᒃᑎᑐᑦ ᐊᒻᒪᓗ ᐃᓄᐃᑦ ᐃᓕᖅᑯᓯᖓ ᑐᙵᕕᖃᒻᒪᕆᖦᖢᓂ, ᐊᒻᒪᓗ ᐃᓄᐃᑦ ᖃᐅᔨᒪᓂᖏᑦ ᐊᒻᒪᓗ ᓯᕗᓕᖅᑎᐅᓂᖏᑦ ᐊᑯᓂᐊᓗᒃ ᑐᑭᒧᐊᑦᑎᑦᑎᓯᒪᓂᖃᓕᖅᑐᑦ ᐃᓕᓐᓂᐊᕐᓂᕐᒥᒃ.”
ᐊᕐᕕᐊᑦ ᐃᓄᖕᓄᑦ−ᓯᕗᒃᑲᖅᑖᖑᔪᒥᒃ ᐃᓕᓐᓂᐊᕈᑎᒃᓴᓕᐅᕐᕕᐅᓯᒪᓕᕐᒪᑦ ᑐᙵᕕᖃᐅᖅᖢᑎᒃ ᐃᓄᐃᑦ ᖃᐅᔨᒪᔭᑐᖃᖏᓐᓂᒃ, ᐃᓄᐃᑦ ᐃᓕᖅᑯᓯᑦᑎᕚᓗᖏᑕ ᐱᒻᒪᕆᒋᔭᖏᓐᓂᒃ ᐊᒻᒪᓗ …

ᓄᓇᕗᑦ ᒐᕙᒪᖓ ᐊᒻᒪ ᓄᓇᕗᑦ ᑐᙵᕕᒃᑯᑦ ᖁᕕᐊᓲᑎᖃᖅᐳᑦ ᐅᑭᐅᓂᒃ ᖁᓕᓂᒃ ᕿᓚᐅᑦ 2026−ᒥ ᓵᓚᖃᕋᓱᒃᑐᓂᒃ

ᓴᖅᑭᑕᐅᑲᐅᑎᒋᔭᕆᐊᓕᒃ
(ᕕᕗᐊᕆ 6, 2026 – ᐃᖃᓗᐃᑦ, ᓄᓇᕗᑦ) ᖁᕕᐊᓲᑎᒋᓗᒍ ᖁᓕᑦ ᓇᓪᓕᐅᓐᓂᖅᓯᐅᖅᑐᑦ ᕿᓚᐅᑦ ᐃᙱᐅᓯᓕᐅᕐᓂᕐᒧᑦ ᓵᓚᖃᕋᓱᒃᑐᑦ, ᓄᓇᕗᑦ ᒐᕙᒪᖓ (GN) ᐊᒻᒪᓗ ᓄᓇᕗᑦ ᑐᙵᕕᒃᑯᑦ ᑎᒥᖓᑦ. (NTI) ᐱᓕᕆᖃᑎᖃᖅᑐᑦ ᐊᓕᐊᓇᐃᑦ ᖁᙱᐊᖅᑎᑦᑎᔨᒃᑯᓐᓂ 2026−ᒥ ᕿᓚᐅᒃᑯᓐᓂᑦ ᓵᓚᒃᓴᖅᑎᑦᑎᓇᓱᒃᑐᓂᒃ.
ᑕᐃᒪᙵᑦ ᓴᖅᑭᑕᐅᓚᐅᖅᑎᓪᓗᒍ 2015−ᒥ, ᕿᓚᐅᑦ ᑕᑯᒃᓴᐅᑎᑦᑎᖃᑦᑕᖅᓯᒪᕗᖅ ᐃᓱᒪᒃᓴᖅᓯᐅᕈᓐᓇᑦᑎᐊᕐᓂᖏᓐᓂᒃ ᐊᔪᙱᓐᓂᕆᔭᖏᓐᓂᒡᓗ ᐃᓄᒃᑐᑦ ᐃᙱᐅᑎᓂᒃ ᑎᑎᕋᖅᐸᒃᑐᑦ ᐃᙱᖅᑏᓪᓗ. ᑖᓐᓇ ᐊᕐᕌᒍ ᓇᓗᓇᐃᕈᒪᓪᓗᒍ, 2025−ᒥ ᓵᓚᒃᓴᖅᑐᑦ ᓄᓇᕘᓕᒫᒥ ᐃᙱᐅᓯᕐᓂᒃ ᓵᓚᖃᖅᑐᓂᒃ ᐅᖃᐅᓯᐅᓛᖅᑐᑦ. ᐊᑕᐅᑦᑎᒃᑰᖃᑎᖃᕐᓗᑎᒃ ᓂᔾᔭᐅᓯᔭᖅᑎᓂᒃ, ᐊᓕᐊᓇᐃᑦ ᐃᓄᒃᑐᑦ ᑎᑎᕋᕆᐅᖅᓴᑎᑦᑎᓛᖅᑐᑦ ᑕᒪᐃᓐᓂᒃ ᓄᓇᓕᖕᓂ. ᑐᓴᖅᑕᐅᔪᒃᓴᒃᑲᓐᓂᕐᓂᒃ ᒪᓂᒪᔪᖃᕐᓂᐊᖅᐳᖅ ᓄᓇᓕᖕᓂ ᓈᓚᐅᑎᒃᑯᑦ ᑭᒃᑯᑐᐃᓐᓇᓄᓪᓗ ᑐᓴᐅᑎᒃᑯᑦ.
ᓂᔾᔭᐅᓯᔭᕐᓃᑦ ᐋᖅᑭᒃᑕᐅᓯᒪᔪᑦ ᐅᑯᓄᖓ ᓄᓇᓕᖕᓄᑦ ᐅᑯᓇᓂ:
• ᐅᓪᓗᑐᐃᓐᓇᖅ, ᕕᕗᐊᕆ 6 ᒥᑦᑎᒪᑕᓕᖕᒥ (7:00-ᒧᐊᖅᐸᑦ ᐅᓐᓄᒃᑯᑦ ᐱᙳᐊᕐᕕᖕᒥ).
• ᐱᖓᔪᐊᓂᑦ, …

ᓄᓇᕗᑦ ᑐᙵᕕᒃ ᐃᑲᔫᑎᒃᓴᓕᕆᔨᒃᑯᑦ ᕿᓂᖅᑐᑦ ᓂᕈᐊᖅᑎᐅᓂᐊᖅᑐᓂᒃ 2026 ᐃᓄᒃᑑᖅᑕ! ᓵᓚᒃᓴᐅᓯᐊᒃᓴᒧᑦ

ᓴᒃᑯᑕᐅᑲᐅᑎᒋᔭᕆᐊᓕᒃ
(ᔭᓐᓄᐊᓕ 27, 2026 – ᐃᖃᓗᐃᑦ, ᓄᓇᕗᑦ) ᓄᓇᕗᑦ ᑐᙵᕕᒃ ᐃᑲᔫᑎᒃᓴᓕᕆᔨᒃᑯᑦ (NTF) ᕿᓂᖅᑐᑦ ᐱᓇᓱᐊᕈᒪᔪᓂᒃ ᐃᓄᒃᑐᑦ ᐃᓕᓴᐃᔨᓂᒃ, ᐅᖃᓕᒫᒐᓕᐅᖅᑎᓂᒃ, ᐅᓂᒃᑳᖅᑎᓂᒃ, ᐊᒻᒪᓗ ᐅᖃᐅᓯᓕᕆᔨᓂᒃ ᓂᕈᐊᕐᕕᐅᔪᒫᕐᓂᐊᖅᑐᓂᒃ ᐃᓄᒃᑑᖅᑕ! ᐃᓄᒃᑐᑦ ᑎᑎᕋᕐᓂᕐᒧᑦ ᓵᓚᒃᓴᕋᓱᕈᑎᓂᒃ ᓂᕈᐊᖅᑎᐅᓂᐊᖅᑐᓂᒃ ᑲᑎᒪᔨᕋᓛᓂᒃ.
“ᐃᓄᒃᑑᖅᑕ! ᓵᓚᒃᓴᐅᓯᐊᖅ ᐱᖕᒪᕆᐅᔪᖅ ᐊᑐᕋᑦᓴᖅ ᓄᓇᕗᒻᒥ ᐃᓄᐃᑦ ᓴᕐᖓᑎᑦᓯᑲᓐᓂᕈᓐᓇᖁᓪᓗᒋᑦ ᐊᒻᒪᓗ ᑲᔪᓯᑎᑦᓯᓂᕐᒧᑦ ᐅᖃᐅᓯᑦᑎᓐᓂᒃ,” ᐅᖃᖅᑐᖅ NTF ᐃᒃᓯᕙᐅᑕᖓ ᐹᓪ ᐃᕐᖓᐅᑦ. “ᓂᕈᐊᖅᑏᑦ ᑲᑎᒪᔨᕋᓛᖏᑦ ᑐᓂᔭᐅᖃᑦᑕᖅᓯᒪᔪᑦ ᓴᙱᔫᑎᓂᒃ ᐃᓄᒃᑑᖅᑕ ᐅᓂᒃᑳᓂᒃ ᐊᕐᕌᒍᑕᒫᑦ, ᐊᒻᒪᓗ ᐃᓇᑦᓯᔪᒍᑦ ᐃᓄᒃᑐᑦ ᖃᐅᔨᒪᔪᕐᔪᐊᓂᒃ ᐃᓱᒪᑦᓴᖅᓯᐅᕈᑕᐅᓂᐊᖅᑐᓂᒃ ᑲᑎᒪᔨᕋᓛᖑᖃᑕᐅᓂᕐᒧᑦ 2026 ᓵᓚᒃᓴᐅᓯᐊᑦᓴᒧᑦ.”
ᓂᕈᐊᖅᑏᑦ ᑲᑎᒪᔨᕋᓛᖏᑦ ᑎᒃᑯᐊᖅᑕᐅᓂᐊᖅᑐᑦ ᑐᙵᕕᒃᑯᓐᓄᑦ. ᑎᒃᑯᐊᖅᑕᐅᔪᑦ ᑲᑎᒪᔨᕋᓛᓄᑦ ᐊᔾᔨᒌᑎᑦᓯᒋᐊᓕᑦ, ᑕᑉᐲᓯᒪᙱᓪᓗᑎᒃ, ᐃᓱᒪᒃᓴᖅᓯᐅᕈᑎᖃᕐᓗᑎᓪᓗ ᑕᒪᐃᓐᓂᒃ ᐃᓄᒃᑐᑦ ᑎᑎᕋᖅᑕᐅᓯᒪᔪᓕᒫᓂᒃ. ᑲᑎᒪᔨᕋᓛᑦ ᐃᑉᐱᒋᔭᖃᑦᓯᐊᕆᐊᖃᕐᒥᔪᑦ ᑕᒪᐃᓐᓂᒃ ᐃᓄᒃᑐᑦ ᐅᖃᐅᓯᖃᑎᒌᖏᑦᑐᓂᒃ …

ᐃᒡᓗᕗᑦ ᑯᐊᐳᕇᓴᓐ ᓯᕗᓪᓕᖅᐹᕐᒥᒃ ᑲᑎᒪᑎᑦᑎᔪᑦ ᓯᕗᒧᐊᑦᑎᑕᐅᖁᓪᓗᒍ ᐃᓄᖕᓄᑦ−ᓯᕗᒃᑲᖅᑖᖑᔪᖅ ᐃᒡᓗᓕᕆᓂᕐᒧᑦ ᐱᓇᓱᐊᒐᖓ

ᓴᒃᑯᑕᐅᑲᐅᑎᒋᔭᕆᐊᓕᒃ
(ᔮᓐᓄᐊᕆ 23, 2026 – ᐃᖃᓗᐃᑦ, ᓄᓇᕗᑦ) ᐃᒡᓗᕗᑦ ᑯᐊᐳᕇᓴᓐ ᓯᕗᓪᓕᖅᐹᕐᒥᒃ ᑲᑎᒪᔨᖏᑦ ᑲᑎᒪᓚᐅᖅᑐᑦ ᐃᖃᓗᓐᓂ ᐃᑉᐸᔅᓴᖅ, ᓇᓗᓇᐃᒃᑯᓯᖅᓯᓪᓗᑎᑦ ᐱᕚᓪᓕᖅᑐᒻᒪᕆᐅᓂᖓᓂᒃ ᐃᓄᖕᓄᑦ−ᓯᕗᒃᑲᖅᑖᖑᔪᖅ ᐃᒡᓗᓕᕆᓂᖅ ᓄᓇᕗᑦ ᑲᔪᓯᓂᖃᖅᐸᓪᓕᐊᓕᕐᓂᖓᓂᒃ. ᐅᓐᓄᓴᒃᑯᑦ, ᐃᓚᒋᔭᐅᔪᑦ ᑲᑎᒪᓂᖃᖅᑎᓪᓗᒋᑦ ᐊᖏᖅᓯᓚᐅᖅᑐᑦ ᐃᒡᓗᕗᑦ ᒪᓕᒐᕋᓛᖏᖕᓂᒃ, ᑮᓇᐅᔭᖅᑐᕈᑎᒃᓴᓪᓗᐊᕆᓂᐊᖅᑕᖏᑕ ᐊᑐᐊᒐᖏᖕᓂᒃ, ᐊᒻᒪᓗ ᑎᒃᑯᐊᖅᑕᐅᓪᓗᓂ ᑮᓇᐅᔭᓕᕆᔨᒋᓂᐊᖅᑕᖓ, ᐋᖅᑮᓂᖃᖅᑐᑎᑦ ᑯᐊᐳᕇᓴᐅᔫᑉ ᐊᐅᓚᔾᔪᓯᕆᓂᐊᓕᖅᑕᖓᓂᒃ ᐊᒻᒪᓗ ᐱᖁᔭᖅᑎᒍᑦ ᑐᙵᕕᑖᖅᑐᑎᑦ.
“ᑖᓐᓇ ᐱᒻᒪᕆᐊᓘᕗᖅ ᐊᒻᒪᓗ ᐊᑐᖅᑕᐅᔭᕆᐅᖅᑐᓂ ᓯᕗᒧᐊᒍᑎᒋᔭᐅᕙᓪᓕᐊᓂᖓ ᐋᖅᑮᒍᒪᓪᓗᑎᑦ ᐊᑦᑕᕐᓇᙱᑦᑐᓂᒃ ᐃᒡᓗᓕᐅᕐᓗᑎᑦ ᐊᒻᒪᓗ ᐊᑭᑐᓗᐊᙱᑦᑐᓂᒃ ᐃᒡᓗᖃᖅᑎᑦᑎᓗᑎᑦ ᐊᔾᔨᖃᐅᖅᑐᓂᒃ ᐃᓄᐃᑦ ᑭᙴᒪᒋᔭᖏᖕᓂᒃ ᓯᕗᓪᓕᐅᑎᖁᔭᖏᓐᓂᓪᓗ,” ᐅᖃᖅᑐᒥᓂᐅᓪᓗᓂ ᐃᒃᓯᕙᐅᑕᕆᔭᐅᑲᐃᓐᓇᖅᑐᖅ ᐹᓪ ᐃᕐᖓᐅᑦ. “ᐃᒡᓗᕗᑦ ᑐᑭᖃᕐᓂᐊᕐᒪᑦ ᐋᖅᑮᓇᓱᐊᕈᑎᒋᔭᐅᓗᓂ ᐊᑯᓂᐅᔪᒧᑦ ᐃᓄᖕᓄᑦ ᒪᑭᒪᑎᑕᐅᔪᓐᓇᕋᔭᕐᓂᖓᓂᒃ ᐸᕐᓇᐅᓯᐅᖁᓪᓗᒋᑦ, ᓴᓇᓗᑎᑦ, ᐊᒻᒪᓗ ᐊᐅᓚᑦᑎᓗᑎᑦ ᐃᒡᓗᓂᒃ, ᐃᓄᖕᓄᑦ ᐃᒡᓗᓕᐅᕐᓗᑎᑦ, ᐃᒡᓗᓂᒃ ᓴᓇᓗᑎᑦ ᐃᓄᐃᑦ.”
ᑲᑎᒪᔩᑦ …

ᓄᓇᕗᑦ ᑐᙵᕕᒃ ᑎᒥᖓ ᑐᓴᖅᑎᑦᑎᕗᑦ ᓯᕗᓕᖅᑎᐅᓂᐊᓕᖅᑐᒥᒃ ᐊᓯᐊᓂᒃ

ᓴᒃᑯᑕᐅᑲᐅᑎᒋᔭᕆᐊᓕᒃ
(ᔮᓐᓄᐊᕆ 21, 2026 – ᐃᖃᓗᐃᑦ, ᓄᓇᕗᑦ) ᓄᓇᕗᑦ ᑐᙵᕕᒃ ᑎᒥᖓᑕ ᑲᑎᒪᔨᖏᑦ ᐅᓪᓗᒥ ᐊᖏᖅᑲᐅᕗᑦ ᓄᖅᑲᕐᓂᕋᕐᓂᖓᓂᒃ ᔨᐅᓚᒥ ᑑᕐᖔᓗᒃ ᐊᖓᔪᖅᑳᖑᓂᖓᓄᑦ, ᐊᖓᔪᖅᑳᖑᒍᓐᓃᑲᐅᑎᒋᓂᐊᖅᑐᓂ.
ᒥᔅᑕ ᑑᕐᖔᓗᒃ ᐊᑭᓕᖅᓱᖅᑕᐅᒐᓂ ᐃᖅᑲᓇᐃᔭᙱᑲᐃᓐᓇᖅᓯᒪᕗᖅ ᓄᓇᕗᑦ ᑐᙵᕕᒃ ᑎᒥᖓᓄᑦ ᑎᓰᕝᕙ 2, 2025-ᖑᔪᒻᒪᓂᑦ. ᐊᖓᔪᖅᑳᑉ ᑐᖏᓕᐊ ᐹᓪ ᐃᕐᖓᐅᑦ ᐊᖏᖅᓯᒪᕗᖅ ᐊᖓᔪᖅᑳᖑᑲᐃᓐᓇᐃᓐᓇᕐᓂᐊᕐᓂᖓᓂᒃ ᓂᕈᐊᖅᑐᖃᕋᓱᐊᕐᓂᖓᓂᒃ ᐊᖓᔪᖅᑳᑉ ᐃᓂᖓᓄᑦ.
ᑐᐊᕕᕐᓇᖅᑐᒥᒃ ᐃᓚᒋᔭᐅᔪᑦ ᑲᑎᒪᓂᖃᖅᑎᓪᓗᒋᑦ ᖃᕋᓴᐅᔭᒃᑯᑦ ᐅᓪᓗᒥᐅᖅᑲᐅᔪᖅ, ᓄᓇᕗᑦ ᑐᙵᕕᒃ ᑎᒥᖓᑕ ᐃᓚᒋᔭᐅᔪᖁᑎᖏᑦ ᓂᕈᐊᖅᑲᐅᔪᑦ ᓂᕈᐊᖅᑐᖃᓛᕐᓂᖓᓂᒃ ᐊᖓᔪᖅᑳᑉ ᐃᓂᖓᓄᑦ ᑎᓰᕝᕙ 2026-ᒥ, ᓂᕈᐊᖅᑐᖃᕐᓗᓂᓗ ᒪᕐᕉᓐᓂᒃ ᐊᖓᔪᖅᑳᑉ ᑐᖏᓕᒃᓴᖏᖕᓂᒃ.
ᓄᓇᕗᑦ ᑐᙵᕕᒃ ᑎᒥᖓ ᑲᒪᒋᔭᖃᕐᓂᐊᕐᓂᕋᖅᓯᒪᐃᓐᓇᖅᐳᑦ ᐱᓇᓱᐊᒐᕐᒥᓂᒃ ᖃᓄᐃᓕᐅᕈᑎᖃᕐᓗᑎᑦ ᐃᒪᐃᓐᓂᐊᕐᓂᕋᖅᓯᒪᒐᒥᒃ ᐃᑲᔪᖅᑐᐃᓗᑎᑦ ᐃᓄᓐᓂᒃ ᐃᓅᓯᖏᖕᓂᒃ, ᐃᓕᖅᑯᓯᖏᑦ ᐊᒻᒪᓗ ᑮᓇᐅᔭᓕᐅᕋᓱᐊᕐᓂᖏᑕ ᖃᓄᐃᙱᓐᓂᖏᖕᓂᒃ ᓄᓇᕗᒻᒥᐅᑦ ᑕᒪᐃᓐᓂ ᐊᒻᒪᓗ ᓇᓕᒧᒌᑦᑎᑦᑎᓂᒃᑯᑦ …

(English) Public Notice: NTI BOD Meeting

Sorry, this entry is only available in English.

ᓄᓇᕗᑦ ᒐᕙᒪᖓ ᐊᒻᒪ ᓄᓇᕗᑦ ᑐᙵᕕᒃᑯᑦ ᑎᒥᖓᑦ ᐊᑎᓕᐅᖅᐳᑦ ᐱᓕᕆᖃᑎᒌᖕᓂᕐᒧᑦ ᓄᑖᙳᕆᐊᖅᑕᐅᔪᒥᒃ

(ᑎᓯᐱᕆ 16, 2025 –  ᐊᕐᕕᐊᑦ, ᓄᓇᕗᑦ) ᐅᓪᓗᒥ, ᓄᓇᕗᒻᒥ ᓯᕗᓕᖅᑎ ᔮᓐ ᒪᐃᓐ ᐊᒻᒪ ᓄᓇᕗᑦ ᑐᙵᕕᒃᑯᑦ ᑎᒥᖓᑦ. (ᓄᓇᕗᑦ ᑐᙵᕕᒃᑯᑦ) ᐊᖓᔪᖅᑳᕆᔭᐅᓚᐅᑲᒃᑐᖅ ᐹᓪ ᐃᕐᖓᐅᑦ ᐊᑎᓕᐅᖅᑲᐅᕘᒃ ᓄᑖᙳᕆᐊᖅᑕᐅᔪᒥᒃ 2022−ᒥ ᐱᓕᕆᖃᑎᒌᖕᓂᕐᒧᑦ ᓇᓗᓇᐃᖅᓯᔾᔪᑎᒥᒃ, ᓇᓗᓇᐃᖅᓯᓪᓚᕆᒃᖢᓂ ᐱᒻᒪᕆᐅᓂᖓᓂᒃ ᐱᓕᕆᖃᑎᒌᑦᑎᐊᕐᓗᓂ ᓄᓇᕗᑦ ᒐᕙᒪᖓᑦ ᓄᓇᕗᑦ ᑐᙵᕕᒃᑯᓪᓗ ᓄᓇᕗᒻᒥ ᐱᓕᕆᖃᑎᒌᖕᓂᕐᒧᑦ ᑲᑎᒪᔨᕋᓛᑦ ᐊᖅᑯᑎᒋᓗᒋᑦ.
“ᓄᓇᕗᑦ ᒐᕙᒪᖓ ᓱᓕ ᐱᓕᕆᔪᒪᓪᓚᕆᒃᐳᑦ ᑲᑐᔾᔨᖃᑎᒌᑦᑎᐊᕐᓗᑎᒃ ᒪᓕᑦᑎᐊᕐᓗᑎᒡᓗ ᑲᑐᔾᔨᓗᑎᒃ ᓯᕗᓪᓕᐅᑎᑕᐅᔪᒪᔪᓂᑦ ᓄᓇᕗᑦ ᑐᙵᕕᒃᑯᓐᓂ,” ᓯᕗᓕᖅᑎ ᒪᐃᓐ ᐅᖃᖅᑐᖅ. “ᐃᑲᔪᖅᑐᐃᓗᓂ ᐃᓄᐃᑦ ᐃᓅᓯᖃᑦᑎᐊᖁᓪᓗᒋᑦ ᑐᙵᕕᒋᔭᐅᓪᓗᐊᑕᖅᐳᖅ ᑲᑐᔾᔨᓪᓗᑕ ᐱᓇᔪᖕᓂᕆᔭᑦᑎᓐᓄᑦ ᐱᓕᕆᖃᑎᒌᖕᓂᒃᑯᑦ. ᓂᕆᐅᒃᐳᖓ ᓯᕗᒻᒧᐊᒃᑎᑦᑎᓂᐊᕐᓂᑦᑎᓐᓂ ᐱᒻᒪᕆᐅᔪᒥᑦ ᐱᓕᕆᐊᖑᔪᒥᒃ.
ᐱᕈᖅᓴᐃᓂᖅ ᑲᑐᔾᔨᖃᑎᒌᖕᓂᕐᒥᒃ ᒪᓕᒋᐊᓕᖏᓐᓂᑦ, ᓄᓇᕗᒻᒥ ᐱᓕᕆᖃᑎᒌᑦ ᑲᑎᒪᔨᕋᓛᖏᑦ ᐊᖏᖅᓯᒪᑦᑎᐊᖅᑐᑦ ᑕᒪᐃᓐᓂᒃ ᐱᓕᕆᖃᑎᒌᒃᑐᓂᑦ ᑲᑐᔾᔨᖃᑎᒌᖁᓪᓗᒋᑦ ᐊᑕᐅᓯᐅᙱᑦᑐᒥᑦ ᐃᓱᒪᒋᔭᐅᔪᓂᑦ …

ᓄᓇᕗᑦ ᑐᙵᕕᒃᑯᑦ ᑎᒥᖁᑎᖓᑦ ᐅᐱᒍᓱᑉᐳᑦ ᓄᓇᕗᑦ ᓯᕗᓕᖅᑎᑖᖅᑲᐅᖓᓂᒃ ᓄᑖᒥᓪᓗ ᒐᕙᒪᒥᒃ

ᓴᒃᑯᑕᐅᑲᐅᑎᒋᔭᕆᐊᓕᒃ
(ᓅᕖᕝᕙ 20, 2025 – ᐃᖃᓗᐃᑦ, ᓄᓇᕗᑦ) ᓄᓇᕗᑦ ᑐᙵᕕᒃᑯᑦ ᐊᖏᔪᖅᑳᖓᖅ ᔨᐅᓚᒥ ᑑᕐᖔᓗᒃ ᐅᐱᒍᓱᑉᐳᖅ ᔮᓐ ᒪᐃᓐᒥᒃ ᓂᕈᐊᖅᑕᐅᕋᑖᕐᓂᖓᓄᑦ ᓄᓇᕗᒥ ᓯᕗᓕᖅᑎᖓᓄᑦ ᑖᒃᑯᓄᖓᓗ ᐃᓚᒋᔭᐅᔪᑦ ᓂᕈᐊᖅᑕᐅᔪᑦ ᐱᔨᑦᑎᕐᓂᐊᖅᑐᓪᓗ ᓯᕗᓕᖅᑏᑦ ᑲᑎᒪᔨᖏᑦ.
“ᖃᐅᔨᒪᓯᒪᔭᕋ ᓄᓇᕗᒻᒥ ᓯᕗᓕᖅᑎ ᒪᐃᓐ, ᐃᓅᖃᑎᒌᓐᓂᒃᑯᑦ ᐃᖅᑲᓇᐃᔭᖃᑎᒋᓐᓂᒃᑯᓪᓗ, ᐅᑭᐅᓄᑦ ᐊᒥᓱᑦᓄ, ᐃᑉᐱᒋᑦᑎᐊᖅᐸᕋᓗ ᐱᓕᕆᖃᑎᒋᓪᓗᒍ ᑐᑭᓯᐊᓂᖓᓄᓪᓗ ᐃᓄᑦᑎᑐᑦ ᐱᒻᒪᕆᐅᓂᖓᓂᒃ,” ᐅᖃᖅᑐᖅ ᐊᖏᔪᖅᑳᖅ ᑑᕐᖔᓗᒃ. “ᑕᕝᕙᓂᒃᓴᐃᓐᓇᖅ, ᐃᑉᐱᒋᒃᓯᐊᖅᑐᒋᓪᓗ ᐃᓱᒪᓕᐅᕐᖓᑕ ᓂᕈᐊᖅᑐᑎᒃ ᐃᓚᒋᔭᐅᔪᑦ ᒪᓕᒐᓕᐅᕐᕕᔾᔪᐊᕐᒥ, ᐅᒡᒍᐊᕋᓗᐊᖅᐳᒍᑦ ᓄᓇᕗᑦ ᐃᓄᒻᒥᒃ ᓯᕗᓕᖅᑎᖃᕈᓐᓃᕐᓂᖓᓂᒃ ᖁᑦᑎᓂᖅᐹᒥᒃ ᐃᓱᒪᓕᐅᖅᑎᐅᓂᐊᖅᑐᓂᒃ ᑕᕝᕙ ᑲᓇᑕᒥ ᐱᖃᓯᐅᑎᓪᓗᒍᓗ ᑲᓇᑕᐅᑉ ᐊᖏᔪᖅᑳᒻᒪᕆᖓᓂᒃ, ᓯᕗᓕᖅᑏᑦ ᒥᓂᔅᑕᐃᑦ ᑲᑎᒪᓂᖏᓐᓂᑦ ᐅᕝᕙᓘᓐᓃᑦ ᑲᓇᑕᒥ ᑲᑐᔾᔨᖃᑎᒌᑦ ᑲᑎᒪᔨᖏᓐᓂᑦ. ᐱᕕᑖᖅᐳᒍᑦ ᖃᓄᖅᑑᕈᑎᖃᕈᓐᓇᖅᓯᒐᑦᑕ ᓴᙵᑦᑎᖅᐹᕐᓕᕐᓗᒍᓗ ᐱᓕᕆᖃᑎᒌᓐᓂᕗᑦ ᑲᔪᓯᑎᑕᐅᖁᓪᓗᒍ ᐃᓄᐃᑦ ᐃᓚᐅᑎᑕᐅᓂᖏᓐᓂᑦ ᐃᓱᒪᓕᐅᕐᓂᕐᒥᒃ …

(English) Call for Expressions of Interest to Attend: NTI Workshop on the Nunavut Inuit Strategy on Research

Sorry, this entry is only available in English.

ᓄᓇᕗᑦ ᑐᙵᕕᒃ ᑎᒥᖓ ᒐᕙᒪᑐᖃᒃᑯᑦ ᑐᓴᖅᑎᑦᑎᓂᕆᓚᐅᖅᑕᖓᓄᑦ ᐅᖃᐅᓯᒃᓴᖃᖅᑐᑦ ᑰᒻᒧᑦ ᐆᒻᒪᖅᑯᑎᓕᐅᕈᑎᒥᒃ ᐱᓕᕆᐊᖑᓂᐊᓕᖅᑐᒥᒃ ᐃᖃᓗᓐᓂ

(ᓄᕖᕝᕙ 14, 2025 – ᐃᖃᓗᐃᑦ, ᓄᓇᕗᑦ) ᐃᑉᐸᖦᓴᖅ, ᓄᓇᕗᑦ ᑐᙵᕕᒃ ᑎᒥᖓᑕ ᐊᖓᔪᖅᑳᖓ ᔨᐅᓚᒥ ᑑᕐᖔᓗᒃ ᐃᓚᐅᓚᐅᖅᑐᖅ ᒥᓂᔅᑕᒥᒃ ᒐᕙᒪᑐᖃᒃᑯᑦ−ᓄᓇᖃᖅᑳᖅᓯᒪᔪᑦ ᐱᓕᕆᖃᑎᒌᓐᓂᖏᖕᓄᑦ ᐊᓪᑎ, ᓯᕗᓕᖅᑎ ᐸᐅᓗᓯ ᐊᕿᐊᕈᕐᒥᒃ, ᕿᑭᖅᑕᓂ ᐃᓄᐃᑦ ᑲᑐᔾᔨᖃᑎᒌᖏᑕ ᐊᖓᔪᖅᑳᖓ ᐅᓛᔪᖅ ᐊᑭᓱᒃ, ᓄᓇᕗᑦ ᓄᒃᑭᒃᓴᐅᑏᑦ ᑯᐊᐳᕇᓴᙵ ᐊᖓᔪᖅᑳᖓ ᕼᐃᐅᕆ ᕕᓕᐅᕆᑎᒥᒃ ᐃᖃᓗᓐᓂ ᐆᒻᒪᖅᑯᑎᓕᐅᕐᕕᖓᓂᒃ ᑲᓇᑕ ᒐᕙᒪᖓ ᑐᓴᖅᑎᑦᒃᑎᓚᐅᖅᑎᓪᓗᒋᑦ ᐃᑲᔪᖅᑐᐃᓂᐊᕐᓂᖏᖕᓂᒃ ᐃᖃᓗᓐᓂ ᓄᒃᑭᒃᓴᐅᑏᑦ ᑰᒻᒧᑦ ᐆᒻᒪᖅᑯᑎᓕᐅᕈᑎ ᐱᓕᕆᐊᖓᓂᒃ.
“ᐅᓪᓗᒥ ᑐᓴᖅᑎᑦᑎᓂᖓ ᑕᑯᒃᓴᐅᑎᑦᑎᔪᖅ ᐃᓄᐃᑦ ᓯᕗᓕᖅᑎᖏᑦ ᐱᕙᓪᓕᐊᓂᖃᖅᑎᓪᓗᒋᑦ ᐱᖁᑎᕐᔪᐊᓂᒃ ᐱᕐᔪᐊᕌᓘᕗᖅ ᑲᓇᑕᑉ ᐅᑭᐅᖅᑕᖅᑐᕆᔭᐅᓂᕋᕐᓂᖓᓂᒃ,” ᐅᖃᖅᖢᓂ ᓄᓇᕗᑦ ᑐᙵᕕᒃ ᑎᒥᖓᑕ ᐊᖓᔪᖅᑳᖅ ᔨᐅᓚᒥ ᑑᕐᖔᓗᒃ. “ᐃᓇᖐᓪᓗᑕ ᐅᖅᓱᐊᓗᒃᓴᒥᒃ ᑕᑎᒋᒃᓴᖔᕐᒥᒃ ᑰᒻᒥᒃ ᐆᒻᒪᖅᑯᑎᓕᐅᕈᑎᖃᖔᓕᕐᓗᑕ ᐃᖃᓗᓐᓂ ᓯᓚᒧᑦ ᐃᑲᔪᑎᖃᕈᑎᒋᔭᐅᕗᖅ; ᐸᕐᓇᐅᑎᐅᒋᕗᖅ ᐱᕈᖅᐸᓪᓕᐊᓕᕐᓂᑦᑎᓐᓄᑦ. …

ᓄᓇᕗᑦ ᑐᙵᕕᒃ ᑎᒥᖓ ᑐᓴᖅᑎᑦᑎᔪᑦ ᐃᓄᒃᑑᖅᑕ! ᓵᓚᒃᓴᖅᑐᓂᒃ

ᓴᒃᑯᑕᐅᑲᐅᑎᒋᔭᕆᐊᓕᒃ
(ᓅᕖᕝᕙ 5, 2025 – ᐃᖃᓗᐃᑦ, ᓄᓇᕗᑦ) ᓄᓇᕗᑦ ᑐᙵᕕᒃᑯᑦ ᐊᖏᔪᖅᑳᖓᑦ, ᓄᓇᕗᑦ ᑐᙵᕕᒃ ᐃᑲᔫᑎᒃᓴᓕᕆᔨᒃᑯᑦ ᐃᒃᓯᕙᐅᑕᖓ ᔨᐅᓚᒥ ᑑᕐᖔᓗᒃ ᖁᕕᐊᓱᒃᑐᓂ ᓇᓗᓇᐃᖅᓯᕗᖅ 2025-ᖑᑎᓪᓗᒍ ᐃᓄᒃᑑᖅᑕ! ᑎᑎᕋᕐᓂᕐᒧᑦ ᐱᔾᔪᓯᐊᖅᑐᓂᒃ. ᐅᑯᐊᖑᕗᑦ ᒫᒡᒍᓚ ᓂᕕᐊᑦᓯᐊᖅ-ᔅᑏᐅᓪ, ᕋᐃᒡᒋᓕ ᐊᒫᖅ, ᒪᐃᒐᓐ ᒫᑕ ᐅᖔᓛᖅ, ᐊᒻᒪᓗ ᑖᓂᐅᓪ ᑯᓪᓗᕈᖅᑐᖅ.
ᓯᕙᑖᖅᕕᒻᒥ, ᓅᕖᕝᕙ 8-ᖑᓕᖅᐸᑦ, ᐃᓄᒃᑑᖅᑕ! ᐱᔾᔪᓯᐊᖅᑎᑦᑎᓂᐊᕐᒪᑕ ᓵᓚᖃᐅᓯᐊᖅᑐᓂᒃ ᐊᖅᓴᕐᓂᖅ ᑐᔪᕐᒥᕕᖓᓂ ᑲᑎᒪᕕᖓᓂᓗ ᐃᖃᓗᐃᑦ ᓄᓇᕗᒻᒥ, ᓵᓚᒃᓴᖅᑐᑦ ᓇᓗᓇᐃᖅᑕᐅᓂᐊᕐᒪᑕ ᑕᐃᑲᓂ. ᐃᓚᖓᑦ ᓵᓚᒃᓴᐅᓯᐊᖅᑐᖅ ᑐᓂᔭᐅᓂᐊᕐᒪᑦ ᑮᓇᐅᔭᓂᒃ $80,000-ᓂᒃ ᐊᒻᒪᓗ ᐃᑲᔪᖅᑐᖅᑕᐅᓗᓂ ᑎᑎᕋᖅᐸᓪᓕᐊᓂᐊᕐᓂᖓᑦ ᐊᕐᕌᒍᒧᑦ ᐊᑕᐅᓯᕐᒧᑦ ᑐᓂᔭᖓᓂᒃ ᐅᖃᓕᒫᒐᓕᐊᖑᓂᐊᕐᓗᓂ. ᖄᒃᑲᓐᓂᖓᒍᑦ ᑐᓂᕐᕈᓯᐊᑦ ᐃᒪᐃᓕᖓᓂᐊᕐᒥᔪᑦ $10,000, $5,000, $3,000, ᐊᒻᒪᓗ $2,000.
ᐃᓄᒃᑑᖅᑕ! ᐃᓄᒃᑐᖅ ᑎᑎᕋᕐᓂᕐᒧᑦ ᖁᕕᐊᓲᑎᖃᕐᓂᕐᒥᒃ ᓂᔾᔭᐅᓯᔭᖅᑐᖃᕐᓂᐊᕐᒥᔪᖅ ᓄᓇᕗᕐᒥᐅᑕᓂᒃ …

ᓄᓇᕗᒻᒥᐅᑦ ᐃᓄᐃᑦ ᐊᔭᐅᕆᔪᑦ ᑲᓇᑕᒥ ᒐᕙᒪᒥ ᑮᓇᐅᔭᓂᒃ ᐊᑐᖁᔨᓪᓗᑎᑦ ᐃᓄᓐᓄᑦ−ᓯᕗᒃᑲᖅᑖᖑᔪᓂᒃ ᐱᓕᕆᐊᕐᓂᒃ ᑲᓇᑕᒥᐅᓄᑦ ᑕᑯᔭᐅᔪᒪᒐᔭᖅᑐᓂᑦ

(ᐊᒃᑑᕝᕙ 30, 2025 – ᐋᑐᕚ, ᐋᓐᑎᐅᕆᔪ) ᓄᓇᕗᑦ ᑐᙵᕕᒃ ᑎᒥᖓ ᐊᒻᒪᓗ ᐃᓄᐃᑦ ᓯᕗᓕᖅᑎᖏᑦ ᐋᑐᕚᒦᑦᑐᑦ ᑕᒫᓂ ᐱᓇᓱᐊᕈᓯᕐᒥ, ᑲᓇᑕᑉ ᒐᕙᒪᖓᓂᒃ ᐃᓄᖕᓄᑦ−ᓯᕗᒃᑲᖅᑖᖑᔪᓂᑦ ᐱᖁᑎᕐᔪᐊᓂ ᑲᒪᒋᔭᐅᖁᔭᐅᓪᓗᑎᑦ ᓯᕗᓪᓕᐅᑎᑕᐅᖁᔭᐅᓪᓗᑎᑦ ᑲᓇᑕᒥ ᒐᕙᒪᒃᑯᓐᓄᑦ, ᐱᕐᔪᐊᖑᒻᒪᑕ ᑕᒪᒃᑮᓐᓄᒃ ᓄᓇᕗᑉ ᓯᕗᓂᒃᓴᖓᓄᑦ ᐊᒻᒪᓗ ᑲᓇᑕᒥ ᐅᑭᐅᖅᑕᖅᑐᖅ ᓇᒻᒥᓂᖁᑎᒋᔭᐅᓂᕋᕐᓂᖓᓄᑦ ᐊᒻᒪᓗ ᐅᓗᕆᐊᓇᖅᑐᒨᖅᑕᐃᓕᒪᑎᑦᑎᒍᑕᐅᔪᓐᓇᖅᑐᑎᑦ.
ᓄᓇᕗᑦ ᑐᙵᕕᒃ ᑎᒥᖓᑕ ᐊᖓᔪᖅᑳᑉ ᑐᖏᓕᐊ ᐹᓪ ᐃᕐᖓᐅᑦ, ᐅᑭᐅᖅᑕᖅᑐᒥ ᐱᓕᕆᐊᕐᓂᒃ ᐱᓕᕆᖃᑎᒋᔭᐅᔪᓄᑦ ᐅᐸᒍᑎᔭᐅᓚᐅᖅᑐᖅ, ᓯᕗᓕᖅᑎᐅᓪᓗᓂ ᐅᖃᖃᑎᒌᓐᓂᐅᔪᓂᒃ ᒐᕙᒪᑐᖃᒃᑯᑦ ᓯᕗᓕᖅᑎᖏᓐᓂᒃ ᐃᓚᐅᖃᑕᐅᓪᓗᑎᓪᓗ ᑲᓇᑕᒥ ᑲᑎᒪᓪᓗᑎᑦ ᐅᖃᓪᓚᒃᑎᐅᓪᓗᑎᑦ ᐱᐅᓴᓐ ᑲᑎᒪᕕᖓᓂ. ᑐᓴᖅᑕᐅᖁᔭᖏᑦ ᓱᖅᑯᐃᕐᓇᑦᑎᐊᖅᑐᑯᓘᓚᐅᖅᑐᑦ: ᑲᓇᑕᑉ ᐅᑭᐅᖅᑕᖅᑐᖓ ᓴᙱᓂᖓ ᓴᙱᔫᓲᖑᕗᖅ ᐃᓄᐃᑦ ᓴᐳᒻᒥᐅᓯᖅᓯᒪᒍᑎᑦ, ᓅᒍᓐᓇᖃᑦᑕᕈᑎᑦ ᐊᒻᒪᓗ ᓇᒻᒥᓂᖅ ᑕᑎᒋᖃᑦᑕᕈᑎᑦ.
“ᐱᕕᖃᕋᑦᑕ ᑲᓇᑕᓕᐅᕐᓗᑕ ᑲᑐᑎᓗᑎᒍᑦ ᐱᓕᕆᐊᑦ, ᓄᓇᕗᒻᒥ,” ᐅᖃᖅᑐᓂ …

ᐃᓅᔪᓐᓃᕐᓂᖓᓂᒃ ᐊᑏᒪ ᕼᐊᑦᓚᕆ

ᓴᒃᑯᑕᐅᑲᐅᑎᒋᔭᕆᐊᓕᒃ
ᓄᓇᕗᑦ ᑐᙵᕕᒃ ᑎᒥᖓ ᐅᒡᒍᐊᖅᑐᑎᑦ ᒪᒥᐊᑉᐳᑦ ᐃᓚᒥᓄᑦ, ᐱᖃᓐᓇᕆᔭᕐᒥᓄᑦ, ᐊᒻᒪᓗ ᓄᓇᖅᑲᑎᒥᓄᑦ ᐃᓅᔪᓐᓃᕋᑖᖅᑲᐅᔪᑉ ᐊᑏᒪ ᕼᐊᑦᓚᕆᑉ, ᐃᑉᐱᒋᔭᐅᑦᓯᐊᖅᑐᖅ ᓯᕗᓕᖅᑎ ᕿᑎᕐᒥᐅᓂ ᐊᒻᒪᓗ ᐊᑯᓂᐊᓗᒃ ᐃᓚᒋᔭᐅᓯᒪᓕᖅᑐᓂᖅ ᓄᓇᕗᑦ ᑐᙵᕕᒃ ᑎᒥᖓᑕ ᑲᑎᒪᔨᖏᖕᓄᑦ.

 ᐊᑏᒪ ᐃᖅᑲᐅᒪᒋᔭᐅᓂᐊᖅᑐᖅ ᐊᖑᑕᐅᓪᓗᓂ ᓱᓕᔪᒃᑯᑦ ᐱᓕᕆᑦᑎᐊᖅᑐᒻᒪᕆᐅᖃᑦᑕᓚᐅᕐᓂᖓᓄᑦ ᓈᒻᒪᓈᙱᒃᑲᓗᐊᖅᑎᓪᓗᒍ ᐃᒻᒥᓄᑦ ᐊᒻᒪᓗ ᐅᖃᐅᓯᖃᕈᓐᓇᖅᐸᓚᐅᖅᑐᓂ ᐱᔾᔪᑎᖃᑦᑎᐊᖅᓱᓂ. ᐅᖃᐅᓯᖏᑦ ᐱᒻᒪᕆᐅᓪᓗᑎᑦ ᐅᖃᖅᐸᓚᐅᖅᑕᖏᑦ ᐱᕐᔪᐊᖑᕙᓚᐅᖅᑐᑦ ᐊᒻᒪᓗ ᑐᑭᖃᐅᑦᓯᐊᖅᑐᑎᑦ, ᐅᖃᐅᓯᖃᖃᑦᑕᓚᐅᕐᓂᖓᓄᑦ ᓇᒻᒥᓂᖅ ᓱᓕᔫᔾᔪᑎᒋᓪᓗᓂᒋᑦ. ᓴᙱᔪᒃᑯᑦ ᐊᔭᐅᕆᕙᓚᐅᖅᑐᖅ ᓴᙵᑦᑎᑦᑎᕆᓪᓗᓂ ᐃᓄᒃᑐᑦ ᐊᒻᒪᓗ ᐊᑐᖅᑕᐅᔫᒥᖃᑦᑕᖁᓪᓗᓂᐅᒃ, ᐱᓗᐊᖅᑐᒥᒃ ᓇᑦᓯᓕᖕᒥᐅᑎᑐᑦ, ᐊᒻᒪᓗ ᐃᓅᓯᓕᒫᖓᓂᒃ ᓴᐳᓐᓂᐊᖅᑎᐅᕙᑦᓱᓂ ᐃᓕᓐᓂᐊᕐᓂᕐᒥᒃ, ᐆᒪᔪᓕᕆᓂᕐᒥᒃ, ᐊᕙᑎᓕᕆᓂᕐᒥᒃ, ᐊᒻᒪᓗ ᐃᓄᐃᑦ ᐃᓅᓯᖓᓂᒃ.

ᐊᑏᒪ ᐃᓄᐃᑦ ᐃᓅᓯᓕᕆᔨᖏᓐᓄᑦ ᐊᒻᒪᓗ ᐃᓕᖅᑯᓯᓕᕆᓂᖏᖕᓄᑦ ᐱᕙᓪᓕᐊᑎᑦᑎᔩᑦ ᐅᖃᐅᔾᔨᒋᐊᖅᑏᑦ ᑲᑎᒪᔨᕋᓛᖏᓐᓂ ᐃᒃᓯᕙᖃᑕᐅᕙᓚᐅᖅᑐᖅ ᐊᒻᒪᓗ ᐱᖁᑎᕐᔪᐊᓕᕆᓂᕐᒧᑦ ᐃᒡᓗᓕᕆᓂᕐᒧᓪᓗ ᐅᖃᐅᔾᔨᒋᐊᖅᑏᑦ ᑲᑎᒪᔨᐊᓛᖏᖕᓄᑦ. …

ᓄᓇᕗᑦ ᑐᙵᕕᒃ ᑎᒥᖓ ᐅᑎᖅᑎᑕᐅᓂᐊᓕᕐᒪᑦ ᐊᖓᔪᖅᑳᑉ ᑐᖏᓕᐊᑕ ᐃᓂᖓᓂᒃ ᑮᓇᐅᔭᓕᕆᓂᕐᒧᑦ ᐊᒻᒪᓗ ᓯᕗᒧᐊᑦᑎᑦᑎᔪᒥᓂᐅᓪᓗᑎᑦ ᐱᖁᔨᕗᖔᕈᑎᓪᓗᐊᑕᓂᒃ 2025 ᐊᕐᕌᒍᑕᒫᖅᓯᐅᒻᒥᒃ ᑲᑎᒪᓂᖏᑦ ᐱᔭᕇᖅᑎᓪᓗᒋᑦ

(ᐊᒃᑑᕝᕙ 24, 2025 – ᑲᖏᖅᖠᓂᖅ, ᓄᓇᕗᑦ) ᓄᓇᕗᑦ ᑐᙵᕕᒃ ᑎᒥᖓ 2025-ᒥ ᐊᕐᕌᒍᑕᒫᑦ ᑲᑎᒪᕕᔾᔪᐊᕐᓂᖏᓐᓂᒃ ᐱᔭᕇᖅᑲᐅᕗᑦ ᐃᒃᐸᑦᓴ ᑲᖏᖅᖠᓂᕐᒥ, ᐱᖓᓱᓂᒃ ᐅᓪᓗᓂᑦ ᑲᑎᒪᕕᔾᔪᐊᖅᑎᓪᓗᒋᑦ ᐅᓂᒃᑳᕐᕕᐅᓚᐅᖅᑐᑦ, ᐱᖁᔨᕗᖔᕈᑎᓕᐅᖅᑐᑎᑦ ᐊᒻᒪᓗ ᑕᒪᐃᓐᓂ ᑐᑭᒧᐊᑦᑎᑦᑎᓚᐅᖅᑐᑦ ᐋᖅᑮᓪᓗᑎᑦ ᐃᓄᐃᑦ ᓯᕗᓪᓕᐅᑎᖁᔭᖏᓐᓂᒃ. ᐃᓱᒪᓕᐅᕈᑕᐅᓗᐊᓚᐅᖅᑐᖅ ᐅᑯᐊ, ᐅᑎᖅᑎᑕᐅᓂᖓ ᓄᓇᕗᑦ ᑐᙵᕕᒃ ᑎᒥᖓᑕ ᐊᖓᔪᖅᑳᑉ ᑐᖏᓕᐊᑕ ᑮᓇᐅᔭᓕᕆᓂᕐᒧᑦ ᐃᓂᖓ, ᑲᒪᒋᔭᖃᕈᓐᓇᖅᑐᓂᓗ ᐊᓪᓚᑦᑎᐅᓗᓂ−ᑮᓇᐅᔭᓕᕆᔨ, ᐃᒃᓯᕙᐅᑕᕆᔭᐅᓗᓂ ᐃᓄᐃᑦ ᐃᓅᓯᓕᕆᔭᐅᓂᖏᖕᓄᑦ ᐊᒻᒪᓗ ᐃᓕᖅᑯᓯᓕᕆᓂᖅ ᐱᕙᓪᓕᐊᑎᑕᐅᓂᖓᓄᑦ ᐅᖃᐅᔾᔨᒋᐊᖅᑏᑦ ᑲᑎᒪᔨᕋᓛᖏᖕᓄᑦ, ᐊᑭᓕᖅᓱᐃᖃᑦᑕᕐᓂᕐᒧᑦ ᑲᑎᒪᔨᕋᓛᖏᖕᓄᑦ, ᑳᓐᑐᕌᒃᑦ−ᓯᓂᕐᒧᑦ ᑲᑎᒪᔨᕋᓛᖏᑦ, ᐃᒡᓗᕗᑦ ᑯᐳᕇᓴᙵᓄᑦ ᐊᒻᒪᓗ ᐊᓯᖏᑦ ᐱᓕᕆᐊᒃᓴᐃᑦ ᑐᕌᖓᔪᑦ ᓄᓇᕗᑦ ᑐᙵᕕᒃ ᑎᒥᖓᑕ ᐱᓕᕆᐊᖏᓐᓄᑦ ᐊᒻᒪᓗ ᐊᐅᓚᑕᐅᔭᕆᐊᓕᓐᓄᑦ.
“ᓴᙵᑦᑎᑕᐅᑎᓪᓗᒍ ᓵᑕᐅᓯᒪᔪᓐᓇᕐᓂᕗᑦ ᓄᓇᕗᑦ ᑐᙵᕕᒃ ᑎᒥᖓᓂ ᖃᐅᔨᒪᑦᑎᐊᖅᑎᑦᑎᒍᑕᐅᕗᖅ ᐃᓄᐃᑦ ᓂᐱᖏᑦ ᑐᓴᖅᑕᐅᖃᑦᑕᕋᓗᐊᕐᒪᖔᕐᒥᒃ …

ᓄᓇᕗᑦ ᑐᙵᕕᒃ ᑎᒥᖓ ᓯᕗᒧᐊᑦᑎᑦᑎᕗᑦ ᐊᖏᕐᕋᑦᓴᓕᐅᓚᐅᖅᑕ-ᒥᒃ ᐋᖅᑭᒃᑕᐅᓪᓗᓂ ᐃᒡᓗᕗᑦ ᑯᐊᐳᕇᓴᙵ

(ᑲᖏᖅᖠᓂᖅ, ᓄᓇᕗᑦ — ᐊᒃᑑᕝᕙ 22, 2025) ᐅᓪᓗᒥ, ᓄᓇᕗᑦ ᑐᙵᕕᒃ ᑎᒥᖓᑕ ᐃᓚᒋᔭᐅᔪᖁᑎᖏᑦ ᑐᓴᖅᑎᑦᑎᖅᑲᐅᕗᑦ ᐱᕚᓪᓗᕈᑎᒋᔭᒻᒪᕆᐊᓗᒻᒥᓂᒃ ᐊᑐᓕᖅᑎᑕᐅᓪᓗᓂ ᐊᖏᕐᕋᑦᓴᓕᐅᓚᐅᖅᑕ ᐊᒻᒪᓗ ᐋᖅᑭᒃᑕᐅᓪᓗᓂ ᐃᒡᓗᕗᑦ ᑯᐊᐳᕇᓴᓐ.
ᐊᖏᕐᕋᑦᓴᓕᐅᓚᐅᖅᑕ, ᓯᕗᓪᓕᖅᐹᑦᑎᐊᖅ ᓄᓇᕗᒻᒥ ᐃᓄᐃᑦ ᐃᒡᓗᓕᐅᖅᑕᐅᓂᖏᓐᓄᑦ ᖃᓄᐃᓕᐅᕈᑎᖓᑕ ᐸᕐᓇᐅᑎ, ᓴᓇᔭᐅᓯᒪᔪᖅ ᐃᓄᓐᓄᑦ, ᐊᑑᑕᐅᒐᔭᖅᑐᓂ ᐃᓄᓐᓄᑦ, ᓯᕗᓪᓕᐅᔾᔨᓂᓕᒃ ᐃᓐᓇᒻᒪᕆᓐᓂᒃ, ᐊᕐᓇᓂᒃ ᐊᒻᒪᓗ ᓄᑕᖅᑲᓂᒃ ᕿᒫᔪᑦ ᐋᓐᓂᖅᑎᕆᔪᓂᒃ, ᐊᒻᒪᓗ ᒪᒃᑯᑦᑐᓄᑦ ᐊᒃᓱᕈᖅᑐᒃᑰᖅᑐᓂᒃ, ᑲᒪᒋᔭᖃᖅᓯᓐᓈᖅᑐᓂ ᑐᐊᕕᕐᓇᖅᑐᒥᒃ ᐊᑭᑐᓗᐊᙱᑦᑐᒥᒃ ᐃᒡᓗᖃᕆᐊᖃᕐᓂᖏᑦ ᐃᖅᑲᓇᐃᔭᖅᑐᑦ ᐃᓄᐃᑦ ᐃᒡᓗᓂᒃ ᓂᕈᐊᕋᑦᓴᓂᒃ ᐊᔾᔨᒌᙱᑦᑐᓂᒃ ᐱᔭᕆᐊᓖᑦ ᑐᕌᖓᓂᖃᙱᓪᓗᑎᑦ ᐃᖅᑲᓇᐃᔮᕐᒧᑦ ᐅᕝᕙᓘᓐᓃᑦ ᑭᒃᑯᑐᐃᓐᓇᕐᓄᑦ ᐃᒡᓗᓄᑦ ᐊᑐᖅᑐᐊᖅᑕᐅᓲᓄᑦ.
“ᑕᐅᑐᙳᐊᒐᖃᕋᑦᑕ ᐊᓯᔾᔨᕐᓗᒍ ᐃᒡᓗᖃᕐᓂᖅ ᓄᓇᕗᒻᒥ ᐃᓄᓐᓄᑦ,” ᐅᖃᖅᑐᓂ ᓄᓇᕗᑦ ᑐᙵᕕᒃ ᑎᒥᖓᑕ ᐊᖓᔪᖅᑳᖓ ᔨᐅᓚᒥ ᑑᕐᖔᓗᒃ. “ᖁᕕᐊᓇᒻᒪᕆᑦᑐᖅ ᑕᑯᓪᓗᒍ ᑕᐅᑐᙳᐊᖅᓯᒪᔭᕗᑦ ᐃᓅᓯᕆᒍᒪᓛᖅᑐᒍ …

ᓄᓇᕗᑦ ᑐᙵᕕᒃ ᑎᒥᖓᑕ ᑲᑎᒪᔨᖏᑦ ᐅᖃᐅᓯᖃᖅᑐᑦ ᓯᕗᓪᓕᐅᑎᖁᔭᕐᒥᓂᒃ ᓄᑖᕐᒧᑦ ᒪᓕᒐᓕᐅᕐᕕᒻᒥ ᒪᓕᒐᓕᐅᖅᑎᐅᓂᐊᖅᑐᓄᑦ

(ᐊᒃᑑᕝᕙ 21, 2025 – ᑲᖏᖅᖠᓂᖅ, ᓄᓇᕗᑦ) ᐃᑉᐸᔅᓴᖅ, ᓄᓇᕗᑦ ᑐᙵᕕᒃ ᑎᒥᖓᑕ ᑲᑎᒪᔨᖏᑦ ᑐᓴᖅᑎᑦᑎᓚᐅᖅᐳᑦ ᓯᕗᓪᓕᐅᑎᓪᓗᐊᖁᔭᕐᒥᓂᒃ ᓂᕈᐊᕋᑦᓴᐅᔪᓄᑦ ᓄᓇᕗᒻᒥ ᓂᕈᐊᕐᓇᒧᑦ ᐊᒻᒪᓗ ᑭᖑᓪᓕᕐᒥᒃ ᒐᕙᒪᐅᓂᐊᖅᑐᓄᑦ, ᓇᓗᓇᐃᖅᓯᓯᓐᓈᒃᑲᓐᓂᖅᑐᑎᑦ ᓄᓇᕗᑦ ᑐᙵᕕᒃ ᑎᒥᖓᑕ ᐃᖅᑲᓇᐃᔭᖃᑎᖃᕐᓂᐊᖅᑐᑎᑦ ᓯᕗᒧᐊᑦᑎᑕᐅᖁᓪᓗᒋᑦ ᐃᓄᐃᑦ ᐃᓅᓯᖏᑦ, ᐃᓕᖅᑯᓯᖏᑦ ᐊᒻᒪᓗ ᐱᕙᓪᓕᐊᔪᓕᕆᓂᕐᒧᑦ ᖃᓄᐃᑦᑕᐃᓕᓂᖏᑦ.
ᑲᑎᒪᔩᑦ ᓇᓗᓇᐃᖅᓯᓚᐅᖅᑐᑦ ᐊᒥᓱᓂᒃ ᓯᕗᓪᓕᐅᑎᖁᔭᕐᒥᓂᒃ ᑲᑐᔾᔭᐅᔭᕆᐊᖃᖅᑐᑎᑦ ᑲᒪᒋᔭᐅᑦᓯᐊᕐᓗᑎᑦ, ᐱᖃᓯᐅᑎᓪᓗᒋᑦ ᐃᓄᒃᑐᑦ ᐅᖃᐅᓯᕐᒥᒃ ᐊᑐᕐᓗᑎᑦ ᐃᓕᓐᓂᐊᖅᑎᑦᑎᔭᕆᐊᖃᕐᓂᖅ, ᐃᓄᐃᑦ ᐃᖅᑲᓇᐃᔭᖅᑎᑕᐅᓂᖏᑦ ᐊᒻᒪᓗ ᐱᓕᒻᒪᒃᓴᖅᑎᑕᐅᓂᖏᑦ, ᐃᒡᓗᓕᕆᓂᖅ ᐊᒻᒪᓗ ᐱᖁᑎᕐᔪᐊᓕᕆᓂᖅ, ᓂᕿᖃᑦᓯᐊᖃᑦᑕᕐᓂᖅ, ᐃᓄᐃᑦ ᓄᑕᖅᑲᑦ ᓯᕗᓪᓕᐅᑎᑕᐅᓂᖏᖕᓄᑦ ᐱᓕᕆᐊᖅ, ᐊᒻᒪᓗ ᐋᓐᓂᐊᖅᑕᐃᓕᒪᓂᕐᒧᑦ ᓇᓕᒧᒌᓕᖅᑎᑦᑎᔭᕆᐊᖃᕐᓂᖅ ᐱᔨᑦᑎᖅᑕᐅᓂᖏᑦ ᐃᓄᐃᑦ, ᐃᓱᒪᒃᑯᑦ ᖃᓄᐃᑦᑕᐃᓕᒪᓂᖅ, ᐃᒻᒥᓃᖅᑕᐃᓕᒪᑎᑦᑎᓂᖅ, ᐊᒻᒪᓗ ᑲᒪᒋᔭᐅᓗᓂ ᐋᙵᔮᕐᓇᖅᑐᓅᖓᔪᑦ ᐋᓐᓂᕈᑎᒋᔭᐅᓕᕐᓂᖏᑦ ᓄᓇᓕᓐᓂ
“ᓄᓇᕗᑦ ᑐᙵᕕᒃ ᑎᒥᖓ ᑲᒪᒋᔭᖃᕐᓂᐊᕐᓂᕋᖅᓯᒪᕗᑦ ᐃᖅᑲᓇᐃᔭᖃᑎᖃᓛᖅᑐᑎᑦ …

ᓄᓇᕗᑦ ᑐᙵᕕᒃ ᑎᒥᖓ ᑐᓴᖅᑎᑦᑎᕗᑦ $5 ᒥᓕᐊᓐ ᑮᓇᐅᔭᓂᒃ ᐃᑲᔪᕐᓂᐊᕐᒪᑕ ᓴᓇᔭᐅᓂᖓᓄᑦ ᓄᓇᕗᒻᒥ ᐃᓄᐃᑦ ᐱᖅᑯᓯᖏᓐᓂᒃ ᑕᑯᔭᒐᖃᕐᕕᖓᓂ

(ᐊᒃᑑᕝᕙ 20, 2025 – ᑲᖏᖅᖠᓂᖅ, ᓄᓇᕗᑦ) ᐅᓪᓗᒥ, ᓄᓇᕗᑦ ᑐᙵᕕᒃ ᑎᒥᖓᑕ ᐊᖓᔪᖅᑳᖓ ᔨᐅᓚᒥ ᑑᕐᖔᓗᒃ ᖁᕕᐊᓱᖅᑲᐅᕗᖅ ᑐᓴᖅᑎᑦᑎᔭᕆᐊᒃᓴᖅ $5 ᒥᓕᐊᓐ ᑮᓇᐅᔭᓂᒡᒎᖅ ᑐᓂᓯᓛᕐᒪᑕ ᐃᓄᐃᑦ ᐱᖁᑎᖏᓐᓂᒃ ᓇᐅᑦᓯᑦᑐᖅᑎᒃᑯᓐᓄᑦ ᓴᓇᔭᐅᖁᓪᓗᒍ ᓄᓇᕗᒻᒥ ᐃᓄᐃᑦ ᐱᖅᑯᓯᖏᓐᓂᒃ ᑕᑯᔭᒐᖃᕐᕕᖓ.
“ᑮᓇᐅᔭᓂᒃ ᐊᑐᕐᓗᓂ ᐱᐅᓛᕐᒥᒃ ᐃᓄᐃᑦ ᐱᖅᑯᓯᖏᓐᓂᒃ ᑕᑯᔭᒐᖃᕐᕕᖓᓄᑦ ᓄᓇᕗᒻᒥ, ᑐᑭᓕᒃ ᑮᓇᐅᔭᓂᑦ ᐊᑐᕋᑦᑕ ᐃᓄᐃᑦ ᑭᓇᐅᓂᖏᓐᓄᑦ, ᖃᐅᔨᒪᓂᖏᑦ ᐃᓕᓐᓂᐊᖅᑕᐅᔪᓐᓇᓕᕐᓗᑎᑦ ᐊᒻᒪᓗ ᐅᐱᒍᓱᒍᓐᓇᕐᓗᑎᑦ,” ᐅᖃᖅᖢᓂ ᓄᓇᕗᑦ ᑐᙵᕕᒃ ᑎᒥᖓᑕ ᐊᖓᔪᖅᑳᖓ ᑑᕐᖔᓗᒃ. “ᓄᓇᕗᒻᒥ ᐃᓄᒻᒪᕆᖏᑦ ᓱᓕ ᑲᔪᓯᓯᒪᕗᑦ ᐊᑐᖅᐸᓐᓂᖏᓐᓂᒃ ᖃᐅᑕᒫᑦ ᐊᔪᙱᑕᒥᓂᒃ ᐊᒻᒪᓗ ᓴᙱᓂᖏᓐᓂᒃ ᓯᕗᓪᓕᒥᓂᖅᐳᑦ. ᑖᓐᓇ ᐱᖅᑯᓯᕐᓄᑦ ᑕᑯᔭᒐᖃᕐᕕᒃ ᐃᓕᓐᓂᐊᕐᕕᐅᔪᓐᓇᕋᔭᖅᑐᖅ, ᐃᓄᐃᑦ ᓱᓇᒃᑯᑖᖏᑦ ᐊᖏᕐᕋᐅᔾᔭᐅᔪᓐᓇᖅᓯᓗᑎᑦ, ᐊᒻᒪᓗ ᐃᓄᐃᑦ ᖃᐅᔨᒋᐊᕈᓐᓇᑦᓯᐊᕐᓗᑎᑦ ᓯᕗᓕᒥᓂᖏᑕ ᐊᑐᖃᑦᑕᕐᓂᑯᒥᓂᖏᓐᓂᒃ …

ᓄᓇᕗᑦ ᑐᙵᕕᒃ ᑎᒥᖓᓄᑦ ᑲᑎᒪᔨᖏᑦ ᑲᑎᒪᓂᖓ

ᐃᕐᖐᓐᓇᖅ ᓴᖅᑭᖅᑕᐅᒋᐊᓕᒃ
(ᐆᑦᑑᑉᐱᕆ 16, 2025 – ᑲᖏᕐᖠᓂᖅ, ᓄᓇᕗᑦ) ᓄᓇᕗᑦ ᑐᙵᕕᒃ ᑎᒥᖓ (ᑐᙵᕕᒃ) ᑲᑎᒪᔨᖏᑦ ᑲᑎᒪᓛᖅᑐᑦ ᐅᓐᓄᓴᖓᓂ ᓇᒡᒐᔾᔭᐅ ᐆᑦᑑᑉᐱᕆ 20, 2025, ᓯᓂᒃᑕᕕᒃ ᑐᔪᕐᒥᕕᒡᒥ, ᑲᖏᕐᖠᓂᖅ, ᓄᓇᕗᑦ
ᑲᑎᒪᓂᖅ ᒪᑐᐃᖓᔪᖅ ᑭᒃᑯᑐᐃᓐᓇᕐᓄᑦ ᐊᒻᒪᓗ ᓄᓇᓕᖕᒥᐅᑦ ᑐᙵᓱᑦᑎᑕᐅᔪᑦ ᑲᑎᒪᔪᓅᕈᒪᒍᑎᒃ, ᐅᕝᕙᓘᓐᓃᑦ ᖃᕆᓴᐅᔭᒃᑯᑦ ᓈᓚᒍᓐᓇᕐᒥᔪᖅ ᑐᙵᕕᒃᑯᑦ ᕙᐃᔅᐳᒃᖓᓂ, ᐅᕝᕙᓘᓐᓃᑦ ᖃᕆᓴᐅᔭᒃᑯᑦ ᑕᑯᑦᓴᐅᑦᓴᐅᑎᒋᔪᒃᑯᑦ ᐃᓄᒃᑎᑐᑦ ᖃᓪᓗᓈᑎᑐᓪᓘᓐᓂᑦ ᐅᕙᓂ: http://https//baldwinav.zoom.us/j/82126011911?pwd=HFG1rf4lJxbUrNjLw4EKJTkgxlcai5.1
ᑭᒃᑯᑦ: ᓄᓇᕗᑦ ᑐᙵᕕᒃ ᑎᒥᖓᓄᑦ ᑲᑎᒪᔨᖏᑦ
ᖃᓄᖅ: ᑲᑎᒪᔩᑦ ᑲᑎᒪᓂᖓ
ᓇᓂ: ᓯᓂᒃᑕᕐᕕᒃ ᑐᔪᕐᒥᕕᒃ, ᑲᖏᕐᖠᓂᖅ, ᓄᓇᕗᑦ
ᖃᖓ: ᓇᒡᒐᔾᔭᐅ, ᐆᑦᑑᑉᐱᕆ 20, 2025 (ᐅᓐᓄᓴᒃᑯᑦ, ᓇᓗᓇᐃᖅᑕᐅᓂᐊᖅᑐᖅ ᖃᐅᔨᓴᐅᑖ)
ᑐᓴᕋᑦᓴᙳᖅᑎᑕᐅᔪᓂᒃ ᖃᐅᔨᒋᐊᕐᕕᒃᓴᖅ:
ᐃᕙᓗᐊᕐᔪᒃ ᒦᕆᑦ
ᑐᑭᒧᐊᒃᑎᑦᑎᔨᖓ ᑐᓴᐅᒪᔾᔪᑎᓕᕆᔨᒃᑯᑦ
ᓄᓇᕗᑦ ᑐᙵᕕᒃ ᑎᒥᖓ

Download (PDF, Unknown)

ᑐᙵᕕᒃᑯᑦ ᓄᓇᓕᖕᓂ ᓂᕆᕕᔾᔪᐊᑎᑦᓯᓂᖅ ᖁᕕᐊᓲᑎᖃᕐᓂᕐᓗ

ᐃᕐᖐᓐᓇᖅ ᓴᖅᑭᖅᑕᐅᒋᐊᓕᒃ
(ᐆᑦᑑᑉᐱᕆ 16, 2025 – ᑲᖏᕐᖠᓂᖅ, ᓄᓇᕗᑦ) ᓄᓇᕗᑦ ᑐᙵᕕᒃ ᑎᒥᖓ (ᑐᙵᕕᒃ) ᑲᑎᒪᔨᖏᑦ ᐃᓚᒋᔭᐅᔪᓪᓗ ᖃᐃᖅᑯᔨᕗᑦ ᓄᓇᓕᓐᓂᒃ ᓂᕆᕕᔾᔪᐊᖃᑕᐅᒋᐊᖅᑐᓚᖁᓪᓗᒋᑦ ᖁᕕᐊᓲᑎᖃᕐᓗᑎᒃ ᐃᓱᓕᓐᓂᖓᓂᒃ 2025, ᑐᙵᕕᒃᑯᑦ ᐊᕐᕌᒍᑕᒫᖅᓯᐅᒻᒥᒃ ᑲᑎᒪᓂᖓᑕ ᐃᓱᓕᓐᓂᖓᓂᒃ.
ᓂᕆᕕᔾᔪᐊᓂᐊᖅᑐᑦ ᓯᑕᒻᒥᖅ/ᕿᑎᖅᑰᑦ, ᐆᑦᑑᑉᐱᕆ 23, 2025, ᓯᖏᑦᑐᖅ ᕿᑎᒡᕕᒡᒥ, ᐱᒋᐊᕐᓂᐊᖅᑐᑦ 6-ᒥᒃ ᐅᓐᓄᓴᒃᑯᑦ CT.
ᑭᒃᑯᑦ: ᓄᓇᕗᑦ ᑐᙵᕕᒃ
ᖃᓄᖅ: ᓄᓇᓕᖕᓂ ᓂᕆᕕᔾᔪᐊᑎᑦᓯᓂᖅ ᖁᕕᐊᓲᑎᖃᕐᓂᕐᓗ
ᓇᓂ: ᓯᖏᑦᑐᖅ ᕿᑎᒡᕕᒡᒥ
ᖃᖓ: ᓯᑕᒻᒥᖅ/ᕿᑎᖅᑰᑦ, ᐆᑦᑑᑉᐱᕆ 23, 2025 ᖃᐅᔨᓴᐅᑦ 6−ᒥ ᐅᓐᓄᓴᒃᑯᑦ
ᑐᓴᕋᑦᓴᙳᖅᑎᑕᐅᔪᓂᒃ ᖃᐅᔨᒋᐊᕐᕕᒃᓴᖅ:
ᐃᕙᓗᐊᕐᔪᒃ ᒦᕆᑦ
ᑐᑭᒧᐊᒃᑎᑦᑎᔨᖓ ᑐᓴᐅᒪᔾᔪᑎᓕᕆᔨᒃᑯᑦ
ᓄᓇᕗᑦ ᑐᙵᕕᒃ ᑎᒥᖓ

Download (PDF, Unknown)

(English) NTI Annual General Meeting

ᐃᕐᖐᓐᓇᖅ ᓴᖅᑭᖅᑕᐅᒋᐊᓕᒃ
(ᐆᑦᑑᑉᐱᕆ 14, 2025 – ᐃᖃᓗᐃᑦ, ᓄᓇᕗᑦ) ᓄᓇᕗᑦ ᑐᙵᕕᒃ ᑎᒥᖓ (ᑐᙵᕕᒃ) ᐊᕐᕌᒍᑕᒫᖅᓯᐅᒻᒥᒃ ᐆᑦᑑᑉᐱᕆ 21-ᒥᒃ 23-ᒧᑦ, 205, ᑲᖏᕐᖠᓂᕐᒥ, ᓄᓇᕗᑦ.
ᑖᒃᑯᐊ ᑲᑎᒪᓃᑦ ᒪᑐᐃᖓᔪᑦ ᑭᒃᑯᑐᐃᓐᓇᕐᓄᑦ. ᑭᓇᑐᐃᓐᓇᖅ ᑐᙵᓱᑦᑎᑕᐅᔪᖅ ᑲᑎᒪᓂᕐᒧᑦ, ᓯᓂᒃᑕᕐᕕᒃ ᑐᔪᕐᒥᕕᒃ ᑲᑎᒪᕕᖓᓂ, ᐅᕝᕙᓘᓐᓃᑦ ᓈᓚᒃᑕᐅᔪᓐᓇᓂᐊᕐᒥᔪᖅ ᓇᑎᖓᓃᖔᖅᑐᖅ ᐅᖃᓕᒪᔪᓂᒃ ᑐᙵᕕᒃᑯᑦ ᕙᐃᔅᐳᒃᖓᓂ, ᐅᕝᕙᓘᓐᓃᑦ ᖃᕆᓴᐅᔭᒃᑯᑦ ᑕᑯᑦᓴᐅᑦᓴᐅᑎᒋᔪᒃᑯᑦ ᐃᓄᒃᑎᑐᑦ, ᐃᓄᐃᓐᓇᖅᑐᓐ ᖃᓪᓗᓈᑎᑐᓪᓘᓐᓂᑦ ᐅᕙᓂ:
Https://baldwinav.zoom.us/j/88369754638?pwd=at7278mR5E1rx2dj7T5kcrQihJe4c8.1
ᑭᒃᑯᑦ: ᓄᓇᕗᑦ ᑐᙵᕕᒃ ᑎᒥᖓᓄᑦ ᑲᑎᒪᔨᖏᑦ
ᖃᓄᖅ: ᐊᕐᕌᒍᑕᒫᖅᓯᐅᑦ ᑲᑎᒪᓂᖓ
ᓇᓂ: ᓯᓂᒃᑕᕐᕕᒃ ᑐᔪᕐᒥᕕᒃ, ᑲᖏᕐᖠᓂᖅ, ᓄᓇᕗᑦ
ᖃᖓ: ᐆᑦᑑᑉᐱᕆ 21-23rd 2025 – ᖃᐅᔨᓴᐅᑦ 8:30−ᒥᒃ ᐅᓪᓛᒃᑯᑦ 5−ᒧᑦ ᐅᓐᓄᓴᒃᑯᑦ
ᑐᓴᕋᑦᓴᙳᖅᑎᑕᐅᔪᓂᒃ ᖃᐅᔨᒋᐊᕐᕕᒃᓴᖅ:
ᐃᕙᓗᐊᕐᔪᒃ ᒥᐅᕆᑦ
ᑐᑭᒧᐊᒃᑎᑦᑎᔨᖓ ᑐᓴᐅᒪᔾᔪᑎᓕᕆᔨᒃᑯᑦ
ᓄᓇᕗᑦ ᑐᙵᕕᒃ ᑎᒥᖓ

Download (PDF, Unknown)

ᐊᐅᐸᕈᔪᒃᑐᑦ ᐅᕕᓂᕈᑦ ᑐᓂᐅᖅᑲᖅᑕᐅᓂᖏᑦ

(ᓯᑏᕝᕙ 25, 2025 – ᐃᖃᓗᐃᑦ/ᑲᖏᖅᖠᓂᖅ, ᓄᓇᕗᑦ) ᓯᕗᓂᐊᒍᑦ ᑲᓇᑕᒥ ᓱᓕᔪᕐᓂᐊᕐᓂᕐᒧᑦ ᐊᒻᒪᓗ ᐃᓱᒪᒋᔪᓐᓇᐃᖃᑎᒌᓐᓂᕐᒧᑦ ᐅᓪᓗᖓᓂ (ᓯᑏᕝᕙ 30th) ᓄᓇᕗᑦ ᑐᙵᕕᒃ ᑎᒥᖓᑕ ᐊᓪᓚᕝᕕᖏᑦ ᓄᓇᕗᒻᒥ ᑐᓂᐅᖅᑲᐃᓛᖅᑑᑦ ᐊᐅᐸᕈᔪᒃᑐᓂᒃ ᐅᕕᓂᕈᕐᓂᑦ ᒪᒃᑯᑦᑐᑦ ᐊᑐᓲᖏᑕ ᐊᖏᓂᓕᓐᓂᒃ ᐃᖅᑲᐅᒪᒋᓗᒋᑦ ᐃᓕᓐᓂᐊᕆᐊᖅᑎᑕᐅᕙᓚᐅᖅᓯᒪᔪᑦ ᐊᓂᒎᑎᓕᒥᓃᑦ, ᓇᓪᓕᐅᓐᓂᖅᓯᐅᓯᓐᓈᑦ ᐱᐅᔫᓂᖏᑦ ᓄᑕᖅᑲᕗᑦ ᐃᓕᖅᑯᓯᕗᓪᓗ.
ᑕᒫᓂ ᐊᕐᕌᒍᒥ ᐊᐅᐸᕈᔪᒃᑐᑦ ᐅᕕᓂᕈᑦ ᑎᑎᖅᑐᒐᖅᑕᐅᓯᒪᔪᑦ ᐊᕐᕕᐊᕐᒥᐅᑕᒧᑦ ᐊᒥᓱᓂᒃ ᐊᑐᖅᑐᓂ ᓴᓇᙳᐊᒐᕈᑎᓂᒃ ᐊᑐᓲᖅ ᓄᒃ ᓕᓐᑎᐅᓪᒧᑦ, ᕼᐃᓈᓂ ᑎᑎᖅᑐᒐᖅᑎᖏᓐᓂᒃ. “ᑕᕐᕋᓕᑭᑖᖅ ᑎᑎᖅᑐᒐᐅᔭᖅᓯᒪᔭᕋ ᑭᒡᒐᖅᑐᐃᔪᖅ ᐱᐅᔪᑯᓗᒻᒥᒃ ᐊᒻᒪᓗ ᐊᓯᔾᔨᕐᓂᕐᒥᒃ. ᐃᓄᒃ ᕿᑎᐊᓃᑦᑐᖅ ᐊᓈᓇᑦᓯᐊᕐᓃᙶᖅᓯᒪᔪᖅ ᑎᑎᖅᑐᒐᕈᒪᓯᒪᓪᓗᒍ ᐊᒻᒪᓗ ᑎᑎᖅᑐᒐᐅᔭᐅᓯᖓ ᐊᑐᕈᒪᓯᒪᓪᓗᒍ. ᐅᖃᐅᓯᖃᒃᑲᔪᓚᐅᕐᒪᑦ ᐃᓄᙳᐃᓂᕐᒥᒃ ᐊᒻᒪᓗ ᐱᒻᒪᕆᐅᓂᖓᓂᒃ ᐱᕈᖅᓴᐃᓗᓂ ᓄᑕᖅᑲᓂᒃ ᑕᒪᐃᓐᓂ ᐃᓅᑦᑎᐊᕈᓐᓇᕐᓂᓕᒫᖏᓐᓂᒃ ᐃᓅᒋᐊᖃᕐᒪᑕ,” ᐅᖃᖅᑐᓂ ᓄᒃᔅ. “ᑕᒪᐃᓐᓂ …

ᓄᓇᕗᑦ ᑐᙵᕕᒃ ᑎᒥᖓ ᑐᙵᓴᐃᔪᖅ ᑎᒃᑯᐊᖅᑕᐅᓂᖓᓂᒃ ᑯᕆᔅᑕ ᓂᐱᓴ ᓯᓐᒃᓕᐊ ᓄᓇᖃᖅᑳᕐᓯᒪᔪᑦ ᖃᐅᔨᒪᔨᑕᑦ ᑲᑎᒪᔨᖏᓐᓄᑦ

ᐃᕐᖐᓐᓇᖅ ᓴᖅᑭᖅᑕᐅᒋᐊᓕᒃ
(ᓯᑉᑎᒻᐱᕆ 12, 2025 – ᐃᖃᓗᐃᑦ, ᓄᓇᕗᑦ) ᓄᓇᕗᑦ ᑐᙵᕕᒃ ᑎᒥᖓᓄᑦ (ᑐᙵᕕᒃ) ᐊᖓᔪᖅᑳᖅ ᔨᕆᒥ ᑑᕐᖔᓗᒃ ᖁᕕᐊᒃᑯᔾᔨᔪᖅ ᑯᕆᔅᑕ ᓂᐱᓴ ᓯᓐᒃᓕᐊ ᑎᒃᑯᐊᖅᑕᐅᓂᖓᓄᑦ ᓄᓇᖃᖅᑳᖅᓯᒪᔪᑦ ᖃᐅᔨᒪᔨᑕᑦ ᑲᑎᒪᔨᖏᓐᓄᑦ (IAC) ᓄᑖᒥ ᐊᖏᔫᑎᓄᑦ ᐱᓕᕆᐊᓄᑦ ᐊᓪᓚᕝᕕᖓᓄᑦ. IAC ᖃᐅᔨᒪᔨᑕᐅᓂᐊᖅᑐᑦ ᑲᓇᑕᒧᑦ ᖃᓄᖅ ᐊᖏᔫᑎᑦ ᑲᓇᑕᒥ ᐱᕙᓪᓕᐊᔾᔪᑎᒃᓴᑦ ᐱᓕᕆᐊᑦ ᑲᔪᓯᒋᐊᖃᕐᒪᖔᑕ, ᓄᓇᖃᖅᑳᖅᓯᒪᔪᑦ ᑕᑯᓐᓇᒐᖏᑦ ᐃᑲᔫᑎᓂᖏᑦ ᐃᓱᒪᓕᐅᕈᑎᑦ ᐊᑦᑐᐃᓯᒪᓂᖏᓐᓂᒃ ᓄᓇᑦᑎᓐᓂᒃ, ᐃᒪᑦᑎᓐᓂᒃ ᓄᓇᓕᑦᑎᓂᓪᓗ.
“ᖁᕕᐊᒃᑯᑎᔭᕋ ᑯᕆᔅᑎ ᑖᑦᓱᒧᖓ ᐱᖕᒪᕆᐅᔪᒧᑦ ᑎᒃᑯᐊᖅᑕᐅᒻᒪᑦ,” ᐅᖃᖅᑐᖅ ᑐᙵᕕᒃᑯᑦ ᐊᖓᔪᖅᑳᖓ ᑑᕐᖔᓗᒃ. “ᓴᙱᓂᖃᑦᓯᐊᖅᑐᖅ ᐃᓅᓪᓗᓂ ᓯᕗᓕᖅᑎ ᐃᑲᔫᑎᖃᖃᑦᑕᖅᑐᖅ ᖃᐅᔨᒪᓂᕐᒥᓂᒃ, ᓱᖏᖅᓲᑎᒃᓴᐅᓂᕐᒥᓂᒃ, ᐊᒻᒪᓗ ᑐᓂᓯᒪᑦᓯᐊᖅᑐᓂ ᓯᕗᒧᐊᒃᑎᑦᑎᓂᕐᒥᒃ ᐃᓄᐃᑦ ᓯᕗᓪᓕᐅᔾᔭᐅᖁᔭᖏᓐᓂᒃ. ᐱᓕᕆᓯᒪᓂᕐᒥᒍᑦ ᓴᕐᖓᑎᑦᓯᓂᐊᖅᑐᖅ ᑲᑎᒪᔨᓂᒃ ᐊᒻᒪᓗ ᐃᑲᔫᑎᖃᕐᓗᓂ ᐃᓄᓐᓄᑦ−ᓯᕗᓕᖅᑕᐅᔪᖅ ᐊᒻᒪᓗ …

ᑐᙵᕕᒃᑯᑦ ᑭᐅᒍᑎᖓ ᒐᕙᒪᑐᖃᒃᑯᑦ ᐊᖏᔫᑎᓄᑦ ᐱᓕᕆᐊᓄᑦ ᑐᓴᖅᑎᑦᓯᒍᑎᖓᓂᒃ

ᐃᕐᖐᓐᓇᖅ ᓴᖅᑭᖅᑕᐅᒋᐊᓕᒃ
(ᓯᑉᑎᒻᐱᕆ 12, 2025 – ᐃᖃᓗᐃᑦ, ᓄᓇᕗᑦ) ᓄᓇᕗᑦ ᑐᙵᕕᒃ ᑎᒥᖓᓄᑦ (ᑐᙵᕕᒃ) ᐊᖓᔪᖅᑳᖅ ᔨᕆᒥ ᑑᕐᖔᓗᒃ ᐅᖃᐅᓯᖃᖅᑲᐅᔪᖅ ᑭᒡᒍᑎᒥᓂᒃ ᑲᓇᑕ ᒐᕙᒪᖓᑕ ᐊᖏᔫᑎᓄᑦ ᐱᓕᕆᐊᓄᑦ ᑐᓴᖅᑎᑦᓯᒍᑎᒋᖅᑲᐅᔭᖓᓄᑦ ᐱᓇᓱᐊᕈᓯᕐᒥ.
“ᓂᕆᐊᓚᐅᕋᓗᐊᕋᑦᑕ ᓄᓇᕗᒻᒥ ᐊᖏᔫᑎᓄᑦ ᑲᓇᑕ−ᐱᕙᓪᓕᐊᔾᔪᑎᒃᓴᖓᓄᑦ ᐱᓕᕆᐊᑦ ᐃᓚᐅᒐᔭᕆᐊᖏᑦ ᒐᕙᒪᑐᖃᒃᑯᑦ ᐱᒋᐊᕈᑎᖏᓐᓂ,” ᐅᖃᖅᑲᐅᔪᖅ ᐊᖓᔪᖅᑳᖅ ᑐᕐᖔᓗᒃ. “ᐊᑕᐅᑦᓯᒃᑯᑦ, ᑐᙵᕕᒃᑯᑦ ᓂᕆᐅᒋᔭᐅᕗᖅ ᑲᓇᑕ ᐃᓕᓴᖅᓯᖁᓪᓗᒍ ᒍᕇᔅ ᕙᐃ ᐊᖅᑯᑎ ᑐᓚᑦᑕᕕᒡᓗ ᕿᑎᕐᒥᐅᓂ ᐱᓕᕆᐊᖑᓂᖓ ᐋᖅᑭᒍᑕᐅᓂᐊᕐᓂᖓᓂᒃ ᑲᓇᑕᒧᑦ ᓄᓇᒋᔭᑦᑎᓐᓄᑦ. ᑕᑯᔪᒪᓂᐊᖅᑕᕗᑦ ᑲᓇᑕ ᓯᕗᒧᐊᑦᑎᓪᓗᒍ ᑐᐊᕕᕐᓇᖅᑎᑕᐅᓗᓂ ᑖᓐᓇ ᐊᓯᖏᓪᓗ ᐱᑕᖃᕆᐊᓕᒻᒪᕇᑦ ᐱᓕᕆᐊᑦ.”
ᑐᙵᕕᒃᑯᑦ, ᐱᓕᕆᖃᑎᖃᖅᑐᑎᒃ ᓄᓇᕗᑦ ᒐᕙᒪᖓᓂᒃ (GN), ᓯᕗᒧᐊᒃᑎᑦᓯᓯᒪᕗᑦ ᓯᑕᒪᓂᒃ ᓯᕗᓪᓕᐅᑎᔭᕆᐊᓕᖕᓂᒃ ᐱᓇᓱᐊᒐᑦᓴᓂᒃ ᑕᕝᕘᓇ GN-NTI ᐅᑭᐅᖅᑕᖅᑐᒥ ᓄᓇᒥᒃ ᐃᓐᓃᓯᒪᓂᕐᒧᑦ ᐊᒻᒪᓗ ᒥᐊᓂᖅᓯᓂᕐᒧᑦ ᑐᑭᒧᐊᒍᑎᒃᓴᓂᒃ: …

ᓄᓇᕗᑦ ᒐᕙᒪᖓ ᓄᓇᕗᑦ ᑐᙵᕕᒃᑯᓪᓗ ᓴᖅᑭᑦᑎᕗᑦ ᓄᓇᕗᑦ ᐅᑭᐅᖅᑕᖅᑐᒥ ᓄᓇᖁᑎᖓᓂ ᓴᐳᒻᒥᔭᐅᓂᖓᓂᓪᓗ ᐸᕐᓇᒍᑎᒥᒃ

ᓴᖅᑭᑕᐅᑲᐅᑎᒋᔭᕆᐊᓕᒃ
(ᓯᑎᐱᕆ 12, 2025 − ᐃᖃᓗᐃᑦ, ᓄᓇᕗᑦ) ᓄᓇᕗᑦ ᒐᕙᒪᒃᑯᑦ ᐊᒻᒪ ᓄᓇᕗᑦ ᑐᙵᕕᒃᑯᑦ ᑎᒥᖓᑦ (ᓄᓇᕗᑦ ᑐᙵᕕᒃᑯᑦ) ᐅᓪᓗᒥ ᓴᖅᑭᑦᑎᖅᑲᐅᕗᑦ ᓄᓇᕗᒻᒥ ᐅᑭᐅᖅᑕᖅᑐᒥ ᓄᓇᖁᑎᖓᓂ ᓴᐳᒻᒥᔭᐅᓂᖓᓂᓪᓗ ᐸᕐᓇᒍᑎᒥᒃ, ᐋᖅᑭᒃᑕᐅᓯᒪᓪᓗᓂ ᐃᓱᒪᒋᔭᐅᔪᓄᑦ ᐊᒻᒪ ᓯᕗᓪᓕᐅᔾᔭᐅᔪᒪᔪᓄᑦ ᐅᖃᐅᓯᐅᓚᐅᖅᑐᓂᑦ ᐅᑭᐅᖅᑕᖅᑐᒥ ᓄᓇᖁᑎᖓᓂ ᓴᐳᒻᒥᔭᐅᓂᖓᓄᓪᓗ ᑲᑎᒪᑎᓪᓗᒋᑦ ᐃᖃᓗᖕᓂ ᔫᓂᐅᓵᖅᑐᒥ.
ᓄᓇᓕᕆᓂᕐᒥᑦ ᐱᓕᕆᖃᑕᐅᔪᒪᔪᑦ ᐅᑭᐅᖅᑕᖅᑐᒥ ᐊᖏᒡᓕᕙᓪᓕᐊᑎᓪᓗᒍ ᐊᒃᑐᖅᑕᐅᔪᓪᓗ ᓯᓚᐅᑉ ᐊᓯᔾᔨᖅᐸᓪᓕᐊᓂᖓᓄᑦ ᓱᒃᑲᓕᕙᓪᓕᐊᑎᓪᓗᒍ, ᐱᒻᒪᕆᐊᓘᕗᖅ ᓄᓇᕗᒻᒥᐅᑦ ᐊᔪᕆᖅᓲᔾᔨᓗᑎᒃ ᑲᓇᑕᐅᑉ ᓄᓇᖁᑎᖓᑕ ᐱᓕᕆᐊᒃᓴᖏᓐᓂᒃ. ᑲᑎᒪᕐᔪᐊᕐᓂᖅ ᐸᕐᓇᒍᑎᓗ ᓇᓗᓇᐃᖅᓯᔪᐃᓐᓇᐅᕘᒃ ᐃᓄᐃᑦ ᐱᓕᕆᐊᒃᓴᓪᓗᐊᑕᖏᓐᓂᒃ ᓇᓗᓇᐃᖅᓯᑎᓪᓗᒋᑦ ᑲᓇᑕᐅᑉ ᐱᓇᓱᐊᖅᑕᖓᓂ ᐅᑭᐅᖅᑕᖅᑐᒥ. ᓄᓇᕗᒻᒥ ᐅᑭᐅᖅᑕᖅᑐᒥ ᓄᓇᖁᑎᖓᓂ ᓴᐳᒻᒥᔭᐅᓂᖓᓂᓪᓗ ᐸᕐᓇᒍᑎᒥ ᐊᔾᔨᒌᙱᑦᑐᓂᒃ ᑕᐅᑐᖅᑰᖅᑕᐅᔪᓂᒃ ᑲᑎᑎᑦᑎᕗᑦ ᓄᓇᕘᑉ ᓯᕗᓂᒃᓴᖓᓂ ᓴᐳᒻᒥᔭᐅᓂᖓᓂᑦ, ᑐᙵᕕᒋᔭᐅᓪᓗᓂᓗ ᑕᐅᑐᙳᐊᖅᑕᐅᔪᖅ ᐱᒻᒪᕆᐅᒋᔭᐅᔪᓄᑦ ᐊᒻᒪ ᓯᕗᓪᓕᐅᔾᔭᐅᔪᒪᔪᓄᑦ …

ᐃᓅᔪᓐᓃᕐᓂᖓᓂᒃ ᕋᐳᑦ ᒍᕇᓐᓕ

ᓴᒃᑯᑕᐅᑲᐅᑎᒋᔭᕆᐊᓕᒃ
ᓄᓇᕗᑦ ᑐᙵᕕᒃᑯᑦ ᑎᒥᖁᑎᖓᑦ ᓄᒫᓱᒃᐳᑦ ᑐᓴᖅᑎᑕᐅᖕᒪᑕ ᐃᓅᔪᓐᓃᕐᓂᖓᓂᒃ ᕋᐳᑦ ᔭᐃᒻᔅ ᐃᓚᑎᐊᒃ ᒍᕇᓐᓕᒥᒃ, ᐃᖃᓗᑦᑑᑦᓯᐊᕐᒥᐅᑕᖅ, ᓄᓇᕗᕐᒥ. ᕚᕕ ᐊᖏᔪᖅᑳᕆᔭᐅᓚᐅᖅᑐᖅ ᕿᑎᕐᒥᐅᑦ ᐃᓄᐃᑦ ᑲᑐᔾᔨᖃᑎᒌᒃᑯᖏᓐᓂᒃ, ᐃᓚᒋᔭᐅᓪᓗᓂᓗ ᓄᓇᕗᑦ ᑐᙵᕕᒃᑯᑦ ᑎᒥᖁᑎᖓᑕ ᓯᕗᓕᖅᑏᑦ ᑲᑎᒪᔨᖏᓐᓄᑦ, ᐊᒻᒪᓗ ᓄᓇᖅᑲᑎᖏᓐᓄᑦ ᓇᓪᓕᒋᔭᐅᒻᒪᕆᓚᐅᖅᑐᖅ ᓯᕗᓕᖅᑎᐅᑎᓪᓗᒍ ᐃᖃᓗᑦᑑᒃᓯᐊᕐᒥ.
ᑭᒡᒐᖅᑐᐃᓚᐅᖅᑐᖅ ᓴᙱᓂᖅᓴᐅᖁᓪᓗᒋᑦ ᐆᒪᔪᕐᓂᐊᑎᒃᑯᑦ ᑲᑐᔾᔨᖃᑎᒌᒃᑯᖏᑦ ᓄᓇᕘᒥ, ᐱᓗᐊᖅᑐᒥᒃ ᐃᒃᓯᕙᐅᑕᐅᓂᖓᓄᑦ ᐃᖃᓗᑦᑑᒃᓯᐊᕐᒥ ᐆᒪᔪᕐᓂᐊᑎᒃᑯᑦ ᑲᑐᔾᔨᖃᑎᒌᒃᑯᖏᓐᓄᑦ. ᖃᐅᔨᒪᓚᐅᕐᒪᑦ ᐱᒻᒪᕆᐅᓂᖓᓂᒃ ᓄᓇᕗᒥ ᐃᓄᖏᓐᓄᑦ ᑲᔪᓰᓐᓇᕈᓐᓇᖁᓪᓗᒍ ᐱᖅᑯᓯᑐᖃᕗᑦ ᓄᓇᒦᙶᖅᑐᓂᒃ ᓂᕿᒃᓴᖅᓯᐅᕐᓂᕐᒥᒃ ᐱᔾᔪᑎᒃᓴᓂᓪᓗ.
ᑐᙵᕕᒃᑯᑦ ᓇᓗᓇᐃᖅᓯᕗᑦ ᓇᓪᓕᒍᓱᓐᓂᖏᓐᓂᒃ ᕚᕕᐅᑉ ᓄᓕᐊᖓᓄᑦ ᐹᑎ ᒍᕇᓐᓂᒧᑦ, ᕿᑐᕐᖓᖏᓐᓂᒃ, ᐃᕐᖑᑎᖏᓐᓂᒃ ᐊᒻᒪᓗ ᓄᓇᖅᑲᑎᖏᓐᓂᒃ. ᒍᕇᓐᓕᐅᑉ ᑐᙵᓇᕐᓂᖓ, ᓴᙱᓂᖓ, ᐊᒻᒪᓗ ᑐᓂᕐᕈᑎᒋᓯᒪᓂᖓ ᑲᔪᓰᓐᓇᕐᓂᐊᖅᐳᖅ ᑕᓯᐅᖅᓯᓗᓂᓗ ᐊᒻᒪᓗ ᐱᔪᒥᓴᐃᒃᑲᓂᕐᓗᓂ ᐃᓄᖕᓂᑦ. ᕚᕕᐅᑉ ᓇᔫᑎᓂᖓ ᐃᑎᔪᒥᒃ ᑭᖑᓂᖃᓈᖅᑕᐅᓂᐊᖅᑐᖅ, …

ᓄᓇᕗᑦ ᑐᙵᕕᒃ ᑎᒥᖓᑕ ᑲᑎᒪᔨᖏᑦ ᑲᑎᒪᔭᕇᖅᑐᑦ ᐊᒥᓱᓂᒃ ᑮᓇᐅᔭᓂᑦ ᐊᑐᕐᓂᐊᕐᓂᕋᖅᖢᑎᑦ ᐃᓄᒻᒪᕇᑦ ᐃᒡᓗᓕᐅᖅᑕᐅᓂᖏᓐᓄᑦ, ᐋᖅᑭᒃᑕᐅᓂᖓ ᐃᒡᓗᕗᑦ ᐊᒻᒪᓗ ᐊᖅᑯᓴᕆᐊᖅ

ᓴᒃᑯᑕᐅᑲᐅᑎᒋᔭᕆᐊᓕᒃ
(ᐋᒡᒌᓯ 28, 2025 – ᑭᙵᐃᑦ, ᓄᓇᕗᑦ) ᓄᓇᕗᑦ ᑐᙵᕕᒃ ᑎᒥᖓᑕ ᑲᑎᒪᔨᖏᑦ ᑲᑎᒪᓚᐅᖅᑐᑦ ᑭᙵᕐᓂ ᑕᒫᓂ ᐱᓇᓱᐊᕈᓯᕐᒥ, ᓯᕗᒧᐊᑦᑎᑦᓯᓪᓗᑎᑦ ᐊᒥᓱᓂᒃ ᐱᒻᒪᕆᓂᒃ ᑲᒪᒋᔭᕐᒥᓂᒃ, ᐊᖏᖅᑕᐅᓪᓗᓂᓗ ᓄᓇᕗᒻᒥ ᐃᓄᒻᒪᕇᑦ ᐃᒡᓗᖃᖅᑎᑕᐅᓂᖏᑦᑕ ᐊᑐᐊᒐᖓ, ᓴᓂᕐᕚᖑᓂᖏᑦ ᒐᕙᒪᑐᖃᒃᑯᓐᓂ ᓄᓇᖃᖅᑳᖅᓯᒪᔪᑦ ᐃᒡᓗᖃᖅᑎᑕᐅᓂᖏᖕᓄᑦ ᑮᓇᐅᔭᑦ, ᐊᒻᒪᓗ ᐋᖅᑭᒃᑕᐅᓂᖓᓂᒃ ᐃᓛᒃᑰᖓᔪᖅ ᖃᑭᒍᑎᒃᓴᓕᐅᙱᑦᑐᖅ ᐊᐅᓚᑦᑎᔾᔪᓯᖅ ᐋᖅᑭᒃᓯᒪᓂᖓᓄᑦ ᐊᖅᑯᓴᕆᐊᕐᒧᑦ.
ᑮᓇᐅᔭᖅᑎᒍᑦ ᐊᑐᖅᑕᒥᓂᐅᔪᓂᑦ ᓴᖅᑭᔮᑦᑎᑦᑎᑦᑎᐊᕐᔫᒥᓂᖅ
ᑲᑎᒪᔩᑦ ᕿᒥᕐᕈᓚᐅᕐᒥᔪᑦ ᐊᒻᒪᓗ ᑲᔪᓯᑎᑦᑎᓪᓗᑎᑦ 2024-2025−ᒧᑦ ᑕᒻᒪᖅᓯᒪᔪᕐᓂᐊᖅᑕᐅᓯᒪᔪᑦ ᑮᓇᐅᔭᑦ ᐅᓂᒃᑳᖏᓐᓂᒃ. ᓄᓇᕗᑦ ᑐᙵᕕᒃ ᑎᒥᖓ ᓴᓗᒪᔪᑯᓘᒻᒪᑕ ᑕᒻᒪᖅᓯᒪᔪᕐᓂᐊᖅᑕᐅᓪᓗᑎᑦ ᐃᓱᒪᓕᐅᕈᑕᐅᓚᐅᖅᑐᑦ ᑎᒥᖓᑕ ᐃᓗᐊᓂ ᐊᐅᓚᑦᑎᒍᑎᖏᑦ ᐃᓱᒫᓘᑕᐅᙱᑦᑐᑎᑦ. ᐃᓚᒋᔭᐅᔪᑦ ᓇᓗᓇᐃᖅᓯᓚᐅᖅᑐᑦ ᐃᓕᓴᖅᓯᓪᓗᑎᑦ 46%−ᓂᒃ ᐊᒥᓱᕈᕆᐊᖅᓯᒪᓕᕐᒪᑕ ᐱᓕᕆᐊᕐᓄᑦ ᑮᓇᐅᔭᑦ ᐊᑐᖅᑕᐅᔪᒥᓃᑦ, ᑮᓇᐅᔭᓂᑦ ᐊᑐᖅᑐᒻᒪᕆᐅᓯᒪᓪᓗᑎᑦ ᐃᓄᒃᑐᑦ ᐊᑐᖅᑕᐅᒃᑲᓐᓂᓕᕐᓂᖓᓄᑦ, ᓄᓇᓕᓐᓂ ᐱᖁᑎᕐᔪᐊᓄᑦ, ᐃᒡᓗᓕᐅᕐᓂᕐᒧᑦ, ᐃᓄᒻᒪᕇᑦ …

ᓄᓇᕗᑦ ᑐᙵᕕᒃ ᑎᒥᖓ ᖃᓄᐃᓕᐅᕈᑎᖃᕆᐊᖅᑐᖅ ᐊᑕᐅᓯᖅ ᑲᓇᑕᒥ ᐱᕙᓪᓕᐊᔪᓕᕆᓂᖅ ᐱᖁᔭᕐᒧᑦ; ᐋᖅᑮᔪᑦ ᑎᑎᖅᑐᖅᓯᒪᔪᓂᒃ ᐃᓄᒻᒪᕇᑦ ᐱᓕᕆᐊᖏᖕᓂᒃ ᑲᓇᑕᒧᑦ ᐱᓕᕆᐊᕆᔭᐅᔪᒪᒐᔭᖅᑐᓂᒃ ᓄᓇᕗᑦ ᐃᑲᔫᑕᐅᓗᓂ

ᓴᒃᑯᑕᐅᑲᐅᑎᒋᔭᕆᐊᓕᒃ
(ᐋᒡᒌᓯ 27, 2025 – ᑭᓐᖓᐃᑦ, ᓄᓇᕗᑦ) ᓄᓇᕗᑦ ᑐᙵᕕᒃ ᑎᒥᖓ ᓄᓇᕗᑦ ᑐᙵᕕᒃ ᑎᒥᖓ ᑐᙵᓱᐊᑎᑦᑎᔪᑦ ᑲᔪᓯᑎᑕᐅᓂᖓᓂᒃ ᐱᖁᔭᒃᓴᖅ C-5, ᐊᑕᐅᓯᖅ ᑲᓇᑕᒥ ᐱᕙᓪᓕᐊᔪᓕᕆᓂᖅ ᐱᖁᔭᖅ, ᐊᒻᒪᓗ ᐋᖅᑮᓯᒪᔪᑦ ᓱᖅᑯᐃᓐᓇᖅᑎᐊᖅᑐᑯᓗᓐᓂᒃ ᖃᓄᐃᓕᐅᕈᑎᒋᔭᐅᔭᕆᐊᓕᖕᓂᒃ ᖃᐅᔨᒪᓇᑦᑎᐊᖁᓪᓗᒍ ᐱᖁᔭᖅ ᐱᓪᓚᑦᑖᓂᒃ ᓴᖅᑮᑎᑦᑎᓂᐊᕐᒪᑦ ᓄᓇᕗᒻᒥ ᐃᑉᐱᒋᔭᐅᑦᑎᐊᖅᓯᓐᓈᕐᓗᑎᑦ ᐃᓄᒻᒪᕇᑦ ᐱᔪᓐᓇᐅᑎᖏᑦ ᐊᒻᒪᓗ ᐅᓪᓗᒥᐅᔪᖅ ᓄᓇᑖᕐᓂᕐᒧᑦ ᐊᖏᕈᑎᓕᐊᕆᔭᐅᓯᒪᔪᑦ. ᐱᖁᔭᒃᓴᖅ C-5 ᒪᓕᒐᓕᐅᕐᕕᕐᔪᐊᕐᒥ ᐊᖏᖅᑕᐅᓚᐅᖅᓯᒪᔪᖅ ᔫᓂ 26, 2025−ᖑᑎᓪᓗᒍ, ᐊᑐᓕᖅᑎᑦᑎᓂᓕᒃ ᑕᒪᒃᑮᓐᓂᒃ ᐊᑭᖃᙱᑦᑐᒃᑯᑦ ᑕᐅᖅᓰᖃᑦᑕᕐᓂᕐᒥᒃ ᐊᒻᒪᓗ ᓴᓇᔨᐅᔪᑦ ᓇᒧᑐᐃᓐᓈᕈᓐᓇᕐᓂᖏᑦ ᑲᓇᑕ ᐱᖁᔭᕐᒥᒃ ᐊᒻᒪᓗ ᑲᓇᑕᓕᐅᕐᓂᕐᒧᑦ ᐱᖁᔭᕐᒥᒃ.
ᒪᓕᑦᑐᒍ ᓄᑖᖅ ᑐᙵᕕᖓ, ᒐᕙᒪᑐᖃᒃᑯᑦ ᑲᑎᖅᓱᐃᕗᑦ ᑎᑎᖅᑐᖅᓯᒪᔪᓂᒃ ᑲᓇᑕᓕᐅᖅᑐᑦ ᐱᓕᕆᐊᖏᖕᓂᒃ ᐊᒻᒪᓗ ᑲᒪᒋᔭᖃᕐᓂᐊᕐᓂᕋᖅᓯᒪᔪᑦ ᐊᑕᐅᑦᑎᒨᖅᓯᒪᔪᒥᒃ ᕿᒥᕐᕈᓇᓐᓂᐅᔪᑉ ᐊᐅᓚᓂᖓᓂᒃ ᐃᑲᔪᖅᑐᖅᑕᐅᓪᓗᓂ ᐊᖏᔪᓄᑦ ᐱᓕᕆᐊᓕᕆᔨᒃᑯᑦ …

ᐃᓄᖕᓄᑦ ᑭᒃᑯᑐᐃᓐᓇᕐᓄᑦ ᑐᓴᕋᒃᓴᑦ: ᑐᙵᕕᒃᑯᑦ ᑲᑎᒪᔨᖏᑦ ᑲᑎᒪᑐᐃᓐᓇᕐᓂᖏᑦ

ᓴᒃᑯᑕᐅᑲᐅᑎᒋᔭᕆᐊᓕᒃ
(ᐋᒡᒌᓯ 18, 2025 – ᐃᖃᓗᐃᑦ, ᓄᓇᕗᑦ) ᓄᓇᕗᑦ ᑐᙵᕕᒃ ᑎᒥᖓᑕ ᑲᑎᒪᔨᖏᑦ ᑲᑎᒪᑐᐃᓐᓇᕐᓂᕐᒥᓂᒃ ᐱᒋᐊᒃᑲᓐᓂᓛᖅᑐᑦ ᓄᓇᓕᓐᓂ ᐱᙳᐊᕐᕕᖓᓂ ᑭᙵᕐᓂ, ᓄᓇᕗᑦ,  ᐋᒡᒌᓯ 27-28th, 2025. ᑲᑎᒪᔩᑦ ᑲᑎᒪᓂᖃᖅᑎᓪᓗᒋᑦ ᐃᓄᖕᓄᑦ ᑭᒃᑯᑐᐃᓐᓇᕐᓄᑦ ᓈᓚᒃᑕᐅᔪᓐᓇᕐᒪᑕ ᐊᒻᒪᓗ ᖃᕋᓴᐅᔭᒃᑯᑦ ᐃᕐᖐᓐᓇᖅ ᑕᑯᒃᓴᐅᑦᑕᐅᑎᒋᓛᖅᑐᑎᑦ ᓄᓇᕗᑦ ᑐᙵᕕᒃ ᑎᒥᖓᑕ ᕙᐃᔅᕗᒃ ᒪᑉᐱᒐᖓᓂ (ᓇᑎᖓᓂ), ᐅᕝᕙᓘᓐᓃᑦ ᐊᑐᐃᓐᓇᐅᒪᓛᖅᑐᑦ ᖃᕋᓴᐅᔭᒃᑯᑦ ᐃᓄᒃᑎᑑᖅᑐᑦ ᐊᒻᒪᓗ ᖃᓪᓗᓈᑎᑑᖅᑐᑦ ᓂᕈᐊᖅᑕᐅᔪᓐᓇᕐᓗᑎᑦ, ᖃᕋᓴᐅᔭᒃᑯᑦ ᐃᕐᖐᓐᓇᖅ ᑕᑯᒃᓴᐅᑦᑕᐅᑎᒋᔪᖅ ᑲᑎᒪᓂᖃᖅᑎᓪᓗᒋᑦ:
https://baldwinav.zoom.us/j/87540620488?pwd=Rk3Z3zkY73LaqcEQaYDWM5uAE0BwCA.1
ᑭᒃᑯᑦ: ᓄᓇᕗᑦ ᑐᙵᕕᒃ ᑎᒥᖓᑕ ᑲᑎᒪᔨᖏᑦ
ᑭᓱ: ᑲᑎᒪᑐᐃᓐᓇᕐᓂᖏᑦ
ᓇᒥ: ᓄᓇᓕᓐᓂ ᐱᙳᐊᕐᕕᒃ, ᑭᙵᐃᑦ, ᓄᓇᕗᑦ
ᖃᖓ: ᐋᒡᒌᓯ 27-28th, 2025, 8:45 ᐅᓪᓛᒃᑯᑦ – 5:00 ᐅᓐᓄᓴᒃᑯᑦ
ᐱᕙᓪᓕᐊᔪᓕᕆᓂᕐᒧᑦ ᖃᐅᔨᒃᑲᕋᑦᓴᖅ:
ᐃᕙᓗᐊᕐᔪᒃ ᒥᐅᕆᑦ
ᑐᑭᒧᐊᑦᑎᑦᑎᔨ ᑐᓴᐅᒪᖃᑎᖐᓐᓂᕐᒧᑦ
ᓄᓇᕗᑦ ᑐᙵᕕᒃ ᑎᒥᖓ

Download …

ᓯᕗᓪᓕᖅᐹᖅ ᑲᑎᒪᓂᖓᑦ ᑲᓛᑦᖡᑦ ᓄᓇᖓᑕ-ᓄᓇᕗᑦ ᐃᖃᓗᒐᓱᒃᑎᑦ ᑲᑎᒪᔨᕋᓛᑦ

ᑲᑐᑎᔭᑦ ᐅᖃᐅᓯᒃᓴᖏᑦ
(ᐋᒡᒌᓯ 13, 2025 – ᓅᒃ, ᑲᓛᑦᖡᑦ ᓄᓇᖓ) ᑕᐃᑲᓂ ᐋᒡᒌᓯ 2, 2025, ᒐᕙᒪᒃᑯᖏᑦ ᑲᓛᑦᖡᑦ, ᓄᓇᕗᑦ ᒐᕙᒪᒃᑯᑦ, ᓄᓇᕗᑦ ᑐᙵᕕᒃ ᑎᒥᖓ, ᐊᒻᒪᓗ ᕿᑭᖅᑕᓂ ᐃᓄᐃᑦ ᑲᑐᔾᔨᖃᑎᒌᑦ ᓅᒃᒥ ᑲᑎᒪᓚᐅᖅᑐᑦ ᑎᒥᖑᖅᑎᑕᐅᓪᓗᑎᒃ ᑖᒃᑯᐊ ᑲᓛᑦᖡᑦ ᓄᓇᖓᑕ-ᓄᓇᕗᑦ ᐃᖃᓗᒐᓱᒃᑎᑦ ᑲᑎᒪᔨᕋᓛᑦ, ᑕᐃᒪᓐᓇᐅᔭᕆᐅᑦᑎᐊᖅᑐᑦ ᐃᒻᒪᑲᓪᓚᓂᑦ ᐅᑭᐅᖅᑕᖅᑐᒥ ᐃᖃᓗᒐᓱᒃᑎᓂᒃ ᑯᐊᐳᕆᓴᖃᕆᐅᖅᖢᑎᒃ.
ᓴᖖᒋᒃᑎᒋᐊᕐᓗᒍ ᐅᑭᐅᖅᑕᖅᑐᒥ ᐱᓕᕆᖃᑎᒌᖕᓂᖅ
ᐅᑯᐊ ᑲᑎᒪᔨᕋᓛᑦ ᓴᕿᑦᑎᓚᐅᖅᐳᑦ ᖃᓄᐃᓕᐅᕈᑎᒃᓴᓂᒃ ᑲᔪᓯᓂᐊᕐᒪᑕ ᑐᑭᓯᓇᓱᖃᑎᒌᖃᑦᑕᕐᓗᑎᒃ ᐊᕙᑖᓂᑦ ᑲᓛᑦᖡᑦ ᐊᒻᒪᓗ ᓄᓇᕗᑦ. ᑭᒡᒐᖅᑐᖅᑎᑦ ᑕᒪᐃᓐᓂᑦ ᑎᓴᒪᓂᑦ ᐊᐅᓚᑦᓯᔨᓂᑦ ᑐᓴᖅᑎᑦᑎᓚᐅᖅᑐᑦ ᑕᒪᐃᓐᓂᒃ ᑕᑯᔪᒪᔭᒥᖕᓂᒃ ᐊᑐᓂ ᐃᖃᓗᒐᓱᒃᑎᑦ ᐱᓇᓱᐊᕐᓂᖏᑦ, ᓴᕿᑕᐅᓚᐅᖅᑐᑦ ᑕᒪᕐᒥᒃ ᐱᔭᕐᓂᓐᖏᑦᑐᑦ ᐊᒻᒪᓗ ᐱᕕᖃᖅᑎᑦᑎᔪᑦ ᐃᖃᓗᒐᓱᖕᓂᕐᒥ ᐊᒻᒪᓗ ᐃᖃᓗᒐᓱᖕᓂᕐᒧᑦ ᐊᑑᑎᖃᖅᑐᑦ.
ᐱᔭᕇᖅᑕᐅᑦᑎᐊᓚᐅᖅᑐᑦ
ᒪᓕᒃᑕᐅᒋᐊᓕᑦ ᐱᓕᕆᖃᑎᒌᖕᓂᕐᒧᑦ ᐊᖏᖅᑕᐅᔪᑦ: ᐅᑯᐊ ᑲᑎᒪᔨᕋᓛᑦ …

ᑲᓛᑦᖡᑦ ᓄᓇᖓᓂ ᐊᒻᒪᓗ ᓄᓇᕗᑦ ᐊᑎᓕᐅᖅᑐᑦ ᓄᑖᓯᒃ ᐃᖃᓗᒐᓱᖕᓂᕐᒧᑦ ᑎᑎᕋᖅᓯᒪᔪᑦ ᑐᑭᓯᖃᑎᒌᒍᑎᒥᖕᓂᒃ

(ᔪᓚᐃ 31, 2025 – ᓅᒃ, ᑲᓛᑦᖡᑦ ᓄᓇᖓ) ᒥᓂᔅᑕᖓ ᒧᐅᑦ ᕗᐅᕈᑉ ᐃᐊᔨᑎ, ᑲᓛᑦᖡᑦ ᓄᓇᖓᑕ ᒥᓂᔅᑕᖓ ᑮᓇᐅᔭᓕᕆᓂᕐᒧᑦ ᐊᒻᒪᓗ ᑖᒃᓯᓕᕆᓂᕐᒧᑦ, ᑲᑎᒪᖃᑎᒋᓚᐅᖅᑕᖏᑦ ᒥᓂᔅᑕ ᑕᐃᕕᑎ ᐊᕿᐊᕈᖅ, ᒥᓂᔅᑕᖓ ᓄᓇᓕᖕᓂ ᐱᔨᑦᑎᕋᖅᑎᒃᑯᑦ ᓄᓇᕗᑦ ᒐᕙᒪᒃᑯᓂ (GN), ᐊᒻᒪᓗ ᓄᓇᕗᑦ ᑐᓐᖓᕕᒃ ᑎᒥᖓ ᐊᖓᔪᖅᑳᖓ ᔨᐅᓕᒥ ᑐᓐᕋᓗᒃ, ᐊᒻᒪᓗ ᕿᑭᖅᑕᓂ ᐃᓄᐃᑦ ᑲᑐᔾᔨᖃᑎᒌᑦ, ᐊᖓᔪᖅᑳᖓ ᐅᓚᔪᒃ ᐊᑭᓱᒃ, ᐊᑎᓕᐅᓚᐅᖅᑐᑦ ᑎᑎᕋᖅᓯᒪᔪᑦ ᑐᑭᓯᖃᑎᒌᒍᑎᒥᖕᓂᒃ ᐱᐅᓯᕚᓪᓕᖁᓪᓗᒋᑦ ᑐᑭᓯᓇᓱᖃᑎᒌᖃᑦᑕᕐᓂᖅ ᐃᑲᔪᖅᑎᒌᖕᓂᖅ ᐊᒻᒪᓗ ᐱᓕᕆᖃᑎᒌᖕᓂᖅ ᐊᑐᖅᑕᐅᔪᓐᓇᓄᑦ ᑐᕌᖅᓗᑎᒃ ᓄᖑᑕᐅᕙᓪᓕᐊᓐᖏᓪᓗᑎᒃ ᐃᖃᓗᒐᓱᒡᕕᑦ ᐱᕙᓪᓕᐊᑎᑎᓂᖅ ᓄᓇᕗᒻᒥ ᐊᒻᒪᓗ ᑲᓛᑦᖡᑦ ᓄᓇᖓᓂ.
ᐅᓇ ᑎᑎᕋᖅᓯᒪᔪᑦ ᑐᑭᓯᖃᑎᒌᒍᑎᒥᖕᓂᒃ ᐋᕿᒃᓱᖅᑕᐅᓚᐅᖅᑐᖅ 2022 ᐊᖏᕈᑎᖏᑦ ᐊᕙᑖᓂᑦ ᓄᓇᕗᑦ ᐊᒻᒪᓗ ᑲᓛᑦᖡᑦ ᓄᓇᖓ, ᓴᖕᖏᒃᑎᒋᐊᖁᓪᓗᒋᑦ …

ᓄᓇᕗᑦ ᑐᙵᕕᒃ ᑎᒥᖓ ᑐᓴᖅᑎᑦᑎᕗᑦ ᓵᓚᒃᓴᖅᑐᒥᓂᕐᓂᒃ 2025−ᒥ ᓄᓇᕗᑦ ᐅᓪᓗᖓᓂ ᐊᒧᓯᔪᖃᖅᑐᒥᓂᐅᑎᓪᓗᒍ ᖃᒧᑕᐅᔭᓂᒃ ᐊᒻᒪᓗ ᐱᓲᑎᓂᒃ

(ᔪᓚᐃ 14, 2025 – ᐃᖃᓗᐃᑦ, ᓄᓇᕗᑦ) ᓄᓇᕗᑦ ᑐᙵᕕᒃ ᑎᒥᖓ ᖁᕕᐊᓱᒃᑐᑦ ᑐᓴᖅᑎᑦᑎᔭᕆᐊᒃᓴᖅ ᓵᓚᒃᓴᖅᑐᒥᓂᕐᓂᒃ 2025-ᒥ ᓄᓇᕗᑦ ᐅᓪᓗᖓᓂ ᖃᒧᑕᐅᔭᓂᒃ ᐱᓲᑎᓂᓪᓗ ᐊᒧᓯᔪᖃᖅᑐᒥᓂᐅᑎᓪᓗᒍ.
ᓄᓇᕗᒻᒥᐅᑦ ᐃᓄᖏᑦ ᐊᑎᓕᐅᖅᑕᐅᖃᑕᐅᓯᒪᔪᑦ ᓄᓇᕗᑦ ᐊᖏᕈᑎᖓᓄᑦ ᐊᑎᖏᑦ ᐴᖅᑕᐅᑦᑕᐅᑎᒋᓚᐅᖅᑐᑦ ᓵᓚᒃᓴᕈᓐᓇᖅᑎᑕᐅᓪᓗᑎᑦ ᐊᑕᐅᓯᕐᒥᒃ ᑕᒪᐃᓐᓂ ᒪᕐᕉᓐᓂᒃ ᐱᔾᔪᓯᐊᓐᓂᒃ ᐊᑐᓂ ᓄᓇᓕᐅᔪᒧᑦ, ᔮᒪᕼᐋ ᓴᐃᑦᕕᓐᑐᕐ L-TX-GT ᖃᒧᑕᐅᔭᖅ, ᐅᕝᕙᓘᓐᓃᑦ ᐳᓕᐅᕆᔅ ᔅᐳᐊᑦᒪᓐ 570 ᑐᕋᐃᔪᓪ ᐱᓲᑎᒥᒃ. ᐊᒧᔭᐅᖃᑦᑕᓚᐅᖅᑐᑦ ᐊᑐᖅᑐᑎᑦ ᓂᕈᐊᖅᓯᑎᑦᑎᒍᑎᒥᒃ ᐊᒻᒪᓗ ᓇᓗᓇᐃᖅᑕᐅᓪᓗᑎᑦ ᔪᓚᐃ 9-ᖑᑎᓪᓗᒍ, ᓄᓇᕗᑦ ᐅᓪᓗᖓᓂ. ᐊᒧᓯᖃᑦᑕᕐᓂᕗᑦ ᑮᓇᐅᔭᖃᖅᑎᑕᐅᓚᐅᖅᑐᖅ ᓂᕿᑦᑎᐊᕙᖃᕐᓂᖓ ᐅᑭᐅᖅᑕᖅᑐᖅ ᑲᓇᑕᒥ ᐊᖑᓇᓱᒃᑏᑦ ᐃᑲᔪᖅᑐᖅᑕᐅᔾᔪᑎᖏᑦ ᐊᐃᑦᑑᓯᐊᖅᑎᒍᑦ.
ᓵᓚᒃᓴᖅᑐᑦ ᐊᐱᕆᔭᐅᕗᑦ ᖃᐅᔨᒃᑲᖅᑕᐅᔾᔪᑎᖏᑕ ᑐᑭᓯᒋᐊᕈᑎᖏᑦ ᑐᓂᓗᒋᑦ ᓄᓇᓕᓐᓂ ᑐᓴᐅᒪᑎᑦᑎᔨᓄᑦ, ᖃᐅᔨᒪᑦᑎᐊᕐᓂᐊᕐᒪᑕ ᖃᐅᔨᒃᑲᐃᓗᑎᑦ ᐱᔾᔪᓯᐊᑦ ᐊᐅᓪᓚᖅᑎᑕᐅᔪᓐᓇᖅᓯᑎᓪᓗᒋᑦ. ᖃᒧᑕᐅᔭᐃᑦ ᐊᒻᒪᓗ …

(English) Nunavut Day Goodie Bags – Rankin Inlet

Sorry, this entry is only available in English.

(English) Nunavut Day Celebrations

Sorry, this entry is only available in English.

ᓄᓇᕗᑦ ᑐᙵᕕᒃᑯᑦ ᑎᒥᖓᑦ ᐊᒻᒪ ᓄᓇᕗᑦ ᒐᕙᒪᒃᑯᑦ ᓯᕗᓕᖅᑎᖏᑦ ᐃᓚᓕᐅᔾᔨᕗᑦ ᐊᐅᓚᔪᓐᓇᐅᑎᖏᓐᓂᒃ ᐊᒻᒪ ᐅᑭᐅᖅᑕᖅᑐᒥ ᓇᖕᒥᓂᕆᔭᐅᓂᖓᓂᒃ ᐊᒻᒪ ᓴᐳᔾᔭᐅᓯᒪᓂᖓᓂᒃ ᑲᑐᔾᔨᖃᑎᒌᒡᓗᑎᒃ ᐱᓕᕆᔾᔪᑎᒃᓴᓄᑦ ᐸᕐᓇᒃᑕᐅᔪᓂᒃ

ᓴᖅᑭᑕᐅᑲᐅᑎᒋᔭᕆᐊᓕᒃ
(ᒪᐃ 20, 2025 – ᐃᖃᓗᐃᑦ, ᓄᓇᕗᑦ) ᓄᓇᕗᒻᒥ ᐱᓕᕆᖃᑎᒌᑦ ᑲᑎᒪᔨᕋᓛᖏᑦ (NPC) – ᐅᑯᐊᖑᓪᓗᑎᒃ ᓯᕗᓕᖅᑏᑦ ᑲᑎᒪᔨᖏᑦ ᓄᓇᕗᑦ ᒐᕙᒪᒃᑯᓐᓂ ᐊᒻᒪ ᓄᓇᕗᑦ ᑐᙵᕕᒃᑯᑦ ᑲᑎᒪᔨᖏᓐᓂᒃ. (ᓄᓇᕗᑦ ᑐᙵᕕᒃᑯᑦ) − ᐅᓪᓗᒥ ᐃᖃᓗᖕᓂ ᑲᑎᒪᖅᑲᐅᔪᑦ ᓯᕗᒻᒧᐊᒃᑎᑦᑎᓇᓱᒃᖢᑎᒃ ᑲᑐᔾᔨᓗᑎᒃ ᓯᕗᓪᓕᐅᑎᔪᒪᔭᖏᓐᓂᒃ.
ᑲᑎᒪᑎᓪᓗᒋᑦ, ᑲᑎᒪᔨᕋᓛᑦ ᐊᖏᕈᑎᖃᓚᐅᖅᐳᑦ ᒪᕐᕉᖕᓂᒃ ᓄᑖᓂᒃ ᐱᓕᕆᔾᔪᑎᒃᓴᓄᑦ ᐸᕐᓇᐅᑎᓂᒃ ᖃᓄᖅᑑᕈᑎᒃᓴᓂᒃ ᐱᔾᔪᑎᖃᓪᓗᐊᑕᖅᖢᑎᒃ ᐊᐅᓚᔪᓐᓇᐅᑎᓂᒃ ᐊᒻᒪ ᐅᑭᐅᖅᑕᖅᑐᒥ ᓇᖕᒥᓂᕆᔭᐅᓂᖓᓂᒃ ᐊᒻᒪ ᓴᐳᔾᔭᐅᓯᒪᓂᖓᓂᒃ. ᑲᑎᒪᔨᕋᓛᑦ ᑕᓪᓕᒪᑦ ᐱᓕᕆᔾᔪᑎᒃᓴᓄᑦ ᐸᕐᓇᐅᑎᖏᑦ ᐱᔾᔪᑎᖃᓗᐊᖅᐳᑦ ᓄᑕᖅᑲᓄᑦ ᖃᓄᐃᙱᑦᑎᐊᖅᑎᑦᑎᓂᕐᒧᑦ, ᐃᓐᓇᕐᓄᑦ, ᐃᒡᓗᓕᕆᓂᕐᒧᑦ, ᓄᓇᓕᖕᓂ ᐱᕙᓪᓕᐊᔪᓕᕆᓂᕐᒧᑦ ᐊᒻᒪ ᐱᓕᒻᒪᒃᓴᖅᑎᑦᑎᓂᕐᒧᑦ.
“ᐅᐱᒋᕙᕗᑦ ᓄᓇᕗᑦ ᑐᙵᕕᒃᑯᑦ  ᓯᕗᓕᖅᑎᑖᓵᖓᑦ ᐱᓕᕆᖃᑎᒌᒃᐸᓪᓕᐊᓂᖏᓐᓄᑦ ᓯᕗᒻᒧᐊᒃᑎᑦᑎᓇᓱᒃᖢᑎᒃ ᐅᖃᖃᑎᒌᖕᓂᕐᒥᒃ ᑖᒃᑯᓂᖓ ᐱᒻᒪᕆᐅᔪᓂᒃ ᐱᓕᕆᐊᒃᓴᓂᒃ, ᐊᒃᑐᐃᕙᒃᑐᑦ ᑭᒃᑯᑐᐃᓐᓇᑦᑎᐊᓂᒃ ᓄᓇᑦᑎᓐᓂ,” ᓯᕗᓕᖅᑎ ᐱᔭᐃ …

ᓄᓇᕗᑦ ᑐᙵᕕᒃ ᑎᒥᖓ ᐱᓕᕆᖃᑎᖃᓕᖅᑐᑦ ᓄᓇᕗᑦ ᓯᕗᓂᒃᓴᕗᒃᑯᓐᓂ ᐃᑲᔪᖅᑕᐅᖁᓪᓗᒍ ᐱᓕᕆᐊᖓ ᐃᓄᒻᒪᕇᑦ ᑭᒡᒐᖅᑐᖅᑕᐅᑦᑎᐊᕋᔭᕐᒪᑕ ᐱᔨᑦᑎᕋᖅᑎᐅᒐᔭᖅᑐᓄᑦ ᐃᖅᑲᓇᐃᔭᕐᓗᑎᑦ ᐊᒻᒪᓗ ᐃᖅᑲᓇᐃᔭᖅᑎᑖᕆᔭᐅᕙᓪᓕᐊᖁᓪᓗᒋᑦ ᐃᓄᒻᒪᕇᑦ

ᓴᒃᑯᑕᐅᑲᐅᑎᒋᔭᕆᐊᓕᒃ
(ᒪᐃ 15, 2025 – ᐋᑐᕚ, ᐋᓐᑎᐅᕆᔪ) ᓄᓇᕗᑦ ᑐᙵᕕᒃ ᑎᒥᖓᑕ ᐊᖓᔪᖅᑳᖓ, ᐊᒻᒪᓗ ᒪᑭᒋᐊᖅᑕ ᐃᓄᐃᑦ ᐃᓕᓐᓂᐊᖅᑎᑕᐅᓂᖏᑦ ᑯᐊᐳᕇᓴᓐ ᐃᒃᓯᕙᐅᑕᖓ ᔨᐅᓚᒥ ᑑᕐᖔᓗᒃ, ᖁᕕᐊᓱᒃᑐᖅ ᑐᓴᖅᑎᑦᑎᔭᕆᐊᒃᓴᖅ $2.2 ᒥᓕᐊᓐᓂᒃ ᑮᓇᐅᔭᓂᒃ ᐃᑲᔫᓯᐊᖅᑖᖅᑎᑦᑎᓂᕐᒧᑦ ᐊᖏᖃᑎᖃᓚᐅᖅᑐᖅ ᓄᓇᕗᑦ ᓯᕗᓂᒃᓴᒃᑯᓐᓂᒃ ᐃᑲᔪᖅᑕᐅᖁᓪᓗᒋᑦ ᐃᓄᐃᑦ ᐃᖅᑲᓇᐃᔭᖅᑎᑕᐅᕙᓪᓕᐊᓂᖏᖕᓄᑦ ᐱᓕᕆᐊᖓᓄᑦ ᑎᓴᒪᑦ ᐊᕐᕌᒎᓂᐊᖅᑐᓄᑦ.
ᒫᓐᓇᕈᓗᒃ ᖃᓄᖅᑑᕐᓂᒃᑯᑦ ᐸᕐᓇᐅᑎᓕᐅᖅᑎᓪᓗᒋᑦ, ᓄᓇᕗᑦ ᓯᕗᓂᒃᓴᕗᑦ ᑲᑎᒪᔨᖏᑦ ᓇᓗᓇᐃᖅᓯᓯᒪᔪᑦ ᐱᒻᒪᕆᐊᓗᓐᓂᒃ ᐱᓕᕆᐊᒃᓴᖃᕐᓂᖏᑦ ᖃᐅᔨᒪᓇᑦᑎᐊᖁᓪᓗᒍ ᐊᑯᓂᐅᔪᖅ ᐊᐅᓚᓂᖃᑦᑎᐊᕋᔭᕐᒪᑦ ᐊᑭᑐᓗᐊᙱᑦᑐᓂᓪᓗ ᐊᑐᓗᐊᙱᓯᓐᓇᕐᓗᑎᑦ ᐊᑐᕆᐊᖃᙱᑕᒥᓂᒃ. ᑮᓇᐅᔭᑦ ᒪᑭᒋᐊᖅᑕᒃᑯᓐᓂ ᓄᓇᕗᑦ ᓯᕗᓂᒃᓴᒃᑯᓐᓂ ᐋᖅᑮᒍᓐᓇᖅᓯᓕᕋᔭᖅᑐᑦ ᓄᑖᕐᓂᒃ ᐃᖅᑲᓇᐃᔮᒃᓴᓂᒃ, ᑮᓇᐅᔭᓂᑦ ᐊᑐᕐᓗᑎᑦ ᐊᐅᓚᑦᑎᓂᕐᒧᑦ ᐊᑑᑕᐅᖃᑦᑕᕋᔭᖅᑐᓂᒃ, ᐊᒻᒪᓗ ᓯᕗᓪᓕᐅᔾᔨᓗᑎᑦ ᐃᓕᓴᐃᔨᖃᕐᓗᑎᑦ ᐅᖃᐅᔾᔨᒋᐊᖅᑎᒋᔭᐅᒐᔭᖅᑐᓂᒃ ᐃᖅᑲᓇᐃᔭᖅᑎᕆᔭᕇᖅᑕᖏᖕᓄᑦ.
“ᑖᒃᑯᐊ ᑮᓇᐅᔭᑦ ᐱᕐᔪᐊᕌᓗᒻᒥᒃ ᓯᕗᒧᐊᓐᓂᖃᕐᓂᖓᓂᒃ ᓄᓇᕗᑦ ᓯᕗᓂᒃᓴᕗᑦ ᓇᓗᓇᐃᒃᑯᑕᓪᓚᕆᐅᕗᖅ,” ᐅᖃᖅᑐᓂ …

ᓄᓇᕗᑦ ᑐᙵᕕᒃ ᑎᒥᖓ ᓴᖅᑮᕗᖅ ᑐᒃᓯᕋᐅᑎᓕᐅᖁᔨᔾᔪᑎᓂᒃ ᐅᖃᐅᓯᕐᖓᖅ ᑮᓇᐅᔭᖃᕐᕕᖓᓂᒃ ᐊᑐᕈᒪᒐᔭᖅᑐᑦ ᐃᑲᔪᖅᑐᖅᑕᐅᖁᓪᓗᒍ ᐃᓄᒃᑐᑦ ᐊᑐᖅᑕᐅᒃᑲᓐᓂᕆᐊᒻᒪᕆᓕᖅᑕᐅᓇᓱᓐᓂᖓ

ᓴᒃᑯᑕᐅᑲᐅᑎᒋᔭᕆᐊᓕᒃ
(ᒪᐃ 7, 2025 – ᐃᖃᓗᐃᑦ, ᓄᓇᕗᑦ) ᓄᓇᕗᑦ ᑐᙵᕕᒃ ᑎᒥᖓᑕ ᐊᖓᔪᖅᑳᖓ ᔨᐅᓚᒥ ᑑᕐᖔᓗᒃ ᖁᕕᐊᓱᒃᑐᖅ ᑐᓴᖅᑎᑦᑎᔭᕆᐊᒃᓴᖅ 2025-2026-ᒥ ᐅᖃᐅᓯᕐᖓᖅ ᑮᓇᐅᔭᓄᑦ ᑐᒃᓯᕋᐅᑎᓕᐅᖁᔨᔾᔪᑎᓕᐅᕈᓐᓇᖅᓯᒻᒪᑕ ᐃᓄᐃᑦ, ᐃᓄᖕᓄᑦ ᓯᕗᒃᑲᖅᑖᖑᔪᖅ ᐱᓕᕆᐊᖅ ᑮᓇᐅᔭᖃᖅᑎᑕᐅᔪᑦ ᑲᓇᑕᒥ ᒐᕙᒪᒃᑯᓐᓄᑦ ᐃᑲᔪᖅᑐᖅᑕᐅᖁᓪᓗᒋᑦ ᓴᐳᒻᒥᐅᓯᖅᑕᐅᓂᖓᓄᑦ, ᑕᓱᖅᑕᐅᓂᖓᓄᑦ, ᐊᑐᖅᑕᐅᒃᑲᓐᓂᓕᒻᒪᕆᒃᑎᑕᐅᓇᓱᐊᕐᓂᕐᒧᑦ, ᐊᒻᒪᓗ ᓱᕐᕋᕐᔭᐃᖅᓯᒪᓂᖓᓄᑦ ᐃᓄᒃᑐᑦ ᓄᓇᕗᓕᒫᕐᒥ ᐅᖓᑖᓄᓪᓗ.
“ᓯᕗᓪᓕᐅᔾᔭᐅᓗᐊᒻᒪᕆᒐᓱᒃᑐᖅ ᐃᓄᖕᓂᒃ ᒪᑭᑉᐸᓪᓕᐊᑎᑦᑎᓂᖅ 2025-2029, ᓄᓇᕗᑦ ᑐᙵᕕᒃ ᑎᒥᖓᑕ ᑎᓴᒪᓄᑦ ᐊᕐᕌᒍᓄᑦ ᖃᓄᖅᑑᕈᑎ ᓯᕗᓪᓕᐅᔾᔭᐅᖁᔭᖅ, ᐃᓄᒃᑑᖏᓪᓐᓇᕐᓗ;ᑎᑦ − ᖃᐅᔨᒪᑦᑎᐊᑎᑦᑎᔪᖅ ᐃᓄᒃᑐᑦ ᐊᑐᖅᑕᐅᑦᑎᐊᖏᓐᓇᖅᑐᑯᓘᒐᒥᒃ ᓄᓇᕗᒻᒥᐅᓄᑦ ᐃᓄᖕᓄᑦ,” ᐅᖃᖅᑐᓂ ᐊᖓᔪᖅᑳᖅ ᑑᕐᖔᓗᒃ. “ᐊᒻᒪᓗ ᐅᖃᐅᓯᓕᕆᓂᕐᒧᑦ ᑮᓇᐅᔭᓂᒃ ᐊᑐᕆᐊᓯᒍᓐᓇᕐᓗᓂ ᐃᑲᔪᕐᓂᐊᕐᒪᑦ ᐅᕙᑦᑎᓐᓂᒃ ᑎᑭᓪᓗᒍ ᑕᒪᓐᓇ ᑐᕌᒐᕆᔭᐅᔪᖅ”.
ᑐᒃᓯᕋᐅᑏᑦ ᑕᑯᒃᓴᐅᑎᑦᑎᔭᕆᐊᓖᑦ ᖃᓄᖅ ᖃᓄᐃᓕᐅᕈᑕᐅᒐᔭᖅᑐᑦ ᐱᔨᑦᑎᕋᕋᔭᕐᒪᖔᕐᒥᒃ ᐊᒥᓲᓂᖅᓴᖏᖕᓄᑦ ᓄᓇᕗᒻᒥ ᐃᓄᒻᒪᕆᖏᑦ …

ᐃᓄᖕᓄᒃ ᑭᒃᑯᑐᐃᓐᓇᕐᓄᑦ ᑐᓴᕋᒃᓴᑦ: ᖃᓄᐃᑉᐱᑕ? ᓄᓇᓕᒻᒥᐅᑦ ᓂᕆᕕᔾᔪᐊᖅᑎᑕᐅᓂᖏᑦ

ᓴᒃᑯᑕᐅᑲᐅᑎᒋᔭᕆᐊᓕᒃ
ᒪᐃ 1, 2025, 2025
ᓇᓪᓕᐅᓂᖅᓯᐅᕈᑎᒋᓗᒋᑦ ᐱᔭᕇᖅᑕᐅᓂᖏᑦ ᑐᑭᓯᒋᐊᕈᑎᓂᑦ ᓄᐊᑦᑎᓂᖅ ᖃᓄᐃᑉᐱᑕ? ᑲᓇᑕᒥ ᐃᓄᐃᑦ ᖃᓄᐃᓐᓂᖏᓐᓄᑦ ᖃᐅᔨᓵᕐᒥᒃ, ᐃᓚᐅᕝᕕᒋᓛᖅᑲᑎᑦ ᓄᓇᕗᑦ ᑐᙵᕕᒃ ᑎᒥᖓ ᐊᒻᒪᓗ ᖃᓄᐃᑉᐱᑕ? ᐃᖅᑲᓇᐃᔭᖅᑎᖏᑦ ᓄᓇᓕᓐᓂ ᓂᕆᕕᔾᔪᐊᖅᑎᑦᑎᓂᖃᖅᑎᓪᓗᒋᑦ ᓇᓪᓕᐅᓂᖅᓯᐅᕐᓂᖏᓪᓗ ᐃᖃᓗᓐᓂ, ᓄᓇᕗᑦ.
ᑕᒪᓐᓇ ᓇᓪᓕᐅᓂᖅᓯᐅᕐᓂᕆᔭᐅᔪᖅ ᓂᕆᕕᔾᔪᐊᖅᑎᑦᑎᓛᖅᑐᑦ ᐱᔾᔪᓯᐊᖃᑦᑕᕐᓗᓂᓗ, ᓂᔾᔭᐅᓯᔭᖅᑐᖃᕐᓗᓂ ᐊᒻᒪᓗ ᖁᔭᓐᓇᒦᖅᑕᐃᓐᓇᐅᓗᑎᑦ ᑕᐃᒃᑯᐊ ᐃᓚᐅᖃᑕᐅᓚᐅᖅᑐᑦ ᑲᔪᓯᓂᖃᑦᑎᐊᕐᓂᑯᒥᓂᖓᓂᒃ ᖃᓄᐃᑉᐱᑕ? ᖃᐅᔨᓵᕐᒥᒃ.
ᑭᓱ: ᓄᓇᓕᒻᒥᐅᑦ ᓂᕆᕕᔾᔪᐊᖅᑎᑕᐅᓂᖏᑦ ᐊᒻᒪᓗ ᓇᓪᓕᐅᓂᖅᓯᐅᕐᓂᖏᑦ
ᑭᒃᑯᑦ: ᓄᓇᕗᑦ ᑐᙵᕕᒃ ᑎᒥᖓ ᐊᒻᒪᓗ ᖃᓄᐃᑉᐱᑕ? ᐃᖅᑲᓇᐃᔭᖅᑎᖏᑦ
ᖃᖓ: ᓇᒡᒐᔾᔭᐅ, ᒪᐃ 6, 2025 ᐅᕙᙵᑦ 6:00 – 9:00 ᐅᓐᓄᒃᑯᑦ
ᓇᒥ: ᐃᓄᒃᓱᒃ ᐃᓕᓐᓂᐊᕐᕕᐊᓘᑉ ᐱᙳᐊᕐᕕᖓᓂ, ᐃᖃᓗᐃᑦ, ᓄᓇᕗᑦ
ᐱᕙᓪᓕᐊᔪᓕᕆᔨᒃᑯᑦ ᖃᐅᔨᒋᐊᕈᓐᓇᖅᑐᑦ:
ᐃᕙᓗᐊᕐᔪᒃ ᒥᐅᕆᑦ
ᑐᑭᒧᐊᑦᑎᑦᑎᔨ ᑐᓴᐅᒪᔪᓕᕆᔨᒃᑯᓐᓄᑦ
ᓄᓇᕗᑦ ᑐᙵᕕᒃ ᑎᒥᖓ

Download (PDF, Unknown)

ᖃᓄᐃᑉᐱᑕ? ᑲᓇᑕᒥ ᐃᓄᐃᑦ ᖃᓄᐃᑦᑕᐃᓕᓂᖏᓐᓄᑦ ᖃᐅᔨᓵᖅ ᑐᑭᓯᒋᐊᕈᑎᓂᑦ ᓄᐊᑦᑎᓂᖅ ᐱᔭᕇᖅᑐᖅ ᓇᓪᓕᐅᓂᖅᓯᐅᕈᑎᖃᓛᖅᑐᑎᑦ

ᓴᒃᑯᑕᐅᑲᐅᑎᒋᔭᕆᐊᓕᒃ
(ᒪᐃ 1, 2025 – ᐃᖃᓗᐃᑦ, ᓄᓇᕗᑦ) ᓄᓇᕗᑦ ᑐᙵᕕᒃ ᑎᒥᖓᑕ ᐊᖓᔪᖅᑳᖓ ᔨᐅᓚᒥ ᑑᕐᖔᓗᒃ ᖁᕕᐊᓱᑦᑐᖅ ᑲᑐᔾᔨᔭᕆᐊᒃᓴᖅ ᑐᑭᓯᒋᐊᕈᑏᑦ ᓄᐊᑕᐅᕙᓪᓕᐊᓂᖏᑦ ᖃᓄᐃᑉᐱᑕ? ᑲᓇᑕᒥ ᐃᓄᐃᑦ ᖃᓄᐃᑦᑕᐃᓕᓂᖏᓐᓄᑦ ᖃᐅᔨᓵᖅ ᐱᔭᕇᖅᓯᒪᓕᕐᒪᑕ.
ᖃᓄᐃᑉᐱᑕ? ᐋᖅᑭᒃᑕᐅᓚᐅᖅᓯᒪᔪᖅ ᐃᓄᒻᒪᕆᖕᓄᑦ. ᐃᒻᒪᖄ 3,600 ᖃᐅᔨᓵᑦ ᐊᐱᖅᑯᑏᑦ ᐱᔭᕇᖅᑕᐅᓚᐅᖅᑐᑎᑦ ᓄᓇᕗᓕᒫᕐᒥ, ᑐᑭᓯᒋᐊᕈᑏᑦ ᓄᐊᑕᐅᓯᒪᔪᑦ ᐱᒻᒪᕆᐅᓂᐊᖅᑐᑦ ᑐᑭᓯᐅᒪᓕᕐᓗᒋᑦ ᐋᓐᓂᐊᖅᑕᐃᓕᒪᓂᕗᑦ, ᓴᙱᓂᕗᑦ ᐊᒻᒪᓗ ᖃᓄᐃᑦᑐᑦ ᑲᒪᒋᔭᐅᔭᕆᐊᖃᕐᒪᖔᑕ ᐅᔾᔨᖅᓲᑕᐅᓗᑎᓪᓗ ᓄᓇᓕᑦᑎᓐᓄᑦ. ᑐᑭᓯᒋᐊᕈᑏᑦ ᐃᑲᔪᕐᓂᖃᕐᓂᐊᕐᒥᔪᑦ ᑐᑭᒧᐊᑦᑎᑦᑎᓗᑎᑦ ᐊᓯᔾᔨᕐᓂᐅᔭᕆᐊᓕᓐᓂᒃ ᐱᔨᑦᑎᕋᕈᑎᓂᑦ, ᐊᑐᐊᒐᕐᓂᒃ, ᐊᒻᒪᓗ ᐃᑲᔪᖅᑐᐃᔾᔪᑎᓂᒃ ᐃᓄᒻᒪᕇᑦ ᐋᓐᓂᐊᖅᑕᐃᓕᒪᓂᖏᖕᓄᑦ ᐊᒻᒪᓗ ᖃᓄᐃᑦᑕᐃᓕᒪᓂᖏᖕᓄᑦ.
ᓴᖅᑭᖅᓯᒪᓂᖏᑦ ᖃᐅᔨᓵᑦ ᑲᑐᔾᔭᐅᒐᔭᖅᑐᑦ ᑐᑭᖃᕐᓗᑎᑦ ᓄᓇᓕᑦᑎᓐᓄᑦ − ᐅᖃᐅᓯᖏᑦ ᑐᑭᓯᔭᒃᓴᐅᑦᑎᐊᖅᑐᑯᓘᓗᑎᑦ, ᖃᕋᓴᐅᔭᒃᑯᑦ ᑕᑯᓂᐊᕋᒃᓴᐅᓗᑎᑦ, ᐊᒻᒪᓗ ᐊᑐᐃᓐᓇᐅᒪᓗᑎᑦ ᑕᒪᐃᓐᓄᑦ ᐃᓄᖕᒪᕆᓐᓄᑦ. ᓂᐱᕗᑦ ᐊᑑᑎᖃᕐᒪᑕ, ᐊᒻᒪᓗ ᖃᐅᔨᒪᓂᕗᑦ …

ᑐᓴᕋᑦᓴᑦ: ᑐᙵᕕᒃᑯᑦ ᖁᕕᐊᓲᑎᖃᖅᑐᑦ ᑲᓇᑕᒥ ᓯᕗᓕᖅᑎᕐᔪᐊᖓᓂᒃ ᒫᒃ ᑳᕐᓂ

ᓴᒃᑯᑕᐅᑲᐅᑎᒋᔭᕆᐊᓕᒃ
(ᐄᐳᕈᓪ 29, 2025 – ᐃᖃᓗᐃᑦ, ᓄᓇᕗᑦ) ᓄᓇᕗᑦ ᑐᙵᕕᒃᑯᑦ ᐊᖓᔪᖅᑳᖅ ᔨᐅᕆᒥ ᑑᕐᙶᓗᒃ ᖁᕕᐊᓲᑎᖃᖅᑐᑦ ᑲᓇᑕᒥ ᓯᕗᓕᖅᑎᕐᔪᐊᖓᓂᒃ, ᐊᖓᔪᖅᑳᖅ ᒫᒃ ᑳᕐᓂ ᓵᓚᒃᓴᓚᐅᖅᑎᓪᓗᒍ ᓂᕈᐊᖅᑕᐅᓪᓗᓂ.
ᓄᓇᕗᑦ ᑐᙵᕕᒃ ᑎᒥᖓ ᓂᕆᐅᑦᑎᐊᖅᑐᑦ ᐃᖅᑲᓇᐃᔭᖃᑎᖃᕆᐊᒃᓴᖅ ᒐᕙᒪᕆᔭᕐᓂᒃ ᐊᒻᒪᓗ ᓄᓇᕗᑉ ᒪᓕᒐᓕᐅᕐᕕᕐᔪᐊᕐᒧᑦ ᒪᓕᒐᓕᐅᖅᑎᕐᔪᐊᕈᖅᑐᒥᒃ ᐊᑐᓕᖅᑎᑕᐅᖁᓪᓗᒍ ᓄᓇᕗᑦ ᓄᓇᑖᕐᓂᕐᒧᑦ ᐊᖏᕈᑎᖓᓂᒃ, ᐊᒻᒪᓗ ᓯᕗᒧᐊᑦᑎᑕᐅᖁᓪᓗᒍ ᓄᓇᕗᑦ ᑐᙵᕕᒃ ᑎᒥᖓᑕ ᑎᓴᒪᓄᑦ ᐊᕐᕌᒍᓄᑦ ᐊᑯᓂᐅᑎᒋᔪᖅ ᓯᕗᓪᓕᐅᑎᖁᓯᒪᔭᖏᑦ ᐃᓄᖕᓂᒃ ᒪᑭᑉᐸᓪᓕᐊᑎᑦᑎᓂᖅ 2024-2029.
ᐃᓄᐃᑦ ᓇᒻᒥᓂᖅᓱᕈᓐᓇᕐᓂᖏᑦ ᐃᓱᒪᓕᐅᖃᑦᑕᕐᓗᑎᑦ ᓇᖕᒥᓂᖅ ᑐᑦᑕᕐᕕᐅᕗᖅ ᓯᕗᓂᒃᓴᖓᑕ ᓄᓇᕗᑉ ᐊᒻᒪᓗ ᑲᓇᑕ ᓄᓇᓕᕐᔪᐊᖃᕐᓂᕋᕐᓂᖓᓄᑦ ᐊᒻᒪᓗ ᐊᑦᑕᕐᓇᕐᔭᐃᖅᓯᒪᓂᖓᓄᑦ ᐅᑭᐅᖅᑕᖅᑐᒥ. ᓄᓇᕗᑦ ᑐᙵᕕᒃ ᑎᒥᖓ ᐊᒻᒪᓗ ᓄᓇᕗᑦ ᒐᕙᒪᖏᑦ ᓇᓗᓇᐃᔭᐃᓯᒪᕗᑦ ᑲᑐᔾᔨᓂᑦᑎᓐᓂᒃ ᐅᖃᐅᓯᒃᓴᑦ ᐅᑭᐅᖅᑕᖅᑐᖅ ᐊᑦᑕᕐᓇᕐᔭᐃᖅᑎᑕᐅᓂᖓᓄᑦ ᓇᒻᒥᓂᖁᑎᒋᔭᐅᓂᕋᕐᓗᓂ, ᑲᓇᑕᑉ ᐅᑭᐅᖅᑕᖅᑐᖓ …

ᐃᓄᒃᑐᑦ ᐃᓕᓐᓂᐊᖅᑎᑦᑎᓂᕐᒧᑦ ᖃᓄᖅᑑᕈᑎᓕᐅᖅᑐᓄᑦ ᑮᓇᐅᔭᑦ: ᐃᓄᐃᑦ ᐅᖃᐅᓯᖓ ᐊᒻᒪᓗ ᐃᓕᖅᑯᓯᖓ ᐃᓕᓐᓂᐊᖅᑎᑕᐅᓂᖓᓄᑦ ᐱᐅᓯᕚᓪᓕᖅᑎᑦᑎᒍᑎ

ᓴᒃᑯᑕᐅᑲᐅᑎᒋᔭᕆᐊᓕᒃ
(ᐄᐳᕈᓪ 24, 2025 – ᐃᖃᓗᐃᑦ, ᓄᓇᕗᑦ) ᓄᓇᕗᑦ ᑐᙵᕕᒃ ᑎᒥᖓ ᖁᕕᐊᓱᒃᑐᑦ ᑐᓴᖅᑎᑦᑎᔭᕆᐊᒃᓴᖅ ᑐᒃᓯᕋᐅᑎᓕᐅᖁᔨᔾᔪᑎᒥᓂᒃ ᐃᓄᒃᑐᑦ ᐃᓕᓐᓂᐊᖅᑎᑦᑎᓂᕐᒧᑦ ᖃᓄᖅᑑᕈᑎ ᑮᓇᐅᔭᖃᕐᕕᖃᓕᕐᒪᑕ, ᐱᓕᕆᐊᖅ ᐋᖅᑭᒃᓱᖅᑕᐅᓯᒪᔪᖅ ᓯᕗᒧᐊᑦᑎᑕᐅᖁᓪᓗᒍ ᐃᓄᐃᑦ ᐅᖃᐅᓯᖓ ᐊᒻᒪᓗ ᐃᓕᖅᑯᓯᖓ ᐃᓕᓐᓂᐊᖅᑎᑕᐅᓂᖓᓂᒃ ᓄᓇᕗᑦ ᐃᓕᓐᓂᐊᕐᓂᓕᕆᓂᖓᓂᒃ. ᑖᒃᑯᐊ ᑮᓇᐅᔭᑦ ᐱᒻᒪᕆᐅᔪᓂᒃ ᐱᕕᖃᖅᑎᑦᑎᔪᑦ ᐃᓄᓐᓂᒃ ᖃᓄᖅᑑᓕᖅᑎᑕᐅᖁᓪᓗᒋᑦ ᐊᒻᒪᓗ ᐱᕈᖅᐸᓪᓕᐊᖁᓪᓗᒋᑦ ᐊᐅᓚᑕᐅᓂᖓᓂᒃ ᐃᓕᓐᓂᐊᕐᓂᓕᕆᓂᑉ ᐃᓄᒃᑑᕐᓗᑎᑦ.
ᑮᓇᐅᔭᑦ ᐃᑲᔪᖅᑐᐃᓂᖃᕈᑕᐅᓇᓱᐊᖅᑐᖅ ᖃᐅᔨᓴᕐᓗᑎᑦ ᖃᓄᖅᑑᖅᓯᒪᔪᓂᒃ ᐃᓕᓐᓂᐊᖅᑎᑦᑎᒍᓯᕐᓂᒃ, ᐃᓕᓐᓂᐊᕈᑎᒃᓴᓂᒃ ᐋᖅᑭᒃᓱᐃᔪᖃᕐᓗᓂ, ᐊᒻᒪᓗ ᐱᐅᓛᕐᓂᒃ ᐊᑐᖅᑕᐅᕙᑦᑐᓂᒃ ᐃᓕᓐᓂᐊᖅᑎᑦᑎᓗᑎᑦ ᐃᓄᐃᑦ ᐅᖃᐅᓯᖓᓂᒃ ᐊᑐᕐᓗᑎᑦ ᐊᒻᒪᓗ ᐃᓕᖅᑯᓯᖓᓂᒃ, ᐱᖃᓯᐅᑎᓗᒋᑦ ᓯᕗᒧᐊᑦᑎᑕᐅᓂᖏᑦ ᐱᒻᒪᕆᐅᔪᑦ ᐃᑲᔫᑎᒃᓴᑦ, ᐃᓕᓴᐃᔩᑦ ᐃᓕᓐᓂᐊᖅᑎᑦᑎᒍᑎᖃᖅᑎᑕᐅᓗᑎᑦ, ᐃᓕᓐᓂᐊᕈᑎᒃᓴᓕᐅᕐᓗᑎᑦ ᐊᒻᒪᓗ ᐱᓕᕆᖃᑎᒌᒍᓐᓇᕐᓗᑎᑦ ᐃᑲᔪᖅᑐᖅᑕᐅᖁᓪᓗᒋᑦ ᐃᓄᐃᑦ ᐃᓕᓴᐃᔨᖏᑦ.
“ᑖᒃᑯᐊ ᑮᓇᐅᔭᑦ ᑭᒡᒐᖅᑐᐃᔪᑦ ᐱᓕᕆᐊᖃᐃᓐᓇᕐᓂᐊᕐᓂᕋᕐᓂᑦᑎᓐᓂᒃ ᖃᐅᔨᒪᑦᑎᐊᖅᑎᑦᑎᓗᑕ ᓯᕗᓂᒃᓴᒥ ᑭᖑᕚᕗᑦ …

ᓄᓇᕗᑦ ᑐᙵᕕᒃ ᑎᒥᖓ ᓴᖅᑮᕗᖅ ᑎᓴᒪᖓᓐᓂᒃ ᐃᓄᒃᑑᖅᑕ! ᐃᓄᒃᑐᑦ ᑎᑎᕋᕐᓂᕐᒧᑦ ᐱᔾᔪᓯᐊᕐᒥᒃ

ᓴᒃᑯᑕᐅᑲᐅᑎᒋᔭᕆᐊᓕᒃ
(ᐄᐳᕈᓪ 3, 2025 – ᐃᖃᓗᐃᑦ, ᓄᓇᕗᑦ) ᓄᓇᕗᑦ ᑐᙵᕕᒃ ᑎᒥᖓᑕ ᐊᖓᔪᖅᑳᖓ, ᐊᒻᒪᓗ ᐃᒃᓯᕙᐅᑕᖓ ᓄᓇᕗᑦ ᑐᙵᕕᒃ ᐃᑲᔫᑎᒃᓴᓕᕆᔨᒃᑯᑦ ᔨᐅᓚᒥ ᑑᕐᖔᓗᒃ ᖁᕕᐊᓱᑉᐳᖅ ᓴᖅᑮᑎᑦᑎᔭᕆᐊᒃᓴᖅ ᑎᓴᒪᖓᓐᓂᒃ ᐃᓄᒃᑑᖅᑕ! ᐃᓄᒃᑐᑦ ᑎᑎᕋᕐᓂᕐᒧᑦ ᐱᔾᔪᓯᐊᕆᔭᐅᕙᑦᑐᒥᒃ. ᐃᓄᒃᑑᖅᑕ! ᐱᔾᔪᓯᐊᖅᑎᑦᑎᒐᔭᖅᑐᑦ ᐊᑕᐅᓯᕐᒥᒃ ᓄᓇᕗᒻᒥᐅᑕᕐᒥᒃ ᐃᓄᒻᒪᕆᒻᒥᒃ ᑎᑎᕋᕐᓗᓂ ᐱᔾᔪᓯᐊᖅᑖᖅᑎᑕᐅᓗᓂ ᐊᖏᓛᕐᒥᒃ $80,000-ᓂᒃ ᐊᒻᒪᓗ ᐃᑲᔪᖅᑑᑎᖃᖅᑎᑕᐅᓗᓂ ᐱᔭᕇᖅᓯᖁᓪᓗᒍ ᑕᒪᐃᓐᓂ ᐅᖃᓕᒫᒐᕐᒥᒃ ᐃᓄᒃᑑᖓᔪᒥᒃ ᐅᕝᕙᓘᓐᓃᑦ ᐃᓄᐃᓐᓇᖅᑐᓐ. ᐊᔾᔨᐸᓗᒋᓪᓗᓂᐅᒃ ᐊᕐᕌᒎᓚᐅᖅᑐᓂᒃ, ᑎᓴᒪᒃᑲᓐᓃᑦ ᐱᔾᔪᓯᐊᖅᑖᕈᓐᓇᕐᓂᐊᕐᒥᔪᑦ. ᓄᓇᕗᑦ ᑐᙵᕕᒃ ᐃᑲᔫᑎᒃᓴᓕᕆᔨᒃᑯᑦ ᐃᖅᑲᓇᐃᔭᖃᑎᖃᕋᔭᖅᑐᑦ ᓵᓚᒃᓴᖅᑐᓂᒃ ᐅᖃᓕᒫᒐᕐᓂᒃ ᑎᑎᕋᖅᑎᓂᒃ ᐱᔭᕇᖅᓯᖁᓪᓗᒋᑦ ᐊᒻᒪᓗ ᑎᑎᕋᕐᓗᑎᑦ ᐃᖅᑲᓇᐃᔮᕐᒥᓂᒃ.
“ᑲᔪᖏᖅᓴᖅᐸᒃᑲ ᑕᒪᐃᓐᓂ ᓄᓇᕗᒻᒥ ᐃᓄᒻᒪᕆᖏᑦ ᐱᓕᕆᐊᖃᒐᓛᒍᒪᒐᓗᐊᕈᑎᑦ ᑐᓂᓯᓗᑎᑦ ᐃᓱᒪᒋᔭᕐᒥᓂᒃ.” ᐅᖃᖅᑐᓂ ᓄᓇᕗᑦ ᑐᙵᕕᒃ ᑎᒥᖓᑕ ᐊᖓᔪᖅᑳᖓ ᑑᕐᖔᓗᒃ. “ᑕᒪᓐᓇ ᐱᐅᔪᒻᒪᕆᑯᓗᒃ …

ᐱᓕᕆᖃᑎᖃᕐᓂᖅ ᐳᕙᒡᓗᖕᓇᖅᑐᖃᙱᓪᓗᓂ ᓄᓇᕗᒻᒥ ᓄᓇᕐᔪᐊᒥ ᐳᕙᒃᓗᖕᓇᐅᑉ ᐅᓪᓗᖓᓂ

ᓴᖅᑭᑕᐅᑲᐅᑎᒋᔭᕆᐊᓕᒃ
(ᒫᑦᓯ 24, 2025 – ᐃᖃᓗᐃᑦ, ᓄᓇᕗᑦ) ᐅᓪᓗᒥ, ᓄᓇᕗᑦ ᒐᕙᒪᖓᓂ ᒥᓂᔅᑕ ᐋᓐᓂᐊᖃᕐᓇᙱᑦᑐᓕᕆᔨᒃᑯᓐᓄᑦ ᔮᓐ ᒪᐃᓐ ᐊᒻᒪ ᓄᓇᕗᑦ ᑐᙵᕕᒃᑯᑦ (ᓄᓇᕗᑦ ᑐᙵᕕᒃᑯᑦ) ᐊᖓᔪᖅᑳᖅ ᔨᐅᕆᒥ ᑑᕐᖔᓗᒃ ᓇᓗᓇᐃᖅᓯᒃᑲᓐᓂᓚᐅᖅᐳᖅ ᐱᓕᕆᐊᖃᓪᓚᕆᒍᒪᓂᕐᒥᓂᒃ ᐱᑕᖃᕈᓐᓃᖅᑎᑦᑎᔪᒪᓂᕐᒥᒃ ᐳᕙᒡᓗᖕᓂᕐᒥᑦ (TB−ᒥᒃ) ᓄᓇᕗᒻᒥ. ᓄᓇᕐᔪᐊᕐᒥ ᐳᕙᒡᓗᖕᓇᐅᑉ ᐅᓪᓗᖓᓂ, ᐃᓕᑕᖅᓯᐅᒪᖕᒪᑕ ᐱᓕᕆᖃᑎᒌᒍᑕᐅᖏᓐᓇᖅᑐᓂᒃ ᓄᖅᑲᖅᑎᑦᑎᓇᓱᒃᖢᑎᒃ ᐳᕙᒡᓗᒃᑐᓂᒃ, ᐳᕙᒡᓗᒃᑐᑦ ᒥᒃᖠᒋᐊᖅᑎᓪᓗᒋᑦ ᑲᑉᐱᐊᓱᒃᑐᑦ ᐊᒻᒪ ᑲᙳᓱᒍᑕᐅᓲᑦ, ᐱᐅᓯᒋᐊᖅᑕᐅᓗᑎᒡᓗ ᐋᓐᓂᐊᖃᕐᓇᙱᑦᑐᓕᕆᓂᕐᒧᑦ ᓴᖅᑭᓲᑦ ᐃᓄᖕᓄᑦ ᐊᒻᒪ ᓄᓇᓕᖕᓄᑦ ᐳᕙᒡᓗᒃᑐᓄᑦ ᓄᓇᕘᓕᒫᒥ.
ᑕᒪᑐᒪᓂ ᐊᕐᕌᒍᒥ ᓄᓇᕐᔪᐊᕐᒥ ᐳᕙᒡᓗᖕᓇᐅᑉ ᐅᓪᓗᖓᓂ ᐱᓕᕆᐊᖑᓂᐊᖅᑐᖅ “ᐄ! ᓄᖅᑲᕐᑎᑦᑐᓐᓇᕐᑕᕗᑦ ᐳᕙᒡᓗᖕᓂᖅ: ᐊᖏᖅᓯᒪᓂᖅ, ᐱᕈᕐᑎᔾ;ᒍ, ᐱᓕᕆᐊᕆᓗᒍ”. ᑕᒪᓐᓇ ᓴᙱᑦᑎᒋᐊᕈᑕᐅᕗᖅ ᐱᒻᒪᕆᐅᓂᖓᓂᒃ ᓄᓇᕗᑦ ᐊᖏᖅᓯᒪᓂᖓᓂᒃ, ᑐᕌᖅᑕᐅᓇᓱᐊᖅᑐᓂᒃ ᑮᓇᐅᔭᓕᐅᕈᑕᐅᓇᓱᐊᖅᑐᓂᒃ, ᐊᒻᒪᓗ ᖃᓄᐃᓕᒋᐊᕈᑎᖃᕐᓂᕐᒧᑦ ᖃᓄᖅᑑᕈᑎᓂᒃ.
ᓇᓗᓇᐃᕐᓗᒍ ᐅᓪᓗᖅ, ᓄᓇᕗᑦ …

ᓄᓇᕗᑦ ᑐᙵᕕᒃ ᑎᒥᖓᑕ ᑲᑎᒪᔨᖏᑦ ᑮᓇᐅᔭᖃᖅᑎᑦᑎᓂᐊᖅᑐᑦ ᐳᕙᒡᓗᒃᑐᖃᕈᓐᓃᖅᑎᑦᑎᓇᓱᐊᖅᑐᓂᒃ, ᐊᖑᓇᓱᒃᑏᑦ ᐃᑲᔪᖅᑐᖅᑕᐅᓂᖏᖕᓄᑦ ᐱᓕᕆᐊᕐᒥᒃ ᐊᒻᒪᓗ ᐊᑯᓂᐅᔪᒧᑦ ᑮᓇᐅᔭᖃᖅᑎᑕᐅᖁᔨᓪᓗᑎᑦ ᐃᓄᐃᑦ ᓄᑕᖅᑲᑦ ᓯᕗᓪᓕᐅᑎᑕᐅᓂᖏᖕᓄᑦ ᐱᓕᕆᐊᕐᒥᒃ

ᓴᒃᑯᑕᐅᑲᐅᑎᒋᔭᕆᐊᓕᒃ
(ᒫᑦᓯ 21, 2025 – ᐃᖃᓗᐃᑦ, ᓄᓇᕗᑦ) ᓄᓇᕗᑦ ᑐᙵᕕᒃ ᑎᒥᖓᑕ ᑲᑎᒪᔨᖏᑦ ᑲᑎᒪᓚᐅᖅᑐᑦ ᑕᒫᓂ ᐱᓇᓱᐊᕈᓯᕐᒥᒃ ᐊᒻᒪᓗ ᑮᓇᐅᔭᓂᒃ ᐊᑐᕐᓂᐊᕐᓂᕋᖅᑐᑎᑦ ᐳᕙᒡᓗᒃᑐᖃᕈᓐᓃᖅᑎᑦᑎᓇᓱᐊᖅᑐᓄᑦ, ᐊᑯᓂᐅᔪᒧᑦ ᑮᓇᐅᔭᖃᖅᑎᑕᐅᖁᔨᓪᓗᑎᑦ ᐃᓄᐃᑦ ᓄᑕᖅᑲᑦ ᓯᕗᓪᓕᐅᑎᑕᐅᓂᖏᖕᓄᑦ ᐱᓕᕆᐊᕐᒥᒃ,
ᐳᕙᒡᓗᒃᑐᖃᕈᓐᓃᖅᑎᑦᑎᓂᕐᒧᑦ ᑮᓇᐅᔭᑦ
ᐃᓕᓴᖅᓯᓯᒪᓪᓗᑎᑦ ᑐᐊᕕᕐᓇᖅᑐᒥᒃ ᖃᓄᐃᓕᐅᕈᑕᐅᔭᕆᐊᖃᓕᕐᓂᖓᓂᒃ, ᑲᑎᒪᔩᑦ ᐊᖏᖅᓯᓚᐅᖅᑐᑦ $4 ᒥᓕᐊᓐ ᑮᓇᐅᔭᓂᒃ ᐃᑲᔪᖅᑐᑎᑦ ᓄᓇᕗᑦ ᒐᕙᒪᖏᖕᓂᒃ ᐳᕙᒡᓗᒃᑕᐃᓕᒪᔪᓕᕆᓂᕐᒧᑦ. ᑲᑎᒪᔩᑦ ᐊᖏᖅᓯᓚᐅᕐᒥᔪᑦ ᓄᓇᕗᑦ ᑐᙵᕕᒃ ᑎᒥᖓᑕ ᐊᑭᓕᕆᐊᖃᓲᖏᖕᓂᒃ ᐊᑭᓕᐅᑕᐅᓗᑎᑦ, ᐱᖃᓯᐅᑎᓪᓗᒋᑦ ᐱᖓᓱᓄᑦ ᑕᖅᑭᓄᑦ ᓂᖀᑦ ᑲᑎᖅᓱᖅᑕᐅᓯᒪᔪᑦ ᐊᑐᓂ ᐃᓅᓕᓴᖅᑕᐅᔪᓄᑦ, ᐱᔭᐅᖃᑦᑕᕈᓐᓇᕐᓂᐊᕐᒪᑕ ᐃᑲᔫᑏᑦ ᓄᓇᓕᐅᔪᓄᑦ ᐳᕙᒡᓗᓐᓇᖅ ᐊᐃᑦᑑᑖᓘᖃᑦᑕᑎᓪᓗᒍ, ᐊᒻᒪᓗ ᑐᓴᐅᒪᑎᑦᑎᒋᐊᕐᔫᒥᓂᐊᖅᑐᑎᑦ ᑲᒪᒋᔭᐅᓂᐊᕐᒪᑦ ᐳᕙᒡᓗᒃᑐᑦ ᐃᓱᒪᒋᔭᐅᑲᒻᒪᖃᑦᑕᕐᓂᖓ.
ᑮᓇᐅᔭᓕᕆᓂᕐᒧᑦ ᑐᓴᕆᐊᖅᑎᑦᑎᔾᔪᑎ
ᑲᑎᒪᔩᑦ ᐊᖏᓚᐅᖅᑐᑦ $29.4 ᒥᓕᐊᓐ ᑮᓇᐅᔭᓂᒃ ᑮᓇᐅᔭᖃᖅᑎᑦᑎᒍᑎᓪᓗᐊᑕᑦ ᑮᓇᐅᔭᖅᑐᕈᑎᒃᓴᒥᒃ ᐊᒻᒪᓗ $2 ᒥᓕᐊᓐ ᑮᓇᐅᔭᓂᒃ …

ᐃᓄᐃᑦ ᓯᕗᓕᖅᑎᖏᑦ ᐃᓕᒌᑦᑐᑦ ᑐᙵᓱᐊᑎᑦᑎᓪᓗᑎᑦ ᑲᓇᑕᒥ ᓯᕗᓕᕐᑎᕐᔪᐊᖓᓂ ᓄᓇᕗᒻᒨᖅᑎᓪᓗᒍ

ᓴᒃᑯᑕᐅᑲᐅᑎᒋᔭᕆᐊᓕᒃ
(ᒫᑦᓯ 18, 2025 – ᐃᖃᓗᐃᑦ, ᓄᓇᕗᑦ) ᓄᓇᕗᑦ ᐃᓄᐃᑦ ᓯᕗᓕᖅᑎᖏᑦ ᑲᑎᒪᖃᑎᓖᑦ ᑲᓇᑕᑉ ᓯᕗᓕᖅᑎᕐᔪᐊᖓᓂᒃ, ᐊᖓᔪᖅᑳᖅ ᒫᒃ ᑲᕐᓂ, ᐃᖃᓗᓐᓂ ᐅᓪᓗᒥᒋᐊᖑᖅᑲᐅᔪᖅ.
ᑐᓴᖅᑕᐅᖁᔭᕐᒥᓂᒃ, ᓄᓇᕗᑦ ᑐᙵᕕᒃ ᑎᒥᖓᑕ ᑲᑎᒪᔨᖏᑦ ᐊᒻᒪᓗ ᐃᓄᐃᑦ ᑕᐱᕇᑦ ᑲᓇᑕᒥ ᐊᖓᔪᖅᑳᖅ ᓇᑖᓐ ᐆᐱᑦ ᓱᖅᑯᐃᓇᖅᑐᓪᓚᕆᐊᓘᖅᑲᐅᕗᑦ ᐊᔭᐅᕆᓪᓗᑎᑦ ᑲᓇᑕᒥ ᓯᕗᓕᖅᑎᕐᔪᐊᖓᓂᒃ. ᓄᓇᓕᕐᔪᐊᑦ ᓂᕈᐊᖅᑕᐅᓯᒪᕝᕕᖏᑦ ᐱᔭᐅᔪᒪᓂᖅᓴᐅᓕᖅᑎᓪᓗᒋᑦ ᐅᑭᐅᖅᑕᖅᑐᖅ ᐱᓗᐊᖅᑐᒥᒃ, ᐃᓄᐃᑦ ᓯᕗᓕᖅᑎᖏᑦ ᓴᙵᑎᑦᑎᖁᔨᒻᒪᕆᑦᑐᑦ ᐱᓕᕆᖃᑎᒌᖃᑦᑕᕐᓂᖏᖕᓂᒃ ᐃᓄᐃᑦ ᐊᒻᒪᓗ ᒐᕙᒪᑐᖃᒃᑯᓐᓂ.
ᐅᕝᕙ ᐅᑯᐊ ᐱᔾᔪᑕᐅᓗᐊᖅᑲᐅᔪᑦ ᐅᖃᐅᓯᕆᔭᐅᓪᓗᑎᑦ ᑲᑎᒪᖃᑎᒌᑦᑎᓪᓗᒋᑦ:
• ᓄᓇᕗᑦ ᑐᙵᕕᒃ ᑎᒥᖓ ᐊᖓᔪᖅᑳᖓ, ᔨᐅᓚᒥ ᑑᕐᖔᓗᒃ ᑮᓇᐅᔭᓂᒃ ᐊᑐᕐᔫᒥᔪᖃᕈᓂ ᐃᓄᐃᑦ ᓄᓇᓕᖏᖕᓂᒃ ᐊᒻᒪᓗ ᐃᓄᐃᑦ ᖃᓄᐃᑦᑕᐃᓕᒪᓂᖏᓐᓂᒃ ᑮᓇᐅᔭᓂᑦ ᐊᑐᖅᑕᐅᓯᓐᓈᕋᔭᕐᒪᑕᒎᖅ ᑲᓇᑕᑉ ᓄᓇᓕᕐᔪᐊᖑᓂᕋᕐᓂᖓᓂᒃ. ᐊᔭᐅᕆᖅᑲᐅᔪᖅ ᐊᑭᑐᓗᐊᕐᔭᐃᖅᓯᒪᖃᑦᑕᖁᔨᓪᓗᓂ ᖃᓄᐃᓕᐅᕈᑎᖃᖅᑐᖃᓕᕐᓗᓂ, ᓲᕐᓗᒃ ᑲᔪᓯᓂᖃᐃᓐᓇᕐᓗᓂ …

ᓄᓇᕗᑦ ᑐᙵᕕᒃ ᑎᒥᖓ ᑐᙵᓱᐊᑎᑦᑎᔪᑦ ᑲᓇᑕᒥ ᒐᕙᒪᖓᑕ ᑐᓴᖅᑎᑦᑎᓂᖓᓂᒃ ᐊᑯᓂᐅᓂᖅᓴᖅ ᐊᑐᐃᓐᓇᐅᒪᑎᑕᐅᓂᐊᕐᓂᖓᓄᑦ ᐃᓄᐃᑦ ᓄᑕᖅᑲᑦ ᓯᕗᓪᓕᐅᑎᑕᐅᓂᖏᑦᑕ ᐱᓕᕆᐊᖓᓂᒃ

ᓴᒃᑯᑕᐅᑲᐅᑎᒋᔭᕆᐊᓕᒃ
 (ᒫᑦᓯ 7, 2025 – ᐃᖃᓗᐃᑦ, ᓄᓇᕗᑦ) ᓄᓇᕗᑦ ᑐᙵᕕᒃ ᑎᒥᖓᑕ ᐊᖓᔪᖅᑳᖓ ᔨᐅᓚᒥ ᑑᕐᖔᓗᒃ ᑐᙵᓱᐊᑎᑦᑎᔪᖅ ᑐᓴᖅᑎᑕᐅᓂᖓᓂᒃ ᐅᓪᓗᒥ ᑲᓇᑕᒥ ᒐᕙᒪᒃᑯᑦ ᐊᑯᓂᐅᓂᖅᓴᖅ ᐊᑐᖅᑕᐅᔪᓐᓴᕐᓂᐊᓕᕐᓂᖓᓂᒃ ᐃᓄᐃᑦ ᓄᑕᖅᑲᑦ ᓯᕗᓪᓕᐅᑎᑕᐅᓂᖏᑦ ᐱᓕᕆᐊᖓᓂᒃ ᐊᑕᐅᓯᕐᒧᑦ ᐊᕐᕌᒍᒧᑦ ᐅᖓᕙᕆᐊᖅᑕᐅᓪᓗᓂ ᐊᑐᖅᑕᐅᓂᒃᓴᖓ.
ᐃᓄᐃᑦ ᓄᑕᖅᑲᑦ ᓯᕗᓪᓕᐅᑎᑕᐅᓂᖏᑦ ᐱᓕᕆᐊᖅ ᕿᓚᒥᐅᔪᒃᑯᑦ ᐊᖏᕈᑎᓕᐊᕆᔭᐅᓯᒪᕗᖅ ᑲᓇᑕᒥ ᒐᕙᒪᓄᑦ ᐋᖅᑭᒃᑕᐅᖁᓪᓗᒍ ᐱᓕᕆᐊᖅ ᓲᕐᓗᒃ ᔪᐊᑕᓐ ᐳᕆᓐᓯᐳᓪ, ᑭᓯᐊᓂᓕ ᐃᓄᖕᓅᖓᓪᓗᓂ. ᐋᖅᑭᒃᓱᖅᑕᐅᓚᐅᖅᓯᒪᕗᖅ ᓇᓕᒧᒌᓕᖅᑎᑕᒻᒪᕆᐅᖁᔭᐅᓪᓗᑎᑦ ᐃᓄᐃᑦ ᓄᑕᖅᑲᖏᑦ ᖃᐅᔨᒪᓇᖅᑎᐊᖅᑎᑦᑎᓪᓗᑎᑦ ᓄᑕᖅᑲᑦ ᐊᑐᕈᓐᓇᕐᓂᐊᕐᒪᑕ ᐊᑐᖅᑕᐅᔭᕆᐊᖃᓪᓚᕆᑦᑐᓄᑦ ᒐᕙᒪᒃᑯᓐᓄᑦ ᑮᓇᐅᔭᖃᖅᑎᑦᑎᓂᖏᓐᓂᒃ ᐋᓂᐊᖅᑕᐃᓕᒪᓂᕐᒨᖓᔪᓂᒃ, ᐃᓅᓯᕐᒧᑦ ᐊᒻᒪᓗ ᐃᓕᓐᓂᐊᕈᑎᒃᓴᓄᑦ, ᐱᔨᑦᑎᕋᕈᑎᓄᑦ ᐊᒻᒪᓗ ᐃᑲᔪᖅᑐᐃᔾᔪᑎᓄᑦ ᑭᙴᒪᒋᔭᐅᔪᑦ, ᐱᔭᕆᐊᖃᓕᕋᐃᒍᓂᒋᑦ.
ᖁᔭᓐᓇᒦᕈᒪᔭᕋ ᑲᓇᑕᒥ ᓯᕗᓕᖅᑎᕐᔪᐊᖓ ᔭᔅᑎᓐ ᑐᕉᑐ ᐊᑯᓂᐅᓂᖅᓴᖅ ᑕᒪᔅᓱᒥᖓ ᐊᑐᖅᑕᐅᑎᑦᑎᔪᓐᓇᕐᒪᑦ ᐱᕐᔪᐊᕌᓗᒻᒥᒃ ᐱᓕᕆᐊᕐᒥᒃ ᐃᓄᐃᑦ …

(English) NTI, GN and GOC Sign Implementation Contract under Nunavut Agreement

Sorry, this entry is only available in English.

ᓄᓇᕗᑦ ᒐᕙᒪᖓ ᐊᒻᒪ ᓄᓇᕗᑦ ᑐᙵᕕᒃᑯᑦ ᐊᖅᑯᑎᒃᓴᖅᑖᖅᑎᓪᓗᒋᑦ ᑲᓇᑕᐅᑉ ᐅᑭᐅᖅᑕᖅᑐᖓᑕ ᓄᓇᖁᑎᖓᓂ ᐊᒻᒪ ᐊᑦᑕᕐᓇᖅᑐᒦᑎᑦᑕᐃᓕᓂᕐᒥᑦ

ᓴᖅᑭᑕᐅᑲᐅᑎᒋᔭᕆᐊᓕᒃ
(ᒫᔾᔨ 4, 2025 – ᐃᖃᓗᐃᑦ, ᓄᓇᕗᑦ) ᓄᓇᕗᒻᒥ ᓯᕗᓕᖅᑎ ᐲᔾᔭᐃ ᐊᕿᐊᕈᖅ ᓄᓇᕗᑦ ᑐᙵᕕᒃᑯᓪᓗ (ᓄᓇᕗᑦ ᑐᙵᕕᒃᑯᑦ) ᐊᖓᔪᖅᑳᖅ ᔨᐅᕆᒥ ᑑᕐᙶᓗᒃ ᐅᖃᐅᓯᖃᓚᐅᖅᐳᖅ ᑲᑐᔾᔨᓪᓗᑎᒃ ᓯᕗᓪᓕᐅᑎᔪᒪᔭᒥᓂᒃ ᑲᓇᑕᒥ−ᐱᕈᖅᓴᐃᓂᕐᒧᑦ ᐊᐅᓚᔪᓐᓇᐅᑎᓂᒃ ᓴᖅᑭᔾᔪᑎᒃᓴᓂᒃ ᑲᓇᑕᒥ ᐅᑭᐅᖅᑕᖅᑐᖅ ᓄᓇᖁᑎᖓᓂ ᐊᒻᒪᓗ ᐊᑦᑕᕐᓇᖅᑐᒦᑎᑦᑕᐃᓕᓂᕐᒧᑦ ᐱᔭᕆᐊᓕᖏᓐᓂᑦ ᓄᓇᕗᒻᒥ.
“ᓄᓇᕗᑦ ᓇᖏᖃᑎᖃᖅᐳᖅ ᐊᓯᖏᓐᓂᒃ ᐅᑭᐅᖅᑕᖅᑐᒥ ᑲᓇᑕᒥᓗ ᐊᕕᒃᑐᖅᓯᒪᔪᓂᑦ ᐊᑭᕋᖅᑐᖅᖢᑎᒃ ᑭᓱᑐᐃᓐᓇᓂᒃ ᖁᐊᖅᓵᕐᓇᖅᑐᓂᒃ ᑲᓇᑕᐅᑉ ᓄᓇᖁᑎᖓᓄᑦ ᓴᐳᔾᔭᐅᓯᒪᓂᖓᓄᓪᓗ,” ᑕᐃᒪᓐᓇ ᓯᕗᓕᖅᑎ ᐊᕿᐊᕈᖅ ᐅᖃᖅᖢᓂ. “ᖃᐅᔨᒪᔪᒍᑦ ᑭᓱᑦ ᐱᒋᔭᐅᖕᒪᖔᑕ ᑲᓇᑕᐅᑉ ᐅᑭᐅᖅᑕᖅᑐᖓᓄᑦ ᐊᒻᒪ ᐃᓄᐃᑦ ᓄᓇᖓᓄᑦ, ᖃᐅᔨᒪᓪᓗᑕᓗ ᓄᓇᕗᑦ ᐊᑕᐅᓯᐅᖃᑎᒌᒋᐊᖃᕐᒪᑦ ᐊᒻᒪ ᖃᓄᖅᑑᕈᑎᓂᒃ ᑭᐅᔪᓐᓇᕐᓗᑕ ᐊᒃᓱᕈᕐᓇᖅᑐᓄᑦ ᓵᑦᑎᐊᑦᑎᓐᓂ.”
ᓄᓇᕗᑦ ᒐᕙᒪᒃᑯᑦ ᐊᒻᒪ ᓄᓇᕗᑦ ᑐᙵᕕᒃᑯᑦ ᑎᒥᖓᑦ ᐃᓕᑕᖅᓯᐅᒪᖕᒪᑕ ᖁᑦᑎᒃᑐᒦᓐᓂᖏᓐᓂᒃ ᓄᓇᓕᕆᓂᖅ ᓄᓇᕐᔪᐊᕐᒥ …

ᓄᓇᕗᒻᒥ ᐃᖃᓗᓕᕆᓂᕐᒧᑦ ᐊᐅᓚᑦᓯᔾᔪᑎᓄᑦ ᐱᔭᕆᐊᑭᓪᓕᑎᕆᔩᑦ ᓴᖅᑮᕗᑦ ᐊᑐᐊᒐᕐᓂᒃ ᐱᔾᔪᑕᐅᔪᒧᑦ ᑎᑎᕋᖅᓯᒪᔪᓂᒃ

ᓴᖅᑭᖅᑕᐅᑦᓴᐅᑎᒋᒋᐊᓕᒃ
(ᕕᕝᕗᐊᓕ 28, 2025 – ᐃᖃᓗᐃᑦ, ᓄᓇᕗᑦ) ᓄᓇᕗᑦ ᑐᙵᕕᒃ ᑎᒥᖓ (ᑐᙵᕕᒃ) ᖁᕕᐊᓱᑉᐳᑦ ᑐᓴᖅᑎᑦᓯᒋᐊᑦᓴᖅ ᐱᐊᓂᒃᑕᐅᓂᖏᓐᓂᒃ ᓄᓇᕗᒻᒥ ᐃᖃᓗᓕᕆᓂᕐᒧᑦ ᐱᔾᔪᑕᐅᔪᒧᑦ ᑎᑎᕋᖅᓯᒪᔪᓂᒃ, ᐊᑐᐊᒐᕐᓄᑦ ᐊᐅᓚᑦᓯᔾᔪᑎᓄᓪᓗ ᐱᓇᓱᐊᖅᑕᐅᔪᒪᔪᓂᒃ ᓯᕗᓂᑦᑎᓐᓂ ᓄᓇᕗᒻᒥ ᐃᖃᓗᓕᕆᓂᕐᒧᑦ ᐊᐅᓚᑦᓯᔾᔪᑎᓂᒃ (NFR).
ᐊᑐᐊᒐᑦ ᐱᔾᔪᑕᐅᔪᒧᑦ ᑎᑎᕋᖃᑎᒌᓚᐅᖅᑐᑦ NFR ᐱᔭᕆᐊᑭᓪᓕᑎᕆᔩᑦ, ᑖᒃᑯᓇᙶᖅᑐᓂᒃ ᐃᓚᐅᔪᓂᒃ DFO, NTI, ᓄᓇᕗᑦ ᒐᕙᒪᑦ, ᒪᑭᕕᒃ, ᐊᒻᒪᓗ ᐃᖅᑭᓖᑦ ᒐᕙᒪᖏᓐᓂᒃ, ᓄᓇᕗᒻᒥ ᐆᒪᔪᓕᕆᔨᕐᔪᐊᒃᑯᑦ ᑲᑎᒪᔨᖏᑦ ᐊᒻᒪᓗ ᓄᓇᕕᒻᒥ ᑕᕆᐅᕐᒥᐅᑕᓕᕆᔨᒃᑯᑦ ᑲᑎᒪᔨᖏᑦ ᑐᓵᔭᖅᑐᖅᓯᒪᑎᓪᓗᒋᑦ ᑎᑎᕋᖅᑕᐅᕙᓪᓕᐊᑎᓪᓗᒋᑦ.
“ᑐᙵᕕᒃᑯᑦ ᖁᕕᐊᓱᑦᑐᑦ ᑖᓐᓇ ᑲᔪᓯᔭᕆᐅᖅᑐᖅ ᐱᕙᓪᓕᐊᑎᑦᓯᓂᖅ ᐱᑕᖃᕆᐊᓕᖕᒪᕆᒻᒥᒃ ᓄᓇᕗᒻᒥ ᐃᖃᓗᓕᕆᓂᕐᒧᑦ ᐊᐅᓚᑦᓯᔾᔪᑎᓂᒃ,” ᐅᖃᓚᐅᖅᑐᖅ ᑐᙵᕕᒃᑯᑦ ᐊᖓᔪᖅᑳᖓ, ᔩᕆᒥ ᑑᕐᖔᓗᒃ. “ᐃᓄᐃᑦ ᓄᓇᓖᑦ ᓱᖏᖅᓲᑎᖃᖃᑦᑕᕐᒪᑕ ᐃᖃᓗᖕᓂᒃ ᐊᒻᒪᓗ ᑕᕆᐅᕐᒥᐅᑕᓂᒃ ᐆᒪᔪᓂᒃ ᐃᓕᖅᑯᓯᒃᑯᑦ, ᐃᓅᓯᒃᑯᑦ …

ᓯᓈ ᐊᖏᖃᑎᒌᒍᑦ ᐊᑎᓕᐅᖅᑕᐅᓂᖓ

ᓴᒃᑯᑕᐅᑲᐅᑎᒋᔭᕆᐊᓕᒃ

(ᕕᕝᕗᐊᓕ 27, 2025 ) ᐅᓪᓗᒥ, ᓄᓇᕗᑦ ᑐᙵᕕᒃ ᑎᒥᖓ (ᑐᙵᕕᒃ) ᖁᕕᐊᓲᑎᓖᑦ ᐊᑎᓕᐅᕐᓂᕐᒥᒃ ᓯᓈ ᐊᖏᖃᑎᒌᒍᑦ, ᐊᖏᖃᑎᒌᒍᑎᖓ ᕿᑭᖅᑕᓂ ᐃᓄᐃᑦ ᑲᑐᔾᔨᖃᑎᒌᑦ ᐊᒻᒪᓗ ᑲᓇᑕ ᒐᕙᒪᖓ. ᑕᕝᕙᓂ ᐊᖏᖃᑎᒌᒍᒻᒥ, ᑲᓇᑕ $200-ᒥᓕᔭᑖᖅᑎᑦᓯᔪᖅ ᑮᓇᐅᔭᓖᒍᑎᒥᓂᒃ ᕿᑭᖅᑕᓂᒃᑯᓐᓄᑦ ᐃᓚᖃᖅᑐᑎᒃ $70−ᒥᓕᔭᓐ ᐃᑲᔪᖅᑐᓂᒃ, ᓴᖅᑮᒍᑎᒃᓴᓂᒃ ᓈᖕᒪᓯᐊᖅᑐᓂᒃ ᐃᖅᑲᓇᐃᔮᓂᒃ ᐊᒻᒪᓗ ᐃᑲᔫᑎᒃᓴᒥᒃ ᓄᖑᐊᙱᑦᑐᒥᒃ ᒪᑭᒪᔾᔪᑎᒃᓴᖓᓄᒃ ᐃᓄᐃᑦ ᐱᖕᒪᕆᐅᔪᖁᑎᖏᓐᓄᑦ, ᖃᐅᔨᒪᓂᖏᓐᓄᑦ ᐊᒻᒪᓗ ᓯᕗᓕᖅᑎᐅᓂᖏᓐᓄᑦ ᐊᐅᓚᑦᓯᔨᐅᓂᖏᓐᓄᑦ.
ᐅᔾᔨᓇᕐᓂᖏᑦ ᐊᖏᕈᑎᓃᖃᑕᐅᔪᑦ:
• ᐱᙳᖅᑎᑕᐅᓂᖓ ᓯᑕᒪᑦ ᓇᐅᑦᑎᖅᓱᖅᑏᑦ ᓴᐳᔾᔨᓂᕐᒧᑦ ᐊᓪᓚᕝᕕᖏᑦ
• ᓄᑖᖅ ᐃᓄᐃᑦ−ᓯᕗᓕᖅᑕᖓ ᐊᐅᓚᑦᓯᔩᑦ ᑎᒥᐅᔪᑦ ᓴᐳᔾᔨᓯᒪᓂᕐᒧᑦ ᐃᓱᒪᓕᐅᕈᑕᐅᔪᓄᑦ
• ᐊᑐᐃᓐᓇᖃᒃᑲᓂᕐᓂᒃ ᐃᓄᓕᖅᑕᓂᒃ ᓂᕿᓂᒃ ᐊᖏᓕᒋᐊᖅᑕᐅᓂᖏᓐᓄᑦ ᓇᐅᑦᓯᑐᖅᑏᑦ ᐃᑲᔫᑎ
ᓯᓈ ᐊᖏᖃᑎᒌᒍᑦ ᑲᔪᓯᑎᑦᓯᒻᒥᔪᖅ ᑎᒍᒥᐊᖅᑐᓂᓗ ᐃᓛᒃᑯᑦ 15 ᓄᓇᕗᑦ ᐊᖏᕈᑎᖏᓐᓂᒃ, ᐃᓕᓴᖅᓯᒍᑎ ᒪᓕᒐᖅᑎᒍᑦ …

ᓄᓇᕗᑦ ᑐᙵᕕᒃ ᑎᒥᖓ ᓴᖅᑭᑎᑦᑎᕗᖅ ᓄᑖᕐᒥᒃ ᖃᓄᖅᑑᕈᑎᓕᐊᕆᔭᐅᓯᒪᔪᒥᒃ ᓯᕗᓪᓕᐅᑎᓐᓂᐊᖅᑕᒥᖕᓂᒃ: ᐃᓄᖕᓂᒃ ᒪᑭᑉᐸᓪᓕᐊᑎᑦᑎᓂᖅ

ᓴᒃᑯᑕᐅᑲᐅᑎᒋᔭᕆᐊᓕᒃ
(ᕖᕝᕗᐊᕆ 14, 2025 – ᐃᖃᓗᐃᑦ, ᓄᓇᕗᑦ) ᓄᓇᕗᑦ ᑐᙵᕕᒃ ᑎᒥᖓᑕ ᐊᖓᔪᖅᑳᖓ ᔨᐅᓚᒥ ᑑᕐᖔᓗᒃ ᖁᕕᐊᓱᑉᐳᖅ ᓴᖅᑭᑎᑦᑎᔭᕆᐊᒃᓴᖅ ᓄᓇᕗᑦ ᑐᙵᕕᒃ ᑎᒥᖓᑕ ᓄᑖᖅ ᖃᓄᖅᑑᕈᑎᓕᐊᕆᔭᐅᓯᒪᔪᑦ ᓯᕗᓪᓕᖅᐸᐅᑎᓐᓂᐊᖅᑕᖏᑦ ᐃᓄᖕᓂᒃ ᒪᑭᑉᐸᓪᓕᐊᑎᑦᑎᓂᖅ 2025-2029.
ᖃᓄᖅᑑᕈᑎ ᑕᑯᒃᓴᐅᑎᑦᑎᓗᐊᖅᐳᖅ ᓴᕿᓂᖏᓐᓂᒃ ᑖᒃᑯᐊ ᖃᓄᖅ ᓄᓇᕗᑦ ᑐᙵᕕᒃ ᑎᒥᖓ ᓯᕗᓂᒃᓴᒧᑦ ᑲᒪᒋᔭᖃᕆᐊᕐᒪᖔᑦ. ᐃᓄᖕᓂᒃ ᒪᑭᑉᐸᓪᓕᐊᑎᑦᑎᓂᖅ ᑕᑯᒃᓴᐅᑎᑦᑎᕗᖅ ᑐᐊᕕᕐᓇᖅᑑᓕᕐᓂᖓᓂᒃ ᐊᒻᒪᓗ ᑲᒪᒋᔭᖃᑦᑎᐊᖃᑦᑕᕈᒪᓂᖓᓂᒃ ᓇᓗᓇᐃᖅᓯᓗᑎᑦ ᐃᓄᒻᒪᕇᑦ ᐊᔭᐅᕆᔪᓐᓇᕈᓐᓃᕐᒪᑕ ᐊᑐᕐᓗᑎᑦ ᐱᔪᓐᓇᐅᑎᒥᓂᒃ ᓴᓂᕌᓃᑐᐃᓐᓇᕐᓗᑎᑦ. ᑭᓯᐊᓂᓕ, ᒫᓐᓇ ᑲᒪᒋᔭᐅᔭᕆᐊᖃᓕᖅᑐᖅ ᐃᓄᒻᒪᕇᑦ ᓯᕗᒃᑲᖅᑕᕐᓗᑎᑦ ᓯᕗᒧᐊᓪᓚᑦᑖᕐᓂᒃᑯᑦ, ᐃᓱᒪᓕᐅᖅᓯᒪᔪᒃᑯᑦ ᖃᓄᐃᓕᐅᕆᐊᓯᓗᑎᑦ, ᐊᒻᒪᓗ ᐱᐅᓂᖅᓴᒥᒃ ᓯᕗᓂᒃᓴᖃᑦᑎᐊᖅᑎᓕᕐᓗᑎᑦ ᑭᖑᕚᕆᔭᐅᓂᐊᖅᑐᑦ ᐱᓪᓗᒋᑦ.
ᐃᓄᖕᓂᒃ ᒪᑭᑉᐸᓪᓕᐊᑎᑦᑎᓂᖅ ᓇᓗᓇᐃᔭᐃᓯᒪᕗᖅ ᑎᓴᒪᐅᔪᖅᑐᓂᑦ ᓯᕗᓪᓕᐅᑎᓐᓂᐊᖅᑕᖏᑦ ᓄᓇᕗᑦ ᑐᙵᕕᒃ ᑎᒥᖓᑕ ᐃᖅᑲᓇᐃᔮᕆᓗᓂᒋᑦ ᐱᕚᓪᓕᖁᓪᓗᒋᑦ ᑎᓴᒪᑦ ᐊᕐᕌᒎᓂᐊᖅᑐᓄᑦ, ᐅᑯᐊᖑᓪᓗᑎᑦ:
1. ᐋᖅᑭᓱᑦᑎᐊᖅᓯᒪᔪᒃᑯᑦ …