(ᓯᑎᑉᕆ 29, 2020, ᐃᖃᓗᐃᑦ) ᓄᓇᕗᑦ ᑐᙵᕕᒃᑯᑦ ᑎᒥᖓᑦ (ᑐᙵᕕᒃᑯᑦ) ᖁᕕᐊᓱᒃᐳᑦ ᑐᓴᖅᑎᑦᑎᒋᐊᒃᓴᖅ ᒥᔅᑕ. ᑕᐃᕙᑦ ᑯᓄᒃ ᐃᖅᑲᓇᐃᔭᕐᑎᐅᖃᑕᐅᓕᕐᒪ ᐊᐅᓚᑦᓯᔨᐅᓗᓂ ᐃᖅᑲᓇᐃᔭᕆᐊᓯᓂᐊᖅᑐᓂᒃ ᓯᑎᑉᐱᕆ 28, 2020.
ᑕᐃᕙᑦ ᐃᖅᑲᓇᐃᔮᖃᖃᑦᑕᓯᒪᓕᓂᐅᔪᑦ ᐃᓄᐃᑦ ᑲᑐᔾᔨᖃᑎᒌᖏᓐᓂ ᐊᒻᒪ ᐱᕙᓪᓕᐊᔪᓕᕆᓂᕐᒧᑦ ᑎᒥᐅᔪᓂ. 2004-ᒥᑦ 2015-ᒧᑦ, ᑐᑭᒧᐊᒃᑎᑦᑎᔨᐅᓚᐅᕐᓯᒪᔪᖅ ᐊᑐᓕᖅᑎᑕᐅᕙᓪᓕᐊᔪᓄᑦ ᐱᓕᕆᖓᓂ ᑐᙵᕕᒃᑯᓐᓂ, ᐊᒻᒪ ᑐᑭᒧᐊᒃᑎᑦᑎᔨᐅᓪᓗᓂ, ᖃᐅᔨᒪᔨᑕᕆᔭᐅᔪᔪᖅ $1 ᐱᓕᐊᓂᒃ ᐱᓇᓱᐊᕐᑎᓪᓗᒋᑦ ᐃᖅᑲᖅᑐᐃᕕᒃᑯᑦ ᑖᓐᓇᓗ ᐋᖅᑭᖃᑎᒌᒍᑕᐅᓚᐅᕐᓯᒪᓪᓗᓂ 2015-ᒥ. ᑕᐃᕙᑦ ᒫᓐᓇᕋᑖᒃᑯᑦ ᓄᓇᕗᑦ ᒐᕙᒪᒃᑯᖏᓐᓂᒃ ᑐᑭᒧᐊᒃᑎᑦᑎᔨᐅᔪᔪᖅ ᐱᓕᕆᕕᖓᓂ ᐅᔭᕋᖕᓂᐊᕐᓂᒃᑯᑦ ᐅᖅᓱᐊᓗᓕᕆᓂᒃᑯᓪᓗ ᐱᕕᒃᓴᖅᑖᕐᕕᐅᔪᓐᓇᖅᑐᓄᑦ ᐃᖏᕐᕋᔫᓕᕆᔨᒃᑯᓪᓗ.
ᑕᐃᕙᑦ ᐃᓅᓕᕐᓯᒪᔪᖅ ᐃᖃᓗᖕᓂ ᐊᒻᒪ ᐱᕈᖅᓴᓯᒪᔪᖅ ᐃᒡᓗᓕᖕᒥ ᐃᖃᓗᖕᓂᓗ. ᒫᓐᓇᐅᔪᒥ ᐃᓕᓐᓂᐊᐸᓪᓕᐊᔪᖅ ᓯᓚᑦᑐᓴᕐᕕᖓᒍᑦ ᕕᒃᑐᐊᕆᐊᑉ. ᑕᐃᕙᑦ ᖁᕕᐊᒋᔭᓕᒃ ᐊᖑᓇᓱᒋᐊᒃᓴᖅ, ᐃᖃᓗᒐᓱᒋᐊᒃᓴᖅ, ᐅᒥᐊᖅᑐᕆᐊᒃᓴᖅ, ᐊᒻᒪᓗ ᖃᒧᑕᐅᔭᕆᐊᒃᓴᖅ.
ᑕᐃᕙᑦ ᑭᖑᕝᕕᐅᑎᔪᖅ ᔩᓂ ᐋᕆᐊᖅ−ᖁᓪᓗᐊᓕᖕᒥᒃ ᐃᖅᑲᓇᐃᔮᖃᓕᕐᒪᑦ ᑐᑭᒧᐊᒃᑎᑦᑎᔨᐅᓪᓗᓂ ᐃᓄᒃᑐᑦ ᑲᒪᒋᔭᐅᒋᐊᕈᑎᓂᒃ ᑐᙵᕕᒃᑯᓐᓂ. ᑐᑭᒧᐊᒃᑎᑦᑎᔨ, ᐃᓄᒃᑐᑦ ᑲᒪᒋᔭᐅᒋᐊᕈᑎᓂᒃ ᑲᒪᒋᔭᖃᖅᐳᖅ ᑐᙵᕕᒃᑯᑦ ᐃᓄᒃᑐᑦ ᐊᑑᑎᖃᖅᑎᑦᑎᔪᒪᒻᒪᑕ ᐃᖅᑲᓇᐃᔭᕐᕕᖕᒥ ᐊᒻᒪ ᐃᖅᑲᓇᐃᔮᖃᓐᓂᐊᕐᑐᖅ ᐃᓄᒃᑐᑦ ᐊᑑᑎᖃᖅᑎᑕᐅᓕᕈᑎᒃᓴᖏᓐᓂᒃ ᐃᖅᑲᓇᐃᔭᕐᕕᓂ ᓄᓇᕗᖕᒥ.
-30-
ᑐᑭᓯᒋᐊᒃᑲᓐᓂᕈᒪᒍᕕᑦ ᑐᑭᓯᒋᐊᒃᑲᓐᓂᕈᓐᓇᖅᐳᑎᑦ ᐅᕗᖓ:
ᒪᓚᐃᔭ ᒥᑭᔾᔪᒃ
ᑐᑭᒧᐊᒃᑎᑦᑎᔨ ᑐᓴᐅᒪᔾᔪᑎᓕᕆᔨᒃᑯᓐᓄᑦ ᐱᓕᒪᒃᓴᔪᖅ
ᓄᓇᕗᑦ ᑐᙵᕕᒃ ᑎᒥᖓ
ᐅᖄᓚᐅᑖ: (867) 975-4900 ᐊᑭᓕᕆᐊᖃᙱᑦᑐᖅ: 1-888-646-0006
