(ᔪᓚᐃ 3, 2020 – ᐃᖃᓗᐃᑦ, ᓄᓇᕗᑦ) – ᓄᓇᕗᑦ ᐅᓪᓗᖓ ᓇᓪᓕᐅᓂᖅᓯᐅᕈᑕᐅᓂᐊᕐᒥᔪᖅ ᐊᕐᕌᒍᑦᑎᓐᓂ 2020. ᐱᔾᔪᑕᐅᓪᓗᓂ ᓄᕙᔾᔪᐊᕐᓇᖅ-19, ᐊᕐᕌᒍᑦᑎᓐᓂ ᓇᓪᓕᐅᓂᖅᓯᐅᕈᑕᐅᓲᑦ ᓴᖑᑎᑕᐅᓯᒪᓂᐊᕐᒪᑕ ᓯᓚᒥ ᓇᓪᓕᐅᓂᖅᓯᐅᖃᑦᑕᓲᖑᒐᓗᐊᑦ ᑭᓯᐊᓂ ᒫᓐᓇ ᐃᑭᐊᖅᑭᔾᔪᑎᒃᑯᑦ, ᑕᓚᕖᓴᒃᑯᑦ, ᓈᓚᐅᑎᒃᑯᑦ ᐊᒻᒪᓗ ᐃᓅᖃᑎᒌᓄᑦ ᖃᕆᓴᐅᔭᒃᑯᑦ ᑲᓲᒪᔾᔪᑎᑎᒍᑦ ᓇᓪᓕᐅᓂᖅᓯᐅᖔᕐᓂᐊᖅᑐᑦ.
ᐸᕐᓇᑦᑏᑦ ᒪᓕᑦᑐᑦ ᐋᓐᓂᐊᖃᕐᓇᖏᑦᑐᓕᕆᔨᒻᒪᕆᐅᑉ ᑎᓕᓯᔾᔪᑎᖏᓐᓂᒃ ᑲᑎᖃᑦᑕᖁᔨᙱᓐᓂᖓᓂᒃ ᐊᒥᓲᓗᑎᒃ. “ᓄᓇᕗᑦ ᐅᓪᓗᖓ ᐊᖏᓂᖅᐹᖅ ᓇᓪᓕᐅᓂᖅᓯᐅᕐᓂᐅᕙᑦᑐᓂ ᓄᓇᑦᑎᓐᓂ,” ᐅᖃᖅᑐᖅ ᑐᙵᕕᒃᑯᑦ ᐊᖓᔪᖅᑳᖓ ᐊᓗᑭ ᑰᑦᑎᖅ. “ᐃᓅᓪᓗᑕ ᖁᕕᐊᒋᔭᖃᓲᖑᒐᑦᑕ ᓯᓚᒥ ᓄᓇᓕᓐᓂ ᓱᐃᓛᕿᑎᑕᐅᓂᕐᓂᒃ, ᐃᓚᐅᒍᓐᓇᑐᐃᓐᓇᐅᓪᓗᑎᒃ ᓄᓇᖅᑲᑎᒌᑦ ᓇᓪᓕᐅᓂᖅᓯᐅᓂᕐᓄᑦ ᐃᓚᒋᔭᐅᓪᓗᑎᒃ ᓂᔾᔭᐅᓯᔭᕐᓂᖅ, ᓂᖀᑦ, ᐱᙳᐊᕈᓰᑦ ᐊᒻᒪᓗ ᐱᙳᐊᕐᓃᑦ. ᑭᓯᐊᓂ, ᖃᓂᒻᒪᖁᓇᒋᑦ ᐊᒻᒪᓗ ᐊᑦᑕᓇᐃᖅᓯᒪᖁᓪᓗᒋᑦ ᑭᒃᑯᓕᒫᑦ ᑕᒪᓐᓇ ᐱᖕᒪᕆᐅᓂᖅᓴᐅᒻᒪᑦ.”
ᓄᓇᕗᑦ ᐸᕐᓇᑎᖏᑦ ᑲᑎᒪᔨᕋᓛᑦ ᐱᓕᕆᓯᒪᒻᒪᕆᑦᑐᑦ ᓴᖅᑮᓇᓱᐊᖅᑐᑎᑦ ᖁᕕᐊᓇᖅᑐᓂᒃ ᓇᓪᓕᐅᓂᖅᓯᐅᕈᑎᓂᒃ ᐊᒻᒪᓗ ᓵᓚᒃᓴᐅᑎᒐᓱᐊᕈᑎᓂᒃ ᐊᑦᑕᓇᐃᖅᓯᒪᓗᑎᒃ, ᓇᓪᓕᐅᓂᖅᓯᐅᕋᓗᐊᕐᓗᑎᒃ ᖁᕕᐊᒋᔭᒻᒪᕆᒻᒥᒃ ᑕᕝᕙᓂ ᕿᑲᕐᓇᒥ.
ᑕᑯᒋᐊᕈᒃ ᓄᓇᕗᑦ ᑐᙵᕕᒃ ᑎᒥᖓᑕ ᐃᑭᐊᖅᑭᕕᖓ, ᕙᐃᔅᐳᒃᖓ ᐅᕝᕙᓘᓐᓃᑦ ᐅᖃᖃᑎᒋᓗᒍ ᓄᓇᑦᓯᓐᓂ ᑐᖅᑲᑕᕐᕕᒃ ᑐᑭᓯᒋᐊᒃᑲᓐᓂᕈᒪᒍᕕᑦ.
ᐅᔾᔨᓇᕐᓂᐅᓂᐊᖅᑐᑦ ᔪᓚᐃ 9, 2020
ᐊᖏᕐᕋᒥ ᓂᖅᑎᐅᓕᐅᑎᓂᕐᒧᑦ ᓵᓚᒃᓴᕋᓱᐊᕐᓂᖅ − ᓄᓇᕗᓕᒫᒥ ᐃᑭᐊᖅᑭᕕᒃᑯᑦ ᓂᖅᑎᐅᓕᐅᑎᓂᕐᒧᑦ ᓵᓚᒃᓴᕋᓱᐊᕈᑎ ᓄᑕᖅᑲᓄᑦ, ᐅᕕᒃᑲᕐᓄᑦ/ᒪᒃᑯᑦᑐᓄᑦ ᐃᓐᓇᓄᓪᓗ. ᓵᓚᒃᓴᕋᓱᐊᖃᑕᐅᒍᓐᓇᖅᑐᑎᑦ, ᓂᖅᑎᐊᕆᒍᒪᒐᔪᓐᓂᕐᐹᓐᓂᒃ ᓂᖅᑎᐅᕐᓗᑎᑦ, ᐊᔾᔨᓕᐅᕐᓗᒍ, ᐊᔾᔨᓕᐊᑦ ᐊᐅᓪᓚᑎᓪᓗᒍ. ᖃᐅᔨᓴᖅᑎᐅᓂᐊᖅᑐᑦ ᐅᑭᐅᖅᑕᖅᑐᒥ ᓂᖅᑎᐅᖅᑏᑦ ᐃᓕᓐᓂᐊᖅᓯᒪᔪᑦ: ᓰᓚ ᕙᓚᐅᕋᑎ ᐃᖃᓗᒻᒥᐅᖅ, ᑭᐊᓕ ᓕᓐᑎᐅ ᑲᖏᕐᖠᓂᕐᒥᐅᖅ ᐊᒻᒪᓗ ᑖᓴ ᑐᓗᒐᕐᓇᖅ ᐃᖃᓗᑦᑑᑦᑎᐊᒥᐅᖅ. ᐃᓱᓕᕝᕕᒃᓴᓕᒃ ᓵᓚᒃᓴᕋᓱᐊᖃᑕᐅᒍᒪᔪᓄᑦ ᔪᓚᐃ 5. ᑐᓴᖅᑕᐅᓂᐊᖅᑐᑦ ᓵᓚᒃᓴᖅᑐᑦ ᔪᓚᐃ 9.
ᑎᒃᑖᒃ ᐊᐅᓚᔫᓕᐅᕆᓂᕐᒧᑦ ᓵᓚᒃᓴᕋᓱᐊᕐᓂᖅ − ᐃᑉᐱᐊᔪᒻᒥᒐᕐᒥᒃ ᐅᖄᓚᐅᑎᕋᓛᓖᑦ ᐊᐅᓚᔫᓕᐅᕆᒍᓐᓇᖅᑎᑕᐃᑦ ᓇᐃᑦᑐᒥᒃ ᓴᖅᑭᔮᖅᑎᑦᓯᔪᒥᒃ ᐃᓄᐃᑦ ᐃᓕᖅᑯᓯᖓᓂᒃ, ᐱᖅᑯᓯᖏᓐᓂᒃ ᐊᒻᒪᓗ ᐅᖃᐅᓯᖓᓂᒃ, ᓴᖅᑭᔮᖅᑎᓕᕐᓗᒍ ᖃᕆᓴᐅᔭᒃᑯᑦ ᐃᓅᖃᑎᒌᑦ ᑲᓲᒪᔾᔪᑎᖓᒍᑦ ᑕᐃᔭᐅᔪᖅ ᑎᒃᑖᒃ. ᐊᐅᓚᔫᓕᐅᒐᕐᓂᒃ ᖃᐅᔨᓴᖅᑎᐅᓂᐊᖅᑐᖅ ᕕᓂ ᖃᕆᑕᖅ, ᐋᒻᕙ ᓖ ᐊᒻᒪᓗ ᐸᒥᓚ ᕼᐊᑯᖓᒃ ᒍᕉᔅ. ᐃᓱᓕᕝᕕᒃᓴᓕᒃ ᓵᓚᒃᓴᕋᓱᐊᖃᑕᐅᒍᒪᔪᓄᑦ ᔪᓚᐃ 5. ᑐᓴᖅᑕᐅᓂᐊᖅᑐᑦ ᓵᓚᒃᓴᖅᑐᑦ ᔪᓚᐃ 9.
ᖃᖓᑦᑕᐅᒻᒥ ᐊᒧᓯᓂᐅᓂᐊᖅᑐᖅ − ᑐᙵᕕᒃᑯᑦ ᓵᓚᒃᓴᐅᓯᐊᖅᑎᑦᓯᓂᐊᖅᑐᑦ ᒪᕐᕉᓕᖅᑲᖓᔫᓐᓂᒃ ᖃᖓᑦᑕᐅᑏᓐᓂᒃ − ᑲᓇᐃᑎᔭᓐ ᓄᐊᑦ ᖃᖓᑕᕕᒋᖃᑦᑕᖅᑕᖏᓐᓄᑦ ᓇᒧᑐᐃᓐᓇᖅ ᖃᖓᑦᑕᐅᑎᓂᒃ − ᓄᓇᕗᒻᒥ ᐃᓄᒻᒧᑦ. ᐊᒧᓯᓂᐊᖅᑐᑦ ᔪᓚᐃ 9 ᖃᐅᔨᓴᐅᑦ/ᓯᕿᙳᔭᖅ 4:30 ᐅᓐᓄᓴᒃᑯᑦ. ᓵᓚᒃᓴᖅᑐᑦ ᐅᑭᐅᖅᑖᖅᓯᒪᒋᐊᓖᑦ 19−ᓂᒃ ᔪᓚᐃ 9-ᒥ. ᐊᑏ ᑕᑯᓐᓇᓂᐊᖅᑯᑎᑦ ᑐᙵᕕᒃᑯᑦ ᕙᐃᔅᐳᙵᒍᑦ ᑭᒃᑯᑦ ᐊᒧᔭᐅᓗᑎᒃ ᓵᓚᒃᓴᐅᓯᐊᕐᒪᖔᑕ ᖃᐅᔨᓂᐊᕋᕕᑦ.
APTN – ᑕᑯᑦᓴᐅᑎᑦᓯᓂᐊᖅᑐᑦ ᐃᓄᒃᑑᖅᑐᓂᒃ ᐅᓪᓗᓕᒫᖅ ᔪᓚᐃ 9, ᑕᑯᑦᓴᐅᑎᑕᐅᖃᑕᐅᓂᐊᖅᑐᑦ ᐊᐅᓚᔫᓕᐊᒥᓃᑦ ᓂᐱᓕᐅᖅᑕᐅᓯᒪᔪᑦ ᖃᐅᔨᒪᔮᖑᔪᓂᒃ ᐃᓚᒋᔭᐅᓪᓗᑎᒃ ᓄᓇᕗᑦ ᒐᕙᒪᒃᑯᑦ ᓯᕗᓕᖅᑎᖓ, ᑐᙵᕕᒃᑯᑦ ᐊᖓᔪᖅᑳᖓ, ᑲᒥᓯᓇ ᐊᒻᒪᓗ ᐊᕕᑦᑐᖅᓯᒪᓂᐅᔪᑦ ᐃᓄᐃᑦ ᑲᑐᔾᔨᖃᑎᒌᑦ ᐊᖓᔪᖅᑳᖏᑦ.
-ᓱᓕᒃᑲᓐᓂᖅ-
ᔪᓚᐃ 8 − ᓰᐲᓰ ᓈᓚᐅᑎᖓᒍᑦ ᐅᖄᓚᕋᖅᑎᑦᓯᓂᖅ ᐃᓄᒃᑎᑐᑦ ᐳᓛᖅᑎᒋᔭᐅᓗᓂ ᐊᓗᑭ ᑰᑦᑎᖅ, 1-ᒥᓂᒃ 3-ᒧᓄᑦ ᐅᓪᓗᑎᒃᑯ ᑲᓇᓐᓇᐅᑉ ᖃᐅᔨᓴᐅᑖᒍᑦ. ᐊᒥᓱᓂᒃ ᑐᓂᐅᖅᑲᕋᑦᓴᖅᑕᖃᕐᓂᐊᖅᑐᖅ ᓵᓚᒃᓴᐅᓯᐊᒃᓴᓂᓪᓗ ᐅᖄᓚᔪᓄᑦ.
ᐃᑲᔪᖅᑐᑦ ᓄᓇᕗᑦ ᐅᓪᓗᖓᓂ 2020: ᓄᓇᕗᑦ ᑐᙵᕕᒃ ᑎᒥᖓ, ᓄᓇᕗᑦ ᒐᕙᒪᖓ, ᕿᑭᖅᑕᓂ ᐃᓄᐃᑦ ᑲᑐᔾᔨᖃᑎᒌᑦ, ᕿᑭᖅᑖᓗᒃ ᑯᐊᐳᕇᓴᓐ, ᕿᑎᕐᒥᐅᑦ ᐃᓄᐃᑦ ᑲᑐᔾᔨᖃᑎᒌᑦ ᐊᒻᒪᓗ ᑲᓇᐃᑎᔭᓐ ᓄᐊᑦ, ᓄᐊᔅᕕᔅᑎᐊ, ᓄᓇᕗᑦ ᐃᓪᓗᓕᐅᖅᑏᑦ ᑯᐊᐳᕇᓴᓐ.
-ᐃᓱᓕᒍᑖ-
ᑕᑯᓐᓇᕋᑦᓴᑦ ᓄᓇᕗᑦ ᐅᓪᓗᖓᓂ ᓇᓪᓕᐅᓂᖅᓯᐅᕐᓃᑦ ᑕᑯᑦᓴᐅᑦᓴᐅᑎᒋᑎᓪᓗᒋᑦ ᑐᙵᕕᒃᑯᑦ ᕙᐃᔅᐳᖓᓂ ᐅᕙᓂ: https://www.facebook.com/Tunngavik/
ᖃᐅᔨᒋᐊᕐᕕᒃᓴᖅ:
ᒪᓚᐃᔭ ᒥᑭᔾᔪᒃ
ᑐᑭᒧᐊᒃᑎᑦᑎᔨ, ᑐᓴᐅᒪᔾᔪᑎᓕᕆᓂᕐᒧᑦ ᐃᓕᓐᓂᐊᖅᑐᖅ
ᐅᖄᓚᐅᑖ: 867-975-4907 ᐊᑭᖃᖏᑐ: 1-888-646-0006
ᐃᑭᐊᖅᑭᕕᒃ: tunngavik.com
ᓴᖅᑭᔮᖅᑎᑕᐅᓯᒪᔪᑦ − ᑐᙵᕕᒃᑯᑦ ᓵᓚᒃᓴᕋᓱᐊᖅᑎᑦᓯᒍᑎᖏᑦ:
ᓵᓚᒃᓴᕋᓱᐊᕐᓂᖅ ᐊᖏᕐᕋᒥ ᓂᖅᑎᐅᓕᐅᑎᓂᕐᒧᑦ ᓄᓇᕗᑦ ᐅᓪᓗᖓᓂ – ᖃᓄᐃᓕᖓᒻᒪᖔᑕ
• ᑖᓐᓇ ᓄᓇᕗᓕᒫᒨᖓᔪᖅ, ᐃᑭᐊᖅᑭᕕᒃᑯᑦ ᓂᖅᑎᐅᓕᐅᑎᓂᕐᒧᑦ ᓵᓚᒃᓴᕋᓱᐊᕈᑎ ᑐᕌᖓᔪᖅ ᓱᕈᓯᕐᓄᑦ, ᐅᕕᒃᑲᕐᓄᑦ/ᒪᒃᑯᑦᑐᓄᑦ ᐃᓐᓇᓄᓪᓗ.
• ᓵᓚᒃᓴᕋᓱᐊᖅᑐᑦ ᓂᕈᐊᕈᓐᓇᖅᑐᑦ ᓂᖅᑎᐊᕆᒍᒪᔭᑐᐃᓐᓇᕐᒥᓂᒃ, ᓴᓇᓗᒍ, ᐊᔾᔨᓕᐅᕐᓗᒍ ᐊᒻᒪ ᐊᔾᔨ ᐊᐅᓪᓚᑎᓪᓗᒍ ᑎᑎᕋᑐᐃᓐᓇᕐᓗᑎᑦ ᓇᓗᓇᐃᕈᑎᖏᓐᓂᒃ ᓱᒻᒪᑦ ᒪᒪᕆᔭᐅᓲᖑᒻᒪᖔᖅ ᑖᓐᓇ ᓂᖅᑎᐊᒥᓃᑦ.
• ᓂᖅᑎᐊᒥᓂᕐᓄᑦ ᖃᐅᔨᓴᕐᓂᐅᓂᐊᖅᑐᑦ ᐃᔾᔪᐊᖅᓯᓯᒪᑐᐃᓐᓇᖏᓐᓂᖓᓂᒃ, ᐅᓇᒻᒥᓇᕐᓂᖓᓂᒃ ᐊᒻᒪᓗ ᑎᒥᒧᑦ ᐃᑲᔫᑎᖃᕐᓂᖓᓂᒃ. ᐃᑲᔫᑎᖃᒃᑲᓐᓂᕈᓐᓇᕐᒥᔪᖅ ᐃᓄᓕᖅᑕᐅᑉᐸᑦ ᓂᕿ!
• ᖃᐅᔨᓴᖅᑏᑦ ᐃᓕᓐᓂᐊᖅᓯᒪᔪᑦ ᐅᑭᐅᖅᑕᖅᑐᒥ ᓂᖅᑎᐅᖅᑏᑦ: ᓰᓚ ᕙᓚᐅᕋᑎ ᐃᖃᓗᒻᒥᐅᖅ, ᑭᐊᓕ ᓕᓐᑎᐅ ᑲᖏᕐᖠᓂᕐᒥᐅᖅ ᐊᒻᒪᓗ ᑖᓴ ᑐᓗᒐᕐᓇᖅ ᐃᖃᓗᑦᑑᑦᑎᐊᒥᐅᖅ.
• ᖃᐅᔨᓴᖅᑏᑦ ᐲᔭᐃᕙᓪᓕᐊᓂᐊᖅᑐᑦ ᓵᓚᒃᓴᕋᓱᐊᕈᑕᐅᔪᓂᒃ ᓂᖅᑎᐊᕆᔭᐅᔪᓚᒐᔪᑦᑐᓂᒃ, ᑕᑯᑦᓴᐅᑦᓴᐅᑎᒋᓗᑎᒃ ᑐᙵᕕᒃᑯᑦ ᕙᐃᔅᐳᒃᖓᒍᑦ ᖃᐅᔨᓴᐅᑦ/ᓯᕿᙳᔭᖅ 1-ᒥ ᐅᓪᓗᒃᑯᑦ ᔪᓚᐃ 9 ᑐᓴᖅᑎᑦᓯᓗᑎᓪᓗ ᓵᓚᒃᓴᖅᑐᓂᒃ.
. #NUDay2020. ᐃᓱᓕᕝᕕᑦᓴᖓ: ᔪᓚᐃ 5.
ᐊᖏᕐᕋᒥ ᓂᖅᑎᐊᒥᓂᕐᒧᑦ ᓵᓚᒃᓴᕋᓱᐊᕈᑎᒧᑦ − ᓵᓚᒃᓴᐅᓯᐊᒃᓴᑦ
ᓱᕈᓰᑦ 1st – ᐱᓲᑏᒃ & $100
2nd– ᐱᓲᑏᒃ & $50
3rd – ᐃᖅᑲᖅᑕᐅᑦ & $50
ᐅᕕᒃᑲᑦ 1st – ᓴᕐᓕᐊᒐᖅ ᖃᕆᓴᐅᔭᖅ ᐋᐳ Apple & $1,000
2nd – ᑎᒍᒥᐊᒐᖅ ᖃᕆᓴᐅᔭᕋᓛᖅ iPad pro & $500
3rd –ᑎᒍᒥᐊᒐᖅ ᖃᕆᓴᐅᔭᕋᓛᖅ iPad pro & $250
ᐃᓐᓇᐃᑦ 1st – ᑐᐱᖅ ᑐᐱᑦᓴᔭ, ᒪᕐᕉᒃ ᕿᐱᐊᓘᒃ, ᓱᐴᔫᖅ & $3,000
2nd – ᑐᐱᖅ ᑐᐱᑦᓴᔭ, ᐃᒐ BBQ & $2,000
3rd – ᓄᓗᐊᑦ/ᒪᑦᓯᑕᐅᑏᑦ, ᐃᖅᑲᖅᑕᐅᑦ, ᑕᑕᑦᑐᖅ ᐊᐅᓚᓴᐅᑎᒃᑯᕕᒃ & $1,000
ᑎᒃᑖᒃ ᐊᐅᓚᔫᓕᐅᒐᕐᒧᑦ ᓵᓚᒃᓴᕋᓱᐊᕐᓂᖅ − ᖃᓄᐃᓕᖓᒻᒪᖔᖅ
• ᐃᑉᐱᐊᔪᒻᒥᒐᕐᒥᒃ ᐅᖄᓚᐅᑎᕋᓛᓖᑦ ᐊᐅᓚᔫᓕᐅᕆᒍᓐᓇᖅᑎᑕᐃᑦ ᓇᐃᑦᑐᒥᒃ ᓴᖅᑭᔮᖅᑎᑦᓯᔪᒥᒃ ᐃᓄᐃᑦ ᐃᓕᖅᑯᓯᖓᓂᒃ, ᐱᖅᑯᓯᖏᓐᓂᒃ ᐊᒻᒪᓗ ᐅᖃᐅᓯᖓᓂᒃ.
• ᓵᓚᒃᓴᕋᓱᐊᖃᑕᐅᒍᓐᓇᖅᑐᑎᑦ, ᓵᓚᒃᓴᕋᓱᐊᖃᑕᐅᔪᑦ ᐃᓚᓕᐅᔾᔨᒋᐊᓖᑦ ᐆᒥᖓ #NuDay2020 ᓴᖅᑭᔮᖅᑎᓪᓗᒍ ᑎᒃᑖᒃ ᖃᕆᓴᐅᔭᒃᑯᑦ ᐃᓅᖃᑎᒌᑦ ᑲᓲᒪᔾᔪᑎᖓᒍᑦ www.tiktok.com.
• ᐊᐅᓚᔫᓕᐅᒐᐃᑦ ᓈᓴᐅᑎᑖᖅᑎᑕᐅᖃᑦᑕᓂᐊᖅᑐᑦ 50 ᓴᓇᑐᓂᖓᓄᑦ ᐊᒻᒪᓗ 50 ᐃᓄᐃᑦ ᐃᓕᖅᑯᓯᖓᓄᑦ
• ᐊᐅᓚᔫᓕᐅᒐᐃᑦ ᖃᐅᔨᓴᕐᓂᐊᖅᑕᖏᑦ ᕕᓂ ᖃᕆᑕᖅ, ᐋᒻᕙ ᓖ ᐊᒻᒪᓗ ᐸᒥᓚ ᕼᐊᑯᙵᒃ ᒍᕉᔅ.
• ᐃᓱᓕᕝᕕᑦᓴᓕᒃ: ᔪᓚᐃ 5. ᑐᓴᖅᑕᐅᓂᐊᖅᑐᑦ ᓵᓚᒃᓴᖅᑐᑦ ᔪᓚᐃ 9.
ᑎᒃᑖᒃ ᐊᐅᓚᔫᓕᐅᒐᕐᒧᑦ ᓵᓚᒃᓴᕋᓱᐊᕈᑎ − ᓵᓚᒃᓴᐅᓯᐊᑦᓴᑦ
1st – ᖃᕆᓴᐅᔭᕋᓛᖅ ᑎᒍᒥᐊᒐᖅ iPad Pro + Apple ᑎᑎᕋᐅᑎᖓᓗ
2nd – ᐊᔾᔨᓕᐅᕈᑎ Canon Rebel T7i ᐊᔾᔨᓕᐅᕆᒋᐅᖅᓴᐅᑎᓕᒃ
3rd – ᓯᐅᒻᒥᒑᒃ ᐅᓪᓗᒥᓯᐅᑕᐅᓂᖅᐹᒃ AirPod Pros + $200 ᑮᓇᐅᔭᑦ
