(ᔫᓂ 2, 2020 – ᐃᖃᓗᐃᑦ, ᓄᓇᕗᑦ) ᐅᖓᑖᓃᒃᑯᑦ $1 ᒥᓕᐊᓐᓂ ᑮᓇᐅᔭᑦ ᓴᓂᕐᕙᕐᑕᐅᕗᑦ ᓄᓇᕗᑦ ᑐᙵᕕᒃᑯᑦ (ᑐᙵᕕᒃᑯᑦ) ᑲᑎᒪᔨᖏᓐᓂᑦ ᑲᒪᒋᐊᕈᑕᐅᓪᓗᓂ ᐱᔭᕆᐊᖃᓗᐊᕐᑕᖏᓐᓂᒃ ᐃᓄᐃᑦ ᐃᓕᓐᓂᐊᕐᑏᑦ ᑲᒪᒋᐊᕈᑕᐅᔪᖅ ᓄᕙᒡᔪᐊᕐᓇᖅ ᓯᐊᒻᒪᕐᓯᒪᑎᓪᓗᒍ ᓄᓇᕐᔪᐊᕐᒥ.
ᑮᓇᐅᔭᖃᕈᑎᑦ ᑲᑎᑕᐅᔪᑦ ᒪᔅᑐᑳᒃᑯᑦ ᑮᓇᐅᔭᖃᖅᑎᑦᑎᕙᒃᑯᑐᓂᒃ ᐃᑲᔪᕈᑎᑦ ᐊᒻᒪᓗ ᑲᓇᑕᐅᑉ ᒐᕙᒪᒃᑯᖏᑕ ᐃᓄᖕᓄᑦ ᓯᓚᑦᑐᓴᕐᕕᖕᒧᑦ ᐃᓕᓐᓂᐊᕆᐊᖅᐸᒃᑐᓄᑦ ᐃᓕᓐᓂᐊᓂᕐᒧᑦ ᐃᑲᔪᕈᑎᖏᑦ. ᑮᓇᐅᔭᖃᕈᑎᑦ ᐊᒡᒍᖅᑕᐅᓯᒪᕗᑦ ᐱᖓᓱᐃᓂ ᐃᓄᐃᑦ ᑲᑐᔾᔨᖃᑎᒌᖏᓐᓄᑦ ᐊᒻᒪᓗ ᑲᑭᕙᒃᑯᑦ ᑲᑐᔾᔨᖃᑎᒌᖏᓐᓄᑦ ᐊᑖᓂ ᑎᑎᕋᖅᓯᒪᕗᑦ:
ᕿᑎᕐᒥᐅᑦ ᐃᓄᐃᑦ ᑲᑐᔾᔨᖃᑎᒌᖏᑦ, ᑲᑎᑦᑐᒋᑦ – $248,646.95
ᑭᕙᓪᓕᕐᒥ ᐃᓄᐃᑦ ᑲᑐᔾᔨᖃᑎᒌᖏᑦ, ᑲᑎᑦᑐᒋᑦ – $341,957.08
ᕿᑭᖅᑕᓂ ᐃᓄᐃᑦ ᑲᑐᔾᔨᖃᑎᒌᖏᑦ, ᒫᔅᑐᑳᑦ ᑮᓇᐅᔭᖃᖅᑎᑦᑎᕙᒃᑐᑦ – $227,257.77
ᑲᑭᕙᒃᑯᑦ ᑲᑐᔾᔨᖃᑎᒌᖏᑦ, ᐃᓄᖕᓄᑦ ᓯᓚᑦᑐᓴᕐᕕᖕᒧᑦ ᐃᓕᓐᓂᐊᑏᓄᑦ – $263,055.17
ᑲᑎᑦᑐᒋᑦ – $1,080,916.90
ᐃᓕᓐᓂᐊᖅᑏᑦ ᐱᔭᕆᐊᖃᖅᑕᖏᓐᓄᑦ ᑲᒪᒋᐊᕈᑕᐅᔪᑦ ᓄᓇᐃᑦ ᐊᕕᒃᑐᕐᓯᒪᓂᖏᑦᑎᒍᑦ ᐊᒻᒪ ᐱᖃᓯᐅᔾᔨᔪᑦ:
• ᖃᕆᑕᐅᔭᒃᑯᑦ ᐅᖓᓯᒃᑐᒥᒃ ᑎᑭᐅᑎᔪᓐᓇᕐᓯᒪᙱᓐᓂᖏᓐᓄᑦ (ᒪᑯᓄᖓ ᐊᖏᕐᕋᒥ ᐃᑭᐊᕐᕆᔾᔪᑎᑦ, ᖃᕆᑕᐅᔭᑦ ᐊᒻᒪ ᐃᑭᐊᕐᕆᔾᔪᑎᒃᑯᑦ ᐃᓕᓐᓂᐊᕈᑎᒥᓂᒃ ᐱᔪᓐᓇᕐᓯᒪᙱᓐᓂᖏᓐᓄᑦ)
• ᑐᐊᕕᕐᓇᑐᒃᑯᑦ ᑮᓇᐅᔭᖃᕈᑎᑦ ᐃᓕᓐᓂᐊᖅᑎᑦ ᑲᒪᒋᐊᖅᐸᓪᓕᐊᑎᓪᓗᒋᑦ (ᒪᑯᓂᖓ ᐃᓕᓐᓂᐊᖅᑕᒥᓂᒃ ᐃᓂᕐᓯᔪᑦ ᐃᓕᓐᓂᐊᕐᕕᐊᓗᖕᒥ ᐃᓕᓐᓂᐊᕆᐊᕈᒫᓐᓂᐊᓗᑎᒃ ᓯᓚᑦᑐᓴᕐᕕᖕᒥ ᐃᓕᓐᓂᐊᕈᑎᓂᒃ)
• ᐱᕚᓪᓕᖁᓪᓗᒋᑦ ᐃᑭᐊᕐᕕᒃᑯᑦ ᐃᑲᔪᕐᑕᐅᒍᑎᖏᑦ (ᐃᓕᓴᐃᔨᖃᓐᓂᖅ, ᐃᓱᒪᔮᕐᑐᓕᕆᔨᒃᑯᑦ ᐱᔨᑦᑎᕐᑏᑦ)
• ᐅᔾᔨᑐᖅᑎᓪᓗᒋᑦ ᖃᓄᖅ ᐊᑐᖅᑕᐅᕙᓪᓕᐊᓂᕆᔭᒃᑎᓐᓂᒃ ᓄᕙᒡᔪᐊᖅᓇᖅ−19−ᒧᑦ ᐃᓄᐃᑦ ᓄᓇᖏᓐᓂ ᐊᒻᒪ ᐃᓕᓐᓂᐊᕐᑏᑦ.
“ᓄᕙᒡᔪᐊᖅᓇᖅ−19 ᓄᓇᕐᔪᐊᕐᒥ ᓯᐊᖕᒪᕐᓯᒪᔪᖅ ᐱᓗᐊᒃᑲᓐᓂᓕᕈᑕᐅᓯᒪᖕᒪᑦ ᓱᑲᓐᓂᕐᓴᒃᑯᑦ ᐱᓕᒻᒪᒃᓴᐃᔭᕆᐊᖃᓐᓂᕐᒥᒃ ᐊᒻᒪ ᓴᖅᑮᔭᕆᐊᖃᓐᓂᕐᒥᒃ ᓄᓇᓕᖕᓂ, ᐅᓄᕐᓂᒃᓴᓂᒃ ᐃᖅᑲᓇᐃᔭᕐᑎᓂᒃ. ᐃᒪᓐᓇᐃᖁᒥᓇᐳᖅ ᑐᓴᐅᒪᓇᕐᓂᖓ ᓄᓇᕐᔪᐊᕐᒥ ᓯᐊᖕᒪᕐᓯᒪᔫᑉ ᓄᓇᕗᖕᒧᑦ ᓴᖏᓕᒃᑲᓐᓂᒍᑕᐅᖁᒥᓇᖅᐳᖅ, ᓄᓇᓕᖕᓂ, ᐅᓄᕐᓂᕐᓴᑦ ᐃᓄᐃᑦ ᐃᖅᑲᓇᐃᔭᕐᓗᑎᒃ ᑕᒪᐃᓐᓂ ᐃᖅᑲᓇᐃᔭᕐᕕᐅᓲᓂ,” ᐅᖃᖅᑐᖅ ᐊᓗᑭ ᑰᑦᑎᖅ, ᐊᖓᔪᖅᑲᖔᑦ ᑐᙵᕕᒃᑯᑦ.” “ᑲᔪᖏᓴᖅᐸᒃᑲ ᓄᓇᕗᖕᒥ ᐃᓄᖏᑦ ᐃᓕᓐᓂᐊᖏᓐᓇᖁᓪᓗᓯ ᐃᓕᓐᓂᐊᑕᑦᓯᓐᓂᒃ ᐱᕕᖃᖅᑎᑕᐅᔪᓐᓇᖁᓪᓗᑎᒃ ᑮᓇᐅᔾᔭᒃᓴᓂᒃᑯᑦ. ᓱᓕᔪᕆᕙᒃᓯ.”
“ᖃᐅᔨᒪᖁᕙᒃᑲ ᐃᓄᐃᑦ ᑕᐱᕇᑦ ᑲᓇᑕᒥ ᓂᐱᒋᔭᐅᓚᐅᕐᒪᑕ ᐃᓄᖕᓄᑦ ᓯᓚᑦᑐᓴᕐᕕᖕᒥ ᐃᓕᓐᓂᐊᖅᑎᐅᔪᓄ ᐊᒻᒪ ᖁᔭᒋᔪᒪᓪᓗᒋᑦ ᒫᔅᑐᑳᑦᑯᑦ ᑮᓇᐅᔭᕐᑖᕐᕕᐅᓲᑦ ᐊᒻᒪ ᑲᓇᑕᐅᑉ ᒐᕙᒪᒃᑯᖏᑦ ᑮᓇᐅᖃᖅᑎᑦᑎᓯᒪᓂᖏᓐᓄᑦ ᐅᖃᖅᑐᖅ ᔭᐃᒥᓯ ᐃᑦᑐᓗᒃ, ᑐᒡᓕᖓ ᐊᖓᔪᖅᑳᖓᑦᑕ ᑐᙵᕕᒃᑯᑦ.
ᑐᑭᓯᒋᐊᑲᓐᓂᕈᓐᓇᕐᐳᑎᑦ:
ᒪᓚᐃᔭ ᒥᑭᔾᔪᒃ
ᑐᑭᒧᐊᒃᑎᑦᑎᔨ ᑐᓴᐅᒪᖃᑦᑕᐅᑎᓕᕆᔨᒃᑯᓐᓂ ᐱᓕᒻᒪᒃᓴᔪᖅ
ᓄᕙᒡᔪᐊᖅᓇᖅ-19 ᐊᑑᑎᖓ, ᐃᑲᔪᕐᓯᒍᑦ ᐊᒻᒪ ᑐᑭᓯᓯᒪᒍᑦ
ᓄᓇᕗᑦ ᑐᙵᕕᒃ ᑎᒥᖓ covid-19@tunngavik.com
(867) 975-4919
