ᐃᓱᓕᕝᕕᒃᓴᓕᒃ ᒫᑦᓯ 31, 2028
ᐅᖃᐅᓯᕐᖓᖅ ᐱᓕᕆᐊᒃᓴᓄᑦ ᐊᐅᓚᑦᑎᔨ
ᐃᓅᓯᓕᕆᓂᕐᒧᑦ ᐃᓕᖅᑯᓯᓕᕆᓂᕐᒧᓪᓗ ᐱᕙᓪᓕᐊᑎᑦᑎᓂᖅ
ᓄᓇᕗᑦ ᑐᙵᕕᒃᑯᑦ ᑎᒥᖓᑦ
ᐃᓂᖃᖅᑐᖅ ᐃᖃᓗᐃᑦ, ᓄᓇᕗᑦ
ᑐᑭᒧᐊᒃᑎᑕᐅᕙᒡᓗᓂ ᑐᑭᒧᐊᒃᑎᑦᑎᔨᐅᑉ ᐃᑲᔪᖅᑎᖓᓄᑦ − ᐃᓅᖃᑎᒌᓄᑦ, ᐅᖃᐅᓯᕐᙵᖅ ᐱᓕᕆᐊᒃᓴᓄᑦ ᐊᐅᓚᑦᑎᔨ ᐊᐅᓚᑦᑎᖃᑦᑕᕐᓂᐊᖅᐳᖅ ᐅᖃᐅᓯᕐᙵᖅ ᑮᓇᐅᔭᖃᖅᑎᑦᑎᓂᕐᒧᑦ ᐱᓕᕆᐊᖑᕙᒃᑐᒥᒃ ᐃᑲᔪᖅᑐᐃᕙᒡᓗᓂᓗ ᐱᓕᕆᕝᕕᒋᔭᐅᔪᒥᒃ ᐃᓄᐃᑦ ᐅᖃᐅᓯᖏᓐᓄᑦ ᐱᓕᕆᐊᖑᕙᓪᓕᐊᔪᒪᔪᓄᑦ, ᑕᐃᒪᐃᑦᑕᕆᐊᖃᕌᖓᑦ. ᑖᓐᓇ ᐃᓂᒋᔭᐅᔪᖅ ᐱᑕᖃᖅᐳᖅ ᐃᒪᐃᓕᐅᕐᓂᐊᕐᓗᓂ:

ᐊᐅᓚᑦᑎᕙᒡᓗᓂ ᐊᕐᕌᒍᓕᒫᖅᓯᐅᒻᒥᒃ ᑐᒃᓯᕋᐅᑎᓕᐅᖁᔨᓂᕐᒥᒃ
ᐱᓕᕆᖃᑎᒋᓗᒋᑦ ᐊᕕᒃᑐᖅᓯᒪᔪᓂ ᐃᓄᐃᑦ ᑲᑐᔾᔨᖃᑎᒌᑦ ᕿᒥᕐᕈᓗᑎᒃ ᑐᒃᓯᕋᐅᑎᓂᒃ ᐱᔭᐅᔪᓂᒃ ᐅᖃᐅᓯᕐᙵᖅ ᑮᓇᐅᔭᖁᑎᖏᑦ ᐊᑐᕐᓗᒋᑦ
ᑐᓂᓯᓗᑎᒃ ᑮᓇᐅᔭᖃᖅᑎᑕᐅᓂᕐᒧᑦ ᐊᖏᕈᑎᓂᒃ ᖃᐅᔨᓴᕐᓗᒋᓪᓗ ᐱᓕᕆᐊᒃᓴᑦ ᖃᓄᐃᓕᖓᓕᕐᓂᖏᑦ
ᐅᔾᔨᕐᓇᖅᓯᑎᒃᑲᓐᓂᕐᓗᒍ ᐅᖃᐅᓯᕐᖓᖅ ᑮᓇᐅᔭᖁᑎᒋᔭᐅᔪᖅ ᐅᑯᑎᒎᓇᖅ, ᓄᓇᓕᖕᓂ ᐃᓚᐅᑎᑦᑎᓂᕐᒧᑦ ᐱᓕᕆᐊᖑᕙᓪᓕᐊᔪᒪᔪᑎᒍᑦ
ᐅᔾᔨᖅᓱᕐᓗᒍ ᑲᔪᓯᓂᖃᑦᑎᐊᕐᓂᖓ ᐅᖃᐅᓯᕐᙵᖅ ᑮᓇᐅᔭᖃᖅᑎᑕᐅᓂᕐᒧᑦ ᐱᓕᕆᐊᖑᕙᒃᑐᖅ
ᐃᓚᐅᑎᓪᓗᒋᑦ ᐊᕕᒃᑐᖅᓯᒪᔪᑦ ᐃᓄᐃᑦ ᑲᑐᔾᔨᖃᑎᒌᖏᑦ ᕿᒥᕐᕈᑎᓪᓗᒋᑦ ᐊᒃᑐᐊᓂᓕᖕᓂᒃ ᐱᓕᕆᐊᒃᓴᓂᒃ, ᐊᑐᐊᒐᕐᓂᒃ ᐊᒻᒪ ᖃᐅᔨᒪᔾᔪᑎᓂᒃ, ᑕᐃᒪᐃᑦᑕᕆᐊᖃᕌᖓᑦ
ᑲᑎᒪᖃᑕᐅᕙᒡᓗᓂ ᒐᕙᒪᑐᖃᒃᑯᓐᓂ …

ᑲᒪᔨ-ᖃᕆᓴᐅᔭᒃᑯᑦ ᓄᓇᙳᐊᓕᕆᔾᔪᑎᓄᑦ
ᐊᐅᓚᑦᑎᔨᒻᒪᕆᒃ
ᓄᓇᕗᑦ ᑐᙵᕕᒃᑯᑦ ᑎᒥᖓᑦ
ᐃᖃᓗᒃᑑᑦᓯᐊᖅ, ᓄᓇᕗᑦ
ᑐᑭᒧᐊᒃᑎᑕᐅᕙᒡᓗᓂ ᐊᐅᓚᑦᑎᔨᒧᑦ-ᓄᓇᙳᐊᓕᕆᔨᒧᑦ, ᐊᐅᓚᑦᑎᔨ-ᓄᓇᙳᐊᓕᕆᔨ ᐃᑲᔪᖃᑦᑕᕐᓂᐊᖅᑐᖅ ᐱᕙᓪᓕᐊᑎᑦᑎᓂᕐᒥᒃ, ᐊᐅᓚᑦᑎᓂᕐᒥᒃ, ᐊᒻᒪ ᐋᖅᑭᐅᒪᑎᑦᑎᓂᕐᒥᒃ ᓄᓇᕗᑦ ᑐᙵᕕᒃᑯᑦ ᓄᓇᙳᐊᓕᕆᔾᔪᑎᖏᓐᓂᒃ ᓄᓇᕗᑦ ᑐᙵᕕᒃᑯᑦ ᐱᓕᕆᕝᕕᓕᒫᖏᓐᓂᒃ, ᐱᔾᔪᑎᖃᓪᓗᐊᑕᕐᓗᓂ ᐃᑲᔪᖅᑐᐃᓂᕐᒥᒃ ᓄᓇᓕᕆᔨᓂᒃ. ᑐᑭᒧᐊᒃᑎᑕᐅᕙᒡᓗᓂ ᐊᐅᓚᑦᑎᔨ-ᓄᓇᙳᐊᓕᕆᔨ ᓇᓗᓇᐃᔭᐅᑎᓄᑦ ᐊᑐᖃᑦᑕᖅᑐᓂ, ᑖᓐᓇ ᐃᓂᒋᔭᐅᔪᖅ ᐊᐅᓚᑦᑎᖃᑦᑕᕐᓂᐊᖅᐳᖅ ᖃᐅᑕᒫᑦ ᓄᓇᙳᐊᓕᕆᔾᔪᑎᓂᒃ, ᓄᓇᙳᐊᓕᕆᓂᕐᒥᒃ, ᐃᑭᐊᖅᑭᕕᒃᑯᑦ ᓄᓇᙳᐊᓕᕆᓂᕐᒥᒃ, ᓄᓇᙳᐊᓕᕆᔾᔪᑎᓂᒃ ᐊᐅᓚᑦᑎᓂᕐᒥᒃ, ᐊᒻᒪ ᖃᕆᓴᐅᔭᒃᑯᑦ ᑐᖅᑯᖅᑐᐃᕕᖕᒥ ᐱᓕᕆᐊᒃᓴᓂᒃ ᐃᑲᔪᖅᑐᐃᔪᓂᒃ ᓄᓇᒥᒃ ᐊᐅᓚᑦᑎᓂᕐᒥᒃ, ᐃᑲᔫᑎᒃᓴᓂᒃ ᖃᐅᔨᓴᖅᐸᓪᓕᐊᓂᕐᒥᒃ, ᐆᒪᔪᓂᒃ, ᐃᒪᕐᒥᐅᑕᓂᒃ ᐊᒻᒪ ᐊᕙᑎᓕᕆᓂᕐᒥᒃ ᖃᐅᔨᓴᕐᓂᕐᒥᒃ, ᐊᒻᒪ ᐱᓕᕆᕝᕕᖕᒥ ᑐᑭᓯᒋᐊᒐᒃᓴᓂᒃ ᐱᔭᐅᔭᕆᐊᓕᖕᓂᒃ.
ᑐᙵᓱᒃᑎᑕᐅᔪᒪᒍᕕᑦ ᐊᐱᖅᓱᖅᑕᐅᓂᕐᒧᑦ; ᓯᓚᑦᑐᖅᓴᕐᕕᖕᒥ ᓇᓗᓇᐃᒃᑯᑕᖅᑖᖅᓯᒪᓗᓂ ᐊᒃᑐᐊᓂᓕᖕᓂᒃ ᖃᕆᑕᐅᔭᓕᕆᓂᕐᒧᑦ ᖃᐅᔨᓴᖅᑐᓕᕆᓂᕐᒥᒃ ᓄᓇᙳᐊᓕᕆᓂᕐᒧᓪᓘᓐᓃᑦ ᑐᓴᖅᑕᐅᔪᒃᓴᓄᑦ ᐊᑐᖅᑕᐅᕙᒃᑐᓄᑦ ᐃᑭᐊᖅᑭᕕᖕᒧᓪᓘᓐᓃᑦ ᐱᕙᓪᓕᐊᑎᑦᑎᓂᕐᒧᑦ; ᐊᕐᕌᒎᖕᓄᑦ ᒪᕐᕉᖕᓄᑦ ᐱᓕᕆᖃᑦᑕᖅᓯᒪᓂᑰᓗᓂ ESRI ArcGIS ᖃᕋᓴᐅᔭᓕᕆᔾᔪᑎᓂᒃ …

ᑐᓴᒐᒃᓴᓕᕆᔨᒃᑯᑦ
ᓄᓇᕗᑦ ᑐᙵᕕᒃᑯᑦ ᑎᒥᖓᑦ
ᐃᓂᖃᖅᑐᖅ ᐃᖃᓗᐃᑦ, ᓄᓇᕗᑦ
ᑐᑭᒧᐊᒃᑎᑕᐅᕙᒡᓗᓂ ᑐᑭᒧᐊᖅᑎᑦᑎᔨᒧᑦ ᑐᓴᐅᒪᔪᓕᕆᓂᕐᒧᑦ, ᑭᒃᑯᑐᐃᓐᓇᓂᒃ ᐱᓕᕆᖃᑎᖃᖅᐸᖕᓂᕐᒧᑦ ᖃᓄᐃᓕᐅᖅᑎᑦᑎᓂᕐᒧᓪᓗ ᐊᐅᓚᑦᑎᔨ ᐃᑲᔪᖅᑐᐃᕙᒃᐳᖅ ᑲᑐᔾᔨᖃᑎᒌᖑᔫᑉ ᑐᓴᐅᒪᑎᑦᑎᕙᖕᓂᖏᓐᓂᒃ, ᐱᕙᓪᓕᐊᔪᓕᕆᔨᓂᒃ, ᐱᖃᖃᑕᐅᔪᓂᒡᓗ ᐃᓚᐅᑎᑦᑎᓂᕐᒧᑦ ᐱᓕᕆᐊᖑᕙᓪᓕᐊᔪᒪᔪᓂᒃ ᐱᕙᓪᓕᐊᑎᑦᑎᓂᒃᑯᑦ, ᐊᐅᓚᑦᑎᓂᒃᑯᑦ, ᐊᑐᓕᖅᑎᑦᑎᓂᒃᑯᓪᓗ ᑐᓴᐅᒪᑎᑦᑎᓂᕐᒧᑦ ᐱᓕᕆᐊᖑᕙᒃᑐᓂᒃ ᐱᓕᕆᐊᖑᔪᓂᒡᓗ. ᑖᓐᓇ ᐃᖅᑲᓇᐃᔮᖅ ᑲᒪᒋᔭᒃᓴᖃᖅᐳᖅ ᑕᑯᒃᓴᐅᔪᓐᓇᕐᓂᕐᒥᒃ, ᐊᐅᓚᑦᑎᓂᕐᒥᒃ ᑐᓴᒐᒃᓴᓕᕆᓂᕐᒧᑦ ᐱᓕᕆᐊᖑᔪᓂᒃ, ᑲᔪᓯᑎᑦᑎᓂᕐᒥᒡᓗ ᐱᓕᕆᐊᖑᔪᓂᒃ ᐱᐅᓯᒋᐊᖅᑎᑦᑎᔪᓂᒃ ᐃᓚᐅᑎᑦᑎᓂᕐᒥᒃ ᐅᔾᔨᕐᓇᖅᓯᑎᑦᑎᔪᓂᒡᓗ ᑲᑐᔾᔨᖃᑎᒌᒡᕕᖕᒥ ᓯᕗᓪᓕᖅᐸᐅᔾᔭᐅᓯᒪᔪᓂᒃ. ᑭᒃᑯᑐᐃᓐᓇᓂᒃ ᐱᓕᕆᖃᑎᖃᖅᐸᖕᓂᕐᒧᑦ ᖃᓄᐃᓕᐅᖅᑎᑦᑎᓂᕐᒧᓪᓗ ᐊᐅᓚᑦᑎᔨ ᐱᓕᕆᖃᑎᖃᖅᐸᒃᐳᖅ ᐱᓕᕆᖃᑎᒌᒃᑐᓂᒃ ᓯᓚᑖᓃᑦᑐᓂᒡᓗ ᐱᓕᕆᖃᑎᒋᔭᐅᕙᒃᑐᓂᒃ ᓇᓗᙱᑦᑎᐊᕈᒪᓂᕐᒧᑦ ᑐᓴᐅᒪᑎᑦᑎᓂᕐᒧᑦ ᐱᓇᔪᒃᑕᐅᔪᑦ ᖃᓄᐃᓕᐅᖅᑎᑦᑎᓃᓪᓗ ᑲᔪᓯᓂᖃᑦᑎᐊᖅᑐᒃᑯᑦ ᐱᕙᒌᔭᖅᑕᐅᓯᒪᒐᓗᐊᕐᒪᖔᑕ, ᑲᔪᓯᑎᑕᐅᒐᓗᐊᕐᒪᖔᑕ, ᐊᑕᐅᑦᑎᒃᑰᖃᑎᖃᕋᓗᐊᕐᒪᖔᑕᓗ ᑲᑐᔾᔨᖃᑎᒌᒡᕕᖕᒥ ᑐᕌᕆᔭᐅᔪᓄᑦ.
ᑐᙵᓱᒃᑎᑕᐅᔪᒪᓗᓂ ᐊᐱᖅᓱᖅᑕᐅᓂᕐᒧᑦ; ᐃᖅᑲᓇᐃᔮᖅᑖᖅᑐᖅ ᐱᔭᕇᕈᓯᐊᖅᓯᒪᒋᐊᓕᒃ ᐱᔭᕇᕈᓯᐊᖅᓯᒪᓗᓂᓘᓐᓃᑦ ᑐᓴᐅᒪᔪᓕᕆᓂᕐᒧᑦ, ᑭᒃᑯᑐᐃᓐᓇᕐᓂᑦ ᑐᓴᐅᒪᑎᑦᓯᓂᕐᒧᑦ, ᓂᐅᕕᐊᑦᓴᖃᕐᓂᕐᒧᑦ, ᖃᓄᐃᓕᐅᖅᑎᑦᓯᓂᕐᒧᑦ ᐊᐅᓚᑦᓯᓂᕐᒥᑦ, ᐱᕙᓪᓕᐊᔪᓕᕆᓂᕐᒥᑦ, ᐊᑦᑐᐊᓂᓕᓐᓂᓪᓘᓐᓃᑦ; 3-5 ᐊᕐᕌᒍᐃᑦ …