ᑐᓴᐅᒪᑎᑦᑎᔨᒃᑯᑦ
ᓄᓇᕗᑦ ᑐᙵᕕᒃ ᑎᒥᖓ
ᐃᖃᓗᐃᑦ, ᓄᓇᕗᑦ
ᐊᐅᓚᑦᓯᔨᐅᔪᒧᑦ ᑐᓵᔨᓄᑦ ᑐᑭᓯᓕᐅᕆᓂᕐᒧᓪᓗ ᑐᑭᒧᐊᑦᑎᑕᐅᓗᑎᑦ, ᐱᓕᕆᐊᕆᓪᓗᐊᑕᕐᓂᐊᖅᑕᑎᑦ ᑭᖑᕙᓯᙱᑦᑐᓂᒃ ᓇᓕᖅᑯᓯᒪᔪᓂᒃ ᑐᓴᔨᐅᖃᑦᑕᕐᓗᑎᑦ ᐃᕐᖐᓐᓇᑲᐅᑎᒋ ᐊᒻᒪᓗ ᐃᓄᒃᑎᑑᓕᕆᕙᓪᓗᑎᑦ ᑎᑎᖃᓂᒃ ᓄᓇᕗᑦ ᑐᙵᕕᒃᑯᑦ ᐊᕐᕌᒍᑕᒪᑦ ᑲᑎᒪᓂᖏᖕᓄᑦ, ᐊᖓᔪᖅᑲᐅᑎᑦ ᑲᑎᒪᔨᖏᖕᓄᑦ, ᑲᑎᒪᔨᐅᔪᓄᑦ, ᑲᑎᒪᔨᐊᓛᖏᖕᓄᑦ, ᐊᓯᖏᖕᓄᑦ ᑎᒥᐅᖃᑎᖏᖕᓄᑦ, ᐃᖃᓇᐃᔭᖅᑎᓄᑦ, ᐃᓄᖕᓄᑦ ᐊᓯᖏᓐᓄᓪᓗ ᐃᓅᖃᑕᐅᔪᑦ ᓄᓇᓕᖕᓂ ᐋᔩᖃᑎᖃᕈᒪᔪᑦ ᓄᓇᕗᑦ ᑐᙵᕕᒃᑯᓄᑦ ᐃᓄᒃᑎᑐᓪᓘᕝᕙ ᖃᓪᓗᓇᑎᑐᓪᓗᕝᕙ.
ᐊᐱᖅᓱᖅᑕᐅᔪᒪᓐᓂᕈᕕᑦ ᐃᖃᓇᐃᔮᑉ ᒥᒃᓵᓄᑦ; ᖁᑦᑎᓐᓂᓕᖕᒥᒃ ᐃᓕᓐᓂᐊᕐᓂᖃᕆᐊᖃᖅᐳᑎᑦ ᐃᓱᓕᓯᒪᓗᒍ. ᐅᖃᕈᓐᓇᑦᑎᐊᕐᓗᑎᓪᓗ ᑎᑎᕋᕈᓐᓇᑦᑎᐊᕐᓗᑎᓪᓗ ᐃᓄᒃᑎᑐᓪᓗ ᖃᓪᓗᓈᑎᑐᓪᓗ. ᐊᔪᙱᑦᑎᐊᕐᓗᑎᓪᓗ ᑐᓴᔨᐅᓂᕐᒥᒃ ᑐᑭᓕᐅᕐᓂᕐᒥᒃ ᓇᓕᖅᑯᓯᒪᑦᑎᐊᖅᑐᓂᒃ, ᓇᕿᑦᑕᕈᓐᓇᕐᓗᑎᓪᓗ ᖃᓕᐅᔮᖅᐸᐃᑎᑐᑦ, ᖃᓂᐅᔭᖅᐸᐃᑎᑐᑦ ᐊᒻᒪᓗ ᖃᕆᑕᐅᔭᐃᑦ ᑎᑎᖅᑲᓕᐅᕈᑎᖏᓐᓂᑦ ᐊᔪᙱᓪᓗᑎᑦ. ᑐᓵᔨᐅᓂᕐᒥᒃ ᐃᓕᓐᓂᐊᕐᓂᖃᖅᓯᒪᓗᑎᑦ, ᑐᓵᔨᐅᓂᕐᒧᑦ ᐃᓕᓐᓂᐊᕐᓃᑦ ᐃᓕᑕᕆᔭᐅᓯᒪᓂᓖᑦ ᐱᐅᒪᕆᐅᖕᓇᔭᖅᐳᑦ. ᐅᖃᓕᒫᒃᑲᓐᓂᕈᓐᓇᕐᓂᑦ ᑎᑎᖃᓂᒃ ᐱᐊᓂᒃᓯᒪᔪᓂᒃ, ᐱᓕᕆᑦᑎᐊᕈᓐᓇᕐᓃᓪᓗ ᑐᐊᕕᕐᓇᖅᑐᓂᒃ ᐱᓕᕆᐊᒃᓴᓂᒃ ᐱᐊᓂᒃᓯᑦᑎᐊᕈᓇᕐᓗᑎᑦ, ᐱᓕᕆᔪᓐᓇᕐᓗᑎᓪᓗ ᐱᔭᕆᐊᑐᔪᒃᑯᑦ. …

ᐃᖅᑲᓇᐃᔭᖅᑐᓕᕆᔨᒃᑯᑦ ᐱᓕᕆᕝᕕᖓ
ᓄᓇᕗᑦ ᑐᙵᕕᒃ ᑎᒥᖓ
ᑲᖏᕐᖠᓂᖅ, ᓄᓇᕗᑦ
ᕿᓂᖅᑐᒍᑦ ᐊᔪᙱᓯᐊᖅᑐᒥᒃ ᑐᑭᒧᐊᒃᑎᑦᑎᔨᑦᓴᒥᒃ ᐃᖅᑲᓇᐃᔭᖅᑐᓕᕆᔨᒃᑯᓐᓄᑦ (HR) ᓄᓇᕗᑦ ᑐᙵᕕᒃ ᑎᒥᖓᓂ (ᑐᙵᕕᒃ) ᑐᑭᒧᐊᒍᑎᑦᓴᓕᐅᖃᑦᑕᓂᐊᖅᑐᒥᒃ ᑐᑭᒧᐊᒃᑎᑦᑎᒍᑎᑦᓴᓂᓪᓗ ᐃᖅᑲᓇᐃᔭᖅᑐᓕᕆᔨᒃᑯᓐᓄᑦ ᓯᕗᓕᖅᑎᓄᑦ ᑐᙵᕕᒃᑯᓐᓂ. ᐱᓕᕆᖃᑎᖃᕐᓗᓂ ᑐᙵᕕᒃᑯᑦ ᐊᖓᔪᖅᑲᐅᑎᖏᓐᓂᒃ, ᓯᕗᓕᖃᑦᑕᓂᐊᖅᑐᑎᑦ ᐱᕙᓪᓕᐊᑎᑦᑎᓂᕐᒥᒃ ᑎᒥᐅᔪᒧᑦ ᐃᖅᑲᓇᐃᔭᖅᑐᓕᕆᓂᕐᒧᑦ ᑐᑭᒧᐊᒍᑎᑦᓴᓂᒃ ᐃᓚᓕᐅᔾᔨᖃᑦᑕᕐᓗᓂ ᐊᓯᔾᔨᑕᕐᓂᖏᓐᓂᒃ ᐊᑲᐅᓂᖅᐹᒃᑯᑦ ᑐᕌᖓᓗᐊᖅᑐᓂᒃ ᐃᓄᐃᑦ ᐱᓕᖕᒪᓴᐅᑎᖏᓐᓄᑦ ᐃᖅᑲᓇᐃᔮᖏᓐᓄᓪᓗ.
ᐃᖅᑲᓇᐃᔮᖅᑖᖅᑐᖅ ᓇᓗᓇᐃᒃᑯᑕᒻᒪᕆᑦᑖᖅᓯᒪᒋᐊᓕᒃ ᐃᖅᑲᓇᐃᔭᖅᑐᓕᕆᓂᕐᒧᑦ ᐅᕝᕙᓘᓐᓃᑦ; ᐃᓕᓐᓂᐊᕌᓂᑦᓯᓗᓂ ᐱᓕᕆᐊᑦᓴᓕᕆᓂᕐᒥᒃ ᐅᕝᕙᓘᓐᓃᑦ; ᐊᔪᕈᓐᓃᖅᓴᐅᑎᒃᑯᑦ ᐃᓕᓐᓂᐊᓂᕐᒥᒃ ᐃᖅᑲᓇᐃᔭᖅᑎᓕᕆᓂᕐᒧᑦ (ᑭᒃᑯᑐᐃᓐᓇᐃᑦ/ ᐃᖅᑲᓇᐃᔭᖅᑐᓕᕆᔨᒃᑯᓐᓂ ᐊᐅᓚᑦᓯᔨᐅᓂᖅ). ᐃᖅᑲᓇᐃᔮᖅᑖᖅᑐᖅ ᐱᖓᓱᓅᖓᔪᓂᒃ (3) ᐊᕐᕌᒍᓂᒃ ᐱᓕᕆᓯᒪᓗᓂ ᐊᖓᔪᖅᑳᖑᓂᕐᒥᒃ. ᐃᓕᓐᓂᐊᖅᓯᒪᓂᖓᓗ ᐱᓕᕆᓯᒪᓂᖓᓗ ᑕᒪᒃᑭᕐᓗᒋᒃ ᐃᓱᒪᑦᓴᖅᓯᐅᕈᑕᐅᒍᓐᓇᓂᐊᖅᑑᒃ.
ᐱᔪᒐᕆᔭᐅᓂᖅᓴᐅᓂᐊᖅᑐᑦ ᐃᓄᐃᑦ ᐊᑎᖃᖃᑕᐅᔪᑦ ᓄᓇᕗᑦ ᐊᖏᕈᑎᖏᓐᓂ
ᐱᒋᐊᕐᕕᖓ ᑮᓇᐅᔾᔭᒃᓴᐅᑎᐅᑉ $172,000.00 ᐊᕐᕌᒍ ᐊᑕᐅᓯᖅ (ᑮᓇᐅᔾᔭᓴᕐᓂᖅᓴᐅᒍᓐᓇᖅᑐᖅ ᐱᓇᓱᐊᖅᓯᒪᓂᖓᒍᑦ) ᐃᓚᖃᕐᓗᓂ ᐊᑕᖏᖅᑐᓂᒃ ᐃᑲᔫᑎᓂᒃ ᐃᓚᒋᔭᐅᓗᑎᒃ ᐃᖅᑲᓇᐃᔭᖅᑎᓄᑦ …

ᐃᓅᓯᓕᕆᔨᒃᑯᑦ ᐱᓕᕆᕝᕕᐊᑦ
ᓄᓇᕗᑦ ᑐᙵᕕᒃ ᑎᒥᖓ
ᐃᓂᖃᕐᓂᐊᖅᑐᖅ ᐃᖃᓗᓐᓂ ᑲᖏᕐᖠᓂᕐᒥᓘᓐᓃᑦ, ᓄᓇᕗᑦ
ᐊᖓᔪᖅᑳᖃᕐᓗᓂ ᑐᑭᒧᐊᒃᑎᑦᑎᔨ ᐃᑲᔪᖅᑎᖓᓂᒃ − ᐃᓅᓯᓕᕆᔨᒃᑯᑦ, ᐃᖅᑲᓇᐃᔮᖅᑖᖅᑐᖅ ᐱᓕᕆᖃᑎᖃᕐᓂᐊᖅᑐᖅ ᐊᕕᑦᑐᖅᓯᒪᔪᑦ ᐊᐅᓚᑦᓯᔨᖏᓐᓂᒃ ᑲᑐᔾᔨᖃᑎᒌᓂᒃ (RDO) ᑲᒪᒋᔭᖃᕐᓗᑎᒃ ᐊᐅᓚᑕᐅᔪᓂᒃ ᐃᑲᔪᕐᓗᑎᒃ ᐃᓕᓐᓂᐊᕈᒪᔪᓂᒃ ᐃᓕᓐᓂᐊᑲᓐᓂᕕᓐᓂ (PSE) ᐃᓕᓐᓂᐊᒐᑦᓴᓂ ᐊᒻᒪᓗ ᐃᓘᓐᓈᒍᑦ ᑲᔪᓯᖁᓪᓗᒋᑦ ᐃᓕᓐᓂᐊᖅᑏᑦ; ᐃᓚᒋᔭᐅᓗᓂ ᐃᓕᓐᓂᐊᕌᓂᖁᓪᓗᒋᑦ ᐃᓄᐃᑦ ᐃᓕᓐᓂᐊᑲᓐᓂᕕᒻᒥ (IPSE) ᐃᓕᓐᓂᐊᖅᑕᒥᓂᒃ; ᐃᑦᓯᕙᐅᑕᖓ ᓄᓇᕗᑦ IPSE ᐊᔭᐅᖅᑏᑦ ᑲᑎᒪᔨᕋᓛᑦ; ᑲᑎᖃᑎᖃᖃᑦᑕᕐᓗᑎᒃ ᐃᓕᓐᓂᐊᕈᒪᔪᓂᒃ ᓄᓇᓕᖕᓂᓪᓗ ᐱᕚᓪᓕᕈᑎᑦᓴᖓᓂᒃ PSE ᐱᔾᔪᑎᒃᓴᑦ ᐊᒻᒪᓗ IPSE ᐃᓕᓐᓂᐊᒐᑦᓴᑦ; ᐊᒻᒪᓗ ᐱᓕᕆᖃᑎᖃᕐᓗᑎᒃ RDO−ᓂᒃ ᓇᐅᑦᓯᑐᕐᓗᑎᒃ ᑲᔪᓯᑦᓯᐊᕐᓂᖓᓂᒃ IPSE ᐃᓕᓐᓂᐊᒐᖅ.
ᐊᐱᖅᓱᖅᑕᐅᔪᓐᓇᓂᐊᖅᑐᑎᑦ ᐱᓕᕆᐊᒃᓴᒧᑦ; ᒪᕐᕉᓐᓂᒃ ᐱᓯᒪᓗᑎᒃ ᐃᓕᓐᓂᐊᑲᓐᓂᖅᑐᓄᑦ ᓇᓗᓇᐃᒃᑯᑕᕐᒥᒃ, ᓇᓗᓇᐃᒃᑯᑕᒻᒪᕆᒻᒥᒃ, ᐅᕝᕙᓘᓐᓃᑦ ᐃᓕᓴᕆᔭᐅᔾᔪᑎᑖᖅᓯᒪᓗᑎᒃ 3 ᐊᕐᕌᒍᑦ ᐱᓕᕆᓯᒪᓗᑎᑦ ᐊᑦᑐᐊᔪᓂᒃ ᑕᕝᕗᖓ ᐅᕝᕙᓘᓐᓃᑦ ᐃᓕᓐᓂᐊᕐᕕᐊᓗᒻᒥ …

ᖃᐅᔨᓴᖅᑐᓕᕆᔨᒃᑯᑦ, ᓇᐅᑦᑎᖅᓱᖅᑏᑦ ᐊᒻᒪ ᖃᐅᔨᓴᖅᑏᑦ
ᓄᓇᕗᑦ ᑐᙵᕕᒃᑯᑦ ᑎᒥᖓᑦ
ᐃᓂᖃᖅᑐᖅ ᐃᖃᓗᐃᑦ, ᓄᓇᕗᑦ
ᑐᑭᒧᐊᒃᑎᑕᐅᕙᒡᓗᓂ ᐊᐅᓚᑦᑎᔨᒻᒪᕆᖕᒧᑦ, ᓄᓇᕗᒻᒥ ᐋᓐᓂᐊᖃᕐᓇᙱᑦᑐᓕᕆᓂᕐᒧᑦ ᖃᐅᔨᓴᕈᑎᓄᑦ; ᐊᐅᓚᑦᑎᔨ ᖃᐅᔨᓴᕐᓂᕐᒧᑦ ᐃᓚᐅᑎᑦᓯᓂᕐᒧᑦ ᓄᓇᕗᑦ ᑐᙵᕕᒃᑯᓐᓂ ᐱᓕᕆᔨᓪᓗᐊᑕᐅᕗᖅ ᓯᕗᒻᒧᐊᒃᑎᑦᓯᓂᕐᒥᒃ ᓄᓇᕗᑦ ᑐᙵᕕᒃᑯᑦ ᐱᓕᕆᐊᒃᓴᖏᑦᓂᒃ ᑐᕌᒐᖏᓐᓂᒡᓗ ᓯᕗᓕᖅᑎᐅᓂᒃᑯᑦ ᐃᓚᐅᑎᑦᓯᓂᕐᒥᒃ, ᑐᓴᐅᒪᖃᑎᒌᖕᓂᕐᒥᒃ, ᐊᒻᒪ ᖃᐅᔨᒪᓂᕆᔭᐅᔪᓂᒃ−ᐊᒥᖅᑳᖃᑎᖃᕐᓂᕐᒥᒃ ᐱᓕᕆᐊᒃᓴᓂᒃ ᖃᐅᔨᓴᖅᑐᓕᕆᔨᒃᑯᑦᓄᑦ, ᓇᐅᑦᑎᖅᓱᕐᓂᕐᒧᑦ ᐊᒻᒪ ᖃᐅᔨᓴᕐᓂᕐᒧᑦ. ᑖᒻᓇ ᐃᓂᒋᔭᐅᔪᖅ ᐃᓚᓕᐅᔾᔨᑦᑕᕐᓂᐊᖅᐳᖅ ᖃᐅᔨᓴᕐᓂᕐᒧᑦ ᐃᓚᐅᕙᖕᓂᕐᒥᒃ ᑐᓴᐅᒪᑎᑦᓯᓂᕐᒧᑦ ᐱᐅᓛᒃᑯᑦ ᐊᑐᖅᑕᐅᕙᒃᑐᓂᒃ ᓇᓗᙱᑦᑎᐊᕈᒪᓂᕐᒧᑦ ᖃᐅᔨᓴᕐᓂᕐᒧᑦ ᐱᒋᐊᖅᑕᐅᓯᒪᔪᑦ ᑐᓴᐅᒪᑎᑦᓯᔾᔪᑕᐅᕙᒃᑲᓗᐊᕐᒪᖔᑕ ᑐᑭᓯᓇᑦᑎᐊᕐᓗᑎᒃ, ᑕᒻᒪᖅᑕᖅᓯᒪᙱᓪᓗᑎᒃ ᑐᙵᕕᖃᖅᑎᑕᐅᓗᑎᒡᓗ ᐊᒃᑐᐊᓂᖃᖅᑐᓂᒃ ᐃᓄᐃᑦ ᐊᑦᓂᕆᔭᖏᑦᓂᒃ ᓯᕗᓪᓕᖅᐸᐅᑦᑎᐅᑎᓯᒪᔭᖏᑦᓂᒡᓗ. ᐊᐅᓚᑦᑎᔨ ᐋᕿᒃᓱᐃᕙᒃᐳᖅ ᑲᒪᒋᔭᖃᖅᐸᒃᖢᓂᓗ ᐃᓚᐅᑎᑦᓯᓂᕐᒧᑦ ᖃᓄᐃᓕᐅᖅᑕᐅᕙᓪᓕᐊᔪᒪᔪᓂᒃ, ᐊᐅᓚᑦᑎᕙᒃᖢᓂ ᑐᓴᐅᒪᑎᑦᓯᓂᕐᒧᑦ ᐱᕙᒌᔭᕐᓂᕐᒥᒃ ᑲᔪᓯᑎᑦᓯᓂᕐᒥᒡᓗ, ᑲᒪᒋᔭᖃᖅᐸᒃᖢᓂ ᑐᓴᐅᒪᑎᑦᓯᓂᕐᒧᑦ ᐃᖃᓇᐃᔭᖅᑎᒋᔭᐅᔪᓂᒃ, ᓇᓗᙱᑦᑎᐊᕋᓱᒃᐸᒃᖢᓂᓗ ᐊᑕᐅᑦᑎᒃᑰᖃᑎᖃᕋᓗᐊᕐᒪᖔᑦ ᓄᓇᕗᑦ ᑐᙵᕕᒃᑯᑦ ᐊᖏᓂᖅᓴᒥᒃ ᑐᓴᐅᒪᑎᑦᓯᓂᕐᒧᑦ …