ᑐᙵᕕᒃᑯᑦ ᑐᓴᖅᑎᑦᓯᔪᑦ ᓱᖅᑯᐃᖅᑕᐅᓂᖓ ᐊᖓᔪᖅᑳᑉ ᑐᒡᓕᐊᓄᑦ ᓂᕈᐊᖅᑕᐅᔪᖅ

(ᑏᓰᒻᐱᕆ 13, 2021, ᐃᖃᓗᐃᑦ, ᓄᓇᕗᑦ) ᓄᓇᕗᑦ ᑐᙵᕕᒃ ᑎᒥᖓᓄᑦ (ᑐᙵᕕᒃ) ᓂᕈᐊᖅᑐᓕᕆᔨᒻᒪᕆᒃ, ᓈᓐᓯ ᖃᕆᑕᖅ−ᓕᓐᑎᐅ, ᐅᓪᓗᒥ ᑐᓴᖅᑎᑦᓯᔪᖅ ᓱᖅᑯᐃᖅᑕᐅᓂᖓᓂᒃ ᑐᙵᕕᒃᑯᑦ ᐊᖓᔪᖅᑳᑉ ᑐᒡᓕᐊᓄᑦ ᓂᕈᐊᖅᑕᐅᔪᒥᒃ − ᐹᓪ ᐃᕐᖓᐅᑦ ᓂᕈᐊᖅᑕᐅᔪᖅ ᐊᖓᔪᖅᑳᑉ ᑐᒡᓕᐊᓄᑦ ᑐᙵᕕᒃᑯᓐᓂᒃ 40.2%-ᖏᓐᓄᑦ ᓂᕈᐊᓚᐅᖅᑐᓄᑦ.
ᐹᓪ ᐃᕐᖓᐅᑦ ᐊᖓᔪᖅᑳᑉ ᑐᒡᓕᕆᓂᐊᖅᑕᖓ ᓯᑕᒪᓄᑦ ᐊᕐᕌᒍᓄᑦ ᓂᕈᐊᖅᑕᐅᓯᒪᓗᓂ, ᑏᓰᒻᐱᕆ 2026-ᒧᓄᑦ.
ᐊᖓᔪᖅᑳᑉ ᑐᒡᓕᐊ ᑐᙵᕕᒃᑯᓐᓂ, ᓂᕈᐊᖅᑕᐅᔪᖅ ᓄᓇᕗᓕᒫᒥ ᓂᕈᐊᕐᓂᒃᑯᑦ, ᑐᙵᕕᒃᑯᑦ ᑲᑎᒪᔨᖏᓐᓄᑦ ᑲᑎᒪᔨᓪᓗᐊᑕᐅᖃᑕᐅᓂᐊᖅᑐᖅ ᐊᒻᒪᓗ ᓯᕗᓕᖅᑏᑦ ᑲᑎᒪᔨᕋᓛᖏᓐᓄᑦ, ᐊᒻᒪᓗ ᐱᓇᓱᐊᒐᖃᓪᓗᐊᑕᕐᓂᐊᖅᑐᖅ ᐱᖕᒪᕆᐅᔪᒥᒃ ᑲᔪᓯᑎᑦᓯᓂᕐᒥᒃ ᑐᙵᕕᒃᑯᑦ ᐱᓂᐊᕐᓂᕋᐅᑎᖓᓂᒃ ᓯᕗᒧᐊᒃᑎᑦᑎᓂᕐᒥᒃ ᐃᓄᐃᑦ ᑮᓇᐅᔭᓕᐅᕋᓱᐊᕈᑎᒃᓴᖏᓐᓄᑦ, ᐃᓅᓯᕐᒧᑦ ᐃᓕᖅᑯᓯᒃᑯᓪᓗ ᖃᓄᐃᙱᑦᓯᐊᕈᑎᒃᓴᖏᓐᓂᒃ ᐊᒻᒪᓗ ᓴᐳᔾᔨᓯᒪᓂᕐᒥᒃ ᐃᓄᐃᑦ ᐱᔪᓐᓇᐅᑎᖏᓐᓂᒃ ᐊᑐᓕᖅᑎᑕᐅᓂᖏᑎᒍᑦ ᓄᓇᕗᑦ ᐊᖏᕈᑎᖏᑦ. ᐊᖓᔪᖅᑳᑉ−ᑐᒡᓕᐊ ᐃᑲᔪᖅᓱᖃᑦᑕᓲᖅ ᐊᖓᔪᖅᑳᒥᒃ ᐊᒻᒪᓗ …

ᓄᓇᕗᑦ ᑐᓐᖓᕕᒃ ᑎᒥᖓᑦᑕ ᐃᒡᓗᓕᕆᓂᕐᒧᑦ ᑲᑎᒪᕕᒃᔪᐊᕐᓂᐊᑦ ᐱᐊᓂᒃᑐᑦ ᐃᖃᓗᖕᓂ

(ᓄᕕᐱᕆ 24, 2022, ᐃᖃᓗᐃᑦ, ᓄᓇᕗᑦ) ᐅᑉᓘᒃ ᒪᕐᕉᒃ ᖄᖏᖅᑎᓪᓗᒋᒃ ᐅᖃᖃᑎᒌᒃᓂᖏᑦ ᐊᑯᓐᓂᖏᓐᓂᒃ ᓯᕗᓕᖅᑎᐅᔪᑦ ᐊᒻᒪᓗ ᐃᓚᒋᔭᐅᔪᑦ ᓄᓇᕗᓕᒫᒥ, ᐃᓄᐃᑦ ᓄᓇᖓᑦ ᐊᒻᒪᓗ ᓄᓇᕗᑦ ᒐᕙᒪᒃᑯᖏᑦ ᐊᒻᒪᓗ ᑲᓇᑕ ᖃᓄᖅ ᐊᑲᐅᓂᖅᐹᓂᒃ ᑲᑐᔾᔨᓗᑎᒃ ᐱᓕᕆᔪᓐᓇᕐᒪᖔᕐᒥᒃ ᐃᒡᓗᓕᕆᓂᕐᒧᑦ ᐊᒃᓱᕈᐊᓴᕐᓂᐅᔪᑦ ᐊᑲᐅᖏᑦᑐᒃᑯᑦ ᓄᓇᕗᒥ ᐊᒻᒪᓗ ᐃᓄᐃᑦ ᓄᓇᖓᑦ.
ᐃᒻᒪᖄ ᐅᓄᕐᓂᖃᖅᑐᑦ 150 ᐅᓪᓗᑎᒃ ᐃᓚᐅᔪᑦ ᑲᑎᒪᔪᓂ ᐅᖃᖃᑎᒌᒍᑎᒋᓪᓗᒋᑦ ᐊᒥᓱᐊᓗᐃᑦ ᐃᒡᓗᓕᕆᓂᕐᒧᑦ ᐊᒃᑐᐊᔪᑦ ᐱᔾᔪᑎᐅᓪᓗᑎᒃ ᑕᒪᑦᓱᒧᖓ ᑕᐃᔭᐅᓪᓗᓂ ᐊᔾᔨᒌᖏᑦᑐᑦ ᒐᕙᒪᒃᑯᓂᑦ ᐱᓕᕆᕕᖏᓐᓂᒃ ᐃᓚᐅᔪᑦ ᑲᑐᔾᔨᖃᑕᐅᓪᓗᑎᒃ, ᐊᒻᒪᓗ ᐊᔭᐅᖅᑐᐃᓪᓗᑎᒃ ᐅᑯᐊ ᓄᓇᕗᑦ ᑐᓐᖓᕕᒃ ᑎᒥᖓᑦᑕ ᐊᖓᔪᖅᑳᑉ ᑐᖏᓕᐊ, ᔭᐃᒻᔅ ᐃᑦᑐᓗᒃ, ᑎᒍᓗᒍ ᑕᒪᑦᓱᒧᖓ ᐱᕕᒃᓴᐃᑦ ᓱᓕᑦᑎᐊᖅᑐᓂᒃ ᐊᒃᑐᖅᓯᓗᑎᒃ ᓄᓇᓕᐅᔪᓂᒃ, ᖃᑕᖑᑎᒌᑦ, ᐊᒻᒪᓗ ᐊᑐᓂ ᐃᓄᐃᑦ ᐃᓄᐃᑦ …

ᑐᙵᕕᒃᑯᑦ ᑐᙵᓱᑦᑎᑦᓯᔪᖅ ᒐᕙᒪᑐᖃᒃᑯᑦ ᐃᓱᒪᓕᐅᕈᑎᖓᓂᒃ ᐹᕕᓐᓛᓐ ᐱᓕᕆᒃᑲᓐᓂᕈᒪᓂᖓ 2 ᑐᒃᓯᕋᐅᑎᖓᓂᒃ

ᓴᖅᑭᑎᑕᐅᑲᐅᑎᒋᔪᒃᓴᖅ
ᑐᙵᕕᒃᑯᑦ ᑐᙵᓱᑦᑎᑦᓯᔪᖅ ᒐᕙᒪᑐᖃᒃᑯᑦ ᐃᓱᒪᓕᐅᕈᑎᖓᓂᒃ ᐹᕕᓐᓛᓐ ᐱᓕᕆᒃᑲᓐᓂᕈᒪᓂᖓ 2 ᑐᒃᓯᕋᐅᑎᖓᓂᒃ
(ᓅᕙᐃᒻᕙ 17, 2022, ᐃᖃᓗᐃᑦ, ᓄᓇᕗᑦ) ᓄᓇᕗᑦ ᑐᙵᕕᒃ ᑎᒥᖓ (ᑐᙵᕕᒃ) ᑐᙵᓱᑦᑎᑦᓯᔪᖅ ᒥᓂᔅᑕ ᑖᓐ ᕚᓐᑕᐅ ᐃᓱᒪᓕᐅᕈᑎᖓᓂᒃ, ᐃᓄᓕᕆᔨᑐᖃᒃᑯᓐᓄᑦ ᒥᓂᔅᑕ, ᑭᒡᒐᑐᐃᓪᓗᓂ ᑲᒪᒋᔭᖃᖅᑐᓂᒃ ᒥᓂᔅᑕᓂᒃ, ᓄᓇᕗᒻᒥ ᐊᕙᑎᓕᕆᔨᒃᑯᑦ ᑲᑎᒪᔩᑦ (NIRB) ᐃᓱᒪᒃᓴᖅᓯᐅᑲᓐᓂᕈᑎᒃᓴᒧᑦ ᐅᓂᒃᑳᖏᓐᓂᒃ ᐹᕕᓐᓛᓐ ᓴᕕᒃᓴᓂᒃ ᐅᔭᕋᓐᓂᐊᖅᑏᑦ (ᐹᕕᓐᓛᓐ) ᓄᓘᔮᓂ ᐱᓕᕆᐊᒧᑦ ᐱᓕᕆᒃᑲᓐᓂᕈᒪᓂᖓ 2 ᑐᒃᓯᕋᐅᑎᖓᓂᒃ ᑐᓂᔭᐅᓚᐅᖅᑐᒥᒃ ᒪᐃ 13, 2022 (ᑖᓐᓇ “ᐅᓂᒃᑳᖅ”). NIRB ᓇᓗᓇᐃᓚᐅᖅᑕᖓ ᐅᓂᒃᑳᓂ ᑲᒪᒋᔭᐅᔪᒪᔪᖅ 2 ᑲᔪᓯᑎᑕᐅᒋᐊᖃᙱᓐᓂᖓᓂᒃ, ᒥᓂᔅᑕ ᕚᓐᑕᐅ ᐊᖏᕈᑎᖃᓚᐅᖅᑐᖅ ᐅᓂᒃᑳᓂᒃ. ᒐᕙᒪᑐᖃᒃᑯᑦ ᐃᓱᒪᓕᐅᕈᑎᖓ ᓇᓗᓇᐃᕈᑕᐅᔪᖅ ᐃᓱᓕᔾᔪᑕᐅᓂᖓᓂᒃ NIRB ᐱᓕᕆᒃᑲᓐᕈᒪᔾᔪᑎ 2 ᐃᓱᒪᓕᐅᕈᑎᖃᕋᓱᐊᕐᓂᕐᒧᑦ ᐊᒻᒪᓗ ᐱᓕᕆᒃᑲᓐᓂᕈᒪᔾᔪᑕᐅᔪᒧᑦ 2 ᑐᒃᓯᕋᐅᒻᒧᑦ.
“ᑖᓐᓇ ᐃᓱᒪᓕᐅᕈᑕᐅᖁᔭᐅᓯᒪᔪᖅ …

ᓇᓗᓇᐃᖅᓯᒪᔪᑦ ᓂᕈᐊᕋᑦᓴᙳᖅᑎᑕᐅᔪᑦ

(ᓄᕕᐱᕆ 7, 2022, ᐃᖃᓗᐃᑦ, ᓄᓇᕗᑦ) ᓄᓇᕗᑦ ᑐᙵᕕᒃ ᑎᒥᖓᓄᑦ (ᑐᙵᕕᒃ) ᓂᕈᐊᖅᑐᓕᕆᔨᒻᒪᕆᒃ, ᓈᓐᓯ ᖃᕆᑕᖅ−ᓕᓐᑎᐅ, ᑐᓴᖅᑎᓯᖅᑲᐅᔪᖅ ᐅᓪᓗᒥ ᓇᓗᓇᐃᖅᓯᒪᔪᓂᒃ ᓂᕈᐊᕋᑦᓴᓂᒃ ᑐᙵᕕᒃᑯᑦ ᓂᕈᐊᖅᑎᑦᓯᓂᕆᓂᐊᖅᑕᖓᓄᑦ ᑏᓰᒻᐱᕆ 12, 2022 ᐊᖓᔪᖅᑳᑉ− ᑐᒡᓕᒃᓴᖓᓂᒃ.
ᐅᑯᐊ ᓇᓗᓇᐃᖅᓯᒪᓕᖅᑐᑦ ᓂᕈᐊᕋᑦᓴᐅᒋᐊᖏᑦ:
ᔮᒃ ᐊᓇᕈᐊᖅ
ᐸᐅᓗᓯ ᐃᙵᐅᑦ
ᔭᐃᑯᐴᓯ ᐲᑕ
ᐅᓗᔪᒃ ᑕᖅᑕᖅ
ᓂᕈᐊᖅᑏᑦ 16-ᓂᒃ ᐅᑭᐅᖃᕆᐊᓖᑦ ᐅᖓᑖᓂᓘᓐᓃᑦ ᑏᓰᒻᕙ 12, 2022 ᐊᒻᒪᓗ ᐊᑎᖃᖃᑕᐅᓗᑎᒃ ᓄᓇᕗᑦ ᐊᖏᕈᑎᖏᓐᓂ.
ᓂᕈᐊᖅᑏᑦ ᑕᓪᓕᒪᐅᓕᖅᑲᖓᔪᑎᒍᑦ ᓂᕈᐊᕈᓐᓇᖅᑐᑦ ᑐᙵᕕᒃᑯᑦ ᓂᕈᐊᕐᓂᖏᓐᓂ: ᑐᖔᓂ ᓂᕈᐊᖅᐸᒌᕐᓂᖅ ᑏᓰᒻᐱᕆ 5, 2022, ᓂᕈᐊᕐᓇᐅᑉ ᐅᓪᓗᖓ ᑏᓰᒻᐱᕆ 12, 2022, ᓂᕈᐊᖅᑎᑕᐅᒋᐊᖅᑐᕐᓗᓂ, ᓂᕈᐊᕈᔾᔭᐅᓗᓂ ᐅᕝᕙᓘᓐᓃᑦ ᑎᑎᖅᑲᓂᐊᕐᕕᒃᑰᑎᑦᓯᓗᓂ ᓂᕈᐊᕈᑎᒥᓂᒃ.
ᑐᑭᓯᒋᐊᒃᑲᓂᕐᕕᒃᓴᑦ ᖃᐅᔨᒋᐊᕐᕕᒋᓗᒍ ᓄᓇᑦᓯᓐᓂ ᑐᖅᑲᑕᕐᕕᓯ, ᓂᕈᐊᖅᑐᓕᕆᔨᒻᒪᕆᒃ ᐅᕝᕙᓘᓐᓃᑦ ᐊᓪᓚᕝᕕᖓ ᓂᕈᐊᖅᑐᓕᕆᔨᒻᒪᕆᐅᑉ.
-30-
ᑐᑭᓯᒋᐊᒃᑲᓂᕐᕕᒃᓴᑦ:
ᓂᕈᐊᖅᑐᓕᕆᔨᒻᒪᕆᒃ (CRO)          …

ᓇᓗᓇᐃᖅᑕᐅᓯᒪᙱᑦᑐᑦ ᓱᓕ ᓂᕈᐊᕋᑦᓴᙳᖅᑕᐅᔪᑦ

ᓇᓗᓇᐃᖅᑕᐅᓯᒪᙱᑦᑐᑦ ᓱᓕ ᓂᕈᐊᕋᑦᓴᙳᖅᑕᐅᔪᑦ
ᓄᓇᕗᑦ ᑐᙵᕕᒃ ᑎᒥᖓᓄᑦ (ᑐᙵᕕᒃ) ᓂᕈᐊᖅᑐᓕᕆᔨᒻᒪᕆᒃ, ᓈᓐᓯ ᖃᕆᑕᖅ−ᓕᓐᑎᐅ, ᑐᓴᖅᑎᓯᖅᑲᐅᔪᖅ ᑐᙵᕕᒃᑯᑦ ᓂᕈᐊᕋᑦᓴᓕᐅᕐᓂᕐᒧᑦ ᐊᖓᔪᖅᑳᑦᓴᑉ−ᑐᒡᓕᒃᓴᖓᓂᒃ ᒪᑐᖅᑲᐅᓂᖓᓂᒃ ᖃᐅᔨᓴᐅᑦ ᑕᓪᓕᒪᓄᐊᖅᑎᓪᓗᒍ (5) ᐅᓐᓄᓴᐅᖅᑲᐅᔪᖅ ᓄᓇᓖᑦ ᖃᐅᔨᓴᐅᑎᖏᑎᒍᑦ.
ᐅᑯᐊ ᓂᕈᐊᕋᑦᓴᑦ ᑐᓂᓯᓯᒪᔪᑦ ᓂᕈᐊᕋᑦᓴᙳᖅᑎᑕᐅᒍᑎᒥᓂᒃ ᒪᓕᓪᓗᒋᑦ ᑐᙵᕕᒃᑯᑦ ᓂᕈᐊᕐᓂᕐᒧᑦ ᒪᓕᒐᑦᓴᖏᑦ ᐊᐅᓚᑦᓯᔾᔪᑎᓪᓗ ᓂᕈᐊᕐᓂᕐᒧᑦ ᐊᖓᔪᖅᑳᑉ−ᑐᒡᓕᒃᓴᖓᓂᒃ:
ᔮᒃ ᐊᓇᕈᐊᖅ
ᓕᐅᕆ ᐊᐅᓪᓚᓗᒃ
ᐸᐅᓗᓯ ᐃᙵᐅᑦ
ᔭᐃᑯᐴᓯ ᐲᑕ
ᐅᓗᔪᒃ ᑕᖅᑕᖅ
ᓂᕈᐊᕋᑦᓴᑦ ᐱᕕᒃᓴᖃᖅᑎᑕᐅᔪᑦ ᓇᒡᒐᔾᔭᐅᒧᓄᑦ, ᓅᕙᐃᒻᕙ 7, 2022 ᖃᐅᔨᓴᐅᑦ ᑕᓪᓕᒪᓄᖅᐸᑦ (5) ᐅᓐᓄᓴᒃᑯᑦ ᓄᓇᓖᑦ ᖃᐅᔨᓴᐅᑖᒍᑦ ᓴᒃᑯᐃᒍᒪᒍᑎᒃ ᓂᕈᐊᕋᑦᓴᐅᓂᕐᒥᓂᒃ.
ᓂᕈᐊᖅᑏᑦ 16-ᓂᒃ ᐅᑭᐅᖃᕆᐊᓖᑦ ᐅᖓᑖᓂᓘᓐᓃᑦ ᑏᓰᒻᕙ 12, 2022 ᐊᒻᒪᓗ ᐊᑎᖃᖃᑕᐅᓗᑎᒃ ᓄᓇᕗᑦ ᐊᖏᕈᑎᖏᓐᓂ.
ᓂᕈᐊᖅᑏᑦ ᑕᓪᓕᒪᐅᓕᖅᑲᖓᔪᑎᒍᑦ ᓂᕈᐊᕈᓐᓇᖅᑐᑦ ᑐᙵᕕᒃᑯᑦ ᓂᕈᐊᕐᓂᖏᓐᓂ: ᑐᖔᓂ ᓂᕈᐊᖅᐸᒌᕐᓂᖅ ᑏᓰᒻᐱᕆ 5, 2022, ᓂᕈᐊᕐᓇᐅᑉ ᐅᓪᓗᖓ ᑏᓰᒻᐱᕆ …

ᓄᓇᕗᑦ ᑐᙵᕕᒃᑯᑦ ᐊᖓᔪᖅᑳᖓᑕ ᑐᒡᓕᐊᓄᑦ ᓂᕈᐊᕋᑦᓴᖑᕐᓇᖅ ᒪᑐᐃᖅᑐᖅ

(ᓄᕕᐱᕆ 1, 2022, ᐃᖃᓗᐃᑦ, ᓄᓇᕗᑦ) ᓄᓇᕗᑦ ᑐᙵᕕᒃ ᑎᒥᖓ ᓂᕈᐊᖅᑎᑦᓯᓂᐊᕐᒪᑕ ᐊᖓᔪᖅᑳᑉ ᑐᒡᓕᐊᓄᑦ ᑏᓰᒻᐱᕆ 12, 2022.
ᓂᕈᐊᕋᑦᓴᓕᐅᕐᓇᖅ ᒫᓐᓇ ᒪᑐᐃᖓᓕᖅᑐᖅ ᐊᒻᒪᓗ ᒪᑐᓛᖅᑐᖅ ᑕᓪᓕᒥᕐᒥ, ᓅᕙᐃᒻᕙ 4, 2022 ᖃᐅᔨᓴᐅᑦ/ᓯᕿᖑᔭᖅ 5-ᒥ ᐅᓐᓄᓴᒃᑯᑦ.
ᓂᕈᐊᕋᑦᓴᓕᐅᕈᑏᑦ ᓂᕈᐊᕋᑦᓴᐅᒍᒪᔪᓄᑦ ᐱᔭᑦᓴᐃᑦ ᓂᕈᐊᖅᑐᓕᕆᔨᒻᒪᕆᒻᒥᒃ (CRO), ᐊᔮᔮ ᑐᓴᐅᒪᔾᔪᑎᓕᕆᔨᒃᑯᓐᓂᒃ (CRO ᐊᓪᓚᕝᕕᖓ), ᐅᕝᕙᓘᓐᓃᑦ ᑐᙵᕕᒃᑯᑦ ᐃᑭᐊᖅᑭᕕᖓᓂᒃ.
ᓂᕈᐊᕋᑦᓴᐅᒍᒪᒍᕕᑦ, ᐸᓖᓯᒃᑯᓐᓂᒃ ᐱᕋᔭᓚᐅᖅᓯᒪᙱᓂᕐᒧᑦ ᑎᑎᖅᑲᖅᑖᕆᐊᖃᕋᔭᖅᑐᑎᑦ ᑕᖅᑭᓄᑦ ᐱᖓᓱᓄᑦ ᐱᔭᐅᖃᑕᐅᒋᐊᖃᕐᓂᐊᖅᑐᖅ ᓂᕈᐊᕋᑦᓴᙳᕈᒪᔾᔪᑎᓐᓄᑦ. ᓂᕈᐊᕋᑦᓴᓕᐊᖑᔪᑦ ᑲᒪᒋᐊᑦᓴᐅᑎᒋᖁᔭᐅᔪᑦ ᐸᓖᓯᒃᑯᓐᓄᑦ ᖃᐅᔨᒋᐊᕐᓗᑎᒃ ᖃᐅᔨᓴᖅᑕᐅᒋᐊᖃᕐᓂᕐᒧᑦ. ᓂᕈᐊᕋᑦᓴᙳᖅᑎᑦᑎᔾᔪᑏᑦ ᑐᓂᔭᐅᓯᒪᒋᐊᓖᑦ ᓂᕈᐊᖅᑐᓕᕆᔨᒻᒪᕆᒻᒧᑦ CRO ᓅᕙᐃᒻᕙ 4, 2022 ᖃᐅᔨᓴᐅᑦ/ᓯᕿᕐᖑᔭᖅ 5-ᒥ ᓄᓇᓖᑦ ᖃᐅᔨᓴᐅᑖᒍᑦ.
-30-
ᑐᑭᓯᒋᐊᒃᑲᓂᕐᕕᒃᓴᑦ:
ᓂᕈᐊᖅᑐᓕᕆᔨᒻᒪᕆᒃ                   ᓂᕈᐊᖅᑐᓕᕆᔨᒻᒪᕆᐅᑉ ᐊᓪᓚᕝᕕᖓ
ᓈᓐᓯ ᖃᕆᑕᖅ−ᓕᓐᑎᐅ                 ᓈᑎᐊ ᓯᑰᓐ
ᐅᖄᓚᐅᑖ: 1-888-538-0462            ᐅᖄᓚᐅᑖ: 867-979-1484
ᓱᒃᑲᔪᒃᑰᕈᑖ: 867-979-1487             ᓱᒃᑲᔪᒃᑰᕈᑖ: …

ᓄᓇᕗᑦ ᑐᙵᕕᒃᑯᑦ ᐊᕐᕌᒍᑕᒫᖅᓯᐅᑦ ᑲᑎᒪᓂᖓ ᐃᓱᓕᑦᑐᖅ ᑲᖏᖅᖠᓂᕐᒥ

(ᐅᑐᐱᕆ 20, 2022, ᑲᖏᖅᖠᓂᖅ, ᓄᓇᕗᑦ) ᓄᓇᕗᑦ ᑐᙵᕕᒃᑯᑦ ᐊᕐᕌᒍᑕᒫᖅᓯᐅᑎᒥᒃ ᑲᑎᒪᔨᖏᑦ ᐱᔭᕇᖅᓯᕗᑦ ᑲᖏᖅᖠᖅ, ᓄᓇᕗᒻᒥ ᐅᓪᓗᒥ ᐱᖓᓱᑦ ᐅᓪᓗᕐᓂᒃ ᑲᑎᒪᔾᔪᑎᖃᓚᐅᖅᖢᑎᒃ ᐊᔾᔨᒌᙱᑦᑐᕐᓂᒃ ᐱᒻᒪᕆᐅᑎᒋᔭᐅᔪᓂᒃ ᓄᓇᕗᒻᒥᐅᓄᑦ ᐃᓄᖕᓄᑦ.
ᓄᓇᕗᑦ ᑐᙵᕕᒃᑯᑦ ᑮᓇᐅᔭᓕᕆᔨᒻᒪᕆᖓᑦ ᑐᓴᖅᑎᑦᑎᓚᐅᖅᑐᖅ ᐊᕐᕌᒍᑕᒫᖅᓯᐅᑎᒥᒃ ᑲᑎᒪᔪᓄᑦ ᓄᓇᕗᑦ ᑐᙵᕕᒃᑯᑦ ᑎᒥᖓᑕ ᑮᓇᐅᔭᓕᕆᓂᖏᑦ ᐊᑲᐅᓯᕚᓪᓕᖅᓯᒪᓕᕐᓂᖏᓐᓂᒃ, ᐃᓚᒋᓪᓗᒋᑦ ᑮᓇᐅᔭᖅᑐᕐᓂᐅᓯᒪᔪᓂᒃ ᖃᐅᔨᓴᖅᑎ ᓈᒻᒪᒃᓴᑦᑎᐊᓚᐅᕐᒪᑦ 2021-2022 ᑐᕌᖓᔪᒧ. ᑮᓇᐅᔭᖅᑐᕐᓂᐅᓯᒪᔪᓂᒃ ᖃᐅᔨᓴᖅᑎ ᐅᔾᔨᕈᓱᓚᐅᖅᑐᖅ ᑐᙵᕕᒃᑯᑦ ᑮᓇᐅᔭᓂᒃ ᐊᐅᓚᔾᔨᒍᑎᖏᑦ ᐋᖅᑭᒃᓯᒪᓂᖏᑦ ᐊᑲᐅᓯᕚᓪᓕᖅᓯᒪᖕᒪᑕ. ᐊᕐᕌᒍᑦ ᑎᓴᒪᑦ ᖄᖏᖅᑐᓂ ᐱᖓᓱᒋᔭᖏᑦ ᓄᓇᕗᑦ ᑐᙵᕕᒃᑯᑦ ᑮᓇᐅᔭᓂᒃ ᐊᒥᐊᒃᑯᓂᖃᓚᐅᖅᑐᑦ ᑮᓇᐅᔭᖅᑖᕆᓯᒪᔭᖏᓐᓂᒃ ᓄᓇᕗᑦ ᐸᐸᑦᑎᔨᒃᑯᓐᓂᑦ ᑕᐅᑐᒃᖢᒋᑦ ᐊᓯᖏᑦ ᐊᕐᕌᒍᓂ ᖄᖏᖅᓯᒪᔪᓂᒃ ᐊᑮᑦᑐᖃᖃᑦᑕᓚᐅᕐᒪᑕ.
ᒐᕙᒪᑐᖃᒃᑯᓐᓂᑦ ᑲᓇᑕᒥ ᑮᓇᐅᔭᑦ ᐱᓯᒪᔪᑦ ᐱᔪᓐᓇᖅᑎᑦᑎᓯᒪᓚᐅᖅᑐᑦ ᓄᓇᕗᑦ ᑐᙵᕕᒃᑯᓐᓂᑦ ᐊᒻᒪᓗ ᐊᕕᒃᑐᖅᓯᒪᔪᓂ ᐃᓄᐃᑦ ᑲᑐᔾᔨᖃᑎᒌᖏᑦ …

ᐊᕐᕌᒍᑕᒫᖅᓯᑎᒥᖕᓂᒃ ᑲᑎᒪᑎᓪᓗᒋᑦ, ᓄᓇᕗᑦ ᑐᙵᕕᒃᑯᑦ ᑎᓕᐅᕆᔪᑦ ᒐᕙᒪᑐᖃᒃᑯᓐᓂᑦ ᑲᓇᑕᒥ ᐊᒻᒪᓗ ᓄᓇᕗᑦ ᒐᕙᒪᖓᓂ ᐊᒃᓱᕈᕆᐊᒃᑲᓐᓂᖁᔭᐅᓪᓗᑎᒃ ᓴᙱᓕᖅᑎᑦᑎᑎᒋᐊᒥᒃ ᐃᓄᒃᑐᑦ ᐅᖃᓯᕐᒥᒃ ᓄᓇᕗᒻᒥ

(ᐅᑐᐱᕆ 20, 2022, ᑲᖏᖅᖠᓂᖅ, ᓄᓇᕗᑦ) ᑲᑎᒪᔪᑦ ᓄᓇᕗᑦ ᑐᙵᕕᒃᑯᑦ ᐊᕐᕌᒍᑕᒫᖅᓯᐅᑎᖓᓂᒃ ᐱᖁᔨᕗᖔᕈᑎᒥᒃ ᐃᑳᖅᑎᑦᑎᓚᐅᖅᑐᑦ ᑎᓕᐅᕆᔪᒥᒃ ᒐᕙᒪᑐᖃᒃᑯᓐᓂᑦ ᑲᓇᑕᒥ ᐊᒻᒪᓗ ᓄᓇᕗᑦ ᒐᕙᒪᖓᓂ ᑲᒪᒋᔭᖃᕆᐊᕐᓗᑎᒃ ᒪᓕᒐᑎᒍᑦ, ᐊᑐᐊᒐᓕᐅᕐᓂᒃᑯᑦ ᐊᒻᒪᓗ ᑮᓇᐅᔭᖃᖅᑎᑦᑎᓂᒃᑯᑦ ᐃᓄᒃᑐᑦ ᐅᖃᐅᓯᖅ ᐊᑐᖅᑕᐅᖃᑦᑕᕐᓂᖓ ᒥᑭᒡᓕᕙᓪᓕᐊᓂᖓᓂᒃ ᓄᖅᑲᖅᑎᑦᑎᓗᑎᒃ. ᐃᓄᒃᑐᑦ ᑕᐃᒎᓯᖅ ᐃᓚᖃᖅᑐᖅ ᐃᓄᒃᑎᑐᑦ ᐊᒻᒪᓗ ᐃᓄᐃᓐᓇᖅᑐᓐ ᐅᖃᐅᓯᕆᔭᐅᖕᒪᑕ ᓄᓇᕗᒻᒥ.
 
ᓄᓇᕗᑦ ᑐᙵᕕᒃᑯᑦ ᑎᓕᐅᕆᖕᒥᔪᑦ ᒐᕙᒪᒃᑯᓐᓂᑦ ᖃᓄᑐᐃᓐᓇᖅ ᐱᓕᕆᓗᑎᒃ ᐊᙳᑎᓂᐊᕐᓗᑎᒃ ᐱᖁᔭᐅᓯᒪᔪᓂᒃ ᐃᓗᐊᓂᑦ ᓄᓇᕐᔪᐊᑦ ᐊᑕᐅᓯᐅᖃᑎᒌᖏᑦ ᓇᓗᓇᐃᖅᓯᓯᒪᓂᖓᓂᒃ ᓄᓇᖃᖅᑳᖅᓯᒪᔪᑦ ᐱᔪᓐᓇᐅᑎᖏᓐᓂᒃ, ᑕᒡᕗᖓ ᒪᓕᒐᖓᑦ, ᓄᓇᖃᖅᑳᖅᓯᒪᔪᑦ ᐅᖃᐅᓯᖏᓐᓄᑦ ᒪᓕᒐᖅ, ᓄᓇᕗᑦ ᐃᓕᑕᕆᔭᐅᓯᒪᔪᑦ ᐅᖃᐅᓯᕐᓄᑦ ᒪᓕᒐᖅ ᐊᒻᒪᓗ ᐃᓄᐃᑦ ᐅᖃᐅᓯᖓᓂᒃ ᓴᐳᒻᒥᓂᕐᒧᑦ ᒪᓕᒐᖅ ᐊᒻᒪᓗ ᐱᒻᒪᕆᐅᓕᖅᑎᑦᑎᓗᑎᒃ ᐊᒃᓱᕉᑎᖃᕐᓂᐊᕐᓂᕆᓯᒪᔭᖏᓐᓂᒃ ᐱᓕᕆᖃᑎᖃᕐᓂᕐᒥᒃ ᐅᐱᒍᓱᖃᑎᒌᒡᓗᑎᒃ, ᒪᑐᐃᖓᑦᑎᐊᕐᓗᑎᒃ ᐊᒻᒪᓗ ᑕᑯᒃᓴᐅᑦᑎᐊᕐᓗᑎᒃ …

ᔫᓯ ᑯᓱᒐᖅ ᐃᓕᓐᓂᐊᓂᕐᒧᑦ ᑮᓇᐅᔭᖃᖅᑎᑕᐅᓂᕐᒧᑦ ᐱᑎᑕᐅᔪᑦ ᓇᓗᓇᐃᖅᑕᐅᔪᑦ

(ᐅᑦᑑᐱᕆ 19, 2022, ᐃᖃᓗᐃᑦ, ᓄᓇᕗᑦ) ᓄᓇᕗᑦ ᑐᙵᕕᒃ (NTI) ᐊᖏᔪᖅᑳᖓ ᐊᓗᑭ ᑰᑦᑎᖅ ᐅᐱᒍᓱᒃᐳᖅ ᐊᓃᑕ ᐅᓕᒪᐅᒻᒦ ᐊᕐᕕᐊᓂᑦ ᐊᒻᒪ ᓯᐅᒪ ᐃᐅᓪ ᓴᓪᓕᕐᒥ ᑐᓂᔭᐅᖕᒪᑎᒃ ᔫᓯ ᐊᒪᐅᔭᖅ ᑯᓱᒐᖅ ᐃᖅᑲᐅᒪᔾᔪᑎᒧᑦ ᐃᓕᓐᓂᐊᓂᕐᒧᑦ ᑮᓇᐅᔭᖃᖅᑎᑕᐅᓂᕐᒧᑦ 2022−ᒥ.
ᔫᓯ ᐊᒪᐅᔭᖅ ᑯᓱᒐᖅ ᐃᓕᓐᓂᐊᓂᕐᒧᑦ ᑮᓇᐅᔭᖃᖅᑎᑕᐅᓂᕐᒧᑦ ᑐᓂᔭᐅᔪᑦ $5,000.00 ᐊᕐᕌᒍᑕᒫᑦ ᒪᕐᕉᓐᓄᒃ (2) ᒫᓐᓇᐅᔪᒥᑦ ᐃᓕᓐᓂᐊᖅᑎᓂᑦ ᓇᓗᓇᐃᖅᓯᓯᒪᓂᖃᖅᑐᑦ ᔫᓯ ᑯᓱᒐᐅᑉ ᐱᔪᒪᓂᕆᓯᒪᔭᖓ ᐊᒻᒪ ᑲᔪᖏᖅᓯᓂᕐᒧᑦ ᐃᓕᓐᓂᐊᕐᓂᓕᕆᓂᕐᒧᑦ, ᐅᖃᐅᓯᕐᓄᑦ ᐊᒻᒪ ᓯᕗᒧᒋᐊᖅᑎᑕᐅᓂᖏᓐᓄᑦ ᐃᓄᐃᑦ ᐱᔪᓐᓇᐅᑎᖏᑦ.
ᐊᓃᑕ ᐊᒻᒪ ᓯᐅᒪ ᑕᒪᒃᑭᒃ ᐃᓕᓐᓂᐊᖅᑑᒃ ᓄᓇᕗᒻᒥ ᐃᓕᓴᐃᔨᔅᓴᐅᓂᕐᒧᑦ ᓄᓇᓕᖏᓐᓃᑦᑐᑎ ᐃᓕᓐᓂᐊᕋᔅᓴᐅᑎᑕᐅᔪᑦ ᓄᓇᕗᑦ ᐅᑭᐅᑕᖅᑐᒥ ᓯᓚᑦᑐᓴᕐᕕᒻᒧᑦ ᐱᓕᕆᖃᑎᖃᖅᑐᑎᑦ ᒥᒧᐊᕆᐅ ᓯᓚᑦᑐᓴᕐᕕᒃᔪᐊᖅ ᓂᐅᕙᐅᓐᓛᓐ.
“ᓂᕆᐅᑦᑐᖓ ᖃᐅᔨᒪᓪᓗᒋᑦ ᑖᒃᑯᐊ ᒪᒃᑯᑦᑑᒃ ᐃᓅᒃ ᐊᓃᑕ …

ᐃᓄᖕᓄ ᑐᓴᒐᒃᓴᓕᐊᖅ: ᓄᓇᕗᑦ ᑐᙵᕕᒃ ᑎᒥᖓ ᓂᕈᐊᖅᑐᓕᕆᓂᕐᒧᑦ ᐊᑎᓕᐅᖅᑕᐅᓂᖅ

ᐱᕙᒌᔭᖅᐸᓪᓕᐊᓗᓂ ᐊᒡᒋᖅᐸᓪᓕᐊᔪᓄᑦ ᓂᕈᐊᕐᓂᐅᓂᐊᖅᑐᓄᑦ ᐊᖓᔪᖅᑳᑉ ᑐᒡᓕᐊᓄᑦ ᓄᓇᕗᑦ ᑐᙵᕕᒃᑯᓐᓄᑦ. (NTI) ᐊᒻᒪ ᐊᕕᒃᑐᖅᓯᒪᔪᑦ ᐃᓄᐃᑦ ᑲᑐᔾᔨᖃᑎᒌᑦ ᐃᓂᒃᓴᖏᓐᓄᑦ, ᓄᓇᕗᑦ ᑐᙵᕕᒃᑯᑦ ᑎᓕᐅᕆᕗᑦ ᓄᓇᕗᒻᒥ ᐃᓄᖕᓂᒃ ᐃᓕᓐᓂᐊᖃᑕᐅᔪᑦ ᑐᑭᓯᒋᐊᒐᒃᓴᖏᑦ ᓄᑖᙳᕆᐊᖅᑕᐅᖃᑦᑕᖁᓪᓗᒋᑦ ᐊᒻᒪ ᒫᓐᓇᓕᓴᕐᓂᒃ.
ᓂᕈᐊᕈᓐᓇᖅᑐᑦ ᐊᑎᓕᐅᖅᑕᐅᓯᒪᔭᕆᐊᓖᑦ ᓄᓇᕗᒻᒥ ᐊᖏᕈᑎᐅᑉ ᐊᑖᒍᑦ, ᓄᓇᕗᑦ ᑐᙵᕕᒃᑯᑦ ᑎᒥᖓᑎᒍᑦ. ᓂᕈᐊᖅᑏᑦ ᐊᑎᖏᑦ ᓂᕈᐊᕐᓂᓕᒫᓄᑦ ᓄᑖᙳᕆᐊᖅᑕᐅᕙᓪᓕᐊᕗᑦ ᐅᑐᐱᕆ 24, 2022-ᒧᑦ ᑎᑭᓪᓗᒍ.
ᓅᓚᐅᕈᕕᑦ, ᐊᓯᔾᔨᕐᓗᒍ ᐊᑏᑦ, ᐃᓅᔪᓐᓃᖅᑐᕕᓂᐅᒍᕕᓪᓘᓐᓃᑦ ᐃᓚᖕᓂᑦ, ᐱᐊᓂᒡᓗᒍ ᐊᓯᔾᔨᖅᑐᖅ, ᑕᒻᒪᖅᓯᒪᔪᓐᓃᖅᑎᑦᑎᓂᖅ ᑎᑎᖅᑲᐅᑎᖓᓗ  ᑐᖁᓂᖕᒧᑦ ᑎᑎᕋᕐᕕᒃᓴᖓ ᐊᑐᐃᓐᓇᐅᔪᖅ ᓄᓇᕗᑦ ᑐᙵᕕᒃᑯᑦ ᐃᑭᐊᖅᑭᕕᐊᓂᑦ ᐅᕙᓂ: tunngavik.com
ᓄᓇᕗᒻᒥ ᐊᖏᕈᑎᒧᑦ ᐊᑎᓕᐅᖅᑕᐅᖃᑕᐅᔪᓐᓇᕈᕕᑦ, ᑭᓯᐊᓂ ᓱᓕ ᐱᓇᔪᓚᐅᙱᒃᑯᕕᑦ, ᐱᓇᔫᑦ ᑎᑎᕋᓚᐅᕐᓗᒍ ᐃᓚᐅᔪᒪᔪᓄᑦ ᑎᑎᕋᕆᐊᓕᒃ. ᑕᑕᑎᕆᐊᓖᑦ ᐊᒻᒪ ᐃᓚᒃᑲᓐᓂᖏᑦ ᐃᓕᓐᓂᐊᖃᑕᐅᔪᒪᔪᓄᑦ ᑐᑭᓯᒋᐊᒐᒃᓴᑦ ᐊᑐᐃᓐᓇᐅᔪᑦ …

ᓄᓇᕗᑦ ᑐᙵᕕᒃ ᑎᒥᖓ− ᓇᓗᓇᐃᑯᓯᖅ ᓂᕈᐊᕐᓂᕐᒧᑦ 2022

(ᐊᒃᑑᐸ 13, 2022, ᐃᖃᓗᐃᑦ, ᓄᓇᕗᑦ) ᓄᓇᕗᑦ ᑐᙵᕕᒃ ᑎᒥᖓ (NTI) ᓂᕈᐊᖅᑎᑦᑎᓛᖅᑐᑦ ᐊᖓᔪᖅᑳᑉ ᑐᒡᓕᐊᓄᑦ  ᐅᑉᓗᖓᓂ
ᑏᓴᒻᐸ 12-ᒥ, 2022.
ᓂᕈᐊᖃᑕᐅᔪᓐᓇᖁᓪᓗᑎᑦ ᐃᓅᓃᑦ ᓇᓗᓇᐃᖅᓯᒪᒋᐊᖃᕐᐳᖅ ᓄᓇᕗᒻᒥ ᐊᖏᖃᑎᒌᒍᑎᖓᓂ  ᐊᒻᒪ ᐅᑭᐅᖃᕆᐊᖃᖅᐳᑎᑦ 16-ᓂᒃ ᐅᖓᑖᓂᓗ ᐅᑉᓗᖓᓂ ᑎᓯᐱᕆ 12-ᒥ, 2022.
ᓂᕈᐊᒐᒃᓴᙳᖅᑎᑦᑎᓂᖅ ᐅᑯᐃᕐᑕᐅᓂᐊᕐᑐᑦ ᒪᓐᑎ, ᐊᒃᑑᐸ 31-ᒥ, 2022 ᐊᒻᒪᓗ ᐅᑯᐊᕐᑕᐅᓗᓂ ᑕᓕᒫᖑᓕᕐᐸᑦ ᓅᕙᒻᐸ 4-ᒥ, 2022.
ᓂᕈᐊᒐᒃᓴᙳᖅᑎᑦᑎᓂᕐᒧᑦ ᑎᑎᕋᕆᐊᓕᖕᓂᒃ ᐱᔪᒪᔪᓄᑦ ᐊᑐᐃᓐᓇᐅᓂᐊᖅᑐᑦ ᓂᕈᐊᖅᑐᓕᕆᔨᒻᒪᕆᖕᒥᑦ (CRO), ᓈᓐᓯ ᖃᕆᑕᖅ-ᓕᓐᑎᐅᒥᑦ, ᓄᓇᑦᓯᓐᓂ ᑐᖅᑲᑕᕐᕕᓂᑦ (CLO), ᐊᔮᔭ ᑎᑎᕋᕐᑏᑦ ᑐᓴᕐᑎᑦᑎᔩᓪᑯᓐᓂᑦ (ᓂᕈᐊᕐᑐᓕᕆᔨᒻᒪᕆᐅᑉ ᑎᑎᕋᕐᕕᖓ), ᐅᑉᕙᓘᕙ ᓄᓇᕗᑦ ᑐᙵᕕᒃ ᑎᒥᖓᑕ ᖃᕆᑕᐅᔭᑎᒎᕐᕕᖓᓂ, ᐅᑉᓗᖓᓂ ᐱᒋᐊᕐᓗᒍ ᐊᒃᑑᐸ 31-ᒥ, 2022 ᖃᐅᔨᓴᐅᑎᖓ 12 a.m. ᒧᖅᐸᑦ. ᐃᖃᓗᐃᑦ ᖃᐅᔨᓴᐅᑖ ᒪᓕᒡᓗᒍ.
ᓂᕈᐊᒐᒃᓴᐅᔪᒪᒍᕕᑦ, …

ᓄᓇᕗᑦ ᑐᙵᕕᒃ ᑎᒥᖓᓐᓂ ᓂᕈᐊᕐᓂᖅ: ᑐᓴᒐᒃᓴᓕᐊᖓ ᓂᕈᐊᕈᓐᓇᕐᑐᑦ ᐊᑎᓕᐅᕐᓯᒪᔪᓂᒃ

(ᐊᒃᑑᐸ 13, 2022, ᐃᖃᓗᐃᑦ, ᓄᓇᕗᑦ) ᓄᓇᕗᑦ ᑐᙵᕕᒃ ᑎᒥᖓ  (NTI)  ᓂᕈᐊᕐᓂᖃᓛᖅᑐᑦ  ᐊᖓᔪᖅᑳᑉ  ᑐᒡᓕᐊᓄᑦ  ᑎᓯᐱᕆᒥ 12-ᒥ, 2022.
ᓄᓇᕗᑦ ᑐᙵᕕᒃ ᑎᒥᖓ  NTI  ᐃᒪᐃᑦᑎᐊᖁᔨᕗᖅ ᓂᕈᐊᕈᓐᓇᖅᑐᓕᒫᑦ ᓂᕈᐊᕈᓐᓇᖁᓪᓗᒋᑦ ᓂᕈᐊᕐᓇᐅᑉ ᐅᓪᓗᖓᓂ. ᐊᔪᙱᑦᑐᑦ ᓂᕈᐊᕈᓐᓇᖅᑐᑦ ᐃᓚᖃᖅᐳᑦ ᐃᓄᖕᓂᒃ ᐊᑎᓕᐅᖅᑕᐅᓯᒪᔪᓂᒃ ᓄᓇᕗᒻᒥ ᐊᖏᖃᑎᒌᒍᑎᒥ, 16−ᓂᒃ ᐅᖓᑖᓂᓪᓘᓐᓃᑦ ᐊᕐᕌᒍᓖᑦ ᑎᓯᐱᕆᒥ 12-ᒥ, 2022.
ᐅᕝᕙ ᖃᓄᖅ ᓂᕈᐊᕈᓐᓇᖅᑐᑦ ᐊᑎᖃᕐᕕᖓᓃᒃᑲᓗᐊᕐᒪᖔᖅᐱᑦ ᖃᐅᔨᒋᐊᕈᓐᓇᖅᑐᑎᑦ:

ᑕᑯᒋᐊᕐᓗᒍ ᓄᓇᕗᑦ ᑐᙵᕕᒃ ᑎᒥᖓᑕ ᖃᕆᑕᐅᔭᑎᒎᕈᑎᖓ ᑎᑎᕋᕐᓯᒪᒐᓗᐊᕐᒪᖔᑦ ᐊᑏᑦ ᑕᐃᑲᓂ ᐊᑎᓕᐅᕐᓯᒪᔪᓂ ᐊᒻᒪᓗ ᓄᓇᓕᒋᔭᕐᓂ ᓇᓗᓇᐃᑎᐊᕐᓯᒪᖕᒪᖔᑦᓗ ᐊᒻᒪ ᐊᑎᓕᐅᕐᓯᒪᓃᑦ ᑎᑎᕋᕐᑕᐅᑦᓯᐊᕋᓗᐊᕐᒪᖔᑦᓗ. ᑎᑎᕋᕐᑕᐅᓂᑰᔪᑦ ᑕᒻᒪᖅᓯᒪᒃᐸᑦ, ᖃᐅᔨᑎᒋᐊᕐᓗᑎᑦ ᓄᓇᓕᖕᓂ ᖃᐅᔨᑲᐃᔨᖓᓄ ᐅᑉᕙᓘᕙ ᓛᓕ ᐳᑦᓚᒡᒧᑦ ᑕᐃᑲᓂ ᓄᓇᕗᑦ ᑐᙵᕕᒃ ᑎᒥᖓ ᐊᑎᓕᐅᕆᔨᖏᓐᓄᑦ.

ᑕᓕᒪᓂᒃ ᐊᒥᓱᓕᐅᕐᓂᑯᓂᒃ ᑖᑉᑯᓂᖓ ᓂᕈᐊᕐᑑᓗᐊᕐᑐᓂ …

ᖃᐅᔨᒃᑲᐃᒍᑦ ᑭᓇᒃᑯᑐᐃᓐᓇᕐᓄᑦ

ᓄᓇᕗᑦ ᑐᙵᕕᒃ ᑎᒥᖓ ᐊᕐᕌᒍᑕᒫᖅᓯᐅᒻᒥᒃ ᑲᑎᒪᓂᖓ
ᖃᐅᔨᒃᑲᐃᔾᔪᑎ ᑐᓴᕋᑦᓴᖅ
ᑖᓐᓇ ᖃᐅᔨᒃᑲᐃᔾᔪᑎ ᑐᓴᕋᑦᓴᖅ 2022 ᐊᕐᕌᒍᑕᒫᖅᓯᐅᒻᒥᒃ ᑲᑎᒪᓂᖃᓛᕐᒪᑕ ᓄᓇᕗᑦ ᑐᙵᕕᒃ ᑎᒥᖓ ᐆᑦᑑᑉᐱᕆ 18, 2022-ᒥᒃ ᐆᑦᑑᑉᐱᕆ 20, 2022-ᒧᑦ ᑲᖏᕐᖠᓂᕐᒥ, ᓄᓇᕗᑦ ᑲᑎᙵᓗᑎᒃ ᐊᒻᒪᓗ ᖃᕆᓴᐅᔭᒃᑯᑦ ᐊᒻᒪᓗ ᕙᐃᔅᐳᒃᑯᑦ ᑕᑯᑦᓴᐅᑦᓴᐅᑎᒋᓗᑎᒃ ᓯᖐᑦᑐᖅ ᕿᑎᕝᕕᒻᒥᒃ.
ᑐᙵᕕᒃᑯᑦ ᖃᕆᓴᐅᔭᒃᑯᑦ ᑲᑎᓐᓂᖏᑦ − ᐊᕐᕌᒍᑕᒫᖅᓯᐅᒻᒥᒃ ᑲᑎᒪᓂᖅ
 
ᑲᑎᒪᓃᑦ ᐅᓪᓗᖏᑦ: ᐆᑦᑑᑉᐱᕆ 18-20, 2022
ᖃᐅᔨᓴᐅᑦ: 8:30 ᐅᓪᓛᒃᑯᑦ ᑭᕙᓪᓕᐅᑉ ᖃᐅᔨᓴᐅᑖᒍᑦ
 
ᑐᑭᓯᒋᐊᒃᑲᓂᕐᕕᒃᓴᖅ:
ᓵᓐ ᕗᐊᑦᓯᕼᐅᐊᓐ
ᑭ/ᑐᑭᒧᒃᑎᑦᑎᔨ ᑐᓴᐅᒪᔾᔪᑎᓕᕆᔨᒃᑯᓐᓂ
ᐅᖄᓚᐅᑖ: (867) 975-4900 ᐊᑭᖃᙱᑦᑐᖅ: 1-888-646-0006

 
Download (PDF, 48KB)

ᓂᕈᐊᖅᑐᓕᕆᔨᒻᒪᕆᒃ ᑐᓴᖅᑎᑦᓯᕗᖅ ᑐᙵᕕᒃᑯᑦ ᓂᕈᐊᖅᑎᑦᓯᓂᐊᕐᓂᖏᓐᓂᒃ ᐊᖓᔪᖅᑳᑉ−ᑐᒡᓕᒃᓴᖓᓂᒃ

(ᐆᑦᑑᑉᐱᕆ 3,2022 – ᐃᖃᓗᐃᑦ, ᓄᓇᕗᑦ) ᓄᓇᕗᑦ ᑐᙵᕕᒃ ᑎᒥᖓ (ᑐᙵᕕᒃ) ᐅᓪᓗᒥ ᑐᓴᖅᑎᓯᖅᑲᐅᔪᑦ ᓈᓐᓯ ᖃᕆᑕᖅ−ᓕᓐᑎᐅ, ᐱᓕᕆᖃᑎᖃᕐᓗᓂ ᑲᒻᐸᓂᓂᒃ ᐊᔮᔮ ᐱᔪᒐᖅᓴᐅᑎᓄᑦ ᑐᓴᐅᒪᔾᔪᑎᓕᕆᓂᕐᒧᓪᓗ, ᓂᕈᐊᖅᑐᓕᕆᔨᒻᒪᕆᐅᓂᐊᕐᓂᖓᓂᒃ (CRO) ᑐᙵᕕᒃᑯᑦ ᓂᕈᐊᖅᑎᑦᓯᓂᕆᓂᐊᖅᑕᖏᓐᓄᑦ ᐊᖓᔪᖅᑳᑉ−ᑐᒡᓕᒃᓴᖓᓂᒃ ᑏᓰᒻᐱᕆ 12, 2022.
ᓂᕈᐊᕋᑦᓴᓕᐅᕐᓇᐅᓂᐊᖅᑐᖅ ᑕᕝᕗᖓ ᓂᕈᐊᕐᓂᕐᒧᑦ ᐆᑦᑑᑉᐱᕆ 31-ᒥᓂᒃ ᓅᕙᐃᒻᕙ 4-ᒧᓄᑦ, 2022. ᓂᕈᐊᕋᑦᓴᐅᒍᓐᓇᖅᑐᑦ ᐊᒻᒪᓗ ᓂᕈᐊᖅᑏᑦ ᑲᓇᑕᒥᐅᑕᐅᔭᕆᐊᓖᑦ, ᐅᑭᐅᖅᑖᖅᓯᒪᓗᑎᒃ 16-ᓂᒃ, ᐊᒻᒪᓗ ᐃᓄᐃᑦ ᐊᑎᖃᖃᑕᐅᔪᑦ ᓄᓇᕗᑦ ᐊᖏᕈᑎᖏᓐᓂ. ᓂᕈᐊᕋᑦᓴᓕᐅᕈᑏᑦ ᑎᑎᕋᕐᕕᒃᓴᑦ ᐱᔭᐅᔪᓐᓇᖅᑐᑦ CRO−ᒥᒃ, ᓄᓇᓕᓐᓂ ᑐᖅᑲᑕᕐᕕᖕᓂᒃ, ᐅᕝᕙᓘᓐᓃᑦ ᑐᙵᕕᒃᑯᑦ ᐃᑭᐊᖅᑭᕕᖓᓂᒃ ᓂᕈᐊᕋᑦᓴᓕᐅᕐᓇᖅ ᒪᑐᐃᖓᓕᖅᐸᑦ.
ᓂᕈᐊᕋᑦᓴᓄᑦ ᐱᓕᕆᐊᒃᓴᐅᕗᖅ ᓇᓗᓇᐃᕆᓂᖅ ᓂᕈᐊᕋᑦᓴᙳᖅᑎᑦᑎᔾᔪᑏᑦ ᐸᐃᑉᐹᑦ (ᐃᓚᒋᔭᐅᓗᑎᒃ ᐸᓖᓯᒃᑯᓐᓂᒃ ᒪᓕᒐᕐᓂᒃ ᓯᖁᒥᑦᓯᓚᐅᖅᓯᒪᒻᒪᖔᖅ ᖃᐅᔨᓴᖅᑕᐅᒍᑏᑦ) ᐱᔭᐅᓯᒪᒐᓗᐊᕐᒪᖔᑕ CRO−ᒧᑦ ᒪᑐᙱᓐᓂᖓᓂ. ᓂᕈᐊᕋᑦᓴᓕᐅᕈᑏᑦ ᐸᐃᑉᐹᑦ ᐱᔭᐅᓯᒪᙱᑉᐸᑕ …

ᑐᙵᕕᒃᑯᑦ ᓴᖅᑮᓂᖓ ᖃᐅᔨᓴᕈᑎᒥᒃ ᐃᓄᓐᓄᑦ ᐃᓕᓴᐃᔨᓄᑦ ᓄᓇᕗᒻᒥ

(ᓯᑉᑎᒻᐱᕆ 28, 2022, ᐃᖃᓗᐃᑦ, ᓄᓇᕗᑦ) ᐅᓪᓗᒥ, ᓄᓇᕗᑦ ᑐᙵᕕᒃ ᑎᒥᖓ (ᑐᙵᕕᒃ) ᓴᖅᑮᔪᑦ ᖃᐅᔨᓴᕈᑎᒥᒃ ᖃᐅᔨᔪᒪᓪᓗᑎᒃ ᐊᑐᖃᑦᑕᖅᓯᒪᔭᖏᓐᓂᒃ ᐊᒻᒪᓗ ᑕᑯᓐᓇᒐᖏᓐᓂᒃ ᐃᓄᐃᑦ ᐃᓕᓴᐃᔩᑦ ᓄᓇᕗᒻᒥ.
ᑐᙵᕕᒃᑯᑦ ᖃᐅᔨᔪᒪᔪᑦ ᐊᑦᓱᕈᕐᓇᑐᒃᑰᖃᑦᑕᕐᓂᖏᓐᓂᒃ ᐃᓄᐃᑦ ᐃᓕᓴᐃᔩᑦ ᓄᓇᕗᒻᒥ. ᑐᓴᕈᒪᔪᒍᑦ ᐃᓄᓐᓂᒃ ᒫᓐᓇ, ᐅᕙᑦᓯᐊᕈᓘᓐᓃᑦ, ᐅᕝᕙᓘᓐᓃᑦ ᐃᓕᓴᐃᔨᑦᓴᓂ ᐃᓕᓐᓂᐊᖅᑐᑦ ᓄᓇᕗᒻᒥ ᐃᓕᓐᓂᐊᕐᓂᓕᓐᓄᑦ K-12. ᐃᓚᒋᔭᐅᓪᓗᑎᒃ ᐃᓕᓐᓂᐊᕕᓐᓂ ᐊᖓᔪᖅᑳᖑᖃᑦᑕᖅᓯᒪᔪᑦ, ᐊᖓᔪᖅᑳᓄᑦ−ᑐᒡᓕᐊᖃᑦᑕᖅᓯᒪᔪᑦ, ᐃᓕᓴᐃᔩᑦ, ᐃᓕᓐᓂᐊᖅᑎᓂᒃ ᐃᑲᔫᑏᑦ / ᐃᑲᔪᖅᑎᖏᓪᓗ, ᐃᓕᓴᐃᔾᔪᑎᓂᒃ ᐃᓕᓴᐃᔩᑦ, ᐅᖃᐅᓯᓕᕆᔩᑦ, ᐃᓕᓐᓂᐊᕕᒻᒥ ᐃᓅᓯᓕᕆᔩᑦ, ᐃᓄᒃᓯᐅᑎᓕᕆᔨ, ᐃᓕᓴᐃᔨᑦᓴᑦ, ᑭᖑᕝᕕᐅᑎᓯᒪᖃᑦᑕᖅᑐᑦ ᑕᐅᖅᓯᐅᑎᓯᒪᖃᑦᑕᑐᓪᓗ.
ᖃᐅᔨᓴᕈᑏᑦ ᑭᓇᒦᙶᕐᒪᖓᑕ ᖃᐅᔨᒪᓇᖅᑎᑕᐅᙱᑦᑐᑦ, ᐊᒻᒪᓗ ᖃᐅᔨᓴᕈᑎᒥᓃᑦ ᓇᐃᓈᖅᓯᒪᓗᑎᒃ ᐅᓂᒃᑳᓕᐊᖑᓗᑎᒃ ᐊᒻᒪᓗ ᐊᑐᖅᑕᐅᓗᑎᒃ ᐃᑲᔪᕆᐊᒃᑲᓐᓂᐅᑎᒃᓴᓄᑦ ᑭᒡᒐᖅᑐᐃᔨᓄᓪᓗ ᐃᓄᓐᓄᑦ ᐃᑲᔪᖅᑎᓄᑦ ᓄᓇᕗᒻᒥ ᑐᕌᒐᓖᑦ ᐃᑲᔪᖅᓯᓯᒪᓂᕐᒥᒃ ᐊᑐᓂᕐᒧᑦ ᐃᓄᒃᑐᑦ ᐃᓕᓴᕕᓐᓂ.
“ᓄᓇᕗᑦ …

ᐃᖅᑲᐅᒪᔭᐅᓂᖓ ᕋᐃᒪᓐ ᓂᖏᐅᑦᓯᐊᖅ

(ᓯᑉᑎᒻᐱᕆ 28, 2022 – ᐃᖃᓗᐃᑦ, ᓄᓇᕗᑦ) ᓄᓇᕗᑦ ᑐᙵᕕᒃ ᑎᒥᖓᓄᑦ (ᑐᙵᕕᒃ) ᐊᖓᔪᖅᑳᖅ ᐊᓗᑭ ᑰᑦᑎᖅ ᐊᒻᒪᓗ ᐊᖓᔪᖅᑳᑉ−ᑐᒡᓕᐊ ᔭᐃᒥᓯ ᐃᑦᑐᓗᒃ ᕿᑦᓵᕈᑎᖃᒻᒪᕆᑉᐴᒃ ᐃᓅᒍᓐᓃᓐᓂᕆᓚᐅᖅᑕᖓᓄᑦ ᐊᖓᔪᖅᑳᑉ− ᑐᒡᓕᕆᓚᐅᖅᑕᖓ ᐊᒻᒪᓗ ᑲᑎᒪᔨᐅᖃᑦᑕᓚᐅᖅᑐᖅ ᕋᐃᒪᓐ ᓂᖏᐅᑦᓯᐊᖅ.
“ᑭᒡᒐᑐᖅᓱᒋᑦ ᓄᓇᕗᒻᒥᐅᑦ ᐃᓄᐃᑦ, ᐃᖅᑲᐅᒪᕙᒃᑲ ᓇᒡᓕᓂᒃᑯᑦ ᕋᐃᒪᓐ ᐃᓚᖏᑦ. ᐳᐃᒍᖅᑕᐅᓚᐅᖅᓯᒪᔾᔮᖏᑦᑐᖅ ᓱᓕᔪᒥᒃ ᐊᒻᒪᓗ ᐃᖕᒥᓂᒃ ᑐᓂᓯᒪᓪᓗᓂ ᓯᕗᓕᖅᑎᐅᓚᐅᕐᓂᖓ,” ᐅᖃᖅᑐᖅ ᐊᖓᔪᖅᑳᖅ ᐊᓗᑭ ᑰᑦᑎᖅ.
“ᖃᓂᒋᔮᓂ 40 ᐊᕐᕌᒍᑦ, ᕋᐃᒪᓐ ᓯᕗᓪᓕᐅᑎᓐᓇᓚᐅᖅᑕᖏᑦ ᐃᓄᐃᑦ ᐊᓯᓕᒫᖏᓐᓂᒃ, ᑐᓂᓯᒪᑦᓯᐊᕐᓂᕆᓚᐅᖅᑕᖓ ᐃᓅᓯᕐᒥᒍᑦ ᑎᑭᐅᑎᒍᑕᐅᓚᐅᖅᑐᖅ ᐱᐊᓂᒃᑕᐅᓂᖓᓄᑦ ᓄᓇᕗᑦ ᐊᖏᕈᑦ. ᕋᐃᒪᓐ ᐊᑎᓕᐅᖃᑕᐅᓚᐅᖅᑐᖅ ᐊᖏᕈᑎᓂᒃ ᑐᒡᓕᕆᔭᐅᒃᑲᓂᖅᑐᓂ−ᐊᖓᔪᖅᑳᒧᑦ ᑐᙵᕕᒃ ᐃᓚᒌᑦᓴᑦ ᓄᓇᕗᒻᒥ. ᓄᓇᕗᑦ ᖁᔭᓕᒻᒪᕆᒋᐊᓕᒃ ᑕᖃᓂᕋᓚᐅᖅᓯᒪᒐᓂ ᐃᖅᑲᓇᐃᔭᖃᑦᑕᓚᐅᕐᓂᖓᓄᑦ, ᐊᒻᒪᓗ ᐅᐱᒍᓱᑉᐳᖓ ᐃᖅᑲᓇᐃᔭᖃᑎᒋᔪᓐᓇᓚᐅᕋᒃᑯ ᐊᕐᕌᒍᕋᓴᓐᓂᒃ,” ᐅᖃᖅᑐᖅ ᐊᖓᔪᖅᑳᑉ−ᑐᒡᓕᐊ …

ᕿᑭᖅᑕᓂᒃᑯᑦ ᑐᙵᕕᒃᑯᓪᓗ ᐊᐅᓚᑦᓯᓂᐊᖅᑐᑦ ᐱᓱᓐᓂᕐᒥᒃ ᑲᓇᑕᒥ ᐅᓪᓗᖓᓂ ᓱᓕᔪᒥᒃ ᓴᐃᒻᒪᖃᑎᒌᓐᓂᒧᓪᓗ

ᐃᖃᓗᐃᑦ, ᓄᓇᕗᑦ − ᓯᑉᑎᒻᐱᕆ 26, 2022 ᕿᑭᖅᑕᓂ ᐃᓄᐃᑦ ᑲᑐᔾᔨᖃᑎᒌᑦ (ᕿᑭᖅᑕᓂ) ᐊᒻᒪᓗ ᓄᓇᕗᑦ ᑐᙵᕕᒃ ᑎᒥᖓ (ᑐᙵᕕᒃ) ᐃᓇᑦᓯᔪᑦ ᐃᖃᓗᒻᒥᐅᓂᒃ ᐱᓱᓐᓂᐅᓛᖅᑐᒧᑦ ᐃᒡᓗᕗᑦ ᐃᓪᓗᖁᑖᓂᒃ ᐃᖃᓗᐃᑦ ᑕᖃᐃᖅᓯᕐᕕᖓᓄᑦ ᓇᓗᓇᐃᖅᑕᐅᔾᔪᑎᖓᓄᑦ ᓂᑲᒍᓱᓐᓂᒧᓪᓗ ᑲᓇᑕᒥ ᐅᓪᓗᖓᓂ ᓱᓕᔪᒥᒃ ᓴᐃᒻᒪᖃᑎᒌᓐᓂᒧᓪᓗ.
ᑐᒡᓕᕆᓕᖅᑕᖓᓂ ᐱᓱᓐᓂᐅᓛᖅᑐᖅ, ᓯᑉᑎᒻᐱᕆ 30-ᒥ, ᐃᓕᓴᖅᓯᒍᑕᐅᔪᖅ ᐃᓕᖅᑯᓯᕐᒥᖕᓂᒃ ᓴᒃᑯᐃᑎᑕᐅᓇᓱᐊᖅᓯᒪᓂᖏᓐᓂᒃ ᐃᓕᓐᓂᐊᕆᐊᖅᑎᑕᐅᖃᑦᑕᓚᐅᖅᑐᑦ ᐊᒻᒪᓗ ᐅᐱᒍᓱᓐᓂᕐᒧᑦ ᓄᓇᖃᖅᑳᖅᓯᒪᔪᓂᒃ ᐊᓐᓇᓯᒪᔪᓂᒃ, ᐃᓚᖏᓐᓂᒃ, ᐊᒻᒪᓗ ᓄᓇᖏᓐᓂᒃ ᑲᓇᑕᓕᒫᒥ.
ᐱᓱᓐᓂᐅᓛᖅᑐᒧᑦ ᐸᕐᓇᑕᐅᓯᒪᔪᑦ:
ᓯᑉᑎᒻᐱᕆ 30th, 2022
1–ᒥᒃ 1:30−ᒧᑦ PM – ᐊᐅᐸᔮᑦᑐᐃᑦ ᐊᐃᑲᓪᓚᐃᑦ ᑐᓂᐅᖅᑲᖅᑕᐅᓂᖏᑦ
1:30−ᒥᒃ 1:35−ᒧᑦ PM – ᓂᐱᖃᖏᑲᐃᓐᓇᕐᓂᖅ
1:35−ᒥᒃ 2:15−ᒧᑦ PM – ᐱᓱᓕᕐᓗᑎᒃ ᐃᒡᓗᕗᑦ ᐃᓪᓗᖁᑖᓂᒃ ᐃᖃᓗᐃᑦ ᑕᖃᐃᖅᓯᕐᕕᖓᓄᑦ
2:30−ᒥᒃ – 3:30−ᒧᑦ PM – ᓄᓇᓖᑦ ᐸᕐᓚᑎᑕᐅᓂᖏᑦ, …

ᓄᓇᕗᑦ ᐃᓄᐃᑦ ᑎᒍᔭᐅᑎᓐᓇᓱᐊᖅᑕᖓ ᔪᐊᓇᔅ ᕆᕕᐊᓪ

(ᓯᑉᑎᒻᐱᕆ 6, 2022 – ᐃᖃᓗᐃᑦ, ᓄᓇᕗᑦ) ᓄᓇᕗᑦ ᑐᙵᕕᒃ ᑎᒥᖓᓄᑦ (ᑐᙵᕕᒃ) ᐊᖓᔪᖅᑳᖓ ᐊᓗᑭ ᑰᑦᑎᖅ ᐊᒻᒪᓗ ᓄᓇᕗᒻᒦᙶᖅᑐᑦ ᐃᓄᐃᑦ ᐅᐃᕖᕐᔪᐊᒃᑯᑦ ᓄᓇᖓᓐᓄᙵᐅᓛᖅᑐᑦ ᕗᕌᓐᔅ, ᓯᑉᑎᒻᐱᕆ 12−ᒥᒃ 15−ᒧᑦ, ᑎᒍᔭᐅᑎᑦᓯᓇᓱᐊᕆᐊᖅᑐᕐᓗᑎᒃ ᐊᑖᑕ ᔪᐊᓇᔅ ᕆᕕᐊᓪᒥᒃ
“ᐊᔪᐃᓐᓇᕈᑎᒋᔭᕗᑦ ᐊᖓᔪᖅᑳᖅ ᒪᑯᕌᓐ, ᓄᓇᖓᑕ ᐊᖓᔪᖅᑳᕐᔪᐊᖓ ᕗᐊᓐ ᐊᒻᒪᓗ ᐃᖅᑲᖅᑐᐃᕕᓕᕆᓂᕐᒧᑦ ᒥᓂᔅᑕ ᑐᐹᓐ−ᒧᕆᑦᑎ ᐅᑎᖅᑎᑕᐅᖁᓪᓗᒍ ᔪᐊᓇᔅ ᕆᕕᐊᓪ. 22-ᓂᒃ ᑖᒃᑯᓇᙵᑦ 26-ᓂᒃ ᐊᕐᕌᒍᓂ, ᕆᕕᐊᓪ ᕿᒫᓯᒪᔪᖅ ᑎᒍᔭᐅᓇᓱᐊᖅᓯᒪᓂᕐᒥᓂᒃ ᑲᓇᑕᒥ ᐃᖅᑲᑐᖅᑕᐅᒍᑎᒃᓴᖓᓄᑦ. ᑕᐃᒪᐃᑎᓪᓗᒍ, ᕆᕕᐊᓪ ᒥᐊᓂᕆᔭᐅᔪᖅ ᓴᐳᔾᔭᐅᓯᒪᓪᓗᓂᓗ ᓴᓐᓂᖓᔪᓕᐅᖅᑎᖏᓐᓄᑦ ᕗᕌᓐᔅ ᓈᖕᒪᖏᑦᑐᒥᒃ ᐅᓂᒃᑳᖑᖁᔭᐅᓇᓂ ᑐᓴᕋᑦᓴᓕᕆᓂᒃᑯᑦ ᐊᒻᒪᓗ ᓴᐳᔾᔭᐅᓯᒪᖁᓪᓗᒋᑦ ᖃᐅᔨᒪᔮᖑᓂᖏᑦ ᐃᑦᓯᕋᕐᔪᐊᕐᒥᐅᑦ. ᑐᑦᓯᐊᕐᕕᒃ ᐊᒻᒪᓗ ᐃᑦᓯᕋᕐᔪᐊᖏᑦ ᖁᕝᕙᓯᓐᓂᖅᓴᐅᖏᑦᑐᑦ ᒪᓕᒐᕐᓂᒃ,” ᐅᖃᖅᑐᖅ ᐊᖓᔪᖅᑳᖅ ᐊᓗᑭ ᑰᑦᑎᖅ.
ᓄᓇᕗᒻᒦᙶᖅᑐᑦ ᐅᐃᕖᕐᔪᐊᒃᑯᑦ …

ᐃᓄᐃᑦ ᑲᑐᔾᔨᖃᑎᒌᖏᑦ ᓵᖓᑦᓯᔪᑦ ᓄᓇᕗᑦ ᒐᕙᒪᒃᑯᓐᓂᑦ ᐊᐅᓚᔾᔭᑦᑕᖓᓂᒃ ᓅᑦᑎᓂᕐᒥᑦ ᐅᔭᕋᓐᓂᐊᖅᑏᑦ ᑲᒻᐸᓂ ᐱᖁᑎᓄᑦ ᑖᒃᓰᔭᐅᑎᓄᑦ ᐊᑭᓕᖅᓱᕆᐊᓕᖏᓐᓂᒃ ᐃᓄᓐᓄᑦ

(ᐊᐅᒐᔅᑎ 11, 2022, ᐃᖃᓗᐃᑦ, ᓄᓇᕗᑦ) ᓄᓇᕗᑦ ᑐᙵᕕᒃ ᑎᒥᖓ (NTI) ᐊᒻᒪᓗ  ᐊᕕᒃᑐᖅᓯᒪᔪᓂ ᐃᓄᐃᑦ ᑲᑐᔾᔨᖃᑎᒌᑦ (ᑲᑐᔾᔨᖃᑎᖃᕐᓗᑎᒃ ᓄᓇᕗᑦ ᑐᙵᕕᒃᑯᓐᓂᒃ, “ᐃᓄᐃᑦ ᑲᑐᔾᔨᖃᑎᒌᖏᓐᓂᒃ”) ᐃᖅᑲᖅᑐᐃᕕᖕᒧᐊᖅᓯᒍᑎᖃᕐᑐᑦ ᐊᐅᒐᔅᑎ 10, 2022 ᓵᖓᑦᓯᓪᓗᑎᒃ ᓄᓇᕗᑦ ᒐᕙᒪᒃᑯᑦ ᐊᐅᓚᔾᔭᑦᑕᖓᓂᒃ ᓄᒃᑎᕆᓂᕐᒧᑦ ᐅᔭᕋᓐᓂᐊᖅᑏᑦ ᑲᒻᐸᓃᑦ ᐱᖁᑎᓄᑦ ᑖᒃᓯᔭᐅᑎᓂᒃ ᐊᑭᓕᖅᓱᖅᑕᒥᓂᒃ ᐃᓄᓐᓄᑦ. ᒪᐃ 27, 2022−ᒥ, ᓄᓇᕗᑦ ᒐᕙᒪᒃᑯᖏᑦ ᑲᔪᓯᑎᓚᐅᖅᑕᖓ ᐱᖁᔭᒃᓴᖅ 55 – ᐱᖁᔭᖅ ᐋᖅᑭᒋᐊᕈᑦ ᓇᖕᒥᓂᖁᑕᐅᔪᓂᒃ ᖃᐅᔨᓴᓂᕐᒧᑦ ᐊᒻᒪ ᑖᒃᓯᓕᕆᓂᕐᒧᑦ ᐱᖁᔭᓄᑦ (PATA), ᑲᔪᓯᑎᑕᐅᓚᐅᖅᑐᖅ ᐊᒻᒪᓗ ᐊᖏᕈᑕᐅᓪᓗᓂ ᓯᑉᑎᒻᐱᕆ 2021 ᐃᓄᐃᑦ ᑲᑐᔾᔨᖃᑎᒌᑦ ᓈᖕᒪᒃᓴᑎᓐᓇᒋᑦ.
ᐱᖁᔭᒃᓴᖅ 55, ᐊᓯᖏᓪᓗᑦᑕᐅᖅ, ᓄᒃᑎᕆᔾᔪᑎ ᓇᖕᒥᓂᖁᑕᐅᔪᓄᑦ ᑖᒃᓯᓂᒃ ᐊᑭᓕᖅᓱᐃᓂᕐᒥᒃ ᐅᔭᕋᓐᓂᐊᖅᑏᑦ ᑲᒻᐸᓃᑦ ᐱᖁᑎᖏᓐᓂᒃ ᑲᒻᐸᓂᒃᑯᓐᓂᒃ ᐃᓄᓐᓄᑦ, ᐱᖁᑏᑦ …

ᓄᓇᕗᒻᒥᐅᑦ ᐃᓄᐃᑦ ᐃᑦᓯᕋᕐᔪᐊᕌᐱᐅᑉ ᒪᒥᐊᓐᓂᖓᓃᑦᑐᑦ

(ᔪᓚᐃ 26, 2022 – ᐃᖃᓗᐃᑦ, ᓄᓇᕗᑦ) ᓄᓇᕗᑦ ᑐᙵᕕᒃ ᑎᒥᖓᓂ (ᑐᙵᕕᒃ) ᐊᖓᔪᖅᑳᖅ ᐊᓗᑭ ᑰᑦᑎᖅ ᐊᒻᒪᓗ ᖃᐃᖅᑯᔭᐅᓯᒪᔪᑦ 55 ᓄᓇᕗᒻᒥᐅᑕᐃᑦ ᐃᓄᐃᑦ ᐃᑦᓯᕋᕐᔪᐊᕌᐱᒃ ᕗᕌᓐᓯᔅ ᒪᒥᐊᓐᓂᖓᓃᓚᐅᖅᑐᑦ ᐃᑦᓯᕋᕐᔪᐊᒃᑯᑦ ᑐᒃᓯᐊᕐᕖᑦ ᐱᓕᕆᓂᕆᕙᓚᐅᖅᑕᖏᓐᓂᒃ ᐊᒻᒪᓗ ᐋᓐᓂᑎᖅᑕᐅᓂᒃᑯᑦ ᑲᑉᐱᐊᓱᐊᖃᑦᑕᓚᐅᕐᓂᖏᓐᓄᑦ ᐃᓕᓐᓂᐊᕆᐊᖅᑎᑕᐅᖃᑦᑕᓚᐅᖅᓯᒪᔪᑦ ᐊᖏᕐᕋᒥᓂᒃ ᓅᑕᐅᓪᓗᑎᒃ.
“ᐃᓄᐃᑦ ᑐᓴᖅᑕᐅᑦᑕᓯᓐᓇᓕᖅᑐᑦ ᐊᒻᒪᓗ ᐊᑐᖅᓯᒪᔭᖏᑦ ᖃᐅᔨᕐᕙᓚᑦᑕᐅᓪᓗᑎᒃ. ᖁᔭᒋᔭᕗᑦ ᐊᓐᓇᓯᒪᔪᑦ ᐅᐸᑦᓯᒪᒍᓐᓇᓚᐅᕐᒪᑕ ᐊᒻᒪᓗ ᒪᑐᐃᖓᓪᓗᑎᒃ ᓇᖕᒥᓂᖅ ᐊᓂᒍᐃᕙᓪᓕᐊᓂᕐᒥᓂᒃ ᒪᒥᓴᕐᓂᒃᑯᑦ. ᐊᐅᓚᔾᔭᑦᑕᐅᕗᖓ ᓯᕘᕋᒐᑎᒃ, ᓇᒡᓕᒍᓱᑦᑐᑎᒃ ᐊᒻᒪᓗ ᑕᑯᓐᓇᒐᖃᑦᓯᐊᕐᓂᖏᓐᓂᒃ ᓯᕗᓂᑦᑎᓐᓄᑦ,” ᐅᖃᖅᑐᖅ ᑐᙵᕕᒃᑯᑦ ᐊᖓᔪᖅᑳᖓ ᐊᓗᑭ ᑰᑦᑎᖅ.
ᐃᓄᐃᑦ ᒪᒥᐊᕝᕕᐅᒍᒪᓯᒪᔪᑦ ᐊᕐᕌᒍᕋᓵᓗᐃᑦ, ᑕᕝᕘᓈᓚᐅᕐᒥᔪᑦ ᓱᓕᔪᒥᒃ ᓴᐃᒻᒪᖃᑎᒌᓐᓂᒥᓪᓗ ᑲᒥᓴᒃᑯᑎᒍᑦ.
ᒪᒥᐊᕝᕕᐅᓂᖅ ᑕᑯᓐᓇᖅᑕᐅᒋᐊᓕᒃ ᐊᓪᓗᕆᐊᕐᓂᑐᐃᓐᓇᐅᓂᖓᓂᒃ ᓴᐃᒻᒪᖃᑎᒌᓐᓂᕐᒧᑦ. ᑐᙵᕕᒃᑯᑦ ᐱᓕᕆᖃᑎᖃᖃᑦᑕᖅᓯᒪᔪᑦ ᐊᓪᓚᕝᕕᖓᓂᒃ ᐃᑦᓯᕋᕐᔪᐊᕌᐱᒃ ᐳᓚᕆᐊᕐᓂᖓᓄᑦ ᐊᒻᒪᓗ ᑲᓇᑕᒥ ᑲᑎᒪᔨᕐᔪᐊᖏᑦ …

ᓄᓇᕗᑦ ᑐᙵᕕᒃ ᑎᒥᖓᑦ ᑎᒍᒻᒥᓯᒪᓕᕐᑐᖅ ᓴᓇᓐᖑᐊᒐᕐᒥᒃ ᑐᑭᓕᒻᒥᑦ ᑕᕐᓂᕐᒨᖓᔪᒧᑦ ᑭᖑᕚᕆᓄᑦ ᐱᓂᕐᓗᑦᑕᐅᓯᒪᔪᓄᑦ

(ᔪᓚᐃ 22, 2022 – ᐃᖃᓗᐃᑦ,  ᓄᓇᕗᑦ)  ᓄᓇᕗᑦ ᑐᙵᕕᒃ ᑎᒥᖓᑦ (ᑐᙵᕕᒃᑯᑦ) ᑎᒍᒻᒥᓯᒪᓕᕐᑐᖅ ᑐᑭᓕᒻᒥᑦ ᑕᕐᓂᖏᓐᓅᖓᔪᒧᑦ ᑭᖑᕚᕇᓄᑦ ᐱᓂᕐᓗᑦᑕᐅᓯᒪᒻᒪᕆᓐᓂᖏᓐᓄ.  ᑕᖅᑲᐅᖓ ᒪᓂᒪᑎᑕᐅᔪᒥᑦ ᓴᓇᓐᖑᐊᒐᕐᒥᑦ,  ᓴᓇᓐᖑᐊᖅᑎᒧᑦ ᔨᐊᓯ ᑐᓐᖏᓕᒻᒥᑦ.
“ᓂᕆᐅᓐᓂᖃᑦᓯᐊᖅᐳᖓ ᓴᓇᓐᖑᐊᒐᖅ ᐊᓚᒃᑲᐃᓂᖃᑦᓯᐊᖁᓪᓗᒍ ᐅᖃᖃᑎᒌᓐᓂᕐᒥᒃ ᓄᓇᕗᒻᒥᐅᑕᓄᑦ ᐃᓄᓗᑦᑖᑦ ᐱᔪᓐᓇᕐᓂᖃᕐᓂᖏᓐᓂᑦ,  ᓴᐃᒻᒪᖃᑎᒌᓐᓂᕐᒥᒃ,  ᖁᓚᓕᔪᐃᓐᓂᖏᓐᓂᓪᓗ ᐃᓄᐃᑦ ᐊᒻᒪᓗ ᓄᖅᑲᖓᑎᒐᑦᓴᐅᖏᑦᑐᒥᑦ ᓇᓪᓕᓐᓂᖅᑕᖃᕆᐊᖓ ᐊᖓᔪᖅᑳᕆᔭᐅᔫᑦ ᕿᑐᓐᖓᕐᒥᓄᑦ.  ᖁᔭᒋᕙᕋ ᔨᐊᓯ ᑐᓴᐅᒪᒃᑲᓐᓂᖅᑎᑦᓯᒍᓐᓇᕐᓂᖓᓂᑦ ᓴᓇᓐᖑᐊᒐᖓ ᐊᖅᑯᑕᐅᑦᓯᐊᕐᓂᖓᓂᓪᓗ”,  ᐅᖃᖅᐳᖅ ᓄᓇᕗᑦ ᑐᙵᕕᒃ ᐊᖓᔪᖅᑳᖓ ᐊᓗᑭ ᑰᑦᑎᐊᖅ.
“ᐊᐱᕆᕗᒍᑦ ᐃᑦᓯᕋᖅᔪᐊᕌᐱᒃ ᐳᓛᓐᓴᔅ (Francis) ᐊᑲᐅᓂᖅᓴᖅᑰᕆᐊᖅᑎᑦᓯᖁᓪᓗᒍ.  ᐊᑖᑕ ᔪᕼᐋᓇᔅ ᕆᕕᐅᕆ (Father Johannes Rivoire) ᓴᐳᒻᒥᔭᐅᖏᓐᓇᕐᒪᑦ ᓚᐃᔭᓐ,  ᕗᕋᓐᔅᒥᑦ (Lion, France) ᐃᑦᓯᕋᖅᔪᐊᕐᓄᑦ France−ᒥᑦ ᐊᒻᒪᓗ ᑲᓇᑕᒥ.  ᕆᕕᐅᕆ ᐊᐅᓪᓚᖅᑎᑕᐅᒋᐊᖃᓪᓚᕆᒻᒪᑦ ᑲᓇᑕᒧᑦ ᐃᖅᑲᖅᑐᕋᑦᓴᐅᔾᔪᑎᒥᓄᑦ ᑭᐅᔭᕆᐊᖃᕐᓂᖓᓄᑦ,” …

ᓄᓇᕗᑦ ᑐᙵᕕᒃ ᐃᑲᔫᑎᒃᓴᓕᕆᔨᒃᑯᑦ ᐃᓕᓐᓂᐊᑲᓐᓂᖅᑐᓄᑦ ᐃᑲᔫᑎᒃᓴᑦ − ᑐᑦᓯᕋᐅᓯᐅᖁᔨᔾᔪᑎ

(ᔪᓚᐃ 18, 2022 – ᑲᖏᕐᖠᓂᖅ, ᓄᓇᕗᑦ) ᓄᓇᕗᑦ ᑐᙵᕕᒃ ᐃᑲᔫᑎᒃᓴᓕᕆᔨᒃᑯᑦ (NTF) ᐃᓕᓐᓂᐊᑲᓐᓂᖅᑐᓄᑦ ᐃᑲᔫᑎᒃᓴᓂᒃ ᑐᒃᓯᕋᐅᓯᐅᕐᕕᑦᓴᐅᓂᐊᓕᕐᒥᔪᑦ ᔪᓚᐃ 18-ᒥᓂᒃ ᐊᐅᒡᒍᓯ 31−ᒧᑦ, 2022 ᐃᓕᓐᓂᐊᑲᓐᓂᖅᑐᓄᑦ ᐃᑲᔫᑎᒃᓴᒥᒃ ᐊᒻᒪᓗ ᐊᔪᕈᓐᓃᓴᕐᓂᕐᒧᑦ ᐃᖅᑲᓇᐃᔮᒧᓪᓗ ᖁᕝᕙᕆᐊᕈᑎᒃᓴᒧᑦ ᐃᓕᓐᓂᐊᑲᓐᓂᖅᑐᓄᑦ ᐃᑲᔫᑎᒃᓴᓂᒃ.
ᐃᑲᔫᑎᒃᓴᓕᕆᔨᒃᑯᓐᓂᒃ NTF ᐃᓕᓐᓂᐊᑲᓐᓂᖅᑐᓄᑦ ᐃᑲᔫᑏᑦ ᐊᑐᖅᑕᐅᒍᓐᓇᖅᑐᑦ ᐃᓕᓐᓂᐊᕈᑎᒧᑦ ᐊᑭᖓ, ᐊᒃᑐᐊᔪᓄᑦ ᐊᑭᖏᓐᓄᑦ, ᐅᖃᓕᒫᒐᕐᓄᑦ, ᐃᓕᓐᓂᐊᕈᑎᓅᖓᔪᓄᑦ ᐊᒻᒪᓗ ᐃᓕᓐᓂᐊᕈᑎᒃᓴᒨᖓᔪᓄᑦ, ᐃᖏᕐᕋᔾᔪᑎᓄᑦ ᑐᔪᕐᒥᔾᔪᑎᓄᓪᓗ, ᐃᓅᓇᓱᐊᕐᓂᕐᒧᑦ ᐊᑭᓕᖅᓲᑏᑦ, ᐃᓚᒋᔭᐅᓗᑎᒃ ᓄᑕᖅᑲᑦ ᐸᖅᑭᔭᐅᔾᔪᑎᖏᓐᓄᑦ ᐊᑭᓕᖅᓲᑎᓄᑦ ᐊᒻᒪᓗ ᓂᕆᔭᒃᓴᓄᑦ, ᐊᒻᒪᓗ ᐃᓕᓐᓂᐊᖅᑏᑦ ᐊᑭᓕᑦᓴᖏᓐᓄᑦ.
$1500 ᐊᔪᕈᓐᓃᐸᓪᓕᐊᓂᕐᒧᑦ ᐃᖅᑲᓇᐃᔮᒧᓪᓗ ᖁᕝᕙᕆᐊᕋᓱᐊᕐᓂᕐᒧᑦ: ᑐᓂᔭᐅᔪᑦ ᐊᑎᓕᐅᖅᓯᒪᔭᕆᐊᓖᑦ ᐃᓕᓴᕆᔭᐅᓯᒪᔪᒥᒃ ᐃᓕᓐᓂᐊᖅᑐᖅ ᐊᑦᑐᐊᔪᒥᒃ ᓴᓇᔭᕆᐅᖅᓴᓂᕐᒧᑦ/ᐃᖅᑲᓇᐃᔮᒧᑦ ᐊᔪᕈᓐᓃᖅᓴᐅᑎᒥᒃ ᓯᑕᒪᓂᒃ ᐱᓇᓱᐊᕈᓯᕐᓂᒃ ᓯᕕᑐᑎᒋᔪᒥᒃ ᐊᑯᓂᐅᓂᖅᓴᓘᓐᓃᑦ. ᐃᓚᒋᔭᐅᓪᓗᑎᒃ ᖃᐅᔨᓴᖅᑕᐅᒍᑎ ᓴᓇᔭᕆᐅᖅᓴᓂᕐᒧᑦ ᐃᓯᖅᐸᓪᓕᐊᓂᕐᒥᒃ, G.R.E.A.T. …

ᖁᕕᐊᒃᑯᑎᕙᕗᑦ ᓄᓇᕗᑦ ᐅᓪᓗᖓᓂ ᓵᓚᒃᓴᕋᓱᐊᕈᑕᐅᔪᒧᑦ ᓵᓚᒃᓴᓚᐅᖅᑐᑦ!

(ᔪᓚᐃ 13, 2022 – ᐃᖃᓗᐃᑦ, ᓄᓇᕗᑦ) ᓄᓇᕗᑦ ᑐᙵᕕᒃ ᑎᒥᖓ (ᑐᙵᕕᒃ) ᖁᕕᐊᒃᑯᔾᔨᕗᑦ ᐊᕐᕌᒍᑦᑎᓐᓂ ᓵᓚᒃᓴᓚᐅᖅᑐᓂᒃ ᐊᖏᕐᕋᒥ ᓂᖅᑎᐊᒥᓂᕐᓂᒃ ᓂᖅᑎᐅᓕᐅᑎᓚᐅᖅᑐᓂᒃ, ᑕᑯᒥᓇᓕᖅᑎᑦᓯᓯᒪᓚᐅᖅᑐᑦ ᓵᓚᒃᓴᕋᓱᐊᖅᑐᑎᒃ ᐊᒻᒪᓗ ᐊᒥᐊᓕᐅᑎᓚᐅᖅᑐᑦ!
ᐊᕐᕌᒍᑦᑎᓐᓂ ᑐᙵᕕᒃᑯᑦ ᓇᓪᓕᐅᓂᖅᓯᐅᕈᓐᓇᓚᐅᖅᑐᑦ ᑲᑎᙵᓪᓗᑎᒃ ᐊᒻᒪᓗ ᓯᓚᒥ, ᐊᒻᒪᓗ ᖃᕆᓴᐅᔭᒃᑯᑦ.
ᐊᖏᕐᕋᒥ  ᓂᖅᑎᐊᒥᓂᕐᓂᒃ  ᓂᖅᑎᐅᓕᐅᑎᓂᕐᒧᑦ  ᓵᓚᒃᓴᓚᐅᖅᑐᑦ:
ᕿᑭᖅᑖᓗᒻᒥ:                                                           ᑭᕙᓪᓕᕐᒥ:
ᐃᓐᓇᐃᑦ 1st: ᒦᓇ ᕼᐅᐃᑦ            …

Meta ᑐᓴᖅᒻᑎᑦᑎᔪᑦ ᐃᓄᒃᑎᑐᑦ ᐃᓕᓴᕆᔭᐅᓯᒪᓪᓗᓂ Facebook ᖃᕋᓴᐅᔭᒃᑯᑦ ᓄᑖᑦ ᐅᖃᐅᓯᕐᓄᑦ ᐋᖅᑭᔅᓯᒪᓂᖓ ᐃᑲᔪᕐᓗᑎ ᓄᓇᕗᑦ ᑐᓐᖓᕕᒃ ᑎᒥᖓᑦ ᐱᓇᓱᐊᖅᑕᖏᓐᓂ ᓴᓐᖓᑦᑎᒋᐊᕐᓗᒍ ᐊᒻᒪ ᓴᖅᑭᔮᖅᑎᓪᓗᒍ ᓴᖏᓂᖓ ᐃᓄᐃᑦ ᐅᖃᐅᓯᖓ

ᐃᖃᓗᐃᑦ, ᔪᓚᐃ 8, 2022 /CNW/ – ᐅᓪᓗᒥ, Meta ᐅᐱᒍᓱᑦᑐᑦ ᑐᓴᖅᑎᑦᑎᓗᑎ ᐃᓄᒃᑎᑐᑦ ᐊᑐᐃᓐᓇᐅᓕᖅᑐᓂ ᐅᖃᐅᓯᕐᓄᑦ ᐋᖅᑭᔅᓯᒪᓂᖏᓐᓄᑦ ᐊᑐᖃᑦᑕᖅᑐᓄᑦ Facebook ᖃᕋᓴᐅᔭᒃᑯᑦ. ᐱᓕᕆᔭᐅᔪᖅ ᑐᑭᓯᓇᖅᓯᑎᑕᐅᓗᑎ Facebook ᐃᓄᒃᑎᑐᑦ ᐃᓱᐊᓂ ᑎᓴᒪᓄᑦ ᐊᕐᕋᒍᓄᑦ ᐱᓕᕆᖃᑎᒌᖃᑎᖃᓂᕐᒥᑦ ᓄᓇᕗᑦ ᑐᓐᖓᕕᒃ ᑎᒥᖓᑦ (NTI) ᓴᖅᑭᔮᖅᑎᓪᓗᒍ ᖃᐅᑕᒫᑦ ᐊᑐᖅᑕᐅᓂᖓ ᐃᓄᐃᑦ ᐅᖃᐅᓯᖓ ᐅᖃᐅᓯᖏᑦ ᓄᓇᓕᓐᓂᑦ ᓄᓇᕗᓕᒫᒥᑦ.
ᑐᑭᓯᓇᖅᓯᑎᑕᐅᓯᒪᔪᑦ ᒫᓐᓇ ᐊᑐᐃᓐᓇᐅᓕᖅᑐᖅ ᐅᖓᑖᓃᑦᑐᓄᑦ 35,000 ᐃᓄᓐᓄᑦ ᐃᓄᐃᑦ ᓄᓇᖓᓐᓂ, ᐃᓄᐃᑦ ᓄᓇᖓ ᑲᓇᑕᒥ, ᐃᓄᒃᑦᑐᑦ ᐅᖃᐅᓯᕆᖅᑳᖅᑐᒋᑦ. ᑐᑭᓯᓇᖅᑎᑦᑎᓂᕐᒧᑦ ᐱᔭᔅᓴᐅᒻᒥᔪᖅ ᐃᓄᓐᓄᑦ Facebook ᓄᓇᕐᔪᐊᓕᒫᒥᑦ. ᐱᒋᐊᖅᑎᑕᐅᓂᖓ ᓇᓕᒧᓐᓂᖃᖅᑐᖅ ᓄᓇᕐᔪᐊᒥ ᑲᑐᔾᔨᖃᑎᒋᕐᔪᐊᑦ ᖁᓕᓄᑦ ᐊᕐᕌᒍᓄᑦ ᓄᓇᖃᖅᑳᖅᓯᒪᔪᑦ ᐅᖃᐅᓯᖏᑦ, ᐃᓕᓴᖅᓯᔪᑦ ᑖᒃᑯᓇᓂ ᖁᓕᓂ ᐊᕐᕌᒍᓂ ᓄᓇᕐᔪᐊᕐᒥᐅᑦ ᖃᐅᔨᑎᓪᓗᒋᑦ ᐱᒻᒪᕆᐅᓂᖓ ᖃᓄᐃᓕᖓᓂᖓ …

ᓄᓇᕗᑦ ᐅᓪᓗᖓᓂᑦ ᓇᓪᓕᐅᓐᓂᖅᓯᐅᕈᑎᓂᐊᖅᑐᑦ

(ᔪᓚᐃ 7, 2022 – ᐃᖃᓗᐃᑦ, ᓄᓇᕗᑦ)  ᓄᓇᕗᑦ ᑐᙵᕕᒃ ᑎᒥᖓᑦ. (ᑐᙵᕕᒃᑯᑦ) ᓇᓪᓕᐅᓐᓂᖅᓯᐅᕐᓂᖃᓛᕐᒪᑕ ᓄᓇᕗᑦ ᐅᓪᓗᖓᓄᑦ 2022−ᒥᑦ ᖃᓄᑐᐃᓐᓇᖅ ᐱᓐᖑᐊᑎᑦᓯᒐᓚᓪᓗᑎᑦ. ᑕᕝᕙᓂ ᐊᖅᕌᒍᑦᑎᓐᓂᑦ ᐊᒥᓱᓂᑦ ᓯᓚᒥᑦ ᐱᓐᖑᐊᖅᑎᑦᓯᒍᑎᖃᕐᓂᐊᕐᒪᑕ ᐊᒻᒪᓗ ᐃᑭᐊᕐᕆᕕᒃᑯᑦ ᐊᑐᕐᓗᑎᒃ ᐱᓐᖑᐊᖅᑎᑕᐅᓂᐊᕐᒥᔪᑦ.
ᑐᙵᕕᒃᑯᑦ ᐃᑭᐊᕐᕆᕕᒃᑯᑦ ᐱᓐᖑᐊᑎᑦᓯᒍᑎᒋᓂᐊᖅᑕᖏᑦ ᐅᑯᐊᖑᕗᑦ:

ᐊᒥᓱᓄᑦ ᖁᕕᐊᒋᔭᐅᓯᒪᓂᖏᓐᓄᑦ ᐅᑎᖅᑎᑕᐅᔪᖅ!  ᐊᖏᕐᕋᒥᓂᑦ ᓂᖅᓯᐅᕐᓂᕐᒧᑦ ᓵᓚᖃᕋᓱᐊᕐᓂᖅ,  ᐃᑭᐊᕐᕆᕕᒃᑯᑦ ᓂᖅᓯᐅᓕᐅᑎᑎᑦᓯᓛᖅᑐᑦ ᓱᕈᑦᓯᕐᓂᑦ/ᓂᕕᐊᖅᓯᐊᓂᑦ ᐊᒻᒪᓗ ᐃᓐᓇᕐᓂᑦ.  ᓵᓚᒃᓴᕋᓱᐊᕈᒪᔪᑦ ᖁᕕᐊᒋᔭᒥᓂᑦ ᓂᖅᓯᐅᕐᓗᑎᑦ,  ᐊᔾᔨᓕᐅᕐᓗᒍ ᐊᒻᒪᓗ ᑐᔫᑎᒋᒃᑕᖅᑲᐅᒃ.  ᓵᓚᒃᓴᕋᓱᐊᕐᓂᐅᔪᖅ ᒪᑐᓂᐊᖅᑐᖅ ᔪᓚᐃ 3-ᒥᑦ.  ᑐᙵᕕᒃᑯᑦ ᑐᔪᖅᑕᐅᓯᒪᓕᖅᑐᖅ 80-ᓂᑦ ᓂᕿᓕᐅᕈᑎᓂᑦ ᑎᑎᕋᖅᓯᒪᔪᓂᑦ;  ᓵᓚᑦᓴᖅᑐᑦ ᑭᒃᑰᓂᖏᑦ ᐅᖃᖅᑕᐅᓂᐊᖅᑐᑦ ᔪᓚᐃ 9, 2022-ᒥᑦ.
ᐃᓗᒥᓐᓂᑦ,  ᐅᒥᐊᕐᒥᓂᑦ ᐊᒻᒪᓗ ᐃᓪᓗᕋᓛᖁᑎᒥᓐᓂᑦ ᐱᐅᓴᐃᓂᐊᖅᑐᑦ ᓵᓚᒃᓴᕋᓱᐊᓗᑎᑦ − ᐃᓪᓗᒥᓂᑦ, ᐅᒥᐊᕐᒥᓂᑦ ᐊᒻᒪᓗ ᐃᓪᓗᕋᓛᒥᓂᓪᓗ ᓵᓚᒃᓴᕋᓱᐊᕈᑎᖃᕈᓐᓇᕐᓂᐊᖅᑐᑦ,  …

ᖃᐅᔨᒃᑲᐃᒍᑦ ᑭᓇᒃᑯᑐᐃᓐᓇᕐᓄᑦ

ᓄᓇᕗᒻᒥ ᐃᓄᐃᑦ ᐃᓱᒪᖃᖅᓯᒪᑉᐸᑕ ᐅᐸᖃᑕᐅᒍᒪᓪᓗᑎᒃ ᐅᕝᕙᓘᓐᓃᑦ ᐃᓚᒋᔭᐅᒍᒪᑉᐸᑕᓘᓐᓃᑦ ᓱᑎᑕᐅᒐᓚᓐᓂᐊᕐᓂᖏᓐᓄᑦ ᐃᑦᓯᕋᖅᔪᐊᕌᐱᒃ ᐳᕋᓐᓴᔅ (Francis’) ᓂᕆᐅᒋᔭᐅᓂᖓᓄᑦ ᐳᓛᕆᐊᕐᓂᐊᕐᓂᖓᓄᑦ ᑲᓇᑕᒥᑦ ᒪᒥᐊᒋᐊᖅᑐᕐᓗᓂ ᐃᓕᓐᓂᐊᕆᐊᖅᑎᑕᐅᖃᑦᑕᖅᑐᕕᓂᕐᓄᑦ ᐊᐱᕆᔭᐅᓕᖅᐳᑦ ᑕᑕᑎᕆᖃᑕᐅᖁᔭᐅᓪᓗᑎᒃ ᑖᒃᑯᓄᖓ ᓄᓇᕗᑦ ᑐᙵᕕᒃ ᑎᒥᖓᓐᓄᑦ. (ᑐᙵᕕᒃᑯᑦ)
ᑐᙵᕕᒃᑯᑦ,  ᐃᓄᐃᑦ ᑕᐱᕇᑦ ᑲᓇᑕᒥ ᐊᒻᒪᓗ ᐊᓯᖏᓪᓗ ᐃᓄᐃᑦ ᓄᓇᒋᔭᖏᓐᓂᑦ ᐊᕕᑦᑐᖅᓯᒪᔪᓂᑦ ᐱᓇᓱᐊᖃᑎᒌᒻᒪᕆᒻᒪᑕᓗ ᐸᓇᐅᔾᔨᓇᓱᐊᖅᓱᑎᒃ:

ᖃᓄᖅ ᐊᐅᓚᑕᐅᓂᐊᕐᓂᖏᑦ ᐃᓄᐃᑦ ᐅᐸᒍᑎᒍᒪᔪᑦ
ᐱᕕᖃᖅᑎᑕᐅᖁᓪᓗᒋᑦ ᐃᓄᐃᑦ ᐅᖃᖃᑎᖃᕈᒪᔪᓂᑦ ᐃᑦᓯᕋᖅᔪᐊᕌᐱᒻᒥᑦ ᐊᑑᑎᓯᒪᔭᖏᓐᓂᑦ ᐃᓅᓯᖏᑦᑎᒍ
ᐃᓄᐃᑦ ᐱᖅᑯᓯᑐᖃᖏᑦ ᐊᒻᒪᓗ ᓂᖅᑐᐃᔾᔪᑎᒋᔪᓐᓇᖅᑕᒥᑎᒍᑦ ᐊᑐᕐᓗᑎᒃ ᓇᒻᒥᓂᖅ ᑲᑎᓐᓂᖃᖁᓪᓗᒋᑦ

ᑕᑕᑎᕈᑎᖅᓯᒪᔭᑎᑦ ᑐᓂᓯᒪᒋᐊᖃᕐᑐᑦ ᔪᓚᐃ 8, 2022 ᑎᑭᓚᐅᖄᕐᑎᓐᓇᒍ. ᑕᑕᑎᕈᑎᒃᓴᑦ ᐊᑐᐃᓐᓇᐅᔪᑦ ᑕᑉᕗᓇ ᖃᕆᑕᐅᔭᑎᒍᑦ ᑕᑯᓗᒍ  www.tunngavik.com  ᐊᒻᒪᓗ ᑕᐃᑲᖓᑦ ᓄᓇᓕᖕᓂ ᑐᓴᐅᒪᖃᑦᑕᐅᑎᔪᓕᕆᔨᓂᑦs.
ᑐᑭᓯᒋᐊᒃᑲᓂᕐᕕᒃᓴᖅ:
ᒪᓚᐃᔭ ᒥᑭᔾᔪᒃ
ᑐᑭᒧᐊᒃᑎᑦᑎᔨ ᑐᓴᐅᒪᔾᔪᑎᓕᕆᔨᒃᑯᓐᓂ
ᓄᓇᕗᑦ ᑐᙵᕕᒃ ᑎᒥᖓ
ᐅᖄᓚᐅᑖ: (867) 975-4900/ᐊᑭᖃᙱᑦᑐᖅ: 1-888-646-0006

www.tunngavik.com
 
…

ᓄᓇᕗᑦ ᑐᙵᕕᒃ ᑎᒥᖓ ᖃᐅᔨᒃᑲᐃᒍᑦ ᑭᓇᒃᑯᑐᐃᓐᓇᕐᓄᑦ

ᓄᓇᕗᒻᒥᐅᑦ ᐃᓄᐃᑦ ᐅᐸᒍᑎᓛᕈᒪᔪᑦ ᐅᕝᕙᓘᓐᓃᑦ ᐃᓚᒋᔭᐅᓛᕈᒪᔪᑦ ᑲᑎᓐᓂᐅᓂᐊᖅᑐᒧᑦ ᐃᑦᓯᕋᕐᔪᐊᕌᐱᒃ ᕗᕌᓐᓯᔅ ᑲᓇᑕᒨᕐᓂᖓᓄᑦ ᒪᒥᐊᒋᐊᖅᑐᕐᓗᓂ/ᐅᒡᒋᐊᕆᐊᖅᑐᕐᓗᓂ ᐃᓕᓐᓂᐊᕆᐊᖅᑎᑕᐅᖃᑦᑕᓚᐅᖅᓯᒪᔪᓄᑦ ᒪᑐᐃᖓᑎᑕᐅᔪᒧᑦ ᐅᐸᖁᔭᐅᕗᑦ ᑐᑭᓯᒋᐊᕐᕕᒃᓴᒧᑦ ᐊᐅᓚᑕᖓᓄᑦ ᓄᓇᕗᑦ ᑐᙵᕕᒃ ᑎᒥᖓᓄᑦ (ᑐᙵᕕᒃ):
ᐃᒡᓗᓕᒑᕐᔪᒃ
ᓇᒡᒐᔾᔭᐅ, ᔪᓚᐃ 4
ᖃᐅᔨᓴᐅᑦ 6-ᒥᓂᒃ 8-ᒧᓄᑦ
ᐱᖅᑯᓯᓕᕆᕝᕕᖕᒥ
ᑐᙵᕕᒃᑯᑦ, ᐃᓄᐃᑦ ᑕᐱᕇᑦ ᑲᓇᑕᒥ ᐊᒻᒪᓗ ᐊᓯᖏᑦ ᐃᓄᐃᑦ ᓄᓇᖏᓐᓂ ᐊᕕᑦᑐᖅᓯᒪᓂᕐᓂᒃ ᐱᓯᒪᔪᑦ ᐸᕐᓇᖃᑎᒌᑦᑐᑦ ᐅᑯᓄᖓ:

ᖃᖓᑦᑕᐅᑎᖏᓐᓄᑦ ᐃᓄᐃᑦ ᐅᐸᒍᑎᓯᒪᓛᕈᒪᔪᑦ
ᐃᓄᐃᑦ ᐅᓂᒃᑳᕈᒪᔪᑦ ᐊᑐᖅᓯᒪᔭᒥᓂᒃ ᐃᑦᓯᕋᕐᔪᐊᕌᐱᒻᒧᑦ ᐃᓂᒃᓴᓕᐅᖅᑕᐅᓗᑎᒃ
ᐃᓄᐃᑦ ᐃᓕᖅᑯᓯᕐᒥᒍᑦ ᐅᑉᐱᕆᔭᒥᒍᓪᓗ ᓇᓪᓕᐅᓂᖅᓯᐅᕈᑎᖓ

ᓱᓕᔪᒥᒃ ᓴᐃᒻᒪᖃᑎᒌᓐᓂᒥᓪᓗ ᑲᒥᓴᒃᑯᑦ ᓇᓗᓇᐃᓚᐅᖅᑕᖓ ᓴᐃᒻᒪᖃᑎᒌᑉᐸᓪᓕᐊᓂᖅ ᓴᖅᑭᕈᑕᐅᓲᖑᒻᒪᑦ ᐋᖅᑭᐅᒪᒍᑕᐅᓪᓗᓂᓗ ᐃᓚᒌᑦᓯᐊᓂᕐᒥᒃ. ᐱᖕᒪᕆᐅᔪᖅ ᑕᕝᕗᖓ ᐊᐅᓚᓂᖓᓄᑦ ᐋᖅᑭᑦᓱᐃᓂᖅ ᐅᑉᐱᕆᔭᐅᔪᓐᓃᖅᓯᒪᔪᓂᒃ ᓯᖁᑦᑎᖅᓯᒪᔪᓂᒃ ᒪᒥᐊᓐᓂᒃᑯᑦ/ᐅᒡᒍᐊᕐᕕᖃᕐᓂᒃᑯᑦ, ᑐᓂᓯᓂᕐᒥᒃ ᑭᓇᑐᐃᓐᓇᕐᒧᑦ ᐊᒻᒪᓗ ᐊᑭᓖᒍᑎᒃᓴᓂᒃ ᓯᖁᑦᑎᕆᓯᒪᓂᕐᒧᑦ, ᐊᒻᒪᓗ ᑭᖑᓕᐊᒍᑦ ᓇᓗᓇᐃᕈᑕᐅᓗᓂ ᐊᐅᓚᔾᔭᐃᒍᑎᒃᓴᓂᒃ ᓴᖅᑭᔮᖅᑎᑦᓯᔪᓂᒃ ᐃᓅᖃᑎᒌᑦᓯᐊᓕᕈᑕᐅᓂᖓᓂᒃ.
ᑐᙵᕕᒃᑯᑦ ᐅᔾᔨᕈᓱᑦᑐᑦ ᑎᑭᐅᑎᕙᓪᓕᐊᓂᖓ …

ᓄᓇᕗᑦ ᖁᕕᐊᓲᑕᐅᕕᖓᓂ ᓂᕐᑎᐅᕐᓂᑭᓴᐅᑎᓛᕐᑐᑦ

ᓄᓇᕗᑦ ᖁᕕᐊᓲᑕᐅᕕᖓᓂ 2022
ᓂᕐᑎᐅᕐᓂᑭᓴᐅᑎᓛᕐᑐᑦ
ᓇᑦᓯᐅᑎᓗᒍ ᒪᒪᕆᓛᑦ ᓂᕐᑎᐅᖅᓯᒪᓪᓗᓂ ᓂᕿᓕᐅᕈᓰᑦ!
ᐱᖃᑕᐅᔪᑦ ᑐᓂᓯᓯᒪᔭᕆᐊᓖᑦ ᔪᓚᐃ 3.
ᐊᑭᑦᑎᔪᑦ ᑐᓴᕐᑕᐅᑲᑦᑕᐅᓛᕐᑐᑦ ᓄᓇᕗᑦ ᖁᕕᐊᓲᑕᐅᕕᖓᓂ!
ᓂᕿᓕᐅᕐᑎᐊᕐᓂᑭᓴᐅᑎᔪᓐᓇᓂᐊᕐᑐᑦ ᐊᖏᕐᕋᒥᓐᓂ ᓂᕐᑎᐅᓲᑦ ᐱᖃᑕᐅᔪᓐᓇᔾᔮᙱᑦᑐᑦ ᓂᕐᑎᐅᖅᑎᒻᒪᕇᑦ ᐅᕝᕙᓗ ᓄᓇᕗᖕᒥ ᓂᕆᔭᕐᑐᕕᓐᓂ ᓂᕐᑎᐅᖅᑏᑦ.
Download (PDF, 190KB)

ᓄᓇᕗᒻᒥᑦ ᐃᓄᐃᑦ ᐃᓚᒋᔭᐅᓂᐊᕐᓂᖏᓐᓄᑦ ᐃᑦᓯᕋᖅᔪᐊᕌᐱᒃ ᐳᕋᓐᓴᔅ (Francis’) ᐳᓛᕆᐊᕐᓂᐊᕐᓂᖓᓄᑦ ᑲᓇᑕᒥᑦ

(ᔫᓂ 23,2022, ᐃᖃᓗᐃᑦ, ᓄᓇᕗᑦ) ᓄᓇᕗᒻᒥ ᐃᓄᐃᑦ ᐃᓱᒪᖃᖅᓯᒪᑉᐸᑕ ᐅᐸᖃᑕᐅᒍᒪᓪᓗᑎᒃ ᐅᕝᕙᓘᓐᓃᑦ ᐃᓚᒋᔭᐅᒍᒪᑉᐸᑕᓘᓐᓃᑦ ᓱᑎᑕᐅᒐᓚᓐᓂᐊᕐᓂᖏᓐᓄᑦ ᐃᑦᓯᕋᖅᔪᐊᕌᐱᒃ ᐳᕋᓐᓴᔅ (Francis’) ᓂᕆᐅᒋᔭᐅᓂᖓᓄᑦ ᐳᓛᕆᐊᕐᓂᐊᕐᓂᖓᓄᑦ ᑲᓇᑕᒥᑦ ᒪᒥᐊᒋᐊᖅᑐᕐᓗᓂ ᐃᓕᓐᓂᐊᕆᐊᖅᑎᑕᐅᖃᑦᑕᖅᑐᕕᓂᕐᓄᑦ ᐊᐱᕆᔭᐅᓕᖅᐳᑦ ᑕᑕᑎᕆᖃᑕᐅᖁᔭᐅᓪᓗᑎᒃ ᑖᒃᑯᓄᖓ ᓄᓇᕗᑦ ᑐᙵᕕᒃ ᑎᒥᖓᓐᓄᑦ. (NTI)  
 ᓄᓇᕗᑦ ᑐᙵᕕᒃ ᑎᒥᖓᑦ,  ᐃᓄᐃᑦ ᑕᐱᕇᑦ ᑲᓇᑕᒥ ᐊᒻᒪᓗ ᐊᓯᖏᓪᓗ ᐃᓄᐃᑦ ᓄᓇᒋᔭᖏᓐᓂᑦ ᐊᕕᑦᑐᖅᓯᒪᔪᓂᑦ ᐱᓇᓱᐊᖃᑎᒌᒻᒪᕆᒻᒪᑕᓗ ᐸᓇᐅᔾᔨᓇᓱᐊᖅᓱᑎᒃ:

ᖃᓄᖅ ᐊᐅᓚᑕᐅᓂᐊᕐᓂᖏᑦ ᐃᓄᐃᑦ ᐅᐸᒍᑎᒍᒪᔪᑦ
ᐱᕕᖃᖅᑎᑕᐅᖁᓪᓗᒋᑦ ᐃᓄᐃᑦ ᐅᖃᖃᑎᖃᕈᒪᔪᓂᑦ ᐃᑦᓯᕋᖅᔪᐊᕌᐱᒻᒥᑦ ᐊᑑᑎᓯᒪᔭᖏᓐᓂᑦ ᐃᓅᓯᖏᑦᑎᒍ
ᐃᓄᐃᑦ ᐱᖅᑯᓯᑐᖃᖏᑦ ᐊᒻᒪᓗ ᓂᖅᑐᐃᔾᔪᑎᒋᔪᓐᓇᖅᑕᒥᑎᒍᑦ ᐊᑐᕐᓗᑎᒃ ᓇᒻᒥᓂᖅ ᑲᑎᓐᓂᖃᖁᓪᓗᒋᑦ

 ᐃᓱᓕᕝᕕᖃᖅᓱᓂ ᔪᓚᐃ 8, 2022-ᒥᑦ.   ᑖᒃᑯᐊ ᑕᑕᑎᕆᐊᓖᑦ ᐊᑐᐃᓐᓇᐅᑦᓯᐊᕐᓂᐊᕐᒥᔪᑦ ᑐᕌᕈᑎᖓ ᐅᕗᖓ www.tunngavik.com ᐅᕝᕙᓘᓐᓃᑦ ᑐᑦᑕᖅᕕᒋᔭᐅᔪᓄᑦ ᓄᓇᓕᓐᓂᒃ.  ᐊᔪᐃᓐᓇᐅᔾᔭᐅᑦᓯᐊᕐᓂᐊᖅᐳᓪᓗ ᓄᓇᕗᒻᒥᐅᑕᑦ ᐃᓄᐃᑦ …

ᑐᙵᕕᒃᑯᑦ ᖁᕕᐊᒋᔭᓖᑦ NIRB ᐃᓱᒪᓕᐅᕈᑎᖓᓂᒃ ᐹᕕᓐᓛᓐ ᐱᓕᕆᐊᖑᔪᒪᔪᒧᑦ 2 ᑐᒃᓯᕋᐅᒻᒧᑦ

(ᒪᐃ 16, 2022, ᐃᖃᓗᐃᑦ, ᓄᓇᕗᑦ) ᓄᓇᕗᑦ ᑐᙵᕕᒃ ᑎᒥᖓ (ᑐᙵᕕᒃ) ᑐᙵᓴᐃᔪᖅ ᐃᓱᒪᓕᐅᕈᑎᖓᓂᒃ ᓄᓇᕗᒻᒥ ᐊᕙᑎᓕᕆᔨᒃᑯᑦ ᑲᑎᒪᔩᑦ (NIRB) ᐃᓱᒪᒃᓴᖅᓯᐅᑲᓐᓂᕈᑎᒧᑦ ᐅᓂᒃᑳᖏᓐᓂ ᐹᕕᓐᓛᓐ ᓴᕕᒃᓴᓂᒃ ᐅᔭᕋᓐᓂᐊᑎᒃᑯᑦ ᑯᐊᐳᕇᓴᓐ (ᐹᕕᓐᓛᓐ) ᑐᒃᓯᕋᐅᑎᖓᓄᑦ ᓄᓘᔮᓐᓂ ᐱᓕᕆᐊᖅ ᑲᒪᒋᔭᐅᓂᖓ 2-ᒧᑦ.
NIRB−ᑯᑦ ᐃᓱᓕᒍᑎᖃᓚᐅᖅᑐᑦ (ᒪᑉᐱᒐᖅ 252 ᐅᓂᒃᑳᓂ):

ᑖᓐᓇ “ᐱᓕᕆᐊᖑᔪᒪᔪᒧᑦ 2 ᐱᕙᓪᓕᐊᓂᕐᒧᑦ ᑐᒃᓯᕋᐅᑦ ᓴᖅᑭᕈᑕᐅᒍᓐᓇᖅᑐᖅ ᐅᔾᔨᓇᖅᑐᒥᒃ ᓱᕋᐃᕙᓪᓕᐊᔪᓂᒃ ᐊᕙᑎᒥᒃ ᐊᒻᒪᓗ ᐃᓅᓯᕐᒥ−ᒪᑭᒪᔾᔪᑎᓂᒃ ᐊᒃᑐᐃᓗᓂ ᓄᓇᕗᒻᒥ ᐊᒻᒪᓗ ᐊᕙᖕᒧᑦ ᐊᒃᑐᐃᓂᖃᕈᓐᓇᕐᒥᔪᖅ ᑕᕆᐅᕐᒥᐅᑕᕐᓂᒃ ᐆᒪᔪᓂᒃ ᐃᖃᓗᓐᓂᓪᓗ ᐊᒻᒪᓗ ᑕᕆᐅᕐᒥᒃ ᓯᓚᑖᓂ ᓄᓇᕗᑦ ᓄᓇᖓᑕ ᓇᓗᓇᐃᖅᑕᐅᓯᒪᓂᖓᑕ”; ᐊᒻᒪᓗ
ᑖᓐᓇ “ᐅᔾᔨᓇᕐᓂᖓ ᓱᕋᐃᒍᓐᓇᕐᓂᖓᓂᒃ ᓴᐳᔾᔭᐅᓯᒪᑦᓯᐊᕈᓐᓇᖏᑦᑐᑦ, ᐃᑯᓪᓚᐅᒥᑎᑕᐅᓗᓂ, ᐅᕝᕙᓘᓐᓃᑦ ᐋᖅᑭᒋᐊᖅᑕᐅᓗᓂ ᐊᐅᓚᑕᐅᓂᖓ, ᐊᒻᒪᓗ ᒥᐊᓂᖅᓯᔾᔪᑎᓅᖓᔪᓂᒃ.”

ᑕᕝᕙᙶᖅᑐᖅ, NIRB−ᑯᑦ ᓇᓗᓇᐃᕆᖃᑦᑕᖅᑐᑦ ᐊᒻᒪᓗ ᐊᑐᓕᖁᔨᔾᔪᑎᓕᐅᖅᑐᑎᒃ ᒥᓂᔅᑕ …

ᑐᙵᕕᒃᑯᑦ ᐅᖃᐅᓯᖏᑦ NIRB ᐅᓂᒃᑳᓕᐊᒥᓂᖏᓐᓄᑦ ᐹᕕᓐᓛᓐ ᑲᒪᒋᔭᐅᓂᖓ 2 ᑐᒃᓯᕋᐅᒻᒧᑦ

(ᒪᐃ 13, 2022, ᐃᖃᓗᐃᑦ, ᓄᓇᕗᑦ) ᓄᓇᕗᑦ ᑐᙵᕕᒃ ᑎᒥᖓ (ᑐᙵᕕᒃ) ᓇᓗᓇᐃᖅᐳᑦ ᐱᓚᐅᕐᓂᕐᒥᓂᒃ ᓄᓇᕗᒻᒥ ᐊᕙᑎᓕᕆᔨᒃᑯᑦ ᑲᑎᒪᔩᑦ (NIRB) ᐅᓂᒃᑳᖏᓐᓂᒃ ᐹᕕᓐᓛᓐ ᓴᕕᒃᓴᒥᒃ ᐅᔭᕋᓐᓂᐊᑎᒃᑯᑦ ᑯᐊᐳᕇᓴᓐ (ᐹᕕᓐᓛᓐ) ᑐᒃᓯᕋᐅᑎᖓᓂᒃ ᓄᓘᔮᓐᓂ ᐱᓕᕆᐊᕆᒍᒪᔭᖏᓐᓄᑦ ᑲᒪᒋᔭᐅᓂᖓ 2.
ᑐᙵᕕᒃᑯᑦ ᒫᓐᓇ ᕿᒥᕐᕈᔪᑦ ᐅᓂᒃᑳᓂᒃ ᐊᒻᒪᓗ ᐅᖃᐅᓯᒃᓴᑲᓐᓂᕐᓂᒃ ᑐᓂᓯᓛᕐᓂᕐᒧᑦ ᐸᕐᓇᑦᑐᑦ ᐃᓗᓕᖏᓐᓄᑦ ᐅᓂᒃᑳᑦ ᐅᕙᑦᓯᐊᕈᒃᑲᓐᓂᖅ.
ᑐᙵᕕᒃᑯᑦ ᐃᓕᓴᖅᓯᔪᑦ ᐱᓕᕆᔪᒻᒪᕆᐅᓯᒪᓂᖏᓐᓂᒃ NIRB−ᑯᓐᓄᑦ ᐃᓚᒋᔭᐅᔪᑦ ᐱᓕᕆᔩᓪᓗ ᑎᑭᐅᑎᓪᓗᑎᒃ ᑖᑦᓱᒧᖓ ᑭᖑᓪᓕᐹᖅᓯᐅᒻᒧᑦ ᐊᑐᖅᑕᐅᒋᐅᖅᑐᒧᑦ, ᐊᒻᒪᓗ ᖁᔭᓕᔪᑦ ᐃᓚᒋᔭᐅᖃᑦᑕᖅᓯᒪᓂᖏᓐᓂᒃ ᐊᒻᒪᓗ ᑐᓂᓯᒪᑦᓯᐊᖃᑦᑕᖅᓯᒪᓂᖏᓐᓂᒃ ᐃᓄᐃᑦ, ᓄᓇᓕᓐᓂ ᐊᖑᓇᓱᑦᑐᓕᕆᔨᒃᑯᑦ ᑲᑐᔾᔨᖃᑎᒌᑦ, ᕼᐊᒻᓚᐃᑦ ᐊᒻᒪᓗ ᐊᓯᖏᑦ ᓄᓇᓕᓐᓂ ᑲᑐᔾᔨᖃᑎᒌᑦ ᐱᓕᕆᐊᖑᓂᓕᒫᖓᓂ NIRB−ᑯᑦ ᐊᐅᓚᑕᖓᒍᑦ.
ᑐᙵᕕᒃᑯᑦ ᐱᓂᐊᕐᓂᕋᐅᑎᖓ ᓴᐳᔾᔨᓯᒪᓂᖅ ᐃᓄᐃᑦ ᐱᔪᓐᓇᐅᑎᖏᓐᓂᒃ ᐊᒻᒪᓗ ᓯᕗᒧᐊᒃᑎᑦᑎᓂᖅ ᐃᓄᐃᑦ ᒪᑭᒪᔾᔪᑎᑎᒍᑦ, …

ᑲᑐᔾᔨᓂᒃᑯᑦ ᐃᓕᓐᓂᐊᑎᑦᓯᒍᑎᑦᓴᖅ ᐃᓄᓐᓂᒃ ᓘᑦᑖᓂᒃ

(ᒪᐃ 4, 2022 – ᐃᖃᓗᐃᑦ, ᓄᓇᕗᑦ) ᑐᕌᒐᐅᓗᓂ ᐅᓄᖅᓯᕙᓪᓕᐊᖁᓪᓗᒋᑦ ᐃᓄᐃᑦ ᐃᖢᐊᖅᓴᐃᔩᑦ, ᓄᓇᕗᑦ ᒐᕙᒪᒃᑯᑦ ᐊᒻᒪᓗ ᓄᓇᕗᑦ ᑐᙵᕕᒃ ᑎᒥᖓ (ᑐᙵᕕᒃ) ᐱᓇᓱᐊᖃᑎᖃᕐᓗᑎᒃ ᐋᑐᕚ ᐃᓕᓐᓂᐊᕕᔾᔪᐊᖓᓂᒃ ᐃᖢᐊᖅᓴᐃᔨᑦᓴᓄᑦ ᐃᓕᓐᓂᐊᕐᕕᖓᓂ ᓴᓂᕐᕙᐃᓯᒪᔪᑦ ᐃᑦᓯᕙᐅᖅᑕᑦᓴᓂᒃ ᐊᒻᒪᓗ ᑐᓂᔭᒃᓴᓂᒃ ᑐᕌᒐᖃᖅᑐᑎᒃ ᐃᑲᔫᑎᒃᓴᓂᒃ ᐃᓕᓐᓂᐊᖅᑎᓄᑦ.
ᓄᓇᕗᑦ ᒐᕙᒪᒃᑯᓐᓂ ᐋᓐᓂᐊᖃᕐᓇᖏᑦᑐᓕᕆᔨᒃᑯᑦ, ᓴᓂᕐᕙᐃᓯᒪᔪᑦ ᒪᕐᕉᓐᓂᒃ ᐃᑦᓯᕙᐅᑖᓐᓂᒃ ᐱᒋᐊᕐᓗᓂ ᓯᑉᑎᒻᐱᕆ 2023. ᑐᑦᓯᕋᐅᓯᐅᕈᓐᓇᖅᑐᑦ ᑕᕝᕗᖓ ᐊᐅᓚᓂᐅᔪᒧᑦ ᑐᑦᓯᕋᐅᓯᐅᕈᓐᓇᖅᑐᑦ ᐃᑲᔫᑎᒃᓴᖓᓂᒃ ᓄᓇᕗᑦ ᒐᕙᒪᒃᑯᑦ ᐃᑲᔫᑕᐅᓂᐊᖅᑐᒥᒃ ᐃᖏᕐᕋᔾᔪᑎᓄᑦ ᐊᒻᒪᓗ ᐊᑐᖅᑕᐅᒋᐊᓕᓐᓄᑦ ᐊᑭᓕᐅᑎᒃᓴᓂᒃ.
ᓄᓇᕗᒻᒥ ᐃᓄᐃᑦ ᐱᓇᓱᐊᕈᓐᓇᖅᑐᑦ ᐱᕚᓪᓕᕈᑎᒃᓴᒥᒃ ᐊᑐᕆᐊᓕᖕᓄᑦ ᐃᑲᔫᑎᓂᒃ, ᓲᕐᓗ ᑎᒍᓯᔾᔪᑎᒃᓴᒥᒃ ᐃᓯᕈᑎᓂᒃ, ᑐᙵᕕᒃᑯᑎᒍᑦ ᐊᒻᒪᓗ ᒪᑭᒋᐊᖅᑕ ᐃᓄᐃᑦ ᐱᓕᒻᒪᓴᕐᓂᕐᒧᑦ ᑯᐊᐳᕇᓴᒃᑯᑦ ᖁᕝᕙᕆᐊᕐᓂᕐᒧᑦ ᐃᑲᔫᑎᓂᒃ. ᐃᓯᕈᑎᑦᓴᓂᒍᑎᒃ, ᓄᓇᕗᒻᒥ ᐃᓄᐃᑦ ᑐᑦᓯᕋᖅᓯᒪᔪᑦ ᑐᑦᓯᕋᒃᑲᓐᓂᕈᓐᓇᖃᑦᑕᓂᐊᖅᑐᑦ …

ᑐᙵᕕᒃᑯᑦ ᐊᑯᓐᓂᐅᑎᔪᑦ ᐊᐅᓚᑦᓯᔾᔪᑕᐅᕙᑦᑐᒧᑦ ᐊᔾᔨᒌᒃᑎᑕᐅᖃᑕᖏᒪᑕ ᒪᓕᒐᖅᑎᒍᑦ ᐃᓕᓐᓂᐊᓂᕐᒧᑦ ᓄᓇᕐᔪᐊᒥ ᑲᑎᒪᔨᕐᔪᐊᑦ ᑲᑎᒪᓂᖓᓂ

(ᐄᑉᕈ 29, 2022, ᐃᖃᓗᐃᑦ, ᓄᓇᕗᑦ) ᓄᓇᕗᑦ ᑐᙵᕕᒃ ᑎᒥᖓᓂ (ᑐᙵᕕᒃ) ᐊᖓᔪᖅᑳᖓ ᐊᓗᑭ ᑰᑦᑎᖅ ᐊᑯᓐᓂᐅᑎᓚᐅᖅᑐᖅ ᓄᓇᕐᔪᐊᒥ ᑲᑎᒪᔨᕐᔪᐊᑦ ᑲᑎᒪᓂᖏᓐᓂ ᓄᓇᖃᖅᑳᖅᓯᒪᔪᓕᕆᓂᕐᒧᑦ (UNPFII) ᐋᔩᕋᕈᑎᖃᖅᑎᓪᓗᒋᑦ ᑲᓇᑕ ᑲᔪᓯᑎᑦᓯᓯᒪᙱᓐᓂᖓᓂᒃ ᐋᖅᑭᒋᐊᕆᓂᕐᒥᒃ ᐊᐅᓚᔾᔪᑕᐅᔪᒧᑦ ᐊᔾᔨᒌᒃᑎᑕᐅᖃᑕᖏᒪᑕ ᒪᓕᒐᖅᑎᒍᑦ ᐃᓕᓐᓂᐊᓂᕐᒧᑦ.
ᐊᖓᔪᖅᑳᖅ ᑰᑦᑎᖅ ᐊᑯᓐᓂᐅᑎᓚᐅᖅᑐᖅ UNPFII ᐋᔩᕋᕈᑎᖃᖅᑎᓪᓗᒋᑦ ᐃᓕᓐᓂᐊᓂᕐᒥᒃ ᐊᒻᒪᓗ ᑭᒃᑯᑐᐃᓐᓇᐃᑦ ᐱᔪᓐᓇᐅᑎᖏᓐᓂᒃ. ᐅᖃᐅᓯᖃᓚᐅᖅᑐᖅ ᐊᐅᓚᑦᓯᔾᔪᑕᐅᕙᑦᑐᖅ ᓱᕋᐃᓯᒪᓂᖓᓂᒃ ᐊᒻᒪᓗ ᐊᔾᔨᒌᒃᑎᑕᐅᖃᑕᖏᒪᑕ ᒪᓕᒐᖅᑎᒍᑦ ᓄᓇᖃᖅᑳᖅᓯᒪᔪᑦ ᐅᖃᐅᓯᖏᓐᓄᑦ ᑲᓇᑕᒥ ᐋᔩᕋᕈᑕᐅᖏᓐᓇᕐᓂᖓᓂᒃ ᑖᒃᑯᓅᖓ ᑲᓇᑕᒥ ᒐᕙᒪᑐᖃᒃᑯᓐᓄᑦ ᐊᒻᒪᓗ ᓄᓇᕗᑦ ᒐᕙᒪᒃᑯᑦ ᒪᓕᒐᑦᓴᖏᓐᓂ, ᐊᑐᐊᒐᕐᓂ, ᐊᒻᒪᓗ ᐊᑐᖅᑕᐅᔪᓂ.
ᓄᓇᕗᑦ ᒐᕙᒪᒃᑯᑦ ᐋᖅᑭᒋᐊᕈᑎᖏᓐᓂ ᐃᓕᓐᓂᐊᕐᓂᓕᕆᓂᕐᒧᑦ ᐱᖁᔭᓄᑦ ᐊᒻᒪᓗ ᐃᓄᐃᑦ ᐅᖃᐅᓯᖓᑕ ᓴᐳᒻᒥᔭᐅᓂᖓᓄᑦ ᐱᖁᔭᒥ 2019-2020 ᐊᔪᕐᓇᓂᖅᓴᐅᑎᑦᓯᒻᒪᕆᒍᑕᐅᔪᖅ ᐃᓄᐃᑦ ᐱᔪᓐᓇᐅᑎᖏᓐᓂᒃ ᐃᓄᒃᑐᑦ− ᐃᓕᓐᓂᐊᓂᕐᒥᒃ. ᒐᕙᒪᒃᑯᑦ …

ᑐᙵᕕᒃᑯᑦ ᓄᕙᔾᔪᐊᕐᓇᖅ−19 ᑲᐱᔭᐅᔾᔪᑎᓄᑦ ᓵᓚᒃᓴᖅᑐᓂᒃ ᑐᓴᖅᑎᑦᓯᒍᑕᐅᔪᖅ

(ᐄᑉᕈ 29, 2022 – ᐃᖃᓗᐃᑦ, ᓄᓇᕗᑦ) ᓄᓇᕗᑦ ᑐᙵᕕᒃ ᑎᒥᖓᓄᑦ (ᑐᙵᕕᒃ) ᐊᖓᔪᖅᑳᖓ ᐊᓗᑭ ᑰᑦᑎᖅ ᑐᓴᖅᑎᓯᖅᑲᐅᔪᖅ ᓵᓚᒃᓴᖅᑐᓂᒃ ᐊᒧᔭᐅᓂᒃᑯᑦ ᓄᕙᔾᔪᐊᕐᓇᖅ−19 ᑲᐱᔭᐅᔾᔪᑎᓄᑦ.
ᓄᓇᕗᒻᒥ ᐃᓄᐃᑦ, ᐊᑎᖃᖃᑕᐅᔪᑦ ᓄᓇᕗᑦ ᐊᖏᕈᑎᖏᓐᓂ, ᐅᑭᐅᓖᑦ ᑕᓪᓕᒪᓂᒃ ᐃᓕᔭᐅᑲᐅᑎᒋᓯᒪᓚᐅᖅᑐᑦ ᐊᒧᔭᑦᓴᓄᑦ. ᐊᒧᓯᖃᑦᑕᓚᐅᖅᑐᖅ ᑲᖏᕐᖠᓂᕐᒥ ᐊᖓᔪᖅᑳᑉ−ᑐᒡᓕᐊ ᔭᐃᒥᓯ ᐃᑦᑐᓗᒃ ᐊᒻᒪᓗ ᐃᖅᑲᓇᐃᔭᖅᑏᑦ ᐊᒻᒪᓗ ᑕᑯᓐᓇᖅᑎᐅᓚᐅᖅᑐᖅ ᕼᐊᓇ ᐱᓄᐊᑦ.
ᓵᓚᒃᓴᖅᑐᑦ ᓄᓇᕗᒻᒥ ᖃᒧᑕᐅᔮᓐᓂᒃ. ᒪᕐᕉᓚᐅᕐᒥᔪᖅ ᑮᓇᐅᔭᓂᒃ ᓵᓚᒃᓴᐅᓯᐊᖅᑐᑦ $5,000 ᐊᑐᓂᑦ ᐊᒧᔭᐅᔫᓐᓄᑦ ᐃᓄᓐᓅᑦ ᓄᓇᕗᒻᒥ ᓄᓇᖓᑕ ᓇᓗᓇᐃᖅᑕᐅᓯᒪᓂᖓᑕ ᓯᓚᑖᓂᒥᐅᒃ.
ᑕᐃᒃᑯᐊ ᐊᑎᖏᑦ ᐊᒧᔭᐅᓚᐅᖅᑐᑦ ᐱᕕᒃᓴᖃᖅᑎᑕᐅᓚᐅᖅᑐᑦ ᐄᑉᕈ 29, 2022-ᒧᓄᑦ ᑕᑯᑎᑦᓯᓂᕐᒥᒃ ᓇᓗᓇᐃᒃᑯᑕᕐᒥᒃ ᑲᐱᔭᐅᓯᒪᓂᕐᒥᓂᒃ. ᐃᓐᓇᐃᑦ ᓄᑕᖅᑲᓪᓗ ᑲᐱᔭᐅᓯᒪᔪᑦ ᒪᑑᓇᒧᑦ ᕙᐃᔪᒧᓪᓘᓐᓃᑦ ᑕᑯᑎᑦᓯᒋᐊᖃᓚᐅᖅᑐᑦ ᖃᐅᔨᒪᔭᐅᔾᔪᑎᒥᒃ ᒪᕐᕈᐊᑎᖅᓱᓂᒃ ᑲᐱᔭᐅᓚᐅᕐᓂᕐᒥᓂᒃ ᐊᒻᒪᓗ ᐃᓐᓇᐃᑦ …

ᓄᓇᕗᑦ ᒐᕙᒪᒃᑯᑦ ᑭᐅᓯᒪᔪᑦ ᐃᓄᐃᑦ ᓄᑕᖅᑲᑦ ᐱᔪᓐᓇᐅᑎᖃᙱᑦᑐᑦ ᐃᓕᓐᓂᐊᖅᑎᑕᐅᓂᕐᒥᒃ ᐃᓄᒃᑐᑦ ᐊᑐᓕᖁᔨᔾᔪᑎᖓᓂᒃ ᓴᒃᑯᑕᐅᖁᓪᓗᒍ ᑐᙵᕕᒃᑯᑦ ᐊᔾᔨᐅᙱᑎᑦᓯᓂᕐᒧᑦ ᐱᕋᔭᓐᓂᕐᒥᒃ ᐃᖅᑲᑐᐃᕕᒃᑰᑎᑦᓯᓂᖓᓂᒃ

(ᐄᑉᕈ 25, 2022, ᐃᖃᓗᐃᑦ, ᓄᓇᕗᑦ) ᓄᓇᕗᑦ ᑐᙵᕕᒃ ᑎᒥᖓ (ᑐᙵᕕᒃᑯᑦ) ᖃᐅᔨᒃᑲᐃᔪᑦ ᖁᕕᐊᒋᔭᖃᙱᓂᕐᒥᓂᒃ ᓄᓇᕗᑦ ᒐᕙᒪᒃᑯᑦ (GN) ᐊᑐᓕᖁᔭᖓᓂᒃ ᓴᒃᑯᑕᐅᖁᓪᓗᒍ ᑐᙵᕕᒃᑯᑦ ᐃᖅᑲᖅᑐᐃᕕᒃᑰᑎᑦᓯᓂᖓᓂᒃ ᓄᑕᖅᑲᑦ ᒪᒃᑯᑦᑐᓪᓗ ᐊᔾᔨᐅᑎᑕᐅᒋᐊᖃᕐᓂᖏᓐᓄᑦ (ᑖᓐᓇ “ᐃᖅᑲᖅᑐᐃᕕᒃᑰᑎᑦᓯᒍᑎ”) ᒪᓕᓪᓗᒋᑦ s.15 ᑲᓇᑕᒥ ᒪᓕᒐᕐᔪᐊᖅ ᐱᔪᓐᓇᐅᑎᓄᑦ ᐃᓱᒪᖅᓱᕈᓐᓇᓂᕐᒧᓪᓗ (ᑖᓐᓇ “ᒪᓕᒐᕐᔪᐊᖅ”).
ᐆᑦᑑᑉᐱᕆ 13, 2021-ᒥ, ᑐᙵᕕᒃᑯᑦ, ᐃᓚᖃᖅᑐᑎᒃ ᐃᓄᖕᓂᒃ ᐸᓯᔭᒃᓴᖑᖅᑎᑦᓯᓂᕐᒧᑦ ᑭᒡᒐᖅᑐᐃᔪᓂᒃ ᕿᑐᕐᖓᓕᓐᓂᒃ ᐃᓄᓐᓂᒃ ᐃᓕᓐᓂᐊᖅᑎᓂᒃ, ᑐᓂᓯᓚᐅᖅᑐᑦ ᐃᖅᑲᑐᖅᑕᐅᑎᑦᓯᓂᕐᒧᑦ ᓇᓗᓇᐃᕈᑎᓂᒃ ᑲᔪᓯᑎᑦᓯᑉᐸᑕ ᐋᖅᑭᒋᐊᕈᑎᓂᒃ ᐃᓕᓐᓂᐊᕐᓂᓕᕆᓂᕐᒧᑦ ᐱᖁᔭᒥᒃ ᐊᒻᒪᓗ ᐃᓄᐃᑦ ᐅᖃᐅᓯᖓᑕ ᓴᐳᒻᒥᔭᐅᓂᖓᓄᑦ ᐱᖁᔭᒥᒃ, ᓄᓇᕗᑦ ᒐᕙᒪᒃᑯᑦ ᐊᐅᓚᑦᓯᒍᑎᒥᒍᑦ ᐱᕋᔭᐃᓯᒪᔪᑦ ᒪᓕᒐᖅᑎᒍᑦ ᓄᓇᕗᒻᒥ ᐃᓄᓐᓂᒃ ᑲᔪᓯᑎᑦᓯᓯᒪᙱᓐᓂᖏᓐᓄᑦ ᐃᓕᓐᓂᐊᑎᑦᓯᓂᕐᒥᒃ ᐃᓄᒃᑐᑦ ᐅᖃᐅᓯᕐᒥᒃ ᐃᓕᖅᑯᓯᕐᒥᓪᓗ, ᐊᒻᒪᓗ ᑕᐃᒪᐃᒻᒪᑦ ᓯᖁᒥᑦᓯᔪᑦ ᑐᙵᕕᔾᔪᐊᒃᑯᑦ−ᓴᐳᔾᔭᐅᓯᒪᔪᓂᒃ ᐊᔾᔨᒌᑎᑕᐅᓂᕐᒧᑦ …

ᑐᙵᕕᒃᑯᑦ ᓄᕙᔾᔪᐊᕐᓇᖅ−19 ᑲᐱᔭᐅᓯᒪᔪᓄᑦ ᐊᒧᔭᒃᓴᖅ

(ᐄᐳᕈ 19, 2022 – ᐃᖃᓗᐃᑦ, ᓄᓇᕗᑦ) ᓄᓇᕗᑦ ᑐᙵᕕᒃ ᑎᒥᖓ (ᑐᙵᕕᒃᑯ) ᑲᔪᖏᖅᓴᐃᔾᔪᑎᖓ ᐃᓄᐃᑦ ᑲᐱᔭᐅᖃᑦᑕᖁᓪᓗᒋᑦ ᓄᕙᒡᔪᐊᕐᓇᖅ-19 ᑲᐴᑎᓄᑦ. ᓄᓇᕗᒻᒥ ᐃᓄᐃᑦ ᐊᑕᖏᖅᑐᓂᒃ ᑲᐱᔭᐅᓯᒪᔪᑦ ᓵᓚᒃᓴᖃᑕᐅᓇᓱᐊᕈᓐᓇᓂᐊᖅᑐᑦ ᐊᑕᐅᓯᕐᒥᒃ ᑖᒃᑯᓇᙵᑦ 25-ᓂᒃ ᖃᒧᑕᐅᔭᓂᒃ ᐄᑉᕈ 25, 2022.
ᓄᓇᕗᒻᒥ ᐃᓄᐃᑦ, ᐊᑎᖃᖃᑕᐅᔪᑦ ᓄᓇᕗᑦ ᐊᖏᕈᑎᖏᓐᓂ, ᐅᑭᐅᓖᑦ ᑕᓪᓕᒪᓂᒃ ᐅᖓᑖᓂᓗ ᐊᑎᓕᐅᖅᑕᐅᖃᑕᐅᓂᐊᖅᑐᑦ ᐊᒧᔭᒃᓴᓄᑦ. ᑭᒃᑯᑐᐃᓐᓇᐃᑦ ᐊᑎᖏᑦ ᐊᒧᔭᐅᔪᑦ ᑕᑯᔭᐅᑎᑦᓯᓯᒪᒋᐊᖃᕐᓂᐊᖅᑐᑦ ᓇᓗᓇᐃᕈᑎᓂᒃ ᑲᐱᔭᐅᓯᒪᓂᕐᒥᓂᒃ ᐄᑉᕈ 29, 2022. ᐃᓐᓇᐃᑦ ᓄᑕᖅᑲᓪᓗ ᑲᐱᔭᐅᓯᒪᔪᑦ ᒪᑑᓇᒧᑦ ᕙᐃᔪᒧᓪᓘᓐᓃᑦ ᑕᑯᑎᑦᓯᔭᕆᐊᖃᕐᓂᐊᖅᑐᑦ ᓇᓗᓇᐃᖅᑕᐅᓯᒪᒍᑎᓂᒃ ᒪᕐᕈᐊᑎᖅᑐᑎᒃ ᑲᐱᔭᐅᓯᒪᓂᕐᒥᓂᒃ ᐊᒻᒪᓗ ᐃᓐᓇᐃᑦ ᑲᐱᔭᐅᓯᒪᔪᑦ ᔮᓐᓴ & ᔮᓐᓴᓐ ᑲᐱᔭᐅᓯᒪᔪᑦ ᑕᑯᔭᐅᑎᑦᓯᒋᐊᖃᓂᐊᖅᑐᑦ ᓇᓗᓇᐃᖅᑕᐅᓯᒪᒍᑎᓂᒃ ᐊᑕᐅᓯᐊᖅᑐᑎᒃ ᑲᐱᔭᐅᓯᒪᓂᕐᒥᓂᒃ.
ᐊᑕᐅᓯᕐᒥᒃ ᖃᒧᑕᐅᔭᖅᑖᖅᑐᖃᖃᑦᑕᓛᖅᑐᑦ ᓄᓇᕗᑦ ᓄᓇᓕᖏᓐᓂ ᐊᒻᒪᓗ ᒪᕐᕉᒃ …

ᐃᓕᖅᑯᓯᕐᒧᑦ ᐊᒻᒪᓗ ᒪᒥᓴᕐᓂᒧᓪᓗ ᐃᑲᔫᑎᒃᓴᑦ − ᑐᑦᓯᕋᐅᓯᐅᕐᕕᑦᓴᐅᓕᕐᒥᔪᑦ

(ᐄᑉᕈ 11, 2022, ᑲᖏᕐᖠᓂᖅ, ᓄᓇᕗᑦ) ᓄᓇᕗᑦ ᑐᙵᕕᒃ ᑎᒥᖓ (ᑐᙵᕕᒃ) ᖁᕕᐊᓱᑦᑐᖅ ᑐᓴᖅᑎᑦᓯᒋᐊᒃᓴᖅ ᑐᒃᓯᕋᐅᓯᐅᖁᔨᔾᔪᑎᒥᒃ ᓄᓇᕗᑦ ᑐᙵᕕᒃ ᐃᑲᔫᑎᒃᓴᓕᕆᔨᒃᑯᓐᓄᑦ (NTF) ᐃᓕᖅᑯᓯᒃᑯᑦ ᐊᒻᒪᓗ ᒪᒥᓴᖅᑐᓕᕆᓂᕐᒧᑦ ᐱᓕᕆᐊᒃᓴᒧᑦ. ᐃᓄᐃᑦ ᑐᒃᓯᕋᐅᓯᐅᕈᓐᓇᖅᑐᑦ ᐱᓕᕆᐊᒧᑦ ᑮᓇᐅᔭᓕᑕᐅᒍᑎᓂᒃ ᐅᑯᓄᖓ 1) ᐱᓕᕆᐊᒃᓴᒃᑯᑦ ᑲᒪᔾᔪᑎᒃᓴᑦ ᐋᓐᓂᖅᑕᐅᓯᒪᓂᕐᓄᑦ ᐊᒻᒪᓗ ᑭᖑᕚᖑᔪᑦ ᐊᒃᑐᖅᑕᐅᓯᒪᓂᖏᓐᓄᑦ ᐃᓕᓐᓂᐊᕆᐊᖃᑦᑕᓚᐅᖅᑐᑦ 2) ᐱᖅᑯᓯᒃᑯᑦ ᓄᓇᓕᐊᖅᑎᑦᓯᖃᑦᑕᓂᕐᒧᑦ ᐱᓕᕆᐊᒃᓴᑦ 3) ᐃᓕᓴᐃᓂᖅ ᐃᓄᐃᑦ ᐊᑐᖅᓯᒪᔭᖏᓐᓂᒃ, ᐃᓕᖅᑯᓯᖓᓂᒃ, ᐅᖃᐅᓯᖏᓐᓂᒃ ᐱᖅᑯᓯᖏᓐᓂᓪᓗ.
ᑭᒃᑯᑐᐃᓐᓇᐃᑦ ᐊᒻᒪᓗ ᑲᑐᔾᔨᖃᑎᒌᑦ ᐃᓄᐃᑦ ᐊᑎᖃᑕᐅᔪᑦ ᓄᓇᕗᑦ ᐊᖏᕈᑎᖏᓐᓂ, ᑮᓇᐅᔭᓕᐅᕋᓱᐊᖅᑎᐅᖏᑦᑐᑦ ᑲᑐᔾᔨᖃᑎᒌᑦ, ᐃᓕᓐᓂᐊᕐᕖᑦ, ᖃᓪᓗᓈᓂ ᐊᒻᒪᓗ ᐅᐸᕝᕖᑦ ᐊᒻᒪᓗ ᓄᑕᖅᑲᑦ ᒥᑭᓂᖏᓐᓂ ᐃᓕᓐᓂᐊᓵᓕᕖᑦ ᑐᒃᓯᕋᐅᓯᐅᕈᓐᓇᖅᑎᑕᐅᔪᑦ ᑎᑭᐅᑎᓯᒪᔪᓂᒃ ᐊᖏᓂᖅᐹᕆᔪᓐᓇᖅᑕᖓᓄᑦ $25,000 ᑐᕌᖓᔪᓂᒃ ᖁᓛᓂ ᑎᑎᕋᖅᓯᒪᔪᓄᑦ ᐱᓕᕆᐊᒃᓴᓄᑦ. ᓄᓇᕗᒻᒥᐅᑕᐅᓂᖅ ᐊᑐᕆᐊᑐᙱᑦᑐᖅ; ᑭᓯᐊᓂ …

ᔫᓯ ᐊᒪᐅᔭᖅ ᑯᓱᒐᖅ ᐃᓕᓐᓂᐊᖅᑐᓄᑦ ᐃᑲᔫᑎᒃᓴᓄᑦ ᐱᓇᓱᐊᕐᓂᕐᒥᑦ ᒪᑐᐃᖅᑐᑦ

(ᐄᐳᕈ 4, 2022 – ᐃᖃᓗᐃᑦ, ᓄᓇᕗᑦ) ᓄᓇᕗᑦ ᑐᙵᕕᒃ ᑎᒥᖓᑕ ᐊᖓᔪᖅᑳᖓ ᐊᓗᑭ ᑰᑦᑎᖅ ᐅᓪᓗᒥ ᑐᓴᖅᑎᑎᖃᐅᕗᖅ ᔫᓯ ᐊᒪᐅᔭᖅ ᑯᓱᒐᖅ ᐃᖅᑲᐅᒪᔭᐅᓂᖓᓄᑦ ᐃᓕᓐᓂᐊᑐᖅᑐᒧᑦ ᐃᑲᔫᑎᑦ ᑐᒃᓯᕋᕈᑏᑦ ᒪᑐᐃᕐᒪᑦ.
ᐱᓇᓱᐊᕐᕕᔅᓴᐅᔪᖅ ᐄᐳᕈ 4, 2022−ᒥᑦ ᔪᓚᐃ 9−ᒧᑦ, 2022. ᐱᓇᓱᐊᖅᑐᑦ ᑎᑎᕋᕆᐊᓖᑦ 500−ᓂᑦ ᐅᖃᐅᓯᓕᒻᒥᒃ ᐱᔾᔪᑎᓕᒻᒥᒃ ᓇᓗᓇᐃᔭᕐᓯᒪᑦᑎᐊᕐᓗᒍ ᖃᓄᖅ ᐱᓇᓱᐊᖅᑐᖅ ᐊᑐᕋᔭᕐᒪᖔᖅ ᐃᓕᓐᓂᐊᕈᑎᒥᓂᒃ ᐊᑐᖅᑎᑦᑎᒋᐊᒃᑲᓂᕐᓗᓂ ᐃᓄᐃᑦ ᐱᔪᓐᓇᐅᑎᖏᓐᓂᒃ, ᑭᒃᑰᔾᔪᓯᖏᓐᓂᒃ, ᐅᖃᐅᓯᖓᓐᓂᒃ ᐃᓕᖅᑯᓯᖓᓐᓂᓪᓗ.
ᔫᓯ ᐊᒪᐅᔭᖅ ᑯᓱᒐᖅ ᑐᓂᓯᒪᓪᓚᕆᓚᐅᕐᓯᒪᒻᒪᒍ ᐃᓅᓯᓂ ᓄᓇᕗᒻᒧᑦ ᐊᒻᒪᓗ ᐱᕙᓪᓕᐊᑎᑦᑎᓂᕐᒧᑦ ᐃᓄᐃᑦ ᐱᔪᓐᓇᐅᑎᖏᓐᓂᒃ. ᐱᔪᒪᓂᖓ ᑐᓂᓯᒪᓂᖓᓗ ᐃᓕᓐᓂᐊᕐᓂᓕᕆᓂᕐᒧᑦ ᐊᒻᒪᓗ ᐊᑐᖅᑎᑦᑎᒋᐊᒃᑲᓂᕐᓂᕐᒧᑦ ᓴᙱᒃᑎᒋᐊᖅᑎᑦᑎᓂᕐᒧᓪᓗ ᐃᓄᐃᑦ ᐅᖃᐅᓯᖓᓐᓂᒃ ᐃᓄᓐᓄᑦ ᐊᒥᓱᓄᑦ ᓯᕗᒧᐊᒍᑕᐅᒋᐊᒃᑲᓂᕐᓯᒪᔪᖅ.
ᑐᙵᕕᒃᑯᑦ ᖃᐅᔨᒪᔨᒋᔭᐅᕗᑦ ᔫᓯᐅᑉ ᐱᔪᒐᕐᓴᐃᖃᑦᑕᕐᓯᒪᓂᖓ ᐃᓄᓐᓄᑦ ᑲᔪᓯᑎᑕᐅᕙᓪᓕᐊᖏᓐᓇᖁᓪᓗᒍ ᐃᑲᔫᓯᐊᖅᑖᑎᑦᑎᕙᑦᑐᑎᒃ ᒪᕐᕉᒃ $5,000ᓂᑦ ᐃᓕᓐᓂᐊᕈᓯᐊᓐᓂᒃ ᐃᓕᓐᓂᐊᖅᑎᓄᑦ ᓯᓚᑦᑐᓴᕐᕕᒻᒥ ᐃᓕᓐᓂᐊᖅᑕᐅᕙᑦᑐᓂᑦ …

ᑐᙵᕕᒃᑯᑦ ᑲᔪᖏᖅᓴᐃᔪᑦ ᐃᓄᐃᑦ ᑐᒃᓯᕋᐅᓯᐅᖁᓪᓗᒋᑦ ᐃᓄᒃᑐᑦ ᐃᓕᓐᓂᐊᓂᕐᒧᑦ ᓯᕗᒧᐊᒍᑎᒃᓴᓂᒃ ᑮᓇᐅᔭᓂᒃ

(ᐃᐳᕈ 4, 2022, ᐃᖃᓗᐃᑦ, ᓄᓇᕗᑦ) ᓄᓇᕗᑦ ᑐᙵᕕᒃ ᑎᒥᖓ (ᑐᙵᕕᒃᑯᑦ) ᑐᓴᕐᑎᑦᑎᕗᑦ ᑐᒃᓯᕋᕈᑎᓕᐅᕈᔨᓪᓗᑎᒃ ᓴᖅᑭᑕᐅᕋᑖᕐᓯᒪᔪᓂᒃ ᐃᓄᒃᑐᑦ ᐃᓕᓴᐃᓂᕐᒧᑦ ᖃᓄᖅᑑᕆᐊᕈᑎᒃ ᑮᓇᐅᔭᑦ. ᐃᓄᒃᑐᑦ ᐃᓕᓴᐃᓂᕐᒧᑦ ᖃᓄᖅᑑᕆᐊᕈᑎᑦ ᑮᓇᐅᔭᑦ ᓴᖅᑭᑕᐅᓯᒪᕗᑦ ᐱᑕᖃᖁᓪᓗᒍ ᐊᒻᒪ ᐱᕕᒃᓴᖃᕈᓐᓇᖁᓪᓗᒋᑦ ᐃᓄᐃᑦ ᐱᕙᓪᓕᐊᖁᓪᓗᒋᑦ ᐃᓄᐃᑦ ᐅᖃᓪᓚᒍᓯᖏᑦ ᐊᒻᒪ ᐃᓕᖅᑯᓯᖏᓐᓂᒃ ᐃᓕᓴᓂᕐᒧᑦ ᓄᓇᕗᑦ ᐃᓕᓐᓂᐊᕐᑐᓕᕆᔾᔪᓯᖏᓐᓂ.
ᑮᓇᐅᔭᑦ ᐅᑯᓇᖔᖅᑐᑦ ᐃᓄᒃᑐᑦ ᐃᓕᓴᐃᓂᕐᒧᑦ ᖃᓄᖅᑑᕆᐊᕈᑎᒃ ᑮᓇᐅᔭᑦ ᐊᑑᑎᖃᖅᑎᑕᐅᔪᓐᓇᕐᐳᑦ ᐅᑯᓄᖓ:

ᖃᐅᔨᓴᕐᕈᑕᐅᓗᑎᒃ ᖃᓄᕐᑑᕈᓐᓇᕈᑕᐅᔪᓂᒃ, ᐃᓕᓴᐃᒍᓯᓂᒃ, ᐃᓕᓐᓂᐊᕈᑎᓕᐅᕈᑎᓂᒃ ᐊᒻᒪ ᐊᑲᐅᓂᕐᐹᒃᑯᑦ ᐊᑐᖅᑕᐅᓲᓂᒃ ᐃᓕᓴᐃᓂᕐᒧᑦ ᐃᓄᐃᑦ ᐅᖃᓪᓚᒍᓯᖏᓐᓂᒃ ᐊᒻᒪ ᐃᓕᖅᑯᓯᖏᓐᓂᒃ; ᐊᒻᒪᓗ
ᓴᖅᑮᓂᕐᒥᒃ ᐱᒻᒪᕆᐅᔪᓂᒃ ᐃᖅᑲᓇᐃᔭᕐᑎᓂᒃ, ᐃᖅᑲᓇᐃᔮᒥᓄᑦ ᐃᓕᓐᓂᐊᑲᓐᓂᕐᕕᐅᔪᓐᓇᕐᑐᓂᒃ ᐊᒻᒪ ᐱᓕᕆᖃᑎᒌᒍᑕᐅᒍᓐᓇᕋᔭᕐᑐᓂᒃ ᐃᑲᔪᕐᓯᒍᑕᐅᔪᓐᓇᕐᑐᓂᒃ ᐃᓄᖕᓄᑦ ᐃᓕᓴᐃᔨᓄᑦ..

ᐃᓄᒃᑐᑦ ᐃᓕᓴᐃᓂᕐᒧᑦ ᖃᓄᖅᑑᕆᐊᕈᑎᒃ ᑮᓇᐅᔭᑦ ᑮᓇᐅᔭᖃᖅᑎᑕᐅᔪᑦ ᐃᓚᖓᒍᑦ ᒐᕙᒪᑐᖃᒃᑯᓐᓂᑦ ᐱᓕᕆᕕᖓᑦᑎᒍᑦ ᐃᑦᑕᕐᓂᓴᓕᕆᔨᒃᑯᑦ ᐊᒻᒪ …

ᑐᙵᒃᑯᑦ ᑲᑎᒪᔨᖏᑦ ᑲᑎᒪᔭᕇᓚᐅᕐᐳᑦ ᐃᖃᓗᑦᑑᑦᑎᐊᕐᒥ

(ᒪᑦᓯ 28, 2022, ᐃᖃᓗᖕᓂ, ᓄᓇᕗᖕᒥ) ᓄᓇᕗᑦ ᑐᙵᕕᒃ ᑎᒥᖓ (ᑐᙵᕕᒃᑯᑦ) ᑲᑎᒪᔨᖏᑦ ᑲᑎᒪᔭᕇᓚᐅᕐᐳᑦ ᑲᑎᒪᔩᑦ ᑲᑎᒪᓂᖃᕐᑎᓪᓗᒋᑦ ᐃᖃᓗᑦᑑᑦᑎᐊᕐᒥ ᐱᓇᓱᐊᕈᓯᕆᔪᔭᑦᑎᓐᓂ.
ᐱᒻᒪᕆᐅᔪᓂᒃ ᑲᑎᒪᔾᔪᑎᖃᓚᐅᕐᐳᑦ ᐃᓚᒋᔭᐅᓪᓗᑎᒃ ᐱᖁᔨᕗᖔᕐᓯᒍᑏᑦ:
ᑲᑎᒪᔩᑦ ᐃᑲᔪᕐᓯᕗᑦ ᐃᓛᒃᑰᖓᓕᕐᓯᒪᓂᖓᒍᑦ ᓯᕗᓪᓕᕐᐹᖓᓂᒃ ᑳᓐᐊᒃᑎᒃ ᐃᓄᐃᑦ ᐱᓕᕆᖃᑎᒌᒃᑐᑦ ᓯᐊᑦᓇᓕᓐᒃ ᐃᒪᐅᑉ ᐃᖅᑲᖓᒎᖓᒐᔭᕐᑐᖅ ᖃᕆᑕᐅᔭᓄᑦ ᐃᕿᐊᕐᕆᔾᔪᑎ. ᑐᙵᕕᒃᑯᑦ ᐃᓱᒪᒃᓴᕐᓯᐅᓕᖅᑭᑲᓐᓂᖁᔨᕗᑦ ᓄᓇᕗᑦ ᒐᕙᒪᒃᑯᖏᓐᓂᒃ ᐱᓪᓗᒋᑦ ᐸᕐᓇᒍᑎᒋᓯᒪᔭᖏᓐᓂᒃ ᖃᕆᑕᐅᔭᓄᑦ ᐃᑭᐊᕐᕆᔾᔪᑎᓂᒃ ᐃᖃᓗᖕᓂ ᐊᒻᒪ ᑲᖏᖅᖠᕐᓂᕐᒥ ᐊᒻᒪ ᐅᖃᓪᓚᖃᑎᖃᖃᑦᑕᕐᓗᑎᒃ ᑐᙵᕕᒃᑯᓐᓂᑦ ᖃᓄᖅ ᐊᑦᑐᐃᓂᖃᕈᓐᓇᓂᕐᐹᖑᔪᓐᓇᕐᒪᖔᕐᒥᒃ ᐊᑭᑐᔪᓄᑦ ᐱᖁᑎᔾᔪᐊᓄᑦ ᑮᓇᐅᔭᐃᕈᑎᖃᖅᑎᓪᓗᒋᑦ ᓴᖅᑭᖁᓪᓗᒍ ᖃᕆᑕᐅᔭᓄᑦ ᐃᕿᐊᕐᕆᔾᔪᑏᑦ ᐱᕚᓪᓕᕈᑕᐅᒐᔭᕐᓗᓂ ᑐᓴᐅᒪᔾᔪᑎᐅᔪᓐᓇᕐᑐᓂᒃ ᑕᕝᕙᓴᐃᓐᓇᖅ ᐃᓄᐃᑦ ᓄᓇᓕᖏᓐᓂ ᐊᒥᓲᓂᕐᐹᖑᓇᓱᐊᕐᓗᒋᑦ.
ᐅᓄᕐᓯᒋᐊᕐᑕᐅᓗᑎᒃ 2022-2023-ᒥ ᑐᓂᔭᐅᕙᒃᑐᑦ ᓄᓇᕗᑦ ᐸᐸᑦᑎᔨᒃᑯᓐᓂᑦ, ᐃᒪᓐᓇ ᐅᓄᕐᓂᖃᓪᓗᑎᒃ:
ᑐᙵᕕᒃᑯᑦ ᑮᓇᐅᔭᑦ ᐊᑑᑎᖃᖅᑎᑕᒃᓴᒫᖏᑦ $29,421,334, ᐅᓄᕐᓯᒋᐊᕋᔭᕐᑐᖅ 2.5%
ᕿᑭᖅᑕᓂ ᐃᓄᐃᑦ ᑲᑐᔾᔨᖃᑎᒌᖏᑦ …

ᓄᓇᕗᑦ ᒐᕙᒪᒃᑯᑦ ᐊᒻᒪ ᓄᓇᕗᑦ ᑐᙵᕕᒃᑯᑦ ᐱᓕᕆᖃᑎᒌᖕᓂᕐᒧᑦ ᓱᓕᓂᕋᕈᑎᒃᑯᑦ

Download (PDF, 97KB)

ᓄᓇᕐᔪᐊᕐᒥ ᐳᕙᒡᓗᖕᓇᐅᑉ ᐅᓪᓗᖓ

Download (PDF, 293KB)

ᐊᔾᔨᐅᑎᑕᐅᒋᐊᖃᕐᓂᕐᒧᑦ ᓯᓚᕐᔪᐊᒥ ᐳᕙᓪᓗᑦᑐᓕᕆᓂᕐᒧᑦ ᐅᓪᓗᖓ

ᑐᕌᒐᕆᔭᖅᐳᑦ: “ᐃᓄᐃᑦ ᐱᕙᓪᓕᐊᓂᖃᖁᑉᓗᒋᑦ, ᐃᓅᖃᑎᒌᖕᓂᒃᑯᑦ, ᐃᓕᖅᑯᓯᑐᖃᒃᑯᑦ ᐊᑐᓕᖅᑎᖅᑕᐅᑎᓪᓗᒍ ᓄᓇᕗᒥ ᓄᓇᑖᕐᓂᕐᒧᑦ
ᐊᖏᕈᑎᓕᐊᖅ”
ᑐ ᓴ ᒐ ᒃ ᓴ ᖅ
ᓄᓇᕗ ᑦ ᑐᓐᖓᕕ ᒃ ᑯ ᑦ ᑎ ᒥᖓᑕ ᑐ ᓴᒐ ᒃ ᓴᖏᑦ ᖃᕆᑕ ᐅ ᔭ ᒃ ᑯ ᑦ ᖃᐅ ᔨ ᒋ ᐊ ᕐᕕᑦᑎ ᓐᓃ ᖃᑦ ᑕ ᖅᑐ ᑦ ᐅᕙᓂ ᑐ ᕌᕈᑎ ᒥ :
h t t p : / /w w w . t u nng avi k . co m
Twi t ter @NTunngavik and Facebook Page: Nunavut Tunngavik …

ᑐᙵᕕᒃᑯᑦ ᑲᑦᓱᖓᐃᒍᑎᓖᑦ ᑲᑐᔾᔨᓗᑕ

(ᒫᑦᓯ 22, 2022 – ᐃᖃᓗᐃᑦ, ᓄᓇᕗᑦ) ᓄᓇᕗᑦ ᑐᙵᕕᒃ ᑎᒥᖓ (ᑐᙵᕕᒃ) ᑲᑦᓱᖓᐃᒍᑎᓖᑦ ᐊᕐᕕᓂᓕᒋᓕᖅᑕᖓᓂ ᓄᓇᕗᑦ ᒐᕙᒪᒃᑯᑦ ᐱᓂᐊᕐᓂᕋᐅᑎᖏᓐᓂᒃ, ᑲᑐᔾᔨᓗᑕ, ᐃᓚᒋᔭᐅᓪᓗᑎᒃ ᐱᕙᓪᓕᐊᑎᑦᓯᓂᖏᓐᓂᒃ ᓯᕗᓪᓕᐅᔾᔭᐅᔭᕆᐊᓕᓐᓂᓪᓗ.
“ᓯᕗᓪᓕᐹᑦᓯᐊᒥ ᐱᙳᖅᑎᑕᐅᓚᐅᖅᓯᒪᒻᒪᓂᒃ ᓄᓇᕗᑦ 23 ᐊᕐᕌᒍᑦ ᓈᓕᖅᑎᓪᓗᒋᑦ, ᑐᙵᕕᒃᑯᑦ ᑲᒪᖃᐅᑕᖏᓐᓇᖃᑦᑕᖅᓯᒪᔪᑦ ᐱᕙᓪᓕᐊᑎᑦᓯᓂᕐᒥᒃ ᓄᓇᕗᑦ ᒐᕙᒪᒃᑯᑦ ᐱᓂᐊᕐᓂᕋᐅᑎᖏᓐᓂᒃ ᐃᓚᒋᔭᐅᓪᓗᓂ ᑲᑎᒪᔪᓅᓚᐅᕐᓂᖏᓐᓂᒃ ᑲᑎᒪᔨᑐᐃᓐᓇᓕᒫᑦ ᑲᑎᒪᓂᖓᓂ ᑕᐃᑲᓂ ᐱᓂᐊᕐᓂᕋᐅᑏᑦ ᐋᔩᕋᕈᑕᐅᓚᐅᖅᑐᑦ. ᓄᓇᕗᑦ ᐱᙳᖅᑎᑕᐅᓚᐅᖅᑐᖅ ᐃᓄᓐᓄᑦ ᓄᓇᕗᑦ ᐊᖏᕈᑎᖏᑎᒍᑦ, ᓄᓇᑖᕐᓂᕐᒧᑦ ᐊᖏᖃᑎᒌᒍᑎᖏᓐᓂᒃ ᑯᐃᓐᒧᑦ, ᐊᒻᒪᓗ ᑲᒪᖃᑕᐅᓂᖏᓐᓂᒃ ᑎᓕᓯᔾᔪᑕᐅᔪᓄᑦ ᐱᕙᓪᓕᐊᑎᑦᓯᓂᕐᒥᒃ ᓇᓗᓇᐃᕈᑕᐅᔪᖅ ᓄᑖᒥᒃ ᓴᖅᑭᔮᑦᓯᐊᖅᑐᒥᒃ ᐱᔪᒐᕆᔭᖃᕐᓂᒥᓪᓗ ᑕᒃᑯᓇᙵᑦ ᒐᕙᒪᓂᒃ ᐃᖅᑲᓇᐃᔭᖃᑎᖃᕐᓂᕐᒥᒃ ᐃᓄᓐᓂᒃ ᐅᓄᕐᓂᖅᓴᐅᑎᓪᓗᒋᑦ,” ᐅᖃᖅᑐᖅ ᐊᓗᑭ ᑰᑦᑎᖅ, ᑐᙵᕕᒃᑯᑦ ᐊᖓᔪᖅᑳᖓ.
“ᑕᑯᓕᕇᖅᑐᒍᑦ ᐊᓯᔾᔨᓂᕐᒥᒃ ᐃᑉᐱᓇᕐᓂᖓᓂᒃ ᐃᖅᑲᓇᐃᔭᖃᑎᖃᕈᒪᓂᕐᒧᑦ ᐱᓇᓱᐊᖃᑎᒌᓪᓗᑎᒃ ᑐᕌᖓᔪᒥᒃ ᑕᑯᓐᓇᐅᔪᒥᒃ ᓄᓇᕗᒻᒥ. …

ᖃᐅᔨᒃᑲᐃᒍᑦ ᑭᓇᒃᑯᑐᐃᓐᓇᕐᓄᑦ

ᓄᓇᕗᑦ ᑐᙵᕕᒃᑯᑦ ᑲᑎᒪᔩᑦ ᑲᑎᒪᓂᖓᑦ
ᖃᐅᔨᒃᑲᐃᒍᑦ ᑭᓇᒃᑯᑐᐃᓐᓇᕐᓄᑦ
ᐅᓇ ᖃᐅᔨᒃᑲᐃᒍᑦ ᑭᓇᒃᑯᑐᐃᓐᓇᕐᓄᑦ ᑲᑎᒪᓂᖃᓐᓂᐊᑎᓪᓗᒋᑦ ᑲᑎᒪᔨᖏᑦ ᑐᙵᕕᒃᑯᑦ ᑎᒥᖓᑕ, ᑲᑎᒪᒋᐊᓯᓛᕐᑐᑦ ᒫᑦᓯ 22-ᒥᒃ 24-ᒧᑦ, 2022 ᐃᖃᓗᑦᑑᑦᑎᐊᖅ, ᓄᓇᕗᒻᒥ ᑲᑎᒪᓪᓚᑖᕐᓗᑎᒃ ᐊᒻᒪ ᑕᕐᕆᔭᐅᑎᒃᑯᑦ VIA ZOOM ᐊᒻᒪ ᖃᕆᓴᐅᔭᕋᓛᒃᑯᑦ ᑕᑯᒃᓴᐅᓛᕐᑐᑦ ᐃᖃᓗᑦᑑᑦᑎᐊᖅ ᐱᙳᐊᕕᐊᓂ
ᓄᕙᒡᔪᐊᕐᓇᖅ−19 ᐱᓪᓗᒍ ᒪᓕᑦᑕᐅᔭᕆᐊᖃᖅᑎᑕᑦ ᒪᓕᒃᑕᐅᓗᑎᒃ, ᐱᖃᓯᐅᑎᓪᓗᒍ ᖃᓂᒌᓗᐊᖅᑕᐃᓕᒪᒍᑏᑦ, ᐊᒡᒐᖕᒥᒃ ᐅᐊᓴᖃᑦᑕᕋᔪᓐᓂᖅ/ᐃᕐᒥᖃᑦᑕᕋᔪᓐᓂᖅ ᐊᒻᒪ ᐃᓄᐃᑦ ᐅᓄᕐᓂᖏᑦ ᐊᒥᓲᓗᐊᕐᑕᐃᓕᒪᑎᑕᐅᓗᑎᒃ ᑲᑎᒪᕕᐅᔪᒥ.
ᑐᙵᕕᒃᑯᑦ ᐅᐸᒃᓯᒪᓗᑎᒃ − ᑲᑎᒪᔩᑦ ᑲᑎᒪᓂᖓᑦ
ᑲᑎᒪᕕᒋᓛᕐᑕᖏᑕ ᐅᓪᓗᖓ: ᒫᑦᓯ 22−ᒥᑦ, ᒫᑦᓯ 24−ᒧᑦ, 2022
ᑲᑎᒪᓯᒋᐊᕐᓗᑎᒃ: 8:30 ᐅᓪᓛᒃᑯᑦ ᕿᑎᕐᒥᐅᑦ ᓯᕿᙳᔭᖓ ᒪᓕᓪᓗᒍ
ᐱᖃᑕᐅᔪᓐᓇᕐᐳᑎᒃ ᖃᕆᓴᐅᔭᒃᑯᑦ ᐅᕘᓇ:
https://baldwinav.zoom.us/j/84859432084?pwd=SlZLZ0psNWd4bUU2MENZQytEZEVQQT09
Passcode: NTIzw22
ᑕᑯᓐᓇᕆᓪᓗᑎᒃ ᖃᕆᓴᐅᔭᕋᓛᒃᑯᑦ:
https://www.facebook.com/events/352120306819206/ 
https://www.facebook.com/Tunngavik/live_videos/
ᑕᑯᓐᓇᕈᓐᓇᕐᐳᑎᑦ ᖃᕆᓴᐅᔭᒃᑯᑦ ᐃᑭᐊᕐᕆᕕᑦᑎᓐᓂᒃ:
https://tunngavik.com/live-video

ᐅᖄᓚᐅᑎᒃᑯᑦ:
ᐃᓄᒃᑎᑐᑦ:
1-866-969-8429 Conf ID: 7718521
 ᕐᑲᓪᓗᓈᑎᑐ:
1-866-969-8429 …

ᑐᒡᓕᐊᓂ ᓴᖅᑭᖅᑕᐅᓂᖓ ᐃᓄᒃᑑᖅᑕ! ᑎᑎᕋᕐᓂᒃᑯᑦ ᓵᓚᒃᓴᕋᓱᐊᕈᑎ

(ᒫᑦᓯ 3, 2022 – ᐃᖃᓗᐃᑦ, ᓄᓇᕗᑦ) ᓄᓇᕗᑦ ᑐᙵᕕᒃ ᑎᒥᖓᑕ (ᑐᙵᕕᒃᑯᑦ) ᐊᖓᔪᖅᑳᖓ ᐊᓗᑭ ᑰᑦᑎᖅ ᖁᕕᐊᓱᑦᑐᖅ ᓴᖅᑮᒋᐊᑦᓴᖅ ᑐᒡᓕᐊᓂᒃ ᐃᓄᒃᑑᖅᑕ! ᐃᓄᒃᑐᑦ ᑎᑎᕋᕐᓗᓂ ᓵᓚᒃᓴᕋᓱᐊᕐᓂᕐᒥᒃ.
ᐃᓄᒃᑑᖅᑕ! ᐃᓄᒃᑐᑦ ᑎᑎᕋᕐᓗᓂ ᓵᓚᒃᓴᕋᓱᐊᕐᓂᒃᑯᑦ ᑐᓂᔭᐅᓂᐊᖅᑐᖅ ᐊᑕᐅᓯᖅ ᑎᑎᕋᖅᑐᖅ $80,000−ᓂᒃ ᐊᒻᒪᓗ ᐃᑲᔪᖅᓱᐃᓗᓂ ᑎᑎᕋᖃᑦᑕᓂᕐᒥᒃ ᐊᕐᕌᒍᓕᒫᖅ, ᐱᓕᕆᐊᕆᖃᓯᐅᑎᓗᒍ ᐊᒻᒪᓗ ᐃᓕᓴᐃᖃᑦᑕᓂᕐᒥᒃ, ᐋᖅᑭᓱᕐᓗᒋᑦ ᐅᓂᒃᑳᓂ ᐅᖃᓕᒫᒐᓕᐊᕆᓗᒍ. ᓯᑕᒪᓂᒃ ᓵᓚᒃᓴᐅᓯᐊᖅᑐᖃᖃᓯᐅᑎᓂᐊᖅᑐᖅ ᑐᓂᔭᐅᔪᑦ ᐊᑭᖃᕐᓗᑎᒃ $10,000, $5,000, $3,000 and $2,000. ᓄᓇᕗᑦ ᑐᙵᕕᒃ ᐃᑲᔫᑎᒃᓴᓕᕆᔨᒃᑯᑦ ᐱᓕᕆᖃᑎᖃᕐᓂᐊᖅᑐᑦ ᓵᓚᒃᓴᖅᑐᓂᒃ ᐅᓂᒃᑳᓕᐅᖅᑎᓂᒃ ᐱᐊᓂᒡᓗᒋᑦ ᓴᖅᑭᕐᓗᒋᓪᓗ ᐅᖃᓕᒫᒐᑦ ᐱᓕᕆᐊᖏᑦ.
“ᐃᓄᒃᑑᖅᑕ! ᐱᕚᓪᓕᐅᑕᐅᓯᒪᔪᖅ ᐃᓄᒃᑑᕈᓐᓇᓯᐊᕐᓂᖏᓐᓂᒃ ᐊᔾᔨᒌᙱᓐᓂᖏᓐᓂᓪᓗ ᐃᓄᒃᑐᑦ ᓄᓇᕗᒻᒥ ᐊᒻᒪᓗ ᓴᖅᑭᐅᒪᑎᑦᑎᓯᐊᖅᑐᖅ ᐅᐱᒍᓱᓐᓂᕐᒥᒃ ᐃᓄᒃᑎᒍᑦ ᐃᓕᖅᑯᓯᑦᑎᓐᓂᒃ ᐅᖃᐅᓯᑦᑎᓂᓪᓗ. ᓯᕗᓪᓕᕐᒥ ᐃᓄᒃᑑᖅᑕ! ᑐᙵᕕᒃᑯᑦ …

ᑐᓴᕋᑦᓴᙳᖅᑎᑕᐅᔪᖅ

ᑐᓴᕋᑦᓴᙳᖅᑎᑕᐅᔪᖅ
ᐱᒋᐊᕐᓗᓂ: ᒫᑦᓯ 1, 2022
ᓄᖅᑲᕐᓗᓂ: ᒫᑦᓯ 4, 2022
ᓄᓇᓖᑦ ᑐᓴᕐᕕᐅᓇᓱᐊᕐᓂᖏᑦ ᐃᑲᔫᑎᒃᓴᒥᒃ ᐃᓄᐃᑦ ᓯᕗᓕᖁᓪᓗᒋᑦ ᐃᓗᓯᕐᒥᒃ ᖃᐅᔨᓴᕐᓂᕐᒧᑦ
 
(ᒫᑦᓯ 1, 2022– ᐃᖃᓗᐃᑦ, ᓄᓇᕗᑦ) ᓄᓇᕗᑦ ᑐᙵᕕᒃ ᑎᒥᖓ (ᑐᙵᕕᒃ) ᑭᐅᒃᑕᖁᔨᔪᑦ ᓄᓇᕗᒻᒥᐅᓂᒃ ᐊᐱᖅᑯᑎᓂᒃ ᖃᓄᐃᑉᐱᑖ? ᓄᓇᓖᑦ ᐃᓚᓕᐅᑎᑕᐅᔾᔪᑎᖏᓐᓂᒃ ᑐᑭᓯᓇᓱᐊᕈᑎᓄᑦ.
ᖃᓄᐃᑉᐱᑖ? ᑲᓇᑕᒥ ᐃᓄᐃᑦ ᐃᓗᓯᖏᓐᓂᒃ ᑐᑭᓯᓇᓱᐊᕈᑎ (QNIHS) ᐃᓄᓐᓂᒃ−ᓯᕗᓕᖅᑕᐅᔪᖅ ᐋᓐᓂᐊᖅᑐᓕᕆᓂᕐᒧᑦ ᖃᐅᔨᓴᕐᓂᕐᒧᑦ ᐱᓕᕆᐊᒥᒃ ᑐᓴᐅᒪᔾᔪᑕᐅᓂᐊᖅᑐᒥᒃ ᐃᓱᒪᓕᐅᕈᑕᐅᒋᐊᓕᖕᒧᑦ ᐱᕚᓪᓕᕈᑎᒃᓴᒥᒃ ᐃᓗᓯᖏᓐᓄᑦ ᖃᓄᐃᙱᑦᓯᐊᕈᑎᒃᓴᖏᓐᓄᓪᓗ ᐃᓄᐃᑦ ᑲᓇᑕᒥ ᐊᐅᓚᑕᐅᓂᐊᖅᑐᒥᒃ ᑕᒪᐃᓐᓂ 25-ᓂ ᓄᓇᓕᓐᓂ ᓄᓇᕗᒻᒥ 2023 ᐊᒻᒪᓗ 2024. ᐃᓚᐅᔪᑦ ᑕᕝᕗᖓ ᑐᓴᕐᕕᐅᓇᓱᐊᕐᓂᕐᒧᑦ ᐃᑲᔫᑎᖃᕐᓂᐊᖅᑐᑦ ᑐᙵᕕᒃᑯᑦ ᖃᐅᔨᓴᕐᓂᖓᓂᒃ ᐊᑐᕆᐊᓕᖕᓂᒃ ᑕᕝᕗᖓ ᖃᓄᐃᑉᐱᑖ? ᑲᓇᑕᒥ ᐃᓄᐃᑦ ᐃᓗᓯᕐᒥᒃ ᑐᑭᓯᓇᓱᐊᕐᓂᖓᓄᑦ (QNIHS) ᐊᐅᓚᑕᐅᓂᖓᓂ ᓄᓇᓕᓕᒫᓂ.
ᐃᓚᐅᔪᓕᒫᑦ ᐊᒧᔭᒃᓴᐅᖃᑕᐅᔪᓐᓇᓂᐊᖅᑐᑦ 25-ᓂᒃ ᐊᒧᓯᓂᐅᓂᐊᖅᑐᒧᑦ, …

ᑐᙵᕕᒃᑯᑦ ᑐᓂᐅᖅᑲᐃᔪᑦ 10,600−ᓂᒃ ᓄᕙᔾᔪᐊᓇᕐᒧᑦ ᖃᐅᔨᓴᕈᑎᓂᒃ ᖃᐅᔨᑦᓴᐅᑎᒋᔾᔪᑕᐅᔪᓐᓇᖅᑐᓂᒃ ᐸᐃᕆᕕᖕᓄᑦ ᐊᒻᒪᓗ ᐃᓐᓇᐃᑦ ᐊᖏᕐᕋᖏᓐᓄᑦ

(ᕕᕝᕗᐊᓕ 16, 2022 – ᐃᖃᓗᐃᑦ, ᓄᓇᕗᑦ) ᓄᓇᕗᑦ ᑐᙵᕕᒃ ᑎᒥᖓ (ᑐᙵᕕᒃ) ᓄᕙᔾᔪᐊᕐᓇᖅ−19−ᒨᖓᔪᑦ ᐱᓕᕆᐊᑦ ᐊᓯᔾᔨᐸᓪᓕᐊᔪᑦ ᐊᑐᖅᑕᐅᖔᕐᓂᐊᓕᖅᓱᑎᒃ ᓄᑖᑦ ᐃᓱᕐᕆᐅᑏᑦ ᐊᒻᒪᓗ ᐊᑐᖅᑕᐅᒋᐊᓖᑦ.
ᓯᓚ ᓈᖕᒪᑉᐸᑦ, 6,300 ᖃᐅᔨᓴᕈᑏᑦ Artron ᓄᕙᔾᔪᐊᕐᓇᖅ-19 ᖃᐅᔨᑦᓴᐅᑎᒋᔾᔪᑕᐅᔪᓐᓇᖅᑐᑦ ᖃᐅᔨᓴᕈᑎᑦ ᑎᑭᓐᓂᐊᖅᑐᑦ ᑲᖏᕐᖠᓂᕐᒧᑦ ᐅᓪᓗᒥ. ᑖᒃᑯᐊ ᖃᐅᔨᓴᕈᑏᑦ ᑐᓂᐅᖅᑲᖅᑕᐅᓂᐊᖅᑐᑦ ᓄᓇᕗᒻᒥ ᐸᐃᕆᕕᖕᓄᑦ ᐃᑲᔫᑎᖁᓪᓗᒋᑦ ᓯᐊᒻᒪᖁᓇᒍ ᓄᕙᔾᔪᐊᕐᓇᖅ−19 ᓄᑕᖅᑲᑎᒍᑦ ᑲᑦᓱᖅᑕᐅᒍᓐᓇᑎᓐᓇᒋᑦ ᒫᓐᓇᐅᓂᖓᓂ ᐊᒻᒪᓗ ᐃᓂᒋᔭᐅᔫᔭᖃᑦᑕᖅᑐᓂᒃ ᐸᖅᑭᑦᓯᕕᓐᓂᒃ. ᑐᒡᓕᐊᓂ ᑎᑭᑎᑕᐅᓂᐊᖅᑐᑦ 4,300 ᖃᐅᔨᓴᕈᑏᑦ ᓂᕆᐅᒋᔭᐅᔪᑦ ᑕᕝᕙᓂ ᑕᖅᑭᑎᓐᓂ.
ᒫᓐᓇ ᓄᓇᕗᑦ ᒐᕙᒪᒃᑯᑦ ᐃᑲᔫᑎᖃᖃᑦᑕᓕᕐᒪᑕ ᓂᐅᕕᕐᕕᔭᓂᒃ ᐃᑲᔫᑎᓂᒃ ᓇᒧᖔᔭᕆᐊᖃᙱᑎᑕᐅᔪᓄᑦ, ᑐᙵᕕᒃᑯᑦ ᐋᖅᑭᑦᓯᓚᐅᖅᑐᑦ ᐋᖅᑭᒋᐊᕆᓂᕐᒥᒃ ᐱᓇᓱᐊᒐᑦᑎᓐᓂᒃ ᖃᐅᔨᑦᓴᐅᑎᒋᔾᔪᑕᐅᔪᓐᓇᖅᑐᓂᒃ ᖃᐅᔨᓴᕈᑎᓂᒃ ᐊᑐᐃᓐᓇᖃᖁᔨᓪᓗᑎᒃ ᓯᐊᒻᒪᔾᔭᐃᒃᑯᑕᐅᒃᑲᓂᕐᓂᐊᖅᑐᒥᒃ. ᐱᖓᑦᓯᕐᒥᓂᒃ, ᕕᕝᕗᐊᓕ 16, 2022, ᑐᙵᕕᒃᑯᑦ ᑲᒪᖃᑦᑕᔾᔮᒍᓐᓃᖅᑐᑦ ᑐᒃᓯᕋᐅᑎᓂᒃ …

ᓄᓇᕗᑦ ᑐᙵᕕᑦ ᑎᒥᖓ ᓴᕿᑎᑦᓯᕗᑦ ᓄᕙᒡᔪᐊᕐᓇᖅ-19 ᑲᐱᔭᐅᓯᒪᔪᓄ ᐊᒧᔭᐅᔭᒃᓴᖅ

 
(ᔮᓄᐊᕆ 26, 2022 – ᐃᖃᓗᐃᑦ, ᓄᓇᕗᑦ) ᓄᓇᕗᑦ ᑐᙵᕕᒃ ᑎᒥᖓ (ᑐᙵᕕᒃᑯ) ᖁᕕᐊᒃᓱᒃᖢᑎᒃ ᓴᕿᑎᑦᓯᕗᑦ ᓄᕙᒡᔪᐊᕐᓇᖅ-19 ᑲᐱᔭᐅᓯᒪᔪᓄᑦ ᓯᑭᑑᒥᒃ ᐊᒧᔭᒃᓴᓄᑦ ᐃᓕᔭᐅᓂᐊᕐᒪᑕ.  ᐃᓄᐃᑦ ᓄᓇᕗᑦᒥ ᑲᐱᔭᐅᓯᒪᔪᑦ ᐃᓕᔭᐅᓂᐊᕐᑐᑦ ᓵᓚᒃᓴᐅᓯᐊᖑᔪᒫᕐᑐᓂᑦ ᐊᑕᐅᓯᕐᒥ ᑖᑉᑯᓇᖓ  25 ᖑᔪᓂᒃ ᓯᑭᑑᓂᒃ ᐊᒧᔭᐅᔪᒫᕐᑐᑦ ᐊᐃᐳᓪ 25, 2022 ᖑᓕᕐᐸᑦ.
 
“ᖁᔭᓕᕗᖓ ᐃᓄᐃᑦ ᑲᐱᔭᐅᓚᐅᕐᑐᓄᑦ ᐱᔾᔪᑎᖃᕐᑐᒧᑦ ᓄᕙᒡᔪᐊᕐᓇᖅ-19 ᒧᑦ.  ᖁᕕᐊᓱᒃᖢᑕ ᓴᕿᑎᑦᓯᕗᒍᑦ ᐊᒧᔭᒃᓴᐅᔪᒫᕐᑐᓄᑦ ᑲᐱᔭᐅᓯᒪᔪᓄᑦ ᐊᒻᒪᓗ ᐃᓄᖕᓂ ᐅᓗᕆᐊᓇᕐᓂᖓᓂ ᐃᓕᑕᕆᓯᒪᔪᓂᒃ. ᑲᐱᔭᐅᓯᒪᖏᓂᕈᕕᑦ ᓄᕙᒡᔪᐊᕐᓇᖅ-19 ᒧᑦ, ᐅᖃᐅᑎᑦᓯᐊᕐᐸᑉᓯ ᐃᑲᔪᕐᑐᐃᓂᒃᑯᑦ ᐊᑎᓕᐅᖃᑕᐅᖁᔨᑉᓗᑕ ᑲᐱᔭᐅᓂᕐᒧᑦ ᑕᐃᑯᓇ ᐋᓐᓂᐊᕐᕕᒃᑎᒍᑦ ᐃᓕᔭᐅᓗᓂ ᐊᑎᓕᐅᕐᓯᒪᔭᖕᓂ”,  ᐅᖃᖅᑐᖅ ᑐᙵᕕᒃᑯᑦ ᐊᖓᔪᖅᑳᖓᑦ ᐊᓗᑭ ᑰᑦᑎᖅ.
 
ᐃᓄᐃᑦ ᓄᓇᕗᒻᒥᐅᑕᑦ, ᐊᑎᓕᐅᕐᓯᒪᔪᑦ ᑕᑉᕘᓇ ᓄᓇᕗᑦ ᐊᖏᕈᑎᖓᒍᑦ, ᐅᑭᐅᖃᕐᑐᓂᒃ ᑕᓕᒪᓂᒃ ᐅᖓᑖᓄᓪᓗ ᐊᑎᓕᐅᕐᑕᐅᑕᕐᓂᐊᕐᑐᑦ …

ᓄᓇᕗᑦ ᑐᙵᕕᒃ ᑎᒥᖓᑦᑕ ᐅᐸᒃᑕᐅᑦᑕᐃᓕᑲᐃᓐᓇᖅᑐᓄᑦ ᓄᕙᒡᔪᐊᕐᓇᖃᖅᑎᓪᓗᒋᑦ ᐃᑲᔪᖅᓯᔾᔪᑎᖏᓐᓄᑦ ᐱᓕᕆᐊᑦ ᐱᓪᓗᒋᑦ ᐊᐱᖅᑯᑕᐅᒐᔪᒃᑐᑦ (ᐸᖁᓇᐅᑕᐅᒐᔪᒃᑐᑦ)

ᓄᓇᕗᑦ ᑐᙵᕕᒃ ᑎᒥᖓᑦᑕ ᐅᐸᒃᑕᐅᑦᑕᐃᓕᑲᐃᓐᓇᖅᑐᓄᑦ ᓄᕙᒡᔪᐊᕐᓇᖃᖅᑎᓪᓗᒋᑦ ᐃᑲᔪᖅᓯᔾᔪᑎᖏᓐᓄᑦ ᐱᓕᕆᐊᑦ ᐱᓪᓗᒋᑦ ᐊᐱᖅᑯᑕᐅᒐᔪᒃᑐᑦ (ᐸᖁᓇᐅᑕᐅᒐᔪᒃᑐᑦ)
ᐱᒋᐊᕐᓂᖓ
ᓄᓇᕗᑦ ᑐᙵᕕᒃ ᑎᒥᖓᑦ ᐃᑲᔪᖅᓯᔾᔪᑎᖃᕐᒪᑕ ᐃᓄᖕᓄᑦ ᓇᓗᓇᐃᖅᑕᐅᓯᒪᔪᓄᑦ ᓄᕙᒡᔪᐊᕐᓇᖅ – 19-ᒧᑦ ᖃᓂᒪᓂᖏᓐᓂ, ᐅᐸᒃᑕᐅᑦᑕᐃᓕᑲᐃᓐᓇᕆᐊᖃᖅᑐᓄᑦ ᐅᓪᓗᓄᑦ 14-ᓄᑦ ᓄᕙᒡᔪᐊᕐᓇᖃᖅᑐᒥᑦ ᖃᓂᒃᓴᖅᑐᕕᓂᐅᑎᓪᓗᒋᑦ ᓇᓗᓇᐃᖅᑕᐅᓯᒪᔪᑦ ᓄᓇᕗᑦ ᐃᓗᐊᓂ ᓄᕙᒡᔪᐊᕐᓇᖅ 19-ᒥᒃ ᖃᓂᒪᔪᑦ. ᐱᒻᒪᕆᐅᔪᖅ ᒪᓕᒃᑐᐃᓐᓇᐅᔭᕆᐊᖃᕋᑦᑕ ᐋᓐᓂᐊᖅᑖᖅᑕᐃᓕᒪᓂᕐᒧᑦ ᒪᓕᒐᓕᐊᕆᔭᐅᓯᒪᔪᓂᒃ ᓄᓇᕗᒻᒥ ᐊᖓᔪᖅᑳᖓᓐᓄᑦ ᐋᓐᓂᐊᖅᑐᓕᕆᔨᐅᔪᑦ (CPHO) ᐱᖃᓯᐅᔾᔨᓯᒪᔪᖅ ᐊᖏᕐᕋᕆᔭᐅᔪᑉ ᐃᓗᐊᓂ ᐃᒡᓗᖃᖅᑐᓕᒫᓐ ᐅᐸᒃᑕᐅᑦᑕᐃᓕᑲᐃᓐᓇᕆᐊᖃᖅᑎᓪᓗᒋᑦ ᐊᓂᑦᑕᐃᓕᓗᑎᒃ ᒪᓕᒐᖏᓐᓂᒃ ᒪᓕᑦᑎᐊᕆᐊᖃᖅᑐᑦ ᓄᕙᒡᔪᐊᖅᑐᖃᖅᑎᓪᓗᒍ 19-ᒥᒃ ᐅᕝᕙᓘᓐᓃᑦ ᐊᐱᕆᔭᐅᓯᒪᑎᓪᓗᒋᑦ ᐊᓂᑦᑕᐃᓕᖁᔭᐅᓪᓗᑎᒃ ᐅᐸᒃᑕᐅᑦᑕᐃᓕᑲᐃᓐᓇᖁᔭᐅᑎᓪᓗᒋᑦ ᓄᕙᒡᔪᐊᓕᖅᑐᒧᑦ ᖃᓂᒋᔭᐅᓂᑰᓂᖏᓐᓂᒃ ᓇᓗᓇᐃᖅᑕᐅᓯᒪᑎᓪᓗᒋᑦ ᐅᕝᕙᓘᓐᓃᑦ ᓄᕙᒡᔪᐊᕐᓇᖅ 19-ᒧᑦ ᐋᓐᓂᐊᕆᔭᐅᕙᒃᑐᓂᒃ ᐋᓐᓂᐊᕈᕕᑦ ᑕᒪᒃᑯᓂᖓ ᒪᓕᒐᓕᐊᕆᔭᐅᓯᒪᔪᓂᒃ ᒪᓕᑦᑎᐊᕆᐊᖃᖅᐳᑎᑦ.
ᑖᒃᑯᐊ ᐅᐸᒃᑕᐅᑦᑕᐃᓕᔪᓄᑦ ᐃᑲᔪᕈᑎᐅᔪᑦ ᑐᕌᖅᑐᑦ ᐃᑲᔪᖅᓯᔾᔪᑕᐅᓂᐊᕐᓗᑎᒃ ᓄᓇᕗᒻᒥ ᐃᓄᖏᑦ ᐊᖏᕐᕋᖅᓯᒪᐃᓐᓇᖁᓪᓗᒋᑦ. …