ᓄᓇᕗᑦ ᐅᓪᓗᖓᓂᑦ ᓇᓪᓕᐅᓐᓂᖅᓯᐅᕈᑎᓂᐊᖅᑐᑦ
(ᔪᓚᐃ 7, 2022 – ᐃᖃᓗᐃᑦ, ᓄᓇᕗᑦ) ᓄᓇᕗᑦ ᑐᙵᕕᒃ ᑎᒥᖓᑦ. (ᑐᙵᕕᒃᑯᑦ) ᓇᓪᓕᐅᓐᓂᖅᓯᐅᕐᓂᖃᓛᕐᒪᑕ ᓄᓇᕗᑦ ᐅᓪᓗᖓᓄᑦ 2022−ᒥᑦ ᖃᓄᑐᐃᓐᓇᖅ ᐱᓐᖑᐊᑎᑦᓯᒐᓚᓪᓗᑎᑦ. ᑕᕝᕙᓂ ᐊᖅᕌᒍᑦᑎᓐᓂᑦ ᐊᒥᓱᓂᑦ ᓯᓚᒥᑦ ᐱᓐᖑᐊᖅᑎᑦᓯᒍᑎᖃᕐᓂᐊᕐᒪᑕ ᐊᒻᒪᓗ ᐃᑭᐊᕐᕆᕕᒃᑯᑦ ᐊᑐᕐᓗᑎᒃ ᐱᓐᖑᐊᖅᑎᑕᐅᓂᐊᕐᒥᔪᑦ.
ᑐᙵᕕᒃᑯᑦ ᐃᑭᐊᕐᕆᕕᒃᑯᑦ ᐱᓐᖑᐊᑎᑦᓯᒍᑎᒋᓂᐊᖅᑕᖏᑦ ᐅᑯᐊᖑᕗᑦ:
- ᐊᒥᓱᓄᑦ ᖁᕕᐊᒋᔭᐅᓯᒪᓂᖏᓐᓄᑦ ᐅᑎᖅᑎᑕᐅᔪᖅ! ᐊᖏᕐᕋᒥᓂᑦ ᓂᖅᓯᐅᕐᓂᕐᒧᑦ ᓵᓚᖃᕋᓱᐊᕐᓂᖅ, ᐃᑭᐊᕐᕆᕕᒃᑯᑦ ᓂᖅᓯᐅᓕᐅᑎᑎᑦᓯᓛᖅᑐᑦ ᓱᕈᑦᓯᕐᓂᑦ/ᓂᕕᐊᖅᓯᐊᓂᑦ ᐊᒻᒪᓗ ᐃᓐᓇᕐᓂᑦ. ᓵᓚᒃᓴᕋᓱᐊᕈᒪᔪᑦ ᖁᕕᐊᒋᔭᒥᓂᑦ ᓂᖅᓯᐅᕐᓗᑎᑦ, ᐊᔾᔨᓕᐅᕐᓗᒍ ᐊᒻᒪᓗ ᑐᔫᑎᒋᒃᑕᖅᑲᐅᒃ. ᓵᓚᒃᓴᕋᓱᐊᕐᓂᐅᔪᖅ ᒪᑐᓂᐊᖅᑐᖅ ᔪᓚᐃ 3-ᒥᑦ. ᑐᙵᕕᒃᑯᑦ ᑐᔪᖅᑕᐅᓯᒪᓕᖅᑐᖅ 80-ᓂᑦ ᓂᕿᓕᐅᕈᑎᓂᑦ ᑎᑎᕋᖅᓯᒪᔪᓂᑦ; ᓵᓚᑦᓴᖅᑐᑦ ᑭᒃᑰᓂᖏᑦ ᐅᖃᖅᑕᐅᓂᐊᖅᑐᑦ ᔪᓚᐃ 9, 2022-ᒥᑦ.
- ᐃᓗᒥᓐᓂᑦ, ᐅᒥᐊᕐᒥᓂᑦ ᐊᒻᒪᓗ ᐃᓪᓗᕋᓛᖁᑎᒥᓐᓂᑦ ᐱᐅᓴᐃᓂᐊᖅᑐᑦ ᓵᓚᒃᓴᕋᓱᐊᓗᑎᑦ − ᐃᓪᓗᒥᓂᑦ, ᐅᒥᐊᕐᒥᓂᑦ ᐊᒻᒪᓗ ᐃᓪᓗᕋᓛᒥᓂᓪᓗ ᓵᓚᒃᓴᕋᓱᐊᕈᑎᖃᕈᓐᓇᕐᓂᐊᖅᑐᑦ, ᑐᙵᕕᒃᑯᑦ ᑐᑭᓯᓯᒪᑦᓯᐊᖅᑐᑦ ᐃᓪᓗᖃᖅᑐᐃᑦ ᐊᔾᔨᒌᓐᖏᓐᓂᖏᓐᓂᑦ ᓄᓇᓕᐅᔪᓂᑦ. ᑕᑯᔭᐅᑎᑦᓯᑦᓯᐊᖁᔨᕗᒍᑦ ᐃᓕᓐᓂᑦ ᐅᐱᒋᔭᕐᓂᑦ ᐊᒻᒪᓗ ᓄᓇᖅᔪᐊᒥᐅᖑᖃᑎᕗᓪᓗ ᑕᑯᓂᐊᕐᒪᑕᑦᑕᐅᖅ! ᐃᓱᓕᕝᕕᓕᒃ ᔪᓚᐃ 9, 2022. ᓵᓚᒃᓴᖅᑐᑦ ᑭᒃᑰᓂᖏᓐᓂᑦ ᐅᖃᖅᑕᐅᓂᐊᖅᑐᑦ ᔪᓚᐃ 9, 2022−ᒥᑦ.
ᑐᙵᕕᒃᑯᑦ ᑲᑎᑦᑎᑦᓯᓂᐊᕐᓂᖏᑦ ᐅᑯᐊᖑᕗᑦ:
- ᐃᖃᓗᐃᑦ: ᓂᔾᔭᐅᓯᔭᖅᑐᓂᑦ ᑕᑯᓈᖅᑎᑦᓯᓗᑎᑦ, ᐃᒐᔪᖃᕐᓂᐊᖅᑐᖅ ᐊᒻᒪᓗ ᐅᐸᑦᑐᓕᒫᓪᓗ ᐊᒧᔭᐅᔪᖃᖃᑦᑕᕐᓂᐊᖅᑐᑦ ᐱᑖᖅᑐᖅᑎᑕᐅᕈᓘᔭᕐᓗᑎᑦ ᐃᓪᓗᕗᑦ ᓄᓇᓯᐅᑎᖃᖅᕕᖓᑕ ᓇᓛᓂᑦ, 1:00-ᒥᑦ−4:00ᒧᓄᑦ ᐅᓐᓄᓴᒃᑯᑦ.
- ᑲᖏᖅᖠᓂᖅ: ᐃᒐᓂᐊᖅᑐᑦ ᓯᓚᒥ, ᑕᑯᓐᓈᖅᑎᑦᓯᕈᓘᔭᕐᓗᑎᓪᓗ ᐱᓐᖑᐊᖅᑐᓂᑦ ᓂᔾᔭᐅᓯᔭᖅᑐᓂᓪᓗ,ᐃᓄᑐᖃᐃᑦ ᑏᑐᖅᑎᑕᐅᓗᑎᑦ ᐊᒻᒪᓗ ᐸᓚᐅᒑᓕᐅᓕᐅᑎᑎᑦᓯᓗᑎᑦ, ᐱᓐᖑᐊᖅᑎᑕᐅᓗᑎᒃ ᐊᒻᒪᓗ ᐅᐸᑦᑐᓕᒫᓪᓗ ᐊᒧᔭᐅᓇᓱᐊᕐᓗᑎᑦ ᓵᓚᒃᓴᐅᓯᐊᑦᓴᓂᑦ ᓯᖏᖅᑐᖅ ᐃᓪᓗᖅᔪᐊᑉ ᓴᓂᐊᓂᑦ. 1:00-ᒥᑦ−4:00ᒧᓄᑦ ᐅᓐᓄᓴᒃᑯᑦ.
- ᐃᖃᓗᑦᑑᑦᓯᐊᕐᒥᑦ: ᐃᒐᓂᐊᖅᑐᑦ ᓯᓚᒥ, ᐅᐸᑦᑐᓕᒫᑦ ᐊᒧᔭᐅᒐᓱᐊᕐᓂᐊᕐᒥᔪᑦ ᓵᓚᐅᓯᐊᑦᓴᓂᑦ ᓱᕈᓯᕐᓄᑦ/ᓂᕕᐊᖅᓯᐊᓄᓪᓗ ᐊᒻᒪᓗ ᐃᓐᓇᕐᓄᑦ, ᓄᓇᓕᓐᓂᑦ ᐃᖅᑕᕐᓂᓴᕐᓄ ᒥᓐᖑᐊᖅᓯᖅᕕᖓᓂᑦ. 1:00-ᒥᑦ−4:00ᒧᓄᑦ ᐅᓐᓄᓴᒃᑯᑦ.
ᑐᙵᕕᒃᑯᑦ ᐱᓇᓱᐊᖃᑎᖃᓪᓚᕆᑉᐳᑦ ᕼᐋᒻᒪᓚᐅᔪᓂᑦ ᐊᒻᒪᓗ ᐆᒪᔪᕐᓂᐊᖅᑏᑦ ᑲᑎᒻᒪᔨᖏᓐᓂᑦ ᐋᖅᑭᑦᓱᐃᖃᑎᖃᕋᓱᐊᖅᓱᑎᒃ ᓄᓇᕗᑦ ᐅᓪᓗᖓᓐᓂᑦ ᓇᓪᓕᐅᓐᓂᖅᓯᐅᕈᑕᐅᓂᐊᖅᑐᓂᑦ. ᐃᓘᓐᓇᑦᓯᐊᑎᒃ ᕼᐋᒻᒪᓚᐅᔪᑦ ᑮᓇᐅᔭᓂᑦ ᐊᐃᑦᑐᖅᑕᐅᓯᒪᔪᑦ ᓄᓇᕗᑦ ᐅᓪᓗᖓᓐᓂᑦ ᓇᓪᓕᐅᓐᓂᖅᓯᐅᕈᑎᒃᓴᓂᑦ ᒪᓕᑦᑕᐅᑦᓱᓂ ᖃᓄᑎᒋ ᐃᓄᖃᕐᓂᖏᑦ ᓄᓇᓕᐅᔪᑦ.
ᑐᑭᓯᒋᐊᒃᑲᓐᓂᕈᒪᒍᕕᑦ:
ᒪᓚᐃᔭ ᒥᑭᔾᔪᒃ
ᑐᑭᒧᐊᑦᑎᑦᓯᔨ ᑐᓴᐅᒪᔾᔪᑎᓕᕆᔨᒃᑯᓐᓂ
ᓄᓇᕗᑦ ᑐᙵᕕᒃ ᑎᒥᖓ
ᐅᖄᓚᐅᑎᖓ: (867) 975-4900/ᐊᑭᖃᓐᖏᑦᑐᒧᑦ: 1-888-646-0006
ᑐᑭᓯᒋᐊᒃᑲᓐᓂᕈᒪᒍᕕᑦ ᓱᓕ:
ᓄᓇᕗᑦ ᑐᓐᖓᕕᒃᑯᑦ ᑎᒥᖁᑎᖓᑦ
ᐅᖄᓚᐅᑦ:
ᐅᖓᓯᒃᑐᒥᒃ ᐊᑭᖃᖏᑦᑐᖅ:
