ᑐᙵᕕᒃᑯᑦ ᑲᔪᖏᖅᓴᐃᔪᑦ ᐃᓄᐃᑦ ᑐᒃᓯᕋᐅᓯᐅᖁᓪᓗᒋᑦ ᐃᓄᒃᑐᑦ ᐃᓕᓐᓂᐊᓂᕐᒧᑦ ᓯᕗᒧᐊᒍᑎᒃᓴᓂᒃ ᑮᓇᐅᔭᓂᒃ
(ᐃᐳᕈ 4, 2022, ᐃᖃᓗᐃᑦ, ᓄᓇᕗᑦ) ᓄᓇᕗᑦ ᑐᙵᕕᒃ ᑎᒥᖓ (ᑐᙵᕕᒃᑯᑦ) ᑐᓴᕐᑎᑦᑎᕗᑦ ᑐᒃᓯᕋᕈᑎᓕᐅᕈᔨᓪᓗᑎᒃ ᓴᖅᑭᑕᐅᕋᑖᕐᓯᒪᔪᓂᒃ ᐃᓄᒃᑐᑦ ᐃᓕᓴᐃᓂᕐᒧᑦ ᖃᓄᖅᑑᕆᐊᕈᑎᒃ ᑮᓇᐅᔭᑦ. ᐃᓄᒃᑐᑦ ᐃᓕᓴᐃᓂᕐᒧᑦ ᖃᓄᖅᑑᕆᐊᕈᑎᑦ ᑮᓇᐅᔭᑦ ᓴᖅᑭᑕᐅᓯᒪᕗᑦ ᐱᑕᖃᖁᓪᓗᒍ ᐊᒻᒪ ᐱᕕᒃᓴᖃᕈᓐᓇᖁᓪᓗᒋᑦ ᐃᓄᐃᑦ ᐱᕙᓪᓕᐊᖁᓪᓗᒋᑦ ᐃᓄᐃᑦ ᐅᖃᓪᓚᒍᓯᖏᑦ ᐊᒻᒪ ᐃᓕᖅᑯᓯᖏᓐᓂᒃ ᐃᓕᓴᓂᕐᒧᑦ ᓄᓇᕗᑦ ᐃᓕᓐᓂᐊᕐᑐᓕᕆᔾᔪᓯᖏᓐᓂ.
ᑮᓇᐅᔭᑦ ᐅᑯᓇᖔᖅᑐᑦ ᐃᓄᒃᑐᑦ ᐃᓕᓴᐃᓂᕐᒧᑦ ᖃᓄᖅᑑᕆᐊᕈᑎᒃ ᑮᓇᐅᔭᑦ ᐊᑑᑎᖃᖅᑎᑕᐅᔪᓐᓇᕐᐳᑦ ᐅᑯᓄᖓ:
- ᖃᐅᔨᓴᕐᕈᑕᐅᓗᑎᒃ ᖃᓄᕐᑑᕈᓐᓇᕈᑕᐅᔪᓂᒃ, ᐃᓕᓴᐃᒍᓯᓂᒃ, ᐃᓕᓐᓂᐊᕈᑎᓕᐅᕈᑎᓂᒃ ᐊᒻᒪ ᐊᑲᐅᓂᕐᐹᒃᑯᑦ ᐊᑐᖅᑕᐅᓲᓂᒃ ᐃᓕᓴᐃᓂᕐᒧᑦ ᐃᓄᐃᑦ ᐅᖃᓪᓚᒍᓯᖏᓐᓂᒃ ᐊᒻᒪ ᐃᓕᖅᑯᓯᖏᓐᓂᒃ; ᐊᒻᒪᓗ
- ᓴᖅᑮᓂᕐᒥᒃ ᐱᒻᒪᕆᐅᔪᓂᒃ ᐃᖅᑲᓇᐃᔭᕐᑎᓂᒃ, ᐃᖅᑲᓇᐃᔮᒥᓄᑦ ᐃᓕᓐᓂᐊᑲᓐᓂᕐᕕᐅᔪᓐᓇᕐᑐᓂᒃ ᐊᒻᒪ ᐱᓕᕆᖃᑎᒌᒍᑕᐅᒍᓐᓇᕋᔭᕐᑐᓂᒃ ᐃᑲᔪᕐᓯᒍᑕᐅᔪᓐᓇᕐᑐᓂᒃ ᐃᓄᖕᓄᑦ ᐃᓕᓴᐃᔨᓄᑦ..
ᐃᓄᒃᑐᑦ ᐃᓕᓴᐃᓂᕐᒧᑦ ᖃᓄᖅᑑᕆᐊᕈᑎᒃ ᑮᓇᐅᔭᑦ ᑮᓇᐅᔭᖃᖅᑎᑕᐅᔪᑦ ᐃᓚᖓᒍᑦ ᒐᕙᒪᑐᖃᒃᑯᓐᓂᑦ ᐱᓕᕆᕕᖓᑦᑎᒍᑦ ᐃᑦᑕᕐᓂᓴᓕᕆᔨᒃᑯᑦ ᐊᒻᒪ ᐃᓚᖓᒍᑦ ᑐᙵᕕᒃᑯᑦ ᖃᓄᖅᑑᕋᓱᐊᕈᑎᒋᓯᒪᔭᖏᑦᑎᒍᑦ ᐃᓄᒃᑐᑦ ᐃᓕᓴᐃᓂᕐᒧᑦ.
ᑐᑭᓯᒋᐊᒃᑲᓐᓂᕈᓐᓇᕐᐳᑎᑦ, ᐱᓕᕆᔾᔪᑎᓄᑦ ᖃᐅᔨᒪᒍᑦ, ᐊᒻᒪ ᑐᒃᓯᕋᕈᑎᑦ ᑕᑕᑎᕋᒃᓴᑦ ᐊᑐᐃᓐᓇᐅᕗᑦ ᐅᕙᙵᑦ: ᐃᓄᒃᑐᑦ ᐃᓕᓴᐃᓂᕐᒧᑦ ᖃᓄᖅᑑᕆᐊᕈᑎᑦ ᑮᓇᐅᔭᑦ
ᑐᑭᓯᒋᐊᒃᑲᓂᕐᕕᒃᓴᖅ:
ᐲᑕ ᑏᕆᒃ ᐅᑦᑐᕿ
ᐃᓄᒃᑐᑦ ᐃᓕᓐᓂᐊᓂᕐᒧᑦ ᐊᐅᓚᑦᓯᔨ
ᓄᓇᕗᑦ ᑐᙵᕕᒃ ᑎᒥᖓ
ᐅᖄᓚᐅᑖ: (867) 975-7582/ᐊᑭᖃᙱᑦᑐᖅ: 1-888-646-0006
