(ᔮᓄᐊᕆ 26, 2022 – ᐃᖃᓗᐃᑦ, ᓄᓇᕗᑦ) ᓄᓇᕗᑦ ᑐᙵᕕᒃ ᑎᒥᖓ (ᑐᙵᕕᒃᑯ) ᖁᕕᐊᒃᓱᒃᖢᑎᒃ ᓴᕿᑎᑦᓯᕗᑦ ᓄᕙᒡᔪᐊᕐᓇᖅ-19 ᑲᐱᔭᐅᓯᒪᔪᓄᑦ ᓯᑭᑑᒥᒃ ᐊᒧᔭᒃᓴᓄᑦ ᐃᓕᔭᐅᓂᐊᕐᒪᑕ. ᐃᓄᐃᑦ ᓄᓇᕗᑦᒥ ᑲᐱᔭᐅᓯᒪᔪᑦ ᐃᓕᔭᐅᓂᐊᕐᑐᑦ ᓵᓚᒃᓴᐅᓯᐊᖑᔪᒫᕐᑐᓂᑦ ᐊᑕᐅᓯᕐᒥ ᑖᑉᑯᓇᖓ 25 ᖑᔪᓂᒃ ᓯᑭᑑᓂᒃ ᐊᒧᔭᐅᔪᒫᕐᑐᑦ ᐊᐃᐳᓪ 25, 2022 ᖑᓕᕐᐸᑦ.
“ᖁᔭᓕᕗᖓ ᐃᓄᐃᑦ ᑲᐱᔭᐅᓚᐅᕐᑐᓄᑦ ᐱᔾᔪᑎᖃᕐᑐᒧᑦ ᓄᕙᒡᔪᐊᕐᓇᖅ-19 ᒧᑦ. ᖁᕕᐊᓱᒃᖢᑕ ᓴᕿᑎᑦᓯᕗᒍᑦ ᐊᒧᔭᒃᓴᐅᔪᒫᕐᑐᓄᑦ ᑲᐱᔭᐅᓯᒪᔪᓄᑦ ᐊᒻᒪᓗ ᐃᓄᖕᓂ ᐅᓗᕆᐊᓇᕐᓂᖓᓂ ᐃᓕᑕᕆᓯᒪᔪᓂᒃ. ᑲᐱᔭᐅᓯᒪᖏᓂᕈᕕᑦ ᓄᕙᒡᔪᐊᕐᓇᖅ-19 ᒧᑦ, ᐅᖃᐅᑎᑦᓯᐊᕐᐸᑉᓯ ᐃᑲᔪᕐᑐᐃᓂᒃᑯᑦ ᐊᑎᓕᐅᖃᑕᐅᖁᔨᑉᓗᑕ ᑲᐱᔭᐅᓂᕐᒧᑦ ᑕᐃᑯᓇ ᐋᓐᓂᐊᕐᕕᒃᑎᒍᑦ ᐃᓕᔭᐅᓗᓂ ᐊᑎᓕᐅᕐᓯᒪᔭᖕᓂ”, ᐅᖃᖅᑐᖅ ᑐᙵᕕᒃᑯᑦ ᐊᖓᔪᖅᑳᖓᑦ ᐊᓗᑭ ᑰᑦᑎᖅ.
ᐃᓄᐃᑦ ᓄᓇᕗᒻᒥᐅᑕᑦ, ᐊᑎᓕᐅᕐᓯᒪᔪᑦ ᑕᑉᕘᓇ ᓄᓇᕗᑦ ᐊᖏᕈᑎᖓᒍᑦ, ᐅᑭᐅᖃᕐᑐᓂᒃ ᑕᓕᒪᓂᒃ ᐅᖓᑖᓄᓪᓗ ᐊᑎᓕᐅᕐᑕᐅᑕᕐᓂᐊᕐᑐᑦ ᐊᒧᔭᒃᓴᐅᓂᐊᕐᑐᓄᑦ. ᑭᑐᑐᐃᓐᓇᐃ ᐊᑎᓕᐅᕐᓯᒪᔪᑦ ᓴᕿᑎᑦᓯᒋᐊᖃᕐᑐᒃ ᓇᓗᓇᐃᒃᑯᑕᒥ ᑲᐱᔭᐅᓂᕆᔭᖓᓄᑦ ᐊᐃᐳᓪ 29, 2022 ᖑᓚᐅᖄᕐᑎᓐᓇᒍ. ᐃᓐᓇᐃᑦ ᐊᒻᒪ ᓄᑕᖃᑦ ᑲᐱᔭᐅᓯᒪᔪᑦ ᐆᒥᖓ ᑲᐴᑎᒥᒃ ᐊᑐᖃᕐᑐᒥ Moderna ᐅᑉᕙᓘᓃᑦ Pfizer, ᓴᕿᑎᑦᓯᒋᐊᖃᕐᑐᑦ ᒪᕈᐃᓕᖓᔪᓂᒃ ᑲᐱᔭᐅᓂᒃᑯᓂᒃ ᐊᒻᒪ ᐃᓐᓇᐃᑦ ᑲᐱᔭᐅᓚᐅᕐᑐᒃ ᐅᑯᓂᖓ Johnson & Johnson’s ᑲᐴᑎᖏᓐᓂᒃ ᑕᑯᑎᑦᓯᒋᐊᖃᕐᑐᑦ ᐊᑕᐅᓯᐅᓕᖓᔪᒥᒃ ᑲᐱᔭᐅᓂᒃᑯᒥᒃ.
ᐊᑕᐅᓯᕐᒥᒃ ᓯᑭᑑᒥᒃ ᐊᒧᓯᓂᐊᕐᑐᑦ ᓄᓇᓕᖕᓂ ᐊᑕᐅᓯᐅᑦᔪᒥᒃ ᐊᒻᒪᓗ ᒪᕉᓂᒃ ᑮᓇᐅᔭᓂ $5,000 ᓵᓚᒃᓴᐅᓯᐅᖃᕐᓗᓂᓗ ᐊᑕᐅᓯᕐᒧᑦ ᐃᓄᖕᒧᑦ ᓄᓇᖃᕐᑐᓂᒃ ᓄᓇᕗᑦ ᓯᓚᑖᓂ .
ᓯᑭᑑ ᓵᓚᒃᓴᐅᓯᐊᖑᔪᒫᕐᑐᑦ ᓄᓇᓕᓗᒃᑖᓄᑦ ᐊᒡᔭᕐᑕᐅᕌᓂᒃᑐᑦ.
. ᑕᑕᑎᒐᒃᓴᑦ ᐊᑎᓕᐅᕐᓂᕐᒧᑦ ᑐᓂᔭᐅᔪᓐᓇᕐᑐᑦ ᓄᓇᓕᖕᓂ ᐃᑦᖃᓇᐃᔭᕐᑎᖏᓐᓄᑦ ᐅᑉᕙᓘᓃᑦ ᖃᕆᑕᐅᔭᕐᑎᒍᑦ ᓄᓇᕗᑦ ᑐᙵᕕᒃ ᑎᒥᖓᑕ ᑎᑎᖃᖏᑎᒍᑦ.
ᑕᒪᓐᓇ ᑲᐱᔭᐅᓂᖅ ᓄᕙᒡᔪᐊᕐᓇᖅ-19 ᒧᖅ ᐱᐅᓂᕐᐹᖑᒻᒪᑦ ᐋᓐᓂᐊᕐᑕᐅᓕᓕᓂᕐᒧᓗ ᐊᒻᒪᓗ ᑐᓂᓯᓂᕐᒥᒃ ᓄᕙᒡᔪᐊᕐᓇᖅ-19. ᑐᑭᓯᒃᑲᓂᕈᒪᒍᕕᑦ ᓄᕙᒡᔪᐊᕐᓇᖅ-19 ᒥᒃ, ᑲᐴᑎᒋᔭᐅᔪᓄᓪᓗ ᐅᑯᓄᖓ Modena ᐊᒻᒪ Pfizer, ᐅᑉᕙᓘᓃᑦ ᐊᑎᓕᐅᕈᒪᓂᕈᕕᑦ ᑲᐱᔭᐅᓂᕐᒧᑦ, ᖃᐅᔨᒋᐊᕈᓐᓇᕐᑐᑎᒃ ᐋᓐᓂᐊᕐᕕᖕᓄᑦ.
ᑐᑭᓯᒃᑲᓂᕈᒪᒍᕕᑦ:
ᐊᔅᑐ ᐸᐅᕗᓪ
ᐋᓐᓂᐊᕐᑐᓕᕆᔨ – ᓄᕙᒡᔪᐊᕐᓇᖅ-19
ᓄᓇᕗᑦ ᑐᙵᕕᒃ ᑎᒥᖓ.
ᐅᖃᓘᑎᖓ: 867-645-5400
ᐊᑭᖃᖏᑐᖅ: 1-888-236-5400
ᑐᓈᓛᖅ ᐋᑕᒻᔅ
ᐊᑎᓕᕆᓂᕐᒧᑦ ᑎᑎᕋᕐᑎᐅ ᑐᒡᓕᖓ
ᓄᓇᕗᑦ ᑐᙵᕕᒃ ᑎᒥᖓ
867-645-5400
ᐊᑭᖃᖏᑐᖅ: 1-888-236-5400
