(ᐄᐳᕈ 4, 2022 – ᐃᖃᓗᐃᑦ, ᓄᓇᕗᑦ) ᓄᓇᕗᑦ ᑐᙵᕕᒃ ᑎᒥᖓᑕ ᐊᖓᔪᖅᑳᖓ ᐊᓗᑭ ᑰᑦᑎᖅ ᐅᓪᓗᒥ ᑐᓴᖅᑎᑎᖃᐅᕗᖅ ᔫᓯ ᐊᒪᐅᔭᖅ ᑯᓱᒐᖅ ᐃᖅᑲᐅᒪᔭᐅᓂᖓᓄᑦ ᐃᓕᓐᓂᐊᑐᖅᑐᒧᑦ ᐃᑲᔫᑎᑦ ᑐᒃᓯᕋᕈᑏᑦ ᒪᑐᐃᕐᒪᑦ.
ᐱᓇᓱᐊᕐᕕᔅᓴᐅᔪᖅ ᐄᐳᕈ 4, 2022−ᒥᑦ ᔪᓚᐃ 9−ᒧᑦ, 2022. ᐱᓇᓱᐊᖅᑐᑦ ᑎᑎᕋᕆᐊᓖᑦ 500−ᓂᑦ ᐅᖃᐅᓯᓕᒻᒥᒃ ᐱᔾᔪᑎᓕᒻᒥᒃ ᓇᓗᓇᐃᔭᕐᓯᒪᑦᑎᐊᕐᓗᒍ ᖃᓄᖅ ᐱᓇᓱᐊᖅᑐᖅ ᐊᑐᕋᔭᕐᒪᖔᖅ ᐃᓕᓐᓂᐊᕈᑎᒥᓂᒃ ᐊᑐᖅᑎᑦᑎᒋᐊᒃᑲᓂᕐᓗᓂ ᐃᓄᐃᑦ ᐱᔪᓐᓇᐅᑎᖏᓐᓂᒃ, ᑭᒃᑰᔾᔪᓯᖏᓐᓂᒃ, ᐅᖃᐅᓯᖓᓐᓂᒃ ᐃᓕᖅᑯᓯᖓᓐᓂᓪᓗ.
ᔫᓯ ᐊᒪᐅᔭᖅ ᑯᓱᒐᖅ ᑐᓂᓯᒪᓪᓚᕆᓚᐅᕐᓯᒪᒻᒪᒍ ᐃᓅᓯᓂ ᓄᓇᕗᒻᒧᑦ ᐊᒻᒪᓗ ᐱᕙᓪᓕᐊᑎᑦᑎᓂᕐᒧᑦ ᐃᓄᐃᑦ ᐱᔪᓐᓇᐅᑎᖏᓐᓂᒃ. ᐱᔪᒪᓂᖓ ᑐᓂᓯᒪᓂᖓᓗ ᐃᓕᓐᓂᐊᕐᓂᓕᕆᓂᕐᒧᑦ ᐊᒻᒪᓗ ᐊᑐᖅᑎᑦᑎᒋᐊᒃᑲᓂᕐᓂᕐᒧᑦ ᓴᙱᒃᑎᒋᐊᖅᑎᑦᑎᓂᕐᒧᓪᓗ ᐃᓄᐃᑦ ᐅᖃᐅᓯᖓᓐᓂᒃ ᐃᓄᓐᓄᑦ ᐊᒥᓱᓄᑦ ᓯᕗᒧᐊᒍᑕᐅᒋᐊᒃᑲᓂᕐᓯᒪᔪᖅ.
ᑐᙵᕕᒃᑯᑦ ᖃᐅᔨᒪᔨᒋᔭᐅᕗᑦ ᔫᓯᐅᑉ ᐱᔪᒐᕐᓴᐃᖃᑦᑕᕐᓯᒪᓂᖓ ᐃᓄᓐᓄᑦ ᑲᔪᓯᑎᑕᐅᕙᓪᓕᐊᖏᓐᓇᖁᓪᓗᒍ ᐃᑲᔫᓯᐊᖅᑖᑎᑦᑎᕙᑦᑐᑎᒃ ᒪᕐᕉᒃ $5,000ᓂᑦ ᐃᓕᓐᓂᐊᕈᓯᐊᓐᓂᒃ ᐃᓕᓐᓂᐊᖅᑎᓄᑦ ᓯᓚᑦᑐᓴᕐᕕᒻᒥ ᐃᓕᓐᓂᐊᖅᑕᐅᕙᑦᑐᓂᑦ ᑕᒪᒃᑯᓂᖓ ᐃᓕᓐᓂᐊᕐᓂᓕᕆᓂᕐᒥᒃ, ᐃᓄᐃᑦ ᐅᖃᐅᓯᓕᕆᓂᕐᒥᒃ, ᐅᕝᕙᓘᓐᓃᑦ ᐱᕙᓪᓕᐊᑎᑦᑎᓂᕐᒥᒃ ᐃᓄᐃᑦ ᐱᔪᓐᓇᐅᑎᖏᓐᓂᒃ.
ᑐᑭᓯᑲᓐᓂᕈᑎᒃᓴᑦ ᐊᒻᒪᓗ ᑐᒃᓯᕋᕈᑎᐅᕈᑎᑦᓴᑦ ᑕᑕᑎᕋᒃᓴᑦ ᐊᑐᐃᓐᓇᐅᕗᑦ ᓄᓇᕗᑦ ᑐᙵᕕᒃ ᑎᒥᖓᑕ ᖃᕆᑕᐅᔭᒃᑯᑦ ᑐᕌᕈᑎᖓᓂᒃ ᐱᔭᒃᓴᐅᕗᑦ ᒫᓂ: ᔫᓯ ᐊᒪᐅᔭᖅ ᑯᓱᒐᖅ ᐃᓕᓐᓂᐊᖅᑐᓄᑦ ᑐᓂᕐᕈᑕᐅᒃᑐᑦ ᑮᓇᐅᔭᐃᑦ – Nunavut Tunngavik Inc.
-30-
ᑐᑭᓯᒋᐊᒃᑲᓂᕐᕕᒃᓴᖅ:
ᒪᓚᐃᔭ ᒥᑭᔾᔪᒃ
ᑐᑭᒧᐊᒃᑎᑦᑎᔨ ᑐᓴᐅᒪᔾᔪᑎᓕᕆᔨᒃᑯᓐᓂ
ᓄᓇᕗᑦ ᑐᙵᕕᒃ ᑎᒥᖓ
ᐅᖄᓚᐅᑖ: (867) 975-4900/ᐊᑭᖃᙱᑦᑐᖅ: 1-888-646-0006
