(ᒪᐃ 4, 2022 – ᐃᖃᓗᐃᑦ, ᓄᓇᕗᑦ) ᑐᕌᒐᐅᓗᓂ ᐅᓄᖅᓯᕙᓪᓕᐊᖁᓪᓗᒋᑦ ᐃᓄᐃᑦ ᐃᖢᐊᖅᓴᐃᔩᑦ, ᓄᓇᕗᑦ ᒐᕙᒪᒃᑯᑦ ᐊᒻᒪᓗ ᓄᓇᕗᑦ ᑐᙵᕕᒃ ᑎᒥᖓ (ᑐᙵᕕᒃ) ᐱᓇᓱᐊᖃᑎᖃᕐᓗᑎᒃ ᐋᑐᕚ ᐃᓕᓐᓂᐊᕕᔾᔪᐊᖓᓂᒃ ᐃᖢᐊᖅᓴᐃᔨᑦᓴᓄᑦ ᐃᓕᓐᓂᐊᕐᕕᖓᓂ ᓴᓂᕐᕙᐃᓯᒪᔪᑦ ᐃᑦᓯᕙᐅᖅᑕᑦᓴᓂᒃ ᐊᒻᒪᓗ ᑐᓂᔭᒃᓴᓂᒃ ᑐᕌᒐᖃᖅᑐᑎᒃ ᐃᑲᔫᑎᒃᓴᓂᒃ ᐃᓕᓐᓂᐊᖅᑎᓄᑦ.
ᓄᓇᕗᑦ ᒐᕙᒪᒃᑯᓐᓂ ᐋᓐᓂᐊᖃᕐᓇᖏᑦᑐᓕᕆᔨᒃᑯᑦ, ᓴᓂᕐᕙᐃᓯᒪᔪᑦ ᒪᕐᕉᓐᓂᒃ ᐃᑦᓯᕙᐅᑖᓐᓂᒃ ᐱᒋᐊᕐᓗᓂ ᓯᑉᑎᒻᐱᕆ 2023. ᑐᑦᓯᕋᐅᓯᐅᕈᓐᓇᖅᑐᑦ ᑕᕝᕗᖓ ᐊᐅᓚᓂᐅᔪᒧᑦ ᑐᑦᓯᕋᐅᓯᐅᕈᓐᓇᖅᑐᑦ ᐃᑲᔫᑎᒃᓴᖓᓂᒃ ᓄᓇᕗᑦ ᒐᕙᒪᒃᑯᑦ ᐃᑲᔫᑕᐅᓂᐊᖅᑐᒥᒃ ᐃᖏᕐᕋᔾᔪᑎᓄᑦ ᐊᒻᒪᓗ ᐊᑐᖅᑕᐅᒋᐊᓕᓐᓄᑦ ᐊᑭᓕᐅᑎᒃᓴᓂᒃ.
ᓄᓇᕗᒻᒥ ᐃᓄᐃᑦ ᐱᓇᓱᐊᕈᓐᓇᖅᑐᑦ ᐱᕚᓪᓕᕈᑎᒃᓴᒥᒃ ᐊᑐᕆᐊᓕᖕᓄᑦ ᐃᑲᔫᑎᓂᒃ, ᓲᕐᓗ ᑎᒍᓯᔾᔪᑎᒃᓴᒥᒃ ᐃᓯᕈᑎᓂᒃ, ᑐᙵᕕᒃᑯᑎᒍᑦ ᐊᒻᒪᓗ ᒪᑭᒋᐊᖅᑕ ᐃᓄᐃᑦ ᐱᓕᒻᒪᓴᕐᓂᕐᒧᑦ ᑯᐊᐳᕇᓴᒃᑯᑦ ᖁᕝᕙᕆᐊᕐᓂᕐᒧᑦ ᐃᑲᔫᑎᓂᒃ. ᐃᓯᕈᑎᑦᓴᓂᒍᑎᒃ, ᓄᓇᕗᒻᒥ ᐃᓄᐃᑦ ᑐᑦᓯᕋᖅᓯᒪᔪᑦ ᑐᑦᓯᕋᒃᑲᓐᓂᕈᓐᓇᖃᑦᑕᓂᐊᖅᑐᑦ ᐃᑲᔫᑎᓂᒃ ᐃᓕᓐᓂᐊᕐᓂᕐᒧᑦ, ᓲᕐᓗ ᐃᓕᓐᓂᐊᓂᕐᒧᑦ ᐃᑲᔪᖅᑕᐅᔾᔪᑏᑦ ᑮᓇᐅᔭᑎᒍᑦ, ᓄᑕᖅᑲᑦ ᐸᖅᑭᔭᐅᔾᔪᑎᖏᓐᓄᑦ ᐃᑲᔫᑏᑦ ᐊᒻᒪᓗ ᐃᓕᓐᓂᐊᖅᑎᑕᐅᒃᑲᓐᓂᕈᑎᓂᒃ.
ᑐᑦᓯᕋᐅᑏᑦ ᐋᑐᕚ ᐃᓕᓐᓂᐊᕕᔾᔪᐊᖓᓄᑦ ᐱᓯᒪᔭᐅᒋᐊᓖᑦ ᐆᑦᑑᑉᐱᕆ 1, 2022. ᐱᓇᓱᐊᕈᒪᔪᑦ ᑐᑦᓯᕋᓵᓕᖁᔭᐅᕗᑦ. ᐃᓕᓐᓂᐊᕌᓂᑦᑐᑦ ᓄᓇᕗᒻᒥ ᓯᓚᑦᑐᓴᕐᕕᒻᒥ ᐃᓕᓴᕆᔭᐅᔾᔪᑎᒧᑦ ᖃᐅᔨᓴᕐᓂᕐᔪᐊᒧᑦ ᐅᑭᐅᖅᑕᖅᑐᒥ ᐋᓐᓂᐊᓯᐅᖅᑎᑦᓴᐅᓂᕐᒧᑦ ᐱᓇᓱᐊᕈᓐᓇᖅᑐᑦ. ᑕᑯᒋᐊᕐᓗᒍ ᐅᕙᓃᑦᑐᖅ ᑐᑭᓯᒋᐊᒃᑲᓂᕐᕕᑦᓴᖅ https://med.uottawa.ca/undergraduate/admissions.
ᐅᖃᐅᓯᐅᓯᒪᔪᑦ
“ᖁᕕᐊᓱᑦᑐᖓ ᑕᑯᒋᐊᑦᓴᖅ ᑲᑐᔾᔨᓂᒃᑯᑦ ᓯᕗᒧᐊᒃᐸᓪᓕᐊᒍᑎᓂᒃ. ᐃᑲᔪᖅᑕᐅᓂᒃᑯᑦ ᑐᙵᕕᒃᑯᓐᓂᒃ ᐊᒻᒪᓗ ᐋᑐᕚ ᐃᓕᓐᓂᐊᕕᔾᔪᐊᖓᓂᒃ, ᑲᔪᓯᑎᒐᓱᐊᖅᑕᕗᑦ ᓄᓇᕗᑦ ᒐᕙᒪᒃᑯᑦ ᑐᕌᒐᖓ ᐃᓕᓐᓂᐊᑎᑦᓯᓂᕐᒧᑦ ᐃᖅᑲᓇᐃᔭᖅᑎᑖᕐᓂᒧᓪᓗ ᐅᓄᕐᓂᖅᓴᓂᒃ ᐃᓄᓐᓂᒃ ᐃᖢᐊᖅᓴᐃᔨᒻᒪᕆᓐᓂᒃ. ᑲᑐᔾᔨᓂᒃᑯᑦ, ᓄᓇᕗᒻᒥᐅᓂᒃ ᐱᕕᒃᓴᖃᖅᑎᑦᓯᓂᐊᖅᑐᒍᑦ ᐊᔪᙱᑐᕐᔪᐊᓂᒃ ᐃᖅᑲᓇᐃᔭᖅᑎᖃᕐᓂᕐᒥᒃ ᐊᒻᒪᓗ ᐊᑐᐃᓐᓇᖃᒃᑲᓐᓂᕈᑎᒃᓴᓂᒃ ᐃᓕᖅᑯᓯᕐᒥᒃ ᑐᓴᐅᒪᓗᑎᒃ ᐃᖢᐊᖅᓴᐃᔨᖃᕐᓂᕐᒥᒃ,” ᐅᖃᓚᐅᖅᑐᖅ ᐋᓐᓂᐊᖃᕐᓇᖏᑦᑐᓕᕆᔨᒃᑯᑦ ᒥᓂᔅᑕᖓ ᔮᓐ ᒪᐃ.
“ᐊᕐᕌᒎᓂᐊᖅᑐᓂ ᐊᒥᓲᖏᑦᑐᓂ, ᐊᒥᓱᒐᓚᓐᓂᒃ ᐃᓕᓐᓂᐊᓂᕐᓂᒃ ᓄᓇᕗᒻᒥ ᐃᓄᓐᓄᑦ ᐱᒋᐊᖁᔨᓂᐊᖅᑐᒍᑦ ᐃᓕᓐᓂᐊᓂᕐᒥᒃ ᓘᑦᑖᖑᓂᕐᒥᒃ. ᐃᓕᓐᓂᐊᕈᑏᑦ ᐃᖅᑲᓇᐃᔮᓪᓗ ᐃᓄᓐᓄᑦ ᐃᓗᐊᖅᓴᐃᔨᒻᒪᕆᐅᓂᕐᒥᒃ ᐊᔪᙱᑐᕐᔪᐊᓂᒃ ᐱᑕᖃᕆᖃᕐᒪᑦ ᐊᑐᐃᓐᓇᐅᓗᓂ, ᐊᑦᑕᓇᖏᑐᒃᑯᑦ, ᐱᐅᓂᖅᐹᒃᑯᑦ ᐃᓄᒃᑐᑦ ᐃᖢᐊᖅᓴᔨᑕᖃᖁᓪᓗᒍ ᓄᓇᕗᒻᒥ,” ᐅᖃᖅᑐᖅ ᐊᓗᑭ ᑰᑦᑎᖅ, ᑐᙵᕕᒃᑯᑦ ᐊᖓᔪᖅᑳᖓ ᐊᒻᒪᓗ ᐃᒃᓯᕙᐅᑕᖅ ᒪᑭᒋᐊᖅᑕ ᐃᓄᐃᑦ ᐱᓕᒻᒪᓴᕐᓂᕐᒧᑦ ᑯᐊᐳᕇᓴᒃᑯᓐᓂ.
ᑐᑭᓯᒋᐊᒃᑲᓂᖅᑎᑦᓯᓂᐅᓂᐊᖅᑐᖅ
ᑐᑭᓯᒋᐊᒃᑲᓂᕐᓂᐅᓂᐊᖅᑐᖅ ᐋᑐᕚ ᐃᓕᓐᓂᐊᕕᔾᔪᐊᖓᓂ ᐃᖢᐊᖅᓴᐃᔨᐅᓂᕐᒧᑦ ᐃᓕᓐᓂᐊᕕᖕᒥᒃ, ᐃᓯᕈᓐᓇᖁᑎᓂᒃ ᐊᒻᒪᓗ ᑮᓇᐅᔭᑎᒍᑦ ᐃᑲᔫᑎᓂᒃ ᐊᑐᐃᓐᓇᐅᔪᓂᒃ ᓄᓇᕗᑦ ᒐᕙᒪᒃᑯᖏᓐᓂᒃ ᐊᒻᒪᓗ ᓄᓇᕗᑦ ᑐᙵᕕᒃ ᑎᒥᖓᓂᒃ, ᐃᓚᒋᔭᐅᔪᓐᓇᓂᐊᖅᑐᑎᑦ ᖃᕆᓴᐅᔭᒃᑯᑦ Zoom ᑐᑭᓯᒋᐊᖅᑎᑦᓯᑎᓪᓗᒋᑦ:
ᒪᐃ 26, 2022 ᖃᐅᔨᓴᐅᑦ 12-ᒥᒃ 1-ᒧᑦ ᑲᓇᓐᓇᕐᒥ
ᖃᕆᓴᐅᔭᒃᑯᑦ Zoom ᑲᓱᕈᑎᖓ
https://us02web.zoom.us/j/88146155803?pwd=bzNuVzZzYTl6UEk3RDlPVEtrcUpaQT09
ᑲᑎᒪᓂᐅᑉ ᓇᓗᓇᐃᒃᑯᑕᖓ: 881 4615 5803
ᐃᓯᕈᑎᖓ: 257701
ᑐᑭᓯᒋᐊᒃᑲᓂᕐᕕᒃᓴᖅ:
ᑯᕆᔅ ᐴᒡᓕᐊ
ᐊᐅᓚᑦᓯᔨ ᑐᓴᐅᒪᔾᔪᑎᓕᕆᓂᕐᒧᑦ
ᐋᓐᓂᐊᖃᕐᓇᖏᑦᑐᓕᕆᔨᒃᑯᑦ ᐱᓕᕆᕝᕕᐊ
867-975-5949
ᒪᓚᐃᔭ ᒥᑭᔾᔪᒃ
ᑐᓴᐅᒪᔾᔪᑎᓕᕆᔨᒃᑯᓐᓂ ᑐᑭᒧᐊᒃᑎᑦᑎᔨᒧᑦ ᐃᓕᓐᓂᐊᖅᑐᖅ
ᓄᓇᕗᑦ ᑐᙵᕕᒃ ᑎᒥᖓ
ᐅᖄᓚᐅᑖ: (867) 975-4900/ᐊᑭᖃᙱᑦᑐᖅ: 1-888-646-0006
ᐱᓕᕆᐊᖑᓯᒪᓂᖓ
ᐃᓄᐃᑦ ᐃᖅᑲᓇᐃᔭᖅᑐᑦ ᐃᓗᐊᖅᓴᐃᔨᒻᒪᕆᐅᓂᕐᒥᒃ ᐃᓕᓐᓂᐊᖅᓯᒪᔪᓂᒃ ᐊᓯᔾᔨᓚᐅᖅᓯᒪᙱᑦᑐᖅ ᐊᕐᕌᒍᓂ ᐊᕙᑎᓂ ᖄᖏᖅᑐᓂ.
|
ᐱᓕᕆᕝᕕᒃ |
ᐅᓪᓗᖅ |
ᐊᔪᙱᑐᕐᔪᐊᓄᑦ ᐃᓕᓐᓂᐊᖅᓯᒪᔪᓄᑦ ᐃᓃᑦ ᐃᓐᓄᑦᓯᒪᔪᑦ/ᑲᑎᓪᓗᒋᑦ | ᐃᓄᐃᑦ ᐊᔪᙱᑐᕐᔪᐊᑦ ᖃᑦᓯᐅᓂᖏᑦ ᐃᖅᑲᓇᐃᔭᖅᑐᑦ %−ᖓᒍᑦ ᐃᓐᓄᑦᓯᒪᔪᑦ | ||||
| ᐋᓐᓂᐊᖃᕐᓇᖏᑦᑐᓕᕆᔨᒃᑯᑦ ᐃᓄᓕᕆᔨᒃᑯᓪᓗ | March 2001 | 133 / 184 | 15 | 11% | |||
| ᐋᓐᓂᐊᖃᕐᓇᖏᑦᑐᓕᕆᔨᒃᑯᑦ ᐃᓄᓕᕆᔨᒃᑯᓪᓗ | March 2004 | 190 / 226 | 20 | 11% | |||
| ᐋᓐᓂᐊᖃᕐᓇᖏᑦᑐᓕᕆᔨᒃᑯᑦ ᐃᓄᓕᕆᔨᒃᑯᓪᓗ | March 2007 | 201 / 349 | 35 | 17% | |||
| ᐋᓐᓂᐊᖃᕐᓇᖏᑦᑐᓕᕆᔨᒃᑯᑦ ᐃᓄᓕᕆᔨᒃᑯᓪᓗ | March 2010 | 195 / 332 | 25 | 13% | |||
| ᐋᓐᓂᐊᖃᕐᓇᖏᑦᑐᓕᕆᔨᒃᑯᑦ ᐃᓄᓕᕆᔨᒃᑯᓪᓗ | March 2013 | 203 / 353 | 23 | 11% | |||
| ᐃᓄᓕᕆᔨᒃᑯᑦ ᐱᓕᕆᕝᕕᐊ ᑕᕝᕙᓃᖏᑦᑐᖅ ᐋᓐᓂᐊᖅᑐᓕᕆᔨᒃᑯᑦ ᐱᓕᕆᕝᕕᐊᓂ | |||||||
| ᐋᓐᓂᐊᖃᕐᓇᖏᑦᑐᓕᕆᔨᒃᑯᑦ | March 2016 | 139 / 312 | 08 | 6% | |||
| ᐋᓐᓂᐊᖃᕐᓇᖏᑦᑐᓕᕆᔨᒃᑯᑦ | March 2017 | 168 / 335 | 11 | 7% | |||
| ᐋᓐᓂᐊᖃᕐᓇᖏᑦᑐᓕᕆᔨᒃᑯᑦ | March 2018 | 180 / 349 | 10 | 6% | |||
| ᐋᓐᓂᐊᖃᕐᓇᖏᑦᑐᓕᕆᔨᒃᑯᑦ | March 2019 | 175 / 362 | 15 | 9% | |||
| ᐋᓐᓂᐊᖃᕐᓇᖏᑦᑐᓕᕆᔨᒃᑯᑦ | March 2020 | 189 / 382 | 18 | 10% | |||
| ᐋᓐᓂᐊᖃᕐᓇᖏᑦᑐᓕᕆᔨᒃᑯᑦ | March 2021 | 186 / 391 | 17 | 9% | |||
ᓇᑭᙶᖅᓯᒪᓂᖓ: ᓄᓇᕗᑦ ᒐᕙᒪᒃᑯᑦ ᐃᖅᑲᓇᐃᔭᖅᑐᓕᕆᔨᒃᑯᖏᓐᓂᒃ: ᐃᓄᐃᑦ ᐃᖅᑲᓇᐃᔭᖅᑐᑦ ᑭᒡᓕᓯᐅᖅᑕᐅᓯᒪᔪᑦ
ᓱᓕᔪᒥᒃ ᓴᐃᒻᒪᖃᑎᒌᓐᓂᒥᓪᓗ ᑲᒥᓴᒃᑯᑦ ᑭᖑᓪᓕᐹᖅᓯᐅᑦ ᐅᓂᒃᑳᖓᓂ ᓇᓗᓇᐃᖅᓯᓯᒪᔪᖅ ᐱᖕᒪᕆᐅᓂᖓᓂᒃ ᒪᑭᑉᐸᓪᓕᐊᒍᑎᒃᓴᓂᒃ ᐱᕙᓪᓕᐊᑎᑦᓯᓂᕐᒥᒃ ᐃᖢᐊᖅᓴᐃᔨᒻᒪᕆᓐᓂᒃ ᐃᓕᓐᓂᐊᖅᓯᒪᔪᓂᒃ ᓄᓇᖃᖅᑳᖅᓯᒪᔪᑦ ᐅᑎᖅᑎᑦᓯᒍᓐᓇᓂᐊᕐᒪᑕ ᒪᒥᓴᕐᓂᕐᒥᒃ ᓇᖕᒥᓂᖅ ᐊᒻᒪᓗ ᑲᓱᖅᑎᓪᓗᒍ ᐊᐳᖅᓯᒪᕕᒃ ᐋᓐᓂᐊᖅᑐᓕᕆᓂᕐᒧᑦ ᓴᖅᑭᕈᑕᐅᖃᑦᑕᖅᑐᖅ; ᐊᐅᓚᔾᔭᐃᒋᐊᕈᑦ 23.i.
ᑲᓇᑕᒥ ᖃᐅᔨᓴᕐᓂᖅ ᑭᙳᖅᑕᐅᓯᒪᔪᓂᒃ ᑐᖁᑕᐅᓯᒪᔪᓂᓪᓗ ᓄᓇᖃᖅᑳᖅᓯᒪᔪᓂᒃ ᐊᕐᓇᓂᒃ ᓂᕕᐊᖅᓯᐊᓂᓪᓗ:
- ᖃᐅᔨᒃᑲᐃᔾᔪᑦ ᐋᖅᑭᒋᐊᕆᐊᓕᖕᒥᒃ 7.7, ᖃᐅᔨᒃᑲᐃᕗᒍᑦ ᒐᕙᒪᓕᒫᓂᒃ, ᐃᓕᓐᓂᐊᕐᕖᑦ ᑎᒥᖏᓐᓂᒃ ᐊᒻᒪᓗ ᐃᖢᐊᖅᓴᐃᔨᓂᒃ ᖃᓄᐃᙱᓯᐊᖅᑐᓕᕆᔨᓂᓪᓗ ᑎᒥᐅᔪᓂᒃ ᑲᔪᖏᖅᓴᐅᑎᓂᒃ, ᐃᑲᔫᑎᓂᒃ ᐊᒻᒪᓗ ᐱᔪᓐᓇᕆᐊᓕᖏᓐᓂᒃ ᑮᓇᐅᔭᓂᒃ ᓄᓇᖃᖅᑳᖅᓯᒪᔪᓂᒃ ᐃᓕᓴᐃᓂᕐᒥᒃ ᐃᖅᑲᓇᐃᔮᓂᓪᓗ ᐋᓐᓂᐊᖅᑐᓕᕆᓂᕐᒧᑦ ᖃᓄᐃᙱᓯᐊᖅᑐᓕᕆᓂᕐᒧᓪᓗ;
- ᖃᐅᔨᒃᑲᐃᔾᔪᑦ ᐋᖅᑭᒋᐊᕆᐊᓕᖕᒥᒃ 7.8, ᖃᐅᔨᒃᑲᐃᕗᒍᑦ ᒐᕙᒪᓕᒫᓂᒃ ᐃᖢᐊᖅᓴᐃᔨᓂᓪᓗ ᓴᖅᑮᖁᓪᓗᒋᑦ ᐃᑲᔪᑎᓕᒻᒥᒃ ᐊᒻᒪᓗ ᑮᓇᐅᔭᓕᑕᐅᓯᒪᑦᓯᐊᖅᑐᓂᒃ ᒪᑐᐃᖓᑎᑦᓯᓂᕐᒥᒃ, ᐊᒻᒪᓗ ᐃᑲᔫᑎᓂᒃ ᐃᓅᓯᕐᒥ− ᒪᑭᒪᔾᔪᑎᓄᑦ ᑐᕌᖓᔪᓂᒃ, ᑲᔪᖏᖅᓴᐅᑎᑦᓴᓂᒃ ᓄᓇᖃᖅᑳᖅᓯᒪᔪᑦ ᐱᓕᕆᖁᓪᓗᒋᑦ ᐋᓐᓂᐊᖅᑐᓕᕆᓂᕐᒧᑦ ᖃᓄᐃᙱᓯᐊᕐᓂᒧᓪᓗ ᐱᓇᓱᐊᒐᖃᕐᓂᕐᒥᒃ ᐊᒻᒪᓗ ᓄᓇᒥᓐᓂ. ᐃᓚᒋᔭᐅᔪᑦ ᑕᕝᕗᖓ ᒪᑭᒋᐊᒃᑲᓐᓂᕈᑎᒃᓴᒧᑦ ᐊᐅᓚᔾᔭᐃᒋᐊᕐᓂᕐᒧᑦ ᐃᖅᑲᓇᐃᔭᖅᑎᓴᖅᓯᐅᓂᕐᒥᒃ, ᐃᖅᑲᓇᐃᔭᖅᑎᑖᕐᓂᕐᒥᒃ, ᐃᓕᓴᐃᓂᕐᒥᒃ ᐊᒻᒪᓗ ᓄᖅᑲᑐᐃᓐᓇᑎᑦᓯᑦᑕᐃᓕᓂᕐᒧᑦ ᐊᑯᓂᐅᔪᒧᑦ−ᐃᖅᑲᓇᐃᔭᖅᑎᖃᕐᓂᕐᒥᒃ ᐊᒻᒪᓗ ᓄᓇᖏᓐᓂ ᓄᓇᖃᖅᑳᖅᓯᒪᔪᑦ ᐃᓄᖏᑦ ᐋᓐᓂᐊᖅᑐᓕᕆᓂᕐᒧᑦ ᖃᓄᐃᙱᓯᐊᖅᑐᓕᕆᓂᕐᒧᓪᓗ ᐱᔨᑦᓯᕈᑎᓂᒃ ᒪᑭᒪᑎᑕᐅᔪᓂᒃ ᑕᒪᐃᓐᓂ ᓄᓇᖃᖅᑳᖅᓯᒪᔪᑦ ᓄᓇᓕᖏᓐᓂ; ᐊᒻᒪᓗ
- ᖃᐅᔨᒃᑲᐃᔾᔪᑦ ᐋᖅᑭᒋᐊᕆᐊᓕᖕᒥᒃ 16.8, ᖃᐅᔨᒃᑲᐃᕗᒍᑦ ᒐᕙᒪᓕᒫᓂᒃ ᑮᓇᐅᔭᓖᓯᒪᖁᓪᓗᒋᑦ ᐃᖅᑲᓇᐃᔭᖅᑎᓴᖅᓯᐅᓂᕐᒧᑦ ᐊᒻᒪᓗ ᒪᑭᑉᐸᓪᓕᐊᓂᕐᒧᑦ ᐱᕙᓪᓕᐊᑎᑦᓯᓂᕐᒥᒃ ᐃᓄᓐᓂᒃ ᐃᖢᐊᖅᓴᐅᑎᓄᑦ, ᐋᓐᓂᐊᖅᑐᓕᕆᓂᕐᒧᑦ, ᐊᒻᒪᓗ ᖃᓄᐃᙱᓯᐊᕐᓂᕐᒧᑦ ᐱᔨᑦᓯᕐᕕᐅᕙᑦᑐᓂ. ᐃᓕᓴᐃᓂᖅ ᐊᒻᒪᓗ ᐊᔪᙱᑦᑐᓂᒃ ᑕᒪᒃᑮᓐᓂ ᐅᓪᓗᒥᓯᐅᑎᓂ ᐊᒻᒪᓗ ᐃᓄᓐᓂᒃ ᐃᖢᐊᖅᓴᐃᓂᕐᒥᒃ, ᐋᓐᓂᐊᖅᑐᓕᕆᓂᕐᒥᒃ, ᐊᒻᒪᓗ ᖃᓄᐃᙱᓯᐊᕐᓂᕐᒥᒃ ᐱᓇᓱᐊᕈᓐᓇᖅᓯᖁᓪᓗᒋᑦ ᐊᒻᒪᓗ ᐊᑐᖅᑕᐅᔾᔪᓯᕐᓂᒃ ᐊᑐᕆᐊᓕᖕᓂᒃ ᐃᑲᔫᑎᓕᓐᓂᒃ ᐱᔨᑦᓯᕈᑎᓄᑦ ᑖᒃᑯᓇᓂ ᐱᓇᓱᐊᒐᐅᕙᑦᑐᓂ.
