(ᑏᓰᒻᐱᕆ 13, 2021, ᐃᖃᓗᐃᑦ, ᓄᓇᕗᑦ) ᓄᓇᕗᑦ ᑐᙵᕕᒃ ᑎᒥᖓᓄᑦ (ᑐᙵᕕᒃ) ᓂᕈᐊᖅᑐᓕᕆᔨᒻᒪᕆᒃ, ᓈᓐᓯ ᖃᕆᑕᖅ−ᓕᓐᑎᐅ, ᐅᓪᓗᒥ ᑐᓴᖅᑎᑦᓯᔪᖅ ᓱᖅᑯᐃᖅᑕᐅᓂᖓᓂᒃ ᑐᙵᕕᒃᑯᑦ ᐊᖓᔪᖅᑳᑉ ᑐᒡᓕᐊᓄᑦ ᓂᕈᐊᖅᑕᐅᔪᒥᒃ − ᐹᓪ ᐃᕐᖓᐅᑦ ᓂᕈᐊᖅᑕᐅᔪᖅ ᐊᖓᔪᖅᑳᑉ ᑐᒡᓕᐊᓄᑦ ᑐᙵᕕᒃᑯᓐᓂᒃ 40.2%-ᖏᓐᓄᑦ ᓂᕈᐊᓚᐅᖅᑐᓄᑦ.
ᐹᓪ ᐃᕐᖓᐅᑦ ᐊᖓᔪᖅᑳᑉ ᑐᒡᓕᕆᓂᐊᖅᑕᖓ ᓯᑕᒪᓄᑦ ᐊᕐᕌᒍᓄᑦ ᓂᕈᐊᖅᑕᐅᓯᒪᓗᓂ, ᑏᓰᒻᐱᕆ 2026-ᒧᓄᑦ.
ᐊᖓᔪᖅᑳᑉ ᑐᒡᓕᐊ ᑐᙵᕕᒃᑯᓐᓂ, ᓂᕈᐊᖅᑕᐅᔪᖅ ᓄᓇᕗᓕᒫᒥ ᓂᕈᐊᕐᓂᒃᑯᑦ, ᑐᙵᕕᒃᑯᑦ ᑲᑎᒪᔨᖏᓐᓄᑦ ᑲᑎᒪᔨᓪᓗᐊᑕᐅᖃᑕᐅᓂᐊᖅᑐᖅ ᐊᒻᒪᓗ ᓯᕗᓕᖅᑏᑦ ᑲᑎᒪᔨᕋᓛᖏᓐᓄᑦ, ᐊᒻᒪᓗ ᐱᓇᓱᐊᒐᖃᓪᓗᐊᑕᕐᓂᐊᖅᑐᖅ ᐱᖕᒪᕆᐅᔪᒥᒃ ᑲᔪᓯᑎᑦᓯᓂᕐᒥᒃ ᑐᙵᕕᒃᑯᑦ ᐱᓂᐊᕐᓂᕋᐅᑎᖓᓂᒃ ᓯᕗᒧᐊᒃᑎᑦᑎᓂᕐᒥᒃ ᐃᓄᐃᑦ ᑮᓇᐅᔭᓕᐅᕋᓱᐊᕈᑎᒃᓴᖏᓐᓄᑦ, ᐃᓅᓯᕐᒧᑦ ᐃᓕᖅᑯᓯᒃᑯᓪᓗ ᖃᓄᐃᙱᑦᓯᐊᕈᑎᒃᓴᖏᓐᓂᒃ ᐊᒻᒪᓗ ᓴᐳᔾᔨᓯᒪᓂᕐᒥᒃ ᐃᓄᐃᑦ ᐱᔪᓐᓇᐅᑎᖏᓐᓂᒃ ᐊᑐᓕᖅᑎᑕᐅᓂᖏᑎᒍᑦ ᓄᓇᕗᑦ ᐊᖏᕈᑎᖏᑦ. ᐊᖓᔪᖅᑳᑉ−ᑐᒡᓕᐊ ᐃᑲᔪᖅᓱᖃᑦᑕᓲᖅ ᐊᖓᔪᖅᑳᒥᒃ ᐊᒻᒪᓗ ᐊᐅᓚᑦᓯᖃᑦᑕᖅᓱᓂ ᐱᓕᕆᐊᒃᓴᓂᒃ ᐊᒻᒪᓗ ᑭᖑᕝᕕᐅᑎᓯᒪᖃᑦᑕᕐᓗᓂ ᐊᖓᔪᖅᑳᒧᑦ ᐊᖓᔪᖅᑳᖅ ᑭᖑᕝᕕᖅᑕᐅᓯᒪᔭᕆᐊᖃᕋᐃᒻᒪᑦ, ᐊᐅᓚᑦᓯᖃᑦᑕᕐᓗᓂᓗ ᐊᓯᖏᓐᓂᒃ ᐱᓕᕆᐊᒃᓴᓂᒃ ᑐᙵᕕᒃᑯᑦ ᒪᓕᒐᕋᓛᖏᑎᒍᑦ ᐊᒻᒪᓗ ᑎᓕᓯᓯᒪᔾᔪᑎᖏᓐᓂᒃ ᑐᙵᕕᒃᑯᑦ ᑲᑎᒪᔨᖏᑦ. ᑖᒃᑯᓇᓂ ᐱᓕᕆᐊᒃᓴᓃᖃᑕᐅᔪᑦ ᐃᓚᒋᔭᐅᓪᓗᑎᒃ ᐃᒃᓯᕙᐅᑕᕆᔭᐅᓂᖅ ᐃᓄᐃᑦ ᐆᒪᔪᓕᕆᓂᕐᒧᑦ ᐊᕙᑎᓕᕆᓂᕐᒧᓪᓗ ᖃᐅᔨᒪᔨᑕᑦ ᑲᑎᒪᔨᕋᓛᑦ ᐊᒻᒪᓗ ᑲᑎᒪᔨᐅᖃᑕᐅᓗᓂ ᐅᑯᓇᓂ ᑎᒥᖁᑎᖏᓐᓂ ᐊᓯᖏᓐᓂᓗ ᑲᑎᒪᔨᐅᕕᒋᔭᐅᒋᐊᓕᓐᓂ:
- ᓄᓇᕗᑦ ᑐᙵᕕᒃ ᐃᑲᔫᑎᒃᓴᓕᕆᔨᒃᑯᑦ
- ᒪᑭᒋᐊᖅᑕ ᐃᓄᐃᑦ ᐱᓕᖕᒪᓴᕐᓂᕐᒧᑦ ᑯᐊᐳᕇᓴᓐ
- ᓄᓇᕗᒻᒥ ᑮᓇᐅᔭᓕᐅᕋᓱᐊᖅᑏᑦ ᐃᓅᓯᓕᕆᓂᕐᒧᑦ ᑎᒥᖓ
- ᓄᓇᕗᒻᒥ ᐃᓅᓯᓕᕆᔨᒃᑯᑦ ᑲᑎᒪᔨᖏᑦ
- ᓄᓇᕗᒻᒥ ᐃᓐᓇᐃᑦ ᐃᑲᔪᖅᑕᐅᔾᔪᑎᒃᓴᖏᓐᓄᑦ ᐸᐸᑦᑎᔩᑦ
ᓂᕈᐊᕆᐊᖅᑐᓚᐅᖅᑐᖅ ᖃᓂᒋᔮᓃᑦᑐᑦ 18.3%.
ᓇᓗᓇᐃᖅᑐᖅᓯᒪᔪᑦ ᓂᕈᐊᕈᑕᐅᓚᐅᖅᑐᓄᑦ ᐊᑐᐃᓐᓇᐅᔪᑦ ᐅᕙᓂ elections.tunngavik.com
-30-
ᑐᑭᓯᒋᐊᒃᑲᓂᕐᕕᒃᓴᑦ:
ᓈᓐᓯ ᖃᕆᑕᖅ−ᓕᓐᑎᐅ
ᓂᕈᐊᖅᑐᓕᕆᔨᒻᒪᕆᒃ
ᑭᐊᕙᓐ ᖃᑉᓗᑦᓯᐊᖅ
ᑐᓴᐅᒪᖃᑦᑕᐅᑎᓕᕆᓂᕐᒥᒃ ᑐᑭᒧᐊᒃᑎᑦᓯᔨ
ᓄᓇᕗᑦ ᑐᙵᕕᒃ
ᐅᖄᓚᐅᑖ: 867-975-4941
ᐊᑭᖃᙱᑦᑐᖅ: 1-888-646-0006
