(ᒪᑦᓯ 28, 2022, ᐃᖃᓗᖕᓂ, ᓄᓇᕗᖕᒥ) ᓄᓇᕗᑦ ᑐᙵᕕᒃ ᑎᒥᖓ (ᑐᙵᕕᒃᑯᑦ) ᑲᑎᒪᔨᖏᑦ ᑲᑎᒪᔭᕇᓚᐅᕐᐳᑦ ᑲᑎᒪᔩᑦ ᑲᑎᒪᓂᖃᕐᑎᓪᓗᒋᑦ ᐃᖃᓗᑦᑑᑦᑎᐊᕐᒥ ᐱᓇᓱᐊᕈᓯᕆᔪᔭᑦᑎᓐᓂ.
ᐱᒻᒪᕆᐅᔪᓂᒃ ᑲᑎᒪᔾᔪᑎᖃᓚᐅᕐᐳᑦ ᐃᓚᒋᔭᐅᓪᓗᑎᒃ ᐱᖁᔨᕗᖔᕐᓯᒍᑏᑦ:
ᑲᑎᒪᔩᑦ ᐃᑲᔪᕐᓯᕗᑦ ᐃᓛᒃᑰᖓᓕᕐᓯᒪᓂᖓᒍᑦ ᓯᕗᓪᓕᕐᐹᖓᓂᒃ ᑳᓐᐊᒃᑎᒃ ᐃᓄᐃᑦ ᐱᓕᕆᖃᑎᒌᒃᑐᑦ ᓯᐊᑦᓇᓕᓐᒃ ᐃᒪᐅᑉ ᐃᖅᑲᖓᒎᖓᒐᔭᕐᑐᖅ ᖃᕆᑕᐅᔭᓄᑦ ᐃᕿᐊᕐᕆᔾᔪᑎ. ᑐᙵᕕᒃᑯᑦ ᐃᓱᒪᒃᓴᕐᓯᐅᓕᖅᑭᑲᓐᓂᖁᔨᕗᑦ ᓄᓇᕗᑦ ᒐᕙᒪᒃᑯᖏᓐᓂᒃ ᐱᓪᓗᒋᑦ ᐸᕐᓇᒍᑎᒋᓯᒪᔭᖏᓐᓂᒃ ᖃᕆᑕᐅᔭᓄᑦ ᐃᑭᐊᕐᕆᔾᔪᑎᓂᒃ ᐃᖃᓗᖕᓂ ᐊᒻᒪ ᑲᖏᖅᖠᕐᓂᕐᒥ ᐊᒻᒪ ᐅᖃᓪᓚᖃᑎᖃᖃᑦᑕᕐᓗᑎᒃ ᑐᙵᕕᒃᑯᓐᓂᑦ ᖃᓄᖅ ᐊᑦᑐᐃᓂᖃᕈᓐᓇᓂᕐᐹᖑᔪᓐᓇᕐᒪᖔᕐᒥᒃ ᐊᑭᑐᔪᓄᑦ ᐱᖁᑎᔾᔪᐊᓄᑦ ᑮᓇᐅᔭᐃᕈᑎᖃᖅᑎᓪᓗᒋᑦ ᓴᖅᑭᖁᓪᓗᒍ ᖃᕆᑕᐅᔭᓄᑦ ᐃᕿᐊᕐᕆᔾᔪᑏᑦ ᐱᕚᓪᓕᕈᑕᐅᒐᔭᕐᓗᓂ ᑐᓴᐅᒪᔾᔪᑎᐅᔪᓐᓇᕐᑐᓂᒃ ᑕᕝᕙᓴᐃᓐᓇᖅ ᐃᓄᐃᑦ ᓄᓇᓕᖏᓐᓂ ᐊᒥᓲᓂᕐᐹᖑᓇᓱᐊᕐᓗᒋᑦ.
ᐅᓄᕐᓯᒋᐊᕐᑕᐅᓗᑎᒃ 2022-2023-ᒥ ᑐᓂᔭᐅᕙᒃᑐᑦ ᓄᓇᕗᑦ ᐸᐸᑦᑎᔨᒃᑯᓐᓂᑦ, ᐃᒪᓐᓇ ᐅᓄᕐᓂᖃᓪᓗᑎᒃ:
ᑐᙵᕕᒃᑯᑦ ᑮᓇᐅᔭᑦ ᐊᑑᑎᖃᖅᑎᑕᒃᓴᒫᖏᑦ $29,421,334, ᐅᓄᕐᓯᒋᐊᕋᔭᕐᑐᖅ 2.5%
ᕿᑭᖅᑕᓂ ᐃᓄᐃᑦ ᑲᑐᔾᔨᖃᑎᒌᖏᑦ ᑮᓇᐅᔭᑦ ᐊᑑᑎᖃᖅᑎᑕᒃᓴᒫᖏᑦ $14,386,580,
ᐅᓄᕐᓯᒋᐊᕐᑐᖅ 6.6%
ᑭᕙᓪᓕᕐᒥ ᐃᓄᐃᑦ ᑲᑐᔾᔨᖃᑎᒌᖏᑦ ᑮᓇᐅᔭᑦ ᐊᑑᑎᖃᖅᑎᑕᒃᓴᒫᖏᑦ $8,625,112, ᐅᓄᕐᓯᒋᐊᕐᑐᖅ of 7.5%
ᕿᑎᕐᒥᐅᑦ ᐃᓄᐃᑦ ᑲᑐᔾᔨᖃᑎᒌᖏᑦ ᑮᓇᐅᔭᑦ ᐊᑑᑎᖃᖅᑎᑕᒃᓴᒫᖏᑦ $8,601,199, ᐅᓄᕐᓯᒋᐊᕋᔭᕐᑐᖅ 4.4%
ᐃᓄᐃᑦ ᐱᖁᑎᖏᓐᓂᒃ ᐸᐸᒃᑎᔩᑦ ᑮᓇᐅᔭᑦ ᐊᑑᑎᖃᖅᑎᑕᒃᓴᒫᖏᑦ of $2,171,259, ᐅᓄᕐᓯᒋᐊᕋᔭᕐᑐᖅ 5.4%.
ᓈᖕᒪᒋᔭᐅᓚᐅᕐᑐᑦ ᓄᓇᕘᒥ ᐊᖑᓇᓱᒃᑎᓄᑦ ᐃᑲᔫᑎᑦ $1,533,750 ᑮᓇᐅᔭᑦ ᐊᑑᑎᖃᖅᑎᑕᒃᓴᒫᑦ, ᐱᓕᕆᔾᔪᑎᑦ ᐊᐅᓚᑕᐅᔪᑦ ᐃᓄᐃᑦ ᑲᑐᔾᔨᖃᑎᒌᖏᓐᓄᑦ ᐃᒪᓐᓇ ᐅᓄᕐᓂᖃᐅᕐᑐᑎᒃ:
ᕿᑭᖅᑕᓂ ᐃᓄᐃᑦ ᑲᑐᔾᔨᖃᑎᒌᖏᑦ ᑮᓇᐅᔭᑦ ᐊᑑᑎᖃᖅᑎᑕᒃᓴᒫᑦ $633,510
ᑭᕙᓪᓕᕐᒥ ᐃᓄᐃᑦ ᑲᑐᔾᔨᖃᑎᒌᖏᑦ ᑮᓇᐅᔭᑦ ᐊᑑᑎᖃᖅᑎᑕᒃᓴᒫᑦ, $475,716
ᕿᑎᕐᒥᐅᑦ ᐃᓄᐃᑦ ᑲᑐᔾᔨᖃᑎᒌᖏᑦ ᑮᓇᐅᔭᑦ ᐊᑑᑎᖃᖅᑎᑕᒃᓴᒫᑦ, $424,524.
ᐊᓯᖏᑦ ᐱᒻᒪᕆᐅᔪᑦ ᑲᑎᒪᔾᔪᑎᐅᓚᐅᕐᒥᔪᑦ ᐋᖅᑭᒋᐊᕈᓐᓇᕐᑐᑦ ᓄᓇᕗᖕᒥ ᓄᓇᐃᑦ ᐊᑑᑎᖃᕈᒫᓐᓂᐊᕐᑐᑦ ᐸᕐᓇᒍᑎᑦ. ᑲᑎᒪᔨᖏᑦ ᑐᙵᕕᒃᑯᑦ ᐅᖃᐅᓯᖃᓗᐊᓚᐅᕐᑐᑦ, ᓄᓇᐃᑦ ᐊᑑᑎᖃᕈᒫᓐᓂᐊᕐᑐᑦ ᐸᕐᓇᒍᑕᐅᕙᓪᓕᐊᓂᕆᓲᖓᓂᒃ. ᑲᑎᒪᔩᑦ ᖃᐅᔨᒪᒻᒪᑕ ᐃᓄᐃᑦ ᑲᑐᔾᔨᖃᑎᒌᖏᑦ ᐊᒻᒪ ᑐᙵᕕᒃᑯᑦ, ᓄᓇᓂᒃ ᓇᖕᒥᓂᖃᑦᑎᐅᓂᕐᒥᒍᑦ, ᐱᓕᕆᖃᑕᐅᕙᒻᒪᑕ ᑭᒡᒐᑐᐃᓪᓗᑎᒃ ᐃᓄᐃᑦ ᐱᔪᒪᔭᖏᓐᓂᒃ ᖃᓄᐃᓕᐅᕐᑐᖃᓐᓂᐊᑎᓪᓗᒍ ᐃᓄᐃᑦ ᓄᓇᖁᑎᖏᓐᓂ. ᓄᓇᐃᑦ ᐊᑑᑎᖃᑦᑎᑕᐅᓂᒃᓴᖏᓐᓄᑦ ᐸᕐᓇᒍᑎᓕᐅᕐᓂᖅ ᒪᓕᓐᓂᖃᕆᐊᖃᕐᒪᑦ ᓯᕗᓪᓕᕐᐹᖑᑎᑕᖏᓐᓂᒃ ᐊᒻᒪ ᒪᓕᒐᖏᓐᓂᒃ ᐃᓄᐃᑦ, ᐊᒻᒪ ᑐᕌᒐᖏᓐᓂᒃ ᐃᓄᐃᑦ ᑲᑐᔾᔨᖃᑎᒌᖏᑕ ᐊᒻᒪ ᑐᙵᕕᒃᑯᑦ ᐃᓄᐃᑦ ᓄᓇᖁᑎᖏᓐᓂ ᑲᒪᒋᔭᐅᕙᓪᓕᐊᑎᓪᓗᒋᑦ ᐊᒻᒪ ᐱᓗᐊᕐᑐᒥᒃ ᓄᓇᕗᖕᒥ ᐸᕐᓇᐃᔩᑦ ᑲᑎᒪᔨᖏᑦ ᐋᖅᑭᒃᓱᐃᓕᖅᑭᓚᐅᕐᑎᓪᓗᒋᑦ 2021-ᒥ ᓄᓇᐃᑦ ᐊᑑᑎᖃᑦᑎᑕᐅᓂᒃᓴᖏᓐᓄᒃ ᐸᕐᓇᒍᑏᑦ.
ᑐᙵᕕᒃᑯᑦ ᑲᑎᒪᔨᖏᑦ ᑐᓂᓯᓚᐅᕐᒥᔪᑦ ᐃᖃᓗᑦᑑᑦᑎᐊᕐᒥ ᓂᕿᑖᕐᕕᐅᕙᒃᑐᒧᑦ ᐊᒻᒪ ᒪᐃᔭᒋᔭᐅᑉ ᐃᓐᓇᕐᓂᒃ ᐊᖃᐅᔨᒪᔨᒋᔭᓄᑦ ᑲᑎᒪᔨᖏᓐᓄᑦ ᐅᓄᕐᓂᖃᖅᑐᑎᒃ ᐊᑐᓂᑦ $5,000-ᓂᒃ, ᓄᓇᖃᖅᑲᑎᒌᑦ ᓂᕆᕕᔾᔪᐊᕈᑎᒃᓴᒥᓂᕋᓗᐊᖏᓐᓂᒃ ᓂᕆᕕᔾᔪᐊᓚᐅᙱᒻᒪᑕ ᐱᓪᓗᒍ ᓄᕙᒡᔪᐊᕐᓇᐅᑉ ᐱᑐᐃᓐᓇᐅᖏᑎᑦᑎᓂᖓ.
ᑐᑭᓯᒋᐊᒃᑲᓐᓂᕈᓐᓇᕐᐳᑎᑦ ᓈᖕᒪᒋᔭᐅᓯᒪᔪᓂᒃ ᐊᑐᐊᒐᓂᒃ ᑐᙵᕕᒃᑯᑦ ᐃᕿᐊᕐᕆᕕᖓᓂ: www.tunngavik.com
-30-
ᑐᑭᓯᒋᐊᒃᑲᓐᓂᕈᓐᓇᕐᐳᑎᑦ:
ᒪᓚᐃᔭ ᒥᑭᔾᔪᒃ
ᑐᑭᒧᐊᒃᑎᑦᑎᔨ ᑐᓴᐅᒪᖃᑦᑕᐅᑎᓕᕆᔨᒃᑯᓐᓂ ᐱᓕᒻᒪᓴᕐᑐᖅ
ᓄᓇᕗᑦ ᑐᙵᕕᒃ ᑎᒥᖓ
ᐅᖄᓚᐅᑖ: 867-975-4900 ᐊᑭᓕᕆᐊᑐᙱᑦᑐᖅ: 1-888-646-00006
