ᐃᖃᓗᐃᑦ, ᔪᓚᐃ 8, 2022 /CNW/ – ᐅᓪᓗᒥ, Meta ᐅᐱᒍᓱᑦᑐᑦ ᑐᓴᖅᑎᑦᑎᓗᑎ ᐃᓄᒃᑎᑐᑦ ᐊᑐᐃᓐᓇᐅᓕᖅᑐᓂ ᐅᖃᐅᓯᕐᓄᑦ ᐋᖅᑭᔅᓯᒪᓂᖏᓐᓄᑦ ᐊᑐᖃᑦᑕᖅᑐᓄᑦ Facebook ᖃᕋᓴᐅᔭᒃᑯᑦ. ᐱᓕᕆᔭᐅᔪᖅ ᑐᑭᓯᓇᖅᓯᑎᑕᐅᓗᑎ Facebook ᐃᓄᒃᑎᑐᑦ ᐃᓱᐊᓂ ᑎᓴᒪᓄᑦ ᐊᕐᕋᒍᓄᑦ ᐱᓕᕆᖃᑎᒌᖃᑎᖃᓂᕐᒥᑦ ᓄᓇᕗᑦ ᑐᓐᖓᕕᒃ ᑎᒥᖓᑦ (NTI) ᓴᖅᑭᔮᖅᑎᓪᓗᒍ ᖃᐅᑕᒫᑦ ᐊᑐᖅᑕᐅᓂᖓ ᐃᓄᐃᑦ ᐅᖃᐅᓯᖓ ᐅᖃᐅᓯᖏᑦ ᓄᓇᓕᓐᓂᑦ ᓄᓇᕗᓕᒫᒥᑦ.
ᑐᑭᓯᓇᖅᓯᑎᑕᐅᓯᒪᔪᑦ ᒫᓐᓇ ᐊᑐᐃᓐᓇᐅᓕᖅᑐᖅ ᐅᖓᑖᓃᑦᑐᓄᑦ 35,000 ᐃᓄᓐᓄᑦ ᐃᓄᐃᑦ ᓄᓇᖓᓐᓂ, ᐃᓄᐃᑦ ᓄᓇᖓ ᑲᓇᑕᒥ, ᐃᓄᒃᑦᑐᑦ ᐅᖃᐅᓯᕆᖅᑳᖅᑐᒋᑦ. ᑐᑭᓯᓇᖅᑎᑦᑎᓂᕐᒧᑦ ᐱᔭᔅᓴᐅᒻᒥᔪᖅ ᐃᓄᓐᓄᑦ Facebook ᓄᓇᕐᔪᐊᓕᒫᒥᑦ. ᐱᒋᐊᖅᑎᑕᐅᓂᖓ ᓇᓕᒧᓐᓂᖃᖅᑐᖅ ᓄᓇᕐᔪᐊᒥ ᑲᑐᔾᔨᖃᑎᒋᕐᔪᐊᑦ ᖁᓕᓄᑦ ᐊᕐᕌᒍᓄᑦ ᓄᓇᖃᖅᑳᖅᓯᒪᔪᑦ ᐅᖃᐅᓯᖏᑦ, ᐃᓕᓴᖅᓯᔪᑦ ᑖᒃᑯᓇᓂ ᖁᓕᓂ ᐊᕐᕌᒍᓂ ᓄᓇᕐᔪᐊᕐᒥᐅᑦ ᖃᐅᔨᑎᓪᓗᒋᑦ ᐱᒻᒪᕆᐅᓂᖓ ᖃᓄᐃᓕᖓᓂᖓ ᐊᒥᓱᓄᑦ ᓄᓇᖃᖅᑳᖅᓯᒪᔪᓄᑦ ᐅᖃᐅᓰᑦ ᐊᒻᒪ ᐃᖏᕋᓯᑎᓪᓗᒍ ᓇᒻᒥᓂᖃᖃᑕᐅᔪᑦ ᐊᒻᒪ ᑭᓱᓕᕆᔾᔪᑏᑦ ᓴᐳᒻᒥᔭᐅᓂᖏᓐᓄᑦ, ᐆᒻᒪᖅᑎᑕᐅᒃᑲᓂᕐᓂᖏᓐᓄᑦ ᐊᒻᒪ ᓴᖅᑭᔮᖅᑎᑕᐅᓂᖏᓐᓄᑦ.
“ᐃᓄᐃᑦ ᓂᕆᐅᑦᑐᑦ ᑕᑯᓗᑎ ᐊᒻᒪ ᑐᓴᕐᓗᑎ ᐃᓄᒃᑯᑦ ᖃᓄᓕᒫᖅ ᐃᓅᓯᑦᑎᓐᓂ. ᐃᓕᓴᕆᔭᐅᓂᖓ ᐃᓄᒃᑎᑐᑦ ᐃᓕᓴᕆᔭᐅᓯᒪᓪᓗᓂ ᐅᖃᐅᓯᖅ Facebook−ᒥ, ᐊᔾᔨᒋᔭᖓ ᖃᓪᓗᓈᑎᑐᑦ ᐊᒻᒪ ᐅᐃᕕᑎᑐᑦ, ᐅᔭᐅᖅᓯᒋᐊᖅᑐᑦ ᔾᓚᕆᐅᓂᖓᓄᑦ ᐅᖃᐅᓯᖅᐳᑦ,” ᐅᖃᖅᑐᖅ ᐊᓗᑎ ᑰᑦᑎᖅ, ᐊᖏᔪᖅᑳᖅ, ᓄᓇᕗᑦ ᑐᓐᖓᕕᒃ ᑎᒥᖓᑦ “Facebook−ᒧᐊᕈᓐᓇᕐᓗᓂ ᐅᕙᒍᑦ ᐅᖃᐅᓯᖏᑎᒍᑦ ᐱᒻᒪᕆᐅᔪᖅ ᐊᒻᒪ ᓯᕗᒧᒋᐊᑦᑎᐊᖅᑐᖅ ᑕᑯᓪᓗᒋᑦ ᐊᒻᒪ ᑐᓵᓪᓗᒋᑦ ᐃᓄᒃᑐᑦ ᐅᕙᒍᑦ ᐃᓅᓯᖏᓐᓂ”
ᑲᓇᑕᒥ, ᐅᖃᐅᓰᑦ ᐆᒻᒪᖅᑎᑕᐅᒃᑲᓂᕐᓂᖏᑦ ᐱᖃᓯᐅᔾᔭᐅᓯᒪᔪᑦ ᖃᓄᐃᓕᓯᒋᐊᖁᔨᓂᖅ ᓱᓕᓂᕐᒧᑦ ᐊᒻᒪ ᐋᖅᑭᒍᑎᖃᓂᕐᒧᑦ ᑲᒪᔨᓂᑦ. ᓴᐳᒻᒥᔭᐅᓂᖓ, ᐆᒻᒪᖅᑎᑕᐅᒃᑲᓂᕐᓂᖓ ᐊᒻᒪ ᓴᖓᑦᑎᑕᐅᓂᖏᑦ ᓄᓇᖃᖅᑳᖅᓯᒪᔪᑦ ᐅᖃᐅᓯᖏᑦ ᐱᑕᖃᕆᐊᖃᖅᑐᖅ ᓯᕗᒧᐊᖅᐸᓪᓕᐊᓂᕐᒧᑦ ᐱᕙᓪᓕᐊᓂᖓ ᑲᓇᑕᒥ ᐋᖅᑭᒍᑎᖃᓂᕐᒧᑦ.
“Facebook ᐱᑕᖃᕆᐊᖃᖅᑐᖅ ᓴᓇᕐᕈᑎᐅᔪᖅ ᑲᓱᕐᓂᖃᖅᑎᑦᑎᓂᕐᒧᑦ ᐊᒻᒪ ᓄᓇᓕᒻᒧᑦ ᐃᓄᓐᓄᑦ,” ᐅᖃᖅᑐᖅ ᑎᐅᐱ ᕇᑦ, ᓄᓇᖃᖅᑳᖅᓯᒪᔪᓄ ᐊᑐᐊᒐᕐᓂ ᐊᐅᓚᑦᑎᔨ Meta ᑲᓇᑕᒥ. “Meta−ᑯᓐ, ᐃᓕᓴᖅᓯᔪᒍᑦ ᐅᖃᐅᓯᖅ ᐃᓚᒋᒻᒪᒍ ᐃᓄᐃᑦ ᖃᓄᐃᑦᑑᓂᖏᓐᓄᑦ ᐊᒻᒪ ᓇᓗᓇᐃᖅᑕᐅᓂᖏᓐᓄ, ᐊᒻᒪ ᐅᐱᒍᓱᑦᑐᒍᑦ ᐃᓚᒋᔭᐅᖃᑕᐅᓗᑕ ᐃᑲᔪᖅᑐᐃᓂᕐᒥᑦ ᐱᓇᓱᐊᖅᑕᖏᓐᓂ ᓄᓇᕗᑦ ᑐᓐᖓᕕᒃ ᑎᒥᖓᑦ ᓴᖓᑦᑎᒋᐊᕐᓗᒍ ᐊᒻᒪ ᓴᖅᑭᔮᖅᑎᓪᓗᒍ ᓴᖏᓂᖏᓐᓄᑦ ᐅᖃᐅᓯᖏᓐᓂ.”
“ᐃᓱᒪᒋᔭᐅᔪᖅ ᑐᑭᓯᓇᖅᑎᓯᑎᑦᑎᓂᕐᒧᑦ Facebook ᐃᓄᒃᑎᑑᓕᕐᓗᑎ ᓴᖅᑭᖅᑎᑕᐅᓯᒪᔪᖅ ᐃᓱᒪᒋᔭᖃᕈᓘᔭᓂᕐᒧᑦ ᑲᑎᒪᖃᑎᒋᓚᐅᖅᑕᑎᓐᓂ ᐃᖃᓗᓐᓂ ᐊᖏᔪᖅᑳᖅ ᑰᑦᑎᖅ ᐊᒻᒪ ᓄᓇᕗᑦ ᑐᓐᖓᕕᒃ ᑎᒥᖓᑦ ᑎᓴᒪᐅᓕᖅᑐᓂᑦ ᐊᕐᕌᒍᓂᑦ. ᐃᓕᓚᐅᖅᑐᒍᑦ ᐊᒥᓱᑦ ᐃᓄᐃᑦ Facebook−ᒥ ᐊᑐᒐᖏᑦᑐᑦ ᐊᑐᖃᑦᑕᖅᑐᑦ, ᐊᒻᒪ ᐊᐱᕆᓚᐅᖅᑐᒍᑦᖃᓄᖅ Facebook ᐱᐅᓂᖅᓴᐅᑎᓪᓗᒍ ᐊᑐᕐᓂᖏᓐᓄᑦ, “ᐅᖃᖅᑐᖅ ᑭᐊᕙᓐ ᓵᓐ, ᓄᓇᕐᔪᐊᒧ ᐊᑐᐊᒐᕐᓄᑦ ᑐᑭᒧᐊᖅᑎᑦᑎᔨ ᐅᕙᓂ Meta. “ᖁᕕᐊᓱᑦᑎᐊᖅᑐᒍᑦ ᑐᓂᔪᓐᓇᕋᑦᑎᒍ ᑖᔅᓱᒥᖓ ᐊᑯᓂᐅᔪᒥᑦ ᐱᓕᕆᐊᖑᒋᐊᖃᖅᓯᒪᔪᒥᑦ.”
ᑐᑭᓯᓇᖅᓯᑎᑕᐅᓂᖓ Facebook ᖃᕋᓴᐅᔭᒃᑯᑦ ᑕᑯᔅᓴᐅᓂᖓ ᐃᓄᑦᑎᑑᓕᕐᓗᓂ
ᑐᑭᓯᓇᖅᓯᑎᑕᐅᓂᖓ Facebook ᑐᑭᒧᐊᖅᑎᑕᐅᓚᐅᖅᑐᖅ ᐱᕈᕐᕕᒃ ᐱᓕᕆᕕᒃ, ᑐᑭᓯᓇᖅᓯᑎᑦᑎᓂᕐᒧᑦ ᐊᒻᒪ ᐃᓕᓐᓂᐊᓂᕐᒧᑦ ᐱᓕᕆᕕᒃ ᐃᖃᓗᓐᓂ, ᓄᓇᕗᑦ. ᐱᕈᕐᕕᒃ ᓇᓗᓇᐃᖅᓯᓚᐅᖅᑐᑦ ᑐᑭᓯᓇᖅᓯᑎᑕᐅᓂᖏᑦ ᐱᐅᔪᒻᒪᕆᐅᓪᓗᑎ ᐊᒻᒪ ᒪᓕᓐᓂᖃᖅᑐᑎᑦ ᒫᓐᓇᐅᔪᒥᑦ ᓇᓗᓴᐃᔭᖅᓯᒪᓂᖏᓐᓄᑦ ᐅᖃᐅᓯᓕᕆᓂᕐᒧᑦ. ᓇᓗᓇᖅᑑᓪᓗᓂ ᐅᖃᐅᓯᖅ, ᐃᓄᒃᑎᑐᑦ ᐅᖃᐅᓰᑦ ᑕᑭᓂᖅᓴᐅᔪᑦ ᐊᒻᒪ ᓇᓗᓇᕐᓂᓴᐅᓪᓗᑎ ᐊᔾᔨᒋᑎᓐᖑᐊᖅᑐᒋᑦ ᐊᔾᔨᐸᓗᖏᓐᓄᑦ ᖃᓪᓗᓈᑎᑐᑦ ᐅᕝᕙᓘᓐᓃᑦ ᐅᐃᕕᑎᑐᑦ. ᑲᑎᑦᑐᒋᑦ, 2,000 ᐅᖃᐅᓰᑦ Facebook−ᒥᑦ ᑐᑭᓯᓇᖅᑎᑕᐅᒋᐊᖃᓚᐅᖅᑐᑦ ᐃᓄᑦᑎᑐᑦ, ᑭᒡᒐᖅᑐᐃᓂᖃᐸᓗᑦᑐᑦ ᖃᓂᒋᔭᖏᓐᓂ 4,500 ᐅᖃᐅᓰᑦ. ᓄᑖᓂᑦ ᐃᓱᒪᒋᔭᖅᑕᖃᖅᑐᖅ ᓴᖅᑭᖅᑎᑕᐅᔪᑦ Facebook ᑕᑯᔅᓴᐅᓂᖓᓄ ᐱᔾᔪᑎᒋᓪᓗᒍ ᐊᔾᔨᖃᕐᓂᖃᖏᑦᑐᑦ ᐃᓄᒃᑎᑐᑦ. ᐆᑦᑑᑎᒋᓄᒍ, “Facebook ᒪᑉᐱᒐᖅ” ᖃᐅᔨᒪᔭᐅᓂᐊᓕᖅᑐᖅ ᐅᓇᐅᓗᓂ “Facebook ᒪᑉᐱᒐᖅ” ᐃᓄᒃᑎᑐᑦ.
“ᐱᕈᕐᕕᒃ ᐅᐱᒍᓱᑦᑐᑦ ᐃᖅᑲᓇᐃᔭᖃᑎᖃᕈᓐᓇᓚᐅᕐᖓᑕ Meta ᐊᒻᒪ NTI ᓇᓗᓇᐃᖅᓐᑕᐅᓗᑎ ᓄᑖᑦ ᐅᖃᐅᓰᑦ ᓴᖅᑭᖅᑎᑕᐅᔪᑦ ᐃᓄᒃᑎᑐᑦ ᑕᑯᔅᓴᐅᑎᑦᑎᓗᑎ ᐅᖃᐅᓯᑦᑎᓐᓂ ᐊᒻᒪ ᐱᖅᑯᓯᑦᑎᓐᓂ,” ᐅᖃᖅᑐᖅ ᓖᓇ ᐃᕕᒃ, ᑐᑭᒧᐊᖅᑎᑦᑎᔨ, ᐱᕈᕐᕕᒃ, “Facebook ᑕᑯᔅᓴᐅᓂᖓ ᐃᓄᒃᑎᑐᑦ ᖃᐅᑕᒫᑦ ᐃᓕᓐᓂᐊᓂᕐᒧᑦ ᓴᓇᕐᕈᑎᐅᓂᐊᖅᑐᖅ ᒪᒃᑯᓂᖅᓴᓄᑦ ᐃᓕᓐᓂᐊᕐᓗᑎ ᐃᓄᒃᑎᑐᑦ ᐊᒻᒪ ᑐᓴᐅᒪᔾᔪᑎᒧᑦ ᓴᓇᕐᕈᑎᐅᓗᓂ ᐃᓄᒃᑎᑑᖅᑐᓄᑦ ᐃᓄᓐᓄᑦ.”
ᐱᕙᓪᓕᐊᔪᓕᕆᔨᓂᑦ ᖃᕋᓴᐅᔭᓕᕆᓂᕐᒧᑦ ᖃᐅᔨᓴᖃᑦᑕᓂᕐᒧᑦ ᐅᓂᒃᑳᕆᕋᑖᖅᓯᒪᔭᖏᓐᓂ ᖃᕋᓴᐅᔭᓕᕆᓂᐅᔪᓂᑦ ᐃᓗᐊᓅᖃᑦᑕᕐᓂᖏᑦ ᐊᒻᒪ ᐊᑐᖅᑕᐅᓂᖓ ᓄᓴᕗᒻᒥ, ᔫᑳᓐ ᐊᒻᒪ ᓄᓇᑦᓯᐊᖅ, Facebook ᐊᑐᖅᑕᐅᓛᖑᔪᖅ ᖃᕋᓴᐅᔭᒃᑯᑦ ᐃᓅᖃᑎᒌᓐᓂᕐᒧᑦ. ᒫᓐᓇ, ᐃᓄᒃᑎᑐᑦ ᐃᓚᒋᔭᐅᓕᖅᑐᖅ ᐅᖓᑖᓃᑦᑐᓂᑦ 100 ᐊᓯᖏᓐᓂ ᐅᖃᐅᓯᕐᓂᑦ ᐊᑐᐃᓐᓇᐅᔪᑦ Facebook,ᐊᒻᒪ ᐊᒥᓱᕈᖅᐸᓪᓕᐊᔪᑦ ᓄᓇᖃᖅᑳᖅᓯᒪᔪᓄᑦ ᐅᖃᐅᓰᑦ. 2018−ᒥᑦ, Facebook ᐱᒋᐊᖅᑎᑦᑎᓚᐅᖅᑐᑦ ᐃᓄᐱᐊᖅ ᐅᖃᐅᓯᖓ ᐋᖅᑭᔅᓯᒪᓂᖏᑦ, ᐃᓄᐱᐊᖅ ᐅᖃᐅᓯᐅᔪᖅ ᐃᓄᐃᑦ ᐅᖃᐅᓯᖏᓐᓂ ᐃᓚᒌᓂᑦ, ᐅᖃᐅᓯᖓ ᐅᐊᓐᓇᖓᓂ ᐊᓛᔅᑲ ᐊᒻᒪ ᓄᓇᑦᓯᐊᖅ.
ᐊᓯᔾᔨᕐᓗᒍ ᐅᖃᐅᓯᕐᓄᑦ ᐋᖅᑭᔅᓯᒪᓂᖏᑦ Facebook ᖃᕋᓴᐅᔭᒃᑯᑦ ᑕᑯᔅᓴᐅᓂᖓ ᐃᓄᒃᑎᑑᖓᓕᕐᓗᒍ
ᐃᓄᒃᑎᑐᑦ ᐊᒥᓲᒐᓗᐊᖅᑎᓪᓗᒋᑦ ᐅᖃᐅᓰᑦ, ᓂᒋᖓᓂ ᕿᑭᖅᑖᓗᒃ ᐅᖃᐅᓯᖓ ᒫᓐᓇ ᐊᑐᐃᓐᓇᐅᓕᖅᑐᖅ Facebook ᖃᕋᓴᐅᔭᒃᑯᑦ ᑕᑯᔅᓴᐅᕕᖓᒍᑦ. Facebook ᐊᑐᖃᑦᑕᖅᑐᑦ ᐊᓯᔾᔨᕈᓐᓇᖅᑕᖏᑦ ᐅᖃᐅᓯᕐᓄᑦ ᐋᖅᑭᔅᓯᒪᓂᖏᑦ ᒪᓕᓪᓗᒋᑦ ᐊᑐᖅᑕᐅᒋᐊᓖᑦ ᓇᓗᓴᐃᔭᖅᓯᒪᔪᑦ ᐅᕙᓂ: https://www.facebook.com/help/android-app/327850733950290
ᐊᔾᔨᓐᖑᐊᑦ ᑎᑭᓯᓇᖅᓯᑎᑕᐅᓯᒪᔪᑦ ᑕᑯᔅᓴᐅᓂᖓ]
Meta ᓴᖅᑭᑎᑦᑎᓗᑎ ᐃᓄᒃᑎᑐᑦ ᐃᓕᓴᕆᔭᐅᓯᒪᓪᓗᓂ ᐅᖃᐅᓯᖅ Facebook ᖃᕋᓴᐅᔭᒃᑯᑦ, ᐋᖅᑭᔅᓯᒪᓂᖏᑦ ᐃᑲᔪᕐᓂᐊᖅᑐᑦ ᐃᓄᑦᑎᑑᑐᐊᓲᓂᑦ ᓴᖅᑭᑎᑦᑎᓗᑎ ᓄᓇᓕᒻᒥ ᐃᕐᖏᓐᓈᕈᑎᒃᑯᑦ, ᐱᕈᖅᑎᑦᑎᓂᖃᖅᑐᓂ ᐊᖏᓂᖅᓴᒥ ᐊᑐᖅᑕᐅᓗᓂ ᐅᖃᐅᓯᖅ ᒪᒃᑯᓂᖅᓴᓄᑦ ᐃᓄᓐᓄᑦ. Meta ᖁᕕᐊᓱᑦᑐᑦ ᓄᓇᕗᑦ ᑐᓐᖓᕕᒃ ᑎᒥᖓᓐᓂ ᑐᑭᒧᐊᖅᑎᑦᑎᓂᕐᒧᑦᑖᔅᓱᒥᖓ ᐱᓕᕆᔭᐅᔪᒥᑦ ᐃᓚᔭᐅᓗᓂ ᐃᓄᒃᑎᑐᑦ ᐃᓕᓴᕆᔭᐅᓯᒪᓗᓂ ᐅᖃᐅᓯᖅ Facebook ᖃᕋᓴᐅᔭᒃᑯᑦ ᐊᒻᒪ ᐃᓄᓐᓂᑦ ᑲᓱᖃᑎᖃᕈᓐᓇᕐᓗᑎ ᓇᒻᒥᓂᖅ ᐅᖃᐅᓯᖏᓐᓂ ᐅᕙᒍ ᖃᕋᓴᐅᔭᖓᒍᑦ.
ᓄᓇᕗᑦ ᑐᙵᕕᒃ ᑎᒥᖓᑕ ᒥᑦᓵᓄᑦ
ᓄᓇᕗᑦ ᑐᙵᕕᒃ ᑎᒥᖓ (ᑐᙵᕕᒃ) ᑲᑐᔾᔨᖃᑎᒌᑦ ᑭᒡᒐᖅᑐᐃᔪᖅ ᓄᓇᕗᒻᒥ 33,000−ᓂᒃ ᐃᓄᓐᓂᒃ ᐊᒻᒪᓗ ᐱᔪᓐᓇᐅᑎᖏᓐᓂᒃ ᓄᓇᕗᑦ ᐊᖏᕈᑎᖏᑎᒍᑦ. ᑐᙵᕕᒃᑯᑦ ᐊᐅᓚᑕᐅᔪᑦ ᑲᑎᒪᔨᓄᑦ ᓂᕈᐊᖅᑕᐅᓯᒪᔪᓄᑦ ᓄᓇᕗᒻᒥ ᐃᓄᓐᓄᑦ ᐅᑭᐅᓕᓐᓄᑦ 16-ᓂᒃ ᐅᖓᑖᓂᓗ. ᑐᙵᕕᒃᑯᑦ ᐋᖅᑭᐅᒪᑦᓯᖃᑦᑕᖅᑐᑦ ᐊᐅᓚᑦᓯᖃᑦᑕᖅᑐᑎᓪᓗ ᐃᓄᐃᑦ ᐱᓕᕆᐊᒃᓴᖏᓐᓂᒃ ᐊᖏᕈᑕᐅᓯᒪᔪᓂ ᓄᓇᕗᑦ ᐊᖏᕈᑎᖏᓐᓂ ᐊᒻᒪᓗ ᖃᐅᔨᒪᒋᐊᖅᑎᐅᓪᓗᑎᒃ ᒐᕙᒪᑐᖃᒃᑯᑦ ᐊᒻᒪᓗ ᓄᓇᕗᑦ ᒐᕙᒪᖓ ᑲᔪᓯᑎᑦᓯᓕᕋᓗᐊᕐᒪᖔᑕ ᐱᓇᓱᐊᒐᑦᓴᒥᓂᒃ.
META ᒥᔅᓵᓄᑦ
Meta ᓴᓇᖃᑦᑕᖅᑐᑦ ᖃᕋᓴᐅᔭᓕᕆᔾᔪᑎᓂᑦ ᑲᑎᑦᑎᖃᑦᑕᖅᑐᑦ ᐃᓄᓐᓂᑦ, ᓇᓂᓯᓪᓗᑎ ᓄᓇᓕᓐᓂᑦ, ᐊᒻᒪ ᐱᕈᖅᑎᑎᓪᓗᑎ ᓇᒻᒥᓂᕆᔭᐅᔪᓂᑦ. Facebook ᐱᒋᐊᖅᑎᑕᐅᒻᒪᑦ 2004, ᐊᓯᔾᔩᓚᐅᖅᑐᖅ ᐃᓄᐃᑦ ᑲᑎᖃᑦᑕᐅᑎᓂᖏᓐᓄᑦ. ᖃᕋᓴᐅᔭᒃᑰᕈᑏᑦ ᓲᕐᓗ ᑎᑎᕋᕈᑏᑦ Messenger, Instagram ᐊᒻᒪ WhatsApp ᐱᔪᓐᓇᑎᑦᑎᑲᓐᓂᓚᐅᖅᑐᑦ ᐱᓕᐊᖏᓐᓃᑦᑐᓂᑦ ᓄᓇᕐᔪᐊᒥᑦ. ᒫᓐᓇ Meta ᐅᖓᑖᓅᓕᖅᑐᑦ 2D ᑕᑯᔅᓴᐅᑎᑦᑎᕕᖏᓐᓄ ᐊᑕᖐᔪᓂᑦ ᐊᑐᖅᑕᐅᔪᓂᑦ ᐱᐅᓂᖅᓴᓂᑦ ᐊᒻᒪ ᖃᕋᓴᐅᔭᒃᑯᑦ ᐱᓪᓚᕿᐅᔮᖅᑐᑦ ᐃᑲᔪᕐᓗᑎ ᓴᓇᓗᑎ ᑭᖑᓪᓕᒧᑦ ᐊᓯᔾᔨᕐᓂᕆᔭᖏᓐᓄᑦ ᐃᓅᖃᑎᒌᓂᕐᒧᑦ ᖃᕋᓴᐅᔭᓕᕆᓂᕐᒥᑦ.
ᑐᑭᓯᒋᐊᒃᑲᓂᕐᕕᒃᓴᖅ:
ᒪᓚᐃᔭ ᒥᑭᔾᔪᒃ
ᑐᑭᒧᐊᒃᑎᑦᑎᔨ ᑐᓴᐅᒪᔾᔪᑎᓕᕆᔨᒃᑯᓐᓂ
ᓄᓇᕗᑦ ᑐᙵᕕᒃ ᑎᒥᖓ
ᐅᖄᓚᐅᑖ: (867) 975-4900/ᐊᑭᖃᙱᑦᑐᖅ: 1-888-646-0006
