(ᐄᐳᕈ 19, 2022 – ᐃᖃᓗᐃᑦ, ᓄᓇᕗᑦ) ᓄᓇᕗᑦ ᑐᙵᕕᒃ ᑎᒥᖓ (ᑐᙵᕕᒃᑯ) ᑲᔪᖏᖅᓴᐃᔾᔪᑎᖓ ᐃᓄᐃᑦ ᑲᐱᔭᐅᖃᑦᑕᖁᓪᓗᒋᑦ ᓄᕙᒡᔪᐊᕐᓇᖅ-19 ᑲᐴᑎᓄᑦ. ᓄᓇᕗᒻᒥ ᐃᓄᐃᑦ ᐊᑕᖏᖅᑐᓂᒃ ᑲᐱᔭᐅᓯᒪᔪᑦ ᓵᓚᒃᓴᖃᑕᐅᓇᓱᐊᕈᓐᓇᓂᐊᖅᑐᑦ ᐊᑕᐅᓯᕐᒥᒃ ᑖᒃᑯᓇᙵᑦ 25-ᓂᒃ ᖃᒧᑕᐅᔭᓂᒃ ᐄᑉᕈ 25, 2022.
ᓄᓇᕗᒻᒥ ᐃᓄᐃᑦ, ᐊᑎᖃᖃᑕᐅᔪᑦ ᓄᓇᕗᑦ ᐊᖏᕈᑎᖏᓐᓂ, ᐅᑭᐅᓖᑦ ᑕᓪᓕᒪᓂᒃ ᐅᖓᑖᓂᓗ ᐊᑎᓕᐅᖅᑕᐅᖃᑕᐅᓂᐊᖅᑐᑦ ᐊᒧᔭᒃᓴᓄᑦ. ᑭᒃᑯᑐᐃᓐᓇᐃᑦ ᐊᑎᖏᑦ ᐊᒧᔭᐅᔪᑦ ᑕᑯᔭᐅᑎᑦᓯᓯᒪᒋᐊᖃᕐᓂᐊᖅᑐᑦ ᓇᓗᓇᐃᕈᑎᓂᒃ ᑲᐱᔭᐅᓯᒪᓂᕐᒥᓂᒃ ᐄᑉᕈ 29, 2022. ᐃᓐᓇᐃᑦ ᓄᑕᖅᑲᓪᓗ ᑲᐱᔭᐅᓯᒪᔪᑦ ᒪᑑᓇᒧᑦ ᕙᐃᔪᒧᓪᓘᓐᓃᑦ ᑕᑯᑎᑦᓯᔭᕆᐊᖃᕐᓂᐊᖅᑐᑦ ᓇᓗᓇᐃᖅᑕᐅᓯᒪᒍᑎᓂᒃ ᒪᕐᕈᐊᑎᖅᑐᑎᒃ ᑲᐱᔭᐅᓯᒪᓂᕐᒥᓂᒃ ᐊᒻᒪᓗ ᐃᓐᓇᐃᑦ ᑲᐱᔭᐅᓯᒪᔪᑦ ᔮᓐᓴ & ᔮᓐᓴᓐ ᑲᐱᔭᐅᓯᒪᔪᑦ ᑕᑯᔭᐅᑎᑦᓯᒋᐊᖃᓂᐊᖅᑐᑦ ᓇᓗᓇᐃᖅᑕᐅᓯᒪᒍᑎᓂᒃ ᐊᑕᐅᓯᐊᖅᑐᑎᒃ ᑲᐱᔭᐅᓯᒪᓂᕐᒥᓂᒃ.
ᐊᑕᐅᓯᕐᒥᒃ ᖃᒧᑕᐅᔭᖅᑖᖅᑐᖃᖃᑦᑕᓛᖅᑐᑦ ᓄᓇᕗᑦ ᓄᓇᓕᖏᓐᓂ ᐊᒻᒪᓗ ᒪᕐᕉᒃ ᑮᓇᐅᔭᓂᒃ ᓵᓚᒃᓴᐅᓯᐊᕐᓗᑎᒃ $5,000 ᐊᑐᓂᑦ ᐃᓄᐃᑦ ᓯᓚᑖᓂᒥᐅᑕᐃᑦ ᓄᓇᕗᑦ ᓄᓇᖓᑕ ᓇᓗᓇᐃᖅᑕᐅᓯᒪᓂᖓᓂᒃ.
ᖃᒧᑕᐅᔭᐃᑦ ᑖᒃᑯᓇᓃᕌᓂᑦᑐᑦ ᓄᓇᓕᓐᓂ.
.ᑐᒃᓯᕋᐅᑏᑦ ᑕᑕᑎᕋᑦᓴᑦ ᐊᑎᖃᖃᑕᐅᔪᓅᖃᑕᐅᒍᒪᒍᕕᑦ ᐊᑐᐃᓐᓇᐃᑦ ᓄᓇᓖᑦ ᑐᖅᑲᑕᕐᕕᖏᓐᓂ ᐅᕝᕙᓘᓐᓃᑦ ᑐᙵᕕᒃᑯᑦ ᐃᑭᐊᖅᑭᕕᖓᓂ: www.tunngavik.com.
ᓄᕙᔾᔪᐊᕐᓇᖅ-19−ᒧᑦ ᑲᐴᑎᑦ ᓴᐳᔾᔨᓯᒪᑦᓯᐊᓂᖅᐹᖑᒍᑕᐅᔪᑦ ᒫᓐᓇᒧᑦ ᓯᐊᒻᒪᖁᓇᒍ ᓄᕙᔾᔪᐊᕐᓇᖅ−19. ᑐᑭᓯᒋᐊᒃᑲᓂᕐᕕᒃᓴᖅ ᓄᕙᔾᔪᐊᕐᓇᖅ−19 ᒥᑦᓵᓄᑦ, ᑲᐴᑏᑦ ᒪᑑᓇ ᐊᒻᒪᓗ ᕙᐃᔭ, ᐅᕝᕙᓘᓐᓃᑦ ᐃᓂᒃᓴᓕᐅᕈᒪᒍᕕᑦ, ᖃᐅᔨᒃᑲᕐᓗᒍ ᓄᓇᑦᓯᓐᓂ ᐋᓐᓂᐊᕐᕕᓯ.
ᑐᑭᓯᒋᐊᒃᑲᓂᕐᕕᒃᓴᖅ:
ᐃᔅᑎᕆ ᐸᐅᕕᐅᓪ
ᐃᖢᐊᖅᓴᐃᔨ − ᓄᕙᔾᔪᐊᕐᓇᖅ−19
ᓄᓇᕗᑦ ᑐᙵᕕᒃ ᑎᒥᖓ
ᐅᖄᓚᐅᑖ: 867-645-5400
ᐊᑭᖃᙱᑦᑐᖅ: 1-888-236-5400
ᑐᓈᓛᖅ ᐋᑕᒻᔅ
ᐊᑎᖃᖃᑕᐅᔪᓕᕆᔨᒧᑦ ᐃᑲᔪᖅᑎ
ᓄᓇᕗᑦ ᑐᙵᕕᒃ ᑎᒥᖓ
ᐅᖄᓚᐅᑖ: 867-645-5400
ᐊᑭᖃᙱᑦᑐᖅ: 1-888-236-5400
