(ᓄᕕᐱᕆ 24, 2022, ᐃᖃᓗᐃᑦ, ᓄᓇᕗᑦ) ᐅᑉᓘᒃ ᒪᕐᕉᒃ ᖄᖏᖅᑎᓪᓗᒋᒃ ᐅᖃᖃᑎᒌᒃᓂᖏᑦ ᐊᑯᓐᓂᖏᓐᓂᒃ ᓯᕗᓕᖅᑎᐅᔪᑦ ᐊᒻᒪᓗ ᐃᓚᒋᔭᐅᔪᑦ ᓄᓇᕗᓕᒫᒥ, ᐃᓄᐃᑦ ᓄᓇᖓᑦ ᐊᒻᒪᓗ ᓄᓇᕗᑦ ᒐᕙᒪᒃᑯᖏᑦ ᐊᒻᒪᓗ ᑲᓇᑕ ᖃᓄᖅ ᐊᑲᐅᓂᖅᐹᓂᒃ ᑲᑐᔾᔨᓗᑎᒃ ᐱᓕᕆᔪᓐᓇᕐᒪᖔᕐᒥᒃ ᐃᒡᓗᓕᕆᓂᕐᒧᑦ ᐊᒃᓱᕈᐊᓴᕐᓂᐅᔪᑦ ᐊᑲᐅᖏᑦᑐᒃᑯᑦ ᓄᓇᕗᒥ ᐊᒻᒪᓗ ᐃᓄᐃᑦ ᓄᓇᖓᑦ.
ᐃᒻᒪᖄ ᐅᓄᕐᓂᖃᖅᑐᑦ 150 ᐅᓪᓗᑎᒃ ᐃᓚᐅᔪᑦ ᑲᑎᒪᔪᓂ ᐅᖃᖃᑎᒌᒍᑎᒋᓪᓗᒋᑦ ᐊᒥᓱᐊᓗᐃᑦ ᐃᒡᓗᓕᕆᓂᕐᒧᑦ ᐊᒃᑐᐊᔪᑦ ᐱᔾᔪᑎᐅᓪᓗᑎᒃ ᑕᒪᑦᓱᒧᖓ ᑕᐃᔭᐅᓪᓗᓂ ᐊᔾᔨᒌᖏᑦᑐᑦ ᒐᕙᒪᒃᑯᓂᑦ ᐱᓕᕆᕕᖏᓐᓂᒃ ᐃᓚᐅᔪᑦ ᑲᑐᔾᔨᖃᑕᐅᓪᓗᑎᒃ, ᐊᒻᒪᓗ ᐊᔭᐅᖅᑐᐃᓪᓗᑎᒃ ᐅᑯᐊ ᓄᓇᕗᑦ ᑐᓐᖓᕕᒃ ᑎᒥᖓᑦᑕ ᐊᖓᔪᖅᑳᑉ ᑐᖏᓕᐊ, ᔭᐃᒻᔅ ᐃᑦᑐᓗᒃ, ᑎᒍᓗᒍ ᑕᒪᑦᓱᒧᖓ ᐱᕕᒃᓴᐃᑦ ᓱᓕᑦᑎᐊᖅᑐᓂᒃ ᐊᒃᑐᖅᓯᓗᑎᒃ ᓄᓇᓕᐅᔪᓂᒃ, ᖃᑕᖑᑎᒌᑦ, ᐊᒻᒪᓗ ᐊᑐᓂ ᐃᓄᐃᑦ ᐃᓄᐃᑦ ᓄᓇᖓᑦ − ᐃᑲᔪᕐᓗᑎᒃ ᐃᒪᓐᓇ ᐅᓗᕆᐊᓇᖏᑦᑐᓂᒃ ᐃᒡᓗᖃᕐᓗᑎᒃ, ᐋᓐᓂᐊᕐᓇᖏᑦᑐᓂᒃ, ᐊᒻᒪᓗ ᐊᑭᑐᓗᐊᖏᑦᑐᓂᒃ ᐊᖏᕐᕋᓂᒃ. ᑲᓇᑕᐅᑉ ᒥᓂᔅᑕᖓ ᐅᑯᓇᖓᑦ ᐃᓄᓕᕆᔨᑐᖃᒃᑯᓐᓂᑦ ᐊᒻᒪᓗ ᓄᓇᖃᖅᑳᖅᓯᒪᔪᓕᕆᔨᒃᑯᓐᓂᑦ, ᒫᒃ ᒥᕐᓚ, ᐃᓚᐅᓚᐅᖅᑐᖅ ᑐᖓᓱᒃᑎᑦᑎᓪᓗᓂ ᑲᑎᒪᔭᖅᑐᖃᑕᐅᓯᒪᔪᓂᒃ ᑕᒪᑦᓱᒧᖓ ᐃᒡᓗᓕᕆᓂᕐᒧᑦ ᑲᑎᒪᕕᒃᔪᐊᕐᓂᕐᒥᑦ ᐃᒪᓐᓇ ᐅᖃᖅᑐᑦ ᑕᐃᓯᓪᓗᓂ ᑲᓇᐅᑉ ᐱᓂᐊᕐᓂᕋᕈᑎᖏᓐᓂᒃ ᑕᒪᑦᓱᒧᖓ ᑲᑐᔾᔨᖃᑕᐅᓗᑎᒃ ᐃᓚᒋᓪᓗᒋᑦ ᑕᒪᒃᑯᐊ ᐊᐅᓚᔾᔭᒋᐊᖅᑕᐅᓯᒪᔪᑦ ᐅᑯᐊᑎᑐᑦ ᐃᓄᐃᑦ ᓄᓇᖓᑦ ᐊᑐᐊᒐᖁᑎᖏᑦᑐᑦ.
ᐃᓄᐃᑦ ᓯᕗᓕᖅᑎᑦ ᐃᓚᐅᓚᐅᖅᑐᑦ ᐅᑯᐊ ᓄᓇᕗᑦ ᑐᓐᖓᕕᒃ ᑎᒥᖓᑦᑕ ᐊᖓᔪᖅᑳᖓᑦ ᐊᓗᑭ ᑰᑦᑎᖅ, ᓄᓇᑦᓯᐊᕗᑦ ᒐᕙᒪᒃᑯᖏᑦᑕ ᐊᖓᔪᖅᑳᖓᑦ ᔪᐋᓇᔅ ᓛᒻᐱ, ᒪᑭᕕᒃ ᐊᖓᔪᖅᑳᖓᑦ ᐲᑕ ᐋᑕᒥ, ᐃᓄᐃᑦ ᑕᕇᑦ ᑲᓇᑕᒥ ᐊᖓᔪᖅᑳᖓᑦ ᓇᑖᓐ ᐆᐱᑦ, ᐊᒻᒪᓗ ᓱᓕ ᐅᑯᓇᖓᑦ ᓄᓇᕗᑦ ᒐᕙᒪᒃᑯᖏᓐᓂᒃ ᒥᓂᔅᑕᐃᑦ, ᐅᐱᓇᖅᑐᖅ ᒫᒐᕆ ᓇᑲᓱᒃ ᐊᒻᒪᓗ ᐅᐱᓇᖅᑐᖅ ᔮᓐ ᒦᓐ ᐱᒋᐊᓚᐅᖅᑐᖅ ᓈᓚᒃᑎᐅᓪᓗᑎᒃ ᐅᖃᖃᑎᒌᒃᓂᐅᔪᓂ ᐃᒪᓐᓇᓗ ᐊᐅᓪᓗᔾᔨᓪᓗᑎᒃ ᖃᓄᖅ ᑲᔪᓯᑦᑎᐊᕈᓐᓇᕐᒪᖔᑕ ᐱᓕᕆᐊᕆᓗᒋᑦ ᐃᒡᓗᓕᕆᓂᕐᒧᑦ ᐊᑲᐃᓪᓕᐅᕈᑎᐊᓗᐃᑦ ᐊᑦᑕᓇᖅᑐᒥ ᐃᒪᓐᓇ ᖃᓄᐃᓐᓂᖃᕐᒪᖔᑕ ᐃᖕᒥᓐᓄᑦ ᐊᒻᒪᓗ ᖃᓄᐃᑦ ᖃᐅᔨᒪᓂᐊᕐᒪᖔᑕ ᐃᓚᖏᑦ ᐊᖅᑭᒃᓯᒪᓕᖅᑕᕗᑦ ᐊᑲᐃᓕᐅᕈᑎᓄᑦ ᐃᒡᓗᓕᕆᓂᕐᒧᑦ ᐅᓗᕆᐊᓇᑦᑐᑦ ᐊᑦᑕᓇᖅᑐᒥ ᐃᓕᖓᔪᑦ ᐃᓄᐃᑦ ᓄᓇᖓᑦ−ᓂ.
ᒥᓂᔅᑕ ᐃᓄᓕᕆᔨᑐᖃᒃᑯᓐᓂ ᑖᓐ ᕚᓐᑎᐅᕐ ᐊᒻᒪᓗ ᒥᓂᔅᑕ ᐃᒡᓗᓕᕆᓂᕐᒧᑦ ᐊᒻᒪᓗ ᐊᔾᔨᒌᖏᑦᑐᓂᓕᕆᓂᕐᒧᑦ ᐊᒻᒪᓗ ᐃᓚᒋᔭᐅᓪᓗᓂ ᐊᕼᐋᒻ Hᐅᓯᓐ ᐅᖃᓪᓚᓚᐅᖅᑑᒃ ᑲᑎᒪᕕᒃᔪᐊᕐᑐᓂ ᑲᑎᒪᖃᑕᐅᔪᓄᑦ ᐊᖅᑯᑎᒋᓪᓗᒋᑦ ᑕᑯᒃᓴᐅᔪᒃᑯᑦ ᐅᖃᐅᓯᐅᓯᖃᖅᑐ ᐃᓄᖕᓄᑦ ᐱᓪᓗᒋᑦ ᓇᖕᒥᓂᖅ ᐱᔭᒃᓴᖏᓐᓂᒃ ᐃᒡᓗᓕᕆᓂᕐᒧᑦ.
ᑲᑎᒪᔭᖅᑐᖃᑕᐅᓯᒪᔪᑦ ᐅᓂᒃᑳᕐᕕᐅᓚᐅᖅᑐᑦ ᒪᕐᕉᖕᓂᒃ ᐊᖏᔪᓂᒃ ᐃᒡᓗᓕᕆᓂᕐᒧᑦ ᐊᐅᓚᔾᔭᒋᐊᖅᑕᐅᓯᒪᔪᓂᒃ ᒫᓐᓇᒧᑦ ᐱᒋᐊᕐᓯᒪᔪᓂᒃ ᓄᓇᕗᒥ. ᓄᓇᕗᑦ ᑐᓐᖓᕕᒃ ᑎᒥᖓᑦᑕ ᐊᖓᔪᖅᑳᖓᑦ ᐊᓗᑭ ᑰᑦᑎᖅ ᐊᒥᖄᕈᑎᖃᓚᐅᖅᑐᖅ ᐱᓕᕆᐊᖑᔪᓂᒃ ᐅᑯᓄᖓ ᐃᓄᖕᓄᑦ ᐅᑯᓄᖓ ᐃᓄᐃᑦ ᓴᖅᑭᑦᑎᔪᓐᓇᕐᓂᖏᓐᓂᒃ ᐊᖏᕐᕋᒃᓴᓕᐅᓚᐅᖅᑕ − ᐅᑯᐊ ᓄᓇᕗᑦ ᐃᓄᐃᑦ ᐃᒡᓗᓕᕆᓂᕐᒧᑦ ᐊᐅᓚᔾᔭᐃᒋᐊᕐᓂᕐᒧᑦ ᐸᕐᓇᐅᑎᑦ ᐊᒻᒪᓗ ᓄᓇᕗᒥ ᓯᕗᓕᖅᑎ ᐲ.ᔩ. ᐊᕿᐊᕈᖅ ᑐᓂᓯᔪᖅ ᑕᐅᑦᑐᐊᓂ ᐅᑯᐊ ᓄᓇᕗᑦ 3000, ᐅᑯᐊᓗ ᓄᓇᕗᑦ ᒐᕙᒪᒃᑯᖏᑦᑕ ᐸᕐᓇᐅᑎᖏᑦ ᒪᑭᑎᕆᓗᑎᒃ ᐃᒡᓗᕐᔪᐊᓂᒃ ᐅᓄᕐᓂᖃᖅᑐᖅ 3,000 ᐃᒡᓗᕐᔪᐊᓂ ᐊᑕᖃᑎᒌᒃᑐᓂᒃ ᐅᑭᐅᖓᓂ 2030.
ᑲᑎᒪᕕᒃᔪᐊᕐᓂᕐᒥᑦ ᓱᓕ ᐱᕕᖃᖅᑐᑦ ᑕᑯᓇᒃᑲᓐᓂᕐᓂᖅᓴᐅᓗᑎᒃ ᓄᓇᓕᖕᓂ ᐱᔾᔪᑎᐅᔪᓂᒃ ᐊᑲᐃᓕᐅᕈᑎᓂᒃ ᐊᒃᑐᐊᔪᑦ ᒪᑯᓄᖓ ᒫᓐᓇ ᐃᒡᓗᓕᕆᓂᕐᒧᑦ ᐅᓗᕆᐊᓇᖅᑐᓂᒃ. ᑭᒡᒐᖅᑐᐃᔨᑦ ᐅᑯᓇᖓ ᐅᖂᑕ ᑎᒥᖁᑎᐊᓐᓂ ᐊᒻᒪᓗ YWCA−ᑯᑦ ᐊᒡᕕᒃ ᓄᓇᕗᒥ ᐅᖃᓪᓚᓚᐅᖅᑐᑦ ᐱᓪᓗᒋᑦ ᐊᑲᐃᓪᓕᐅᕈᑎᐅᔪᑦ ᐱᔾᔪᑎᖏᑦᑕ ᐊᖏᕐᕋᖃᖏᑦᑐᐃᑦ ᐊᒻᒪᓗ ᐊᖏᕐᕋᕆᔭᐅᓚᐅᐱᓪᓚᒃᐸᒃᑐᑦ.
ᐱᓇᓱᐊᕐᓗᑎᒃ ᑲᒪᒋᓗᒋᑦ ᐃᒡᓗᑭᒃᓴᕐᓂᑦ, ᐱᓇᓱᐊᖅᑕᐅᔪᑦ ᐱᓕᕆᐊᖑᔪᑦ ᐊᑲᐅᓂᖅᓴᓄᑦ ᑐᑭᓯᐊᓂᒃᑯᑦ ᖃᓄᐃᓕᖓᓂᐅᔪᑦ ᐱᓪᓗᒋᑦ ᐃᓄᐃᑦ ᓄᓇᖓᑦ. ᑲᑎᒪᔭᖅᑐᖅᓯᒪᔪᑦ ᐱᔪᓐᓇᖅᑎᑕᐅᓚᐅᖅᑐᑦ ᖃᐅᔨᕚᓪᓕᖅᑎᑕᐅᓂᕐᒥᑦ ᐊᒃᓱᕈᓇᕈᑕᐅᔪᓂᒃ ᐊᒻᒪᓗ ᐱᓇᓱᐊᖅᑕᐅᔪᓂᒃ ᖃᓄᖅᑑᕐᓗᓂ ᖃᐅᔨᓴᕐᓗᑎᒋᑦ ᐃᒡᓗᓕᕆᓂᕐᒧᑦ ᐱᔪᒪᔭᐅᔪᑦ ᐃᓄᐃᑦ ᓄᓇᓕᒫᖏᓐᓂ ᐊᒻᒪᓗ ᐱᓕᕆᐊᕆᓯᒪᔭᖏᑦ ᓄᓇᕗᑦ ᑐᓐᖓᕕᒃ ᑎᒥᖓᑦᑕ ᓴᖅᑭᑦᑎᓗᑎᒃ ᓄᓇᕗᑦ ᐃᓄᐃᑦ ᐊᓐᓇᖅᑐᕈᓇᕈᑎᒃᓴᖏᓐᓂᒃ ᐃᒡᓗᓕᕆᓂᕐᒧᑦ ᓇᓗᓇᐃᑯᑕᖏᑦ (NISHI).
ᐅᑉᓗᐊ ᑐᖏᓕᐊᓂ ᑕᑯᓚᐅᖅᑕᕗᑦ ᐃᓚᐅᔪᑦ ᐅᖃᖃᑎᒌᒃᖢᑎᒃ ᐱᒻᒪᕆᐅᔪᓂᒃ ᐊᑲᐃᓪᓕᐅᕈᑕᐅᔪᓄᑦ ᐱᔾᔪᑎᓂᒃ ᐅᑯᐊ ᓇᓗᓇᖏᑦᑎᐊᖅᑐᑦ−ᑐᖓᑎᖏᓐᓂᒃ ᑮᓇᐅᔭᖃᖅᑎᑦᑎᓂᖅ ᐊᒻᒪᓗ ᖃᓄᐃᓕᐅᕈᑕᐅᓂᐊᕐᓂᖏᓐᓄᑦ ᑲᒪᔾᔪᑕᐅᓗᑎᒃ ᓇᖕᒥᓂᖅ ᐊᑐᖅᑕᐅᓗᑎᒃᓗ ᑲᒪᔾᔪᑎᐅᓂᐊᖅᑐᓄᑦ ᐃᒡᓗᓕᕆᓂᕐᒧᑦ ᐅᓄᕆᐊᓇᕈᑕᐅᔪᓂᒃ ᐊᒻᒪᓗ ᐊᒃᑐᐊᖃᑎᒌᒃᓂᖏᑦ ᐊᑯᓐᓂᖏᓐᓂᒃ ᑲᓇᑕᐅᑉ ᒐᕙᒪᒃᑯᖏᑦ ᐊᒻᒪᓗ ᐃᓄᐃᑦ. ᐅᓂᒃᑲᖅᑕᐅᔪᑦ ᐱᓕᕆᐊᖑᓚᐅᕐᒥᔪᑦ ᑕᒪᑦᓱᒧᖓ ᑲᓇᑕᐅᑉ ᒐᕙᒪᒃᑯᖏᓐᓄᑦ−ᓯᕗᓐᓂᐊᖅᑕᐅᓪᓗᑎᒃ ᐃᒡᓗᓕᕆᓂᕐᒧᑦ ᐊᐅᓚᔾᒋᐊᖅᑕᐅᓯᒪᔪᑦ ᒪᓕᒃᖢᒋᑦ ᑲᓇᑕᓕᒫᒥ ᐃᒡᓗᓕᕆᓂᕐᒧᑦ ᐅᐸᓗᖓᐃᔭᐅᑎᒃᑯᑦ ᐊᒻᒪᓗ ᐱᕕᒃᓴᐃᑦ ᐱᓕᕆᓂᕐᒧᑦ ᑐᑦᑎᐊᖅᑐᓂᒃ ᐊᒻᒪᓗ ᑲᑐᔾᔨᓂᒃᑯᑦ ᐃᓚᒋᓗᒋᑦ ᐃᓄᐃᑦ ᓄᓇᖓᑦ ᑕᒪᑦᓱᒧᖓ ᐊᑕᐅᑦᑎᒃᑯᑦ−ᑎᑎᖅᑐᒐᖅᑕᐅᓂᖏᓐᓂᒃ ᖃᓄᐃᑦᑑᓂᐊᕐᒪᖔᑕ ᓯᕗᓂ ᐃᒡᓗᓕᕆᓂᕐᒧᑦ ᐊᐅᓚᔾᔭᒋᐊᖅᑕᐅᔪᑦ.
ᑲᑎᒪᕕᒃᔪᐊᕐᓂ ᓱᓕ ᑐᓂᓯᔪᖅ ᐱᕕᒃᓴᑦᑎᐊᓂᒃ ᑕᑯᓇᒃᓗᓂ ᓇᖕᒥᓂᖅ ᐱᖠᕆᐊᕆᔪᓐᓇᖅᑕᖏᓐᓂᒃ ᐱᔪᒪᔭᐅᔪᑦ ᐅᑯᓄᖓ ᐃᓄᖕᓄᑦ ᐊᒻᒪᓗ ᓄᓇᓕᖕᓄᑦ ᐸᕐᓇᒃᐸᓪᓕᐊᑎᓪᓗᒋᑦ ᐱᓕᕆᓂᕐᒧᑦ ᕿᔪᓕᕆᔨᓄᑦ ᓴᓇᓂᐊᖅᑐᓄᑦ ᐊᒻᒪᓗ ᐊᔪᖏᑦᑎᐊᕐᓗᑎᒃ ᐱᓕᕆᓂᖅ ᓇᖕᒥᓂᖅ ᒪᑭᑎᕆᓂᕐᒧᑦ ᐃᒪᓐᓇᓗ ᑐᑭᖏᑦ ᑎᑭᐅᑎᓂᕐᒧᑦ ᑕᒪᒃᑯᓂᐊ ᐱᔪᒪᔭᐅᔪᓂᒃ ᐊᒻᒪᓗ ᓯᕗᓂᒧᑦ.
ᓄᓇᕗᑦ ᑐᓐᖓᕕᒃ ᑎᒥᖓᑦᑕ ᐃᒡᓗᓕᕆᓂᕐᒧᑦ ᑲᑎᒪᕕᒃᔪᐊᕐᓂᐊᑦ ᑎᑎᖅᓯᔪᖅ ᓇᓗᓇᐃᒃᑯᑕᒥᑦ ᐱᕕᒃᓴᓂᒃ ᓴᖏᓕᖅᑎᑦᑎᓂᕐᒥᑦ ᓄᑭᒃᑖᖅᑎᑦᑎᓂᕐᒥᑦ ᐊᑕᐅᑦᑎᒃᑯᑦ ᐱᓕᕆᓗᑎᒃ ᐊᒻᒪᓗ ᑐᓂᓯᓗᑎᒃ ᑐᖓᕕᒃᓴᓂᒃ ᐅᑯᐊ ᐃᓚᐅᔪᑦ ᓴᓇᔪᓐᓇᕐᓂᖏᓐᓄᑦ ᑕᒪᑦᓱᒧᐊ ᐊᖏᓂᖅᓴᓄᑦ ᐊᑕᐅᑦᑎᒃᑯᑦ−ᐱᓕᕆᖃᑎᒌᒃᓂᕐᒥᑦ, ᐊᑕᐅᑦᑎᒃᑯᑦ− ᐱᓕᕆᓗᑎᒃ ᐊᐅᓚᑦᑐᓂᒃᑯᑦ ᑕᒪᑦᓱᒪ ᐊᕙᓗᐊᓂ ᐃᒡᓗᓕᕆᓂᕐᒧᑦ ᐃᓄᐃᑦ ᓄᓇᖓᑦ ᐊᑯᓐᓂᖏᓐᓂᒃ ᑕᒪᐃᑕ ᐃᓚᒋᔭᐅᔪᑦ ᐃᓚᒋᓪᓗᒋᑦ ᑕᒪᐃᑕ ᒐᕙᒪᒃᑯᑦ ᐊᒻᒪᓗ ᐃᓄᐃᑦ ᑎᒥᖁᑎᖏᑦ.
-30-
ᐅᖃᕐᕕᒋᒍᒃ:
ᑭᐊᕙᓐ ᖃᑉᓗᑦᓯᐊᖅ
ᑐᑭᒧᐊᒃᑎᑦᑎᔨ, ᑐᓴᐅᒪᖃᑦᑕᐅᑎᓕᕆᔨᒃᑯᓐᓄᑦ
ᓄᓇᕗᑦ ᑐᙵᕕᒃ
ᐅᖃᓘᑎᐊ: (867) 975-4900 / ᐊᑭᖃᖏᑦᑐᖅ: 1-888-646-0006
