ᑐᕌᒐᕆᔭᖅᐳᑦ: “ᐃᓄᐃᑦ ᐱᕙᓪᓕᐊᓂᖃᖁᑉᓗᒋᑦ, ᐃᓅᖃᑎᒌᖕᓂᒃᑯᑦ, ᐃᓕᖅᑯᓯᑐᖃᒃᑯᑦ ᐊᑐᓕᖅᑎᖅᑕᐅᑎᓪᓗᒍ ᓄᓇᕗᒥ ᓄᓇᑖᕐᓂᕐᒧᑦ
ᐊᖏᕈᑎᓕᐊᖅ”
ᑐ ᓴ ᒐ ᒃ ᓴ ᖅ
ᓄᓇᕗ ᑦ ᑐᓐᖓᕕ ᒃ ᑯ ᑦ ᑎ ᒥᖓᑕ ᑐ ᓴᒐ ᒃ ᓴᖏᑦ ᖃᕆᑕ ᐅ ᔭ ᒃ ᑯ ᑦ ᖃᐅ ᔨ ᒋ ᐊ ᕐᕕᑦᑎ ᓐᓃ ᖃᑦ ᑕ ᖅᑐ ᑦ ᐅᕙᓂ ᑐ ᕌᕈᑎ ᒥ :
h t t p : / /w w w . t u nng avi k . co m
Twi t ter @NTunngavik and Facebook Page: Nunavut Tunngavik Inc.
ᑐᓴᖅᑕᐅᑲᐅᑎᒋᔭᕆᐊᓕᒃ
ᐊᖓᔪᖅᑳᖅ ᑰᑦᑎᖅ ᖃᐅᔨᒃᑲᐃᔪᖅ ᐊᔾᔨᐅᑎᑕᐅᒋᐊᖃᕐᓂᕐᒧᑦ ᓯᓚᕐᔪᐊᒥ ᐳᕙᓪᓗᑦᑐᓕᕆᓂᕐᒧᑦ ᐅᓪᓗᖓ
(ᒫᑦᓯ 24, 2022, ᐃᖃᓗᑦᑑᑦᑎᐊᖅ, ᓄᓇᕗᑦ) ᑐᙵᕕᒃᑯᑦ ᐊᖓᔪᖅᑳᖓ ᐊᓗᑭ ᑰᑦᑎᑦ ᓇᓗᓇᐃᕆᔪᖅ ᒫᑦᓯ 24 ᓄᓇᕐᔪᐊᒥ ᐳᕙᓪᓗᑦᑐᓕᕆᓂᕐᒧᑦ (TB) ᐅᓪᓗᖃᕐᓂᐊᕐᓂᖓ ᓄᓇᕗᒻᒥ ᐊᒻᒪᓗ ᒐᕙᒪᑐᖃᒃᑯᓐᓂᒃ ᑮᓇᐅᔭᓕᑕᐅᒃᑲᓐᓂᕈᑎᒃᓴᓯᐅᖅᑐᖅ ᑐᕌᖓᓂᐊᖅᑐᒥᒃ ᐊᔾᔨᐅᑎᑕᐅᒋᐊᖃᕐᓂᕐᒧᑦ ᓴᐳᔾᔨᓯᒪᔾᔪᑎᒃᓴᓂᒃ ᐃᓄᐃᑦ ᐃᓅᓯᖏᓐᓂᒃ.
“ᐳᕙᓪᓗᓕᑦᑕᐃᓕᒪᔾᔪᑎᒃᓴᖅᑕᓕᒃ ᐊᒻᒪᓗ ᒪᒥᑕᐅᔪᓐᓇᖅᑐᖅ ᐋᓐᓂᐊ. ᐃᖅᑲᓇᐃᔭᖃᑎᒌᒋᐊᖃᖅᑐᒍᑦ ᓱᑲᑦᑐᒥᒃ ᑎᑭᐅᑎᒍᓐᓇᖁᓪᓗᑕ ᑲᓇᑕᒥ 2030 ᑐᕌᒐᕐᒧᑦ ᐅᓪᓗᖓᓄᑦ ᐳᕙᓪᓗᓐᓂᖅ ᓄᖑᑎᑕᐅᖁᓪᓗᒍ ᐃᓄᐃᑦ ᓄᓇᖓᓂ. ᑕᒪᓐᓇ ᒐᕙᒪᑐᖃᒃᑯᓐᓂᒃ ᑮᓇᐅᔭᓕᑕᐅᒋᐊᖃᕐᓂᐊᖅᑐᖅ ᑐᕌᖓᖁᓪᓗᒍ ᓱᓕᔪᒥᒃ ᐊᔾᔨᐅᑎᑕᐅᓂᕐᒧᑦ ᓴᖅᑭᕈᑕᐅᓗᓂ,” ᐅᖃᖅᑐᖅ ᐊᓗᑭ ᑰᑦᑎᖅ, ᐊᖓᔪᖅᑳᖓ ᑐᙵᕕᒃᑯᑦ.
“ᐃᓅᓯᕐᒨᖓᔪᓂᒃ ᐱᖁᑎᕐᔪᐊᓂᒃ ᓴᓇᔪᖃᕆᐊᓕᒃ ᓲᕐᓗ ᐃᓪᓗᓂᒃ, ᐸᐃᕆᕕᖕᓂᒃ, ᐅᐃᕆᓯᒪᔪᓄᑦ ᒪᒥᓴᕐᕕᖕᒥᒃ, ᐃᑲᔪᖅᑕᐅᔭᕆᐊᓕᖕᓄᑦ ᐃᓅᓯᖏᓐᓂ ᐃᓂᒃᓴᓂᒃ ᐊᒻᒪᓗ ᓄᓇᓖᑦ ᑲᑎᕝᕕᒃᓴᖏᓐᓂ. ᓂᕿᖃᑦᓯᐊᕆᐊᖃᕐᓂᖅ ᐱᓕᕆᐊᖑᒋᐊᕆᐊᓕᒃ. ᐃᖢᐊᖅᓴᐃᔾᔪᑏᑦ ᐊᐅᓚᑕᐅᒋᐊᓖᑦ ᐃᓄᒃᑐᑦ ᐃᓄᓐᓄᑦ. ᑕᒪᒃᑯᐊᓕᒫᑦ ᐱᓕᕆᐊᑦ ᓴᕐᖓᑎᑦᓯᒋᐊᕈᑕᐅᓂᐊᖅᑐᑦ ᑎᒥᐅᑉ ᐅᓇᑕᐅᑎᖏᓐᓂᒃ ᐊᒻᒪᓗ ᐃᖢᐊᖅᓴᐃᔾᔪᑎᑦ ᐊᑦᑕᓇᙱᓂᖅᓴᐅᓕᕐᓗᑎᒃ ᐃᓄᓐᓄᑦ ᐋᓐᓂᐊᕐᕕᓕᐊᖃᑦᑕᖅᑐᓄᑦ,” ᐅᖃᖅᑐᖅ ᔭᐃᒥᓯ ᐃᑦᑐᓗᒃ, ᐊᖓᔪᖅᑳᑉ−ᑐᒡᓕᐊ ᑐᙵᕕᒃᑯᓐᓂ.
2018-ᒥᓂᒃ, ᑐᙵᕕᒃᑯᑦ ᐃᖅᑲᓇᐃᔭᖃᑎᖃᖃᑦᑕᖅᓯᒪᔪᑦ ᓄᓇᕗᑦ ᒐᕙᒪᒃᑯᖏᓐᓂᒃ (GN) ᐋᖅᑭᑦᓱᐃᓪᓗᑎᒃ ᑲᔪᓯᑎᑦᓯᕙᓪᓕᐊᒍᑎᒃᓴᓂᒃ ᐳᕙᓪᓗᓐᓂᖅ ᓄᖑᑎᑕᐅᖁᓪᓗᒍ ᐊᐅᓚᔾᔭᐃᒍᑎᓄᑦ ᐸᕐᓇᐅᑎᓂᒃ. ᓴᕕᑲᑖᖅ ᒐᕙᒪᖓ ᕿᐱᓗᓚᐅᖅᑐᖅ ᑲᔪᓯᑎᑦᓯᓂᕐᒥᒃ ᐃᑯᓪᓚᕈᑕᐅᓇᔭᖅᑐᓂᒃ ᓄᖑᑎᑦᓯᒍᑎᒃᓴᓂᓪᓗ ᑐᕌᒐᕐᓂᒃ, ᑲᔪᓯᑎᑦᓯᒍᑎᒃᓴᒥᒃ ᐸᕐᓇᐅᓯᐊᖑᓚᐅᖅᑐᒥᒃ ᑲᑐᔾᔨᒍᑕᐅᓪᓗᓂ ᐊᒻᒪᓗ ᑐᓂᓯᓂᕐᒥᒃ ᖃᐅᔨᓴᕈᑎᒥᓂᕐᓂᒃ ᐳᕙᓪᓗᓕᖃᑦᑕᖅᓯᒪᔪᓂᒃ ᓄᓇᓕᓐᓂᒃ.
ᑐᙵᕕᒃᑯᑦ ᑲᔪᓯᑎᑦᓯᒋᐊᖅᓯᒪᓕᖅᑐᑦ ᐊᑐᓕᖅᑎᑦᓯᓂᒃᑯᑦ ᐃᓗᓕᖏᓐᓂᒃ ᐳᕙᓪᓗᓐᓂᖅ ᓄᖑᑎᑕᐅᖁᓪᓗᒍ ᐊᐅᓚᔾᔭᐃᓂᕐᒧᑦ ᐸᕐᓇᐅᑎᓂᒃ, ᐃᓚᒋᔭᐅᓪᓗᑎᒃ ᐱᓕᕆᐊᒃᓴᑎᒍᑦ ᐃᑲᔫᑎᒃᓴᑦ ᓄᓇᓕᖕᓄᑦ ᐊᒻᒪᓗ ᐊᖏᕐᕋᓄᑦ ᐃᓪᓗᒥᐅᖃᑎᒌᓄᑦ ᐊᒃᑐᖅᑕᐅᓯᒪᔪᓄᑦ ᐳᕙᓪᓗᓐᓂᕐᒧᑦ ᓯᐊᒻᒪᕐᕕᐅᓯᒪᔪᓄᑦ, ᑮᓇᐅᔭᓕᑕᐅᒍᑏᑦ ᐊᑐᖅᑕᐅᕌᓂᑦᑐᓄᑦ ᓂᕆᔭᒃᓴᖃᑦᓯᐊᕈᑎᒃᓴᓄᑦ ᐱᓕᕆᐊᑦ, ᐊᒻᒪᓗ ᐋᓐᓂᐊᖅᑐᓕᕆᓂᕐᒧᑦ ᐊᒻᒪᓗ ᐃᓪᓗᓕᕆᓂᕐᒧᑦ ᑲᑎᒪᒍᑕᐅᖃᑦᑕᖅᓯᒪᔪᓂᒃ.
NTI News Release Page 2
ᒪᒥᓴᐅᑎᑦ ᐆᒪᔪᓄᑦ ᐆᒪᙱᑦᑐᓄᓪᓗ ᐳᕙᓪᓗᑦᑐᓄᑦ ᐊᑐᐃᓐᓇᐅᔪᑦ ᓄᓇᓕᓕᒫᓂ ᓄᓇᕗᒻᒥ. ᖃᐅᔨᓴᖅᑕᐅᒋᐊᖃᖅᑐᑎᑦ ᐳᕙᓪᓗᒻᒪᖔᖅᐱᑦ ᖁᐃᕿᑦᓯᒪᒍᕕᑦ ᐊᑯᓂᐅᓂᖅᓴᖅ ᐱᖓᓱᑦ ᐱᓇᓱᐊᕈᓰᑦ ᐅᕝᕙᓘᓐᓃᑦ ᑲᑎᙵᑦᓯᖃᑦᑕᖅᓯᒪᒍᕕᑦ ᖃᓂᒪᔪᒥᒃ ᐳᕙᓪᓗᓂᕐᒧᑦ. ᒪᒥᓴᖅᑕᐅᔾᔪᑎᑎᑦ ᐱᐊᓂᒃᓯᐊᕐᓗᒋᑦ ᒪᒥᓴᐅᑎᑐᖅᑎᑕᐅᓐᓂᕈᕕᑦ.
-30-
ᑐᑭᓯᒋᐊᒃᑲᓂᕐᕕᒃᓴᑦ:
ᒪᓚᐃᔭ ᒥᑭᔾᔪᒃ
ᑐᑭᒧᐊᒃᑎᑦᑎᔨᒧᑦ ᑐᓴᐅᒪᔾᔪᑎᓕᕆᔨᒃᑯᓐᓂ ᐃᓕᓐᓂᐊᖅᑐᖅ
ᓄᓇᕗᑦ ᑐᙵᕕᒃ ᑎᒥᖓ
ᐅᖄᓚᐅᑖ: (867) 975-4900 ᐊᑭᖃᙱᑦᑐᖅ: 1-888-646-0006

www.tunngavik.com
ᑲᒪᒋᔭᐅᓯᒪᓂᖓ
ᓄᓇᕗᒻᒥ ᐳᕙᓪᓗᓐᓂᖅ ᓄᖑᑎᑕᐅᖁᓪᓗᒍ ᐊᐅᓚᔾᔭᐃᒍᑎᒃᓴᑦ ᐸᕐᓇᐅᑎᓄᑦ, 2020-2023 ᓴᖅᑭᖅᑕᐅᓚᐅᖅᑐᖅ ᑲᑐᔾᔨᒍᑕᐅᓪᓗᓂ ᐊᐅᓚᑕᐅᔪᖅ ᓯᕗᓕᖅᑕᐅᔪᖅ ᑐᙵᕕᒃᑯᓐᓂᒃ, ᑲᑐᔾᔨᖃᑎᖃᖅᑐᑎᒃ ᓄᓇᕗᑦ ᒐᕙᒪᒃᑯᖏᓐᓂᒃ.
ᖁᓕᑦ ᑐᕌᒐᑦ ᓄᓇᕗᒻᒥ ᐳᕙᓪᓗᑦᑐᓕᕆᓂᕐᒧᑦ ᐊᐅᓚᔾᔭᐃᒍᑎᒃᓴᓄᑦ ᐸᕐᓇᐅᑏᑦ ᐅᑯᐊ:
• ᑲᑐᔾᔨᖃᑎᒌᒍᑎᖃᕐᓂᖅ, ᐃᖅᑲᓇᐃᔭᖃᑎᒌᓐᓂᖅ ᐊᔭᐅᖅᑐᐃᓂᕐᓗ
• ᓴᕐᖓᑎᑦᓯᒋᐊᕐᓂᖅ ᐋᓐᓂᐊᖅᑐᓕᕆᓂᕐᒧᑦ ᐊᐅᓚᑦᓯᔾᔪᑕᐅᔪᒥᒃ
• ᐃᓪᓗᓕᕆᓂᖅ
• ᑎᒥᒧᑦ ᐊᑐᕐᓂᓖᑦ ᓂᖀᑦ, ᓂᕆᔭᒃᓴᖃᑦᓯᐊᕐᓂᖅ ᐊᒻᒪᓗ ᓂᕿᑦᓴᖃᑦᓯᐊᓂᕐᒨᖓᔪᑦ
• ᓴᕐᖓᖅᑎᑕᐅᓗᑎᒃ ᐃᓚᒌᑦ ᐊᒻᒪᓗ ᓄᓇᓖᑦ
• ᓄᖑᑎᑦᓯᓂᖅ ᐳᕙᓪᓗᑦᑐᓂᒃ ᖃᕿᐊᖅᓯᖃᑦᑕᖅᑐᓂᒃ
• ᓴᕐᖓᑎᑦᓯᒋᐊᕐᓂᖅ ᓄᓇᕗᒻᒥ ᐳᕙᓪᓗᑦᑐᓕᕆᓂᕐᒧᑦ ᐱᓕᕆᐊᓂᒃ
• ᓄᓇᓕᓐᓂ ᐳᕙᓪᓗᓂᕐᒧᑦ ᖃᐅᔨᓴᖅᑕᐅᓂᖅ ᒪᒥᓴᖅᑕᐅᓂᕐᓗ
• ᐃᓄᐃᑦ ᐃᓕᓐᓂᐊᖅᑎᑕᐅᓗᑎᒃ ᐃᖅᑲᓇᐃᔭᖅᑎᑕᐅᓗᑎᓪᓗ
• ᐃᓄᐃᑦ ᐊᐅᓚᑦᓯᔨᐅᓗᑎᒃ ᖃᐅᔨᓴᕐᓂᕐᒥᒃ
NTI News Release Page 3
ᑖᒃᑯᑎᒎᓇ ᑐᕌᒐᐅᔪᑎᒍᑦ ᐃᒪᐃᓕᐅᕐᓂᐊᖅᑐᒍᑦ:
1. ᐱᐅᓯᒋᐊᕈᑕᐅᓗᓂ ᐊᑐᐃᓐᓇᖃᕐᓂᕐᒥᒃ ᐃᖢᐊᖅᓴᖅᑕᐅᖃᑦᑕᓂᕐᒥᒃ ᐱᕙᓪᓕᖅᑎᑕᐅᓂᖓᒍᑦ ᐃᓄᐃᑦ ᐃᖅᑲᓇᐃᔭᖅᑎᑕᐅᓂᖏᑦ ᐊᒻᒪᓗ ᐊᑐᖅᑕᐅᓂᖓ ᐃᓄᒃᑐᑦ ᐃᖢᐊᖅᓴᐃᔾᔪᑎᓂ ᐊᒻᒪᓗ ᐳᕙᓪᓗᓂᕐᒧᑦ ᐱᓕᕆᐊᓂ
2. ᐃᑲᔪᖅᓱᕐᓗᑕ ᐱᓇᓱᐊᖃᑎᒋᔭᑦᑎᓐᓂᒃ ᓄᓇᕗᑦ ᒐᕙᒪᒃᑯᖏᓐᓂᒃ ᓄᓇᕗᒻᒥ ᐳᕙᓪᓗᑦᑐᓕᕆᓂᕐᒧᑦ ᐱᓕᕆᐊᖅ ᓴᙱᓂᖅᓴᐅᒍᑎᒃᓴᖓᓂᒃ ᐊᒻᒪᓗ ᓄᓇᓕᑦᑎᒍᑦ ᐳᕙᓪᓗᑦᑐᖃᕐᒪᖔᖅ ᖃᐅᔨᓴᖅᑕᐅᓂᖃᐃᓐᓇᖃᑦᑕᕐᓗᑎᒃ ᖃᐅᔨᓴᖅᑕᐅᖃᑦᑕᕐᓗᑎᓪᓗ ᓘᑦᑖᓕᐊᕐᕕᖕᓂ ᐃᓅᓴᓪᓕᑲᓐᓂᕈᑎᒃᓴᖓᓂᒃ ᐳᕙᓪᓗᖃᑦᑕᖅᑐᑦ ᓄᓇᕗᒻᒥᐅᑦ ᐆᒪᔪᒥᒃ ᐳᕙᓪᓗᑦᑐᑦ ᐊᒻᒪᓗ ᐆᒪᙱᑦᑐᒥᒃ ᐳᕙᓪᓗᑦᑐᑦ (ᑕᐃᔭᐅᓲᖑᒻᒥᔪᖅ ᓯᓂᑦᑐᒥᒃ ᐳᕙᓪᓗᓖᑦ).
3. ᑮᓇᐅᔭᓕᑕᐅᒋᐊᒃᑲᓂᕐᓗᑎᒃ ᓄᑖᑦ ᐊᒻᒪᓗ ᐊᑐᖅᑕᐅᒌᖅᑐᑦ ᐱᓕᕆᐊᑦ ᐃᑲᔪᖅᑕᐅᑲᓐᓂᕈᑎᒃᓴᖏᓐᓄᑦ ᐃᓄᐃᑦ ᐊᒻᒪᓗ ᓄᓇᓖᑦ ᐊᒃᑐᖅᑕᐅᓯᒪᔪᑦ ᐳᕙᓪᓗᓂᕐᒧᑦ.
4. ᐃᖅᑲᓇᐃᔭᖃᑎᒌᓪᓗᑎᒃ ᐱᓕᕆᕝᕕᐅᔪᑦ ᑲᓱᕈᑎᒃᓴᖏᓐᓄᑦ ᐳᕙᓪᓗᓂᕐᒧᑦ ᐊᐅᓚᔾᔭᐃᒍᑎᒃᓴᓄᑦ ᐸᕐᓇᐅᑎᑦ ᐱᓇᓱᐊᒐᖃᕐᓗᑎᒃ ᒪᒥᓴᕐᓂᕐᒧᑦ ᖁᐊᖅᓵᓇᖅᑐᒃᑰᖃᑦᑕᖅᓯᒪᓂᐅᔪᓄᑦ, ᐃᑯᓪᓚᕈᑎᒃᓴᓂᒃ ᐊᔪᖅᓴᖃᑦᑕᕐᓂᖅ, ᑲᓱᖅᑎᑦᓯᓂᖅ ᑭᒃᑯᑐᐃᓐᓇᐃᑦ ᐃᓪᓗᖃᑦᓯᐊᖏᓐᓂᖏᓐᓄᑦ ᐊᐳᖅᓯᒪᐅᑕᐅᕙᑦᑐᓂᒃ, ᐊᒻᒪᓗ ᓴᕐᖓᑎᑦᓯᓂᖅ ᐃᓅᓯᑦᑎᓐᓄᑦ ᐊᑐᕆᐊᓕᖕᓂᒃ ᐱᖁᑎᕐᔪᐊᓂᒃ.
5. ᑲᔪᓯᑎᑦᓯᓂᖅ ᐳᕙᓪᓗᑦᑐᓕᕆᓂᕐᒧᑦ ᖃᐅᔨᓴᕐᓂᕐᒧᑦ ᑐᑭᒧᐊᒍᑎᒃᓴᓂᒃ ᑲᔪᓯᑦᓯᐊᕈᑕᐅᓇᔭᖅᑐᓂᒃ ᑲᒪᖃᑕᐅᓗᑎᒃ ᐃᓄᐃᑦ ᑭᐅᖃᑦᑕᓂᕐᒥᒃ ᐊᐱᖅᑯᑎᑦᑎᓐᓂᒃ ᐊᒻᒪᓗ ᑐᓴᖅᑎᑦᓯᒍᑕᐅᓗᑎᒃ ᐅᕙᑦᑎᒍᑦ ᓯᕗᒧᐊᒍᑎᒃᓴᑦ.
6. ᑲᒧᓯᑎᑦᓯᓂᖅ ᓄᓇᓕᑦᑎᒍᑦ ᐊᒻᒪᓗ ᓄᓇᓕᓐᓂ ᓯᕗᓕᖅᑕᐅᔪᓂᒃ ᐱᓇᓱᐊᒐᐅᔪᓂᒃ ᓄᖑᑎᑕᐅᖁᓪᓗᒍ ᐳᕙᓪᓗᓐᓂᖅ ᐊᒻᒪᓗ ᐃᓱᓕᑦᑎᑕᐅᓗᓂ ᒥᑕᐅᑎᖃᖃᑦᑕᕐᓂᖅ ᐊᒻᒪᓗ ᐊᔾᔨᐅᙱᑎᑕᐅᓂᖅ ᐱᕋᔭᑕᐅᓂᒃᑯᑦ ᐊᑐᖅᑕᐅᒐᔪᑦᑐᖅ ᑕᐃᒃᑯᓄᖓ ᐳᕙᓪᓗᑦᑐᓄᑦ.
7. ᐋᖅᑭᑦᓯᒪᑦᓰᓇᕐᓂᖅ ᒐᕙᒪᓕᕆᓂᒃᑯᑦ ᐱᓇᓱᐊᕈᑕᐅᕙᑦᑐᖅ ᐊᒻᒪᓗ ᓇᓗᓇᐃᕈᑎᒥᒃ ᐊᑐᕋᑦᓴᑲᓐᓂᖃᖅᑎᑦᓯᓂᕐᒥᒃ ᐊᒻᒪᓗ ᑮᓇᐅᔭᓕᑕᐅᒍᑎᓂᒃ ᐊᑐᕆᐊᓕᑦᑎᓐᓄᑦ ᑲᔪᓯᑎᑦᓯᒍᓐᓇᖁᓪᓗᑕ ᓴᙱᓂᖃᕐᓗᑕ ᐊᒻᒪᓗ ᐳᕙᓪᓗᓐᓂᖃᙱᑦᓯᐊᕐᓂᕐᒥᒃ ᓄᓇᕗᒻᒥ 2030 ᐊᕐᕌᒍᐊᓂ.
8. ᓴᖅᑮᓂᖅ ᓄᓇᕗᒻᒥ ᐳᕙᓪᓗᓐᓂ ᓄᖑᑎᑕᐅᖁᓪᓗᒍ ᖃᐅᔨᒪᔨᑕᑦ ᑲᑎᒪᔨᕋᓛᖏᓐᓂᒃ ᓇᓗᓇᐃᕈᑎᒃᓴᓂᒃ ᑲᔪᓯᑎᑕᐅᑦᓯᐊᖁᓪᓗᒋᑦ ᐳᕙᓪᓗᑦᑐᓕᕆᓂᕐᒧᑦ ᐊᐅᓚᔾᔭᐃᒍᑎᓄᑦ ᐸᕐᓇᐅᑎᑦ ᐊᑕᖐᑦᓯᐊᕐᓗᑎᒃ, ᓴᖅᑭᔮᑦᓯᐊᕐᓗᑎᒃ, ᐊᒻᒪᓗ ᐃᑲᔫᑎᖃᕐᓗᑎᒃ.
9. ᐃᖅᑲᓇᐃᔭᐅᑎᒃᓴᓕᐅᕐᓂᖅ ᓇᐅᑦᓯᖅᑑᑎᒋᖃᑦᑕᕈᓐᓇᓂᐊᖅᑕᑎᓐᓂᒃ, ᖃᐅᔨᓴᕐᓗᑕ ᐊᒻᒪᓗ ᐊᑐᕆᐊᖃᖅᐸᑕ, ᐋᖅᑭᑦᓯᒪᑦᓯᐊᕈᑎᒃᓴᓂᒃ ᐳᕙᓪᓗᑦᑐᓕᕆᓂᕐᒧᑦ ᐊᐅᓚᔾᔭᐃᒋᐊᕈᑎᒃᓴᑦ ᐸᕐᓇᐅᑏᑦ ᐃᑲᔪᖅᑕᐅᔾᔪᑎᒃᓴᑎᓐᓄᑦ ᑲᔪᓯᑎᑦᓯᓂᕐᒧᑦ ᑐᕌᒐᑦᑎᓐᓄᑦ.
10. ᓴᖅᑭᔮᖅᑎᑦᓯᓂᖅ ᑕᑎᒃᓴᐅᑦᓯᐊᓂᕐᒥᒃ ᓄᓇᕗᒻᒥᐅᓄᑦ ᐅᓂᒃᑳᓕᐅᖃᑦᑕᓂᒃᑯᑦ ᓄᓇᕗᒻᒥ ᐱᕙᓪᓕᐊᓂᖓᓂᒃ ᑐᕌᖓᔪᒥᒃ ᑲᔪᓯᑎᑦᓯᕙᓪᓕᐊᓂᕐᒥᒃ ᐳᕙᓪᓗᓐᓂᖅ ᓄᖑᑎᑕᐅᖁᓪᓗᒍ.

Download (PDF, Unknown)