ᑐᓴᕋᑦᓴᓕᕆᔩᑦ

ᑐᙵᕕᒃᑯᑦ ᓴᖅᑮᓂᖓ ᖃᐅᔨᓴᕈᑎᒥᒃ ᐃᓄᓐᓄᑦ ᐃᓕᓴᐃᔨᓄᑦ ᓄᓇᕗᒻᒥ

(ᓯᑉᑎᒻᐱᕆ 28, 2022, ᐃᖃᓗᐃᑦ, ᓄᓇᕗᑦ) ᐅᓪᓗᒥ, ᓄᓇᕗᑦ ᑐᙵᕕᒃ ᑎᒥᖓ (ᑐᙵᕕᒃ) ᓴᖅᑮᔪᑦ ᖃᐅᔨᓴᕈᑎᒥᒃ ᖃᐅᔨᔪᒪᓪᓗᑎᒃ ᐊᑐᖃᑦᑕᖅᓯᒪᔭᖏᓐᓂᒃ ᐊᒻᒪᓗ ᑕᑯᓐᓇᒐᖏᓐᓂᒃ ᐃᓄᐃᑦ ᐃᓕᓴᐃᔩᑦ ᓄᓇᕗᒻᒥ.

ᑐᙵᕕᒃᑯᑦ ᖃᐅᔨᔪᒪᔪᑦ ᐊᑦᓱᕈᕐᓇᑐᒃᑰᖃᑦᑕᕐᓂᖏᓐᓂᒃ ᐃᓄᐃᑦ ᐃᓕᓴᐃᔩᑦ ᓄᓇᕗᒻᒥ. ᑐᓴᕈᒪᔪᒍᑦ ᐃᓄᓐᓂᒃ ᒫᓐᓇ, ᐅᕙᑦᓯᐊᕈᓘᓐᓃᑦ, ᐅᕝᕙᓘᓐᓃᑦ ᐃᓕᓴᐃᔨᑦᓴᓂ ᐃᓕᓐᓂᐊᖅᑐᑦ ᓄᓇᕗᒻᒥ ᐃᓕᓐᓂᐊᕐᓂᓕᓐᓄᑦ K-12. ᐃᓚᒋᔭᐅᓪᓗᑎᒃ ᐃᓕᓐᓂᐊᕕᓐᓂ ᐊᖓᔪᖅᑳᖑᖃᑦᑕᖅᓯᒪᔪᑦ, ᐊᖓᔪᖅᑳᓄᑦ−ᑐᒡᓕᐊᖃᑦᑕᖅᓯᒪᔪᑦ, ᐃᓕᓴᐃᔩᑦ, ᐃᓕᓐᓂᐊᖅᑎᓂᒃ ᐃᑲᔫᑏᑦ / ᐃᑲᔪᖅᑎᖏᓪᓗ, ᐃᓕᓴᐃᔾᔪᑎᓂᒃ ᐃᓕᓴᐃᔩᑦ, ᐅᖃᐅᓯᓕᕆᔩᑦ, ᐃᓕᓐᓂᐊᕕᒻᒥ ᐃᓅᓯᓕᕆᔩᑦ, ᐃᓄᒃᓯᐅᑎᓕᕆᔨ, ᐃᓕᓴᐃᔨᑦᓴᑦ, ᑭᖑᕝᕕᐅᑎᓯᒪᖃᑦᑕᖅᑐᑦ ᑕᐅᖅᓯᐅᑎᓯᒪᖃᑦᑕᑐᓪᓗ.

ᖃᐅᔨᓴᕈᑏᑦ ᑭᓇᒦᙶᕐᒪᖓᑕ ᖃᐅᔨᒪᓇᖅᑎᑕᐅᙱᑦᑐᑦ, ᐊᒻᒪᓗ ᖃᐅᔨᓴᕈᑎᒥᓃᑦ ᓇᐃᓈᖅᓯᒪᓗᑎᒃ ᐅᓂᒃᑳᓕᐊᖑᓗᑎᒃ ᐊᒻᒪᓗ ᐊᑐᖅᑕᐅᓗᑎᒃ ᐃᑲᔪᕆᐊᒃᑲᓐᓂᐅᑎᒃᓴᓄᑦ ᑭᒡᒐᖅᑐᐃᔨᓄᓪᓗ ᐃᓄᓐᓄᑦ ᐃᑲᔪᖅᑎᓄᑦ ᓄᓇᕗᒻᒥ ᑐᕌᒐᓖᑦ ᐃᑲᔪᖅᓯᓯᒪᓂᕐᒥᒃ ᐊᑐᓂᕐᒧᑦ ᐃᓄᒃᑐᑦ ᐃᓕᓴᕕᓐᓂ.

“ᓄᓇᕗᑦ ᐱᙳᖅᑎᑕᐅᓯᒪᒻᒪᑦ ᐃᓄᐃᑦ ᓴᐳᔾᔨᓯᒪᒍᒪᓪᓗᑎᒃ ᐅᖃᐅᓯᑦᑎᓐᓂᒃ ᐃᓕᖅᑯᓯᑦᑎᓂᓪᓗ, ᐃᓅᓯᓕᒫᑦᑎᓐᓂ. ᐃᓄᒃᑐᑦ ᐅᓄᕐᓂᓴᓄᑦ ᐊᑐᖅᑕᐅᖏᓐᓇᖅᑐᖅ ᐅᖃᐅᓯᕐᓂ ᓄᓇᕗᒻᒥ, ᑭᓯᐊᓂ ᓱᑲᑦᑐᐊᓗᒻᒥᒃ ᑲᑕᑉᐸᓪᓕᐊᔪᖅ. ᐃᓕᓴᕖᑦ ᐃᑲᔪᖅᓯᒋᐊᓖᑦ ᐃᓄᓐᓂᒃ ᓄᑕᖅᑲᓂᒃ ᒪᒃᑯᑦᑐᓂᓪᓗ ᒪᑭᒋᐊᒃᑲᓐᓂᑎᑦᓯᓂᕐᒧᑦ ᓯᕗᓕᖏᑕ ᐅᖃᐅᓯᖓᒍᑦ. ᐃᓄᐃᑦ ᐃᓕᓴᐃᔩᑦ ᐃᑲᔪᖅᓯᒪᔭᐅᓂᕐᒥᓂᒃ ᐃᓕᓴᐃᔨᐅᓂᕐᒥᒃ ᐃᓄᒃᑐᑦ ᖃᐅᔨᒪᒋᐊᓖᑦ, ᑲᔪᓯᔪᓐᓇᖁᓪᓗᒍ ᐃᓄᐃᑦ ᑕᑯᓐᓇᒐᖓ ᒪᕐᕉᓐᓂᒃ ᐅᖃᐅᓯᖃᕐᓗᑎᒃ ᐃᓕᓐᓂᐊᓂᕐᒥᒃ ᐊᒻᒪᓗ ᓇᖕᒥᓂᖅ−ᐱᓇᓱᐊᕈᓐᓇᖅᓯᓂᕐᒥᒃ. ᐃᓄᐃᑦ ᐃᓕᓴᐃᔩᑦ ᑖᒃᑯᓂᖓ ᖃᐅᔨᓴᕈᑎᓂᒃ ᑕᑕᑎᕆᖁᒐᓗᐊᖅᐸᒃᑲ ᐊᒻᒪᓗ ᐃᓚᒋᔭᐅᓗᑎᒃ ᐊᐅᓚᓂᐅᔪᒧᑦ,” ᐅᖃᖅᑐᖅ ᑐᙵᕕᒃᑯᑦ ᐊᖓᔪᖅᑳᖓ ᐊᓗᑭ ᑰᑦᑎᖅ.

ᖃᐅᔨᓴᕈᑏᑦ ᐱᔭᑦᓴᐃᑦ ᐅᕙᙵᑦ https://springboardpolicy.limesurvey.net/314322?lang=ike

ᐃᑲᔪᖅᑕᐅᔭᕆᐊᖃᕈᕕᑦ ᖃᐅᔨᓴᕈᑎᒥᒃ ᑕᑕᑎᕆᑎᓪᓗᑎᑦ, ᐅᖄᓚᕕᒋᔪᓐᓇᖅᑕᐃᑦ ᑐᙵᕕᒃᑯᑦ ᐃᓄᒃᑐᑦ ᐃᓕᓴᐃᓂᕐᒧᑦ ᐃᑲᔪᖅᑎ, ᐲᑕ ᐅᑦᑐᕿ ᐅᕗᖓ 867-975-7582 ᐊᑭᖃᙱᑦᑐᒧᓪᓘᓐᓃᑦ 888-646-0006.

ᑐᙵᕕᒃᑯᑦ ᐊᖏᖅᓯᒪᔪᑦ ᐃᓕᓴᐃᔾᔪᑎᖃᕐᓂᕐᒥᒃ ᑐᙵᕕᓕᒻᒥᒃ ᐃᓄᒃᑐᑦ ᐅᖃᐅᓯᕐᒥᒃ ᐃᓕᖅᑯᓯᕐᒥᓪᓗ, ᐃᓄᐃᑦ ᓄᑕᖅᑲᑦ ᐃᓕᓐᓂᐊᕈᓐᓇᖁᓪᓗᒋᑦ ᐊᔾᔨᐅᙱᑎᑕᐅᓗᑎᒃ ᐅᖃᐅᓯᕐᖓᐅᑎᖓᓂᒃ, ᑖᓐᓇᑐᐊᒥᒃ, ᐅᕝᕙᓘᓐᓃᑦ ᓂᕈᐊᒐᖓᓂᒃ ᐅᖃᐅᓯᕐᒥᒃ ᐊᒻᒪᓗ ᐃᓕᓴᐃᓂᖅ ᓄᓇᕗᒻᒥ ᒪᑭᒪᓗᓂ ᓯᕗᓕᒥᓂᖏᑕ ᓇᓗᖅᑯᑎᓇᑎᒃ ᐃᓄᐃᑦ ᐃᓕᓴᐃᒍᓯᕆᖃᑦᑕᖅᓯᒪᔭᖓᓂᒃ.

– 30 –

 

ᑐᑭᓯᒋᐊᒃᑲᓂᕐᕕᒃᓴᖅ:

ᓵᓐ ᕗᐊᑦᓯᕼᐅᐊᓐ

ᑭ/ᑐᑭᒧᐊᒃᑎᑦᑎᔨ ᑐᓴᐅᒪᔾᔪᑎᓕᕆᔨᒃᑯᓐᓂ

ᓄᓇᕗᑦ ᑐᙵᕕᒃ ᑎᒥᖓ

ᐅᖄᓚᐅᑖ:(867) 975-4900/ᐊᑭᖃᙱᑦᑐᖅ: 1-888-646-0006

Download (PDF, 89KB)

ᑐᑭᓯᒋᐊᒃᑲᓐᓂᕈᒪᒍᕕᑦ ᓱᓕ:
ᓄᓇᕗᑦ ᑐᓐᖓᕕᒃᑯᑦ ᑎᒥᖁᑎᖓᑦ
ᐅᖄᓚᐅᑦ:
ᐅᖓᓯᒃᑐᒥᒃ ᐊᑭᖃᖏᑦᑐᖅ: