ᐊᐅᔭᒃᑯᑦ ᐃᖃᓇᐃᔭᕈᒪᕕᑦ ᐊᒃᓱᕈᕐᓇᕐᑐᒥᒃ ᐊᒻᒪᓗ ᐱᒃᑯᓇᕐᑐᒦᒃ?

Download (PDF, 280KB)
Download (PDF, 399KB)
Download (PDF, 3.01MB)
Download (PDF, 2.57MB)

ᓄᓇᕗᑦ ᑐᓐᖓᕕᒃ ᑎᒥᖓ ᐃᑲᔫᑎᓄᑦ ᐊᑐᐊᒐᖅ

ᐱᔾᔪᑖ
ᐃᑲᔫᑎᒃᓴᓕᕆᓂᕐᒧᑦ ᐱᔾᔪᑖ, ᑐᓐᖓᕕᒃᑯᑦ ᐃᑲᔫᑎᒃᓴᓄᑦ ᐊᑐᐊᒐᖏᑎᒍᑦ, ᑮᓇᐅᔭᑎᒍᑦ ᐃᑲᔫᑎᒃᓴᑖᖅᑎᑕᐅᖁᓪᓗᒋᑦ ᐃᑲᔪᖅᑕᐅᔾᔪᑎᓂᓪᓗ ᑲᑐᔾᔨᖃᑎᒌᑦ ᐊᒻᒪᓗ ᐃᓄᐃᑦ ᐊᐅᓚᑦᓯᖃᑕᐅᖃᑦᑕᖅᑐᑦ ᐱᕚᓪᓕᕈᑎᒃᓴᖏᓐᓂᒃ ᓄᓇᕗᒻᒥ ᐃᓄᐃᑦ ᒪᑭᒪᔾᔪᑎᒃᓴᖏᓐᓄᑦ, ᐃᓅᓯᖏᓐᓄᑦ ᐊᒻᒪᓗ ᐃᓕᖅᑯᓯᖏᓐᓄᑦ ᖃᓄᐃᓐᖏᓯᐊᒃᑲᓐᓂᕈᑎᒃᓴᖏᓐᓄᑦ. ᑐᓐᖓᕕᒃᑯᑦ ᐃᑲᔫᑎᒃᓴᓄᑦ
ᐊᑐᐊᒐᖓ ᑕᑯᔭᒃᓴᖅ ᑐᓐᖓᕕᒃᑯᑦ ᐃᑭᐊᖅᑭᕕᖓᓂ (www.tunngavik.com).
ᐱᔪᓐᓇᖅᑎᑕᐅᔪᑦ ᐊᒻᒪᓗ ᐱᓕᕆᐊᒃᓴᒧᑦ ᒪᓕᒐᑦᓴᓕᐊᖑᓯᒪᔪᑦ
ᐱᔪᓐᓇᐅᖅᑎᑕᐅᔪᑦ ᑐᒃᓯᕋᖅᑐᑦ ᓇᓕᑐᐃᓐᓇᖏᑦ ᑲᑐᔾᔨᖃᑎᒌᑦ ᐅᑉᕙᓘᓐᓃ% ᐃᓄᐃᑦ ᐱᓇᓱᐊᖃᑕᐅᕙᑦᑐᑦ ᐅᑯᑎᒎᓇ
ᐊᐅᓚᑕᐅᔪᓄᑦ ᐃᑲᔫᑎᒃᓴᓄᑦ ᓄᓇᕗᑦ ᐃᓄᖏᓐᓄᑦ.
ᐃᓕᖅᑯᓯᒃᑯᑦ ᐱᕙᓪᓕᐊᑎᑦᓯᓂᕐᒦᖃᑕᐅᔪᑦ, ᑖᒃᑯᑑᓐᖏᑦᑑᒐᓗᐊᑦ, ᐃᓕᖅᑯᓯᕐᒥᒃ ᖁᕕᐊᓲᑎᖃᕐᓃᑦ, ᑕᑯᑦᓴᐅᑎᑦᓯᓃᑦ, ᐱᖅᑯᓯᒃᑯᑦ ᐃᓄᐃᑦ ᐱᓐᖑᐊᕈᓯᖏᑦ, ᐃᓐᓇᐃᑦ ᒪᒃᑯᑐᓪᓗ ᓅᑎᑕᐅᓯᒪᓂᖏᑦ, ᐃᓕᓐᓂᐊᕈᑎᒃᓴᓕᐅᕐᓂᖅ ᐊᒻᒪᓗ ᐃᓕᓐᓂᐊᑎᑦᓯᒍᑎᓂᒃ ᐃᓄᐃᑦ ᐊᑐᕐᓯᒪᔭᖏᓐᓂᒃ ᐃᓕᖅᑯᓯᖓᓂᓪᓗ, ᐅᖃᐅᓯᖅ ᐱᕚᓪᓕᕈᑎᒃᓴᖏᑦ, ᐃᓚᒋᔭᐅᓗᑎᒃ,
ᑖᒃᑯᑑᓐᖏᑦᑑᒐᓗᐊᑦ, ᐃᑲᔪᖅᑕᐅᔾᔪᑏᑦ ᐅᖃᐅᓯᕐᒧᑦ ᐱᓇᓱᐊᒐᐅᔪᓂᒃ, ᓅᓯᒪᑎᑦᓯᓂᕐᒥᒃ, ᐃᓕᓐᓂᐊᖃᑎᒌᓐᓂᕐᒥᒃ, ᐃᓕᓐᓂᐊᕈᑎᒃᓴᓕᐅᕐᓂᕐᒥᒃ ᐊᒻᒪᓗ ᐃᓕᓐᓂᐊᑎᑦᓯᒍᑕᐅᔪᓂᒃ ᐃᓄᒃᑐᑦ.

ᐃᓅᓯᓕᕆᓂᕐᒧᑦ, ᐃᓚᒋᔭᐅᓪᓗᑎᒃ, ᑖᒃᑯᑑᓐᖏᑦᑑᒐᓗᐊᑦ, …

ᑐᑦᓯᕋᖅᑐᑦ ᐋᓐᓂᐊᖃᕐᓇᙱᑦᑐᓕᕆᓂᕐᒧᑦ ᐃᖅᑲᓇᐃᔮᑦᓴᓄᑦ ᐃᑲᔪᖅᑎᐅᒐᔭᖅᑐᓂᒃ ᐃᓄᓐᓄᑦ ᐃᓅᓱᑦᑐᓄᑦ!

ᐊᑕᑎᑕᐅᔪᖅ ᐊᑭᓐᓇᕐᒥᐅᑕᒃᓴᔭᖅ ᐊᒻᒪᓗ ᑕᑕᑎᕈᑎ ᐱᔾᔪᑎᓕᒃ ᖁᕕᐊᓇᖅᑐᒥᑦ ᐱᕕᒃᓴᓂᒃ ᐃᓐᓇᓄᑦ ᓄᓇᕗᒥ ᑕᐃᒃᑯᐊ ᑐᓂᓯᔪᒪᔪᑦ ᐊᔭᐅᖅᑐᐃᓂᕐᒥᑦ ᐃᑲᔪᖅᑐᐃᓗᑎᒃ ᐊᒻᒪᓗ ᐃᑲᔪᖅᓯᓗᒋᑦ ᐃᓄᐃᑦ ᒪᒃᑯᒃᑐᖁᑎᖏᓐᓂᒃ ᐃᓱᒪᓂᖃᖅᑐᑦ ᑲᔪᓯᓂᕐᒥᑦ ᐋᓐᓂᐊᖅᓯᐅᖅᑎᐅᓂᕐᒥᑦ ᐱᓕᕆᐊᖃᕐᓗᑎᒃ.
 
ᐋᓐᓂᐊᖃᕐᓇᖏᑦᑐᓕᕆᔨᐅᓂᕐᒧᑦ ᐱᓕᕆᐊᒃᓴᓂᒃ ᑕᑯᒃᓴᑕᐅᑎᑦᑎᓂᐊᖅᑐᑦ ᐃᖃᓗᖕᓂ ᕕᕝᕗᐃᕆ−ᒥ, ᐃᓄᐃᑦ ᒪᒃᑯᒃᑐᖏᑦ ᓇᑭᑐᐃᓐᓈᑐᑦ ᑕᒪᕐᒥᒃ. ᐅᓇ ᐆᒃᑐᖅᑕᐅᔪᖅ ᐱᓕᕆᐊᖅ ᐃᒪᓐᓇᐃᓕᑐᐃᓐᓇᕆᐊᓕᒃ ᐱᕕᒃᔪᐊᕈᑕᐅᖃᑦᑕᓕᕐᓗᓂ ᐊᕐᕌᒍᑕᒫᑦ. ᕿᓂᖅᑐᒍᑦ ᐃᓐᓇᕐᓂᒃ ᐃᓚᐅᔪᒪᔪᓂᒃ ᐱᖃᑎᒋᓗᒋᑦ ᒪᒃᑯᒃᑐᑦ ᐅᕝᕙᓗ ᐋᓐᓂᐊᖃᕐᓇᖏᑦᑐᓕᕆᔨᒃᑯᑦ ᐱᓕᕆᐊᖏᓐᓂᒃ ᐊᒻᒪᓗ ᐱᔨᑦᑎᕋᖅᑏᑦ.

ᐃᓚᐅᓗᑎᒃ 2-3 ᒪᒃᑯᒃᑐᑦ ᑲᒪᕕᐅᔪᒥ ᐃᖃᓗᖕᓂ
ᐃᓚᐅᓗᑎᒃ ᒪᕐᕉᒃ ᐅᑉᓘᒃ ᐅᓗᐃᑦ ᑕᓪᓚᓕᐅᓂᐊᖅᑎᓪᓗᒋᑦ ᑲᒪᔪᓂ ᐱᓕᕆᑎᓪᓗᒋᑦ ᑕᒪᑦᓱᒧᖓ
ᑭᖑᓂᐊᒍᑦ ᐱᓕᕆᐊᕆᓗᒋᑦ ᐱᖃᑎᒋᓗᒋᑦ ᒪᒃᑯᒃᑐᑦ ᑭᖑᓂᐊᒍᑦ ᑕᒪᑦᓱᒧᖓ ᐱᓕᕆᓚᐅᖅᑎᓪᓗᒋᑦ ᐊᒻᒪᓗ ᐊᑐᐃᓐᓇᐅᓗᑎᒃ ᐃᑲᔪᖅᑐᐃᓂᕐᒥᑦ.

ᐃᖏᕐᕋᔾᔪᑏᑦ ᐊᒻᒪᓗ ᑐᔪᕐᒥᔾᔪᑏᑦ ᐊᑭᓕᖅᑕᐅᓂᐊᖅᑐᑦ ᑕᒪᑦᓱᒧᖓ ᐱᕕᒃᓴᐅᔪᓄᑦ. …

ᓄᓇᕗᑦ ᑐᓐᖓᕕᒃ ᑎᒥᖓᑦ ᖁᕕᐊᓱᖃᑎᖃᖅᐳᑦ ᓯᕗᓕᖅᑎ ᖁᐊᓴᒥᑦ ᐊᒻᒪᓗ ᓄᑖᑦ ᓂᕈᐊᖅᑕᐅᔪᑦ ᒥᓂᔅᑕᑦ

(ᓄᕕᐱᕆ 22, 2017 − ᐃᖃᓗᐃᑦ, ᓄᓇᕗᑦ) ᓄᓇᕗᑦ ᑐᓐᖓᕕᒃ ᑎᒥᖓᑦᑕ ᐊᖓᔪᖅᑳᖓᑦ ᐊᓗᑭ ᑰᑦᑎᖅ ᖁᕕᐊᓱᖃᑎᖃᖅᐳᖅ ᐅᐱᓇᖅᑐᑦ ᐹᕐ ᖁᐊᓴᒥᑦ ᓂᕈᐊᖅᑕᐅᓂᐊᓄᑦ ᓯᕗᓕᖅᑎᐅᓂᕐᒥᑦ, ᐊᒻᒪᓗ ᓂᕈᐊᖅᑕᐅᔪᑦ ᒥᓂᔅᑕᐅᑦᓗᑎᒃ.
 
“ᓄᓇᕗᑦ ᑐᓐᖓᕕᒃ ᑎᒥᖓᑦ ᑕᑯᔪᒪᓂᐊᖅᑐᑦ ᐱᓕᕆᖃᑎᖃᕐᓂᕐᒥᑦ ᐃᓚᒌᒃᓗᑎᒃ ᐊᒻᒪᓗ ᐊᑕᐅᓯᓐᖑᖅᓯᒪᓗᑎᒃ ᓄᑖᒥᑦ ᒐᕙᒪᑖᖑᖅᑐᒥᑦ. ᓂᕆᐅᑦᑎᐊᖅᑐᖓ ᐱᐅᔪᓂᒃ ᐅᓇ ᓄᑖᖅ ᒐᕙᒪᐅᓕᖅᑐᖅ ᐱᓗᐊᖅᑐᒥᑦ ᐊᐅᓪᓗᔾᔨᓂᐊᕐᓂᐊᓂᒃ ᐃᓛᒃᑰᖅᑐᒥᑦ 23 ᐊᒻᒪᓗ 32 ᐊᒻᒪᓗ ᓱᓕ ᐃᓗᐃᑦᑐᒥᑦ ᐊᑐᓕᖅᑎᑦᑎᓂᕐᒥᑦ ᐃᓂᓪᓚᐃᓗᑎᒃ ᓄᓇᕗᑦ ᐊᖏᕈᑎᖏᓐᓂᒃ.  ᖁᒡᕙᖅᐹᓪᓕᖅᑐᖓ ᑐᓴᕆᐊᒃᓴᖅ ᑐᕌᕐᓂᐊᖅᑕᖏᓐᓂᒃ ᓯᕗᓕᖅᑎ ᖁᐊᓴ ᐊᒻᒪᓗ ᑕᑯᔪᒥᓇᑦᑎᐊᖅᑐᖅ ᐱᒋᐊᕐᓂᕐᒥᑦ ᓄᑖᓂᒃ ᐊᑐᖅᑕᐅᓂᐊᖅᑐᑦ ᐃᒪᓐᓇᓗ ᐱᐊᓂᒃᓯᓂᕐᒥᑦ ᑭᒡᒐᖅᑐᐃᔪᑦ ᑭᒃᑯᓕᒫᓂᒃ ᐱᔨᑦᑎᕋᕐᓂᒃᑯᑦ ᐃᓚᒋᓪᓗᒋᑦ ᐃᓄᒃᑐᑦ ᐱᓕᕆᓗᑎᒃ ᐅᖃᐅᓯᖅ ᐊᑐᕐᓗ ᑕᒪᓐᓂᒃ ᐱᓕᕆᕕᐅᔪᓂᒃ ᓄᓇᕗᒥ” …

ᑐᓐᖓᕕᒃᑯᑦ ᖁᕕᐊᒃᑯᔾᔨᔪᑦ ᓂᕈᐊᖅᑕᓂᒃ ᒪᓕᒐᓕᐅᖅᑎᐅᓂᐊᓕᖅᑐᓂᒃ

(ᐆᑦᑑᑉᕙ 31, 2017 – ᐃᖃᓗᐃᑦ, ᓄᓇᕗᑦ)    ᓄᓇᕗᑦ ᑐᓐᖓᕕᒃᑯᑦ ᑎᒥᖓ (ᑐᓐᖓᕕᒃ) ᐊᖓᔪᖅᑳᖓ ᐊᓗᑭ ᑰᑦᑎᖅ ᐅᓪᓗᒥ ᖁᕕᐊᒃᑯᔨᖅᑲᐅᔪᖅ ᓂᕈᐊᖅᑕᐅᕋᑖᖅᑐᓂᒃ ᒪᓕᒐᓕᐅᖅᑎᐅᓂᐊᓕᖅᑐᓂᒃ.
 
“ᑐᓐᖓᕕᒃᑯᑦ ᑲᑎᒪᔨᖏᓐᓂᒃ ᑭᒡᒐᖅᑐᐃᓗᖓ, ᖁᕕᐊᒃᑯᑎᕙᒃᑲ ᑕᒪᕐᒥᒃ ᓂᕈᐊᖅᑕᐅᔪᑦ ᑭᒡᒐᖅᑐᐃᓂᐊᖅᑐᑦ ᓄᓇᕗᒻᒥᐅᓂᒃ ᐊᕐᕌᒍᑦᑎᓐᓂ ᓄᓇᕗᑦ ᒐᕙᒪᒃᑯᑦ ᓂᕈᐊᖅᑎᑦᓯᓂᖓᓂ.”
 
“ᒫᓐᓇ ᖁᕕᐊᓇᕐᒪᑦ ᐃᓄᓐᓄᑦ, ᐊᒻᒪᓗ ᓂᕆᐅᖕᓂᖃᑦᓯᐊᕐᐳᖓ ᐱᓕᕆᖃᑎᖃᕐᓂᐊᓂᕐᓂᒃ ᓄᑖᓂᒃ ᒐᕙᒪᐅᓂᐊᓕᖅᑐᓂᒃ, ᐱᕙᓪᓕᐊᓂᖃᑦᓯᐊᖁᓪᓗᒋᑦ ᐃᓄᐃᑦ ᐅᖃᖅᑕᖏᑦ ᐊᑦᓱᕉᑎᒋᒋᐊᖃᕐᓂᐊᖅᑕᕗ”, ᐅᖃᖅᑐᖅ ᑰᑦᑎᖅ.
 
ᑖᓐᓇ ᑕᓪᓕᒪᒋᓕᖅᑕᖓ ᓂᕈᐊᖅᑕᐅᓯᒪᔪᑦ ᒪᓕᒐᓕᐅᖅᑏᑦ ᓄᓇᕗᑦ ᐱᓐᖑᖅᑎᑕᐅᓚᐅᕐᒪᓂᒃ.
 
ᑐᑭᓯᒋᐊᒃᑲᓂᕐᕕᒃᓴᖅ:
 
ᑭᐅᕆᓐ ᕙᓚᐅᕋᑎ
ᑭᖑᑉᕖᓯᒪᔪᖅ ᑐᑭᒧᐊᒃᑎᑦᑎᔨᒥᒃ
ᓄᓇᕗᑦ ᑐᓐᖓᕕᒃ ᑎᒥᖓ
ᐅᖄᓚᐅᑖ: (867) 975-4914 ᐊᑭᖃᓐᖏᑦᑐᖅ: 1-888-646-0006

ᑐᓐᖓᕕᒃᑯᑦ ᐊᕐᕌᒍᑕᒫᕐᓯᐅᒻᒥᒃ ᑲᑎᒪᓂᖓ ᐃᓱᓕᑉᐳᖅ ᐃᖃᓗᑦᑑᑦᑎᐊᒥ

(ᐆᑦᑐᑉᕙ 26, 2017 – ᐃᖃᓗᑦᑑᑦᑎᐊᖅ, ᓄᓇᕗᑦ) ᓄᓇᕗᑦ ᑐᓐᖓᕕᒃᑯᑦ ᑎᒥᖓᑕ (ᑐᓐᖓᕕᒃ) ᐊᖓᔪᖅᑳᖓ ᐊᓗᑭ ᑰᑦᑎᖅ ᑐᓴᖅᑎᑦᓯᖅᑲᐅᔪᖅ ᐅᓪᓗᒥ ᑐᓐᖓᕕᒃᑯᑦ ᐃᓱᓕᑦᓯᐊᓚᐅᕐᓂᖓᓂᒃ 2017 ᐊᕐᕌᒍᑕᒫᕐᓯᐅᒻᒥᒃ ᑲᑎᒪᓂᖓᓂᒃ (ᑲᑎᒪᓂᕐᔪᐊᖅ) ᐃᖃᓗᑦᑑᑦᑎᐊᒥ.
 
“ᐃᓚᒋᔭᐅᔪᑦ ᐋᔩᕋᕈᑎᖃᓚᐅᖅᑐᑦ ᐅᓄᖅᑐᓂᒃ ᐱᖕᒪᕆᐅᔪᓂᒃ ᓈᖕᒪᖏᓪᓕᐅᕈᑎᓂᒃ ᓲᕐᓗ ᐅᓄᕐᓯᒋᐊᕆᐊᖃᕐᓂᖏᑦ ᐃᓄᐃᑦ ᐃᖅᑲᓇᐃᔭᖅᑐᑦ ᐊᒻᒪᓗ ᐱᕚᓪᓕᑎᑦᓯᓂᕐᒥᒃ ᐃᓄᒃᑐᑦ ᐅᖃᐅᓯᕐᒥᒃ. ᑐᓐᖓᕕᒃᑯᑦ ᐊᔭᐅᖅᑐᐃᕐᔪᑎᖃᓚᐅᕐᒥᔪᑦ ᑮᓇᐅᔭᑲᓪᓚᒻᒪᕆᓐᓂᒃ ᐱᖁᑎᕐᔪᐊᑎᒍᑦ ᐃᓱᕐᕆᐅᑎᒃᓴᓂᒃ ᐱᓕᕆᐊᒃᓴᓂᒃ,” ᐅᖃᓚᐅᖅᑐᖅ ᐊᖓᔪᖅᑳᖅ ᑰᑦᑎᖅ. “ᖁᓚᓐᖏᓚᖓ ᐃᓱᒪᓕᐅᕈᑕᐅᓚᐅᖅᑐᑦ ᐊᕐᕌᒍᑦᑎᓐᓂ ᐊᕐᕌᒍᑕᒫᕐᓯᐅᒻᒥᒃ ᑲᑎᒪᓂᕐᒥ ᐊᕐᕌᒍᕋᓵᓗᓐᓄᑦ ᐊᒃᑐᐃᓂᖃᕐᓂᐊᕐᓂᖏᓐᓂᒃ ᐊᒻᒪᓗ ᐃᑲᔫᑎᖃᕐᓂᐊᕐᓂᖏᓐᓂᒃ ᐊᑯᓂᐅᔪᒧᑦ−ᐱᕙᓪᓕᐊᓂᖃᕈᑕᐅᓗᑎᒃ ᐊᒻᒪᓗ ᐱᕚᓪᓕᕈᑕᐅᓗᑎᒃ ᐃᓄᐃᑦ ᐃᓕᖅᑯᓯᖓᓂᒃ ᐊᒻᒪᓗ ᖃᓄᓐᖏᑦᓯᐊᕈᑎᒃᓴᖏᓐᓂᒃ.”
 
ᐅᔾᔨᕐᓇᓗᐊᕐᓂᖏᑦ ᐊᕐᕌᒍᑕᒫᕐᓯᐅᒻᒥᒃ ᑲᑎᒪᓂᕐᒥ ᐱᖁᔨᕗᖔᕈᑕᐅᓚᐅᖅᑐᑦ:
 

ᐃᓛᒃᑯᑦ 23, ᑐᓐᖓᕕᒃᑯᓐᓂ ᐃᓚᒋᔭᐅᔪᑦ ᐅᖃᐅᔾᔨᓗᑎᒃ ᑲᓇᑕ ᐊᒻᒪᓗ ᓄᓇᕗᑦ ᒐᕙᒪᖏᓐᓂᒃ …

(English) Trichinella in Walrus

ᐃᑲᔪᕈᓐᓇᖅᑐᑎᑦ ᐊᐅᓚᑕᐅᕙᓪᓕᐊᓂᖓᓂᒃ ᖃᐅᔨᓴᕐᓂᖅ ᖁᐱᕐᕈᖃᕐᒪᖔᑕ ᓂᕿᖏᑦ ᐊᐃᕖᑦ ᐱᓇᓱᐊᖃᑕᐅᓗᑎᑦ ᓄᓇᕗᒻᒥ ᖁᐱᕐᕈᖃᕐᒪᖔᖅ ᓂᕿᖓᒍᑦ ᖃᐅᔨᓴᕐᓂᕐᒥᒃ.
ᑐᓂᓯᓗᑎᒃ ᐃᓘᓐᓈᓂᒃ ᐊᐃᕕᐅᑉ ᐅᖃᖓᓂᒃ ᐆᑦᑐᕋᕈᑕᐅᔪᒧᑦ ᖃᐅᔨᓴᕐᓂᕐᒧᑦ ᐊᐃᑉᕙᓚᐅᕐᓗᑎᑦ, ᐱᕙᓪᓕᐊᑎᑦᓯᔪᑎᑦ ᐆᑦᑐᕋᐅᒻᒥᒃ ᓂᕿᖓᒍᑦ ᖁᐱᕐᕈᖃᕐᒪᖔᖅ ᖃᐅᔨᓴᕐᓂᕐᒧᑦ ᓄᓇᕗᒻᒥ.
ᐱᓇᓱᐊᖃᑕᐅᓃᑦ ᐱᖕᒪᕆᐅᔪᖅ; ᐃᑲᔫᑎᖃᕐᓂᐊᖅᑐᖅ ᑐᓴᐅᒪᑎᑦᓯᓂᕐᒥᒃ ᐱᕙᓪᓕᐊᑎᑕᐅᓂᖓᓂᒃ ᐊᑯᓂᐅᓂᕐᓴᒧᑦ ᐋᖅᑭᑦᓯᒪᒍᑎᒃᓴᒥᒃ ᓄᓇᕗᒻᒦᑦᑐᒥᒃ ᖃᐅᔨᓴᕈᑎᒥᒃ. ᖃᓪᓕᕙᓪᓕᐊᑎᑦᓯᓂᖅ ᖃᐅᔨᓴᕐᓂᕐᒥᒃ ᐊᖏᕐᕋᒧᑦ
ᑐᑭᓯᒋᐊᒃᑲᓂᕐᕕᒃᓴᖅ, ᐅᖄᓚᓗᑎᑦ 1-888-646-0006
ᐸᓪ ᐃᕐᖓᐅᑦ
ᐊᑭᖃᓐᖏᑦᑐᖅ: 1-888-646-0006

ᓴᖅᑭᐅᒪᑎᑕᐅᒋᐊᓕᒃ:  ᐆᑦᑑᑉᕙ 2017–ᒥᒃ ᑏᓰᒻᕙ 2017−ᒧᑦ
 

ᑐᑭᖏᑦ ᐱᓕᕆᐊᖑᔪᑦ ᐅᑭᐅᓄᑦ 2017-18

ᑕᐅᑦᑐᖏᑦ
ᒪᑭᒋᐊᖅᑕ ᐃᓄᐃ ᐃᓕᓐᓂᐊᕈᑎᒃᓴᖏᓐᓄᑦ ᖁᐊᐱᕇᓴᓐ ᑐᕌᓗᐊᖅᑕᖓ ᑲᔪᓯᓗᒍ ᑐᑭᓪᓚᕆᖏᑦ ᐱᓕᕆᐊᕆᓂᐊᕐᓗᒋᑦ ᓴᖅᑭᓐᓂᐊᖅᑐᑦ ᓯᑕᒪᐅᓕᖓᓗᑎᒃ ᓯᕗᓕᓪᓕᐅᑎᑕᐅᔪᒪᔪᑦ ᐊᖅᑭᒃᓯᒋᐊᕐᓂᐊᖅᐸᑕ ᐸᕐᓇᒃᓯᒪᑦᑎᐊᕐᓂᕐᒧᑦ ᓄᓇᕗᒥ ᐃᓄᖏᓐᓄᑦ ᐃᖅᑲᓇᐃᔮᖅᑖᖅᑎᑕᐅᓂᐊᖅᐸᑕ. ᒪᑭᒋᐊᖅᑕ ᐅᐸᓗᖓᐃᔭᐅᑎᖏᑦ ᓯᕗᓪᓕᐅᑎᓐᓂᐊᖅᑕᖏᓐᓄᑦ ᓇᓗᓇᐃᖅᓯᒪᔪᑦ ᓇᖕᒥᓂᖅ ᐅᐸᓗᖓᐃᔭᐅᑎᖏᓐᓂ ᐸᕐᓇᐅᑎᑎᒍᑦ ᐊᒻᒪᓗ ᐅᓂᒃᑳᖅᓯᒪᑦᑎᐊᖅᑐᑦ ᓇᓗᓇᐃᖅᓯᒪᓂᖅᓴᐅᓪᓗᑎᒃ ᐊᑖᓂ.
ᐱᓕᕆᐊᖑᑎᓪᓗᒋᑦ ᑕᒪᒃᑯᐊ ᓴᖅᑭᑦᑐᑦ ᐃᓄᖕᓄᑦ, ᒪᑭᒋᐊᖅᑕᒃᑯᑦ ᐱᓕᕆᐊᖃᖅᑐᑦ ᐱᓇᓱᐊᕈᓐᓇᕐᓂᐊᕐᓂᖏᓐᓂᒃ ᓄᓇᕗᒥ−ᑐᖓᑎᓕᖕᓂᑦ ᑎᒥᐅᔪᑦ ᑲᑐᔾᔨᖃᑎᒌᑦ ᑕᑯᒃᓴᐅᑎᑦᑎᔪᑦ ᓴᖏᔪᒥᑦ ᑲᔪᓯᔪᓐᓇᖅᑎᐊᕋᔭᕐᓂᖏᓐᓂᒃ ᐊᐅᓚᑦᑎᓂᕐᒥᑦ ᐱᓕᕆᐊᓂᒃ ᐃᓄᖕᓄᑦ ᒪᓕᒃᓗᒋᑦ ᐅᑯᐊ ᓇᖕᒥᓂᖅ ᐅᕙᒍᑦ ᐅᐸᓗᖓᐃᔭᐅᑎᕗᑦ ᐸᕐᓇᐅᑎᒃᑯᑦ. ᒪᑭᒋᐊᖅᑕ ᓱᓕ ᐱᓇᓱᐊᕐᓂᐊᖅᑐᑦ ᓴᖅᑭᑦᑎᓂᕐᒥᑦ ᐊᕐᕌᒍᑕᒫᑦ ᐊᒻᒪᓗ ᐅᓄᕐᒃᑐᓄᑦ−ᐅᑭᐅᓄᑦ ᐃᓚᖃᕐᓗᑎᒃ ᐱᓕᕆᖃᑎᖃᕐᓂᕐᒥᑦ ᓂᕈᐊᖅᓯᒪᔭᐅᔪᓂᒃ ᑎᒥᐅᔪᓂᒃ ᐱᐊᓂᒃᓯᓂᐊᕐᓂᕐᒥᑦ ᐊᑕᐅᑦᑎᒃᑯᑦ ᑐᕌᖅᑕᐅᔪᓂᒃ ᒪᓕᒃᑎᒌᑦᑎᐊᖅᑐᓂᒃᓗ ᓇᖕᒥᓂᖅ ᐅᕙᒍᑦ ᐅᐸᓗᖓᐃᔭᐅᑎᑦᑕ ᐸᕐᓇᐅᑎᖏᓐᓄᑦ.
ᓱᓇᐅᓂᖏᑦ ᖃᓄᐃᓕᖓᓂᖏᑦᑕ
ᒪᑭᒋᐊᖅᑕ ᓴᖅᑎᑕᐅᓚᐅᖅᓯᒪᔪᑦ ᐱᓇᓱᐊᕐᖢᑎᒃ …

2017 Arctic Inspiration Prize Nominations

ᓂᕈᐊᕋᑦᓴᓕᐅᕐᕕᒃᓴᐅᓕᖅᑐᖅ ᓄᑖᒧᑦ 2017 Arctic Inspiration Prize. ᐱᖓᓲᓕᖅᑲᖓᔪᓂᒃ ᓵᓚᒃᓴᐅᓯᐊᑦᓴᖅᑕᓕᒃ ᐊᒻᒪᓗ ᑎᑭᐅᑎᓯᒪᔪᓂᒃ $3 ᒥᓕᔭᓐ ᓵᓚᒃᓴᐅᓯᐊᕐᕕᒃᓴᖅ ᑮᓇᐅᔭᓂᒃ. ᑭᒡᒐᑐᖅᑎᒋᔪᓐᓇᑕᕐᓂᒃ ᕿᓂᕐᓗᑎᒃ ᓂᕈᐊᕋᑦᓴᓐᖑᖅᑎᑦᓯᔪᓐᓇᖅᑐᒥᒃ ᐱᓇᓱᐊᖃᑎᒌᖑᓂᑦᓯᓐᓄᑦ. ᖃᐅᔨᒋᐊᕐᕕᒃᓴᖅ

ᑐᑭᓯᒋᐊᒃᑲᓂᕐᕕᒃᓴᖅ :
ᐋᑎᓖᓐ ᓵᓗᒨᓂ,

ᑐᑭᒧᐊᒃᑎᑦᑎᔨ, ᐃᓄᐃᑦ ᐃᖅᑲᓇᐃᔮᖏᑦ ᐱᓕᖕᒪᒃᓴᐅᑏᓪᓗ ᐱᓕᕆᒡᕕᖓ
ᓄᓇᕗᑦ ᑐᓐᖓᕕᒃ ᑎᒥᖓ
ᐅᖄᓚᐅᑖ:(867) 975-4905
ᐊᑭᖃᓐᖏᑦᑐᖅ:1-888-646-0006

ᒪᑭᒋᐊᖅᑕ ᓴᖅᑭᑎᑦᓯᕗᖅ ᐊᑯᓂᐅᔪᒧᑦ−ᐋᖅᑭᑦᓯᒪᔪᒥᒃ ᑐᑭᒧᐊᒍᑎᒃᓴᓂᒃ ᐸᕐᓇᐅᑎᓄᑦ.

(ᓯᑉᑎᒻᕙ 18, 2017 – ᐃᖃᓗᐃᑦ, ᓄᓇᕗᑦ) ᒪᑭᒋᐊᖅᑕ ᐃᓄᐃᑦ ᐱᓕᒻᒪᓴᕐᓂᕐᒧᑦ ᑯᐊᐳᕇᒃᑯᑦ ᑲᑎᒪᔨᖏᑦ ᑲᑎᒪᓚᐅᖅᑐᑦ ᐃᖃᓗᓐᓂ ᑕᑉᕙᓂ ᐱᓇᓱᐊᕈᓯᐅᓚᐅᖅᑐᒥᒃ ᐊᒻᒪᓗ ᐊᖏᕈᑎᖃᖅᑐᑎᒃ ᐊᑯᓂᐅᔪᒧᑦ−ᐋᖅᑭᑦᓯᒪᔪᒥᒃ ᑐᑭᒧᐊᒍᑎᒃᓴᓂᒃ ᐸᕐᓇᐅᑎᓄᑦ. ᒪᑭᒋᐊᖅᑕ ᑐᑭᒧᐊᒍᑎᒃᓴᖏᑦ ᐸᕐᓇᐅᑎᓄᑦ ᓯᑕᒪᓂᒃ ᑐᑭᒧᐊᒍᑎᒃᓴᓂᒃ ᓯᕗᓪᓕᐅᔾᔭᐅᔭᕆᐊᓕᖁᑎᓖᑦ, ᐃᓚᒋᔭᐅᓪᓗᑎᒃ ᓄᑕᖅᑲᓄᑦ ᒥᑭᓂᖏᓐᓂ ᐃᓕᓐᓂᐊᕈᑎᒃᓴᖏᑦ, ᐃᓘᓐᓈᒍᑦ ᐃᑲᔪᕐᓯᒪᒍᑏᑦ ᑲᔪᓯᑦᓯᐊᕈᑎᒃᓴᓄᑦ ᐃᓕᓐᓂᐊᓂᕐᒥᒃ, ᑐᓐᖓᕕᒃᓴᓄᑦ ᐊᔪᕈᓐᓃᕐᓴᐅᑎᒃᓴᑦ ᐃᓐᓇᕐᓄᑦ, ᐊᒻᒪᓗ ᖁᑦᓯᓂᕐᓴᒥᒃ ᐃᓕᓐᓂᐊᕐᓂᖅ ᐊᒻᒪᓗ ᐃᓕᓐᓂᐊᑲᓐᓂᕈᑎᒃᓴᑦ ᐃᖅᑲᓇᐃᔮᓄᑦ ᐱᓕᕆᒡᕕᓪᓗᐊᑕᕐᓄᑦ.
“ᑐᑭᒧᐊᒍᑎᒃᓴᓕᐊᖑᔪᖅ ᐊᒻᒪᓗ ᐊᑐᓕᖅᑎᑕᐅᓂᖓ ᒪᑭᒋᐊᖅᑕ ᐊᑯᓂᐅᔪᒧᑦ−ᐋᖅᑭᑦᓯᒪᔪᖅ ᑐᑭᒧᐊᒍᑎᒃᓴᖅ ᓱᖏᕐᓲᑎᑦᓴᑦᓯᐊᕙᒃ ᐊᔾᔨᐅᔪᖁᑎᒧᑦ ᖃᓄᖅ ᓄᓇᕗᒻᒥ ᐃᓄᐃᑦ ᐊᒻᒪᓗ ᒐᕙᒪᑦᑎᓐᓄᑦ ᐱᓇᓱᐊᖃᑕᐅᔪᑦ ᐃᖅᑲᓇᐃᔭᖃᑎᒌᓐᓂᖏᓐᓂᒃ ᐱᓇᓱᐊᒐᑦᓴᓕᐊᖑᓯᒪᔪᓄᑦ ᐱᕕᒃᓴᖃᖁᓪᓗᒋᑦ ᐃᓄᐃᑦ ᐊᔪᕈᓐᓃᓴᕈᑎᒃᓴᖏᓐᓄᑦ ᐊᔪᓐᖏᔾᔪᑎᑖᕐᓯᒪᖁᓪᓗᒋᑦ ᐊᒻᒪᓗ ᐸᕐᓇᓪᓗᑎᒃ ᐃᖅᑲᓇᐃᔮᒧᑦ. ᒪᑭᒋᐊᖅᑕ …

ᓄᓇᕗᑦ ᑐᓐᖓᕕᑦ ᑎᒥᖓᑦᑕ ᐅᓂᑳᖓ ᓇᓗᓇᐃᖅᓯᔪᑦ ᐊᖏᔪᐊᓗᖕᓂᑦ ᒪᑭᒪᐅᑎᒃᓴᑦ ᐊᑭᖏᓐᓂᒃ ᐅᑯᐊ ᑐᖓᐅᑎᑦᓯᒪᓂᖏᑦ ᐃᓄᖕᓂᑦ ᒐᕙᒪᒃᑯᓐᓂ ᐱᓕᕆᔪᓂᑦ ᓄᓇᕗᒥ

(ᓯᑎᐱᕆ 12, 2017 − ᐃᖃᓗᐃᑦ, ᓄᓇᕗᑦ) ᓄᓇᕗᑦ ᑐᓐᖓᕕᑦ ᑎᒥᖓᑦᑕ ᐊᖓᔪᖅᑳᖓᑦ ᐊᓗᑭ ᑰᑦᑎᒻ ᐅᓪᓗᒥ ᓴᖅᑭᑦᑎᔪᖅ ᐅᓂᑳᒥᑦ ᓇᓗᓇᐃᖅᓯᓪᓗᓂ ᐊᖏᔪᐊᓗᓂᖏᑦ ᒪᑭᒪᐅᑎᒃᓴᑦ ᖃᓄᐃᓕᖓᓂᖏᓐᓂᒃ ᐱᑕᖃᖅᑎᑦᑎᖏᓗᐊᕐᓂᑦ ᐃᓄᖕᓂᖕᑦ ᑲᓇᑕᐅᑉ ᐊᒻᒪᓗ ᓄᓇᕗᑦ ᒐᕙᒪᒃᑯᖏᓐᓂᒃ ᐱᓕᕆᑎᑦᑎᓂᕐᒥᑦ ᓄᓇᕗᒥ.
ᐅᓂᒃᑳᖅ ᓇᓚᐅᑦᑕᖅᓯᒪᔭᖓ ᔭᒐᐃᓯᒪᓂᕐᒥᑦ ᓄᓇᕗᑦ ᐃᓄᐃᖏᓐᓄᑦ ᒐᕙᒪᒃᑯᑦ ᐱᓕᕆᑎᑦᑎᓂᖏᓐᓂᒃ ᐃᒪᓐᓇ ᐅᓄᕐᓂᓕᖕᓂᑦ $1.284− ᐱᓕᔭᓂᒃ ᐱᒋᐊᖅᖢᒍ 2017-2023-ᒧᑦ. ᐅᓂᒃᑲᖅ ᓱᓕ ᓇᓚᐅᑕᐃᔪᖅ ᐊᑭᖏᓐᓂᒃ ᐅᑯᓄᖓ ᒐᕙᒪᐅᔪᓄᑦ ᑕᐃᒪᓐᓇᓴᐃᓐᓇ ᐅᑭᐅᑦ ᐊᑐᖅᖢᒋᑦ ᐃᒪᓐᓇᐃᓂᓐᓂᐊᖏᓐᓂᒃ $519.−ᒥᓕᔭᓐᓂᒃ.
ᐅᓪᓗᒥ ᑐᑭᖏᑦ, ᐃᓄᐃᑦ ᑭᒡᒐᖅᑐᐃᔪᑦ ᒐᕙᒪᒃᑯᓐᓂ ᐃᒪᓐᓇᐃᓇᔭᕐᓂᐊᓂᒃ ᐱᓕᕆᔪᑦ 85−ᐳᓴᓐ ᐱᓕᕆᐊᖑᔪᓕᒫᓂ ᐅᓄᕐᑐᑦ ᐊᑯᓐᓂᖏᓐᓂ ᐊᒻᒪᓗ ᐃᓕᓐᓂᐊᕐᓂᖏᑦᑕ ᖁᑦᑎᖕᓂᖏᓐᓂᒃ.  ᒐᕙᒪᒃᑯᑦ ᓄᓇᕗᒥ ᐱᓕᕆᑎᑦᑎᓂᕐᑦ ᓄᖅᑲᖅᑎᑦᑎᓯᒪᔪᑦ ᐃᒻᒪᖄ ᓇᓚᐅᑦᑕᖅᖢᒋᑦ 50−ᐳᓴᓐᓂᒃ …

ᓄᓇᓕᐅᔪᖅ ᒪᑭᒪᓇᓱᐊᕐᓂᖓ ᖃᓄᐃᓕᐅᕈᑎᖃᕐᓗᑎᑦ: ᐳᕙᓪᓗᓐᓂᖅ ᓄᓇᕗᒻᒥ

ᓄᓇᓕᐅᔪᖅ ᒪᑭᒪᓇᓱᐊᕐᓂᖓ ᖃᓄᐃᓕᐅᕈᑎᖃᕐᓗᑎᑦ: ᐳᕙᓪᓗᓐᓂᖅ ᓄᓇᕗᒻᒥ
ᖃᐃᖁᔭᐅᓯᒪᔪᖁᑎᖃᕐᓗᑎᑦ: ᒥᔅᑕ ᓯᑏᕙᓐ ᓕᐅᕕᔅ, C.C.
ᐊᓴᐱᖃᙱᑦᑑᔪᖅ ᓄᓇᕐᔪᐊᕐᒥ ᐱᓕᕆᐊᕐᒥᒃ ᓴᖅᑮᑎᑦᑎᖃᑕᐅᓚᐅᖅᓯᒪᔪᖅ.  ᑲᓇᑕᒥ ᑭᒡᒐᖅᑐᐃᔨᐅᓚᐅᖅᓯᒪᓪᓗᓂ ᓄᓇᓕᕐᔪᐊᑦ ᑲᑐᔾᔨᖃᑎᒌᖏᓐᓄᑦ ᐊᒻᒪᓗ ᑐᖏᓕᕆᔭᐅᓪᓗᓂ ᐊᐅᓚᑦᑎᔨ ᓄᓇᕐᔪᐊᕐᒥ ᓄᓇᓕᕐᔪᐊᑦ ᓱᕈᓰᑦ ᑮᓇᐅᔭᖃᕐᕕᖓᓂ.  ᒥᔅᑕ ᓕᐅᕕᔅ ᑐᑭᓯᕚᓪᓕᕈᒪᒻᒪᑦ ᐱᔾᔪᑎᓂᑦ ᐊᑦᑐᐃᓂᖃᖅᑐᑦ ᐳᕙᓪᓗᖃᑦᑕᓂᕐᒥᒃ ᓄᓇᕗᒻᒥ.
ᐅᓗᒡᒋᓛᖅᑯᓯ.  ᑭᒃᑯᓕᒫᑦ ᑐᙵᓱᐊᔪᑦ ᐅᐸᒍᑎᓗᑎᑦ.

(English) NTI Board of Directors Live Stream

Sorry, this entry is only available in English.

ᓄᓇᕗᑦ ᑐᓐᖓᕕᒃ ᑎᒥᖓᑦ ᐅᖃᐅᓯᒃᑯᑦ ᓴᖅᑭᑦᑎᔪᑦ 2017 ᔫᓯ ᐊᒪᐅᔭᖅ ᑯᓱᒐᖅ ᐃᓕᓐᓂᐊᖅᑎᓄᑦ ᐃᑲᔫᑎᒃᓴᓂᑦ ᐱᑎᑕᐅᔪᓂᒃ

(ᐊᐅᒡᒍᓯ 24, 2017 – ᐃᖃᓗᐃᑦ, ᓄᓇᕗᑦ)   ᓄᓇᕗᑦ ᑐᓐᖓᕕᒃ ᑎᒥᖓᑦᑕ ᐊᖓᔪᖅᑳᖅ ᐊᓗᑭ ᑰᖅᑎᖅ ᐅᑉᓗᒥ ᐅᖃᖅᑐᖅ ᑕᐃᒃᑯᐊ ᐱᑎᑕᐅᔪᑦ ᐅᑯᓂᖓ ᔫᓯ ᐊᒪᐅᔭᖅ ᑯᓱᒐᖅ ᐃᓕᓐᓂᐊᖅᑎᓄᑦ ᐃᑲᔫᑎᒃᓴᓂᒃ ᐅᑭᐅᖓᓂ 2017.  ᐹᓖᓐ ᑰᑉᓚᓐ ᐊᕐᕕᐊᓂᑦ ᐊᒻᒪᓗ ᑳᓚ ᒪᓚᐃᔭ ᐃᕙᓗᐊᕐᔪᒃ ᒥᑦᑎᒪᑕᓕᖕᒥᑦ ᐊᑐᓂ ᑐᓂᔭᐅᓂᐊᖅᑑᒃ $5,000 ᑐᕌᕐᓗᒋᑦ ᐃᓕᓐᓂᐊᖅᑕᖏᓐᓄᑦ. ᑰᑉᓚᓐ ᐃᓕᓐᓂᐊᖅᑐᖅ ᖁᑦᑎᖕᓂᖅᐹᒥ ᐃᓕᓐᓂᐊᖅᑐᖅ ᑕᐃᑲᓂ ᓯᓚᑦᑐᖅᓴᕐᕕᒃᔪᐊᖓᓐᓂ ᕆᔭᐃᓐᓇ ᐊᒻᒪᓗ ᐃᕙᓗᐊᕐᔪᒃ ᐱᖓᔪᐊᓂ ᐅᑭᐅᑦ ᓄᓇᕗᒥ ᐃᓕᓴᐃᔨᖑᕐᓂᕐᒧᑦ ᐃᓕᓐᓂᐊᖅᑐᑦ. ᑕᒪᕐᒥᒃ ᑐᓂᓯᓯᒪᓚᐅᕐᒪᑎᑦ ᑎᑎᕋᖅᓯᒪᔭᖏᓐᓂᒃ ᐃᓄᒃᑎᑐᑦ.
“ᖁᕕᐊᓱᖃᑎᒋᔭᕗᒃ ᐹᓖᓐ ᐊᒻᒪᓗ ᑳᓚ ᓂᕈᐊᖅᑕᐅᓚᐅᕐᒪᑎᒃ ᐱᑎᑕᐅᓪᓗᑎᒃᓗ ᐅᑯᓂᖓ ᔫᓯ ᐊᒪᐅᔭᖅ ᑯᓱᒐᖅ ᐃᓕᓐᓂᐊᖅᑏᑦ ᐃᑲᔫᑎᒃᓴᖏᓐᓂᒃ. ᐱᓗᐊᖅᑐᒥᑦ ᐱᒃᑯᒋᔮᒃᑲᒃ ᑐᓂᓯᓚᐅᕐᒪᑎᒃ ᑎᑎᕋᖅᓯᒪᔪᓂᒃ …

ᑐᓐᖓᕕᒃᑯᑦ ᑐᓐᖓᓴᐃᔪᑦ ᑲᓇᑕᒥ ᐃᖅᑲᖅᑐᐃᔨᕐᔪᐊᑦ ᐃᓱᒪᓕᐅᕈᑎᖓᓂᒃ ᐊᑭᐅᖅᑎᑦᓯᓂᒃᑯᑦ ᐃᖅᑲᕐᒥᒃ ᖃᐅᔨᓴᕐᓂᕐᒥᒃ

(ᔪᓚᐃ 26, 2017 – ᐃᖃᓗᐃᑦ, ᓄᓇᕗᑦ)     ᓄᓇᕗᑦ ᑐᙵᕕᒃ ᑎᒥᖓᑕ (ᑐᓐᖓᕕᒃ) ᐊᖓᔪᖅᑳᖓ ᐊᓗᑭ ᑰᑦᑎᖅ ᑐᓐᖓᓴᐃᖅᑲᐅᔪᖅ ᐃᓱᒪᓕᐅᕈᑕᐅᔪᒥᒃ ᑲᓇᑕᒥ ᐃᖅᑲᖅᑐᐃᔨᕐᔪᐊᑦ ᐃᓱᒪᓕᐅᕈᑎᖓᓂᒃ ᓇᓗᓇᐃᕐᓯᓂᕐᒥᒃ ᐱᔪᓐᓇᐅᑎᖏᓐᓂᒃ ᐃᓄᐃᑦ ᑐᓴᕆᐊᕐᕕᐅᑦᓯᐊᖃᑦᑕᕆᐊᖃᕐᓂᖏᓐᓂᒃ ᐃᓄᐃᑦ ᐱᔪᓐᓇᐅᑎᖏᑦ ᓄᓇᕗᑦ ᐊᖏᕈᑎᖏᑎᒍᑦ ᐊᒃᑐᖅᑕᐅᓂᖃᕐᓂᐅᓴᑐᐊᕐᐸᑕ, ᐊᒻᒪᓗ ᓇᓗᓇᐃᕐᓯᓪᓗᓂ ᖁᕕᐊᒃᑯᔾᔨᓂᕐᒥᓂᒃ ᑲᖏᕐᖢᒑᐱᒃᒥᐅᓂᒃ ᓵᓚᖃᕐᓂᖏᓐᓂᒃ ᓵᓐᖓᑦᓯᒍᑎᒋᓚᐅᖅᑕᒥᓂᒃ 2014 ᑲᓇᑕᒥ ᐊᐅᓚᔪᓐᓇᐅᑎᓕᕆᔨᒃᑯᑦ ᑲᑎᒪᔩᑦ ᐃᓱᒪᓕᐅᕈᑎᒋᓚᐅᖅᑕᖓᓂᒃ ᐊᑭᐅᖅᑎᑦᓯᓂᒃᑯᑦ ᐃᖅᑲᕐᒥᒃ ᖃᐅᔨᓴᕐᓂᐅᓚᖓᓚᐅᖅᑐᒥᒃ ᓴᓐᓂᕈᑎᐅᑉ ᐃᒪᖓᓂ ᐊᒻᒪᓗ ᕿᑭᖅᑖᓗᒃ ᐊᑯᑭᑦᑐᓪᓗ ᐃᑭᖓᓂ.
 
ᑲᓇᑕᒥ ᐃᖅᑲᖅᑐᐃᔨᕐᔪᐊᑦ ᓈᓚᖕᓂᖃᓚᐅᖅᑐᑦ ᐃᖅᑲᖅᑐᐃᕕᖕᒦᑎᑦᓯᒍᑕᐅᔪᒥᒃ ᓅᕙᐃᒻᕙ 2016−ᒥ ᐊᒻᒪᓗ ᑐᓐᖓᕕᒃᑯᑦ ᐃᓚᒋᔭᐅᓚᐅᖅᑐᑦ ᓈᓚᖕᓂᕐᒥ ᐊᑲᐅᓂᕐᓴᒃᑰᕆᐊᖅᑎᑦᓯᓇᓱᒃᑎᐅᓪᓗᑎᒃ.
 
“ᑲᓇᑕᒥ ᐃᖅᑲᖅᑐᐃᔨᕐᔪᐊᑦ ᓇᓗᓇᐃᕐᓯᒍᑎᒋᓚᐅᖅᑕᖓ ‘ᑐᓴᕆᐊᕐᕕᖃᕐᓂᕐᒥᒃ ᐱᕕᖃᖅᑎᑦᓯᒋᐊᖃᕐᓂᖏᓪᓗ ᑖᑦᓱᒧᖓ ᓈᖕᒪᓐᖏᓗᐊᓚᐅᕐᒪᑕ ᐊᒻᒪᓗ ᑎᑭᐅᑎᓯᒪᓇᑎᒃ…,’ ᐅᖃᖅᑐᖅ ᑰᑦᑎᖅ, “ᑕᐃᒫᒃ ᑐᓐᖓᕕᒃᑯᑦ ᐊᒻᒪᓗ …

ᓄᓇᕗᑦ ᑐᓐᖓᕕᒃ ᑎᒥᖓᑦ ᓴᖅᑭᑎᑦᑎᔪᖅ ᖃᕆᑕᐅᔭᕋᓛᑎᒍᑦ ᑕᑯᓇᒐᒃᓴᓂᒃ

(ᔪᓚᐃ 9, 2017 –ᐃᖃᓗᐃᑦ, ᓄᓇᕗᑦ)ᓄᓇᕗᑦ ᑐᓐᖓᕕᒃ ᑎᒥᖓᑦᑕ ᐊᖓᔪᖅᑳᖓᑦ ᐊᓗᑭ ᑰᑦᑎᖅ ᐅᓪᓗᒥ ᓴᖅᑭᑦᑎᔪᖅ ᐊᑭᖃᖏᑦᑐᒃᑯᑦ ᖃᕆᑕᐅᔭᕋᓛᑎᒍᑦ ᑕᑯᓇᒐᒃᓴᓂᒃ ᑕᐃᔭᐅᔪᖅ ᑐᓐᖓᕕᒃ. ᑕᒪᓐᓇ ᐃᓗᓕᐊ ᓴᖅᑭᑎᑕᐅᓂᐊᖅᑐᖅ ᓄᓇᕗᑦ ᐅᓪᓗᐊᓂ ᑕᑯᒃᓴᐅᑎᑦᑎᓗᑎᒃ ᓄᓇᕗᑦ ᑐᓐᖓᕕᒃ ᑎᒥᖓᑦᑕ ᓇᖕᒥᓂᖅ ᐱᓕᕆᐊᕆᓪᓗᐊᖅᓯᒪᔭᖏᓐᓂᒃ ᐋᖅᑭᒃᐹᓪᓕᖅᖢᒋᑦ ᑐᑭᓯᐊᓂᕐᒥᓪᓗ ᐊᒻᒪᓗ ᐅᓪᓗᒥᒨᖓᓕᖅᑐᓂᒃ ᐅᑯᓂᖓ ᓄᓇᕗᑦ ᐊᖏᕈᑎᖏᑦ.
“ᐅᓇ ᐃᓗᓕᐊᓂ ᑕᑯᓇᓐᓇᒐᒃᓴᑦ ᐅᓪᓗᒥᒨᖓᔪᑦ ᐊᑐᖅᑕᐅᕙᒃᑐᖅ ᐃᓄᖕᓄᑦ ᐊᑐᖅᑕᐅᓗᓂᓗ ᐃᓕᑦᑎᓂᕐᒥᑦ ᐊᒻᒪᓗ ᑕᑯᓇᒃᕕᐅᓗ ᐱᔪᓐᓇᐅᑎᑦᑎᓐᓂᒃ ᐃᓗᐊᓂ ᐅᑯᐊ ᓄᓇᕗᑦ ᐊᖏᕈᑎᖏᓐᓂᒃ. ᐃᒪᓐᓇ ᑐᑭᖃᖅᑐᑦ ᐃᓚᐅᓂᕐᒥᑦ ᐃᓚᖓᒍᑦ ᐃᓕᓯᕙᓪᓕᐊᓂᕐᒥᑦ ᐱᔪᓐᓇᑦᑎᐊᓕᖅᑎᑦᑎᓂᕐᒧᑦ ᐊᒻᒪᓗ ᑕᐅᑐᖅᑰᖅᑎᑦᑎᓂᕐᒥᑦ ᐊᑯᓐᓂᖏᓐᓂ ᓄᓇᕗᒥ ᐃᓄᐃᑦ. ᑕᑯᒋᐊᕈᓐᓇᖅᑕᕗᑦ ᐱᕕᒃᓴᐅᔪᓄᑦ ᐃᓕᓐᓂᐊᕐᓗᓂ ᐱᓪᓗᒋᑦ ᑕᐃᑦᓱᒪᓂᐊᓗᒃ ᐃᓕᖁᓯᐅᕙᓚᐅᖅᑐᓂᑦ ᐱᔾᔪᓯᐅᕙᓚᐅᖅᑐᓂᒃᓗ ᐊᒻᒪᓗ ᐱᔪᓐᓇᐅᑎᑦᑎᓐᓂᒃ. ᑕᒪᓐᓇ …

ᑐᓐᖓᕕᒃᑯᑦ ᑐᓐᖓᓴᐃᔪᑦ ᑯᐃᓐ ᐃᕐᓂᖓᓂᒃ ᓄᓕᐊᖓᓂᓪᓗ ᓄᓇᕗᒻᒧᑦ

ᓄᓇᕗᑦ ᑐᙵᕕᒃ ᑎᒥᖓᑕ ᐊᖓᔪᖅᑳᖓ ᐊᓗᑭ ᑰᑦᑎᖅ ᐃᑉᐸᑦᓴᖅ ᑐᓐᖓᓴᐃᓚᐅᖅᑐᖅ ᐃᖃᓗᖕᓄᑦ ᑰᐃᑉ ᐃᕐᓂᖓᓂᒃ Prince of Wales ᐊᒻᒪᓗ ᓄᓕᐊᖓᓂ Duchess of Cornwall ᐊᒻᒪᓗ ᐅᖃᖅᑲᐅᓪᓗᓂ ᖁᔭᓕᓂᕋᖅᑐᓂᒃ ᐳᕆᓐᔅᒥᒃ ᐃᓄᒃᑐᑦ ᐅᖃᐅᓯᕐᓂᒃ ᐃᑲᔪᕐᓯᓯᒪᓂᖓᓂᒃ ᐊᒻᒪᓗ ᐃᓄᐃᑦ ᐃᓕᖅᑯᓯᖏᓐᓂᒃ.
“ᐊᒃᓱᒻᒪᕆᐊᓗᒃ ᐃᒃᐱᓇᕐᑐᖅ ᑐᓵᓪᓗᒍ ᑰᐃᑉ ᐃᕐᓂᖓ  ᐃᓄᒃᑐᑦ ᐅᖃᓪᓚᑎᓪᓗᒍ. ᒫᓐᓇᕋᑖᖑᔪᔪᖅ ᑐᓐᓂᐅᑎᒋᔪᓐᓇᕐᑕᖏᑦᑎᒍᑦ ᐸᐸᑕᓂᒃ ᑲᓇᑕᒥ ᐃᑲᔪᓐᓂᖃᕋᓱᐊᕐᓯᒪᒻᒪᑦ ᐃᓄᒃᑐᑦ ᐅᖃᐅᓯᖅ ᐱᕚᓪᓕᖁᓪᓗᓂᐅᒃ ᑖᓐᓇᓗ ᖁᕕᐊᒋᓪᓗᒍ ᑐᙵᓱᒃᑎᑕᕋ”, ᐅᖅᑲᖅᑐᖅ ᑰᑦᑎᖅ.
ᒪᕐᕈᐃᓇᐅᖕᒪᑎᒃ ᒐᕙᒪᖃᖅᕕᐅᔫᒃ ᓄᓇᐃᑦ ᑲᓇᑕᒥ ᖃᓪᓗᓈᑑᙱᒃᑐᖅ ᐅᖃᐅᓯᕐᓚᕆᒻᒥᓂᒃ ᐊᑑᑎᖃᖅᑎᑦᑎᔫᒃ: ᓄᓇᕗᑦ ᐊᒻᒪᓗ ᑯᐸᐃ. ᑲᓇᑕ ᐱᕙᓪᓕᑎᑦᑎᔪᐊᕆᐊᖃᖅᐳᖅ ᐃᓄᒃᑐᑦ ᐊᒻᒪᓗ ᐃᓄᐃᑦ ᐃᓕᖅᑯᓯᖏᓐᓂᒃ.
“ᑕᒪᕐᒥᒃ ᑭᓇᒃᑯᑐᐃᓐᓇᕐᓄᑦ ᐱᔨᑦᑎᕈᑏᑦ ᐃᓄᒃᑑᖓᔭᕆᐊᖃᕋᓗᐊᕐᒪᑕ ᐃᓄᐃᑦ ᐃᓄᒋᐊᓐᓂᕐᓴᐅᖕᒪᑕ. ᐱᒻᒪᕆᐅᕗᖅ ᐃᓄᒃᑐᑦ …

ᒪᑭᒋᐊᖅᑕ ᐃᓄᐃᑦ ᐱᓕᒻᒪᒃᓴᐅᑎᖏᓐᓄᑦ ᑯᐊᐳᕇᓴᓐ

ᔫᓂ 29, 2017 – ᐃᖃᓗᐃᑦ, ᓄᓇᕗᑦ ᒪᑭᒋᐊᖅᑕ ᐃᓄᐃᑦ ᐱᓕᒻᒪᒃᓴᐅᑎᖏᓐᓄᑦ ᑯᐊᐳᕇᓴᓐ ᑲᑎᒪᔨᖏᑦ ᑲᑎᒪᖅᑲᐅᒻᒪᑕ ᐅᓪᓗᒥ ᐊᒻᒪᓗ ᐊᖏᕈᑎᖃᖅᑐᑎᒃ ᖃᓂᒋᔮᓂ $1.5 ᒥᓕᔭᓐ ᑮᓇᐅᔭᓖᓂᕐᒥᒃ ᓯᑕᒪᓄᑦ ᐃᓄᓐᓅᖓᔪᓂᒃ ᐱᓕᖕᒪᒃᓴᐃᓂᖃᖃᑦᑕᖅᑐᓂᒃ. ᕿᑭᖅᑕᓂ ᐃᓄᐃᑦ ᑲᑐᔾᔨᖃᑎᒌᑦ, ᐱᕈᕐᕕᒃ, ᐃᓕᑕᕐᓯᓂᖅ − ᓄᓇᕗᒻᒥ ᑎᑎᖅᑭᕆᔩᑦ ᑲᑎᒪᔨᖏᑦ ᐊᒻᒪᓗ ᑐᒥᑯᓗᐃᑦ ᓴᐃᐹᕿᕕᒃ ᑐᓂᔭᐃᓐᓇᐅᖅᑲᐅᔪᑦ ᑮᓇᐅᔭᓂᒃ ᑐᒃᓯᕋᐅᑎᓄᑦ ᐃᑲᔫᑎᖃᕐᓂᐊᖅᑐᓂᒃ ᒪᑭᒋᐊᖅᑕ ᐱᓇᓱᐊᕋᑦᓴᖏᓐᓂᒃ ᐱᕚᓪᓕᑎᑦᓯᓂᕐᒥᒃ ᐸᕐᓇᑕᐅᓯᒪᓂᖏᓐᓂᒃ ᓄᓇᕗᑦ ᐃᓄᐃᑦ ᒐᕙᒪᓄᑦ ᐊᒻᒪᓗ ᐊᓯᖏᓐᓄᑦ ᐃᖅᑲᓇᐃᔮᓄᑦ.
 
ᑲᑎᒪᔩᑦ ᐊᖏᕈᑎᖃᖅᑲᐅᒻᒥᔪᑦ ᐊᕐᕌᒍᑕᒫᕐᓯᐅᒻᒥᒃ ᐱᓕᕆᐊᒃᓴᓄᑦ ᐸᕐᓇᐃᑎᒥᓐᓂᒃ, ᐃᓚᒋᔭᐅᓪᓗᑎᒃ ᓴᖅᑮᓂᖅ ᐃᖅᑲᓇᐃᔮᑦᓴᒥᒃ ᖃᐅᑕᒪᖅᑕᖅᑎᒧᑦ ᑯᐊᐳᕇᓴᒃᑯᓐᓂ. ᓄᓇᕗᑦ ᑐᓐᖓᕕᒃ ᑎᒥᖓ (ᑐᓐᖓᕕᒃ) ᐊᖓᔪᖅᑳᖓ ᐊᓗᑭ ᑰᑦᑎᖅ, ᐃᒃᓯᕙᐅᑕᐅᔪᖅ ᑲᑎᒪᔨᓄᑦ, ᐅᖃᖅᑲᐅᔪᖅ ᒪᑭᒋᐊᖅᑕ ᐱᕙᓪᓕᕐᓯᒪᔪᒻᒪᕆᐅᓂᖓᓂᒃ ᑎᒥᓐᖑᖅᑎᑕᐅᓚᐅᕐᓯᒪᒻᒪᓂᒃ …

ᐱᖓᓱᑦ ᐃᓄᐃᑦ ᑯᐃᑉ ᑭᒡᒐᑐᖅᑎᖓᑕ ᑐᓂᕙᖏᑦ ᐃᓕᓴᕆᔭᐅᔾᔪᑎᓂᒃ

ᓄᓇᕗᑦ ᑐᙵᕕᒃ ᑎᒥᖓᑕ ᐊᖓᔪᖅᑳᖓ ᐊᓗᑭ ᑰᑦᑎᖅ ᐅᓪᓗᒥ ᐅᐱᒋᔭᖃᖅᑲᐅᕗᑦ ᐱᖓᓱᓂᒃ ᓄᓇᕗᖕᒥᐅᓂᒃ ᐃᓄᖕᓂᒃ ᐃᓕᓴᕆᔭᐅᔾᔪᑎᒥᒃ ᐱᑎᑕᐅᔪᓂᒃ ᑯᐃᑉ ᑭᒡᒐᑐᖅᑎᖓᑕ ᐃᓕᓴᕐᓯᔾᔪᑎᒋᓲᖏᓐᓂᒃ. ᑕᕆᔭᒐᒃᓴᓕᐅᖅᑎ ᐊᒻᒪ ᓂᐱᒋᔭᐅᓲᖅ ᐊᓕᑎᐊ ᐊᕐᓇᖅᑯᖅ-ᐳᓕᐊᓪ ᐱᔾᔪᓯᐊᖅᑖᖅᑐᖅ ᐅᐱᒍᓲᑎᒥᒃ ᓴᓐᓂᖓᔪᓕᖕᒥᒃ; ᐃᓄᐃᑦ ᐃᓕᖅᑯᓯᑐᖃᖓᒍᑦ ᑐᓐᓂᓕᐅᖅᑎᑦ ᕼᐅᕙᒃ ᔮᓐᔅᑕᓐ ᐱᔾᔪᓯᐊᖅᑖᖅᑐᖅ ᐅᐱᒍᓲᑎᒥᒃ; ᐊᒻᒪᓗ ᕼᐋᑭᖅᑎ ᔪᐊᑕᓐ ᑐᑐ ᐱᔾᔪᓯᐊᖅᑖᖅᑐᖅ ᐅᐱᒍᓲᑎᒥᒃ. ᑕᒪᕐᒥᒃ ᐱᖓᓱᑦ ᐃᓄᐃᑦ ᐃᓕᓴᕆᔭᐅᕗᑦ ᐊᖏᔪᓪᓗᐊᒥᒃ ᐃᑲᔪᕐᓯᒪᓂᖏᓐᓄᑦ ᓄᓇᖃᖅᑳᕐᓯᒪᓪᓗᑎᒃ ᓯᕗᓕᕐᑎᐅᓂᖏᓐᓄᑦ.
“ᐃᓕᓴᕆᔭᐅᔾᔪᑎᑖᖏᑦ ᐊᓕᑎᐊᑉ, ᕼᐅᕙᑉ ᐊᒻᒪᓗ ᔪᐊᑕᓐ ᓴᖅᑭᒍᑕᐅᕗᑦ ᖃᐅᔨᒪᓂᖏᓐᓄᑦ, ᓴᓇᑐᓂᖏᓐᓄᑦ ᐊᒻᒪᓗ ᐱᔭᕇᕈᓐᓇᕐᓯᒪᔭᖏᓐᓄᑦ ᐃᓄᖕᓃᖔᖅᑐᑦ. ᑕᒪᓐᓇ ᖁᕕᐊᓱᒍᑎᖃᓐᓂᕗᑦ ᐃᖅᑲᐃᔾᔪᑎᐅᕙᓐᓂᐊᕐᐳᖅ ᐱᔪᓐᓇᓂᑦᑎᓐᓄᑦ ᐊᒻᒪᓗ ᑲᔪᖏᓕᕐᑎᑦᑎᔪᓐᓇᓂᕐᒧᑦ ᐃᓄᐃᑦ ᐊᔪᖏᓂᖅᐹᖑᑕᐅᔪᓐᓇᖁᓪᓗᒋᑦ. ᖃᓄᐃᑦᑐᑐᐃᓐᓇᕐᓂᒃ ᐱᔪᒪᔭᖃᖅᓯᒪᒐᓗᐊᕈᑦᑕ ᐱᓇᓱᐊᕐᓂᐊᕐᑕᑎᓐᓂᒃ, ᓯᕗᒧᒋᐊᕈᑎᒋᓚᕗᑦ ᐱᐅᓂᕐᓴᒥᒃ ᓯᕗᓂᖃᖁᓪᓗᑕ. …

ᐃᓕᓐᓂᐊᕇᕈᑎᑖᖅᑐᑦ ᐃᓕᓴᔭᐅᓯᒪᓪᓗᑎᒃ

ᓄᓇᕗᑦ ᑐᙵᕕᒃ ᑎᒥᖓᑕ ᐊᖓᔪᖅᑳᖓ ᐊᓗᑭ ᑰᑦᑎᖅ ᐊᔾᔨᓕᐅᖅᑕᐅᖃᑕᐅᖅᑲᐅᕗᑦ 13 ᐃᓕᓐᓂᐊᕇᖅᑲᐅᒻᒪᑕ ᐊᖏᔪᖅᑳᖑᓂᕐᒧᑦ ᐃᓕᓐᓂᐊᕇᕈᑎᑖᖅᑐᑦ ᐃᓕᓴᔭᐅᓯᒪᓪᓗᑎᒃ ᐅᑯᓄᖓ ᓲᐱ ᐃᓕᓐᓂᐊᕐᕕᖓᓂᒃ ᐱᓕᕆᕕᖃᓐᓂᕐᒧᑦ ᐊᒻᒪᓗ ᓴᐃᑦ ᒫᕇ ᓯᓚᑦᑐᓴᕐᕕᖓᒍᑦ. ᐋᖅᑭᓱᖅᑕᐅᓯᒪᔪᖅ ᐃᓕᓐᓂᐊᕈᑎᒃᓴᓕᐊᕆᔭᐅᓯᒪᓪᓗᓂ ᐊᒃᓱᒻᒪᕆᐊᓗᒃ ᐱᒻᒪᕆᐅᓯᒪᕗᖅ ᐊᒥᓱᓂᒃ ᐱᔾᔪᑎᖃᖅᑐᓂ. ᑕᒪᕐᒥᒃ ᖁᓖᑦ ᐃᓕᓐᓂᐊᕈᑎᑦ ᒪᓕᓐᓂᖃᖅᓯᒪᕗᑦ ᐃᓄᐃᑦ ᖃᐅᔨᒪᔭᑐᖃᖏᓐᓂᒃ, ᐊᒻᒪᓗ ᐊᖅᑭᓱᖅᑕᐅᓚᐅᕐᑐᑦ ᐃᑲᔪᓐᓂᖃᖁᓪᓗᒋᑦ ᓄᓇᕗᑦ ᑐᙵᕕᒃ ᑎᒥᖓᑕ ᐃᖅᑲᓇᐃᔭᕐᑎᖏᓐᓂᒃ ᑎᑭᐅᑎᔪᒪᓂᖃᖃᑎᒋᓪᓗᒋᑦ ᐊᑐᓕᖅᑎᑕᐅᕙᓪᓕᐊᔭᕆᐊᖃᓐᓂᖏᓐᓂᒃ ᓄᓇᕗᖕᒥ ᐊᖏᕈᑏᑦ.
ᐅᖓᑖᓃᒃᑐᑦ, ᓴᐅᒥᐊᓂᑦ: ᓕᓐ ᑰᕝᑕᒃ ᓴᐃᓐᑦ ᒪᕇ ᓯᓚᑦᑐᓴᕐᕕᔾᔪᐊᖓᓂᖔᖅᑐᖅ, ᕆᐱᑲ ᒨᓐᔅ, ᐄᕕ ᐃᔨᑦᓯᐊᖅ, ᓗᐊᕆ ᐱᓕᓐ, ᓄᓇᕗᑦ ᑐᙵᕕᒃ ᑎᒥᖓᑕ ᐊᐅᓚᑦᓯᔨᒻᒪᕆᖓ ᔭᐃᒥᓯ ᐋᕆᐊᖅ, ᐸᑰᒻ ᓗᐊᐃᑦ, ᐅᖃᓪᓚᑦᑎᒋᔭᐅᓚᐅᕐᑐᖅ ᔮᓐ ᐊᒪᕈᐊᓕᒃ, ᓗᓯ ᐃᑦᓚᐅᑦ, ᐴᓃᔅ …

ᐃᓄᐃᑦ ᐊᑎᕐᒥᓂᑦ ᑐᓂᕐᕈᑎᖃᕐᓂᖅ ᑭᓪᓕᓯᓂᐊᖅᑎᑯᑎᒍᑦ ᓂᓪᓕᐊᔪᓐᓇᓛᕐᓗᓂ

ᐃᓄᐃᑦ ᕿᒪᒃᑕᐅᓯᒪᔪᑦ ᐃᓄᐊᖅᑕᐅᓪᓗᑎᒃ ᐃᓅᔪᓐᓃᕐᓯᒪᔪᓄᑦ ᓇᓗᓇᐃᖁᔭᐅᕗᑦ ᑲᓇᑕᓕᒫᕐᒥ ᑭᓪᓕᓯᓂᐊᖅᑎᑯᓐᓄᑦ

(ᔫᓂ 12, 2017 – ᐃᖃᓗᐃᑦ, ᓄᓇᕗᑦ)     ᓄᓇᕗᑦ ᑐᙵᕕᒃ ᑎᒥᖓᑕ ᐊᖓᔪᖅᑳᖓ ᐊᓗᑭ ᑰᑦᑎᖅ ᐅᓪᓗᒥ ᐅᖃᖅᑲᐅᕗᖅ ᑕᐃᒃᑯᐊ ᐃᓄᐃᑦ ᐅᓂᒃᑳᕈᒪᔪᑦ ᐅᑎᙲᓇᕐᓯᒪᔪᑦ ᐊᒻᒪᓗ ᐃᓄᐊᖅᑕᐅᓯᒪᔪᑦ ᓄᓇᖃᖅᑳᓯᒪᔪᑦ ᐊᕐᓇᐃᑦ ᐊᒻᒪᓗ ᓂᕕᐊᕐᓯᐊᑦ ᐱᓪᓗᒋᑦ ᑲᓇᑕᓕᒫᕐᒥ ᑭᓪᓕᓯᓂᐊᖅᑎᓄᑦ ᓇᓗᓇᐃᕆᐊᖃᖅᐳᑦ ᑎᑎᕋᕐᕕᖓᓐᓄᑦ ᑭᓪᓕᓯᓂᐊᖅᑏᑦ.
 
ᐅᕝᕙᓗ ᐊᑭᓕᕆᐊᖃᙱᑦᑐᒧᑦ ᐅᖄᓚᓗᑎᒃ ᐅᕗᖓ 1-844-348-4119-ᒧᑦ. ᐃᓄᐃᑦ ᐊᐱᕆᔭᐅᒐᔭᕐᐳᑦ ᑭᓇᐅᒪᖔᖅ ᐊᑎᖓ, ᖃᓄᕐᓗ ᖃᐅᔨᒃᑲᑦᑕᐅᔪᓐᓇᕐᒪᖔᑦ ᐊᒻᒪᓗ ᓇᓂᒥᐅᑕᐅᖕᒪᖔᑦ. ᑎᑎᕋᕐᕕᖓᑦ ᐃᓄᖕᓂᒃ ᐃᖅᑲᐅᒪᔭᕐᒥᓂᒃ ᐅᕝᕙᓗ ᐅᓂᒃᑳᖁᔭᐅᒐᔭᕐᑐᑦ ᐃᓚᒥᑕ ᒥᒃᓵᓄᑦ ᓇᓗᓇᐃᕈᑎᓕᐅᓕᕐᐸᑦ. ᐃᓄᐃᑦ ᐅᖃᓪᓚᒍᓐᓇᕐᕕᖃᖅᑎᑕᐅᓂᐊᕐᐳᑦ ᐃᓄᒃᑐᑦ ᐅᕝᕙᓗ ᖃᓪᓗᓈᑐᑦ ᓇᓗᓇᐃᖅᓯᕙᓪᓕᐊᑎᓪᓗᒋᑦ. ᓇᓗᓇᐃᖅᓯᒍᑎᓂᒃ ᐱᔭᕇᖅᑎᓪᓗᒋᑦ, ᑎᑎᕋᕐᕕᖓᓐᓂ ᐱᓕᕆᔨᐅᔪᒧᑦ ᐅᖄᓚᕕᐅᒐᔭᕋᕕᑦ ᓇᓗᓇᐃᖅᓯᒍᑏᑦ ᐱᔭᕇᖅᑕᐅᓂᐊᕐᒪᑕ.
 
“ᐊᒃᓱᒻᒪᕆᐊᓗᒃ ᐱᒻᒪᕆᐅᕗᖅ ᐃᓄᐃᑦ ᐱᖃᑕᐅᔭᕆᐊᖃᓐᓂᖏᑦ ᑭᓪᓕᓯᓂᐊᖅᑐᓄᑦ ᑐᑭᓯᓯᒪᑦᑎᐊᓂᕐᓴᐅᖁᓪᓗᑕ ᓂᖓᕐᓂᐅᕙᒃᑑᑉ …

ᑐᓐᖓᕕᒃᑯᑦ ᑲᑎᒪᔨᖏᑦ ᖁᕕᐊᒃᑯᔾᔨᕗᑦ ᐊᕐᕕᐊᒥᐅᑦ ᕉᑎ ᑲᕕᐅᒃ

ᑐᓐᖓᕕᒃᑯᑦ ᑲᑎᒪᔨᖏᑦ ᖁᕕᐊᒃᑯᔾᔨᕗᑦ ᐊᕐᕕᐊᒥᐅᑦ ᕉᑎ ᑲᕕᐅᒃ ᓂᕈᐊᖅᑕᐅᓚᐅᕐᓂᖓᓂᒃ ᐊᖓᔪᖅᑳᒧᑦ ᑲᓇᑕᒥ ᐃᓄᐃᑦ ᒪᒃᑯᑦᑐᑦ ᑲᑎᒪᔨᖏᓐᓄᑦ. ᐅᐱᓐᓇᓯᐊᖅᑐᓂ ᐱᖕᒪᕆᐅᔪᖅ ᐱᓇᓱᐊᒐᖅᑖᕆᔭᖓ ᕉᑎ ᑎᒍᒥᐊᕐᓂᐊᓕᕐᒥᔭᖓ ᐅᑉᐱᓇᑦᓯᐊᕐᓗᓂ ᐊᖏᕈᑎᒋᓯᒪᓗᒍᓗ. ᑲᑎᒪᔩᑦ ᓂᕆᐅᖕᓂᖃᑦᓯᐊᑲᓐᓂᕐᐳᑦ ᒪᒃᑯᑦᑐᓂᒃ ᐃᓄᓐᓂᒃ ᐱᓇᓱᐊᒐᑦᓴᑖᖅᑐᖃᕋᐃᒻᒪᑦ ᒫᒃᑐᒋᐊᖃᕐᓇᖅᑐᒥᒃ ᓯᕗᓕᖅᑎᐅᓂᕐᒥᒃ.
ᐊᖓᔪᖅᑳᖅ ᐊᓗᑭ ᑰᑦᑎᖅ
ᓄᓇᕗᑦ ᑐᓐᖓᕕᒃ ᑎᒥᖓ

ᑭᒡᒐᑐᖅᑐᒋᑦ ᓄᓇᕗᑦ ᑐᓐᖓᕕᒃ ᑎᒥᖓᓄᑦ ᑲᑎᒪᔩᑦ

ᑭᒡᒐᑐᖅᑐᒋᑦ ᓄᓇᕗᑦ ᑐᓐᖓᕕᒃ ᑎᒥᖓᓄᑦ ᑲᑎᒪᔩᑦ, ᖁᕕᐊᒃᑯᔾᔨᕗᒍᑦ ᐃᓄᕕᐊᓗᐃᑦ ᑯᐊᐳᕇᓴᓐ ᐊᖓᔪᖅᑳᖓᓂᒃ ᐊᐅᓚᑦᓯᔨᒻᒪᕆᖓᓂᓪᓗ ᑐᐃᓐ ᓯᒥᑦ 33-ᒋᓕᖅᑕᖓᓂᒃ ᓇᓪᓕᐅᓂᕐᓯᐅᑎᓪᓗᒋᑦ ᐊᑎᓕᐅᖅᑕᐅᓚᐅᖅᑎᓪᓗᒋᑦ ᐃᓄᕕᐊᓗᐃᑦ ᑭᖑᓪᓕᐹᕐᓯᐅᑏᑦ ᐊᖏᕈᑎᖏᑦ. ᐱᖃᓐᓇᕆᔭᓕᒫᑦᑎᓐᓄᑦ ᐃᓚᖏᓐᓄᓪᓗ ᓇᓪᓕᐅᓂᕐᓯᐅᖅᑐᓄᑦ ᐃᖅᑲᐅᒪᓇᖅᑐᒥᒃ, ᑲᔪᓯᐊᑦᓯᐊᑲᓐᓂᖁᓇᕐᓂᐊᕐᐳᓯ ᑲᔪᓯᑎᑦᓯᕙᓪᓕᐊᑎᓪᓗᓯ ᓄᓇᑖᕈᑎᒋᓯᒪᔭᑦᓯᓐᓂᒃ. ᐊᓕᐊᓇᐃᑦ! ᖁᕕᐊᓱᒋᑦ ᐃᓄᕕᐊᓗᐃᑦ ᐅᓪᓗᖓᓂ!

ᑐᓐᖓᕕᒃᑯᓐᓂ ᐃᖅᑲᓇᐃᔭᖅᑏᑦ

ᐊᑐᓂᑦ ᑕᖅᑭᑕᒫᑦ, ᓄᓇᕗᑦ ᑐᓐᖓᕕᒃ ᑎᒥᖓᑦ ᓇᓗᓇᐃᖅᓯᖃᑦᑕᖅᓂᐊᖅᑐᑦ ᑭᒃᑰᓂᖏᓐᓂᒃ ᐃᖅᑲᓇᐃᔭᖅᑎᓂᒃ ᐊᒻᒪᓗ ᐱᓕᕆᐊᕗᑦ ᐊᑐᓕᖅᑎᑦᑎᕙᓪᓕᐊᓂᕐᒥᑦ ᐃᓂᓪᓚᐃᓂᕐᒥᑦ ᐅᑯᓂᖓ ᓄᓇᕗᒥ ᐊᖏᕈᑎᓂᒃ.
ᑕᖅᑭᐊᓂ ᔫᓐ, ᓇᓗᓇᐃᔭᐃᔪᒍᑦ ᑭᒃᑑᓂᖏᓐᓂᒃ ᓄᓇᕗᑦ ᑐᓐᖓᕕᒃ ᑎᒥᖓᓐᓂ ᐃᓄᒃᑎᑐᑦ ᑐᓵᔩᑦ/ᑐᑭᓕᐅᕆᔩᑦ ᐱᓕᕆᔪᑦ ᐅᑯᓇᓂ ᑐᓴᐅᒪᖃᑦᑕᐅᑎᓕᕆᔨᒃᑯᓐᓂᑦ ᐱᓕᕆᕕᐊᓐᓂ. ᕕᕈᓕᑲ ᑐᕐᕙ (ᓴᐅᒥᖓᓂ),ᕇᐱᑲ ᒪᐃᒃ (ᕿᑎᐊᓂ)ᐊᒻᒪᓗ ᐃᓕᓴᐱ ᐃᑭᓪᓗᐊᖅ (ᑕᓕᖅᐱᖓᓂ)ᑐᑭᓕᐅᕆᔨᑦ ᐃᓄᒃᑎᑑᓕᕆᓂᕐᒥᑦ ᖃᓪᓗᓈᑎᑐᓪᓗ ᑕᒪᐃᓐᓂᒃ ᓄᓇᕗᑦ ᑐᖓᕕᒃ ᑎᒥᖓᑦ ᑎᑎᕋᖅᓯᒪᔭᖏᓐᓂᒃ, ᐃᓚᒋᓪᓗᒋᑦ ᐊᕐᕌᒍᑕᒫᖅᓯᐅᑎᖏᓐᓄᑦ ᐅᓂᒃᑳᓂᒃ, ᑲᑎᒪᔪᓂ ᐸᐃᑉᐹᖁᑎᖏᓐᓂᒃ, ᐊᑐᐊᒐᖁᑎᖏᓐᓂᒃ, ᐅᖃᓕᒫᒐᓂᒃ, ᐱᔫᒥᓵᕈᑎᓂᒃ, ᑐᓴᒐᒃᓴᓂᒃ ᐃᖐᓐᓇᖅ ᓴᖅᑭᑦᑐᓂᒃ ᐊᒻᒪᓗ ᐊᓂᕙᓪᓕᐊᔪᓂᒃ ᑎᑎᖅᑲᓂᒃ.  ᐊᒻᒪᓗᑦᑕᐅᖅ ᑐᓵᔨᐅᕙᖕᒥᔪᑦ ᐊᒥᓱᐊᖅᑕᖅᖢᑎᒃ ᓄᓇᕗᑦ ᑐᓐᖓᕕᒃ ᑎᒥᖓᑦᑕ ᑲᑎᒪᓂᖏᓐᓂ ᐅᑭᐅᑕᒫᑦ. ᐊᒃᓱᐊᓗᒃ ᐱᓕᕆᕙᒃᑐᑦ! ᐊᒻᒪᓗ, ᐃᑲᔪᖃᑦᑕᕆᓪᓗᑎᒃ ᓴᖅᑭᑎᕆᕙᓪᓕᐊᓂᕐᒥᑦ ᓄᑖᓂᒃ …

ᑐᓐᖓᕕᒃᑯᑦ ᑐᓴᖅᑎᑦᓯᔪᑦ ᑐᓵᔨᐅᓂᕐᒥᒃ ᐃᓕᓐᓂᐊᖅᑎᒧᑦ ᐃᑲᔫᑎᒃᓴᒥᒃ ᑐᓂᔭᐅᔫᓐᓂᒃ

ᓄᓇᕗᑦ ᑐᓐᖓᕕᒃᑯᑦ ᑎᒥᖓ (ᑐᓐᖓᕕᒃ) ᐃᑲᔫᓯᐊᒥᒃ ᑐᓐᓂᖅᑯᓯᐊᖅᑎᑦᓯᒋᐊᓐᖓᓚᐅᖅᑐᑦ ᑐᓵᔨᐅᓂᕐᒧᑦ ᐃᓕᓐᓂᐊᖅᑎᒧᑦ ᑐᓐᓂᖅᑯᑎᒃᓴᒥᒃ ᓯᕗᓪᓕᕐᐹᒥ ᐊᒻᒪᓗ ᑐᒡᓕᐊᓂ ᐊᕐᕌᒍᒥ ᐃᓕᓐᓂᐊᖅᑏᓐᓄᑦ ᓄᓇᕗᑦ ᓯᓚᑦᑐᓴᕐᕕᖕᒥ ᑐᓵᔨᓄᑦ ᐃᓕᓐᓂᐊᖅᑐᓂᒃ.
ᑐᓐᓂᖅᑯᑕᐅᔪᖅ ᖁᑦᓯᑦᑐᒦᑦᑐᓄᑦ ᐊᔪᕈᓐᓃᕐᓴᐅᑎᒥᒍᑦ ᐊᒻᒪᓗ ᑐᓂᓯᔪᑦ ᐊᑕᐅᓯᕐᒧᑦ ᓯᕗᓪᓕᕐᐹᒥ ᐊᕐᕌᒍᒥ ᐃᓕᓐᓂᐊᖅᑎᒧᑦ ᐊᒻᒪᓗ ᐊᑕᐅᓯᕐᒧᑦ ᑐᒡᓕᐊᓂ ᐊᕐᕌᒍᐊᓂ ᐃᓕᓐᓂᐊᖅᑎᒧᑦ ᐊᑐᓂᑦ ᑐᓂᔭᐅᓪᓗᑎᒃ $1,000. ᑐᓂᔭᐅᔫᒃ ᓂᕈᐊᖅᑕᐅᓚᐅᖅᑑᒃ ᐃᓕᓐᓂᐊᑎᑦᓯᔨᖏᓐᓄᑦ.
ᐊᕐᕌᒍᑦᑎᓐᓂ ᑐᓂᔭᐅᔫᒃ ᐄᕆ−ᑖᓐ ᐸᒥᐅᓕᒃ (ᓯᕗᓪᓕᖅ ᐊᕐᕌᒍ), ᐊᒻᒪᓗ ᑑᐱ ᐅᑕᒃ (ᑐᒡᓕᐊᓂ ᐊᕐᕌᒍᒥ). ᑕᒪᒃᑮᒃ ᐃᓕᓐᓂᐊᖅᑏᑦ ᐱᐊᓂᓚᐅᖅᑐᑦ ᐃᓕᓐᓂᐊᕌᓂᑦᓱᑎᒃ ᐃᓄᒃᑎᑐᑦ ᑐᓵᔨᐅᓂᕐᒥᒃ ᐃᓕᓐᓂᐊᓂᕐᒥᒃ ᐃᖃᓗᓐᓂ.
“ᑐᓐᖓᕕᒃᑯᑦ ᐅᐱᒍᓱᑉᐳᑦ ᐃᑲᔪᕐᓂᕐᒥᒃ ᑐᓵᔨᐅᓂᕐᒥᒃ ᐃᓕᓐᓂᐊᖅᑐᓂᒃ ᓄᓇᕗᒻᒥ. ᖁᕕᐊᒃᑯᑎᕚᒃᑲ ᑖᒃᑯᐊ ᒪᕐᕉᒃ ᐃᓅᒃ ᐅᖃᐅᓯᑦᑎᓐᓂᒃ ᐆᒪᐃᓐᓇᑎᑦᓯᓂᐊᕐᒪᑎᒃ ᐊᒻᒪᓗ ᐃᓕᓐᓂᐊᕋᓱᐊᕐᓂᖏᓐᓄᑦ. ᑕᑯᓐᓇᒐᑦᓴᓯᐊᕚᒃ ᐃᓕᓐᓂᐊᖅᑏᒃ …

ᓄᓇᕗᑦ ᑐᓐᖓᕕᒃ ᑎᒥᖓ ᓇᓪᓕᐅᓂᕐᓯᐅᖃᑎᖃᕐᓂᐊᕐᒪᑕ ᑲᓇᑕᓕᒫᒥ ᕿᓯᓐᓂᒃ ᓴᓇᓯᒪᔪᓂᒃ ᐅᓪᓗᖓᓂ

ᓄᓇᕗᑦ ᑐᓐᖓᕕᒃ ᑎᒥᖓ ᓇᓪᓕᐅᓂᕐᓯᐅᖃᑎᖃᕐᓂᐊᕐᒪᑕ ᑲᓇᑕᓕᒫᒥ ᕿᓯᓐᓂᒃ ᓴᓇᓯᒪᔪᓂᒃ ᐅᓪᓗᖓᓂ ᑲᓇᑕᒥᐅᓕᒫᓂᒃ ᑲᓇᑕᒥ ᒪᐃ 20, 2017. ᑐᓐᖓᕕᒃᑯᑦ ᖁᔭᓕᔪᑦ ᑲᓇᑕ ᒐᕙᒪᖓᓂᒃ ᐃᓕᓴᕐᓯᓂᖏᓐᓄᑦ ᐱᖕᒪᕆᐅᓂᖓᓂᒃ ᓇᑦᓯᕐᓂᒃ ᐊᓐᓂᕐᓲᑎᖃᖃᑦᑕᕐᓂᖏᓐᓄᑦ ᐃᓄᐃᑦ ᐊᒻᒪ ᑲᓇᑕᒥᐅᓕᒫᑦ. ᑖᓐᓇ ᐱᖕᒪᕆᒃ ᐅᓪᓗᖅ. ᑕᑯᑦᓴᐅᑎᑦᓯᔪᒪᓪᓗᑕ ᐱᖕᒪᕆᐅᓂᖏᓐᓂᒃ ᓇᑦᓰᑦ, ᐃᓄᐃᑦ ᐊᖑᓇᓱᑦᑏᑦ ᓴᓇᕙᑦᑐᓪᓗ, ᑐᓐᖓᕕᒃᑯᑦ ᑐᓐᓂᖅᑯᑎᖃᕐᓂᐊᕐᐳᑦ ᕿᓯᓐᓃᖔᖅᑐᓂᒃ ᓴᓇᔭᐅᓯᒪᔪᓂᒃ ᓴᓇᑐᔪᒻᒪᕆᖕᒧᑦ ᕕᒃᑐᕆᐊ ᑲᑯᑦᑎᓐᓂᖅ ᑕᑉᕙᖔᖅᑐᖅ ᕕᒃᑐᕆᐊ ᐅᑭᐅᖅᑕᖅᑐᒧᑦ ᐊᓐᓄᕋᔾᔨᐊᖏᑦ. ᓇᓗᓇᐃᕐᓯᑐᐃᓐᓇᕐᓗᑎᑦ ᐱᐅᑦᓴᓂᓐᓂᒃ ᓄᓇᕗᑦ ᑐᓐᖓᕕᒃᑯᑦ ᕙᐃᔅᐳᖓᓂᒃ ᑲᓱᒪᔾᔪᑎᒥᒃ ᐊᒻᒪᓗ ᑖᓐᓇ ᖃᐅᔨᒃᑲᐃᒍᑎᒋᓗᒍ ᐃᓕᔭᐅᓂᐊᖅᑐᖅ ᐊᑏᑦ ᑲᓇᑕᒥ ᕿᓯᓐᓂᒃ ᓴᓇᓯᒪᔪᓂᒃ ᐅᓪᓗᖓᓂ ᓵᓚᒃᓴᖃᑕᐅᒐᓱᐊᕈᓐᓇᓂᐊᖅᑐᑎᑦ. ᑖᓐᓇ ᓵᓚᒃᓴᕋᓱᐊᕈᑎ ᒪᑐᐃᖓᔪᖅ ᐃᓄᓐᓄᑦ ᐊᑎᖃᖃᑕᐅᔪᓄᑦ ᓄᓇᕗᒻᒥ ᐊᖏᕈᑎᓂ. ᓵᓚᒃᓴᖁᓇᕋᓗᐊᕆᕗᓯ. ᐅᖃᓕᒫᒃᑲᓐᓂᕈᓐᓇᖅᑐᑎᑦ ᕕᒃᑐᕆᐊ …

ᓄᓇᕗᑦ ᑐᙵᕕᒃ ᑎᒥᖓᑕ ᐊᖓᔪᖅᑳᖓ ᓇᓪᓕᒍᓱᓐᓂᕋᖅᐳᖅ ᑐᒃᑐᕐᔪᑉ ᐃᓚᖏᓐᓂᒃ

ᓄᓇᕗᑦ ᑐᙵᕕᒃ ᑎᒥᖓᑕ ᐊᖓᔪᖅᑳᖓ ᐊᓗᑭ ᑰᑦᑎᖅ ᐅᓪᓗᒥ ᐅᖃᖅᑲᐅᕗᖅ ᓇᓪᓕᒋᓂᕋᖅᑐᓂᒋᑦ ᑕᐃᕙᑦ ᑐᒃᑐᕐᔪᑉ ᐃᓚᖏᓐᓂᒃ ᓇᐅᔮᕐᒥᐅᓂᒃ, ᐊᓂᕐᓇᖏᓚᐅᕐᑎᓪᓗᒍ ᐱᓇᓱᐊᕈᓯᐅᑉ ᓄᙳᐊᓂ.
ᖃᖔᓗᓂᒃ 1980-ᖏᓐᓂᒃ ᑐᒃᑐᕐᔪᒃ ᑲᑎᐅᖃᑦᑕᕐᓯᒪᒻᒪᑦ ᑭᕙᓪᓕᕐᒥ ᐃᓄᐃᑦ ᑲᑐᔾᔨᖃᑎᒌᖏᓐᓂ. ᐃᓄᖕᓂᒃ ᑭᒡᒐᕐᑐᐃᕙᓚᐅᕆᕗᖅ ᑐᙵᕕᒃ ᐃᓚᒌᒃᓴᒃᑯᑦ ᓄᓇᕗᖕᒥ, ᑖᓐᓇᓕ ᓄᓇᕗᑦ ᑐᙵᕕᒃ ᑎᒥᖓᓂᒃ ᓯᕗᓪᓕᐅᓚᐅᕐᓯᒪᔪᖅ ᐊᒻᒪᓗ ᐊᐃᕙᔨᐅᓯᒪᓪᓗᓂᒃ ᓄᓇᕗᑦ ᐊᖏᕈᑎᖏᓐᓂᒃ ᐃᓄᖕᓂᒃ ᐱᒡᒍᔨᓪᓗᑎᒃ. ᑐᒃᑐᕐᔪᒃ ᑭᕙᓪᓕᕐᒥ ᐃᓄᐃᑦ ᑲᑐᔾᔨᖃᑎᒌᖏᓐᓂᒃ ᑲᑎᒪᔨᐅᓕᓚᐅᕐᓯᒪᕗᖅ ᐊᒻᒪᓗ ᐊᒥᓱᐊᕐᑎᖅᖢᓂ ᑲᑎᒪᔭᕐᑐᖃᑕᐅᖃᑦᑕᕐᓯᒪᕗᖅ ᓄᓇᕗᑦ ᑐᙵᕕᒃ ᑎᒥᖓᑕ ᑲᑎᒪᔨᖏᑦ ᐊᕐᕌᒍᓕᒫᕐᓯᐅᑎᒥᓂᒃ ᑲᑎᒪᑎᓪᓗᒋᑦ.
“ᓄᓇᕗᑦ ᑐᙵᕕᒃ ᑎᒥᖓᑕ ᑲᑎᒪᔨᖏᑦ ᐱᒡᒍᑎᓗᒋᑦ, ᑕᐃᕙᑦ ᐃᓚᔮᖏᑦ ᐊᒻᒪᓗ ᐃᓚᓐᓇᕆᔭᖏᑦ ᓇᓪᓕᒋᕙᕗᑦ ᕿᒪᑦᑕᐅᑎᓪᓗᒋᑦ. ᑕᐃᕙᑦ ᐊᒃᓱᒻᒪᕆᐊᓗᒃ ᐃᓅᓯᐊ ᐱᒡᒍᒋᓯᒪᕙᕋ ᐊᒻᒪᓗ ᐊᒃᓱᒻᒪᕆᐊᓗᒃ ᓂᐱᖃᕈᑎᖃᖃᑦᑕᕐᓯᒪᓂᖓ …

ᑐᓐᖓᕕᒃᑯᑦ ᑐᓐᖓᓴᐃᕗᑦ ᐅᓂᒃᑳᖓᓂᒃ ᐅᑭᐅᖅᑕᖅᑐᒧᑦ ᑭᒡᒐᑐᖅᑎ

(ᒪᐃ 5, 2017 – ᐃᖃᓗᐃᑦ, ᓄᓇᕗᑦ) ᓄᓇᕗᑦ ᑐᓐᖓᕕᒃ ᑎᒥᖓ (ᑐᓐᖓᕕᒃ) ᐊᖓᔪᖅᑳᒧᑦ ᑭᖑᑉᕕᐅᑎᓯᒪᔪᖅ ᔭᐃᒥᓯ ᐃᑦᑐᓗᒃ ᐅᓪᓗᒥ ᑐᓐᖓᓴᐃᖅᑲᐅᔪᖅ ᐱᓇᓱᐊᕈᓯᑦᑎᓐᓂ ᐅᓂᒃᑳᓕᐊᕆᓚᐅᖅᑕᖓᓂᒃ ᒥᐊᔨ ᓴᐃᒪᓐ, ᓄᓇᖃᖅᑳᕐᓯᒪᔪᓄᑦ ᐅᑭᐅᖅᑕᖅᑐᒨᖓᔪᓄᓪᓗ (ᐃᓄᓕᕆᔨᑐᖃᒃᑯᑦ) ᒥᓂᔅᑕᒧᑦ ᑭᒡᒐᑐᖅᑎ ᐅᑭᐅᖅᑕᖅᑐᒨᖓᔪᓄᑦ. ᑕᐃᒎᓯᓕᒃ ᓄᑖᖅ ᐅᑭᐅᖅᑕᖅᑐᒥ ᓯᕗᓕᖃᑎᒌᒍᑎᒃᓴᖅ, ᑖᒃᑯᓇᓂ ᐅᓂᒃᑳᓕᐊᕆᓯᒪᔭᖏᓐᓃᑦᑐᑦ ᑕᑯᓯᒪᔭᒥᒍᑦ ᐊᑐᓕᖁᔨᔾᔪᑏᓪᓗ ᑖᒃᑯᓇᓐᖔᕐᓯᒪᔪᑦ ᓴᐃᒪᓐ ᑲᑎᒪᖃᑎᖃᖃᑦᑕᕐᓯᒪᓂᖏᓐᓂᒃ ᐅᑭᐅᖅᑕᖅᑐᒥ ᒐᕙᒪᓂᒃ, ᑭᒡᒐᖅᑐᐃᔪᓂᒃ ᑲᑐᔾᔨᖃᑎᒌᓂᒃ, ᓄᓇᓕᖕᓂᒃ, ᐊᒻᒪᓗ ᑭᒃᑯᑐᐃᓐᓇᕐᓂᒃ.
 
“ᑐᓐᖓᕕᒃᑯᑦ ᓇᑯᕐᓴᖅᑐᑦ ᒥᐊᔨ ᓴᐃᒪ ᐱᓕᕆᒻᒪᕆᖃᑦᑕᕐᓂᖓᓂᒃ, ᐊᒻᒪᓗ ᓇᑯᕐᓴᖅᑐᑦ ᐃᓄᓕᕆᔨᑐᖃᒃᑯᓐᓄᑦ ᒥᓂᔅᑕ ᑭᐅᕈᓕᓐ ᐱᐊᓂᑦ ᑎᒃᑯᐊᕐᓯᒍᒪᓯᒪᓂᖓᓂᒃ ᑖᑦᓱᒥᖓ ᑕᑉᕗᖓ ᐱᓇᓱᐊᕋᑦᓴᒧᑦ. ᐅᓂᒃᑳᓃᑦᑐᑦ ᐱᓪᓗᐊᑕᐅᔪᑦ ᓴᓐᖏᓂᖃᕆᐊᓖᑦ ᒐᕙᒪᓕᕆᓂᕐᒧᑦ ᐊᑐᐊᒐᕐᓄᓪᓗ ᓯᕗᓕᕐᓂᕐᒥᒃ, ᐃᓚᒋᔭᐅᓗᑎᒃ ᐱᓇᓱᐊᖅᑕᐅᒋᐊᖃᕐᓂᖓ ᐃᓄᐃᑦ ᐱᔪᓐᓇᐅᑎᖏᓐᓂᒃ ᐋᖅᑭᑦᓱᐃᓂᐊᖅᑐᒥᒃ ᐅᑭᐅᖅᑕᖅᑐᒥ …

ᑐᓐᖓᕕᒃᑯᑦ ᖁᕕᐊᓲᑎᖃᕐᐳᑦ ᑲᑎᒪᔨᕋᓛᑦ ᑲᔪᓯᑎᑦᓯᖏᓐᓂᖓᓂᒃ ᐱᖁᔭᒃᓴᖅ 37 ᐊᒻᒪᓗ ᓯᕗᒧᐊᒃᐸᓪᓕᐊᒍᒪᓂᕐᒥᓄᑦ ᑐᒃᓯᕋᐅᑎᖓᓂᒃ

(ᒪᐃ 5, 2017 – ᐃᖃᓗᐃᑦ, ᓄᓇᕗᑦ)     ᓄᓇᕗᑦ ᑐᓐᖓᕕᒃᑯᑦ ᑎᒥᖓᑕ (ᑐᓐᖓᕕᒃ) ᐊᖓᔪᖅᑳᖓ ᐊᓗᑭ ᑰᑦᑎᖅ ᐅᓪᓗᒥ ᑐᓐᖓᓴᐃᖅᑲᐅᔪᖅ ᑲᑎᒪᔨᕋᓛᑦ ᒪᓕᒐᑦᓴᓐᖑᖁᔭᐅᓯᒪᔪᒧᑦ ᐱᖁᔭᒃᓴᖅ 37 ᓴᒃᑯᑕᐅᓂᖓᓂᒃ.
 
“ᑐᓐᖓᕕᒃᑯᑦ ᓇᑯᕐᓴᖅᑐᑦ ᑲᑎᒪᔨᕋᓛᑦ ᑲᔪᓯᖁᔨᓐᖏᓐᓂᖏᓐᓂᒃ ᐱᖁᔭᒃᓴᖅ 37 ᒪᓕᒐᓐᖑᖅᑎᑕᐅᓇᓱᐊᕐᓂᖓ. ᖃᓱᔫᒥᒍᑎᖓ ᐃᓕᓴᕐᓯᓚᐅᕐᓂᖏᓐᓂᒃ ᐃᓄᒃᑎᑐᑦ ᐅᖃᐅᓯᖅ ᐊᑐᖅᑕᐅᒍᓐᓃᐸᓪᓕᐊᑐᐃᓐᓇᕐᓂᖓ ᑐᐊᕕᕐᓇᕐᒪᑦ. ᓄᓇᕗᑦ ᒥᓂᔅᑕᐅᑏᑦ ᑲᑎᒪᔨᖏᑦ ᐊᖏᖃᑎᖃᕈᓇᕋᓗᐊᕐᐳᑦ ᑲᑎᒪᔨᕋᓛᓄᑦ ᑲᔪᓯᑎᑕᐅᒍᒪᔪᒥᒃ ᐱᕙᓪᓕᐊᓂᐊᓕᕋᑦᑕ ᐱᓕᕆᐊᕆᕙᓪᓕᐊᓗᒍ ᐋᖅᑭᒋᐊᖃᓪᓚᑖᕐᓂᖓ,” ᐅᖃᖅᑐᖅ ᑰᑦᑎᖅ.
 
ᑐᓐᖓᕕᒃᑯᑦ ᐊᒻᒪᓗ ᑕᒪᕐᒥᒃ ᐱᖓᓱᑦ ᐊᕕᑦᑐᕐᓯᒪᓂᕐᓂ ᐃᓄᐃᑦ ᑲᑐᔾᔨᖃᑎᒌᑦ ᑲᑎᒪᔨᕋᓛᓄᑦ ᐊᒻᒪᓗ ᓯᕗᓕᖅᑎ ᐲᑕ ᑕᑉᑑᓇᒧᑦ ᓴᒃᑯᐃᔭᐅᖁᔨᓯᒪᒻᒪᑕ ᐱᖁᔭᒃᓴᖅ 37 GN, ᐃᓄᐃᑦ ᑲᑐᔾᔨᖃᑎᒌᑦ ᐊᒻᒪᓗ ᐊᓯᖏᑦ ᐱᓕᕆᖃᑕᐅᕙᑦᑐᑦ ᐱᕕᒃᓴᖃᖅᑎᑕᐅᒋᐊᖁᓪᓗᒋᑦ ᐋᖅᑭᑦᓱᐃᓗᑎᒃ ᐱᐅᓂᕐᐹᒥᒃ ᐃᓄᒃᑎᑑᕐᓂᖅ ᐅᖃᐅᓯᖅ ᐃᓕᓐᓂᐊᖅᑕᐅᒍᑎᒃᓴᖓᓂᒃ. …

ᐅᑭᐅᒃ ᒪᕐᕉᒃ ᓈᑎᓪᓗᒋᑦ ᐃᖅᑲᖅᑐᐃᕕᒃᑯᑦ ᐊᖅᑭᖃᑎᒌᒍᑕᐅᓯᒪᔪᑦ, ᓱᓕ ᑲᒪᒋᔭᐅᔭᕆᐊᖃᖅᑐᑦ ᑕᐃᒪᐅᖕᒪᑕ

(ᒪᐃ 4, 2017 –ᐃᖃᓗᐃᑦ, ᓄᓇᕗᑦ)     ᓄᓇᕗᑦ ᑐᙵᕕᒃ ᑎᒥᖓᑕ ᐊᖓᔪᖅᑳᖓᓄᑦ ᑭᖑᕝᕕᐅᑎᓯᒪᑲᐃᓐᓇᕐᑐᖅ ᔭᐃᒥᓯ ᐃᑦᑐᓗᖅ ᐅᓪᓗᒥ ᐅᖃᖅᑲᐅᕗᑦ ᑕᒪᓱᓕᐅᒻᒪᑕᒎᖅ ᑲᒪᒋᔭᐅᔭᕆᐊᖃᖅᑐᑦ ᐃᖅᑲᓇᐃᔮᕆᔭᐅᔭᕆᐊᓖᑦ ᓇᓗᓇᐃᔭᕐᑕᐅᓯᒪᓚᐅᕐᓯᒪᔪᑦ ᐋᖅᑭᖃᑎᒌ    ᓐᓂᕐᒧᑦ ᐊᖏᕈᑎᓂ ᐅᑭᐅᒃ ᒪᕐᕉᒃ ᓈᕘᒃ ᑕᐃᒪᙵᓂᑦ ᐊᑎᓕᐅᕐᑕᐅᓚᐅᕐᓯᒪᑎᓪᓗᒋᑦ ᓄᓇᕗᑦ ᑐᙵᕕᒃ ᑎᒥᖓᓄᑦ, ᑲᓇᑕᐅᑉ ᒐᕙᒪᒃᑯᖏᓐᓄᑦ ᐊᒻᒪᓗ ᓄᓇᕗᑦ ᒐᕙᒪᒃᑯᖏᓐᓄᑦ. ᐊᖏᖃᑎᒌᖕᒪᑕ ᓄᖅᑲᑎᑦᑎᒍᑕᐅᓚᐅᕐᓯᒪᔪᖅ ᓄᓇᕗᑦ ᑐᙵᕕᒃ ᑎᒥᖓᑕ ᐃᖅᑲᖅᑐᐃᕕᓕᐊᕐᑎᑦᑎᓯᒪᓂᖏᓐᓄᑦ ᑲᓇᑕᐅᑉ ᒐᕙᒪᒃᑯᖏᓐᓂᒃ ᐊᑐᓕᕐᑎᑦᑎᕙᓪᓕᐊᔭᕆᐊᖃᖅᑐᑎᒃ ᐊᑐᓕᕐᑎᑦᑎᕙᓪᓕᐊᓂᑲᙱᓐᖏᓐᓄᑦ ᐊᖏᕈᑎᓃᒃᑐᓂᒃ.
 
“ᐊᑎᓕᐅᖅᑎᓪᓗᒋᑦ ᐋᖅᑭᖃᑎᒌᓐᓂᕐᒧᑦ ᐊᖏᕈᑎᓂᒃ ᐱᒻᒪᕆᖕᒥᒃ ᐱᕚᓪᓕᕈᑕᐅᓯᒪᕗᖅ ᑕᐃᒪᙵᓂᒃ ᓯᕗᓪᓕᕆᔭᑦᑎᓐᓂᒃ ᐊᑐᖅᑕᐅᓯᒪᔪᓂᒃ ᓄᓇᕗᖕᒥᐅᑦ ᐃᓄᖏᓐᓄᑦ ᐊᒻᒪᓗ ᓄᓇᖃᖅᑳᖅᓯᒪᔪᓄᑦ ᓄᓇᕐᔪᐊᓕᒫᕐᒥ ᐅᓇ ᐱᔾᔪᑎᒋᓪᓗᒍ ᒐᕙᒪᒃᑯᑦ ᒪᓕᒐᖅᑎᒍᑦ ᑲᒪᒋᔭᖃᕐᒪᑕ ᐱᓂᐊᕐᓂᕋᕈᑕᐅᓯᒪᔪᓂᒃ ᐊᑎᓕᐅᖃᑕᐅᑎᓪᓗᒋᑦ ᐊᖏᕈᑎᓂᒃ,” ᐅᖃᖅᑐᖅ ᐃᑦᑐᓗᒃ.
 
ᐃᑦᑐᓗᒃ ᐃᖅᑲᓪᓕᕈᑎᖃᓚᐅᕐᑐᖅ ᖁᓅᕐᒥᕐᓯᒪᓂᕐᒥᓂᒃ, ᐱᒻᒪᕆᐅᔪᑦ …

ᓄᓇᕗᑦ ᑐᙵᕕᒃ ᑎᒥᖓ ᐊᒻᒪᓗ ᕿᑭᖅᑕᓂ ᐃᓄᐃᑦ ᑲᑐᔾᔨᖃᑎᒌᖏᑕ ᐊᖓᔪᖅᑳᖏᒃ ᓴᖅᑮᖃᑕᐅᕘᒃ ᓄᑖᒥᒃ ᑮᓇᐅᔭᒥ

ᓄᓇᕗᑦ ᑐᙵᕕᒃ ᑎᒥᖓ ᐊᒻᒪᓗ ᕿᑭᖅᑕᓂ ᐃᓄᐃᑦ ᑲᑐᔾᔨᖃᑎᒌᖏᑕ ᐊᖓᔪᖅᑳᖏᒃ ᓴᖅᑮᖃᑕᐅᕘᒃ ᓄᑖᒥᒃ ᑮᓇᐅᔭᒥ 
 (ᐃᐱᕆ 7, 2017 –ᐃᖃᓗᐃᑦ ᓄᓇᕗᑦ) ᓄᓇᕗᑦ ᑐᙵᕕᒃ ᑎᒥᖓᑕ ᐊᖓᔪᖅᑳᖓ ᐊᓗᑭ ᑰᑦᑎᖅ ᐊᒻᒪᓗ ᕿᑭᖅᑕᓂ ᐃᓄᐃᑦ ᑲᑐᔾᔨᖃᑎᒌᖏᑕ ᐊᖓᔪᖅᑳᖓ ᐸᐅᓗᓯ ᐊᕿᐊᕈᖅ ᐅᓪᓗᒥ ᐅᐸᒃᓯᒪᖃᑕᐅᓂᐊᕐᐴᒃ ᓴᖅᑭᑕᐅᑎᓪᓗᒍ ᓄᑖᖅ ᑮᓇᐅᔭᖅ $10 ᐃᖅᑲᐅᒪᔾᔪᑕᐅᓪᓗᓂ ᑎᑎᕋᐅᔭᕐᑎᒥᒃ ᕿᓐᓄᐊᔪᐊᖅ ᐋᓯᕙᖕᒥᒃ. ᑰᑦᑎᖅ ᐊᒻᒪᓗ ᐊᕿᐊᕈᖅ ᐅᐸᒃᓯᒪᖃᑕᐅᖅᑲᐅᕘᒃ ᐃᓚᖃᖅᑐᑎᒃ ᐋᓯᕙᐅᑉ ᐃᓚᔮᖏᓐᓂᒃ ᐊᒻᒪᓗ ᓄᓇᕗᖕᒥ ᐃᓄᖕᓂᒃ ᐊᒻᒪ ᑲᓇᑕᒥᐅᑕᓂᒃ ᓂᕈᐊᖅᑕᐅᓯᒪᔪᓂᒃ.
ᐊᖓᔪᖅᑳᖅ ᐅᐱᒍᓱᓐᓂᕋᖅᑐᓂ ᐅᖃᖅᑲᐅᔪᖅ ᑕᑯᒐᒥ ᓴᓇᓯᒪᔭᖓᓂᒃ ᑎᑎᕋᐅᔭᕐᑎᐅᑉ ᑖᓐᓇᓗ ᖃᐅᔨᒪᔭᐅᓪᓗᓂ ᓄᓇᕐᔪᐊᓕᒫᕐᒥ ᑎᑎᕋᐅᔭᕐᓯᒪᔭᖏᓐᓄᑦ ᑎᑎᕋᐅᔭᕐᑕᒥᓂᖓ ᑮᓇᐅᔭᒥ ᑕᕐᓴᕆᔭᐅᖕᒪᑦ.
“ᐅᓪᓗᒥ ᐃᖅᑲᐅᒪᕙᕗᑦ ᕿᓐᓄᐊᔪᐊᖅ ᐋᓯᕙᐅᑉ ᐃᑲᔪᕐᓯᒪᓂᖓ ᐅᕙᒍᑦ ᐃᓅᖃᑎᖏᓐᓄᑦ. …

ᑐᓐᖓᕕᒃᑯᑦ ᑲᑎᒪᔨᖏᑦ ᑲᔪᓯᑎᑦᓯᖏᑦᑐᑦ ᐱᖁᔭᒃᓴᖅ 37−ᒥᒃ

ᓄᓇᕗᑦ ᑐᓐᖓᕕᒃᑯᑦ ᑎᒥᖓᑕ (ᑐᓐᖓᕕᒃ) ᑲᑎᒪᔨᖏᑦ ᓂᕈᐊᓚᐅᖅᑐᑦ ᐊᖏᕈᑎᓖᓐᓇᐅᓪᓗᑎᒃ ᖃᐅᔨᒃᑲᐃᖁᔨᓪᓗᑎᒃ ᓄᓇᕗᑦ ᒪᓕᒐᓕᐅᕐᕕᖓᓂᒃ ᑲᔪᓯᑎᑕᐅᖁᔨᒐᑎᒃ ᐱᖁᔭᒃᓴᖅ 37-ᒥᒃ, ᒪᓕᒐᑦᓴᓕᐊᖑᒍᒪᔪᖅ ᐋᖅᑭᒋᐊᖅᑕᐅᖁᔨᔾᔪᑏᑦ ᓄᓇᕗᑦ ᒐᕙᒪᖓᓄᑦ (GN) ᐃᓕᓐᓂᐊᕐᓂᓕᕆᓂᕐᒧᑦ ᐱᖁᔭᓂᒃ ᐊᒻᒪᓗ ᐃᓄᐃᑦ ᐅᖃᐅᓯᖓᑕ ᓴᐳᑎᔭᐅᓯᒪᓂᖓᓄᑦ ᐱᖁᔭᓂᒃ. ᑐᓐᖓᕕᒃᑯᑦ ᑲᑎᒪᔨᖏᑦ ᑲᔪᓯᑎᑦᓯᓚᐅᖅᑐᑦ ᐱᖁᔨᕗᖔᕈᒻᒥᒃ ᑲᑎᒪᓂᕐᒥᓂ ᐊᕐᕕᐊᓂ ᐱᓇᓱᐊᕈᓯᐅᓚᐅᖅᑐᒥ. ᑐᓐᖓᕕᒃᑯᑦ ᐊᖓᔪᖅᑳᖓ ᐊᓗᑭ ᑰᑦᑎᖅ ᐅᖃᓚᐅᖅᑐᑦ ᑲᑎᒪᔩᑦ ᐃᓱᒫᓘᑎᖃᓚᐅᖅᑐᑦ ᐊᑐᓕᖁᔨᔾᔪᑎ ᑎᑭᐅᑎᓯᒪᓂᖓᓄᑦ ᑕᒡᕗᖓ, ᐊᒻᒪᓗ ᖃᐅᔨᒃᑲᐃᓪᓗᑎᒃ ᐱᖁᔭᒃᓴᖅ 37 ᐲᖅᑕᐅᖁᓪᓗᒍ.
2016−ᒥᓂᒃ, ᑎᑎᕋᖃᑎᒌᖃᑦᑕᓂᕐᒥᒍᑦ ᑐᒃᓯᐅᑎᑎᒍᓪᓗ, ᑐᓐᖓᕕᒃᑯᑦ ᐊᐱᕆᓚᐅᖅᑐᑦ ᓄᓇᕗᑦ ᒐᕙᒪᖓ ᐊᖏᕈᑎᖃᕐᓯᒪᖁᓪᓗᒍ ᑮᓇᐅᔭᓕᑕᐅᒍᑎᒃᓴᓂᒃ ᐱᓕᕆᒍᑎᒃᓴᐅᓂᐊᖅᑐᓂᒃ ᐃᓄᐃᑦ ᐃᖅᑲᓇᐃᔮᖏᓐᓄᑦ ᐸᕐᓇᐅᑎᓂᒃ ᐊᒻᒪᓗ ᐱᒋᐊᕈᑎᒃᓴᓂᒃ ᐱᓇᓱᐊᖅᑕᐅᒻᒪᕆᒋᐊᖃᕐᓂᖓᓄᑦ ᐱᓕᖕᒪᒃᓴᖅᑕᐅᒍᑎᒃᓴᖏᓐᓂᒃ ᐃᓄᐃᑦ ᐃᓕᓴᐃᔩᑦ. ᑭᓯᐊᓂᓕ ᐊᓯᔾᔩᒐᑎᒃ ᒪᓕᒐᑦᓴᒥᒃ, ᐊᑐᕆᐊᖃᕐᓂᐊᖅᑕᖏᓐᓂᒃ ᐅᓄᕐᓯᒋᐊᒃᑲᓂᒻᒪᕆᒋᐊᓕᓐᓂᒃ …

ᔫᓯ ᐊᒪᐅᔭᖅ ᑯᓱᒐᖅ ᐃᖅᑲᐅᒪᔭᐅᓂᖓᓄᑦ ᐃᓕᓐᓂᐊᑐᖅᑐᒧᑦ ᐃᑲᔫᑎᑦ

ᓄᓇᕗᑦ ᑐᙵᕕᒃ ᑎᒥᖓᑕ ᐊᖓᔪᖅᑳᖓ ᐊᓗᑭ ᑰᑦᑎᖅ ᐅᓪᓗᒥ ᑐᓴᖅᑎᑎᖃᐅᕗᖅ ᔫᓯ ᐊᒪᐅᔭᖅ ᑯᓱᒐᖅ ᐃᖅᑲᐅᒪᔭᐅᓂᖓᓄᑦ ᐃᓕᓐᓂᐊᑐᖅᑐᒧᑦ ᐃᑲᔫᑎᑦ 2017 ᑐᒃᓯᕋᕈᑏᑦ ᒪᑐᐃᕐᒪᑦ.
ᓄᓇᕗᑦ ᑐᙵᕕᒃ ᑎᒥᖓ ᒪᕐᕉᓐᓂᒃ ᐃᓕᓐᓂᐊᕐᑏᓐᓂᒃ ᐱᔾᔪᓯᐊᖅᑖᑎᑦᑎᓲᖑᒻᒪᑕ $5,000-ᓂᒃ ᐊᑐᓂᑦ ᐃᓕᓐᓂᐊᕐᑕᒥᓄᑦ ᐃᓕᓐᓂᐊᖅᑎᓄᑦ ᓯᓚᑦᑐᓴᕐᕕᖕᒥ ᐃᓄᒃᑐᑦ ᐅᖃᐅᓯᕐᓂᒃ ᐊᒻᒪᓗ ᐃᓕᓐᓂᐊᓂᓕᕆᓂᕐᒧᑦ. ᐃᓕᓐᓂᐊᖅᑏᑦ ᐃᓕᓐᓂᐊᕐᑐᑦ ᐊᓯᖏᓐᓂᑦᑕᐅᖅ ᐱᔾᔪᓐᓇᕆᕗᑦ ᖃᐅᔨᑎᑦᑎᑉᐸᑕ ᑖᒃᑯᓄᖓ ᐊᑦᑐᐊᓂᖏᓐᓂᒃ ᐃᓕᓐᓂᐊᕐᑕᒥᑕ ᐊᒻᒪᓗ ᐱᕙᓪᓕᐊᓂᖃᖅᑎᑦᑎᐸᑕ ᐃᓄᐃᑦ ᐱᔪᓐᓇᐅᑎᖏᓐᓂᒃ.
“ᐃᖅᑲᐅᒪᒐᒃᑯ ᔫᓯ ᑯᓱᒐᖅ ᐊᒃᓱᕈᕈᑎᖃᖅᑎᓪᓗᒍ ᐳᐃᒍᖁᔨᓇᓂ ᐃᓄᐃᑦ ᐱᔪᓐᓇᐅᑎᖏᓐᓂᒃ ᐃᓕᓐᓂᐊᓂᒃᑯᑦ ᐊᒻᒪᓗ ᐳᐃᒍᖅᑕᐅᖁᓇᒋᑦ ᐅᖃᐅᓯᑦᑎᓐᓄᑦ ᐱᔪᓐᓇᐅᑎᑦᑎᓐᓂᒃ. ᐃᑲᔫᑎᑕᖃᖅᑎᑦᑎᓂᒃᑯᑦ ᐃᓕᓐᓂᐊᖅᑎᓂᒃ ᐊᕐᕌᒍᑕᒫᑦ, ᓄᓇᕗᑦ ᑐᙵᕕᒃ ᑎᒥᖓ ᐃᑲᔪᕐᐸᒻᒪᑦ ᐃᓄᖕᓂᒃ ᐃᓕᓐᓂᐊᐸᓪᓕᐊᒍᑕᐅᔭᕆᐊᖃᖅᑐᓂᒃ ᐃᓄᒃᑐᑦ ᐅᖃᐅᓯᕐᓄᑦ ᐱᔪᓐᓇᐅᑦ ᐃᒃᐱᒋᔭᐅᖁᓪᓗᒍ ᓄᓇᕘᓕᒫᕐᒥ.” ᐅᖃᖅᑐᖅ ᑰᑦᑎᖅ.
ᐆᒃᑐᕈᓐᓇᕐᑎᑕᐅᔪᑦ …

ᓄᓇᕗᖕᒥ ᐊᖑᓇᓱᒃᑎᓂᒃ ᐃᑲᔪᕈᑎᓂᒃ ᐱᓕᕆᔾᔪᑏᑦ ᐊᑐᓕᕐᑎᑕᐅᒃᑲᓂᕐᑐᑦ

ᓄᓇᕗᑦ ᑐᙵᕕᒃ ᑎᒥᖓᑕ ᐊᖓᔪᖅᑳᖓᑕ ᑐᖏᓕᖓ ᔭᐃᒥᓯ ᐃᑦᑐᓗᒃ ᐅᓪᓗᒥ ᑐᓴᕐᑎᑎᖅᑲᐅᕗᖅ ᓄᓇᕗᖕᒥ ᐊᖑᓇᓱᒃᑎᓂᒃ ᐃᑲᔪᕈᑎᓂᒃ ᐱᓕᕆᔾᔪᑏᑦ ᐊᑐᓕᕐᑎᑕᐅᒃᑲᓐᓂᓛᕐᓂᖏᓐᓂᒃ ᐃᐱᕆ 1-ᒥ, 2017.
 
ᐊᑑᑎᒋᔭᖏᓪᓕ ᓄᓇᕗᖕᒥ ᐊᖑᓇᓱᒃᑎᓂᒃ ᐃᑲᔪᕈᑎᓂᒃ ᐱᓕᕆᔾᔪᑏᑦ ᐳᐃᒍᖁᓇᒋᑦ ᐊᒻᒪᓗ ᓯᕗᒧᒃᐸᓪᓕᐊᖏᓐᓇᖁᓪᓗᒋᑦ ᓄᓇᕗᖕᒥ ᐃᓄᐃᑦ ᐊᖑᓇᓱᒍᓯᖏᑦ ᐃᓕᖅᑯᓯᕐᒥᒍᑦ, ᓯᕗᓕᑦᑕᓗ ᐊᑐᖅᓯᒪᔭᖏᑦ ᐊᒻᒪᓗ ᐱᖅᑯᓯᑐᖃᒃᑯᑦ ᐃᓅᓇᓱᐊᕈᑎᐅᓂᖏᓐᓄᑦ.  ᓄᑖᑦ ᐱᓕᕆᔾᔪᑎᐅᓂᐊᖅᑐᑦ ᐱᖃᓯᐅᔾᔨᕗᑦ ᓄᓇᖅᑲᑎᒌᓂᒃ ᐊᖑᓇᓱᒍᔾᔨᓂᕐᒥᒃ ᐊᒻᒪᓗ ᐊᖑᓇᓱᒍᓐᓇᕈᑎᑖᕐᓂᕐᒥᒃ, ᑖᒃᑯᐊᖑᓪᓗᑎᒃ ᒥᑭᔫᑕᐅᓂᕐᓴᐃᑦ ᐊᖑᓇᓱᒍᑏᑦ ᓱᓇᒃᑯᑖᓂᒃ, ᐊᑦᑕᓐᓇᐃᔭᕈᑎᓂᒃ ᐊᒻᒪᓗ ᐱᕐᕈᓗᐊᕿᔪᓄᑦ ᐃᑲᔪᕈᑎᓂᒃ ᐱᓕᕆᔾᔪᑏᑦ.
“ᑕᐃᒃᑯᐊ ᓯᕗᓪᓖᑦ ᐱᓕᕆᔾᔪᑕᐅᕙᓚᐅᕐᑐᑦ ᖃᐅᔨᓴᕐᑕᐅᑦᑎᐊᓚᐅᕐᑐᑎᒃ, ᓄᓇᕗᑦ ᑐᙵᕕᒃ ᑎᒥᖓ ᐊᑐᓕᕐᑎᑦᑎᑲᓐᓂᓂᐊᕐᑐᑦ ᓄᓇᕗᖕᒥ ᐊᖑᓇᓱᒃᑎᓂᒃ ᐃᑲᔪᕈᑎᓂᒃ ᐱᓕᕆᔾᔪᑎᓂᒃ ᐊᑑᑎᖃᑦᑎᐊᓂᕐᓴᐅᓗᓂ ᐊᒻᒪᓗ ᐱᔪᓐᓇᕈᑕᐅᓗᓂ ᐱᔭᐅᔭᕆᐊᖃᓪᓚᕆᒃᑐᓂᒃ ᐃᓄᖕᓄᑦ ᐊᖑᓇᓱᒃᑎᓄᑦ. ᓄᓇᕗᖕᒥ ᐊᖑᓇᓱᒃᑎᓂᒃ ᐃᑲᔪᕈᑎᓂᒃ ᐱᓕᕆᔾᔪᑏᑦ …

ᓄᓇᕗᑦ ᑐᙵᕕᒃ ᑎᒥᖓᑕ ᐊᖓᔪᖅᑳᖓ ᒐᕙᒪᑐᖃᒃᑯᑦ ᑮᓇᐅᔭᓂᒃ ᐊᑑᑎᖃᖅᑎᑦᑎᒍᑎᑦᓴᖏᑕ ᐃᓚᐃᓐᓇᖏᓐᓂᒃ ᑐᖓᓱᒃᑎᑦᓯᕗᑦ, ᐱᕙᓪᓕᐊᓂᖃᕆᐊᖃᑦᑐᓂᓪᓗ

ᓄᓇᕗᑦ ᑐᙵᕕᒃ ᑎᒥᖓᑕ ᐊᖓᔪᖅᑳᖓ ᐊᓗᑭ ᑰᑦᑎᖅ ᖁᕕᐊᒍᑎᖃᓚᐅᕐᐳᖅ ᐃᓚᐃᓐᓇᖏᓐᓂᒃ ᒐᕙᒪᑐᖃᒃᑯᑦ ᑮᓇᐅᔭᓂᒃ ᐊᑑᑎᖃᖅᑎᑕᐅᒍᒫᕐᓂᐊᕐᑐᑦ ᓴᖅᑭᑕᐅᑎᓪᓗᒋᑦ ᑕᒪᑐᒪᓂ ᐱᓇᓱᐊᕈᓯᑦᑎᓐᓂ. ᑮᓇᐅᔭᑦ ᐊᑑᑎᖃᖅᑎᑕᐅᒍᒫᕐᓂᐊᕐᑐᑦ 2017-ᒥ ᐱᓂᐊᕐᓂᖃᕈᑎᖃᕐᒪᑕ $240 ᒥᓕᐊᓂᒃ ᐅᑭᐅᓄᑦ 11-ᓄᑦ ᑐᕌᖅᑐᓂᒃ ᓄᓇᕗᖕᒥ ᐃᒡᓗᓕᕆᓂᕐᒧᑦ. ᑮᓇᐅᔭᑦ ᐊᑑᑎᖃᖅᑎᑕᐅᒍᒫᕐᓂᐊᕐᑐᑦ ᓇᓗᓇᐃᕆᓯᒪᒋᕗᑦ $828.2 ᒥᓕᐊᓂᒃ ᐅᑭᐅᓄᑦ ᑕᓪᓕᒪᓄᑦ ᐱᕚᓪᓕᕈᑎᑦᓴᐅᓪᓗᑎᒃ ᐋᓐᓂᐊᖃᓐᓇᖏᑦᑐᓕᕆᓂᕐᒧᑦ ᐊᓪᓚᓄᑦ ᐊᒻᒪᓗ ᐃᓄᖕᓄᑦ, ᐊᒻᒪᓗ $89.9 ᒥᓕᐊᓐ ᐅᑭᐅᓄᑦ ᐱᖓᓱᓄᑦ ᐃᑲᔪᕈᑕᐅᓂᐊᕐᓗᓂ ᓄᓇᖃᖅᑳᖅᓯᒪᔪᑦ ᐅᖃᐅᓯᖏᓐᓄᑦ ᐊᒻᒪᓗ ᐃᓕᖅᑯᓯᖏᓐᓄᑦ.
“ᑖᒃᑯᐊ ᑮᓇᐅᔭᑦ ᖃᐅᔨᓇᕈᑕᐅᔪᑦ ᒐᕙᒪᑐᖃᒃᑯᑦ ᐅᔾᔨᕆᔭᖃᕐᒪᑕ ᓄᓇᕗᖕᒥ ᐃᒡᓗᑭᒃᓴᕐᒪᑕ ᐊᒻᒪᓗ ᑕᒪᓐᓇ ᐊᑦᑐᐃᓂᖃᖅᓯᒪᓪᓗᓂ ᑎᒥᒃᑯᑦ, ᐃᓱᒪᒃᑯᑦ ᐊᒻᒪᓗ ᑮᓇᐅᔭᓕᐅᕐᕕᒃᓴᖃᓗᐊᙱᓂᕐᒧᑦ ᓄᓇᕗᖕᒥ ᐃᓄᖏᓐᓄᑦ. ᓄᓇᕗᑦ ᑐᙵᕕᒃᑯᑦ ᖁᕕᐊᒃᐳᑦ ᐃᓄᖕᓄᐃᓐᓇᖅ ᑐᕌᖓᔪᓂᒃ ᐃᒡᓗᓕᕆᓂᕐᒧᑦ ᑮᓇᐅᔭᖃᕈᑎᒃᓴᕐᑕᖃᕐᒪᑕ” ᐅᖃᖅᑐᖅ …

(English) Nunavut Inuit Resource Revenue Trust Independent Trustee

(English) What is the Inuit Nunangat Declaration on Inuit-Crown Partnership?

Sorry, this entry is only available in English.

ᒫᑦᓯ 8 ᓄᓇᕐᔪᐊᓕᒫᒥ ᐊᕐᓇᐃᑦ ᐅᓪᓗᖓ! ᓇᓪᓕᐅᓂᕐᓯᐅᕈᑎᒋᔪᓐᓇᖅᑕᕗᑦ ᐃᓕᓴᕐᓇᖅᑐᑦ ᐃᓄᐃᑦ ᐊᕐᓇᐃᑦ ᐃᓅᓯᑦᑎᓐᓂ!

Download (PDF, 82KB)

ᐃᓕᓐᓂᐊᕕᔾᔪᐊᒥ ᐃᓕᓐᓂᐊᑎᓪᓗᖓ, ᐅᖃᓕᒫᕐᐸᓚᐅᖅᑐᖓ ᐅᓄᖅᑐᓂᒃ ᐅᖃᓕᒫᒐᑦᓴᓂᒃ ᐅᖃᓕᒫᒐᕐᓂᓪᓗ ᐃᓄᐃᑦ ᒥᑦᓵᓄᑦ. ᐊᐴᑎᒐᔪᖃᑦᑕᓚᐅᖅᑐᖓ ᓴᖅᑭᔮᖅᑎᑕᐅᓂᖏᓐᓄᑦ ᐃᓄᐃᑦ ᐊᕐᓇᐃᑦ ᒥᑭᓪᓕᑎᖅᑕᐅᓯᒪᓂᖏᓐᓂᒃ ᐊᖑᑎᓄᑦ.
ᑭᖑᓂᐊᒍᑦ, ᓂᖏᐅᕋ ᐳᓛᕆᐊᕐᓯᒪᓪᓗᒍ ᐊᐱᕆᓚᐅᖅᑕᖓ ᑭᓱᓕᕆᔨᐅᓂᖏᓐᓂᒃ ᐃᓄᐃᑦ ᐊᕐᓇᐃᑦ ᐊᒻᒪᓗ ᐊᖑᑏᑦ. ᖃᐅᔨᔪᒪᓚᐅᕋᒪ ᐃᓄᐃᑦ ᐊᕐᓇᐃᑦ ᐱᖕᒪᕆᐅᓐᖏᓂᕐᓴᐅᒻᒪᖔᑕ ᐊᖑᑎᓂᒃ. ᑕᐃᒪᐃᒃᑲᒥ, ᖁᖓᑦᑐᓂ ᐊᒻᒪᓗ ᓇᒡᓕᒍᓱᓐᓂᖓ ᖃᐅᒻᒪᐃᓪᓗᓂ ᐃᒧᓪᓗᕐᒥᒃ ᑮᓇᕐᒥᒃ ᓂᓪᓕᓚᐅᕋᓂ.
ᐊᓱᐃᓛᒃ ᐅᓂᒃᑳᕆᐊᓯᓚᐅᕐᐳᖅ ᑐᓴᕐᓂᑐᒻᒪᕆᐅᔪᒥᒃ ᐃᓗᒥᐅᑕᕇᓐᓇᑕᓐᓂᒃ. ᑎᖕᒥᐊᖅ ᒪᕐᕉᓐᓂᒃ ᐃᓴᕈᓕᒃ ᑎᖕᒥᒍᓐᓇᖁᓪᓗᒍ ᐊᒻᒪᓗ ᑎᖏᖃᑦᑕᕐᓗᓂ ᕿᓚᖕᒧᑦ. ᓇᓕᐊᑐᐃᓐᓇᐅᒐᓗᐊᕐᐸᑦ ᓴᐅᒥᐊ ᐃᓴᕈᖓ ᐅᕝᕙᓘᓐᓃᑦ ᑕᓕᕐᐱᐊ ᐃᓴᕈᖓ, ᐊᑐᓂᑦ ᐃᓴᕈᖏᑦ ᐃᑲᔪᖅᑎᒌᒋᐊᓖᒃ ᑲᑐᔾᔨᓗᑎᒃ ᐊᒻᒪᓗ ᐃᑲᔪᖅᑎᒌᓪᓗᑎᒃ ᖃᖓᑕᒍᓐᓇᖁᓪᓗᒋᑦ ᑎᖕᒥᓗᑎᓪᓗ. ᑕᐃᒫᑦᓴᐃᓐᓇᖅ, ᐃᓄᒃ ᐊᖕᓇᖅ ᓇᓕᒧᓕᒃ ᐱᖕᒪᕆᐅᑎᒋᓂᖓᓂᒃ ᐊᖑᑎᐅᑉ ᐃᓚᒌᓂ, …

ᓄᓇᕗᑦ ᑐᙵᕕᒃ ᑎᒥᖓᑕ ᐊᖓᔪᖅᑳᖓ ᐃᒃᓯᕙᐅᑕᕆᔭᐅᓂᐊᕐᑐᖅ ᐃᓅᓯᓕᕆᔨᒃᑯᑦ ᐊᒻᒪᓗ ᐃᓕᖅᑯᓯᓕᕆᔨᒃᑯᑦ ᑲᑎᒪᔨᕋᓛᖏᓐᓄᑦ

ᓄᓇᕗᑦ ᑐᙵᕕᒃ ᑎᒥᖓᑕ ᐊᖓᔪᖅᑳᖓ ᐊᓗᑭ ᑰᑦᑎᖅ ᐅᓪᓗᒥ ᑐᓴᖅᑎᑎᖃᐅᕗᖅ ᐃᒃᓯᕙᐅᑕᕆᔭᐅᓂᐊᓕᕐᓂᕐᒥᓂᒃ  ᓄᓇᕗᑦ ᑐᙵᕕᒃ ᑎᒥᖓᑕ ᐃᓄᐃᑦ ᐃᓅᓯᓕᕆᓂᕐᒧᑦ ᐊᒻᒪᓗ ᐃᓕᖅᑯᓯᓕᕆᓂᕐᒧᑦ ᖃᐅᔨᒪᔨᒋᔭᐅᓪᓗᑎᒃ ᑲᑎᒪᔨᕋᓛᖏᓐᓄᑦ, ᑖᓐᓇᓗ ᐃᒃᓯᕙᐅᑕᕆᔭᐅᓕᑲᐅᑎᒋᓂᐊᕐᑐᓂ.
ᓂᕈᐊᕋᒃᓴᐅᓪᓗᓂ ᓄᓇᕗᑦ ᑐᙵᕕᒃ ᑎᒥᖓᑕ ᐊᖓᔪᖅᑳᑉ ᐃᓂᖓᓄᑦ ᐊᕐᕌᓂ, ᑰᑦᑎᖅ ᐅᖃᐅᓯᖃᓚᐅᕐᓯᒪᒻᒪᑦ ᐱᓂᐊᕐᓂᖃᕈᒪᓪᓗᓂ ᐃᓄᐃᑦ ᐃᓅᓯᓕᕆᓂᕐᒧᑦ ᐊᒻᒪᓗ ᐃᓕᖅᑯᓯᓕᕆᓂᕐᒧᑦ ᐱᔾᔪᑎᓕᓐᓂᒃ, ᐊᒻᒪ ᑲᔪᖏᒋᔭᖃᑦᑎᐊᕐᑐᖅ ᐃᖅᑲᓇᐃᔮᕆᓂᐊᓂᕐᒥᓂᐅᒃ ᑖᓐᓇᓗ ᓯᕗᓪᓕᖅᐸᖑᑎᑕᐅᖃᑕᐅᓪᓗᓂ.
“ᐃᒪᓐᓇᐃᖁᒥᓇᕆᕙᕋ ᐊᑲᐅᔪᒥᒃ ᐊᑦᑐᐃᓂᖃᕈᒪᕗᖓ ᐃᓅᓯᓕᕆᓂᕐᒥᒃ ᐊᒻᒪᓗ ᐃᓕᖅᑯᓯᓕᕆᓂᕐᒥᒃ ᖃᓄᐃᙱᑲᓐᓂᖁᓪᓗᒋᑦ ᐃᓄᐃᑦ ᐅᑭᐅᓂ ᓯᑕᒪᓂ ᖃᐃᔪᓂ. ᐱᒻᒪᕆᐅᖕᒪᑦ ᐋᖅᑭᒋᐊᖅᑕᐅᔭᕆᐊᖃᓐᓂᖏᑦ ᐃᓅᓯᓕᕆᓂᕐᒧᑦ ᐊᒻᒪᓗ ᐃᓕᖅᑯᓯᓕᕆᓂᕐᒧᑦ ᓇᓗᓇᐃᔭᐃᓂᖅ ᐃᓄᐃᑦ ᐱᓪᓗᒋᑦ. ᑕᒪᑦᑕ ᐱᓕᕆᐊᖃᑦᑐᐃᓐᓇᐅᔭᕆᐊᖃᕋᑦᑕ ᐃᓅᓯᕐᒧᑦ ᐱᕚᓪᓕᕈᑕᐅᔪᓐᓇᕐᑐᓂᒃ.” ᐅᖃᖅᑐᖅ ᑰᑦᑎᖅ.
ᑰᑦᑎᖅ ᐃᒃᓯᕙᐅᑕᐅᖔᕐᓂᐊᓕᕐᐳᖅ ᐊᖓᔪᖅᑳᑉ ᑐᒡᓕᖓ ᔭᐃᒥᓯ ᐃᑦᑐᓗᒃ ᐃᒃᓯᕙᐅᑕᐅᔪᓐᓃᕐᓗᓂ ᑖᓐᓇᓕ …

ᒪᑭᒋᐊᖅᑕ ᑲᑎᒪᔨᖏᑕ ᑮᓇᔭᖃᖅᑎᑦᑎᒍᑎᖏᑦ ᓄᓇᓕᖕᓂ ᐱᓕᕆᐊᕆᔭᓄᑦ

ᓄᓇᕗᑦ ᑐᙵᕕᒃ ᑎᒥᖓᑕ ᐊᖓᔪᖅᑳᖓ ᐊᓗᑭ ᑰᑦᑎᖅ ᐊᒻᒪᓗ ᓄᓇᕗᑦ ᒐᕙᒪᒃᑯᖏᑕ ᐃᓕᓐᓂᐊᕐᓂᓕᕆᓂᕐᒧᑦ ᒥᓂᔅᑕᖓᑦ ᐹᓪ ᖁᐊᓴ ᐅᓪᓗᒥ ᑐᓴᖅᑎᑦᑎᕘᑦ ᑖᒃᑯᐊ ᒪᑭᒋᐊᖅᑕ ᐃᓄᐃᑦ ᐃᓕᓴᐃᓂᕐᒥᒃ ᑯᐊᐳᕇᓴᒃᑯᖏᑕ ᑲᑎᒪᔨᖏᑦ ᐊᖏᕈᑎᖃᓐᓂᖏᓐᓂᒃ $3 ᒥᓕᐊᖑᓗᐊᖅᑐᓂᒃ ᑮᓇᐅᔭᖃᖅᑎᑦᑎᒍᑎᐅᓪᓗᓂ 12-ᓂᒃ ᐊᔾᔨᒌᙱᑦᑐᓂᒃ ᐃᓕᓴᐃᒍᑎᐅᓂᐊᕐᑐᓂᒃ.
ᐊᑑᑎᒋᔭᖏᓪᓕ ᐃᓕᓴᐃᓂᕐᒥᒃ ᑯᐊᐳᕇᓴᖑᔫᑉ ᐱᕚᓪᓕᑲᓐᓂᖁᓪᓗᒍ ᐱᔭᕇᔭᐅᓂᖅ ᓄᓇᕗᑦ ᐃᓄᖏᓐᓂᒃ ᐃᖅᑲᓇᐃᔮᖃᓕᕐᓂᕐᒥᒃ, ᒐᕙᒪᒃᑯᓐᓂ ᐅᕝᕙᓗ ᐃᒻᒥᒃᑯᑦ ᐱᓕᕆᕕᐅᔪᓂ. ᓄᓇᕗᑦ ᑐᙵᕕᒃ ᑎᒥᖓ ᓴᖅᑮᓚᐅᕐᓯᒪᒻᒪᑕ ᒪᑭᒋᐊᖅᑕᑯᓐᓂᒃ ᔮᓐᓄᐊᕆ 2016-ᖑᑎᓪᓗᒍ ᑮᓇᐅᔭᖃᖅᑐᑎᒃ ᐋᖅᑭᖃᑎᒌᓐᓂᕐᒧᑦ ᐊᖏᕈᑎᑎᒍᑦ ᓄᓇᕗᑦ ᑐᙵᕕᒃ ᑎᒥᖓ ᐃᖅᑲᖅᑐᐃᕕᒃᑰᑎᑦᑎᒍᑎᖓᓂᒃ ᒐᕙᒪᑐᖃᒃᑯᓐᓂᒃ ᑲᒪᒋᔭᕆᐊᓕᖕᒥᓂᒃ ᓄᓇᕗᖕᒥ ᐊᖏᕈᑎᑎᒍᑦ ᑲᒪᒋᐊᕐᓯᒪᙱᓐᓂᖏᓐᓄᑦ. ᑕᐃᒪᙵᓂᑦ ᑎᒥᙳᖅᑎᑕᐅᔪᑎᓪᓗᒍ ᐊᕐᕌᓂ ᔮᓐᓄᐊᕆᒥ, ᒪᑭᒋᐊᖅᑕᒃᑯᑦ ᑲᑎᒪᔩᑖᔪᒻᒪᑕ, ᓴᖅᑮᓪᓗᑎᓪᓗ ᐱᓕᕆᔾᔪᑎᒃᓴᒥᓐᓂᒃ ᐸᕐᓇᒍᑎᓂ ᐊᒻᒪ ᐅᐸᓗᖓᐃᔭᐅᑎᓂᒃ ᐸᕐᓇᒍᑎᓂᒃ, …

ᑐᓐᖓᕕᒃ: ᐃᒪᕐᒥᐅᑕᓕᕆᔨᒃᑯᑦ ᖃᓕᕋᓕᓐᓂᐊᓂᕐᒧᑦ ᑰᑕᓂᒃ ᓈᖕᒪᑐᒃᑰᐸᓪᓕᐊᓕᖅᑐᑦ

ᓄᓇᕗᑦ ᑐᓐᖓᕕᒃ ᑎᒥᖓᑕ (ᑐᓐᖓᕕᒃ) ᐊᖓᔪᖅᑳᖓ ᐊᓗᑭ ᑰᑦᑎᖅ ᐅᓪᓗᒥ ᖁᕕᐊᒋᔭᖃᖅᑲᐅᔪᖅ ᐃᒪᕐᒥᐅᑕᓕᕆᔨᒃᑯᑦ ᒥᓂᔅᑕᖓ ᑖᒥᓂᒃ ᓕᑉᓛᖕᒃ ᐃᓱᒪᓕᐅᕈᑎᖓᓂᒃ ᐅᓄᕐᓯᒋᐊᕆᓂᕐᒧᑦ ᓄᓇᕗᑦ ᖃᓕᕋᓕᓐᓂᐊᓂᕐᒧᑦ ᑰᑕᓂᒃ 100 ᐳᓴᓐᒧᑦ ᐋᑦᓛᓐᑎᒃ ᐅᐊᖕᓈᓂ ᐃᖃᓗᓕᕆᔩᑦ ᑲᑐᔾᔨᖃᑎᒌᓐᓂᒃ (NAFO) 0A ᐃᖃᓗᒐᓱᑉᕕᖕᒥ ᐊᒻᒪᓗ 90 ᐳᓴᓐ 0B−ᒥ. ᐊᒥᐊᒃᑯᖓ 10 ᐳᓴᓐ 0B-ᒥ ᓄᓇᕕᒃ ᐃᓄᖏᓐᓅᓂᐊᖅᑐᖅ ᑯᐸᐃᒥ.
“ᐃᖃᓗᒐᓱᒃᑏᑦ ᐊᓯᖏᓐᓂ ᑲᓇᑕᒥ ᐊᐅᓚᑦᓯᕕᒋᕙᐅᕙᑦᑐᓂ ᐊᑐᐃᓐᓇᖃᕐᒪᑕ ᐅᓄᕐᓂᕐᐹᓂᒃ ᑰᑕᓂᒃ ᐆᒪᔪᕋᓱᓐᓂᐊᖅᑕᒥᓄᑦ ᐊᒃᑐᐊᔪᓂ ᐃᒪᖁᑎᖏᓐᓂ. ᑐᓐᖓᕕᒃᑯᑦ ᐊᔾᔨᐅᑎᑕᐅᖁᔨᓯᒪᔪᑦ ᑐᓂᔾᔪᑕᐅᔪᓂᒃ ᓄᓇᕗᑦ ᐃᓄᖏᓐᓄᑦ, ᒪᓕᓪᓗᒋᑦ ᒪᑭᑉᐸᓪᓕᐊᔾᔪᑎᒃᓴᓄᑦ ᐊᒻᒪᓗ ᐊᖑᓇᓱᓐᓂᕐᒧᑦ ᐱᔪᓐᓇᐅᑎᖏᓐᓂᒃ ᐊᖏᕈᑕᐅᓯᒪᔪᓂ ᓄᓇᕗᑦ ᐊᖏᕈᑎᖏᓐᓂ,” ᐅᖃᓚᐅᖅᑐᖅ ᑰᑦᑎᖅ. “ᓇᑯᕐᓴᖅᑐᖓ ᒥᓂᔅᑕ ᓚᑉᓛᖕᒃ ᐱᓕᕆᐊᒃᓴᒥᓂᒃ ᐋᖅᑭᓯᑦᓯᐊᓚᐅᕐᒪᑦ ᓈᖕᒪᒋᐊᖅᑐᒃᑯᑦ ᐊᖏᕈᑎᖃᖅᑐᓂ ᓄᓇᕗᒻᒥ …

ᓄᓇᕗᑦ ᑐᓐᖓᕕᒃ ᑎᒥᖓᑦᑕ ᐊᖓᔪᖅᑳᖓᑦ ᑐᖓᓱᒃᑎᑦᑎᓂᐊᖅᑐᖅ ᓈᓚᐅᑎᒃᑯᑦ ᓰᐲᓰᒃᑯᑦ ᐅᖄᓚᑎᑦᑎᖃᕐᑕᕐᓂᒃᑯᑦ ᐊᒻᒪᓗ ᐅᒃᑯᐃᖓᓗᓂ ᑎᑎᕋᕐᕕᐊ ᑭᒃᑯᑐᐃᓐᓇᓄᑦ

ᓄᓇᕗᑦ ᑐᓐᖓᕕᒃ ᑎᒥᖓᑦᑕ ᐊᖓᔪᖅᑳᖓᑦ ᐊᓗᑭ ᑰᑦᑎᑦ ᐅᑉᓗᒥ ᐅᖃᖅᑐᖅ ᑐᖓᓱᒃᑎᑦᑎᓂᐊᕐᓂᕐᒥᓂᒃ ᑲᑎᓯᔪᒪᑉᓗᓂᒃ ᐊᖓᔪᖅᑳᒥᑦ ᐱᑎᑦᑎᓗᓂ ᐃᓄᐃᑦ ᐱᕕᖃᖁᓪᓗᒋᑦ ᑲᑎᒋᐅᖅᓯᔪᒪᔪᓂᒃ ᐊᒻᒪᓗ ᓄᓇᕗᑦ ᑐᓐᖓᕕᒃ ᑎᒥᖓᓐᓂ ᐳᓛᕐᓗᑎᒃ.
ᑰᑦᑎᖅ ᖃᐃᖁᔭᐅᓯᒪᔪᖅ ᓰᐲᓰᒃᑯᑦ ᑐᓴᖅᓴᐅᓗᑎᓂ ᔮᓐᓄᐃᕆ 27, 2017 ᐱᒋᐊᕐᓗᓂ 1-ᒥᑦ 3−ᒧᑦ ᐅᑉᓗᒃᑯᑦ ᑲᓇᖕᓇᐅ ᖃᐅᔨᓴᐅᑎᐊ ᒪᓕᒃᓗᒍ. ᐃᓄᐃᑦ ᐊᔭᐅᖅᑐᖅᑕᐅᕗᑦ ᐃᓚᐅᖁᔭᐅᓪᓗᑎᒃ ᓈᓚᐅᑎᒃᑯᒃ ᐊᒻᒪᓗ ᐅᖃᓪᓚᒃᕕᒋᓗᒍ ᐊᖓᔪᖅᑳᖅ ᐅᖄᓚᓗᓯ ᐅᕗᖓ 979-6151 ᐃᖃᓗᖕᓂᑦ, ᐅᕝᕙᓘᓐᓃᑦ ᐅᕗᖓ 1-888-896-4135 ᐊᑭᖃᖏᑦᑐᒧᑦ.
ᐃᓱᓕᑉᐸᑦ ᑕᐅᓱᓐᓂ ᓈᓚᐅᑎᒃᑯᑦ ᑰᑦᑎᖅ ᑐᖓᓱᒃᑎᑦᑎᓂᐊᖅᑐᖅ ᐅᒃᑯᐃᖓᓗᓂ ᓄᓇᕗᑦ ᑐᓐᖓᕕᒃ ᑎᒥᖓᑦᑕ ᑎᑎᕋᕐᕕᐊᑦ ᐃᖃᓗᖕᓂ ᑕᐃᑲᓂ ᐃᒡᓗᕗᑦ ᐃᒡᓗᕐᔪᐊᖁᑎᐊᓐᓂ ᐱᒋᐊᕐᓗᓂ 3-ᒥᑦ − 5−ᒧᑦ ᐅᓪᓗᒃᑯᑦ. ᐃᓄᐃᑦ ᖃᐃᖁᔭᐅᕗᑦ ᐊᒻᒪᓗ ᑎᒎᑎᔭᖅᑐᕐᓗᒍ ᐊᖓᔪᖅᑳᖅ …

ᑐᓐᖓᕕᒃᑯᑦ ᑐᓴᖅᑎᑦᓯᔪᑦ 2016 ᐊᔾᔨᓕᐅᒐᑦᓯᐊᕙᐅᓂᕐᐹᓂᒃ ᐊᕐᕌᒍᒥ ᓵᓚᒃᓴᖅᑐᓂᒃ

ᓄᓇᕗᑦ ᑐᓐᖓᕕᒃ ᑎᒥᖓᑕ ᐊᖓᔪᖅᑳᖓ ᐊᓗᑭ ᑰᑦᑎᖅ ᐅᓪᓗᒥ ᖁᕕᐊᒃᑯᔨᖅᑲᐅᔪᖅ 2016 ᐊᔾᔨᓕᐅᒐᑦᓯᐊᕙᐅᓂᕐᐹᓂᒃ ᐊᕐᕌᒍᒥ ᓵᓚᒃᓴᖅᑐᓂᒃ.
ᐸᓪᓗᖅ ᐱᑦᓯᐅᓛᖅ ᑭᒻᒥᕈᒻᒥᐅᖅ ᓵᓚᒃᓴᕈᓯᐊᖅᑲᐅᔪᖅ ᑮᓇᐅᔭᓂᒃ $1,000−ᓂᒃ ᐊᔾᔨᓕᐅᒐᖓᓄᑦ ᑕᐃᒎᓯᓕᒃ ᑕᖅᑭᑎᓪᓗᒍ. ᐱᑦᓯᐅᓛᖅ ᑐᓂᔭᐅᖃᓯᐅᑎᔪᖅ ᐊᖏᓪᓕᑎᕐᓯᒪᔪᒥᒃ ᐊᔾᔨᓕᐅᒐᖓᓂᒃ, ᐊᒻᒪᓗ ᐊᔾᔨᓕᐅᒐᑦᓯᐊᕙᐅᓂᕐᐹᖑᓂᖓᓄᑦ ᓯᓚᑎᒋᔭᐅᓛᕐᒥᔪᖅ ᑐᓐᖓᕕᒃᑯᑦ ᐊᕐᕌᒍᑕᒫᕐᓯᐅᒻᒥᒃ ᐅᓂᒃᑳᖏᓐᓂ ᐊᒻᒪᓗ ᓴᖅᑭᔮᖅᑎᖃᑦᑕᖅᑕᖏᓐᓃᖃᑦᑕᓂᐊᕐᒥᔪᖅ ᐱᔪᒐᕐᓴᐅᑕᐅᓗᓂ ᐊᔾᔨᓕᐅᒐᖓ.
ᐃᖃᓗᒻᒥᐅᖅ ᔫᒥ ᒪᐃᒃ ᑐᒡᓕᕆᔭᐅᔪᖅ ᐊᔾᔨᓕᐅᒐᖓᓄᑦ ᑕᓯᓕᒃ ᖃᐅᓕᖅᑎᓪᓗᒍ ᐊᒻᒪᓗ ᓵᓚᒃᓴᖅᑐᓂ $500 ᐊᒻᒪᓗ ᐊᔾᔨᓕᐅᒐᖓᓂᒃ. ᔫᓇ ᐋᑯᐊᒃ ᐅᖅᓱᖅᑑᒥᐅᑕ ᐱᖓᔪᒋᔭᐅᔪᖅ ᐊᔾᔨᓕᐅᒐᖓᓄᑦ ᒪᓃᑦ ᐊᒻᒪᓗ ᓵᓚᒃᓴᕈᓯᐊᖅᑐᓂ $250 ᐊᒻᒪᓗ ᐊᔾᔨᓕᐅᒐᖓᓂᒃ.
ᑐᓐᖓᕕᒃᑯ ᐊᔾᔨᓕᐅᒐᑦᓯᐊᕙᐅᓂᕐᐹᖅ ᐊᕐᕌᒍᒥ ᓵᓚᒃᓴᕋᓱᐊᕐᓂᕐᒥᒃ 2006 ᓴᖅᑮᓚᐅᕐᓯᒪᔪᑦ. ᐊᒥᓲᓂᕐᓴᐅᓕᖅᑐᑦ ᓵᓚᒃᓴᕋᓱᐊᖃᑦᑕᖅᑐᖅ ᒫᓐᓇ ᐃᓅᖃᑎᒌᓄᑦ ᑲᓲᒪᔾᔪᑎᑕᖃᑦᓯᐊᓕᖅᑎᓪᓗᒍ.
ᐃᓄᐃᑦ ᓵᓚᒃᓴᕋᓱᐊᖃᑦᑕᕈᓐᓇᖅᑐᑦ. ᓇᓗᓇᐃᕐᓯᒪᔪᑦ ᐊᒻᒪᓗ ᓵᓚᒃᓴᕋᓱᐊᕐᓗᓂ …

ᑐᓐᖓᕕᒃᑯᑦ ᐃᓄᖕᓂᒃ ᐃᓚᒋᔭᐅᒋᐊᒃᑲᓐᓂᖁᔨᕗᑦ ᓄᓇᖃᖅᑳᕐᓯᒪᔪᓂᒃ ᖃᐅᔨᓴᕈᑎᓄᑦ

   ᓄᓇᖃᖅᑳᕐᓯᒪᔪᓂᒃ ᖃᐅᔨᓴᕈᑏᑦ ᑲᓇᑕᒥ ᖃᐅᔨᓴᕈᑕᐅᔪᑦ ᐃᓄᖕᓂᒃ, ᐊᓪᓚᓂᒃ ᐊᓪᓚᖓᔪᓂᓪᓗ ᓄᓇᖃᖅᑐᓂᒃ ᑲᓇᑕᒥ. ᖃᐅᔨᓴᕈᑕᐅᓲᑦ ᑕᓪᓕᒪᑦ ᐊᕐᕌᒍᑦ ᓈᒐᐃᒻᒪᑕ ᐊᒻᒪᓗ ᐃᑲᔫᑎᓕᒻᒪᕆᓐᓂᒃ ᑐᓴᐅᒪᔾᔪᑕᐅᕙᑦᑐᑦ ᐃᓅᓯᖏᓐᓂᒃ ᒪᑭᒪᔾᔪᑎᖏᓐᓂᓪᓗ ᓄᓇᖃᖅᑳᕐᓯᒪᔪᑦ ᓄᓇᖃᖅᑐᓂᒃ ᑲᓇᑕᒥ. 2017−ᒥ, ᓇᓗᓇᐃᖅᑕᐅᓯᒪᔪᖅ ᖃᐅᔨᓴᕈᑎᓄᑦ ᐃᓚᒋᔭᐅᒋᐊᕐᓂᖅ ᒪᑭᒪᔾᔪᑎᓄᑦ. ᑐᓴᐅᒪᔾᔪᑎᒃᓴᑲᓐᓃᑦ ᐋᓐᓂᐊᖅᑐᓕᕆᓂᕐᒧᑦ, ᐅᖃᐅᓯᕐᒧᑦ, ᑮᓇᐅᔭᓕᐊᖑᕙᑦᑐᓄᑦ, ᐃᓪᓗᓕᕆᓂᕐᒧᑦ ᐊᒻᒪᓗ ᐊᐅᓚᔾᔪᑎᓂᒃ ᓄᐊᑕᐅᖃᑕᐅᓂᐊᖅᑐᑦ.
ᓄᓇᕗᑦ ᑐᓐᖓᕕᒃ ᑎᒥᖓ (ᑐᓐᖓᕕᒃ) ᐃᑲᔪᓚᐅᖅᑐᑦ ᐋᖅᑭᓱᖅᑕᐅᑎᓪᓗᒋᑦ ᓄᓇᕗᒻᒨᖓᔪᑦ ᐃᓚᒋᐊᕈᑏᑦ ᖃᐅᔨᓴᕈᑎᓄᑦ ᓄᐊᑦᓯᒍᑎᒃᓴᑦ ᑐᓴᐅᒪᔾᔪᑎᒃᓴᓂᒃ ᐃᑲᔫᑎᒃᓴᐅᖁᓪᓗᒋᑦ ᐱᕚᓪᓕᑎᑦᓯᓂᕐᒧᑦ ᒪᑭᒪᔾᔪᑎᖏᓐᓄᑦ ᐃᓄᐃᑦ ᓄᓇᓕᖏᓐᓂ. ᑐᓐᖓᕕᒃᑯᑦ ᐃᓄᖕᓂᒃ ᑭᐅᖃᑦᑕᖁᔨᕗᑦ ᖃᐅᔨᓇᕈᑎᓂᒃ. ᖃᐅᔨᓴᕈᑏᑦ ᑲᒪᒋᔭᐅᔪᒫᕐᓂᐊᖅᑐᑦ ᖃᐅᔨᓴᖅᑎᖃᕐᓗᑎᒃ ᓄᓇᕗᑦ ᓄᓇᓕᖏᑦ ᔭᓐᓄᐊᓕ−ᒥᒃ ᔫᓂᒧᑦ 2017. ᐃᓄᐃᑦ ᐅᑭᐅᓖᑦ 15-ᓂᒃ ᐅᖓᑖᓂᓘᓐᓃᑦ, ᐊᑎᓕᐅᖅᑕᐅᖃᑕᐅᓯᒪᔪᑦ ᓄᓇᕗᑦ ᐊᖏᕈᑎᓂᖏᓐᓂ ᐊᒻᒪᓗ …