ᓄᓇᕗᑦ ᑐᓐᖓᕕᒃ ᑎᒥᖓ ᓇᓪᓕᐅᓂᕐᓯᐅᖃᑎᖃᕐᓂᐊᕐᒪᑕ ᑲᓇᑕᓕᒫᒥ ᕿᓯᓐᓂᒃ ᓴᓇᓯᒪᔪᓂᒃ ᐅᓪᓗᖓᓂ
ᓄᓇᕗᑦ ᑐᓐᖓᕕᒃ ᑎᒥᖓ ᓇᓪᓕᐅᓂᕐᓯᐅᖃᑎᖃᕐᓂᐊᕐᒪᑕ ᑲᓇᑕᓕᒫᒥ ᕿᓯᓐᓂᒃ ᓴᓇᓯᒪᔪᓂᒃ ᐅᓪᓗᖓᓂ ᑲᓇᑕᒥᐅᓕᒫᓂᒃ ᑲᓇᑕᒥ ᒪᐃ 20, 2017. ᑐᓐᖓᕕᒃᑯᑦ ᖁᔭᓕᔪᑦ ᑲᓇᑕ ᒐᕙᒪᖓᓂᒃ ᐃᓕᓴᕐᓯᓂᖏᓐᓄᑦ ᐱᖕᒪᕆᐅᓂᖓᓂᒃ ᓇᑦᓯᕐᓂᒃ ᐊᓐᓂᕐᓲᑎᖃᖃᑦᑕᕐᓂᖏᓐᓄᑦ ᐃᓄᐃᑦ ᐊᒻᒪ ᑲᓇᑕᒥᐅᓕᒫᑦ. ᑖᓐᓇ ᐱᖕᒪᕆᒃ ᐅᓪᓗᖅ. ᑕᑯᑦᓴᐅᑎᑦᓯᔪᒪᓪᓗᑕ ᐱᖕᒪᕆᐅᓂᖏᓐᓂᒃ ᓇᑦᓰᑦ, ᐃᓄᐃᑦ ᐊᖑᓇᓱᑦᑏᑦ ᓴᓇᕙᑦᑐᓪᓗ, ᑐᓐᖓᕕᒃᑯᑦ ᑐᓐᓂᖅᑯᑎᖃᕐᓂᐊᕐᐳᑦ ᕿᓯᓐᓃᖔᖅᑐᓂᒃ ᓴᓇᔭᐅᓯᒪᔪᓂᒃ ᓴᓇᑐᔪᒻᒪᕆᖕᒧᑦ ᕕᒃᑐᕆᐊ ᑲᑯᑦᑎᓐᓂᖅ ᑕᑉᕙᖔᖅᑐᖅ ᕕᒃᑐᕆᐊ ᐅᑭᐅᖅᑕᖅᑐᒧᑦ ᐊᓐᓄᕋᔾᔨᐊᖏᑦ. ᓇᓗᓇᐃᕐᓯᑐᐃᓐᓇᕐᓗᑎᑦ ᐱᐅᑦᓴᓂᓐᓂᒃ ᓄᓇᕗᑦ ᑐᓐᖓᕕᒃᑯᑦ ᕙᐃᔅᐳᖓᓂᒃ ᑲᓱᒪᔾᔪᑎᒥᒃ ᐊᒻᒪᓗ ᑖᓐᓇ ᖃᐅᔨᒃᑲᐃᒍᑎᒋᓗᒍ ᐃᓕᔭᐅᓂᐊᖅᑐᖅ ᐊᑏᑦ ᑲᓇᑕᒥ ᕿᓯᓐᓂᒃ ᓴᓇᓯᒪᔪᓂᒃ ᐅᓪᓗᖓᓂ ᓵᓚᒃᓴᖃᑕᐅᒐᓱᐊᕈᓐᓇᓂᐊᖅᑐᑎᑦ. ᑖᓐᓇ ᓵᓚᒃᓴᕋᓱᐊᕈᑎ ᒪᑐᐃᖓᔪᖅ ᐃᓄᓐᓄᑦ ᐊᑎᖃᖃᑕᐅᔪᓄᑦ ᓄᓇᕗᒻᒥ ᐊᖏᕈᑎᓂ. ᓵᓚᒃᓴᖁᓇᕋᓗᐊᕆᕗᓯ. ᐅᖃᓕᒫᒃᑲᓐᓂᕈᓐᓇᖅᑐᑎᑦ ᕕᒃᑐᕆᐊ ᒥᑦᓵᓄᑦ ᐊᒻᒪᓗ ᐊᖅᑯᑎᒋᓯᒪᔭᖓᓂᒃ ᑲᔪᓯᑦᓯᐊᕐᓂᖓᓄᑦ ᑎᑎᕋᖃᑦᑕᑎᓐᓃᓂᐊᖅᑐᖅ ᑐᓐᖓᕕᒃᑯᑦ ᕿᒥᕐᕈᐊᒐᓕᐊᕆᕙᑦᑕᖏᓐᓂ ᓇᓃᓕᕐᐱᑕ, ᓴᖅᑭᖅᑕᐅᓂᐊᖅᑐᓂ ᔪᓚᐃ 9.
ᖁᕕᐊᓱᖃᑕᐅᒋᑦ ᑲᓇᑕᓕᒫᒥ ᕿᓯᓐᓂᒃ ᓴᓇᓯᒪᔪᓂᒃ ᐅᓪᓗᖓᓂ!
#ᓇᑦᓯᒥᓂᖅᑐᖕᑦᕿᓯᒃᐊᑐᕈᒃ
ᑐᑭᓯᒋᐊᒃᑲᓐᓂᕈᒪᒍᕕᑦ ᓱᓕ:
ᓄᓇᕗᑦ ᑐᓐᖓᕕᒃᑯᑦ ᑎᒥᖁᑎᖓᑦ
ᐅᖄᓚᐅᑦ:
ᐅᖓᓯᒃᑐᒥᒃ ᐊᑭᖃᖏᑦᑐᖅ:
