(ᒪᐃ 4, 2017 –ᐃᖃᓗᐃᑦ, ᓄᓇᕗᑦ)     ᓄᓇᕗᑦ ᑐᙵᕕᒃ ᑎᒥᖓᑕ ᐊᖓᔪᖅᑳᖓᓄᑦ ᑭᖑᕝᕕᐅᑎᓯᒪᑲᐃᓐᓇᕐᑐᖅ ᔭᐃᒥᓯ ᐃᑦᑐᓗᖅ ᐅᓪᓗᒥ ᐅᖃᖅᑲᐅᕗᑦ ᑕᒪᓱᓕᐅᒻᒪᑕᒎᖅ ᑲᒪᒋᔭᐅᔭᕆᐊᖃᖅᑐᑦ ᐃᖅᑲᓇᐃᔮᕆᔭᐅᔭᕆᐊᓖᑦ ᓇᓗᓇᐃᔭᕐᑕᐅᓯᒪᓚᐅᕐᓯᒪᔪᑦ ᐋᖅᑭᖃᑎᒌ    ᓐᓂᕐᒧᑦ ᐊᖏᕈᑎᓂ ᐅᑭᐅᒃ ᒪᕐᕉᒃ ᓈᕘᒃ ᑕᐃᒪᙵᓂᑦ ᐊᑎᓕᐅᕐᑕᐅᓚᐅᕐᓯᒪᑎᓪᓗᒋᑦ ᓄᓇᕗᑦ ᑐᙵᕕᒃ ᑎᒥᖓᓄᑦ, ᑲᓇᑕᐅᑉ ᒐᕙᒪᒃᑯᖏᓐᓄᑦ ᐊᒻᒪᓗ ᓄᓇᕗᑦ ᒐᕙᒪᒃᑯᖏᓐᓄᑦ. ᐊᖏᖃᑎᒌᖕᒪᑕ ᓄᖅᑲᑎᑦᑎᒍᑕᐅᓚᐅᕐᓯᒪᔪᖅ ᓄᓇᕗᑦ ᑐᙵᕕᒃ ᑎᒥᖓᑕ ᐃᖅᑲᖅᑐᐃᕕᓕᐊᕐᑎᑦᑎᓯᒪᓂᖏᓐᓄᑦ ᑲᓇᑕᐅᑉ ᒐᕙᒪᒃᑯᖏᓐᓂᒃ ᐊᑐᓕᕐᑎᑦᑎᕙᓪᓕᐊᔭᕆᐊᖃᖅᑐᑎᒃ ᐊᑐᓕᕐᑎᑦᑎᕙᓪᓕᐊᓂᑲᙱᓐᖏᓐᓄᑦ ᐊᖏᕈᑎᓃᒃᑐᓂᒃ.

“ᐊᑎᓕᐅᖅᑎᓪᓗᒋᑦ ᐋᖅᑭᖃᑎᒌᓐᓂᕐᒧᑦ ᐊᖏᕈᑎᓂᒃ ᐱᒻᒪᕆᖕᒥᒃ ᐱᕚᓪᓕᕈᑕᐅᓯᒪᕗᖅ ᑕᐃᒪᙵᓂᒃ ᓯᕗᓪᓕᕆᔭᑦᑎᓐᓂᒃ ᐊᑐᖅᑕᐅᓯᒪᔪᓂᒃ ᓄᓇᕗᖕᒥᐅᑦ ᐃᓄᖏᓐᓄᑦ ᐊᒻᒪᓗ ᓄᓇᖃᖅᑳᖅᓯᒪᔪᓄᑦ ᓄᓇᕐᔪᐊᓕᒫᕐᒥ ᐅᓇ ᐱᔾᔪᑎᒋᓪᓗᒍ ᒐᕙᒪᒃᑯᑦ ᒪᓕᒐᖅᑎᒍᑦ ᑲᒪᒋᔭᖃᕐᒪᑕ ᐱᓂᐊᕐᓂᕋᕈᑕᐅᓯᒪᔪᓂᒃ ᐊᑎᓕᐅᖃᑕᐅᑎᓪᓗᒋᑦ ᐊᖏᕈᑎᓂᒃ,” ᐅᖃᖅᑐᖅ ᐃᑦᑐᓗᒃ.

ᐃᑦᑐᓗᒃ ᐃᖅᑲᓪᓕᕈᑎᖃᓚᐅᕐᑐᖅ ᖁᓅᕐᒥᕐᓯᒪᓂᕐᒥᓂᒃ, ᐱᒻᒪᕆᐅᔪᑦ ᐱᓂᐊᕐᓂᕋᕈᑕᐅᓯᒪᔪᑦ ᐋᖅᑭᖃᑎᒌᓐᓂᕐᒧᑦ ᐊᖏᕈᑎᓂ ᑕᐃᒪᓐᓇ ᓱᒃᑲᐃᑑᓂᐊᕐᑐᒋᔭᐅᓚᐅᕐᓯᒪᙱᒃᑲᓗᐊᕐᒪᑕ, ᐱᖃᓯᐅᑎᓪᓗᒋᑦ  ᐱᔭᕇᖅᑕᐅᔭᕆᐊᖃᓐᓂᖏᑦ ᒐᕙᒪᒃᑯᑦ ᐱᓕᕆᕕᖏᓐᓂᒃ ᐃᓄᖕᓂᒃ ᐃᖅᑲᓇᐃᔮᖃᖅᑎᑦᑎᓂᕐᒧᑦ ᐸᕐᓇᒍᑎᓕᐊᑦ ᑲᓇᑕᐅᑉ ᒐᕙᒪᒃᑯᖏᓐᓂ ᐊᒻᒪᓗ ᓄᓇᕗᑦ ᒐᕙᒪᒃᑯᖏᓐᓂ, ᐊᒻᒪᓗ ᐊᑐᓕᕐᑎᑕᐅᓂᐊᕐᓯᒪᓂᖏᓐᓂᒃ ᒐᕙᒪᑐᖃᒃᑯᑦ ᑲᓐᑐᓛᕐᑖᑎᑦᑎᓂᕐᒧᑦ ᐊᑐᐊᒐᓂᒃ ᑐᕌᖓᔪᓂᒃ ᓄᓇᕗᖕᒧᑐᐊᖅ.

“ᓄᓇᕗᑦ ᑐᙵᕕᒃ ᑎᒥᖓ ᑎᓕᐅᕇᓐᓇᓂᐊᕐᐳᑦ ᒐᕙᒪᑐᖃᒃᑯᓐᓂᒃ ᐊᒻᒪᓗ ᓄᓇᕗᑦ ᒐᕙᒪᒃᑯᖏᓐᓂᒃ ᑕᐃᒃᑯᐊ ᓇᓗᓇᐃᔭᕐᓯᒪᔪᑦ ᐊᑐᓕᖅᑎᑕᐅᓂᐊᕐᓂᕋᖅᑕᐅᓯᒪᔪᑦ ᓴᖅᑭᖁᓪᓗᒋᑦ. ᓄᓇᕗᑦ ᑐᙵᕕᒃ ᑎᒥᖓ ᐅᔾᔨᑐᐃᓐᓇᓂᐊᖅᐳᑦ ᓄᓇᕗᑦ ᐊᖏᕈᑎᖏᑦ ᑐᙵᕕᐅᒋᐊᖁᔭᐅᓗᑎᒃ ᐱᕙᓪᓕᐊᔭᕆᐊᓕᖕᓄᑦ ᓄᓇᕗᖕᒥ ᐱᕚᓪᓕᕈᑕᐅᔪᓐᓇᕐᑐ ᐃᓄᐃᑦ ᒐᕙᒪᓕᕆᓂᕐᒧᑦ, ᐃᓅᓯᓕᕆᓂᕐᒧᑦ ᐊᒻᒪᓗ ᐱᕙᓪᓕᐊᔪᓕᕆᓂᕐᒧᑦ ᐃᒻᒥᒃᑯᑦ ᐃᓱᒪᓕᐅᕈᑎᒋᔪᓐᓇᖁᓪᓗᒋᑦ,” ᐅᖃᖅᑐᖅ ᐃᑦᑐᓗᒃ.

ᐃᑦᑐᓗᒃ ᐅᖃᓚᐅᕐᒥᔪᖅ ᓄᓇᕗᑦ ᑐᙵᕕᒃ ᑎᒥᖓ ᑲᒪᔭᕇᖅᓯᒪᓂᕋᖅᑐᒍᑦ ᐋᖅᑭᖃᑎᒌᓐᓂᕐᒧᒃ ᐊᖏᕈᑎᓃᒃᑐᑦ ᑲᒪᒋᔭᕆᐊᓕᖏᑦ ᑲᒪᒋᔭᐅᓯᒪᓕᕐᒪᑕ ᓴᖅᑮᓯᒪᓪᓗᑎᒃ ᓄᑖᓂᒃ ᒪᑭᒋᐊᖅᑕ ᐃᓕᓴᐃᓂᕐᒧᑦ ᑯᕆᐳᕇᓴᒥᒃ ᑖᓐᓇᓗ $175 ᒥᓕᐊᓂᒃ ᑮᓇᐅᔭᖃᖅᑎᑕᐅᓪᓗᓂ ᐊᒻᒪᓗ ᐊᑐᓕᖅᑎᑕᐅᓪᓗᓂ ᐋᖅᑭᒋᐊᖅᑕᐅᓪᓗᓂᓗ ᓄᓇᕗᑦ ᐊᖏᕈᑎᖏᓐᓃᒃᑐᒥᒃ ᑎᑎᕋᖅᓯᒪᔪᒥᒃ 38-ᒥᒃ