ᓄᓇᕗᑦ ᑐᙵᕕᒃ ᑎᒥᖓᑕ ᐊᖓᔪᖅᑳᖓ ᐊᓗᑭ ᑰᑦᑎᖅ ᐅᓪᓗᒥ ᑐᓴᖅᑎᑎᖃᐅᕗᖅ ᐃᒃᓯᕙᐅᑕᕆᔭᐅᓂᐊᓕᕐᓂᕐᒥᓂᒃ ᓄᓇᕗᑦ ᑐᙵᕕᒃ ᑎᒥᖓᑕ ᐃᓄᐃᑦ ᐃᓅᓯᓕᕆᓂᕐᒧᑦ ᐊᒻᒪᓗ ᐃᓕᖅᑯᓯᓕᕆᓂᕐᒧᑦ ᖃᐅᔨᒪᔨᒋᔭᐅᓪᓗᑎᒃ ᑲᑎᒪᔨᕋᓛᖏᓐᓄᑦ, ᑖᓐᓇᓗ ᐃᒃᓯᕙᐅᑕᕆᔭᐅᓕᑲᐅᑎᒋᓂᐊᕐᑐᓂ.
ᓂᕈᐊᕋᒃᓴᐅᓪᓗᓂ ᓄᓇᕗᑦ ᑐᙵᕕᒃ ᑎᒥᖓᑕ ᐊᖓᔪᖅᑳᑉ ᐃᓂᖓᓄᑦ ᐊᕐᕌᓂ, ᑰᑦᑎᖅ ᐅᖃᐅᓯᖃᓚᐅᕐᓯᒪᒻᒪᑦ ᐱᓂᐊᕐᓂᖃᕈᒪᓪᓗᓂ ᐃᓄᐃᑦ ᐃᓅᓯᓕᕆᓂᕐᒧᑦ ᐊᒻᒪᓗ ᐃᓕᖅᑯᓯᓕᕆᓂᕐᒧᑦ ᐱᔾᔪᑎᓕᓐᓂᒃ, ᐊᒻᒪ ᑲᔪᖏᒋᔭᖃᑦᑎᐊᕐᑐᖅ ᐃᖅᑲᓇᐃᔮᕆᓂᐊᓂᕐᒥᓂᐅᒃ ᑖᓐᓇᓗ ᓯᕗᓪᓕᖅᐸᖑᑎᑕᐅᖃᑕᐅᓪᓗᓂ.
“ᐃᒪᓐᓇᐃᖁᒥᓇᕆᕙᕋ ᐊᑲᐅᔪᒥᒃ ᐊᑦᑐᐃᓂᖃᕈᒪᕗᖓ ᐃᓅᓯᓕᕆᓂᕐᒥᒃ ᐊᒻᒪᓗ ᐃᓕᖅᑯᓯᓕᕆᓂᕐᒥᒃ ᖃᓄᐃᙱᑲᓐᓂᖁᓪᓗᒋᑦ ᐃᓄᐃᑦ ᐅᑭᐅᓂ ᓯᑕᒪᓂ ᖃᐃᔪᓂ. ᐱᒻᒪᕆᐅᖕᒪᑦ ᐋᖅᑭᒋᐊᖅᑕᐅᔭᕆᐊᖃᓐᓂᖏᑦ ᐃᓅᓯᓕᕆᓂᕐᒧᑦ ᐊᒻᒪᓗ ᐃᓕᖅᑯᓯᓕᕆᓂᕐᒧᑦ ᓇᓗᓇᐃᔭᐃᓂᖅ ᐃᓄᐃᑦ ᐱᓪᓗᒋᑦ. ᑕᒪᑦᑕ ᐱᓕᕆᐊᖃᑦᑐᐃᓐᓇᐅᔭᕆᐊᖃᕋᑦᑕ ᐃᓅᓯᕐᒧᑦ ᐱᕚᓪᓕᕈᑕᐅᔪᓐᓇᕐᑐᓂᒃ.” ᐅᖃᖅᑐᖅ ᑰᑦᑎᖅ.
ᑰᑦᑎᖅ ᐃᒃᓯᕙᐅᑕᐅᖔᕐᓂᐊᓕᕐᐳᖅ ᐊᖓᔪᖅᑳᑉ ᑐᒡᓕᖓ ᔭᐃᒥᓯ ᐃᑦᑐᓗᒃ ᐃᒃᓯᕙᐅᑕᐅᔪᓐᓃᕐᓗᓂ ᑖᓐᓇᓕ ᐃᒃᓯᕙᐅᑕᕆᔭᐅᖏᓐᓇᓂᐊᖅᑐᖅ ᐃᓄᐃᑦ ᐆᒪᔪᓕᕆᓂᕐᒧᑦ ᐊᒻᒪᓗ ᐊᕙᑎᓕᕆᓂᕐᒧᑦ ᑲᐅᔨᒪᔨᖏᑕ ᑲᑎᒪᔨᕋᓛᖏᓐᓄᑦ, ᐊᒻᒪᓗ ᑭᒡᖓᑐᖅᑎᐅᓗᓂ ᓄᓇᕗᑦ ᑐᙵᕕᑦ ᑎᒥᖓᑕ ᑲᑎᒪᔨᖏᓐᓄᒃ ᐊᒻᒪᓗ ᓯᕗᓕᖅᑏᑦ ᑲᑎᒪᔨᕋᓛᖏᓐᓄᑦ.
ᑐᑭᓯᒋᐊᑲᓐᓂᕈᓐᓇᖅᐳᑎᑦ:
ᑮᐅᕆ ᒪᑲᓪᔅᑭ
ᑐᑭᒧᐊᒃᑎᑦᑎᔨ ᑐᓴᐅᒪᖃᑦᑕᐅᑎᓕᕆᔨᒃᑯᓐᓂ
ᓄᓇᕗᑦ ᑐᙵᕕᒃᑯᑦ ᑎᒥᖓᑦ
ᐅᖄᓚᐅᑖ: (867) 975-4914
ᐊᑭᓕᕆᐊᖃᙱᑦᑐᖅ: 1- 888-646-0006
ᐅᖄᓚᐅᑎᕋᓛᖓ: (867) 222-2893
www.tunngavik.com
