(ᔪᓚᐃ 9, 2017 –ᐃᖃᓗᐃᑦ, ᓄᓇᕗᑦ)ᓄᓇᕗᑦ ᑐᓐᖓᕕᒃ ᑎᒥᖓᑦᑕ ᐊᖓᔪᖅᑳᖓᑦ ᐊᓗᑭ ᑰᑦᑎᖅ ᐅᓪᓗᒥ ᓴᖅᑭᑦᑎᔪᖅ ᐊᑭᖃᖏᑦᑐᒃᑯᑦ ᖃᕆᑕᐅᔭᕋᓛᑎᒍᑦ ᑕᑯᓇᒐᒃᓴᓂᒃ ᑕᐃᔭᐅᔪᖅ ᑐᓐᖓᕕᒃ. ᑕᒪᓐᓇ ᐃᓗᓕᐊ ᓴᖅᑭᑎᑕᐅᓂᐊᖅᑐᖅ ᓄᓇᕗᑦ ᐅᓪᓗᐊᓂ ᑕᑯᒃᓴᐅᑎᑦᑎᓗᑎᒃ ᓄᓇᕗᑦ ᑐᓐᖓᕕᒃ ᑎᒥᖓᑦᑕ ᓇᖕᒥᓂᖅ ᐱᓕᕆᐊᕆᓪᓗᐊᖅᓯᒪᔭᖏᓐᓂᒃ ᐋᖅᑭᒃᐹᓪᓕᖅᖢᒋᑦ ᑐᑭᓯᐊᓂᕐᒥᓪᓗ ᐊᒻᒪᓗ ᐅᓪᓗᒥᒨᖓᓕᖅᑐᓂᒃ ᐅᑯᓂᖓ ᓄᓇᕗᑦ ᐊᖏᕈᑎᖏᑦ.
“ᐅᓇ ᐃᓗᓕᐊᓂ ᑕᑯᓇᓐᓇᒐᒃᓴᑦ ᐅᓪᓗᒥᒨᖓᔪᑦ ᐊᑐᖅᑕᐅᕙᒃᑐᖅ ᐃᓄᖕᓄᑦ ᐊᑐᖅᑕᐅᓗᓂᓗ ᐃᓕᑦᑎᓂᕐᒥᑦ ᐊᒻᒪᓗ ᑕᑯᓇᒃᕕᐅᓗ ᐱᔪᓐᓇᐅᑎᑦᑎᓐᓂᒃ ᐃᓗᐊᓂ ᐅᑯᐊ ᓄᓇᕗᑦ ᐊᖏᕈᑎᖏᓐᓂᒃ. ᐃᒪᓐᓇ ᑐᑭᖃᖅᑐᑦ ᐃᓚᐅᓂᕐᒥᑦ ᐃᓚᖓᒍᑦ ᐃᓕᓯᕙᓪᓕᐊᓂᕐᒥᑦ ᐱᔪᓐᓇᑦᑎᐊᓕᖅᑎᑦᑎᓂᕐᒧᑦ ᐊᒻᒪᓗ ᑕᐅᑐᖅᑰᖅᑎᑦᑎᓂᕐᒥᑦ ᐊᑯᓐᓂᖏᓐᓂ ᓄᓇᕗᒥ ᐃᓄᐃᑦ. ᑕᑯᒋᐊᕈᓐᓇᖅᑕᕗᑦ ᐱᕕᒃᓴᐅᔪᓄᑦ ᐃᓕᓐᓂᐊᕐᓗᓂ ᐱᓪᓗᒋᑦ ᑕᐃᑦᓱᒪᓂᐊᓗᒃ ᐃᓕᖁᓯᐅᕙᓚᐅᖅᑐᓂᑦ ᐱᔾᔪᓯᐅᕙᓚᐅᖅᑐᓂᒃᓗ ᐊᒻᒪᓗ ᐱᔪᓐᓇᐅᑎᑦᑎᓐᓂᒃ. ᑕᒪᓐᓇ ᐃᓗᓕᐊ ᐃᑲᔪᕈᓐᓇᖅᑐᑦ ᑕᐃᒪᓐᓇᐃᓕᐅᕐᓗᓂ,” ᐅᖃᖅᑐᖅ ᑰᑦᑎᖅ
ᑐᓐᖓᕕᒃ ᑕᑯᒃᓴᐅᑎᑦᑎᓂᐊ ᐅᑯᐊᖑᕗᑦ ᓄᓇᕗᒥ ᐊᖏᕈᑏᑦ, ᑕᑯᓐᓇᒐᒃᓴᑦ ᐊᐅᓚᔪᑦ ᐅᓂᒃᑳᑦᑎᐊᖅᑐᑦ ᑐᑭᖏᓐᓂᒃ ᑐᓄᐊᓂ ᐊᑐᓂᑦ ᐃᓚᒃᑰᖅᑐᖏᓐᓂ, ᐱᕕᒃᓴᑦ ᓇᓗᓇᐃᔭᖅᓯᒪᔪᑦ ᐅᓪᓗᖏᓐᓄᑦ ᑕᐃᓱᒪᓂᐊᓗᒃᓗ ᐊᒻᒪᓗ ᐊᐃᕙᔾᔪᑕᐅᖃᑦᑕᖅᓯᒪᔪᕕᓃᑦ ᐅᑯᓂᖓ ᓄᓇᕗᒥ ᐊᖏᕈᑏᑦ, ᑭᓲᓂᖏᓐᓂᒃ ᑎᑎᕋᖅᓯᒪᔪᑦ, ᐊᒻᒪᓗ ᑭᐅᔭᕆᐊᓕᖕᓂᑦ ᐱᓐᖑᐊᕈᑏᑦ ᐊᑐᖅᑎᓄᑦ ᓴᓇᖑᐊᕐᓗᑎᒃ ᐃᒡᓗᕕᒐᕐᒥᑦ ᑭᐅᔭᕌᖓᑕ ᓱᓕᔪᓂᒃ.
ᐃᓚᒋᔭᖏᑦ ᓴᖅᑭᑦᑎᓂᕐᒧᑦ, ᓄᓇᕗᑦ ᑐᓐᖓᕕᒃ ᑎᒥᖓᑦ ᑐᓂᓯᓂᐊᖅᑐᑦ ᑕᓪᓕᒪᓂᒃ 5 ᖃᕆᑕᐅᔭᕋᓛᓂᒃ ᑎᒍᒥᐊᒐᐅᔪᓂᒃ ᐃᓗᓕᖃᖅᑐᑦ ᑐᓐᖓᕕᒃ ᐋᖅᑭᒃᓯᒪᔭᖏᓐᓂᒃ ᐃᓗᐊᓂ. ᐃᓄᐃᑦ ᑕᐃᒃᑯᐊ ᐊᑎᓕᐅᖃᑕᐅᓯᒪᔪᑦ ᐅᑯᓇᓂ ᓄᓇᕗᒥ ᐊᖏᕈᑎᖏᓐᓂ ᐱᔪᓐᓇᖅᑎᑕᐅᔪᑦ ᐊᔪᖏᑦᑕᐅᓪᓗᑎᒃ. ᐱᓇᓱᐊᖃᑕᐅᔪᑦ ᑕᒪᑦᓱᒧᖓ ᓵᓚᒃᓴᕋᓱᖕᓂᕐᒃ ᐱᓇᓱᐊᖃᑕᐅᔪᑦ ᑕᒪᑦᓱᒧᖓ ᓵᓚᒃᓴᕋᓱᖕᓂᒃᑯᑦ ᑕᐃᑯᖓ ᐱᒋᐊᕆᑦ ᓄᓇᕗᑦ ᑐᓐᖓᕕᒃ Facebook−ᖓᓂ, ᑎᑎᕐᓗᒍᓗ ᐱᐅᒋᓗᒍᓗ, ᑕᐃᒪᐃᓕᐅᖏᓐᓂᕈᕕᑦ ᓱᓕ, ᐊᒻᒪᓗ ᐊᒃᑐᕐᓗᒍ ᐊᑕᕝᕕᐊ. ᐃᓄᐃᑦ ᐊᐱᕆᔭᐅᓂᐊᖅᑐᑦ ᑐᓂᓯᖁᔭᐅᓗᑎᒃ ᐊᑎᖏᓐᓂᒃ ᐊᒻᒪᓗ ᓄᓇᓕᖏᓐᓂᒃ ᐃᓚᐅᓂᐊᕈᑎᒃ ᑕᒪᑦᓱᒧᖓ. ᔪᓚᐃ 31, 2017 ᐅᓐᓄᐊᒃᑯᑦ 12-ᒥ. ᓵᓚᒃᓴᖅᑐᑦ ᐅᖃᐅᓯᐅᓂᐊᖅᑐᑦ ᐊᐅᒡᒍᓯ ᐱᒋᐊᓕᖅᐸᑦ
ᐃᓗᓕᖏᑦ ᒫᓐᓇ ᐊᑐᐃᓐᓇᐅᔪᑦ ᐅᕘᓇ iTunes−ᑯᑦ ᐊᑭᖃᖏᓪᓗᓂ ᐅᑯᓄᖓ ᖃᕆᑕᐅᔭᕋᓛᑎᒍᑦ ᑎᒍᒥᐊᒐᒥ. ᑭᖑᓂᐊᒍᑦ ᐅᑭᐅᒥ ᒫᓐᓇ, ᐊᑐᐃᓐᓇᐅᓛᖅᑐᑦ ᖃᕆᑕᐅᔭᕋᓛᑎᒍᑦ ᑎᒍᒥᐊᒐᒥ, ᐅᖄᓚᐅᑎᒃᑯᑦ ᐊᐃᕘᓐ ᑎᒍᒥᐊᒐᖅ ᐊᒻᒪ ᑕᒪᕐᒥᒃ ᐅᑯᑎᒎᓇᖅ Android tablets ᐊᓯᖏᑦᑕᐅᖅ ᑎᒍᒥᐊᒐᑦ ᖃᕆᑕᐅᔭᕋᓛᑦ ᐊᒻᒪᓗ ᐅᖄᓚᐅᑎᑎᒍᑦ.
