ᐱᔾᔪᑖ
ᐃᑲᔫᑎᒃᓴᓕᕆᓂᕐᒧᑦ ᐱᔾᔪᑖ, ᑐᓐᖓᕕᒃᑯᑦ ᐃᑲᔫᑎᒃᓴᓄᑦ ᐊᑐᐊᒐᖏᑎᒍᑦ, ᑮᓇᐅᔭᑎᒍᑦ ᐃᑲᔫᑎᒃᓴᑖᖅᑎᑕᐅᖁᓪᓗᒋᑦ ᐃᑲᔪᖅᑕᐅᔾᔪᑎᓂᓪᓗ ᑲᑐᔾᔨᖃᑎᒌᑦ ᐊᒻᒪᓗ ᐃᓄᐃᑦ ᐊᐅᓚᑦᓯᖃᑕᐅᖃᑦᑕᖅᑐᑦ ᐱᕚᓪᓕᕈᑎᒃᓴᖏᓐᓂᒃ ᓄᓇᕗᒻᒥ ᐃᓄᐃᑦ ᒪᑭᒪᔾᔪᑎᒃᓴᖏᓐᓄᑦ, ᐃᓅᓯᖏᓐᓄᑦ ᐊᒻᒪᓗ ᐃᓕᖅᑯᓯᖏᓐᓄᑦ ᖃᓄᐃᓐᖏᓯᐊᒃᑲᓐᓂᕈᑎᒃᓴᖏᓐᓄᑦ. ᑐᓐᖓᕕᒃᑯᑦ ᐃᑲᔫᑎᒃᓴᓄᑦ
ᐊᑐᐊᒐᖓ ᑕᑯᔭᒃᓴᖅ ᑐᓐᖓᕕᒃᑯᑦ ᐃᑭᐊᖅᑭᕕᖓᓂ (www.tunngavik.com).
ᐱᔪᓐᓇᖅᑎᑕᐅᔪᑦ ᐊᒻᒪᓗ ᐱᓕᕆᐊᒃᓴᒧᑦ ᒪᓕᒐᑦᓴᓕᐊᖑᓯᒪᔪᑦ
ᐱᔪᓐᓇᐅᖅᑎᑕᐅᔪᑦ ᑐᒃᓯᕋᖅᑐᑦ ᓇᓕᑐᐃᓐᓇᖏᑦ ᑲᑐᔾᔨᖃᑎᒌᑦ ᐅᑉᕙᓘᓐᓃ% ᐃᓄᐃᑦ ᐱᓇᓱᐊᖃᑕᐅᕙᑦᑐᑦ ᐅᑯᑎᒎᓇ
ᐊᐅᓚᑕᐅᔪᓄᑦ ᐃᑲᔫᑎᒃᓴᓄᑦ ᓄᓇᕗᑦ ᐃᓄᖏᓐᓄᑦ.
ᐃᓕᖅᑯᓯᒃᑯᑦ ᐱᕙᓪᓕᐊᑎᑦᓯᓂᕐᒦᖃᑕᐅᔪᑦ, ᑖᒃᑯᑑᓐᖏᑦᑑᒐᓗᐊᑦ, ᐃᓕᖅᑯᓯᕐᒥᒃ ᖁᕕᐊᓲᑎᖃᕐᓃᑦ, ᑕᑯᑦᓴᐅᑎᑦᓯᓃᑦ, ᐱᖅᑯᓯᒃᑯᑦ ᐃᓄᐃᑦ ᐱᓐᖑᐊᕈᓯᖏᑦ, ᐃᓐᓇᐃᑦ ᒪᒃᑯᑐᓪᓗ ᓅᑎᑕᐅᓯᒪᓂᖏᑦ, ᐃᓕᓐᓂᐊᕈᑎᒃᓴᓕᐅᕐᓂᖅ ᐊᒻᒪᓗ ᐃᓕᓐᓂᐊᑎᑦᓯᒍᑎᓂᒃ ᐃᓄᐃᑦ ᐊᑐᕐᓯᒪᔭᖏᓐᓂᒃ ᐃᓕᖅᑯᓯᖓᓂᓪᓗ, ᐅᖃᐅᓯᖅ ᐱᕚᓪᓕᕈᑎᒃᓴᖏᑦ, ᐃᓚᒋᔭᐅᓗᑎᒃ,
ᑖᒃᑯᑑᓐᖏᑦᑑᒐᓗᐊᑦ, ᐃᑲᔪᖅᑕᐅᔾᔪᑏᑦ ᐅᖃᐅᓯᕐᒧᑦ ᐱᓇᓱᐊᒐᐅᔪᓂᒃ, ᓅᓯᒪᑎᑦᓯᓂᕐᒥᒃ, ᐃᓕᓐᓂᐊᖃᑎᒌᓐᓂᕐᒥᒃ, ᐃᓕᓐᓂᐊᕈᑎᒃᓴᓕᐅᕐᓂᕐᒥᒃ ᐊᒻᒪᓗ ᐃᓕᓐᓂᐊᑎᑦᓯᒍᑕᐅᔪᓂᒃ ᐃᓄᒃᑐᑦ.
ᐃᓅᓯᓕᕆᓂᕐᒧᑦ, ᐃᓚᒋᔭᐅᓪᓗᑎᒃ, ᑖᒃᑯᑑᓐᖏᑦᑑᒐᓗᐊᑦ, ᐃᓅᓯᕐᒨᖓᔪᓂᒃ ᐊᔪᓐᖏᓐᓂᐅᒋᐊᓕᖕᓂᒃ ᐃᓕᓐᓂᐊᖃᑎᒌᓐᓃᑦ, ᓯᕗᓕᖅᑎᐅᒋᐅᕐᓴᓂᕐᒥᒃ ᑲᑎᖕᒪᒍᑎᖃᕐᓃᑦ, ᓄᓇᓖᑦ ᐱᕙᓪᓕᐊᔾᔪᑎᒃᓴᖏᓐᓄᑦ ᐊᐅᓚᑕᐅᔪᑦ,
ᓇᖕᒥᓂᖁᑎᖃᕐᓂᕐᒥᒃ ᐃᖅᑲᓇᐃᔮᒥᓪᓗ ᐊᔪᕈᓐᓃᕐᓴᐅᑏᑦ, ᐊᒻᒪᓗ ᓇᖕᒥᓂᖁᑎᖃᕐᓂᕐᒥᒃ ᐱᓕᖕᒪᒃᓴᖃᑎᒌᓐᓂᕐᒧᑦ ᑲᑎᖕᒪᒍᑎᖃᕐᓃᑦ, ᐊᓯᖏᓪᓗ.
ᐱᓐᖑᐊᖅᑏᑦ ᐱᕙᓪᓕᐊᑎᑕᐅᓂᖏᑦ, ᐃᓚᒋᔭᐅᓪᓗᑎᒃ, ᑖᒃᑯᑑᓐᖏᑦᑑᒐᓗᐊᑦ, ᐃᑲᔪᕐᓂᖅ ᐱᓐᖑᐊᕐᓂᐅᖃᑦᑕᖅᑐᓂᒃ ᐱᕚᓪᓕᕈᑎᒃᓴᓂᒃ ᐃᓅᓯᕐᒧᑦ ᐊᒻᒪᓗ ᐱᓇᓱᐊᖃᑎᖃᕆᐅᕐᓴᓂᕐᒧᑦ, ᑎᒥᒃᑯᑦ ᖃᓄᐃᓐᖏᓯᐊᒃᑲᓐᓂᕈᑎᒃᓴᒧᑦ, ᐃᓕᖅᑯᓯᑦᓯᐊᕆᓐᓂᕐᒥᒃ ᐱᕙᓪᓕᐊᔾᔪᑎᒃᓴᑦ, ᐱᓕᖕᒪᒃᓴᐅᑏᑦ ᐊᒻᒪᓗ ᓇᖕᒥᓂᖅ ᒪᑭᒪᒋᐅᕐᓂᓴᓂᕐᒧᑦ.
ᑮᓇᐅᔭᓕᑕᐅᒍᑏᑦ
ᐊᖏᓂᕐᐹᖅ ᐃᑲᔫᑕᐅᒍᓐᓇᖅᑐᖅ ᐊᑕᐅᓯᕐᒧᑦ ᑐᒃᓯᕋᐅᒻᒧᑦ ᑖᒃᑯᑎᒎᓇ $25,000.
ᑐᒃᓯᕋᐅᓯᐅᕈᓯᖅ
.ᐃᓱᓕᑉᕕᒃᓴᓕᐊᖑᓯᒪᔪᖅ
ᐊᕐᕌᒍᑕᒫᕐᓯᐅᑎᑦ ᑐᒃᓯᕋᐅᑏᑦ ᐃᓱᓕᑉᕕᒃᓴᖃᓐᖏᑦᑐᑦ ᑖᑦᓱᒧᖓ ᐱᓕᕆᐊᒧᑦ. ᑐᒃᓯᕋᐅᓯᐊᖑᕙᓪᓕᐊᓂᖏᑎᖑᑦ ᑲᒪᒋᔭᐅᕙᑦᑐᑦ. ᑐᒃᓯᕋᐅᑏᑦ ᕿᐱᓗᒃᑕᐅᒍᓐᓇᖅᑐᑦ ᐅᑉᕙᓘᓐᓃᑦ ᑭᖑᕙᕆᐊᖅᑕᐅᒍᓐᓇᖅᑐᑦ ᐃᑲᔫᑎᒃᓴᓄᑦ ᑮᓇᐅᔭᖅᑑᑎᒃᓴᑦ ᓄᖑᓐᓂᕐᐸᑕ. ᑐᒃᓯᕋᐅᑎᓄᑦ ᒥᑦᓯᑎᓐᓄᑦ $10,000 (ᐊᑕᖏᕐᓗᓂ), ᓯᑕᒪᓂᒃ (4) ᐱᓇᓱᐊᕈᓯᕐᓂᒃ ᐱᓕᕆᐊᕆᒐᔪᓲᕆᒐᑦᑎᒍ ᓂᕆᐅᓇᕐᓯᑕᐃᓐᓇᕋᔭᖅᑐᑦ. ᑐᒃᓯᕋᐅᑎᓄᑦ ᐅᖓᑖᓃᑦᑐᓄᑦ $10,000, ᑲᒪᒋᔭᐅᓂᖓ ᐊᑯᓂᐅᓂᕐᓴᐅᑐᐃᓐᓇᕆᐊᖃᕋᔭᕐᒥᔪᖅ.
ᑖᒃᑯᐊ ᑕᑯᒋᐊᒃᑭᑦ ᑲᓱᕈᑏᑦ ᐱᔪᓐᓇᓂᐊᖅᑕᑎᑦ ᐃᑲᔫᑎᒃᓴᓄᑦ ᐊᑐᐊᒐᖅ ᐊᒻᒪᓗ ᑕᑕᑎᒐᑦᓴᖅ
