ᑐᓴᕋᑦᓴᓕᕆᔩᑦ

ᓄᓇᕗᑦ ᑐᓐᖓᕕᒃ ᑎᒥᖓᑦ ᐅᖃᐅᓯᒃᑯᑦ ᓴᖅᑭᑦᑎᔪᑦ 2017 ᔫᓯ ᐊᒪᐅᔭᖅ ᑯᓱᒐᖅ ᐃᓕᓐᓂᐊᖅᑎᓄᑦ ᐃᑲᔫᑎᒃᓴᓂᑦ ᐱᑎᑕᐅᔪᓂᒃ

(ᐊᐅᒡᒍᓯ 24, 2017 – ᐃᖃᓗᐃᑦ, ᓄᓇᕗᑦ)   ᓄᓇᕗᑦ ᑐᓐᖓᕕᒃ ᑎᒥᖓᑦᑕ ᐊᖓᔪᖅᑳᖅ ᐊᓗᑭ ᑰᖅᑎᖅ ᐅᑉᓗᒥ ᐅᖃᖅᑐᖅ ᑕᐃᒃᑯᐊ ᐱᑎᑕᐅᔪᑦ ᐅᑯᓂᖓ ᔫᓯ ᐊᒪᐅᔭᖅ ᑯᓱᒐᖅ ᐃᓕᓐᓂᐊᖅᑎᓄᑦ ᐃᑲᔫᑎᒃᓴᓂᒃ ᐅᑭᐅᖓᓂ 2017.  ᐹᓖᓐ ᑰᑉᓚᓐ ᐊᕐᕕᐊᓂᑦ ᐊᒻᒪᓗ ᑳᓚ ᒪᓚᐃᔭ ᐃᕙᓗᐊᕐᔪᒃ ᒥᑦᑎᒪᑕᓕᖕᒥᑦ ᐊᑐᓂ ᑐᓂᔭᐅᓂᐊᖅᑑᒃ $5,000 ᑐᕌᕐᓗᒋᑦ ᐃᓕᓐᓂᐊᖅᑕᖏᓐᓄᑦ. ᑰᑉᓚᓐ ᐃᓕᓐᓂᐊᖅᑐᖅ ᖁᑦᑎᖕᓂᖅᐹᒥ ᐃᓕᓐᓂᐊᖅᑐᖅ ᑕᐃᑲᓂ ᓯᓚᑦᑐᖅᓴᕐᕕᒃᔪᐊᖓᓐᓂ ᕆᔭᐃᓐᓇ ᐊᒻᒪᓗ ᐃᕙᓗᐊᕐᔪᒃ ᐱᖓᔪᐊᓂ ᐅᑭᐅᑦ ᓄᓇᕗᒥ ᐃᓕᓴᐃᔨᖑᕐᓂᕐᒧᑦ ᐃᓕᓐᓂᐊᖅᑐᑦ. ᑕᒪᕐᒥᒃ ᑐᓂᓯᓯᒪᓚᐅᕐᒪᑎᑦ ᑎᑎᕋᖅᓯᒪᔭᖏᓐᓂᒃ ᐃᓄᒃᑎᑐᑦ.

“ᖁᕕᐊᓱᖃᑎᒋᔭᕗᒃ ᐹᓖᓐ ᐊᒻᒪᓗ ᑳᓚ ᓂᕈᐊᖅᑕᐅᓚᐅᕐᒪᑎᒃ ᐱᑎᑕᐅᓪᓗᑎᒃᓗ ᐅᑯᓂᖓ ᔫᓯ ᐊᒪᐅᔭᖅ ᑯᓱᒐᖅ ᐃᓕᓐᓂᐊᖅᑏᑦ ᐃᑲᔫᑎᒃᓴᖏᓐᓂᒃ. ᐱᓗᐊᖅᑐᒥᑦ ᐱᒃᑯᒋᔮᒃᑲᒃ ᑐᓂᓯᓚᐅᕐᒪᑎᒃ ᑎᑎᕋᖅᓯᒪᔪᓂᒃ ᐃᓄᒃᑐᑦ ᐊᒻᒪᓗ ᖁᒡᕙᖅᑎᑕᐅᕚᓪᓕᖅᑐᖓ ᑲᔪᓯᖕᒪᑎᒃ ᐃᓕᓐᓂᐊᖅᑕᖏᓐᓂᒃ ᐃᓕᓐᓂᐊᕐᓂᓕᕆᓂᕐᒧᑦ ᐊᒃᑐᐊᔪᓂᒃ.” ᐅᖃᖅᑐᖅ ᑰᑦᑎᖅ.

ᓂᕈᐊᖅᓯᖅᑎᑦ ᕿᒥᕐᕈᓚᐅᖅᑐᑦ 23−ᓂᒃ ᑕᑕᑎᖅᓯᒪᔪᓂᒃ ᐆᒃᑐᖅᑐᓄᑦ ᑲᑎᖦᖢᒋᑦ, ᖁᑦᑎᓂᖅᐹᖑᓯᒪᔪᑦ ᐅᓄᕐᓂᖏᑦ ᐅᑭᐅᖑᓚᐅᖅᑐᓂᑦ.

ᑭᖑᓪᓕᕐᒥᑦ ᐃᓱᓕᕝᕕᒃᓴᖏᑦ ᑕᑕᑎᖅᓯᒪᔪᓂᒃ ᑕᒪᑦᓱᒧᖓ ᔫᓯ ᐊᒪᐅᔭᖅ ᑯᓱᒐᖅ ᐃᓕᓐᓂᐊᖅᑎᓄᑦ ᐃᑲᔫᑎᒃᓴᓂᒃ ᔪᓚᐃ 9, 2018. ᑕᑕᑎᕈᑎᑦ ᐃᓗᐃᑦᑐᑦ ᐊᑐᐃᓐᓇᐅᓛᖅᑐᑦ ᓄᓇᕗᑦ ᑐᓐᖓᕕᒃ ᐃᑭᐊᕿᔾᔪᑎᖏᓐᓂ.  ᐃᓄᐃᑦ ᐃᓕᓐᓂᐊᖅᑏᑦ ᐊᑎᓕᐅᖃᑕᐅᓯᒪᔪᑦ ᐃᓗᐊᓂ ᐅᑯᐊ ᓄᓇᕗᑦ ᐊᖏᕈᑎᖏᓐᓂ ᐊᒻᒪᓗ ᑲᔪᓯᔪᑦ ᖁᑦᑎᖕᓂᖅᓴᓄᑦ−ᐃᓕᓐᓂᐊᕆᐊᖅᓯᒪᔪᓄᑦ ᐱᔪᓐᓇᖅᑎᑕᐅᔪᑦ ᐊᔪᖏᑎᑕᐅᓂᕐᒥᑦ ᑕᒪᑦᓱᒧᖓ ᐃᓕᓐᓂᐊᖅᑏ ᐃᑲᔫᑎᒃᓴᖏᓐᓂᒃ.

ᑐᑭᓯᒋᐊᒃᑲᓐᓂᕈᒪᒍᕕᑦ ᓱᓕ:
ᓄᓇᕗᑦ ᑐᓐᖓᕕᒃᑯᑦ ᑎᒥᖁᑎᖓᑦ
ᐅᖄᓚᐅᑦ:
ᐅᖓᓯᒃᑐᒥᒃ ᐊᑭᖃᖏᑦᑐᖅ: