ᓄᓇᖃᖅᑳᕐᓯᒪᔪᓂᒃ ᖃᐅᔨᓴᕈᑏᑦ ᑲᓇᑕᒥ ᖃᐅᔨᓴᕈᑕᐅᔪᑦ ᐃᓄᖕᓂᒃ, ᐊᓪᓚᓂᒃ ᐊᓪᓚᖓᔪᓂᓪᓗ ᓄᓇᖃᖅᑐᓂᒃ ᑲᓇᑕᒥ. ᖃᐅᔨᓴᕈᑕᐅᓲᑦ ᑕᓪᓕᒪᑦ ᐊᕐᕌᒍᑦ ᓈᒐᐃᒻᒪᑕ ᐊᒻᒪᓗ ᐃᑲᔫᑎᓕᒻᒪᕆᓐᓂᒃ ᑐᓴᐅᒪᔾᔪᑕᐅᕙᑦᑐᑦ ᐃᓅᓯᖏᓐᓂᒃ ᒪᑭᒪᔾᔪᑎᖏᓐᓂᓪᓗ ᓄᓇᖃᖅᑳᕐᓯᒪᔪᑦ ᓄᓇᖃᖅᑐᓂᒃ ᑲᓇᑕᒥ. 2017−ᒥ, ᓇᓗᓇᐃᖅᑕᐅᓯᒪᔪᖅ ᖃᐅᔨᓴᕈᑎᓄᑦ ᐃᓚᒋᔭᐅᒋᐊᕐᓂᖅ ᒪᑭᒪᔾᔪᑎᓄᑦ. ᑐᓴᐅᒪᔾᔪᑎᒃᓴᑲᓐᓃᑦ ᐋᓐᓂᐊᖅᑐᓕᕆᓂᕐᒧᑦ, ᐅᖃᐅᓯᕐᒧᑦ, ᑮᓇᐅᔭᓕᐊᖑᕙᑦᑐᓄᑦ, ᐃᓪᓗᓕᕆᓂᕐᒧᑦ ᐊᒻᒪᓗ ᐊᐅᓚᔾᔪᑎᓂᒃ ᓄᐊᑕᐅᖃᑕᐅᓂᐊᖅᑐᑦ.
ᓄᓇᕗᑦ ᑐᓐᖓᕕᒃ ᑎᒥᖓ (ᑐᓐᖓᕕᒃ) ᐃᑲᔪᓚᐅᖅᑐᑦ ᐋᖅᑭᓱᖅᑕᐅᑎᓪᓗᒋᑦ ᓄᓇᕗᒻᒨᖓᔪᑦ ᐃᓚᒋᐊᕈᑏᑦ ᖃᐅᔨᓴᕈᑎᓄᑦ ᓄᐊᑦᓯᒍᑎᒃᓴᑦ ᑐᓴᐅᒪᔾᔪᑎᒃᓴᓂᒃ ᐃᑲᔫᑎᒃᓴᐅᖁᓪᓗᒋᑦ ᐱᕚᓪᓕᑎᑦᓯᓂᕐᒧᑦ ᒪᑭᒪᔾᔪᑎᖏᓐᓄᑦ ᐃᓄᐃᑦ ᓄᓇᓕᖏᓐᓂ. ᑐᓐᖓᕕᒃᑯᑦ ᐃᓄᖕᓂᒃ ᑭᐅᖃᑦᑕᖁᔨᕗᑦ ᖃᐅᔨᓇᕈᑎᓂᒃ. ᖃᐅᔨᓴᕈᑏᑦ ᑲᒪᒋᔭᐅᔪᒫᕐᓂᐊᖅᑐᑦ ᖃᐅᔨᓴᖅᑎᖃᕐᓗᑎᒃ ᓄᓇᕗᑦ ᓄᓇᓕᖏᑦ ᔭᓐᓄᐊᓕ−ᒥᒃ ᔫᓂᒧᑦ 2017. ᐃᓄᐃᑦ ᐅᑭᐅᓖᑦ 15-ᓂᒃ ᐅᖓᑖᓂᓘᓐᓃᑦ, ᐊᑎᓕᐅᖅᑕᐅᖃᑕᐅᓯᒪᔪᑦ ᓄᓇᕗᑦ ᐊᖏᕈᑎᓂᖏᓐᓂ ᐊᒻᒪᓗ ᖃᐅᔨᓴᖅᑕᐅᓚᐅᖅᑐᑦ 2016−ᒥᒃ ᖃᐅᔨᓴᕐᓂᕐᔪᐊᖑᓚᐅᖅᑐᒧᑦ ᓂᕈᐊᖅᑕᐅᔪᓐᓇᓂᐊᖅᑐᑦ ᐊᐱᕐᓱᖅᑕᐅᓂᕐᒧᑦ.
ᖃᐅᔨᓇᓱᐊᕈᑎᓄᑦ ᐱᖕᒪᕆᐅᔪᖁᑎᒋᔭᐅᔪᑦ ᐃᑲᔫᑎᓂᐊᕐᓂᖏᓐᓂᒃ ᐃᓄᐃᑦ ᑲᑐᔾᔨᖃᑎᒌᖏᓐᓂᒃ ᒐᕙᒪᓂᓪᓗ ᐋᖅᑭᑦᓱᐃᑎᓪᓗᒋᑦ ᐱᓕᕆᐊᒃᓴᓂᒃ ᐱᔨᑦᓯᕋᐅᑎᓂᓪᓗ ᐱᕚᓪᓕᕈᑎᒃᓴᓂᒃ ᐃᓄᐃᑦ ᐃᓅᓯᖏᓐᓄᑦ. ᑐᓴᐅᒪᔾᔪᑏᑦ ᐊᑐᖅᑕᐅᓂᐊᕐᒥᔪᑦ ᐃᑲᔫᑕᐅᓗᑎᒃ ᖃᓄᖅᑑᕈᑎᒃᓴᕐᓯᐅᕈᑕᐅᓗᑎᒃ ᐱᕚᓪᓕᕈᑎᒃᓴᖏᓐᓂᒃ ᐃᓄᐃᑦ ᐃᖅᑲᓇᐃᔭᖅᑎᑕᐅᓂᖏᓐᓄᑦ ᒐᕙᒪᓂ, ᐱᔭᕆᐊᖃᖅᑎᑕᐅᓂᖏᓐᓄᑦ ᐊᖏᕈᑕᐅᓯᒪᔪᓂ ᐃᓛᒃᑯᑦ 23 ᓄᓇᕗᑦ ᐊᖏᕈᑎᓂ.
ᖃᐅᔨᓴᕈᑏᑦ ᐊᐱᕐᓲᑕᐅᓂᐊᖅᑐᑦ ᐃᓄᒃᑎᑐᑦ ᖃᓪᓗᓈᑎᑐᓪᓗ ᑭᒡᓕᓯᓂᐊᖅᑎᕐᔪᐊᑯᓐᓂᒃ ᑲᓇᑕᒥ ᐃᖅᑲᓇᐃᔭᖅᑎᖏᓐᓄᑦ. ᑮᓇᐅᔭᓕᑕᐅᓯᒪᔪᖅ ᖃᐅᔨᓴᕐᓂᖅ ᑲᓇᑕ ᒐᕙᒪᖓᓂᒃ.
ᑐᑭᓯᒋᐊᒃᑲᓂᕐᕕᒃᓴᖅ:
ᑭᐅᕆ ᒪᒃᓕᔅᑭ
ᑐᓴᐅᒪᔾᔪᑎᓕᕆᔨᒃᑯᑦ ᑐᑭᒧᐊᒃᑎᑦᑎᔨᖓ
ᓄᓇᕗᑦ ᑐᓐᖓᕕᒃ ᑎᒥᖓ
ᐅᖄᓚᐅᑖ: (867) 975-4914 ᐊᑭᖃᓐᖏᑦᑐᖅ 1-888-646-0006 /
ᐃᑉᐱᐊᔪᒻᒥᒐᖅ: (867) 222-2893
www.tunngavik.com
