ᓄᓇᕗᑦ ᑐᙵᕕᒃ ᑎᒥᖓᑕ ᐊᖓᔪᖅᑳᖓᑕ ᑐᖏᓕᖓ ᔭᐃᒥᓯ ᐃᑦᑐᓗᒃ ᐅᓪᓗᒥ ᑐᓴᕐᑎᑎᖅᑲᐅᕗᖅ ᓄᓇᕗᖕᒥ ᐊᖑᓇᓱᒃᑎᓂᒃ ᐃᑲᔪᕈᑎᓂᒃ ᐱᓕᕆᔾᔪᑏᑦ ᐊᑐᓕᕐᑎᑕᐅᒃᑲᓐᓂᓛᕐᓂᖏᓐᓂᒃ ᐃᐱᕆ 1-ᒥ, 2017.
ᐊᑑᑎᒋᔭᖏᓪᓕ ᓄᓇᕗᖕᒥ ᐊᖑᓇᓱᒃᑎᓂᒃ ᐃᑲᔪᕈᑎᓂᒃ ᐱᓕᕆᔾᔪᑏᑦ ᐳᐃᒍᖁᓇᒋᑦ ᐊᒻᒪᓗ ᓯᕗᒧᒃᐸᓪᓕᐊᖏᓐᓇᖁᓪᓗᒋᑦ ᓄᓇᕗᖕᒥ ᐃᓄᐃᑦ ᐊᖑᓇᓱᒍᓯᖏᑦ ᐃᓕᖅᑯᓯᕐᒥᒍᑦ, ᓯᕗᓕᑦᑕᓗ ᐊᑐᖅᓯᒪᔭᖏᑦ ᐊᒻᒪᓗ ᐱᖅᑯᓯᑐᖃᒃᑯᑦ ᐃᓅᓇᓱᐊᕈᑎᐅᓂᖏᓐᓄᑦ. ᓄᑖᑦ ᐱᓕᕆᔾᔪᑎᐅᓂᐊᖅᑐᑦ ᐱᖃᓯᐅᔾᔨᕗᑦ ᓄᓇᖅᑲᑎᒌᓂᒃ ᐊᖑᓇᓱᒍᔾᔨᓂᕐᒥᒃ ᐊᒻᒪᓗ ᐊᖑᓇᓱᒍᓐᓇᕈᑎᑖᕐᓂᕐᒥᒃ, ᑖᒃᑯᐊᖑᓪᓗᑎᒃ ᒥᑭᔫᑕᐅᓂᕐᓴᐃᑦ ᐊᖑᓇᓱᒍᑏᑦ ᓱᓇᒃᑯᑖᓂᒃ, ᐊᑦᑕᓐᓇᐃᔭᕈᑎᓂᒃ ᐊᒻᒪᓗ ᐱᕐᕈᓗᐊᕿᔪᓄᑦ ᐃᑲᔪᕈᑎᓂᒃ ᐱᓕᕆᔾᔪᑏᑦ.
“ᑕᐃᒃᑯᐊ ᓯᕗᓪᓖᑦ ᐱᓕᕆᔾᔪᑕᐅᕙᓚᐅᕐᑐᑦ ᖃᐅᔨᓴᕐᑕᐅᑦᑎᐊᓚᐅᕐᑐᑎᒃ, ᓄᓇᕗᑦ ᑐᙵᕕᒃ ᑎᒥᖓ ᐊᑐᓕᕐᑎᑦᑎᑲᓐᓂᓂᐊᕐᑐᑦ ᓄᓇᕗᖕᒥ ᐊᖑᓇᓱᒃᑎᓂᒃ ᐃᑲᔪᕈᑎᓂᒃ ᐱᓕᕆᔾᔪᑎᓂᒃ ᐊᑑᑎᖃᑦᑎᐊᓂᕐᓴᐅᓗᓂ ᐊᒻᒪᓗ ᐱᔪᓐᓇᕈᑕᐅᓗᓂ ᐱᔭᐅᔭᕆᐊᖃᓪᓚᕆᒃᑐᓂᒃ ᐃᓄᖕᓄᑦ ᐊᖑᓇᓱᒃᑎᓄᑦ. ᓄᓇᕗᖕᒥ ᐊᖑᓇᓱᒃᑎᓂᒃ ᐃᑲᔪᕈᑎᓂᒃ ᐱᓕᕆᔾᔪᑏᑦ ᐊᑑᑎᖃᕈᒫᕐᓂᐊᕐᑎᑕᐅᕗᑦ ᐊᔪᕐᓴᓗᐊᕐᐸᒃᑐᑦ ᐊᔪᕐᓴᖏᒃᐹᓪᓕᖁᓪᓗᒋᑦ ᐊᒻᒪᓗ ᐃᓄᖕᓂᒃ ᑮᓇᐅᔭᕐᑎᒍᑦ ᐃᑲᔪᕈᑎᓂᒃ ᓂᐅᕕᕈᓐᓇᖁᓪᓗᒋᑦ ᐊᖑᓇᓱᒍᓐᓇᐅᑎᓂᒃ,” ᐅᖃᖅᑐᖅ ᐃᑦᑐᓗᒃ.
ᑐᒃᓯᕋᕈᑎᑦ ᐊᒻᒪᓗ ᑐᑭᓯᐅᒪᒍᑎᑦᓴᑦ ᐊᑐᐃᓐᓇᐅᓕᓛᕐᑐᑦ ᐃᐱᕆ 1-ᖑᓕᕐᐸᑦ ᓄᓇᕗᑦ ᑐᙵᕕᒃ ᑎᒥᖓᑕ ᖃᕆᑕᐅᔭᒃᑯᑦ ᑐᕌᕈᑖᓂ, ᓄᓇᓕᖕᓂ ᐊᖑᓇᓱᒃᑐᓕᕆᔨᒃᑯᑦ ᑲᑐᔾᔨᖃᑎᒌᖏᓐᓂ ᐊᒻᒪᓗ ᓄᓇᓕᖕᓂ ᑐᖅᑲᑕᕐᕕᓂ.
ᑐᑭᓯᒋᐊᑲᓐᓂᕈᓐᓇᖅᐳᑎᑦ:
ᑮᐅᕆ ᒪᑲᓪᔅᑭ
ᑐᑭᒧᐊᒃᑎᑦᑎᔨ ᑐᓴᐅᒪᖃᑦᑕᐅᑎᓕᕆᔨᒃᑯᓐᓂ
ᓄᓇᕗᑦ ᑐᙵᕕᒃᑯᑦ ᑎᒥᖓᑦ
ᐅᖄᓚᐅᑖ: (867) 975-4914 ᐊᑭᓕᕆᐊᖃᙱᑦᑐᖅ: 1- 888-646-0006
ᐅᖄᓚᐅᑎᕋᓛᖓ: (867) 222-2893
> www.tunngavik.com<https://www.tunngavik.com/>
