(ᓯᑎᐱᕆ 12, 2017 − ᐃᖃᓗᐃᑦ, ᓄᓇᕗᑦ) ᓄᓇᕗᑦ ᑐᓐᖓᕕᑦ ᑎᒥᖓᑦᑕ ᐊᖓᔪᖅᑳᖓᑦ ᐊᓗᑭ ᑰᑦᑎᒻ ᐅᓪᓗᒥ ᓴᖅᑭᑦᑎᔪᖅ ᐅᓂᑳᒥᑦ ᓇᓗᓇᐃᖅᓯᓪᓗᓂ ᐊᖏᔪᐊᓗᓂᖏᑦ ᒪᑭᒪᐅᑎᒃᓴᑦ ᖃᓄᐃᓕᖓᓂᖏᓐᓂᒃ ᐱᑕᖃᖅᑎᑦᑎᖏᓗᐊᕐᓂᑦ ᐃᓄᖕᓂᖕᑦ ᑲᓇᑕᐅᑉ ᐊᒻᒪᓗ ᓄᓇᕗᑦ ᒐᕙᒪᒃᑯᖏᓐᓂᒃ ᐱᓕᕆᑎᑦᑎᓂᕐᒥᑦ ᓄᓇᕗᒥ.
ᐅᓂᒃᑳᖅ ᓇᓚᐅᑦᑕᖅᓯᒪᔭᖓ ᔭᒐᐃᓯᒪᓂᕐᒥᑦ ᓄᓇᕗᑦ ᐃᓄᐃᖏᓐᓄᑦ ᒐᕙᒪᒃᑯᑦ ᐱᓕᕆᑎᑦᑎᓂᖏᓐᓂᒃ ᐃᒪᓐᓇ ᐅᓄᕐᓂᓕᖕᓂᑦ $1.284− ᐱᓕᔭᓂᒃ ᐱᒋᐊᖅᖢᒍ 2017-2023-ᒧᑦ. ᐅᓂᒃᑲᖅ ᓱᓕ ᓇᓚᐅᑕᐃᔪᖅ ᐊᑭᖏᓐᓂᒃ ᐅᑯᓄᖓ ᒐᕙᒪᐅᔪᓄᑦ ᑕᐃᒪᓐᓇᓴᐃᓐᓇ ᐅᑭᐅᑦ ᐊᑐᖅᖢᒋᑦ ᐃᒪᓐᓇᐃᓂᓐᓂᐊᖏᓐᓂᒃ $519.−ᒥᓕᔭᓐᓂᒃ.
ᐅᓪᓗᒥ ᑐᑭᖏᑦ, ᐃᓄᐃᑦ ᑭᒡᒐᖅᑐᐃᔪᑦ ᒐᕙᒪᒃᑯᓐᓂ ᐃᒪᓐᓇᐃᓇᔭᕐᓂᐊᓂᒃ ᐱᓕᕆᔪᑦ 85−ᐳᓴᓐ ᐱᓕᕆᐊᖑᔪᓕᒫᓂ ᐅᓄᕐᑐᑦ ᐊᑯᓐᓂᖏᓐᓂ ᐊᒻᒪᓗ ᐃᓕᓐᓂᐊᕐᓂᖏᑦᑕ ᖁᑦᑎᖕᓂᖏᓐᓂᒃ. ᒐᕙᒪᒃᑯᑦ ᓄᓇᕗᒥ ᐱᓕᕆᑎᑦᑎᓂᕐᑦ ᓄᖅᑲᖅᑎᑦᑎᓯᒪᔪᑦ ᐃᒻᒪᖄ ᓇᓚᐅᑦᑕᖅᖢᒋᑦ 50−ᐳᓴᓐᓂᒃ ᖁᑉᐸᓪᓗᐊᖓᓂᒃ ᐃᓚᐅᑎᑦᑎᓂᕐᒥᑦ ᐊᖏᓂᖏᑦᑕ, ᑲᒪᒋᓪᓗᒋᑦ ᐊᑦᑎᖕᓂᖅᓴᐃᓗᑦ ᐊᑭᓕᐅᓯᐊᖑᕙᒃᑐᑦ ᐱᓕᕆᕆᓂᕐᒧᑦ ᐊᖏᓂᖏᑦᑕ ᐃᓕᓐᓂᐊᕐᓂᖏᑦ ᒪᓕᒃᖢᒋᑦ, ᐃᒪᓐᓇᐃᑎᓪᓗᒋᑦ ᑲᓇᑕᐅᑉ ᒐᕙᒪᒃᑯᖏᑦ ᐱᓕᕆᑎᑦᑎᓂᖏᑦ ᐊᑦᑎᖕᓂᖅᓴᒻᒪᕆᐅᑎᓪᓗᒋᑦ.
ᐃᓗᐃᑦᑐᒥᑦ ᐊᑐᓕᖅᑎᑦᑎᓂᕐᒧᑦ ᐃᓂᓪᓚᐃᓂᒃᑯᑦ ᐃᓛᒃᑰᖅᑐᐊᓂ 23 ᐱᒻᒪᕆᐅᓚᐅᖅᑐᑦ ᐃᓚᐊᓂ ᐃᖅᑲᖅᑐᐃᕕᖕᒧᑦ ᐃᓕᓯᓯᒪᓂᕐᒥᑦ ᓴᖅᑭᑎᑕᐅᓪᓗᑎᒃ ᓄᓇᕗᑦ ᑐᓐᖓᕕᒃ ᑎᒥᖓᓐᓄᑦ 2006−ᒥ ᐊᒻᒪᓗ ᐃᒪᓐᓇᐃᓕᓚᐅᖅᑐᑦ ᐊᓂᓪᓗᑎᒃ ᐃᖅᑲᖅᑐᐃᕕᓕᕆᓂᕐᒥᑦ ᐊᒻᒪᓗ ᐋᖅᑭᖃᑎᒌᒃᖢᑎᒃ ᐊᖏᖃᑎᒌᒃᓂᒃᑯᑦ ᑐᓂᔭᐅᓪᓗᑎᒃᓗ ᐅᑎᖅᑎᕝᕕᐅᓂᕐᒥᑦ ᐊᑐᖏᓗᐊᕐᓂᖏᓐᓂᒃ ᐃᓛᒃᑰᖅᑐᐊᓂ 23 ᐊᑐᓕᖅᑎᑕᐅᓂᐊᓂᒃ ᐃᓂᓪᓚᐃᓂᒃᑯᑦ ᑎᑭᐅᑎᓪᓗᒍ ᐅᑭᐅᖓ 2015. “ᐱᑕᖃᖅᑎᑦᑎᖏᓗᐊᕐᓂᐊ ᐃᓄᐃᑦ ᑭᒡᒐᖅᑐᐃᓂᖏᓐᓂᒃ ᒐᕙᒪᒃᑯᑦ ᐱᓕᕆᕕᖏᓐᓂ ᐊᐃᕙᔾᔪᑕᐅᔪᓐᓇᖅᑐᑦ ᐊᑕᐅᓯᖅ ᐊᖏᓂᖅᐹᖅ ᐊᔪᕈᑎᐅᓂᐊ ᑲᔪᓯᓪᓗᑎᑦ ᒪᑭᒪᐅᑎᑦᑎᐊᕙᒃᓴᐅᓂᖏᓐᓄᑦ ᖃᓄᐃᖏᑦᑎᐊᕐᓗᑎᒃ ᐃᓄᐃᑦ ᓄᓇᕗᒥ” ᐅᖃᖅᑐᖅ ᑰᑦᑎᖅ.
ᑰᑦᑎᖅ ᐃᓚᓯᔪᖅ ᐅᖃᖅᑕᖏᓐᓂᒃ ᑕᒪᓐᓇ ᒪᑭᒪᐅᑎᒃᓴᓂᒃ ᐊᓯᐅᔨᓂᑦ ᐃᓚᒋᑐᐃᓐᓇᖅᑕᖓ ᐅᓂᒃᑳᖅᑕᐅᔪᓂᒃ. “ᐱᑕᖓᖏᓐᓂᒃ ᐊᓚᒃᑲᐅᒪᓗᑎᒃ ᐃᓄᐃᑦ ᑭᒡᒐᖅᑐᐃᓂᖏᑦ ᒐᕙᒪᒃᑯᓐᓂ ᓯᓚᐃᕐᕆᐊᖃᖅᓯᒪᓂᑦ ᑐᑭᖏᓐᓂᒃ ᓄᓇᕗᑦ ᑕᐅᑐᖅᑰᖅᑕᖓᓐᓂ ᐊᑲᐅᓯᓕᖅᑎᑦᑎᕚᓪᓕᖅᑎᑦᑎᓯᒪᓂᕐᒥᑦ ᐃᓄᐃᑦ ᓇᖕᒥᓂᖅᓱᕐᓂᕐᒥᑦ ᒪᑭᒪᓂᒃᑯᑦ, ᐊᒻᒪᓗ ᓴᓇᓗᑎᒃ ᒐᕙᒪᐅᔪᒥᑦ ᐱᓕᕆᐊᖑᔪᓂᒃ ᐊᒻᒪᓗ ᐱᔨᑦᑎᕋᕐᓂᕐᒧᑦ ᐃᓗᐃᑦᑐᒥᑦ ᐊᑕᐅᔪᓂᒃ ᐃᓄᐃᑦ ᐅᖃᐅᓯᖏᓐᓄᑦ ᐊᒪᓗ ᐱᖅᑯᓯᖏᓐᓄᑦ”, ᐅᖃᖅᑐᖅ ᑰᑦᑎᖅ. “ᐊᓯᖏᑦ ᐃᓚᖓᓂ ᑲᓇᑕᐅᑉ ᐊᖏᖅᓯᓯᒪᓇᔭᖅᑎᓪᓗᒋᑦ ᐃᓕᖓᔪᓂ ᐃᒪᓐᓇᓗ, ᐆᒃᑑᑎ ᐅᓇ 70−ᐳᓴᑦ ᐃᓕᓴᐃᔨᑦ ᐱᔭᐅᓇᔭᖅᑐᑦ ᐃᖅᑲᓇᐃᔭᖅᑎᑕᐅᓗᑎᒃ ᓯᓚᑖᓂᑦ ᓄᓇᕗᑦ, ᐊᒻᒪᓗ ᓂᕆᐅᒋᔭᐅᓇᑎᒃ ᐃᓄᐃᑦ ᐅᖃᐅᓯᖏᓐᓂᑦ ᐅᖃᕈᓐᓇᕐᓂᖏᓐᓂᒃ ᖃᐅᔨᐅᓗᑎᒃᓗ, ᐱᒃᑯᓇᕐᓂᖏᓐᓂᒃ ᐊᒻᒪᓗ ᓄᓇᓕᖕᒥ ᑐᑭᓯᐊᓂᕐᒥᑦ.”
ᓄᓇᕗᑦ ᑐᓐᖓᕕᒃ ᑎᒥᖓᑦ ᐃᒃᐱᒋᔭᒥᖕᓂᒃ ᐅᖃᖅᑐᑦ ᐊᒃᓱᕈᕐᓇᕐᓂᖏᓐᓂᒃ ᑕᒪᒃᑯᐊ ᐃᓄᐃᑦᑐᒥᑦ ᐃᓄᐃᑦ ᐃᖅᑲᓇᐃᔭᖅᑎᑕᐅᓂᒃᓴᖏᓐᓄᑦ ᐸᕐᓇᐅᑎᒃᑯᑦ, ᑐᕌᖅᑕᐅᔪᑦ ᐊᒻᒪᓗ ᐱᕕᒃᓴᐃᑦ ᐅᓪᓗᐃᑦ ᐊᖏᒃᓕᒋᐊᖅᑕᐅᓂᖏᑦ ᐅᓄᒃᓯᒋᐊᕐᓗᒋᑦ ᐃᓄᐃᑦ ᐃᖅᑲᓇᐃᔮᒃᓴᖏᑦ ᐃᖅᑲᓇᐅᔮᖏᑦ, ᐱᐊᓂᒃᓯᒪᔭᕆᐊᖃᓚᐅᖅᓯᒪᔪᑦ ᐊᑐᓂᑦ ᑲᓇᑕᐅᑉ ᐊᒻᒪᓗ ᓄᓇᕗᑦ ᐱᓕᕆᕕᖏᓐᓂᒃ ᑎᑭᐅᑎᓗᒍ 1996. ᓱᓕ ᐱᐊᓂᒃᓯᒪᖏᑦᑐᑦ.
“ᑕᒪᓐᓇ ᓈᒻᒪᖏᑦᑐᖅ ᑕᐃᒪᐃᓪᓗᓂ. ᓴᖅᑭᑦᑐᖃᕆᐊᖃᓕᖅᑐᖅ ᓱᑲᔪᒥᑦ ᓴᖑᑎᑦᑎᓂᕐᒥᑦ ᒐᕙᒪᓕᕆᔨᒃᑯᑦ ᑕᐅᑐᓕᕐᓗᑎᑦ ᑕᒪᑦᓱᒧᖓ ᓱᑲᔪᒥᑦ ᐊᒻᒪᓗ ᐱᔪᒪᓂᖃᓕᕐᓗᑎᒃ” ᐅᖃᖅᑐᖅ ᑰᑦᑎᖅ.
-30-
ᑐᑭᓯᒃᑲᓐᓂᕈᒪᒍᕕᑦ ᓱᓕ:
ᑭᐅᕋᓐ ᕕᓕᐅᕆᑎ
ᑐᑭᒧᐊᒃᑎᑦᑎᔨᐅᑲᐃᓐᓇᖅᑐᑦ
ᓄᓇᕗᑦ ᑐᓐᖓᕕᒃ ᑎᒥᖓᑦ
ᐅᖄᓚᐅᑎᐊ: (867) 975-4941 ᐊᑭᖃᖏᑦᑐᖅ: 1-888-646-0006
