ᑐᓴᕋᑦᓴᓕᕆᔩᑦ

ᑐᓐᖓᕕᒃᑯᑦ ᑐᓐᖓᓴᐃᔪᑦ ᑯᐃᓐ ᐃᕐᓂᖓᓂᒃ ᓄᓕᐊᖓᓂᓪᓗ ᓄᓇᕗᒻᒧᑦ

ᓄᓇᕗᑦ ᑐᙵᕕᒃ ᑎᒥᖓᑕ ᐊᖓᔪᖅᑳᖓ ᐊᓗᑭ ᑰᑦᑎᖅ ᐃᑉᐸᑦᓴᖅ ᑐᓐᖓᓴᐃᓚᐅᖅᑐᖅ ᐃᖃᓗᖕᓄᑦ ᑰᐃᑉ ᐃᕐᓂᖓᓂᒃ Prince of Wales ᐊᒻᒪᓗ ᓄᓕᐊᖓᓂ Duchess of Cornwall ᐊᒻᒪᓗ ᐅᖃᖅᑲᐅᓪᓗᓂ ᖁᔭᓕᓂᕋᖅᑐᓂᒃ ᐳᕆᓐᔅᒥᒃ ᐃᓄᒃᑐᑦ ᐅᖃᐅᓯᕐᓂᒃ ᐃᑲᔪᕐᓯᓯᒪᓂᖓᓂᒃ ᐊᒻᒪᓗ ᐃᓄᐃᑦ ᐃᓕᖅᑯᓯᖏᓐᓂᒃ.

“ᐊᒃᓱᒻᒪᕆᐊᓗᒃ ᐃᒃᐱᓇᕐᑐᖅ ᑐᓵᓪᓗᒍ ᑰᐃᑉ ᐃᕐᓂᖓ  ᐃᓄᒃᑐᑦ ᐅᖃᓪᓚᑎᓪᓗᒍ. ᒫᓐᓇᕋᑖᖑᔪᔪᖅ ᑐᓐᓂᐅᑎᒋᔪᓐᓇᕐᑕᖏᑦᑎᒍᑦ ᐸᐸᑕᓂᒃ ᑲᓇᑕᒥ ᐃᑲᔪᓐᓂᖃᕋᓱᐊᕐᓯᒪᒻᒪᑦ ᐃᓄᒃᑐᑦ ᐅᖃᐅᓯᖅ ᐱᕚᓪᓕᖁᓪᓗᓂᐅᒃ ᑖᓐᓇᓗ ᖁᕕᐊᒋᓪᓗᒍ ᑐᙵᓱᒃᑎᑕᕋ”, ᐅᖅᑲᖅᑐᖅ ᑰᑦᑎᖅ.

ᒪᕐᕈᐃᓇᐅᖕᒪᑎᒃ ᒐᕙᒪᖃᖅᕕᐅᔫᒃ ᓄᓇᐃᑦ ᑲᓇᑕᒥ ᖃᓪᓗᓈᑑᙱᒃᑐᖅ ᐅᖃᐅᓯᕐᓚᕆᒻᒥᓂᒃ ᐊᑑᑎᖃᖅᑎᑦᑎᔫᒃ: ᓄᓇᕗᑦ ᐊᒻᒪᓗ ᑯᐸᐃ. ᑲᓇᑕ ᐱᕙᓪᓕᑎᑦᑎᔪᐊᕆᐊᖃᖅᐳᖅ ᐃᓄᒃᑐᑦ ᐊᒻᒪᓗ ᐃᓄᐃᑦ ᐃᓕᖅᑯᓯᖏᓐᓂᒃ.

“ᑕᒪᕐᒥᒃ ᑭᓇᒃᑯᑐᐃᓐᓇᕐᓄᑦ ᐱᔨᑦᑎᕈᑏᑦ ᐃᓄᒃᑑᖓᔭᕆᐊᖃᕋᓗᐊᕐᒪᑕ ᐃᓄᐃᑦ ᐃᓄᒋᐊᓐᓂᕐᓴᐅᖕᒪᑕ. ᐱᒻᒪᕆᐅᕗᖅ ᐃᓄᒃᑐᑦ ᐅᖃᐅᓯᖅ ᐊᑑᑎᖃᖅᑎᑕᐅᒃᑲᓐᓂᕆᐊᖃᓐᓂᖓᓂᒃ ᐊᒻᒪᓗ ᐳᐃᒍᖅᑕᐅᑦᑕᐃᓕᒪᑎᓪᓗᒍ ᐊᑑᑎᖃᖅᑎᑕᐅᖏᓐᓇᓂᐊᕐᒪᑦ ᐅᓪᓗᒥ. ᐱᒻᒪᕆᐅᕗᖅ ᐃᓅᓱᒃᑐᓄᑦ ᖃᐅᔨᒪᔭᐅᑎᒋᐊᖃᖅᐸᕗᑦ ᐊᒻᒪᓗ ᑎᓕᐅᕆᔾᔫᒥᕙᓪᓗᑕ ᐊᑐᖅᑕᐅᔫᒥᖁᓪᓗᒍ ᐃᓅᓯᒃᑎᓐᓂ.” ᐅᖃᓚᐅᖅᑐᖅ.

ᐳᐃᒍᖅᑕᐅᔭᕆᐊᖃᙱᓐᓂᖓ ᐃᓄᒃᑐᑦ ᐅᖃᐅᓯᐅᑉ ᐃᓄᐃᑦ ᐃᒻᒥᒃᑯᑦ ᐃᓱᒪᓕᐅᕈᓐᓇᕋᓱᐊᕐᓂᕐᒥᓄᑦ, ᓴᐃᒻᒪᖃᑎᒌᓐᓂᕐᒧᑦ, ᐊᒻᒪᓗ ᐱᔪᓐᓇᓂᖅᑖᑲᓐᓂᕈᑕᐅᓗᓂ. ᑰᑦᑎᖅ ᐅᖃᖅᑲᐅᔪᖅ ᓂᕆᐅᓐᓂᖃᑦᑎᐊᓐᓂᕋᖅᑐᓂ ᐱᔪᒥᒋᔭᖃᓐᓂᖓᓂᒃ ᑰᐃᑉ ᐃᕐᓂᖓ ᐊᒻᒪᓗ ᑐᓐᓂᐅᑎᒋᔪᓐᓇᕐᑕᖏᑦᑎᒍᑦ ᑎᒥᖁᑖ ᑲᔪᖏᓕᖅᐹᓪᓕᕈᑕᐅᔪᓐᓇᕐᒪᑦ ᑲᓇᑕᒥ.

-30-

ᑐᑭᓯᒋᐊᒃᑲᓂᕐᕕᒃᓴᖅ:

ᑮᐅᕆ ᒪᑲᓪᔅᑭ
ᑐᑭᒧᐊᒃᑎᑦᑎᔨ ᑐᓴᐅᒪᖃᑦᑕᐅᑎᓕᕆᔨᒃᑯᓐᓂ
ᐅᖄᓚᐅᑖ: (867) 975-4914
ᐊᑭᓕᕆᐊᖃᙱᑦᑐᖅ: 1- 888-646-0006
ᐅᖄᓚᐅᑎᕋᓛᖓ: 867-222-2893

www.tunngavik.com