ᑐᓴᕋᑦᓴᓕᕆᔩᑦ

ᐱᖓᓱᑦ ᐃᓄᐃᑦ ᑯᐃᑉ ᑭᒡᒐᑐᖅᑎᖓᑕ ᑐᓂᕙᖏᑦ ᐃᓕᓴᕆᔭᐅᔾᔪᑎᓂᒃ

ᓄᓇᕗᑦ ᑐᙵᕕᒃ ᑎᒥᖓᑕ ᐊᖓᔪᖅᑳᖓ ᐊᓗᑭ ᑰᑦᑎᖅ ᐅᓪᓗᒥ ᐅᐱᒋᔭᖃᖅᑲᐅᕗᑦ ᐱᖓᓱᓂᒃ ᓄᓇᕗᖕᒥᐅᓂᒃ ᐃᓄᖕᓂᒃ ᐃᓕᓴᕆᔭᐅᔾᔪᑎᒥᒃ ᐱᑎᑕᐅᔪᓂᒃ ᑯᐃᑉ ᑭᒡᒐᑐᖅᑎᖓᑕ ᐃᓕᓴᕐᓯᔾᔪᑎᒋᓲᖏᓐᓂᒃ. ᑕᕆᔭᒐᒃᓴᓕᐅᖅᑎ ᐊᒻᒪ ᓂᐱᒋᔭᐅᓲᖅ ᐊᓕᑎᐊ ᐊᕐᓇᖅᑯᖅ-ᐳᓕᐊᓪ ᐱᔾᔪᓯᐊᖅᑖᖅᑐᖅ ᐅᐱᒍᓲᑎᒥᒃ ᓴᓐᓂᖓᔪᓕᖕᒥᒃ; ᐃᓄᐃᑦ ᐃᓕᖅᑯᓯᑐᖃᖓᒍᑦ ᑐᓐᓂᓕᐅᖅᑎᑦ ᕼᐅᕙᒃ ᔮᓐᔅᑕᓐ ᐱᔾᔪᓯᐊᖅᑖᖅᑐᖅ ᐅᐱᒍᓲᑎᒥᒃ; ᐊᒻᒪᓗ ᕼᐋᑭᖅᑎ ᔪᐊᑕᓐ ᑐᑐ ᐱᔾᔪᓯᐊᖅᑖᖅᑐᖅ ᐅᐱᒍᓲᑎᒥᒃ. ᑕᒪᕐᒥᒃ ᐱᖓᓱᑦ ᐃᓄᐃᑦ ᐃᓕᓴᕆᔭᐅᕗᑦ ᐊᖏᔪᓪᓗᐊᒥᒃ ᐃᑲᔪᕐᓯᒪᓂᖏᓐᓄᑦ ᓄᓇᖃᖅᑳᕐᓯᒪᓪᓗᑎᒃ ᓯᕗᓕᕐᑎᐅᓂᖏᓐᓄᑦ.

“ᐃᓕᓴᕆᔭᐅᔾᔪᑎᑖᖏᑦ ᐊᓕᑎᐊᑉ, ᕼᐅᕙᑉ ᐊᒻᒪᓗ ᔪᐊᑕᓐ ᓴᖅᑭᒍᑕᐅᕗᑦ ᖃᐅᔨᒪᓂᖏᓐᓄᑦ, ᓴᓇᑐᓂᖏᓐᓄᑦ ᐊᒻᒪᓗ ᐱᔭᕇᕈᓐᓇᕐᓯᒪᔭᖏᓐᓄᑦ ᐃᓄᖕᓃᖔᖅᑐᑦ. ᑕᒪᓐᓇ ᖁᕕᐊᓱᒍᑎᖃᓐᓂᕗᑦ ᐃᖅᑲᐃᔾᔪᑎᐅᕙᓐᓂᐊᕐᐳᖅ ᐱᔪᓐᓇᓂᑦᑎᓐᓄᑦ ᐊᒻᒪᓗ ᑲᔪᖏᓕᕐᑎᑦᑎᔪᓐᓇᓂᕐᒧᑦ ᐃᓄᐃᑦ ᐊᔪᖏᓂᖅᐹᖑᑕᐅᔪᓐᓇᖁᓪᓗᒋᑦ. ᖃᓄᐃᑦᑐᑐᐃᓐᓇᕐᓂᒃ ᐱᔪᒪᔭᖃᖅᓯᒪᒐᓗᐊᕈᑦᑕ ᐱᓇᓱᐊᕐᓂᐊᕐᑕᑎᓐᓂᒃ, ᓯᕗᒧᒋᐊᕈᑎᒋᓚᕗᑦ ᐱᐅᓂᕐᓴᒥᒃ ᓯᕗᓂᖃᖁᓪᓗᑕ. ᖁᕕᐊᓲᑎᒋᕙᒃᑲ ᑐᓂᔭᐅᔪᑦ!” ᐅᖃᖅᑐᖅ ᑰᑦᑎᖅ.

ᑰᒃᑎᐅᑉ ᐅᐱᒋᖃᐅᕙᐃᑦ ᐊᒻᒪᓗ ᖁᔭᒋᓪᓗᒋᑦ ᑕᒪᕐᒥᒃ ᐅᓪᓗᒥ ᐃᓕᓴᕆᔭᐅᔾᔪᑎᑖᖅᑐᑦ ᓯᕗᓕᕐᑎᐅᓯᒪᓂᖏᓐᓄᑦ ᐱᓕᕆᖃᑕᐅᓪᓗᑎᒃ. ᑐᓂᔭᐅᖅᑲᐅᕗᑦ ᐃᓕᓴᕆᔭᐅᔾᔪᑎᒥᓂᒃ ᓄᓇᖃᖅᑳᖅᓯᒪᔪᑦ ᐃᓕᓴᕆᔭᐅᔾᔪᑎᖏᓐᓄᑦ ᑐᓂᐅᖅᑲᑦᑕᐅᑎᓪᓗᒋᑦ ᕇᑐ ᕼᐋᓪᒥ ᐊᑑᕚᒥ ᐅᓪᓗᒥ.

ᑐᑭᓯᒋᐊᑲᓐᓂᕈᓐᓇᖅᐳᑎᑦ:

ᑮᐅᕆ ᒪᑲᓪᔅᑭ
ᑐᑭᒧᐊᒃᑎᑦᑎᔨ ᑐᓴᐅᒪᖃᑦᑕᐅᑎᓕᕆᔨᒃᑯᓐᓂ
ᓄᓇᕗᑦ ᑐᙵᕕᒃᑯᑦ ᑎᒥᖓᑦ
ᐅᖄᓚᐅᑖ: (867) 975-4914 ᐊᑭᓕᕆᐊᖃᙱᑦᑐᖅ: 1- 888-646-0006 ᐅᖄᓚᐅᑎᕋᓛᖓ: (867) 222-2893

www.tunngavik.com

 

ᑐᑭᓯᒋᐊᒃᑲᓐᓂᕈᒪᒍᕕᑦ ᓱᓕ:
ᓄᓇᕗᑦ ᑐᓐᖓᕕᒃᑯᑦ ᑎᒥᖁᑎᖓᑦ
ᐅᖄᓚᐅᑦ:
ᐅᖓᓯᒃᑐᒥᒃ ᐊᑭᖃᖏᑦᑐᖅ: