(ᕕᕝᕗᐊᓕ 9, 2021 – ᐃᖃᓗᐃᑦ, ᓄᓇᕗᑦ) ᓄᓇᕗᑦ ᑐᙵᕕᒃ ᑎᒥᖓᓄᑦ (ᑐᙵᕕᒃ) ᓂᕈᐊᖅᑐᓕᕆᔨᒻᒪᕆᒃ ᑳᑎᓖᓐ ᓯᒍᑦᓴᓐ ᐅᓪᓗᒥ ᑐᓴᖅᑎᑦᓯᔪᖅ ᐊᓗᑭ ᑰᑦᑎᖅ ᓂᕈᐊᖅᑕᐅᑲᓐᓂᕆᐊᖓ ᑐᙵᕕᒃᑯᑦ ᐊᖓᔪᖅᑳᖓᓄᑦ 69% ᓂᕈᐊᕈᑎᓄᑦ.
ᑰᑦᑎᖅ ᐊᖓᔪᖅᑳᕆᔭᐅᓂᐊᖅᑐᖅ ᓯᑕᒪᓄᑦ−ᐊᕐᕌᒍᓄᑦ, ᑏᓰᒻᐱᕆ 2024-ᒧᓄᑦ.
ᑰᑦᑎᖅ ᑐᙵᕕᒃᑯᓐᓄᑦ ᑲᑎᒪᔨᐅᓂᐊᖅᑐᖅ, ᓯᕗᓕᖅᑏᑦ ᑲᑎᒪᔨᕋᓛᖏᓐᓄᑦ, ᐃᓄᐃᑦ ᐃᓅᓯᖏᓐᓄᑦ ᐃᓕᖅᑯᓯᖓᓄᑦ ᐱᕙᓪᓕᐊᑎᑦᓯᓂᕐᒧᑦ ᖃᐅᔨᒪᔨᑕᑦ ᑲᑎᒪᔨᕋᓛᖏᓐᓄᑦ ᐊᒻᒪᓗ ᐃᒃᓯᕙᐅᑕᐅᓗᓂ ᑐᙵᕕᒃᑯᑦ ᑎᒥᖁᑎᖏᓐᓄᑦ ᑲᑐᔾᔨᖃᑎᒌᓄᑦ ᒪᑭᒋᐊᖅᑕ ᐃᓄᐃᑦ ᐱᓕᒻᒪᓴᕐᓂᕐᒧᑦ ᑯᐊᐳᕇᓴᓐ, ᓄᓇᕗᒻᒥ ᐃᓄᐃᑦ ᑮᓇᐅᔭᓂᒃ ᐃᓵᑦᓯᒍᑕᐅᔪᓂᒃ ᐸᐸᑦᑎᔩᑦ ᐊᒻᒪᓗ ᓄᓇᕗᑦ ᑐᙵᕕᒃ ᐃᑲᔫᑎᒃᓴᓕᕆᔨᒃᑯᑦ. ᑐᙵᕕᒃᑯᑦ ᐊᖓᔪᖅᑳᖓ ᑭᒡᒐᖅᑐᐃᓂᐊᕐᒥᔪᖅ ᓄᓇᕗᒻᒥ ᐃᓄᓐᓂᒃ ᑲᑎᒪᔨᖏᓐᓄᑦ ᐃᓄᐃᑦ ᑕᐱᕇᑦ ᑲᓇᑕᒥ, ᐃᓄᐃᑦ ᑯᐃᓐ ᐱᓇᓱᐊᖃᑎᒌᑦ ᑲᑎᒪᔨᕋᓛᑦ ᐊᒻᒪᓗ ᐃᒃᓯᕙᐅᑕᐅᖃᑕᐅᓪᓗᓂ ᓄᓇᑖᖅᓯᒪᔪᓂᒃ ᐊᖏᕈᑎᒃᑯᑦ ᑲᑐᔾᔨᖃᑎᒌᖏᓐᓄᑦ.
ᐊᓗᑭ ᑰᑦᑎᖅ ᐊᒻᒪᓗ ᐋᓐᑐᕉ ᓇᑲᓱᒃ ᑕᒪᒃᑮᒃ ᓂᕈᐊᕋᑦᓴᐅᓚᐅᖅᑑᒃ ᐊᖓᔪᖅᑳᒧᒃ ᓂᕈᐊᕐᓂᕐᒥ.
ᓂᕈᐊᕆᐊᖅᑐᓚᐅᖅᑐᑦ ᖃᓂᒋᔮᓃᑦᑐᑦ 17.5 ᐳᓴᓐ.
ᐊᕕᑦᑐᖅᓯᒪᔪᑦ ᓂᕈᐊᕈᑎᒥᓃᑦ ᑕᑯᓂᐊᕋᑦᓴᐃᑦ ᐊᑐᐃᓐᓇᐅᔪᑦ ᐅᕙᓂ
Election Results (UNOFFICIAL) – 2020 NTI President Elections (tunngavik.com)
ᑐᑭᓯᒋᐊᒃᑲᓂᕐᕕᒃᓴᖅ:
ᑳᑎᓖᑦ ᓯᒍᑦᓴᓐ
ᓂᕈᐊᖅᑐᓕᕆᔨᒻᒪᕆᒃ
ᑲᖏᕐᖠᓂᖅ, ᓄᓇᕗᑦ X0C 0G0
ᓄᓇᓕᓐᓂ ᐅᖄᓚᐅᑖ 867-645-6716
