ᖃᕆᓴᐅᔭᒃᑯᑦ ᑕᑯᒃᓴᐅᓗᑎᒃ ᓄᓇᕗᑦ ᖁᕕᐊᓲᕕᖓᑕ ᐅᓪᓗᖓ!
(ᔪᓚᐃ 2, 2021 – ᐃᖃᓗᐃᑦ, ᓄᓇᕗᑦ) ᓄᓇᕗᑦ ᑐᙵᕕᒃ ᑎᒥᖓ ᑐᙵᓱᒃᑎᑦᑎᓛᕐᑐᑦ ᓄᓇᕗᑦ ᐅᓪᓗᖓᓂ ᖁᕕᐊᓱᒍᑕᐅᑎᓪᓗᒍ ᖃᕆᓴᐅᔭᒃᑯᑲᓐᓂᓂᐊᕐᒥᔪᑦ ᑕᒪᑐᒪᓂ ᐊᕐᕌᒍᑦᑎᓐᓂ − ᑭᓯᐊᓂ ᖁᕕᐊᓇᓛᕐᒥᔪᖅ!
ᓄᓇᕗᑦ ᐅᓪᓗᖓᓂᒃ ᐋᖅᑭᒃᓱᐃᕙᒃᑐᑦ ᑲᑎᒪᔨᕋᓛᖏᑦ ᐊᒃᓱᒻᒪᕆᐊᓗᒃ ᐱᓕᕆᓯᒪᒻᒪᑕ ᐃᓄᓕᒫᑦ ᐱᖃᑕᐅᓗᑎᒃ ᐃᓄᐃᑦ ᓄᓇᕗᑦ ᓯᓚᑖᓂ ᓄᓇᖃᖅᑐᑦ ᐱᖃᑕᐅᔪᓐᓇᖁᓪᓗᒋᑦ ᑕᒪᑐᒪᓂ ᐊᕐᕋᒍᑦᑎᓐᓂ ᖁᕕᐊᓱᒍᑎᖃᖅᑎᓪᓗᑕ.
ᑐᙵᕕᒃᑯᑦ ᒪᕐᕉᓐᓂᒃ ᐊᑭᑦᑐᕋᐅᑎᑎᑦᑎᔾᔪᑎᖃᓛᕐᑐᑦ ᐊᒻᒪ ᑕᑯᒃᓴᐅᑲᐅᑎᒋᓗᑎᒃ ᑎᓕᕖᓴᒃᑯᑦ:
- ᓂᕿᓕᐅᕐᓂᑭᓴᐅᑎᔪᑦ − ᖃᕆᑕᐅᔭᒃᑯᑦ ᓱᕈᓰᑦ ᓂᕿᓕᐅᕐᓂᑭᓴᐅᑎᑎᑕᐅᓗᑎᒃ, ᐃᓐᓇᓵᑦ ᐊᒻᒪ ᐃᓐᓇᐃ. ᓂᕿᓕᐅᕐᓂᑭᓴᐅᑎᖃᑕ ᓂᕿᓕᐅᕈᓯᕐᒥᓂᒃ ᓇᑦᓯᐅᔾᔨᓗᑎᒃ, ᐊᔾᔨᖑᐊᒥᒃ ᓂᕐᑎᐅᕐᓯᒪᔪᒥᒃ ᐊᒻᒪ ᓇᑦᓯᐅᑎᓗᓂᔾᔪᒃ. ᐃᓱᓕᒃᕕᒃᓴᖃᖅᑐᖅ ᔪᓚᐃ 4, 2021 ᑐᓂᓯᒌᖅᓯᒪᕕᒃᓴᒪᖓ. ᐊᑭᑦᑎᔪᑦ ᑐᓴᕐᑕᐅᑲᑦᑕᐅᓛᕐᑐᑦ ᔪᓚᐃ 9, 2021-ᒥ, ᑕᑯᒃᓴᐅᑲᐅᑎᒋᓗᑎᒃ ᑎᓕᕖᓴᒃᑯᑦ.
- ᐃᒡᓗᒥᑦ, ᐅᒥᕐᐊᒥᑦ ᐊᒻᒪ ᐃᒡᓗᕋᓛᒥᑦ ᑕᑯᒥᓇᕐᓕᕐᑎᓯᒪᓂᕐᒧᑦ ᐊᑭᑦᑐᕋᐅᑎᓂᖅ − ᐃᒡᓗᐃᑦ, ᐅᒧᐊᑦ ᐊᒻᒪ ᐃᒡᓗᕋᓛᑦ ᐊᑭᑦᑐᕋᐅᑎᔾᔪᑕᐅᔪᓐᓇᕐᐳᑦ, ᑐᙵᕕᒃᑯᑦ ᑐᑭᓯᓯᒪᑦᑎᐊᕐᑐᑦ ᐃᒡᓗᐃᑦ ᓄᓇᓕᖕᓂ ᖃᓄᐃᑦᑑᓂᖏᑦ ᐊᔾᔨᒌᙱᒻᒪᑕ ᐊᑐᓂᑦ ᓄᓇᓕᓕᒫᓂ. ᐅᐱᒋᔭᖃᓐᓃᑦ ᓄᓇᕗᖕᒥ ᑕᑯᒃᓴᐅᑎᒋᑦ ᑕᑯᔭᐅᔪᓐᓇᓂᐊᕐᒪᑦ ᓄᓇᕐᔪᐊᕐᒥᐅᖃᑎᓐᓄᑦ! ᐃᓱᓕᒃᕕᒃᓴᖓ ᐊᑭᑦᑎᖃᑕᐅᓇᓱᐊᕐᓂᕐᒧᑦ ᔪᓚᐃ 9, 2021. ᐊᑭᑦᑎᔾᔪᑦ ᑐᓴᕐᑕᐅᑲᑦᑕᐅᓛᕐᑐᑦ ᖃᕆᓴᐅᔭᕋᓛᒃᑯᑦ ᔪᓚᐃ 13, 2021-ᒥ.
- ᐅᕙᒍᑦ ᑎᓕᕖᓴᓕᕆᔨᒃᑯᑦ, ᐊᓕᐊᓇᐃᑦ ᑕᑯᕋᓐᓈᑎᑦᑎᓲᑦ ᐊᒻᒪ ᑐᙵᕕᒃᑯᑦ ᐱᓕᕆᔨᖏᑦ ᑲᑐᔾᔨᓗᑎᒃ ᑐᙵᓱᒃᑎᑎᔨᐅᓗᑎᒃ ᑕᑯᒃᓴᐅᑲᐅᑎᒋᓗᑎᒃ ᓄᓇᕗᑦ ᐅᓪᓗᖓᓂ. ᑕᑯᒃᓴᐅᑲᐅᑎᒋᓛᕐᑐᑦ ᐅᕙᒍᑦ ᑎᓕᕖᓴᖓᒍᑦ 7:00-ᒥ ᐅᓐᓄᒃᑯᑦ − 9:00-ᒨᕋᓱᐊᓐᓂᖓᓂ ᐅᓐᓄᒃᑯᑦ ᑲᓇᓐᓇᐅᑉ ᓯᕿᙳᔭᖓ ᒪᓕᓪᓗᒍ ᑕᑯᕋᓐᓈᖅᑕᐅᓛᕐᑐᑦ ᑑᒪ ᐊᒻᒪ ᓖᓇ, ᓗᐃ ᓱᓗᒃ, ᕼᐊᖅᑯᓪᓛᖅᑲᑎᒌᑦ, ᑎᐅᕆ ᐅᔭᕋ ᐊᒻᒪ ᓗᐃ ᐊᒻᒪ ᔭᐃᒥᓯ ᐋᕆᐊᖅ.
ᐱᔾᔪᓯᐊᒃᓴᓄᑦ ᑐᑭᓯᓯᒪᒍᑎ ᐊᒻᒪ ᐊᑭᑦᑐᕋᐅᑎᔪᓄᑦ ᓇᓗᓇᐃᔭᕈᑎᑦ ᑕᑯᔭᐅᔪᓐᓇᕐᐳᑦ ᑐᙵᕕᒃᑯᑦ ᐃᑭᐊᕐᕆᕕᖓᓐᓂ ᐅᕙᓂ: Nunavut Day 2021 – Nunavut Tunngavik Inc.
ᑐᑭᓯᒋᐊᒃᑲᓐᓂᕈᓐᓇᕐᐳᑎᑦ ᐅᕙᙵᑦ:
ᒪᓚᐃᔭ ᒥᑭᔾᔪᒃ
ᑐᑭᒧᐊᒃᑎᑦᑎᔨ ᑐᓴᐅᒪᖃᑦᑕᐅᑎᓕᕆᔨᒃᑯᑦ
ᓄᓇᕗᑦ ᑐᙵᕕᒃ
ᐅᖄᓚᐅᑕ (867) 975-4900 ᐊᑭᓕᕆᐊᑐᒋ: 1-888-646-0006
ᑐᑭᓯᒋᐊᒃᑲᓐᓂᕈᒪᒍᕕᑦ ᓱᓕ:
ᓄᓇᕗᑦ ᑐᓐᖓᕕᒃᑯᑦ ᑎᒥᖁᑎᖓᑦ
ᐅᖄᓚᐅᑦ:
ᐅᖓᓯᒃᑐᒥᒃ ᐊᑭᖃᖏᑦᑐᖅ:
