(ᔫᓂ 2, 2021 – ᐃᖃᓗᐃᑦ, ᓄᓇᕗᑦ) ᐃᖃᓗᖕᒥᐅᑦ ᐅᑭᐅᓖᑦ 12−ᓂᒃ ᐊᒻᒪ ᐊᖏᔪᑦᑏᑦ ᑲᐱᔭᐅᔪᓐᓇᓛᓕᕐᑐᑦ ᐋᓐᓂᐊᑖᖅᑕᐃᒪᒍᑎᒥᒃ ᓄᕙᒡᔪᐊᕐᓇᖅ−1`9 ᐃᓯᕐᕕᒋᑐᐃᓐᓇᕐᓗᒍ ᑲᐱᔭᐅᔭᕐᑐᕕᒃ.
ᑭᓇ: ᐃᖃᓗᒻᒥᐅᑦ ᐅᑭᐅᓖᑦ 12-ᓂᒃ ᐊᖏᔪᑦᑏᓪᓗ
ᐅᓪᓗᖓ: ᔫᓂ 16 – 19, 2021
ᓇᒧᙵᖃᑦ: 1:00-ᒥᑦ 10:00-ᒧᑦ
ᓇᓂ: ᑰᓕᖕᕕᖕᒥ
ᐱᖓᓱᓂᒃ ᐃᓯᕐᑐᓄᑦ ᐱᔾᔪᓯᐊᖅᑖᑕᑦᓴᓕᒃ ᓄᓇᓕᐸᐅᔭᒃᑯᓐᓂᑦ: ᖃᓂᒌᓗᐊᕐᑕᐃᓕᒪᓂᖅ ᓯᓚᒥ ᐱᔾᔪᓯᐊᖅ ᐊᑭᖃᓪᓗᐊᕐᑐᖅ $500; ᐊᖏᕐᕋᒃᓯᒪᓗᓂ ᓂᕿᓕᐅᕐᓂᖅ ᐱᔾᔪᓯᐊᖅ ᐊᑭᖃᓪᓗᐊᕐᑐᖅ $500; ᐊᒻᒪ ᐊᖏᕐᕋᒥ ᓴᓗᖕᒪᕐᓴᐃᓂᔪᓄᑦ ᐱᔾᔪᓯᐊᖅ ᐊᑭᖃᓪᓗᐊᕐᑐᖅ $500. ᑭᓇᑐᐃᓐᓇᖅ ᐃᓯᑐᐃᓐᓇᕐᓗᓂ ᑲᐱᔭᐅᔭᕐᑐᖅᑐᖅ ᐱᖃᑕᐅᑎᑕᐅᔪᓐᓇᕐᐳᖅ
ᐃᓄᐃᑦ ᓂᐅᕕᐅᑎᒃᓴᒥᒃ $25 ᐱᑎᑕᐅᓗᑎᒃ ᓄᓇᕗᑦ ᑐᙵᕕᒃᑯᓐᓂᑦ ᑲᐱᔭᐅᔭᕇᕋᐃᒃᐸᑕ.
ᐃᖃᓗᖕᓂ ᓄᕙᒡᔪᐊᓇᖅ−19 ᐋᓐᓂᐊᑖᖅᑕᐃᓕᒪᒍᑎᓂᒃ ᑲᐱᔭᐅᔭᕐᑐᕐᕕᒃ ᐃᓯᑐᐃᓐᓇᕆᐊᖅ ᑲᒪᒋᔭᐅᔪᖅ ᓄᓇᕗᑦ ᑐᙵᕕᒃᑯᓐᓂᑦ, ᕿᑭᖅᑕᓃ ᐃᓄᐃᑦ ᑲᑐᔾᔨᖃᑎᒌᖏᓐᓂᒃ, ᓄᓇᕗ ᒐᕙᒪᒃᑯᖏᑦ ᐱᓕᕆᕕᖓᑦ ᐋᓐᓂᐊᖃᓐᓇᖏᑦᑐᓕᕆᔨᒃᑯ ᐊᒻᒪ ᓄᓇᓕᐸᐅᔭᖓᑦ ᐃᖃᓗᐃᑦ ᐃᑲᔪᕐᑕᐅᓪᓗᑎᒃ ᖃᐅᔨᒋᐊᖅᑏᑦ ᐋᓐᓂᐊᖃᓐᓇᖏᑦᑐᓕᕆᓂᕐᒥᒃ ᐱᓕᕆᕕᖓᓐᓂᒃ.
ᐃᖃᓗᖕᓂ ᓄᕙᒡᔪᐊᓇᖅ−19 ᐋᓐᓂᐊᑖᖅᑕᐃᓕᒪᒍᑎᓂᒃ ᑲᐱᔭᐅᔭᕐᑐᕐᕕᒃ ᐃᓯᑐᐃᓐᓇᕆᐊᖅ ᐃᓚᖓᓂᒃ ᑮᓇᐅᔭᖃᖅᑎᑕᐅᕗᑦ ᑐᙵᕕᒃᑯᓐᓄᑦ ᑮᓇᐅᔭᓂᒃ ᐱᓚᐅᕐᒪᑕ ᑲᓇᑕᐅᑉ ᒐᕙᒪᒃᑯᖏᓐᓂᒃ ᓄᓇᖃᖅᑳᖅᓯᒪᔪᓕᕆᔨᒃᑯᑦ ᓄᓇᓕᖕᓄᑦ ᐃᑲᔪᕈᑎᖏᑦᑎᒍᑦ ᑮᓇᐅᔭᖃᕈᑎᓂᒃ.
ᐅᖃᖅᑕᐅᖅᑲᐅᔪᖅ
“ᐋᓐᓂᐊᑖᖅᑕᐃᓕᒪᒍᑎᒥᒃ ᑳᐱᔭᐅᓯᒪᓕᖅᐸᑕ ᐃᓕᓐᓂᐊᕐᕖᑦ ᒪᑐᐃᒃᑲᓐᓂᕈᓇᑐᐃᓐᓇᕆᐊᓖᑦ, ᓂᕆᔭᕐᑐᕐᕖᑦ ᐊᒻᒪ ᐱᓕᕆᕕᐅᔪᑦ. ᐃᓄᒋᐊᓐᓂᕐᓴᐃᑦ ᓄᓇᕗᒻᒥᐅᑦ ᑲᐱᔭᐅᓯᒪᓕᕐᐸᑕ, ᐊᓂᑦᑕᐃᓕᕕᖃᕆᐊᖃᕈᓐᓃᕋᔭᕐᑐᖅ ᓯᓂᑦᑕᕐᕕᓂ. ᑲᐱᔭᐅᓯᒪᔪᑦ ᓄᕙᒡᔪᐊᕐᓇᖅ-19-ᒥᒃ ᐋᓐᓂᐊᑕᕆᐊᖏᓐᓂᒃ ᖃᑦᑎᓐᓇᕈᖅᑎᑦᑎᔪᓐᓇᕐᒪᑦ ᐅᕝᕙᓗ ᐸᓚᕐᓂᕐᓴᐅᓗᑎᒃ ᐋᓐᓂᐊᑖᕐᓂᕋᓗᐊᖅᐸᑕ. ᐋᓐᓂᐊᑖᖅᑕᐃᒪᒍᑎᒥᒃ ᑲᐱᔭᐅᓚᐅᕐᐳᖓ ᑲᐱᔭᐅᔪᓐᓇᕐᓂᕋᑦᑕᐅᓕᑐᐊᕋᒪ,” ᐅᖅᑲᖅᑐᑦ ᑐᙵᕕᒃᑯᑦ ᐊᖓᔪᖅᑳᖓᑦ ᐊᓗᑭ ᑰᑦᑎᖅ.
“ᐸᐃᔫᐸᐃᐅᑎᐊᒃ (Pfhizer-BioNTech) ᐋᓐᓂᐊᖅᑖᖅᑕᐃᓕᒪᒍᑦ ᑲᐴᑦ ᕿᑭᖅᑕᓂ ᐃᓄᖏᓐᓄᑦ ᐃᓅᖃᑎᒌᓄᑦ ᐱᑐᐃᓐᓇᐅᓂᕐᓴᒥᓖᕈᑕᐅᔪᓐᓇᕐᒪᑦ ᐅᖃᖅᑐᖅ ᕿᑭᖅᑕᓂ ᐃᓄᐃᑦ ᑲᑐᔾᔨᖃᑎᒌᖏᑕ ᐊᖓᔪᖅᑳᖓᑦ ᐱᔭᐃ ᐊᕿᐊᕈᖅ, “ᐱᖏᓐᓇᕐᑐᒦᖁᓇᒋᑦ ᐊᒻᒪ ᓴᐳᑎᔭᐅᓯᒪᖁᓪᓗᒋᑦ ᐃᓐᓇᕆᔭᕗᑦ ᐊᒻᒪ ᒪᒃᑯᒃᑐᑦ. ᑎᓕᐅᕋᓗᐊᕐᐸᒃᑲ ᓄᓇᖅᑲᑎᒌᑦ ᑲᐱᔭᐅᓯᒪᙱᑦᑐᑦ ᐋᓐᓂᐊᑖᖅᑕᐃᓕᒪᒍᑎᒥᒃ ᑲᐱᔭᐅᔭᕐᑐᖁᓪᓗᒋᑦ ᐋᓐᓂᕕᖓᓐᓂᑦ ᐊᒻᒪ ᐃᓂᓕᐅᕐᓗᑎᒃ ᐅᕝᕙᓗ ᑲᐱᔭᐅᔭᕐᑐᖃᑕᐅᓗᑎᒃ ᑲᐱᔭᐅᔭᕐᑐᕐᕕᐅᑎᑕᐅᔪᒥ”
“ᒪᑑᓇ ᐊᒻᒪ ᐸᐃᔪᑎᐸᐃᔪᑎᐊᒃ (Moderna and Pfizer-BioNTech) ᐊᑑᑎᖃᑦᑎᐊᕈᓐᓇᕐᑐᑦ ᐊᒻᒪ ᐊᑦᑕᓐᓇᕋᑎᒃ,ᖃᓄᖅ ᐃᓱᒪᖃᓐᓇᓲᖑᒻᒪᑦ ᑕᒪᓐᓇᓗ ᑕᐃᒪᐃᒐᔪᒃᑐᓂ ᐱᓪᓗᖏᑦ ᐋᓐᓂᐊᑖᖅᑕᐃᒪᒍᑎᑦ ᑲᐴᑎᑦ. ᓄᓇᕗᖕᒥᐅᑦ ᑎᓕᐅᕐᐸᒃᑲ ᑐᑭᓯᒋᐊᑦᑎᐊᖁᓪᓗᒋᑦ ᓱᓕᔪᕐᓇᕐᑐᓂᒃ ᑎᑎᕋᕐᓯᒪᔪᓂᑦ, ᐊᒻᒪ ᖃᕆᑕᐅᔭᕋᓛᒃᑯᑦ ᐃᓅᖃᑎᒌᒃᕕᐅᓲᖑᙱᑦᑐᒥᑦ. ᐋᓐᓂᐊᑖᖅᑕᐃᓕᒪᔾᔪᑏᑦ ᑲᐴᑎᑦ ᐆᒃᑐᕋᕐᑕᐅᓪᓗᑎᒃ ᖃᐅᔨᓴᕐᑕᐅᓯᒪᓕᕐᒪᑕ ᐊᒻᒪ ᒥᓕᐊᙱᓐᓃᒃᑐᓄᑦ ᐊᑐᕐᑕᐅᓯᒪᓕᕐᑐᑎᒃ ᓄᓇᕐᔪᐊᓕᒫᕐᒥ, ᐊᒻᒪ ᑖᒃᑯᐊᓴᐃᓐᓇᐅᕗᑦ ᐋᓐᓂᐊᑖᖅᑕᐃᓕᒪᔾᔪᑏᑦ ᑲᐴᑎᑦ ᓄᓇᕗᖕᒥ ᐊᑐᖅᑕᐅᔪᑦ. ᐊᑏ ᐋᓐᓂᐊᑖᖅᑕᐃᓕᓇᕐᑐᒧᑦ ᑲᐱᔭᐅᔭᕐᑐᕆᑦ, ᑲᐱᔭᐅᓯᒪᙱᒃᑯᕕᒃᓱᓕ,” ᐅᖃᖅᑐᖅ ᓄᓇᕘᑉ ᓯᕗᓕᕐᑎᖓ ᔫ ᓴᕕᑲᑖᖅ
“ᐃᖅᑲᓇᐃᔭᖃᑎᒌᒃᑲᑦᑕ ᐋᓐᓂᐊᕐᑖᖁᓇᒋᑦ ᐃᖃᓗᖕᒥᐅᑦ. ᐃᖅᑲᓇᐃᔭᖃᑎᒌᒃᑭᓪᓗᑕᓗ ᐋᓐᓂᐊᕐᑖᖁᓇᒋᑦ ᓄᓇᕗᖕᒥᐅᑦ ᐊᐅᓪᓚᐸᒻᒪᑕ ᒪᐅᖓ ᐋᓐᓂᐊᕕᓕᐊᕐᑐᑎᒃ. ᐃᖃᓗᐃᑦ, ᐋᓐᓂᐊᑖᖅᑕᐃᓕᒪᒍᑎᑦ ᑲᐴᑎᑦ ᐱᖏᓐᓇᕐᑐᒥᖂᓇᑕ, ᐃᓚᔮᕗᑦ, ᓄᓇᖅᑲᑎᕗᑦ ᐊᒻᒪ ᓄᓇᕗᖕᒥᐅᑕᐅᖃᑎᕗᑦ,” ᐅᖃᖅᑐᖅ ᒪᐃᔭ ᑭᐊᓂ ᐱᐊᓪ
-30-
ᑐᑭᓯᒋᐊᒃᑲᓐᓂᕈᓐᓇᕐᐳᑎᑦ ᐅᕗᖓ:
ᑭᐅᕋᓐ ᕙᓚᐅᕋᑎ
ᑐᑭᒧᐊᒃᑎᑦᑎᔨᐅᑲᐃᓐᓇᕐᑐᖅ ᑐᓴᐅᒪᖃᑦᑕᐅᑎᓕᕆᔨᒃᑯᓐᓄᑦ
ᓄᓇᕗᑦ ᑐᙵᕕᒃ ᑎᒥᖓ
ᐅᖄᓚᐅᑖ: (867) 975-4900
ᒍᐃᐅᓪ ᕼᐊᑉᑭᓐᔅ
ᑐᑭᒧᐊᒃᑎᑦᑎᔨᐅᑲᕿᓐᓇᕐᑐᖅ ᑐᓴᐅᒪᖃᑦᑕᐅᑎᓕᕆᔨᒃᑯᓐᓄᑦ
ᕿᑭᖅᑕᓂ ᐃᓄᐃᑦ ᑲᑐᔾᔨᖃᑎᒌᖏᑦ
ᐅᖄᓚᐅᑖ: (867)975-8413
ᓖᓴ ᒥᐅᓪᓵᔭᕕᒃ
ᑐᓴᐅᒪᖃᑦᑕᐅᑎᓕᕆᔨᒃᑯᑦ
ᓄᓇᓕᐸᐅᔭᖓᑦ ᐃᖃᓗᐃᑦ
867-979-5607
ᑲᐃᑦ ᒪᒃᓚᐅᑦ
ᐱᕙᓪᓕᐊᔪᓄᑦ ᑎᑎᕋᖅᑎ ᓯᕗᓕᖅᑎ ᓴᕕᑲᑖᕐᒧᑦ
ᓄᓇᕗ ᒐᕙᒪᒃᑯᑦ
867-975-5059
