(ᔭᓐᓄᐊᓕ 19, 2021, ᐃᖃᓗᐃᑦ, ᓄᓇᕗᑦ) ᓄᓇᕗᑦ ᑐᙵᕕᒃ ᑎᒥᖓ (ᑐᙵᕕᒃ) ᓄᓇᕗᒻᒥᐅᓂᒃ ᐃᓄᓐᓂᒃ ᑲᐱᔭᐅᖁᔨᕗᑦ ᒪᑑᓇ ᑲᐴᒻᒧᑦ.
“ᖃᐅᔨᓴᖅᑏᑦ ᑲᐴᑎᓕᐅᓚᐅᖅᑐᑦ ᒪᑑᓇᒥᒃ ᖃᐅᔨᒪᓂᓕᕐᔪᐊᒻᒪᕇᑦ ᑲᐴᑎᓂᒃ ᐊᒻᒪᓗ ᑲᓇᑕᒥ ᐋᓐᓂᐊᖃᕐᓇᖏᑦᑐᓕᕆᔨᕐᔪᐊᒃᑰᖅᓯᒪᔪᑦ ᑖᓇ ᐊᖏᖅᑕᐅᖁᓪᓗᒍ. ᑐᑭᓯᒋᐊᕐᕕᒋᒋᐊᓕᕗᑦ ᑐᓴᐅᒪᔾᔪᑎᒃᓴᑎᓐᓂᒃ ᑖᒃᑯᐊ ᖃᐅᔨᒪᔪᕐᔪᐊᑦ”, ᐅᖃᓚᐅᖅᑐᖅ ᔭᐃᒥᓯ ᐃᑦᑐᓗᒃ, ᑭᖑᕝᕕᐅᑎᓯᒪᔪᖅ ᐊᖓᔪᖅᑳᖓᓄᑦ ᑐᙵᕕᒃᑯᑦ.
ᑲᐴᑦ ᒪᑑᓇ 94% ᓴᐳᔾᔨᓯᒪᒍᓐᓇᖅᑐᖅ ᖃᓂᒻᒪᑐᒻᒪᕆᐅᒍᑕᐅᒍᓐᓇᕐᓂᖓᓄᑦ ᓄᕙᔾᔪᐊᕐᓇᖅ−19. ᐃᓐᓇᐃᑦ, ᖃᓄᐃᒍᑎᓖᑦ ᖃᓂᒻᒪᓯᕐᓂᒃ, ᐊᒻᒪᓗ ᑐᐊᕕᕐᓇᖅᑐᓕᕆᔩᑦ ᓯᕗᓪᓕᐅᔾᔭᐅᓂᐊᖅᑐᑦ ᑲᑦᓱᖅᑕᐅᓗᑎᒃ. ᑲᐴᑦ ᐊᑦᑕᓇᙱᑦᑐᖅ ᖃᓄᐃᒍᑎᓕᓐᓂᒃ ᑎᒥᒥᒍᑦ ᖃᓂᒻᒪᓯᕐᓂᒃ ᓲᕐᓗ ᐆᒻᒪᑎᕐᓗᓲᓂᒃ, ᐊᐅᒃᑯᑦ ᓱᑲᖃᓗᐊᖅᑐᓂᒃ, ᐋᓐᓂᐊᓖᑦ ᑳᓐᓱᒥᒃ, ᐳᕙᓪᓗᑦᑐᑦ, ᐊᒻᒪᓗ ᐊᓯᖏᓐᓂᒃ ᐳᕝᕕᕆᒍᑕᐅᓲᓂᒃ.
“ᐊᕐᕌᓂᓂᒃ, ᐃᖅᑲᓇᐃᔭᖅᑐᒻᒪᕆᐅᔪᐃᓐᓇᐅᓯᒪᕗᒍᑦ ᓴᐳᑎᓯᒪᒍᒪᓪᓗᒋᑦ ᐃᓚᕗᑦ, ᑐᐊᕕᕐᓇᖅᑐᓕᕆᔨᕗᑦ ᐊᒻᒪᓗ ᓄᓇᖅᑲᑎᕗᑦ. ᑲᐱᔭᐅᓂᖅ ᓴᐳᔾᔨᓯᒪᒋᐊᒃᑲᓐᓂᕈᑕᐅᓂᐊᖅᑐᖅ ᖃᓄᐃᖁᓇᒋᑦ ᐊᑦᑕᓇᖅᑐᒦᖁᓇᒋᑦ ᓄᓇᕗᒻᒥᐅᑦ.”
“ᖁᔭᒋᕙᒃᑲ ᐅᖁᒪᐃᓐᓂᓂᐊᕐᕕᒦᙶᖅᑐᑦ ᓄᓇᕗᑦ ᒐᕙᒪᒃᑯᖏᓐᓂ ᑐᓴᐅᒪᔾᔪᑎᒃᓴᓂᒃ ᐃᓄᒃᑑᖅᑐᓂᒃ ᐊᑐᐃᓐᓇᐅᒪᑎᑦᓯᓚᐅᕐᒪᑕ, ᓯᕗᓕᕐᓂᓯᓐᓂᒃ ᓯᐊᒻᒪᖅᓯᒪᑎᓪᓗᒍ ᐊᐃᑦᑐᕐᓘᑎᖃᑦᑕᓂᒃᑯᑦ ᐊᒻᒪᓗ ᐱᓕᕆᖃᑦᑕᓂᑦᓯᒍᑦ ᑕᖃᒍᓐᓇᐃᓕᓪᓗᓯ ᑲᐴᑦ ᐱᕕᓕᒫᖓᒍᑦ ᐅᓄᖅᑐᓄᑦ ᓄᓇᕗᒻᒥᐅᓅᖁᓪᓗᒍ”, ᐅᖃᖅᑐᖅ ᐃᑦᑐᓗᒃ.
ᐅᖁᒪᐃᓐᓂᓂᐊᕐᕕᒃᑯᑦ ᐊᑐᖅᑕᐅᖁᔭᖏᑦ ᐃᑯᓪᓚᐅᒥᕙᓪᓕᐊᑎᑕᐅᒍᓇᖅᑐᑦ ᖃᓱᑎᑕᐅᕙᓪᓕᐊᕌᕐᔪᓪᓗᑎᒃ ᐊᒻᒪᓗ ᑕᕝᕙᙶᕐᓂᐊᖅᑐᑦ ᐳᓴᖓᒍᑦ ᓄᓇᕗᒻᒥᐅᓂᒃ ᑲᑦᓱᖅᑕᐅᔪᓂᒃ.
ᑐᑭᓯᒋᐊᕐᕕᒃᓴᖅ ᑲᐴᑎ ᒪᑑᓇ ᒥᑦᓵᓄᑦ ᐅᕝᕙᓘᓐᓃᑦ ᓇᓗᓇᐃᖅᑐᖅᓯᒪᔪᓂᒃ ᖃᓄᖅ ᑕᑯᔭᐅᕕᑦᓴᓕᐅᕈᓐᓇᕐᒪᖔᖅᐱᑦ ᑕᑯᒋᐊᕐᓗᒍ ᓄᓇᕗᑦ ᒐᕙᒪᒃᑯᑦ ᐃᑭᐊᖅᑭᕕᖓ ᐅᕙᓂ http://www.gov.nu.ca ᐅᖄᓚᓗᑎᓪᓘᓐᓃᑦ ᐋᓐᓂᐊᕕᑦᓯᓐᓄᑦ.
-30-
ᑐᑭᓯᒋᐊᒃᑲᓂᕐᕕᒃᓴᖅ:
ᒪᓚᐃᔭ ᒥᑭᔾᔪᒃ
ᑐᑭᒧᐊᒃᑎᑦᑎᔨ ᑐᓴᐅᒪᔾᔪᑎᓕᕆᔨᒃᑯᓐᓂ
ᓄᓇᕗᑦ ᑐᙵᕕᒃ ᑎᒥᖓ
ᐅᖄᓚᐅᑖ: (867) 975-4900/ᐊᑭᖃᙱᑦᑐᖅ: 1-888-646-0006
www.tunngavik.com
