(ᔭᓐᓄᐊᓕ 28, 2021 – ᐃᖃᓗᐃᑦ, ᓄᓇᕗᑦ) ᐅᖄᓚᐅᓯᕆᔨᒃᑯᑦ ᕕᐅᓪ ᐅᖃᖃᑎᒌᓪᓗᒃ ᐅᓪᓗᖓᓂ, ᓄᓇᕗᑦ ᑐᙵᕕᒃ ᑎᒥᖓᓄᑦ (ᑐᙵᕕᒃ) ᐊᖓᔪᖅᑳᖅ ᑭᖑᕝᕖᓯᒪᔪᖅ ᔭᐃᒥᓯ ᐃᑦᑐᓗᒃ ᐅᓪᓗᒥ ᑐᓴᖅᑎᓯᖅᑲᐅᔪᖅ ᓴᖅᑭᖅᑕᐅᓂᖓᓂᒃ 2015-2017 ᐊᕐᕌᒍᑕᒫᖅᓯᐅᑦ ᐅᓂᒃᑳᖅ ᖃᓄᐃᓐᓂᖏᓐᓂᒃ ᐃᓄᐃᑦ ᐃᓕᖅᑯᓯᖓ ᐃᓄᖏᓪᓗ (SICS), ᑕᐃᔭᐅᔪᖅ ᓱᖏᐅᔾᔭᕐᓂᖅ ᐃᓅᓯᕐᒥ, ᑐᕌᖓᔪᒥᒃ ᐊᖅᑯᑎᒃᓴᒧᑦ ᐃᑯᓪᓚᕈᑎᒃᓴᖓᓂᒃ ᐃᓅᓯᕐᒥᒃ ᑭᐱᓯᖃᑦᑕᕐᓂᕐᒧᑦ ᓄᓇᕗᒻᒥ.
“ᐃᓚᖏᑦ ᒪᒃᑯᑦᑐᖁᑎᑦᑕ ᐱᕈᕈᑎᖃᖃᑦᑕᕐᒪᑕ ᐅᑉᐱᕈᓱᑦᑐᑎᒃ ᐃᓅᓯᕐᒥᒃ ᑭᐱᓯᓂᖅ ᐃᓕᖅᑯᓯᑦᑎᓐᓂ ᐱᖅᑯᓯᕆᔭᐅᒋᐊᖓ. ᑕᐃᒪᐃᖏᑦᑐᖅ. ᐃᓕᖅᑯᓯᑦᑎᓐᓂᒃ ᐊᑐᕈᓐᓃᖅᑎᑕᐅᓯᒪᓂᑦᑎᓃᙶᖅᑐᖅ ᐊᒻᒪᓗ ᑕᐃᒪᖓᓕᒫᖅ ᐃᓅᓯᑦᑎᓐᓂ ᒪᑭᒪᔾᔪᑎᓂᓪᓗ ᐊᔾᔨᐅᑎᑕᐅᙱᓂᕐᒦᖔᖅᑐᖅ ᐊᑦᓱᕉᓐᓂᖓᒍᑕᐅᕙᑦᑐᖅ ᐅᓄᓗᐊᖅᑐᓄᑦ ᓄᓇᕗᒻᒥ ᐃᓄᓐᓄᑦ. ᓱᖏᐅᑎᓯᒪᓂᖅ ᐃᓅᓯᕐᒥ ᓇᓗᓇᐃᕈᑕᐅᔪᖅ ᐊᖅᑯᑎᒥᒃ ᓯᕗᒧᐊᒍᑎᒃᓴᒥᒃ ᐃᓄᓐᓃᙶᖅᑐᒥᒃ, ᓱᖅᑯᐃᖅᑕᐅᓯᒪᔪᒥᒃ ᐊᑐᐊᒐᓕᐅᕈᑕᐅᓯᒪᔪᖅ’< ᐅᖃᖅᑐᖅ ᐃᑦᑐᓗᒃ.
ᐅᓂᒃᑳᓂ SICS ᒐᕙᒪᓂᒃ ᑐᕌᒐᖃᖁᔨᔪᑦ ᓴᖅᑮᓂᕐᒥᒃ ᐃᓅᖃᑎᒌᑦ ᐊᔾᔨᒌᑦᑐᒥᒃ ᐱᔭᐅᖁᓪᓗᒋᑦ ᓄᓇᕗᒻᒥ ᐃᓄᐃᑦ ᑲᔪᓯᑎᑕᐅᓂᖓᓄᑦ ᐃᓛᒃᑯᑦ 32 ᓄᓇᕗᑦ ᐊᖏᕈᑎᓂ ᐋᖅᑭᒍᑎᒃᓴᖅ ᐊᐳᖅᑕᕐᕕᐅᖏᓐᓇᖅᑐᓄᑦ ᑕᒪᒃᑯᓄᖓ ᓲᕐᓗ ᐃᓪᓗᓕᕆᓂᖅ, ᐃᓕᓐᓂᐊᕕᒃᑯᑦ ᐃᓕᓐᓂᐊᖅᓯᒪᓂᖅ, ᓂᕿᖃᑦᓯᐊᕐᓂᖅ, ᐊᒻᒪᓗ ᐃᖢᐊᖅᓴᐃᔾᔪᑏᑦ.
ᑐᙵᕕᒃᑯᑦ ᐊᔭᐅᖅᑐᐃᔪᑦ ᓄᓇᕗᑦ ᐊᒻᒪᓗ ᑲᓇᑕ ᒐᕙᒪᒃᑯᖏᓐᓂᒃ ᐃᓱᒪᒋᔭᖃᖁᓪᓗᒋᑦ ᐊᑐᓕᖁᔨᔾᔪᑎᓂᒃ ᑖᒃᑯᓇᓂ ᐅᓂᒃᑳᓃᑦᑐᓂᒃ. ᐊᑐᓕᖁᔨᔾᔪᑏᑦ ᑲᑐᔾᔨᖃᑎᒌᒍᑕᐅᒋᐊᖃᕐᓂᐊᖅᑐᖅ, ᐊᑐᕋᑦᓴᓂᒃ ᑲᑐᔾᔨᓗᓂ ᐊᒻᒪᓗ ᐃᓱᒪᒋᔭᐅᓗᓂ ᐊᕙᖕᒧᓕᖓᔪᒥᒃ ᑲᒪᒋᔭᐅᒋᐊᖃᕐᓂᖓ ᑲᑐᔾᔨᓂᒃᑯᑦ ᑐᕌᒐᑦᑎᓐᓂᒃ”.
ᐅᓂᒃᑳᑦ ᑐᓂᔭᐅᓯᒪᒻᒥᔪᑦ ᓄᓇᕗᑦ ᓯᕗᓕᖅᑎᖓᓄᑦ ᐊᒻᒪᓗ ᑲᓇᑕᒥ ᐊᖓᔪᖅᑳᕐᔪᐊᖓᓄᑦ ᓴᖅᑭᖅᑕᐅᖁᓪᓗᒋᑦ ᐊᕐᕌᒎᑕᒫᖅᓯᐅᑏᑦ ᐅᓂᒃᑳᑦ ᓄᓇᕗᑦ ᒪᓕᒐᓕᐅᕐᕕᖓᓂ ᐊᒻᒪᓗ ᑲᓇᑕᒥ ᒪᓕᒐᓕᐅᕐᕕᔾᔪᐊᖓᓂ ᐱᔭᕆᐊᖃᖅᑎᑕᐅᓂᕐᒥᒍᑦ ᐃᓛᒃᑯᑦ 31.3.4 ᓄᓇᕗᑦ ᐊᖏᕈᑎᖏᓐᓂ. ᐊᕐᕌᒍᑕᒫᖅᓯᐅᑏᑦ ᐅᓂᒃᑳᓕᐊᖑᖃᑦᑕᖅᓯᒪᔪᑦ ᑕᑯᔭᑦᓴᐃᑦ ᑕᑯᒋᐊᕐᓗᒍ ᑐᙵᕕᒃᑯᑦ ᐃᑭᐊᖅᑭᕕᖓ ᐅᕙᓂt www.tunngavik.com.
-30-
ᑐᑭᓯᒋᐊᒃᑲᓂᕐᕕᒃᓴᖅ:
ᒪᓚᐃᔭ ᒥᑭᔾᔪᒃ
ᑐᑭᒧᐊᒃᑎᑦᑎᔨᐅᓂᕐᒥᒃ ᑐᓴᐅᒪᔾᔪᑎᓕᕆᔨᒃᑯᓐᓂ ᐃᓕᓐᓂᐊᖅᑐᖅ
ᓄᓇᕗᑦ ᑐᙵᕕᒃ ᑎᒥᖓ
ᐅᖄᓚᐅᑖ: (867) 975-4900/ᐊᑭᖃᙱᑦᑐᖅ: 1-888-646-0006
ᓇᓖᕌᕐᕕᒃᓴᖅᑕᓕᒃ ᑭᓇᑐᐃᓐᓇᖅ ᐃᑉᐱᓐᓂᐊᓂᕐᒧᑦ ᐃᑲᔪᖅᑕᐅᔭᕆᐊᖃᖅᐸᑦ:
- ᑐᑭᓯᒋᐊᒃᑲᓂᕐᕕᒃᓴᖅ ᓄᓇᕗᒻᒨᖓᔪᓂᒃ ᐊᑐᕋᑦᓴᓂᒃ ᐊᒻᒪᓗ ᐊᓯᖏᓐᓂᒃ ᑐᓴᐅᒪᔾᔪᑎᓂᒃ, ᑕᑯᒋᐊᕐᓗᒍ www.inuusiq.com ᐅᕝᕙᓘᓐᓃᑦ ᐊᑭᖃᙱᑦᑐᒧᑦ ᐅᖄᓚᓗᑎᑦ: 1-866-804-2782. ᑕᕝᕙᓃᒻᒥᔪᑦ ᐊᑐᕋᑦᓴᑦ ᐊᒻᒪᓗ ᐃᓕᓐᓂᐊᕈᑎᒃᓴᑦ
- ᑲᒪᑦᓯᐊᖅᑐᑦ ᐅᖄᓚᐅᑎᖓ ᐃᑲᔪᖅᑕᐅᔪᒪᔪᓄᑦ ᒪᑐᐃᖓᐃᓐᓇᕐᒥᔪᖅ 24-ᓂᒃ ᐃᑲᕐᕋᓂᒃ ᖃᐅᑕᒫᑦ, 7-ᓂᒃ ᐅᓪᓗᓂᒃ ᐱᓇᓱᐊᕈᓯᓕᒫᖅ ᐅᖄᓚᐅᑖ 1-867-979-3333 ᐅᕝᕙᓘᓐᓃᑦ ᐊᑭᖃᙱᑦᑐᒧᑦ ᐅᖄᓚᕕᑦᓴᐅᒻᒥᔪᖅ ᐅᕗᖓ 1-800-265-3333.
- ᐊᓪᓚᐃᑦ ᐊᒻᒪᓗ ᐃᓄᐃᑦ ᓂᕆᐅᖕᓂᖃᕐᓂᕐᒧᑦ ᖃᓄᐃᙱᑦᓯᐊᕐᓂᕐᒧᑦ ᐃᑲᔪᖅᑕᐅᕕᑦᓴᒥᒃ ᐅᖄᓚᒍᓐᓇᕐᒥᔪᑦ ᐅᕗᖓ 1-855-242-3310, ᐅᕝᕙᓘᓐᓃᑦ ᖃᕆᓴᐅᔭᒃᑯᑦ ᐅᖃᖃᑎᖃᕐᕕᒃᓴᖅ hopeforwellness.ca ᒪᑐᐃᖓᐃᓐᓇᖅᑐᖅ 24-ᓂᒃ ᐃᑲᕐᕋᓂᒃ ᖃᐅᑕᒫᑦ, 7 ᐅᓪᓗᐃᑦ ᐱᓇᓱᐊᕈᓯᓕᒫᖅ.
- ᓱᕈᓯᕐᓄᑦ ᐃᑲᔪᖅᑕᐅᔪᒪᔪᓄᑦ ᐅᖄᓚᕕᑦᓴᖅ ᐊᑐᐃᓐᓇᐅᒻᒥᔪᖅ 24-ᓂᒃ ᐃᑲᕐᕋᓂᒃ ᖃᐅᑕᒫᑦ ᐅᕗᖓ 1-800-668-6868.
https://www.tunngavik.com/files/2021/01/SIC_2015-2017_Inuktitut-1.pdf
https://www.tunngavik.com/files/2021/01/SIC_2015-2017_English-1.pdf
https://www.tunngavik.com/files/2021/01/SIC_2015-2017_French-1.pdf
https://www.tunngavik.com/files/2021/01/SIC_2015-2017_Inuinnaqtun-1.pdf
