ᑐᓴᕋᑦᓴᓕᕆᔩᑦ

2019 News Archive

ᑐᓐᖓᕕᒃᑯᑦ ᐊᖓᔪᖅᑳᖓ ᖁᕕᐊᒃᑯᔾᔨᔪᖅ ᑭᕙᓪᓕᖅ ᐃᓄᐃᑦ ᑲᑐᔾᔨᖃᑎᒌᓄᑦ ᓂᕈᐊᖅᑕᒥᒃ ᑯᓄ ᑕᑦᑐᐃᓂ

(ᑏᓰᒻᕙ 17, 2019) ᓄᓇᕗᑦ ᑐᓐᖓᕕᒃ ᑎᒥᖓᓄᑦ (ᑐᓐᖓᕕᒃ) ᐊᖓᔪᖅᑳᖅ ᐊᓗᑭ ᑰᑦᑎᖅ ᖁᕕᐊᒃᑯᔾᔨᓚᐅᖅᑐᖅ ᑯᓄ ᑕᑦᑐᐃᓂ ᓂᕈᐊᖅᑕᐅᓚᐅᕐᓂᖓᓄᑦ ᑭᕙᓪᓕᖅ ᐃᓄᐃᑦ ᑲᑐᔾᔨᖃᑎᒌᑦ ᐊᖓᔪᖅᑳᖓᓄᑦ. ᑕᑦᑐᐃᓂ ᓂᕈᐊᖅᑕᐅᓚᐅᖅᑐᖅ ᑏᓰᒻᐱᕆ 12, 2019, ᓂᕈᐊᕐᓇᖅ ᒪᕐᕉᓐᓂᒃ ᐅᓪᓘᓐᓂᒃ ᑭᖑᕙᕆᐊᕐᓯᒪᓚᐅᖅᑎᓪᓗᒍ ᓯᓚᑦᓯᐊᖑᓐᖏᓐᓂᖓᓄᑦ.
ᓯᑖᓐᓕ ᐋᑦᔪᒃ, ᑕᐃᕕᑦ ᓂᖏᐅᖓᓐ ᐊᒻᒪᓗ ᑯᓄ ᑕᑦᑐᐃᓂ ᓂᕈᐊᒐᑦᓴᐅᓚᐅᖅᑐᑦ ᐱᖓᓱᑦ KIA ᐊᖓᔪᖅᑳᒧᑦ ᓂᕈᐊᕐᓇᒥ.
“ᖁᕕᐊᒃᑯᑎᕙᕗᑦ ᓂᕈᐊᖅᑕᐅᕋᑖᓚᐅᖅᑐᖅ ᑭᕙᓪᓕᖅ ᐃᓄᐃᑦ ᑲᑐᔾᔨᖃᑎᒌᑦ ᐊᖓᔪᖅᑳᖓᓄᑦ. ᓂᕆᐅᖕᓂᖃᑦᓯᐊᕐᐳᖓ ᐃᖅᑲᓇᐃᔭᖃᑎᖃᕐᓂᐊᓂᓐᓂᒃ ᑕᑦᑐᐃᓂᒥᒃ ᐱᓇᓱᐊᒐᖓᓄᑦ ᐱᔪᒪᔭᖏᑦ ᓄᓇᕗᒻᒥ ᐃᓄᐃᑦ ᐊᔾᔨᒌᑦᑐᒥᒃ ᑭᒡᒐᑐᖅᑕᐅᑦᓯᐊᖁᓪᓗᒋᑦ,” ᐅᖃᖅᑐᖅ ᑰᑦᑎᖅ.
ᑕᑦᑐᐃᓂ, ᐃᓅᓚᐅᖅᑐᖅ ᑰᔾᔪᐊᕌᓗᒻᒥ, ᒫᓂᑑᕙ, ᐊᖓᔪᖅᑳᕆᔭᐅᓂᐊᖅᑐᖅ KIA−ᑯᓐᓄᑦ ᓯᑕᒪᓄᑦ ᐊᕐᕋᒍᓄᑦ 2023-ᒧᓄᑦ.
ᐊᖓᔪᖅᑳᖅ ᑰᑦᑎᖅ ᖁᔭᓕᓚᐅᖅᑐᖅ ᑕᐃᕕᑦ ᓂᖏᐅᖓᓐ ᓯᑕᒪᐅᔪᖅᑐᓂᒃ ᐊᕐᕌᒍᓂᒃ ᑲᑎᒪᔨᐅᓚᐅᕐᒪᑦ …

>> Read More

ᐃᓄᐃᑦ ᐱᓯᒪᑦᓰᓇᕐᓂᐊᖅᑐᑦ ᐃᓄᒃᑐᑦ ᒪᕉᓂ ᒥᓂᔅᑕᐅᑏᑦ ᑲᑎᒪᔨᖏᑦ ᐃᔨᕋᖅᑐᕐᓱᑎᒃ ᐋᖅᑭᑦᓯᓯᒪᒐᓗᐊᖅᑎᓪᓗᒋᑦ ᐊᑐᐊᕋᑦᓴᓂᒃ ᐊᑐᕈᓐᓇᐃᓪᓕᑎᑦᓯᓯᒪᓂᖓ ᐊᑐᖅᑕᐅᓂᖓᓂᒃ

ᐃᕐᖐᓐᓇᖅ ᓴᖅᑭᖅᑕᐅᒋᐊᓖᑦ
ᐃᓄᐃᑦ ᐱᓯᒪᑦᓰᓇᕐᓂᐊᖅᑐᑦ ᐃᓄᒃᑐᑦ ᒪᕉᓂ ᒥᓂᔅᑕᐅᑏᑦ ᑲᑎᒪᔨᖏᑦ ᐃᔨᕋᖅᑐᕐᓱᑎᒃ ᐋᖅᑭᑦᓯᓯᒪᒐᓗᐊᖅᑎᓪᓗᒋᑦ ᐊᑐᐊᕋᑦᓴᓂᒃ ᐊᑐᕈᓐᓇᐃᓪᓕᑎᑦᓯᓯᒪᓂᖓ ᐊᑐᖅᑕᐅᓂᖓᓂᒃ
(ᑏᓰᒻᕙ 5, 2019) ᑐᓐᖓᕕᒃ ᐅᓪᓗᒥ ᑐᓴᒐᑦᓴᓐᖑᖅᑎᑦᓯᖅᑲᐅᔪᖅ ᑲᑕᓐᓇᖅᑐᒥᒃ 1990 ᑲᓇᑕᐅᑉ ᒐᕙᒪᒃᑯᖏᑕ ᒥᓂᔅᑕᐅᑏᑦ ᑲᑎᒪᔨᖏᓐᓄᑦ ᑎᑎᖅᑲᖁᑎᒋᔭᐅᔪᒥᒃ (ᐃᔨᕋᖅᑑᑎ ᐊᕙᑎᓂᒃ ᐊᕐᕌᒍᓂᒃ; ᑎᒍᓯᓂᕐᒧᑦ ᐊᔪᓐᖏᔾᔪᑎᒃᑯᑦ ᑐᓴᕋᓱᐊᖅᑕᐅᔪᒥᒃ ᐱᖁᔭᒃᑯᑦ) ᖃᐅᔨᔾᔪᑕᐅᔪᖅ ᑲᓇᑕᐅᑉ ᐊᖓᔪᖅᑳᕐᔪᐊᖓ ᒪᕉᓂ ᐊᒻᒪᓗ ᒥᓂᔅᑕᐅᑏᑦ ᑲᑎᒪᔨᖁᑎᖏᑦ ᖃᐅᔨᒻᒫᑦ ᐊᒻᒪᓗ ᐱᔮᖅᑯᒻᒥ ᐊᑐᕈᓐᓇᐃᓪᓕᑎᑦᓯᓯᒪᓚᐅᖅᑐᑦ ᐃᓄᒃᑎᑑᖅᑐᓂᒃ ᒐᕙᒪᒃᑯᑦ ᐱᔨᑦᓯᕋᐅᑎᖏᓐᓂ ᐊᕕᑦᑐᕐᓯᒪᓂᕐᒥ −− ᑕᑉᐲᓯᒪᓪᓗᑎᒃ ᐃᓕᓐᓂᐊᕐᓂᓕᕆᓂᕐᒥᒃ ᐊᒻᒪᓗ ᐃᖅᑲᖅᑐᐃᕕᓐᓂᒃ ᑖᒃᑯᐊ ᒪᕐᕉᒃ ᐱᔨᑦᓯᕋᖅᑏᑦ ᒐᕙᒪᒃᑯᑦ ᓴᖅᑭᔮᖅᑎᑦᓱᓂᒋᑦ ᐃᓱᒪᓕᐅᕈᑎᒋᓚᐅᖅᑕᖏᒃ ᐃᓄᒃᑐᑦ ᐅᖃᐅᓯᕐᒥᒃ ᑐᓂᔭᐅᓯᒪᔾᔮᓐᖏᒋᐊᖏᑦ ᓴᐳᔾᔭᐅᓯᒪᓂᕐᒥᓘᓐᓃᑦ.
ᑭᒡᓕᓂᐊᖅᑕᐅᓯᒪᔪᓂᒃ ᑕᕐᕋᓕᐅᖅᑕᐅᓯᒪᔪᓂ ᐅᓂᒃᑳᑦ ᐃᓄᒃᑐᑦ ᐊᑐᖅᑕᐅᓂᖓ ᓄᓇᕗᒻᒥ ᐃᓄᓐᓄᑦ ᑲᑕᑉᐸᓪᓕᐊᔪᖅ; ᑭᓯᐊᓂ, …

>> Read More

ᑐᓐᖓᕕᒃᑯᑦ ᓇᓗᓇᐃᕐᓯᒍᑎᖏᑦ NIRB−ᑯᑦ ᓄᖅᑲᕐᓂᕆᓚᐅᖅᑕᖓᓄᑦ

(ᑏᓰᒻᕙ 4, 2019, ᐃᖃᓗᐃᑦ) ᓄᓇᕗᑦ ᑐᓐᖓᕕᒃ ᑎᒥᖓ (ᑐᓐᖓᕕᒃ) ᐱᓂᐊᕐᓂᕋᐅᑎᖓ ᓴᐳᔾᔨᓂᖅ ᐃᓄᐃᑦ ᐱᔪᓐᓇᐅᑎᖏᓐᓂᒃ ᓄᓇᕗᑦ ᐊᖏᕈᑎᖏᑎᒍᑦ. ᐃᓄᐃᑦ ᓇᓗᓇᐃᕐᓯᒪᑦᓯᐊᖅᑐᓂᒃ ᐱᔪᓐᓇᐅᑎᓖᑦ ᖃᐅᔨᑲᖅᑕᐅᒋᐊᖃᕐᓂᕐᒧᑦ ᓄᓇᒦᓐᖔᖅᑐᓂᒃ ᐱᕙᓪᓕᐊᑎᑦᓯᓂᕐᒥᒃ ᓄᓇᕗᒻᒥ. ᐃᓛᒃ, ᑖᓐᓇ ᐱᔾᔪᑕᐅᔪᖅ ᓄᓇᕗᑦ ᐊᖏᕈᑎᖏᑦ ᓴᖅᑭᖅᑕᐅᔾᔪᑎᒋᓯᒪᔭᖓ.
ᐱᔭᕆᐊᑐᓚᐅᖅᑐᖅ ᐃᓱᒪᓕᐅᕈᑎᒋᓇᓱᐊᕆᐊᖓ ᑐᓐᖓᕕᒃᑯᓐᓄᑦ ᓴᖅᑮᓂᕐᒥᒃ ᐱᖁᔨᕗᖔᕈᒻᒥᒃ ᓄᖅᑲᖁᓪᓗᒋᑦ ᓄᓇᕗᒻᒥ ᐊᕙᑎᓕᕆᔨᒃᑯᑦ ᑲᑎᒪᔩᑦ (NIRB) ᓈᓚᖕᓂᖓ ᑲᒪᒋᔭᐅᓂᖓᑕ II ᐹᕕᓐᓛᓐ ᓴᕕᒃᓴᓂᒃ ᐅᔭᕋᓐᓂᐊᑎᒃᑯᑦ ᑯᐊᐳᕇᓴᓐ ᓄᓘᔮᓐᓂ ᐱᓕᕆᐊᖑᒍᒪᔪᒧᑦ ᑕᖅᑭᓂᒃ 9−ᓂᒃ ᑎᑭᓪᓗᒍ ᐊᕐᕌᒍ ᐊᑕᐅᓯᖅ, ᐅᑉᕙᓘᓐᓃᑦ NIRB−ᑯᑦ ᓈᖕᒪᒐᓱᕆᔭᖓᓂᒃ. ᑐᑭᓯᓇᕐᓯᑎᒋᐊᕐᓗᒍ, ᑐᓐᖓᕕᒃᑯᑦ ᐊᒻᒪᓗ ᕿᑭᖅᑕᓂ ᐃᓄᐃᑦ ᑲᑐᔾᔨᖃᑎᒌᑦ (ᕿᑭᖅᑕᓂ) ᐃᓕᓴᕐᓯᓚᐅᖅᑐᑦ NIRB−ᑯᑦ ᐋᖅᑭᑦᓯᒌᖅᑐᒥᓂᐅᒋᐊᖏᑦ ᐃᒫᒃ, ᐱᕕᒃᓴᕆᔭᐅᔪᖅ ᐱᔾᔪᑕᐅᓪᓗᓂ ᑖᑦᓱᒧᖓ ᓈᓚᖕᓂᕐᒧᑦ, ᑲᑎᒻᒪᓗᑎᒃ ᓈᓚᓐᓃᑦ …

>> Read More

ᐊᓗᑭ ᑰᑦᑎᖅ, ᐊᖓᔪᖅᑳᖅ, ᑐᓐᖓᕕᒃ ᒪᑐᐃᕈᑏᑦ ᑲᑎᒪᔨᕋᓛᖑᑲᐃᓐᓇᖅᑐᓄᑦ ᒪᓕᒐᑦᓴᒧᑦ ᐱᖁᔭᒃᓴᖅ 25 – ᑐᒃᓯᕋᐅᑦ ᐃᓕᓐᓂᐊᕐᓂᓕᕆᓂᕐᒧᑦ ᐱᖁᔭᖅ ᐋᖅᑭᒋᐊᕈᑎᒃᓴᓄᑦ

ᐊᓗᑭ ᑰᑦᑎᖅ, ᐊᖓᔪᖅᑳᖅ, ᑐᓐᖓᕕᒃ
ᒪᑐᐃᕈᑏᑦ ᑲᑎᒪᔨᕋᓛᖑᑲᐃᓐᓇᖅᑐᓄᑦ ᒪᓕᒐᑦᓴᒧᑦ
ᐱᖁᔭᒃᓴᖅ 25 – ᑐᒃᓯᕋᐅᑦ ᐃᓕᓐᓂᐊᕐᓂᓕᕆᓂᕐᒧᑦ ᐱᖁᔭᖅ ᐋᖅᑭᒋᐊᕈᑎᒃᓴᓄᑦ
ᓇᒡᒐᔾᔭᐅ, ᓅᕙᐃᒻᕙ 25, 2019 ᖃᐅᔨᓴᐅᑦ 10:30 ᐅᓪᓗᒃᑯᑦ
ᑐᑭᓯᑎᑦᓯᕐᖓᐅᑏᑦ
ᖁᔭᓐᓇᒦᒃ, ᐃᒃᓯᕙᐅᑕᖅ ᐊᒻᒪᓗ ᐃᓚᒋᔭᐅᔪᑦ, ᐱᕕᒃᓴᖃᖅᑎᑕᐅᒐᒪ ᐅᓂᒃᑳᓂᕐᒥᒃ ᑲᑎᒪᔨᕋᓛᖑᑲᐃᓐᓇᖅᑐᓄᑦ ᐅᓪᓗᒥ ᐱᖁᔭᒃᓴᖅ 25-ᒧᑦ.
ᐊᓗᑭ ᑰᑦᑎᐅᔪᖓ. ᓄᓇᕗᑦ ᑐᓐᖓᕕᒃ ᑎᒥᖓᓂ ᐊᖓᔪᖅᑳᖑᔪᖓ.
ᐅᓂᒃᑳᕐᓂᕆᓂᐊᖅᑕᕋ ᑲᑐᔾᔨᓂᒃᑯᑦ ᑭᒡᒐᑐᐃᓪᓗᖓ ᑐᓐᖓᕕᒃᑯᑦ, ᕿᑭᖅᑕᓂ ᐃᓄᐃᑦ ᑲᑐᔾᔨᖃᑎᒌᑦ, ᑭᕙᓪᓕᖅ ᐃᓄᐃᑦ ᑲᑐᔾᔨᖃᑎᒌᑦ ᐊᒻᒪᓗ ᕿᑎᕐᒥᐅᑦ ᐃᓄᐃᑦ ᑲᑐᔾᔨᖃᑎᒌᑦ (ᑖᒃᑯᐊ ᐃᓄᐃᑦ ᑲᑐᔾᔨᖃᑎᒌᖏᑦ) ᐊᒻᒪᓗ ᑐᓴᐅᒪᑎᑕᐅᓂᒃᑯᑦ ᐅᖃᐅᓯᐅᖃᑦᑕᕐᓯᒪᔪᓂᒃ ᓄᓇᕗᒻᒥᐅᓄᑦ.
ᐅᓪᓗᒥ ᐅᖃᓕᒪᕕᒋᔭᑦᓯ ᑭᒡᒐᑐᐃᓪᓗᖓ ᓄᓇᕗᒻᒥ ᐃᓄᓐᓂᒃ.
ᒐᕙᒪᒃᑯᑦ ᓴᒃᑯᐃᖁᒐᑦᑎᒍ ᐱᖁᔭᒃᓴᖅ 25-ᒥᒃ.
ᐱᔪᓐᓇᐅᑎᖃᕋᓗᐊᖅᑎᓪᓗᑕ, ᐃᓚᒋᔭᐅᓪᓗᓂ ᐃᓛᒃᑯᑦ 32 ᓄᓇᕗᒻᒥ ᐊᖏᕈᑎᓂ, ᐊᒻᒪᓗ ᐱᓕᕆᐊᒃᓴᑎᓐᓂᒃ ᐱᓇᓱᐊᖏᓐᓇᕋᓗᐊᖅᑎᓪᓗᑕ, ᑐᓐᖓᕕᒃᑯᑦ ᐃᓚᒋᔭᐅᓚᐅᕐᓯᒪᓐᖏᒻᒪᑕ ᐱᕙᓪᓕᐊᑎᑕᐅᓂᖏᓐᓂ …

>> Read More

ᐊᖓᔪᖅᑳᖅ ᑰᑦᑎᖅ ᖁᕕᐊᒃᑯᔾᔨᕗᖅ ᑲᓇᑕᐅᑉ ᒐᕙᒪᖓᓂ ᓄᑖᓂᒃ ᐅᑎᖅᑐᓂᓪᓗ ᒥᓂᔅᑕᐅᑏᑦ ᑲᑎᒪᔨᖏᓐᓂᒃ

ᐃᕐᖐᓐᓈᖅ ᓴᖅᑭᖅᑕᐅᒋᐊᓕᒃ
ᐊᖓᔪᖅᑳᖅ ᑰᑦᑎᖅ ᖁᕕᐊᒃᑯᔾᔨᕗᖅ ᑲᓇᑕᐅᑉ ᒐᕙᒪᖓᓂ ᓄᑖᓂᒃ ᐅᑎᖅᑐᓂᓪᓗ ᒥᓂᔅᑕᐅᑏᑦ ᑲᑎᒪᔨᖏᓐᓂᒃ
(ᓅᕙᐃᒻᕙ 21, 2019- ᐃᖃᓗᑦᑑᑦᑎᐊᖅ) ᓄᓇᕗᑦ ᑐᓐᖓᕕᒃ ᑎᒥᖓᑕ (ᑐᓐᖓᕕᒃ) ᐊᖓᔪᖅᑳᖓ ᐊᓗᑭ ᑰᑦᑎᖅ ᖁᕕᐊᒃᑯᔾᔨᕗᖅ ᑲᓇᑕᐅᑉ ᒐᕙᒪᖓᓂ ᓄᑖᓂᒃ ᐅᑎᖅᑐᓂᓪᓗ ᒥᓂᔅᑕᐅᑏᑦ ᑲᑎᓯᒪᔨᖏᓐᓂᒃ ᐊᖏᖅᑎᑕᐅᓚᐅᖅᑐᓂᒃ ᐃᑉᐸᑦᓴᖅ ᐋᑐᕚᒥ.
ᑐᓐᖓᕕᒃᑯᑦ ᑐᓂᓯᒪᕗᑦ ᐃᖅᑲᓇᐃᔭᖃᑎᖃᕐᓂᐊᓂᕐᒥᒃ ᓄᑖᓂᒃ ᒥᓂᔅᑕᐅᑏᑦ ᑲᑎᒪᔨᖏᓐᓂᒃ ᓱᖅᑯᐃᖅᑕᐅᓯᒪᖁᓪᓗᒋᑦ ᐱᔪᓐᓇᐅᑎᖏᑦ ᐊᒻᒪᓗ ᐊᖏᕈᑕᐅᓯᒪᔪᑦ ᐃᑉᐱᔭᐅᑦᓯᐊᖁᓪᓗᒋᑦ. ᐊᑕᖏᕐᓗᑎᒃ ᐊᒻᒪᓗ ᓈᖕᒪᑐᒃᑯᑦ ᐊᑐᓕᖅᑎᑕᐅᖁᓪᓗᒋᑦ ᓄᓇᕗᑦ ᐊᖏᕈᑎᖏᑦ ᑐᓐᖓᕕᒋᔭᐅᒻᒪᑕ ᐱᓕᕆᐊᖏᓐᓄᑦ ᑐᓐᖓᕕᒃᑯᑦ ᐱᓗᐊᖅᑐᒥ.
“ᖃᐅᔨᒪᔪᖓ ᓈᖕᒪᓂᕐᐹᒃᑯᑦ ᐋᖅᑭᑦᓯᒪᒋᐊᖅᑎᑦᓯᒍᓐᓇᕋᑦᑕ ᐃᓅᓯᖏᓐᓂᒃ ᐃᓄᐃᑦ ᓄᓇᕗᒻᒥ ᐃᖅᑲᓇᐃᔭᖃᑎᖃᕐᓗᑕ ᓄᑖᓂᒃ ᒥᓂᔅᑕᐅᑏᑦ ᑲᑎᒪᔨᖏᓐᓂᒃ ᑲᓇᑕᐅᑉ ᒐᕙᒪᒃᑯᖏᓐᓂ,” ᐅᖃᖅᑐᖅ ᑐᓐᖓᕕᒃᑯᑦ ᐊᖓᔪᖅᑳᖓ ᐊᓗᑭ ᑰᑦᑎᖅ.
ᑐᓐᖓᕕᒃᑯᑦ ᑐᑭᒧᐊᒍᑎᒃᓴᓕᐊᕆᓯᒪᔭᖏᓐᓄᑦ ᓯᕗᓪᓕᐅᔾᔭᐅᔭᕆᐊᓕᓐᓃᖃᑕᐅᔪᑦ ᐱᕚᓪᓕᓇᖅᑐᒻᒪᕆᒻᒥᒃ …

>> Read More

ᓄᓇᕗᑦ ᑐᓐᖓᕕᒃ ᐃᑲᔫᑎᒃᓴᓕᕆᔨᒃᑯᑦ ᒪᑐᐃᕐᓯᑲᓐᓂᖅᑐᑦ ᑐᒃᓯᕋᐅᓯᐅᕐᓇᒥᒃ ᐃᓕᓐᓂᐊᖅᑎᓄᑦ

ᐃᕐᖐᓐᓇᖅ ᓴᖅᑭᖅᑕᐅᔭᕆᐊᓕᒃ
ᓄᓇᕗᑦ ᑐᓐᖓᕕᒃ ᐃᑲᔫᑎᒃᓴᓕᕆᔨᒃᑯᑦ ᒪᑐᐃᕐᓯᑲᓐᓂᖅᑐᑦ ᑐᒃᓯᕋᐅᓯᐅᕐᓇᒥᒃ ᐃᓕᓐᓂᐊᖅᑎᓄᑦ
(ᓅᕙᐃᒻᕙ 4, 2019 – ᐃᖃᓗᐃᑦ, ᓄᓇᕗᑦ) ᓄᓇᕗᑦ ᑐᓐᖓᕕᒃ ᑎᒥᖓ (ᑐᓐᖓᕕᒃ) ᐊᖓᔪᖅᑳᖓ ᐊᓗᑭ ᑰᑦᑎᖅ ᑐᓴᐅᒪᑦᓯᐊᖁᔨᔪᖅ ᓄᓇᕗᑦ ᑐᓐᖓᕕᒃ ᐃᑲᔫᑎᒃᓴᓕᕆᔨᒃᑯᑦ (NTF) ᐃᓕᓐᓂᐊᑲᓐᓂᖅᑐᓄᑦ ᐃᑲᔫᑎᒃᓴᓄᑦ ᑐᒃᓯᕋᐅᑏᑦ ᒪᑐᐃᖓᑎᑕᐅᒃᑲᓂᕐᓂᐊᕐᒪᑕ ᓅᕙᐃᒻᕙ 30, 2019-ᒧᓄᑦ.
“ᖃᐅᔨᒪᓇᓱᐊᕐᓂᒃᑯᑦ ᐅᓄᕐᒪᑕ ᐃᓄᐃᑦ ᐃᓕᓐᓂᐊᖅᑏᑦ ᐃᓕᓐᓂᐊᑲᓐᓂᕕᓐᓂ ᐃᓕᓐᓂᐊᖅᑕᒥᓂᒃ ᐃᓱᓕᑦᓯᓇᓱᐊᖅᑐᑦ ᐊᒻᒪᓗ ᐃᑲᔪᕈᓐᓇᕋᑦᑎᒍ ᓄᓇᕗᑦ ᑐᓐᖓᕕᒃ ᐃᑲᔫᑎᒃᓴᓕᕆᔨᒃᑯᑎᒍ,” ᐅᖃᓚᐅᖅᑐᖅ ᐊᖓᔪᖅᑳᖅ ᑰᑦᑎᖅ.
ᐃᑲᔪᖅᑕᐅᔪᓐᓇᖅᑐᑦ ᐃᓕᓐᓂᐊᖅᑏᑦ ᑐᒃᓯᕋᐅᓯᐅᕈᒪᔪᑦ ᐱᕕᒃᓴᐃᕈᑎᓚᐅᖅᑐᑦ ᐊᕐᕌᒍᑦᑕ ᐱᒋᐊᓕᓵᕐᓂᖓᓂ ᑐᒃᓯᕋᐅᓯᐅᕈᓐᓇᖅᑐᑦ ᐅᑯᓇᓐᖓᑦ ᐃᓕᓐᓂᐊᑲᓐᓂᖅᑐᓄᑦ ᐃᑲᔫᑎᒃᓴᓂᒃ:
a) $1,000 ᐊᑕᐅᓯᖅ ᑐᓂᔭᐅᓗᓂ, 133 ᐃᓕᓐᓂᐊᖅᑏᑦ ᑐᓂᔭᐅᒍᓐᓇᖅᑐᑦ, ᐃᓕᓴᕆᔭᐅᓯᒪᔪᒥ ᐃᓕᓐᓂᐊᑲᓐᓂᕕᒻᒥ ᐃᓕᓐᓂᐊᖅᑐᑦ ᓴᓇᔭᕆᐅᕐᓴᓂᕐᒥᒃ/ᐃᖅᑲᓇᐃᔭᕆᐅᕐᓴᓂᕐᒥᒃ ᓯᑕᒪᓂᒃ ᐱᓇᓱᐊᕈᓯᕐᓂᒃ ᐊᑯᓂᐅᓂᕐᓴᓘᓐᓃᑦ ᐃᓕᓐᓂᐊᓂᐊᖅᑐᑦ (ᐃᓚᒋᔭᐅᓪᓗᑎᒃ ᓴᓇᔭᕆᐅᕐᓴᓂᕐᒥᒃ …

>> Read More

2019 ᓄᓇᕗᑦ ᑐᙵᕕᒃ ᐊᖓᔪᖅᑳᑉ ᐱᓕᐅᓯᐊᕐᑎᑦᑎᒍᑎᖓ

2019 ᓄᓇᕗᑦ ᑐᙵᕕᒃ ᐊᖓᔪᖅᑳᑉ ᐱᓕᐅᓯᐊᕐᑎᑦᑎᒍᑎᖓ
 (ᐊᒃᑐᕙ 23, 2019 – ᑲᖏᖅᖠᓂᕐᒥ, ᓄᓇᕗᑦ) ᓄᓇᕗᑦ ᑐᙵᕕᒃᑯᑦ ᐊᖓᔪᖅᑳᖓᑦ ᐊᓗᑭ ᑰᑦᑎᖅ ᐱᓕᐅᓯᐊᕐᑎᑦᑎᓚᐅᕐᒪᑦ ᐱᖓᓱᓂᒃ ᓄᓇᕗᖕᒥ ᐃᓄᖕᓂᒃ ᐆᒥᖓ ᓄᓇᕗᒐᑦ ᑐᙵᕕᒃᑯᑦ ᐊᖓᔪᖅᑳᖓᑕ ᐱᓕᐅᓯᐊᕐᑎᑦᑎᒍᑎᖓᓂᒃ ᓂᕆᕕᔾᔪᐊᑎᓪᓗᒋᑦ ᓄᓇᖅᑲᑎᒌᑦ ᑲᖏᖅᖠᓂᕐᒥ ᑕᕝᕙᓂ ᓄᓇᕗᑦ ᑐᙵᕕᒃᑯᑦ ᐊᕐᕌᒍᓕᒫᕐᓯᐅᑎᒥᓂᒃ ᑲᑎᒪᒻᒪᑕ ᑕᒪᑐᒪᓂ ᐱᓇᓱᐊᕈᓯᕐᒥ.
ᓄᓇᕗᒐᑦ ᑐᙵᕕᒃᑯᑦ ᐊᖓᔪᖅᑳᖓᑕ ᐱᓕᐅᓯᐊᕐᑎᑦᑎᒍᑎᖓ ᐊᑑᑎᖃᕐᒪ ᐃᓕᓴᕐᓯᒍᑕᐅᓪᓗᓂ ᐊᒻᒪᓗ ᖁᕕᐊᓱᒍᑕᐅᓂᖓᓄᑦ ᓄᓇᕗᖕᒥ ᐃᓄᐃᑦ ᐱᒻᒪᕆᐅᔪᒥᒃ ᐃᑲᔪᓐᓂᖃᖅᓯᒪᔪᓂᒃ ᐱᕙᓪᓕᐊᑎᑦᑎᓂᕐᒧᑦ ᐊᒻᒪ ᐃᓕᖅᑯᓯᑐᖃᒃᑯᑦ ᐱᕚᓪᓕᕈᑎᓂᒃ ᐃᓄᖕᓄᑦ. ᐱᓕᐅᓯᐊᕐᑐᑦ 2019-ᒥ ᓄᓇᕗᑦ ᑐᙵᕕᒃᑯᑦ ᐊᖓᔪᖅᑳᖓᑦᑕ ᐱᓕᐅᓯᐊᕐᑎᑦᑎᒍᑎᖓᓂ ᐱᓕᐅᓯᐊᖅᑐᑦ ᐅᑯᐊᖑᕗᑦ ᔮᒃ ᖃᕐᕖᒃᑐᖅ, ᓂᓚᐅᓚᖅ ᒥᐊᕆᐊᒻ ᐊᒡᓘᒃᑲᖅ ᐊᒻᒪ ᑎᐊᕙᓐ ᒪᓂᖅ.  ᔮᒃ ᖃᕝᕖᑦᑐᖅ ᐊᒻᒪᓗ ᓂᓚᐅᓚᖅ …

>> Read More

ᖃᓄᐃᑦᑐᓐᓃᖅᐸᓪᓕᐊᓂᕐᒧᑦ ᐃᓂᒥᒃ ᐱᑕᖃᓛᓕᖅᐳᖅ ᓄᓇᕗᒻᒥ

ᐊᐅᒍᔅᑦ 19, 2019 — ᐃᖃᓗᐃᑦ, ᕿᑭᖅᑖᓗᖕᒥ ᐊᕕᒃᓯᒪᓂᕆᔭᐅᔪᖅ ᓄᓇᕗᒻᒥ — ᓄᓇᕗᑦ ᒐᕙᒪᖓ, ᓄᓇᕗᑦ ᑐᙵᕕᒃᑯᑦ, ᓄᓇᖃᖅᑳᖅᑐᓄᑦ ᐱᔨᑦᑎᕋᕐᓂᕆᔭᐅᕙᒃᑐᑦ ᑲᓇᑕᒧᑦ
ᐱᐅᓯᒋᐊᖅᑎᑦᑎᓂᖅ ᐃᓱᒪᒃᑯᑦ ᖃᓄᐃᙱᑦᑎᐊᕈᓐᓇᕐᓂᕐᒥᒃ ᐃᓄᖕᓄᑦ ᓄᓇᕗᒻᒥ ᑐᑭᖃᖅᐳᖅ ᐃᓚᓐᓇ, ᐱᑎᑦᑎᕙᖕᓂᖅ ᐱᐅᓂᖅᓴᒥᒃ ᐊᑐᖅᑕᐅᔪᓐᓇᖅᑐᒥᒃ ᐃᓄᖕᓄᑦ ᓄᓇᕗᒻᒥ ᑐᑭᖃᖅᐳᖅ ᐱᑎᑦᑎᕙᖕᓂᖅ ᑲᒪᒋᔭᐅᓂᕐᒥᒃ ᐃᓕᖅᑯᓯᕆᔭᐅᔪᓄᑦ  ᓈᒻᒪᒃᑐᒥᒃ, ᐊᖏᕐᕋᕆᔭᐅᔪᓄᑦ ᖃᓂᓐᓂᖅᓴᒥᒃ, ᑲᔪᓯᓂᖃᑦᑎᐊᕈᓐᓇᖅᑐᒥᒃ, ᑲᔪᓯᑎᑕᐅᖏᓐᓇᕈᓐᓇᖅᑐᒥᒡᓗ.
ᐱᓕᕆᖃᑎᒌᖕᓂᕐᒧᑦ ᐃᓂᒋᔭᐅᕙᒃᑐᖅ ᖃᓄᐃᙱᑦᑎᐊᕈᓐᓇᕐᓂᕐᒧᑦ, ᓄᓇᕗᑦ ᒐᕙᒪᒃᑯᖏᑦ, ᓄᓇᕗᑦ ᑐᙵᕕᒃᑯᑦ ᒐᕙᒪᒋᔭᐅᔪᕐᓗ ᑲᓇᑕᒥᐅᓄᑦ ᑲᑎᓚᐅᖅᐳᑦ ᐊᑎᓕᐅᕆᔭᖅᑐᖅᖢᑎᒃ ᑲᑐᔾᔨᓪᓗᓂ ᐅᖃᖅᓯᒪᒻᒪᕆᑦᑐᒥᒃ ᐱᓇᔪᒍᒪᓂᐊᕐᓂᕐᒧᑦ ᓴᓇᕙᐅᓛᕐᓂᖓᓄᑦ ᐊᐅᓚᑕᐅᓛᕐᓂᖓᓄᓪᓗ ᓄᓇᕗᒻᒥ ᖃᓄᐃᑦᑐᓐᓃᖅᐸᓪᓕᐊᓂᕐᒧᑦ ᐃᓂᒋᔭᐅᓇᔭᖅᑐᒥᒃ ᑖᓐᓇᓗ ᐱᑎᑦᑎᖃᑦᑕᕐᓂᐊᖅᖢᓂ ᑲᒪᒋᔭᐅᓂᕐᒥᒃ ᓄᓇᕗᒻᒥ ᐅᐃᕆᓯᒪᔾᔪᑕᐅᓕᖅᐸᒃᑐᓄᑦ ᐊᒃᓱᕈᓐᓇᕐᓂᐅᓕᖅᐸᒃᑐᒧᓪᓗ.
ᐊᒥᓱᑦ ᓄᓇᕗᒻᒥᐅᑦ ᐊᒃᓱᕈᐃᓐᓇᖃᑦᑕᖅᐳᑦ ᓱᓕ ᐊᒃᑐᖅᓯᓂᕆᔭᐅᔪᓄᑦ ᖃᖓ ᐊᑐᖅᑕᐅᕙᓚᐅᖅᓄᑦ ᐃᓄᒃᑖᕆᔭᐅᕙᓪᓕᐊᔪᓄᓪᓗ ᐊᒃᓱᕈᕐᓇᓪᓚᕆᒃᑐᓄᑦ, ᐊᒻᒪᓗᑦᑕᐅᖅ ᐅᐃᕆᓯᒪᔾᔪᑕᐅᓕᖅᐸᒃᑐᓄᑦ …

>> Read More

ᑐᓐᖓᕕᒃ ᐊᖓᔪᖅᑳᖓ ᐊᑎᓕᐅᖅᑐᖅ ᐊᐅᓚᑦᓯᔪᓐᓇᐅᑎᑖᕐᓂᕐᒧᑦ ᐊᖏᕈᑕᐅᒋᐊᓐᖓᖅᑐᓂᒃ

ᐃᕐᖐᓐᓇᖅ ᓴᖅᑭᖅᑕᐅᔭᕆᐊᓕᒃ
ᑐᓐᖓᕕᒃ ᐊᖓᔪᖅᑳᖓ ᐊᑎᓕᐅᖅᑐᖅ ᐊᐅᓚᑦᓯᔪᓐᓇᐅᑎᑖᕐᓂᕐᒧᑦ ᐊᖏᕈᑕᐅᒋᐊᓐᖓᖅᑐᓂᒃ
(ᐊᐅᒡᒍᓯ 15, 2019 – ᐃᖃᓗᐃᑦ, ᓄᓇᕗᑦ) ᐊᓗᑭ ᑰᑦᑎᖅ, ᑐᓐᖓᕕᒃᑯᑦ ᐊᖓᔪᖅᑳᖓ ᐅᓪᓗᒥ ᐊᑎᓕᐅᖃᑎᖃᖅᑲᐅᔪᖅ ᓄᓇᕗᒻᒥ ᐊᐅᓚᑦᓯᔪᓐᓇᐅᑎᑖᕐᓂᕐᒧᑦ ᐊᖏᕈᑕᐅᒋᐊᓐᖓᖅᑐᓂᒃ (AIP) ᒥᓂᔅᑕ ᑭᐅᕈᓕᓐ ᐱᐊᓂᑦᒥᒃ ᐊᒻᒪᓗ ᓯᕗᓕᖅᑎ ᔫ ᓴᕕᑲᑖᒥᒃ.
ᑐᓐᖓᕕᒃᑯᑦ ᐊᑯᓂᐊᓗᒃ ᐃᑲᔪᕐᓱᐃᖃᑦᑕᕐᓯᒪᔪᑦ ᓄᒃᑎᖅᑕᐅᓂᖏᓐᓂᒃ ᑯᐃᓐ ᓄᓇᖁᑎᖏᓐᓂᒃ ᓄᓇᒦᓐᖔᖅᑐᓂᓪᓗ ᒐᕙᒪᑐᖃᒃᑯᓐᓂᒃ ᓄᓇᕗᑦ ᒐᕙᒪᒃᑯᖏᓐᓄᑦ. ᐊᔾᔨᐸᓗᐊ ᓄᑦᑎᖅᑕᐅᕌᓂᖃᑦᑕᕐᓯᒪᔪᑦ ᔫᑳᓐᒥ ᐊᒻᒪᓗ ᓄᓇᑦᓯᐊᒥ, ᐊᒻᒪᓗ ᓄᓇᕗᑦ ᒫᓐᓇ ᑖᓐᓇᑐᐊᖅ ᐊᐅᓚᑦᓯᔪᓐᓇᕐᕕᐅᔪᓂ ᑲᓇᑕᒥ ᑯᐃᓐ ᓄᓇᖁᑎᖏᓐᓄᑦ, ᐅᖅᓱᐊᓗᓐᓄᑦ ᒑᓴᓖᒧᑦ, ᐊᒻᒪᓗ ᐅᔭᕋᓐᓂᐊᕋᑦᓴᓄᑦ ᓱᓕ ᐊᐅᓚᑕᐅᔪᑦ ᒐᕙᒪᑐᖃᒃᑯᓐᓂᒃ.
“ᐱᖕᒪᕆᐅᔪᖅ ᐃᓱᒪᓕᐅᕈᑕᐅᒋᐊᖃᕐᓂᖏᑦ ᓄᓇᑦᑎᓐᓂ ᓄᓇᒦᓐᖔᖅᑐᖁᑎᕗᑦ ᑎᒍᔭᐅᒋᐊᖃᕐᓯᒪᓕᕐᓂᖏᑦ ᐃᓄᓐᓂᒃ ᑕᒫᓂᒥᐅᓂᒃ − ᐅᖓᓯᑦᑐᒥᐅᑕᐅᓐᖏᑦᑐᓄᑦ ᐃᓪᓗᑯᑖᕋᓗᓐᓂ ᐋᑐᕚᒥ,” ᐅᖃᖅᑐᖅ ᐊᖓᔪᖅᑳᖅ …

>> Read More

ᐃᓄᐃᑦ ᓇᑯᕐᓴᖅᑐᑦ ᑲᑐᔾᔭᐅᓪᓗᓂ−ᐋᖅᑭᓱᖅᑕᐅᓚᐅᖅᑐᒥᒃ ᒐᕙᒪᑐᖃᒃᑯᑦ ᑐᑭᒧᐊᒍᑎᖓᓂᒃ ᑐᕌᖓᔪᒥᒃ ᐊᑐᓕᖅᑎᑕᐅᓂᖓᓂᒃ ᒐᕙᒪᒃᑯᑦ ᑳᓐᑐᓛᓄᑦ ᑲᔪᓯᑎᑦᓯᓛᓪᓚᕆᑦᓯᒪᓂᖓᓂᒃ (ᐃᓛᒃᑯᑦ 24) ᓄᓇᕗᒻᒥ ᐊᖏᕈᑎᓂ

ᐃᕐᖐᓐᓇᖅ ᓴᖅᑭᖅᑕᐅᔭᕆᐊᓕᒃ
ᐃᓄᐃᑦ ᓇᑯᕐᓴᖅᑐᑦ ᑲᑐᔾᔭᐅᓪᓗᓂ−ᐋᖅᑭᓱᖅᑕᐅᓚᐅᖅᑐᒥᒃ ᒐᕙᒪᑐᖃᒃᑯᑦ ᑐᑭᒧᐊᒍᑎᖓᓂᒃ ᑐᕌᖓᔪᒥᒃ ᐊᑐᓕᖅᑎᑕᐅᓂᖓᓂᒃ ᒐᕙᒪᒃᑯᑦ ᑳᓐᑐᓛᓄᑦ ᑲᔪᓯᑎᑦᓯᓛᓪᓚᕆᑦᓯᒪᓂᖓᓂᒃ (ᐃᓛᒃᑯᑦ 24) ᓄᓇᕗᒻᒥ ᐊᖏᕈᑎᓂ
(ᐃᖃᓗᐃᑦ, ᐊᐅᒡᒍᓯ 15, 2019) ᓄᓇᕗᑦ ᑐᓐᖓᕕᒃ ᑎᒥᖓ (ᑐᓐᖓᕕᒃ) ᓇᑯᕐᓴᖅᑐᑦ ᓴᖅᑭᖅᑕᐅᓂᖓᓂᒃ ᓄᑖᖅ ᑲᑐᔾᔭᐅᓪᓗᓂ−ᐋᖅᑭᓱᖅᑕᐅᓚᐅᖅᑐᒥᒃ ᒐᕙᒪᑐᖃᒃᑯᑦ ᓂᐅᕕᕈᓐᓇᓂᕐᒧᑦ ᑐᑭᒧᐊᒍᑎᖓᓂᒃ ᐊᑦᑐᐊᔪᓂᒃ ᑳᓐᑐᓛᓄᑦ ᐊᐅᓚᑕᐅᔪᓂᒃ ᓄᓇᕗᑦ ᓄᓇᖓᑕ ᓇᓗᓇᐃᖅᑕᐅᓯᒪᓂᖓᓂ.
“ᐊᑐᓕᖅᑎᑕᐅᓂᖓ ᓄᓇᕗᒻᒨᖓᔪᖅ ᒐᕙᒪᑐᖃᒃᑯᑦ ᓂᐅᕕᕈᓐᓇᓂᕐᒧᑦ ᐊᑐᐊᒐᖓ ᑎᑭᐅᑎᓯᒪᒋᐊᖃᖅᑎᑕᐅᔪᖅ ᒐᕙᓚᑐᖃᒃᑯᑦ ᑳᓐᑐᓛᓄᑦ ᐱᓇᓱᐊᕋᑦᓴᒫᖏᓐᓄᑦ ᐃᓛᒃᑯᑦ 24 ᓄᓇᕗᑦ ᐊᖏᕈᑎᖏᓐᓂ. ᐊᔭᐅᖅᑐᐃᖃᑦᑕᕐᓯᒪᔪᒍᑦ ᐊᒻᒪᓗ ᐃᖅᑲᓇᐃᔮᕆᓯᒪᓪᓗᒍ ᐊᕐᕌᒍᕋᓵᓗᓐᓂᒃ,” ᐅᖃᖅᑐᖅ ᑐᓐᖓᕕᒃᑯᑦ ᐊᖓᔪᖅᑳᖓ ᐊᓗᑭ ᑰᑦᑎᖅ. “ᐱᖕᒪᕆᐊᓗᒃ ᓯᕗᒧᐊᑦᑎᑕᐅᓂᖓ ᐊᒻᒪᓗ ᑖᓐᓇᐅᕗᖅ ᐊᓯᔾᔩᒍᑕᐅᓂᐊᖅᑐᖅ ᖃᓄᐃᓐᖏᓯᐊᕈᑎᒃᓴᖏᓐᓄᑦ ᐃᓄᐃᑦ.”
ᐋᔩᕋᕈᑕᐅᓂᖓᓂ, ᑐᓐᖓᕕᒃᑯᑦ ᑐᑭᓕᐅᓕᖅᑭᑦᑖᖃᑦᑕᕐᓯᒪᔭᖏᑦ ᐊᒻᒪᓗ ᓇᓗᓇᐃᖅᑐᕐᓱᒋᑦ ᐊᑐᐊᒐᕐᓄᑦ ᑐᕌᒐᑦᓴᑦ ᐃᓛᒃᑯᑦ …

>> Read More

ᓄᓇᕗᑦ ᑐᓐᖓᕕᒃ ᑎᒥᖓ ᓇᓗᓇᐃᕐᓯᕗᖅ ᐊᑐᖅᑕᐅᒋᐅᖅᑐᒥ ᐅᓪᓗᖅ ᐊᒻᒪᓗ ᐅᐱᓇᕐᓂᖓᓂᒃ ᐱᓕᕆᐊᕆᓯᒪᔭᖓ ᕿᑭᖅᑕᓂᒃᑯᑦ ᑲᔪᓯᑎᑕᖓᓂᒃ

ᐃᕐᖐᓐᓇᖅ ᓴᖅᑭᖅᑕᐅᔭᕆᐊᓕᒃ
ᓄᓇᕗᑦ ᑐᓐᖓᕕᒃ ᑎᒥᖓ ᓇᓗᓇᐃᕐᓯᕗᖅ ᐊᑐᖅᑕᐅᒋᐅᖅᑐᒥ ᐅᓪᓗᖅ ᐊᒻᒪᓗ ᐅᐱᓇᕐᓂᖓᓂᒃ ᐱᓕᕆᐊᕆᓯᒪᔭᖓ ᕿᑭᖅᑕᓂᒃᑯᑦ ᑲᔪᓯᑎᑕᖓᓂᒃ
(ᐊᐅᒡᒍᓯ 1, 2019 – ᐃᖃᓗᐃᑦ, ᓄᓇᕗᑦ) ᓄᓇᕗᑦ ᑐᓐᖓᕕᒃ ᑎᒥᖓ ᓇᓗᓇᐃᕐᓯᕗᖅ ᐊᑐᖅᑕᐅᒋᐅᖅᑐᖅ ᐅᓪᓗᖅ ᐊᒻᒪᓗ ᐅᐱᓇᕐᓂᖓᓂᒃ ᐱᓕᕆᐊᕆᓯᒪᔭᖓ ᕿᑭᖅᑕᓂ ᐃᓄᐃᑦ ᑲᑐᔾᔨᖃᑎᒌᑦ (ᕿᑭᖅᑕᓂ) ᐋᔩᕋᕈᑎᖃᖃᑦᑕᓂᒃᑯᑦ ᐊᑎᓕᐅᕐᓂᖓᓗ ᐃᓄᐃᑦ ᐊᒃᑐᖅᑕᐅᓂᖏᓐᓄᑦ ᐃᑲᔫᓯᐊᖅᑖᓂᕐᒧᓪᓗ ᐊᖏᖃᑎᒌᒍᑎᓂᒃ (IIBA) ᑕᓪᓗᕈᑎᐅᑉ ᐃᒪᖓᓄᑦ ᐊᒻᒪᓗ ᓴᐳᔾᔭᐅᓯᒪᓚᐅᐱᓪᓚᒍᑕᐅᓂᐊᖅᑐᖅ ᑐᕙᐃᔪᐃᑦᑐᒥᒃ.
“ᑖᓐᓇ ᓴᖅᑭᔮᕈᑕᐅᔪᖅ ᒐᕙᒪᒃᑯᑦ ᐊᒻᒪᓗ ᐃᓄᐃᑦ ᐃᖅᑲᓇᐃᔭᖃᑎᒌᓐᓂᖏᓐᓂᒃ ᐱᕚᓪᓕᕈᑎᒃᓴᖅ ᐃᓄᖁᑎᑦᑎᓐᓄᑦ, ᑲᓇᑕᒥ ᐊᒻᒪᓗ ᓯᓚᕐᔪᐊᒥ. ᑖᓐᓇ ᒥᑭᓐᖏᑦᑐᖅ ᑲᔪᓯᑎᑕᐅᔪᖅ,” ᐊᖓᔪᖅᑳᖅ ᐊᓗᑭ ᑰᑦᑎᖅ ᐅᐱᒍᓱᑦᑐᓂ ᓂᓪᓕᓚᐅᕐᐳᖅ. “ ᑖᒃᑯᓄᖓ ᐊᖏᖃᑎᒌᒍᑎᓄᑦ, ᐃᓄᐃᑦ ᐃᓕᓴᕆᔭᐅᓂᖏᑦ ᐃᑲᔪᖅᑎᓪᓗᐊᑕᐅᓂᖏᓐᓂᒃ ᖃᐅᔨᒪᓂᕐᒥᒍᑦ ᐊᒻᒪᓗ ᓴᐳᔾᔨᓯᒪᓂᕐᒧᑦ ᐊᓪᓛᑦ.”
ᕿᑭᖅᑕᓂᒃᑯᑦ …

>> Read More

ᓄᓇᕗᑦ ᑐᓐᖓᕕᒃᑯᑦ ᖁᑦᓯᖕᓂᖅᓴᓂᒃ ᐃᓕᓐᓂᐊᕐᓂᕐᒧᑦ ᐱᓕᕆᐊᖏᑦ

ᓄᓇᕗᑦ ᑐᓐᖓᕕᒃᑯᑦ ᖁᑦᓯᖕᓂᖅᓴᓂᒃ ᐃᓕᓐᓂᐊᕐᓂᕐᒧᑦ ᐱᓕᕆᐊᖏᑦ
(ᔪᓚᐃ 26, 2019) ᑖᒃᑯᐊ ᓄᓇᕗᑦ ᑐᓐᖓᕕᒃᑯᑦ ᖁᑦᓯᖕᓂᖅᓴᓂᒃ ᐃᓕᓐᓂᐊᕐᓂᕐᒧᑦ ᐱᓕᕆᐊᖏᑦ
(NTF)’s ᐃᓕᓐᓂᐊᒃᑲᓐᓂᕈᑎᒃᓴᑦ ᐃᑲᔫᑏᑦ ᒪᑐᐃᖓᓕᖅᑐᑦ ᑐᒃᓯᕋᐅᑎᓄᑦ.  ᓄᓇᕗᒥ ᐃᓄᐃᑦ ᑎᓕᐅᖅᑕᐅᕗᑦ ᑐᒃᓯᕋᖁᔭᐅᓪᓗᑎᒃ ᑖᒃᑯᓂᖓ $2500.00 ᖁᑦᓯᖕᓂᖅᓴᓄᑦ ᐃᓕᓐᓂᐊᒃᑲᓐᓂᕈᑎᒃᓴᑦ ᐅᕝᕙᓘᓐᓃᑦ ᑖᒃᑯᐊ $1000.00 ᐱᓕᒻᒪᒃᓴᕐᓂᕐᒧᑦ ᐊᒻᒪ ᐃᖅᑲᓇᐅᔭᕆᐅᖅᓴᓂᕐᒧᑦ ᖁᒡᕙᕆᐊᕈᑏᑦ ᐃᓕᓐᓂᐊᒃᑲᓐᓂᕈᑎᒃᓴᑦ ᑐᖔᒍᑦ ᐊᐅᒍᓯ 31, 2019.
ᖁᕕᐊᓱᒃᐳᒍᑦ ᐃᑲᔪᖅᓱᐃᒋᐊᒃᓴᖅ ᓄᓇᕗᒥ ᐃᓄᖕᓂᑦ ᐃᓕᓐᓂᐊᖅᑎᓂᒃ ᑕᒪᒃᑮᑎᒍᑦ ᖁᑦᓯᖕᓂᖅᓴᓂᒃ ᐃᓕᓐᓂᐊᕐᓂᒃᑯᑦ ᐊᒻᒪ ᐱᓕᒻᒪᒃᓴᕐᓂᒃᑯᑦ ᐊᒻᒪ ᐃᖅᑲᓇᐃᔭᕆᐅᖅᓴᓂᒃᑯᑦ ᖁᒡᕙᕆᐊᕈᑎᓂᒃ,” ᐅᖃᖅᑐᖅ ᓄᓇᕗᑦ ᑐᓐᖓᕕᒃ ᑎᒥᖓᑦᑕ ᐊᖓᔪᖅᑳᖓᑦ ᐊᒻᒪ ᓄᓇᕗᑦ ᑐᓐᖓᕕᒃᑯᑦ ᖁᑦᓯᖕᓂᖅᓴᓂᒃ ᐃᓕᓐᓂᐊᕐᓂᕐᒧᑦ ᐱᓕᕆᐊᖏᑦ
ᐃᒃᓯᕙᐅᑕᖓᑦ ᐊᓗᑭ ᑰᑦᑎᖅ, “ᑮᓇᐅᔭᐃᕈᑎᖃᕐᓂᖅ ᓯᕗᓂᒃᓴᑦᓯᓐᓄᑦ ᐃᓕᓐᓂᐊᑲᐃᓐᓇᕐᓂᒃᑯᑦ ᐊᒻᒪ ᐃᓕᓐᓂᐊᕐᓂᒃᑯᑦ ᐊᑭᑖᕈᓐᓇᖏᒻᒪᑦ.  ᓂᕆᐅᒍᒪᕗᒍᑦ ᑕᒪᒃᑯᐊ …

>> Read More

ᑲᓇᑕᐅᑉ ᒐᕙᒪᒃᑯᖏᑦ ᒪᓕᒐᙳᑎᑦᑎᕗᑦ ᓇᓗᓇᐃᒃᑯᑕᑐᐃᓐᓇᕐᒥᒃ ᓄᓇᖅᑲᖅᑳᖅᓯᒪᔪᑦ ᐅᖃᐅᓯᖏᓐᓄᑦ ᒪᓕᒐᕐᒥ

ᒪᓕᒐᖅ ᐃᓚᑰᓗᐊᖅᑐᖅ ᑲᒪᒋᐊᕈᑎᖏᓐᓂᒃ ᒐᕙᒪᒃᑯᑦ ᐃᓄᒃᑐᑦ ᐅᖃᓯᕐᒥᒃ ᐳᐃᒍᖅᑎᑦᑎᓇᓱᐊᕐᓯᒪᑎᓪᓗᒋᑦ ᐊᒻᒪᓗ ᐊᓯᖏᑕ ᓄᓇᖃᖅᑳᖅᓯᒪᔪᑦ ᐅᖃᐅᓯᖏᓐᓂᒃ
ᒐᕙᒪᑐᖃᒃᑯᑦ ᓄᓇᖃᖅᑳᖅᓯᒪᔪᑦ ᐅᖃᐅᓯᖏᓐᓂᒃ ᒪᓕᒐᖅ, ᐱᖁᔭᒃᓴᖅ C-91, ᒪᓕᒐᙳᖅᑎᑕᐅᕗᖅ.
ᓄᓇᕗᑦ ᑐᙵᕕᒃᑯᑦ ᐊᖓᔪᖅᑳᖓ ᐊᓗᑭ ᑰᑦᑎᖅ ᐅᖃᖃᐅᔪᖅ ᑖᓐᓇ ᓇᓗᓇᐃᒃᑯᑕᑐᐃᓐᓇᐅᖕᒪᑦ ᐃᓚᑰᓗᐊᖅᑐᓂᒃ ᐃᓄᐃᑦ ᐱᔪᓐᓇᐅᑎᒥᒍᑦ ᓂᕆᐅᒋᔭᖏᓐᓂᒃ ᒐᕙᒪᑐᖃᒃᑯᓐᓂᒃ, ᐊᒻᒪᓗ ᐱᖃᓯᐅᔾᔨᓯᒪᒐᓂ ᒪᓕᒐᓕᖅᑎᒍᑦ ᑲᒪᒋᐊᕈᑕᐅᔪᓐᓇᕆᐊᓕᖕᓂᒃ ᓴᖅᑮᒍᑎᒃᓴᐅᓇᔭᕐᑐᓂᒃ.
 
“ᓄᓇᕗᖕᒥ ᐃᓄᐃᑦ, ᐱᓕᕆᖃᑎᖃᖅᑐᑎᒃ ᐊᓯᖏᓐᓂ ᐃᓄᖕᓂᒃ ᐃᓄᐃᑦ ᓄᓈᓐᓂᖔᖅᓯᒪᔪᓂᒃ, ᖃᓄᖅᑑᒻᒪᕆᓚᐅᕐᑐᑦ ᐋᖅᑭᒃᓱᐃᖃᑎᖃᑦᑎᐊᕋᓱᐊᕐᑐᑎᒃ ᑲᓇᑕᐅᑉ ᒐᕙᒪᒃᑯᖏᓐᓂᒃ ᓴᖅᑮᕙᓪᓕᐊᑎᓪᓗᒋᑦ ᐱᖁᔭᒃᓴᕐᒥᒃ C-91-ᒥᒃ”, ᐅᖃᖅᑐᖅ ᑰᑦᑎᖅ. “ᐃᓛᒃ ᐱᓕᕆᖃᑕᐅᓇᓱᐊᕐᓯᒪᒐᓗᐊᕐᑎᓪᓗᑕ ᑲᒪᒋᔭᐅᕙᓪᓕᐊᑎᓪᓗᒍ, ᑖᓐᓇ ᐱᖁᔭᒃᓴᖅ, ᑭᓯᐊᓂ ᓴᖅᑮᕙᓪᓕᐊᖃᑕᐅᓚᐅᙱᓇᒃᑕ ᐃᓄᒃᑎᒍᑦ.” ᒥᔅ ᑰᑦᑎᖅ ᐅᖃᖅᑲᓂᖅᑲᐅᖕᒥᔪᖅ, “ᑖᓐᓇ ᒪᓕᒐᖅ, ᐊᑑᑎᖃᕈᒫᕐᓂᐊᕐᓯᒪᔪᖅ ᐳᐃᒍᖅᑕᐅᕙᓪᓕᐊᖁᓇᒋᑦ ᓄᓇᖃᖅᑳᖅᓯᒪᔪᑦ ᐅᖃᐅᓯᖏᑦ, ᑲᒪᒋᐊᕈᑎᒃᓴᐅᒐᔭᕐᑐᓂᒃ ᐱᔨᑦᑎᕐᑕᐅᓂᕐᒥᒃ ᓄᓇᖃᖅᑳᖅᓯᒪᔪᑦ ᐅᖃᐅᓯᖏᑦ …

>> Read More

ᓯᓚᓕᕆᓂᖅ ᓯᕗᓕᖅᑕᐅᔪᖅ ᐃᓄᓐᓄᑦ ᐊᒻᒪᓗ ᓄᓇᕗᑦ ᐃᓄᖏᓐᓅᖓᔪᖅ

ᓄᓇᕗᑦ ᑐᓐᖓᕕᒃᑯᑦ ᑎᒥᖓᓄᑦ (ᑐᓐᖓᕕᒃ) ᐊᖓᔪᖅᑳᑉ−ᑐᒡᓕᐊ, ᔭᐃᒥᓯ ᐃᑦᑐᓗᒃ ᐃᓅᕕᒃ, ᓄᓇᑦᓯᐊᒥ ᐅᖃᓕᒪᓚᐅᖅᑐᖅ ᐃᓄᐃᑦ ᖃᐅᔨᒪᓂᖏᓐᓂᒃ ᓯᓚᓕᕆᓂᕐᒧᑦ ᐊᑐᐊᒐᕐᓂᒃ ᐊᒻᒪᓗ ᐃᓱᒪᓕᐅᕈᑕᐅᒋᐊᓕᓐᓂᒃ ᓴᒃᑯᑕᐅᑎᓪᓗᒍ ᑲᓇᑕᒥ ᐃᓄᐃᑦ ᓯᓚᐅᑉ ᐊᓯᔾᔨᐸᓪᓕᐊᓂᖓᓄᑦ ᑐᑭᒧᐊᒍᑎᒃᓴᓄᑦ ᐃᓅᕕᒃ, ᓄᓇᑦᓯᐊᒥ, ᑲᓇᑕ.
“ᓄᓇᕗᒻᒥ, ᑕᐃᒃᑯᐊᑎᑐᑦ ᐃᓄᐃᑦ ᓄᓇᖓᓂ ᓴᓂᓪᓕᕗᑦ, ᐃᑉᐱᒋᒐᑦᑎᒍ ᐊᒃᑐᐃᓂᖓ ᓯᓚᐅᑉ ᐊᓯᔾᔨᐸᓪᓕᐊᓂᖓ ᐅᕙᑦᑎᒍᑦ. ᐊᐅᒃᐸᓪᓕᐊᔪᑦ ᓄᓇᐅᑉ ᖁᐊᖑᓂᖓᓂᒃ ᓱᕋᑉᐸᓪᓕᐊᒍᑕᐅᔪᑦ ᐊᖅᑯᑎᓄᑦ, ᐊᖏᕐᕋᐃᑦ ᑐᓐᖓᕕᖏᑦ ᐸᓚᓐᖓᑦᑕᐅᔪᑦ ᐊᒻᒪᓗ ᐅᓗᕆᓇᕐᓯᕙᓪᓕᐊᑐᐃᓐᓇᖅᑐᖅ ᐊᖑᓇᓱᓐᓂᒃᑯᑦ ᐊᒻᒪᓗ ᒪᑭᒪᔾᔪᑎᒃᓴᓄᑦ ᐊᐅᓚᓂᐅᔪᑦ.” ᐃᑦᑐᓗᒃ ᐅᖃᖅᑐᖅ.
“ᐃᑲᕐᕋᕋᓵᓗᓐᓂᒃ ᓯᓚᒥᒃ ᖃᐅᔨᒪᓂᐅᔪᑦ ᑎᒍᔭᐅᕙᑦᑐᑦ ᐊᕐᕌᒍᑕᒫᑦ ᐃᓄᓐᓄᑦ ᐊᒻᒪᓗ ᖃᐅᔨᒪᓂᖏᓐᓃᖔᖅᑐᖅ ᓯᕗᓕᑦᑕ. ᑕᒪᓐᓇ ᑎᒍᒥᐊᖅᑕᒻᒪᕆᐅᔪᖅ ᖃᐅᔨᒪᓂᖅ ᓄᓇᒥᒃ ᐃᓚᓕᐅᔾᔭᐅᓯᒪᒋᐊᓕᒃ ᐊᐅᓚᑕᐅᓂᖓᓂᒃ ᐊᒻᒪᓗ ᐊᑐᐊᒐᖏᓐᓄᑦ ᒐᕙᒪᑐᖃᒃᑯᑦ ᐊᕙᑎᒧᑦ ᐱᓇᓱᐊᒐᖏᓐᓂᒃ ᐅᑭᐅᖅᑕᖅᑐᒥ.” …

>> Read More

ᐱᖁᔭᒃᓴᖅ 25 ᐃᓕᓐᓂᐊᖅᑐᓕᕆᓂᕐᒧᑦ ᐱᖁᔭᕐᓄᑦ ᐋᖅᑭᒋᐊᕈᑏᑦ ᖁᕕᐊᓇᓐᖏᒃᑲᓐᓂᖅᑐᑦ

(ᔫᓂ 5, 2019 – ᐃᖃᓗᐃᑦ, ᓄᓇᕗᑦ) ᐱᖁᔭᒃᓴᖅ 25 –ᐱᖁᔭᖅ ᐋᖅᑭᒋᐊᕈᑕᐅᓂᐊᖅᑐᖅ ᑖᒃᑯᓄᖓ ᐃᓕᓐᓂᐊᖅᑐᓕᕆᓂᕐᒧᑦ ᐱᖁᔭᕐᓄᑦ ᐊᒻᒪ ᐃᓄᐃᑦ ᐅᖃᐅᓯᖏᑦ ᓴᐳᔾᔭᐅᓯᒪᓂᖏᓐᓄᑦ ᐱᖁᔭᖅ, ᓯᕗᓪᓕᖅᐹᒥ ᐅᖃᐅᓕᒫᖅᑕᐅᓂᖃᖅᑐᑦ ᔫᓂ 4, ᐱᐅᓯᕚᓪᓕᓗᐊᕋᓂ ᓴᓂᐊᓂᒃ ᐊᕐᕌᓂ ᐊᓂᒎᑎᓚᐅᓐᖏᑦᑐᖅ ᐱᖁᔭᒃᓴᖅ 37.
ᑖᓐᓇᐅᒐᓗᐊᖅᑎᓪᓗᒍ ᐱᖁᔭᒃᓴᖅ 32 ᑖᒃᑯᓇᓂ ᓄᓇᕗᒥ ᐊᖏᕈᑎᓂ ᐃᓚᐅᑦᓯᐊᕆᐊᖃᖅᑎᑕᐅᔪᑦ ᐋᖅᑭᒃᓱᖅᑕᐅᓂᖓᓂᒃ ᐃᓕᓐᓂᐊᖅᑐᓕᕆᔾᔪᑕᐅᓂᐊᖅᑐᑦ, ᓄᓇᕗᑦ ᑐᓐᖓᕕᒃᑯᑦ ᑕᑯᓚᐅᕐᒪᑕ ᐱᖁᔭᒃᓴᒥᒃ ᓯᕗᓪᓕᖅᐹᒥ ᐃᒃᐸᒃᓴᖅ. ᐊᖓᔪᖅᑳᖅ ᐊᓗᑭ ᑰᑦᑎᖅ ᐅᖃᓚᐅᖅᑐᑦ “ᓄᓇᕗᒥ ᐃᓄᐃᑦ ᓇᓗᓇᐃᖅᓯᒪᑦᓯᐊᖅᑎᓪᓗᒋᑦ ᓂᕆᐅᒋᔭᒥᓂᒃ ᐃᓕᓐᓂᐊᖅᑐᓕᕆᓂᕐᒧᑦ ᐱᖁᔭᕐᓂ. ᐊᕐᕌᒍᒐᓴᖕᓂᑦ ᐃᑲᔫᑎᓯᒪᒐᓗᐊᖅᑎᓪᓗᒋᑦ ᓄᓇᕗᑦ ᑐᓐᖓᕕᒃ ᑎᒥᖓᑦ ᑖᒃᑯᐊᑦᓴᐃᓐᓇᐃᑦ ᐋᖅᑭᒋᐊᕈᑕᐅᒍᒪᓯᒪᔪᑦ ᐋᖅᑭᒋᐊᖅᑕᐅᑐᐃᓐᓇᖅᑐᑦ. ᑕᒪᓐᓇ ᒪᓕᓐᖏᑦᑐᖅ ᐱᓕᕆᐊᒃᓴᖃᖅᑎᑕᐅᓂᖏᑦ ᒥᓂᔅᑕᖁᑎᖏᑦ ᓄᓇᕗᑦ ᒪᓕᒐᓕᐅᕕᒃ, ᓄᓇᕗᒥᐅᓄᑦ.”
ᓄᓇᕗᑦ ᑐᓐᖓᕕᒃᑯᑦ ᑐᓴᕐᓯᒪᔭᕗᑦ ᐅᓂᒃᑳᓂ …

>> Read More

ᐃᖕᒥᓅᖓᔪᓂᒃ ᖃᐅᔨᓴᕈᑎᓕᕆᓂᖅ (IAP) ᒫᓐᓇ ᑐᒃᓯᕋᐅᓯᐅᕐᕕᒃᓴᐅᑎᑦᓯᓕᖅᑐᖅ ᑭᕙᓪᓕᖅ ᕼᐊᓪ ᑐᒃᓯᕋᐅᓯᐅᖅᑐᓄᑦ

ᐊᓪᓚᓄᑦ ᐃᓕᓐᓂᐊᕐᕕᐅᓚᐅᖅᑐᓂ ᐊᑭᓕᖅᓲᑎᒃᓴᓕᕆᕕᒃ (IRSAS) ᐱᕙᓪᓕᐊᖃᑦᑕᕐᓯᒪᓕᖅᑐᖅ ᑐᒃᓯᕋᐅᑎᓂᒃ ᐃᖕᒥᓅᖓᔪᓂᒃ ᖃᐅᔨᓴᕈᑎᓕᕆᓂᕐᒧᑦ (IAP) ᐋᓐᓂᖅᑕᐅᖃᑦᑕᓚᐅᖅᑐᓄᑦ ᐊᑭᓕᐅᓯᐊᒃᓴᓂᒃ ᑭᕙᓪᓕᖅ ᕼᐊᓪ, ᑲᖏᕐᖠᓂᕐᒥ, ᓄᓇᕗᑦ.
IAP ᓴᖅᑭᖅᑕᐅᓚᐅᕐᓯᒪᔪᖅ 2007−ᒥ ᐊᓪᓚᓄᑦ ᐃᓕᓐᓂᐊᕐᕕᐅᓚᐅᖅᑐᓂ ᐊᑭᓕᐅᓯᐊᒃᓴᓄᑦ ᐊᖏᖃᑎᒌᒍᑎᒃᑯᑦ (IRSSA) ᓇᓗᓇᐃᕈᑎᒃᓴᓂᒃ ᐊᑭᓕᖅᑕᐅᒍᑕᐅᒋᐊᓕᖕᓂᒃ ᐱᖕᒪᕆᐊᓘᔪᓂᒃ ᑎᒥᒃᑯᑦ, ᓄᓕᐊᓂᕐᓗᑦᑕᐅᓂᒃᑯᑦ ᐅᑉᕙᓘᓐᓃᑦ ᐃᑉᐱᓐᓂᐊᓂᒃᑯᑦ ᐋᓐᓂᑎᖅᑕᐅᖃᑦᑕᕐᓯᒪᔪᓂᒃ ᑲᑉᐱᐊᓱᐊᑎᑕᐅᓂᒃᑯᑦ ᐊᓪᓚᐃᑦ ᐃᓕᓐᓂᐊᕐᕕᖏᓐᓂ. ᑐᒃᓯᕋᐅᓯᐅᕐᕕᒃᓴᖅ ᐃᓱᓕᑉᕕᒃᓴᓕᒃ ᑭᕙᓪᓕᖅ ᕼᐊᓪᒥ ᐊᑭᓕᐅᓯᐊᖅᑖᕋᓱᐊᕈᑎᒃᓴᓄᑦ ᔭᓐᓄᐊᓕ 25, 2020.
ᑭᕙᓪᓕᖅ ᕼᐊᓪ ᐊᓪᓚᓄᑦ ᐃᓕᓐᓂᐊᕐᕕᑦᑎᒍᑦ ᐃᓕᓐᓂᐊᕆᐊᕐᕕᐅᖃᑦᑕᓚᐅᖅᑐᖅ ᐊᐅᓚᓂᖃᓚᐅᖅᑐᖅ ᐊᑯᓐᓂᖏᓐᓂ ᔫᓂ 12, 1985 ᐊᒻᒪᓗ ᑏᓰᒻᕙ 31, 1997.
.
ᑭᕙᓪᓕᖅ ᕼᐊᓪᒥ ᑐᔪᕐᒥᓚᐅᕐᓯᒪᒍᕕᑦ, ᐱᔪᓐᓇᑐᐃᓐᓇᕆᐊᖃᖅᑐᑎᑦ ᐊᑕᐅᓰᖅᑐᒥᒃ ᐊᑭᓕᖅᑕᐅᒍᑎᒃᓴᓂᒃ ᐃᓕᓐᓂᐊᓚᐅᖅᑐᓄᑦ ᐊᐅᓚᑕᐅᔪᒥᒃ ᑲᓇᑕ ᒐᕙᒪᒃᑯᖏᓐᓂᒃ.

ᐃᓕᖅᑯᓯᕐᒨᖓᔪᑦ ᒪᒥᓴᖅᑐᓕᕆᓂᕐᒧᓪᓗ ᓴᖅᑭᖅᑕᐅᔪᖅ

ᓯᑕᒻᒥᖅ/ᕿᑎᖅᑰᑦ ᒪᐃ 2, 2019
ᐃᕐᖐᓐᓇᖅ ᓴᖅᑭᖅᑕᐅᔭᕆᐊᓕᒃ
(ᐃᖃᓗᐃᑦ, ᓄᓇᕗᑦ) ᓄᓇᕗᑦ ᑐᓐᖓᕕᒃ ᑎᒥᖓ ᖁᕕᐊᒋᔭᓕᒃ ᑐᓴᖅᑎᑦᓯᒋᐊᒃᓴᖅ ᓴᖅᑭᖅᑕᐅᓂᖓᓂᒃ ᐃᓕᖅᑯᓯᕐᒨᖓᔪᑦ ᒪᒥᓴᖅᑐᓕᕆᓂᕐᒧᓪᓗ, ᐃᓄᐃᑦ ᑐᒃᓯᕋᐅᓯᐅᕐᕕᒋᔪᓐᓇᖅᑕᖓᓂᒃ ᑮᓇᐅᔭᓕᑕᐅᒍᑎᒃᓴᓂᒃ ᐱᓕᕆᐊᒃᓴᓄᑦ ᐋᖅᑭᑦᓲᑎᒃᓴᓂᒃ ᑲᑉᐱᐊᓱᐊᑎᑕᐅᖃᑦᑕᕐᓯᒪᔪᓄᑦ ᐊᒻᒪᓗ ᑭᖑᕚᖏᓐᓄᑦ ᑎᑭᐅᑎᓯᒪᓂᖏᓐᓂᒃ ᐊᒃᑐᐃᓂᖃᕐᓯᒪᔪᓂᒃ ᐃᓕᓐᓂᐊᕆᐊᖅᑎᑕᐅᖃᑦᑕᓚᐅᕐᓯᒪᔪᑦ ᐅᑉᕙᓘᓐᓃᑦ ᓄᓇᓕᐊᕈᔾᔭᐅᖃᑦᑕᕈᑎᒃᓴᐅᒻᒥᔪᑦ ᐅᑉᑉᕙᓘᓐᓃᑦ ᐃᓕᓴᐃᓂᕐᒥᒃ ᐃᓄᐃᑦ ᐊᑐᕐᓯᒪᔭᖏᓐᓂᒃ, ᐃᓕᖅᑯᓯᖓᓂᒃ, ᐅᖃᐅᓯᖓᓂᒃ ᐊᒻᒪᓗ ᐱᖅᑯᓯᖏᓐᓂᒃ.
ᑭᓇᑐᐃᓐᓇᖅ ᐃᓄᒃ ᐅᑉᕙᓘᓐᓃᑦ ᑲᑐᔾᔨᔪᑦ ᐃᓄᐃᑦ ᐊᑎᖃᖃᑕᐅᓗᑎᒃ ᓄᓇᕗᑦ ᐊᖏᕈᑎᖏᓐᓂ, ᑭᓇᐅᔭᓕᐅᕋᓱᐊᖅᑎᐅᖏᑦᑐᑦ ᑲᑐᔾᔨᖃᑎᒌᑦ, ᐃᓕᓐᓂᐊᕐᕕᒋᔭᐅᕙᑦᑐᑦ, ᖃᓪᓗᓈᓂ ᐅᑉᕙᓘᓐᓃᑦ ᑲᑎᑉᕕᒋᔭᐅᕙᑦᑐᑦ ᐅᑉᕙᓘᓐᓃᑦ ᓄᑕᖅᑲᑦ ᒥᑭᓂᖏᓐᓂ ᐃᓕᓴᕕᐅᕙᑦᑐᑦ ᑐᒃᓯᕋᐅᓯᐅᕈᓐᓇᖅᑐᑦ ᑎᑭᐅᑎᓯᒪᔪᓂᒃ $25,000 ᑐᕌᖓᔪᓂᒃ ᐃᓕᖅᑯᓯᕐᒨᖓᔪᓂᒃ ᒪᒥᓴᖅᑐᓕᕆᓂᕐᒧᓪᓗ ᑐᓂᔭᐅᒍᓐᓇᓂᐊᖅᑐᓂᒃ ᐃᓄᓐᓄᑦ ᐊᑎᖃᖃᑕᐅᔪᓄᑦ ᓄᓇᕗᑦ ᐊᖏᕈᑎᖏᓐᓂ.
 
ᑐᒃᓯᕋᐅᓯᐅᕐᓂᖅ ᒪᑐᐃᖓᓂᐊᖅᑐᖅ ᐱᒋᐊᕐᓗᓂ ᒪᐃ 1 ᑎᑭᓪᓗᒍ ᒪᐃ 31, 2019 …

>> Read More

ᐃᓄᖕᓄᑦ ᑐᓴᒐᒃᓴᖅ

ᐃᓕᓐᓂᐊᕆᐊᖃᑦᑕᓚᐅᖅᑐᑦ ᑭᕙᓪᓕᖅ ᐃᒡᓗᐊᓗᐊᓂ ᐱᒋᐊᖅᑐᒍ ᔫᓐ 12, 1985 ᑎᑭᓪᓗᒍ ᑎᓯᐱᕆ 31, 1997, ᒪᓕᒃᑐᑦ ᑐᓐᖓᕕᒋᔭᐅᔪᓂᒃ ᐊᑖᒍᑦ ᐃᓕᓐᓂᐊᕆᐊᖅᑎᑕᐅᖃᑦᑕᓚᐅᖅᑐᓄᑦ ᐊᑭᓕᐅᑎᓄᑦ ᐊᖏᕈᑏᑦ (“IRSSA”), ᐱᔪᓐᓇᖅᑎᑕᐅᔪᑦ ᑐᒃᓯᕋᕈᓐᓇᖅᓗᑎᒃ ᐊᑭᓕᖅᑕᐅᔾᔪᑎᓂᒃ ᐃᓕᓐᓂᐊᕆᐊᖅᑎᑕᐅᖃᑦᑕᓚᐅᕐᓂᕐᑦ ᐊᑭᓕᐅᑎᓂᒃ (“CEP”). ᑲᓇᑕ ᐊᖏᕈᑎᖃᖅᐸᓪᓕᐊᓂᐊᖅᑐᖅ ᑐᒃᓯᕋᐅᑎᓂᒃ ᒪᐃ 1st 2019. ᐱᔪᓐᓇᖅᑎᑕᐅᔪᑦ ᐃᓕᓐᓂᐊᖅᑎᕕᓃᑦ ᒪᓕᒃᑐᑦ ᑐᓐᖓᕕᒋᔭᐅᔪᓂᒃ ᐊᔪᓐᖏᑎᑕᐅᑐᐃᓐᓇᕆᐊᓖᑦ ᑖᒃᑯᑎᒎᓇᖅ ᐃᓕᓐᓂᐊᕆᐊᖅᑎᑕᐅᖃᑦᑕᓚᐅᕐᓂᕐᑦ ᐊᑭᓕᐅᑎᓂᒃ:
a. ᑐᔪᕐᒥᖃᑦᑕᓚᐅᖅᑐᑦ ᐃᒡᓗᐊᓗᖕᒥ ᐊᐅᓚᑕᐅᑎᓪᓗᒍ ᐱᔾᔪᑎᖃᖅᑐᑎᒃ ᐃᓕᓐᓂᐊᕐᕕᐊᓗᖕᒥ ᖁᑦᓯᖕᓂᖅᓴᓂᒃ ᐃᓕᓐᓂᐊᕆᐊᖃᕐᓂᖅ;
b. ᐃᓅᓚᐅᖅᑐᑦ ᐅᓪᓗᐊᓂ ᒪᐃ 30, 2005; ᐊᒻᒪ,
c. ᑐᒃᓯᕋᕐᓗᑎᒃ ᐱᑕᖃᖅᑎᑦᓯᓗᑎᒃ ᐱᐊᓂᒃᓯᒪᑦᓯᐊᖅᑐᓂᒃ ᐃᓕᓐᓂᐊᕆᐊᖅᑎᑕᐅᖃᑦᑕᓚᐅᖅᑐᓄᑦ ᐊᑭᓕᐅᑎᓄᑦ ᑐᒃᓯᕋᐅᑎᓂᒃ.
ᐃᓕᓐᓂᐊᕆᐊᖅᑎᑕᐅᖃᑦᑕᓚᐅᕐᓂᕐᑦ ᐊᑭᓕᐅᑎᓂᒃ ᑐᒃᓯᕋᐅᑏᑦ ᐃᓕᓐᓂᐊᖅᑎᐅᓚᐅᖅᑐᓄᑦ ᐃᓅᔪᓐᓃᖅᓯᒪᓕᖅᑐᑦ ᑐᒃᓯᕋᖅᑕᐅᔪᓐᓇᖅᑐᑦ ᐃᓚᖏᓐᓄᑦ.
Application Form can be found here:Common Experience …

>> Read More

ᓄᓇᕗᒥ ᐃᓕᓐᓂᐊᖅᑐᓕᕆᓂᖅ ᐱᕋᔭᖕᓂᒃᑰᕐᓂᖓ ᓈᒻᒪᓐᖏᓗᐊᖅᐸ?

ᓄᓇᕗᒥ ᐃᓕᓐᓂᐊᖅᑐᓕᕆᓂᖅ ᐱᕋᔭᖕᓂᒃᑰᕐᓂᖓ ᓈᒻᒪᓐᖏᓗᐊᖅᐸ?
ᕿᒥᕐᕈᔭᐅᔾᔪᑎᖏᑦ ᒫᓐᓇᐅᔪᖅ ᐊᑐᐊᒐᐃᑦ ᐃᓄᒃᑐᑦ ᐊᒻᒪ ᖃᓪᓗᓈᑐᑦ ᐃᓕᓐᓂᐊᖅᑐᓕᕆᓂᖅ, ᓄᓇᕐᐊᓂ ᐊᒻᒪ ᑲᓇᑕᐅᑉ ᒪᓕᒐᖏᑦ, ᐅᖃᐅᓯᕐᓂᒃ ᐊᒻᒪ ᐃᓕᖅᑯᓯᕐᓂᒃ ᓄᖑᑎᕆᒐᓱᐊᕐᓂᖅ ᐊᒻᒪ ᐱᕋᔭᒃᓯᓂᖅ ᐃᓄᖕᓂᑦ
(ᐊᐃᕆᓕ 22, 2019 – ᓅᔪᐊᒃ, ᓅᔪᐊᒃ) 2019 ᓄᓇᕐᔪᐊᓂ ᓄᓇᖃᖅᑳᖅᓯᒪᔪᓄᑦ ᐅᖃᐅᓯᓕᕆᓐᓇᖅ.
ᓄᓇᕗᑦ ᐊᕕᒃᑐᖅᓯᒪᓂᐊ ᐊᕐᕌᒍᖃᓕᕐᓂᐊᖅᑎᓪᓗᒍ ᐊᕙᑎᓂᒃ 20 ᑕᐃᒪᓐᖓᓂᒃ ᐋᖅᑭᒃᑕᐅᓚᐅᖅᓯᒪᖕᒪᑕ ᐊᕕᒃᑐᖅᓯᒪᓂᐅᔪᒥ ᒐᕙᒪᐅᔪᓂᒃ, ᓄᓇᕗᑦ ᑐᓐᖓᕕᒃ ᑎᒥᖓᑦᑕ ᐊᖓᔪᖅᑳᖓᑦ ᐊᓗᑭ ᑰᑦᑎᖅ ᐃᖅᑲᐅᒪᔪᖅ ᑭᖑᒻᒧᑦ ᑭᓱᓂ ᐋᖅᑭᒃᑕᐅᔾᔪᑎᖃᓚᐅᕐᓂᖓᓂᒃ ᐃᓄᒃᑐᑦ ᐅᖃᐅᓰᑦ ᐅᓪᓗᒥ, “ᐅᖃᐅᓯᖅ ᑲᔪᖏᕈᑕᐅᓚᐅᕐᒪᑦ ᐃᓄᖕᓄᑦ ᐱᓕᕆᐊᖃᖅᐸᓪᓕᐊᓪᓗᑎᒃ ᓴᖅᑭᒐᓱᐊᖅᑐᒍ ᓄᓇᑖᕐᓂᕐᒧᑦ ᐊᖏᕈᑏᑦ. ᐃᓄᐃᑦ ᑕᐅᑐᒐᖃᓚᐅᕐᒪᑕ ᐱᐅᓂᖅᓴᓂᒃ ᐱᔨᑦᓯᖅᑕᐅᔾᔪᑎᓂᒃ ᐊᒻᒪ ᐱᓕᐊᓂᒃ ᐃᑲᔪᖅᑕᐅᔾᔪᑎᓂᒃ, ᐅᖃᐅᓯᑦᑎᒍᑦ ᐊᒻᒪ ᒪᓕᒡᓗᑎᒃ ᐃᓄᐃᑦ ᑐᑭᓯᐅᒪᔭᖏᓐᓂᒃ …

>> Read More

ᓴᖅᑭᑦᑎᓂᖅ ᐃᖅᑲᓇᐃᔭᒐᒃᓴᓂᒃ ᐃᓄᖕᓄᑦ ᐊᖅᑯᑎᒋᓪᓗᒍ ᐃᓄᒃᑐᑦ ᐊᔪᕈᓐᓃᖅᓴᕐᓂᖅ

ᐃᖃᓗᐃᑦ, ᓄᓇᕗᑦ – ᐃᑉᐸᒃᓴᖓᓂ 20-ᒋᓕᖅᑕᖓᓂ ᓇᓪᓕᐅᓐᓂᖅᓯᐅᕐᓂᐊᖅᑎᓪᓗᒍ ᓄᓇᕗᑦ ᓴᖅᑭᑕᐅᓂᕆᓚᐅᖅᑕᖓ, ᐃᓄᐃᑦ ᑮᓇᐅᔭᖃᖅᑎᑦᓯᓚᐅᖅᐳᑦ ᐅᖓᑖᓂ $5.4 ᒥᓕᐊᓐ ᐊᕐᕌᒍᑦ ᐱᖓᓱᑦ ᐅᖓᑖᓄᑦ ᐊᑐᖅᑕᐅᓂᐊᖅᑐᓂᒃ ᐃᓕᓴᐃᔾᔪᑕᐅᓗᑎᒃ ᐃᓕᓴᕆᔭᐅᔾᔪᑎᑖᖃᑦᑕᕐᓂᐊᖅᑐᓂᒃ ᐃᓄᒃᑐᑦ ᐅᖃᐅᓯᕐᒥᒃ ᐃᓕᓐᓂᐊᕐᓂᖏᓐᓄᑦ ᐱᕈᕐᕕᒃᑯᑦ.
“ᐃᓄᐃᑦ ᐅᐱᒍᓱᒃᑎᐊᖅᑐᑦ ᑮᓇᐅᔭᖃᖅᑎᑦᓯᔭᕆᐊᒃᓴᖅ ᐱᕈᕐᕕᒃᑯᓐᓂᒃ ᐊᖑᒻᒪᑎᓕᕐᓂᐊᕐᒪᑕ ᐊᒃᓱᐊᓗᒃ ᑭᓐᖒᒪᔭᐅᔪᒥᒃ ᓄᓇᕗᑦ ᐃᖅᑲᓇᐃᔭᖅᑎᖏᓐᓄᑦ ᓴᓐᖏᔪᒥᒃ ᐃᓄᒃᑐᑦ ᐅᖃᕈᓐᓇᑦᑎᐊᕆᐊᖃᕐᒪᑕ, ᐅᓄᖅᓯᒋᐊᖅᑕᐅᓗᑎᒃ ᐃᓕᓴᕆᔭᐅᔾᔪᑎᑖᖅᓯᒪᔪᑦ ᐃᓄᒃᑐᑦ ᐅᖃᐅᓯᕐᒥᒃ ᐃᓕᓴᐃᔨᐅᔪᑦ ᐊᒻᒪᓗ ᐃᓕᓐᓂᐊᖅᑎᑦᓯᔪᑦ ᐱᓕᕆᐊᖑᔪᓂᒃ ᐃᓄᐃᑦ ᐃᓕᓐᓂᐊᖅᑎᑕᐅᖁᓪᓗᒋᑦ ᐊᔪᕈᓐᓃᖅᓴᕐᓗᑎᒃ ᐃᖅᑲᓇᐃᔭᕈᓐᓇᖅᓯᓂᐊᕐᒪᑕ ᐱᓕᕆᔨᒻᒪᕆᐅᔪᑦ ᐃᖅᑲᓇᐃᔮᖏᓐᓂᒃ ᐃᓄᒃᑐᑦ ᐅᖃᓪᓚᒡᓗᑎᒃ,” ᑕᐃᒪᓐᓇ ᐅᖃᓚᐅᖅᑐᖅ ᒪᑭᒋᐊᖅᑕᒃᑯᑦ ᑲᑎᒪᔨᖏᑕ ᐃᒃᓯᕙᐅᑕᖓᑦ ᐊᓗᑭ ᑰᑦᑎᖅ.
ᐃᖅᑲᓇᐃᔭᖃᑎᒋᔭᐅᓗᑎᒃ ᐃᓐᓇᐃᑦ ᐊᒻᒪᓗ ᐃᓄᒃᑐᑦ ᐅᖃᐅᓯᕐᒥᒃ ᐃᓕᓴᐃᔨᐅᔪᑦ ᓄᓇᖃᖅᑐᑦ ᓄᓇᕗᒥ ᐊᔾᔨᒌᖏᑦᑐᓂ, ᐱᕈᕐᕕᒃ ᓴᓇᓂᐊᖅᑐᖅ ᐱᖓᓱᓂᒃ ᐃᓄᒃᑐᑦ ᐃᓕᓴᕆᔭᐅᔾᔪᑎᑖᕐᓂᐊᕐᓗᑎᒃ …

>> Read More

ᒪᑭᒋᐊᖅᑕᑯᑦ ᑐᒃᓯᕋᕈᑎᓂᒃ ᐱᔪᓐᓇᓕᕐᐳᑦ ᓄᓇᕗᖕᒥ ᐃᖅᑲᓇᐃᔭᕐᑎᑦᑎᔪᓂᒃ

(ᕕᕗᐊᕆ 22, 2019 – ᐃᖃᓗᐃᑦ, ᓄᓇᕗᑦ) ᒪᑭᒋᐊᖅᑕ ᐃᓄᐃᑦ ᐃᓕᓴᒍᑎᒃᓴᖏᓐᓄᑦ ᑯᐊᐱᕇᓴᒃᑯᑦ ᑐᓴᖅᑎᑦᑎᔪᒪᕗᑦ ᓄᑖᓂᒃ ᐃᑲᔪᕈᑎᐅᕙᒃᑐᓄᑦ ᐱᓕᕆᔾᔪᑎᓂᒃ ᑖᒃᑯᓄᖓ ᑎᒥᐅᔪᓄᑦ ᑮᓇᐅᔭᓂᒃ ᐱᔪᓐᓇᕐᓯᒍᑕᐅᓂᐊᕐᑐᓂᒃ ᐅᑕᖅᑭᔭᕆᐊᖃᕈᓐᓃᕐᓗᑎᒃ ᒪᑭᒋᐊᖅᑕᒃᑯᑦ ᑲᑎᒪᔨᖏᓐᓂᒃ. ᑎᒥᐅᔪᑦ ᑎᓕᐅᖅᑕᐅᕗᑦ ᑐᓂᓯᖁᔭᐅᓪᓗᑎᒃ ᑐᒃᓯᕋᕈᑎᒥᓐᓂᒃ ᑮᓇᐅᔭᓂᒃ ᒪᓕᓐᓂᖃᖅᑐᓂᒃ ᒪᑭᒋᐊᖅᑕᒃᑯᑦ ᑎᓕᔭᐅᔾᔪᑎᒋᓯᒪᔭᖏᓐᓂᒃ ‘ᐱᕚᓪᓕᖁᓪᓗᒋᑦ ᐱᔭᕇᔭᕐᑕᐅᓂᖏᑕ ᓄᓇᕗᖕᒥ ᐃᓄᐃᑦ ᐃᖅᑲᓇᐃᔭᕐᓂᕐᒧᑦ.’
ᒪᑭᒋᐊᖅᑕᒃᑯᑦ ᐱᑕᖃᖅᑎᑦᑎᓂᐊᕐᐳᑦ ᐱᔨᑦᑎᕈᑎᓂᒃ, ᐊᔪᙱᓕᕈᑎᓂᒃ ᐊᒻᒪᓗ ᖃᐅᔨᓴᕐᓂᕐᒥᒃ, ᒪᓕᓪᓗᒋᑦ ᐸᕐᓇᒍᑎᓂ ᓯᕗᓪᓕᖅᐹᖑᑎᑕᐅᒧᑦ ᐱᓗᐊᕐᑐᒥᒃ ᐃᓕᓐᓂᐊᕆᐊᕆᐅᕈᒫᓕᕐᑐᓄᑦ ᐃᓕᓴᒍᑎᑦ, ᐃᓕᓴᐃᒍᑏᑦ ᓴᖅᑭᑕᐅᓯᒪᔪᑦ ᐃᑲᔪᓐᓂᖃᖅᑐᑦ ᑲᑦᑐᑎᑎᐊᕈᓐᓇᓂᕐᒧᑦ ᐃᓕᓐᓂᐊᑕᒥᓂᒃ, ᑐᙵᕕᒋᔭᐅᔪᑦ ᖃᐅᔨᒪᓂᖅᑖᕈᑕᐅᔪᓐᓇᕐᑐᑦ ᐃᓐᓇᕐᓄᑦ, ᐊᒻᒪᓗ ᐱᒡᒐᓇᕐᓂᕐᓴᓂᒃ ᐱᓕᒻᒪᓴᖅᑕᐅᒍᑎᒃ ᐊᒻᒪᓗ ᓯᓚᑦᑐᓴᕐᕕᖕᒥ ᐃᓕᓐᓂᐊᕐᕕᒃᓴ ᐃᖅᑲᓇᐃᔮᖅᑖᓂᕐᒧᑦ ᑐᕌᖓᓂᖃᖅᑐᑦ.
“ᒪᑭᒋᐊᖅᑕᒃᑯᑦ ᐋᖅᑭᒃᓯᒪᓂᖃᓕᕐᐳᑦ ᐃᑲᔪᕈᓐᓇᓯᓪᓗᑎᒃ ᐃᖅᑲᓇᔭᐃᔭᕐᕕᓂᒃ ᐃᓕᓐᓂᐊᑎᑦᑎᕙᒃᑐᓂᒃ ᐊᒻᒪ ᐃᖅᑲᓇᐃᔭᑎᑦᑎᕙᒃᑐᑎᒃ ᐃᓄᖕᓂ ᓄᓇᕗᖕᒥ. ᐃᓚᑯᕈᖅᐸᓪᓕᐊᑐᐃᓐᓇᕐᑕ …

>> Read More

ᓄᓇᕗᖕᒥ ᑮᓇᐅᔭᓕᐅᒃᑲᓐᓂᕈᑎᒃᓴ ᐊᖏᓪᓕᕙᓪᓕᐊᓂᐊᕐᑐᒋᔭᐅᕗᑦ, ᑖᓐᓇᐅᑎᓪᓗᒍ ᓄᓇᕗᖕᒥᐅ ᐃᓄᐃᑦ ᑎᒥᒥᒍᑦ ᖃᓄᐃᒍᑎᖃᙱᑦᑐᑦ ᖃᑦᓯᓐᓇᕈᖅᐸᓪᓕᐊᑎᓪᓗᒋᑦ

(ᕕᕗᐊᕆ 20, 2019 – ᐃᖃᓗᐃᑦ, ᓄᓇᕗᑦ) ᓄᓇᕗᑦ ᑮᓇᐅᔭᓕᕆᓂᕐᒧᑦ ᒥᓂᔅᑕᖓᑦ ᐅᓂᒃᑳᖃᐅᖕᒪᑦ ᑮᓇᐅᔭᖃᕈᑎᒃᓴᓂᒃ ᐊᔾᔨᐸᓗᑐᐃᓐᓇᕆᓪᓗᓂᔾᔪᒃ ᐅᑭᐅᓂ ᖄᖏᑦᑐᓂ, ᓇᓗᓇᕈᓐᓃᕈᑕᐅᖕᒥᔪᖅ ᑲᓇᑕᐅᑉ ᒐᕙᒪᒃᑯᖏᑦ ᐊᒥᒐᓗᐊᕐᑐᓂᒃ ᑮᓇᐅᔭᖃᖅᑎᑦᑎᓂᕆᔭᖏᑦ ᓄᓇᕗᖕᒥ.
ᔮᔾᔨ ᕼᐃᒃᔅ ᐅᓂᒃᑳᖅᑲᐅᔪᑦ ᓄᓇᕗᖕᒥ ᑭᓇᐅᔭᓕᐅᕈᑎᒃᓴᑲᓐᓃᑦ ᐊᖏᓪᓕᕚᓪᓕᕐᓯᒪᑎᓪᓗᒋᑦ ᖃᓂᒋᔮᓂ 5% ᐊᕐᕌᒍᑕᒫᑦ 1999-ᒥᓂᑦ ᐊᒻᒪᓗ ᐱᕚᓪᓕᕐᓯᒪᑎᓪᓗᒋᑦ ᑮᓇᐅᔭᓕᐅᒃᑲᓐᓂᕈᑕᐅᔪᓐᓇᕐᑐᑦ ᓂᕆᐅᒋᔭᐅᕗᖅ ᐊᖏᓪᓕᕙᓪᓕᐊᖏᓐᓇᕐᓂᐊᕆᐊᖓᓂᑦ 2026 ᑎᑭᓪᓗᒍ.
ᓄᓇᕘᑉ ᑮᓇᐅᔭᓕᐅᒃᑲᓐᓂᕈᑕᐅᔪᓐᓇᕐᑐᓂᒃ ᐊᖏᓪᓕᕙᓪᓕᐊᓯᒪᑎᓪᓗᒋᑦ ᑕᑯᐃᓐᓇᐸᑉᐳᒍᑦ ᓈᓴᐃᒍᑕᐅᓯᒪᔪᓂᒃ ᓇᓗᓇᕈᓐᓃᕐᓯᒪᕗᑦ ᓄᓇᕗᖕᒥᐅᑦ ᐃᓄᐃᑦ ᐋᓐᓂᐊᖃᓕᕐᐸᓪᓕᐊᓯᒪᓂᖏᓐᓂᒃ. ᐅᓄᕐᓯᕚᓪᓕᕐᓯᒪᓪᓗᑎᒃ ᐃᓄᓕᕆᔨᒃᑯᓐᓂᑦ ᐃᑲᔪᕐᑕᐅᔪᑦ ᓄᓇᓕᖕᓂ ᒐᕙᒪᒃᑯᓐᓄᑦ ᓴᓇᕕᑕᖃᙱᑦᑐᓂ ᐸᕐᓇᒍᑎᓕᕐᓯᒪᒍᑕᐅᒐᑎᓪᓗ ᖃᓄᖅ ᓯᐊᒻᒪᕐᑕᐅᒐᔭᕐᒪᖔᑕ ᑮᓇᐅᔭᓕᕐᕕᒃᓴᑦ ᓄᓇᕘᓕᒫᕐᒥ.
ᑕᐃᒪᙵᓂᒃ 1999-ᒥᓂᑦ ᖃᓂᒋᔮᓃᒃᑐᑦ 190 ᐃᒡᓗᑦ ᓴᓇᔭᐅᓯᒪᕗᑦ ᐊᕐᕌᒍᑕᒫᑦ. ᓇᓴᐃᒍᑕᐅᓯᒪᔪᑎᒍᑦ ᓇᓗᓇᕈᓐᓃᕐᓯᒪᕗᖅ 250−ᓂᒃ ᐃᒡᓗᓕᐅᖃᑦᑕᕆᐊᖃᓐᓂᖏᓐᓂᒃ ᐊᕐᕌᒍᑕᒫᑦ ᐊᖏᕐᕋᖃᙱᑦᑐᖅᑕᖃᕈᓐᓃᖁᓪᓗᒍ ᐊᒻᒪᓗ ᐃᓄᒋᐊᓗᐊᖃᑦᑕᑎᓪᓗᒋᑦ ᐃᒡᓗᒥᐅᖃᑎᒌᑦ …

>> Read More

ᑐᙵᕕᒃᑯᑦ ᑲᑎᒪᔨᖏᑦ ᑕᒪᕐᒥᒃ ᐃᑲᔪᕐᓱᐃᕗᑦ ᐅᐃᕆᓯᒪᔪᓄᑦ ᐊᒻᒪ ᐊᒃᓱᕈᓗᐊᕐᓯᒪᔪᓄᑦ ᐃᓱᐊᕐᓴᐃᕕᒃᓴᒥᒃ ᓄᓇᕗᖕᒥ

(ᕕᕗᐊᕆ 14, 2019 – ᐃᖃᐃᑦ, ᓄᓇᕗᑦ) ᑐᙵᕕᒃᑯᑦ ᑲᑎᒪᔨᖏᑦ ᐃᑲᔪᖅᑐᐃᕗᑦ ᐱᖓᓱᐃᓕᖓᓪᓗᓂ ᑕᑎᒃᓴᐅᔪᓂᒃ ᑲᒪᒋᐊᕈᑎᒃᓴᓂᒃ ᐊᔪᓕᕐᓯᒪᔪᓄᑦ ᐊᒻᒪᓗ ᐊᒃᓲᕉᓴᓗᐊᕐᓯᒪᔪᓄᑦ ᐃᓱᐊᕐᓴᐃᕕᒃᓴᒥᑦ ᓄᓇᕗᖕᒥ ᐊᒻᒪᓗ ᒐᕙᒪᒃᑯᓐᓂᒃ ᑮᓇᐅᔭᖃᖅᑎᑦᑎᖁᔨᓪᓗᑎᒃ ᑲᔪᓯᑦᑎᐊᕈᓐᓇᕐᒪᖔᑦ ᖃᐅᔨᓴᕐᑕᐅᒍᑎᒃᓴᖓᓄᑦ ᑖᓐᓇᓗ ᑐᐊᕕᕐᓇᕆᔭᐅᓪᓗᓂ.
ᑐᙵᕕᒃᑯᑦ ᐱᓕᕆᖃᑕᐅᓪᓚᕆᒃᓯᒪᒻᒪᑕ ᑕᒪᒃᑮᓐᓄᑦ ᒐᕙᒪᐅᔫᓐᓄᑦ ᑲᔪᓯᓂᖃᑦᑎᐊᕈᓐᓇᕐᒪᖔᑦ ᖃᐅᔨᓴᕐᑕᐅᑎᓪᓗᒋᑦ 2017-ᒥ ᐊᒻᒪ 2018-ᒥ ᓄᑖᖅ ᐊᒃᓱᕈᓗᐊᕐᓯᒪᔪᓄᑦ ᐊᒻᒪᓗ ᐅᐃᕆᔾᔪᑎᖃᖅᓯᒪᔪᓄᑦ ᐃᓱᐊᕐᓴᐃᕕᒃᓴᒧᑦ ᓄᓇᕗᖕᒥ. ᖃᐅᔨᓴᕈᑕᐅᓯᒪᔪᑎᒍᑦ ᓇᓗᓇᐃᕆᓚᐅᕐᒪᑕ ᐱᖓᓱᓂᒃ ᑕᑎᒋᔭᐅᔪᓐᓇᕐᑐᓂᒃ ᐃᓱᐊᕐᓴᐃᕕᖕᓂᒃ: ᐱᕚᓪᓕᖁᓪᓗᒋᑦ ᐱᔨᑦᑎᕈᑕᐅᓲᑦ ᓄᓇᓕᖕᓂ ᐊᐅᓪᓚᕈᔾᔭᐅᓪᓗᑎᒃ ᒪᒥᓴᕐᓂᕐᒧᑦ ᐊᑐᓂᑦ ᓄᓇᐃᑦ ᐊᕕᒃᑐᕐᓯᒪᓂᖏᓐᓂ, ᐱᒋᐊᕐᓗᒍ ᐃᐱᕆ 2019; ᐃᒡᓗᓕᐅᕆᐊᕐᓂᐊᕐᓗᑎᒃ 32−ᓂᒃ ᐃᒡᓕᖃᖅᑐᒥᒃ ᓄᓇᕗᖕᒥ ᐃᓱᐊᕐᓴᐃᕕᒃᓴᒥᒃ ᐃᖃᓗᖕᓂ ᑖᓐᓇᓗ ᓇᔾᔨᔪᓂᒃ ᑲᒪᔪᓐᓇᕐᕕᐅᒐᔭᕐᑐᖅ ᐊᒻᒪᓗ ᕿᑐᙵᖏᓐᓂᒃ, ᒪᑐᐃᕋᔭᕐᓗᓂ 2023/24; ᐊᒻᒪ ᐃᖅᑲᓇᐃᔭᕐᑎᑖᕐᐸᓪᓕᐊᓗᑎᒃ ᐃᓄᖕᓂᒃ …

>> Read More

ᓄᓇᕗᖕᒥ ᐃᓄᐃᑦ ᐅᖃᖅᑐᑦ ᒐᕙᒪᑐᖃᒃᑯᑦ ᓄᓇᖃᖅᑳᖅᓯᒪᔪᑦ ᐅᖃᐅᓯᖏᓐᓄᑦ ᐱᖁᔭᒃᓴᖅ ᐊᓯᔾᔨᓪᓗᐊᕆᐊᓕᒃ ᐃᓄᐃᑦ ᐱᖃᓯᐅᔾᔭᐅᖁᔭᖏᑦ ᓴᖅᑭᖁᓪᓗᒋᑦ

(ᐃᖃᓗᐃᑦ, ᕕᕗᐊᕆ 5, 2019) — ᓄᓇᕗᑦ ᑐᙵᕕᒃᑯᑦ, ᑎᒥᐅᔪᖅ ᑭᒡᒐᑐᐃᓪᓗᓂ ᐃᓄᖏᓐᓂᒃ ᓄᓇᕘᑉ, ᖁᓅᕐᒥᓇᕐᓂᕋᐃᓪᓗᑎᒃ ᐱᓪᓗᒋᑦ ᓄᓇᖃᖅᑳᖅᓯᒪᔪᑦ ᐅᖃᐅᓯᖏᓐᓂᒃ ᐱᖁᔭᒃᓴᖅ ᐅᓪᓗᒥ ᓴᖅᑭᑕᐅᖅᑲᐅᑎᓪᓗᒍ ᒐᕙᒪᑐᖃᒃᑯᓐᓂᒃ ᑲᓇᑕᐅᑉ ᑲᑎᒪᕕᔾᔪᐊᖓᓂ, ᐊᒻᒪᓗ ᐱᖁᔭᒃᓴᙳᐸᓪᓕᐊᓕᕐᑎᓪᓗᒍ ᑲᒪᕙᒋᔭᐅᕙᓪᓕᐊᒍᑕᐅᓯᒪᓂᖓ.
ᐃᓄᒃᑐᑦ ᐃᓕᑕᕆᔭᐅᔾᔪᑎᖃᖅᓯᒪᔪᖅ ᒐᕙᒪᒃᑯᖏᑎᒍᑦ ᓄᓇᕘᑉ. ᓄᓇᕗᑦ ᐃᓚᒋᔭᐅᖃᑕᐅᖕᒪᑦ ᐃᓄᐃᑦ ᓄᓇᖓᓐᓄ, ᐃᓄᖕᓄᑦ ᓄᓇᒋᔭᐅᔪᓂ ᑲᓇᑕᒥ. ᐃᓄᐃᑦ ᓄᓇᖓᑦ ᐊᖏᓛᖑᖕᒪᑦ ᐃᓚᒋᔭᐅᓪᓗᓂ ᑲᓇᑕᒧᑦ ᓄᓇᖃᖅᑳᖅᓯᒪᔪᑦ ᐅᖃᐅᓯᑐᖃᕐᒥᓂᒃ − ᐃᓄᒃᑐᑦ ᐊᑐᖅᑐᑎᒃ, ᖃᓪᓗᓈᑎᑑᙱᑦᑐᖅ ᐅᕝᕙᓗ ᐅᐃᕖᑎᑑᙱᑦᑐᖅ − ᓯᕗᓪᓕᐊᓪᓗᓂ ᐅᖃᐅᓯᕆᔭᐅᒻᒪ ᐃᓄᒋᐊᓐᓂᕐᓴᓄᑦ ᓄᓇᕗᖕᒥ.
ᑕᐃᒪᓐᓇᓴᐃᓐᓇ ᐅᖃᐅᓯᖃᖅᑲᐅᒻᒥᔪᑦ ᐃᓄᐃᑦ ᑕᐱᕇᑦ ᑲᑕᓇᒥ, ᑲᓇᑕᓕᒫᕐᒥ ᐃᓄᐃᑦ ᑎᒥᖓ, ᓄᓇᕗᑦ ᑐᒥᕕᒃᑯᑦ ᐊᖓᔪᖅᑳᖓᑦ ᐊᓗᑭ ᑰᑦᑎᖅ ᐅᖃᖅᑲᐅᔪᖅ “ᑖᓐᓇ ᐱᖁᔭᒃᓴᖅ ᐃᓚᑰᓗᐊᖅᑐᖅ. …

>> Read More

ᐃᓄᐃᑦ ᓯᕗᓕᕐᑏᑦ ᐊᒃᓱᕈᖅᑐᑎ ᑎᓕᐅᕆᒻᒪᑕ ᐊᑐᓕᖅᑕᐅᓕᒃᑲᓐᓂᖁᓪᓗᒍ, ᐳᐃᒍᖅᑕᐅᖁᓇᒍ ᐊᒻᒪᓗ ᓴᐳᑎᔭᐅᓯᒪᖁᓪᓗᒍ ᐃᓄᒃᑐᑦ ᐃᓚᒋᔭᐅᓂᐊᕐᓗᓂ ᓄᓇᕐᔪᐊᓕᒫᕐᒥ ᐊᕐᕌᒍᖓᓂ ᓄᓇᖃᖅᑳᖅᓯᒪᔪᑦ ᐅᖃᐅᓯᖏᑦ ᐱᒋᐊᖅᑎᑕᐅᑎᓪᓗᒋᑦ ᓄᓇᕐᔪᐊᕐᒥ ᓄᓇᓖᑦ ᑲᑐᔾᔨᖃᑎᒌᖏᑦ ᑲᑎᒪᑎᓪᓗᒋᑦ

ᕕᕗᐊᕆ 1, 2019, ᐊᑑᕚ ᐊᒻᒪ ᓄᐃᐅ ᔪᐊᒃ, ᐃᓄᐃᑦ ᓯᕗᓕᖅᑏᑦ ᓯᑕᒪᐃᓂᑦ ᐃᓄᐃᑦ ᓄᓈᓐᓂᑦ ᑲᓇᑕᒥᑦ: ᓄᓇᕗᑦ ᑐᙵᕕᒃ ᑎᒥᖓᑕ ᐊᖓᔪᖅᑳᖓ, ᐊᓗᑭ ᑰᑦᑎᖅ ᓄᓇᕗᖕᒥ, ᒪᑭᕕᒃᑯᑦ ᐊᖓᔪᖅᑳᖓᑦ ᓵᓕ ᒍᐊᑦ ᓄᓇᕕᖕᒥᑦ, ᓄᓇᑦᓯᐊᕙᕗᑦ ᒐᕙᒪᒃᑯᖏᑕ ᐊᖓᔪᖅᑳᖓ ᔫᕼᐊᓇᔅ ᓛᑉᐱ ᓄᓇᑦᓯᐊᕙᕗᖕᒥᑦ, ᐊᒻᒪᓗ ᐃᓄᕕᐊᓗᐃᑦ ᑲᑎᒪᔨᖏᓐᓂᑦ ᐃᒃᓯᕙᐅᑕᖓᑦ ᐊᒻᒪ ᐊᐅᓚᑦᓯᔨᒻᒪᕆᖓᑦ, ᑐᐊᐃᓐ ᓯᒥᑦ ᐃᓄᕕᐊᓗᐃᑦ ᓄᓇᑖᕐᕕᒋᓯᒪᔭᖓᓐᓂᒃ, ᐱᖃᑎᖃᖅᑐᑎᒃ ᐃᓄᐃᑦ ᑕᐱᕇᑦ ᑲᓇᑕᒥ ᐊᖓᔪᖅᑳᖓᓐᓂᒃ ᓇᐃᑕᓐ ᐅᐱᐊᑦ ᐊᒻᒪᓗ ᐃᓄᐃᑦ ᓄᓈᓐᓂᑦ ᑲᑎᒪᔩᖏᑕ ᐊᖓᔪᖅᑳᖓᑦ ᒫᓂᑲ ᐃᐊᓪ−ᑲᓇᔪᖅ, ᐅᓪᓗᒥ ᐃᒫᖅ ᐅᖃᖅᑲᐅᔪᑦ ᐅᐱᒋᔭᖃᖅᑐᑎᒃ ᓴᖅᑭᑕᐅᓂᖓᓂᒃ ᓄᓇᕐᔪᐊᕐᒥ ᐊᕐᕌᒍᖃᖅᑎᑕᐅᓂᖓᓄᑦ ᓄᓇᖃᖅᑳᖅᓯᒪᔪᑦ ᐅᖃᐅᓯᖏᑦ ᑕᕝᕙᓂ ᓄᓇᕐᔪᐊᓕᒫᕐᒥ ᓄᓇᓖᑦ ᑲᑎᒪᓂᖓᓐᓂ:
“ᒐᕙᒃᑯᖏᑦ ᑲᓇᑕᐅᖏᑉ ᒫᓐᓇᕋᑖᖑᔪᔪᖅ …

>> Read More