ᓄᓇᕗᒥ ᐃᓕᓐᓂᐊᖅᑐᓕᕆᓂᖅ ᐱᕋᔭᖕᓂᒃᑰᕐᓂᖓ ᓈᒻᒪᓐᖏᓗᐊᖅᐸ?
ᕿᒥᕐᕈᔭᐅᔾᔪᑎᖏᑦ ᒫᓐᓇᐅᔪᖅ ᐊᑐᐊᒐᐃᑦ ᐃᓄᒃᑐᑦ ᐊᒻᒪ ᖃᓪᓗᓈᑐᑦ ᐃᓕᓐᓂᐊᖅᑐᓕᕆᓂᖅ, ᓄᓇᕐᐊᓂ ᐊᒻᒪ ᑲᓇᑕᐅᑉ ᒪᓕᒐᖏᑦ, ᐅᖃᐅᓯᕐᓂᒃ ᐊᒻᒪ ᐃᓕᖅᑯᓯᕐᓂᒃ ᓄᖑᑎᕆᒐᓱᐊᕐᓂᖅ ᐊᒻᒪ ᐱᕋᔭᒃᓯᓂᖅ ᐃᓄᖕᓂᑦ
(ᐊᐃᕆᓕ 22, 2019 – ᓅᔪᐊᒃ, ᓅᔪᐊᒃ) 2019 ᓄᓇᕐᔪᐊᓂ ᓄᓇᖃᖅᑳᖅᓯᒪᔪᓄᑦ ᐅᖃᐅᓯᓕᕆᓐᓇᖅ.
ᓄᓇᕗᑦ ᐊᕕᒃᑐᖅᓯᒪᓂᐊ ᐊᕐᕌᒍᖃᓕᕐᓂᐊᖅᑎᓪᓗᒍ ᐊᕙᑎᓂᒃ 20 ᑕᐃᒪᓐᖓᓂᒃ ᐋᖅᑭᒃᑕᐅᓚᐅᖅᓯᒪᖕᒪᑕ ᐊᕕᒃᑐᖅᓯᒪᓂᐅᔪᒥ ᒐᕙᒪᐅᔪᓂᒃ, ᓄᓇᕗᑦ ᑐᓐᖓᕕᒃ ᑎᒥᖓᑦᑕ ᐊᖓᔪᖅᑳᖓᑦ ᐊᓗᑭ ᑰᑦᑎᖅ ᐃᖅᑲᐅᒪᔪᖅ ᑭᖑᒻᒧᑦ ᑭᓱᓂ ᐋᖅᑭᒃᑕᐅᔾᔪᑎᖃᓚᐅᕐᓂᖓᓂᒃ ᐃᓄᒃᑐᑦ ᐅᖃᐅᓰᑦ ᐅᓪᓗᒥ, “ᐅᖃᐅᓯᖅ ᑲᔪᖏᕈᑕᐅᓚᐅᕐᒪᑦ ᐃᓄᖕᓄᑦ ᐱᓕᕆᐊᖃᖅᐸᓪᓕᐊᓪᓗᑎᒃ ᓴᖅᑭᒐᓱᐊᖅᑐᒍ ᓄᓇᑖᕐᓂᕐᒧᑦ ᐊᖏᕈᑏᑦ. ᐃᓄᐃᑦ ᑕᐅᑐᒐᖃᓚᐅᕐᒪᑕ ᐱᐅᓂᖅᓴᓂᒃ ᐱᔨᑦᓯᖅᑕᐅᔾᔪᑎᓂᒃ ᐊᒻᒪ ᐱᓕᐊᓂᒃ ᐃᑲᔪᖅᑕᐅᔾᔪᑎᓂᒃ, ᐅᖃᐅᓯᑦᑎᒍᑦ ᐊᒻᒪ ᒪᓕᒡᓗᑎᒃ ᐃᓄᐃᑦ ᑐᑭᓯᐅᒪᔭᖏᓐᓂᒃ ᐊᒻᒪ ᐃᓅᓂᖏᓐᓂᒃ.”
ᓄᓇᕗᒥ, ᐃᓄᒃᑐᑦ ᐅᖃᐅᓯᖃᖅᑐᑦ ᐅᓄᕐᓂᖅᓴᐅᑎᓪᓗᒋᑦ, ᐊᑐᖅᑕᐅᓂᖓ ᓄᖑᑉᐸᓪᓕᐊᔪᖅ. ᑐᕌᖅᑕᐅᔪᑦ ᓴᐳᔾᔨᓯᒪᔾᔪᑏᑦ ᐊᒻᒪ ᓴᖅᑭᔮᖅᑎᑦᓯᔾᔪᑏᑦ ᐃᓄᒃᑐᑦ ᓴᖅᑭᑎᑕᐅᕙᓪᓕᐊᖏᑦᑐᑦ.
ᓄᓇᕗᑦ ᑐᓐᖓᕕᒃ ᑎᒥᖓᑦ ᖃᐅᔨᓴᖅᑐᑦ ᑐᑭᓯᐅᒪᓂᖅᓴᐅᔪᒪᓪᓗᑎᒃ ᑭᓲᓂᖏᓐᓂᒃ ᐅᖃᐅᓯᒃᓴᑦ ᑐᕌᖓᔪᑦ ᓄᖑᑉᐸᓪᓕᐊᓂᖏᓐᓂᒃ ᐃᓄᒃᑐᑦ ᐊᑐᖅᑕᐅᓂᖏᑦ ᐃᓕᓐᓂᐊᖅᑎᑦᓯᓂᕐᒧᑦ ᐊᐅᓚᔾᔪᑎᓂ.
“ᐃᓕᓐᓂᐊᖅᑐᓕᕆᓂᖅ ᓄᓇᕗᒥ ᖃᖓᓂᐊᓗᒃ ᐃᓕᖅᑯᓯᒃᑯᑦ ᓄᖑᑎᖅᑕᐅᒐᓱᐊᖅᓯᒪᔪᑦ ᐊᒻᒪ ᖃᖓᓂᑕᐅᓂᖏᓪᓗ ᓄᖑᑎᑕᐅᓪᓗᑎᒃ. ᐊᒻᒪ ᑕᒪᓐᓇ ᓱᓕ ᐅᓪᓗᒥ ᑲᔪᓯᔪᖅ” ᐅᖃᖅᑐᖅ ᑰᑦᑎᖅ. “ᐃᓕᖅᑯᓯᕐᓂᒃ ᓄᖑᑎᕆᓂᖅ ᑲᔪᓯᓯᒪᔪᖅ ᐃᓄᐃᑦ ᓄᑕᖅᑲᖏᑦᑕ ᐃᓕᓐᓂᐊᖅᑐᓕᕆᔭᐅᓂᖏᑎᒍᑦ, ᐊᑐᖅᑕᐅᓗᐊᕐᓂᖅᓴᑦ ᐅᖃᐅᓰᑦ ᐊᑐᖅᑕᐅᔪᑦ ᐃᓕᓐᓂᐊᖅᑎᑦᓯᔾᔪᑕᐅᓪᓗᑎᒃ ᐊᒻᒪ ᐃᓕᑉᐸᓪᓕᐊᒍᑕᐅᓪᓗᑎᒃ, ᐊᑐᓐᖏᑳᖅᑐᒋᑦ ᓄᑕᖅᑲᑦ ᐅᖃᐅᓯᓐᖓᐅᑎᖏᑦ.”
ᑖᓐᓇ ᖃᐅᔨᓴᕐᓂᕐᒧᑦ ᐅᓂᒃᑳᖅ ᓴᖅᑭᑎᑦᓯᓂᐊᖅᑐᖅ ᐊᒡᕕᐊᕈᑕᐅᔪᓂᒃ ᐊᔪᕈᑕᐅᔪᑦ ᐃᓄᐃᑦ ᐊᑐᕈᓐᓇᕐᓂᖏᓐᓂᒃ ᖁᕕᐊᒋᓗᒍ ᐅᖃᐅᓯᓂ, ᑮᓇᐅᔭᓕᐅᕈᑎᓂ, ᐃᓕᖅᑯᓯᕐᓄᑦ ᐊᒻᒪ ᐃᓅᔪᓄᑦ ᐱᔪᓐᓇᐅᑏᑦ ᓄᓇᕗᒥ ᐊᒻᒪ ᑲᓇᑕᒥ.
ᐃᓕᓐᓂᐊᖅᑐᓕᕆᓂᕐᒧᑦ ᐊᐅᓚᔾᔪᑕᐅᔪᑦ ᐊᑐᖅᑕᐅᔪᑦ ᓴᖅᑭᑎᑦᓯᒍᑕᐅᓪᓗᑎᒃ ᐱᓐᖏᑦᑐᒥᒃ ᐃᓅᓯᕐᒧᑦ ᐊᒃᑑᑕᐅᔪᓂᒃ ᑎᑎᖅᑕᐅᓯᒪᓪᓗᑎᒃ ᑕᒡᕙᓂ ᐅᓂᒃᑳᒥ. ᓴᖅᑭᒋᐊᖃᓕᕐᒪᑦ ᐃᓕᓐᓂᐊᖅᑐᓕᕆᓂᖅ ᐊᐅᓚᔾᔪᑎᖏᑦ ᑕᒪᒃᑯᓄᖓ ᐅᖃᐅᓯᐅᒋᐊᒃᑲᓐᓂᕐᓗᑎᒃ ᑕᒪᒃᑯᐊ ᐊᒃᑑᑕᐅᓯᒪᔪᑦ. ᓴᓐᖏᔪᒥᒃ ᐋᖅᑭᑦᑎᐊᖅᓯᒪᔪᒥᒃ ᒪᕐᕉᖕᓂᖅ ᐅᖃᐅᓰᖕᓄᑦ ᐃᓕᓐᓂᐊᕈᑎᒃᓴᓂᒃ ᐊᑐᓕᖅᑎᑦᓯᓗᑎᒃ. ᐊᖓᔪᖅᑳᑦ ᑰᑦᑎᖅ ᐃᓚᒋᐊᕆᒃᑲᓐᓂᖅᑐᓂ, “ᑲᔪᓯᓯᒪᐃᓐᓇᖅᑐᒍ ᐊᔭᐅᖅᑐᐃᔾᔪᑎᖃᖅᑐᑕ ᐃᓄᐃᑦ ᐱᔪᓐᓇᑎᖏᓐᓂᒃ ᐊᒻᒪ ᐃᓕᑕᕆᓯᒪᓪᓗᒋᑦ ᒐᕙᒪᒃᑯᓐᓄᑦ ᐱᓕᕆᐊᒃᓴᕆᑎᑕᐅᓯᒪᓂᖓ ᐱᖃᑎᒌᒡᓗᓂ ᖃᓄᐃᓕᐅᕆᐊᕈᑎᖃᕆᐊᖃᓕᖅᑐᑦ ᑐᐊᕕᕐᓇᖅᑐᒥᒃ ᒫᓐᓇᐅᔪᖅ. ᓄᓇᕗᑦ ᑐᓐᖓᕕᕐ ᑎᒥᖓᑦ ᓇᓗᓇᐃᖅᓯᔪᖅ ᐱᓕᕆᖃᑎᖃᐃᓐᓇᕈᒪᓂᕐᒥᓂᒃ ᐊᑐᖅᑕᐅᔪᓂᒃ ᒐᕙᒪᓂᒃ ᐊᒻᒪ ᐊᓯᖏᓐᓂᒃ ᐃᑲᔪᖅᑎᒋᔭᐅᔪᓂᒃ.
ᑖᒃᑯᐊ ᐅᓂᒃᑳᑦ ᐱᔭᐅᔪᓐᓇᖅᑐᑦ ᓄᓇᕗᑦ ᑐᓐᖓᕕᒃ ᑎᒥᖓᑦᓴ ᐃᑭᐊᖅᑭᕕᐊᓂ, www.tunngavik.com
-30-
ᑐᑭᓯᒋᐊᕈᑎᖃᒃᑲᓐᓂᕈᒪᒍᕕᑦ:
ᖃᔮᖅ ᐃᐅᒡᕘᑦ
ᐊᖓᔪᖅᑳᖓᑦ ᑐᓴᖃᑦᑕᐅᓕᕆᓂᕐᒧᑦ
ᓄᓇᕗᑦ ᑐᓐᖓᕕᒃ ᑎᒥᖓᑦ
ᐳᕋᖕᑯ ᕗᓯᒦ
ᑐᓴᖃᑦᑕᐅᑎᓕᕆᓂᕐᒧᑦ ᐅᖃᐅᔾᔨᒋᐊᖅᑏᑦ
ᓄᓇᕗᑦ ᑐᓐᖓᕕᒃ ᑎᒥᖓᑦ
