ᑐᓴᕋᑦᓴᓕᕆᔩᑦ

ᓄᓇᕗᑦ ᑐᓐᖓᕕᒃ ᑎᒥᖓ ᓇᓗᓇᐃᕐᓯᕗᖅ ᐊᑐᖅᑕᐅᒋᐅᖅᑐᒥ ᐅᓪᓗᖅ ᐊᒻᒪᓗ ᐅᐱᓇᕐᓂᖓᓂᒃ ᐱᓕᕆᐊᕆᓯᒪᔭᖓ ᕿᑭᖅᑕᓂᒃᑯᑦ ᑲᔪᓯᑎᑕᖓᓂᒃ

ᐃᕐᖐᓐᓇᖅ ᓴᖅᑭᖅᑕᐅᔭᕆᐊᓕᒃ

ᓄᓇᕗᑦ ᑐᓐᖓᕕᒃ ᑎᒥᖓ ᓇᓗᓇᐃᕐᓯᕗᖅ ᐊᑐᖅᑕᐅᒋᐅᖅᑐᒥ ᐅᓪᓗᖅ ᐊᒻᒪᓗ ᐅᐱᓇᕐᓂᖓᓂᒃ ᐱᓕᕆᐊᕆᓯᒪᔭᖓ ᕿᑭᖅᑕᓂᒃᑯᑦ ᑲᔪᓯᑎᑕᖓᓂᒃ

(ᐊᐅᒡᒍᓯ 1, 2019 – ᐃᖃᓗᐃᑦ, ᓄᓇᕗᑦ) ᓄᓇᕗᑦ ᑐᓐᖓᕕᒃ ᑎᒥᖓ ᓇᓗᓇᐃᕐᓯᕗᖅ ᐊᑐᖅᑕᐅᒋᐅᖅᑐᖅ ᐅᓪᓗᖅ ᐊᒻᒪᓗ ᐅᐱᓇᕐᓂᖓᓂᒃ ᐱᓕᕆᐊᕆᓯᒪᔭᖓ ᕿᑭᖅᑕᓂ ᐃᓄᐃᑦ ᑲᑐᔾᔨᖃᑎᒌᑦ (ᕿᑭᖅᑕᓂ) ᐋᔩᕋᕈᑎᖃᖃᑦᑕᓂᒃᑯᑦ ᐊᑎᓕᐅᕐᓂᖓᓗ ᐃᓄᐃᑦ ᐊᒃᑐᖅᑕᐅᓂᖏᓐᓄᑦ ᐃᑲᔫᓯᐊᖅᑖᓂᕐᒧᓪᓗ ᐊᖏᖃᑎᒌᒍᑎᓂᒃ (IIBA) ᑕᓪᓗᕈᑎᐅᑉ ᐃᒪᖓᓄᑦ ᐊᒻᒪᓗ ᓴᐳᔾᔭᐅᓯᒪᓚᐅᐱᓪᓚᒍᑕᐅᓂᐊᖅᑐᖅ ᑐᕙᐃᔪᐃᑦᑐᒥᒃ.

“ᑖᓐᓇ ᓴᖅᑭᔮᕈᑕᐅᔪᖅ ᒐᕙᒪᒃᑯᑦ ᐊᒻᒪᓗ ᐃᓄᐃᑦ ᐃᖅᑲᓇᐃᔭᖃᑎᒌᓐᓂᖏᓐᓂᒃ ᐱᕚᓪᓕᕈᑎᒃᓴᖅ ᐃᓄᖁᑎᑦᑎᓐᓄᑦ, ᑲᓇᑕᒥ ᐊᒻᒪᓗ ᓯᓚᕐᔪᐊᒥ. ᑖᓐᓇ ᒥᑭᓐᖏᑦᑐᖅ ᑲᔪᓯᑎᑕᐅᔪᖅ,” ᐊᖓᔪᖅᑳᖅ ᐊᓗᑭ ᑰᑦᑎᖅ ᐅᐱᒍᓱᑦᑐᓂ ᓂᓪᓕᓚᐅᕐᐳᖅ. “ ᑖᒃᑯᓄᖓ ᐊᖏᖃᑎᒌᒍᑎᓄᑦ, ᐃᓄᐃᑦ ᐃᓕᓴᕆᔭᐅᓂᖏᑦ ᐃᑲᔪᖅᑎᓪᓗᐊᑕᐅᓂᖏᓐᓂᒃ ᖃᐅᔨᒪᓂᕐᒥᒍᑦ ᐊᒻᒪᓗ ᓴᐳᔾᔨᓯᒪᓂᕐᒧᑦ ᐊᓪᓛᑦ.”

ᕿᑭᖅᑕᓂᒃᑯᑦ ᑕᑯᑦᓴᐅᑎᑦᓯᕗᑦ ᐃᓄᐃᑦ ᐊᑕᐅᓯᐅᖃᑎᖃᑦᓯᐊᕐᓂᖏᓐᓂᒃ ᐊᕙᑎᑦᑎᓐᓂᒃ ᐃᓘᓐᓇᑎᓐᓄᑦ ᑲᓇᑕᒥᐅᓄᑦ ᐱᐅᔪᖅ. ᓄᓇ ᒪᑭᒪᔾᔪᑎᒋᒐᑦᑎᒍ, ᐃᒪᖅ ᐃᓅᓯᖃᕐᕕᒋᒐᑦᑎᒍ ᐊᒻᒪᓗ ᖃᐅᔨᒪᓂᖏᑦ ᐊᕙᑎᑦᑎᓐᓂᒃ ᐊᑐᕋᑦᓴᑑᒻᒪᑦ ᐊᓇᓯᒪᒍᑎᒃᓴᒧᑦ. “ᐊᖓᔪᖅᑳᖅ ᐲᔭᐃ ᐊᕿᐊᕈᒃ ᐊᒻᒪᓗ ᕿᑭᖅᑕᓂᒃᑯᑦ ᑕᑯᓐᓇᒐᖓ ᐋᖅᑭᒋᐊᕐᓯᓂᖓ ᓄᓇᓕᖁᑎᑦᑕ ᐃᓂᖓᓅᖅᑎᑦᓯᓂᖅ ᒐᕙᒪᑦᑎᓐᓂᒃ ᑐᑭᓯᒪᓂᐊᕐᒪᑕ ᐃᓄᐃᑦ ᖃᐅᔨᒪᓂᖏᑦ ᐊᒻᒪᓗ ᐱᖕᒪᕆᐅᔪᖁᑎᖏᑦ ᐱᖕᒪᕆᐊᓘᓂᖏᓐᓂᒃ ᐊᓯᖅᑯᒐᑦᓴᐅᖏᑦᑐᓂᒃ ᐊᑐᕋᑦᓴᓕᐅᕐᓯᒪᓂᑦᓯᓐᓄᑦ, ᓇᑯᕐᒦᒃ/ᖁᔭᓐᓇᒦᒃ,” ᐅᖃᒃᑲᓂᖅᑐᖅ ᐊᖓᔪᖅᑳᖅ ᑰᑦᑎᖅ.

ᑖᒃᑯᐊ IIBA ᑲᔪᓯᔪᓐᓇᕐᓯᒪᔪᑦ ᓄᓇᕗᑦ ᐊᖏᕈᑎᖏᑎᒍᑦ. ᑕᑯᓐᓇᒐᐅᓯᒪᔪᖅ ᓴᐳᔾᔨᓯᒪᒍᑎᒃᓴᒥᒃ ᑐᓐᖓᕕᓕᐅᖅᑕᐅᓯᒪᒋᐊᖃᕐᒪᑕ ᐃᒪᐃᑦ ᐊᒻᒪᓗ ᓯᑯ/ᑐᕙᒃ ᐅᑭᐅᖅᑕᖅᑐᒥ ᐊᐅᓚᔾᔭᒋᐊᓚᐅᕐᓯᒪᔪᖅ 1960−ᖏᓐᓂ ᐊᒻᒪᓗ ᐅᓪᓗᒥ ᓴᖅᑭᕐᐳᖅ. ᓄᓇᕗᑦ ᐊᖏᕈᑎᖏᑦ ᐃᓕᓴᕐᓯᓯᒪᕗᑦ ᓄᓇ ᑐᓐᖓᕕᒋᒐᑦᑎᒍ ᖃᓄᐃᓐᖏᑦᓯᐊᕈᑎᒃᓴᑎᓐᓄᑦ ᒪᑭᒪᓂᑦᑎᓄᓪᓗ.

-30-

ᑐᑭᓯᒋᐊᒃᑲᓂᕐᕕᒃᓴᖅ

ᐆ ᐊᕐᐱᒃ
ᑐᑭᒧᐊᒃᑎᑦᑎᔨ ᑐᓴᐅᒪᔾᔪᑎᓕᕆᔨᒃᑯᓐᓂ
ᓄᓇᕗᑦ ᑐᓐᖓᕕᒃ ᑎᒥᖓ
ᐅᖄᓚᐅᑖ: 867-975-4941

www.tunngavik.com

Download (PDF, 58KB)