ᑐᓴᕋᑦᓴᓕᕆᔩᑦ

ᐃᓕᖅᑯᓯᕐᒨᖓᔪᑦ ᒪᒥᓴᖅᑐᓕᕆᓂᕐᒧᓪᓗ ᓴᖅᑭᖅᑕᐅᔪᖅ

ᓯᑕᒻᒥᖅ/ᕿᑎᖅᑰᑦ ᒪᐃ 2, 2019

ᐃᕐᖐᓐᓇᖅ ᓴᖅᑭᖅᑕᐅᔭᕆᐊᓕᒃ

(ᐃᖃᓗᐃᑦ, ᓄᓇᕗᑦ) ᓄᓇᕗᑦ ᑐᓐᖓᕕᒃ ᑎᒥᖓ ᖁᕕᐊᒋᔭᓕᒃ ᑐᓴᖅᑎᑦᓯᒋᐊᒃᓴᖅ ᓴᖅᑭᖅᑕᐅᓂᖓᓂᒃ ᐃᓕᖅᑯᓯᕐᒨᖓᔪᑦ ᒪᒥᓴᖅᑐᓕᕆᓂᕐᒧᓪᓗ, ᐃᓄᐃᑦ ᑐᒃᓯᕋᐅᓯᐅᕐᕕᒋᔪᓐᓇᖅᑕᖓᓂᒃ ᑮᓇᐅᔭᓕᑕᐅᒍᑎᒃᓴᓂᒃ ᐱᓕᕆᐊᒃᓴᓄᑦ ᐋᖅᑭᑦᓲᑎᒃᓴᓂᒃ ᑲᑉᐱᐊᓱᐊᑎᑕᐅᖃᑦᑕᕐᓯᒪᔪᓄᑦ ᐊᒻᒪᓗ ᑭᖑᕚᖏᓐᓄᑦ ᑎᑭᐅᑎᓯᒪᓂᖏᓐᓂᒃ ᐊᒃᑐᐃᓂᖃᕐᓯᒪᔪᓂᒃ ᐃᓕᓐᓂᐊᕆᐊᖅᑎᑕᐅᖃᑦᑕᓚᐅᕐᓯᒪᔪᑦ ᐅᑉᕙᓘᓐᓃᑦ ᓄᓇᓕᐊᕈᔾᔭᐅᖃᑦᑕᕈᑎᒃᓴᐅᒻᒥᔪᑦ ᐅᑉᑉᕙᓘᓐᓃᑦ ᐃᓕᓴᐃᓂᕐᒥᒃ ᐃᓄᐃᑦ ᐊᑐᕐᓯᒪᔭᖏᓐᓂᒃ, ᐃᓕᖅᑯᓯᖓᓂᒃ, ᐅᖃᐅᓯᖓᓂᒃ ᐊᒻᒪᓗ ᐱᖅᑯᓯᖏᓐᓂᒃ.

ᑭᓇᑐᐃᓐᓇᖅ ᐃᓄᒃ ᐅᑉᕙᓘᓐᓃᑦ ᑲᑐᔾᔨᔪᑦ ᐃᓄᐃᑦ ᐊᑎᖃᖃᑕᐅᓗᑎᒃ ᓄᓇᕗᑦ ᐊᖏᕈᑎᖏᓐᓂ, ᑭᓇᐅᔭᓕᐅᕋᓱᐊᖅᑎᐅᖏᑦᑐᑦ ᑲᑐᔾᔨᖃᑎᒌᑦ, ᐃᓕᓐᓂᐊᕐᕕᒋᔭᐅᕙᑦᑐᑦ, ᖃᓪᓗᓈᓂ ᐅᑉᕙᓘᓐᓃᑦ ᑲᑎᑉᕕᒋᔭᐅᕙᑦᑐᑦ ᐅᑉᕙᓘᓐᓃᑦ ᓄᑕᖅᑲᑦ ᒥᑭᓂᖏᓐᓂ ᐃᓕᓴᕕᐅᕙᑦᑐᑦ ᑐᒃᓯᕋᐅᓯᐅᕈᓐᓇᖅᑐᑦ ᑎᑭᐅᑎᓯᒪᔪᓂᒃ $25,000 ᑐᕌᖓᔪᓂᒃ ᐃᓕᖅᑯᓯᕐᒨᖓᔪᓂᒃ ᒪᒥᓴᖅᑐᓕᕆᓂᕐᒧᓪᓗ ᑐᓂᔭᐅᒍᓐᓇᓂᐊᖅᑐᓂᒃ ᐃᓄᓐᓄᑦ ᐊᑎᖃᖃᑕᐅᔪᓄᑦ ᓄᓇᕗᑦ ᐊᖏᕈᑎᖏᓐᓂ.

 

ᑐᒃᓯᕋᐅᓯᐅᕐᓂᖅ ᒪᑐᐃᖓᓂᐊᖅᑐᖅ ᐱᒋᐊᕐᓗᓂ ᒪᐃ 1 ᑎᑭᓪᓗᒍ ᒪᐃ 31, 2019 ᐱᕕᒃᓴᖃᑦᓯᐊᖁᓪᓗᒋᑦ ᑐᒃᓯᕋᕈᒪᔪᑦ ᐋᖅᑭᑦᓱᐃᓗᑎᒃ ᐸᕐᓇᓪᓗᑎᓪᓗ ᐅᐱᕐᖔᒧᑦ ᐊᐅᔭᒧᓪᓗ (ᐃᓚᖏᑦ ᐱᓕᕆᐊᕆᔭᐅᔪᑦ ᐱᓕᕆᐊᖑᒍᓐᓇᕋᓗᐊᖅᑎᓪᓗᒋᑦ ᖃᖓᑐᐃᓐᓇᖅ ᐊᕐᕌᒍᒥ). ᖁᓕᑐᐃᓐᓇᐃᑦ ᑐᒃᓯᕋᖅᑐᑦ ᓂᕈᐊᒐᐅᓂᐊᖅᑐᑦ ᐊᒻᒪᓗ ᑐᓂᔭᐅᓗᑎᒃ ᐱᓕᕆᐊᒃᓴᒧᑦ ᑮᓇᐅᔭᓕᑕᐅᒍᑎᒥᒃ ᑮᓇᐅᔭᓕᕆᓐᓇᐃᑦ ᐊᕐᕌᒍᖏᓐᓂ.

 

ᑐᒃᓯᕋᕈᓐᓇᖅᑐᑦ ᑭᒃᑯᑐᐃᓐᓇᐃᑦ, ᐊᓪᓛᑦ ᓯᓚᑖᓂᒥᐅᑕᐅᒐᓗᐊᕈᑎᒃ ᓄᓇᕗᑦ. ᑭᓯᐊᓂ, ᑐᒃᓯᕋᖅᑐᑦ ᑐᕌᒐᖃᕆᐊᓖᑦ ᒥᑭᓂᕐᐹᒥᒃ 75% ᐃᑲᔫᑎᒃᓴᓂᒃ ᐃᓄᓐᓂᒃ ᐊᑎᖃᖃᑕᐅᔪᓂᒃ ᓄᓇᕗᑦ ᐊᖏᕈᑎᖏᓐᓂ ᑮᓇᐅᔭᓕᑕᐅᒍᓐᓇᖁᓪᓗᒋᑦ ᐊᐅᓚᑦᓯᓂᕐᒥᒃ ᐱᓕᕆᐊᒥᓐᓂᒃ.

 

ᑮᓇᐅᔭᑦ ᑕᑉᕙᖔᕐᓯᒪᔪᑦ ᐊᒥᐊᒃᑯᓂᒃ ᐃᓕᓐᓂᐊᕆᐊᖅᑎᑕᐅᖃᑦᑕᓚᐅᕐᓯᒪᔪᑦ ᐊᑕᐅᓰᖅᑐᒥᒃ ᐊᑭᓕᖅᑕᐅᒍᑎᒥᓂᖏᓐᓂᒃ ᐸᐸᑕᐅᔪᓂᒃ ᑐᓐᖓᕕᒃᑯᓅᖅᑕᐅᓚᐅᖅᑐᓂᒃ ᑭᒡᒐᖅᑐᖅᑕᐅᓪᓗᑎᒃ ᐃᓕᓐᓂᐊᕆᐊᖅᑎᑕᐅᖃᑦᑕᓚᐅᕐᓯᒪᔪᓂᒃ ᐸᐸᑕᐅᓂᐊᖅᑐᓂᒃ ᑖᒃᑯᓇᓐᖓᑦ ᓄᓇᕗᒻᒥ ᐃᑲᔫᑎᒃᓴᓕᕆᔨᒃᑯᑦ ᑎᒥᖓᓂᒃ.

-30-

ᑐᑭᓯᒋᐊᒃᑲᓂᕐᕕᒃᓴᖅ, ᖃᐅᔨᒋᐊᕐᓗᑎᑦ;

ᐊᕐᓇᐅᔭᖅ ᑲᐅᒪᒃ

ᐱᓕᕆᐊᒃᓴᓕᕆᔨ

 

ᓄᓇᕗᑦ ᑐᓐᖓᕕᒃ ᐃᑲᔫᑎᒃᓴᓕᕆᔨᒃᑯᑦ

ᑲᖏᕐᖠᓂᖅ, ᓄᓇᕗᑦ X0C 0G0

1-888-236-5400 ᐊᑭᖃᓐᖏᑦᑐᖅ

1-867-645-5400 ᑲᖏᕐᖠᓂᖅ

ᐃᓕᖅᑯᓯᕐᒨᖓᔪᓂᒃ ᒪᒥᓴᖅᑐᓕᕆᓂᕐᒧᓪᓗ ᐊᑐᐊᒐᖅ:

Download (PDF, 58KB)

Download (PDF, 249KB)