ᑐᓴᕋᑦᓴᓕᕆᔩᑦ

ᐃᓄᖕᓄᑦ ᑐᓴᒐᒃᓴᖅ

ᐃᓕᓐᓂᐊᕆᐊᖃᑦᑕᓚᐅᖅᑐᑦ ᑭᕙᓪᓕᖅ ᐃᒡᓗᐊᓗᐊᓂ ᐱᒋᐊᖅᑐᒍ ᔫᓐ 12, 1985 ᑎᑭᓪᓗᒍ ᑎᓯᐱᕆ 31, 1997, ᒪᓕᒃᑐᑦ ᑐᓐᖓᕕᒋᔭᐅᔪᓂᒃ ᐊᑖᒍᑦ ᐃᓕᓐᓂᐊᕆᐊᖅᑎᑕᐅᖃᑦᑕᓚᐅᖅᑐᓄᑦ ᐊᑭᓕᐅᑎᓄᑦ ᐊᖏᕈᑏᑦ (“IRSSA”), ᐱᔪᓐᓇᖅᑎᑕᐅᔪᑦ ᑐᒃᓯᕋᕈᓐᓇᖅᓗᑎᒃ ᐊᑭᓕᖅᑕᐅᔾᔪᑎᓂᒃ ᐃᓕᓐᓂᐊᕆᐊᖅᑎᑕᐅᖃᑦᑕᓚᐅᕐᓂᕐᑦ ᐊᑭᓕᐅᑎᓂᒃ (“CEP”). ᑲᓇᑕ ᐊᖏᕈᑎᖃᖅᐸᓪᓕᐊᓂᐊᖅᑐᖅ ᑐᒃᓯᕋᐅᑎᓂᒃ ᒪᐃ 1st 2019. ᐱᔪᓐᓇᖅᑎᑕᐅᔪᑦ ᐃᓕᓐᓂᐊᖅᑎᕕᓃᑦ ᒪᓕᒃᑐᑦ ᑐᓐᖓᕕᒋᔭᐅᔪᓂᒃ ᐊᔪᓐᖏᑎᑕᐅᑐᐃᓐᓇᕆᐊᓖᑦ ᑖᒃᑯᑎᒎᓇᖅ ᐃᓕᓐᓂᐊᕆᐊᖅᑎᑕᐅᖃᑦᑕᓚᐅᕐᓂᕐᑦ ᐊᑭᓕᐅᑎᓂᒃ:

a. ᑐᔪᕐᒥᖃᑦᑕᓚᐅᖅᑐᑦ ᐃᒡᓗᐊᓗᖕᒥ ᐊᐅᓚᑕᐅᑎᓪᓗᒍ ᐱᔾᔪᑎᖃᖅᑐᑎᒃ ᐃᓕᓐᓂᐊᕐᕕᐊᓗᖕᒥ ᖁᑦᓯᖕᓂᖅᓴᓂᒃ ᐃᓕᓐᓂᐊᕆᐊᖃᕐᓂᖅ;

b. ᐃᓅᓚᐅᖅᑐᑦ ᐅᓪᓗᐊᓂ ᒪᐃ 30, 2005; ᐊᒻᒪ,

c. ᑐᒃᓯᕋᕐᓗᑎᒃ ᐱᑕᖃᖅᑎᑦᓯᓗᑎᒃ ᐱᐊᓂᒃᓯᒪᑦᓯᐊᖅᑐᓂᒃ ᐃᓕᓐᓂᐊᕆᐊᖅᑎᑕᐅᖃᑦᑕᓚᐅᖅᑐᓄᑦ ᐊᑭᓕᐅᑎᓄᑦ ᑐᒃᓯᕋᐅᑎᓂᒃ.

ᐃᓕᓐᓂᐊᕆᐊᖅᑎᑕᐅᖃᑦᑕᓚᐅᕐᓂᕐᑦ ᐊᑭᓕᐅᑎᓂᒃ ᑐᒃᓯᕋᐅᑏᑦ ᐃᓕᓐᓂᐊᖅᑎᐅᓚᐅᖅᑐᓄᑦ ᐃᓅᔪᓐᓃᖅᓯᒪᓕᖅᑐᑦ ᑐᒃᓯᕋᖅᑕᐅᔪᓐᓇᖅᑐᑦ ᐃᓚᖏᓐᓄᑦ.

Application Form can be found here:Common Experience Payment Form

Download (PDF, 210KB)

ᐊᒻᒪᓗ, ᓇᓪᓕᐊᑐᐃᓐᓇᖅ ᑭᕙᓪᓕᐅᑉ ᐃᒡᓗᐊᓗᐊᓂ ᐃᓕᓐᓂᐊᖅᑎᐅᓚᐅᖅᑐᑦ ᖁᓄᔪᕐᓂᐊᖅᑕᐅᓂᑯᑦ ᐊᒻᒪ/ᐅᕝᕙᓘᓐᓃᑦ ᑎᒥᒃᑯᑦ ᐋᓐᓂᖅᑎᖅᑕᐅᓂᑯᑦ, ᐅᕝᕙᓘᓐᓃᑦ ᐊᓯᐊᒍᑦ ᐱᑦᓯᐊᖅᑕᐅᖏᓐᓂᑯᑦ ᐱᐅᓐᖏᑦᑐᒥᒃ ᐊᒃᑐᖅᑕᐅᔾᔪᑎᒋᓗᒋᑦ ᐃᓱᒪᒃᑯᑦ ᐃᒡᓗᐊᓗᖕᒦᑦᑐᑎᒃ, ᑐᒃᓯᕋᕈᓐᓇᖅᑐᑦ ᐊᑭᓕᖅᑕᐅᔾᔪᑏᑦ ᖄᖓᒍᑦ ᐊᑖᒍᑦ ᐃᖕᒥᒃᑰᖅᑐᓂᒃ ᖃᐅᔨᓴᕈᑎᖃᕐᓂᖅ (“IAP”). ᑖᒃᑯᐊ ᐃᖕᒥᒃᑰᖅᑐᑦ ᖃᐅᔨᓴᖅᑎᑦᓯᓂᕐᒧᑦ ᑐᒃᓯᕋᐅᑏᑦ ᑎᒍᔭᐅᔪᓐᓇᕐᓂᐊᖅᑐᑦ 9-ᓄᑦ ᐊᖅᑭᓄᑦ ᑎᑭᒐᓱᐊᕐᓂᖓᓂ ᑎᓯᐱᕆ 31st, 2019.

ᐃᓕᓐᓂᐊᖅᑎᐅᓚᐅᖅᑐᑦ ᐊᖏᖅᑕᐅᔪᑦ ᐃᓕᓐᓂᐊᕆᐊᖅᑎᑕᐅᓚᐅᖅᑐᓄᑦ ᐊᑭᒃᓕᐅᑎᓂᒃ ᑐᒃᓯᕋᐅᑎᖃᕈᓐᓇᕐᓂᐊᕐᒥᔪᑦ ᐃᖕᒥᒨᖓᔪᓂᒃ ᐊᑭᓕᐅᑎᒃᓴᓂᒃ ᑐᖔᒍᑦ ᓄᕕᒻᐸ 30, 2019. ᑖᒃᑯᐊ ᐃᖕᒥᒨᖓᔪᑦ ᐊᑭᓖᒍᑕᐅᔪᓐᓇᖅᑐᑦ ᐊᑐᖅᑕᐅᔪᓐᓇᖅᑐᑦ ᐊᔾᔨᒌᓐᖏᑦᑐᓄᑦ ᐃᓕᓐᓂᐊᖅᑕᐅᒍᒪᔪᓄᑦ ᐊᒻᒪ ᐱᔨᑦᓯᖅᑕᐅᔾᔪᑎᓄᑦ ᐃᓚᐅᓗᑎᒃ ᐱᑕᖃᖅᑎᑕᐅᔪᑦ ᓯᓚᑦᑐᖅᓴᕐᕕᒡᔪᐊᓄᑦ, ᓯᓚᑦᑐᖅᓴᕐᕖᑦ, ᖃᐅᔨᒪᒋᐊᓕᖕᓂᑦ ᐃᖅᑲᓇᐃᔮᒃᓴᓂᒃ ᐃᓕᓐᓂᐊᕐᕖᑦ ᐊᑭᖏᑦ. ᐃᖕᒥᒨᖓᔪᓂᒃ ᐊᑭᓕᐅᑏᑦ ᑮᓇᐅᔭᑎᒎᕈᓐᓇᖏᑦᑐᑦ, ᑎᑭᒍᓐᓇᖅᑐᑎᒡᓗ ᑕᒡᕗᖓᑐᐃᓐᓇᖅ $3000 ᐊᖏᖅᑕᐅᓯᒪᔪᓄᑦ ᐃᓕᓐᓂᐊᕐᓂᕐᒧᑦ ᑎᒥᐅᔪᓄᑦ ᐊᒻᒪ ᑲᑐᔾᔨᔪᓄᑦ. ᐃᖕᒥᒨᖓᔪᓂᒃ ᐊᑭᓕᐅᑏᑦ ᐊᑐᖅᑕᐅᔪᓐᓇᖅᑐᑦ ᐃᓕᓐᓂᐊᖅᑎᐅᓚᐅᖅᑐᓄᑦ ᐅᕝᕙᓘᓐᓃᑦ ᐊᑭᓕᖅᑕᐅᔾᔪᑎᒋᔪᓐᓇᖅᑕᓕᒫᓂ ᐃᓕᓐᓂᐊᓂᕐᒧᑦ ᑐᓂᔪᓐᓇᖅᑕᖏᑦ ᐃᓚᒥᓄᑦ.

ᑐᑭᓯᒋᐊᕈᑎᖃᒃᖃᓐᓂᕈᒪᒍᕕᑦ ᑕᒪᒃᑯᓂᖓ ᐊᑐᖅᑕᐅᒋᐊᓕᖕᓂᑦ, ᐅᖄᓚᓂᐊᖅᐳᑎᑦ ᐅᕗᖓ ᐊᑭᖃᓐᖏᑦᑐᖅ 1 866 879 4913 ᑕᑯᓂᐊᕐᓗᒍᓘᓐᓃᑦ www.residentialschoolsettlement.ca

ᐃᓕᓐᓂᐊᖅᑎᐅᓚᐅᖅᑐᑦ ᑎᑎᖅᑲᑎᒍᑦ ᑐᒃᓯᕋᐅᑎᒥᓂᒃ ᓇᒃᓯᐅᔾᔨᒍᓐᓇᖅᑐᑦ ᐅᕗᖓ :

CEP Processing Centre
PO BOX 8232, Station T
Ottawa, Ontario K1G 3H7

ᐅᕝᕙᓘᓐᓃᑦ:

ᓇᓪᓕᐊᑐᐃᓐᓇᕐᓄᑦ ᑲᓇᑕᒥ ᐱᔨᑦᓯᖅᑕᐅᕖᑦ ᐃᓂᖏᓐᓄᑦ.