(ᕕᕗᐊᕆ 22, 2019 – ᐃᖃᓗᐃᑦ, ᓄᓇᕗᑦ) ᒪᑭᒋᐊᖅᑕ ᐃᓄᐃᑦ ᐃᓕᓴᒍᑎᒃᓴᖏᓐᓄᑦ ᑯᐊᐱᕇᓴᒃᑯᑦ ᑐᓴᖅᑎᑦᑎᔪᒪᕗᑦ ᓄᑖᓂᒃ ᐃᑲᔪᕈᑎᐅᕙᒃᑐᓄᑦ ᐱᓕᕆᔾᔪᑎᓂᒃ ᑖᒃᑯᓄᖓ ᑎᒥᐅᔪᓄᑦ ᑮᓇᐅᔭᓂᒃ ᐱᔪᓐᓇᕐᓯᒍᑕᐅᓂᐊᕐᑐᓂᒃ ᐅᑕᖅᑭᔭᕆᐊᖃᕈᓐᓃᕐᓗᑎᒃ ᒪᑭᒋᐊᖅᑕᒃᑯᑦ ᑲᑎᒪᔨᖏᓐᓂᒃ. ᑎᒥᐅᔪᑦ ᑎᓕᐅᖅᑕᐅᕗᑦ ᑐᓂᓯᖁᔭᐅᓪᓗᑎᒃ ᑐᒃᓯᕋᕈᑎᒥᓐᓂᒃ ᑮᓇᐅᔭᓂᒃ ᒪᓕᓐᓂᖃᖅᑐᓂᒃ ᒪᑭᒋᐊᖅᑕᒃᑯᑦ ᑎᓕᔭᐅᔾᔪᑎᒋᓯᒪᔭᖏᓐᓂᒃ ‘ᐱᕚᓪᓕᖁᓪᓗᒋᑦ ᐱᔭᕇᔭᕐᑕᐅᓂᖏᑕ ᓄᓇᕗᖕᒥ ᐃᓄᐃᑦ ᐃᖅᑲᓇᐃᔭᕐᓂᕐᒧᑦ.’
ᒪᑭᒋᐊᖅᑕᒃᑯᑦ ᐱᑕᖃᖅᑎᑦᑎᓂᐊᕐᐳᑦ ᐱᔨᑦᑎᕈᑎᓂᒃ, ᐊᔪᙱᓕᕈᑎᓂᒃ ᐊᒻᒪᓗ ᖃᐅᔨᓴᕐᓂᕐᒥᒃ, ᒪᓕᓪᓗᒋᑦ ᐸᕐᓇᒍᑎᓂ ᓯᕗᓪᓕᖅᐹᖑᑎᑕᐅᒧᑦ ᐱᓗᐊᕐᑐᒥᒃ ᐃᓕᓐᓂᐊᕆᐊᕆᐅᕈᒫᓕᕐᑐᓄᑦ ᐃᓕᓴᒍᑎᑦ, ᐃᓕᓴᐃᒍᑏᑦ ᓴᖅᑭᑕᐅᓯᒪᔪᑦ ᐃᑲᔪᓐᓂᖃᖅᑐᑦ ᑲᑦᑐᑎᑎᐊᕈᓐᓇᓂᕐᒧᑦ ᐃᓕᓐᓂᐊᑕᒥᓂᒃ, ᑐᙵᕕᒋᔭᐅᔪᑦ ᖃᐅᔨᒪᓂᖅᑖᕈᑕᐅᔪᓐᓇᕐᑐᑦ ᐃᓐᓇᕐᓄᑦ, ᐊᒻᒪᓗ ᐱᒡᒐᓇᕐᓂᕐᓴᓂᒃ ᐱᓕᒻᒪᓴᖅᑕᐅᒍᑎᒃ ᐊᒻᒪᓗ ᓯᓚᑦᑐᓴᕐᕕᖕᒥ ᐃᓕᓐᓂᐊᕐᕕᒃᓴ ᐃᖅᑲᓇᐃᔮᖅᑖᓂᕐᒧᑦ ᑐᕌᖓᓂᖃᖅᑐᑦ.
“ᒪᑭᒋᐊᖅᑕᒃᑯᑦ ᐋᖅᑭᒃᓯᒪᓂᖃᓕᕐᐳᑦ ᐃᑲᔪᕈᓐᓇᓯᓪᓗᑎᒃ ᐃᖅᑲᓇᔭᐃᔭᕐᕕᓂᒃ ᐃᓕᓐᓂᐊᑎᑦᑎᕙᒃᑐᓂᒃ ᐊᒻᒪ ᐃᖅᑲᓇᐃᔭᑎᑦᑎᕙᒃᑐᑎᒃ ᐃᓄᖕᓂ ᓄᓇᕗᖕᒥ. ᐃᓚᑯᕈᖅᐸᓪᓕᐊᑐᐃᓐᓇᕐᑕ ᑮᓇᐅᔭᓕᐅᕐᕕᐅᔪᓐᓇᕐᑐᑦ ᓄᓇᕗᖕᒥ. ᒪᑭᒋᐊᖅᑕᒃᑯᑦ ᐊᔪᙱᓕᕐᑎᑦᑎᔪᒪᒐᑦᑕ ᐃᖅᑲᓇᐃᔭᕐᕕᓂᒃ ᐃᑲᔪᕈᓐᓇᕐᑐᓂᒃ ᑮᓇᐅᔾᔭᒃᓴᕕᐅᔪᓐᓇᕐᑐᓂᒃ ᓄᓇᕗᖕᒥ.” ᐊᖅᑲᖅᑐᖅ ᐊᓗᑭ ᑰᑦᑎᖅ, ᐊᖓᔪᖅᑳᖓᑦ, ᓄᓇᕗᑦ ᑐᙵᕕᒃ ᑎᒥᖓᑕ.
“ᖁᔭᒋᔪᒪᕙᒃᑲ ᒪᑭᒋᐊᖅᑕᒃᑯᑦ ᐅᐱᒋᔪᒪᓪᓗᒋᓪᓗ ᑲᑦᑐᑎᓂᖃᑦᑎᐊᕐᒪᑕ. ᐃᓂᕐᓯᔪᓐᓇᕐᓯᒪᒐᑦᑕ ᐊᖏᔪᓪᓗᐊᑲᓪᓚᓂᓐᓂᒃ ᓯᕗᒧᐊᒋᐊᕈᑎᓂᒃ ᑐᕌᖅᑐᓂᒃ ᐃᓄᖕᓂᒃ ᐱᓕᒻᒪᒃᓴᐃᓂᕐᒧᑦ ᐅᑭᐅᑦ ᐱᖓᓱᑦ ᖄᖏᖅᑎᓪᓗᒋᑦ. ᕿᓚᓈᕐᐳᖓ ᐅᓪᓗᒥᒧᑦ ᐊᖑᒻᒪᑎᔪᓂᒃ ᑐᓴᖅᕕᒋᓛᕋᒃᑯᑦ ᒥᓂᔅᑕ ᓗᐊᕋᓐ ᑯᓱᒐᕐᒥᒃ ᐊᒻᒪᓗ ᒥᓂᔅᑕ ᐸᑎᖅ ᓇᑦᓯᕐᒥᒃ, ᑲᒪᒋᔭᖃᓕᕐᒪᑎᒃ ᑐᑭᒧᐊᒃᑎᑦᑎᔨᐅᓪᓗᑎᒃ ᓄᓇᕗᑦ ᒐᕙᒪᒃᑯᖏᓐᓂ,” ᐅᖃᖅᑐᖅ ᓯᕗᓕᖅᑎ ᔫ ᓴᕕᑲᑖᖅ.
ᑮᓇᐅᔭᖃᖅᑎᑦᑎᒍᑎᓄᑦ ᑲᐅᔨᒪᒍᑏᑦ ᐊᒻᒪ ᑐᒃᓯᕋᕈᑏᑦ ᑖᒃᑯᓂᖓ ᓄᑖᑎᒍᑦ ᐱᓕᕆᔾᔪᑎᑎᒍᑦ ᐊᑐᐃᓐᓇᐅᕗᑦ ᒪᑭᒋᐊᖅᑕᒃᑯᑦ ᑎᑎᕋᕐᕕᖓᓐᓂᒃ, ᐅᕝᕙᓗ ᖃᕆᓴᐅᔭᒃᑯᑦ ᐅᕙᙵᑦ www.makigiaqta.com
-30-
ᑐᑭᓯᒋᐊᒃᑲᓐᓂᕈᓐᓇᕐᐳᑎᑦ, ᖃᐅᔨᒃᑯᓪᓗᒍ:
ᐳᕌᓐᑯ ᐳᓴᐃᒥ
ᑐᑭᒧᐊᒃᑎᑦᑎᔨᐅᑲᐃᓐᓇᕐᑐᖅ ᑐᓴᐅᒪᖃᑦᑕᐅᑎᓕᕆᔨᒃᑯᓐᓄᑦ
ᓄᓇᕗᑦ ᑐᙵᕕᒃ ᑎᒥᖓ
ᐅᖄᓚᐅᑖ: (867) 222-1695
www.tunngavik.com
ᐋᓐᔨᓚ ᐱᑐᕈ
ᑐᑭᒧᐊᒃᑎᑦᑎᔨᐅᑲᐃᓐᓇᕐᑐᖅ ᑐᓴᐅᒪᖃᑦᑕᐅᑎᓕᕆᔨᒃᑯᓐᓄᑦ
ᐱᓕᕆᕕᖓᓂ ᒐᕙᒪᓕᕆᔨᒃᑯᑦ
ᒐᕙᒪᒃᑯᖏᑦ ᓄᓇᕘᑉ
ᐅᖄᓚᐅᑖ: (867) 975-6004
