ᓄᓇᕗᑦ ᑐᓐᖓᕕᒃ ᑎᒥᖓᑕ ᐊᖓᔪᖅᑳᖓᑦ ᕿᒃᓵᕈᑎᓕᒃ ᓘᑲᓯ ᐃᕙᓗᖕᒥᑦ
ᓄᓇᕗᑦ ᑐᓐᖓᕕᒃᑯ ᑎᒥᖓᑕ ᐊᖓᔪᖅᑳᖓᑦ ᑳᑎ ᑕᐅᑐᖏ ᐅᑉᓗᒥ ᐅᖃᖅᑐᖅ ᐃᒃᐱᖕᓇᖅᑐᒃᑯᑦ ᓇᒡᓕᒍᓱᖕᓂᐊᓂᒃ ᒪᒥᐊᖦᖢᓂ ᓘᑲᓯ ᐃᕙᓘᑉ ᐃᓚᖏᓐᓄᑦ ᐃᓅᔪᓐᓇᐃᖅᑎᓪᓗᒍ ᐱᓇᓱᐊᕈᓯᑉ ᓄᓐᖑᐊᓂ.
ᐃᕙᓗ ᐅᐱᒋᔭᐅᔪᖅ ᐃᓄᑐᖃᐅᓪᓗᓂ ᐃᒡᓗᓕᖕᒥᐅᑦ ᐊᒻᒪᓗ ᐱᔨᑦᑎᖃᑦᑕᖅᓯᒪᔪᖅ ᐊᖓᔪᖅᑳᖑᓂᕐᒥᑦ ᕿᑭᖅᑖᓗᖕᒥ ᐃᓄᐃᑦ ᑲᑐᔾᔨᖃᑎᒌᖏᓐᓄᑦ 1980-ᓂᑦ ᐊᑐᖅᑎᓪᓗᒋᑦ. ᑕᐃᑦᓱᒪᓂ, ᐱᓕᕆᓪᓗᐊᖅᓯᒪᔪᖅ ᐱᓕᕆᐊᕆᒻᒪᕆᒃᖢᓂᒋᑦ ᒐᕙᒪᓕᕆᓂᕐᒧᑦ ᐊᐅᓚᓂᐅᓚᐅᖅᑐᓂᒃ ᑲᔪᓯᓪᓗᑎᒃᓗ ᐊᑎᓕᐅᕆᓂᕐᒥᑦ ᓄᓇᕗᒥ ᓄᓇᑖᕈᑎᓄᑦ ᐊᖏᕈᑎᓂᒃ ᐊᒻᒪᓗ ᑭᖑᓂᐊᒍᑦ ᓴᖅᑭᑎᑕᐅᑎᓪᓗᒍ ᓄᓇᕗᑦ. ᐃᕙᓗ ᐱᔨᑦᑎᕋᖅᓯᒪᔪᖅ ᒪᐃᔭᒋᔭᐅᓂᕐᒥᑦ ᕼᐋᒪᓚᖓᓐᓄᑦ ᐃᒡᓗᓕᐅᑉ ᐊᒻᒪᓗ ᓱᓕ ᐃᓚᒋᔭᐅᓂᕐᒥᑦ ᓄᓇᓕᖕᒥ ᕿᓂᖅᑎᑦ ᑲᑎᒪᔨᕋᓛᖏᓐᓄᑦ.
“ᑭᖑᓂᖃᓛᕐᓂᐊᖅᑕᒃᑲ ᐱᖅᑯᓯᑐᖃᒃᑯᑦ ᖃᐅᔨᒪᓂᐊ ᐊᒻᒪᓗ ᐃᓕᖅᑯᓯᑐᖃᒃᑯᑦ ᓯᓚᑐᓂᐊ. ᓘᑲᓯ ᐃᓚᓐᓈᕆᓚᐅᖅᑕᕋ ᐊᒻᒪᓗ ᐃᓕᓴᕐᕕᒋᓯᒪᓪᓗᒍ ᐊᖏᔪᒥᑦ, ᐊᒻᒪᓗ ᐊᖅᑯᓯᐅᖅᓯᒪᔪᖅ ᐃᓄᖕᓂᒃ ᐅᓄᖅᑐᓂᒃ ᐊᔾᔨᒌᖏᑦᑐᑎᒍᑦ. ᐅᖃᕈᒪᔪᖓ ᓱᓕᑦᑎᐊᖅᑐᓂᒃ …