ᑐᓴᕋᑦᓴᓕᕆᔩᑦ

ᓄᓇᕗᑦ ᑐᓐᖓᕕᒃ ᑎᒥᖓᑕ ᓂᑉᓕᖅᑐᖅ ᐃᑲᔪᖅᑐᐃᓂᐊᑦ ᑲᓇᑕᓕᒫᒥ ᖃᐅᔨᓇᓱᐊᕐᓂᕐᒧᑦ

ᓄᓇᕗᑦ ᑐᓐᖓᕕᒃ ᑎᒥᖓᑕ ᐊᖓᔪᖅᑳᑉ ᑐᖏᓕᐊ ᔭᐃᒻᔅ ᐃᑦᑐᓗᒃ ᐅᓪᓗᒥ ᓇᓗᓇᐃᖅᓯᔪᖅ ᐃᑲᔪᐃᓂᕐᒥᑦ ᑲᓇᑕᓕᒫᒥ ᖃᐅᔨᓇᓱᐊᕐᓂᕐᒥᑦ ᓇᓂᔭᐅᓚᐅᖅᓯᒪᖏᑦᑐᓂᒃ ᐊᒻᒪᓗ ᐃᓄᐊᖅᑕᐅᓂᒃᑯᓂ ᓄᓇᖃᖅᑳᖅᓯᒪᒧᑦ ᐊᕐᓇᖏᓐᓂᒃ ᐊᒻᒪᓗ ᓂᕕᐊᖅᓵᓂᒃ ᑲᓇᑕᒥ.

“ᓄᓇᕗᑦ ᑐᓐᖓᕕᒃ ᑎᒥᖓᑦ ᑲᓇᑕᓕᒫᒥ ᖃᐅᔨᓇᓱᐊᕐᓂᐅᔪᓂᒃ ᐃᑲᔪᖅᑐᐃᔪᑦ. ᖃᐅᔨᓇᓱᐊᕐᓂᖅ ᐱᔭᕆᐊᖃᖅᑐᖅ ᐊᒻᒪᓗ ᐊᑦᑕᓇᖅᖢᓂ ᐊᑉᓗᕆᐊᕐᓂᖅ ᐃᒪᓐᓇ ᐊᖅᑭᒃᐹᓪᓕᕋᓱᒃᖢᒋᑦ ᐱᖅᑯᓯᖏᑦ ᑲᓇᑕᐅᑉ ᑲᒪᓂᕆᕙᒃᑕᖏᓐᓄᓪᓗ ᖃᓄᑎᒋᑦ ᓄᓇᖃᖅᑳᖅᓯᒪᔪᑦ ᐊᕐᓇᖏᓐᓂᒃ ᐊᒻᒪᓗ ᐱᕋᔭᖕᓂᐅᔪᑦ ᓄᓇᖃᖅᑳᖅᓯᒪᔪᑦ ᐊᕐᓇᖏᓐᓂᒃ,”. “ᐅᖃᖅᑐᖅ ᐃᑦᑐᓗᒃ. “ᓂᑯᕕᑦᑐᒍᑦ ᐊᑕᐅᓯᒃᑯᑦ ᑲᑐᔾᔨᓂᒃᑯᓪᓗ ᐃᓚᒋᓪᓗᒋᑦ ᑎᒥᐅᔪᑦ ᐊᒻᒪᓗ ᓂᐱᖃᖅᓕᕐᓗᑕ ᐅᖃᕐᓂᒃᑯᑦ ᖃᐅᔨᓇᓱᐊᕐᓂᕐᒥᑦ ᐃᒪᓐᓇ ᓇᓂᓯᓗᑕ ᐊᖅᑭᒍᑕᐅᓂᐊᖅᑐᓂᑦ ᐊᒻᒪᓗ ᑲᒪᒋᓗᒋᑦ ᑐᑭᖏᑕ ᐱᔾᔪᑎᖏᑦ ᐱᑎᑦᑎᕙᖕᓂᖏᑦ ᓄᓇᖃᖅᑳᖅᓯᒪᔪᑦ ᐊᕐᓇᐃᑦ  ᓱᒃᑯᔨᐊᖃᖃᑦᑕᕐᓂᖅ ᐋᓐᓂᖅᑎᕆᓂᒃᑯᑦ ᐊᖏᔪᐊᓗᖕᒥᑦ ᐊᒥᓲᓂᖅᓴᐃᑦ ᓄᓇᖃᖅᑳᖅᓯᒪᖏᑦᑐᑦ ᐊᕐᓇᖏᓐᓂᒃ.”

ᑲᓇᑕᓕᒫᒥ ᐊᐅᓚᑎᓂᕐᒧᑦ ᑕᐅᑦᑐᖏᑦ ᒪᑯᐊ ᐱᓪᓗᒋᑦ ᓇᓂᔭᐅᒪᐅᖅᓯᒪᖏᑦᑐᑦ ᐊᓯᐅᓯᒪᔪᑦ ᐊᒻᒪᓗ ᐃᓄᐊᖅᑕᐅᕙᒃᑐᑦ ᓄᓇᖃᖅᑳᖅᓯᒪᔪᑦ ᐊᕐᓇᖏᓐᓂᑦ ᓴᖅᑭᑎᑕᐅᓯᒪᔪᑦ ᐅᑯᓄᖓ ᐳᕿᖅᑕᓕᖕᓄᑦ ᒪᐃ 2014 ᓇᓗᓇᐃᖅᓯᓯᒪᔪᑦ 1,181 ᓇᓂᔭᐅᓚᐅᖅᓯᒪᖏᑦᑐᑦ ᐊᓯᐅᔪᑦ ᐊᒻᒪᓗ ᐃᓄᐊᖅᑕᐅᓯᒪᔪᑦ ᓄᓇᖃᖅᑳᖅᓯᒪᔪᑦ ᐊᕐᓇᐃᑦ ᑲᓇᑕᒥ ᐳᑭᖅᑕᓖᑦ ᓄᐊᓯᒪᔭᖏᑦ ᐊᑯᓐᓂᖏᓐᓂ ᐅᑯᐊ 1980 ᐊᒻᒪᓗ 2012. ᓱᓕᓂᐅᔪᓄᑦ ᓴᖅᑭᓯᒪᔪᑦ ᑐᑭᓯᓇᑦᑎᐊᖅᑐᑦ ᑕᑯᒃᓴᐅᑎᑦᑎᓪᓗᑎᒃᓗ ᖁᑦᑎᖕᓂᖏᓐᓂᒃ ᐋᓐᓂᖅᑎᕆᓂᐅᔪᑦ ᓄᓇᖃᖅᑳᖅᓯᒪᔪᑦ ᐊᕐᓇᖏᓐᓂᒃ. ᑕᒪᓐᓇ ᐊᒃᓱᕈᕐᓇᖅᑐᐊᓗᐃᑦ ᐊᒻᒪᓗ ᓇᖕᒪᖏᑦᑐᐊᓗᐃᑦ ᐅᑉᓗᒥ.

ᓄᓇᕗᑦ ᑐᓐᖓᕕᒃ ᑎᒥᖓᑕ 2013-14 ᐅᑭᐅᖏᓐᓂ ᐊᕐᕌᒍᑕᒫᖅᓯᐅᑎᑦ ᐅᓂᒃᑳᖏᓐᓂ ᑕᒪᑦᓱᒧᖓ ᐃᓕᖅᑯᓯᕆᓕᖅᑕᖏᓐᓂ ᖃᓄᐃᓕᖓᓂᕐᒧᑦ ᐃᓄᐃᑦ ᐱᖅᑯᓯᖏᑦ ᐊᒻᒪᓗ ᐃᓅᖃᑎᓂᐅᔪᑦ ᐅᖃᖅᓯᒪᔪᑦ ᐅᓇ “ᓄᓇᕗᑦ ᐃᒪᓐᓇᐃᓐᓂᐊᓂ ᐅᓗᕆᐊᓇᓛᖑᓂᐊᓂ ᑲᑉᐱᐊᓇᕐᓗᓂ ᓄᓇᐅᔪᑦ ᑲᓇᑕᒥ ᐃᒪᓐᓇᓗ ᐊᕐᓇᐅᓗᓂ ᐅᕝᕙᓘᓐᓃᑦ ᓱᕈᓯᐅᓗᓂ. ᐊᕐᓇᐃᑦ ᓄᓇᕗᒥ ᐱᕋᔭᒡᕕᐅᕙᒃᑐᑦ ᐊᓐᓂᖅᑎᖅᑕᐅᓂᕐᒧᑦ ᐱᕋᔭᒃᓂᒃᑯᑦ ᑕᐅᑐᒃᖢᒍ ᑕᒪᓐᓇ.”

“ᓄᓇᕗᑦ ᑐᓐᖓᕕᒃ ᑎᒥᖓᑦ ᐃᓕᑕᖅᓯᓯᒪᔪᖅ ᐋᓐᓂᖅᑎᕆᓂᖅᑕᖃᖅᐸᖕᓂᐊᓂᒃ ᓄᓇᕗᑦ ᓄᓇᓕᖏᓐᓂ. ᐃᑲᔪᖅᑐᐃᔭᕆᐊᖃᖅᑐᒍᑦ ᐊᒻᒪᓗ ᐊᑐᖅᑕᐅᔭᕆᐊᖃᖅᑐᑦ ᐱᔾᔪᑎᒃᓴᐃᑦ ᐃᓱᓕᒍᑕᐅᓗᑎᒃ ᐱᑦᑎᐊᖏᕝᕕᖃᖃᑦᑕᕐᓂᕐᓂᑦ ᐊᕐᓇᓂᒃ ᐊᒻᒪᓗ ᓄᑕᖅᑲᓂᒃ. ᑭᐅᓗᓂ ᑕᒪᑦᓱᒧᖓ ᓈᒻᒪᖏᑦᑐᓄᑦ ᓴᖅᑯᒥᑎᓪᓗᒋᑦ ᓯᕗᓪᓕᐅᑎᔭᐅᓗᑎᒃᓗ ᐅᑯᓄᖓ ᓄᓇᕗᑦ ᒐᕙᒪᒃᑯᖏᓐᓄᑦ ᐊᒻᒪᓗ ᑲᓇᑕᐅᑉ ᒐᕙᒪᒃᑯᖏᓐᓄᑦ ᑲᓇᑕᒥ,” ᐅᖃᖅᑐᖅ ᐃᑦᑐᓗᒃ.

ᓱᓕ ᑐᑭᓯᒋᐊᒃᑲᓐᓂᕈᒪᒍᕕᑦ:

ᑭᐅᕆ ᒪᑲᓪᔅᑭ

ᑐᑭᒧᐊᒃᑎᑦᑎᔨ ᑐᓴᐅᒪᖃᑦᑕᐅᑎᓕᕆᔨᒃᑯᓐᓄᑦ

ᓄᓇᕗᑦ ᑐᓐᖓᕕᒃ ᑎᒥᖓᑦ

www.tunngavik.com

ᑐᑭᓯᒋᐊᒃᑲᓐᓂᕈᒪᒍᕕᑦ ᓱᓕ:
ᓄᓇᕗᑦ ᑐᓐᖓᕕᒃᑯᑦ ᑎᒥᖁᑎᖓᑦ
ᐅᖄᓚᐅᑦ:
ᐅᖓᓯᒃᑐᒥᒃ ᐊᑭᖃᖏᑦᑐᖅ: