ᓄᓇᕗᑦ ᑐᓐᖓᕕᒃᑯᑦ ᐊᖓᔪᖅᑳᖓᑦ ᑳᑎ ᑕᐅᑐᓐᖏ ᐅᓪᓗᒥ ᖁᕕᐊᓲᑎᖃᖅᑲᐅᔪᖅ ᓃᑕᓐ ᐅᕕᑦ ᓵᓚᒃᓴᕐᓂᖓᓄᑦ ᓂᕈᐊᖅᓯᖅᑎᓪᓗᒋᑦ ᐃᓄᐃᑦ ᑕᐱᕇᑦ ᑲᓇᑕᒥ ᐊᖓᔪᖅᑳᐊᖓᓐᓄᑦ. ᓃᑕᓐ ᓂᕈᐊᖅᑕᐅᓚᐅᖅᑐᖅ ᐊᖓᔪᖅᑳᖑᓂᕐᒧᑦ ᐃᒃᐸᒃᓴᖅ ᑖᒃᑯᐊ ᐃᓄᐃᑦ ᑕᐱᕇᑦ ᑲᓇᑕᒥ ᑲᑎᒪᕕᒡᔪᐊᕐᓂᖃᖅᑎᓪᓗᒋᑦ ᐃᖃᓗᒃᑑᑦᑎᐊᖅ, ᓄᓇᕗᒥ.

“ᐱᓕᕆᖃᑎᒋᓯᒪᒐᒃᑯ ᓃᑕ ᐊᕐᕌᒍᓄᑦ ᖃᑦᓯᑲᓪᓚᖕᓄᑦ ᑐᑭᒧᐊᒃᑎᒋᔭᐅᑎᓪᓗᒍ ᓄᓇᕗᑦ ᑐᓐᖓᕕᒃᑯᑦ ᐃᓄᓕᕆᓂᕐᒧᑦ, ᐃᓕᖅᑯᓯᓕᕆᓂᕐᒧᓪᓗ ᐱᓕᕆᕕᐊᓂ. ᓇᓪᓕᒍᓱᒻᒪᕆᒃᑐᖅ ᐃᓄᖕᓂᑦ ᐊᒻᒪ ᐊᑐᖅᐸᒃᑐᓂᐅᒃ ᓇᓪᓕᒍᓱᖕᓂᓂ ᐊᒻᒪ ᓴᓐᖏᔫᓪᓗᓂ ᓯᕗᓪᓕᖅᑎᐅᔪᓐᓇᖅᑐᖅ ᑐᒃᒧᐊᒃᑎᓪᓗᒍ ᑲᓇᑕᒥ ᐃᓄᐃᑦ ᑲᑐᔾᔨᖃᑎᒌᖓᑦ. ᐱᓕᕆᖃᑎᒋᑦᓯᐊᖏᓐᓇᕈᒪᓂᐊᖅᑕᕋ ᓃᑕᓐ,” ᐅᖃᖅᑐᖅ ᑕᐅᑐᓐᖏ.

ᐅᕕᑦ ᐃᓂᖃᖃᑦᑕᖅᓯᒪᔪᖅ ᐃᓄᐃᑦ ᑕᐱᕇᑦ ᑲᓇᑕᒥ ᐊᒻᒪ ᓛᕙᑐᐊᒥ ᐃᓄᐃᑦ ᑲᑐᔾᔨᖃᑎᒌᖏᓐᓂ, ᓄᓇᓯᐊᕗᑦ ᒐᕙᒪᑖᐅᖅᑎᓐᓇᒋᑦ. ᓄᖅᑲᐅᑎᔭᖓ ᐃᓂᓂ ᓄᓇᕗᑦ ᑐᓐᖓᕕᒃᑯᓐᓂ, ᐱᒋᐊᑲᐅᑎᒋᓪᓗᓂ ᓄᖅᑲᕐᓂᖓ.

ᑕᐅᑐᓐᖏ ᖁᔭᓐᓇᒦ*ᑐᖅ ᓴᖅᑭᐅᒪᑦᓯᐊᓚᐅᖅᑐᒥᒃ ᐊᖓᔪᖅᑳᖑᓪᓗᓂ ᑎᐅᕆ ᐊᐅᓪᓚᖅ ᐊᕐᕌᒍᓂᒃ ᐱᔨᑦᓯᖅᑲᐅᖕᒪᑦ ᑖᒃᑯᓄᖓ ᐃᓄᐃᑦ ᑕᐱᕇᑦ ᑲᓇᑕᒥ.